Нотариаттық қызмет мәселелері бойынша мемлекеттiк көрсетілетін қызметтің қағидаларын бекіту туралы

      "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 2) тармақшасына сәйкес, БҰЙЫРАМЫН:

      1. Бекітілсін:

      1) "Нотариаттық қызметпен айналысу құқығына үміткер тұлғаларға аттестаттау жүргізу" мемлекеттік көрсетілетін қызметтің қағидалары осы бұйрықтың 1-қосымшасына сәйкес;

      2) "Нотариаттық қызметпен айналысу құқығына лицензия беру" мемлекеттік көрсетілетін қызметтің қағидалары осы бұйрықтың 2-қосымшасына сәйкес;

      3) "Нотариустардың өтініштерін қабылдау, мөрлерін тіркеу және беру" мемлекеттік көрсетілетін қызметтің қағидалары осы бұйрықтың 3-қосымшасына сәйкес.

      2. Қазақстан Республикасы Әділет министрінің кейбір бұйрықтарының күші жойылды деп осы бұйрықтың 4-қосымшасына сәйкес танылсын

      3. Қазақстан Республикасы Әділет министрлігінің Тіркеу қызметі және заң қызметін ұйымдастыру департаменті заңнамада белгіленген тәртіппен осы бұйрықты мемлекеттік тіркеуді қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасы Әділет вице-министріне жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізілсін.

      "КЕЛІСІЛДІ"

      Қазақстан Республикасының

      Цифрлық даму, инновациялар және

      аэроғарыш өнеркәсібі министрлігі

      "КЕЛІСІЛДІ"

      Қазақстан Республикасының

      Ұлттық экономика министрлігі

"Нотариаттық қызметпен айналысу құқығына үміткер тұлғаларға аттестаттау жүргізу" мемлекеттік көрсетілетін қызметтің қағидалары

1-тарау. Жалпы ережелер

      1. "Нотариаттық қызметпен айналысу құқығына үміткер тұлғаларға аттестаттау жүргізу" мемлекеттік көрсетілетін қызметтің осы қағидаларын (бұдан әрі – Қағидалар) Қазақстан Республикасының Әділет министрлігі (бұдан әрі – Министрлік) "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасы Заңының 10-бабының 1) тармақшасына сәйкес әзірледі және "Нотариаттық қызметпен айналысу құқығына үміткер тұлғаларға аттестаттау жүргізу" мемлекеттік көрсетілетін қызметтің тәртібін анықтайды.

2-тарау. Мемлекеттік қызметті көрсету тәртібі

      2. Жеке практикамен айналысатын нотариустан немесе мемлекеттік нотариустан тағылымдамадан сәтті өткен нотариаттық қызметпен айналысу құқығына үміткер (бұдан әрі – көрсетілетін қызметті алушы) облыстардың, республикалық маңызы бар қалалар мен әділет департаменттері жанында құрылатын Нотариаттық қызметпен айналысуға үміткер тұлғаларға аттестаттау жөніндегі комиссияға (бұдан әрі – Комиссия) www.egov.kz, www.elіcense.kz "электрондық үкімет" веб-порталы арқылы электрондық цифрлық қолтаңбасы (бұдан әрі - ЭЦҚ) қойылған электрондық құжат нысанында осы Қағидалардың 1-қосымшасына сәйкес "Нотариаттық қызметпен айналысу құқығына үміткер тұлғаларға аттестаттау жүргізу" мемлекеттік көрсетілетін қызмет стандартының (бұдан әрі - Стандарт) 8-тармағында көрсетілген құжаттарды тұрғылықты жері бойынша жолдайды.

      3. "Нотариаттық қызметпен айналысу құқығына үміткер тұлғаларға аттестаттау жүргізу" мемлекеттік көрсетілетін қызметті (бұдан әрі – мемлекеттік көрсетілетін қызмет) облыстардың, республикалық маңызы бар қалалар мен астананың әділет департаменттері (бұдан әрі – көрсетілетін қызметтерді беруші) көрсетеді.

      4. Процесінің сипаттамасын, нысанын, мазмұны мен көрсету нәтижесін, сондай-ақ мемлекеттік қызметті көрсету ерекшеліктерін ескере отырып өзге де мәліметтерді қамтитын мемлекеттік көрсетілетін қызметке қойылатын негізгі талаптардың тізбесі Стандартта келтірілген.

      Көрсетілетін қызметті алушының жеке басын куәландыратын құжаты, лицензиясы, соттылығының бар не жоқ екендігі және наркологта және психиатрда диспансерлік есепте тұрғандығы/тұрмағандығы туралы мәліметтерді көрсетілетін қызметті беруші тиісті ақпараттық жүйелерден "электрондық үкімет" шлюзі арқылы алады.

      Егер Қазақстан Республикасының заңдарында өзгеше көзделмесе, көрсетілетін қызметті беруші мемлекеттік қызметтерді көрсету кезінде ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға көрсетілетін қызметті алушының келісімін алады.

      Көрсетілетін қызметті беруші құжаттар түскен күні оларды қабылдауды және тіркеуді жүзеге асырады. Көрсетілетін қызметті алушының "жеке кабинетіне" мемлекеттік көрсетілетін қызметке өтініштің қабылданғаны туралы мәртебе портал арқылы жіберіледі.

      Өтініш беруші жұмыс уақыты аяқталғаннан кейін, демалыс және мереке күндері жүгінген кезде, еңбек заңнамасына сәйкес өтініштерді қабылдау және мемлекеттік қызметті көрсету нәтижелерін беру келесі жұмыс күні жүзеге асырылады.

      5. Көрсетілетін қызметті беруші құжаттар түскен күннен бастап 2 (екі) жұмыс күні ішінде ұсынылған құжаттардың толықтығын тексереді, ұсынылған құжаттардың толық болмау фактісі анықталған жағдайда дәлелді бас тартуды дайындайды.

      6. Көрсетілетін қызметті алушы құжаттардың толық топтамасын ұсынған жағдайда көрсетілетін қызметті беруші құжаттардың Қазақстан Республикасы Әділет министрінің міндетін атқарушының 2015 жылғы 20 қаңтардағы № 20 бұйрығымен (Нормативтік құқықтық актілерді мемлекеттік тіркеу тізілімінде № 10270 болып тіркелген) бекітілген біліктілік талаптарына сәйкестігін тексереді және Комиссияның қарауына береді.

