Қала құрылысы жобаларын (елді мекендердің бас жоспарлары, егжей-тегжейлі жоспарлау жобалары мен құрылыс салу жобаларын) әзірлеу, келісу және бекіту қағидаларын бекіту туралы

      Ескерту. Тақырып жаңа редакцияда - ҚР Индустрия және инфрақұрылымдық даму министрінің 04.08.2023 № 563 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасы Заңының 20-бабы 15-2) тармақшасына сәйкес БҰЙЫРАМЫН:

      1. Қоса беріліп отырған Қала құрылысы жобаларын (елді мекендердің бас жоспарлары, егжей-тегжейлі жоспарлау жобалары мен құрылыс салу жобаларын) әзірлеу, келісу және бекіту қағидалары бекітілсін.

      2. Қазақстан Республикасы Индустрия және инфрақұрылымдық даму министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрықтың Қазақстан Республикасы Индустрия және инфрақұрылымдық даму министрлігінің интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Индустрия және инфрақұрылымдық даму вице-министріне жүктелсін.

      4. Осы бұйрық алғаш ресми жарияланған күнінен кейін күнтізбелік он күн өткен соң қолданысқа енгізіледі.

Қала құрылысы жобаларын (елді мекендердің бас жоспарлары, егжей-тегжейлі жоспарлау жобалары мен құрылыс салу жобаларын) әзірлеу, келісу және бекіту қағидалары

      Ескерту. Тақырып жаңа редакцияда - ҚР Индустрия және инфрақұрылымдық даму министрінің 04.08.2023 № 563 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Қала құрылысы жобаларын (елді мекендердің бас жоспарлары, егжей-тегжейлі жоспарлау жобалары мен құрылыс салу жобаларын) әзірлеу, келісу және бекіту қағидалары (бұдан әрі – Қағидалар) "Қазақстан Республикасындағы сәулет, қала құрылысы және құрылыс қызметі туралы" Қазақстан Республикасының Заңына (бұдан әрі – Заң), өзге де нормативтік құқықтық актілерге сәйкес әзірленді және қала құрылысы жобаларын (елді мекендердің бас жоспарлары, егжей-тегжейлі жоспарлау жобалары мен құрылыс салу жобаларын) әзірлеуі, келісуі және бекітуі жөніндегі тәртіпті белгілейді.

      2. Осы Қағидаларда мынадай ұғымдар пайдаланылады:

      1) егжей-тегжейлі жоспарлау жобалары (бұдан әрі – ЕТЖЖ) – елді мекендер аумақтарының жекелеген бөліктері мен функционалдық аймақтары, сондай-ақ елді мекендердің шегінен тыс жерде орналасқан аумақтар үшін әзірленетін қала құрылысы жобасы;

      1-1) елді мекендердің бас жоспары (бұдан әрі – бас жоспар) – қаланы, кентті, ауылды не басқа тұғылықты жерлерді дамыту мен салуды кешенді жоспарлаудың, олардың аумағын аймақтарға бөлуді, жоспарлау құрылымы мен функционалдық ұйымдастыруды, көлік және инженерлік инфрақұрылымдар, көгалдандыру және абаттандыру жүйесін белгілейтін қала құрылысы жобасы;

      2) инвестор – Қазақстан Республикасында инвестицияларды жүзеге асыратын жеке немесе заңды тұлға;

      2-1) қоғамдық тыңдаулар – ашық жиналыстар өткізу, көпшілік талқылауларын жүргізу арқылы сәулет, қала құрылысы және құрылыс мәселелері қозғалатын мемлекеттік және басқарушылық шешімдерді қабылдауға қоғамның қатысу нысандарының бірі;

      3) құрылыс салу жобасы – бекітілген қызыл сызықтардың шекарасында немесе жер учаскелерінің шекарасында орамдар, шағын аудандар аумақтары және елді мекендердің жоспарлау құрылымының басқа элементтері үшін әзірленетін қала құрылысы жобасы;

      4) орындаушы – қызметтің тиісті түріне лицензиясы бар, Қазақстан Республикасының заңнамасына сәйкес құрылыс саласында тапсырыс берушімен жүзеге асыратын тұлғамен жасалатын мердігерлік шарт немесе мемлекеттік сатып алу туралы шарт бойынша сәулет және қала құрылысы саласында жобалау қызметін орындайтын жеке немесе заңды тұлға;

      5) тапсырыс беруші – қызметін Қазақстан Республикасының сәулет, қала құрылысы және құрылыс қызметі туралы заңнамасына сәйкес жүзеге асыратын жеке немесе заңды тұлға. Жобаның (бағдарламаның) тапсырыс беруші-инвесторы, тапсырыс беруші (меншік иесі), құрылыс салушы не олардың уәкілетті адамдары қызмет мақсаттарына қарай тапсырыс беруші бола алады.

      2-1. Бас жоспарлар аумақтарды қала құрылысын жоспарлаудың кешенді схемаларына (аудандық жоспарлау жобалары) сәйкес және Қазақстан Республикасының әуе кеңiстiгiн пайдалану және авиация қызметі туралы Қазақстан Республикасының заңнамасымен қарастырылған шектеулерді ескере отырып әзірленеді.

      2-2. Кешенді қала құрылысы сараптамасынан өткен және оң қорытынды алған қала құрылысы жобаларына оны бекіткенге дейін өзгерістер мен толықтырулар енгізуге жол берілмейді.

      2-3. Кешенді қала құрылысы сараптамасынан өтпеген және оның оң қортыныдысын алмағын барлық деңгейдегі қала құрылысы жобалары бекітуге жатпайды.

      2-4. ЕТЖЖ-ның тапсырыс берушісі кешенді қала құрылысы сараптамасынан өткенге дейін Мемлекеттік қала құрылысы кадастры автоматтандырылған ақпараттық жүйесін қолдана отырып, олардың функционалдық аймақтардың елді мекеннің бекітілген бас жоспарына сәйкестігіне тексеруді қамтамасыз етеді.

      2-5. Азаматтық қорғаныс бойынша топтарға жатқызылған елді мекеннің бас жоспары "Азаматтық қорғаныстың инженерлік-техникалық іс-шараларының көлемі мен мазмұнын бекіту туралы" Қазақстан Республикасы Ішкі істер министрінің 2014 жылғы 24 қазандағы № 732 бұйрығымен бекітілген (Нормативтік құқықтық актілерді мемлекеттік тіркеу тізілімінде № 9922 болып тіркелген) азаматтық қорғаныстың инженерлік-техникалық іс-шараларының көлемі мен мазмұнына сәйкес азаматтық қорғаныстың инженерлік-техникалық іс-шараларын есепке ала отырып әзірленеді.

      2.6. Бас жоспарлар Қазақстан Республикасы Жер кодексінің (бұдан әрі – Кодекс) 121-бабы 2-тармағының 4) тармақшасының талаптарын және Қазақстан Республикасы Үкіметінің 2011 жылғы 12 мамырдағы № 504 қаулысымен бекітілген Әуе кемелерінің ұшу қауіпсіздігіне қатер төндіруі мүмкін қызметті жүзеге асыруға рұқсаттар беру қағидаларын есепке ала отырып әзірленеді.

      3. ЕТЖЖ және құрылыс салу жобалары белгіленген тәртіппен бекітілген елді мекеннің бас жоспары негізінде осы Қағидаларға 1-қосымшаға сәйкес жобалауға арналған тапсырмаға (бұдан әрі – Тапсырма) сәйкес әзірленеді.

