Қазақстан Республикасында қолма-қол шетел валютасымен айырбастау операцияларын жүзеге асыру қағидаларын бекіту туралы

      ЗҚАИ-ның ескертпесі!
      Қаулыға өзгеріс енгізу көзделген – ҚР Ұлттық Банкі Басқармасының 18.05.2020 № 69 (қолданысқа енгізілу тәртібін 5 т. қараңыз) қаулысымен.
      ЗҚАИ-ның ескертпесі!
      "Қазақстан Республикасында төтенше жағдайды енгізу туралы" ҚР Президентінің 15.03.2020 № 285 Жарлығымен енгізілген төтенше жағдай қолданылу кезеңінде есептіліктің жекелеген түрлерін ұсыну мерзімдері ұзартылды – ҚР Ұлттық Банкі Басқармасының 31.03.2020 № 42 (алғашқы ресми жарияланған күнінен бастап қолданысқа енгізіледі) қаулысымен.
      РҚАО-ның ескертпесі!
      Осы қаулы 01.07.2019 бастап қолданысқа енгізіледі
      Ескерту. Қаулының тақырыбы жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      "Қазақстан Республикасының Ұлттық Банкі туралы" 1995 жылғы 30 наурыздағы, "Мемлекеттік статистика туралы" 2010 жылғы 19 наурыздағы, "Рұқсаттар және хабарламалар туралы" 2014 жылғы 16 мамырдағы және "Валюталық реттеу және валюталық бақылау туралы" 2018 жылғы 2 шілдедегі Қазақстан Республикасының заңдарына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

      1. Қоса беріліп отырған Қазақстан Республикасында қолма-қол шетел валютасымен айырбастау операцияларын жүзеге асыру қағидалары бекітілсін.

      2. Осы қаулыға қосымшаға сәйкес тізбе бойынша Қазақстан Республикасының Ұлттық Банкі Басқармасының кейбір қаулыларының күші жойылды деп танылсын.

      3. Төлем балансы және валюталық реттеу департаменті (Қуандықов Ә.Ә.) Қазақстан Республикасының заңнамасында белгіленген тәртіппен:

      1) Заң департаментімен (Сәрсенова Н.В.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;

      2) осы қаулы мемлекеттік тіркелген күннен бастап күнтізбелік он күн ішінде оны қазақ және орыс тілдерінде "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына ресми жариялау және Қазақстан Республикасы нормативтік құқықтық актілерінің эталондық бақылау банкінде енгізу үшін жіберуді;

      3) осы қаулыны ресми жарияланғаннан кейін оны Қазақстан Республикасы Ұлттық Банкінің ресми интернет-ресурсына орналастыруды;

      4) осы қаулы мемлекеттік тіркелгеннен кейін он жұмыс күні ішінде Заң департаментіне осы қаулының осы тармағының 2) және 3) тармақшаларында және 4-тармағында көзделген іс-шаралардың орындалуы туралы мәліметтерді ұсынуды қамтамасыз етсін.

      4. Қаржылық қызметтерді тұтынушылардың құқықтарын қорғау және сыртқы коммуникациялар басқармасы (Терентьев А.Л.) осы қаулы мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялауға жіберуді қамтамасыз етсін.

      5. Осы қаулының орындалуын бақылау Қазақстан Республикасының Ұлттық Банкі Төрағасының орынбасары О.А. Смоляковқа жүктелсін.

      6. Осы қаулы ресми жариялануға тиіс және 2019 жылғы 1 шілдеден бастап қолданысқа енгізіледі.

      "КЕЛІСІЛДІ"

      Қазақстан Республикасының

      Қаржы министрлігі

      2019 жылғы 28 наурыз

      "КЕЛІСІЛДІ"

      Қазақстан Республикасының

      Ұлттық экономика министрлігінің

      Статистика комитеті

      2019 жылғы 28 наурыз

      "КЕЛІСІЛДІ"

      Қазақстан Республикасының

      Цифрлық даму, қорғаныс және аэроғарыш

      өнеркәсібі министрлігі

      2019 жылғы 29 наурыз

Қазақстан Республикасында қолма-қол шетел валютасымен айырбастау операцияларын жүзеге асыру қағидалары

      Ескерту. Қағиданың тақырыбы жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

1-тарау. Жалпы ережелер

      1. Осы Қазақстан Республикасында қолма-қол шетел валютасымен айырбастау операцияларын жүзеге асыру қағидалары (бұдан әрі – Қағидалар) "Қазақстан Республикасының Ұлттық Банкі туралы" 1995 жылғы 30 наурыздағы, "Қазақстан Республикасындағы банктер және банк қызметі туралы" 1995 жылғы 31 тамыздағы (бұдан әрі – Банктер туралы заң), "Мемлекеттік статистика туралы" 2010 жылғы 19 наурыздағы, "Рұқсаттар және хабарламалар туралы" 2014 жылғы 16 мамырдағы (бұдан әрі – Рұқсаттар туралы заң), "Валюталық реттеу және валюталық бақылау туралы" 2018 жылғы 2 шілдедегі (бұдан әрі – Валюталық реттеу туралы заң) Қазақстан Республикасының заңдарына сәйкес әзірленді және қойылатын біліктілік талаптарын қоса алғанда, уәкілетті ұйымдарды лицензиялау, уәкілетті банктің айырбастау пункттері қызметінің басталуы немесе тоқтатылуы туралы хабарлау тәртібін, қолма-қол шетел валютасымен айырбастау операцияларын жүзеге асыру жөніндегі қызметке қойылатын талаптарды, айырбастау пункттерінің жұмыс істеу талаптарын және Қазақстан Республикасының Ұлттық Банкі (бұдан әрі – Ұлттық Банк) шығарған тазартылған құйма алтынды сатып алу және (немесе) сату бойынша операциялар жүргізу тәртібін, сондай-ақ уәкілетті банктердің және уәкілетті ұйымдардың есептерді ұсыну нысандары мен мерзімдерін айқындайды.

      2. Қағидаларда "Теміржол көлігі туралы" 2001 жылғы 8 желтоқсандағы, "Электрондық құжат және электрондық цифрлық қолтаңба туралы" 2003 жылғы 7 қаңтардағы, "Сауда қызметін реттеу туралы" 2004 жылғы 12 сәуірдегі, "Ойын бизнесі туралы" 2007 жылғы 12 қаңтардағы, "Қазақстан Республикасының әуе кеңістігін пайдалану және авиация қызметі туралы" 2010 жылғы 15 шілдедегі, "Қазақстан Республикасының Мемлекеттік шекарасы туралы" 2013 жылғы 16 қаңтардағы, "Мемлекеттік көрсетілетін қызметтер туралы" 2013 жылғы 15 сәуірдегі (бұдан әрі – Мемлекеттік көрсетілетін қызметтер туралы заң) Қазақстан Республикасының заңдарында, Валюталық реттеу туралы заңда көрсетілген мағыналарда қолданылатын ұғымдар пайдаланылады.

      Қағидаларда сондай-ақ мынадай ұғымдар пайдаланылады:

      1) автоматтандырылған айырбастау пункті – қолма-қол шетел валютасымен айырбастау операцияларын жүзеге асыруға құқығы бар заңды тұлғаға тиесілі және оның қызметкерінің қатысуынсыз оған қолма-қол ақшаны осы құрылғыға енгізу және одан басқа валютада қолма-қол балама соманы алу арқылы айырбастау операцияларын жүзеге асыруға мүмкіндік беретін электрондық-механикалық құрылғы;

      2) айырбастау операциялары – айырбастау пункттері және автоматтандырылған айырбастау пункттері арқылы жүзеге асырылатын қолма-қол шетел валютасын сатып алу, сату және айырбастау бойынша операциялар;

      3) айырбастау пунктінің операциялық кассасы – айырбастау пункті үй-жайының қолма-қол шетел валютасымен операциялар жүргізу кезінде, сондай-ақ "Алтынның өлшеуіш құймалары. Техникалық талаптар" ҚР СТ 2049-2010 Қазақстан Республикасының ұлттық стандартына сәйкес келетін, Қазақстан Республикасының Ұлттық Банкі 2017 жылдан ерте емес шығарған тазартылған құйма алтынды (бұдан әрі - тазартылған құйма алтын) сатып алу және (немесе) сату кезінде клиенттерге қызмет көрсететін кассирге арналған арнайы жабдықталған бөлігі;

      4) аппараттық-бағдарламалық кешен – айырбастау операцияларының, тазартылған құйма алтынды сатып алу және (немесе) сату есебін жүргізуді қамтамасыз ететін бақылау-касса машинаның функциясын іске асыратын автоматтандырылған ақпараттық жүйе;

      5) қолданыстағы лицензия – қолма-қол шетел валютасымен айырбастау операцияларына арналған берілген немесе қайта ресімделген, қолданылуы тоқтатыла тұрмаған немесе тоқтатылмаған лицензия;

      6) қолма-қол шетел валютасы – шетелдік мемлекеттер заңды төлем құралы ретінде қабылдаған айналыстағы банкноттар, монеталар және қазынашылық билеттер;

      7) қолма-қол шетел валютасымен айырбастау операцияларын жүзеге асыруға құқығы бар заңды тұлға – өзіне Ұлттық Банк, қаржы нарығы мен қаржы ұйымдарын мемлекеттік реттеу, бақылау және қадағалау жөніндегі уәкілетті орган берген лицензияға немесе Қазақстан Республикасының заңдарына сәйкес қолма-қол шетел валютасымен айырбастау операцияларын жүзеге асыруға құқығы бар уәкілетті ұйым немесе уәкілетті банк;

      8) лицензияға қолданыстағы қосымша – қолма-қол шетел валютасымен айырбастау операцияларына арналған берілген немесе қайта ресімделген, қолданылуы тоқтатыла тұрмаған немесе тоқтатылмаған лицензияға қосымша;

      9) лицензияға қосымша – қолма-қол шетел валютасымен айырбастау операцияларына арналған лицензияның уәкілетті ұйымның айырбастау пунктінің нақты орналасқан орны туралы мәліметтер қамтылған ажырамас бөлігі;

      10) электрондық лицензия және лицензияға электрондық қосымша – қолма-қол шетел валютасымен айырбастау операцияларына арналған лицензия және ақпараттық технологиялар пайдаланыла отырып ресімделетін және берілетін, маңызы қағаз тасымалдағыштағы лицензиямен және лицензияға қосымшамен бірдей электрондық құжат нысанындағы лицензия және лицензияға қосымша.

      3. Уәкілетті банк (оның филиалы) немесе уәкілетті ұйым (оның филиалы) Қағидаларда көзделген есептерді Ұлттық Банкке электрондық цифрлық қолтаңбаны растау рәсімдерін сақтай отырып ақпараттық жүйелерді пайдалану арқылы ұсынады.

      Есепті электрондық түрде ұсыну мүмкіндігі болмаған жағдайда есептер әрбір аймақ бойынша жеке қалыптастырылып уәкілетті банктің (оның филиалының), уәкілетті ұйымның (оның филиалының) орналасқан жері бойынша Ұлттық Банктің аумақтық филиалына қағаз түрінде ұсынылады.

      Есепті түрлі тәсілдермен ұсынған кезде ұсыну күні болып есепті бұрын ұсынған күн есептеледі.

      Егер Қағидаларда белгіленген есепті ұсыну мерзімі жұмыс істемейтін күні аяқталатын болса, онда есепті ұсыну мерзімінің соңғы күні болып одан кейінгі жұмыс күні есептеледі.

      4. Шетел валютасымен айырбастау операцияларын жүзеге асыруға құқығы бар заңды тұлға айырбастау операцияларын жүргізгенге, тазартылған құйма алтынды сатып алғанға және (немесе) сатқанға дейін "Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы" 2009 жылғы 28 тамыздағы Қазақстан Республикасы Заңының (бұдан әрі – КЖТҚҚ туралы заң) 5-бабына сәйкес клиенттерді тиісінше тексеру жөніндегі шараларды қабылдайды.

2-тарау. Уәкілетті ұйымдарға қойылатын біліктілік талаптары

      5. Уәкілетті ұйым жауапкершілігі шектеулі серіктестік ұйымдық-құқықтық нысанында құрылады.

      6. Уәкілетті ұйымның құрылтайшылары (қатысушылары) Қазақстан Республикасының резидент және бейрезидент жеке және заңды тұлғалары болып табылады.

      Мына:

      1) қолма-қол шетел валютасымен айырбастау операцияларына арналған лицензиясынан айыру туралы шешім қабылданған уәкілетті ұйымның құрылтайшысы (құрылтайшыларының, қатысушыларының бірі) болып табылатын тұлға Ұлттық Банктің аумақтық филиалының тиісті шешімінің күнінен бастап 3 (үш) жыл өткенге дейін;

      2) өзіне қатысты қаржы ұйымының, банк және (немесе) сақтандыру холдингінің басшы қызметкерінің лауазымын атқару және қаржы ұйымының ірі қатысушысы (ірі акционері) болу құқығынан айыру түрінде қылмыстық жаза қолдану туралы соттың заңды күшіне енген шешімі бар тұлға уәкілетті ұйымның құрылтайшысы (құрылтайшыларының, қатысушыларының бірі) болып табылмайды.

      7. Уәкілетті ұйымның жарғылық капиталы заңды тұлға қолма-қол шетел валютасымен айырбастау операцияларына арналған лицензия және (немесе) лицензияға қосымшаны алуға өтініш білдіргенге дейін толық көлемде ақшалай нысанда қалыптастырылады.

      8. Уәкілетті ұйымның жарғылық капиталының ең аз мөлшері:

      1) Нұр-Сұлтан, республикалық маңызы бар қалаларда, облыстардың әкімшілік орталықтарында, облыстық маңызы бар қалаларда орналасқан әрбір айырбастау пункті (автоматтандырылған айырбастау пункті) үшін 100 000 000 (бір жүз миллион) Қазақстан теңгесін (бұдан әрі – теңге);

      2) өзге жерде орналасқан әрбір айырбастау пункті (автоматтандырылған айырбастау пункті) үшін 50 000 000 (елу миллион) теңгені құрайды.

      9. Уәкілетті ұйым қосымша айырбастау пунктін (автоматтандырылған айырбастау пунктін) ашқан кезде оның ақшалай нысанда қалыптастырылатын жарғылық капиталы Қағидалардың 8-тармағының талаптарына сәйкес ұлғайтылуға тиіс.

      10. Қаланы республикалық, облыстық маңызы бар қала санатына жатқызған немесе қаланы облыстың әкімшілік орталығы деп таныған жағдайда, осы қалада айырбастау пункті бар уәкілетті ұйым жарғылық капиталдың мөлшерін қаланы республикалық, облыстық маңызы бар қала санатына жатқызған немесе қаланы облыстың әкімшілік орталығы деп таныған күннен бастап алты ай ішінде Қағидалардың 8-тармағының 1) тармақшасында белгіленген талаптарға сәйкес келтіреді.