      7. Көрсетілетін қызметті алушының аттестаттауға жіберу туралы құжаттарын Комиссия 13 (он үш) жұмыс күні ішінде қарайды. Қарау қорытындысы бойынша Комиссия Стандарттың 9-тармағында көзделген негіздер бойынша үміткерді аттестаттауға жіберу немесе жіберуден бас тарту туралы дәлелді шешім шығарады.

      Нотариаттық қызметпен айналысу құқығына үміткер тұлға өтініш берген кезде аттестаттау өткізілетін орны мен тілді (қазақ немесе орыс) айқындауға құқылы.

      Егер, көрсетілетін қызметті алушы "Нотариат туралы" Қазақстан Республикасы Заңының (бұдан әрі – Заң) 6-бабы 1-тармағының талаптарына сәйкес келмесе, аттестаттауға жіберуден бас тартылады.

      8. Көрсетілетін қызметті беруші аттестаттауға жіберуден бас тарту туралы шешімді өтініш келіп түскен күннен бастап 15 (он бес) жұмыс күнінен кешіктірмей жібереді.

      9. Аттестаттауға жіберілген көрсетілетін қызметті алушыны көрсетілетін қызметті беруші аттестаттаудың өтетін орны, күні, уақыты, тәртібі туралы ұялы телефонға смс-хабарлама беру арқылы немесе "электрондық үкімет" веб-порталы арқылы көрсетілетін қызметті алушының "жеке кабинетіне" оны өткізгенге дейін күнтізбелік 10 (он) күннен кешіктірмей хабарлайды.

      Аттестаттау қажеттілігіне қарай, бірақ тоқсанына бір реттен кем емес өткізіледі.

      Аттестаттаудан өткізу мерзімін өтініш пен аттестаттаудан өту күні негізінде ұсынылған құжаттарды есепке ала отырып, "Е-лицензиялау" ақпараттық жүйесінің мемлекеттік деректер базасы автоматты түрде анықтайды.

      Көрсетілетін қызметті алушы мемлекеттік қызметті көрсетуден бас тарту себептерін жойған жағдайда, көрсетілетін қызметті алушы осы Қағидаларда көзделген тәртіппен мемлекеттік көрсетілетін қызметті алу үшін қайта жүгіне алады.

      10. Комиссияның жұмыс органы аумақтық әділет органы болып табылады.

      Комиссия жеті мүшеден – нотариаттық палатаның төрағасын қоса алғанда екі нотариустан, әділет органдарының екі өкілінен, құқықтанушы- ғалым және мәслихаттың екі депутатынан тұрады.

      Комиссияның құрамына енгізу үшін нотариустардың кандидатураларын аумақтық әділет органына нотариаттық палата ұсынады.

      Құқықтанушы-ғалым кандидатурасын тиісті әкімшілік-аумақтық бірлік аумағында жоғары білімнің білім беретін оқу бағдарламаларын іске асыратын жоғары оқу орындары ұсынады.

      Мәслихат депутаттарының кандидатураларын облыстардың, республикалық маңызы бар қалалардың және астананың мәслихаттары ұсынады.

      Комиссия мүшелерінің бірі шыққан жағдайда, жаңа мүше оның құрамына шыққан күнінен бастап бір айдан кешіктірмей енгізіледі.

      Көрсетілетін қызметті берушінің бірінші басшысы немесе оның міндетін атқарушы тұлға Комиссия төрағасы болып табылады.

      Комиссия қызметін ұйымдастыру үшін көрсетілетін қызметті беруші қызметкерлер арасынан Комиссия хатшысын тағайындайды.

      Комиссия хатшысы Комиссия отырысының күн тәртібін қалыптастырады және отырыс хаттамаларын ресімдейді. Хатшы Комиссия мүшесі болып табылмайды.

      Комиссия құрамы Заңның 7-1-бабының 1-тармағына сәйкес бекітіледі.

      11. Заңның 8-бабының 6-тармағында көзделген негіздер бойынша тұлға аттестаттаудан өтуден босатылады.

      12. Аттестаттауға жіберілген үміткерлердің тізімі оны өткізгенге дейін күнтізбелік 10 (он) күннен кешіктірмей көрсетілетін қызметті берушінің интернет-ресурстарында орналастырылады.

      Комиссия отырысына келген кезде үміткердің өзімен бірге жеке басын куәландыратын құжаты болуы қажет.

      13. Аттестаттау екі кезеңнен тұрады:

      1) Қазақстан Республикасының заңнамасын білуге компьютерлік тест тапсыру;

      2) емтихан билеттері бойынша ауызша тапсырманы орындау.

      Үміткер өзінің тілді таңдауын аттестаттау басталғанға дейін жазбаша растайды.

      14. Тестілер мен емтихан билеттеріне енгізілуге жататын сұрақтардың тізбесін Қазақстан Республикасының Әділет министрлігі қалыптастырады және бекітеді. Үміткерлердің білімін бағалауға арналған сұрақтар нотариаттық қызметті жүзеге асыру үшін білуі қажет құқықтық пәндер тақырыбына сәйкес келеді (Қазақстан Республикасының Азаматтық құқығы, Қазақстан Республикасының Тұрғын үй құқығы, Қазақстан Республикасының Жер құқығы, "Неке (ерлі-зайыптылық) және отбасы туралы" Қазақстан Республикасының Кодексі, "Сыбайлас жемқорлыққа қарсы іс-қимыл туралы", "Жылжымайтын мүлікке құқықтарды мемлекеттік тіркеу туралы" және "Нотариат туралы" Қазақстан Республикасының заңдары) және кемінде үш нұсқасы бар біреуі дұрыс болатын жауапты құрайды.

      Тестілеу компьютер техникасын пайдалана отырып өткізіледі. Тестілеуге бөлінген уақыт тоқсан минутты құрайды.

      Емтихан билеттері нотариаттық қызметті жүзеге асыру үшін білуі қажет құқықтық пәндердің тақырыбына сәйкес болуы тиіс үш сұрақтан тұрады.

      Тестілер мен емтихан билеттері құпия ақпарат болып табылады және еркін таратылмайды.