      4. ЕТЖЖ жəне/немесе құрылыс салу жобалары бас жоспарларында белгіленген жоспарлы құрылым элементтеріне, қала құрылысы регламенттеріне жəне бірыңғай сəулет стилінің тұжырымдамасына сəйкес əзірленеді.

      Бұл ретте ЕТЖЖ және/немесе құрылыс салу жобалары мемлекеттік органдардың ақпараттық жүйелеріндегі мәліметтерді есепке ала отырып, Кодекстің 43, 44, 44-1 және 45-баптарында көзделген игерілген жер учаскелері және/немесе жер учаскелеріне жеке меншік, сондай-ақ уақытша жер пайдалану құқығын есепке ала отырып әзірленеді.

      5. Бірыңғай сәулет стилінің тұжырымдамасы астана, республикалық және облыстық маңызы бар қалалар үшін көзделеді.

      6. Қалалар аумағының жекелеген бөліктерін қала құрылысын игеру жобалары (ЕТЖЖ, өнеркәсіптік аймақты жоспарлау жобалары және құрылыс салу жобалары) ғимараттар мен құрылыстарды, олардың кешендерін салуға арналған техникалықэкономикалық негіздемелер немесе жобалау-сметалық құжаттама құрамындағы ахуалдық жоспарлар мен объектілердің бас жоспарларын қоспағанда, қолданыстағы бас жоспардан туынды болып табылады.

      7. Бас жоспарларды, тұрғындарының саны бес мың адамға дейінгі ауылдық елді мекендердің бас жоспарлары – даму және құрылыс салу схемалары (халқының саны аз елді мекендердің бас жоспарларының оңайлатылған нұсқасы), ЕТЖЖ және құрылыс жобаларын әзірлеуді ұйымдастыруды сәулет және қала құрылысы саласындағы функцияларды жүзеге асыратын жергілікті атқарушы органның құрылымдық бөлімшесі жүзеге асырады.

      8. Мемлекеттік қала құрылысы кадастрының дерекқорына енгізу үшін бекітілген бас жоспарларды, қала құрылысы құжаттарын векторлық түрде (бас жоспарларды, тұрғындарының саны бес мың адамға дейінгі ауылдық елді мекендердің бас жоспарлары – даму және құрылыс салу схемаларын (халқының саны аз елді мекендердің бас жоспарларының оңайлатылған нұсқасы), егжей-тегжейлі жоспарлау жобасы, құрылыс салу жобасы) беру "Қазақстан Республикасының мемлекеттік қала құрылысы кадастрын жүргізудің және одан ақпарат және (немесе) мәліметтер ұсынудың қағидаларын бекіту туралы" Қазақстан Республикасы Ұлттық экономика министрінің 2015 жылғы 20 наурыздағы № 244 бұйрығымен бекітілген (Нормативтік құқықтық актілерді мемлекеттік тіркеу тізілімінде № 11111 болып тіркелген) Қазақстан Республикасының мемлекеттік қала құрылысы кадастрын жүргізудің және одан ақпарат және (немесе) мәліметтер ұсынудың қағидаларына сәйкес ұсынады.

      9. Қала құрылысы жобасының схемалары мемлекеттік қала құрылысы кадастрының талаптарын ескере отырып, геоақпараттық жүйелерді – бірыңғай анықтамалар мен жіктеуіштер жүйесінде технологияларды қолдана отырып, электрондық түрде әзірленеді.

      ЕТЖЖ және құрылыс салу жобасының жіктеуіші осы Қағидаларға 2-қосымшаға сәйкес болады.

1-1-тарау. Бас жоспарларды әзірлеу, келісу және бекіту

      Ескерту. Қағида 1-1-тараумен толықтырылды - ҚР Индустрия және инфрақұрылымдық даму министрінің 04.08.2023 № 563 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      9-1. Бас жоспар елді мекеннің аумақтарын жоспарлауға кешенді көзқарасты қамтамасыз ету мақсатында әзірленеді. Әртүрлі функционалдық мақсаттағы аймақтардың шекаралары қызыл сызықтарды, табиғи объектілердің табиғи шекараларын және жер учаскелерінің шекараларын ескере отырып белгіленеді.

      Кварталдар (шағын аудандар) аумағының шекарасы жалпықалалық, аудандық маңызы бар автомобиль жолдарының және тұрғын көшелердiң қызыл сызықтары, сондай-ақ өзге де функционалдық мақсаттағы аумақтардың шекаралары мен табиғи объектiлердiң табиғи шекаралары болып табылады.

      9-2. Бас жоспар әлеуметтік және экологиялық өлшемшарттарға негізделген, адам қажеттіліктері мен аумақтың ресурстық мүмкіндіктерін жан-жақты есепке алып, жайлы өмір сүру ортасын құруға негізделген негізгі қала құрылысының құжаты болып табылады.

      Бас жоспар халық саны мен жұмыспен қамтылуының өсу болжамын анықтау, жобаланатын аумақтағы инвестициялық үдерістерді перспективалық жоспарлау, қаланың аумақтық дамуының ұзақ мерзімді перспективаларын, қаланың аумақтық дамуының бағыттарын, жоспарлау құрылымын қалыптастыру, аумақты, коммуналдық объектілерді қалалық аймақтарға бөлу, көлік қызметін ұйымдастыру, инженерлік жабдықтар жүйесін дамыту, аумақты инженерлік дайындау және абаттандыру, аумақты қауіпті табиғи және техногендік әсерлерден қорғау процестер, табиғи ортаны және тарихи-мәдени мұраны қорғауды анықтау мақсатында әзірленеді.

      9-3. Халықтың есептік саны жүз мың тұрғыннан асатын қалалардың бас жоспарлары екі кезеңде әзірленеді және мыналарды қамтиды:

      бірінші кезең (елді мекенді дамытудың ұзақ мерзімді болжамы (тұжырымдамасы)) – 25-30 жылға арналған стратегиялық қала құрылысын дамытудың негізгі қағидаттары мен бағыттарын әзірлей отырып, аумақтар мен елді мекендерді қала құрылысын аймақтарға бөлудің тұжырымдамалық ережелерін әзірлеу;

      екінші кезең (бас жоспар) – құрылыстың негізгі кезеңдерін қамтитын жоспарлау құрылымының элементтерін егжей-тегжейлі зерделеу арқылы стратегиялық қала құрылысының негізгі принциптері мен бағыттарын егжей-тегжейлі көрсету (басымдық 5-7 жыл, есептік кезең 15-20 жыл).

      9-4. Бас жоспардың құрамында халықтың саны жүз мың адамға дейінгі қалалар мен ауылдық елді мекендерді дамытудың ұзақ мерзімді болжамы орындалады.

      9-5. Халықтың саны жиырма мың адамға дейінгі елді мекендердің құрылыстың негізгі кезеңдерін қамтитын бас жоспарлары елді мекеннің бүкіл аумағына ЕТЖЖ-мен біріктіріліп әзірленуі тиіс (басымдық 5-7 жыл, есептік кезең 15-20 жыл).

