Сыртқы мемлекеттік аудит және қаржылық бақылау жүргізу қағидаларын бекіту туралы

      "Мемлекеттік аудит және қаржылық бақылау туралы" 2015 жылғы 12 қарашадағы Қазақстан Республикасы Заңының 12-бабы 4-тармағының 9) тармақшасына сәйкес Республикалық бюджеттің атқарылуын бақылау жөніндегі есеп комитеті (бұдан әрі – Есеп комитеті) ҚАУЛЫ ЕТЕДІ:

      1. Осы нормативтік қаулыға 1-қосымшаға сәйкес Сыртқы мемлекеттік аудит және қаржылық бақылау жүргізу қағидалары бекітілсін.

      2. Осы нормативтік қаулыға 2-қосымшаға сәйкес Есеп комитетінің кейбір нормативтік қаулыларының күші жойылды деп танылсын.

      3. Есеп комитетінің Заң бөлімі Қазақстан Республикасының заңнамасында белгіленген тәртіппен:

      1) осы нормативтік қаулының Қазақстан Республикасының Әділет министрлігінде мемлекеттік тіркелуін;

      2) осы нормативтік қаулының Есеп комитетінің интернет-ресурсына орналастырылуын қамтамасыз етсін.

      4. Осы нормативтік қаулының орындалуын бақылау Есеп комитетінің аппарат басшысына жүктелсін.

      5. Осы нормативтік қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Сыртқы мемлекеттік аудит және қаржылық бақылау жүргізу қағидалары

1-тарау. Жалпы ережелер

      1. Сыртқы мемлекеттік аудит және қаржылық бақылау жүргізу қағидалары (бұдан әрі – Қағидалар) "Мемлекеттік аудит және қаржылық бақылау туралы" Қазақстан Республикасы Заңының (бұдан әрі – Заң) 12-бабы 4-тармағының 9) тармақшасына сәйкес, сондай-ақ Халықаралық жоғары аудит органдары ұйымының (ИНТОСАИ) ISSAI 100 – 400 халықаралық стандарттарының қолайлы ережелері ескеріле отырып әзірленді.

      2. Қағидалар Республикалық бюджеттің атқарылуын бақылау жөніндегі есеп комитетінің (бұдан әрі – Есеп комитеті) және облыстардың, республикалық маңызы бар қалалардың, астананың тексеру комиссияларының (бұдан әрі – Тексеру комиссиялары) мемлекеттік аудит объектілерінің тиісті жылға арналған тізбесін қалыптастыру, сыртқы мемлекеттік аудитті жоспарлау, жүргізу, оның қорытындылары бойынша құжаттарды ресімдеу, қаржылық бақылауды жүзеге асыру, сыртқы мемлекеттік аудиттің нәтижелері бойынша сыртқы мемлекеттік аудит және қаржылық бақылау органдарының аудиторлық қорытындысында берілген ұсынымдардың және Нұсқамалардың орындалуын мониторингілеуді және бақылауды ұйымдастыру, аудиторлық іс-шара нәтижелерінің бұқаралық ақпарат құралдарында жария етілу және мемлекеттік аудит материалдарын есепке алу тәртібін айқындайды.

      3. Осы Қағидаларда мынадай ұғымдар пайдаланылады:

      1) аудиторлық рәсімдер – аудиторлық іс-шара барысында оны жүргізу бағдарламасына сәйкес жүзеге асырылатын, аудиторлық іс-шара мақсаттарына қол жеткізу үшін қажетті іс-қимылдар;

      2) аудиторлық іс-шара – мемлекеттік аудиттің қорытындысы бойынша аудиторлық есептер мен аудиторлық қорытындыларды дайындауға, жүргізуге, ресімдеуге бағытталған іс-қимылдар кешені;

      3) қаулы – сыртқы мемлекеттік аудит және қаржылық бақылау органдарының аудиторлық қорытындыны бекітетін құжаты;

      4) мемлекеттік аудит және қаржылық бақылау материалдары – мемлекеттік аудитті жүргізу үшін қажетті құжаттар, сондай-ақ оның нәтижелері бойынша жасалған құжаттар және қоса берілетін аудиторлық дәлелдемелер;

      5) сыртқы мемлекеттік аудит және қаржылық бақылау органдары (бұдан әрі – Сыртқы мемлекеттік аудит органдары) – Республикалық бюджеттің атқарылуын бақылау жөніндегі есеп комитеті, Тексеру комиссиялары;

      6) мемлекеттік аудит және қаржылық бақылау объектілері – мемлекеттік органдар, мемлекеттік мекемелер, квазимемлекеттік сектор субъектілері, сондай-ақ бюджет қаражатын алушылар (бұдан әрі – мемлекеттік аудит объектілері);

      7) мемлекеттік аудиттің сапасын бақылау – мемлекеттік аудиторлар мен мемлекеттік аудит және қаржылық бақылау органдарының өзге де уәкілетті лауазымды адамдары мемлекеттік аудитті жүзеге асыру кезінде жасайтын құжаттардың мемлекеттік аудит және қаржылық бақылау стандарттарына сәйкестігі мәніне тексеру және (немесе) талдау;

      8) нұсқама – анықталған бұзушылықтарды және (немесе) оларға итермелейтін себептерді, жағдайларды жою, сондай-ақ осы бұзушылықтарға жол берген адамдарға Қазақстан Республикасының заңдарында көзделген жауаптылық шараларын қолдану үшін мемлекеттік аудит объектілеріне, ұйымдар мен лауазымды адамдарға жіберілетін, орындау үшін міндетті сыртқы мемлекеттік аудит және қаржылық бақылау органдарының актісі;

      9) тапсырма – аудиторлық іс-шараны жүргізуге және сыртқы мемлекеттік аудит және қаржылық бақылау органы шешімдерінің орындалуын тексеруге құқық беретін ресми құжат, "Тексеруді және бақылау және қадағалау субъектісіне (объектісіне) бару арқылы профилактикалық бақылау мен қадағалауды тағайындау туралы актілерді, олардың мерзімдерін ұзарту және күшін жою туралы қосымша актілерді, тексеру және бақылау және қадағалау субъектісіне (объектісіне) бару арқылы профилактикалық бақылау мен қадағалау мерзімдерін тоқтата тұру, қайта бастау, ұзарту, қатысушылар құрамын өзгерту және тексеру және бақылау және қадағалау субъектісіне (объектісіне) бару арқылы профилактикалық бақылау мен қадағалау туралы ақпараттық есепке алу құжаттарын ұсыну және олардың нәтижелері туралы хабарламаларды тіркеу қағидаларын бекіту туралы" Қазақстан Республикасы Бас Прокурорының міндетін атқарушысының 2020 жылғы 25 желтоқсандағы № 162 бұйрығына (Нормативтік құқықтық актілерді мемлекеттік тіркеу тізілімінде № 21964 болып тіркелген) сәйкес құқықтық статистика және арнайы есепке алу саласындағы уәкілетті органда тіркей отырып, қатаң есептілік бланкісінде ресімделеді.

      4. Сыртқы мемлекеттік аудит және қаржылық бақылау мемлекеттік басқару жүйесінің ажырамас бөлігі болып табылады және бюджет қаражатын, мемлекет пен квазимемлекеттік сектор активтерін пайдаланудың айқындығын, тиімділігін, жауаптылығын арттыруға бағытталған.

      5. Сыртқы мемлекеттік аудитті және қаржылық бақылауды жүргізу Заңмен, Мемлекеттік аудиттің және қаржылық бақылаудың жалпы стандарттарымен, Сыртқы мемлекеттік аудиттің және қаржылық бақылаудың рәсімдік стандарттарымен және осы Қағидалармен регламенттелген.

      6. Сыртқы мемлекеттік аудит органдарының Заңда көзделген құзыретке сәйкес тиімділік аудиті, сәйкестік аудиті және қаржылық есептілік аудиті типтері бойынша аудиторлық іс-шараларды жүргізуі көзделген. Мемлекеттік аудиттің типтері бойынша аудиторлық іс-шараларды жүргізудің ерекшеліктері Есеп комитетінің 2016 жылғы 31 наурыздағы № 5-НҚ нормативтік қаулысымен бекітілген (Нормативтік құқықтық актілерді мемлекеттік тіркеу тізілімінде №13647 болып тіркелген) Сыртқы мемлекеттік аудиттің және қаржылық бақылаудың тиісті рәсімдік стандарттарымен (бұдан әрі – Рәсімдік стандарттар) айқындалады.

      7. Сыртқы мемлекеттік аудит органдарының аудиторлық қызметінің барлық кезеңдері, мемлекеттік аудиторлардың барлық қызметі, соның ішінде мемлекеттік аудит нәтижелері бойынша берілген материалдар (қорытындылар) сапа бақылауына жатады. Сапа бақылауы Рәсімдік стандартында көзделген тәртіппен жүзеге асырылады.

      8. Сыртқы мемлекеттік аудит және қаржылық бақылау органдары өзара, сондай-ақ мемлекеттік аудит және қаржылық бақылау органдарымен жүргізетін бірлескен және қатар тексерулерді жоспарлау және жүргізу тәртібі Республикалық бюджеттің атқарылуын бақылау жөніндегі есеп комитетінің 2015 жылғы 28 қарашадағы № 9-НҚ нормативтік қаулысымен және Қазақстан Республикасы Қаржы министрінің 2015 жылғы 27 қарашадағы № 589 бұйрығымен бірлесіп бекітілген (Нормативтік құқықтық актілерді мемлекеттік тіркеу тізілімінде №12577 болып тіркелген) Мемлекеттік аудит және қаржылық бақылау органдарымен өзара іс-қимыл қағидаларымен регламенттелген.

2-тарау. Мемлекеттік аудит объектілерінің тізбесін қалыптастыру

1-параграф. Мемлекеттік аудит объектілері тізбесінің жобасын қалыптастыру

      9. Мемлекеттік аудит Есеп комитетінің (Тексеру комиссиясының) тиісті жылға арналған мемлекеттік аудит объектілерінің тізбесі (бұдан әрі – Мемлекеттік аудит объектілерінің тізбесі) негізінде жүргізіледі.

      10. Мемлекеттік аудит объектілерінің тізбесін қалыптастыру Заңның 18-бабына сәйкес жүзеге асырылады.

      11. Есеп комитетінің және Тексеру комиссияларының мемлекеттік аудит объектілерінің тізбесі Есеп комитетінің Интеграцияланған ақпараттық жүйесінде (бұдан әрі – ЕК ИАЖ) қалыптастырылады.

      12. Жоспарлауға жауапты құрылымдық бөлімше мемлекеттік аудит объектілерінің тәуекелдерін бағалауды және қосымша көздерден алынған деректерді ескере отырып, Бірыңғай дерекқордың негізінде Мемлекеттік аудит объектілері тізбесінің жобасын (бұдан әрі – Тізбе жобасы) қалыптастырады және жоспарланатын жылдың алдындағы жылдың 1 қазанынан кешіктірмей Есеп комитетінің (Тексеру комиссиясының) мүшелеріне жібереді.

      13. Есеп комитетінің (Тексеру комиссиясының) мүшелері жоспарлауға жауапты құрылымдық бөлімшемен бірлесіп, Тізбе жобасын таңдалған мемлекеттік аудит объектілері және мемлекеттік аудитпен қамтылатын бюджет қаражаты мен активтердің болжамды көлемдері, аудиторлық іс-шаралардың атауы, мемлекеттік аудиттің типтері мен тексерудің түрлері, аудиторлық іс-шараның әрбір кезеңін жүргізу мерзімдері, сондай-ақ мемлекеттік аудиторлардың қажетті санын ескере отырып, ассистенттерді және сарапшыларды тартудың қажеттілігі тұрғысынан қарайды.

      14. Сыртқы мемлекеттік аудит және қаржылық бақылау органдарының Мемлекеттік аудит объектілері тізбесінің жобасын қалыптасыру кезінде:

      1) мыналар:

      Қазақстан Республикасы Президентінің және оның Әкімшілігінің тапсырмалары;

      мемлекеттік аудит және қаржылық бақылау саласындағы халықаралық міндеттемелер;

      жоспарлауға жауапты құрылымдық бөлімше жүзеге асыратын мемлекеттік аудит объектілерінің тәуекелдерін бағалау нәтижелері;

      әлеуметтік-экономикалық дамудың, соның ішінде мемлекеттік басқару және экономика салалары бөлінісіндегі статистикалық деректер қарауға және есепке алуға жатады;

      2) мыналар:

      кезекті қаржы жылындағы республикалық бюджеттің атқарылуы туралы Қазақстан Республикасы Үкіметінің және Есеп комитетінің есептерін қарау қорытындылары бойынша берілген Қазақстан Республикасы Парламентінің ұсынымдары;

      кезекті қаржы жылындағы жергілікті бюджеттің атқарылуы туралы және Тексеру комиссияларының есептерін қарау нәтижелері бойынша берілген тиісті мәслихаттардың ұсынымдары;

      құқық қорғау және арнайы мемлекеттік органдардың ұсыныстары;

      бірлескен және қатар аудиторлық іс-шаралар жүргізу бойынша шет елдердің жоғары мемлекеттік аудит органдарының, сондай-ақ бірлескен (қатар) аудитті жүзеге асыру бойынша облыстардың, республикалық маңызы бар қалалардың, астананың тексеру комиссияларының ұсыныстары;

      бюджет қаражаты мен активтерді тиімсіз жұмсап отырған белгілі бір мемлекеттік аудит объектілерінде аудиторлық іс-шараларды ұйымдастыру не Мемлекеттік жоспарлау жүйесінің құжаттарының, бюджеттік инвестициялардың тиімсіз іске асырылуы мәселелері бойынша жеке және заңды тұлғалардың өтініштері;

      бюджет қаражаты мен активтердің қалыптастырылуы және жұмсалуы, Мемлекеттік жоспарлау жүйесі құжаттарының және бюджеттік инвестициялардың іске асырылуы барысындағы бұзушылықтар туралы бұқаралық ақпарат құралдарын мониторингілеу нәтижелері Тізбеге қосудың орындылығы тұрғысынан талданады.

      15. Аудиторлық іс-шараның бағытын таңдау мынадай өлшемшарттарға:

      аудиторлық іс-шара бағытының Заңда белгіленген құзыреттерге сәйкестігі;

      бюджет қаражаты мен активтерді қалыптастыру және (немесе) пайдалану кезінде, сондай-ақ мемлекеттік аудит объектілері қызметінде әлеуетті түрде теріс нәтижелерге әкеп соғуы мүмкін тәуекелдердің болуы;

      бюджет қаражаты мен активтердің жұмсалуының басым бағыттарына сәйкес жоспарланатын жылғы бюджеттің аудитпен қамтылуына;

      аралық іске асыру қорытындылары бойынша немесе Мемлекеттік жоспарлау жүйесінің құжаттарын іске асыруды аяқтау кезеңінде бюджет қаражаты мен активтер есебінен объектілерді пайдалануға енгізуде олардың күшін жоюға қою тиімділігін бағалау жүргізу қажеттілігіне негізделеді.

      Мемлекеттік аудит объектілерін іріктеу кезінде бюджеттік бағдарламаларға, бюджеттік бағдарламалар әкімшілеріне, квазимемлекеттік сектор субъектілеріне, тәуекелдердің жоғары және орта топтарына жатқызылған Мемлекеттік жоспарлау жүйесінің құжаттарына басымдық беру керек.

      16. Жоспарлауға жауапты құрылымдық бөлімше аудиторлық іс-шараны жүргізу мерзімінің нормативін есептеуді жүзеге асырады. Бұл ретте, мемлекеттік аудит объектілеріне алдын ала зерделеу жүргізу мерзімі аудиторлық іс-шараның негізгі кезеңін жүргізу мерзімінің кемінде үштен бірін қамтиды.

2-параграф. Есеп комитетінің Мемлекеттік аудит объектілерінің тізбесін келісу және бекіту тәртібі

      17. Жоспарлауға жауапты құрылымдық бөлімше Есеп комитетінің мүшелерімен және мемлекеттік аудит жүргізуге, сапа бақылауына және құқықтық қамтамасыз етуге жауапты құрылымдық бөлімшелердің басшыларымен келісілген, осы Қағидаларға 1-қосымшаға сәйкес нысан бойынша Мемлекеттік аудит объектілері тізбесінің алдын ала жобасын Есеп комитеті Төрағасының басшылығымен жоспарланатын жылдың алдындағы жылдың 25 қазанына дейін Ішкі мемлекеттік аудит жөніндегі уәкілетті органға (бұдан әрі – Уәкілетті орган) және тексеру комиссияларына жібереді.

      Мемлекеттік аудит объектілері тізбесінің алдын ала жобасын қарау кезінде жоспарлауға жауапты құрылымдық бөлімше басшысының баяндамасы тыңдалады.

      18. Жоспарлауға жауапты құрылымдық бөлімше жоспарланатын жылдың алдындағы жылдың 20 қарашасына дейін тексеру комиссияларымен және жоспарланатын жылдың алдындағы жылдың 10 қарашасына дейін Уәкілетті органмен хаттама жасай отырып, мемлекеттік аудит объектілерін және мемлекеттік аудитпен қамтылатын бюджет қаражаты мен активтердің болжамды көлемін келіседі, бірлескен, қатар тексеру жүргізу мәселелерін пысықтайды.

      19. Жоспарлауға жауапты құрылымдық бөлімше жоспарланатын жылдың алдындағы жылдың 20 қарашасына дейін Мемлекеттік аудит объектілері тізбесінің түпкілікті жобасын Уәкілетті органға және тексеру комиссияларына жібереді.

      20. Мемлекеттік аудит объектілері тізбесінің келісілген жобасы жоспарланатын жылдың алдындағы жылдың 10 желтоқсанына дейін Есеп комитетінің отырысында қаралады және мақұлданады.

      21. Ескертулер туындаған жағдайда, Мемлекеттік аудит объектілері тізбесінің жобасы отырыс өткізілген күннен бастап үш жұмыс күні ішінде пысықталады. Мемлекеттік аудит объектілері тізбесінің жобасы Есеп комитетінің мүшелерімен қайта келісілгеннен кейін Есеп комитетінің Төрағасына бекітуге енгізіледі.

3-параграф. Тексеру комиссияларының Мемлекеттік аудит объектілерінің тізбесін келісу және бекіту тәртібі

      22. Тексеру комиссиясының мүшелері жоспарлауға жауапты құрылымдық бөлімшемен бірлесіп, жоспарланатын жылдың алдындағы жылдың 10 қарашасына дейін Есеп комитеті және мемлекеттік аудит және қаржылық бақылау органдары жүзеге асыратын бірлескен, қатар тексерулерді Мемлекеттік аудит объектілері тізбесінің жобасына енгізу үшін оларды жүргізу мәселелерін келіседі.

      23. Жоспарлауға жауапты құрылымдық бөлімше осы Қағидаларға 1-қосымшаға сәйкес нысан бойынша Мемлекеттік аудит объектілері тізбесінің алдын ала жобасын жоспарланатын жылдың алдындағы жылдың 5 желтоқсанына дейін Есеп комитетіне және Уәкілетті органның аумақтық бөлімшесіне жібереді.

      Тексеру комиссиясының төрағасында өтетін кеңесте Мемлекеттік аудит объектілері тізбесінің алдын ала жобасын қарау кезінде жоспарлауға жауапты құрылымдық бөлімше басшысының баяндамасы тыңдалады.

      24. Мемлекеттік аудит объектілері тізбесінің келісілген жобасы жоспарланатын жылдың алдындағы жылдың 25 желтоқсанына дейін Тексеру комиссиясының отырысында қаралады және мақұлданады.

4-параграф. Мемлекеттік аудит объектілерінің тізбесіне өзгерістер енгізу, Тізбені мүдделі органдарға жіберу және оны орналастыру

      25. Мемлекеттік аудит объектілерінің тізбелерін бекіту туралы бұйрықтар тіркелген күннен бастап бес жұмыс күні ішінде жоспарлауға жауапты құрылымдық бөлімше оларды электрондық құжат айналымының ақпараттық жүйесінде (бұдан әрі – ЭҚАЖ) және (немесе) жазбаша түрде пошта арқылы мыналарға:

      Есеп комитетінің Мемлекеттік аудит объектілерінің тізбесін бекіту туралы бұйрықты Уәкілетті органға, тексеру комиссияларына, құқықтық статистика және арнайы есепке алу саласындағы уәкілетті органға;

      Тексеру комиссияларының Мемлекеттік аудит объектілерінің тізбелерін бекіту туралы бұйрықтарды Есеп комитетіне, Уәкілетті органның аумақтық бөлімшесіне, құқықтық статистика және арнайы есепке алу саласындағы уәкілетті органға жіберуді жүзеге асырады.

      26. Мемлекеттік аудит объектілерінің бекітілген тізбелеріне өзгерістер (толықтырулар) енгізу туралы бұйрықтар тіркелген күннен бастап бес жұмыс күні ішінде оларды ЭҚАЖ және (немесе) жазбаша түрде пошта арқылы мыналарға:

      Есеп комитетінің Мемлекеттік аудит объектілерінің тізбесіне өзгерістер (толықтырулар) енгізу туралы бұйрықты құқықтық статистика және арнайы есепке алу саласындағы уәкілетті органға, сондай-ақ Уәкілетті органға және тексеру комиссияларына;

      Тексеру комиссияларының Мемлекеттік аудит объектілерінің тізбесіне өзгерістер (толықтырулар) енгізу туралы бұйрықты құқықтық статистика және арнайы есепке алу саласындағы уәкілетті органға, сондай-ақ Есеп комитетіне және Уәкілетті органның аумақтық бөлімшесіне жіберу жүзеге асырылады.

      27. Жоспарлауға жауапты құрылымдық бөлімше бекітілген және өзгерістер (толықтырулар) енгізілген күннен бастап күнтізбелік бес күн ішінде Мемлекеттік аудит объектілерінің тізбесін сыртқы мемлекеттік аудит және қаржылық бақылау органының Интернет-ресурсына орналастыруды жүзеге асырады.

      28. Аудиторлық іс-шаралардың қайталануын болдырмау мақсатында, жоспарлауға жауапты құрылымдық бөлімше мемлекеттік аудит органдарының объектілері тізбелерінің өзгерістеріне, соның ішінде:

      Есеп комитеті Уәкілетті органның және тексеру комиссиялары объектілерінің тізбелеріне қатысты;

      Тексеру комиссиялары Есеп комитетінің және Уәкілетті органның тиісті аумақтық бөлімшелері объектілерінің тізбелеріне қатысты тұрақты негізде мониторинг жүргізеді.

      29. Есеп комитетінің жоспарлауға жауапты құрылымдық бөлімшесі Бірыңғай дерекқорға орналастырылған Уәкілетті органның және Тексеру комиссияларының мемлекеттік аудит объектілерінің жылдық тізбелерінің шеңберіндегі аудиторлық іс-шаралардың орындалуы жөніндегі ақпараттың негізінде олардың нәтижелерін кейіннен Қазақстан Республикасының Президенті мен Қазақстан Республикасының Парламентіне ұсынылатын Есеп комитетінің ақпаратына және есебіне енгізу үшін тоқсан сайын талдайды және жинақтайды.

      30. Мемлекеттік аудит объектілерінің тізбесі бекітілгеннен кейін бес жұмыс күні ішінде жоспарлауға жауапты құрылымдық бөлімше мемлекеттік аудитті жүргізуге жауапты құрылымдық бөлімшемен бірге аудиторлық іс-шаралардың аяқталуын ескере отырып, отырыстар өткізудің жылдық жоспарын қалыптастырады.

      Отырыстар өткізудің жылдық жоспары Есеп комитетінің (Тексеру комиссиясының) мүшелерімен келісуді ескере отырып, Есеп комитетінің (Тексеру комиссиясының) Төрағасына бекітуге енгізіледі.

      31. Есепті кезеңнің қорытындылары бойынша Есеп комитетінің (Тексеру комиссиясының) Төрағасына Мемлекеттік аудит объектілері тізбесінің іске асырылуы туралы ақпарат ұсынылады.

      32. Заңның 18-бабының 2-тармағына сәйкес Мемлекеттік аудит объектілерінің тізбесіне өзгерістер енгізілуі мүмкін.

      Қазақстан Республикасы Президентінің тапсырмалары және Есеп комитеті Төрағасының бастамасы Есеп комитетінің Мемлекеттік аудит объектілерінің тізбесіне өзгерістер енгізу үшін негіздер болып табылады.

      Қазақстан Республикасы Президентінің тапсырмалары, Қазақстан Республикасы Президенті Әкімшілігінің тапсырмаларына негізделген Есеп комитетінің сұрау салулары, тиісті мәслихаттардың шешімдері және Тексеру комиссиясы төрағасының бастамасы Тексеру комиссиясының Мемлекеттік аудит объектілерінің тізбесіне өзгерістер енгізу үшін негіздер болып табылады.

      Сыртқы мемлекеттік аудит органдары объектілерінің тізбесіне осы Қағидалардың 61, 100-тармақтарында көзделген негіздер бойынша өзгерістер енгізілуі мүмкін.

      33. Мемлекеттік аудит объектілерінің тізбесіне өзгерістер осы Қағидаларға 2-қосымшаға сәйкес нысан бойынша Аудиторлық іс-шараны жүргізуге өтінімді (бұдан әрі – Өтінім), сондай-ақ өзгерістер және (немесе) толықтырулар енгізудің негізділігін растайтын құжаттарды (материалдарды) қоса бере отырып, жоспарлауға және сапа бақылауына жауапты құрылымдық бөлімшелер басшыларының келісімімен мемлекеттік аудит жүргізуге жауапты құрылымдық бөлімше басшысының ұсынысы бойынша Есеп комитетінің (Тексеру комиссиясының) аудиторлық іс-шараға жауапты мүшесінің қызметтік жазбасының негізінде енгізіледі.

3-тарау. Жеке мемлекеттік аудитті жоспарлау және оны жүргізу 1-бөлім. Жеке мемлекеттік аудитті жоспарлау

      34. Аудиторлық іс-шараны жүргізуге дайындық оның бастапқы кезеңі болып табылады, онда:

      1) мемлекеттік аудит тобын қалыптастыру;

      2) мемлекеттік аудит объектілерін алдын ала зерделеу;

      3) тексеру тағайындау туралы актілер болып табылатын мемлекеттік аудит жүргізу жоспарын (бұдан әрі – Аудит жоспары), мемлекеттік аудит жүргізу бағдарламасын (бұдан әрі – Аудит бағдарламасы), аудиторлық іс-шараны, бірлескен және қатар тексерулерді жүргізуге тапсырманы (бұдан әрі – Тапсырма), аудиторлық іс-шараны жүргізуге арналған аудиторлық тапсырманы (бұдан әрі – Аудиторлық тапсырма) жасау жүзеге асырылады.

      35. Жеке мемлекеттік аудит жүргізуге дайындық тиісті Рәсімдік стандартқа сәйкес мемлекеттік аудиттің типіне қарай жүзеге асырылады.

1-параграф. Мемлекеттік аудит тобын қалыптастыру

      36. Аудиторлық іс-шараны жүргізуге тікелей басшылықты Есеп комитетінің (Тексеру комиссиясының) мемлекеттік аудитті жүргізуге жауапты мүшесі өзіне бекітілген жұмыс бағыты бойынша жүзеге асырады.

      37. Мемлекеттік аудит тобы "Сыбайлас жемқорлыққа қарсы іс-қимыл туралы", "Қазақстан Республикасының мемлекеттік қызметі туралы", "Мемлекеттік аудит және қаржылық бақылау туралы" Қазақстан Республикасының заңдарына сәйкес топ мүшелерінің мемлекеттік аудит объектілерімен мүдделер қақтығысын болдырмау бойынша талаптар ескеріле отырып, мемлекеттік аудит объектілеріне алдын ала зерделеу жүргізу басталғанға дейін қалыптастырылады.

      38. Мемлекеттік аудит тобын қалыптастыруды мемлекеттік аудитті жүргізуге жауапты құрылымдық бөлімше басшысының қызметтік жазбасы негізінде Есеп комитетінің аппарат басшысы (Тексеру комиссиясының аппарат басшысы және (немесе) төрағасы) жүзеге асырады.

      Тексеру комиссияларының топты қалыптастыруы олардың регламентінде айқындалған тәртіппен жүзеге асырылуы мүмкін.

      39. Мемлекеттік аудит тобының құрамы мемлекеттік аудит тобының жетекшісін, мемлекеттік аудиторларды және (немесе) мемлекеттік аудитор(лар)дың ассистентін(терін) (бұдан әрі – ассистент), сондай-ақ тартылған жағдайда, мемлекеттік органдардың мамандарын, сарапшыларды, мемлекеттік емес аудиторлық ұйымдарды (бұдан әрі – сарапшы) қамтиды.

      40. Сыртқы мемлекеттік аудит органдары өз өкілеттіктері шегінде өздеріне жүктелген міндеттерді орындау мақсатында, Заңның 18-бабының 8-тармағына сәйкес сарапшыларды тарта алады. Сарапшыларды тарту Есеп комитетінің 2016 жылғы 31 наурыздағы № 5-НҚ нормативтік қаулысымен бекітілген (Нормативтік құқықтық актілерді мемлекеттік тіркеу тізілімінде № 13647 болып тіркелген) 600. Мемлекеттік аудитті және сараптамалық-талдау іс-шараларын жүргізуге аудиторлық ұйымдар мен сарапшыларды тарту бойынша сыртқы мемлекеттік аудиттің және қаржылық бақылаудың рәсімдік стандартында көзделген тәртіппен жүзеге асырылады.

      41. Құқықтық қамтамасыз етуге жауапты құрылымдық бөлімшенің басшысы мемлекеттік аудит тобына аудиторлық іс-шараның барлық кезеңдерінде құқықтық сүйемелдеуді жүзеге асыратын және мемлекеттік аудит тобы жетекшісінің, мемлекеттік аудиторлардың жүргізіліп жатқан мемлекеттік аудит мәселелері бойынша жазбаша сұрау салуларына (электрондық пошта бойынша, ЕК ИАЖ-ға) бұзушылықтар мен кемшіліктер анықталған кезде заңнаманы қолдануға қатысты жазбаша консультация беретін жұмыскерді бекітеді. Құқықтық қамтамасыз етуге жауапты құрылымдық бөлімше жұмыскерлерінің жазбаша консультациялары тек қойылған мәселелер шеңберінде және ұсынылған құжаттар көлемдері шегінде көрсетіледі.

      42. Құқықтық қамтамасыз етуге жауапты құрылымдық бөлімшенің жұмыскері аудиторлық іс-шараға тікелей қатысқан жағдайда, ол аудит барысында құқықтық сүйемелдеуді жүзеге асырады. Құқықтық қамтамасыз етуге жауапты құрылымдық бөлімше жұмыскерлерінің құқықтық сүйемелдеуді жүргізуге қатысуы (шығуы) құқықтық қамтамасыз етуге жауапты құрылымдық бөлімше басшысының ұсынысы бойынша Есеп комитетінің (Тексеру комиссиясының) аудиторлық іс-шараға жауапты мүшесінің қолымен Есеп комитеті (Тексеру комиссиясы) Төрағасының атына жазылған қызметтік жазбасының негізінде жүзеге асырылады.

      43. Мемлекеттік аудиторлар аудит жүргізу барысында мемлекеттік аудит тобының жетекшісін аудиторлық іс-шара шеңберінде жүргізілген жұмыс туралы хабардар етеді.

      44. Мемлекеттік аудит тобының жетекшісі мемлекеттік аудиторлардың жұмысын үйлестіреді, аудиторлық іс-шара барысында туындайтын проблемалық мәселелерді шешеді.

      45. Мемлекеттік аудит тобының жетекшісі Есеп комитетінің (Тексеру комиссиясының) аудиторлық іс-шараға жауапты мүшесін және мемлекеттік аудитті жүргізуге жауапты бөлімшенің басшысын мемлекеттік аудитті жүргізу барысында аудиторлық іс-шараға қатысқан мемлекеттік аудиторлардың, сарапшылардың қызметтік міндеттерін орындамау жағдайлары және атқарушылық тәртіпті, еңбек тәртібін бұзу, мемлекеттік қызметшілердің қызмет әдебін сақтамау фактілері туралы жазбаша түрде хабардар етеді.

      46. Есеп комитетінің (Тексеру комиссиясының) аудиторлық іс-шараға жауапты мүшесі және мемлекеттік аудитті жүргізуге жауапты бөлімшенің басшысы шаралар қабылдау үшін көрсетілген фактілер туралы Есеп комитетінің (Тексеру комиссиясының) Төрағасына жазбаша түрде хабарлайды.

2-параграф. Мемлекеттік аудит объектілерін алдын ала зерделеу

      47. Мемлекеттік аудит объектілерін алдын ала зерделеуді мемлекеттік аудит тобының барлық қатысушылары Қазақстан Республикасының мемлекеттік құпияларды қорғау жөніндегі заңнамасына сәйкес жүзеге асырылатын аудиторлық іс-шараларды қоспағанда, мемлекеттік аудит объектісіне бармай, олардың қызметі туралы мемлекеттік аудиттің типін, тексеру түрі мен мемлекеттік аудит объектілерін, аудиторлық іс-шарамен қамтылатын қаражат және активтер көлемін, мемлекеттік аудит жүргізу мерзімдерін нақтылауға, мемлекеттік аудит мәселелерін айқындауға, соның ішінде қаражаттың жұмсалуы туралы мәліметтерде және Қазақстан Республикасының Бюджет кодексінің 97-бабына сәйкес жүргізілген ағымдағы бақылау нәтижелерінде көзделген деректерді өзекті етуге қажетті ақпаратты жинау және талдау жолымен жүргізіледі.

      48. Мемлекеттік аудит объектісі туралы ақпаратты талдау негізінде алдын ала зерделеу барысында мемлекеттік аудиттің типіне қарай мыналар:

      1) Заңның 4-бабында көзделген базалық көрсеткіштер айқындалады;

      2) аудит типтеріне қарай тиісті рәсімдік стандарттарда және әдіснамалық құжаттарда көзделген арнайы көрсеткіштер айқындалады;

      3) тәуекелдер – тексерілетін саладағы бюджет қаражаты мен активтердің қалыптастырылуына және пайдаланылуына немесе мемлекеттік аудит объектісінің қаржылық-шаруашылық қызметіне теріс әсер ететін, салдарынан бұзушылықтар мен кемшіліктер болуы мүмкін қандай да бір факторлардың (іс-қимыл немесе оқиғалардың) болуы бағаланады;

      4) мемлекеттік аудит объектісінің қызметіндегі ішкі бақылаудың тиімділік дәрежесі зерделенеді.

      49. Алдын ала зерделеу сатысында аудиторлық іс-шараның мақсаттары, мәселелері мен өлшемшарттары қалыптастырылады.