      Аттестаттаудан өтер алдында Комиссия үміткерге аттестаттауды өткізу тәртібі, үміткерлерді іріктеу рәсімінің ұзақтығы мен мазмұны туралы хабарлайды.

      15. Аттестаттаудан өту кезінде үміткердің анықтамалық, арнайы және өзге де әдебиетті, байланыс құралдарын, сондай-ақ қандай да бір электрондық тасығыштағы жазбаларды пайдалануға жол берілмейді.

      Көрсетілген талаптар бұзылған жағдайда үміткер Комиссия шешімінің негізінде аттестаттаудан шеттетіледі.

      Аттестаттаудан шеттетілген үміткер, осы Қағидалардың 6 және 9-тармақтарында көзделген тәртіппен шешім шығарылған күннен бастап үш ай өткен соң аттестаттауға жіберу туралы қайтадан өтініш беруге құқылы.

      16. Комиссия отырысында еркін нысандағы хаттама (бұдан әрі - хаттама) жүргізіледі, онда отырысты өткізу күні, уақыты және орны, аттестатталушының тегі, аты, әкесінің аты (ол болған жағдайда), тестілеу нәтижесі, емтихан билетінің нөмірі мен мазмұны, аттестатталушының жауаптары, комиссия мүшелері қойған баллдар және емтихан билетінің сұрақтары бойынша жалпы орташа балл, сондай-ақ Комиссияның шешімі көрсетіледі.

      17. Тестілеудің дұрыс жауаптарын есептеу қолданылатын компьютерлік бағдарламаның көмегімен автоматты түрде жүргізіледі. Тестілеу нәтижелері принтерде екі данада басып шығарылады және аяқталғаннан кейін бірден жеке қол қою арқылы үміткерге танысу үшін ұсынылады.

      Тестілеу нәтижелері бар парақтың бір данасы үміткерге тапсырылады, екіншісі Комиссияға беріледі.

      18. Аттестаттаудан өту үшін ұсынылған сұрақтардың жалпы саны 100 (жүз) құрайды.

      Егер дұрыс жауаптар саны ұсынылған сұрақтардың жалпы санынан 70 (жетпіс) және одан жоғары болса, үміткер тестілеуден өтті деп саналады және екінші кезеңге жіберіледі.

      19. Емтихан билеттерінің сұрақтарына жауап дайындауға 10 (он) минут беріледі. Үміткердің емтихан билеттерінің сұрақтарына ауызша жауаптарының дұрыстығын комиссия мүшелері бес балдық жүйе бойынша бағалайды.

      Комиссияның әрбір мүшесі аттестатталушының әрбір сұрағы бойынша жауаптарды басқаларына қарамастан бес балдық жүйе бойынша бағалайды.

      Екінші кезеңнің қорытындылары бойынша төрағалық етуші Комиссия мүшелері қойған нәтижелерді есептейді және жалпы орташа балл шығарады. Орташа балл үміткердің жинаған балдарының жалпы санын қатысып отырған Комиссия мүшелерінің санына бөлу жолымен анықталады. Үміткердің қорытынды балы есептеу кезінде 3,1 болса 3,1 ретінде бағаланады, есептеу кезінде 4,5 болса 4,5 ретін бағаланады және бұдан әрі де осылайша.

      Комиссия мүшелерінің бағалары, сондай-ақ аттестатталушының емтихан билетінің сұрақтары бойынша жинаған жалпы орташа балы Комиссияның хаттамасында көрсетіледі.

      Егер жалпы орташа балл 4 (төрт) және одан жоғары балл болса, үміткер аттестаттаудан өтті деп есептеледі.

      20. Осы Қағидалардың 2-қосымшасына сәйкес нысан бойынша аттестаттау туралы дәлелді шешім немесе 3-қосымшасына сәйкес нысан бойынша аттестаттамау туралы шешім мемлекеттік көрсетілетін қызметтің нәтижесі болып табылады.

      Мемлекеттік көрсетілетін қызметтің нәтижесі электрондық нысанда ресімделеді, көрсетілетін қызметті берушінің уәкілетті адам ЭЦҚ-мен куәландырылады және электрондық құжат нысанында көрсетілетін қызметті алушының "жеке кабинетіне" жіберіледі.

      Комиссияның аттестаттаудан өту туралы шешімі Заңның 7-2-бабының 9-тармағына сәйкес ол шығарылған сәттен бастап үш жыл бойы жарамды болып табылады.

      21. Дәлелді себеппен аттестаттауға келмеген көрсетілетін қызметті алушы (денсаулық жағдайы бойынша, іссапарда болу себебі бойынша, еңсерілмейтін күш салдарынан қатысудың мүмкін еместігі) осы Қағидалардың 9-тармағында көзделген тәртіппен Комиссияның келесі отырысына шақырылады.

      Көрсетілетін қызметті беруші мемлекеттік көрсетілетін қызметтерді көрсету мониторингінің ақпараттық жүйесіне мемлекеттік көрсетілетін қызметті көрсету сатысы туралы деректерді енгізуді қамтамасыз етеді.

3-тарау. Мемлекеттік қызметті көрсету мәселелері бойынша көрсетілетін қызметті берушінің және (немесе) оның лауазымды тұлғаның шешімдеріне, әрекетіне (әрекетсіздігіне) шағымдану тәртібі

      22. Мемлекеттік қызметті көрсету мәселелері бойынша көрсетілетін қызметті берушінің және (немесе) оның лауазымды тұлғаның шешімдеріне, әрекеттеріне (әрекетсіздігіне) шағымдану:

      Шағым көрсетілетін қызметті берушінің басшысының атына, Стандарттың 10-тармағында көрсетілген мекенжай бойынша, не Министрлікке: 010000, Нұр-Сұлтан қаласы, Есіл ауданы, Мәңгілік ел даңғылы, № 8 үй, "Министрліктер үйі" ғимараты, 13-кіреберіс – мекенжайы бойынша беріледі.

      Шағымдар пошта арқылы жазбаша нысанда, "электрондық үкімет" веб-порталы не көрсетілетін қызметті берушінің немесе Министрліктің кеңсесі арқылы қолма-қол қабылданады.