      9-6. Тұрғындардың саны бес мың адамға дейінгі ауылдық елді мекендердің құрылыстың негізгі кезеңдерін қамтитын бас жоспарлары – даму және құрылыс салу схемалары (халқының саны аз елді мекендердің бас жоспарларының оңайлатылған нұсқасы) бір кезеңде әзірленеді және елді мекеннің бүкіл аумағына ЕТЖЖ-мен біріктіріледі (басымдық 5-7 жыл, есептік кезең 15-20 жыл).

      9-7. Елдi мекендi дамытудың ұзақ мерзiмдi болжамы (тұжырымдамасы) қала жағдайларын жан-жақты талдау және елдi мекендiң экономикалық, әлеуметтiк-мәдени және аумақтық-функционалдық даму бағыттарының оңтайлы нұсқасын анықтау мақсатында әзiрленедi. ресурстық әлеует және кезең-кезеңімен іске асыру және мыналарды қамтиды:

      қаланың жоспарлау құрылымы дамуының тарихи ерекшеліктерін талдау;

      аумақтарды кешенді қала құрылысы және экологиялық бағалау;

      инженерлік-көлік инфрақұрылымының жай-күйін бағалау;

      аумақтардың қала құрылысы құндылығын (әлеуетін) бағалау;

      тұрғын үй бағдарламасының қағидаттары (тұрғын үйлердің түрлері бойынша құрылымы, демографиялық және әлеуметтік тәртіпті ескере отырып жоспарлау ерекшеліктері);

      қаланың қала құраушы базасын дамыту нұсқалары;

      инженерлік-көліктік инфрақұрылымды дамыту қағидаттары;

      қала кеңістігін композициялық ұйымдастыру принциптері;

      функционалдық жоспарлауды дамыту моделі.

      Тұжырымдама кезеңі үшін жобалау материалдарының мынадай құрамы көзделеді:

      1) 1:50000 - 1:10000 масштабтағы елді мекеннің елді мекен жүйесіндегі (қала маңындағы және жасыл аймақтары бар) жағдайының схемасы;

      2) 1:25000 -1:10000 масштабтағы аумақты қазіргі заманғы пайдалану жоспары (негізгі жоспар);

      3) қаланың жоспарлау құрылымын еркін масштабта дамытудың ретроспективті схемалары;

      4) 1:25000-1:5000 масштабтағы аумақты кешенді қала құрылысын және экологиялық бағалау;

      5) ерікті масштабтағы аумақтарды дамыту нұсқалары;

      6) 1:25000-1:10000 масштабтағы қаланың аумақтық даму тұжырымдамасы (құрылымдық жоспар);

      7) 1:50000-1:10000 масштабындағы магистральдық көшелер мен жолдардың, сыртқы және қалалық көліктердің схемасы;

      8) 1:50000-1:10000 масштабтағы аумақты инженерлік жабдықтау және инженерлік қорғау схемасы;

      9) нұсқалық зерттеулер негізінде қабылданған әлеуметтік-экономикалық және құрылымдық жоспарлау шешімдерінің негіздемесі бар түсіндірме жазба.

      9-8. Елді мекеннің тұжырымдамасы ҚР СН 3.01-00-2011 "Қазақстан Республикасындағы қала құрылысы жобаларын әзірлеу, бекіту және бекіту тәртібі туралы нұсқаулық" Қазақстан Республикасының Құрылыс нормаларына (бұдан әрі – ҚР ҚН 3.01-00-2011) және "Азаматтық қорғаныстың инженерлік-техникалық іс-шараларының көлемі мен мазмұнын бекіту туралы" Қазақстан Республикасы Ішкі істер министрінің 2014 жылғы 24 қазандағы № 732 бұйрығымен бекітілген (Нормативтік құқықтық актілерді мемлекеттік тіркеу тізілімінде № 9922 болып тіркелген) азаматтық қорғаныстың инженерлік-техникалық іс-шараларының көлемі мен мазмұнына сәйкес әзірленеді.

      9-9. Халықтың есептік саны бес жүз мың тұрғыны бар және одан асатын қалаларды дамыту тұжырымдамасының графикалық материалдары 1: 25 000 масштабта, халықтың болжамды саны жүз мыңнан бес жүз мың адамға дейінгі қалалар үшін 1: 10 000 масштаб және халық саны жүз мың адамға дейінгі қалалар мен елді мекендер үшін - 1:5000 масштабта орындалады.

      Графикалық материалдардың көрсетілген масштабтарын нақты қала құрылысы жағдайына қарай әзірлеушімен келісім бойынша тапсырыс беруші белгілейді.

      Графикалық материалдар құрылымы бойынша, осы Қағидаларға 9-қосымшаға сәйкес әзірленеді.

      9-10. Бас жоспар кезеңіндегі жобалау материалдарының құрамын:

      1) елді мекеннің қоныстандыру жүйесіндегі схемасы (схеманың құрамы мен мазмұнын ҚР ҚН 3.01-00-2011 4.1.3.7.24) тармақшасына сәйкес орындау);

      2) негізгі жоспар (схеманың құрамы мен мазмұны ҚР ҚН 3.01-00-2011 4.1.3.7.25) тармақшасына сәйкес орындау);

      3) аумақты кешенді қала құрылысын бағалау (схеманың құрамы мен мазмұны ҚР ҚН 3.01-00-2011 4.1.3.7.26) тармақшасына сәйкес орындау);

      4) бас жоспар (негізгі сызба) (сұлбаның құрамы мен мазмұны ҚР ҚН 3.01-00-2011 4.1.3.7.27) тармақшасына сәйкес орындау);

      5) аумақтарды функционалдық және қала құрылысы аймақтарына бөлу схемасы (схеманың құрамы мен мазмұны ҚР 3.01-00-2011 ж. 4.1.3.7.28) тармақшасына сәйкес орындау);

      6) жол желiсi мен көлiк схемасы (схеманың құрамы мен мазмұны ҚР 3.01-00-2011 № 4.1.3.7.29) тармақшасына сәйкес орындау);

      7) көшелердің көлденең бейіндері;

      8) аумақты инженерлік жабдықтау және инженерлік дайындау схемасы (схеманың құрамы мен мазмұны ҚР ҚН 3.01-00-2011 4.1.3.7.30) тармақшасына сәйкес орындау);

      9) қоршаған ортаны қорғау схемасы (схеманың құрамы мен мазмұны ҚР ҚН 3.01-00-2011 4.1.3.7.31) тармақшасына сәйкес орындау);

      10) табиғи-экологиялық негіз (схеманың құрамы мен мазмұны ҚР ҚН 3.01-00-2011 4.1.3.7.32) тармақшасына сәйкес орындау);

      11) қабылданатын жобалық шешімдердің негіздемесі бар түсіндірме жазба (түсіндірме жазбаның құрамы мен мазмұны ҚР ҚН 3.01-00-2011 4.1.3.7.33) тармақшасына сәйкес орындау);

      12) осы Қағидаларға 10-қосымшада көрсетілген техникалық-экономикалық көрсеткіштер.

      9-11. Бас жоспардың бекітілген бөлігі осы Қағидаларға 10 және 11-қосымшаларға сәйкес жобаның негізгі көрсеткіштерін, негізгі сызба мен техникалық-экономикалық көрсеткіштерді қамтитын бас жоспардың негізгі ережелері болып табылады.

      9-12. Тұрғындардың саны бес мың адамға дейінгі ауылдық елді мекендердің бас жоспарлары – даму және құрылыс салу схемалары (халқының саны аз елді мекендердің бас жоспарларының оңайлатылған нұсқасы) 1:2000 масштабта әзірленеді.