      Алдын ала зерделеу сатысында мемлекеттік аудит тобы тұжырымдаған және әдіснамалық қамтамасыз етуге жауапты құрылымдық бөлімшемен келісілген тиімділік аудитінің өлшемшарттары Есеп комитетінің аудиторлық іс-шараға жауапты мүшесінің қолы қойылған хатпен аудит объектісіне талқылау үшін жіберіледі.

      Алдын ала зерделеу сатысында мемлекеттік аудит тобы тұжырымдаған тиімділік аудитінің өлшемшарттары Тексеру комиссиясының аудиторлық іс-шараға жауапты мүшесінің қолы қойылған хатпен аудит объектісіне талқылау үшін жіберіледі.

      50. Тиімділік аудитінің аудиторлық іс-шарасы шеңберінде тиімділіктің базалық және арнайы өлшемшарттарының тізбесі (бұдан әрі – Өлшемшарттар тізбесі) қалыптастырылады.

      51. Мәнділіктің деңгейін, мемлекеттік аудит үшін анағұрлым маңызды секторларды (салаларды), мемлекеттік аудит объектілерінің тәуекелдерін және ішкі бақылау жүйесін бағалауды, аудит жүргізу әдістерін айқындаудың тәртібі аудит типтеріне қарай тиісті рәсімдік стандарттардың және әдіснамалық құжаттардың негізінде мемлекеттік аудиттің типіне қарай белгіленеді.

      52. Мемлекеттік аудит тобы мемлекеттік аудит объектілерінің қызметін алдын ала зерделеуді Мемлекеттік аудит объектілерінің тізбесінде көзделген мерзімдерде жүргізеді.

      53. Есеп комитетінің (Тексеру комиссиясының) аудиторлық іс-шараға жауапты мүшесінің қолы қойылған, осы Қағидаларға 3-қосымшаға сәйкес ресімделетін Алдын ала зерделеуге тапсырманың болуы Қазақстан Республикасының мемлекеттік құпияларды қорғау жөніндегі заңнамасына сәйкес жүзеге асырылатын аудиторлық іс-шаралар бойынша алдын ала зерделеу жүргізу үшін негіздеме болып табылады.

      54. Осы Қағидаларға 4-қосымшаға сәйкес ресімделетін алдын ала зерделеу жүргізу туралы хабарлама мемлекеттік аудит объектісіне оны жүргізудің басталатын күнінен кешіктірілмей жіберіледі.

      Мемлекеттік аудит объектісіне осы Қағидаларға 5-қосымшаға сәйкес нысан бойынша мәліметтер, құжаттама, ақпарат және материалдар (дәлелдемелер) ұсыну туралы талап (бұдан әрі – Құжаттар ұсыну туралы талап) жіберіледі.

      55. Мемлекеттік аудит тобы аудиторлық іс-шараға дайындық кезеңінің мерзімі басталғаннан бастап бес жұмыс күні ішінде:

      1) мемлекеттік аудит объектілерінің қызметін алдын ала зерделеу үшін ақпарат көздеріне талдау жүргізеді;

      2) қолжетімді көздерден, Бірыңғай дерекқордан ақпарат жинауды және Заңның 21-бабына сәйкес мемлекеттік аудит объектілеріне, лауазымды, жеке және заңды тұлғаларға Құжаттар ұсыну туралы талапты жіберуді жүзеге асырады.

      56. Мемлекеттік аудит объектісін алдын ала зерделеу кезінде мемлекеттік аудит тобы:

      1) квазимемлекеттік сектор субъектілерінің арнайы мақсаттағы аудитінің нәтижелері бойынша аудиторлық қорытынды және бюджет қаражатын, кредиттерді, байланысты гранттарды, мемлекет пен квазимемлекеттік сектор субъектілері активтерін, мемлекеттік және мемлекет кепілдік берген қарыздарды, сондай-ақ мемлекет кепілгерлігімен тартылатын қарыздарды пайдалану мәселелері бойынша Қазақстан Республикасының аудиторлық қызмет туралы заңнамасына және Мемлекеттік аудит туралы заңға сәйкес жүргізілетін аудит нәтижелерін;

      2) Есеп комитетінің (Тексеру комиссиясының) жоспарланған мемлекеттік аудитімен сәйкес келетін мемлекеттік аудитпен қамтылатын мақсаты, кезеңі бойынша мемлекеттік аудит органдарының аудиторлық іс-шараларды (тексеру немесе бақылау) жүргізу мәселелерін міндетті түрде қарайды.

      57. Алдын ала зерделеу кезінде қарастыруға жататын құжаттар мен ақпарат тізбесі аудит типтеріне қарай тиісті рәсімдік стандарттарда және әдіснамалық құжаттарда айқындалады.

      58. Егер алдын ала зерделеу сатысында мемлекеттік аудит объектісінде мемлекеттік аудит органының аудиторлық іс-шарамен қамтылатын мақсаты, кезеңі бойынша Есеп комитетінің аудиторлық іс-шарасымен сәйкес келетін мемлекеттік аудитті жүргізу фактісі анықталса, онда Есеп комитетінің мемлекеттік аудит тобы мемлекеттік аудит нәтижелерін тану рәсімін жүргізеді. Мемлекеттік аудит нәтижелерін тану Есеп комитетінің 2016 жылғы 31 наурыздағы № 5-НҚ нормативтік қаулысымен бекітілген 700. Мемлекеттік аудит нәтижелерін тану бойынша сыртқы мемлекеттік аудиттің және қаржылық бақылаудың рәсімдік стандартына (Нормативтік құқықтық актілерді мемлекеттік тіркеу тізілімінде № 13647 болып тіркелген) сәйкес жүзеге асырылады.

      59. Басқа мемлекеттік аудит органы жүргізген мемлекеттік аудит нәтижелері танылған жағдайда аудиторлық іс-шара жүргізілмейді немесе мемлекеттік аудит көлемдерін қысқарта отырып жүргізіледі. Тану нәтижелері Аудит жоспарын, Аудит бағдарламаларын, Мемлекеттік аудиторлардың аудиторлық тапсырмаларын қалыптастыру кезінде ескеріледі.

      60. Қолда бар және мемлекеттік аудит объектілерін алдын ала зерделеу қорытындысы бойынша алынған деректерге жүргізілген зерделеу мен талдауға сәйкес:

      1) мемлекеттік аудит нәтижелерін тану (танымау) және тәуекелдерді бағалау ескеріле отырып, мемлекеттік аудиттің типіне, тексерудің түріне және мемлекеттік аудит объектілеріне, мемлекеттік аудитпен қамтылатын қаражаттың, активтердің көлеміне, кезеңіне нақтылау жүргізіледі;

      2) мемлекеттік аудит объектілері – мемлекеттік аудиторлардың арасында, бірлескен және қатар тексеру жүргізілген кезде мемлекеттік органдар мен мемлекеттік аудит органдары арасында бөлінеді;

      3) үстеме тексеру объектілері айқындалады;

      4) мемлекеттік аудитті жүргізуге тартылатын ассистенттер, сарапшылар және мемлекеттік аудиттің соларға тапсырылуы жоспарланатын нақты мәселелері айқындалады;

      5) режимдік объектілерде мемлекеттік аудит жүргізілген жағдайларда рұқсат алу мәселелері пысықталады;

      6) Мемлекеттік аудит объектісі басшысының (келісімімен аудиторлық іс-шара жүзеге асырылатын лауазымды адам) міндеттерін атқару жөніндегі талапқа қосу мақсатында аудиторлық іс-шараны жүзеге асыру үшін құжаттардың және ақпараттың тізбесі жасалады;

      7) жоспарланған мемлекеттік аудитті жүргізуге қажетті ақпарат көздері айқындалады;

      8) аудит тобы мемлекеттік аудит объектілерін алдын ала зерделеудің нәтижелері туралы ақпаратты осы Қағидаларға 6-қосымшаға сәйкес нысан бойынша жасайды.

      61. Есеп комитетінің (Тексеру комиссиясының) аудиторлық іс-шараға жауапты мүшесі:

      1) мемлекеттік аудит органдары мемлекеттік аудит жүргізген және олардың нәтижелері танылған;

      2) құқық қорғау органдары құқық белгілеуші, соның ішінде бастапқы құжаттарды алып қойған;

      3) мемлекеттік аудитті жоспарлау күніне құқық қорғау органдары тексерулер жүргізген немесе жоспарланған аудиторлық іс-шараның мақсаты, бюджеттік бағдарламалары және кезеңі бойынша басқа мемлекеттік аудит органдары жоспардан тыс аудит жүргізген;

      4) аудит объектісін басқарудың басқа уәкілетті органының қарамағына берген;

      5) жүргізілетін аудиторлық іс-шараның мерзімдері және көлемі өзгерген кезде;

      6) осы Қағидалардың 60-тармағының 1), 3) тармақшаларында көзделген жағдайларда, тиісті негіздемелермен Есеп комитетінің (Тексеру комиссиясының) Төрағасына аудитті, жоспарлауды және сапа бақылауын жүргізуге жауапты құрылымдық бөлімшелер басшыларымен келісілген, Мемлекеттік аудит объектілерінің тізбесіне өзгерістер енгізу туралы қызметтік жазба енгізеді.

      62. Осы Қағидалардың 61-тармағында көзделген қызметтік жазбаны қараудың қорытындысы бойынша Есеп комитетінің (Тексеру комиссиясының) Төрағасы Мемлекеттік аудит объектілерінің тізбесіне өзгерістер енгізу туралы шешім қабылдайды.

3-параграф. Аудит жоспарын, Аудит бағдарламасын, Аудиторлық тапсырма және Тапсырмалар жасау

      63. Мемлекеттік аудит нәтижелерін тану (танымау) ескеріле отырып, мемлекеттік аудит объектілерін алдын ала зерделеудің негізінде мемлекеттік аудит тобы осы Қағидаларға 7-қосымшаға сәйкес нысан бойынша Аудит жоспарын, осы Қағидаларға 8-қосымшаға сәйкес нысан бойынша Аудит бағдарламасын, осы Қағидаларға 9-қосымшаға сәйкес нысан бойынша Аудиторлық тапсырмаларды, мемлекеттік аудит нәтижелерін тану қорытындылары бойынша Сараптамалық қорытындыны (тану рәсімі жүргізілген жағдайда) жасайды.

      64. Аудит бағдарламасы Аудит жоспарын дамыту үшін жасалып, аудиторлық іс-шараның қойылған мақсаттарына қол жеткізуге бағытталған мәселелерден және аудит өлшемшарттарынан тұрады.

      65. Аудит бағдарламасының мәселелері аудиторлық іс-шараның қойылған мақсаттарына қол жеткізуге бағытталған болуы тиіс.

      66. Аудит жоспарында, Аудит бағдарламасында және Тапсырмада аудиторлық іс-шараның мақсаты Мемлекеттік аудит объектілерінің тізбесінде көзделген мемлекеттік аудиттің тақырыбына (аудиторлық іс-шараның атауына) және типіне қарай айқындалады.

      67. Тиімділік аудиті бірнеше мемлекеттік аудит объектісінде жүргізілген жағдайда, мемлекеттік аудит типі аталған обьектідегі мемлекеттік аудиттің мақсатына қарай әрбір мемлекеттік аудит объектісі бойынша көрсетіледі.

      68. Аудиторлық тапсырмада нақты бағдарламалық мәселелер, оларды әрбір мемлекеттік аудит объектісінде қарау мерзімдері көрсетіледі.

      69. Мемлекеттік аудит объектілерінің тізбесіне сәйкес Есеп комитетінің (Тексеру комиссиясының) аудиторлық іс-шараға жауапты мүшесінің қолы қойылған Аудиторлық іс-шара жүргізуге тапсырманың болуы аудиторлық іс-шара жүргізу үшін негіз болып табылады. Әрбір мемлекеттік аудит объектісіне жеке Тапсырма ресімделеді.

      70. Аудиторлық іс-шараны жүргізуге тапсырма және Үстеме (бірлескен, қатар) тексеруді жүргізуге тапсырма осы Қағидаларға 10-қосымшаға сәйкес нысан бойынша ресімделеді.

      71. Сапа бақылауын жүргізу мақсатында мемлекеттік аудит тобының жетекшісі аудит объектісіне шыққанға дейін сегіз жұмыс күнінен кешіктірмей аудит жүргізуге жауапты құрылымдық бөлімше басшысының қолы қойылған:

      1) мемлекеттік аудит нәтижелерін тану қорытындылары бойынша сараптамалық қорытындыны және тану жүргізілген материалдарды (тану рәсімі жүргізілген жағдайда) тіркей отырып, мемлекеттік аудит объектілерін алдын ала зерделеудің нәтижелері туралы ақпаратты;

      2) осы Қағидалардың 61-тармағында көзделген қызметтік жазбаны;

      3) Аудит жоспары мен Аудит бағдарламасының жобаларын сапа бақылауын жүргізуге жауапты құрылымдық бөлімшеге ұсынады.

      72. Аудит жоспары, Аудит бағдарламасы, Аудиторлық тапсырмалар және Тапсырмалар, Мемлекеттік аудит нәтижелерін тану қорытындылары бойынша сараптамалық қорытынды ЕК ИАЖ-да қалыптастырылады.

      73. Аудит жоспарының, Аудит бағдарламасының жобалары бойынша үш жұмыс күні ішінде сапа бақылауы жүргізіледі. Сапа бақылауы Заңның 24-бабына сәйкес Есеп комитетінің 2016 жылғы 31 наурыздағы № 5-НҚ нормативтік қаулысымен бекітілген (Нормативтік құқықтық актілерді мемлекеттік тіркеу тізілімінде № 13647 болып тіркелген) 750. Сапа бақылауын жүзеге асыру бойынша сыртқы мемлекеттік аудиттің және қаржылық бақылаудың рәсімдік стандартында белгіленген тәртіппен жүргізіледі.

      74. Аудит тобының жетекшісі аудит объектісіне шыққанға дейін сегіз жұмыс күні бұрын аудит бағдарламасын сапа бақылауына жіберумен қатар, әдіснамалық қамтамасыз етуге жауапты құрылымдық бөлімшеге де жібереді. Әдіснамалық қамтамасыз етуге жауапты құрылымдық бөлімше Аудит бағдарламасы келіп түскен күннен бастап екі жұмыс күні ішінде оған ұсыныстар енгізеді. Осы тармақтың күші Тексеру комиссияларына қолданылмайды.

      75. Мемлекеттік аудит тобының жетекшісі аудиторлық іс-шараның негізгі кезеңіне дейін кемінде төрт жұмыс күні бұрын Есеп комитетінің (Тексеру комиссиясының) аудиторлық іс-шараға жауапты мүшесіне мемлекеттік аудитті жүргізуге, сапа бақылауына және әдіснамалық сүйемелдеуге жауапты құрылымдық бөлімшелердің басшыларымен алдын ала келісілген алдын ала зерделеу нәтижелері туралы ақпаратты, сондай-ақ аудит жоспарының, бағдарламасының жобаларын, аудиторлық тапсырмаларды енгізеді.

      Есеп комитетінің (Тексеру комиссиясының) аудиторлық іс-шараға жауапты мүшесінің ескертулері мен ұсыныстарын мемлекеттік аудит тобы жұмыс тәртібінде пысықтайды.

      76. Аудиторлық іс-шараға (негізгі кезең) шыққанға дейін:

      1) мемлекеттік аудит тобының жетекшісі жасап, оған мемлекеттік аудит жүргізуге, сапа бақылауына жауапты құрылымдық бөлімшелердің басшылары, сондай-ақ Есеп комитетінің (Тексеру комиссиясының) аппарат басшысы келіскен және Есеп комитетінің (Тексеру комиссиясының) аудиторлық іс-шараға жауапты мүшесі қол қойған Аудит жоспары екі жұмыс күнінен кешіктірілмей Есеп комитетінің (Тексеру комиссиясының) Төрағасына бекітуге енгізіледі;

      2) Есеп комитетінің (Тексеру комиссиясының) аудиторлық іс-шараға жауапты мүшесі мемлекеттік аудит тобының қатысушылары мемлекеттік аудит объектілері бойынша жасап, мемлекеттік аудит тобының жетекшісі, мемлекеттік аудит жүргізуге жауапты құрылымдық бөлімшенің басшысы жинақтаған және қол қойған, сапа бақылауына, әдіснамалық қамтамасыз етуге жауапты құрылымдық бөлімшелердің басшылары келіскен Аудит бағдарламасын екі жұмыс күнінен кешіктірмей бекітеді;

      3) Есеп комитетінің (Тексеру комиссиясының) аудиторлық іс-шараға жауапты мүшесі мемлекеттік аудит тобының әрбір қатысушысына жеке-жеке жасалып, мемлекеттік аудиторлар, мемлекеттік аудит тобының жетекшісі, мемлекеттік аудит жүргізуге жауапты құрылымдық бөлімше басшысы қол қойған Аудиторлық (Сараптамалық) тапсырманы екі жұмыс күнінен кешіктірмей бекітеді;

      4) Есеп комитетінің (Тексеру комиссиясының) аудиторлық іс-шараға жауапты мүшесі мемлекеттік аудит тобының қатысушылары жасап, мемлекеттік аудит тобының жетекшісі, мемлекеттік аудит жүргізуге, құқықтық қамтамасыз етуге жауапты бөлімшелердің басшылары бұрыштама қойған Тапсырмаларға екі жұмыс күнінен кешіктірмей қол қояды.

      Тексеру комиссиясы мүшесінің аудиторлық іс-шараны жүргізуге тікелей қатысуына жол беріледі.

      Тексеру комиссиясы мүшесінің аудиторлық іс-шараны жүргізуге, мемлекеттік аудитті жоспарлау сатысында және аудиторлық іс-шараны жүргізу барысында құжаттарға қол қою және бекіту рәсіміне қатысуы Тексеру комиссиясының регламентінде айқындалған тәртіппен жүзеге асырылады.

      77. Кадр қызметі Аудит жоспары бекітілгеннен кейін, бірақ аудиторлық іс-шараға шыққанға дейін екі жұмыс күнінен кешіктірмей, іссапарға жіберу туралы бұйрықтарды Есеп комитетінің аппарат басшысына (Тексеру комиссиясының аппарат басшысына және (немесе) төрағасына) қол қоюға енгізеді.

      78. Осы Қағидалардың 76 және 77-тармақтарында көрсетілген құжаттарға қол қойылғаннан кейін Есеп комитетінің мемлекеттік аудитті жүргізуге жауапты құрылымдық бөлімшесі Аудит жоспарларын, Аудит бағдарламаларын, Аудиторлық тапсырмаларды және Тапсырмаларды бір тіркеу нөмірімен тіркейді.

      Осы Қағидалардың 76 және 77-тармақтарында көрсетілген құжаттарды Тексеру комиссияларында тіркеу олардың регламенттерінде айқындалған тәртіппен жүзеге асырылады.

      79. Тіркеу нөмірлері күнтізбелік жылдың басынан бастап мынадай мәндері көрсетіле отырып беріледі:

      N-Ж – Аудит жоспары;

      N-Б – Аудит бағдарламасы;

      N-АТ – Аудиторлық тапсырмалар. Бір аудиторлық іс-шараға қатысты аудиторлық тапсырмаларға бірыңғай нөмір беріледі;

      N-П-Т – Аудиторлық іс-шараны, үстеме, бірлескен және қатар тексерулерді жүргізуге тапсырма, мұнда N – Мемлекеттік аудит объектілерінің тізбесіне сәйкес аудиторлық іс-шараның реттік нөмірі, П – тапсырманың реттік нөмірі;

      N-ҚТ – аудиторлық іс-шараның сапасын бақылаудың қорытындысы бойынша Қайта тексеруге тапсырма.

      Бір аудиторлық іс-шараның шеңберіндегі екінші және кейінгі Тапсырмаларды тіркеу көрсетілген мәнге дефис қою арқылы реттік нөмір бере отырып (-1Т, -2-Т және т.б.), сол реттік нөмірмен (N) жүзеге асырылады.

      80. Тіркелген Тапсырмаларға өзгерістер және (немесе) толықтырулар енгізілген жағдайда, мемлекеттік аудит объектісі, құқықтық статистика және арнайы есепке алу саласындағы уәкілетті орган бір мезгілде хабардар етіле отырып, жаңа Тапсырма қабылданады.

      81. Үстеме тексеру жүргізуге берілген тапсырмаға негізгі мемлекеттік аудит объектісіндегі Аудиторлық іс-шара жүргізуге тапсырманың нөміріне бөлшек қою арқылы реттік нөмір беріледі (N-1/1-Т, N-2/1-Т және тағы сол сияқты).

      Егер үстеме тексеру жүргізу объектісі мемлекеттік аудитті жүргізу барысында айқындалса, онда тапсырманы тіркеу үстеме тексеру жүргізу объектісіне шыққанға дейін кемінде бір жұмыс күні бұрын жүзеге асырылады.

      82. Есеп комитетінің (Тексеру комиссиясының) аудиторлық іс-шараға жауапты мүшесі мемлекеттік аудитті жүргізуге жауапты құрылымдық бөлімшенің басшысымен (немесе оны алмастыратын адаммен) бірлесіп аудиторлық іс-шараға (негізгі кезең) шыққанға дейін мемлекеттік аудит тобының қатысушыларына техникалық оқу (нұсқамалық) өткізеді.

      83. Сыбайлас жемқорлық тәуекелдерінің алдын алу және сыбайлас жемқорлыққа қарсы іс-қимыл, мемлекеттік аудит және қаржылық бақылау стандарттарының, Қазақстан Республикасы Президентінің 2015 жылғы 29 желтоқсандағы №153 Жарлығымен бекітілген Қазақстан Республикасы мемлекеттік қызметшілерінің әдеп кодексінің (Мемлекеттік қызметшілердің қызметтік әдеп қағидалары) және Республикалық бюджеттің атқарылуын бақылау жөніндегі есеп комитетінің 2015 жылғы 30 қарашадағы № 18-НҚ нормативтік қаулысы және Қазақстан Республикасы Қаржы министрінің 2015 жылғы 30 қарашадағы № 601 бұйрығымен бірлесіп бекітілген (Нормативтік құқықтық актілерді мемлекеттік тіркеу тізілімінде № 12575 болып тіркелген) Мемлекеттік аудиторлардың кәсіби әдеп қағидаларының сақталуын қамтамасыз ету мақсатында техникалық оқу (нұсқамалық) өткізуге Есеп комитетінің (Тексеру комиссиясының) әдеп жөніндегі уәкілі және сыртқы мемлекеттік аудит және қаржылық бақылау органдарының құқықтық құжаттарында айқындалатын жауапты лауазымды адамдар тартылады.

      84. Мемлекеттік аудит тобының жетекшісі мемлекеттік аудитті жүргізуге жауапты құрылымдық бөлімше басшысының келісімі бойынша осы Қағидалардың 54-тармағында көзделген нысан бойынша аудиторлық іс-шара жүргізу туралы хабарламаны дайындайды және Есеп комитетінің (Тексеру комиссиясының) аудиторлық іс-шараға жауапты мүшесінің қол қоюымен тікелей мемлекеттік аудит объектісінде мемлекеттік аудит жүргізудің (үстеме тексеруді қоспағанда) негізгі кезеңі басталғанға дейін екі жұмыс күнінен кешіктірмей, мемлекеттік аудит объектісіне жібереді.

2-бөлім. Жеке мемлекеттік аудит жүргізу

1-параграф. Аудиторлық іс-шараны жүргізудің ұйымдастырушылық негіздері

      85. Алып тасталды - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      86. Аудиторлық іс-шараны жүргізу басталмас бұрын мемлекеттік аудит объектісінің басшысына:

      1) Аудиторлық іс-шара жүргізуге тапсырма;

      2) мемлекеттік аудитті жүзеге асыруға уәкілетті лауазымды адамдардың қызметтік куәліктері немесе олардың жеке басын куәландыратын құжаттар;

      3) Қазақстан Республикасында құпиялылық режимін қамтамасыз ету жөніндегі заңнамада белгіленген жағдайларда, режимді объектілерде болуға арналған рұқсаты;

      4) тәуелсіз сарапшылар тартылған жағдайда, тартылған (тәуелсіз) сарапшылардың жеке куәліктері көрсетіледі.

      87. Аудиторлық іс-шараны Тапсырмада көрсетілген адамдар ғана жүзеге асырады.

      88. Аудиторлық іс-шара жүргізудің басталған кезі мемлекеттік аудит объектісінің лауазымды адамына (адамдарына) Тапсырманың көрсетілген күні болып табылады.

      89. Мемлекеттік аудит объектісінің басшысына немесе келісімімен аудиторлық іс-шара жүзеге асырылып жатқан лауазымды адамға Тапсырма көрсетілген күннен бастап екінші күннен кешіктірілмей, мемлекеттік аудит тобының жетекшісі немесе мемлекеттік аудитор қол қойған, осы Қағидаларға 11-қосымшаға сәйкес нысан бойынша Мемлекеттік аудит объектісі басшысының (келісімімен аудиторлық іс-шара жүзеге асырылып жатқан лауазымды адамның) міндеттерін атқару жөніндегі талап беріледі.

      Қағидалардың осы тармағында көзделген Талапқа бөлшек арқылы тапсырманың нөмірі беріледі және көрсетілген Талаптың табыс етілген күні көрсетіледі.

      90. Мемлекеттік аудит объектісі басшысының міндеттерін атқару жөніндегі талап мемлекеттік аудит объектісінің Кеңсесі арқылы жіберіледі, мұнда оның бірінші данасы мемлекеттік аудит объектісінің Кеңсесінде, ал қабылданғаны туралы белгісі бар екінші данасы мемлекеттік аудиторда қалады және Аудиторлық есептің жобасына қоса тіркеледі.

      91. Аудиторлық іс-шараны жүзеге асыру барысында қосымша құжаттарды, материалдарды, ақпараттарды алу үшін мемлекеттік аудит объектісіне осы Қағидалардың 89 және 90-тармақтарына сәйкес ресімделетін мемлекеттік аудит объектісі басшысының міндеттерін атқару жөніндегі қосымша талап жіберіледі.

      Үстеме тексеру жүргізу кезінде мемлекеттік аудит объектісіне осы Қағидалардың 89 және 90-тармақтарына сәйкес ресімделетін басшының міндеттерін атқару жөнінде қосымша талап қоюға жол беріледі.

      92. Мемлекеттік аудит объектісінің лауазымды адамдары мемлекеттік аудит объектісіне кіргізуден бас тартқан жағдайда және (немесе) аудиторлық іс-шараны жүргізуге кедергі келтірген кезде мемлекеттік аудитор екінші күннен кешіктірмей осы Қағидаларға 12-қосымшаға сәйкес нысан бойынша мемлекеттік аудит объектісіне кіргізуден бас тарту фактісі бойынша акті және Қазақстан Республикасының Әкімшілік құқық бұзушылық туралы кодексінің (бұдан әрі – ӘҚтК) негізінде және онда көзделген тәртіппен әкімшілік құқық бұзушылық туралы хаттама жасайды.

      Әкімшілік құқық бұзушылық туралы тиісті хаттама құқықтық қамтамасыз етуге жауапты құрылымдық бөлімшеде тіркеледі.

      93. Осы Қағидалардың 92-тармағында көзделген жағдайда, мемлекеттік аудит тобының жетекшісі жазбаша, электрондық пошта (факс), пошта байланысы арқылы және (немесе) қолма-қол Есеп комитетінің (Тексеру комиссиясының) аудиторлық іс-шараға жауапты мүшесіне осы фактілер туралы хабарлайды, ол осыларды жою жөнінде шаралар қабылдайды.

      94. Мемлекеттік аудит объектісі мемлекеттік аудит жүргізуге кедергі келтіретін мән-жайларды жоймаған жағдайда, Есеп комитетінің (Тексеру комиссиясының) аудиторлық іс-шараға жауапты мүшесі Есеп комитетінің (Тексеру комиссиясының) Төрағасына мемлекеттік аудит жүргізуге кедергі келтіретін себептер толық жойылғанға дейін аудиторлық іс-шараны тоқтата тұру туралы қолдаухат дайындайды.

      95. Аудиторлық іс-шараны тоқтата тұру, ұзарту туралы шешім мемлекеттік аудит объектісін, құқықтық статистика және арнайы есепке алу саласындағы уәкілетті органды бір мезгілде хабардар ете отырып, Есеп комитеті (Тексеру комиссиясы) Төрағасының бұйрығы түрінде шығарылады.

      Аудиторлық іс-шара қайта басталған кезде жаңа Тапсырма жазылып беріледі.

      96. Аудиторлық іс-шараны жүргізу мемлекеттік аудит объектісінің жұмыс режиміне және күн тәртібіне сәйкес жүзеге асырылады, сондай-ақ оның қызметіне кедергі келтірмеуі тиіс.

      97. Мемлекеттік аудит объектісінің ақпараттық стендінде немесе жұмыскерлерінің баршасына көрінетіндей жерде Есеп комитеті (Тексеру комиссиясы) жұмыскерлерінің мемлекеттік аудит объектісінде аудиторлық іс-шара жүргізіп жатқаны туралы ақпарат, сондай-ақ осы Қағидаларға 13-қосымшаға сәйкес нысан бойынша Есеп комитетінің (Тексеру комиссиясының) сенім телефоны туралы хабарландыру ілінеді.

      98. Егер мемлекеттік аудит объектісінде мемлекеттік аудит органының аудиторлық іс-шарамен қамтылатын Аудит бағдарламасында көрсетілген мақсат, кезең және мәселелер бойынша жүргізілетін аудиторлық іс-шарамен сәйкес келетін мемлекеттік аудит жүргізу фактісі анықталса, онда мемлекеттік аудиторлар Заңның 19-бабында және Есеп комитетінің 2016 жылғы 31 наурыздағы № 5-НҚ нормативтік қаулысымен бекітілген (Нормативтік құқықтық актілерді мемлекеттік тіркеу тізілімінде № 13647 болып тіркелген) Мемлекеттік аудит нәтижелерін тану бойынша сыртқы мемлекеттік аудиттің және қаржылық бақылаудың рәсімдік стандартында айқындалған тәртіппен мемлекеттік аудит нәтижелерін тану рәсімін жүргізеді.

      99. Мемлекеттік аудит органы жүргізген мемлекеттік аудит нәтижелері танылмаған жағдайда, мемлекеттік аудиттің аталған объектілеріндегі аудиторлық іс-шара Аудит бағдарламасына және мемлекеттік аудиторлардың Аудиторлық тапсырмаларына сәйкес жүргізіледі.

      100. Мемлекеттік аудит органы жүргізген мемлекеттік аудит нәтижелері танылған жағдайда, мемлекеттік аудиттің көлемі өзгерген кезде Мемлекеттік аудит объектілерінің тізбесіне, Аудит жоспарына, Аудит бағдарламасына, Аудиторлық тапсырмаларға өзгерістер енгізіледі.

      101. Құқық қорғау органдары мемлекеттік аудит объектісіндегі құжаттарды алып қойғанда, сарапшылар мемлекеттік аудит жүргізуден бас тартқанда, мемлекеттік аудит нәтижелерін танығанда, еңбекке қабілетсіздігіне байланысты мемлекеттік аудитор, аудиторлық топтың мүшесі ұзақ уақыт болмағанда Есеп комитетінің (Тексеру комиссиясының) аудиторлық іс-шараға жауапты мүшесі немесе Тапсырмаға қол қойған лауазымды адам тіркелген Тапсырманың күшін жоюға келісім берген мемлекеттік аудит тобы жетекшісінің, мемлекеттік аудитті жүргізуге, құқықтық қамтамасыз етуге жауапты бөлімше басшыларының қолы болған жағдайда, оның оң жақ жоғарғы бұрышына қойылатын "Тапсырманың күші жойылды" деген мәтіні бар мөртаңбаға өзінің қолын қою арқылы растай отырып Тапсырманың күшін жояды. Тапсырманың артқы бетінде (мөртаңбаның бедері деңгейінде) оның күшін жоюдың себептері және осындай шешімнің қабылданған күні көрсетіледі.

      102. Аудит тобы мүшелерінің біреуі еңбекке қабілеттілігінен айырылған не ол ауыстырылған жағдайда аудиторлық іс-шараны аяқтаған адам тапсырмаларда көрсетілген мерзімдерге дейін аудиторлық тапсырмада бекітілген мемлекеттік аудит мәселелері бойынша оның нәтижелері туралы қол қойылған ақпаратты аудит тобының жетекшісіне, ал ол болмаған жағдайда аудит объектісінде болған мемлекеттік аудиторға ұсынады, ол аудиторлық есепке қосымша және оның нәтижелерін аудиторлық есепке қосу үшін негіз болып табылады.

      103. Аудиторлық іс-шара барысында Аудит бағдарламасымен қамтылмаған, бірақ толық зерделеуге қажетті мәселелер туындаған жағдайда, мемлекеттік аудитор мемлекеттік аудит тобы басшысының келісімі бойынша Есеп комитетінің (Тексеру комиссиясының) аудиторлық іс-шараға жауапты мүшесін жазбаша түрде хабардар етеді.

      104. Аудит бағдарламасында қамтылмаған мәселелер бойынша аудиторлық іс-шара жүргізудің орындылығы танылған жағдайда, Есеп комитетінің (Тексеру комиссиясының) аудиторлық іс-шараға жауапты мүшесі мемлекеттік аудитордың Аудиторлық тапсырмасына толықтырулар енгізе отырып, мемлекеттік аудиторға тиісті тапсырма береді. Мемлекеттік аудит объектісі Аудит бағдарламасында қамтылмаған мәселелер бойынша материалдарды аудиторлық іс-шараны жүзеге асыратын мемлекеттік аудитор жіберген Құжаттарды ұсыну туралы талаптың негізінде ұсынады.

      105. Мемлекеттік аудитті жүргізу мерзімін ұзарту қажет болған жағдайда, соның ішінде осы Қағидалардың 98 және 104-тармақтарында көзделген жағдайларда, Өтінімге тиісті өзгерістер енгізіле отырып, Есеп комитетінің (Тексеру комиссиясының) Төрағасы Есеп комитетінің (Тексеру комиссиясының) аудиторлық іс-шараға жауапты мүшесінің жазбаша өтінішхаты бойынша ол аяқталғанға дейін кемінде бір жұмыс күні бұрын мерзімін ұзартады.