      Көрсетілетін қызметті берушінің атына немесе Министрліктің мекенжайына келіп түскен көрсетілетін қызметті алушының шағымы тіркелген күнінен бастап бес жұмыс күні ішінде қарауға жатады. Шағымды қарау нәтижелері туралы дәлелді жауап көрсетілетін қызметті алушыға пошта байланысы арқылы не көрсетілетін қызметті берушінің немесе Министрліктің кеңсесінде қолма-қол беріледі.

      Шағымды портал арқылы жіберген кезде көрсетілетін қызметті алушы "жеке кабинетінен" өтініш туралы ақпаратқа қол жеткізе алады, өтінішті өңдеу барысында көрсетілетін қызметті беруші оны жаңартып отырады (жеткізілгені, тіркелгені, орындалуы туралы белгілер, қарау немесе қараудан бас тарту туралы жауап).

      Көрсетілген мемлекеттік көрсетілетін қызмет нәтижелерімен келіспеген жағдайда, көрсетілетін қызметті алушы мемлекеттік көрсетілетін қызметтер сапасын бағалау мен бақылау жөніндегі уәкілетті органға немесе Қазақстан Республикасының заңнамасында белгіленген тәртіппен сотқа шағымдана алады.

Аттестаттауға жіберу туралы өтініш

      Нотариаттық қызметпен айналысу құқығына аттестаттаудан өтуге мені жіберуді сұраймын.

      Осымен: мен анық деректерді қамтамасыз ету үшін жеке жауап беретінім; көрсетілген барлық деректер ресми байланыстар болып табылады және оларға аттестаттаудан өтуге рұқсат беру немесе бас тарту туралы кез келген ақпарат жіберілуі мүмкін; сотпен өтініш берушіге лицензияланатын қызмет түрімен және / немесе кіші қызмет түрімен айналысуға тыйым салынбаған; қоса берілген барлық құжаттар дұрыс және жарамды екені; өтініш беруші лицензия және (немесе) лицензияға қосымшаны беру кезінде ақпараттық жүйелерде сақталатын, заңмен қорғалатын құпияны құрайтын қолжетімділік шектеулі жеке деректерін пайдалануға келісетіні расталады.

      Жеке тұлға _________________________________________________________________

      (қолы) (тегі, аты, әкесінің аты (ол болған жағдайда)

      күні:_______

Нотариаттық қызметпен айналысу құқығына аттестаттаудан өтуге арналған деректер нысаны

      _________________________________________________________________________

      жеке тұлғаның тегі, аты, әкесінің аты (ол болған жағдайда) жеке сәйкестендіру нөмірі

      І. Дипломы туралы деректер:

      1. Жоғары оқу орнының атауы _______________________________________________

      2. Мамандық шифрі _________________________________________________________

      3. Диплом нөмірі ___________________________________________________________

      4. Дипломды беру күні ______________________________________________________

      5. "Білім туралы" 2007 жылғы 27 шілдедегі Қазақстан Республикасының Заңына сәйкес

      нострификациялау немесе тану рәсімінің өтуін растайтын құжат:

      1. сериясы және нөмірі ______________________________________________________

      2. негіздемесі: күні және нөмірі _______________________________________________

      3. тіркеу нөмірі және күні ____________________________________________________

      ІІ. Нотариустан тағылымдамадан өткені туралы қорытынды:

      1. нотариустан тағылымдамадан өткені туралы қорытындыны бекіту күні ___________

      2. ________________________________ облысының/қаласының нотариаттық палатасы

      3. тағылымдама басшысы ____________________________________________________

      4. тағылымдама басшысының нотариаттық қызметінің өтілі _______________________

      5. тағылымдаманың басталу күні ______________________________________________

      6. тағылымдаманың аяқталған күні ____________________________________________

      Жеке тұлға ________________________________________________________________

                              (қолы) (тегі, аты, әкесінің аты (ол болған жағдайда)

      күні:____

Аттестаттау туралы шешім

      ______________ қаласы                              20__ ж. "___" __________

      Нотариаттық қызметпен айналысу құқығына аттестаттау қорытындылары бойынша

      __________________________________________________________:

      (тегі, аты, әкесінің аты (ол болған жағдайда)

      тестілеу бойынша ____________________ балл

      емтихан билеті бойынша _________ балл жинады.

      Келесі құрамдағы комиссия:

      Төраға

      Мүшелері

      Шешім қабылдады:

      _________________________________ аттестаттау

      (тегі, аты, әкесінің аты (ол болған жағдайда)

      Комиссия төрағасы

      Комиссия хатшысы

Аттестаттамау туралы шешім

      ______________ қаласы                              20____ ж. "____" __________

      Нотариаттық қызметпен айналысу құқығына аттестаттау қорытындылары бойынша

      __________________________________________________________:

      (тегі, аты, әкесінің аты (ол болған жағдайда)

      тестілеу бойынша ____________________ балл

      емтихан билеті бойынша _________ балл жинады.

      Келесі құрамдағы комиссия:

      Төраға

      Мүшелері

      Шешім қабылдады:

      ______________________________________ аттестаттамау

      (тегі, аты, әкесінің аты (ол болған жағдайда)

      Комиссия төрағасы

      Комиссия хатшысы

"Нотариатық қызметпен айналысу құқығына лицензия беру" мемлекеттік көрселетін қызметтің қағидалары

1-тарау. Жалпы ережелер

      1. "Нотариаттық қызметпен айналысу құқығына лицензия беру" мемлекеттік көрсетілетін қызметтің осы қағидаларын (бұдан әрі - Қағидалар) Қазақстан Республикасы Әділет министрлігі (бұдан әрі - Министрлік) "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасының Заңының 10-бабының 1-тармақшасына сәйкес әзірледі және "Нотариатық қызметпен айналысу құқығына лицензия беру" мемлекеттік қызмет көрсету тәртібін анықтайды.

2-тарау. Мемлекеттік қызметті көрсету тәртібі

      2. Нотариаттық қызметпен айналысу құқығына үміткер тұлға (бұдан әрі - көрсетілетін қызметті алушы) лицензияны алуға немесе қайта ресімдеуге www.adіlet.gov.kz www.elіcense.kz "электрондық үкімет" веб-порталы арқылы электрондық цифрлық қолтаңбасы (бұдан әрі - ЭЦҚ) қойылған электрондық құжат нысанында осы Қағидалардың 1-қосымшасына сәйкес "Нотариаттық қызметпен айналысу құқығына лицензия беру" мемлекеттік көрсетілетін қызмет стандартының (бұдан әрі - Стандарт) 8-тармағында көрсетілген құжаттарды жолдайды.