      9-13. Тұрғындардың саны бес мың адамға дейінгі ауылдық елді мекендердің бас жоспарларының – даму және құрылыс салу схемаларының (халқының саны аз елді мекендердің бас жоспарларының оңайлатылған нұсқасы) жобалау материалдарының мынадай құрамы көзделген:

      1) 1:10 000, 1:25 000 масштабтағы әкімшілік аудан жүйесіндегі елді мекеннің орналасу схемасы;

      2) аумақта қала құрылысын жоспарлаудың кешенді схемалары (аудандық жоспарлау жобасы) және шаруашылық iшiндегi жерге орналастыру жобасының материалдарын пайдалана отырып әзірленген 1:10 000, 1:25 000 масштабтағы жер пайдалану схемасы;

      3) тірек жоспар (аумақты қазіргі заманғы пайдалану жоспары);

      4) бас жоспар (негізгі сызба);

      5) жол желісі мен көліктің схемасы, аумақты тік жоспарлау және инженерлік дайындау;

      6) инженерлік қамтамасыз ету схемасы;

      7) қоршаған ортаны қорғау схемасы;

      8) қабылданған жобалау шешімдерінің негіздемесі бар түсіндірме жазба.

      9) осы Қағидаларға 11-қосымшаға сәйкес техникалық-экономикалық көрсеткіштер.

      9-14. Қалалардың бас жоспарлары жергiлiктi атқарушы органның құрылымдық бөлiмшелерiмен, Тапсырмада айқындалған өзге де ұйымдармен келiсiледi, сондай-ақ стратегиялық экологиялық бағалау, қоршаған ортаға әсер ету рәсiмiне жатады.

      9-15. Кенттердің және ауылдық елді мекендердің бас жоспарлары кенттік және ауылдық атқарушы органдармен, жергілікті атқарушы органның құрылымдық бөлімшелерімен және Тапсырмада айқындалған өзге де ұйымдармен келісіледі.

      9-16. Қоғамдық талқылаудан өткеннен кейін бас жоспарлар "Барлық деңгейдегі қала құрылысы жобаларына кешенді қала құрылысы сараптамасын жүргізу қағидаларын бекіту туралы" Қазақстан Республикасының Ұлттық экономика министрінің 2015 жылғы 20 қарашадағы № 706 бұйрығымен бекітілген (Нормативтік құқықтық актілерді мемлекеттік тіркеудің тізілімінде № 12414 болып тіркелген) Барлық деңгейдегі қала құрылысы жобаларына кешенді қала құрылысы сараптамасын жүргізу қағидаларында (бұдан әрі – Жүргізу қағидалары) айқындалған тәртіппен кешенді қала құрылысы сараптамасына жіберіледі.

      9-17. Республикалық маңызы бар қалалардың, астананың және халқының есептік саны жүз мыңнан асатын облыстық маңызы бар қалалардың бас жоспарларының жобаларын (негізгі ережелерін қоса алғанда) Заңның 19-бабына сәйкес Қазақстан Республикасының Үкіметі бекітеді.

      9-18. Халықының есептік саны жүз мың адамға дейінгі облыстық маңызы бар қалалардың бас жоспарларының жобаларын (негізгі ережелерін қоса алғанда) Заңның 21-бабына сәйкес облыстық өкілеттік органдар бекітеді.

      9-19. Аудандық маңызы бар қалалар мен кенттердің бас жоспарларының, сондай-ақ тұрғындарының саны бес мың адамға дейінгі ауылдық елді мекендердің бас жоспарларын – даму және құрылыс салу схемаларын (халқының саны аз елді мекендердің бас жоспарларының оңайлатылған нұсқасын) Заңның 23-1-бабында көзделген аудандық өкілетті органдар бекітеді.

      9-20. Бекітілген бас жоспарлар "Қала құрылысы жобаларын, жобалау алдындағы және жобалау (жобалау-сметалық) құжаттамасын, сондай-ақ сәулет, қала құрылысы және құрылыс қызметі объектілерін мемлекеттік қала құрылысы кадастрының деректер базасында тіркеу қағидаларын бекіту туралы"

      Қазақстан Республикасы Өңірлік даму министрінің 2014 жылғы 16 маусымдағы № 172/НҚ бұйрығымен бекітілген (Нормативтік құқықтық актілерді мемлекеттік тіркеу тізілімінде № 9603 болып тіркелген) Қала құрылысы жобаларын, жобалау алдындағы және жобалау (жобалау-сметалық) құжаттамасын, сондай-ақ сәулет, қала құрылысы және құрылыс қызметі объектілерін мемлекеттік қала құрылысы кадастрының деректер базасында тіркеу қағидаларында айқындалған тәртіппен мемлекеттік қала құрылысы кадастрында тіркелуге жатады.

      Тапсырыс беруші мемлекеттік қала құрылысы кадастрына берген материалдарда осы Қағидалардың 9-қосымшасына сәйкес бас жоспардың сыныптауышына сәйкес жасалған графикалық материалдар болуы тиіс. Мәтіндік материалдар түсіндірме жазбаны, техникалық-экономикалық көрсеткіштерді қамтиды және жалпыға бірдей қабылданған электрондық беру форматтарының бірінде беріледі, сондай-ақ оларды қала құрылысының ақпараттық жүйелері мен кадастрларында пайдалану бойынша ұсынымдарды қамтиды.

      9-21. Бас жоспарда:

      1) әлеуметтiк, рекреациялық, өндірiстiк, көлiк және инженерлiк инфрақұрылымдарды және байланыс желілерін орналастыруды қоса алғанда, табиғи-климаттық, қалыптасқан және болжанып отырған демографиялық және әлеуметтiк-экономикалық жағдайлар ескерiле отырып, елдi мекеннiң аумағын дамытудың негiзгi бағыттары;

      2) осы аймақтардың аумақтарын функционалдық аймақтарға бөлу және пайдалануды шектеу;

      3) елдi мекеннiң құрылыс салынған және салынбаған аумақтарының арақатынасы;

      4) жердi басымдықпен иелiктен айыру және сатып алу аймақтары, резервтiк аумақтар;

      5) аумақты табиғи және техногендiк құбылыстар мен процестердiң қауiптi (зиянды) әсерiнен қорғау, экологиялық жағдайды жақсарту жөнiндегi шаралар;

      6) кешенді көлік схемасын, көше-жол желісінің бас схемасын және жол жүрісін ұйымдастырудың кешенді схемасын қамтитын бас жоспардың көліктік бөлімін әзірлеу жөніндегі негізгі бағыттар;

      7) елдi мекендi тұрақты дамытуды қамтамасыз ету жөнiндегi өзге де шаралар белгіленедi.

2-тарау. Егжей-тегжейлі жоспарлау жобаларын әзірлеу, келісу және бекіту

      10. ЕТЖЖ елді мекеннің жекелеген бөліктері мен функционалдық аймақтары үшін, ал қажет болған жағдайда – халықтың жобалық саны 20 мың адамға дейінгі елді мекеннің барлық аумағына әзірленеді. Бұл жағдайда ЕТЖЖ бас жоспармен біріктіріледі. ЕТЖЖ елді мекен шегінен тыс орналасқан аумақ үшін де әзірленеді.

