Арнаулы әлеуметтік қызметтер көрсететін ұйымдар қызметінің қағидаларын бекіту туралы

      "Арнаулы әлеуметтік қызметтер туралы" Қазақстан Республикасы Заңының 8-бабының 2) тармақшасына сәйкес БҰЙЫРАМЫН:

      1. Осы бұйрыққа қосымшаға сәйкес Арнаулы әлеуметтік қызметтер көрсететін ұйымдар қызметінің қағидалары бекітілсін.

      2. Мыналардың:

      1) "Халықты әлеуметтік қорғау саласындағы арнаулы әлеуметтік көрсетілетін қызметтер ұсынатын ұйымдарда киімді және жұмсақ мүкәммалды есепке алу қағидаларын бекіту туралы" Қазақстан Республикасы Денсаулық сақтау және әлеуметтік даму министрі міндетін атқарушының 2016 жылғы 24 ақпандағы № 140 бұйрығының (Нормативтік құқықтық актілерді мемлекеттік тіркеу тізілімінде № 13544 болып тіркелген, "Әділет" ақпараттық-құқықтық жүйесінде 2016 жылы 6 сәуірде жарияланды);

      2) "Халықты әлеуметтік қорғау саласындағы арнаулы әлеуметтік қызметтерді ұсынатын ұйымдарда ішкі құжаттаманы жүргізу қағидаларын бекіту туралы" Қазақстан Республикасы Денсаулық сақтау және әлеуметтік даму министрі міндетін атқарушының 2016 жылғы 25 ақпандағы № 147 бұйрығының (Нормативтік құқықтық актілерді мемлекеттік тіркеу тізілімінде № 13546 болып тіркелген, "Әділет" ақпараттық-құқықтық жүйесінде 2016 жылы 11 сәуірде жарияланды) күші жойылды деп танылсын.

      3. Қазақстан Республикасы Еңбек және халықты әлеуметтік қорғау министрлігінің Әлеуметтік қызметтер департаменті заңнамада белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрық мемлекеттік тіркелген күннен бастап күнтізбелік он күн ішінде оны қазақ және орыс тілдерінде "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін жіберуді;

      3) осы бұйрық мемлекеттік тіркелгеннен кейін күнтізбелік он күн ішінде оның көшірмесін мерзімді баспа басылымдарына ресми жариялауға жіберуді;

      4) осы бұйрық ресми жарияланғаннан кейін оны Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыруды;

      5) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Еңбек және халықты әлеуметтік қорғау министрлігінің Заң қызметі департаментіне осы тармақтың 1), 2), 3) және 4) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      4. Осы бұйрықтың орындалуын бақылау Қазақстан Республикасының Еңбек және халықты әлеуметтік қорғау вице-министрі С.Қ. Жақыповаға жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      КЕЛІСІЛДІ

      Қазақстан Республикасының

      Білім және ғылым министрі

      _________________ Е. Сағадиев

      КЕЛІСІЛДІ

      Қазақстан Республикасының

      Денсаулық сақтау министрі

      _________________ Е. Біртанов

Арнаулы әлеуметтік қызметтер көрсететін ұйымдар қызметінің қағидалары

1-тарау. Жалпы ережелер

      1. Арнаулы әлеуметтік қызметтер көрсететін ұйымдар қызметінің қағидалары (бұдан әрі – Қағидалар) "Арнаулы әлеуметтік қызметтер туралы" Қазақстан Республикасы Заңының 8-бабының 2) тармақшасына сәйкес әзірленген.

      2. Осы Қағидалар:

      стационар, жартылай стационар, үйде қызмет көрсету жағдайларында мынадай адамдарға (бұдан әрі – қызмет алушылар):

      1) психоневрологиялық патологиясы бар мүгедек балаларға (бұдан әрі – балалар);

      2) тірек-қимыл аппараты бұзылған мүгедек балаларға (бұдан әрі – ТҚА бұзылған балалар);

      3) психоневрологиялық аурулары бар он сегіз жастан асқан мүгедектерге (бұдан әрі – он сегіз жастан асқан адамдар);

      4) бірінші және екінші топтағы мүгедектерге (бұдан әрі – мүгедектер);

      5) егде жасына байланысты өзіне қызмет көрсетуге мүмкіндігі жоқ адамдарға (бұдан әрі – қарттар);

      бас бостандығынан айыру орындарынан босатылған және пробация қызметінде тұрған белгілі бір тұрғылықты жері жоқ адамдарға (бұдан әрі – уақытша болу ұйымдарындағы қызмет алушылар) уақытша болу жағдайларында арнаулы әлеуметтік қызметтер көрсететін ұйымдар қызметінің тәртібін айқындайды.