      Көрсетілетін қызметті алушының таңдауы бойынша мемлекеттік көрсетілетін қызмет "Нотариаттық қызметпен айналысу құқығына үміткер тұлғаларға аттестаттау жүргізу" мемлекеттік көрсетілетін қызмет жиынтығында "бір өтініш" қағидаты бойынша көрсетіледі.

      Лицензияны қайта ресімдеу көрсетілетін қызметті алушының тегі, аты, әкесінің аты (ол болған жағдайда) өзгерген жағдайда жүзеге асырылады.

      3. "Нотариаттық қызметпен айналысу құқығына лицензия беру" мемлекеттік көрсетілетін қызметті (бұдан әрі – мемлекеттік көрсетілетін қызмет) Қазақстан Республикасы Әділет министрлігі (бұдан әрі - көрсетілетін қызметті беруші) көрсетеді.

      4. Процесінің сипаттамасын, нысанын, мазмұны мен көрсету нәтижесін, сондай-ақ мемлекеттік қызметті көрсету ерекшеліктерін ескере отырып өзге де мәліметтерді қамтитын мемлекеттік көрсетілетін қызметке қойылатын негізгі талаптардың тізбесі Стандартта келтірілген.

      Көрсетілетін қызметті алушының жеке басын куәландыратын құжаты, лицензиясы, соттылығының бар не жоқ екендігі және наркологта және психиатрда диспансерлік есепте тұрғандығы/тұрмағандығы туралы мәліметтерді көрсетілетін қызметті беруші тиісті ақпараттық жүйелерден "электрондық үкімет" шлюзі арқылы алады.

      5. Көрсетілетін қызметті берушінің кеңсесі лицензияны алуға немесе қайта ресімдеуге құжаттар келіп түскен күні оларды тіркейді және жауапты орындаушыға орындауға береді.

      Көрсетілетін қызметті алушы жұмыс уақыты аяқталғаннан кейін, демалыс және мереке күндері жүгінген кезде мемлекеттік көрсетілетін қызметті алуға арналған өтінішті тіркеу келесі жұмыс күні жүзеге асырылады.

      6. Көрсетілетін қызметті берушінің жауапты орындаушысы мемлекеттік көрсетілетін қызметті алу үшін құжаттарды қабылдаған сәттен бастап 2 (екі) жұмыс күні ішінде ұсынылған құжаттардың толықтығын тексереді.

      Мемлекеттік қызметті алу үшін ұсынылған құжаттар толық болмаған жағдайда, көрсетілетін қызметті беруші көрсетілген мерзімде негіздеме мен себептерін көрсете отырып, өтінішті қабылдаудан дәлелді бас тарту береді және көрсетілетін қызметті алушының "жеке кабинетіне" жібереді.

      7. Лицензияны алуға ұсынылған құжаттар толық болған жағдайда, көрсетілетін қызметті беруші 12 (он екі) жұмыс күні ішінде көрсетілетін қызметті алушының Қазақстан Республикасы Әділет министрінің міндетін атқарушының 2015 жылғы 20 қаңтардағы № 20 бұйрығымен бекітілген біліктілік талаптарына (Нормативтік құқықтық актілерді мемлекеттік тіркеу тізілімінде № 10270 болып тіркелген) сәйкестігін тексереді.

      Көрсетілетін қызметті алушының ұсынған құжаттары біліктілік талаптарына сәйкес келген кезде мемлекеттік қызмет 1 (бір) жұмыс күні ішінде көрсетіледі.

      Мемлекеттік көрсетілетін қызметтің нәтижесі осы Қағидаларға 4-қосымшаға сәйкес нысан бойынша нотариаттық қызметпен айналысу құқығына лицензия немесе көрсетілетін қызметті алушының "жеке кабинетіне" жіберілген көрсетілетін қызметті берушінің уәкілетті тұлғасының электрондық цифрлық қолтаңбасымен куәландырылған электрондық құжат нысанындағы лицензияны беруден бас тарту туралы дәлелді жауап немесе қайта рәсімдеу болып табылады.

      8. Көрсетілетін қызметті алушы қайта ресімдеу туралы өтінішті көрсетілетін қызметті алушының жеке басын куәландыратын құжатты ауыстырған сәттен бастап күнтізбелік 30 (отыз) күн ішінде береді.

      Көрсетілетін қызметті беруші мемлекеттік көрсетілетін қызметтерді көрсету мониторингінің ақпараттық жүйесіне мемлекеттік көрсетілетін қызметті көрсету сатысы туралы деректерді енгізуді қамтамасыз етеді.

3-тарау. Мемлекеттік қызметті көрсету мәселелері бойынша көрсетілетін қызметті берушілердің және (немесе) олардың лауазымды тұлғалардың шешімдеріне, әрекеттіне (әрекетсіздігіне) шағымдану тәртібі

      9. Шағым көрсетілетін қызметті беруші басшысының атына www.adіlet.gov.kz беріледі.

      Шағым жазбаша түрде пошта арқылы, "электрондық үкімет" веб-порталы арқылы немесе көрсетілетін қызметті берушінің кеңсесі арқылы қолма-қол тапсыру арқылы қабылданады.

      Көрсетілетін қызметті берушінің атына келіп түскен көрсетілетін қызметті алушының шағымы "Жеке және заңды тұлғалардың өтініштерін қарау тәртібі туралы" Қазақстан Республикасының Заңына сәйкес қаралуға жатады.

      Шағымның нәтижелері туралы дәлелді жауап көрсетілетін қызметті алушыға пошта арқылы, "электрондық үкімет" веб-порталы арқылы немесе көрсетілетін қызметті берушінің кеңсесінде қолма-қол беріледі

      Шағымды портал арқылы жіберген кезде көрсетілетін қызметті алушы "жеке кабинетінен" өтініш туралы ақпаратқа қол жеткізе алады, өтінішті өңдеу барысында көрсетілетін қызметті беруші оны жаңартып отырады (жеткізілгені, тіркелгені, орындалуы туралы белгілер, қарау немесе қараудан бас тарту туралы жауап).