      11. ЕТЖЖ елді мекеннің бас жоспарында белгіленген жоспарлау құрылымы элементтеріне жəне қала құрылысы регламенттеріне сəйкес 10 гектардан кем емес алаңда əзірленеді.

      12. ЕТЖЖ мыналарды белгілейді:

      1) функционалдық-қала құрылысын аймақтарға бөлуді айқындай отырып, аумақты жоспарлау ұйымдастырудың негізгі бағыттары;

      2) қызыл, сары сызықтар және құрылыс салуды реттейтін сызықтар;

      3) халыққа әлеуметтік, мәдени және коммуналдық қызмет көрсету объектілерін орналастыру, көше-жол желісін және көліктік қызмет көрсетуді ұйымдастыру, инженерлік коммуникацияларды трассалау үшін аумақты резервке қою;

      4) көшелердің көлденең қималары;

      5) аумақты абаттандыру және көгалдандыру;

      6) жария қала құрылысы шектеулері;

      7) инженерлік коммуникациялар жоспары;

      8) жол инфрақұрылымын дамыту жоспары;

      9) астана, республикалық және облыстық маңызы бар қалалар аумақтары бөлігінің бірыңғай сәулеттік стилінің тұжырымдамасы;

      10) байланыс құрылысжайларын, байланыс желілерін және инженерлік инфрақұрылымның басқа да объектілерін салу жоспарлары, сондай-ақ байланыс мұқтаждары үшін аумақты резервке қою.

      ЕТЖЖ-да халықтың жүріп-тұруы шектеулі топтарын әлеуметтік және өзге де мақсаттағы объектілерге кедергісіз қолжеткізу үшін жағдайлармен қамтамасыз ету, сондай-ақ жаңа объектілер салған кезде жаңартылатын энергия көздерін және энергия үнемдейтін технологияларды қолдану мәселелері де шешіледі.

      13. ЕТЖЖ-да ҚР ҚН 3.01-00-2011 сәйкес графикалық материалдар болады, олар мыналарды:

      қоныстану жүйесінде жобаланатын аумақтың орналасу схемасын;

      тірек жоспарын;

      құрылыс эскизін;

      қала құрылысын аймақтандыру жоспарын;

      көше-жол желісін және көлікті ұйымдастыру схемасын;

      аумақты тік жоспарлау және инженерлік дайындау схемасын;

      инженерлік қондырғылар схемасын;

      қызыл сызықтардың бөлу жоспарын;

      көшелердің көлденең профильдерін;

      қала құрылысы регламенттерінің схемасын;

      тірек тарихи-сәулет жоспарын (тарихи-сәулет мұралары бар елді мекендер үшін);

      қоршаған ортаны қорғау схемасын;

      әуе айлақтарының әуеайлақтары жанындағы аумақтарын аймақтандыру схемасын;

      электромобильдер үшін зарядтау құрылғысын орналастыру схемасын;

      байланыс құрылысжайларын, байланыс желілерін және инженерлік инфрақұрылымның басқа да объектілердің схемасын қамтиды.

      Әрбір графикалық материалға түсіндірме жазба қоса беріледі.

      14. Түсіндірме жазба құрамында мыналар болады:

      1) жобаланып отырған аумақтың даму проблемаларының сипаттамасы;

      2) қоршаған аумақтарды дамытумен байланыстыра отырып, оны дамытудың нақты мақсаттары; демографиялық талдау;

      3) демогарафиялық талдау;

      4) осы Қағидаларға 3-қосымшаға сәйкес ЕТЖЖ негізгі техникалық-экономикалық көрсеткіштері;

      5) мыналар туралы деректер:

      табиғи-климаттық жағдайларда;

      аумақты қолданыстағы функционалдық пайдалану;

      тұрғын үй, қоғамдық ғимараттар мен құрылыстар қорының жай-күйі;

      инженерлік және көлік желісі;

      аумақты абаттандыру;

      санитариялық-эпидемиологиялық жағдай және оны жақсарту жөніндегі іс-шаралар;

      қолданыстағы және орналастыру көзделіп отырған өнеркәсіптік-өндірістік объектілердің қоршаған ортаға әсерін бағалау;

      тарихи-мәдени мұраны сақтау және дамыту және т.б.;

      6) сәулет-жоспарлау шешімдері, аумақты қала құрылысын аймақтарға бөлу негіздемесі;

      7) тұрғын үйлер мен қоғамдық ғимараттардың құрылысы үшін ұсынылатын үлгілері, халыққа әлеуметтік-тұрмыстық қызмет көрсетуді ұйымдастыру принциптері бойынша ұсыныстар;

      8) аумақты меншік түрлері бойынша бөлу (қажет болған жағдайда), аумақты пайдалану регламенті, жер учаскелерінің шекаралары және қауымдық сервитуттарды белгілеу жөніндегі ұсыныстар.

      15. ЕТЖЖ құрамында Тапсырмамен айқындалатын схемалар әзірленуі мүмкін.

      16. ЕТЖЖ құрамында қала құрылысы жағынан күрделі жобаларды әзірлеу кезінде Тапсырмада белгіленген көлем мен масштабта жоспарлау және құрылыс салу макеттері немесе құрылыс салу эскизінің цифрлық моделі орындалуы мүмкін.

      17. Бұл ретте, қалақұрылысы функционалды аймақтары құрылысының тығыздығының нормативтік көрсеткіштерін "Қала құрылысы. Қалалық және ауылдық елді мекендерді жоспарлау және құрылысын салу" ҚР ЕЖ 3.01-101-2013* Қазақстан Республикасының Ережелер жиынтығының А.1-кестесіне сәйкес қабылдау ұсынылады.

      18. Қалалық аумақтардың ЕТЖЖ жергілікті атқарушы органның құрылымдық бөлімшілерімен, Тапсырмамен белгіленген басқа да ұйымдармен келісіледі, қоғамдық талқылаудан кейін Жүргізу қағидаларында айқындалған тәртіппен кешенді қала құрылысы сараптамасына жіберіледі және Заңның 25-бабына сәйкес астана, республикалық және облыстық маңызы бар атқарушы органның тиісті шешімімен бекітіледі.

      19. Кенттер мен ауылдық елді мекендер (округтер) аумақтарының ЕТЖЖ кенттік және ауылдық атқарушы органдармен, жергілікті атқарушы органның құрылымдық бөлімшелерімен, Тапсырмамен белгіленген басқа да ұйымдармен келісіледі, қоғамдық талқылаудан кейін Жүргізу қағидаларында айқындалған тәртіппен кешенді қала құрылысы сараптамасына жіберіледі және Заңның 23-1-бабына сәйкес аудандық өкілетті органдарымен бекітіледі.

      20. Осы Қағидалардың 18 және 19-тармақтарына сәйкес келісілген ЕТЖЖ электрондық жобасы бар тасымалдаушыдан тұратын жиынтықпен және үш данада қатты материалдағы (қағаздағы) оның шығыс есептерінің көшірмелерімен бекіту үшін сәулет, қала құрылысы және құрылыс қызметі саласындағы жергілікті атқарушы органның құрылымдық бөлімшесіне орындаушымен беріледі. Тасушының түрі Тапсырмамен келісіледі.