      11. Айырбастау пунктінің (автоматтандырылған айырбастау пунктін қоспағанда) үй-жайына, жабдығына, қызметкерлеріне қойылатын талаптар:

      1) айырбастау пунктінің үй-жайларын күзетуді және жайластыруды ұйымдастыру "Қазақстан Республикасының Ұлттық Банкі туралы" 1995 жылғы 30 наурыздағы Заңның 15-бабының екінші бөлігінің 11) тармақшасына сәйкес Ұлттық Банкі бекіткен екінші деңгейдегі банктердің, Ұлттық пошта операторының, банкноттарды, монеталарды және құндылықтарды инкассациялау айрықша қызметі болып табылатын заңды тұлғалардың және қызметін Қазақстан Республикасы Ұлттық Банкінің қолма-қол шетел валютасымен айырбастау операцияларына арналған лицензиясы негізінде тек қана айырбастау пункттері арқылы жүзеге асыратын заңды тұлғалардың үй-жайларын күзетуді және жайластыруды ұйымдастыру қағидаларында белгіленген талаптарына сәйкес жүзеге асырылады;

      2) айырбастау пунктінің операциялық кассасы күнтізбелік 30 (отыз) күн бойы ақпараттың жазылуын және сақталуын қамтамасыз ететін бейнебақылау жүйесімен жабдықталады, бұл ретте бейнебақылаудың көру аймағында кассирдің жұмыс аймағы және клиент болуға тиіс, ал тиісті қондырғылар бейнебақылау үшін бөгеттің болмауын қамтамасыз ететін жерлерде орнатылады;

      3) кассирдің жұмыс орны Қағидалардың талаптарына сәйкес айырбастау операцияларының есебін жүргізу үшін аппараттық-бағдарламалық кешенмен не бақылау-касса аппаратымен және бағдарламалық қамтамасыз етумен, сондай-ақ банкнотты ультракүлгін жарықпен тексеруді (қағаздың люминесценциясын бақылау және өзге) және банкнотты магниттік белгілердің болуына тексеруді қамтамасыз ететін ақша белгілерінің түпнұсқалығын айқындауға арналған техникалық құралдармен жабдықталады;

      4) қолма-қол шетел валютасымен жұмыс бойынша дайындықтан өткен не қолма-қол шетел валютасымен кемінде алты ай жұмыс тәжірибесі бар кассир болуға тиіс.

3-тарау. Уәкілетті ұйымдарды лицензиялау тәртібі

      Ескерту. 3-тараудың тақырыбы жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      12. Уәкілетті ұйым лицензияны және лицензияға қосымшаны алу үшін "электрондық үкімет" веб-порталы арқылы мынадай құжаттарды жібереді:

      1) Қағидаларға 1-қосымшаға сәйкес нысан бойынша қолма-қол шетел валютасымен айырбастау операцияларына арналған лицензияны және лицензияға қосымшаны алуға арналған электрондық өтініш, өтініш берушінің Қағидалардың 13-тармағында көзделген біліктілік талаптарына сәйкестігін растайтын құжаттардың электрондық көшірмелері;

      2) жарғының электрондық көшірмесі;

      3) "электрондық үкімет" төлемдік шлюзі арқылы төленген жағдайларды қоспағанда, жекелеген қызмет түрлерімен айналысу құқығы үшін лицензиялық алымның төленгенін растайтын құжаттың электрондық көшірмесі;

      4) екінші деңгейдегі банктің шетел валютасындағы банк шотының болуы туралы анықтамасының электрондық көшірмесі.

      13. Біліктілік талаптарына сәйкестігін растау ретінде уәкілетті ұйым "электрондық үкіметтің" веб-порталы арқылы мынадай құжаттарды:

      1) Қағидаларға 1-қосымшаға сәйкес нысан бойынша қолма-қол шетел валютасымен айырбастау операцияларына арналған лицензияны және лицензияға қосымшаны алуға арналған электрондық өтініш (Қағидалардың 12-тармағында көзделген жағдайда), Қағидаларға 2-қосымшаға сәйкес нысан бойынша қосымша ашылатын айырбастау пункті үшін қолма-қол шетел валютасымен айырбастау операцияларына арналған қолданыстағы лицензияға қосымшаны алуға өтініш (Қағидалардың 17-тармағында көзделген жағдайда);

      2) екінші деңгейдегі банктің Қағидалардың 8-тармағының талаптарына сәйкес уәкілетті ұйымның банк шотына жарғылық капиталына жарна ретіндегі ақшаның есепке жазылуын растайтын, лицензияны және (немесе) лицензияға қосымшаны алуға өтініш берген күнге дейін күнтізбелік 30 (отыз) күннен ерте емес берілген құжатының электрондық көшірмесін (оның ішінде клиенттің банк шоттары бойынша ақша қозғалысы туралы үзінді-көшірме) не уәкілетті ұйымның жарғылық капиталы мөлшерінің қосымша айырбастау пунктін ескере отырып белгіленген талаптарға сәйкес келуін растайтын, Қағидаларға 2-қосымшаға сәйкес нысан бойынша қосымша ашылатын айырбастау пункті үшін қолма-қол шетел валютасымен айырбастау операцияларына арналған қолданыстағы лицензияға қосымша алуға өтініш берген айдың біріндегі жағдай бойынша қаржылық есептіліктің электрондық көшірмесін (Қағидалардың 17-тармағында көзделген жағдайда);

      3) кассирдің қолма-қол шетел валютасымен жұмыс бойынша дайындықтан өткенін растайтын екінші деңгейдегі банк анықтамасының электрондық көшірмесін не Қазақстан Республикасының еңбек заңнамасында көзделген және қызметкердің қолма-қол шетел валютасымен жұмыс бойынша кассир ретінде кемінде 6 (алты) ай еңбек қызметін растайтын құжаттың электрондық көшірмесін (автоматтандырылған айырбастау пунктін қоспағанда);

      4) уәкілетті ұйымның жарғылық капиталына салымның шығу көзін ашатын құжаттың (қарыз шарты, мүлікті сатып алу-сату шарты, кірістер туралы анықтама) электрондық көшірмесін жібереді. Уәкілетті ұйымның жарғылық капиталына салымның шығу көзін ашатын басқа құжаттардың электрондық көшірмелерін беруге рұқсат етіледі.

      Автоматтандырылған айырбастау пунктін ашқан кезде біліктілік талаптарына сәйкес келуді растау ретінде уәкілетті ұйым "электрондық үкіметтің" веб-порталы арқылы осы тармақтың 1) тармақшасында көрсетілген электрондық құжатты, осы тармақтың 2) және 4) тармақшаларында көрсетілген құжаттардың электрондық көшірмелерін, сондай-ақ автоматтандырылған айырбастау пунктінің техникалық сипаттамаларын және оның Қағидаларда белгіленген талаптарға сәйкес келуін растайтын құжаттың электрондық көшірмесін жібереді.

      14. Қолма-қол шетел валютасымен айырбастау операцияларына арналған лицензияны және қолма-қол шетел валютасымен айырбастау операцияларына арналған лицензияға қосымшаны Ұлттық Банктің аумақтық филиалы "электрондық үкіметтің" веб-порталы арқылы қазақ және орыс тілдерінде құжаттардың толық топтамасы ұсынылған күннен бастап 20 (жиырма) жұмыс күні ішінде тиісінше Қағидаларға 3 және 4-қосымшаларда белгіленген нысандар бойынша береді. Лицензияны және (немесе) лицензияға қосымшаны беруден бас тартуды Ұлттық Банктің аумақтық филиалы "электрондық үкіметтің" веб-порталы арқылы Валюталық реттеу туралы заңның 12-бабының 6-тармағында көзделген жағдайларда жүргізеді.

      15. Қолданыстағы лицензияға қолданыстағы қосымшаның болуы уәкілетті ұйымның айырбастау пунктінің (автоматтандырылған айырбастау пунктінің) жұмыс істеуі үшін негіз болып табылады. Уәкілетті ұйым қосымша айырбастау пунктін ашу үшін қолданыстағы лицензияға қосымшаны алады, ол қазақ және орыс тілдерінде Қағидалардың 13-тармағында көзделген құжаттардың толық топтамасы ұсынылған күннен бастап 10 (он) жұмыс күні ішінде Қағидаларға 4-қосымшада белгіленген нысан бойынша беріледі.

      16. Уәкілетті ұйым қолданыстағы лицензия және уәкілетті ұйымның тиісті аймақта (облыста, республикалық мәні бар қалада, астанада) филиалы болған кезде уәкілетті ұйым мемлекеттік тіркелген жердегі өңірден (облыстан, республикалық мәні бар қаладан, астанадан) тыс айырбастау пункттерін ашады.

      Айырбастау пункті уәкілетті ұйымның мемлекеттік тіркелген орны өңірінен (облыстан, республикалық мәні бар қаладан, астанадан) тыс ашылған жағдайда, қолданыстағы лицензияның қосымшасын алу үшін уәкілетті ұйымның тиісті филиалы ашылатын айырбастау пунктінің орналасқан жері бойынша Ұлттық Банктің аумақтық филиалына өтініш жасайды.

      17. Қосымша ашылатын айырбастау пункті (автоматтандырылған айырбастау пункті) үшін қолданыстағы лицензияға қосымшаны алу үшін уәкілетті ұйым (оның филиалы) "электрондық үкіметтің" веб-порталы арқылы өтініш берушінің Қағидалардың 13-тармағында көзделген біліктілік талаптарына сәйкес келуін растайтын құжаттарды жібереді.

      18. Уәкілетті ұйымның айырбастау пунктіне арналған үй-жайды, жабдықты, оларға қойылатын біліктілік талаптарына сәйкес келуін қарап тексеруді Ұлттық Банктің аумақтық филиалы қолма-қол шетел валютасымен айырбастау операцияларына арналған лицензияны және (немесе) лицензияға қосымшаны беру үшін көзделген мерзім ішінде жүргізеді.

      19. Уәкілетті ұйым мынадай жағдайларда Ұлттық Банктің аумақтық филиалына қолданыстағы лицензияны қайта ресімдеу үшін өтініш жасайды:

      1) уәкілетті ұйым қосылу, бірігу нысанында қайта ұйымдастырылған кезде;

      2) уәкілетті ұйымның атауы және (немесе) мемлекеттік тіркеу орны өзгерсе.

      Уәкілетті ұйым (оның филиалы) мынадай жағдайларда қолданыстағы лицензияның қолданыстағы қосымшасын қайта ресімдеу үшін Ұлттық Банктің аумақтық филиалына өтініш жасайды:

      1) қолма-қол шетел валютасымен айырбастау операцияларына арналған қолданыстағы лицензияны қайта ресімдеген кезде;

      2) айырбастау пунктінің нақты орын ауыстырмай орналасқан жерінің мекенжайы өзгерген кезде.

      Қолданыстағы лицензияны және (немесе) лицензияға қолданыстағы қосымшаны қайта ресімдеуді Ұлттық Банктің аумақтық филиалы "электрондық үкіметтің" веб-порталы арқылы барлық құжат ұсынылған күннен бастап 10 (он) жұмыс күні ішінде және Рұқсаттар туралы заңның 33 және 34-баптарында белгіленген тәртіппен жүзеге асырады. Бұл ретте қолма-қол шетел валютасымен айырбастау операцияларына арналған лицензияны және (немесе) қолма-қол шетел валютасымен айырбастау операцияларына арналған лицензияға қосымшаны қайта ресімдеуге өтініш қолданыстағы лицензияны және (немесе) лицензияға қолданыстағы қосымшаны қайта ресімдеу үшін негіз болған өзгерістер туындаған сәттен бастап күнтізбелік 30 (отыз) күн ішінде Қағидаларға 5-қосымшада белгіленген нысан бойынша ұсынылады.

      Қолданыстағы лицензияны және (немесе) қолданыстағы лицензияға қосымшаны қайта ресімдеуден бас тарту Валюталық реттеу туралы заңның 12-бабының 6-тармағында көзделген жағдайларда жүргізіледі.

      20. Қолданыстағы лицензияның телнұсқасын (лицензияға қолданыстағы қосымшасының телнұсқасын) беру және қағаз тасымалдағышта берілген қолданыстағы лицензияны (лицензияға қолданыстағы қосымшаны) электрондық форматқа аудару Рұқсаттар туралы заңның 43-бабында белгіленген тәртіппен жүзеге асырылады.

      21. Электрондық лицензияны және (немесе) лицензияға қосымшаны беру, қайта ресімдеу бойынша мемлекеттік көрсетілетін қызметтер Қағидаларда белгіленген тәртіппен "электрондық үкіметтің" веб-порталы арқылы көрсетіледі. Аталған мемлекеттік қызметтер Мемлекеттік көрсетілетін қызметтер туралы заңның 5-бабы 2-тармағы 1) тармақшасының талаптарын сақтай отырып көрсетіледі.

      Электрондық лицензияны және (немесе) лицензияға қосымшаны алу үшін талап етілетін құжаттар уәкілетті ұйымның электрондық цифрлық қолтаңбасымен расталып, "электрондық үкімет" веб-порталы арқылы ұсынылады.

      22. Уәкілетті ұйым оның филиалын әділет органдарында есептік тіркеген (қайта тіркеген) күннен бастап 10 (он) жұмыс күні ішінде бұл туралы уәкілетті ұйымның филиалын есептік тіркеу (қайта тіркеу) туралы анықтаманың көшірмесін қоса отырып, уәкілетті ұйымның мемлекеттік тіркелген орны бойынша Ұлттық Банктің аумақтық филиалына жазбаша хабарлайды.

      23. Уәкілетті ұйым Ұлттық Банктің аумақтық филиалына ақшалай нысанда қалыптастырылған жарғылық капиталдың мөлшерінің және (немесе) құрылтайшылары (қатысушылары) құрамының өзгеруі туралы жарғының жаңа редакциясының немесе жарғыға енгізілген өзгерістер және (немесе) толықтырулардың көшірмелерін (салыстыру үшін түпнұсқаларын ұсынбаған жағдайда, нотариат куәландырған), сондай-ақ уәкілетті ұйымның әділет органдарына хабарлауын растайтын құжатты ұсына отырып әділет органдарының тіркеген және (немесе) хабарлаған күнінен бастап 10 (он) жұмыс күнінен кешіктірмейтін мерзімде жазбаша хабарлайды.

      Жарғылық капиталдың мөлшері ұлғайған жағдайда Қағидалардың 13-тармағының 2) және 4) тармақшаларында көрсетілген құжаттар ұсынылады.

      Егер құрылтайшылардың (қатысушылардың) құрамы және (немесе) ақшалай нысанда қалыптастырылған жарғылық капиталдың мөлшері өзгерген жағдайда, уәкілетті ұйымның құрылтайшылары (қатысушылары) туралы мәліметтер Қағидаларға 6-қосымшаға сәйкес нысан бойынша ұсынылады.

      24. Уәкілетті ұйым (оның филиалы) айырбастау пунктінде айырбастау пунктінің операциялық кассалары санының ұлғаюы туралы шешім қабылданған күннен бастап 10 (он) жұмыс күні ішінде тиісті шешімнің көшірмесін қоса бере отырып, бұл туралы Ұлттық Банктің аумақтық филиалына жазбаша хабарлайды.

      25. Қолданыстағы лицензияның және (немесе) лицензияға қолданыстағы қосымшаның қолданылуы Рұқсаттар туралы заңның 35-бабында белгіленген жағдайларда тоқтатылады.

      26. Ерікті таратылған не қолма-қол шетел валютасымен айырбастау операцияларын жүзеге асыру жөніндегі қызметтен бас тартқан жағдайда, уәкілетті ұйым шешім қабылданған күннен бастап 10 (он) жұмыс күні ішінде қабылданған шешім туралы тиісті шешімнің көшірмесін қоса бере отырып, Ұлттық Банктің аумақтық филиалына жазбаша не "электрондық үкіметтің" веб-порталы арқылы хабарлайды және қазақ және орыс тілдеріндегі қолданыстағы лицензияны және лицензияға қолданыстағы қосымшаларды қайтарады (қағаз нысанында берілген қолданыстағы лицензия және лицензияға қолданыстағы қосымшалар үшін).

      Уәкілетті ұйым өз филиалының қызметін ерікті тоқтатқан жағдайда тиісті шешім қабылданған күннен бастап 10 (он) жұмыс күні ішінде тиісті шешімнің көшірмесін қоса бере отырып, қызметі тоқтатылатын филиалды есептік тіркеу орны бойынша бұл туралы Ұлттық Банктің аумақтық филиалына жазбаша не "электрондық үкіметтің" веб-порталы арқылы хабарлайды және уәкілетті ұйымның қызметін тоқтататын филиалының айырбастау пункттеріне берілген лицензияға қосымшалардың қазақ және орыс тілдеріндегі түпнұсқаларын қайтарады (қағаз нысанында берілген лицензияға қосымшалар үшін).