      Көрсетілген мемлекеттік көрсетілетін қызмет нәтижелерімен келіспеген жағдайда, көрсетілетін қызметті алушы мемлекеттік көрсетілетін қызметтер сапасын бағалау мен бақылау жөніндегі уәкілетті органға немесе Қазақстан Республикасының заңнамасында белгіленген тәртіппен сотқа шағымдана алады.

Жеке тұлғаның лицензия алуға өтініші

      __________________________________________________________________________

                                    (лицензиардың толық атауы)

      __________________________________________________________________________

      (жеке тұлғаның тегі, аты, әкесінің аты (болған жағдайда), жеке сәйкестендіру нөмірі)

      __________________________________________________________ жүзеге асыру үшін

      (қызметтің түрі толық атауы көрсетілсін)

      лицензия беруіңізді сұраймын.

      Байланыс деректері ________________________________________________________

      Осымен: көрсетілген барлық деректердің ресми байланыстар болып табылатындығы және оларға лицензияны және (немесе) лицензияға қосымшаны беру немесе беруден бас тарту мәселелері бойынша кез келген ақпаратты жіберуге болатындығы; өтініш берушіге қызметтің лицензияланатын түрімен және (немесе) кіші түрімен айналысуға сот тыйым салмайтыны; қоса берілген құжаттардың барлығы шындыққа сәйкес келетіні және жарамды болып табылатындығы расталады; өтініш беруші лицензияны және (немесе) лицензияға қосымшаны беру кезінде ақпараттық жүйелерде қамтылған, заңмен қорғалатын құпияны құрайтын қолжетімділігі шектеулі дербес деректерді пайдалануға келісімін береді; өтініш беруші халыққа қызмет көрсету орталығы қызметкерінің өтінішті электрондық цифрлік қолтаңбамен растауына келіседі (халыққа қызмет көрсету орталықтары арқылы жүгінген жағдайда).

      Жеке тұлға ________________________________________________________________

                        (қолы)             (тегі, аты, әкесінің аты (болған кезде)

      Толтыру күні: 20__ жылғы "__" _________________

Нотариаттық қызметті жүзеге асыру мәліметтерінің нысаны

      _________________________________________________________________________

      (жеке тұлғаның тегі, аты, әкесінің аты (ол болған жағдайда), жеке сәйкестендіру нөмірі)

      барлық адамдар толтырады

      1. Диплом туралы мәліметтер

      1. жоғары оқу орнының атауы _______________________________________________

      2. мамандық атауы _________________________________________________________

      3. мамандық шифры _______________________________________________________

      4. диплом нөмірі ___________________________________________________________

      5. дипломның берілген күні __________________________________________________

      6. дипломды тану/нострификациялау туралы куәліктің берілген күні ________________

      7. дипломды тану/нострификациялау туралы куәліктің нөмірі _____________________

      (6,7-тармақтар шетелдің білім беру мекемелері берген дипломдар үшін толтырылады)

      нотариустан тағылымдамадан және аттестаттаудан өткен тұлғалар үшін

      2. Нотариустан тағылымдамадан өткені туралы қорытынды

      1. нотариустан тағылымдамадан өткені туралы қорытындының бекітілген күні

      __________________________________________________________________________

      2. облыс __________________________________________________________________

      3. тағылымдаманың жетекшісі ________________________________________________

      4. тағылымдаманың басталған күні ___________________________________________

      5. тағылымдаманың аяқталған күні ____________________________________________

      Нотариустан тағылымдамадан және аттестаттаудан өткен адамдар үшін

      3. Комиссияның аттестаттау туралы шешімі

      1. қала ____________________________________________________________________

      2. өткізілген күні ___________________________________________________________

      3. қарау мәртебесі __________________________________________________________

      Қазақстан Республикасы Жоғарғы Соты Кеңесінің жанындағы Біліктілік комиссиясында біліктілік емтихандарын тапсырған адамдар үші

      4. Судья лауазымына біліктілік емтиханын тапсыру

      1. өткізілген күні ___________________________________________________________

      2. қарау мәртебесі __________________________________________________________

      тұрақты судьялар үшін

      5. Қазақстан Республикасы Президентінің Жарлығы (бұдан әрі - Жарлық)туралы мәліметтер

      1. Жарлықтың нөмірі ___________________________________________

      2. Судья лауазымына тағайындау туралы Жарлықтың қабылданған күні _____________

      тұрақты судья болып жұмыс істеген тұлғалар үшін

      6. Қазақстан Республикасы Президентінің Жарлығы туралы мәліметтер

      1. Жарлықтың нөмірі _______________________________________________________

      2. Судья лауазымына тағайындау туралы Жарлықтың қабылданған күні _____________

      3. Жарлықтың нөмірі ___________________________________________

      4. Судья лауазымынан босату туралы Жарлықтың қабылданған күні ________________

      5. Босату негізі ____________________________________________________________

      Жеке тұлға _________________________________ күні: __________________________

                              (қолы) тегі, аты, әкесінің аты (ол болған жағдайда)

Лицензияны қайта ресімдеуге арналған жеке тұлғаның өтініші

      __________________________________________________________________________

                        (лицензиардың толық атауы)

      __________________________________________________________________________

      (жеке ұлғаның тегі, аты, әкесінің аты (ол болған жағдайда), жеке сәйкестендіру нөмірі)

      __________________________________________________________________________

      Тегімнің, атымның, әкемнің атының (ол болған жағдайда) өзгеруіне байланысты

      нотариаттық қызметті жүзеге асыруға 20___ жылғы " " __________________

      № ____________________, _________________________

      (лицензияның нөмірі(лері), лицензияны берген лицензиардың атауы)

      берілген лицензияны қайта ресімдеуіңізді сұраймын.