      106. Аудиторлық іс-шараны жүргізу барысында Аудит жоспарына, Аудит бағдарламасына және Аудиторлық тапсырмаларға өзгерістер және (немесе) толықтырулар енгізу мыналарға:

      Аудит жоспарына – өзгерістер және (немесе) толықтырулар енгізудің негіздемелерін көрсете отырып, мемлекеттік аудит тобының жетекшісі дайындаған, мемлекеттік аудит жүргізуге, жоспарлауға және сапа бақылауына жауапты құрылымдық бөлімшелер басшыларының бұрыштамасы алынған, Есеп комитетінің (Тексеру комиссиясының) аудиторлық іс-шараға жауапты мүшесінің қолы қойылған Есеп комитеті (Тексеру комиссиясы) Төрағасының атына жазылған қызметтік жазба негізінде;

      Аудит бағдарламасына – мемлекеттік аудит тобы жетекшісінің өзгерістер және (немесе) толықтырулар енгізудің негіздемелерін көрсете отырып, мемлекеттік аудитті жүргізуге және сапа бақылауына жауапты құрылымдық бөлімшелер басшыларының келісімі бойынша Есеп комитетінің (Тексеру комиссиясының) аудиторлық іс-шараға жауапты мүшесінің атына жазған қызметтік жазбасының негізінде;

      Аудиторлық тапсырмаға – мемлекеттік аудитордың мемлекеттік аудит тобының жетекшісімен, аудит жүргізуге жауапты құрылымдық бөлімшенің басшысымен келісілген, Есеп комитеті (Тексеру комиссиясы) мүшесінің атына қызметтік жазбасының негізінде немесе Аудит жоспары мен Аудит бағдарламасына өзгерістер және (немесе) толықтырулар енгізілген жағдайда осы Қағидалардың 61, 100-104-тармақтарында көзделген негіздер бойынша ЭҚАЖ-да тіркеле отырып жүзеге асырылады.

      107. Аудиторлық іс-шараны жүзеге асыру кезінде аудиторлық іс-шараның қойылған мақсатына және мәселелеріне сәйкес аудиторлық дәлелдемелерді қалыптастыру үшін қажетті, соның ішінде үшінші тұлғалардан алынған нақты деректерді жинау, талдау жүргізіледі.

      Аудиторлық іс-шараны жүргізу барысында жиналған аудиторлық дәлелдемелер мемлекеттік аудит объектісінде анықталған құқықтық актілер, мемлекеттік аудит объектілерінің актілері бұзушылықтарының, заңнамадағы олқылықтар мен коллизиялардың, жүйелі кемшіліктердің негіздемесі болып табылады.

      108. Мемлекеттік аудиторлар іс жүзінде тауарларды жеткізу, қызметтерді көрсету және жекелеген жұмыс түрлерін (көлемдерін), соның ішінде субсидиялар, гранттар, нысаналы салымдар, қарыздар, кредиттер есебінен сатып алынғандарды орындау мәнінің анықтығын растау және (немесе) осыған байланысты аудиторлық дәлелдемелер жинау үшін мемлекеттік аудит объектісінің басшысы уәкілеттік берген адаммен бірге аудиторлық рәсімдерді қолдану негізінде бақылау өлшемін, тексеріп қарауды (бұдан әрі – бақылау өлшемі (тексеріп қарау) жүргізеді.

      Мемлекеттік аудит объектісінің басшылығы тапсырыс берушінің және (немесе) өнім берушінің (мердігердің) өкілдерінің, субсидиялар, гранттар, нысаналы салымдар, қарыздар, кредиттер алушылардың және қатысы бар адамдардың толыққанды бақылау өлшемін (тексеріп қарауды) жүргізуге қажетті бақылау-өлшеу аспаптарымен қатысуын қамтамасыз ету қажеттілігі туралы жазбаша нысанда хабардар етіледі.

      109. Бақылау өлшемінің (тексеріп қараудың) қорытындысы бойынша осы Қағидаларға 14-қосымшаға сәйкес нысан бойынша бақылау өлшемі (тексеріп қарау) актісі екі данада ресімделіп, оған аяқталған күні қол қойылады. Қол қойылған актінің бір данасы – мемлекеттік аудиторда қалдырылады, ал екінші данасы – мемлекеттік аудит объектісіне беріледі. Бақылау өлшемінің (тексеріп қараудың) нәтижелерін мемлекеттік аудитор негізгі мемлекеттік аудит объектісінде жасалатын Аудиторлық есепте міндетті түрде көрсетеді.

      110. Мемлекеттік аудит объектісінің (тапсырыс берушінің) және (немесе) өнім берушінің (мердігердің) өкілдері тарапынан бақылау өлшемі (тексеріп қарау) актісіне қол қоюдан бас тартылған жағдайда, қол қоюдан бас тартылғаны жөнінде белгі қойылады. Жүргізілген бақылау өлшемінің нәтижелерін растайтын тиісті негіздер (аудиторлық дәлелдемелер) болған жағдайда, мемлекеттік аудит объектісі (тапсырыс беруші) және (немесе) өнім беруші (мердігер) тарапынан бақылау өлшемі (тексеріп қарау) актісіне қол қоюдан бас тарту өлшем (тексеріп қарау) нәтижелерін Аудиторлық есепке енгізуден бас тартуға негіз бола алмайды.

      111. Аудиторлық іс-шараны жүргізу процесінде мемлекеттік аудиторлар күн сайын мемлекеттік аудит тобының жетекшісін атқарылған жұмыс туралы хабардар етеді. Құпия сипатқа ие және (немесе) таратылуы шектеулі ақпараты бар іс-шараларды қоспағанда, тиімділік, сәйкестік және қаржылық есептілік аудиті іс-шаралары шеңберінде, мемлекеттік аудиторлар объектіде аудиторлық іс-шараны жүргізудің екінші аптасынан бастап, апта сайын соңғы жұмыс күнінің алдындағы күні қорғалған байланыс арналары арқылы немесе қағаз жеткізгіште есепті күнге жасалған аудиторлық есептің жобасын жіберіп отырады.

      112. Мемлекеттік аудит тобының жетекшісі аудиторлық іс-шара мәселелерінің толық қамтылуына мониторинг жүргізеді, аудиторлық іс-шараның жекелеген бағыттарын түзетеді және апта сайын аптаның соңғы жұмыс күні сағат 15-00-ге дейін қорғалған байланыс арналары арқылы (соның ішінде жеке есепке алу жазбасы бойынша Мемлекеттік органдардың интранет порталы арқылы) Есеп комитетінің (Тексеру комиссиясының) аудиторлық іс-шараға жауапты мүшесіне, мемлекеттік аудитті жүргізуге жауапты бөлімшенің басшысына және құқықтық қамтамасыз етуге жауапты құрылымдық бөлімшенің жұмыскеріне есепті күнге жасалған аудиторлық есептердің жобаларын ұсынады.

      113. Есеп комитетінің (Тексеру комиссиясының) аудиторлық іс-шараға жауапты мүшесі, мемлекеттік аудитті жүргізуге жауапты құрылымдық бөлімшенің басшысы және құқықтық қамтамасыз етуге жауапты құрылымдық бөлімшенің бекітілген жұмыскері құзыреті шегінде аудиторлық есептердің жобаларын қарап, оларға ұсыныстар, ұсынымдар (болған кезде) береді.

      114. Құпия сипатқа ие және (немесе) таратылуы шектеулі ақпараты бар аудиторлық іс-шаралар бойынша аудиторлық есептердің жобалары Қазақстан Республикасында құпиялылық режимін қамтамасыз ету жөніндегі қолданыстағы заңнамаға және Қазақстан Республикасының Әкімшілік рәсімдік-процестік кодексіне сәйкес жіберіледі.

      Режимдік мекемелерде аудиторлық іс-шараларды жүргізумен байланысты құпия материалдарды зерделеу және талдау Қазақстан Республикасында құпиялылық режимін қамтамасыз ету жөніндегі қолданыстағы заңнамаға сәйкес жүзеге асырылады.

2-параграф. Аудиторлық есептерді жасау және ресімдеу

      115. Сыртқы мемлекеттік аудит және қаржылық бақылау органдары жүргізген аудиторлық іс-шараның нәтижелері бойынша мемлекеттік аудит жүргізілген объектілердің әрқайсысына осы Қағидаларға 15-қосымшаға сәйкес қатаң есептілік бланкісінде мыналар ресімделеді:

      1) аудиторлық есеп – осы Қағидаларға 16-қосымшаға сәйкес нысан бойынша аудиторлық іс-шараны тікелей жүргізген мемлекеттік аудиторлар жасаған, белгілі бір уақыт кезеңі үшін жүргізілген тиімділік аудитінің және (немесе) сәйкестік аудитінің нәтижелерін қамтитын құжат;

      2) қаржылық есептілік бойынша аудиторлық есеп – осы Қағидаларға 18-қосымшаға сәйкес нысан бойынша аудиторлық іс-шараны тікелей жүргізген мемлекеттік аудиторлар жасаған, қаржылық есептіліктің анықтығы, сондай-ақ бухгалтерлік есепті жүргізу және қаржылық есептілікті жасау тәртібінің Қазақстан Республикасында бухгалтерлік есеп пен қаржылық есептілік заңнамасында белгіленген талаптарға сәйкестігі туралы жазбаша нысанда білдірілген пікірді қамтитын құжат.

      116. Аудиторлық есеп Аудит бағдарламасындағы және Аудиторлық тапсырмалардағы мәселелердің тізбесіне сәйкес жасалады. Есептердің мазмұны жүйеленген және қайталануды болдырмауы тиіс, қисынды және қабылдау үшін жеңіл болуы тиіс.

      117. Анықталған бұзушылықтар мен кемшіліктер Аудиторлық есептегі жазбалардың анықтығын растайтын құжаттардың түпнұсқаларының деректемелеріне қажетті сілтемелер көрсетіле отырып, объективті және дәл сипатталады. Анықталған бұзушылықтар ережелері бұзылған нормативтік құқықтық актілердің баптары, тармақтары мен тармақшалары, сондай-ақ мемлекеттік аудит объектілерінің оларды іске асыру үшін қабылдаған актілері көрсетіле отырып сипатталады. Егер талдамалық сипаттағы мәселелерді қоспағанда, аудиторлық іс-шара мәселесі бойынша бұзушылықтар мен кемшіліктер анықталмаса, мемлекеттік аудитор:

      1) Аудиторлық есепте Аудит бағдарламасының мәселесі бойынша қысқаша ақпаратты, анықталған кемшіліктер мен бұзушылықтардың болмағандығын көрсетеді;

      2) Аудиторлық есепке мемлекеттік аудит (тексеру) жүргізілген құжаттардың деректемелерін көрсете отырып, олардың тізбесін қоса береді.

      118. Бұзушылықтың әрбір фактісі, сондай-ақ заңнаманың анықталған кемшіліктері мен олқылықтары бұзушылықтың сипаты мен түрі, соның ішінде Есеп комитетінің 2018 жылғы 1 қазандағы № 18-НҚ нормативтік қаулысымен бекітілген Мемлекеттік аудит және қаржылық бақылау объектілерінде анықталатын бұзушылықтар сыныптауышында (Нормативтік құқықтық актілерді мемлекеттік тіркеу тізілімінде № 17643 болып тіркелген) көзделгендері сипаттала отырып, реттік тәртіппен нөмірленеді және жеке тармақпен (1-тармақ, 2-тармақ және тағы басқалар) тіркеледі. Бұзушылықтар сипаттамасында бұзушылықтарды растайтын құжаттарға сілтеме жасалады.

      119. Аудиторлық есепке оның ажырамас бөлігі болып табылатын мынадай аудиторлық дәлелдемелер:

      1) мемлекеттік аудит объектісі басшысының міндеттерін атқару жөніндегі талап;

      2) мемлекеттік аудиторлар қол қойған және осы Қағидаларға 17-қосымшаға сәйкес нысан бойынша жасалған аудиторлық іс-шараның нәтижелері бойынша анықталған бұзушылықтар мен кемшіліктердің тізілімі (бұдан әрі – Тізілім);

      3) құжаттардың, кестелердің төлнұсқалары немесе белгіленген тәртіппен куәландырылған көшірмелері, сондай-ақ болған жағдайда, бұзушылық фактілерін көрсететін анықтамалар, фотосуреттер;

      4) функционалдық және лауазымдық міндеттеріне сүйене отырып, жол берілген бұзушылықтар бойынша адамдардың жазбаша түсініктемелері;

      5) бақылау өлшемдері (тексеріп қараулар) актілері (олар жасалған жағдайда);

      6) зерттеулердің (сынақтардың), сараптамалардың қорытындылары, хаттамалардың көшірмелері, аудиторлық іс-шараның нәтижелеріне байланысты құжаттар немесе олардың көшірмелері (олар жасалған жағдайда);

      7) сарапшылардың қорытындылары (тартылған жағдайда);

      8) мемлекеттік көрсетілетін қызметтерді алушылардың қанағаттануы тұрғысынан халық арасында сауалнама жүргізу нәтижелері (болған жағдайда);

      9) ақы төлеу фактісін растайтын құжаттар (көшірмелері) (аудиторлық іс-шара барысында қаражат өтелген (қалпына келтірілген) жағдайда):

      төлем тапсырмалары (төлеуге арналған шоттар, түбіртектер, чектер);

      ведомостер, ордерлер, нарядтар;

      орындалған жұмыстардың, тауарларды жеткізудің және көрсетілген қызметтердің актілері;

      10) мемлекеттік аудит объектісінің басшысына (лауазымды адамына) Аудиторлық есептің тапсырылған күнін растайтын құжат (көшірмесі) (оны қабылдағаны туралы мемлекеттік аудит объектісінің мөртабаны болмаған жағдайда);

      11) талдамалық материалдар және мемлекеттік аудит объектісінің қызметіндегі бұзушылықтар мен кемшіліктер фактісін растайтын материалдар;

      12) мемлекеттік аудит органдарының мемлекеттік аудит нәтижелерін тану рәсімінің қорытындылары бойынша сараптамалық қорытындылар және тану жүргізілген материалдар (тану рәсімі жүргізілген жағдайда) қоса беріледі.

      119-1. Әкімшілік және қылмыстық құқық бұзушылық белгілері бар аудиторлық дәлелдемелерді қоспағанда, осы Қағидалардың 119-тармағында көрсетілген құжаттарды электрондық форматта ұсынуға жол беріледі.

      120. Аудиторлық есепке қоса берілетін құжаттардың көшірмелері уәкілетті лауазымды адамдардың қолымен, мемлекеттік аудит объектісінің мөрімен және мөртабанымен (болған жағдайда) расталады. Аудиторлық есепте қосымшаларының реттік нөмірі, әрбір қосымша бойынша жеке-жеке парақ саны көрсетіле отырып, оларға сілтеме жасалады.

      121. Аудиторлық есепке тиісті құжаттармен расталмаған фактілерді, тұжырымдарды енгізуге жол берілмейді.

      122. Аудиторлық есепте жазылып, Аудиторлық есепте соларға сілтеме жасалған бұзушылықтарды растайтын құжаттардың болмауы, сондай-ақ оларды толықтыру мүмкіндігінің болмауы оларды Аудиторлық қорытындыға қоспауға негіз болып табылады.

      123. Мемлекеттік аудит объектісінің тауарларға, жұмыстарға немесе көрсетілген қызметтерге ақы төлеуінің негізділігін растайтын құжаттар мемлекеттік аудит объектісінде болмаған жағдайда, сондай-ақ Қазақстан Республикасының заңнамасында көзделген талаптар, міндеттер орындалмағанда немесе тиісінше орындалмағанда, мемлекеттік аудит объектісінің лауазымды адамдары мемлекеттік аудиторларға олардың сұрау салуы бойынша тиісті жазбаша түсініктемелер береді.

      124. Аудиторлық есептің жобасын аудиторлық іс-шараны жүргізген мемлекеттік аудиторлар жасайды және оған қол қояды.

      125. Мемлекеттік аудит тобының жетекшісі (мемлекеттік аудитор) объектіде аудиторлық іс-шара аяқталғаннан кейін келесі жұмыс күнінен кешіктірмей, мемлекеттік аудиторлар қол қойған аудиторлық есептің жобасын, Тізілімдерді, кестелерді және қосымшаларды (болған жағдайда) мынадай қолайлы тәсілдердің бірі арқылы:

      1) мемлекеттік аудитордың өзі қолма-қол;

      2) сканерден өткізілгендерін – қорғалған байланыс арналары бойынша;

      3) Аудиторлық есеп жобасының тұпнұсқасын (құпияны қоспағанда) фельдъегерлік байланыс не хабарламасы бар тапсырыс хатпен пошта арқылы;

      4) құпия сипаты бар аудиторлық іс-шаралар бойынша, – Қазақстан Республикасының мемлекеттік құпияларды қорғау жөніндегі заңнамасында белгіленген талаптарды сақтай отырып, Есеп комитетіне (Тексеру комиссиясына) жібереді.

      126. Аудиторлық есептердің жобалары (аудиторлық есептер) және оларға қоса берілген Тізілімдер бойынша Заңның 24-бабына сәйкес сапа бақылауы рәсімі жүргізіледі, оның нәтижелері бойынша сараптамалық және заң қорытындысы қалыптастырылады. Сапа бақылауы Есеп комитетінің 2016 жылғы 31 наурыздағы № 5-НҚ нормативтік қаулысымен бекітілген (Нормативтік құқықтық актілерді мемлекеттік тіркеу тізілімінде № 13647 болып тіркелген) 750. Сыртқы мемлекеттік аудит және қаржылық бақылау органдарының сапа бақылауын жүзеге асыруы бойынша сыртқы мемлекеттік аудиттің және қаржылық бақылаудың рәсімдік стандартында, сондай-ақ осы стандартты қолдану бойынша Әдіснамалық басшылықта көзделген тәртіппен аудиторлық есептің жобасы Есеп комитетінің (Тексеру комиссиясының) кеңсесінде тіркелген күннен бастап жеті жұмыс күні ішінде жүргізіледі.

      127. Егер заң қорытындысын (сараптамалық қорытындыны) дайындау кезінде аудиторлық іс-шара материалдарына мемлекеттік аудиторлар тіркелген Аудиторлық есепке қоса берілмеген құжаттарды ұсынса, олар мұндай құжаттарды мемлекеттік аудит материалдарына, соның ішінде оның электрондық нұсқасына қоса тіркейді.

      Құжаттарды қоса тіркеу мемлекеттік аудит жүргізуге жауапты құрылымдық бөлімшенің құжат айналымына, құқықтық қамтамасыз етуге, сапа бақылауына жауапты құрылымдық бөлімшеге Есеп комитетінің (Тексеру комиссиясының) отырысы өткізілетін күннен кешіктірмей қоса тіркеуге жататын құжаттарды немесе олардың көшірмелерін қоса бере отырып, ЭҚАЖ арқылы қызметтік жазба жіберуі арқылы жүзеге асырылады.

      128. Сапа бақылауының нәтижелері бойынша сараптамалық және заң қорытындысының негізінде мемлекеттік аудит тобы Аудиторлық есептің жобасын және анықталған бұзушылықтар мен кемшіліктердің тізілімін пысықтайды. Пысықтау кезінде Есеп комитеті мүшесінің және мемлекеттік аудитті жүргізуге жауапты құрылымдық бөлімше басшысының ескертулері мен ұсыныстары ескеріледі.

      Сапа бақылауының және заң сараптамасының нәтижелері бойынша пысықталған Аудиторлық есепке аудиторлық іс-шараны жүргізген мемлекеттік аудитор мен сарапшылар екі данада қол қояды. Мемлекеттік аудиторлар Аудиторлық есептің екінші парағынан бастап барлық бетіне қол қояды.

      Аудиторлық есептің екінші данасы аудиторлық іс-шара шеңберінде соңғы аудит объектісінде аудиторлық іс-шара аяқталғаннан кейін он жұмыс күні мерзімі ішінде аудит объектісіне жіберіледі. Аудиторлық есеп осы Қағидалардың 125-тармағында көрсетілген қолайлы тәсілдердің бірі арқылы жіберіледі.

      130. Аудиторлық іс-шараның нәтижелерімен келіспеген жағдайда, мемлекеттік аудит объектісінің басшылығы Аудиторлық есепке жазбаша қарсылықтарын қол қойылған Аудиторлық есеп мемлекеттік аудит объектісіне жіберілген күннен бастап он жұмыс күнінен аспайтын мерзімде сыртқы мемлекеттік аудит және қаржылық бақылау органына ұсынады.

      Көрсетілген мерзім өткен соң келіп түскен Аудиторлық есепке қарсылықтар қаралмайды.

      131. Есеп комитетіне (Тексеру комиссиясына) келіп түскен Аудиторлық есепке қарсылықтарды Есеп комитетінің (Тексеру комиссиясының) аудиторлық іс-шараға жауапты мүшесі мемлекеттік аудиторлармен, мемлекеттік аудитті жүргізуге жауапты құрылымдық бөлімшенің басшысымен, құқықтық қамтамасыз етуге жауапты құрылымдық бөлімшенің жұмыскерлерімен, мемлекеттік аудитті жүзеге асыруға тартылған сарапшылармен бірге Аудиторлық қорытындыны дайындау кезеңінде қарайды, содан кейін қарсылықтың әрбір тармағы бойынша қабылданған және қабылданбаған дәлелдерді көрсете отырып, Есеп комитетінің (Тексеру комиссиясының) отырысы өткізілетін күнге дейін төрт жұмыс күнінен кешіктірмей мемлекеттік аудит объектісіне уәжді жауап жібереді. Мемлекеттік аудит объектісінің Аудиторлық есепке ұсынған түсіндірмелері оларға жауап дайындалмастан назарға алынады.

      132. Есеп комитетіне (Тексеру комиссиясына) келіп түскен Аудиторлық есепке қарсылықтар және оларға уәжді жауаптар Есеп комитетінің (Тексеру комиссиясының) отырысынан кейін міндетті түрде аудиторлық іс-шара материалдарына және олардың ЕК ИАЖ-дағы және (немесе) ЭҚАЖ-дағы электрондық нұсқаларына қоса тіркеледі.

      133. Мемлекеттік аудиторлар іссапар аяқталған күннен бастап екі жұмыс күнінен кешіктірмей құжаттардың атауы мен аудиторлық іс-шараның қалған материалдарымен жасақтағанға дейін жинақтау папкасында қалыптастырылатын құжаттардың атауы мен парақ санын тізімдемеде көрсете отырып, алдын ала зерделеу нәтижелері туралы материалдардың, Өтінімге енгізілген өзгерістер мен толықтырулар туралы қызметтік жазбалардың, Аудит жоспарының, Аудит бағдарламасының, Аудиторлық тапсырмалардың, Тапсырмалардың, Аудиторлық есептің (№ 1 дана), Тізілімнің және Аудиторлық есепке қосымшалардың түпнұсқаларын, мемлекеттік аудит объектілерінің қарсылықтарын (болған жағдайда) құжат айналымына жауапты құрылымдық бөлімшеге (Тексеру комиссиясының Регламентіне сәйкес айқындалған құрылымдық бөлімшеге) тапсырады.

      Құжат айналымына жауапты құрылымдық бөлімше (Тексеру комиссиясының Регламентіне сәйкес айқындалған құрылымдық бөлімше) Аудиторлық есептердің, Тізілімнің және Аудиторлық есепке қосымшалардың түпнұсқалары, мемлекеттік аудит объектілерінің қарсылықтары Есеп комитетіне (Тексеру комиссиясына) түскен күннен бастап үш жұмыс күні ішінде оларды сканерлейді, ЭҚАЖ-да тіркейді және Есеп комитетінің (Тексеру комиссиясының) аудиторлық іс-шараға жауапты мүшесіне, мемлекеттік аудитті, сапа бақылауын жүргізуге және құқықтық қамтамасыз етуге жауапты құрылымдық бөлімшелерге береді.

      Аудиторлық іс-шара шеңберінде қалыптастырылған құжаттар сканерленген нұсқалары қоса тіркеліп, ЕК ИАЖ-да орналастырылады.

3-параграф. Аудиторлық қорытындыларды, Нұсқамаларды жасау және ресімдеу

      134. Сыртқы мемлекеттік аудит және қаржылық бақылау органы жүргізген мемлекеттік аудиттің нәтижелері бойынша Аудиторлық қорытынды ресімделеді, ол Аудиторлық есептердің негізінде жасалатын, тұжырымдар мен ұсынымдарды қамтитын және Есеп комитетінің (Тексеру комиссиясының) қаулысымен бекітілетін құжат болып табылады.

      135. Жүргізілген аудиторлық іс-шараның нәтижелері бойынша, мемлекеттік аудитті жүргізуге жауапты құрылымдық бөлімше аудит жетекшісімен және тобымен, тартылған сарапшылармен бірлесіп, Есеп комитетінің аудиторлық іс-шараға жауапты мүшесінің жетекшілік етуімен (Тексеру комиссиясының аудиторлық іс-шараға жауапты мүшесі мемлекеттік аудиторлар мен тартылған сарапшылардың қатысуымен аудит тобының жетекшісімен бірлесіп) Аудиторлық есеп жобаларының сапасын бақылау нәтижелері бойынша шығарылған сараптамалық және заң қорытындысын, жергілікті жерге барып аудиторлық іс-шараны қайта тексеру (ол жүргізілген жағдайда) нәтижелерін және аудит объектісі (-лері) ұсынған қарсылықтарды қарау нәтижелерін ескере отырып, аудиторлық іс-шара шеңберінде Аудиторлық қорытындының, Мемлекеттік аудиттің нәтижелері бойынша анықталған бұзушылықтар мен кемшіліктердің жиынтық тізілімінің (бұдан әрі – Жиынтық тізілім) және Қазақстан Республикасы заңнамасының анықталған бұзушылықтарын және (немесе) оларға ықпал ететін себептерді, жағдайларды жою, сондай-ақ осы бұзушылықтарға жол берген адамдарға Қазақстан Республикасының заңдарында көзделген жауаптылық шараларын қолдану кезінде, Нұсқаманың жобаларын дайындайды.

      136. Есеп комитетінің мемлекеттік аудитті жүргізуге жауапты құрылымдық бөлімшесі (Тексеру комиссиясының мемлекеттік аудит тобының жетекшісі) Аудиторлық қорытындының, Жиынтық тізілімнің, Қаулының және Нұсқаманың жобаларын сапа бақылауына және құқықтық қамтамасыз етуге жауапты құрылымдық бөлімшелерге жібереді.

      Аудиторлық қорытындының, Жиынтық тізілімнің, Қаулының және Нұсқаманың жобалары бойынша заң сараптамасы үш жұмыс күні ішінде жүргізіледі, содан кейін заң сараптамасының қорытындысы Есеп комитетінің (Тексеру комиссиясының) аудиторлық іс-шараға жауапты мүшесіне, сапа бақылауына және мемлекеттік аудитті жүргізуге жауапты құрылымдық бөлімшелерге жіберіледі.

      Сапа бақылауы Есеп комитетінің 2016 жылғы 31 наурыздағы № 5-НҚ нормативтік қаулысымен бекітілген 750. Сапа бақылауын жүзеге асыру бойынша сыртқы мемлекеттік аудиттің және қаржылық бақылаудың рәсімдік стандартында (Нормативтік құқықтық актілерді мемлекеттік тіркеу тізілімінде № 13647 болып тіркелген) айқындалған тәртіппен Аудиторлық қорытындының, Жиынтық тізілімнің, Нұсқаманың және Қаулының жобалары келіп түскен күннен бастап бес жұмыс күні ішінде жүргізіледі.

      137. Нұсқаманың және Жиынтық тізілімнің жобалары сапа бақылауы рәсімі жүргізілгеннен кейін Есеп комитетінің (Тексеру комиссиясының) аудиторлық іс-шараға жауапты мүшесінің қолы қойылып, Есеп комитетінің (Тексеру комиссиясының) отырысы өткізілгенге дейін бес жұмыс күнінен кешіктірілмей мүдделі тараптарға қарау үшін жіберіледі.

      Мүдделі тараптар Нұсқаманың және Жиынтық тізілімнің жобаларымен келіспеген жағдайда Есеп комитетіне (Тексеру комиссиясына) жазбаша қарсылықтарын оларды алған күннен бастап екі жұмыс күнінен аспайтын мерзімде ұсынады.

      Аудиторлық қорытындының, Жиынтық тізілімнің және Нұсқаманың жобалары Есеп комитетінің (Тексеру комиссиясының) аудиторлық іс-шараға жауапты мүшесінің қолы қойылып, мемлекеттік аудит объектісіне қарау үшін және Есеп комитетінің (Тексеру комиссиясының) отырысына дайындалу мақсатында Есеп комитетінің (Тексеру комиссиясының) отырысы өткізілгенге дейін екі жұмыс күнінен кешіктірілмей жіберіледі.

      Аудиторлық қорытындының, Жиынтық тізілімнің, Қаулы мен Нұсқаманың жобалары мемлекеттік аудит объектілері және мүдделі тараптар қарсылықтарының қаралуын ескере отырып, Есеп комитетінің (Тексеру комиссиясының) отырысына шығарылады.

      138. Аудиторлық қорытындының жобасына аудит тобының жетекшісі, мемлекеттік аудитті жүргізуге жауапты құрылымдық бөлімшенің басшысы, сапа бақылауына және құқықтық қамтамасыз етуге жауапты құрылымдық бөлімшелердің басшылары, Есеп комитетінің (Тексеру комиссиясының) аудиторлық іс-шараға жауапты мүшесі қол қояды.

      Жиынтық тізілімнің жобасына аудиторлық іс-шараны жүргізген барлық жұмыскер қол қояды, мемлекеттік аудитті жүргізуге, сапа бақылауына, құқықтық қамтамасыз етуге жауапты құрылымдық бөлімшелердің басшылары, Есеп комитетінің (Тексеру комиссиясының) аудиторлық іс-шараға жауапты мүшесі бұрыштама қояды.

      Нұсқаманың жобасы мемлекеттік аудитті жүргізуге, сапа бақылауына, құқықтық қамтамасыз етуге жауапты құрылымдық бөлімшелердің басшыларымен келісіледі және Аудиторлық қорытынды бекітілген соң, оған Есеп комитетінің (Тексеру комиссиясының) аудиторлық іс-шараға жауапты мүшесі қол қояды.

      Аудиторлық қорытындының жобасы негізгі мемлекеттік аудит объектісі өкілінің баяндамасы (сөйлейтін сөзі) тезистерінің жобаларымен бірге Есеп комитетінің (Тексеру комиссиясының) отырысы өткізілгенге дейін төрт жұмыс күні бұрын Есеп комитетінің (Тексеру комиссиясының) Төрағасына ілеспе хатпен ұсынылады.

      139. Сапа бақылауының нәтижелері бойынша, жасалған Аудиторлық есептердің Мемлекеттік аудиттің және қаржылық бақылаудың жалпы стандарттарына және (немесе) Сыртқы мемлекеттік аудиттің және қаржылық бақылаудың рәсімдік стандарттарына сәйкессіздігі анықталған жағдайда, сапа бақылауына жауапты құрылымдық бөлімшенің басшысы Есеп комитетінің (Тексеру комиссиясының) аудиторлық іс-шараға жауапты мүшесінің келісімі бойынша Есеп комитеті (Тексеру комиссиясы) Төрағасының атына ескертулерді ескере отырып, аудиторлық іс-шараның материалдарын Есеп комитетінің (Тексеру комиссиясының) отырысына шығарудың орындылығы және Аудиторлық қорытындыға қайта тексеру тағайындау не оны пысықтау туралы қызметтік жазбаны енгізеді.

      140. Аудиторлық қорытынды кіріспе, негізгі (талдамалық), қорытынды бөліктерден тұрады және осы Қағидаларға 19-қосымшаға сәйкес нысан бойынша ресімделеді.

      141. Жиынтық тізілім осы Қағидаларға 17-қосымшаға сәйкес нысан бойынша жасалады және Аудиторлық қорытындыға қосымша болып табылады.

      142. Аудиторлық қорытындының қорытынды бөлігінде мемлекеттік аудит барысында қабылданған шаралар, мемлекеттік аудит нәтижелері бойынша тұжырымдар, мемлекеттік аудит нәтижелері бойынша ұсынымдар мен тапсырмалар көрсетіледі.

      143. Аудиторлық есепте көрсетілген және құжаттармен, сапа бақылауымен расталған бұзушылықтардың, кемшіліктердің анықталған фактілері Жиынтық тізілімде көрсетіледі.

      144. Аудиторлық қорытындыда Қазақстан Республикасы заңнамасы нормаларының, сондай-ақ оларды іске асыру үшін қабылданған квазимемлекеттік сектор субъектілері актілерінің анықталған бұзушылықтарының жалпы сомасы, соның ішінде:

      1) қаржылық бұзушылықтар;

      2) бюджет қаражатын, активтерді тиімсіз пайдалану;

      3) бюджет қаражатын, активтерді тиімсіз жоспарлау;

      4) Қазақстан Республикасының заңнамасы нормаларын іске асыру үшін қабылданған квазимемлекеттік сектор субъектілерінің актілерін бұзушылықтардың сомалары көрсетіледі.

      Рәсімдік бұзушылықтар бойынша олардың саны көрсетіледі.

      145. Аудиторлық қорытындыға мемлекеттік аудит объектісінің осы Қағидаларда белгіленген тәртіппен қаралмаған қарсылықтары бар бұзушылық фактілерін енгізуге жол берілмейді.

      146. Аудиторлық қорытынды Есеп комитеті (Тексеру комиссиясы) Нұсқамасының жобасын дайындау үшін негіз болып табылады.

      147. Есеп комитетінің (Тексеру комиссиясының) Нұсқамасы құқықтық актілер туралы заңнамада белгіленген деректемелерді қамтиды.

      148. Есеп комитетінің (Тексеру комиссиясының) отырысында жүргізілген аудиторлық іс-шаралардың қорытындылары қаралады. Аудиторлық қорытынды, Нұсқама Есеп комитетінің (Тексеру комиссиясының) аудиторлық іс-шараға жауапты мүшесінің және мемлекеттік аудит объектілері өкілдерінің ақпаратын тыңдаудың қорытындысы бойынша қабылданады.

      149. Егер аудиторлық іс-шаралардың қорытындысы бойынша Есеп комитетінің (Тексеру комиссиясының) отырысы барысында мемлекеттік аудит объектісі Есеп комитетінің (Тексеру комиссиясының) Нұсқамасы жобасының тапсырмалық тармақтарын орындау мерзімдерін ауыстыруға не өзге де түзетулерге бастама жасаса, отырыс хаттамасында бастамашы, негіз және қабылданған шешім көрсетіледі.

      150. Есеп комитетінің (Тексеру комиссиясының) Аудиторлық қорытындысы бекітіліп, Нұсқамасына қол қойылған кезде Есеп комитеті (Тексеру комиссиясы) отырысының қорытындысы бойынша оның материалдарына Есеп комитетінің (Тексеру комиссиясының) аудиторлық іс-шараға жауапты мүшесінің баяндамасы қоса беріледі.

      Құпия сипаттағы аудиторлық іс-шаралар бойынша отырыстар Қазақстан Республикасының мемлекеттік құпияларды қорғау жөніндегі заңнамасында белгіленген талаптар сақтала отырып өткізіледі.