      Айырбастау пунктін жапқан жағдайда, уәкілетті ұйым (оның филиалы) айырбастау пункті жабылған күннен бастап 10 (он) жұмыс күні ішінде Ұлттық Банктің аумақтық филиалына қабылданған шешім туралы жазбаша не "электрондық үкіметтің" веб-порталы арқылы хабарлайды және лицензияға қосымшаның қазақ және орыс тілдеріндегі түпнұсқасын қайтарады (қағаз нысанында берілген қосымша үшін).

      27. Қолданыстағы лицензияның және (немесе) лицензияға қолданыстағы қосымшаның қолданылуы тоқтатыла тұрған не уәкілетті ұйым одан айырылған жағдайда, қолма-қол шетел валютасымен айырбастау операцияларына арналған лицензиядан және (немесе) қолма-қол шетел валютасымен айырбастау операцияларын жүзеге асыруға лицензияға қосымшадан айыру (қолданылуын тоқтата тұру) шешімі Қағидалардың сәйкес нысан бойынша ресімделеді және оны Ұлттық Банктің аумақтық филиалының басшысы бекітеді.

      Ұлттық Банктің аумақтық филиалының тиісті шешімінің көшірмесі уәкілетті ұйымға шешім қабылданған күні жіберіледі.

      Уәкілетті ұйым Ұлттық Банктің аумақтық филиалының тиісті шешімінің көшірмесін алған сәттен бастап және Ұлттық Банктің аумақтық филиалының шешімінде көрсетілген мерзім аяқталғанға дейін:

      1) қолданыстағы лицензияның қолданылуы тоқтатыла тұрған жағдайда – оған тиесілі барлық айырбастау пункттерінің қызметін;

      2) лицензияға қолданыстағы қосымшасының қолданылуы тоқтатыла тұрған жағдайда – айырбастау пунктінің қызметін тоқтата тұрады.

4-тарау. Уәкілетті банктің айырбастау пункттері қызметінің басталғаны немесе тоқтатылғаны туралы хабардар ету тәртібі

      28. Уәкілетті банк (оның филиалы) айырбастау пункттерін (автоматтандырылған айырбастау пункттерін) уәкілетті банктің (оның филиалының) орналасқан жері өңірінің (облыстың, республикалық мәні бар қаланың немесе астананың) шегінде ғана ашады.

      29. Айырбастау пунктін (автоматтандырылған айырбастау пунктін) ашқан немесе жапқан кезде, уәкілетті банк (оның филиалы) Ұлттық Банктің аумақтық филиалына Қағидаларға 8-қосымшаға сәйкес нысан бойынша уәкілетті банктің айырбастау пункті қызметінің басталғаны немесе тоқтатылғаны туралы хабарлама жібереді.

      Ұлттық Банктің аумақтық филиалы хабарлаған күннен бастап 3 (үш) жұмыс күні ішінде уәкілетті банкке хабарламаны алғаны туралы Қағидаларға 9-қосымшаға сәйкес нысан бойынша жазбаша растама жіберу арқылы растайды.

      30. Айырбастау пункті қызметінің басталғаны туралы хабарлауды уәкілетті банк айырбастау пункті операцияларды жүргізе бастаған күннен кешіктірмей жүзеге асырады және уәкілетті банктің ашылатын айырбастау пунктінің Қағидалардың талаптарына сәйкес келетіні туралы растауы болып табылады.

      Айырбастау пункті қызметінің тоқтатылғаны туралы хабарлама айырбастау пункті соңғы операцияны жүргізгеннен кейінгі келесі жұмыс күні жіберіледі.

      31. Айырбастау пункті қызметінің басталуы туралы бұрын ұсынылған хабарламада хабарламаны толтыру үшін міндетті мәліметтер немесе деректер өзгерген, оның ішінде хабарламада қателер анықталған жағдайда, уәкілетті банк (оның филиалы) өзгерістер болған күннен бастап 10 (он) жұмыс күні ішінде Ұлттық Банктің аумақтық филиалына Қағидалардың 8-қосымшасына сәйкес нысан бойынша уәкілетті банктің айырбастау пункті қызметінің басталғаны немесе тоқтағаны туралы хабарлама жібереді.

      32. Айырбастау пункті қызметінің басталуы немесе тоқтатылуы туралы, сондай-ақ айырбастау пункті қызметінің басталуы туралы хабарламада көрсетілген мәліметтердің өзгеруі туралы хабарлама "электрондық үкіметтің" веб-порталы арқылы электрондық тәсілмен ұсынылады.

5-тарау. Қолма-қол шетел валютасымен айырбастау операцияларын жүзеге асыру жөніндегі қызметке қойылатын талаптар

      Ескерту. 5-тараудың тақырыбы жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      33. Қолма-қол шетел валютасымен айырбастау операцияларын жүзеге асыруға құқығы бар заңды тұлға айырбастау пунктінің қызметін жүзеге асыру процесінде айырбастау пунктінің (автоматтандырылған айырбастау пунктін қоспағанда) үй-жайына, жабдығына, қызметкерлеріне қойылған, Қағидалардың 11-тармағында белгіленген талаптардың орындалуын қамтамасыз етеді.

      33-1. Қолма-қол шетел валютасымен айырбастау операциялар қызметін жүзеге асыру үшін уәкілетті ұйым өзінің банк шоттарында және (немесе) айырбастау пунктінің кассасында теңгеде немесе шетел валютасында, сонымен бірге тазартылған құйма алтындағы (бар болса) жарғылық капиталының ең аз мөлшерінің сомасының 100 (бір жүз) пайыздан кем емес ақшаның күнделікті болуын қамтамасыз етеді.

      Уәкілетті ұйымның банк шоттарындағы және (немесе) айырбастау пунктінің кассасындағы шетел валютасындағы ақша сомасының баламасын есептеу валюталарды айырбастаудың нарықтық бағамын пайдалана отырып жүзеге асырылады.

      33-2. Айырбастау пункттердің (автоматтандырылған айырбастау пункттердің) жұмыс режимі теміржол вокзалдарының, казино ғимараттарының ішінде, халықаралық әуежай аэровокзалдар ғимараттарының ішінде және Мемлекеттік шекара арқылы автомобильді өткізу пунктінің аумағында орналасқан айырбастау пункттерді (автоматтандырылған айырбастау пункттерді) қоспағанда қолма-қол шетел валютасымен айырбастау операцияларын жүзеге асыруға құқығы бар заңды тұлғамен 9 сағат 00 минуттан бастап 20 сағат 00 минутқа дейін уақыт ішінде дербес анықталады.

      1 (бірінші) санатқа кіретін стационарлық сауда орындарында орналасқан айырбастау пункттердің (автоматтандырылған айырбастау пункттердің) жұмыс режимі 9 сағат 00 минуттан бастап 22 сағат 00 минутқа дейін уақыт ішінде қолма-қол шетел валютасымен айырбастау операцияларын жүзеге асыруға құқығы бар заңды тұлғамен дербес анықталады.

      34. Егер туындаған мән-жайлар (техникалық іркіліс, бұзылу немесе басқа да себептер) нәтижесінде айырбастау пунктінің үй-жайы, айырбастау пунктінің жұмыс істеуіне арналған жабдық және (немесе) айырбастау пунктінің қызметкерлері Қағидалардың 11-тармағының талаптарына сәйкес келмесе, айырбастау пунктінде айырбастау операциялары жүргізілмейді.

      35. Қолма-қол шетел валютасымен айырбастау операцияларын жүзеге асыруға құқығы бар заңды тұлғаның (оның филиалының) бастамасы бойынша айырбастау пунктінің қызметі күнтізбелік 30 (отыз) күннен асатын мерзімге уақытша тоқтатыла тұрған, сондай-ақ айырбастау пунктінің қызметі қайта басталған жағдайда, заңды тұлға (оның филиалы) айырбастау пунктінің қызметін тоқтата тұру немесе қайта бастау туралы шешім қабылданған күннен бастап 5 (бес) жұмыс күні ішінде бұл туралы айырбастау пункті орналасқан жер бойынша Ұлттық Банктің аумақтық филиалына көрсетілген шешімнің көшірмесін қоса бере отырып, жазбаша хабарлайды.

      Айырбастау операцияларын жүзеге асыруға құқығы бар заңды тұлғаның (оның филиалының) бастамасы бойынша айырбастау пунктінің қызметін уақытша тоқтата тұру мерзімі қатарынан 12 (он екі) айдан аспауға тиіс.

      36. Айырбастау пунктінің үй-жайын айырбастау пунктінің бірнеше операциялық кассасымен жабдықтауға рұқсат етіледі.

      37. Автоматтандырылған айырбастау пункті айырбастау операциясын жасау кезінде төмендегі тәсілдермен банкноттардың түпнұсқалығын анықтау функцияларын іске асыруды қамтамасыз етеді:

      Қазақстан Республикасы ұлттық валютасы банкнотының екі жағынан көрінетін бейнесінің Ұлттық Банктің ресми интернет-ресурсында орналастырылған ресми сипаттамасына сәйкес келуін тексеру;

      арнайы бояумен басылған сериясы мен нөмірінде ферромагниттік құрауыштардың болуын тексеру;

      банкнотты ультракүлгін сәулемен тексеру (қағаздың люминесценциясын тексеру және өзгесі).

      38. Айырбастау операцияларын өзге банктік операциялардан жеке есепке алуды жүргізуге мүмкіндік беретін аппараттық-бағдарламалық кешен болған кезде, уәкілетті банктің (оның филиалының) үй-жайында орналасқан айырбастау пунктінде банк заңнамасына сәйкес уәкілетті банк жүргізетін айырбастау операциялары мен өзге банктік операцияларды қатар жүргізуге жол беріледі.

      39. Әрбір айырбастау пунктінде клиенттердің көруі үшін қолжетімді жерде мынадай ақпарат орналастырылады:

      1) Банктер туралы заңның 30-бабы 5-тармағының екінші бөлігіне сәйкес лицензияны алу талап етілмеген жағдайларды қоспағанда, қазақ және орыс тілдеріндегі қолма-қол шетел валютасымен айырбастау операцияларына арналған лицензияның көшірмесі;

      2) уәкілетті ұйымдар үшін – Ұлттық Банктің аумақтық филиалы осы айырбастау пунктіне берген қолданыстағы лицензияға қолданыстағы қосымшаның көшірмесі;

      3) уәкілетті банктер үшін – Ұлттық Банктің аумақтық филиалының жазбаша растамасының көшірмесі (осындай растама алған айырбастау пункттері үшін) не айырбастау пункті куәлігінің көшірмесі (Қағидалар қолданысқа енгізілгенге дейін айырбастау пунктінің куәлігін алған айырбастау пункттері үшін);

      4) айырбастау пунктінің жұмыс режимі;

      5) айырбастау пунктінде сатып алу және (немесе) сату операциялары жүргізілетін әрбір шетел валютасы үшін белгіленген, теңгемен қолма-қол шетел валютасын сатып алу бағамы және (немесе) сату бағамы туралы мәліметтер қамтылатын, клиенттерге арналған ақпараттық стенд (биіктігі кемінде 0,4 метр және ені 0,4 метр).

      Теңгемен қолма-қол шетел валютасын сатып алу бағамы және (немесе) сату бағамы туралы ақпаратты автоматтандырылған айырбастау пунктінің мониторында орналастыруға жол беріледі.

      6) айырбастау пунктінің клиенттеріне арналған, айырбастау пунктінің қызметіне бақылауды жүзеге асыратын Ұлттық Банктің аумақтық филиалы туралы және осы айырбастау пунктінің жұмысына ескертулер болған кезде Ұлттық Банктің аумақтық филиалы атына шағым жіберу мүмкіндігі туралы мәліметтер қамтылатын, Қағидаларға 10-қосымшаға сәйкес нысан бойынша ақпарат;

      7) айналысқа жарамды және айналысқа жарамсыз банкноттардың негізгі белгілері туралы, төлемге немесе айналысқа жіберуге жарамсыз шетел валютасының банкноттарын инкассоға қабылдау тәртібі мен талаптары туралы ақпарат (автоматтандырылған айырбастау пунктін қоспағанда);

      8) Ұлттық Банктің осы актінің қолданылу кезеңінде айырбастау пункттері арқылы жүргізілетін операциялар бойынша шетел валютасын теңгемен сатып алу бағамының сату бағамынан ауытқу шегін белгілейтін актісінің көшірмесі;

      9) клиенттерге қызмет көрсетуді жүзеге асыратын кассир туралы ақпарат (тегі, аты және әкесінің аты (бар болса) (автоматтандырылған айырбастау пунктін қоспағанда).

      40. Айырбастау пунктінің (автоматтандырылған айырбастау пунктін қоспағанда) үй-жайында мынадай құжаттар сақталады:

      1) қолма-қол шетел валютасымен айырбастау операцияларын жүзеге асыруға құқығы бар заңды тұлға (оның филиалы) басшысының тиісті тұлғаны кассир лауазымына қабылдау және (немесе) тағайындау туралы бұйрығының көшірмесі;

      2) айырбастау пункті кассирінің қолма-қол шетел валютасымен жұмыс істеу бойынша арнайы даярлықтан өткенін куәландыратын құжаттың көшірмесі не айырбастау пункті кассирінің қолма-қол шетел валютасымен кемінде 6 (алты) ай жұмыс тәжірибесін растайтын құжаттың көшірмесі;

      3) айырбастау пункті кассирінің жеке басын куәландыратын құжаттың көшірмесі;

      4) айырбастау пункті кассирінің осы қағидалармен танысу туралы белгісі бар, КЖТҚҚ туралы заңның 11-бабының талаптарына сәйкес әзірленген және қабылданған, қолма-қол шетел валютасымен айырбастау операцияларын жүзеге асыруға құқығы бар заңды тұлғаның ішкі бақылау қағидаларының көшірмесі.

      Уәкілетті ұйымның (оның филиалының) айырбастау пунктінің үй-жайында сатып алу, сату бағамдарын және кросс-бағамдарды белгілеу туралы өкімдер шығаруға құқығы бар басшының және өзге тұлғалардың қол қою үлгілері бар құжатты, бақылау-касса машинасының тіркеу карточкасының көшірмесін және Қағидалардың 55-тармағында көрсетілген уәкілетті банкпен жасасқан шарттың көшірмесін сақтау қосымша қамтамасыз етіледі.

      41. Айырбастау пункттерінің операциялық кассаларының үй-жайларында бөгде адамдардың болуына рұқсат етілмейді.

      Кассирлердің өз ақшасы және басқа заттары арнайы бөлінген бөлмеде немесе айырбастау пункттерінің операциялық кассасының үй-жайларынан тыс орналастырылған шкафтарда сақталады.

6-тарау. Айырбастау пункттерінің жұмыс істеу талаптары

      Ескерту. 6-тараудың тақырыбы жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      42. Айырбастау пункттерінде бағамдарды белгілеу туралы өкім негізінде белгіленген сатып алу, сату бағамдарына сәйкес қолма-қол шетел валютасын сатып алу және (немесе) сату операциялары жүргізіледі.

      Бағамдарды белгілеу туралы өкім осы өкімнің қолданыла басталатын күні мен уақыты (сағатпен және минутпен белгіленетін) көрсетіле отырып, айырбастау пунктінде айырбастау операциялары жүргізілетін барлық валюта түрлері үшін сатып алу, сату бағамдарын қамтиды.

      Бағамдарды белгілеу туралы бір өкімде жүргізілетін айырбастау операцияларының сомасына қарай бірмезгілде түрлі бағамдар белгілеуге рұқсат етіледі.

      43. Бағамдарды белгілеу туралы өкімді қолма-қол шетел валютасымен айырбастау операцияларын жүзеге асыруға құқығы бар заңды тұлғаның (оның филиалының) басшысы немесе осындай өкілеттіктер берілген өзге адам шығарады, онда оның нөмірі, шығарылған күні мен уақыты (сағатпен және минутпен белгіленетін) міндетті түрде көрсетіледі.