      Осымен: көрсетілген барлық деректердің ресми байланыстар болып табылатындығы және оларға лицензияны және (немесе) лицензияға қосымшаны беру немесе беруден бас тарту мәселелері бойынша кез келген ақпаратты жіберуге болатындығы;өтініш берушіге қызметтің лицензияланатын түрімен және (немесе) кіші түрімен айналысуға сот тыйым салмайтыны; қоса берілген құжаттардың барлығы шындыққа сәйкес келетіні және жарамды болып табылатындығы расталады; өтініш беруші лицензияны және (немесе) лицензияға қосымшаны беру кезінде ақпараттық жүйелерде қамтылған, заңмен қорғалатын құпияны құрайтын қолжетімділігі шектеулі дербес деректерді пайдалануға келісімін береді;өтініш беруші халыққа қызмет көрсету орталығы қызметкерінің өтінішті электрондық цифрлік қолтаңбамен растауына келіседі (халыққа қызмет көрсету орталықтары арқылы жүгінген жағдайда).

      Жеке тұлға ____________             ____________________________________________

                        (қолы)             (тегі, аты, әкесінің аты (ол болған жағдайда)

      Толтыру күні: 20__ жылғы "__" _________________

Лицензия

      20____ жылғы "___" ___________ №_____________

      __________________________________________________________________________

      ("Рұқсаттар және хабарламалар туралы" Қазақстан Республикасының Заңына сәйкес

      лицензияланатын қызмет түрінің атауы)

      ________________________________________________________________ айналысуға

      ____________________________________________________________________ берілді

      (жеке тұлғаның толық тегі, аты, әкесінің аты (ол болған жағдайда), жеке сәйкестендіру

      нөмірі, толық атауы, мекен-жайы)

      Ерекше шарттары __________________________________________________________

      ("Рұқсаттар және хабарламалар туралы" 2014 жылғы 16 мамырдағы Қазақстан Республикасы Заңының 36-бабына сәйкес)

      Ескерту: _________________________________________________________________

                        (иеліктен шығарылатындығы, рұқсаттың класы)

      Лицензиар ________________________________________________________________

                              (лицензиардың толық атауы)

      Басшы (уәкілетті тұлға) ____________________________________________________

                                    (тегі, аты, әкесінің аты (ол болған жағдайда)

      Берілген орны _____________________________________________

      Бұл құжат "Электрондық құжат және электрондық цифрлық қолтаңба туралы" 2003 жылғы 7 қаңтардағы Қазақстан Республикасы Заңының 7-бабының 1-тармағына сәйкес қағаз құжатқа балама болып табылады.

"Нотариустардың өтініштерін қабылдау, мөрлерін тіркеу және беру" мемлекеттік көрсетілетін қызметтің қағидалары

1-тарау. Жалпы ережелер

      1. "Нотариустардың өтініштерін қабылдау, мөрлерін тіркеу және беру" мемлекеттік көрсетілетін қызметтің осы қағидаларын (бұдан әрі- Қағидалар) "Мемлекеттік көрсетілетін қызметтер туралы" 2013 жылғы 15 сәуірдегі Қазақстан Республикасының Заңының 10-бабының 1-тармақшасына сәйкес Қазақстан Республикасы Әділет министрлігі (бұдан әрі-Министрлік) әзірлеген және "Нотариустардың өтініштерін қабылдау, мөрлерін тіркеу және беру" мемлекеттік көрсетілетін қызметтің тәртібін анықтайды.

2- тарау. Мемлекеттік қызметті көрсету тәртібі

      2. Мемлекеттік көрсетілетін қызметті облыстардың және Нұр-Сұлтан, Алматы және Шымкент қалаларының әділет департаменттері (бұдан әрі – көрсетілетін қызметті беруші) немесе "Азаматтарға арналған үкімет" мемлекеттік корпорациясы" коммерциялық емес акционерлік қоғамы (бұдан әрі – Мемлекеттік корпорация) арқылы көрсетеді.

      3. Нотариаттық қызметтің басталуына байланысты нотариаттық палатаның мүшелігіне кірген адам осы Қағидалардың 1-қосымшасына сәйкес көрсетілетін қызметті берушіге не Мемлекеттік корпорация арқылы мөрлерді дайындау және беру туралы өтініш береді.

      4. Процесінің сипаттамасын, нысанын, мазмұны мен көрсету нәтижесін, сондай-ақ мемлекеттік қызметті көрсету ерекшеліктерін ескере отырып өзге де мәліметтерді қамтитын мемлекеттік көрсетілетін қызметке қойылатын негізгі талаптардың тізбесі осы Қағидалардың 2-қосымшасына сәйкес "Нотариустардың өтініштерін қабылдау, мөрлерін тіркеу және беру" мемлекеттік көрсетілетін қызмет стандарты нысанында баяндалған.

      5. Мемлекеттік қызметті көрсету мерзімі көрсетілетін қызметті алушы құжаттар топтамасын тапсырған күннен бастап 5 (бес) жұмыс күнін құрайды.

      6. Мемлекеттік көрсетілетін қызметті алу үшін Мемлекеттік корпорация арқылы жүгінген кезде өтініш 1 (бір) жұмыс күні ішінде халыққа қызмет көрсету орталығының интеграцияланған ақпараттық жүйесі арқылы "е-лицензиялау" ақпараттық жүйесіне жіберіледі, бұл ретте өтінішті қабылдау күні мемлекеттік қызметті көрсету мерзіміне кірмейді.

      Көрсетілетін қызметті беруші көрсетілетін қызметті алушының өтініші келіп түскен күннен бастап 1 (бір) жұмыс күні ішінде нотариустардың мөрлерін дайындаумен айналысатын жеке немесе заңды тұлғаларға тапсырыс хат ресімдейді.

      Мөрлерді дайындаумен айналысатын жеке немесе заңды тұлғалар 3 (үш) жұмыс күні ішінде нотариустардың дайын мөрлерін көрсетілетін қызметті берушіге береді.

      Көрсетілетін қызметті беруші 1 (бір) жұмыс күні ішінде көрсетілетін қызметті алушыға осы Қағидалардың 3-қосымшасына сәйкес мөрді беру журналына қол қойғызып береді.

      Көрсетілетін қызметті беруші мемлекеттік көрсетілетін қызметтерді көрсету мониторингінің ақпараттық жүйесіне мемлекеттік көрсетілетін қызметті көрсету сатысы туралы деректерді енгізуді қамтамасыз етеді.