      151. Мемлекеттік органдармен жүргізілген бірлескен аудиторлық іс-шараның қорытындысы бойынша Аудиторлық қорытынды мен Нұсқама Есеп комитетінің (Тексеру комиссиясының) отырысында осы органның өкілдерінің қатысуымен ақпаратты талқылағаннан кейін қабылданады.

      152. Аудиторлық қорытынды Есеп комитетінің (Тексеру комиссиясының) Қаулысымен бекітіледі.

      153. Қаулы мыналарды:

      1) жүргізілген аудиторлық іс-шараның қорытындысы бойынша дайындалған Аудиторлық қорытындыны бекіту туралы шешімді;

      2) Қазақстан Республикасының Үкіметіне және (немесе) облыстың (облыстық маңызы бар қаланың, ауданның) жергілікті атқарушы органына және (немесе) тиісті мәслихатқа, консультативтік-кеңесші органға Аудиторлық қорытындыны немесе одан үзіндіні беру туралы шешімді;

      3) материалдарды құқық қорғау органдарына жіберу туралы шешімді;

      4) Нұсқамаларды жіберу туралы шешімді.

      154. Есеп комитетінің (Тексеру комиссиясының) аудиторлық іс-шараға жауапты мүшесі қол қойған Аудиторлық қорытындыны және Жиынтық тізілімді немесе Аудиторлық қорытындыдан және Жиынтық тізілімнен алынған үзінді қоса беріліп, мемлекеттік органдар мен ұйымдардың басшыларына жіберілген Нұсқамалар оларда көрсетілген мерзімдерде қаралады.

      155. Қаулылар мен Аудиторлық қорытындыларды толық көлемінде мыналарға:

      Есеп комитеті - Қазақстан Республикасы Президентінің Әкімшілігіне, Қазақстан Республикасының Үкіметіне және құқық қорғау органдарына, Тексеру комиссияларына;

      Тексеру комиссиялары - облыстың (облыстық маңызы бар қаланың, ауданның) жергілікті атқарушы органына, тиісті мәслихатқа және құқық қорғау органдарына жіберуі мүмкін.

      Аудиторлық қорытындыда жазылған Қазақстан Республикасының Үкіметіне, жергілікті атқарушы органдарға ұсынымдар Қаулының және Аудиторлық қорытындының мөрмен расталған көшірмелері қоса беріліп, Есеп комитетінің (Тексеру комиссиясының) Төрағасы қол қоятын хатпен Қазақстан Республикасының Премьер-Министріне, тиісті әкімдерге жіберіледі.

      156. Заңға сәйкес, сыртқы мемлекеттік аудит органдары Аудиторлық қорытынды бекітілгеннен кейін үш жұмыс күні ішінде құқықтық статистика және арнайы есепке алу саласындағы уәкілетті органға электрондық ақпараттық есепке алу құжаты – талон-хабарламаны ұсынады.

3 - бөлім. Есеп комитетінің жоғары мемлекеттік аудит органдарымен жүргізетін үстеме, бірлескен және қатар тексерулерін жүргізудің ерекшеліктері

1-параграф. Үстеме тексеруді жүзеге асыру

      157. Негізгі мемлекеттік аудит объектілерінің қызметін алдын ала зерделеу барысында үстеме тексерудің ықтимал объектілері айқындалып, олар Аудит жоспары мен бағдарламасына енгізіледі.

      Егер аудиторлық іс-шараны жүргізу барысында үстеме тексеру жүргізу үшін негіз туындаса, Аудит жоспары мен бағдарламасына өзгерістер енгізілместен, соның ішінде мемлекеттік аудит объектісінің жасаған азаматтық-құқықтық мәмілелерінің, есептеулерінің және үшінші адамдармен қаржылық операцияларының анықтығына, іс жүзінде жеткізілетін тауарларға, жұмыстарға және көрсетілетін қызметтерге, сондай-ақ Қазақстан Республикасы заңнамасының талаптарын сақтамауына тексеру жүргізу мүмкіндігі болмаса, Аудиторлық тапсырмаларға тиісті толықтырулар енгізіледі.

      158. Үстеме тексеру жүргізу үшін әрбір мемлекеттік аудит объектісіне осы Қағидалардың 53-тармағында көзделген нысан бойынша үстеме тексеру жүргізуге жеке Тапсырма ресімделеді және қажет болған жағдайда осы Қағидалардың 54-тармағына сәйкес Талап ұсынылады.

      159. Үстеме тексеру нәтижелерін ресімдеу кезінде Аудиторлық есептің нысанынан мынадай бөлімдер: мемлекеттік аудит типі, алдыңғы мемлекеттік аудит нәтижелері туралы мәліметтер алып тасталады.

      160. Үстеме тексеруді жүргізген мемлекеттік аудиторлар және тартылған сарапшылар Аудиторлық есепті екі данада жасайды және оларға қол қояды.

      Аудиторлық есептің бірінші данасы үстеме тексеру аяқталғаннан кейінгі келесі жұмыс күнінен кешіктірілмейтін мерзімде осы Қағидалардың 125-тармағында көрсетілген қолайлы тәсілдердің бірімен Есеп комитетіне (Тексеру комиссиясына) жіберіледі, ол бойынша Заңның 24-бабына сәйкес сапаны бақылау рәсімі жүргізіледі және сараптамалық және заң қорытындысы қалыптастырылады.

      Аудиторлық есептің екінші данасы үстеме тексеру аяқталған күні мемлекеттік аудит объектісінің кіріс хат-хабарларды есепке алу жүйесінде тіркеледі не хабарламамен пошта арқылы жіберіледі.

      161. Үстеме тексеру жүргізілген жағдайда, мемлекеттік аудитор оның нәтижелерін негізгі мемлекеттік аудит объектісінде жасалатын Аудиторлық есепте міндетті түрде көрсетеді.

2-параграф. Есеп комитетінің елдердің жоғары мемлекеттік аудит органдарымен жүргізетін бірлескен және қатар тексерулерін жүзеге асыру

      162. Елдердің жоғары мемлекеттік аудит органдарымен бірлескен немесе қатар тексерулеріне Есеп комитетінің қатысуының құқықтық негізі Бақылаудың басшылық қағидаттарының Лима декларациясы, Халықаралық жоғары аудит органдары ұйымының (ИНТОСАИ), Еуропа жоғары аудит органдары ұйымының (ЕУРОСАИ), Азия жоғары аудит органдары ұйымының (АЗОСАИ), Экономикалық ынтымақтастық елдерінің жоғары аудит органдары ұйымының (ЭКОСАИ), Тәуелсіз Мемлекеттер Достастығына қатысушы мемлекеттердің Жоғары қаржылық бақылау органдары басшылары кеңесінің, Еуразиялық Экономикалық Одақ (ЕАЭО) туралы шарттың, елдердің жоғары мемлекеттік аудит органдарымен Есеп комитетінің ынтымақтастық туралы келісімдері шеңберінде қабылданған шешімдер, Заң және осы Қағидалар болып табылады.

      163. Елдердің жоғары мемлекеттік аудит органдарымен бірлескен және қатар тексеру іс-шаралары Мемлекеттік аудит объектілері тізбесінің жобасын қалыптастыру кезеңінде көзделеді.

      164. Есеп комитеті бірлескен тексеруді елдердің жоғары мемлекеттік аудит органдарымен бірге тексерудің ортақ тақырыбы, Бағдарламасы бойынша және келісілген мерзімдерде екіжақты немесе көпжақты негізде жүргізеді.

      165. Есеп комитеті қатар тексеруді елдердің жоғары мемлекеттік аудит органдарымен бірге кейіннен оның нәтижелерімен алмаса отырып, келісілген мәселелер мен жүргізу мерзімдері бойынша өзара келісім шеңберінде дербес жүргізеді.

      166. Елдердің жоғары мемлекеттік аудит органдарымен бірлескен немесе қатар тексеру республикалық бюджет қаражатының, қатысушы елдердің аумағында орналасқан жекелеген объектілерді бірлескен үлестік қаржыландыруға бағытталатын бюджеттік инвестициялардың пайдаланылуына жүргізілген мемлекеттік аудит кезінде және Қазақстан Республикасының мемлекетаралық шарттары мен келісімдерінде көзделген жағдайларда жүргізіледі.

      167. Бірлескен немесе қатар тексеруді жүргізу үшін мемлекеттік аудитті жүргізуге, сыртқы байланыстарды үйлестіруге жауапты құрылымдық бөлімшелер аудиторлық іс-шараға жауапты Есеп комитеті мүшесінің басшылық етуімен тексеру жүргізу басталғанға дейін екі ай бұрын елдердің жоғары мемлекеттік аудитінің бір немесе бірнеше органымен ақпарат алмасу жөнінде жұмыстар жүргізеді, онда:

      1) тексерудің мақсаты, міндеттері мен мәселелері;

      2) тексеру объектілері;

      3) тексеру жүргізу мерзімдері;

      4) тексеру жүргізуге жауапты адамдар;

      5) ұлттық заңнамада, ынтымақтастық туралы келісімдерде айқындалған функциялары мен аудиторлық өкілеттіктеріне сүйене отырып, әрбір жоғары мемлекеттік аудит органының қатысу шарттары мен мәселелері;

      6) жоғары мемлекеттік аудит органдарының тексеру жүргізуге байланысты жұмыстарды қаржыландыру бөлігіндегі міндеттемелері;

      7) ақпарат алмасу және тексеру нәтижелерін ресімдеу тәртібі, соның ішінде қорытынды құжаттың нысаны;

      8) аудиторлық іс-шаралардың нәтижелері бойынша шешімдерді дайындау мен қабылдау тәртібі;

      9) аудиторлық іс-шаралардың нәтижелері бойынша қабылданған шешімдердің орындалуын мониторингілеу (бақылау) тәртібі айқындалады.

      168. Сыртқы байланыстарды үйлестіруге жауапты құрылымдық бөлімше мемлекеттік аудитті жүргізуге жауапты құрылымдық бөлімшемен бірлесіп, Есеп комитетінің аудиторлық іс-шараға жауапты мүшесінің басшылық етуімен ынтымақтасып отырған елдің жоғары мемлекеттік аудит органымен ақпарат алмасқаннан кейін бірлескен (қатар) тексеруді жүргізу туралы келісімнің (бұдан әрі – Келісім) және Тексеру бағдарламасының жобаларын дайындау жөнінде жұмыстар жүргізеді. Қатар тексеруді жүргізу кезінде Келісімнің, Тексеру бағдарламасының жобаларынан басқа, тексеру тобының басшысы мемлекеттік аудитті жүргізуге жауапты құрылымдық бөлімшемен бірлесіп, Есеп комитетінің аудиторлық іс-шараға жауапты мүшесінің басшылық етуімен қажет болған жағдайда, осы Қағидалардың 3-бөлімінде белгіленген тәртіпке сәйкес Тексеру жоспарының және Аудиторлық тапсырмалардың жобаларын дайындайды.

      169. Тексеру бағдарламасының, Тексеру жоспарының және Аудиторлық тапсырмалардың жобалары (қатар тексеруді жүргізу кезінде) сапа бақылауынан өткеннен кейін сыртқы байланыстарды үйлестіруге жауапты құрылымдық бөлімше мемлекеттік аудитті жүргізуге жауапты құрылымдық бөлімшемен бірлесіп, тексеру жүргізу басталғанға дейін жиырма жұмыс күнінен кешіктірмей, Келісімнің және Тексеру бағдарламасының жобаларын ынтымақтасып отырған елдің жоғары мемлекеттік аудит органына келісуге жібереді. Келісу барысында Келісімге және Тексеру бағдарламасына, қажет болған жағдайда, түзетулер енгізіледі.

      170. Ынтымақтасып отырған елдің жоғары мемлекеттік аудит органымен келісілген Келісім жобасына Есеп комитетінің жауапты мүшесі, мемлекеттік аудитті жүргізуге, құқықтық қамтамасыз етуге, сапа бақылауына, сыртқы байланыстарды үйлестіруге жауапты құрылымдық бөлімшелердің басшылары бұрыштама қойып, Есеп комитетінің Төрағасына қол қоюға енгізіледі.

      Тексеру бағдарламасының келісілген жобасына мемлекеттік аудитті жүргізуге, құқықтық қамтамасыз етуге, сапа бақылауына, сыртқы байланыстарды үйлестіруге жауапты құрылымдық бөлімшелердің басшылары бұрыштама қойып, Есеп комитетінің жауапты мүшесі қол қояды.

      Келісім және Бірлескен тексерудің бағдарламасы тексеру басталғанға дейін жеті жұмыс күнінен кешіктірілмей, ынтымақтасып отырған елдің жоғары мемлекеттік аудит органына бекіту үшін жіберіледі.

      171. Бірлескен тексеру тобының құрамына кіретін Есеп комитетінің жұмыскерлері өздері болған елдің аумағында тексеру жүргізу кезінде, болған елінің мемлекеттік аудит жүргізу заңнамасын, қағидаларын, сондай-ақ бекітілген Келісімді және Бірлескен тексеру бағдарламасын басшылыққа алуға міндетті.

      172. Бірлескен (қатар) тексеруді сапалы жүргізу мақсатында Есеп комитетінің тексеруге жауапты мүшесі ынтымақтасып отырған елдің жоғары мемлекеттік аудит органымен Есеп комитетінің өзара іс-қимылын:

      1) бірлескен (қатар) тексеруді жүзеге асыру барысында туындайтын мәселелер талқыланатын кеңестер;

      2) консультациялар;

      3) әдістемелік және талдамалық құжаттар, ақпарат алмасу түрінде ұйымдастырады.

      173. Қазақстан Республикасының аумағында бірлескен тексеру жүргізілген кезде Аудиторлық есеп Есеп комитетінің бланкісінде тексеру объектісі үшін бір данасы ескеріле отырып, бірлескен тексеруге қатысып отырған елдердің жоғары мемлекеттік аудит органдарының санына тең даналарының саны бойынша ресімделеді.

      Аудиторлық есепке тексеруді жүргізген жұмыскерлер қол қойған, Бірлескен немесе қатар тексерудің нәтижелері бойынша анықталған бұзушылықтар мен кемшіліктердің тізілімі қоса беріледі.

      174. Қатар тексеруді жүргізу кезінде Аудиторлық есептер қатар тексеруге қатысушы жоғары мемлекеттік аудит органдарының ұлттық заңнамасына сәйкес жасалады.

      175. Қатар немесе бірлескен тексерудің нәтижелері бойынша осы Қағидаларда белгіленген тәртіпке сәйкес Аудиторлық қорытынды жасалады.

      176. Қатар немесе бірлескен тексерудің қорытындылары туралы Есеп комитетінің Аудиторлық қорытындысы, егер Келісімде өзгеше көзделмесе, осы Қағидалардың 3-бөлімінде белгіленген тәртіпке сәйкес Есеп комитетінің отырысында қаралады және қабылданады.

      177. Қатар тексеруге қатысушы елдердің жоғары мемлекеттік аудит органдары оның нәтижелері бойынша қабылданған, бекітілген Аудиторлық есептердің көшірмелерімен алмасады.

      178. Бірлескен (қатар) тексеруді жүргізу туралы келісімде жүргізілген бірлескен (қатар) тексерудің қорытындысы бойынша бірлескен қорытынды құжатты дайындау көзделуі мүмкін.

      179. Келісімді іске асыру үшін, қажет болған жағдайда, жоғары мемлекеттік аудит органдарының жүргізген бірлескен (қатар) тексеруінің нәтижелері бойынша олардың бірлескен отырыстар өткізуі, бірлескен шешімдер қабылдауы көзделеді.

4-тарау. Қаржылық бақылау

1-параграф. Жалпы ережелер

      180. Заңның 5-бабының 1-тармағына сәйкес сыртқы мемлекеттік аудит және қаржылық бақылау органдары қаржылық бақылауды жүзеге асырады. Қаржылық бақылаудың ден қою шаралары Заңның 5-бабының 2-тармағында белгіленген.

      181. Қаржылық бақылаудың ден қою шаралары:

      1) барлық мемлекеттік органдардың, ұйымдардың және лауазымды адамдардың орындауы үшін міндетті, анықталған бұзушылықтарды жою туралы және оларға жол берген лауазымды адамдардың жауаптылығын қарау туралы Нұсқама шығару;

      2) Қазақстан Республикасының әкімшілік құқық бұзушылық туралы заңнамасында көзделген құзырет шегінде әкімшілік іс жүргізуді қозғау;

      3) мемлекеттік аудит объектісі лауазымды адамдарының әрекеттерінде қылмыстық немесе әкімшілік құқық бұзушылық белгілері анықталған жағдайларда, материалдарды тиісті аудиторлық дәлелдемелерімен бірге құқық қорғау органдарына немесе әкімшілік құқық бұзушылық туралы істерді қозғауға және (немесе) қарауға уәкілетті органдарға беру;

      4) Қазақстан Республикасының заңнамасына сәйкес, соның ішінде бюджетке өтеуді, жұмыстарды орындау, қызметтер көрсету, тауарлар беру және (немесе) ерікті түрде өтелмеген (қалпына келтірілмеген) анықталған бұзушылықтар сомасын есепке алу бойынша көрсету жолымен қалпына келтіруді қамтамасыз ету және нұсқамаларды орындау үшін сотқа талап қоюды беру болып табылады.

2-параграф. Анықталған бұзушылықтарды жою және оларға жол берген лауазымды адамдардың жауаптылығын қарау туралы нұсқама

      182. Мемлекеттік аудит объектілеріне осы Қағидаларға 20-қосымшаға сәйкес нысан бойынша, оларда көрсетілген мерзімдерде қаралатын Есеп комитетінің (Тексеру комиссиясының) Нұсқамалары Аудиторлық қорытындының немесе Аудиторлық қорытындыдан үзінді көшірменің қоса берілуімен жіберіледі.

      183. Заңның 5-бабы 2-тармағының 1) тармақшасына сәйкес, аудит жүргізуге жауапты құрылымдық бөлімше анықталған бұзушылықтарды және (немесе) оларға ықпал ететін себептерді, жағдайларды жою, сондай-ақ осы бұзушылықтарға жол берген адамдарға Қазақстан Республикасының заңдарында көзделген жауаптылық шараларын қолдану үшін Нұсқама дайындайды. Нұсқама аудит жүргізуге, құқықтық қамтамасыз етуге, сапа бақылауына жауапты құрылымдық бөлімшелермен келісіліп, Есеп комитетінің (Тексеру комиссиясының) аудиторлық іс-шараға жауапты мүшесінің қолы қойылып, мемлекеттік аудит объектісінің басшысына және мемлекеттік аудит объектісіне басшылықты немесе басқаруды жүзеге асыратын жоғары тұрған органға жіберіледі.

      184. Есеп комитетінің (Тексеру комиссиясының) Нұсқамаларын орындамағаны немесе тиісінше орындамағаны үшін мемлекеттік аудит объектісінің лауазымды адамдарының жауаптылығы ӘҚБтК-де көзделген.

3-параграф. Әкімшілік құқық бұзушылық туралы хаттама жасау

      185. Егер мемлекеттік аудит объектісінің басшысы Мемлекеттік аудит объектісі басшысының міндеттерін атқару жөніндегі талапта көрсетілген және (немесе) құжаттарды ұсыну мерзімдері аяқталғанымен, Заңның 21-бабында көзделген міндеттерін орындамаса, мемлекеттік аудитор анықталған күні, ал әкімшілік құқық бұзушылықтың мән-жайларын және жеке тұлғаның жеке басын қосымша анықтау қажет болған жағдайларда, көрсетілген деректер анықталған күннен бастап үш жұмыс күні ішінде ӘҚтК-нің 462-бабының негізінде ӘҚтК-нің 803-бабына сәйкес әкімшілік құқық бұзушылық туралы хаттама жасайды, оның жобасы ӘҚтК-де белгіленген мерзімдер шегінде оны ұсынған күннен бастап бір жұмыс күні ішінде құқықтық қамтамасыз етуге жауапты құрылымдық бөлімшемен келісіледі.

      186. Осы Қағидалардың 190-тармағында көзделген жағдайларды қоспағанда, аудиторлық іс-шараны жүргізу барысында анықталған әкімшілік құқық бұзушылықтар бойынша ӘҚБтК-де белгіленген тәртіппен әкімшілік құқық бұзушылық туралы хаттама жасалады.

      187. Есеп комитетінің және тексеру комиссияларының мемлекеттік аудиторлары ӘҚтК-нің 216, 219, 233 (үшінші бөлігі), 235, 236, 237, 247 (алтыншы бөлігі)-баптарында көзделген әкімшілік құқық бұзушылықтар туралы хаттамаларды ӘҚтК-ге сәйкес толтырады және әкімшілік жазалар қолданады.

      Хаттаманың және қаулының жобасы ӘҚтК-де белгіленген мерзімдер шегінде ұсынылған күнінен бастап бір жұмыс күні ішінде құқықтық қамтамасыз етуге жауапты құрылымдық бөлімшемен (заңгер) келісіледі.

      188. Хаттамаға мынадай құжаттар:

      1) құқық бұзушының жеке басын куәландыратын құжат (көшірмесі);

      2) функционалдық және лауазымдық міндеттеріне сүйене отырып, адамдардың жазбаша түсініктемелері (не түсініктеме беруден бас тарту туралы акті);

      3) анықталған құқық бұзушылықтың белгілерін растайтын құжаттардың түпнұсқалары немесе лауазымды адамдардың қолымен, ұйымның мөрімен немесе мөртабанымен расталған төлнұсқаларының көшірмелері:

      соның ішінде әкімшілік құқық бұзушылықтың түріне қарай:

      жүргізілген зерттеулердің (сынақтардың, бақылау өлшемдерінің (тексеріп қараулардың) және тағы басқаларының) актілері;

      сараптаманың және мемлекеттік емес аудиторлық ұйымдардың қорытындылары (жүргізілген жағдайда);

      операция немесе әрекет фактісін қамтитын құжаттар немесе олардың көшірмелері, соның ішінде шешімдер:

      орындалған жұмыс актілері (тауарларды қабылдау-тапсыру, қызметтерді көрсету, есептен шығару, жою актілері);

      мемлекеттік сатып алу туралы бұйрықтар, хаттамалар және мемлекеттік органдардың, ұйымдардың, лауазымды адамдардың шешімдері;

      шарттар;

      ақы төлеу фактісін растайтын құжаттар:

      төлем тапсырмалары (төлеуге арналған шоттар, түбіртектер, чектер);

      ведомостер, ордерлер, нарядтар;

      4) лауазымды адамдардың өкілеттіктерін растайтын құжаттардың көшірмелері:

      жарғылар, ережелер, лауазымдық нұсқаулықтар;

      анықталған бұзушылықтарға қатысы бар лауазымды адамдарды тағайындау (жұмыстан босату) туралы бұйрықтар;

      5) мемлекетке, мемлекеттің қатысуымен құрылған заңды тұлғалардың мүдделеріне келтірілген залалдың сомасын растайтын құжаттар немесе олардың көшірмелері:

      анықтамалар, кестелер, диаграммалар;

      есептеулер;

      бұзушылық фактілерін көрсететін және аудиторлық есептің ажырамас бөлігі болып табылатын фотоматериалдар қоса беріледі.

      6) Бұл құжаттар тізбесі толық болып табылмайды.

      189. Құқықтық қамтамасыз етуге жауапты құрылымдық бөлімше әкімшілік құқық бұзушылық туралы хаттаманы және әкімшілік құқық бұзушылық туралы істің материалдарын хаттама жасалған кезден бастап үш тәуліктің ішінде тиісті әкімшілік-аумақтық бірліктің аумағында орналасқан сотқа жібереді.

4-параграф. Құқық қорғау органдарына немесе әкімшілік құқық бұзушылықтар туралы істерді қозғауға және (немесе) қарауға уәкілетті органдарға материалдар беру

      190. Аудит объектісінің лауазымды адамдарының іс-қимылында Қазақстан Республикасы Қылмыстық кодексінің баптарында көзделген қылмыстық құқық бұзушылық белгілері және олар бойынша қарау мен процестік шешім қабылдау әкімшілік құқық бұзушылық туралы істерді қарауға уәкілетті органдардың құзыретіне жататын, ҚР ӘҚтК-де көзделген әкімшілік құқық бұзушылық құрамының белгілері анықталған жағдайларда, мемлекеттік аудиторлар кейіннен құқық қорғау органдарына және әкімшілік құқық бұзушылық туралы істерді қарауға уәкілетті органдарға беру үшін құқық бұзушылықтарға жол берген адамдардан жазбаша түсініктемелер және анықталған құқық бұзушылықтың белгілерін растайтын, лауазымды адамдардың қолымен немесе ұйымның мөрімен расталған құжаттардың төлнұсқаларының көшірмелерін (бұдан әрі – құжаттар тізбесі) жасауды талап етеді:

      1) бұзушылық фактісін тікелей растайтын құжаттар:

      бұзушылық фактілерін көрсететін және аудиторлық есептің ажырамас бөлігі болып табылатын фотоматериалдар;

      жүргізілген зерттеулердің (сынақтардың, бақылау өлшемдерінің (тексеріп қараулардың) және тағы басқаларының) актілері;

      сараптаманың және мемлекеттік емес аудиторлық ұйымдардың қорытындылары (жүргізілген жағдайларда);

      функционалдық және лауазымдық міндеттеріне сүйене отырып, адамдардың жазбаша түсініктемелері (не түсініктеме беруден бас тарту туралы акті), олардың жеке басын куәландыратын құжаттардың көшірмелері;

      бұзушылық фактісін тікелей растайтын өзге де құжаттар;

      2) операция немесе әрекет фактісін қамтитын құжаттар немесе олардың көшірмелері, соның ішінде шешімдер:

      орындалған жұмыс актілері (тауарларды қабылдау-тапсыру, қызметтерді көрсету, есептен шығару, жою актілері);

      мемлекеттік сатып алу туралы бұйрықтар, хаттамалар және мемлекеттік органдардың, ұйымдардың, лауазымды адамдардың шешімдері;

      шарттар;

      операция немесе әрекет фактілері қамтылған өзге де құжаттар немесе олардың көшірмелері;

      3) ақы төлеу фактісін растайтын құжаттар немесе олардың көшірмелері:

      төлем тапсырмалары (төлеуге арналған шоттар, түбіртектер, чектер);

      ведомостер, ордерлер, нарядтар;

      4) лауазымды адамдардың өкілеттіктерін растайтын құжаттар немесе олардың көшірмелері:

      жарғылар, ережелер, лауазымдық нұсқаулықтар;

      анықталған бұзушылықтарға қатысы бар лауазымды адамдарды тағайындау (жұмыстан босату) туралы бұйрықтар;

      5) мемлекетке, мемлекеттің қатысуымен құрылған заңды тұлғалардың мүдделеріне келтірілген залалдың сомасын растайтын құжаттар:

      анықтамалар, кестелер, диаграммалар;

      есептеулер;

      төлем фактісін растайтын өзге де құжаттар немесе олардың көшірмелері.

      191. Есеп комитетінің материалдарды құқық қорғау органдарына беруі "Сыртқы мемлекеттік аудитті және қаржылық бақылауды жүргізу кезінде анықталған құқық бұзушылықтар бойынша мемлекеттік аудит материалдарын беру қағидаларын бекіту туралы" Республикалық бюджеттің атқарылуын бақылау жөніндегі есеп комитетінің 2016 жылғы 31 наурыздағы № 6-НҚ және Қазақстан Республикасы Бас Прокурорының 2016 жылғы 30 наурыздағы № 51, Қазақстан Республикасы Қаржы министрінің 2016 жылғы 19 ақпандағы № 76, Қазақстан Республикасы Мемлекеттік қызмет істері министрлігінің Сыбайлас жеморлыққа қарсы іс-қимыл ұлттық бюросы (Сыбайлас жемқорлыққа қарсы қызмет) Төрағасының 2016 жылғы 26 ақпандағы № 20 бірлескен нормативтік қаулысына және бұйрығына сәйкес жүзеге асырылады (Нормативтік құқықтық актілерді мемлекеттік тіркеу тізілімінде № 13679 болып тіркелген).

      Тексеру комиссияларының материалдарды құқық қорғау органдарына беруі тексеру комиссиялары мен құқық қорғау органдары бекіткен бірлескен бұйрықтарға сәйкес жүзеге асырылады.

      194. Мемлекеттік аудитті жүргізуге жауапты құрылымдық бөлімше құқықтық қамтамасыз етуге жауапты құрылымдық бөлімшемен келіскеннен кейін, әкімшілік құқық бұзушылық белгілері байқалатын бұзушылық фактілері бойынша аудиторлық есеп жобасы мен оның тізіліміне заң қорытындысын алған күннен бастап жеті жұмыс күнінен кешіктірмей материалдарды уәкілетті органдарға жіберуді жүзеге асырады.

      195. Әрбір әкімшілік құқық бұзушылық бойынша материалдар тиісті уәкілетті органдарға жеке-жеке ілеспе хатпен жіберіледі.

5-параграф. Қазақстан Республикасының заңнамасына сәйкес, соның ішінде бюджетке өтеуді, жұмыстарды орындау, қызметтер көрсету, тауарлар беру және (немесе) ерікті түрде өтелмеген (қалпына келтірілмеген) анықталған бұзушылықтар сомасын есепке алу бойынша көрсету жолымен қалпына келтіруді қамтамасыз ету және нұсқамаларды орындау мақсатында сотқа талап қоюды беру

      Ескерту. 5-параграфтың тақырыбы жаңа редакцияда - Республикалық бюджеттің атқарылуын бақылау жөніндегі есеп комитетінің 08.07.2021 № 7-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      196. Есеп комитеті (Тексеру комиссиясы) сотқа талап қоюды беруді нұсқамаларының, соның ішінде бюджетке өтеудің, жұмыстарды орындау, қызметтер көрсету, тауарлар беру және (немесе) ерікті түрде өтелмеген (қалпына келтірілмеген) анықталған бұзушылықтар сомаларын есепке алу бойынша көрсету жолымен қалпына келтірудің қажеттігін қамтитын нұсқамаларының тапсырмалық тармақтары көрсетілген мерзімдерде орындалмаған және орындау мерзімдерін ұзарту туралы шешім болмаған кезде жүзеге асырады.

      197. Сапа бақылауына жауапты құрылымдық бөлімше нұсқамалардың тапсырмалық тармақтары орындалуы тиіс күннен бастап он бес жұмыс күні ішінде орындалмаған жағдайда, Есеп комитетінің (Тексеру комиссиясының) аудиторлық іс-шараға жауапты мүшесімен алдын ала келісім бойынша Есеп комитеті (Тексеру комиссиясы) Төрағасының атына сотқа талап қоюға бастамашылық жасау туралы қызметтік жазбаның жобасын дайындап, құқықтық қамтамасыз етуге жауапты құрылымдық бөлімшеге келісуге жібереді.

      198. Құқықтық қамтамасыз етуге жауапты құрылымдық бөлімше он жұмыс күні ішінде растайтын құжаттар болған кезде сотқа талап қоюдың орындылығы тұрғысынан қызметтік жазбаның жобасын қарайды.

      Сотқа талап қою негізділігі болған жағдайда, құқықтық қамтамасыз етуге жауапты құрылымдық бөлімше сапа бақылауына жауапты құрылымдық бөлімшенің қызметтік жазбасын келіседі, ал бас тартқан жағдайда, тиісті қорытынды жібереді.

      199. Сапа бақылауына жауапты құрылымдық бөлімше құқықтық қамтамасыз етуге жауапты құрылымдық бөлімшемен келісім бойынша Есеп комитетінің (Тексеру комиссиясының) аудиторлық іс-шараға жауапты мүшесінің қолы қойылған, сотқа талап қоюға бастамашылық жасалғаны туралы қызметтік жазба жасайды және тиісті шаралар қабылдау үшін Есеп комитетінің (Тексеру комиссиясының) Төрағасына жібереді.

      200. Сотқа талап қоюды беру туралы оң шешім қабылданған жағдайда, құқықтық қамтамасыз етуге жауапты құрылымдық бөлімше сапа бақылауына жауапты құрылымдық бөлімшемен және мемлекеттік аудитті жүргізуге жауапты құрылымдық бөлімшемен бірлесіп, 2015 жылғы 31 қазандағы Қазақстан Республикасының Азаматтық процестік кодексіне сәйкес құжаттар дайындайды.

      201. Есеп комитетінің (Тексеру комиссиясының) басшылығы айқындаған құқықтық қамтамасыз етуге жауапты құрылымдық бөлімшенің жұмыскері және қажет болған жағдайда, тиісті құрылымдық бөлімшелер басшыларының келісімі бойынша, аудиторлық іс-шараны жүргізген мемлекеттік аудитор және (немесе) нұсқамалар тармақтарының орындалуын бақылауды жүзеге асыратын жұмыскер сот процесіне тікелей қатысады.

5-тарау. Есеп комитетінің (Тексеру комиссиясының) Аудиторлық қорытындысында қамтылған ұсынымдардың, Нұсқамаларының орындалуын мониторингілеуді жүзеге асыру

1-параграф. Есеп комитетінің (Тексеру комиссиясының) Аудиторлық қорытындысында қамтылған ұсынымдарды, Нұсқамаларын бақылауға қою және олардың орындалуын мониторингілеу

      202. Құжат айналымына жауапты (немесе Тексеру комиссиясының Регламентінде айқындалған) құрылымдық бөлімше Есеп комитетінің (Тексеру комиссиясының) Аудиторлық қорытындысында қамтылған ұсынымдарды, Нұсқамаларының тармақтарын қол қойылған күнінен бастап бір жұмыс күні ішінде бақылауға қоюды жүзеге асырады, олардың орындалу мерзімі келгенге дейін бес жұмыс күні бұрын Есеп комитетінің (Тексеру комиссиясының) аудиторлық іс-шараға жауапты мүшесіне олардың орындалу мерзімі туралы ескертеді.

      203. Құқықтық қамтамасыз етуге жауапты құрылымдық бөлімше жартыжылдықта бір рет құқық қорғау органдарына жіберілген аудиторлық іс-шаралар материалдарын қараудың нәтижелеріне мониторинг жүргізеді.

      204. Жоспарлауға жауапты құрылымдық бөлімше Есеп комитетінің (Тексеру комиссиясының) Аудиторлық қорытындысында қамтылған ұсынымдардың және Нұсқамаларының тармақтарының іске асырылу барысына мониторинг жүргізеді және тоқсан сайынғы негізде Есеп комитетінің (Тексеру комиссиясының) Төрағасына хабарлайды, мониторингтің нәтижелері Қазақстан Республикасының Президентіне және Қазақстан Республикасының Парламентіне ұсынылатын тоқсан сайынғы ақпаратты, сондай-ақ есепті қаржы жылында республикалық бюджеттің (жергілікті бюджеттердің) атқарылуы туралы жылдық есепті қалыптастыру, бұзушылықтардың алдын алу мақсатында оларды жүйелеу үшін пайдаланылады.