      Уәкілетті ұйым басшысының бағамдарды белгілеу туралы өкімді шығаруға өкілеттіктерді басқа адамға беруі уәкілетті ұйым басшысы бұйрығының негізінде ғана жүргізіледі.

      44. Бағамдарды белгілеу туралы өкім қолма-қол шетел валютасымен айырбастау операцияларын жүзеге асыруға құқығы бар заңды тұлға (оның филиалы) мыналарды көздейтін аппараттық-бағдарламалық кешенді пайдаланған жағдайда, электрондық түрде (бұдан әрі – электрондық өкім) шығарылады:

      бағамдарды белгілеу туралы электрондық өкімді айырбастау пункттеріне бір орталықтан жіберу;

      электрондық өкімді шығарған адамды идентификаттау мүмкіндігі;

      электрондық өкімдерді 3 (үш) жыл бойы сақтау.

      Бағамдарды белгілеу туралы қағаз нысандағы өкім айырбастау пункті қолма-қол шетел валютасымен айырбастау операцияларын жүзеге асыруға құқығы бар заңды тұлғаның (оның филиалының) орналасқан жерінде болған жағдайда, бір дана етіп шығарылады. Өзге жағдайларда бағамдарды белгілеу туралы өкімнің бір данасы қолма-қол шетел валютасымен айырбастау операцияларын жүзеге асыруға құқығы бар заңды тұлғада (оның филиалында) қалады және өкімнің бір-бір данасы осындай өкім шығарылған әрбір айырбастау пунктіне жіберіледі.

      Өкімдердің көрсетілген даналары 3 (үш) жыл бойы сақталады.

      45. Қолма-қол шетел валютасын сатып алу, сату бағамын өзгерту бағамдарды белгілеу туралы жаңа өкімді шығару негізінде ғана жүзеге асырылады. Бұл ретте бағамдарды белгілеу туралы жаңа өкім қолданыла бастағаннан алдыңғы өкімнің күші жойылады.

      Егер бағамдарды белгілеу туралы өкім айырбастау пунктінде айырбастау операциялары жүргізілетін жекелеген валюталар түрлері бойынша сатып алу және (немесе) сату бағамын өзгерту мақсатында шығарылса, шығарылатын бағамдарды белгілеу туралы өкімде сатып алудың және (немесе) сатудың өзгеретін бағамдары бойынша да, айырбастау пункті үшін басқа да қолданыстағы сатып алу және сату бағамдары бойынша да ақпарат қамтылады.

      Қолма-қол шетел валютасымен айырбастау операцияларын жүзеге асыруға құқығы бар бір заңды тұлғаның (оның филиалының) түрлі айырбастау пункттерінде түрлі бағамдар белгілеуге жол беріледі.

      46. Айырбастау пунктінде айырбастау операциялары жүргізілетін барлық валюталар түрлері бойынша бағамдарды белгілеу туралы өкімнің бүкіл қолданылу кезеңінде клиенттерге арналған ақпарат стендінде валюталардың осы өкімде көрсетілген сатып алу және (немесе) сату бағамдары орналастырылады.

      47. Ұлттық Банк айырбастау пункттері арқылы жүргізілетін операциялар бойынша шетел валютасын теңгеге сатып алу бағамының сату бағамынан ауытқу шектерін белгілейді.

      Шетел валютасын теңгеге сатып алу бағамының сату бағамынан ауытқуы уәкілетті банктің немесе уәкілетті ұйымның лауазымды тұлғасының жазбаша өкімінің негізінде айырбастау пункті үшін белгіленген шетел валютасының ұлттық валютадағы бірлігін сатып алу бағамы мен шетел валютасының ұлттық валютадағы бірлігін сату бағамы арасындағы айырма ретінде айқындалады.

      Биржалық бағам белгіленімі шетел валютасының ондық (жүздік, мыңдық) бірлігімен белгіленетін шетел валюталары үшін шетел валютасын ұлттық валютаға сатып алу бағамының сату бағамынан ауытқуы тиісінше шетел валютасының ұлттық валютадағы ондық (жүздік, мыңдық) бірліктерін сатып алу бағамы мен сату бағамдарының арасындағы айырма ретінде айқындалады.

      48. Айырбастау пункттері арқылы жүргізілетін операциялар бойынша шетел валютасын теңгеге сатып алу бағамы мен сату бағамы арасындағы бағамның ауытқу шегі шетел валютасын теңгеге сату бағамы мен сатып алу бағамы арасындағы теңгемен көрсетілген рұқсат етілген айырма шегінде белгіленеді.

      49. Айырбастау пунктінде, оның ішінде автоматтандырылған айырбастау пункті арқылы жүргізілетін әрбір айырбастау операциясы аяқталғаннан кейін электрондық түрде жүргізілетін және Қағидаларға 11-қосымшаға сәйкес нысан бойынша сатып алынған және сатылған қолма-қол шетел валютасының тізілімдері журналында (бұдан әрі – тізілімдер журналы) белгіленген барлық деректемелер мен көрсеткіштерді қамтитын сатып алынған және сатылған қолма-қол шетел валютасының тізілімдері журналында ескеріледі.

      Тізілімдер журналы жасалған айырбастау операциялары бойынша олар жасалған күннен бастап бес жыл ішінде ақпаратты түзетпей тіркеуді және энергияға тәуелсіз сақтауды қамтамасыз ететін айырбастау пунктінің әрбір операциялық кассасында және аппараттық-бағдармалық кешен шеңберінде әрбір автоматтандырылған айырбастау пунктінде жеке-жеке жүргізіледі.

      Уәкілетті ұйымдар үшін осы тармақтың талаптары ескеріліп, тізілімдер журналын бағдарламалық қамтамасыз етуді пайдалана отырып электрондық түрде жүргізуге жол беріледі.

      50. Сатып алу және (немесе) сату бағамы айырбастау пунктінің жұмыс уақыты ішінде бағамдарды белгілеу туралы өкімнің негізінде өзгерген жағдайда тізілімдер журналында қолма-қол шетел валютасын сатып алудың және (немесе) сатудың жаңа бағамы бойынша операцияларды жүргізу басталғанға дейін сатып алынған және сатылған қолма-қол шетел валютасының көлемдері бойынша аралық қорытынды жасалады. Айырбастау пунктінің жұмыс күні аяқталғаннан кейін бір жұмыс күні ішінде жүргізілген операциялар бойынша қорытындылар тізілімдер журналында көрсетіледі.

      51. Айырбастау операциясын жүргізу бағамы бойынша 500 000 (бес жүз мың) теңге баламасынан асатын сомаға айырбастау операциялары бойынша тізілімдер журналында мыналар көрсетіледі:

      клиенттің жеке басын куәландыратын құжаттың деректері (тегі, аты және әкесінің аты (бар болса) (аты, әкесінің аты толық көрсетіледі), құжаттың түрі, берілген күні, құжаттың нөмірі, қолданылу мерзімі);

      клиенттің жеке сәйкестендіру нөмірі (бар болса);

      клиенттің заңды мекенжайы.

      Айырбастау пункттері арқылы (оның ішінде автоматтандырылған айырбастау пункттері арқылы) айырбастау операциясын жүргізу бағамы бойынша 500 000 (бес жүз мың) теңге баламасынан аспайтын сомаға жүргізілген айырбастау операциялар бойынша тізілімдер журналында клиенттің тегі, аты және әкесінің аты (бар болса) және жеке сәйкестендіру нөмірі (бар болса) көрсетіледі.

      52. Бір шетел валютасын басқаға айырбастау тізілімдер журналында және Қағидаларда көзделген есептілік нысандары жасалған кезде мынадай екі операция түрінде көрсетіледі:

      айырбастау пунктінің бір шетел валютасын теңгеге осы айырбастау пунктінің осы валютаның түрін сатып алу бағамы бойынша сатып алуы;

      айырбастау пунктінің басқа шетел валютасын теңгеге осы айырбастау пунктінің осы валютаның түрін сату бағамы бойынша сатуы.

      53. Айырбастау пунктіне айналыстағы ақша белгілерін қабылдау кезінде номиналы және эмиссия жылдары бойынша шектеулер қоюына, сондай-ақ КЖТҚҚ туралы заңның 13-бабында көзделген жағдайларды қоспағанда, айырбастау пунктінде айырбастау операциясын жүргізу үшін қажетті сомада қолма-қол шетел валютасы және қолма-қол ұлттық валюта болған кезде жеке тұлғаларға айырбастау операциясын жүргізуден бас тартуға жол берілмейді.

      Жеке тұлғаға айырбастау пунктінде сатып алу және (немесе) сату бағамдары белгіленген қолма-қол ұлттық немесе қолма-қол шетел валютасының болмауы себебінен айырбастау операциясын жүргізуден бас тартылған жағдайда, айырбастау пунктінің кассирі жеке тұлғаның талап етуі бойынша айырбастау пунктінде жоқ валютаның түрін және сомасын, анықтама берілген күнді және уақытын көрсете отырып, еркін нысандағы анықтаманы береді. Анықтамаға айырбастау пунктінің кассирі қол қояды және қолма-қол шетел валютасымен айырбастау операцияларын жүзеге асыруға құқығы бар заңды тұлғаның (оның филиалының) ішкі қағидаларында белгіленген тәртіппен тіркеледі.

      54. Айырбастау пункті (автоматтандырылған айырбастау пункті) айырбастау операциясының жүргізілгенін "Салық және бюджетке төленетін басқа да міндетті төлемдер туралы" Қазақстан Республикасы Кодексінің (Салық кодексі) (бұдан әрі – Салық кодексі) 166-бабы 6-тармағының 2) тармақшасына сәйкес бақылау чегін бере отырып растайды.

      55. Уәкілетті ұйымның айырбастау пунктінің кассасын қолма-қол ұлттық және (немесе) шетел валютасымен толықтыру уәкілетті банкпен қолма-қол шетел валютасын сатып алу шарты негізінде, жеке тұлғалармен операциялар есебінен және уәкілетті банктің Валюталық реттеу туралы заңның 7-бабы 1-тармағының 11) тармақшасына сәйкес уәкілетті ұйыммен жасаған қолма-қол шетел валютасын сатып алу шарты негізінде жүзеге асырылады.

      56. Қолма-қол шетел валютасымен айырбастау операцияларын жүзеге асыруға құқығы бар заңды тұлға шет мемлекеттерінің (мемлекеттер тобының) монеталарын сатып алу, сату және айырбастау операцияларын жүргізу жөніндегі шешімді дербес қабылдайды.

      57. Эмитенттің елінде заңды төлем құралы болып табылатын қолма-қол шетел валютасын сатып алу және (немесе) сату кезінде, сондай-ақ бұрынғы жылдары шығарылған қолма-қол шетел валютасын кейінгі жылдары шығарылған қолма-қол шетел валютасына айырбастау кезінде комиссиялық сыйақы алынбайды.

      58. Заңды төлем құралының негізгі белгілеріне банкнотта эмиссиялаған банк атауының, нөмірі мен сериясының, цифрлармен және жазумен номиналының, бет және сырт жақтарының негізгі суретінің, сондай-ақ қолдан жасаудан қорғау элементтерінің (ультракүлгін сәуле түсіргенде көрінетін конфеттиді, қорғаныш жіптерін, микромәтінді, люминесцирлейтін суреттерді қоса алғанда, сутамғы белгі, магниттік белгілер, қағазға енгізілген түрлі-түсті талшықтар және басқада қолдан жасаудан қорғау элементтері) болуы жатады.

      Валютаның эмитент елі шығарылған банкноттарға өзге не қосымша талаптар белгілеуі мүмкін.

      Қолма-қол шетел валютасымен айырбастау операцияларын жүзеге асыруға құқығы бар заңды тұлға (оның филиалы) банкноттардың түпнұсқалығын және төлем жасауға қабілеттігін анықтау жөніндегі анықтамалық және ақпараттық материалдарды осы өнім түрін көбейтумен айналысатын тұлғалардан дербес сатып алады.

      59. Мынадай бүлінулері:

      1) шетел валютасы банкнотының бейнесін айқындауға мүмкіндік беретін шамалы дәрежеде ескірген және ластанған;

      2) егер жыртылған бөліктер сөзсіз бір шетел валютасының банкнотына тиесілі болса, желімделген жыртық бұрыштары немесе бөліктері (көлемі 1 (бір) шаршы сантиметрден аспайтын) бар;

      3) шетел валютасы банкнотының ені бойынша 1 (бір) сантиметрден, ұзындығы, қиғаш сызығы бойынша 4 (төрт) сантиметрден аспайтын, 3 (үш) жыртықтан (оның ішінде желімделген) аспайтын;

      4) егер олар шетел валютасы банкноттарының түпнұсқалығын айқындауға кедергі келтірмесе және Қағидалардың 58-тармағында көрсетілген белгілердің 50 (елу) пайызынан астам жаппаса, ұсақ май және басқа да дақтар, жазбалар және мөртабандардың таңбасы бар (шетел валютасы банкнотының тесілгені немесе шетел валютасы банкнотының түпнұсқа емес немесе үлгі болып табылатынын куәландыратын мөртабандарды қоспағанда, 2 (екі) мөртабаннан, жазбалардан аспайтын);

      5) тесігінің диаметрі 1 (бір) миллиметрден аспайтын кемінде 2 (екі) тесігі бар шетел валютасының банкноттары айналысқа жарамды заңды төлем құралдары болып танылады.

      60. Шетел валютасының банкноттары Қағидалардың 59-тармағында көзделген талаптарға сәйкес келмесе және (немесе) мынадай бүлінулері болса:

      1) бөлшектеліп жыртылған (оның ішінде желімделген);

      2) бастапқы түсін жоғалтқан немесе оңып кеткен;

      3) жанған немесе күйдірілген;

      4) тұтас немесе едәуір дәрежеде (айналысқа жарамды заңды төлем құралының негізгі белгілерінің бірінің 50 (елу) пайыздан астамы) бояу, сия, май төгілген;

      5) ультракүлгін сәуле түсіргенде қағаздың жылтырауына әкеп соғатын сыртқы әсерлерге ұшыраған;

      6) қасақана сипаттағы едәуір бүлінген (негізгі суреттері, атап айтқанда адамдардың портреттері өзгерген, қорғаныш жібі жойылған, едәуір жазбалардың болуы, оның ішінде ультракүлгін сәуле түсіргенде көрінетін, 2 (екі) мөртабанның іздері және шетел валютасы банкнотының өтелгені туралы немесе түпнұсқа емес немесе үлгі болып табылатыны туралы растайтын мөртабан, диаметрі 1 (бір) миллиметрден астам 2 (екіден) артық тесіктері бар);

      7) баспадан кеткен анық ақауы бар шетел валютасының банкноттары (сутамғы белгісінің немесе қорғаныш жіптің болмауы немесе дұрыс орналаспауы, бейнелердің басылмауы немесе бұлыңғыр болуы);

      8) геометриялық өлшемдердің азаюы жағына, сол сияқты ұлғаюы жағына 3 (үш) миллиметрден артық өзгеруі;

      9) шетел валютасының банкноты бейнесінің көрінбей кетуіне әкеліп соғатын едәуір ескірген және (немесе) ластанған жерлері бар;

      10) едәуір жұмсарған және (немесе) қаттылығын жоғалтқан шетел валютасының банкноттары айналысқа жарамсыз болып танылады.

      Тиісті шет мемлекеттің эмитент банкі жариялаған күнінен кейін айналыстан шығарылған шетел валютасының банкноттары төлемге жарамсыз деп танылады.

      61. Төлемге жарамайтын, сондай-ақ айналысқа жарамсыз шетел валютасының банкнотын сатып алуды және ауыстыруды шетел банктерімен тиісті шетел валюталарымен инкассолық операцияларды жүзеге асыру бойынша корреспонденттік қатынастары және (немесе) шарттық қатынастары бар уәкілетті банктер жүзеге асырады.