3-тарау. Мемлекеттік қызметті көрсету мәселелері бойынша көрсетілетін қызметті берушінің және (немесе) оның лауазымды тұлғалардың шешімдеріне, әрекетіне (әрекетсіздігіне) шағымдану тәртібі

      7. Шағым көрсетілетін қызметті берушінің басшысының атына www.adіlet.gov.kz. беріледі.

      Шағым пошта арқылы жазбаша нысанда, "электрондық үкімет" веб-порталы не көрсетілетін қызметті берушінің немесе Министрліктің кеңсесі арқылы қолма-қол қабылданады.

      Көрсетілетін қызметті берушінің немесе Министрліктің атына келіп түскен көрсетілетін қызметті алушының шағымы "Жеке және заңды тұлғалардың өтініштерін қарау тәртібі туралы" Қазақстан Республикасының Заңына сәйкес қаралуға жатады.

      Шағымды қарау нәтижелері туралы дәлелді жауап көрсетілетін қызметті алушыға пошта, "электрондық үкімет" веб-порталы арқылы жіберіледі не көрсетілетін қызметті берушінің кеңсесінде қолма-қол беріледі.

      Шағымды портал арқылы жіберген кезде көрсетілетін қызметті алушы "жеке кабинетінен" өтініш туралы ақпаратқа қол жеткізе алады, өтінішті өңдеу барысында көрсетілетін қызметті беруші оны жаңартып отырады (жеткізілгені, тіркелгені, орындалуы туралы белгілер, қарау немесе қараудан бас тарту туралы жауап).

      Көрсетілген мемлекеттік көрсетілетін қызмет нәтижелерімен келіспеген жағдайда, көрсетілетін қызметті алушы мемлекеттік көрсетілетін қызметтер сапасын бағалау мен бақылау жөніндегі уәкілетті органға немесе Қазақстан Республикасының заңнамасында белгіленген тәртіппен сотқа шағымдана алады.

Мөрді дайындау және беру туралы өтініш

      Нотариаттық қызметтің басталуына байланысты

      __________________________________________________________________________

      (тегі, аты,әкесінің аты (ол болған жағдайда)) жекеше нотариустың мемлекеттік

      лицензиясының нөмірі, берілген күні)

      _____________________ Нотариаттық палатаның мүшесі болып табылатын нотариусқа

      нотариаттық палатаның атауы

      мөрді дайындауға өткізуіңізді, сондай-ақ оны беруді сұраймын.

Мөрді беру журналы

      1. "Нотариаттық қызмет мәселелері бойынша мемлекеттік көрсетілетін қызметтердің стандарттарын бекіту туралы" Қазақстан Республикасы Әділет министрінің 2015 жылғы 24 сәуірдегі № 232 бұйрығы (Қазақстан Республикасының Әділет министрлігінде 2015 жылы 20 мамырда № 11095 тіркелді.);

      2. "Қазақстан Республикасы Әділет министрінің кейбір бұйрықтарына өзгерістер енгізу туралы" Қазақстан Республикасы Әділет министрінің 2018 жылғы 10 қаңтардағы № 54 бұйрығы (Қазақстан Республикасының Әділет министрлігінде 2018 жылғы 26 қаңтарда № 16285 болып тіркелді.);

      3. "Қазақстан Республикасы Әділет министрінің кейбір бұйрықтарына өзгерістер енгізу туралы" Қазақстан Республикасы Әділет министрінің 2016 жылғы 18 қарашадағы № 1056 бұйрығы (Қазақстан Республикасының Әділет министрлігінде 2016 жылғы 22 желтоқсанда № 14550 болып тіркелді).

      4. "Қазақстан Республикасы Әділет министрінің кейбір бұйрықтарына өзгерістер және толықтыру енгізу туралы" Қазақстан Республикасы Әділет министрінің міндетін атқарушының 2019 жылғы 8 қарашадағы № 540 бұйрығы (Қазақстан Республикасының Әділет министрлігінде 2019 жылғы 13 қарашада № 19588 болып тіркелді);

      5. "Нотариаттық қызмет мәселелері бойынша мемлекеттік көрсетілетін қызметтердің регламенттерін бекіту туралы" Қазақстан Республикасы Әділет министрінің міндетін атқарушының 2015 жылғы 26 мамырдағы № 297 бұйрығы (Қазақстан Республикасының Әділет министрлігінде 2015 жылы 13 шілдеде № 11647 тіркелді);

      6. "Қазақстан Республикасы Әділет министрінің кейбір бұйрықтарына өзгерістер мен толықтырулар енгізу туралы" Қазақстан Республикасы Әділет министрінің 2018 жылғы 20 наурыздағы № 442 бұйрығы (Қазақстан Республикасының Әділет министрлігінде 2018 жылғы 17 сәуірде № 16766 болып тіркелді);

      7. "Тағылымдамадан өткен нотариаттық қызметпен айналысу құқығына үміткер адамдарды аттестаттаудан өткізу қағидаларын бекіту туралы" Қазақстан Республикасы Әділет министрінің 2015 жылғы 27 қаңтардағы № 56 бұйрығы (Қазақстан Республикасының Әділет министрлігінде 2015 жылы 17 ақпанда № 10269 тіркелді);

      8. "Тағылымдамадан өткен және адвокаттық қызметпен айналысуға және нотариаттық қызметпен айналысу құқығына үміткер адамдарды аттестаттаудан өткізу қағидаларын бекіту туралы" Қазақстан Республикасы Әділет министрінің 2015 жылғы 27 қаңтардағы № 56 бұйрығына өзгерістер енгізу туралы" Қазақстан Республикасы Әділет министрінің 2016 жылғы 18 қарашадағы № 1055 бұйрығы (Қазақстан Республикасының Әділет министрлігінде 2016 жылғы 28 қарашада № 14466 болып тіркелді);

      9. "Тағылымдамадан өткен нотариаттық қызметпен айналысу құқығына үміткер адамдарды аттестаттаудан өткізу қағидаларын бекіту туралы" Қазақстан Республикасы Әділет министрінің 2015 жылғы 27 қаңтардағы № 56 бұйрығына өзгеріс енгізу туралы" Қазақстан Республикасы Әділет министрінің 2019 жылғы 25 ақпандағы № 84 бұйрығы (Қазақстан Республикасының Әділет министрлігінде 2019 жылғы 28 ақпанда № 18352 болып тіркелді).