      21. ЕТЖЖ-ға енгізілетін түсіндірме жазба баспа және электрондық түрде ұсынылады. Электрондық және баспа нұсқасының мазмұны бір-біріне ұқсас. Түсіндірме жазбада ЕТЖЖ электрондық нұсқасының толық сипаттамасымен қамтылады.

      ЕТЖЖ материалдарын электрондық түрде беру Қазақстан Республикасы Үкіметінің 2016 жылғы 20 желтоқсандағы № 832 қаулысымен бекітілген Ақпараттық-коммуникациялық технологиялар және ақпараттық қауіпсіздікті қамтамасыз ету саласындағы бірыңғай талаптарға сәйкес ақпараттық қауіпсіздік талаптарын сақтай отырып жүргізіледі.

3-тарау. Құрылыс салу жобаларын әзірлеу, келісу және бекіту

      22. Құрылыс салу жобасы бекітілген қызыл сызықтардың шекарасында немесе жер учаскелерінің шекарасында орамдар, шағын аудандар аумақтары және елді мекендердің жоспарлау құрылымының басқа элементтері үшін әзірленеді.

      23. Қала құрылысы құжаттамасына және қала құрылысы регламенттеріне сәйкес әзірленеді.

      Елді мекеннің бас жоспары негізінде бекітілген ЕТЖЖ-сыз құрылыс салу жобаларын әзірлеуге жол беріледі.

      24. Құрылыс салу жобалары сәулет кешендерінің композициялық шешімін, ғимараттар мен құрылыстардың түрлерін, оларды салу немесе реконструкциялау кезектілігін, функционалдық пайдалануды, инженерлік коммуникацияларды төсеуді, аумақты абаттандыруды, көліктік қызмет көрсетуді ұйымдастыруды және жаяу жүргіншілер қозғалысының қағидаттарын, құрылысты ұйымдастыру тәртібі мен сметалық құнын айқындайды.

      25. Көшелер, алаңдар, скверлер мен бульварлар учаскелері үшін құрылыс салу жобасы құрылысты реттеу шекаралары шегінде орындалуы мүмкін.

      Құрылыс салу жобаларында халыққа əлеуметтік-тұрмыстық қызмет көрсету мекемелерін, инженерлік желілер мен құрылыстарды, аумақты абаттандыруды пайдалануға берумен бір мезгілде жұмыстардың кезең-кезеңімен аяқталуын ескере отырып, шағын аудандарды, кварталдарды, учаскелерді салу, реконструкциялау жəне абаттандыру жөніндегі ұсыныстарды көздеу қажет.

      Құрылыс салу жобаларында халықтың жүріп-тұруы шектеулі топтарын әлеуметтік және өзге де мақсаттағы объектілерге кедергісіз қолжеткізу үшін жағдайлармен қамтамасыз ету мәселелері де, сондай-ақ жаңа объектілер салған кезде жаңартылатын энергия көздерін және энергия үнемдейтін технологияларды қолдану мәселелері де шешіледі.

      26. Құрылыс салу жобалары бір немесе екі сатыда орындалады:

      құрылыс құнының жиынтық сметалық есебі бар жоба (жоба);

      квартал, шағын аудан, жер учаскесі шекарасындағы немесе жұмыс көлемі мен олардың құнын анықтай отырып, жобаны іске асыру кезеңдері бойынша құрылыс объектілеріне жұмыс құжаттамасы.

      27. Құрылыс салу жобасының сатысы мынадай құрамда әзірленеді:

      құрылыстың бас жоспары;

      абаттандыру жоспары;

      жер бедерін ұйымдастыру схемасы жер жұмыстары жоспары;

      инженерлік желілердің жиынтық жоспары;

      ғимараттар мен құрылыстардың құрамдас жоспары;

      құрылысты ұйымдастыру жобасы;

      сметалық құжаттама;

      Жобаның графикалық материалдары 1:500 немесе 1:1000 масштабта орындалады.

      Әрбір графикалық материалға түсіндірме жазба қоса беріледі.

      28. Түсіндірме жазба мыналарды қамтиды:

      1) құрылыс салудың қабылданған сәулет-жоспарлау және көлемдік-кеңістіктік шешімдерінің негіздемесі;

      2) санитариялық-эпидемиологиялық, өртке қарсы және табиғат қорғау іс-шаралары;

      3) құрылыс кезектілігі;

      4) ғимараттардың қолданылған түрлері мен түрлері және олардың конструктивтік шешімдері;

      5) аумақты инженерлік жайластыру және көгалдандыру жүйелері;

      6) халыққа қызмет көрсету ғимараттары мен үй-жайларына қажеттілік бойынша жоспарлау жобасының есептері;

      7) тұрғын және қоғамдық ғимараттарды, басқа да құрылыс элементтерін диспетчерлендіру және аумақты сыртқы абаттандыру жөніндегі ұсыныстар;

      8) осы Қағидаларға 4-қосымшаға сәйкес құрылыс салу жобаларының негізгі техникалық-экономикалық көрсеткіштері.

      29. Құрылыс жобасында топтасып дайындалатын жабдықтарға, арматураға, кабель өніміне және жаппай және сериялық өндірістің басқа да бұйымдарына ірілендірілген номенклатура бойынша жасалған ведомостар келтіріледі.

      Құрылыс салу жобасының жұмыс құжаттамасының құрамына:

      Тапсырмада көзделген барлық объектілер мен жұмыс түрлеріне арналған жұмыс сызбалары;

      сметалар;

      әрбір объектіге немесе жұмыс түріне материалдар қажеттілігінің ведомосі мен жиынтық ведомосі тапсырма негізінде орындалады;

      жабдықтарға спецификациялар, сұрау парақтары және құрылыс бөлігінің габариттік сызбалары кіреді.

      30. Ғимараттарды негізінен үлгілік және қайта қолданылатын жобалар бойынша қолдана отырып аудандарды жобалау кезінде құрылыс салу жобасы, бекітуге ұсынылатын жобалау-сметалық құжаттама және сметалары бар жұмыс құжаттамасы құрамындағы құнның жиынтық сметалық есебі бар құрылыс салудың жұмыс жобасы бір сатыда орындалуы мүмкін.

      Бекітуге ұсынылатын жобаның құрамына мыналар кіреді:

      шағын аудан (квартал) құрылысының бас жоспарының схемасы);

      құрылыстың бас жоспары;

      жер массаларының жоспары бар жер бедерін ұйымдастыру схемасы;

      инженерлік желілердің жиынтық схемасы;

      ғимараттар мен құрылыстарды құрастыру схемалары;

      құрылысты ұйымдастыру жобасы;

      құрылыс құнының жиынтық сметалық есебі;

      Жобаның графикалық материалдары 1:500 немесе 1:1000 масштабта орындалады.

      Әрбір графикалық материалға түсіндірме жазба қоса беріледі.

      31. Қала құрылысы мен экологиялық жағынан күрделі аумақтарға құрылыс салу жобаларын әзірлеген, құрылыста ғимараттардың үлкен бөлігін жеке жобалар бойынша қолданған жағдайда, сондай-ақ қажет болған жағдайда бірегей объектілер құрылысының қала құрылысы негіздемесі тапсырыс берушінің Тапсырмасы бойынша дербес кезең ретінде құрылыстың эскиздік жобасы әзірленуі мүмкін, онда нұсқалық пысықтау негізінде шағын аудан, орам, алаң құрылысының негізгі сәулеттік-жоспарлау және көлемдік-кеңістіктік тұжырымдамасы айқындалады.