      Уәкілетті банктер ауыстыру тәртібімен сатып алған және қабылдаған төлемге жарамайтын немесе айналысқа жарамсыз шетел валютасының банкноттарын клиенттерге сатуға рұқсат етілмейді. Көрсетілген банкноттар эмитент банктерге (шетел банктеріне) инкассоға жіберіледі немесе оларға қызмет көрсететін банктер арқылы инкассоға тапсырылады.

      Уәкілетті банктер өздерінің айырбастау пункттері арқылы төлемге жарамайтын немесе айналысқа жарамсыз шетел валютасының банкноттарын инкассоға қабылдаған жағдайда клиенттерге комиссиялық сыйақының мөлшері (клиенттің барлық шығыстары кіретін) және эмитент банктердің көрсетілген шетел валютасының банкноттарын айырбастаудан бас тарту мүмкіндігі туралы ескертеді, сондай-ақ клиенттен инкассоның талаптарына жазбаша келісім алады. Эмитент банк (шетел банкі) жіберілген шетел валютасын айырбастаудан бас тартқан жағдайда, уәкілетті банктер клиентке тиісті растайтын құжаттарды ұсынады.

      Төлемге жарамайтын немесе айналысқа жарамсыз шетел валютасының банкноттарын айырбастағаны, сатып алғаны, инкассоға қабылдағаны үшін комиссиялық сыйақыны уәкілетті банктер дербес белгілейді, бірақ ол айырбастауға (сатып алуға, инкассоға қабылдауға) ұсынылатын шетел валютасы банкноттарының номиналдық құнының 10 (он) пайызынан аспауға тиіс.

7-тарау. Қолма-қол шетел валютасымен айырбастау операцияларын жүзеге асыруға құқығы бар заңды тұлғамен есептерді ұсыну тәртібі және мерзімдері

      Ескерту. 7-тараудың тақырыбы жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      62. Уәкілетті банк (оның филиалы) ай сайын, есепті айдан кейінгі айдың 7 (жетінші) күніне дейін (қоса алғанда) мерзімде Ұлттық Банкке не Ұлттық Банктің аумақтық филиалына Қағидаларға 12-қосымшада белгіленген әкімшілік деректер жинауға арналған "Айырбастау пункттері арқылы жүргізілген айырбастау операциялары туралы есеп" нысанын ұсынады.

      63. Уәкілетті ұйым (оның филиалы) ай сайын, есепті айдан кейінгі айдың 7 (жетінші) күніне дейін (қоса алғанда) мерзімде Ұлттық Банкке не Ұлттық Банктің аумақтық филиалына Қағидаларға 13-қосымшаға сәйкес әкімшілік деректер жинауға арналған "Шетел валютасының қозғалысы және айырбастау пункттері арқылы жүргізілген айырбастау операциялары туралы есеп" нысанын ұсынады.

      64. Уәкілетті банк (оның филиалы), уәкілетті ұйым (оның филиалы) ай сайын есепті айдан кейінгі айдың 10 (оныншы) күніне дейін (қоса алғанда) мерзімде Ұлттық Банкке не Ұлттық Банктің аумақтық филиалына Қағидаларға 14-қосымшаға сәйкес әкімшілік деректерді жинауға арналған "Баламасы 50 000 (елу мың) Америка Құрама Штаттарының долларына тең немесе одан асатын сомаға қолма-қол шетел валютасын сатып алу және (немесе) сату туралы есеп" нысанын жібереді.

      65. Уәкілетті ұйымның (оның филиалының) бастамасы бойынша барлық жұмыс істеп тұрған айырбастау пункттерінің қызметін күнтізбелік 30 (отыз) күннен асатын мерзімге уақытша тоқтата тұрған жағдайда Қағидалардың 63, 64 және 75-тармақтарында көзделген есептерді ұсыну бүкіл есепті кезең ішінде жүргізілген операциялар болмаған және Қағидалардың 35-тармағында көзделген тәртіппен хабарламаны жіберген жағдайда талап етілмейді.

8-тарау. Ұлттық Банк шығарған тазартылған құйма алтынды сатып алу және (немесе) сату операцияларын жүргізу тәртібі

      Ескерту. 8-тараудың тақырыбы жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      66. Уәкілетті ұйым тазартылған құйма алтынды сатып алу және (немесе) сату операцияларын өзінің айырбастау пункттері арқылы Қағидаларда белгіленген тәртіппен жүзеге асырады.

      Уәкілетті ұйымның айырбастау пунктінің кассасын тазартылған құйма алтынмен толықтыру жеке тұлғалардан тазартылған құйма алтынды сатып алу операциялары есебінен және тазартылған құйма алтынды Ұлттық Банктен тиісті сатып алу-сату шартының негізінде жүзеге асырылады.

      Өзінің айырбастау пункттері арқылы тазартылған құйма алтынды сатып алу және (немесе) сату операцияларын жүзеге асыратын уәкілетті ұйым осындай құймаларды сатып алу және (немесе) сату құны бар мәліметтерді ақпараттық стендте орналастырады.

      67. Тазартылған құйма алтынды сатып алу және (немесе) сату кезінде уәкілетті ұйым ультракүлгін жарықта люминесценцияны бақылауды қамтамасыз ететін техникалық құралды қолдану арқылы, сондай-ақ кемінде 10 (он) есе үлкейтуді қамтамасыз ететін оптикалық аспапты қолдана отырып тазартылған құйма алтынның арнайы орауының тұтастығын және қорғау элементтерін тексереді.

      68. Тазартылған құйма алтынды жеке тұлғалардан сатып алу және (немесе) жеке тұлғаларға сату уәкілетті ұйымның тазартылған құйма алтынның құнын белгілеу туралы өкімде белгілеген құны бойынша жүзеге асырылады. Тазартылған құйма алтынның құнын белгілеу туралы өкімді міндетті түрде нөмірін, оны шығару күнін және уақытын (сағатпен және минутпен белгіленетін) көрсете отырып, уәкілетті ұйымның басшысы немесе осындай өкілеттіктер берілген өзге адам шығарады.

      Уәкілетті ұйым басшысының тазартылған құйма алтынның құнын белгілеу туралы өкімдерді шығару өкілеттігін өзге адамға беру уәкілетті ұйым басшысының бұйрығы негізінде ғана жүргізіледі.

      69. Тазартылған құйма алтынның құнын белгілеу туралы өкімде белгіленген тазартылған құйма алтынды сатып алу және (немесе) сату құны туралы ақпарат клиенттерге арналған ақпараттық стендте оның бүкіл қолданылу кезеңі ішінде орналастырылады.

      Айырбастау пунктінің кассасында тазартылған құйма алтын болмаған жағдайда, оларды сату құны туралы ақпарат уәкілетті ұйымның ақпараттық стендінде орналастырылмайды. Айырбастау пунктінің кассасында қолма-қол ұлттық валюта болмаған жағдайда тазартылған құйма алтынды сатып алу құны туралы ақпарат уәкілетті ұйымның ақпараттық стендінде орналастырылмайды.

      70. Уәкілетті ұйымның тазартылған құйма алтынды түрлері бойынша қабылдауға қатысты шектеулерді белгілеуіне, сондай-ақ айырбастау пунктінде мұндай операцияны жүргізу үшін қажетті қолма-қол ұлттық валюта болған кезде жеке тұлғаларға осындай құймаларды сатып алу және (немесе) сату операцияларын жүргізуіне қатысты бас тартуына КЖТҚҚ туралы заңның 13-бабында көзделген жағдайларды қоспағанда, жол берілмейді.

      71. Айырбастау пунктінде қолма-қол ұлттық валютаның болмауына байланысты жеке тұлғаға тазартылған құйма алтынды сатып алуына қатысты бас тартылған жағдайда және уәкілетті ұйымның ақпараттық стендінде осындай алтынды сатып алу құны туралы ақпарат болған кезде, айырбастау пунктінің кассирі жеке тұлғаның талап етуі бойынша осындай алтынның түрін, тазартылған құйма алтынның құнын белгілеу туралы өкімге сәйкес оның құнын және айырбастау пунктінде жоқ ұлттық валюта сомасын, анықтама берілген күнді және уақытын көрсете отырып, еркін нысандағы анықтаманы береді. Анықтамаға уәкілетті ұйымның айырбастау пунктінің кассирі қол қояды және уәкілетті ұйымның ішкі қағидаларында белгіленген тәртіппен тіркеледі.

      72. Уәкілетті ұйымның айырбастау пункті Салық кодексінің 166-бабы 6-тармағының 2) тармақшасына сәйкес тазартылған құйма алтынды сатып алу және (немесе) сату операциясының жүргізілгенін бақылау чегін бере отырып растайды.

      73. Уәкілетті ұйымның айырбастау пунктінде әрбір жүргізілетін тазартылған құйма алтынды сатып алу және (немесе) сату операциясы Қағидаларға 15-қосымшаға сәйкес нысан бойынша Қазақстан Республикасының Ұлттық Банк шығарған тазартылған құйма алтынды сатып алу және (немесе) сату операцияларын есепке алатын электрондық журналында (бұдан әрі – тазартылған құйма алтынмен жүргізілген операцияларды есепке алу журналы) есепке алынады.

      Тазартылған құйма алтынмен жүргізілетін операцияларды есепке алу журналы жүргізілген операциялар бойынша ақпараттың олар жүргізілген күннен бастап бес жыл ішінде түзетілмей тіркелуін және энергияға тәуелсіз сақталуын қамтамасыз ететін бағдарламалық қамтамасыз ету (аппараттық-бағдарламалық кешен) шеңберінде уәкілетті ұйымның айырбастау пунктінің әрбір операциялық кассасында бөлек жүргізіледі.

      Тазартылған құйма алтынмен жүргізілетін сомасы 2 000 000 (екі миллион) теңгеден асатын операциялар бойынша тазартылған құйма алтынмен жүргізілетін операцияларды есепке алу журналында мыналар көрсетіледі:

      клиенттің жеке басын куәландыратын құжаттың деректері (тегі, аты, әкесінің аты (бар болса) (аты мен әкесінің аты толық көрсетіледі), құжаттың түрі, берілген күні, құжаттың нөмірі, қолданылу мерзімі);

      клиенттің жеке сәйкестендіру нөмірі (бар болса);

      клиенттің заңды мекенжайы.

      74. Тазартылған құйма алтын құнының өзгеруі мұндай алтынның құнын белгілеу туралы жаңа өкімді шығару негізінде ғана жүзеге асырылады. Бұл ретте тазартылған құйма алтынның құнын белгілеу туралы жаңа өкімнің қолданылуы басталғаннан бастап алдынғы өкімнің күші жойылады.

      Уәкілетті ұйымның айырбастау пунктінің жұмыс уақыты барысында тазартылған құйма алтынды сатып алу және (немесе) сату құнын өзгертетін жаңа өкімді шығарған жағдайда тазартылған құйма алтынмен операцияларды есепке алу журналында мұндай алтынмен жасалған операциялардың көлемдері бойынша аралық қорытынды жаңа құнымен операцияларды жүргізу басталғанға дейін жасалады. Уәкілетті ұйымның айырбастау пунктінің жұмыс уақыты аяқталғаннан кейін тазартылған құйма алтынмен операцияларды есепке алу журналында жұмыс күні ішінде жүргізілген операциялар бойынша қорытындылар көрсетіледі.

      75. Уәкілетті ұйым (оның филиалы) есепті айдан кейінгі айдың 10 (онына) дейін (қоса алғанда) Ұлттық Банкке не Ұлттық Банктің аумақтық филиалына Қағидаларға 16-қосымшаға сәйкес әкімшілік деректер жинауға арналған "Қазақстан Республикасының Ұлттық Банкі шығарған тазартылған құйма алтынды сатып алу және (немесе) сату бойынша айырбастау пункттері арқылы жүргізілген операциялар туралы есеп" нысанын (бұдан әрі – тазартылған құйма алтынмен операциялар туралы есеп) береді.

      76. Уәкілетті ұйым бүтін арнайы ораудағы тазартылған құйма алтынды сатып алу және (немесе) сату операцияларын жүргізеді.

      Арнайы орауы ашылған, сондай-ақ арнайы орауы жоқ тазартылған құйма алтынды сатуға жол берілмейді.

      Арнайы орауы ашылған, сондай-ақ арнайы орауы жоқ тазартылған құйма алтынды қабылдауды Ұлттық Банкпен оларды сатып алуға шарттық қатынастары бар уәкілетті ұйымдар жүзеге асырады.

      Арнайы орауы ашылған, сондай-ақ арнайы орауы жоқ тазартылған құйма алтын жеке тұлғаның өтініші бойынша Ұлттық Банкке сатып алуы үшін жіберіледі.

      Арнайы орауы ашылған, сондай-ақ арнайы орауы жоқ тазартылған құйма алтын қабылданған жағдайда уәкілетті ұйым жеке тұлғаны оны сатып алу мақсатында Ұлттық Банкке мұндай алтынды жібергені үшін комиссиялық сыйақы алынатыны туралы ескертеді.

      Жеке тұлғаға арнайы орауы ашылған және (немесе) арнайы орауы жоқ тазартылған құйма алтынды қабылдау туралы еркін нысанда жазбаша анықтама (бұдан әрі – анықтама) беріледі. Жазбаша анықтамаға уәкілетті ұйымның (оның филиалының) басшысы немесе мұндай өкілеттік берілген өзге адам қол қояды. Арнайы орауы ашылған және (немесе) арнайы орауы жоқ тазартылған құйма алтынды қабылдау туралы жазбаша анықтамаға қол қоюға уәкілетті ұйым басшысының өкілеттіктерін беру тек уәкілетті ұйым басшысының бұйрығының негізінде жүргізіледі.

      Уәкілетті ұйым оларды сатып алу мақсатымен арнайы орауы ашылған және (немесе) арнайы орауы жоқ тазартылған құйма алтынды Ұлттық Банкке жібергені үшін тазартылған құйма алтынның номиналды құнының 10 (он) пайызынан аспайтын комиссиялық сыйақыны дербес белгілейді.

9-тарау. Өтпелі ережелер

      77. Уәкілетті банкке бұрын берілген айырбастау пунктінің куәлігі Қағидаларға сәйкес алынған Ұлттық Банктің аумақтық филиалының жазбаша растауы болып табылады.

      Қағидалар қолданысқа енгізілген күннен бастап айырбастау пункті қызметінің басталуы туралы хабарламада көрсетілген деректердің өзгергені туралы уәкілетті банктің хабарламасы түскен кезде Ұлттық Банктің аумақтық филиалы уәкілетті банкке бұрын берілген айырбастау пункті куәлігінің нөмірі мен күнін сақтай отырып жазбаша растау жолдайды.

Қолма-қол шетел валютасымен айырбастау операцияларына арналған лицензияны және лицензияға қосымшаны алуға арналған өтініш

      Ескерту. 1-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      (Қайда) ____________________________________________________________

      (Қазақстан Республикасы Ұлттық Банкінің аумақтық филиалының атауы)

      (Кімнен) ___________________________________________________________

      (заңды тұлғаның атауы, бизнес-сәйкестендіру нөмірі, орналасқан жері)

      Айырбастау пунктін (автоматтандырылған айырбастау пунктін) (қажетін көрсету)

      мына мекенжай бойынша:

      _________________________________________________________________

      (пошталық индексі, облысы, қаласы, ауданы, елді мекені, көшесінің атауы, үйінің

      (ғимаратының) (стационарлық үй-жайының) нөмірі, сондай-ақ қабаты, секторы, блогы

      және басқалары (бар болса) ашу үшін қолма-қол шетел валютасымен айырбастау

      операцияларына арналған лицензияны және лицензияға қосымшаны беруді сұраймын

      Біліктілік талаптарына сәйкестігі туралы мәліметтер:

      1. Уәкілетті ұйымның жарғылық капиталына (құрылтайшылардың) қатысушылардың қатысу үлесі:

      1) жеке тұлғалар:

      жеке басын куәландыратын құжаттың деректері, (тегі, аты және әкесінің аты (бар болса), туған күні);

      жеке сәйкестендіру нөмірі (резиденттер үшін);

      тұрғылықты жері;

      жарғылық капиталдағы үлесі (% (сомасы)).