      205. Сапа бақылауына жауапты құрылымдық бөлімше жартыжылдықтың қорытындысы бойынша есепті кезеңнен кейінгі айдың екінші айының 20 күнінен кешіктірмей, Есеп комитетінің (Тексеру комиссиясының) Төрағасына аудиторлық іс-шаралар материалдарының сапасын бақылаудың нәтижелері туралы, сондай-ақ талдаудың қорытындысы бойынша Есеп комитетінің (Тексеру комиссиясының) Аудиторлық қорытындыларында қамтылған ұсынымдардың, Қаулыларының (Нұсқамаларының) орындалу сапасы жөнінде жинақталып қорытылған ақпарат ұсынады.

      206. Аудиторлық қорытындыда берілген ұсынымдарды қараудың нәтижелері туралы және Нұсқамаларды орындау туралы ақпаратты мемлекеттік аудит объектісі және оларда көрсетілген мүдделі адамдар растайтын құжаттарымен бірге тиісті құжаттарда көрсетілген мерзімдерде Есеп комитетіне (Тексеру комиссиясына) жібереді.

2-параграф. Мемлекеттік аудит объектісінің Есеп комитетінің (Тексеру комиссиясының) Аудиторлық қорытындысында қамтылған ұсынымдарды және Нұсқамасының тармақтарын орындауын талдау

      207. Сапа бақылауына жауапты құрылымдық бөлімше Аудиторлық қорытындыда берілген ұсынымдардың және міндетті түрде орындау үшін жіберілген нұсқамалардың орындалуына жауапты Есеп комитетінің (Тексеру комиссиясының) мүшесімен бірлесіп, тұрақты және жүйелі негізде мыналардың:

      1) аудит объектілерінің Аудиторлық қорытындыда берілген ұсынымдарды қарауының, соның ішінде қарау нәтижелері туралы ақпараттың және олардың қаралғанын растайтын құжаттардың және шешімдер қабылдаудың;

      2) Нұсқамалардың тапсырмалық тармақтарын орындаудың, соның ішінде аудит объектісі және мүдделі адамдар жіберетін Нұсқамаларды орындау нәтижелері туралы ақпараттың және растайтын құжаттардың уақтылылығы мен толықтығын бақылау мен талдауды жүзеге асырады.

      208. Сапа бақылауын жүргізуге жауапты құрылымдық бөлімше мемлекеттік аудит объектісінен, Үкіметтен ақпарат (растайтын құжаттар) алған күннен бастап жеті жұмыс күні ішінде Аудиторлық қорытындыда қамтылған ұсынымдарды және Нұсқама тармақтарын мемлекеттік аудит объектілерінің орындауына, Үкіметтің қарауына бақылау жүргізеді.

      Үкіметтің Аудиторлық қорытындыда қамтылған ұсынымдарды орындауы туралы ақпаратты оларды орындауға жауапты мемлекеттік орган (квазимемлекеттік сектор субъектісі) бақылаудан алу не оларды орындау мерзімдерін ұзарту туралы мәселені қарау үшін Есеп комитетіне жібереді.

      209. Мемлекеттік аудит объектісінен, Үкіметтен ақпарат (растайтын құжаттар) Нұсқаманы немесе Аудиторлық қорытындыда қамтылған ұсынымдарды орындау бойынша үш және одан көп тармақ (тармақша) немесе үш және одан көп бөліктен тұратын тармақтар (тармақшалар) бойынша түскен жағдайда, бақылау он жұмыс күні ішінде жүргізіледі.

      210. Бақылау:

      1) Аудиторлық қорытындыда (соның ішінде бірлескен) қамтылған ұсынымдардың және Нұсқамалар тармақтарының орындалуының толықтығы және анықтығы, растайтын құжаттардың болуы;

      2) Аудиторлық қорытындыда қамтылған ұсынымдардың және Нұсқамалар тармақтарының орындалу мерзімдерін ұзарту туралы ұсыныстар енгізудің негізділігі;

      3) бақылаудан алудың негізділігі тұрғысынан жүргізіледі.

      210-1. Аудиторлық қорытындыда қамтылған ұсынымдарды және Есеп комитеті (Тексеру комиссиясы) нұсқамаларының (Қаулыларының) тармақтарын бақылаудан алу үшін:

      1) толық және сапалы орындалуы;

      2) заңды тұлғаның таратылуы (соның ішінде банкрот болуы), жеке тұлғаның қайтыс болуы;

      3) лауазымды адамның және/немесе заңды тұлғаның Қазақстан Республикасынан тыс жерге тұрақты тұру үшін шығуы;

      4) объект шағымдану жөніндегі шараларды қабылдаған жағдайда, заңды күшіне енген сот шешімімен өтелуге (қалпына келтірілуге) жататын фактілердің немесе сомалардың көлемдерінің расталмауы;

      5) Қазақстан Республикасының заңдарында белгіленген ескіру мерзімінің өтуі;

      6) заңдастыру (рақымшылық жасау) актісін қабылдау, сондай-ақ олардың негізінде Есеп комитеті (Тексеру комиссиясы) қаражатты өтеу (қалпына келтіру) туралы тұжырым жасаған фактілерді заңдастыратын заңнаманы өзгерту;

      7) жойылмайтын құқықтық және әкімшілік кедергілердің салдарынан ұсынымдар мен тапсырмаларды орындаудың мүмкін еместігі (заңнаманы өзгерту, тиісті жоғары тұрған уәкілетті органдардың шешім қабылдауы);

      8) сарапшылардың, мамандардың бұзушылық фактілерінің жоқтығы туралы тиісті қорытындыларының болуы (қылмыстық және әкімшілік іс жүргізу шеңберінде);

      9) тапсырмаларды (ұсынымдарды) дайындау үшін негіз болған анықталған бұзушылықты (әрекетті (әрекетсіздікті) қылмыстық сипаттан арылтатын заңнаманың өзгеруі;

      10) бұрын жіберілген тапсырмалардың (ұсынымдардың) өзектілігіне әсер ететін ұйымдастырушылық өзгерістер (қайта құру) негіз болып табылады.

      211. Сапа бақылауына жауапты құрылымдық бөлімше ұсынымдар мен нұсқамалардың орындалу нәтижелері немесе аудит объектісінен және мүдделі адамдардан қосымша ақпарат сұрату қажеттігі туралы қызметтік жазба жобасын дайындап, Есеп комитетінің (Тексеру комиссиясының) аудиторлық іс-шараға жауапты мүшесіне енгізеді. Есеп комитеті (Тексеру комиссиясы) мүшесінің қолы қойылған қызметтік жазба Есеп комитетінің Төрағасына жіберіледі.

      212. Ұсынымдардың және (немесе) нұсқамалар тармақтарының орындалу мерзімін ұзартуға аудит объектісіне байланысты емес объективті негіздер бойынша ғана жол беріледі.

      Егер сапа бақылауына жауапты құрылымдық бөлімше аудит объектісінің ұсынымдардың және (немесе) нұсқамалардың тармақтарын орындау мерзімін ұзарту үшін ұсынған негіздемелерін осы Қағидалардың 210-тармағының 1) және 2) тармақшаларына сәйкес келмейді деп танылса, онда ол Есеп комитеті (Тексеру комиссиясы) мүшесінің қолымен нұсқамалардың тармақтарын және (немесе) аудиторлық қорытындының ұсынымдарын тиісінше орындамағаны туралы хат жібереді.

      213. Есеп комитетінің (Тексеру комиссиясының) Төрағасы осы Қағидалардың 211-тармағында көзделген қызметтік жазбаның негізінде Аудиторлық қорытындыда қамтылған ұсынымдарды және Нұсқаманың, Қаулының тармақтарын бақылаудан алу, орындау мерзімдерін ұзарту туралы шешім қабылдайды.

      214. Есеп комитетінің (Тексеру комиссиясының) Төрағасы шешім қабылдаған күннен бастап төрт жұмыс күні ішінде сапа бақылауына жауапты құрылымдық бөлімше Есеп комитетінің (Тексеру комиссиясының) аудиторлық іс-шараға жауапты мүшесінің қолы қойылған хатпен мемлекеттік аудит объектісін Есеп комитетінің (Тексеру комиссиясының) Аудиторлық қорытындысында қамтылған ұсынымдардың және (немесе) Нұсқама тармақтарының, Қаулылардың бақылаудан алынғаны не олардың орындалуы жалғасатындығы туралы хабардар етеді.

      Аудиторлық қорытындыда қамтылған Есеп комитетінің ұсынымдарын бақылаудан алу не орындау мерзімін ұзарту туралы хабарламаны алғаннан кейін ұсынымдардың орындалуына жауапты мемлекеттік орган (квазимемлекеттік сектор субъектісі) атқарылған жұмыс туралы ақпаратты Қазақстан Республикасы Үкіметінің атына жібереді.

      Мемлекеттік аудит объектісінің атына Аудиторлық қорытындыда қамтылған ұсынымдарды және (немесе) Нұсқаманың тармақтарын, Тексеру комиссиясы қаулыларын бақылаудан алу не олардың орындалу мерзімін ұзарту туралы ақпаратты жіберу олардың регламенттерінде айқындалған тәртіппен жүзеге асырылады.

      215. Сапа бақылауына жауапты құрылымдық бөлімше Есеп комитеті (Тексеру комиссиясы) Төрағасының қарары бар Есеп комитетінің (Тексеру комиссиясының) жауапты мүшесінің қызметтік жазбасын және мемлекеттік аудит объектілерінің Аудиторлық қорытындыда қамтылған ұсынымдарды және Нұсқамалардың, Қаулылардың тармақтарын орындауы туралы ақпаратты ЕК ИАЖ-ға жүктеуді жүзеге асырады.

      216. Қажет болған жағдайда, Аудиторлық қорытындыда қамтылған ұсынымдардың және Нұсқаманың, Қаулылардың тармақтарының орындалу барысы туралы мәселені талқылау мемлекеттік аудит объектілерінің, уәкілетті мемлекеттік органдардың және ұйымдардың лауазымды адамдарының ақпаратын тыңдау үшін оларды шақыра отырып, Есеп комитетінің (Тексеру комиссиясының) отырысына шығарылады, оны қараудың қорытындысы бойынша тиісті шешім қабылданады.

3-параграф. Есеп комитеті (Тексеру комиссиясы) шешімдерінің орындалуын тексеру

      217. Сапа бақылауына жауапты құрылымдық бөлімше Есеп комитетінің (Тексеру комиссиясының) аудиторлық іс-шараға жауапты мүшесінің басшылық етуімен Аудиторлық қорытындыда қамтылған ұсынымдардың және Нұсқамалар тармақтарының толық орындалуы туралы мемлекеттік аудит объектісінен ақпарат алған күннен кейін жеті жұмыс күні ішінде объекті қабылдаған шаралардың толықтығына бақылау жүргізу, сондай-ақ бұзушылықтардың жойылуын және ұсынымдардың орындалуын растау қажет болған кезде Есеп комитеті (Тексеру комиссиясы) Төрағасының атына Есеп комитеті (Тексеру комиссиясы) шешімдерінің орындалуына тексеру (бұдан әрі - тексеру) жүргізу күнін келісе отырып, оны жүргізудің орындылығы туралы қызметтік жазба дайындайды.

      218. Тексеру жүргізу туралы шешімді Есеп комитетінің (Тексеру комиссиясының) Төрағасы қабылдайды.

      219. Тексеру мынадай тәсілдердің біреуі арқылы жүзеге асырылады:

      1) Есеп комитетінің (Тексеру комиссиясының) Аудит объектілерінің тиісті жылға арналған тізбесіне енгізе отырып, аудит объектісіне шығу арқылы Аудиторлық қорытындыда қамтылған ұсынымдарды және Нұсқамалар тармақтарын орындаудың толықтығы мен анықтығына бақылау жүргізу;

      2) сыртқы мемлекеттік аудит органы осы объектіде жүргізетін (жоспарлаған) аудиторлық іс-шара бағдарламасына тексеру жүргізу мәселелерін қосу.

      220. Тексеру жүргізу Есеп комитеті (Тексеру комиссиясы) шешімдерінің орындалуын мониторингілеуге және бақылауға жауапты Есеп комитеті (Тексеру комиссиясы) мүшесінің тапсырмасы негізінде жүзеге асырылады.

      221. Есеп комитеті (Тексеру комиссиясы) шешімдерінің орындалуын тексеру үшін мемлекеттік аудит тобының құрамына мемлекеттік аудиторлар, ал қажет болған кезде сапа бақылауына жауапты құрылымдық бөлімшенің жұмыскерлері кіреді.

      222. Тексеру жүргізу нәтижелері бойынша оны жүргізген адам (адамдар) растайтын құжаттарды (қарау, тексеріп қарау актісі, фото-бейнематериалдар, жүргізілген жағдайда, жүргізілген пікіртерім нәтижелері, болған жағдайда тиісті уәкілетті органдардың, ұйымдардың сараптамалық қорытындылары және т.б.) қоса бере отырып, осы Қағидаларға 22-қосымшаға сәйкес нысан бойынша Есеп комитеті (Тексеру комиссиясы) шешімдерінің орындалуын тексеру актісін (бұдан әрі - Тексеру актісі) жасайды.

      223. Есеп комитетінің (Тексеру комиссиясының) Төрағасы тексеру нәтижелері бойынша қызметтік жазбаның негізінде Есеп комитетінің (Тексеру комиссиясының) шешімдерін толық бақылаудан алу не жекелеген тармақтарын орындауды жалғастыру туралы шешім қабылдайды.

      224. Есеп комитетінің мүшесі Есеп комитеті (Тексеру комиссиясы) Төрағасының қарарын алғаннан кейін үш жұмыс күні ішінде мемлекеттік аудит объектісіне Есеп комитеті (Тексеру комиссиясы) шешімінің толық бақылаудан алынғаны немесе оны орындаудың жалғасатыны туралы хабарлама жібереді.

      225. Есеп комитеті (Тексеру комиссиясы) Төрағасының қарары бар тексеру актісі, сондай-ақ мемлекеттік аудит объектісінің ақпараты ЕК ИАЖ-ға енгізіледі.

4-параграф. Мемлекеттік аудит объектісінің ақпарат ұсынбауы, Нұсқама тармақтарын орындамауы немесе тиісінше орындамауы бойынша шаралар қабылдау

      226. Мемлекеттік аудит объектісі Нұсқамалар тармақтарының орындалуы жөніндегі ақпаратты тиісті мерзімдерде ұсынбаған жағдайда, Есеп комитетінің (Тексеру комиссиясының) аудиторлық іс-шараға жауапты мүшесі Нұсқама тармақтарының орындалу мерзіміне дейін кемінде екі жұмыс күні бұрын мемлекеттік аудит объектісіне ЭҚАЖ (болған жағдайда) арқылы және қағаз түрінде поштамен ӘҚтК-нің 462-бабында көзделген әкімшілік жауаптылық туралы ескерту жібереді.

      227. Сапа бақылауына жауапты құрылымдық бөлімше мемлекеттік аудит объектісі ақпарат ұсынбаған жағдайда – бес жұмыс күні ішінде, ал көрсетілген мерзімде Нұсқама тармақтарын орындамаған немесе тиісінше орындамаған жағдайда – Нұсқамада көрсетілген мерзім өткеннен кейін жеті жұмыс күні ішінде Есеп комитеті (Тексеру комиссиясы) Төрағасының атына мемлекеттік аудит объектісіне әкімшілік ықпал ету шараларын қолдану туралы қызметтік жазбаның жобасын дайындайды және құқықтық қамтамасыз етуге жауапты құрылымдық бөлімшеге келісуге жібереді.

      228. Құқықтық қамтамасыз етуге жауапты құрылымдық бөлімше үш жұмыс күні ішінде қызметтік жазбаның жобасын әкімшілік іс жүргізуді қозғаудың орындылығы тұрғысынан қарайды.

      Әкімшілік іс жүргізуді қозғау үшін негізділігі болған жағдайда, құқықтық қамтамасыз етуге жауапты құрылымдық бөлімше сапа бақылауына жауапты құрылымдық бөлімшенің қызметтік жазбасын келіседі, ал бас тартқан жағдайда, тиісті қорытынды жібереді.

      Сапа бақылауына жауапты құрылымдық бөлімше құқықтық қамтамасыз етуге жауапты құрылымдық бөлімшемен келісім бойынша мемлекеттік аудит объектісіне әкімшілік ықпал ету шараларын қолдану туралы Есеп комитетінің (Тексеру комиссиясының) аудиторлық іс-шараға жауапты мүшесінің қолы қойылған қызметтік жазба жасайды және Есеп комитетінің (Тексеру комиссиясының) Төрағасына жібереді.

      Әкімшілік іс жүргізуді қозғау орынды деп танылған жағдайда, құқықтық қамтамасыз етуге жауапты құрылымдық бөлімше әкімшілік құқық бұзушылық туралы хаттама жасайды.

      229. Әкімшілік құқық бұзушылық туралы хаттама жасалған кезден бастап үш тәулік ішінде құқықтық қамтамасыз етуге жауапты құрылымдық бөлімше әкімшілік іс материалдарын тиісті сотқа жібереді.

6-тарау. Қорытынды ережелер

1-параграф. Аудиторлық іс-шараның нәтижелерін бұқаралық ақпарат құралдарында жария ету

      230. Аудиторлық іс-шараның нәтижелерін қарау жөнінде отырыс өткізу қорытындысы бойынша Есеп комитетінің (Тексеру комиссиясының) интернет-ресурсына тиісті баспасөз релизі және құпиялылық режимі сақтала отырып, аудиторлық қорытынды орналастырылады.

      231. Аудиторлық іс-шараның нәтижелерін қарау бойынша Есеп комитетінің (Тексеру комиссиясының) алдағы отырысы туралы анонс Есеп комитетінің (Тексеру комиссиясының) интернет-ресурсына оны өткізгенге дейін екі жұмыс күнінен кешіктірілмей орналастырылады.

      232. Аудиторлық іс-шараның нәтижелерін қарау бойынша Есеп комитетінің (Тексеру комиссиясының) отырысы өткізілгеннен кейін жұртшылықпен байланысқа жауапты құрылымдық бөлімше қажет болған жағдайда, қоғамдық маңыздылығын ескере отырып, Есеп комитеті (Тексеру комиссиясы) Төрағасының келісімімен бұқаралық ақпарат құралдары өкілдерінің алдында Есеп комитеті (Тексеру комиссиясы) лауазымды адамдарының сөз сөйлеуін ұйымдастырады.

2-параграф. Мемлекеттік аудит материалдарын есепке алу

      233. Есеп комитетінің (Тексеру комиссиясының) Аудиторлық қорытындысы бекітіліп, Нұсқамасына қол қойылғаннан кейін бес жұмыс күні ішінде мемлекеттік аудит тобының жетекшісі Есеп комитетінің (Тексеру комиссиясының) аудиторлық іс-шараға жауапты мүшесінің келісімі бойынша мемлекеттік аудит материалдарын (алдын ала зерделеу материалдарының, Аудит жоспарының, Аудит бағдарламасының, Аудиторлық тапсырмалардың, Тапсырмалардың түпнұсқаларын, сараптамалық және заң қорытындысын, Есеп комитетінің (Тексеру комиссиясының) аудиторлық іс-шараға жауапты мүшесі қол қойған Аудиторлық қорытындыны, Жиынтық тізілімді, Есеп комитетінің (Тексеру комиссиясының) Төрағасы қол қойған отырыс хаттамасын, қаулы, нұсқамаларды) алдын ала зерделеу жүргізу туралы хабарлама, аудиторлық іс-шара жүргізу туралы хабарлама, құжаттарды ұсыну туралы талап, мемлекеттік аудит объектілерінің қарсылықтары мен түсіндірмелері (болған жағдайда) және Есеп комитетінің (Тексеру комиссиясының) қарсылықтарға уәжделген жауаптары, құқықтық қамтамасыз етуге және сапа бақылауына жауапты құрылымдық бөлімшелердің сараптамалық қорытындылары, материалдарды қоса тіркеу туралы қызметтік жазбаны (болған жағдайда) қамтыған аудиторлық іс-шара материалдары бар жинақ папканы толықтырып, кейіннен архивке өткізу үшін құжат айналымына жауапты құрылымдық бөлімшеге тапсырады, аудиторлық іс-шара материалдарының электрондық нұсқалары Бірыңғай дерекқордың электрондық архивіне және ЕК ИАЖ-ға енгізіледі.

      234. Аудиторлық іс-шараның мемлекеттік құпияларды қамтитын материалдары Қазақстан Республикасында құпиялылық режимін қамтамасыз ету жөніндегі заңнамада белгіленген талаптарға сәйкес сақталады.

Мемлекеттік аудит объектілерінің ________ жылға арналған тізбесі

      Ескерту. 1-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      Кестенің жалғасы

      Ескертпе:

      Аббревиатуралардың толық жазылуы:

      мем. аудит – мемлекеттік аудит

      млн. теңге – миллион теңге

      мем. аудитор – мемлекеттік аудитор

Аудиторлық іс-шараны жүргізуге өтінім

      Ескерту. 2-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      Кестенің жалғасы

      Өтінімге бастамашы: _________________________________ _________ ________
Есеп комитеті (Тексеру комиссиясы) (Қолы) (Күні)
мүшесінің ТАӘ
Негіздеме: _________________________________________________________________
Аталған бағыт бойынша алдыңғы аудиторлық іс-шара (тексеру) туралы мәлімет:
_________________________________________________________________________

      Ескертпе:

      Аббревиатуралардың толық жазылуы:

      мем. аудит – мемлекеттік аудит

      е.ж. – ең жоғары

      орт. – орташа

      е.т. – ең төмен

      ББ – бюджеттік бағдарлама

      мем. аудитор – мемлекеттік аудитор

Алдын ала зерделеуге ТАПСЫРМА

      "Мемлекеттік аудит және қаржылық бақылау туралы" Қазақстан Республикасы Заңының ____ бабына және Республикалық бюджеттің атқарылуын бақылау жөніндегі есеп комитетінің ((облыстың, қаланың) Тексеру комиссиясының) мемлекеттік аудит объектілерінің___жылға арналған тізбесіне сәйкес ______________________________

      ________________________________________________________________________________

      (алдын ала зерделеу жүргізу тапсырылған Есеп комитеті (Тексеру комиссиясы) жұмыскер(лер)інің ТАӘ және лауазымы көрсетіледі)

      ________________________________________________________________________________

      (алдын ала зерделеу объектісінің ұйымдық-құқықтық нысаны,

      ________________________________________________________________________________

      толық атауы, орналасқан жері, ЖСН, БСН, басшысының ТАӘ көрсетіледі)

      ___________________________________________ алдын ала зерделеу жүргізу тапсырылады.

      (алдын ала зерделеудің мәні көрсетіледі)

      Алдын ала зерделеудің мақсаты ________________________________

      Алдын ала зерделеу кезеңі_____________________________

      Алдын ала зерделеу мерзімдері _________ _________________ аралығы

      Салық құпиясын құрайтын мәліметтерге рұқсаты бар лауазымды адамдар

      ________________________________________________________________________________

      (салық құпиясын құрайтын мәліметтерге мемлекеттік аудит объектілерінің рұқсат беруін көздейтін тексерулерді жүргізу кезінде көрсетіледі)

      Есеп комитетінің (Тексеру комиссиясының) мүшесі ____________________________

      (қолы, аты-жөні, тегі)

      Ескертпе: Алдын ала зерделеуге тапсырманы (бұдан әрі – Тапсырма) жасау. Тапсырма мынадай деректерді:

      нөмірі мен берілген күнін; Есеп комитетінің (Тексеру комиссиясының) алдын ала зерделеу жүргізуге жауапты мүшесінің аты-жөні мен тегін, оның қолын не оның міндетін атқарушы адамның деректерін, сондай-ақ сыртқы мемлекеттік аудит және қаржылық бақылау органының мөрін қамтиды.

      нысан

Алдын ала зерделеуді (аудиторлық іс-шараны, тексеруді) жүргізу туралы хабарлама

      Ескерту. 4-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

            Республикалық бюджеттің атқарылуын бақылау жөніндегі есеп комитетінің
((облыстың, қаланың) Тексеру комиссиясының) мемлекеттік аудит объектілерінің
______жылға арналған тізбесіне сәйкес _________ ___________ аралығында
(ұзақтығы көрсетіледі)
_______________________________ алдын ала зерделеу (аудиторлық іс-шара, тексеру)
(мақсаты көрсетіледі)
жүргізіледі
      Сіздерден:
      1) алдын ала зерделеу (аудиторлық іс-шара, тексеру) жүргізуге және жауапты
лауазымды адамдарды белгілеуге жәрдем көрсетулеріңізді;
      2) оны жүргізуге кедергі келтірмеулеріңізді және барлық сұратылған ақпаратпен
қамтамасыз етулеріңізді;
      3) қажетті жағдай жасауларыңызды, дайындық жұмыстарын жүзеге асырып,
жұмыскерлерді жұмыс орындарымен қамтамасыз етулеріңізді*:
      4) аудиторлық іс-шараның өлшемшарттарын талқылауға қатысуларыңызды сұраймыз.
      Есеп комитетінің (Тексеру комиссиясының) мүшесі
_____________________________________________________________________
(аты-жөні, тегі)
Ескертпе:

      Алдын ала зерделеу (аудиторлық іс-шара, тексеру) жүргізу туралы хабарлама Есеп
комитетінің (Тексеру комиссиясының) ресми бланкісінде ресімделеді.
* 3) тармақша хабарламада аудиторлық іс-шараны, тексеруді жүргізу кезінде, сондай-ақ
Қазақстан Республикасының мемлекеттік құпияларды қорғау жөніндегі заңнамасына сәйкес
жүзеге асырылатын аудиторлық іс-шаралар бойынша мемлекеттік аудит объектілерін алдын
ала зерделеу жүргізген жағдайда көрсетіледі.

      Аудиторлық іс-шараны, тексеруді жүргізу туралы хабарламаға Есеп комитетінің (Тексеру комиссиясының) әдеп жөніндегі уәкілінің сенім телефоны туралы ақпарат міндетті түрде қоса беріледі.

      нысан

Мәліметтерді, құжаттамаларды, ақпаратты және материалдарды (дәлелдемелерді) ұсыну туралы талап

      Ескерту. 5-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      __________________________________________________________________________
мемлекеттік органның немесе ұйымның атауы

            Республикалық бюджеттің атқарылуын бақылау жөніндегі есеп комитетінің
(облыстың, қаланың тексеру комиссиясының) мемлекеттік аудит объектілерінің ____ жылға
арналған тізбесіне сәйкес ______________________________________________ аралығында
(мемлекеттік аудиттің ұзақтығы көрсетіледі)
_____________________________________________________________________________
(объектінің атауы, аудиторлық іс-шараның мақсаты көрсетіледі)
аудиторлық іс-шара жүргізу көзделген.
Осыған байланысты, "Мемлекеттік аудит және қаржылық бақылау туралы" Қазақстан
Республикасы Заңының 21-бабына сәйкес
____________________________________________________________________________
(қажетті мәлімет және мәселелердің үлгі тізбесіне сәйкес құжаттама тізбесі көрсетіледі)
туралы ақпаратты растайтын құжаттардың көшірмелерімен бірге ұсынуларыңызды сұраймыз.
Сұратылған ақпарат және құжаттардың көшірмелері
__________________________________________________________________________
(құжаттаманы ұсынудың күні көрсетіледі) дейін қағаз жеткізгіштерде немесе электрондық
поштамен ұсынылсын.
Есеп комитетінің (Тексеру комиссиясының) мүшесі ______________________________
(аты-жөні, тегі)
Орындаушының аты-жөні, тегі (телефоны, электрондық пошта мекенжайы)
Ескертпе: Мәліметтерді, құжаттамаларды, ақпаратты және материалдарды (дәлелдемелерді)
ұсыну туралы талап Есеп комитетінің (Тексеру комиссиясының) ресми бланкісінде
ресімделеді.
Мәліметтерді, құжаттаманы, ақпаратты және материалдарды (дәлелдемелерді) ұсыну туралы
талапқа сәйкес мемлекеттік аудиттің мақсатына қарай мыналар:
1) 1-кесте. Құрылыс жұмыстары көлемінің орындалуы және құрылыс объектілерін
пайдалануға уақтылы тапсыру туралы ақпарат;
2) 2-кесте. Квазимемлекеттік сектор субъектілеріне жарғылық капиталды толықтыруға
бөлінген бюджет қаражатының пайдаланылуы туралы мәліметтер сұратылады.

1-кесте. Құрылыс жұмыстарының көлемін орындау және құрылыс объектілерін пайдалануға уақтылы беру туралы ақпарат

2-кесте. Квазимемлекеттік сектор субъектілеріне жарғылық капиталын толықтыруға бөлінген бюджет қаражатының пайдаланылуы туралы мәліметтер

      Ескертпе:

      Аббревиатуралардың толық жазылуы:

      м. теңге – мың теңге

      нысан

Мемлекеттік аудит объектілерін алдын ала зерделеу нәтижелері туралы ақпарат

      Ескерту. 6-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      1. ________________________________________________________________________
(мемлекеттік аудит объектілерінің атауы)
мемлекеттік аудит объектілерін алдын ала зерделеу барысында
__________________________________________________________________________
(аудиторлық іс-шараның мақсаты көрсетіледі)
__________________________________________________________________________
жүргізуге маңызы бар мынадай құжаттар зерделенді:
1)________________________________________________________________________
(зерделенген құжаттардың, есептердің және басқа да ақпараттың, соның ішінде
қаржыландырудың бекітілген сомаларының тиісті бюджеттік бағдарлама бойынша бөлінуі
мен игерілуін жылдар бөлінісінде көрсете отырып, мемлекеттік аудит объектісінен талап ету
бойынша алынғандарының тізбесі көрсетіледі)
2)________________________________________________________________________
3)________________________________________________________________________
… ________________________________________________________________________
__________________________________________________________________________
(мемлекеттік (үкіметтік) бағдарламаға, стратегиялық жоспарға, квазимемлекеттік сектор
субъектісінің даму стратегиясына бағалау жүргізген жағдайда, мемлекеттік (үкіметтік)
бағдарламаны, даму стратегиясын іске асыруға арналған жоспарлы шығыстар –
қаржыландыру көздері бөлінісінде, бекітілген сомалар – Бағдарламаны, даму стратегиясын
іске асыру жөніндегі іс-шаралар жоспарына сәйкес, нақты бөлінген және игерілген сомалар –
жылдар бөлінісінде, стратегиялық жоспармен бекітілген бюджеттік бағдарламалар және
активтер – қаржыландыру көлемі, нақтыланған, түзетілген және игерілген сомалары
көрсетіле отырып, жылдар бөлінісінде, қол жеткізілген нысаналы индикаторлардың,
мемлекеттік (үкіметтік) бағдарлама, стратегиялық жоспар, даму стратегиялары нәтижелері
көрсеткіштерінің саны жоспарланғандардың ішінен - кезеңдер бөлінісінде, қол жеткізілмеген
жағдайда себебі көрсетіледі, Бағдарламаны, даму стратегияларын іске асыру жөніндегі іс-
шаралар жоспары іс-шараларының орындалғандарының/орындалмағандарының саны,
орындалмаған жағдайда себебі көрсетіледі, бұзушылықтар және/немесе кемшіліктер
фактілері анықталған жағдайда, оларды бірыңғай нөмірлеу жолымен бекіту қажет болады)
4)________________________________________________________________________
(аудит объектілерінің саны болмашы болған жағдайда мемлекеттік аудит объектілерін
таңдау өлшемшарттарының сипаты және негіздемесі қолданылмайды)
5)________________________________________________________________________
(Есеп комитетінің мемлекеттік аудиторларының (мемлекеттік аудиторлар ассистенттерінің)
үлестестік тізілімін аудит тобы мүшелерінің мемлекеттік аудит объектілерімен үлестестігі
тұрғысынан талдау. Есеп комитеті жұмыскерлерінің үлестестік тізілімі Есеп комитетінің ішкі
құжаттарына сәйкес жүзеге асырылады.)
2. Мемлекеттік аудит объектісін алдын ала зерделеудің және жүргізілген талдаудың
қорытындысы бойынша мыналарды ұсынамыз:
2.1. Аудит бағдарламасына мыналар енгізілсін:
1) аудиторлық іс-шарамен қамтылатын бюджет қаражаты мен активтердің көлемі
_____________________________________________________________________________
(тексерілетін жылдар және бюджеттік бағдарламалар бөлінісінде аудиторлық іріктеудің
қорытындылары бойынша мемлекеттік аудитпен қамтылатын қаражат пен активтер көлемі
көрсетіледі)
2) мемлекеттік аудит объектілері және оларды мемлекеттік аудиторлар (тартылған жағдайда
мемлекеттік аудитордың ассистенті) арасында бөлу, соның ішінде бірлескен және қатар
тексеру жүргізілген кезде, мемлекеттік органдар мен мемлекеттік аудит және қаржылық
бақылау органдарының арасында бөлу_______________________________________________
__________________________________________________________________
3) зерделенген мемлекеттік аудит объектілеріне қатысты қолданылатын мемлекеттік
аудиттің типі мен тексерудің түрі
__________________________________________________________________________
4) тиімділік аудитін немесе сәйкестік аудитін жүргізу кезіндегі көрсеткіштер және
көрсеткіштердің әрбіреуіне мәселелер
__________________________________________________________________________
2.2. Аудиторлық іс-шарадан мынадай негіздер
__________________________________________________________________________
(тиісті негіздер, аудиторлық іріктеудің нәтижелері көрсетіледі) бойынша
_______________________________________ мемлекеттік аудит объектісі алынып тасталсын
(мемлекеттік аудит объектісінің атауы)
2.3. Аудиторлық іс-шаралар жүргізу мерзімі мынадай негіздер __________________
бойынша қайта қаралсын (ұлғайтылсын/қысқартылсын)
2.4. Мемлекеттік аудит тобы мүшелерінің аудит объектілерімен мүдделер қақтығысын
талдау нәтижелері бойынша мемлекеттік аудит тобының мынадай құрамы ұсынылады:
______________________________________________________
(мүдделер қақтығысының болуы немесе болмауы расталады)
Мемлекеттік аудит тобының жетекшісі ___________________________
(қолы, аты-жөні, тегі)
Мемлекеттік аудит тобына қатысушылар __________________________
(қолы, аты-жөні, тегі)

      Ескертпе: 2.2, 2.3-тармақтар қажет болған жағдайда толтырылады.