      3. Осы Қағидаларда мынадай негізгі ұғымдар пайдаланылады:

      1) жартылай стационарлық жағдайларында арнаулы әлеуметтік қызметтер көрсететін ұйым (бұдан әрі – жартылай стационарлық үлгідегі ұйымдар) – меншік нысанына қарамастан, қызмет алушылардың ұйымда ұзақ немесе уақытша (6 айға дейінгі мерзімге) күндіз болу жағдайларында арнаулы әлеуметтік қызметтер көрсетуге арналған заңды тұлға не заңды тұлғаның құрылымдық бөлімшесі;

      2) облыстардың (республикалық маңызы бар қалалардың және астананың) жергілікті атқарушы органының құрылымдық бөлімшесі (бұдан әрі – жергілікті бюджеттен қаржыландырылатын атқарушы орган) – облыстардың жұмыспен қамтуды үйлестіру және әлеуметтік бағдарламалар басқармасы, Нұр-Сұлтан қаласының жұмыспен қамту және әлеуметтік қорғау басқармасы, Алматы және Шымкент қаласының жұмыспен қамту және әлеуметтік бағдарламалар басқармасы;

      3) стационар жағдайларында арнаулы әлеуметтік қызметтер көрсететін ұйым (бұдан әрі – стационарлық үлгідегі ұйымдар) – меншік нысанына қарамастан, қызмет алушылардың ұйымда тәулік бойы тұрақты немесе уақытша (үш айға дейінгі мерзімге) тұруы жағдайында арнаулы әлеуметтік қызметтерге көрсетуге арналған заңды тұлға;

      4) уақытша болу жағдайларында арнаулы әлеуметтік қызметтер көрсететін ұйым (бұдан әрі – уақытша болу ұйымдары) – меншік нысанына қарамастан, қызмет алушылардың ұйымда тәулік бойы уақытша (бір жылдан көп емес) болуы жағдайында арнаулы әлеуметтік қызметтер көрсетуге арналған заңды тұлға;

      5) үйде арнаулы әлеуметтік қызметтер көрсететін ұйым (бұдан әрі – үйде қызмет көрсету ұйымы) – меншік нысанына қарамастан, қызмет алушылардың тұрғылықты жері бойынша үйде қызмет көрсету жағдайларында арнаулы әлеуметтік қызметтер көрсетуге арналған заңды тұлға не заңды тұлғаның құрылымдық бөлімшесі.

2-тарау. Стационарлық үлгідегі ұйымдар қызметінің тәртібі

      4. Стационарлық үлгідегі ұйымдар:

      1) медициналық-әлеуметтік мекемелер (ұйымдар);

      2) әлеуметтік қызмет көрсету орталықтары;

      3) арнаулы әлеуметтік қызметтер көрсету орталықтары;

      4) жоба қуаттылығы 10-нан 50-ге дейінгі орындары бар сыйымдылығы шағын үйлер;

      5) тәулік бойы тұру жағдайларында арнаулы әлеуметтік қызметтер көрсетуге арналған өзге де ұйымдар түрінде құрылады.

      5. Стационарлық үлгідегі ұйымдарда арнаулы әлеуметтік қызметтер көрсету үшін мынадай бөлімшелерді құру рұқсат етіледі:

      өз бетінше тұруды сүйемелдеу қызметтерін ұсыну туралы шешім қабылданған он сегіз жастағы адамдарға, мүгедектерге, қарттарға арналған, жоба қуаты 6-дан 30-ға дейінгі орындары бар өз бетінше тұруды сүйемелдеу бөлімшілері (бұдан әрі – Бөлімше);

      созылмалы үдемелі аурулар жағдайындағы немесе терминалдық (соңғы) сатыдағы он сегіз жастан асқан адамдарды, мүгедектерді, қарттарды үздіксіз бақылауға арналған паллиативті көмек палаталары (бөлімшелері);

      өзіне дене зақымын келтіретін және (немесе) айналасындағыларға қауіп тудыратын және осы себептермен қосымша күтімге, күшейтілген бақылауға және (немесе) шұғыл медициналық көмекке мұқтаж балалар мен он сегіз жастан асқан адамдарға арналған дағдарыс палаталары (бөлімшелері) құрылуы мүмкін.