      2) заңды тұлғалар:

      заңды тұлғаның атауы;

      бизнес-сәйкестендіру нөмірі (резиденттер үшін);

      орналасқан жері;

      жарғылық капиталдағы үлесі (% (сомасы)).

      2. Ақша белгілерінің түпнұсқалылығын айқындауға арналған техникалық құралдардың сипаттамалары*:

      3. Аппараттық-бағдарламалық кешеннің техникалық сипаттамалары*:

      4. Бағдарламалық қамтамасыз етудің техникалық сипаттамалары*:

      5. Бейнебақылау жүйесінің техникалық сипаттамалары*:

      Қоса берілген құжаттар:

      1.

      2.

      Электрондық почта _______________________________________________

      Телефондары ____________________________________________________

      Факс ____________________________________________________________

      Теңгемен банктік шоты ____________________________________________ (уәкілетті банк шотының нөмірі, атауы)

      Осы арқылы мыналар:

      көрсетілген барлық деректер лицензияны және лицензияға қосымшаны беру немесе беруден бас тарту мәселелері бойынша кез келген ақпаратты жіберу үшін ресми байланыс деректері болып табылатыны;

      өтініш берушіге лицензияланатын қызмет түрімен айналысуға сотта тыйым салынбағаны;

      қолма-қол шетел валютасымен айырбастау операцияларын жүзеге асыру, Қазақстан Республикасының Ұлттық Банкі 2017 жылдан ерте емес шығарған "Өлшеуіш алтын құймалары. Техникалық талаптар" 2049-2010 ҚР СТ Қазақстан Республикасының ұлттық стандартына сәйкес келетін сертификатталған өлшеуіш құймалардағы аффинирленген инвестициялық алтынды сатып алу және (немесе) сату бойынша қызметті жүзеге асыру уақытының барлық кезеңі ішінде айырбастау пункті (автоматтандырылған айырбастау пункті) басқа уәкілетті ұйымның айырбастау пунктінің орналасқан орны болып табылатын үй-жайда орналаспайтыны;

      барлық қоса берілетін құжаттар (мәліметтер) жарамды болып табылатыны (сәйкес келетіні) расталады.

      Өтініш берушінің уәкілетті тұлғасы:

      ____________ ______________________________________

      (лауазымы) (тегі, аты және әкесінің аты (бар болса)

      * автоматтандырылған айырбастау пункті ашылған жағдайда толтырылмайды

Қосымша ашылатын айырбастау пункті үшін қолма-қол шетел валютасымен айырбастау операцияларына арналған қолданыстағы лицензияға қосымшаны алуға өтініш

      Ескерту. 2-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      Лицензиат: _______________________________________________________

      (заңды тұлғаның толық атауы, мемлекеттік тіркеу орны, бизнес-сәйкестендіру нөмірі)

      Лицензиаттың филиалы*: ______________________________________

      (филиалдың атауы, филиалдың орналасқан жері, бизнес-сәйкестендіру нөмірі)

      Қолма-қол шетел валютасымен айырбастау операцияларына арналғанлицензияның нөмірі мен күні: _____________________

      Мына мекенжай **: ______________________________________________ бойынша орналасқан айырбастау пунктіне (автоматтандырылған айырбастау пункті) (қажетін көрсету) қолма-қол шетел валютасымен айырбастау операцияларына арналған қолданыстағы лицензияға қосымша беруді сұраймын

      Біліктілік талаптарына сәйкестігі туралы мәліметтер:

      1. Уәкілетті ұйымның жарғылық капиталына құрылтайшылардың (қатысушылардың) қатысу үлесі:

      1) жеке тұлғалар:

      жеке басын куәландыратын құжаттың деректері, (тегі, аты және әкесінің аты (бар болса), туған күні);

      жеке сәйкестендіру нөмірі (резиденттер үшін);

      тұрғылықты жері;

      жарғылық капиталдағы үлесі (% (сомасы)).

      2) заңды тұлғалар:

      заңды тұлғаның атауы;

      орналасқан жері;

      бизнес-сәйкестендіру нөмірі (резиденттер үшін);

      жарғылық капиталдағы үлесі (% (сомасы)).

      2. Ақша белгілерінің түпнұсқалылығын айқындауға арналған техникалық құралдардың сипаттамалары ***:

      3. Аппараттық-бағдарламалық кешеннің техникалық сипаттамалары***:

      4. Бағдарламалық қамтамасыз етудің техникалық сипаттамалары***:

      5. Бейнебақылау жүйесінің техникалық сипаттамалары***:

      Қоса берілген құжаттар:

      1.

      2.

      Осы арқылы мыналар:

      көрсетілген барлық деректер лицензияны және лицензияға қосымшаны беру немесе беруден бас тарту мәселелері бойынша кез келген ақпаратты жіберу үшін ресми байланыс деректері болып табылатыны;

      қолма-қол шетел валютасымен айырбастау операцияларын жүзеге асыру, Қазақстан Республикасының Ұлттық Банкі 2017 жылдан ерте емес шығарған "Өлшеуіш алтын құймалары. Техникалық талаптар" 2049-2010 ҚР СТ Қазақстан Республикасының ұлттық стандартына сәйкес келетін сертификатталған өлшеуіш құймалардағы аффинирленген инвестициялық алтынды сатып алу және (немесе) сату бойынша қызметті жүзеге асыру уақытының барлық кезеңі ішінде айырбастау пункті (автоматтандырылған айырбастау пункті) басқа уәкілетті ұйымның айырбастау пунктінің орналасқан орны болып табылатын үй-жайда орналаспайтыны;

      барлық қоса берілетін құжаттар (мәліметтер) жарамды болып табылатыны (сәйкес келетіні) расталады.

      Өтініш берушінің уәкілетті тұлғасы:

      ___________ __________________________________ _________

                  (лауазымы) тегі, аты, әкесінің аты (бар болса) (қолы)

      * Ескертпе: лицензиат орналасқан жердің өңірінен тыс қосымша айырбастау пунктін ашу кезінде көрсетіледі

      ** Ескертпе: айырбастау пунктінің үй-жайы орналасатын мекенжай, айырбастау пункті көпфункционалды үйлер мен ғимараттарда (оның ішінде іскерлік орталықтарда), теміржол вокзалдарының, казино ғимараттарында, халықаралық әуежайлардың аэровокзалдарында орналасқан жағдайда, айырбастау пунктінің орналасқан жерін нақтылайтын деректер (мысалы, қабаты, секторы, блогы)

      *** автоматтандырылған айырбастау пункті ашылған жағдайда толтырылмайды

Қолма-қол шетел валютасымен айырбастау операцияларына арналған лицензия

      Ескерту. 3-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      20___ жылғы "____" ________________ № ____

      Лицензиат: _____________________________________________________

      (заңды тұлғаның толық атауы, мемлекеттік тіркеу орны, бизнес-сәйкестендіру нөмірі)

      Лицензиар: Қазақстан Республикасы Ұлттық Банкінің ________ филиалы

      Қазақстан Республикасы Ұлттық Банкінің __________ филиалы уәкілетті ұйымға валюталық бақылау агентінің функциясын жүктейді.

      Осы лицензия шектелмеген мерзімге бір данада беріледі және басқа тұлғаларға берілмейді.

      Қазақстан Республикасы

      Ұлттық Банкінің аумақтық

      филиалының басшысы

      ____________________________________ ___________

      (тегі, аты, әкесінің аты (бар болса)             (қолы)

20 __ жылғы "___" ____________ № ____ қолма-қол шетел валютасымен айырбастау операцияларына арналған лицензияға 20 __ жылғы "___" ____________ № ____ қосымша

      Ескерту. 4-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      Лицензиат: ______________________________________________________

      (заңды тұлғаның толық атауы, мемлекеттік тіркеу орны, бизнес-сәйкестендіру нөмірі)

      Лицензиаттың филиалы*: __________________________________________

      (филиалдың атауы, филиалдың орналасқан жері, бизнес-сәйкестендіру нөмірі)

      Айырбастау пунктінің орналасқан жері: ______________________________

      _____________________________________________________________________

      (облыс, қала, аудан, көше, үй, қабат, сектор, блок)

      Айырбастау пунктінің түрі:

      айырбастау пункті (автоматтандырылған айырбастау пункті)

      қажеттісін сызу

      Лицензиар: Қазақстан Республикасы Ұлттық Банкінің ______ филиалы

      Осы лицензияның қосымшасы осы айырбастау пунктінің жұмыс істеуі үшін негіз болып табылады.

      Осы айырбастау пунктінің қызметін Қазақстан Республикасы Ұлттық Банкінің ______________ филиалы бақылайды.

      Қазақстан Республикасы

      Ұлттық Банкінің

      аумақтық филиалының

      басшысы __________________________________ _________

                  (тегі, аты, әкесінің аты (бар болса)            (қолы)

      * Ескертпе: лицензиат орналасқан жердің өңірінен тыс қосымша айырбастау пунктін ашу кезінде көрсетіледі

Қолма-қол шетел валютасымен айырбастау операцияларына арналған лицензияны және (немесе) қолма-қол шетел валютасымен айырбастау операцияларына арналған лицензияның қосымшасын қайта ресімдеуге арналған өтініш

      Ескерту. 5-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      Лицензиат: _______________________________________________________________

      (заңды тұлғаның толық атауы, мемлекеттік тіркеу орны, бизнес-сәйкестендіру нөмірі)

      Лицензиаттың филиалы*: _________________________________________

      (филиалдың атауы, филиалдың орналасқан жері, бизнес-сәйкестендіру нөмірі)

      Мына мекенжайда орналасқан айырбастау пунктіне ____________ жылғы № _____ лицензияны және (немесе) ____________ жылғы № _____ лицензияға __________ жылғы

      № _____ қосымшаны қайта ресімдеуді сұраймын **:

      _______________________________________________________________

      _______________________________________________________________

      Қайта ресімдеу негіздемесі: _______________________________________

      Қоса берілген құжаттар:

      1.

      2.

      Өтініш берушінің уәкілетті тұлғасы:

      ____________ ____________________________________

                  (лауазымы) (тегі, аты, әкесінің аты (бар болса)

      * Ескертпе: лицензиат орналасқан жердің өңірінен тыс орналасқан айырбастау пунктіне арналған лицензияның қосымшасын қайта ресімдеу туралы өтініш берген кезде көрсетіледі

      ** Ескертпе: айырбастау пунктінің үй-жайы орналасатын мекенжай, айырбастау пункті көпфункционалды үйлер мен ғимараттарда (оның ішінде іскерлік орталықтарда), теміржол вокзалдарының, казино ғимараттарында, халықаралық әуежайлардың аэровокзалдарында орналасқан жағдайда, айырбастау пунктінің орналасқан жерін нақтылайтын деректер (мысалы, қабаты, секторы, блогы)

Уәкілетті ұйымның құрылтайшылары (қатысушылары) туралы мәліметтер

      Ескерту. 6-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      _______________________________________________________

      (уәкілетті ұйымның атауы)

      1. Жеке тұлғалар:

      2. Заңды тұлғалар:

      Осы арқылы, уәкілетті ұйымның құрылтайшылары (қатысушылары) Қазақстан Республикасында қолма-қол шетел валютасымен айырбастау операцияларын жүзеге асыру қағидаларының 6-тармағының талаптарына сәйкес екендігін растайды

      Басшы ______________ (қолы)

Қолма-қол шетел валютасымен айырбастау операцияларына арналған лицензияны және (немесе) қолма-қол шетел валютасымен айырбастау операцияларына арналған лицензияға қосымшалардың қолданылуын айыру (тоқтата тұру) туралы шешім

      Ескерту. 7-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      (қабылданатын шешімге байланысты көрсетіледі)

      ____________________________________________________________________

      (талаптары бұзылған нормативтік құқықтық актілердің нормалары көрсетілсін)

      көзделген талаптарды бұзғаны үшін, "Қазақстан Республикасындағы банктер және банк қызметі туралы" 1995 жылғы 31 тамыздағы Қазақстан Республикасы Заңының 48-бабын басшылыққа ала отырып Қазақстан Республикасы Ұлттық Банкінің _________ филиалы ШЕШТІ:

      1. "______" жауапкершілігі шектеулі серіктестігіне (бұдан әрі – ЖШС) берілген ______ № ____ қолма-қол шетел валютасымен айырбастау операцияларына арналған лицензия және (немесе) ______

      № ____ қолма-қол шетел валютасымен айырбастау операцияларына арналған лицензияға қосымшалар қолданыстан______ мерзімге* айырылсын (қабылданатын шешімге байланысты көрсетіледі) (қолданылуы тоқтатыла тұрсын).

      2. ___________________________ бөлімі (бөлім басшысының тегі, аты және әкесінің аты (бар болса)) осы шешімнің көшірмесін ЖШС-ке орындау үшін жіберсін (тапсырсын).

      3. Осы шешімнің орындалуын өзім бақылаймын.

      Қазақстан Республикасы Ұлттық Банкінің аумақтық филиалының басшысы ________ _________________________________ (қолы) (тегі, аты, әкесінің аты (бар болса)

      Мөр орны

      * Ескертпе: лицензияның және (немесе) лицензияға қосымшалардың қолданылуын тоқтата тұру туралы шешімдер қабылданған жағдайда көрсетіледі және ЖШС осы шешімнің көшірмесін алған күннен бастап есептеледі.

      ____________________________________________________________________

      (Қазақстан Республикасы Ұлттық Банкінің аумақтық филиалының атауы)

Уәкілетті банктің айырбастау пунктінің қызметінің басталғандығы немесе тоқтатылғандығы туралы хабарлама

      Ескерту. 8-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      (қабылданатын шешімге байланысты көрсетіледі)

      1. ___________ қызметін бастау туралы (айырбастау пунктін ашу туралы)

      _____________ қызметін тоқтату туралы (айырбастау пунктін жабу туралы)

      _____________ деректердің өзгеруі туралы

      2. Уәкілетті банктің (уәкілетті банктің аумақтық филиалының) атауы

      _________________________________________________________________

      3. Уәкілетті банктің (оның филиалының) орналасқан жері _______________

      4. Уәкілетті банктің (оның филиалының) бизнес-сәйкестендіру нөмірі

      ________________________________________________________________

      5. Айырбастау пунктінің түрі:

      айырбастау пункті (автоматтандырылған айырбастау пункті)

      қажеттісін сызу

      6. Айырбастау пунктінің (автоматтандырылған айырбастау пунктінің) орналасқан жері

      ________________________________________________________________

      7. Уәкілетті банктің айырбастау пунктіндегі операциялық кассалар саны

      ________________________________________________________________

      8. Уәкілетті банктің айырбастау пунктінің куәлігінің не жазбаша растамасының нөмірі

      және күні ________________________________________________________________

      9. Уәкілетті банк (оның филиалы) осы хабарлама арқылы

      ___________________________ мекенжайда орналасқан _________________

      _____________________________________________ айырбастау пунктінің

      Қазақстан Республикасында қолма-қол шетел валютасымен айырбастау операцияларын жүзеге асыру қағидаларының (бұдан әрі – Қағидалар) талаптарына сәйкестігін растайды

      Хабарлама берушінің уәкілетті тұлғасы:

      ____________ ___________________________________ ________

                  (лауазымы) (тегі, аты, әкесінің аты (бар болса)

8-қосымшаны толтыру бойынша нұсқаулар

      Уәкілетті банктің айырбастау пунктін (автоматтандырылған айырбастау пунктін) ашқан кезде осы қосымшаның 8-тармағын қоспағанда, Қағидаларға 8-қосымшаның барлық тармақтарын толтыра отырып, айырбастау пункті қызметінің басталғандығы туралы хабарлама жіберіледі.