20___ жылғы "___"__________ АУДИТ ЖОСПАРЫ

      1. Аудиторлық іс-шараның атауы:

      __________________________________________________________________________

      2. Аудиторлық іс-шараның (бірлескен, қатар тексерудің) мақсаты: __________________

      3. Мемлекеттік аудиттің типі, тексерудің түрі: ___________________________________

      4. Мемлекеттік аудит тобының құрамы: _______________________________________

      5. Мемлекеттік аудит объектілері:

      6. Мемлекеттік аудиттің мәні: ________________________________________________

      7. Аудиторлық іс-шарамен (бірлескен, қатар тексерумен) қамтылатын қаражаттың және (немесе) активтердің көлемі:

      __________________________________________________________

      8. Аудиторлық іс-шарамен (бірлескен, қатар тексерумен) қамтылатын кезең:

      ________________________________________________________________________________

      9. Аудиторлық іс-шараны (бірлескен, қатар тексеруді) жүргізу мерзімдері:

      ______ ___________ аралығы

      Есеп комитетінің (Тексеру комиссиясының) мүшесі: _______________________________

      (қолы, аты-жөні, тегі)

      Ескертпе: Мемлекеттік аудит жүргізу жоспарын (бұдан әрі – Аудит жоспары) жасау.

      1. Аудиторлық іс-шараның (тексерудің) атауы.

      2. Аудиторлық іс-шараның (тексерудің) мақсаты.

      Жоспарланған мемлекеттік аудиттің тақырыбына (аудиторлық іс-шараның, бірлескен, қатар тексерудің атауы) және типіне қарай мақсаты ретінде Мемлекеттік аудит туралы заңның 12-бабының 1, 2, 3-тармақтарында көзделген бағыттар көрсетіледі.

      3. Мемлекеттік аудиттің типі (тексерудің түрі).

      Жүргізілетін мемлекеттік аудиттің тиісті типі: сәйкестік, қаржылық есептілік, тиімділік аудиті көрсетіледі. Тексеру жүргізілген жағдайда, оның түрі көрсетіледі. Үстеме тексеру жүргізілген кезде мемлекеттік аудиттің типі көрсетілмейді.

      4. Мемлекеттік аудит тобының құрамы.

      Осы мемлекеттік аудит объектісінде аудиторлық іс-шараны (бірлескен, қатар тексеруді) жүзеге асыратын Есеп комитеті (Тексеру комиссиясы) жұмыскерлерінің (жұмыскерінің), мемлекеттік аудитор(-лар)дың және мемлекеттік аудитор(-лар) ассистент(-тер)інің, мемлекеттік органдар мамандарының, мемлекеттік емес аудиторлық ұйымдар жұмыскерлерінің және сарапшылардың (олар тартылған жағдайда) тегі, аты-жөні, лауазымы көрсетіледі.

      5. Мемлекеттік аудит объектілері.

      Көрсетілген кестеде:

      1-бағанда – рет саны нөмірі;

      2-бағанда – барлық мемлекеттік аудит объектілерінің, соның ішінде өңірлерде орналасқандардың толық атауы;

      3-бағанда – облысты, қаланы көрсете отырып, мемлекеттік аудит объектісінің орналасқан жері толтырылады.

      6. Мемлекеттік аудиттің мәні.

      Оларға қатысты мемлекеттік аудит жүзеге асырылатын экономикалық құбылыстар, процестер оқиғалар, құжаттар.

      7. Аудиторлық іс-шарамен (бірлескен, қатар тексерумен) қамтылатын қаражат және (немесе) активтер көлемі.*

      Жүргізілетін аудиторлық іс-шара (бірлескен, қатар тексеру) шеңберінде аудиторлық іс-шарамен (бірлескен, қатар тексерумен) қамтуға жататын қаражаттың және (немесе) активтердің жалпы көлемі көрсетіледі.

      *Осы бөлім республикалық бюджетке түсетiн түсiмдердiң толықтығы мен уақтылылығына, республикалық бюджеттен түсетiн түсiмдер сомаларының қайтарылуына, салықтық және кедендiк әкiмшiлендірудің, талдамалық іс-шараның тиiмдiлiгiне мемлекеттік аудит жүргізу кезінде толтырылмайды.

      8. Аудиторлық іс-шарамен (тексерумен) қамтылатын кезең.

      Мемлекеттік аудит объектілері қызметінің аудиторлық іс-шарамен (бірлескен, қатар тексерумен) қамтылатын кезеңі (күндері, айлары, жылдары) көрсетіледі..

      9. Аудиторлық іс-шараны (бірлескен, қатар тексеруді) жүргізу мерзімі.

      Аудиторлық іс-шараны (тексеруді) жүргізудің басталған және аяқталған күндері көрсетіледі.

      нысан

АУДИТ БАҒДАРЛАМАСЫ

      Ескерту. 8-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      1. ________________________________________________________________________
(мемлекеттік аудит объектісінің атауы)
2. Аудиторлық іс-шараның (бірлескен, қатар тексерудің) мақсаты:
__________________________________________________________________________
3. Мемлекеттік аудиттің типі, тексерудің түрі: __________________________________
4. Аудиторлық іс-шарамен (бірлескен, қатар тексерумен) қамтылатын кезең:
__________________________________________________________________________
5. Аудиторлық іс-шараны (бірлескен, қатар тексеруді) жүргізу мерзімі:
____________ __________ аралығы.
6. Мемлекеттік аудит тобының құрамы: _______________________________________
7. Аудиторлық іс-шарамен (бірлескен, қатар тексерумен) қамтылатын қаражат және (немесе)
активтер көлемі:

            8. Аудиторлық іс-шараның (бірлескен, қатар тексерудің) мәселелері және
мәселелердің әрбіреуіне өлшемшарттар:
__________________________________________________________________________
      9. Аудиторлық іс-шараның (бірлескен, қатар тексерудің) нормативтік құқықтық және
әдіснамалық қамтамасыз етілуі: ____________________________________________

      Ескертпе: Мемлекеттік аудит жүргізу бағдарламасын (бұдан әрі – Аудит бағдарламасын) жасау.

      1. Аудиторлық іс-шара (тексеру) объектісінің атауы.

      Реттік нөмірі, мемлекеттік аудит объектісінің атауы көрсетіледі.

      2. Аудиторлық іс-шараның (тексерудің) мақсаты.

      Аудиторлық іс-шараның (бірлескен, қатар тексерудің) мәселелеріне сүйене отырып, аталған мемлекеттік аудит объектісінде мемлекеттік аудиттің мақсаты көрсетіледі.

      3. Мемлекеттік аудиттің типі.

      Осы мемлекеттік аудит объектісінде жүргізілетін мемлекеттік аудиттің тиісті типі: сәйкестік, қаржылық есептілік, тиімділік аудиті көрсетіледі. Тексеру жүргізілген жағдайда, оның түрі көрсетіледі. Үстеме тексеру жүргізілген кезде мемлекеттік аудиттің типі көрсетілмейді.

      4. Аудиторлық іс-шарамен (бірлескен, қатар тексерумен) қамтылатын кезең.

      Мемлекеттік аудит объектісі қызметінің аудиторлық іс-шарамен (бірлескен, қатар тексерумен) қамтылатын кезеңі (күндері, айлары, жылдары) көрсетіледі.

      5. Аудиторлық іс-шараны (бірлескен, қатар тексеруді) жүргізу мерзімі.

      Аудиторлық іс-шараны (бірлескен, қатар тексеруді) жүргізудің басталған және аяқталған күндері көрсетіледі.

      6. Мемлекеттік аудит тобының құрамы.

      Осы мемлекеттік аудит объектісінде аудиторлық іс-шараны (бірлескен, қатар тексеруді) жүзеге асыратын Есеп комитеті (Тексеру комиссиясы) жұмыскерлерінің (жұмыскерінің), мемлекеттік аудитор(-лар)дың және мемлекеттік аудитор(-лар) ассистент(-тер)інің, мемлекеттік органдар мамандарының, мемлекеттік емес аудиторлық ұйымдар жұмыскерлерінің және сарапшылардың (олар тартылған жағдайда) тегі, аты-жөні, лауазымы көрсетіледі.

      7. Аудиторлық іс-шарамен (бірлескен, қатар тексерумен) қамтылатын қаражат көлемі*

      Көрсетілген кесте бюджеттік бағдарламалар мен активтер бөлінісінде:

      1-бағанда – рет саны нөмірі;

      2-бағанда – осы мемлекеттік аудит объектісінде аудиторлық іс-шарамен (тексерумен) қамтылуға жататын бюджеттік бағдарламаның нөмірі мен атауы және активтер;

      3-бағанда – аудиторлық іс-шара (тексеру) жүргізілетін тиісті жыл, жартыжылдық, айлардың саны;

      4-бағанда – аудиторлық іс-шарамен (тексерумен) қамтылуға жататын республикалық бюджет қаражатының және активтердің көлемі толтырылады.

      4-бағанның соңында осы мемлекеттік аудит объектісінде аудиторлық іс-шарамен (тексерумен) қамтылуға жататын бюджет қаражаты мен активтер көлемінің жиынтық сомасы көрсетіледі.

      Осы мемлекеттік аудит объектісіне мемлекеттік органдардың мамандары, мемлекеттік емес аудиторлық ұйымдардың жұмыскерлері және сарапшылар тартылған жағдайда, олардың аты-жөндері, тектері, лауазымдары, мемлекеттік органның, мемлекеттік емес аудиторлық ұйымның атауы көрсетіледі.

      *Осы бөлім республикалық бюджетке түсетiн түсiмдердiң толықтығы мен уақтылылығына, республикалық бюджеттен түсетiн түсiмдер сомаларының қайтарылуына, салықтық және кедендiк әкiмшiлендірудің тиiмдiлiгiне мемлекеттік аудит жүргізу, талдамалық іс-шара жүргізу кезінде толтырылмайды.

      8. Аудиторлық іс-шараның (бірлескен, қатар тексерудің) мәселелері және мәселелердің әрбіреуіне өлшемшарттар.

      Аудиторлық іс-шараның мәселелері олардың жиынтығында аудиторлық іс-шараның мақсатына қол жеткізудің қамтамасыз етілуін есепке ала отырып тұжырымдалады. Өлшемшарттар мәселелердің әрбіреуіне өлшемшарт бойынша бағалау аудиторлық іс-шараның мәселесіне жауап алуға мүмкіндік беріле отырып іріктеледі.

      Келесі мемлекеттік аудит объектілері бойынша мәліметтер осыған ұқсас тәртіппен толтырылады.

      9. Аудиторлық іс-шараны (бірлескен, қатар тексеруді) нормативтік құқықтық және әдіснамалық қамтамасыз ету.

      Аудиторлық іс-шара (бірлескен, қатар тексеру) барысында пайдаланылатын Қазақстан Республикасы нормативтік құқықтық актілерінің, сыртқы мемлекеттік аудит және қаржылық бақылаудың рәсімдік стандарттарының және Есеп комитетінің (Тексеру комиссиясының) әдіснамалық құжаттарының тізбесі көрсетіледі.

      Ескертпе:

      Аббревиатуралардың толық жазылуы:

      м. теңге – мың теңге

Аудиторлық (сараптамалық) тапсырма

      Есеп комитетінің (Тексеру комиссиясының) жұмыскері* (аудитке тартылған маман, мемлекеттік емес аудитор, сарапшы):

      ________________________________________________________________________________

      (аты-жөні, тегі, лауазымы)

      Аудиторлық іс-шараның (тексерудің) атауы: ____________________________________

      Аудиторлық іс-шараның (тексерудің) жалпы мерзімі: _______ күнтізбелік күн

      Мемлекеттік аудитті жүргізуге жауапты

      құрылымдық бөлімше басшысы            __________________________

      (қолы, аты-жөні, тегі)

      Мемлекеттік аудит тобының жетекшісі      __________________________

      (қолы, аты-жөні, тегі)

      Жұмыскер* (тартылған маман, мемлекеттік

      емес аудитор)                              _________________________

      (қолы, аты-жөні, тегі)

      Ескертпе:*- осы мемлекеттік аудит объектісінде аудиторлық іс-шараны (бірлескен, қатар тексеруді) жүзеге асыратын Есеп комитеті жұмыскерінің, мемлекеттік аудитордың және мемлекеттік аудитор ассистентінің, мемлекеттік органдар маманының, мемлекеттік емес аудиторлық ұйым жұмыскерінің және сарапшының (олар тартылған жағдайда) аты-жөні, тегі, лауазымы көрсетіледі.

Аудиторлық іс-шара жүргізуге ТАПСЫРМА (Үстеме (бірлескен, қатар) тексеру жүргізуге тапсырма) (Тексеру тағайындау туралы акт)

      "Мемлекеттік аудит және қаржылық бақылау туралы" Қазақстан Республикасы Заңының ___ бабына және Республикалық бюджеттің атқарылуын бақылау жөніндегі есеп комитетінің (облыстың, қаланың тексеру комиссиясының) мемлекеттік аудит объектілерінің 20__ жылға арналған тізбесіне сәйкес

      ________________________________________________________________________________

      ________________________________________________________________________________

      (аудиторлық іс-шара (тексеру) жүргізу тапсырылған Есеп комитеті (Тексеру комиссиясы) жұмыскер(лер)інің ТАӘ және лауазымы көрсетіледі)

      ________________________________________________________________________________

      (мемлекеттік аудит объектісінің ұйымдық-құқықтық нысаны, толық атауы,

      ________________________________________________________________________________

      оның орналасқан жері, ЖСН, БСН, басшысының ТАӘ көрсетіледі)

      ________________________________________________________________________________

      мәселесі бойынша аудиторлық іс-шара (үстеме, бірлескен, қатар тексеру) жүргізу тапсырылады.

      Аудиторлық іс-шараның мақсаты ____________________

      Мемлекеттік аудиттің типі ______________________*

      Тексерудің түрі _______________________

      Аудиторлық іс-шарамен (тексерумен) қамтылатын кезең _________________

      Аудиторлық іс-шара (тексеру) жүргізудің мерзімдері:________ аралығы.

      Салық құпиясын құрайтын мәліметтерге рұқсаты бар лауазымды адамдар _________________________________________________ **

      Есеп комитетінің (Тексеру комиссиясының) мүшесі

      ___________________________________________________

      (қолы, аты-жөні, тегі)

      Аудиторлық іс-шараның (тексерудің) мерзімі ____ жылғы "__"_____ бастап, ____ жылғы "__" ______ дейін ұзартылды.*

      Есеп комитетінің (Тексеру комиссиясының) Төрағасы

      ______________________________________________________

      (қолы, аты-жөні, тегі)

      * Үстеме тексеру жүргізу кезінде көрсетілмейді.

      ** - салық құпиясын құрайтын мәліметтерге мемлекеттік аудит объектілерінің рұқсат беруін көздейтін тексерулерді жүргізу кезінде көрсетіледі.

      Ескертпе: Аудиторлық іс-шара (тексеру) жүргізуге тапсырманы (бұдан әрі – Тапсырма) жасау.

      Тапсырма мынадай деректерді:

      нөмірі мен берілген күнін;

      аудиторлық іс-шара (тексеру) жүргізу тапсырылған Есеп комитеті (Тексеру комиссиясы) жұмыскер(-лер)і мемлекеттік аудитор(-лар)дың және ассистент(-тер)дің тегін, атын, әкесінің атын (болған жағдайда) және лауазымын, аудиторлық іс-шара (тексеру) жүргізуге тартылған мемлекеттік органдар мамандарының, мемлекеттік емес аудиторлық ұйымдар жұмыскерлерінің және (немесе) сарапшылардың тегін, атын, әкесінің атын (болған жағдайда);

      Есеп комитетінің (Тексеру комиссиясының) аудиторлық іс-шараны ұйымдастыруға және жүзеге асыруға жауапты мүшесінің аты-жөні мен тегін, оның қолын не оның міндетін атқарушы адамның деректерін, сондай-ақ Есеп комитетінің (Тексеру комиссиясының) мөрін;

      бастапқыда белгіленген аудиторлық іс-шара (тексеру) мерзімі асып кеткен жағдайда, күнін көрсете отырып, аудиторлық іс-шара (тексеру) мерзімінің ұзартылғаны туралы мәліметтерді қамтиды.

      нысан

Мемлекеттік аудит объектісі басшысының міндеттерін атқару жөніндегі талап

      Ескерту. 11-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

            1. "Мемлекеттік аудит және қаржылық бақылау туралы" Қазақстан Республикасы
Заңының (бұдан әрі – Мемлекеттік аудит туралы заң) 21-бабына, 37-бабының 2-тармағына
сәйкес мемлекеттік аудит объектісінің басшысы:
      1) мемлекеттiк аудит және қаржылық бақылау органының жұмыскерлерiн жұмыс
орындарымен қамтамасыз етуге;
      2) мемлекеттiк аудит және қаржылық бақылау органының жұмыскерлерiн
мемлекеттiк аудитті жүзеге асыру үшiн сұратылып отырған барлық қажеттi ақпаратпен
__________________________________________________________________________
(басшысының немесе бас бухгалтерінің қолы қойылған қажетті құжаттар мен ақпараттың
_________________________________________________________________________
тізбесі көрсетіледі)
________________________________________________ дейін қамтамасыз етуге;
(күні көрсетіледі)
      3) мемлекеттiк аудит және қаржылық бақылау органы жұмыскерлерiнiң ақпараттық
және есептік жүйелерге кіруін қамтамасыз етуге;
      4) мемлекеттiк аудит және қаржылық бақылау органы жұмыскерлерiнiң iс-
әрекеттерiне, соның ішінде мемлекеттік аудит және қаржылық бақылау органдарының
лауазымды адамдары аудит объектісіне бару арқылы аудиторлық іс-шараның барысын
қадағалауды жүзеге асырған кезде олардың іс-әрекеттеріне араласпауға және мемлекеттік
аудит жүргiзуге кедергi келтiрмеуге;
      5) аудиторлық іс-шараның нәтижелерiмен келiспеген жағдайда, Аудиторлық есепке
жазбаша қарсылықтарын Есеп комитетіне (Тексеру комиссиясына) қол қойылған
Аудиторлық есеп мемлекеттік аудит объектісіне берілген күннен бастап он жұмыс күнінен
аспайтын мерзімде ұсынуға міндетті.
      2. Мемлекеттік аудит туралы заңның 21-бабы негізінде мемлекеттiк аудит және
қаржылық бақылау органдарының лауазымды адамдарына олардың өз құзыреттерiне сәйкес
қызметтiк мiндеттерiн орындауда аудит жүргiзуге жiберуден бас тарту, қажеттi құжаттарды,
материалдарды, қызмет туралы ақпаратты және өзге де мәлiметтердi беруден бас тарту, анық
емес ақпарат беру түрiндегi кедергi келтiру, аудитті жүзеге асыруға өзге де кедергi жасау
"Әкімшілік құқық бұзушылық туралы" Қазақстан Республикасы Кодексінің (бұдан әрі –
ӘҚтК) 462-бабына сәйкес әкімшілік құқық бұзушылық туралы ӘҚтК-нің 803-бабына сәйкес
хаттаманы жасай отырып әкімшілік жауаптылыққа әкеп соқтырады.
      Мемлекеттік аудит туралы заңның 37-бабының 2-тармағына сәйкес аудит объектісінің
басшысы барлық бухгалтерлік және бастапқы құжаттардың толықтығы мен анықтығы,
сондай-ақ аудиторлық іс-шараны жүргізу барысында ұсынылған барлық ақпараттың
толықтығы мен анықтығы үшін жауапты болады.
      Есеп комитетінің (Тексеру комиссиясының) жұмыскері
_________________________________________________________
лауазымы, тегі, аты-жөні, қолы
Ескертпе: Талаптың бірінші данасы Аудиторлық есептің бланкісінде ресімделеді.

Мемлекеттік аудит объектісіне жіберуден бас тарту фактісі бойынша АКТ

      "Мемлекеттік аудит және қаржылық бақылау туралы" Қазақстан Республикасы Заңының (бұдан әрі – Мемлекеттік аудит туралы заң) 36-бабының 1-тармағына, Республикалық бюджеттің атқарылуын бақылау жөніндегі есеп комитетінің (облыстың, қаланың тексеру комиссиясының) мемлекеттік аудит объектілерінің ____ жылға арналған тізбесіне сәйкеc

      ________________________________________________________________________________

      (тексерілетін органның, мекеменің, ұйымның атауы)

      ____________________________________________________ аудиторлық іс-шара жүргізіледі.

      (аудиторлық іс-шараның атауы)

      Тексерілетін объектінің лауазымды адамы ____________________________________________

      ________________________________________________________________________________

      (лауазымы, аты-жөні және тегі)

      оларға Аудиторлық іс-шара жүргізуге тапсырманың (тексеруді тағайындау туралы актінің) көрсетілгеніне қарамастан, тексерілетін объектіге _____________________________________

      (тексерілетін органның, мекеменің, ұйымның атауы)

      ________________________________________________________________________________

      (Есеп комитеті (Тексеру комиссиясы) жұмыскерінің лауазымы, аты-жөні және тегі) жіберуден бас тартты. Бұл Мемлекеттік аудит туралы заңның 36-бабы 1-тармағының 1) тармақшасын және 37-бабының 2-тармағын бұзу болып табылады және Қазақстан Республикасының заңнамасына сәйкес лауазымды адамдардың жауапты болуына әкеп соғады. Осы Акт екі данада жасалды, оның бірі _________________________

      (органның немесе ұйымның атауы)

      басшысы (лауазымды адамы)___________________________________________ тапсырылды.

      (лауазымы, аты-жөні, тегі)

      Қолдары:

      Республикалық бюджеттің атқарылуын бақылау жөніндегі есеп комитеті (облыстың, қаланың тексеру комиссиясы) атынан _______________________________________________________

      (лауазымы, аты-жөні, тегі, қолы)

      Актінің бір данасын алдым _________________________________________________________

      (лауазымы, аты-жөні және тегі, қолы, қол қоюдан бас тарқан кезде – алудан бас тартты деп көрсетіледі)

(Сыртқы мемлекеттік аудит және қаржылық бақылау органының логотипі көрсетіледі) ___________________________________________________________ (Есеп комитетінің әдеп жөніндегі уәкілінің телефоны көрсетіледі)

      (Республикалық бюджеттің атқарылуын бақылау жөніндегі есеп комитетінің, Тексеру комиссиясының) сенім телефоны, бұған Сіздер бюджет қаражатын пайдалану кезінде жол берілген қаржылық бұзушылықтар, сондай-ақ Есеп комитетінің (Тексеру комиссиясының) жұмыскерлері тарапынан жасалған заңсыз іс-әрекеттер және олардың Қазақстан Республикасы мемлекеттік қызметшілерінің әдеп кодексінің нормаларын сақтамауы фактілері туралы хабарлай аласыздар.

      Сыртқы мемлекеттік аудит және қаржылық бақылау органдары логотиптерінің тізбесі

      1. Есеп комитетінің логотипі

      2. Тексеру комиссияларының логотиптері

Бақылау өлшемі (тексеріп қарау) АКТІСІ ___________________ _______________________ (жасалған орны) (жасалған күні)

      Есеп комитеті (Тексеру комиссиясы) мүшесінің 20__жылғы

      __________________________________________________ Тапсырмасына сәйкес жүргізілген

      ______________________________________________________ мемлекеттік аудит барысында

      (аудиторлық іс-шараның, тексерудің атауы)

      ________________________________________________________________________________

      (мемлекеттік аудит объектiсінiң атауы)

      объектісінде Есеп комитетінің (Тексеру комиссиясының) жұмыскер(лер)i (сарапшы, маман)

      ________________________________________________________________________________

      (мемлекеттік аудитордың және аудитке тартылған сарапшылардың, мамандардың аты-жөндерi, тектері, лауазымдары көрсетіледі)

      ________________________________________________________________________________

      (мемлекеттік аудит объектісінің, тапсырыс берушінің, мердігердің және

      ________________________________________________________________________________

      тағы басқаның өкілдерінің аты-жөндері, тектері, лауазымдары көрсетіледі)

      өкiлдердің қатысуымен

      ________________________________________________________________________________

      (объекті және бақылау өлшемі (тексеріп қарау) мәні көрсетіледі)

      анықтығын растау мақсатында бақылау өлшемі (тексеріп қарау) жүзеге асырылып, нәтижесінде

      ________________________________________________________________________________

      (бақылау өлшемінің (тексеріп қараудың) нәтижелері көрсетіледі)

      анықталды.

      Актіге қосымша __________________________________________________________________

      (тексеріп қарауға байланысты түсіндірме, фото және басқа да материалдар)

      Есеп комитетінің (Тексеру комиссиясының) жұмыскер(лер)і (аудитке тартылған сарапшы, маман):

      _______________________________ ________________________________________________

      (лауазымы)                  (қолы, аты-жөнi, тегі)

      Мемлекеттік аудит объектісінің, тапсырыс берушінің, мердігердің және тағы басқаның өкілдері:

      _______________________ ________________________________________________________

      (лауазымы)                  (қолы, аты-жөнi, тегі)

      ________________________________________________________________________________

      ___________________________________________ ____________________________________

      (лауазымы)                  (қолы, аты-жөнi, тегі)

      Актінің жасалған даналарының саны: ________________________________________________

      (адресат көрсетіледі)