      Құрылыс салу эскиздік жобасының құрамында: жер бедерін ұйымдастыру бойынша ұсыныстары бар бас жоспардың эскизі; демонстрациялық материалдар мен макеттер; құрылыс құнының болжамды есептері орындалады.

      32. Реконструкцияланатын шағын аудандарды (орамдарды), учаскелерді және басқа да жоспарлау элементтерін салу жобаларын әзірлеу кезінде жоба құрамында құрылыстың қазіргі заманғы жай-күйін, аумақтың экологиялық жай-күйін сипаттайтын бөлімдер қосымша орындалады, сондай-ақ тарихи мұраны сақтау, жөндеу-реконструкциялау іс-шаралары, ескірген құрылыстарды бұзу және т. б. бойынша ұсыныстар әзірленеді.

      Құрылыс салу жобасының құрамында осы Қағидаларға 1-қосымшаға сәйкес Тапсырмаға сәйкес композициялық шешімді, аумақтың архитектурасын және абаттандырылуын сипаттайтын демонстрациялық материалдар (магистральдар мен жағалаулар бойынша құрылыстың сәулеттік өрістетулері, жоспарлау, құрылыс салу фрагменттерінің сызбалары, қасбеттердің түстік шешімі және т.б.) орындалады.

      Құрылыс салу макеті құрылыстың бас жоспарының негізгі сызбасында орындалады.

      33. Құрылыс салу жобасы жергілікті атқарушы органның құрылымдық бөлімшелерімен, Тапсырмамен белгіленген басқа да ұйымдармен келісіледі, қоғымдық талқылаудан кейін Жүргізу қағидаларында айқындалған тәртіппен кешенді қала құрылысы сараптамасына жіберіледі және Заңның 25-бабына сәйкес астана, республикалық және облыстық маңызы бар атқарушы органның тиісті шешімімен бекітіледі.

      34. Кенттер мен ауылдық елді мекендер (округтер) аумақтарының құрылыс салу жобасы кенттік және ауылдық атқарушы органдармен, жергілікті атқарушы органның құрылымдық бөлімшелерімен, Тапсырмамен белгіленген басқа да ұйымдармен келісіледі, қоғамдық талқылаудан кейін Жүргізу қағидаларында айқындалған тәртіппен кешенді қала құрылысы сараптамасына жіберіледі және Заңның 23-1-бабына сәйкес аудандық өкілетті органдарымен бекітіледі.

3-1-тарау. Қоғамдық талқылауларды өткізу тәртібі

      Ескерту. Қағидалар 3-1-тараумен толықтырылды – ҚР Индустрия және инфрақұрылымдық даму министрінің м.а.26.05. 2023 № 388 бұйрығымен (алғашқы ресми жарияланған күнінен кейін күнтізбелік алпыс күн өткен соң қолданысқа енгізіледі).

      34-1. Қоғамдық талқылаулар туралы ақпаратты жергілікті атқарушы органдардың (бұдан әрі –ЖАО) ресми интернет-ресурстарында орналастыру үшін осы Қағидаларға 5-қосымшасына сәйкес нысан бойынша "Қоғамдық талқылаулар" айдары (бұдан әрі – Айдар) құрылады.

      34-2. Ашық жиналыс арқылы қоғамдық талқылау мынадай жағдайларда өтеді:

      1) бас жоспардың, ЕТЖЖ және/немесе құрылыс салу жобасын әзірлеу туралы шешім қабылдау;

      2) бас жоспарға, ЕТЖЖ және құрылыс салу жобаларына өзгерістер мен толықтырулар енгізу туралы шешім қабылдау.

      34-3. Қоғамдық талқылау өткізуге арналған хатты Тапсырыс беруші осы Қағидаларға 6-қосымшасына сәйкес бас жоспардың, жаңа құрылысқа ЕТЖЖ және/немесе құрылыс салу жобасын немесе қолданыстағы бас жоспарға, ЕТЖЖ және/немесе құрылыс салу жобаларына өзгерістер мен толықтырулар енгізу туралы ұсынысты қоса бере отырып ЖАО-ға қоғамдық талқылау өткізу үшін хат жолдайды.

      34-4. ЖАО күнтізбелік он күн ішінде осы Қағидаларға 7-қосымшасына сәйкес Тапсырыс берушіге жауап хат жолдайды және Тапсырыс беруші ұсынған бас жоспардың, жаңа құрылысқа ЕТЖЖ және/немесе құрылыс салу жобасын немесе қолданыстағы бас жоспарға, ЕТЖЖ және/немесе құрылыс салу жобаларына өзгерістер мен толықтырулар енгізу туралы ұсынысты Айдарға қоғамдық талқылау үшін орналастырады.

      34-5. ЖАО қоғамдық талқылауларды өткізу үшін жеке және заңды тұлғалар үшін қолжетімді жерлерде жобаның атауын, қоғамдық талқылаудың күнін, орнын, уақыты мен пошталық және жеке және заңды тұлғалардың ескертулері мен ұсыныстарын жіберу үшін ЖАО-ның пошталық және электрондық мекенжайын көрсете отырып, еркін нысанда бұқаралық ақпарат құралдарында, оның ішінде кемінде бір мерзімдік баспасөз басылымында (газет) және Қазақстан Республикасының заңнамасында белгіленген тәртіппен таратылатын кемінде бір телерадиоарна арқылы қоғамдық талқылауларды өткізу туралы хабарландыруды таратуды ұйымдастырады.

      34-6. Қоғамдық талқылауды өткізу күні бұқаралық ақпарат құралдарында қоғамдық талқылауды өткізу туралы хабарландыру жарияланған күннен бастап күнтізбелік жиырма күннен кешіктірілмей белгіленеді.

      34-7. Жеке және заңды тұлғалар қоғамдық тыңдау басталғанға дейін үш жұмыс күнінен кешіктірмей қоғамдық тыңдауға ұсынылған жобаларға өз ескертулері мен ұсыныстарын жазбаша нысанда (қағаз немесе электрондық жеткізгіштерде) ЖАО-ға жібереді.

      34-8. ЖАО-ның өкілі қоғамдық талқылауға қатысушыларды тіркейді.

      34-9. Қоғамдық талқылаудың төрағасы мен хатшысы аумағында қоғамдық талқылау өткізілетін ЖАО-ның өкілінен тағайындалады.

      34-10. Қоғамдық талқылауды өткізу кезінде жеке және заңды тұлғалардың қоғамдық талқылаудың мәніне анық қатысы жоқ ескертулері мен ұсыныстары ескерілмейді.

      34-11. ЖАО қоғамдық талқылаудың барлық барысын бейне және дыбыс жазбасын қамтамасыз етедi. Қоғамдық талқылаудың бейне және аудио жазбасы бар электрондық жеткізгіші осы Қағидаларға 8-қосымшасына сәйкес ашық жиналыс арқылы өткізілетін қоғамдық талқылау хаттамасына (бұдан әрі – Хаттама) тіркелуге жатады.

      34-12. Төраға мен хатшы қол қоятын және қоғамдық талқылаудың бейне және дыбыс жазбасын қоса бере отырып, қоғамдық талқылаудың Хаттамасына төраға мен хатшы қол қояды және қоғамдық талқылау аяқталған күннен бастап екі жұмыс күні ішінде Айдарда орналастырады.