      Уәкілетті банктің айырбастау пунктін (автоматтандырылған айырбастау пунктін) жапқан кезде Қағидаларға 8-қосымшаның барлық тармақтарын толтыра отырып, уәкілетті банктің айырбастау пунктінің қызметін тоқтату туралы хабарлама жіберіледі.

      Айырбастау пункті қызметінің басталғандығы туралы бұрын берілген хабарламада көрсетілген, толтыруға міндетті мәліметтер өзгерген кезде Қағидаларға 8-қосымшаның барлық тармақтарын толтыра отырып, деректердің өзгергендігі туралы хабарлама жіберіледі.

      Қағидаларға 8-қосымшаның 6-тармағында айырбастау пункті көп функциялы мақсаттағы үйлер мен ғимараттарда (оның ішінде іскерлік орталықтарда), теміржол вокзалдарының, казино ғимараттарында, халықаралық әуежайлардың аэровокзалдарында орналастырылған жағдайда айырбастау пункті орналастырылған жерді (мысалы, қабат, сектор, блок) нақтылайтын деректерді көрсете отырып айырбастау пункті орналастырылатын мекенжай көрсетіледі.

      Ескерту. 9-қосымшаның оң жақ жоғарғы бұрышы жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

Жазбаша растау

      Шығыс № _________

      ____ жылғы "____" _________

      Қазақстан Республикасы Ұлттық Банкінің ______________ филиалы

      ______________________________________________________

      (уәкілетті банктің (уәкілетті банк филиалының) атауы) _______ жылғы №____ _____________ айырбастау пункті қызметінің басталғандығы (деректерінің өзгеруі, қызметінің тоқтатылғандығы) туралы хабарламаны алғандығын растайды.

      _________ жылғы ________ айырбастау пунктінің тіркеу деректері.

      Айырбастау пунктінің мекенжайы _________________________________

      _______________________________________________________________

      Осы айырбастау пунктінің қызметін Қазақстан Республикасы Ұлттық Банкінің _____________ филиалы бақылайды.

      Қазақстан Республикасы

      Ұлттық Банкінің

      аумақтық филиалының

      басшысы

      ______________________________ _______

      (тегі, аты, әкесінің аты (бар болса) (қолы)

Айырбастау пунктінің клиенттеріне арналған ақпарат

      Ескерту. 10-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      _________________________________________________________________

      (қолма-қол шетел валютасымен айырбастау операцияларын жүзеге асыруға

      құқығы бар заңды тұлғаның (оның филиалының) атауы мен орналасқан жері)

      Лицензияның нөмірі және күні

      _________________________________________________________________

      _________________________________________________________________

      Осы айырбастау пунктінің қызметін Қазақстан Республикасы Ұлттық Банкінің ________________ филиалы бақылайды.

      Айырбастау пунктінің жұмысына қатысты ескертулер болған кезде шағымдар мына мекенжай бойынша:

      _________________________________________________________________

      _________________________________________________________________

      (Қазақстан Республикасы Ұлттық Банктің аумақтық филиалының пошталық мекенжайы) жіберілсін.

      Шағымды қарау үшін онда мынадай мәліметтерді хабарлауды сұраймыз:

      өтініш берушінің тегі, аты және әкесінің аты (бар болса);

      жеке сәйкестендіру нөмірі;

      өтініш берушінің мекенжайы;

      айырбастау пунктінің мекенжайы;

      осы айырбастау пунктін ашқан, айырбастау операцияларын жүзеге асыруға құқығы бар заңды тұлғаның (оның филиалының) атауы;

      шағымның мазмұны;

      айырбастау пункті бұзушылыққа жол берген күн және уақыт;

      айырбастау пункті кассирінің тегі, аты, әкесінің аты (бар болса).

      Шағымды беру үшін өтініш берушінің қолтаңбасы қажет.

Сатып алынған және сатылған қолма-қол шетел валютасы тізілімдерінің
ЖУРНАЛЫ

      Ескерту. 11-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      Айырбастау операцияларын жүзеге асыруға құқығы бар заңды тұлғаның (оның филиалының) атауы, бизнес-сәйкестендіру нөмірі

      _________________________________________________________________

      Уәкілетті ұйымның қолданыстағы лицензиясының қолданыстағы қосымшасының (уәкілетті банктің айырбастау пункті куәлігінің немесе жазбаша растаудың) (уәкілетті банк осындай куәлікті немесе осындай растауды алғаннан кейін) нөмірі _______________________________________________ _________________________________________________________________

      20___ жылғы "_____" ______________

      *Айырбастау операцияларын өзге де банк операцияларымен қоса жүргізген кезде толтырылмайды

      20___ жылғы "___" ___________ сатып алынған және сатылған қолма-қол шетел валютасының тізілімі

      Кассир _____________________________________ _________

                  (тегі, аты және әкесінің аты (бар болса) (қолы)

      Ескертпе:

      * – айырбастау операциясын жүргізген кезде клиент берген құжаттарға сәйкес көрсетіледі: 1 – резиденттер үшін (Қазақстан Республикасының азаматтары, Қазақстан Республикасында тұрақты тұруға берілген рұқсат негізінде Қазақстан Республикасында тұрақты тұратын шетелдіктер мен азаматтығы жоқ адамдар), 2 – бейрезидентер үшін;

      ** – Қағидалардың 51-тармағының екінші бөлігінде көзделген жағдайда клиенттің тегі, аты және әкесінің аты (бар болса) толтырылады.

      *** – сатып алу бағамы бойынша есептеледі;

      **** – сату бағамы бойынша есептеледі;

      ***** – бақылау чегінде көрсетілген операцияны жүргізу уақыты.

Әкімшілік деректерді жинауға арналған нысан "Айырбастау пункттері арқылы жүргізілген айырбастау операциялары туралы есеп"

      Ескерту. 12-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      Есепті кезең: 20__ жылғы __________

      Индексі: NIV_UB

      Кезеңділігі: ай сайын

      Ұсынады: уәкілетті банк (оның филиалы)

      Нысан қайда ұсынылады: Қазақстан Республикасы Ұлттық Банкінің орталық аппараты немесе аумақтық филиалы

      Ұсыну мерзімі: ай сайын есепті айдан кейінгі айдың 7 (жетісіне) дейін (қоса алғанда)

      ___________________________________________________________

      уәкілетті банктің (оның филиалының) атауы

      20___ жылғы "____" _____________________

      Басшы ____________________________________ _________

                  (тегі, аты, әкесінің аты (бар болса)             (қолы)

      Орындаушы _______________________________ _________

                  (тегі, аты, әкесінің аты (бар болса)             (қолы)

Әкімшілік деректерді жинауға арналған "Айырбастау пункттері арқылы жүргізілген айырбастау операциялары туралы есеп" нысанын толтыру бойынша түсіндірме 1. Жалпы ережелер

      1. Осы түсіндірме әкімшілік деректерді жинауға арналған "Айырбастау пункттері арқылы жүргізілген айырбастау операциялары туралы есеп" нысанын (бұдан әрі – Нысан) толтыру бойынша талаптарды айқындайды.

      2. Нысан "Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасы Заңының 56-бабының 9) тармақшасына сәйкес әзірленді.

      3. Нысанды уәкілетті банк (оның филиалы) Қазақстан Республикасында қолма-қол шетел валютасымен айырбастау операцияларын жүзеге асыру қағидаларының 11-қосымшасына сәйкес толтырылатын Сатып алынған және сатылған қолма-қол шетел валютасы тізілімдерінің есепті айдағы деректері бойынша ай сайын жасайды.

      4. Нысанды жасау кезінде теңгемен берілген есеп айырысуларда Сатып алынған және сатылған қолма-қол шетел валютасы тізілімінің 6 және 8-бағандарына сәйкес көрсетілген теңгемен айырбастау операциясының сомасы пайдаланылады.

      5. Есептік кезеңде деректер болмаған жағдайда Нысан нөлдік мәндермен ұсынылады.

      6. Деректерді түзету (өзгерістер, толықтырулар) есепті ұсынуға берілген мерзім өткеннен кейін алты ай ішінде енгізіледі.

2. Нысанды толтыру

      7. Есептің 1-бағанында уәкілетті банктің (оның филиалының) айырбастау пункттері есепті кезеңде айырбастау операцияларын жүзеге асырған шетел валюталарының барлық түрлері бойынша деректер беріледі. Айырбастау операцияларының көлемі бойынша жиынтық деректер теңгемен есептелінеді.

      8. 1-бағанда 110, 111, 120, 121-жолдар бойынша деректер бүтін мәнге дейін дөңгелектеніп, мың теңгемен толтырылады (бес жүз теңгеден кем деректер нөлге дейін, бес жүзден бір мың теңгеге дейін – бірге дейін дөңгелектенеді).

      9. 2, 3, 4, 5, 6-бағандарда деректер Америка Құрама Штаттары доллары (USD), еуро (EUR), Ресей рублі (RUB), Қытай юані (CNY), ағылшын фунт стерлингі (GBP) бойынша беріледі, ал одан әрі нөмірленген бағандарда уәкілетті банктің (оның филиалының) айырбастау пунктері есепті кезеңде айырбастау операцияларын жүзеге асырған валюталардың қалған түрлері бойынша деректер беріледі.

      10. 2, 3, 4, 5, 6-бағандарда және одан әрі нөмірленген бағандарда 110, 111, 120, 121-жолдар бойынша деректер тиісті валютаның бірлігінде ұсынылады.

      Егер айырбастау пунктері есепті кезеңде 2, 3, 4, 5, 6-бағандарда көрсетілген қандай да бір валюталармен айырбастау операцияларын жүргізбесе, онда тиісті баған толтырылмайды.

      11. 210, 211, 212, 220, 221, 222-жолдар есептеу бірлігінде толтырылады.

      12. 2, 3, 4, 5, 6-бағандарда және одан әрі нөмірленген бағандарда 311, 312, 321 және 322-жолдар бойынша тиісті шетел валютасының бағамы көрсетіледі. 311 (321) жол бойынша тиісті бағанда уәкілетті банктің (оның филиалының) айырбастау пункттері үшін есепті айда теңгемен сатып алу (сату) үшін белгіленген осы шетел валютасы бағамдарының ең төменгісі көрсетіледі, 312 (322) жол бойынша – уәкілетті банктің (оның филиалының) айырбастау пункттері үшін есепті айда теңгемен сатып алу (сату) үшін белгіленген осы шетел валютасының бағамдарының ең жоғарғысы көрсетіледі.

      13. Осы есепті толтыру кезінде барлық бағандар бойынша мынадай талаптарды орындау қамтамасыз етіледі:

      коды 111-жол ≤ коды 110-жол;

      коды 121-жол ≤ коды 120-жол;

      коды 210-жол ≥ коды 211-жол + коды 212-жол;

      коды 220-жол ≥ коды 221-жол + коды 222-жол.

Әкімшілік деректерді жинауға арналған нысан "Шетел валютасының қозғалысы және айырбастау пункттері арқылы жүргізілген айырбастау операциялары туралы есеп"

      Ескерту. 13-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      Есепті кезең: 20__ жылғы __________

      Индексі: NIV_UО

      Кезеңділігі: ай сайын

      Ұсынады: уәкілетті ұйым (оның филиалы)

      Нысан қайда ұсынылады: Қазақстан Республикасы Ұлттық Банкінің орталық аппараты немесе аумақтық филиалы

      Ұсыну мерзімі: ай сайын есепті айдан кейінгі айдың 7 (жетісіне) дейін (қоса алғанда)

      ______________________________________________________________

      уәкілетті ұйымның (оның филиалының) атауы

      Қолма-қол шетел валютасымен айырбастау операцияларына арналған лицензияның нөмірі және күні

      _________________________________________________________

      20___ жылғы "____" ___________

      Басшы ____________________________________ ________

                  (тегі, аты, әкесінің аты (бар болса)             (қолы)

      Орындаушы _______________________________ ________

                  (тегі, аты, әкесінің аты (бар болса)             (қолы)

      пошталық мекенжайы, телефон, факс

      ____________________________________________________________

Әкімшілік деректерді жинауға арналған "Шетел валютасының қозғалысы және айырбастау пункттері арқылы жүргізілген айырбастау операциялары туралы есеп" нысанын толтыру бойынша түсіндірме 1. Жалпы ережелер

      1. Осы түсіндірме әкімшілік деректерді жинауға арналған "Шетел валютасының қозғалысы және айырбастау пункттері арқылы жүргізілген айырбастау операциялары туралы есеп" нысанын (бұдан әрі – Нысан) толтыру бойынша талаптарды айқындайды.

      2. Нысан "Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасының Заңы 56-бабының 9) тармақшасына сәйкес әзірленді.

      3. Нысанды уәкілетті ұйым (оның филиалы) Қазақстан Республикасында қолма-қол шетел валютасымен айырбастау операцияларын жүзеге асыру қағидаларының 11-қосымшасына сәйкес толтырылатын Сатып алынған және сатылған қолма-қол шетел валютасы тізілімдерінің есепті ай үшін берілген деректері бойынша ай сайын жасайды. Уәкілетті ұйымның филиалы дербес Нысанды жасайды.

      4. Нысанды жасау кезінде теңгемен берілген деректер үшін есептеулерде Сатып алынған және сатылған қолма-қол шетел валютасы тізілімінің 6 және 8-бағандарына сәйкес көрсетілген айырбастау операциясының теңгемен сомасы пайдаланылады.

      5. Есептік кезеңде деректер болмаған жағдайда Нысан нөлдік мәндермен ұсынылады.

      6. Деректерді түзету (өзгерістер, толықтырулар) есепті ұсынуға берілген мерзім өткеннен кейін алты ай ішінде енгізіледі.

2. Нысанды толтыру 1 және 2-бөлімдер бойынша

      7. Есепті қалыптастыру кезінде теңгемен берілген деректер үшін есептеулерде Сатып алынған және сатылған қолма-қол шетел валютасы тізілімінің тиісінше 6 және 8-бағандарында көрсетілген теңгемен айырбастау операциясы сомасының баламасы пайдаланылады.

      8. Есептің 1-бағанында ("Х" белгісімен белгіленген жолдарды қоспағанда) уәкілетті ұйымның (оның филиалының) айырбастау пункттері есепті кезеңде айырбастау операцияларын жүзеге асырған шетел валюталарының барлық түрлері бойынша деректер беріледі. Айырбастау операцияларының көлемдері бойынша жиынтық деректер теңгемен есептеледі.

      9. 1-бағанда кодтары 110, 111, 120, 121-жолдар бойынша деректер бүтін мәнге дейін дөңгелектеніп, мың теңгемен толтырылады (бес жүз теңгеден кем деректер нөлге дейін, бес жүзден бастап бір мыңға дейінгі – бірге дейін дөңгелектенеді).

      10. 2, 3, 4, 5, 6-бағандарда деректер АҚШ доллары (USD), еуро (EUR), Ресей рублі (RUB), Қытай юані (CNY), ағылшын фунт стерлингі (GBP) бойынша беріледі, ал одан әрі нөмірленген бағандарда уәкілетті ұйымның (оның филиалының) айырбастау пункттері есепті кезеңде айырбастау операцияларын жүзеге асырған валюталардың қалған түрлері бойынша деректер келтіріледі.

      11. 2, 3, 4, 5, 6-бағандарда және одан әрі нөмірленген бағандарда 110, 111, 120, 121-жолдар бойынша деректер тиісті валютаның бірлігінде беріледі.

      Егер айырбастау пунктері есепті кезеңде 2, 3, 4, 5, 6-бағандарда көрсетілген қандай да бір валютамен айырбастау операцияларын жүргізбесе, онда тиісті баған толтырылмайды.

      12. 210, 211, 212, 220, 221, 222-жолдар шоттың бірлігімен толтырылады.