Аудиторлық есептің (тиімділік, сәйкестік аудитінің) үлгілік нысаны

      Ескерту. 16-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      I. Кіріспе бөлік
1.1. Мемлекеттік аудит объектісінің атауы:__________________________________
1.2. Аудиторлық іс-шараның атауы:________________________________________
1.3. Мемлекеттік аудит объектісіндегі мемлекеттік аудиттің мақсаты: __________
______________________________________________________________________
1.4. Мемлекеттік аудиттің мәні:___________________________________________
1.5. Аудиттің типі, тексерудің түрі:_____________________________________
(үстеме, бірлескен немесе қатар тексеру жүргізу кезінде толтырылады)
1.6. Мемлекеттік аудит тобының құрамы:___________________________________
1.7. __________ "____" №_________ мемлекеттік аудит (тексеру) жүргізуге тапсырма
1.8. Мемлекеттік аудитпен қамтылған кезең: ________________________________
1.9. Мемлекеттік аудит жүргізу мерзімі: ______________ _____________ аралығы
1.10. Мемлекеттік аудит объектісінің лауазымды адамдары:____________________
1.11. Үстеме тексеру жүргізілген объектілердің тізбесі:_______________________
(жүргізілген кезде көрсетіледі)
1.12. Алдыңғы мемлекеттік аудиттің нәтижелері туралы қысқаша мәліметтер:___
_____________________________________________________________________
II. Негізгі бөлік
2.1 Өңірлік және (немесе) елдік бөліністе аудиттелетін саланың, соның ішінде
мемлекеттік басқарудың және (немесе) экономика саласының, әлеуметтік-экономикалық
дамудың ағымдағы жай-күйін талдау: ______________________________________________
2.2. Аудит бағдарламасын ашып жазу:
2.2.1. Аудит бағдарламасындағы _____ мәселенің атауы:___________________________
Аудит бағдарламасының мәселесін талдау, соның ішінде жүйелі кемшіліктерге, бюджет
қаражатын және активтерді тиімсіз жоспарлауға және пайдалануға, нәтижелерге қол
жеткізбеуге байланысты, сондай-ақ мемлекеттік аудит объектісінің жіберіп алынған пайдасы
мен экономикалық шығындарын бағалауды қоса алғанда, мемлекеттік аудит объектісі
қызметіндегі өзге де проблемалық мәселелер бойынша бұзушылықтарға ықпал еткен
себептер мен жағдайларды талдау:_________________________________________
2.2.2. Үстеме тексерудің қысқаша нәтижелері: ________________________________
(ол жүргізілген кезде)
III. Қорытынды бөлік
3.1. Мемлекеттік аудит объектісі бойынша жалпы тұжырымдар:
*3.1.1. Мемлекеттік аудит объектісі қызметінің қойылған мақсаттарға, міндеттерге,
функцияларға және өкілеттіктерге, мыналарға:
- мемлекеттік органдарға;
- квазимемлекеттік сектор субъектілеріне мемлекеттік аудит жүргізу мәніне байланысты
бағыттарға (аудит объектісінің ережесіне, жарғысына сәйкес) қол жеткізуге әсерін бағалау.
3.2. Мемлекеттік аудит жүргізудегі кедергілер:_____________
3.3. Мемлекеттік аудит барысында қабылданған шаралар: ____________________________
Есеп комитетінің (Тексеру комиссиясының) жұмыскер(-лер)і:
__________________________________________________________________________
(лауазымы, қолы, аты-жөні, тегі)
Мемлекеттік органдардан тартылған мамандар, мемлекеттік емес аудиторлық
ұйымдардың жұмыскерлері, сарапшылар:
__________________________________________________________________
(лауазымы)
___________________________________________________________________________
(қолы, аты-жөні, тегі)
      Аудиторлық есеп _________________________ данада жасалды (саны)
      * Мемлекеттік аудит типіне байланысты Мемлекеттік аудит бағдарламасында тиісті
мәселе болған жағдайда ашып жазылады
      IV. Қосымшалар:
      1) мемлекеттік аудит объектісі басшысының міндеттерін атқару жөніндегі талап;
      2) мемлекеттік аудиторлар қол қойған және Қағидаларға 17-қосымшаға сәйкес нысан
бойынша жасалған аудиторлық іс-шараның нәтижелері бойынша анықталған бұзушылықтар
мен кемшіліктердің тізілімі (бұдан әрі – Тізілім);
      3) аудиторлық дәлелдемелер:
      - құжаттардың төлнұсқалары немесе белгіленген тәртіппен расталған көшірмелері,
кестелер, сондай-ақ қажет болған жағдайда бұзушылық фактілерін көрсететін анықтамалар,
фотосуреттер;
      - функционалдық және лауазымдық міндеттеріне сүйене отырып, жол берілген
бұзушылықтарға қатысы бар адамдардың жазбаша түсініктемелері;
      - бақылау өлшемдері (тексеріп қараулар) актілері (олар жасалған жағдайда);
      - зерттеулердің (сынақтардың), сараптамалардың қорытындылары, хаттамалардың
көшірмелері, аудиторлық іс-шараның нәтижелеріне байланысты басқа да құжаттар немесе
олардың көшірмелері (олар жасалған жағдайда);
      - талдау материалдары және мемлекеттік аудит объектісінің қызметіндегі
бұзушылықтар мен кемшіліктер фактісін растайтын материалдар;
      4) аудиторлық тәуекелді бағалау және егер аудиторлық есептің мәтінінде
көрсетілмесе, аудиторлық іріктеудің негіздемесі (қажет болған жағдайда мәнділік деңгейін
айқындау);
      5) сарапшылардың сарапшылық қорытындылары (тартылған жағдайда);
      6) мемлекеттік қызметтерді алушылардың қанағаттануы тұрғысынан халық арасында
сауалнама жүргізу нәтижелері (қажет болған жағдайда);
      7) ақы төлеу фактісін растайтын құжаттар (көшірмелері) (аудиторлық іс-шара
барысында қаражат өтелген (қалпына келтірілген) жағдайда):
      төлем тапсырмалары (төлеуге арналған шоттар, түбіртектер, чектер және (немесе)
басқалары);
      ведомостар, ордерлер, нарядтар;
      8) мемлекеттік аудит объектісінің басшысына (лауазымды адамына) Аудиторлық
есептің тапсырылған күнін растайтын құжат (көшірмесі) (оны қабылдағаны туралы
мемлекеттік аудит объектісінің мөртабаны болмаған жағдайда);
      9) сыртқы ақпарат көздерінің тізбесі:
      статистикалық деректер;
      мемлекеттік органның қызметін және (немесе) аудитпен қамтылатын кезеңдегі
қызметін бағалау нәтижелері;
      ұқсас мемлекеттік және квазимемлекеттік құрылымдардың шетелдік жұмыс тәжірибесі;
      отандық салалық және шетелдік сарапшылардың, агенттіктердің зерттеулері;
      мемлекеттік басқарудың және (немесе) экономика саласының тиісті аясындағы
мемлекеттік реттеу мәселелері бойынша халықаралық ұйымдар мен агенттіктердің есептері,
рейтингтері, шолулары;
      халықаралық ұйымдар мен агенттіктердің сайттары;
      уәкілетті органдардың мемлекеттік аудит объектісінің қызметін тексерулерінің
нәтижелері;
      жеке және заңды тұлғалардың өтініштері;
      БАҚ және тағы басқалары.
      Мемлекеттік органдардың немесе квазимемлекеттік сектор органдарының ресми
ақпараттық жүйелерінен алынған құжаттарда штрих код немесе өзге де тану белгілері болған
жағдайда олар куәландырылмайды. Аудиторлық есепке қоса берілетін құжаттардың
көшірмелері белгіленген тәртіппен уәкілетті лауазымды адамдардың қолтаңбаларымен,
мемлекеттік аудит объектісінің мөрімен немесе мөртабанымен (болған жағдайда)
куәландырылады. Аудиторлық есепте қосымшаларының реттік нөмірі көрсетіле отырып,
оларға сілтеме, әрбір қосымша бойынша бөлек парақтар саны көрсетіледі. Көлемді құжаттар
(5 немесе одан көп беттен тұратын бір құжат) тігілген күйінде соңғы артқы парағына мөр
мен қол қою арқылы куәландырылуы мүмкін.
      Ескертпе.
      Аудиторлық есептің жоғары бөлігінде оның жасалған орны (қаланың, басқа да елді
мекеннің (ауыл, кент және тағы басқаларының) атауы), Аудиторлық есептің жасалған күні,
Аудиторлық есеп данасының нөмірі көрсетіледі (№ 1 дана – Есеп комитеті (Тексеру
комиссиясы) үшін, № 2 дана – мемлекеттік аудит объектісі үшін жасалады.
      Бірлескен тексеру кезінде № 1 дана – Есеп комитеті (Тексеру комиссиясы) үшін, № 2
дана – бірлескен тексеруге қатысушы мемлекеттік орган үшін, № 3 дана – мемлекеттік аудит
объектісі үшін жасалады).
      Аудиторлық есепте мынадай деректер көрсетіледі:
      Аудиторлық есептің кіріспе бөлігінің 1-бөлімінде мыналар қысқаша сипатталады:
      1.1. Мемлекеттік аудит объектісінің атауы - мемлекеттік аудит объектісінің толық
атауы, мемлекеттік тіркеу туралы деректері, банктік және салықтық деректемелері, БСН
(ЖСН) көрсетіледі.
      1.2. Аудиторлық іс-шараның атауы – тиісті жылға арналған Мемлекеттік аудит
объектілерінің тізбесіне сәйкес аудиторлық іс-шараның толық атауы көрсетіледі.
      1.3 Мемлекеттік аудит объектісінде жүргізілетін мемлекеттік аудиттің мақсаты -
Аудит бағдарламасының мәселелеріне сүйене отырып, осы объектіде жүргізілетін
мемлекеттік аудиттің мақсаты көрсетіледі.
      1.4. Мемлекеттік аудиттің мәні – жүргізілетін мемлекеттік аудиттің, бюджеттік
бағдарламалардың және (немесе) активтердің мәні көрсетіледі.
      1.5. Аудиттің типі, тексерудің түрі – осы мемлекеттік аудит объектісінде жүргізілетін
аудиттің тиісті типі және түрі көрсетіледі: үстеме, бірлескен немесе қатар.
      1.6. Мемлекеттік аудит тобының құрамы – мемлекеттік аудитті жүргізетін Есеп
комитеті (Тексеру комиссиясы) жұмыскерінің, мемлекеттік органдардың мамандарының,
мемлекеттік емес аудиторлық ұйымдардың жұмыскерлерінің және мемлекеттік аудитті
жүргізуге тартылған сарапшылардың аты-жөні, тегі, лауазымы көрсетіледі.
      1.7. Мемлекеттік аудит жүргізуге тапсырма (Тексеру тағайындау туралы акт) –
Тапсырманың күні және нөмірі, Тапсырмаға қол қойған лауазымды адамның аты-жөні, тегі,
лауазымы көрсетіледі.
      1.8 Мемлекеттік аудитпен қамтылған кезең – мемлекеттік аудит объектісі қызметінің
іс жүзінде тексерілген кезеңі көрсетіледі (қажет болған жағдайда бюджеттік бағдарламалар
немесе мәселелерді көрсете отырып, ("қажет болған жағдайда басқа да кезеңдер" деген
сөздерді көрсетпей) жылдары, айлары және Аудит жоспарына және бағдарламасына сәйкес
келеді).
      1.9 Мемлекеттік аудит жүргізу мерзімі – осы мемлекеттік аудит объектісінде
мемлекеттік аудитті жүргізудің басталған және аяқталған күні көрсетіледі (Аудит
бағдарламасына сәйкес келеді).
      1.10. Мемлекеттік аудит объектісінің лауазымды адамдары – мемлекеттік аудит
объектісінің келісімімен мемлекеттік аудит жүзеге асырылған мемлекеттік аудит объектісі
лауазымды адамдарының аты-жөні, тегі, сондай-ақ мемлекеттік аудит объектісінің
мемлекеттік аудитпен қамтылған кезеңде жұмыс істеген және құжаттарға қол қою құқығы
болған лауазымды адамдарының аты-жөні, тегі көрсетіледі.
      1.11. Үстеме тексеруге ұшыраған объектілердің тізбесі – үстеме тексеруге ұшыраған
мемлекеттік аудит объектісінің (лерінің) толық атауы көрсетіледі
      1.12. Алдыңғы мемлекеттік аудиттің нәтижелері туралы қысқаша мәліметтер – басқа
мемлекеттік қаржылық бақылау органдары мен құқық қорғау органдарының бұрын қамтыған
тексеру мәні Есеп комитеті (Тексеру комиссиясы) жүргізген мемлекеттік аудиттің
мәселелерімен сәйкес келетін мәселелер бойынша қысқаша мәліметтер, мемлекеттік аудит
объектісінің анықталған бұзушылықтарды жою жөнінде қабылдаған шаралары көрсетіледі.
Есеп комитетінің (Тексеру комиссиясының) бақылауда тұрған Аудиторлық қорытындылары
(Нұсқамалары) бойынша орындалу мерзімі өткен тапсырмалық тармақтар бойынша шаралар
көрсетіледі. Егер мұндайлар болмаса олардың болмауын көрсету қажет.
Аудиторлық есептің негізгі бөлігінің 2-бөлімінде мынадай деректер көрсетіледі:
      2.1. Аудиттелетін саланың жай-күйін талдау – аудиттің мәні болып табылатын салаға
немесе аудит объектісі реттеуді жүзеге асыратын салаға қатысты талдау жүргізіледі,
тиімділік аудитін жүргізу кезінде жүзеге асырылады.
      2.2. Аудит бағдарламасын ашып көрсету – жүргізілген мемлекеттік аудиттің
мақсатына қол жеткізілгенін растауға жеткілікті нәтижелер сипатталады.
      Одан әрі Аудит бағдарламасының мәселелеріне жауаптар тіркеледі, бұл ретте Аудит
бағдарламасының әрбір мәселесінің атауы көрсетіледі. Аудит мәселелеріне жауаптар толық,
нақты, объективті және кесімді жазылады. Бағдарламаның мәселесін ашып көрсету
Мемлекеттік жоспарлау жүйесінің құжаттарымен байланысын бағалай отырып, тікелей және
түпкілікті нәтижелерге қол жеткізуге арналған бюджет қаражатының, мемлекет активтерінің
негізділігін және пайдаланылуын талдауды ескере отырып, жүзеге асырылады. Жүйелі
кемшіліктерге, бюджет қаражатын және активтерді тиімсіз жоспарлау мен пайдалануға,
нәтижелерге қол жеткізбеуге, сондай-ақ мемлекеттік аудит объектісінің қызметіндегі өзге де
проблемалық мәселелерге байланысты бұзушылықтарға ықпал еткен себептер мен
жағдайларды талдау топтастырылған біртектес бұзушылықтар бойынша, сондай-ақ аталған
талдауды жүргізуге мүмкіндік беретін бағдарламалық мәселелер ескеріле отырып
жүргізіледі. Мемлекеттік аудит объектісінің жіберіп алынған пайдасы мен экономикалық
шығындарын бағалау бюджетке қаражат толық түспеген, бюджет атқарылмаған, бюджет
қаражаты мен активтерді тиімсіз пайдаланған, бюджет қаражаты мен активтер жоғалған,
мемлекеттік меншік жоғалған, бюджет қаражаты мен активтердің артық шығыстары, бюджет
кірістерінің тікелей және ықтимал (бағалау) шығындары, бюджет және өзге де заңнаманың
сақталмауы, өндірістің төмен рентабельділігі және өндірілген өнімнің, тауарлардың,
жұмыстардың, көрсетілетін қызметтердің жоғары өзіндік құны, шығыстардың нәтижелі
болмауы кезінде жүргізіледі.
      Аудиторлық есепте жүргізілген үстеме тексерудің (тек бұзушылықтардың
тармақтарын үстеме тексерудің аудиторлық есебіне сәйкес нөмірлей отырып, олар негізгі
объектінің бұзушылықтар тізіліміне қосылмайды), бақылау өлшемінің (тексеріп қарау)
қысқаша нәтижелері көрсетіледі, сондай-ақ бұзушылық фактілері, соның ішінде мемлекеттік
аудит объектісі болып табылмайтын басқа да мемлекеттік органдардың бөлінетін бюджеттік
бағдарлама қаражатын пайдалану кезінде жасаған себептері мен салдарын көрсете отырып,
кемшіліктер мен жүйелі проблемалар жазылады.
      Мемлекеттік аудиттің мәселелері бойынша бұзушылықтар, кемшіліктер және жүйелі
проблемалар анықталса, әрбір факт жалғаспалы тәртіппен нөмірленеді және бұзушылықтың,
кемшіліктің және жүйелі проблеманың сипаты мен түрін сипаттай отырып, жеке тармақпен
(1-тармақ, 2-тармақ және т.б.) тіркеледі. Бұзушылықтар бойынша ережелері бұзылған
нормативтік құқықтық актілердің баптарына, тармақтарына және тармақшаларына сілтеме
көрсетіледі және тиісті бұзушылыққа дәлел болатын құжаттар көрсетіледі. Бұзушылыққа,
кемшілікке және жүйелі проблемаға әкеп соққан себеп-салдарлық байланыстар талданады.
      Аудит бағдарламасының мәселесі бойынша бұзушылықтар, кемшіліктер және жүйелі
проблемалар анықталмаса, қысқаша ақпарат келтіріледі және мынадай жазба жасалады
"Бағдарламаның (атауы) мәселесі тексерілді. Бұзушылықтар, кемшіліктер және жүйелі
проблемалар анықталған жоқ.". Аудиторлық есепке тексеру жүргізілген құжаттардың
деректемелері көрсетіле отырып, олардың тізбесі қоса беріледі.
      Аудит бағдарламасының мәселелерін қарау шеңберінде мемлекеттік аудиторлар
қажет болған кезде аудит объектісінің жіберіп алған пайдаларына және шығындарына
бағалау жүргізеді, сарапшылар тартқан жағдайда, олардың қорытындыларының қысқаша
нәтижелерін сипаттайды.
      Аудиторлық есептің Қорытынды бөлігінің 3-бөлімінде мынадай мәліметтер
көрсетіледі:
      3.1. Аудит объектісінде жүргізілген мемлекеттік аудиттің қорытындылары бойынша
жалпы тұжырымдарда объект қызметінің, мемлекеттік аудиттің көрсеткіштеріне
(өлшемшарттарына) сәйкес Мемлекеттік жоспарлау жүйесінің құжаттарын іске асыру
тиімділігіне баға беріледі. Мемлекеттік аудиттің көрсеткіштерін (өлшемшарттарын) сипаттау
кезінде аудит объектісіне баға беруге сәйкес олардың толық атаулары көрсетіледі.
      Аудиторлық есепте аудит объектісінің ағымдағы жағдайына, сондай-ақ оның
қызметінің мемлекеттік басқару саласының және (немесе) экономика саласының дамуына
тигізетін әсеріне талдау жасалады және баға беріледі.
      3.2. Есеп комитетінің (Тексеру комиссиясының) жұмыскерлері мемлекеттік аудит
жүргізгенде мемлекеттік аудит объектісінің лауазымды адамдарының кедергі келтіруі
фактілері туралы мәліметтер көрсетіледі. Есеп комитетінің (Тексеру комиссиясының)
жұмыскері әкімшілік құқық бұзушылықтың жасалғаны туралы хаттама жасаған жағдайда,
оның нөмірі және күні көрсетіледі (хаттама мемлекеттік аудит объектісінің лауазымды
адамдары мемлекеттік аудит объектісіне жіберуден бас тартқан кезде, мемлекеттік аудит
жүргізу үшін қажетті құжаттарды ұсынбаған немесе анық емес, объективті емес және
(немесе) толық емес ақпаратты, материалдарды және өзге де мәліметтерді ұсынған кезде
толтырылады).
      3.3. Мемлекеттік аудит жүргізу барысында анықталған құқық бұзушылықтарды жою
бойынша мемлекеттік аудит объектісі қабылдаған шаралар туралы мәліметтер көрсетіледі
(салықтарды, айыппұлдарды, өсімпұлдарды қосымша есептеу, негізсіз пайдаланылған
қаражатты бюджетке өтеу, бухгалтерлік есеп пен қаржылық есептілік бойынша қаражатты
қалпына келтіру, тауарлар, жұмыстар мен көрсетілетін қызметтер бойынша өнім
берушілердің шарттық міндеттемелерін орындауы, мемлекеттік аудит объектісінің
лауазымды адамдарына қатысты қабылданған тәртіптік жазалау шаралары және басқалар).
Шаралар қабылданбаған жағдайда олардың болмауын көрсету қажет.
      Аудиторлық есепке қосымшаларда Қағидалардың 185-тармағында көзделген
аудиторлық дәлелдемелер тіркеледі.

            4. Мемлекеттік аудитті жүргізген Есеп комитеті (Тексеру комиссиясы)
жұмыскерлерінің (мемлекеттік аудит жүргізуге тартылған мемлекеттік органдар
мамандарының, мемлекеттік емес аудиторлық ұйымдар жұмыскерлерінің, сарапшылардың)
қолдары.
      Аудиторлық есептің соңғы бетінде адресатты және бланк нөмірін көрсете отырып,
Аудиторлық есептің екі данада (Аудиторлық есептің № 1 данасы – Есеп комитетіне (Тексеру
комиссиясына), Аудиторлық есеп бланкісінің №__; № 2 дана – мемлекеттік аудит
объектісіне, бланк № __) жасалғаны туралы жазба жасалады.
      Мемлекеттік аудитті жүргізген мемлекеттік аудиторлар екінші парағынан бастап,
Аудиторлық есептің барлық беттеріне қол қояды.
      Мемлекеттік аудит объектісінде бірыңғай топ бірлескен тексеру жүргізген кезде
Аудиторлық есеп Есеп комитетінің (Тексеру комиссиясының) бланкісінде үш данада
ресімделеді, оның бірінші данасы – Есеп комитетіне (Тексеру комиссиясына), екінші данасы
– бірлескен тексеруге қатысушы мемлекеттік органға, үшінші данасы – мемлекеттік аудит
объектісіне беріледі.

            Ескертпе:

            Аббревиатуралардың толық жазылуы:

            БСН – бизнес сәйкестендіру нөмірі

            ЖСН – жеке сәйкестендіру нөмірі

Аудиторлық іс-шараның нәтижелері бойынша анықталған бұзушылықтар мен кемшіліктердің ТІЗІЛІМІ (мемлекеттік аудит нәтижелері бойынша анықталған бұзушылықтар мен кемшіліктердің ЖИЫНТЫҚ ТІЗІЛІМІ)

      Ескерту. 17-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      1) қаражат бюджетке түскен кезде (м. теңге)

      кестенің жалғасы

      кестенің жалғасы

      2) бюджет қаражаты мен активтерді пайдалану кезінде (м. теңге)

      кестенің жалғасы

      кестенің жалғасы

      3) мемлекеттік аудит объектісі қызметіндегі өзге де заңнама бұзушылықтары, сондай-ақ оның міндеттері мен функцияларын іске асыруға байланысты кемшіліктер мен олқылықтар

      кестенің жалғасы

      Есеп комитетінің (Тексеру комиссиясының)
мемлекеттік аудитті жүргізген жұмыскерлері ____________________
(қолы, аты-жөні, тегі)*
Келісілді: Есеп комитетінің (Тексеру комиссиясының)
аудиторлық іс-шараға жауапты мүшесі _________________
(қолы, аты-жөні, тегі)

      * Мемлекеттік аудитті жүргізген аудит тобының жетекшісі мен қатысушылары Есеп комитетінің аудиторлық іс-шараға жауапты мүшесімен келісілетін, Аудиторлық қорытындыға қоса берілетін Анықталған бұзушылықтардың жиынтық тізіліміне қол қояды.

      Ескертпе: Мемлекеттік аудит нәтижелері бойынша анықталған бұзушылықтар мен кемшіліктердің тізілімін (Жиынтық тізілімін) толтыру.

      Анықталған бұзушылықтар мен кемшіліктердің тізілімі әрбір мемлекеттік аудит объектісінде толтырылып, Аудиторлық есепке қоса беріледі.

      Анықталған бұзушылықтар мен кемшіліктердің жиынтық тізілімі мемлекеттік аудит объектілерінің қарсылықтары қаралғаннан кейін сапаны бақылаудың қорытындысы ескеріле отырып, Аудиторлық қорытындыға қоса беріледі.

      Анықталған бұзушылықтар мен кемшіліктердің тізілімі (Жиынтық тізілімі) Есеп комитетінің (Тексеру комиссиясының) 2018 жылғы 1 ақпандағы № 18-НҚ нормативтік қаулысымен бекітілген Мемлекеттік аудит және қаржылық бақылау объектілерінде анықталатын бұзушылықтар сыныптауышына (бұдан әрі – Сыныптауыш) сәйкес жасалады.

      1-бөлім. Қаражат бюджетке түскен кезде:

      "Р/с №" деген 1-бағанда – мемлекеттік аудит объектілерінің реттік нөмірлері (1, 2, 3 және т.б.) көрсетіледі;

      "Жыл" деген 2-бағанда – есепті кезеңдер көрсетіле отырып, мемлекеттік аудитпен қамтылған кезең көрсетіледі;

      "Мемлекеттік аудит объектісінің атауы" деген 3-бағанда – мемлекеттік кірістер органдары, квазимемлекеттік сектор субъектілері, сондай-ақ салықтық емес төлемдер бойынша уәкілетті органдар көрсетіледі;

      "Мемлекеттік аудит объектісінің БСН-і" деген 4-бағанда – мемлекеттік аудит объектісінің бизнес-сәйкестендіру нөмірі (болған жағдайда) көрсетіледі;

      "Өңірдің коды" деген 5-бағанда – мемлекеттік аудит объектісі тіркелген аумақтың коды көрсетіледі;

      "ББС бойынша бюджетке түсетін түсімдер коды" деген 6-бағанда – Қазақстан Республикасының Бірыңғай бюджеттік сыныптамасына (бұдан әрі – ББС) сәйкес бюджет түсімдерінің коды көрсетіледі;

      "Бюджетке түсетін түсімдер бойынша анықталған қаржылық бұзушылықтардың жалпы сомасы" деген 7-бағанда – түсімдер бойынша анықталған қаржылық бұзушылықтардың жалпы сомасы, оның ішінде 8-бағанда – бюджетке түсуге жататын бұзушылық сомасы, 9-бағанда – мемлекеттік аудит барысында түскен бұзушылық сомасы көрсетіледі;

      "Бюджетке түсетін қаражаттың уақтылы, толық есепке жатқызылмауы" деген 10-бағанда – қазынашылық органдарының уақтылы және толық есепке жатқызбаған бюджетке түсетін түсімдердің жалпы сомасы, оның ішінде 11-бағанда – бюджетке түсуге жататын, уақтылы, толық есепке жатқызылмаған қаражат сомасы, 12-бағанда – бюджетке түскен қаражаттың уақтылы, толық есепке жатқызылмауының жүргізілген мемлекеттік аудит барысында түскен сомасы көрсетіледі;

      "Артық (қате) төленген түсімдер сомаларын бюджеттен қайтаруды және (немесе) есепке жатқызуды Қазақстан Республикасының заңнамасын бұза отырып жүзеге асыру" деген 13-бағанда – бюджеттен қайтарылуы Қазақстан Республикасының заңнамасын бұза отырып жүзеге асырылған бюджетке түскен түсімдердің сомасы, оның ішінде 14-бағанда – Қазақстан Республикасының заңнамасын бұза отырып артық (қате) төленген түсімдер сомаларын бюджетке қайтарудың және (немесе) есепке жатқызудың түсуге жататын сомасы, 15-бағанда – Қазақстан Республикасының заңнамасын бұза отырып артық (қате) төленген түсімдер сомаларын бюджетке қайтарудың және (немесе) есепке жатқызудың мемлекеттік аудит жүргізу барысында түскен сомасы көрсетіледі;

      "Мемлекеттік кірістер органдарының салық түсімдерінің, әкімшілік айыппұлдардың, кедендік және бюджетке төленетін басқа да міндетті төлемдердің толықтығы мен уақтылылығын қамтамасыз етпеуі" деген 16-бағанда – салықтық және кедендік әкімшілендіру шараларының қамтамасыз етілмеуіне байланысты бюджетке түспеген салықтардың, әкімшілік айыппұлдардың, кедендік және басқа да міндетті төлемдердің сомалары, оның ішінде 17-бағанда – мемлекеттік кірістер органдары толықтығы мен уақтылылығын қамтамасыз етпеген салық түсімдерінің, әкімшілік айыппұлдардың, кедендік және бюджетке төленетін басқа да міндетті төлемдердің бюджетке түсуге жататын сомасы, 18-бағанда – мемлекеттік кірістер органдары толықтығы мен уақтылылығын қамтамасыз етпеген салық түсімдерінің, әкімшілік айыппұлдардың, кедендік және бюджетке төленетін басқа да міндетті төлемдердің мемлекеттік аудит жүргізу барысында бюджетке түскен сомасы көрсетіледі;

      "Бюджетке түсетін түсімдерді бақылауды жүзеге асыратын өзге де уәкілетті органдардың салықтық емес түсімдерді, негізгі капиталды сатудан түсетін түсімдерді, трансферттерді, бюджеттік кредиттерді өтеуден, мемлекеттің қаржы активтерін сатудан түскен сомаларды, қарыздарды толық өндіріп алмауы және уақтылы аудармауы" деген 19-бағанда – уәкілетті органдардың толық өндіріп алмауы және уақтылы аудармауы салдарынан бюджетке түспеген (бюджетке уақтылы түспеген) салықтық емес түсімдердің, негізгі капиталды сатудан түсетін түсімдердің, трансферттердің, бюджеттік кредиттерді өтеуден, мемлекеттің қаржы активтерін сатудан түскен сомалар, қарыздардың сомалары көрсетіледі, оның ішінде 20-бағанда – бюджетке түсуге жататын, уәкілетті органдардың толық өндіріп алмауы және уақтылы аудармауы салдарынан бюджетке түспеген (бюджетке уақтылы түспеген) салықтық емес түсімдер, негізгі капиталды сатудан түсетін түсімдер, трансферттер, бюджеттік кредиттерді өтеуден, мемлекеттің қаржы активтерін сатудан түскен түсімдердің сомалары, қарыздар, 21-бағанда – уәкілетті органдардың толық өндіріп алмауы және уақтылы аудармауы салдарынан бюджетке түспеген (бюджетке уақтылы түспеген) салықтық емес түсімдердің, негізгі капиталды сатудан түсетін түсімдердің, трансферттердің, бюджеттік кредиттерді өтеуден, мемлекеттің қаржы активтерін сатудан түскен түсімдердің, қарыздардың мемлекеттік аудит жүргізу барысында түскен сомалары көрсетіледі;

      "Бюджетке қаражаттың түсуі кезіндегі заңнаманың өзге де қаржылық бұзушылықтары" деген 22-бағанда – барлық өзге бұзушылықтар, оның ішінде 23-бағанда түсуге жататын сома, 24-бағанда – мемлекеттік аудит барысында түскен сома көрсетіледі;

      "Бюджеттің тікелей (жанама) шығындары" деген 25-бағанда – салықтық және кедендік әкімшілендірудің белгіленген тәртібін сақтаған жағдайда есепке жатқызылуы мүмкін бюджетке толық түспеген түсімдердің сомалары көрсетіледі;

      "Бұзушылық фактісін сипаттау, нормативтік құқықтық актілердің бұзылған ережелеріне сілтеме жасау" деген 26-бағанда құқықтың бұзылған нормаларының тармақтарына сілтеме жасала отырып, бұзушылық фактісі қысқаша түрде сипатталады. Анықталған қаржылық бұзушылықтар сомасы жүргізілген мемлекеттік аудит барысында түскен жағдайда, мемлекеттік аудит материалдарына қоса берілетін растайтын құжаттарға сілтеме жасала отырып, қабылданған шаралар көрсетіледі;

      "Бұзушылықтар сыныптауышының тармағы (болған жағдайда)" деген 27-бағанда Сыныптауыштың тармағы көрсетіледі;

      "Әкімшілік құқық бұзушылық белгілері бар анықталған бұзушылықтар (ӘҚтК-тің баптарына сілтемесімен)" деген 28-бағанда әкімшілік құқық бұзушылық белгілері бар анықталған бұзушылықтар (ӘҚтК-тің баптарына сілтемесімен) көрсетіледі;

      "Жиыны" деген жолда – мемлекеттік аудит объектілерінің бөлінісінде тізілім (жиынтық тізілім) деректері көрсетіледі (1-жол+ 2-жол+3-жол...).

      2-бөлім. Бюджет қаражаты мен активтерді пайдалану кезінде:

      "Р/с №" деген 1-бағанда – мемлекеттік аудит объектілерінің реттік нөмірлері (1, 2, 3 және тағы басқалар) көрсетіледі;

      "Жыл" деген 2-бағанда – есепті кезеңдер көрсетіле отырып, мемлекеттік аудитпен қамту кезеңі көрсетіледі;

      "Бюджеттік бағдарлама әкімшісінің коды" деген 3-бағанда – ББС-ға сәйкес бюджеттік бағдарлама әкімшісінің коды көрсетіледі;

      "Бюджеттік бағдарлама әкімшісінің, мемлекеттік (үкіметтік) бағдарламаны әзірлеушінің/бірлесіп орындаушының атауы" деген 4-бағанда – бюджеттік бағдарламаларды, мемлекеттік (үкіметтік) бағдарламаны жоспарлауға, негіздеуге және іске асыруға жауапты мемлекеттік орган, әзірлеуші/бірлесіп орындаушы көрсетіледі;

      "Мемлекеттік аудит объектісінің атауы" деген 5-бағанда – Аудит жоспарында, Аудит бағдарламасында және Аудиторлық тапсырмада көзделген мемлекеттік аудит объектісінің толық атауы көрсетіледі;

      "Мемлекеттік аудит объектісінің БСН-і" деген 6-бағанда – мемлекеттік аудит объектісінің бизнес-сәйкестендіру нөмірі (болған жағдайда) көрсетіледі;

      "Өңірдің коды" деген 7-бағанда - мемлекеттік аудит объектісі тіркелген аумақтың коды көрсетіледі;

      "Бюджеттік бағдарламаның коды" деген 8-бағанда – ББС-ға сәйкес бюджеттік бағдарламаның коды көрсетіледі; бұл ретте, республикалық бюджеттен жергілікті бюджетке бөлінген трансферттер, кредиттер мен басқа да қаражат қамтылған жағдайда, жергілікті бюджеттік бағдарламаның коды көрсетіледі. Мұндай жағдайда республикалық бюджеттік бағдарламаның коды ақпарат ретінде 47-бағанда көрсетіледі;

      "Бюджеттік бағдарламаның атауы" деген 9-бағанда – ББС-ға сәйкес бюджеттік бағдарламаның атауы көрсетіледі. Бұл ретте, республикалық бюджеттен жергілікті бюджетке бөлінген трансферттер, кредиттер мен басқа да қаражат қамтылған жағдайда, жергілікті бюджеттік бағдарламаның коды көрсетіледі. Мұндай жағдайда республикалық бюджеттік бағдарламаның атауы ақпарат ретінде 47-бағанда көрсетіледі;

      "Мемлекеттік аудитпен қамтылған қаражат көлемі, барлығы" деген 10-бағанда – мемлекеттік аудитпен қамтылатын қаражат көлемі, бұл ретте мемлекеттік аудитпен қамтылған есепті кезеңде енгізілген түзетулер мен нақтылауларды ескере отырып, бюджеттік бағдарламалар бойынша, оның ішінде 11-бағанда – бюджет қаражатының қамтылған көлемі, 12-бағанда – мемлекеттік аудитпен қамтылған трансферттердің сомасы, 13-бағанда – мемлекет пен квазимемлекеттік сектор активтерінің қамтылған сомасы көрсетіледі;

      "Анықталған қаржылық бұзушылықтардың жалпы сомасы, барлығы (20-бағ.+25-бағ.)" деген 14-бағанда – бюджет қаражатын және активтерді пайдалану кезінде анықталған бюджет заңнамасы және өзге де заңнама бұзушылықтарының жалпы сомасы (20-бағ.), бухгалтерлік есепті жүргізу мен қаржылық есептілікті жасау кезіндегі заңнама бұзушылықтары (25-бағ.) көрсетіледі;

      "с.і. қалпына келтіруге (өтеуге) жататыны" (21-бағ.+23-бағ.+26-бағ.) деген 15-бағанда – бюджет қаражатын және активтерді пайдалану кезінде бюджет заңнамасының және өзге де заңнаманың сақталуына мемлекеттік аудит жүргізу қорытындысы бойынша қалпына келтіруге және өтеуге жататын сома (21-бағ.және 23-бағ.), бухгалтерлік есепті жүргізу мен қаржылық есептілікті жасау кезіндегі заңнама бұзушылықтары (26-бағ.) көрсетіледі;

      "Оның ішінде қалпына келтіруге жататыны" деген 16-бағанда (21-бағ.+26-бағ.) – бюджет қаражатын және активтерді пайдалану кезінде бюджет заңнамасының және өзге де заңнаманың сақталуына мемлекеттік аудит жүргізу қорытындысы бойынша қалпына келтіруге жататын сома (21-бағ.), бухгалтерлік есепті жүргізу мен қаржылық есептілікті жасау кезіндегі заңнама бұзушылықтары (26-бағ.) көрсетіледі;

      "Оның ішінде өтеуге жататыны" деген 17-бағанда (23-бағ.) – бюджет қаражатын және активтерді пайдалану кезінде бюджет заңнамасының және өзге де заңнаманың сақталуына мемлекеттік аудит жүргізу қорытындысы бойынша өтеуге жататын сома (23-бағ.) көрсетіледі;

      "Оның ішінде мемлекеттік аудит барысында қалпына келтірілгені" деген 18-бағанда (22-бағ.+27-бағ.) – бюджет қаражатын және активтерді пайдалану кезінде бюджет заңнамасы және өзге де заңнама бұзушылықтарының анықталған фактілері бойынша мемлекеттік аудит барысында қалпына келтірілген қаржылық бұзушылықтар сомасы (22-бағ.), бухгалтерлік есепті жүргізу мен қаржылық есептілікті жасау кезіндегі заңнама бұзушылықтары (27-бағ.) көрсетіледі;

      "Оның ішінде мемлекеттік аудит барысында өтелгені" деген 19-бағанда (24-бағ.) – бюджет қаражатын және активтерді пайдалану кезінде бюджет заңнамасы және өзге де заңнама бұзушылықтарының анықталған фактілері бойынша мемлекеттік аудит жүргізу барысында өтелген қаржылық бұзушылықтар сомасы (24-бағ.) көрсетіледі;

      "Бюджет қаражатын пайдалану кезіндегі бюджет заңнамасының және өзге де заңнама бұзушылықтарының барлығы" деген 20-бағанда – республикалық бюджет қаражатын, с.і. жоғары тұрған бюджеттен төмен тұрған бюджетке бөлінген нысаналы трансферттер мен кредиттерді, байланысты гранттарды, мемлекеттік және мемлекет кепілдік берген қарыздарды, концессиялық жобаларды бюджеттен қоса қаржыландыруды, сондай-ақ кепілгерліктерді пайдалану кезінде анықталған бұзушылықтардың сомасы көрсетіледі;

      "Бухгалтерлік есепті жүргізу мен қаржылық есептілікті жасау кезіндегі заңнама бұзушылықтарының барлығы" деген 25-бағанда – анықталған бұзушылықтардың сомасы, атап айтқанда бухгалтерлік есепті жүргізудегі бұзушылықтар, бюджеттік есепті жүргізу, есептілікті жасау және ұсыну қағидаларының бұзушылықтары, активтерді, материалдарды, құндылығы төмен тез тозатын заттарды негізсіз есептен шығару, жазалау шараларын қабылдамау, сондай-ақ дебиторлық берешекті жасыру немесе негізсіз есептен шығару, квазимемлекеттiк сектор субъектiлерiнің лауазымды адамдарының іс-әрекеттері нәтижесінде қаражатты өтеу немесе қалпына келтіру қажеттілігі туындап, олардың Қазақстан Республикасының бухгалтерлік есеп және қаржылық есептілік туралы заңнамасында көзделген міндеттерді орындамауы және (немесе) тиісінше орындамауы көрсетіледі;

      "Бұзушылық фактісін сипаттау, НҚА-ның бұзылған ережелеріне сілтеме жасау" деген 28-бағанда – құқық нормалары бұзылған тармаққа сілтеме жасала отырып, бұзушылық фактісі қысқаша түрде сипатталады. Жүргізілген мемлекеттік аудит барысында анықталған қаржылық бұзушылықтардың сомалары қалпына келтірілген (өтелген) жағдайда, мемлекеттік аудит материалдарына қоса берілетін растайтын құжаттарға сілтеме жасала отырып, қабылданған шаралар көрсетіледі;

      "Бұзушылықтар сыныптауышының тармағы (болған жағдайда)" деген 29-бағанда – Сыныптауыштың тармағы көрсетіледі;

      "Әкімшілік құқық бұзушылық белгілері бар анықталған бұзушылықтар (ӘҚтК-тің баптарына сілтемесімен)" деген 30-бағанда әкімшілік құқық бұзушылық белгілері бар анықталған бұзушылықтар (ӘҚтК-тің баптарына сілтемесімен) көрсетіледі;

      "Жиыны" деген жолда – мемлекеттік аудит объектілерінің бөлінісінде тізілім (жиынтық тізілім) деректері көрсетіледі (1-жол+2-жол+3-жол+...).

      3-бөлім. Мемлекеттік аудит объектісі қызметіндегі өзге де заңнама бұзушылықтары, сондай-ақ оның міндеттері мен функцияларын іске асыруға байланысты кемшіліктер мен олқылықтар:

      "Р/с №" деген 1-бағанда – мемлекеттік аудит объектілерінің реттік нөмірлері (1, 2, 3 және т.б.) көрсетіледі;

      "Жыл" деген 2-бағанда – есепті кезеңдер көрсетіле отырып, мемлекеттік аудитпен қамтылған кезең көрсетіледі;

      "Бюджеттік бағдарлама әкімшісінің коды" деген 3-бағанда – ББС-ға сәйкес бюджеттік бағдарлама әкімшісінің коды көрсетіледі;

      "Бюджеттік бағдарлама әкімшісінің, мемлекеттік (үкіметтік) бағдарламаны әзірлеушінің/бірлесіп орындаушының атауы" деген 4-бағанда – бюджеттік бағдарламаларды, мемлекеттік (үкіметтік) бағдарламаны жоспарлауға, негіздеуге және іске асыруға жауапты мемлекеттік орган, әзірлеуші/бірлесіп орындаушы көрсетіледі;

      "Мемлекеттік аудит объектісінің атауы" деген 5-бағанда – Аудит жоспарында, Аудит бағдарламасында және Аудиторлық тапсырмаларда көзделген мемлекеттік аудит объектісінің толық атауы көрсетіледі;

      "Мемлекеттік аудит объектісінің БСН-і" деген 6-бағанда – мемлекеттік аудит объектісінің бизнес-сәйкестендіру нөмірі (болған жағдайда) көрсетіледі;

      "Өңірдің коды" деген 7-бағанда – мемлекеттік аудит объектісі тіркелген аумақтың коды көрсетіледі;

      "Бюджеттік бағдарламаның коды" деген 8-бағанда – ББС-ға сәйкес бюджеттік бағдарламаның коды көрсетіледі; бұл ретте, республикалық бюджеттен жергілікті бюджетке бөлінген трансферттер, кредиттер мен басқа да қаражат қамтылған жағдайда, жергілікті бюджеттік бағдарламаның коды көрсетіледі. Мұндай жағдайда республикалық бюджеттік бағдарламаның коды ақпарат ретінде 14-бағанда көрсетіледі;

      Бюджеттік бағдарламаның атауы деген 9-бағанда – ББС-ға сәйкес бюджеттік бағдарламаның атауы көрсетіледі. Бұл ретте, республикалық бюджеттен жергілікті бюджетке бөлінген трансферттер, кредиттер мен басқа да қаражат қамтылған жағдайда, жергілікті бюджеттік бағдарламаның коды көрсетіледі. Мұндай жағдайда республикалық бюджеттік бағдарламаның атауы ақпарат ретінде 14-бағанда көрсетіледі;

      "Тиімсіз жоспарланған бюджет қаражатының (активтердің) сомасы (м. теңге)" деген 10-бағанда тиімсіз жоспарланған қаражаттың (активтердің) анықталған сомасы көрсетіледі;

      "Тиімсіз пайдаланылған бюджет қаражатының (активтердің) сомасы (м. теңге)" деген 11-бағанда – тиімсіз пайдаланылған бюджет қаражатының, мемлекет пен квазимемлекеттік сектор активтерінің анықталған сомасы көрсетіледі;

      "Қазақстан Республикасы заңнамасының нормаларын іске асыру үшін қабылданған квазимемлекеттік сектор субъектілерінің актілерін бұзушылықтардың сомасы (м. теңге)" деген 12-бағанда - мемлекеттік аудит жүргізу барысында анықталған Қазақстан Республикасы заңнамасының нормаларын іске асыру үшін қабылданған квазимемлекеттік сектор субъектілерінің актілерін бұзушылықтардың сомасы көрсетіледі;

      "Барлық ықтимал шығындар және жіберіп алған пайда" деген 13-бағанда - белгіленген ықтимал шығындардың және жіберіп алған пайданың жалпы сомасы көрсетіледі.