      34-13. Қоғамдық тыңдау он жеке және заңды тұлғалардан кем емес адам қатысқанда жарамды деп табылады.

      34-14. Осы Қағидалардың 34-13-тармағында көрсетілген жеке және заңды тұлғалардың қажетті саны болмаған жағдайда қоғамдық талқылау жарамсыз деп танылады.

      34-15. Қоғамдық талқылау жарамсыз деп танылғанда ЖАО төрт жұмыс күні ішінде өтпеген қоғамдық талқылау туралы хабарламаны Айдарға орналастырады.

      34-16. ЖАО бес жұмыс күні ішінде өтпеген қоғамдық талқылау туралы хабарламаны Айдарға орналастырған соң осы Қағидалардың нормаларына сәйкес қоғамдық талқылау процесін қайта өткізеді.

4-тарау. Бекітілген егжей-тегжейлі жоспарлау жобаларына және/немесе құрылыс салу жобаларына өзгерістер мен толықтырулар енгізу

      Ескерту. 4-тараудың атауы жаңа редакцияда - ҚР Индустрия және инфрақұрылымдық даму министрінің м.а. 15.06.2022 № 341 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      35. ЕТЖЖ-ға және/немесе құрылыс салу жобаларына өзгерістер мен/немесе толықтырулар енгізу қажеттілігі туындаған жағдайда тапсырысшы немесе инвестор жергілікті атқарушы органға объектінің атауын және оның техникалық-экономикалық көрсеткіштерін көрсете отырып, ЕТЖЖ-ға және/немесе құрылыс салу жобаларына өзгерістер мен/немесе толықтырулар енгізу туралы өтініш ұсынады.

      36. Жергілікті атқарушы органның сәулет және қала құрылысы саласындағы функцияны жүзеге асырушы құрылымдық бөлімшесі бюджет қаражаты есебінен әлеуметтік, мәдени және бірегей объектілерді салу мақсатында қолданыстағы егжей-тегжейлі жоспарлау жобасын және/немесе құрылыс салу жобаларын түзету қажеттігіне байланысты жағдайларды қоспағанда, өтініш негізінде бекітілген егжей-тегжейлі жоспарлау жобаларына және/немесе құрылыс салу жобаларына өзгерістер мен/немесе толықтырулар енгізу туралы шешімнің жобасын дайындайды.

      37. ЕТЖЖ-ны және/немесе құрылыс салу жобаларын əзірлеу, келісу және өзгерістер және/немесе толықтыруларды бекіту осы Қағидалармен көзделген талаптарға сәйкес жүзеге асырылады.

      38. Бекітілген егжей-тегжейлі жоспарлау жобасына және/немесе құрылыс салу жобасына өзгерістер мен толықтырулар енгізу кезінде іргелес аумақтардың әлеуметтік инфрақұрылыммен қамтамасыз етілуін ескеру қажет.

Жобалауға арналған тапсырма

      Ескерту. 1-қосымша жаңа редакцияда - ҚР Өнеркәсіп және құрылыс министрінің 29.06.2024 № 234 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Қала құрылысы жобасының түрі

      _________________________________________________________________________________

      _________________________________________________________________________________

      2. Тапсырыс беруші

      _________________________________________________________________________________

      _________________________________________________________________________________

      (толық және қысқартылған атауы)

      _________________________________________________________________________________

      _________________________________________________________________________________

      _________________________________________________________________________________

      3. Жобалау ұйымы (әзірлеуші)

      _________________________________________________________________________________

      _________________________________________________________________________________

      (толық және қысқартылған атауы)

      _________________________________________________________________________________

      _________________________________________________________________________________

      4. Жобалау үшін негіздеме

      _________________________________________________________________________________

      _________________________________________________________________________________

      _________________________________________________________________________________

      5. Қала құрылысын жоспарлау немесе аумақтарда құрылыс салу объектісі, оның негізгі сипаттамалары

      _________________________________________________________________________________

      _________________________________________________________________________________

      _________________________________________________________________________________

      6. Жобалау кезеңдері бойынша ұсынылатын материалдардың құрамына, мазмұнына және нысанына

      қойылатын негізгі талаптар, жұмыстарды орындау реті мен мерзімдері

      _________________________________________________________________________________

      _________________________________________________________________________________

      _________________________________________________________________________________

      7. Жобалау үшін бастапқы ақпаратты ұсынудың құрамы, орындаушылары, мерзімдері мен тәртібі

      _________________________________________________________________________________

      _________________________________________________________________________________

      _________________________________________________________________________________

      8. Қала құрылысы жобасының осы түрін келісетін мекемелер мен ұйымдардың тізбесі: уәкілетті

      мемлекеттік органның аумақтық құрылымдық бөлімшесі, жергілікті атқарушы органдардың құрылымдық

      бөлімшелері, мүдделі ұйымдар______________________________

      _________________________________________________________________________________

      _________________________________________________________________________________

      9. Келісуші ұйымдардың қала құрылысы жобасының әзірленетін түріне қойылатын талаптары

      _________________________________________________________________________________

      _________________________________________________________________________________

      10. Жобалау алдындағы ғылыми-зерттеу жұмыстары мен инженерлік іздестірулерді жүргізудің

      құрамы мен тәртібі (қажет болған жағдайда)

      _________________________________________________________________________________

      _________________________________________________________________________________

      _________________________________________________________________________________

      11. Әзірленетін қала құрылысы жобасына келісу және сараптама жүргізуді ұйымдастыру тәртібі

      _________________________________________________________________________________

      _________________________________________________________________________________

      _________________________________________________________________________________

      _________________________________________________________________________________

      12. Өзге талаптар мен шарттар: орындаушыдан

      _______________________________________

      (лауазымы, ұйым)

      _____________________________

      (тегі және аты-жөні) (қолы)

      _____________________________

      (күні)

      сәулет, қала құрылысы және құрылыс істері жөніндегі уәкілетті органдар (немесе жергілікті атқарушы)

      __________________________

      (лауазымы, ұйым)

      _________________________

      (тегі және аты-жөні) (қолы)

      __________________________

      (күні)

      өзге келісуші ұйымдардан __________________________

      (толық атауы) (лауазымы, ұйым)

      _________________________

      (тегі және аты-жөні) (қолы)

      _________________________

      (күні)

      Ескертпе. Тапсырманың мазмұны қала құрылысы құжаттамасының жекелеген түрлерін және қала құрылысын жоспарлау мен құрылыс салу объектісінің ерекшелігін әзірлеуге қойылатын талаптарға сәйкес нақтылануы мүмкін.

ЕТЖЖ және құрылыс салу жобасының сыныптауышы

      Ескерту. 2-қосымша жаңа редакцияда - ҚР Өнеркәсіп және құрылыс министрінің 29.06.2024 № 234 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Атрибутивтік деректер

Егжей-тегжейлі жоспарлау жобасының негізгі техникалық-экономикалық көрсеткіштері

      Ескерту. 3-қосымша жаңа редакцияда - ҚР Индустрия және инфрақұрылымдық даму министрінің 04.08.2023 № 563 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескерту. 4-қосымшаның оң жақ жоғарғы бұрышы жаңа редакцияда – ҚР Өнеркәсіп және құрылыс министрінің 22.02.2024 № 69 (алғаш ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Құрылыс салу жобаларының негізгі техникалық-экономикалық көрсеткіштері