      13. 2, 3, 4, 5, 6-бағандарда және 311, 312, 321 және 322-жолдар бойынша одан әрі нөмірленген бағандарда тиісті шетел валютасының бағамы көрсетіледі. 311 (321) жол бойынша тиісті бағанда уәкілетті ұйымның (оның филиалының) айырбастау пункттері үшін есепті кезеңде теңгемен сатып алу (сату) үшін белгіленген осы шетел валютасы бағамдарының ең төменгісі көрсетіледі; 312 (322) жол бойынша – уәкілетті ұйымның (оның филиалының) айырбастау пункттері үшін есепті кезеңде теңгемен сатып алу (сату) үшін белгіленген осы шетел валютасы бағамдарының ең жоғарғысы көрсетіледі.

      14. Есептің 1 және 2-бөлімдерін толтыру кезінде барлық бағандар бойынша мына талаптардың орындалуы қамтамасыз етіледі:

      коды 111-жол ≤ коды 110-жол;

      коды 121-жол ≤ коды 120-жол;

      коды 210-жол ≥ коды 211-жол + коды 212-жол;

      коды 220-жол ≥ коды 221-жол + коды 222-жол.

      3-бөлім бойынша

      15. Есептің 3-бөлімінде 1-баған толтырылмайды.

      16. 2, 3, 4, 5, 6-бағандарда және одан әрі нөмірленген бағандарда жолдар бойынша деректер тиісті валютаның мың бірлігімен беріледі.

      17. 2, 3, 4, 5, 6-бағандарда және одан әрі нөмірленген бағандарда 423 және 433-жолдар бойынша деректер мың бірлікке айналдырылған тиісінше 110 және 120-бағандардағы деректерге тең болуға тиіс.

      18. Есептің 3-бөлімін толтырған кезде 2, 3, 4, 5, 6-бағандар және 410, 420, 430, 440-жолдар бойынша одан әрі нөмірленген бағандар бойынша тиісті көрсеткіштердің атауында көрсетілген талаптарды орындау қамтамасыз етіледі.

      Ескерту. 14-қосымшаның оң жақ жоғарғы бұрышы жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

Әкімшілік деректерді жинауға арналған нысан "Баламасы 50 000 (елу мың) Америка Құрама Штаттарының долларына тең немесе одан асатын сомаға қолма-қол шетел валютасын сатып алу және (немесе) сату туралы есеп"

      Есепті кезең: __ жылғы __________

      Индекс: NIV_EEROK

      Кезеңділігі: ай сайын

      Ұсынады: уәкілетті банк (оның филиалы) немесе уәкілетті ұйым (оның филиалы)

      Нысан қайда ұсынылады: Қазақстан Республикасы Ұлттық Банкінің орталық аппараты немесе аумақтық филиалы

      Ұсыну мерзімі: есепті кезеңнен кейінгі айдың 10 (онына) дейін (қоса алғанда)

      Нысан

      Уәкілетті банктің немесе уәкілетті ұйымның бизнес- сәйкестендіру нөмірі

      ____________________________________________________________________

      Уәкілетті банктің немесе уәкілетті ұйымның атауы_____________________________

      * – айырбастау операциясын жүргізген кезде клиент ұсынған құжатқа сәйкес көрсетіледі: 1 – резиденттер үшін (Қазақстан Республикасының азаматтары, Қазақстан Республикасында тұрақты тұруға берілген рұқсат негізінде Қазақстан Республикасында тұрақты тұратын шетелдіктер мен азаматтығы жоқ адамдар), 2 – бейрезиденттер үшін

      Басшы (Бас бухгалтер)

      ____________ __________ __________________________________

      (лауазымы)      (қолы)            (тегі, аты, әкесінің аты (бар болса)

      Орындаушы ____________ ____________________________________

      (қолы) (тегі, аты, әкесінің аты (бар болса)

      телефон

      _______ 20 ____ жылғы "____"_____________

Әкімшілік деректерді жинауға арналған нысанды толтыру бойынша түсіндірме

1-тарау. Жалпы ережелер

      1. Осы түсіндірме "Баламасы 50 000 (елу мың) Америка Құрама Штаттарының (бұдан әрі – АҚШ) долларына тең немесе одан асатын сомаға қолма-қол шетел валютасын сатып алу және (немесе) сату туралы есеп" әкімшілік деректерді жинауға арналған нысанды (бұдан әрі – Нысан) толтыру бойынша талаптарды айқындайды.

      2. Нысанды уәкілетті банк (оның филиалы) немесе уәкілетті ұйым (оның филиалы) ай сайын ұсынады және баламасы 50 000 (елу мың) АҚШ долларына тең немесе одан асатын сомаға қолма-қол шетел валютасын сатып алу немесе сату операциялары туралы ақпаратты қамтиды.

      3. Нысанға басшы немесе бас бухгалтер және орындаушы тегін, атын, әкесінің атын (бар болса) көрсете отырып қол қояды.

      4. Есептік кезеңде деректер болмаған жағдайда Нысан нөлдік мәндермен ұсынылады.

      5. Деректерге түзетулер (өзгерістер, толықтырулар) Нысанды ұсынуға берілген мерзім өткеннен кейін алты ай ішінде енгізіледі.

2-тарау. Нысанды толтыру

      6. Нысан есепті кезеңде бір жеке тұлғаға баламасы 50 000 (елу мың) АҚШ долларына тең немесе одан асатын қолма-қол шетел валютасын сатып алу және (немесе) сату операциясы болған кезде жіберіледі.

      7. Қолма-қол шетел валютасын сатып алу немесе сату операциялары бойынша ақпарат операцияны өткізу күніндегі есепте көрсетіледі.

      8. Нысанның 1-бөлігінде қолма-қол шетел валютасын сатып алу немесе сату операциясын жүзеге асырған жеке тұлға-клиент туралы ақпарат көрсетіледі.

      9. 1.2-бағанда жеке сәйкестендіру нөмірі көрсетіледі. Жеке тұлғаның жеке сәйкестендіру нөмірі болмаған кезде 1.2-бағанда жеке басын куәландыратын құжаттың деректері көрсетіледі.

      10. Нысанның 2-бөлігінде шетел валютасын сатып алу немесе сату бойынша операция туралы ақпарат көрсетіледі.

      2.2-бағанда клиент қолма-қол шетел валютасын сатып алған кезде "1", клиент қолма-қол шетел валютасын сатқан кезде "2" көрсетіледі.

      2.4-бағанда "Валюталар мен қорларды көрсетуге арналған кодтар" ҚР ҰС 07 ISO 4217-2012 Қазақстан Республикасының ұлттық сыныптауышына сәйкес валютаның үш мәнді әріптік коды көрсетіледі.

Қазақстан Республикасының Ұлттық Банкі шығарған тазартылған құйма алтынды сатып алу және (немесе) сату операцияларын есепке алу журналы

      Ескерту. 15-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      Уәкілетті ұйымның немесе оның филиалының атауы, бизнес-сәйкестендіру нөмірі

      _________________________________________________

      Уәкілетті ұйымның Қазақстан Республикасында қолма-қол шетел валютасымен айырбастау операцияларына арналған 20 ____ жылғы "____" ______________ лицензиясына қосымшаның нөмірі

Қазақстан Республикасының Ұлттық Банкі шығарған тазартылған құйма алтынды сатып алу және (немесе) сату операцияларын есепке алу тізілімі 20____жылғы "____"______________

      Кассир _____________________________________ _________

                  (тегі, аты, әкесінің аты (бар болса)             (қолы)

      * Ескертпе: – клиент операция жүргізген кезде ұсынған құжатқа сәйкес көрсетіледі: 1 – резиденттер үшін (Қазақстан Республикасының азаматтары, Қазақстан Республикасында тұрақты тұруға берілген рұқсат негізінде Қазақстан Республикасында тұрақты тұратын шетелдіктер мен азаматтығы жоқ адамдар), 2 – бейрезиденттер үшін, 0 – өткізу кезінде жеке басын куәландыратын құжат ұсынылмаған 2 (екі) миллион теңгеден (қоса алғанда) кем операциялар үшін;

      ** – Қағидалардың 73-тармағының үшінші бөлігінде көзделген жағдайда толтырылады;

      *** Ескертпе: – сатып алу құны бойынша есептеледі;

      **** Ескертпе: – сату құны бойынша есептеледі;

      ***** Ескертпе: – бақылау чегінде көрсетілген операцияны өткізу уақыты.

Әкімшілік деректерді жинауға арналған нысан "Қазақстан Республикасының Ұлттық Банкі шығарған тазартылған құйма алтынды сатып алу және (немесе) сату бойынша айырбастау пункттері арқылы жүргізілген операциялар туралы есеп"

      Ескерту. 16-қосымша жаңа редакцияда - ҚР Ұлттық Банкі Басқармасының 31.12.2019 № 265 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) қаулысымен.

      Есепті кезең: 20 ___ жылғы __________ үшін

      Индекс: SMSAZ_UO

      Кезеңділігі: ай сайын

      Ұсынады: уәкілетті ұйым (оның филиалы)

      Нысан қайда ұсынылады: Қазақстан Республикасы Ұлттық Банкінің орталық аппараты немесе аумақтық филиалы

      Ұсыну мерзімі: есепті айдан кейінгі айдың 10 (онына) дейін (қоса алғанда)

      _______________________________________________________________

      уәкілетті ұйымның (оның филиалының) атауы

      Қолма-қол шетел валютасымен айырбастау операцияларына арналған лицензияның нөмірі және күні

      _______________________________________________________________

      20____жылғы "____"_______________

      _____________________________________ _________ басшы

      (тегі, аты, әкесінің аты (бар болса)             (қолы)

      _____________________________________ _________ орындаушы

      (тегі, аты, әкесінің аты (бар болса)             (қолы)

      пошталық мекенжайы, телефон, факс

      _________________________________________________________________

"Қазақстан Республикасының Ұлттық Банкі шығарған тазартылған құйма алтынды сатып алу және (немесе) сату бойынша айырбастау пункттері арқылы жүргізілген операциялар туралы есеп" әкімшілік деректерді жинауға арналған нысанды толтыру бойынша түсіндірме

      1. Осы түсіндірме "Қазақстан Республикасының Ұлттық Банкі шығарған тазартылған құйма алтынды сатып алу және (немесе) сату бойынша айырбастау пункттері арқылы жүргізілген операциялар туралы есеп" әкімшілік деректерді жинауға арналған нысанды (бұдан әрі – Нысан) толтыру бойынша талаптарды айқындайды.

      2. Нысан "Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасының Заңы 56-бабының 9) тармақшасына сәйкес әзірленген.

      3. Нысанды уәкілетті ұйым (оның филиалы) Қазақстан Республикасында қолма-қол шетел валютасымен айырбастау операцияларын жүзеге асыру қағидаларының 16-қосымшасына сәйкес нысан бойынша тазартылған құйма алтынмен операцияларды есепке алу журналының есепті айдағы деректері бойынша ай сайын толтырады.

      4. Нысанды толтыру кезінде теңгемен берілген деректер үшін есептеулерде тазартылған құйма алтынмен операцияларды есепке алу тізілімінің 5 және 8-бағандарына сәйкес көрсетілген операциялардың теңгемен сомасы қолданылады.

      5. Есептік кезеңде деректер болмаған жағдайда Нысан нөлдік мәндермен ұсынылады.

      6. Деректерге түзетулер (өзгерістер, толықтырулар) есепті ұсынуға берілген мерзім өткеннен кейін алты ай ішінде енгізіледі.

Қазақстан Республикасының Ұлттық Банкі Басқармасының күші жойылды деп танылған кейбір қаулыларының тізбесі

      1. "Қазақстан Республикасында қолма-қол шетел валютасымен айырбастау операцияларын ұйымдастыру қағидаларын бекіту туралы" Қазақстан Республикасы Ұлттық Банкі Басқармасының 2014 жылғы 16 шілдедегі № 144 қаулысы (Нормативтік құқықтық актілерді мемлекеттік тіркеу тізілімінде № 9801 болып тіркелген, 2014 жылғы 12 қарашада "Әділет" ақпараттық-құқықтық жүйесінде жарияланған).

      2. "Қазақстан Республикасында қолма-қол шетел валютасымен айырбастау операцияларын ұйымдастыру қағидаларын бекіту туралы" Қазақстан Республикасы Ұлттық Банкі Басқармасының 2014 жылғы 16 шілдедегі № 144 қаулысына өзгерістер мен толықтырулар енгізу туралы" Қазақстан Республикасы Ұлттық Банкі Басқармасының 2015 жылғы 26 наурыздағы № 46 қаулысы (Нормативтік құқықтық актілерді мемлекеттік тіркеу тізілімінде № 10873 болып тіркелген, 2015 жылғы 6 мамырда "Әділет" ақпараттық-құқықтық жүйесінде жарияланған).

      3. "Қазақстан Республикасының кейбір нормативтік құқықтық актілеріне өзгерістер енгізу туралы" Қазақстан Республикасы Ұлттық Банкі Басқармасының 2015 жылғы 19 желтоқсандағы № 224 қаулысы (Нормативтік құқықтық актілерді мемлекеттік тіркеу тізілімінде № 12970 болып тіркелген, 2016 жылғы 1 наурызда "Әділет" ақпараттық-құқықтық жүйесінде жарияланған).

      4. "Қазақстан Республикасында қолма-қол шетел валютасымен айырбастау операцияларын ұйымдастыру қағидаларын бекіту туралы" Қазақстан Республикасы Ұлттық Банкі Басқармасының 2014 жылғы 16 шілдедегі № 144 қаулысына өзгерістер мен толықтыру енгізу туралы" Қазақстан Республикасы Ұлттық Банкі Басқармасының 2016 жылғы 28 қаңтардағы № 55 қаулысы (Нормативтік құқықтық актілерді мемлекеттік тіркеу тізілімінде № 13219 болып тіркелген, 2016 жылғы 29 ақпанда "Әділет" ақпараттық-құқықтық жүйесінде жарияланған).

      5. "Валюталық реттеудің және валюталық бақылаудың кейбір мәселелері туралы" Қазақстан Республикасы Ұлттық Банкі Басқармасының 2016 жылғы 28 қарашадағы № 269 қаулысы (Нормативтік құқықтық актілерді мемлекеттік тіркеу тізілімінде № 14564 болып тіркелген, 2016 жылғы 28 желтоқсанда "Әділет" ақпараттық-құқықтық жүйесінде жарияланған).

      6. "Қазақстан Республикасында қолма-қол шетел валютасымен айырбастау операцияларын ұйымдастыру қағидаларын бекіту туралы" Қазақстан Республикасы Ұлттық Банкі Басқармасының 2014 жылғы 16 шілдедегі № 144 қаулысына өзгерістер мен толықтырулар енгізу туралы" Қазақстан Республикасы Ұлттық Банкі Басқармасының 2017 жылғы 27 қыркүйектегі № 188 қаулысы (Нормативтік құқықтық актілерді мемлекеттік тіркеу тізілімінде № 16162 болып тіркелген, 2018 жылғы 4 қаңтарда Қазақстан Республикасы нормативтік құқықтық актілерінің эталондық бақылау банкінде жарияланған).

      7. "Қазақстан Республикасында қолма-қол шетел валютасымен айырбастау операцияларын ұйымдастыру қағидаларын бекіту туралы" Қазақстан Республикасы Ұлттық Банкі Басқармасының 2014 жылғы 16 шілдедегі № 144 қаулысына өзгерістер мен толықтырулар енгізу туралы" Қазақстан Республикасы Ұлттық Банкі Басқармасының 2018 жылғы 27 тамыздағы № 183 қаулысы (Нормативтік құқықтық актілерді мемлекеттік тіркеу тізілімінде № 17677 болып тіркелген, 2018 жылғы 8 қарашада Қазақстан Республикасы нормативтік құқықтық актілерінің эталондық бақылау банкінде жарияланған).