      "бюджетке түскен түсімдер бойынша" деген 14-бағанда - бюджетке түскен түсімдер бойынша ықтимал шығындардың және жіберіп алған пайданың белгіленген сомасы көрсетіледі.

      "бюджет шығыстары бойынша" деген 15-бағанда - бюджет шығыстары бойынша ықтимал шығындардың және жіберіп алған пайданың белгіленген сомасы көрсетіледі.

      "мемлекет активтерін пайдаланудан" деген 16-бағанда - мемлекет активтерін пайдаланудан мемлекеттің ықтимал шығындарының және жіберіп алған пайдасының сомасы көрсетіледі.

      "Рәсімдік бұзушылықтар" деген 17-бағанда – жүргізіліп отырған мемлекеттік аудит барысында анықталған рәсімдік бұзушылықтардың саны көрсетіледі;

      "Жүйелі проблемалар және кемшіліктер (саны, бірл.)" деген 18-бағанда – жүргізіліп отырған мемлекеттік аудит барысында анықталған, с.і. қызметіндегі мемлекеттік аудит объектісі болып табылмайтын заңды және/немесе лауазымды тұлғалардың НҚА арасындағы қайшылықтарға, құқықтық реттеудегі олқылықтарға, коллизияларға және/немесе біліктілігінің болмауына немесе жеткіліксіздігіне, өкілеттіктерді қайталауға, басқа ұйымдармен өзара іс-қимыл жасау тетігінің болмауына және тағы басқаларына байланысты жүйелі проблемалар және бұзушылықтардың саны көрсетіледі, "жүйелі" және "жүйелік" ұғымы әртүрлі болып табылатынын түсіну керек;

      "Тиісті нормативтік және құқықтық актілерге сілтеме жасай отырып, өзге де салалық заңнамадағы кемшілік, бұзушылық фактісін, жүйелі проблеманы сипаттау" деген 19-бағанда – мемлекеттік аудит барысында анықталған бюджет қаражаты, активтер түскен және оларды пайдаланған кезде заңнамадағы кемшіліктер мен олқылықтар, бюджет қаражатын қалыптастыру және пайдалану, мемлекеттік органға, квазимемлекеттік сектор субъектілеріне жүктелген функциялар мен міндеттерді орындау процесінің нормативтік құқықтық актілермен және әдіснамалық құжаттармен реттелмеген фактілері және тағы басқалары қысқаша түрде көрсетіледі;

      "Бұзушылықтар сыныптауышының тармағы (болған жағдайда)" деген 20-бағанда – Сыныптауыштың тармағы көрсетіледі;

      "Әкімшілік құқық бұзушылық белгілері бар анықталған бұзушылықтар (ӘҚтК-тің баптарына сілтемесімен)" деген 21-бағанда әкімшілік құқық бұзушылық белгілері бар анықталған бұзушылықтар (ӘҚтК-тің баптарына сілтемесімен) көрсетіледі.

      Ескертпе:

      Аббревиатуралардың толық жазылуы:

      м. теңге – мың теңге

      мем.аудит – мемлекеттік аудит

      БСН – бизнес сәйкестендіру нөмірі

      ББС – Бірыңғай бюджеттік сыныптама

      с.і. – соның ішінде

      бағ. – баған

      Т.А.Ә. – тегі, аты, әкесінің аты

      ҚР – Қазақстан Республикасы

      т.б. – тағы басқа

      ӘҚтК – Қазақстан Республикасының Әкімшілік құқық бұзушылық туралы кодексі

      бірл. – бірлік

Қаржылық есептілік бойынша аудиторлық есептің үлгілік нысаны

      Ескерту. 18-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      1. Аудиторлық іс-шараның атауы _____________________________________________

      2. Мемлекеттік аудит тобының құрамы (мемлекеттік аудиторлардың сертификаттарының нөмірлерін көрсете отырып): _______________________________

      3. "_____" _______ №_____ Мемлекеттік аудит (тексеру) жүргізуге тапсырма

      4. Мемлекеттік аудит жүргізу мерзімі: ________- _________ аралығы

      5. Аудит объектісі (-лері)

      6. Аудиттің мәні

      Аудит тобы мынадай нысандарды:

      - 20__ жылғы 1 қаңтардағы жағдай бойынша бухгалтерлік баланс;

      - 20__ жылғы қаржылық қызмет нәтижелері туралы есеп;

      - 20__ жылғы ақша қозғалысы туралы есеп (тікелей әдіс),

      - 20__ жылғы таза активтердің/капиталдың өзгерістері туралы есеп;

      - қаржылық есептілікке түсіндірме жазбаны қамтитын, қоса беріліп отырған қаржылық есептілікке (шоғырландырылған қаржылық есептілікке) аудит жүргізді.

      7. Қаржылық есептілік үшін аудит объектісінің жауапкершілігі

      Аудит объектісінің басшылығы (бірінші және екінші қол қою құқығына сәйкес қаржылық есептілікке қол қойған тұлғалардың Т.А.Ә. және лауазымының атауы көрсетіледі) қаржылық есептілікті Қазақстан Республикасының бухгалтерлік есеп және қаржылық есептілік саласындағы заңнамасына сәйкес дайындау мен ұсыну және жосықсыз әрекеттерден немесе қателіктен туындаған елеулі бұрмалауларды қамтымайтын қаржылық есептілікті дайындауға қажеттілер ретінде айқындалған ішкі бақылау құралдары үшін жауапты болады.

      8. Мемлекеттік аудитордың жауапкершілігі

      Біз өзіміз жүргізген аудит негізінде қаржылық есептіліктің анықтығы туралы білдірген пікіріміз үшін жауап береміз. Біз аудитті Қазақстан Республикасының мемлекеттік аудит және қаржылық бақылау саласындағы заңнамасына сәйкес жүргіздік, бұл қаржылық есептілік аудитін жүргізу бойынша рәсімдік стандарттың талаптарын орындауды білдіреді. Осы стандарт аудитті қаржылық есептілікте елеулі бұрмалаулардың қамтылмағандығына орынды сенімді болатындай етіп жүргізуді талап етеді.

      Аудит қаржылық есептіліктегі сандық көрсеткіштерді және ондағы ақпараттың ашып көрсетілуін растайтын аудиторлық дәлелдемелер алуға бағытталған аудиторлық рәсімдер жүргізуді қамтыды. Аудиторлық рәсімдерді таңдау жосықсыз әрекеттер немесе қателіктер салдарынан жол берілген елеулі бұрмалаулар тәуекелін бағалауға негізделген біздің пайымдамамыздың мәні болып табылады. Осы тәуекелді бағалау барысында біз тиісті аудиторлық рәсімдерді таңдау мақсатында қаржылық есептілікті жасауды және оның анықтығын қамтамасыз ететін ішкі бақылау жүйесін қарастырдық.

      Сонымен қатар, аудит қолданылатын есеп саясатының тиісінше сипатын және аудит субъектісінің басшылығы алған бағалау көрсеткіштерінің негізділігін, сондай-ақ жалпы қаржылық есептіліктің ұсынылуын бағалауды қамтыды.

      Біз аудит барысында алынған аудиторлық дәлелдемелер жеткілікті және тиісінше болып табылады деп санаймыз, бұл қаржылық есептіліктің анықтығы туралы пікір білдіруге негіз болады.

      9. Пікір (оң, ескертпесі бар) білдіруге немесе пікір білдіруден бас тартуға негіз.

      10. Пікір

      (Оң пікір кезінде)

      Біздің пікірімізше, қаржылық есептілік (шоғырландырылған қаржылық есептілік) 20__ жылғы _________ жағдай бойынша қаржылық жағдайды, 20______ жылғы қаржы-шаруашылық қызметінің нәтижелерін және ақша қаражатының қозғалысын Қазақстан Республикасының бухгалтерлік есеп және қаржылық есептілік саласындағы заңнамасында белгіленген талаптарға сәйкес бүкіл елеулі аспектілерде анық көрсетеді.

      (Ескертпесі бар пікір кезінде)

      Біздің пікірімізше, қаржылық есептілікке ескертпесі бар пікір білдіруге негіздемені қамтитын тармақта жазылған мән-жайлардың әсерін қоспағанда, қаржылық есептілік 20__ жылғы 31 желтоқсандағы жағдай бойынша қаржылық жағдайды, 20__ жылғы қаржы-шаруашылық қызметінің нәтижелерін және ақша қаражатының қозғалысын Қазақстан Республикасының бухгалтерлік есеп және қаржылық есептілік саласындағы заңнамасында белгіленген талаптарға сәйкес бүкіл елеулі аспектілерде анық көрсетеді.

      (Пікір білдіруден бас тартқан кезде)

      Пікір білдіруден бас тартуға негіздемені қамтитын тармақта жазылған мән-жайлардың маңыздылығы салдарынан бізде пікір білдіруге негіздемені қамтамасыз ететін жеткілікті тиісінше аудиторлық дәлелдемелер алу мүмкіндігі болмады, және сәйкесінше, біз қаржылық есептіліктің анықтығы туралы пікір білдірмейміз.

      11. Түсіндірме параграф

      Қаржылық есептіліктің анықтығы туралы пікірді өзгертпей, біз қаржылық есептілікке түсіндірмеде жазылған мынадай ақпаратқа назар аударамыз: ____________________.

      12. Назар аударуды талап ететін өзге де мәселелер

      Қаржылық есептіліктің анықтығы туралы пікірді өзгертпей, біз мынадай ақпаратқа назар аударамыз: __________________________________________.

      Есеп комитетінің (Тексеру комиссиясының) жұмыскер(лер)і:

      ______________________________________________________

      (лауазымы, қолы, аты-жөні, тегі)

      Тартылған мемлекеттік органдардың мамандары, мемлекеттік емес аудиторлық ұйымдардың жұмыскерлері, сарапшылар:

      ___________________________________________

      (лауазымы, қолы, аты-жөні, тегі)

      Аудиторлық есеп _________________________ данада жасалды

      (саны)

      Ескертпе.

      Аудиторлық есептің жоғарғы бөлігінде оның жасалған жері (қаланың, басқа елді мекеннің (ауыл, кент және т.б.) атауы), Аудиторлық есептің жасалған күні, Аудиторлық есеп данасының нөмірі (№1 дана Есеп комитеті (Тексеру комиссиясы) үшін, № 2 дана – мемлекеттік аудит объектісі үшін жасалады.

      Аудиторлық есепте мынадай деректер көрсетіледі:

      1. Аудиторлық іс-шараның атауы – тиісті жылға арналған Мемлекеттік аудит объектілерінің тізбесіне сәйкес аудиторлық іс-шараның толық атауы көрсетіледі.

      2. Мемлекеттік аудит тобының құрамы – мемлекеттік аудитті жүргізген Есеп комитеті (Тексеру комиссиясы) жұмыскерінің, мемлекеттік аудит жүргізуге тартылған мемлекеттік органдар мамандарының, мемлекеттік емес аудиторлық ұйымдар жұмыскерлерінің және сарапшылардың тегі, аты-жөні, лауазымы көрсетіледі.

      3. Мемлекеттік аудит жүргізуге тапсырма (Тексеру тағайындау туралы акт) – тапсырманың күні мен нөмірі, тапсырмаға қол қойған лауазымды адамның тегі, аты-жөні, лауазымы көрсетіледі.

      4. Мемлекеттік аудит жүргізу мерзімі – осы мемлекеттік аудит объектісінде мемлекеттік аудит жүргізудің басталған және аяқталған күні көрсетіледі (Аудит бағдарламасына сәйкес келеді).

      5. Аудит объектісі – мемлекеттік аудит объектісінің толық атауы, мемлекеттік тіркеу туралы деректер, банктік және салық деректемелері, БСН (ЖСН) көрсетіледі.

      6. Аудиттің мәні – жүргізілетін мемлекеттік аудиттің мәні көрсетіледі. Қаржылық есептілік аудитін жүргізу кезінде нысан ретінде есепті күнгі жағдай бойынша қаржылық есептілік нысандары әрекет етеді.

      7. Аудит объектісі басшылығының қаржылық есептілікті дайындаудағы жауапкершілігі – рәсімдік стандартқа сәйкес қаржылық есептілікті дайындауға жауапты және функционалдық және лауазымдық міндеттеріне қарай қол қою құқығы берілген адамдарды аудара отырып, қаржылық есептілікті жасау үшін аудит объектісінің жауапкершілігі көрсетіледі.

      8. Мемлекеттік аудитордың жауапкершілігі – осы тармақта қаржылық есептілік бойынша айтылған пікір үшін мемлекеттік аудитордың жауапкершілігі көрсетіледі. Тармақтың мазмұны стандартты болып табылады және түзетуге жатпайды.

      9. Пікір білдіру (оң, ескертпемен) немесе пікір білдіруден бас тарту үшін негіз – осы тармақ бойынша мынадай ақпарат көрсетілуге тиіс:

      - оң пікір болған жағдайда, аудит барысында қаржылық есептілікте елеулі бұрмалаушылықтар анықталмағанын көрсету;

      - пікірін ескертпемен білдірген жағдайда, қаржылық есептіліктің белгіленген бұрмалануларын дәйекті түрде (қаржылық есептілік нысандары мен баптар тәртібімен) көрсету. Бұрмалаудың әрбір фактісі толассыз тәртіппен нөмірленеді және бұрмалаудың сипаты мен түрін сипаттай отырып, жеке тармақпен белгіленеді. Бұрмалаулар бойынша ережелері бұзылған нормативтік құқықтық актілердің баптарына, тармақтары мен тармақшаларына сілтемелер көрсетіледі және дәлелдеме ретінде қызмет ететін құжаттар көрсетіледі;

      - пікір білдіруден бас тартқан жағдайда, мемлекеттік аудитор қаржылық есептілік бойынша пікір білдіруден бас тартатын себептер бойынша нормативтік құқықтық актілерге сілтеме жасай отырып, негіздеме;

      - қолданылатын есеп саясатының тиісті сипатын бағалау нәтижелері.

      10. Пікір – белгіленген бұрмалаулардың көлемі мен сипатына байланысты ұсынылған үш стандартты пікір нысандарының біріне сәйкес қаржылық есептіліктің сенімділігі туралы пікір білдіріледі.

      11. Түсіндірме параграф – 300. Сыртқы мемлекеттік аудиттің және қаржылық есептіліктің аудитін жүргізу жөніндегі қаржылық бақылаудың рәсімдік стандартына сәйкес, егер мемлекеттік аудитор өзінің кәсіби пайымы бойынша пайдаланушылардың қаржылық есептілікті түсінуі үшін іргелі болып табылатындай маңызды болып табылатын қаржылық есептілікте ұсынылған немесе ашылған мәселеге пайдаланушылардың назарын аударуды қажет деп тапса, онда мемлекеттік аудитор аудиторлық есепке (қорытындыға) түсіндірме параграфты енгізуге тиіс, егер ол өзінің кәсіби пайымы бойынша қаржылық есептілікті, бұл мәселе қаржылық есептілікте елеулі бұрмалаушылықты қамтымайтыны туралы жеткілікті және тиісті аудиторлық дәлел алды. Мұндай мәселе болмаған жағдайда, бұл тармақ аудиторлық есепке енгізілмейді.

      12. Назар аударуды талап ететін өзге де мәселелер – 300. Сыртқы мемлекеттік аудиттің және қаржылық есептілік аудитін жүргізу жөніндегі қаржылық бақылаудың рәсімдік стандартына сәйкес, егер мемлекеттік аудитор қаржылық есептілікте ұсынылғаннан немесе ашылғаннан басқа қандай да бір мәселе туралы хабарлау қажет деп есептесе, ол аудитті пайдаланушылардың, мемлекеттік аудитордың міндеттерін немесе аудиторлық есепті (қорытындыны) түсінуі үшін маңызды болып табылады, онда мемлекеттік аудитор мұндай мәселені аудиторлық есепте (қорытындыда) ұсынуға тиіс. Мұндай мәселе болмаған жағдайда, бұл тармақ аудиторлық есепке енгізілмейді.

      Ескертпе:

      Аббревиатуралардың толық жазылуы:

      Т.А.Ә. – тегі, аты, әкесінің аты

      және т.б. – және тағы басқа

      БСН – бизнес сәйкестендіру нөмірі

      ЖСН – жеке сәйкестендіру нөмірі

      нысан

АУДИТОРЛЫҚ ҚОРЫТЫНДЫНЫҢ ҮЛГІЛІК НЫСАНЫ

      Ескерту. 19-қосымша жаңа редакцияда - Республикалық бюджеттің атқарылуын бақылау жөніндегі есеп комитетінің 28.03.2022 № 4-НҚ (алғашқы ресми жарияланған күнінен кейін күнтізбелік он күн өткен соң қолданысқа енгізіледі) нормативтік қаулысымен.

      I. Кіріспе бөлік

      1.1. Аудиторлық іс-шараның атауы: ___________________________________________

      1.2. Мемлекеттік аудиттің мақсаты: ___________________________________________

      1.3. Мемлекеттік аудиттің объектілері: _________________________________________

      1.4. Мемлекеттік аудитпен қамтылған кезең:

      _______________________________________

      II. Негізгі (талдамалық) бөлік

      2.1. Аудиттелетін саланың жай-күйін қысқаша талдау ____________________________

      2.2. Мемлекеттік аудиттің негізгі нәтижелері ____________________________________
      2.3. Мемлекеттік аудит объектілері қызметінің әлеуметтік-экономикалық дамуға әсерін
бағалау (өңірлік және (немесе) елдік бөліністе):_____________________________________
(болған жағдайда)

      III. Қорытынды бөлік

      3.1. Мемлекеттік аудит барысында қабылданған шаралар _________________________

      3.2. Мемлекеттік аудит нәтижелері бойынша тұжырымдар ________________________

      3.3. Мемлекеттік аудит нәтижелері бойынша ұсынымдар мен тапсырмалар __________

      3.4. Қосымша: (__парақ) _____________________________________________________

      Есеп комитетінің (Тексеру комиссиясының) мүшесі _____________ Аты-жөні, тегі

      Аудит жүргізуге жауапты құрылымдық бөлімшенің басшысы _____________ Аты-жөні, тегі

      Сапа бақылауына жауапты құрылымдық бөлімшенің басшысы _____________ Аты-жөні, тегі

      Құқықтық сүйемелдеуге жауапты құрылымдық бөлімшенің басшысы _____________ Аты-жөні, тегі

      Аудит тобының жетекшісі _____________ Аты-жөні, тегі

      Ескертпе: Мемлекеттік аудит қорытындысы бойынша Аудиторлық қорытынды (бұдан әрі – Аудиторлық қорытынды) жасау.

      I. Аудиторлық қорытындының кіріспе бөлігінде мынадай деректер көрсетіледі:

      1.1. Аудиторлық іс-шараның атауы.

      Мемлекеттік аудит объектілерінің тізбесінде көрсетілген аудиторлық іс-шараның атауы көрсетіледі.

      1.2. Мемлекеттік аудиттің мақсаты.

      Бекітілген Аудит жоспарына сәйкес мемлекеттік аудиттің мақсаты көрсетіледі.

      1.3. Мемлекеттік аудит объектілері.

      Мемлекеттік аудит объектілерінің атауы, соның ішінде үстеме тексеру объектілері көрсетіледі.

      1.4. Мемлекеттік аудитпен қамтылған кезең.

      Мемлекеттік аудитпен қамтылған кезең көрсетіледі.

      II. Аудиторлық қорытындының негізгі (талдамалық) бөлігі мыналарды қамтиды:

      2.1. Аудиттелетін саланың жай-күйін қысқаша талдау.

            Аудиттің мәні немесе негізгі аудит объектісі қызметінің мәні болып табылатын
саланы жиынтық талдау қысқаша нысанда ұсынылады.
      Қаржылық есептілік аудитінің іс-шаралары бойынша қаржылық есептіліктің негізгі
көрсеткіштеріне жинақталған талдау ұсынылады. Республикалық бюджеттің
шоғырландырылған қаржылық есептілігі аудитінің нәтижелері бойынша мемлекеттік
сектордағы бухгалтерлік есептің жай-күйіне қысқаша талдау да ұсынылады.
      2.2. Аудиторлық іс-шаралардың негізгі нәтижелері.
      Аудит нәтижелері, соның ішінде Қазақстан Республикасының заңнамасы
нормаларының, сондай-ақ мемлекеттік аудит объектілері актілерінің анықталған
бұзушылықтарының жалпы сомасы қысқаша нысанда ұсынылады:
      1) қаржылық бұзушылықтар;
      2) бюджет қаражатын, активтерді тиімсіз пайдалану;
      3) бюджет қаражатын, активтерді тиімсіз жоспарлау;
      4) Қазақстан Республикасы заңнамасының нормаларын іске асыру үшін қабылданған,
Қазақстан Республикасы заңнамасының нормаларын іске асыру үшін қабылданған
квазимемлекеттік сектор субъектілері актілерінің бұзушылықтары. Рәсімдік бұзушылықтар
бойынша олардың саны көрсетіледі.
Қаржылық есептілік аудитінің іс-шаралары бойынша қаржылық есептіліктің белгіленген
бұрмалануларының жалпы сомасы көрсетіледі.
      2.3. Мемлекеттік аудит объектілері қызметінің әлеуметтік-экономикалық дамуға
әсерін бағалау.
      Мемлекеттік аудиттің негізгі объектісі қызметінің салаға, өңірге немесе тұтастай елге
әсер етуін бағалаудың қысқаша нәтижесі ұсынылады.
      Қаржылық есептілік аудитінің іс-шаралары бойынша аталған бөлім толтырылмайды.
      III. Аудиторлық қорытындының қорытынды бөлігі мынадай бөлімдерді қамтиды:
      3.1. Мемлекеттік аудит барысында қабылданған шаралар.
      Бұл бөлімде есептелген (толық есептелген) қаржылық есептіліктің жөнделген
қателіктерінің сомасы, салықтар, айыппұлдар, өсімпұлдар туралы, бюджетке түсімдер
енгізудің қамтамасыз етілгені және негізсіз пайдаланылған қаражаттың өтелгені, тауарларды,
жұмыстар мен көрсетілетін қызметтерді берушілердің шарттық міндеттемелерін
орындағаны, мемлекеттік аудит объектісінің бұзушылықтарға жол берген лауазымды
адамдарына қолданылған тәртіптік жазалау шаралары туралы, мемлекеттік аудитті жүзеге
асыру процесінде және мемлекеттік аудиттің қорытындысы бойынша отырыс өткізілгенге
дейін мемлекеттік аудит объектісінің бұзушылықтарды жоюына қатысты басқа да ақпарат,
сондай-ақ мемлекеттік аудит материалдарын әкімшілік құқық бұзушылықтар туралы істерді
қарауға уәкілетті органдарға беру туралы мәліметтер мен оларды қараудың нәтижелері
(болған жағдайда) көрсетіледі.
      3.2. Мемлекеттік аудит нәтижелері бойынша тұжырымдар.
      Жүргізілген мемлекеттік аудит мәселелері бойынша мемлекеттік аудит объектілері
қызметінің нәтижелерін жалпы бағалау және белгіленген бұзушылықтардың сомасы
көрсетіледі. Мемлекеттік аудит бағыттарының ерекшеліктерін есепке ала отырып,
мемлекеттік аудит типі мен объектісіне, тексеру түріне қарай бюджеттің атқарылуын,
мемлекеттік органдардың стратегиялық жоспарларының іске асырылуын, мемлекеттік,
үкіметтік және бюджеттік бағдарламалардың іске асырылу тиімділігін бағалау,
республикалық бюджеттен түсетін түсімдердің сомасын қайтара отырып, республикалық
бюджетке түсетін түсімдердің толықтығы мен уақтылылығын қамтамасыз ету, сондай-ақ
бюджет қаражаты мен активтерді, байланысты гранттарды, мемлекеттік және мемлекет
кепілдік берген қарыздарды, бюджеттік инвестицияларды, мемлекет кепілгерліктерін тиімді
пайдалануды қамтамасыз ету бойынша мемлекеттік органдардың (бюджеттік бағдарламалар
әкімшілерінің) қызметін бағалау, акциялары (қатысу үлестері) мемлекетке тиесілі
квазимемлекеттік сектор субъектілері активтерін басқару көрсетіледі. Анықталған
бұзушылықтар мен кемшіліктердің себептері, сондай-ақ олар әкеп соқтыруы мүмкін салдар.
Қаржылық есептілік аудитінің іс-шаралары бойынша қаржылық есептіліктің түзетілмеген
бұрмалануларының жалпы сомасы, сондай-ақ қаржылық есептілік бойынша айтылған пікір
көрсетіледі.
      3.3. Мемлекеттік аудит нәтижелері бойынша ұсынымдар.
      Есеп комитетінің (Тексеру комиссиясының) аудиторлық іс-шараға жауапты мүшесінің
тұжырымдармен негізделген және анықталған бұзушылықтар мен кемшіліктердің себептерін
жоюға бағытталған ұсынымдары, сондай-ақ Есеп комитетінің (Тексеру комиссиясының)
отырысында аудиторлық іс-шараның қорытындыларын қарау туралы оның пікірі көрсетіледі.
      Бөлімде:
      1) Қазақстан Республикасының Үкіметіне, уәкілетті мемлекеттік органдарға,
жергілікті атқарушы органдарға, басқа да консультативтік-кеңесші органдарға нормативтік
құқықтық актілерді жетілдіру жөніндегі ұсынымдар;
      2) нормативтік құқықтық актілерді жетілдіру, Қазақстан Республикасының заңнамасы
талаптарының сақталуын қамтамасыз ету бойынша қызметті ұйымдастыру жөніндегі Есеп
комитетінің (Тексеру комиссиясының) ұсынымдары;
      3) мемлекеттік аудит объектісі басшылығының бюджет және өзге де заңнама
талаптарының бұрын жол берген бұзушылықтарының салдарын барынша азайтуға
бағытталған, аудиторлық іс-шара барысында және отырыс өткізілгенге дейін жасаған іс-
әрекеттерін назарға алу туралы ұсыныстар көрсетіледі.
      3.4. Қосымшалар.
      Аудиторлық қорытындыға мемлекеттік аудит нәтижелері бойынша анықталған
бұзушылықтар мен кемшіліктердің жиынтық тізілімі, сондай-ақ мемлекеттік аудит
объектілері қалпына келтірген және өтеген қаражат (жұмыстар, тауарлар, көрсетілетін
қызметтер) жөніндегі ақпарат міндетті түрде қоса беріледі.
Жекелеген бұзушылықтарды неғұрлым толығырақ ашу үшін негізгі (талдамалық) бөлік
қосымшалармен (кестелер, есептеулер, таратып жазулар) толықтырылады. Қосымшалар
Аудиторлық қорытындының негізгі мәтінімен бірге біртұтас бүтінді құрайды.

Республикалық бюджеттің атқарылуын бақылау жөніндегі есеп комитетінің (облыс, республикалық маңызы бар қала, астана бойынша тексеру комиссиясының) НҰСҚАМАСЫ № _______

Нұсқаманың тақырыбы

      Айқындаушы бөлік ________________________________________________________

      Тапсырмалық тармақтар _____________________________________________________

      Есеп комитетінің (Тексеру комиссиясының) мүшесі ___________________________

      (қолы, аты-жөні, тегі)

      Ескертпе: Есеп комитетінің (Тексеру комиссиясының) нұсқамасын (бұдан әрі – Нұсқама) жасау.

      Нұсқамада анықталған бұзушылықтардың, оларға ықпал ететін себептер мен жағдайлардың жойылғаны, сондай-ақ осы бұзушылықтарға жол берген адамдарға Қазақстан Республикасының заңнамасында көзделген жауаптылық шараларын қабылдау және Нұсқаманың орындалғаны туралы ақпаратты Есеп комитетіне (Тексеру комиссиясына) белгіленген мерзімде ұсыну туралы талап көрсетіледі.

      Нұсқама мемлекеттік аудит объектісіне (басқа да мүдделі адамдарға):

      1) негізсіз пайдаланылған бюджет қаражатын қалпына келтіру не оларды есеп бойынша қалпына келтіру, атаулылық және нысаналы сипат қағидатын бұза отырып пайдаланылған бюджет қаражатын, соның ішінде мақсаты бойынша пайдаланылмаған нысаналы трансферттер мен бюджеттік кредиттердің сомаларын қайтару, заңсыз іс-әрекеттер нәтижесінде мемлекетке келтірілген залалдың орнын толтыру туралы;

      2) бұзушылық фактілері анықталған жағдайда, өнім берушілердің тауарларды жеткізуін (жұмыстарды орындауын және қызметтерді көрсетуін), басқа да шарттық міндеттемелерін орындауын қамтамасыз ету туралы, сондай-ақ басқа да шараларды қабылдау туралы;

      3) Нұсқаманың орындалуы туралы ақпаратты сыртқы мемлекеттік аудит және қаржылық бақылау органына онда белгіленген мерзімде ұсыну туралы талаптарды қамтиды.

      Есеп комитетінің (Тексеру комиссиясының) аудиторлық іс-шараға жауапты мүшесі Нұсқама жобасын Есеп комитетінің (Тексеру комиссиясының) отырысында талқылау үшін Аудиторлық қорытындының жобасымен бірге енгізеді.

      Нұсқамаға Есеп комитетінің (Тексеру комиссиясының) мүшесі қол қояды және мемлекеттік аудит объектісінің, ұйымдар мен лауазымды адамдардың мекенжайына оған (оларға) қатысты бөлігінде жіберіледі. Әрбір адресатқа жеке-жеке нұсқама жіберіледі.

      Нұсқама Есеп комитетінің (Тексеру комиссиясының) бланкісінде ресімделеді.

Есеп комитеті (Тексеру комиссиясы) шешімдерінің орындалуына тексеру жүргізуге ТАПСЫРМА

      "Мемлекеттік аудит және қаржылық бақылау туралы" Қазақстан Республикасы Заңының ___ бабына және Республикалық бюджеттің атқарылуын бақылау жөніндегі есеп комитетінің (облыс, қала бойынша тексеру комиссиясының) Мемлекеттік аудит объектілерінің 20__ жылға арналған тізбесіне сәйкес

      ________________________________________________________________________________

      (тексеру жүргізу тапсырылған Есеп комитеті (Тексеру комиссиясы) жұмыскер(-лер)інің ТАӘ және лауазымы көрсетіледі

      ________________________________________________________________________________

      (мемлекеттік аудит объектісінің ұйымдық-құқықтық нысаны, толық атауы,

      ________________________________________________________________________________

      оның орналасқан жері, ЖСН, БСН, басшысының ТАӘ көрсетіледі)

      __________________ №___Нұсқама тармағында (тармақтарында) көзделген ұсынымның(-дардың) орындалу толықтығы мен анықтығына тексеру жүргізу тапсырылады.

      Тексеру жүргізу мерзімдері: ______- _______ аралығы

      Есеп комитетінің (Тексеру комиссиясының) мүшесі

      _________________________________________________

      (қолы, аты-жөні, тегі)

Есеп комитеті (Тексеру комиссиясы) шешімдерінің орындалуын тексеру АКТІСІ

      1. Мемлекеттік аудит объектісінің атауы: _______________________________________

      2. Оларға қатысты орындалуына тексеру жүргізілетін ұсынымдар, шешімдер шығарылған аудиторлық қорытынды, нұсқама ________________________________________

      3. Мемлекеттік аудит тобының құрамы: ________________________________________

      4. Есеп комитеті (Тексеру комиссиясы) шешімдерінің орындалуына тексеру жүргізуге "____" №_____ тапсырма

      5. Сыртқы мемлекеттік аудит және қаржылық бақылау органы ұсынымдарының атауы

      ________________________________________________________________________________

      6. Ұсынымдардың орындалуын тексеру нәтижелері ______________________________

      Есеп комитетінің (Тексеру комиссиясының) жұмыскер(-лер)і:

      _______________________________________________________

      (лауазымы, қолы, аты-жөні, тегі)

Күші жойылды деп танылуға жататын Республикалық бюджеттің атқарылуын бақылау жөніндегі есеп комитетінің кейбір нормативтік қаулыларының тізбесі

      1. "Сыртқы мемлекеттік аудит және қаржылық бақылау жүргізу қағидаларын бекіту туралы" Республикалық бюджеттің атқарылуын бақылау жөніндегі есеп комитетінің 2015 жылғы 30 қарашадағы № 17-НҚ нормативтік қаулысы, (Нормативтік құқықтық актілерді мемлекеттік тіркеу тізілімінде №12557 болып тіркелген, "Әділет" ақпараттық-құқықтық жүйесінде 2016 жылғы 6 қаңтарда жарияланған ).

      2. "Сыртқы мемлекеттік аудит және қаржылық бақылау жүргізу қағидаларын бекіту туралы" Республикалық бюджеттің атқарылуын бақылау жөніндегі есеп комитетінің 2015 жылғы 30 қарашадағы № 17-НҚ нормативтік қаулысына өзгерістер мен толықтырулар енгізу туралы" Республикалық бюджеттің атқарылуын бақылау жөніндегі есеп комитетінің 2016 жылғы 27 қыркүйектегі № 13-НҚ нормативтік қаулысы (Нормативтік құқықтық актілерді мемлекеттік тіркеу тізілімінде № 14369 болып тіркелген, "Әділет" ақпараттық-құқықтық жүйесінде 2016 жылғы 11 қарашада жарияланған).

      3. "Сыртқы мемлекеттік аудит және қаржылық бақылау жүргізу қағидаларын бекіту туралы" Республикалық бюджеттің атқарылуын бақылау жөніндегі есеп комитетінің 2015 жылғы 30 қарашадағы № 17-НҚ нормативтік қаулысына өзгерістер мен толықтырулар енгізу туралы" Республикалық бюджеттің атқарылуын бақылау жөніндегі есеп комитетінің 2018 жылғы 14 маусымдағы № 13-НҚ нормативтік қаулысы (Нормативтік құқықтық актілерді мемлекеттік тіркеу тізілімінде № 17129 болып тіркелген, 2018 жылғы 5 шілдеде Қазақстан Республикасы нормативтік құқықтық актілерінің эталондық бақылау банкінде жарияланған).