      6. Стационарлық үлгідегі ұйымдар мынадай адамдардың тәулік бойы тұрақты немесе уақытша (үш айға дейінгі мерзімге) тұруына арналған:

      1) мыналардың:

      барлық дәрежедегі ақыл-ой кемістігі, оның ішінде білім беру ұйымдарында оқуды қиындататын (қозғалу қиындығына орай бөгде адамның көмегінсіз қозғалып жүре алмайтын, өзіне-өзі қызмет көрсете алмайтын, жеке күтімді қажет ететін) жүріп-тұру функцияларының өрескел бұзылуының болуы;

      барлық дәрежедегі ақыл-ой кемістігі бар, зағиптығы (нашар көру) немесе кереңдігі (нашар есту), оның ішінде мамандандырылған мектеп интернаттардың қосымша сыныптарында оқуды қиындататын жүріп-тұру функцияларының өрескел бұзылуының болуы;

      деменция болған кездегі (оның ішінде симптоматикалық) эпилепсия;

      тұрақты кемістігі бар шизофрения;

      этиологиясы әр түрлі деменция салдарынан стационарлық жағдайда арнаулы әлеуметтік қызмет көрсетуге мұқтаж үш жастан он сегіз жасқа дейінгі балалар.

      Стационарлық үлгідегі ұйымдарда балалардың тұруына:

      жиі ұстамалы (айына бес рет және одан да көп), жиі генерализациялық ұстамаға, эпилептикалық статусқа бейім эпилепсияның;

      өзіне және (немесе) айналасындағыларға қауіпті, мінез-құлқы мен қызығушылығының өрескел бұзылуына және (немесе) жіті психотикалық симптоматикаға (сандырақ, галлюцинация) ұштасатын психикалық және мінез-құлық бұзылушылықтары;

      белсенді процесс сатысындағы туберкулездің, карантиндік инфекциялардың, тері мен шаштың жұқпалы ауруларының, венерологиялық аурулардың, жұқтырылған иммун тапшылығы синдромының (бұдан әрі – ЖИТС);

      мамандандырылған медициналық ұйымдарда стационарлық емдеуді қажет ететін басқа да аурулардың болуы медициналық қарсы көрсетілімдер болып табылады;

      2) стационар жағдайында арнаулы әлеуметтік қызметтер көрсетуге мұқтаж интеллекті сақталған үш жастан он сегіз жасқа дейінгі ТҚА бұзылған балалар.

      ТҚА бұзылған балалардың стационарлық үлгідегі ұйымдарда тұруына:

      барлық дәрежедегі ақыл-ой кемістігінің;

      жиі эпилептиформалық ұстамалардың (айына бес рет және одан да көп);

      өзіне және (немесе) айналасындағыларға қауіпті, мінез-құлқы мен қызығушылығының өрескел бұзылуына және (немесе) жіті психотикалық симптоматикаға (сандырақ, галлюцинация) ұштасатын психикалық және мінез-құлық бұзылушылықтары;

      қайтымсыз гидроцефалияның;

      белсенді процесс сатысындағы туберкулездің, карантиндік инфекциялардың, тері мен шаштың жұқпалы ауруларының, венерологиялық аурулардың, ЖИТС-тің;

      мамандандырылған медициналық ұйымдарда стационарлық емдеуді қажет ететін басқа да аурулардың болуы медициналық қарсы көрсетілімдер болып табылады;

      3) мыналардың:

      барлық дәрежедегі ақыл-ой кемістігі, оның ішінде жүріп-тұру функцияларының өрескел бұзылуының (қозғалу қиындығына орай бөгде адамның көмегінсіз қозғалып жүре алмайтын, өзіне-өзі қызмет көрсете алмайтын, жеке күтімді қажет ететін адамдар) болуы;

      барлық дәрежедегі ақыл-ой кемістігі бар зағиптығы (нашар көру) немесе кереңдігі (нашар есту), оның ішінде жүріп-тұру функцияларының өрескел бұзылуының болуы;

      тұрақты кемістігі немесе деменциясы болған кездегі психикалық және мінез-құлық бұзылушылықтары;

      деменция болған кездегі (оның ішінде симптоматикалық) эпилепсия;

      этиологиясы әр түрлі деменция салдарынан стационар жағдайында арнаулы әлеуметтік қызмет көрсетуге мұқтаж психоневрологиялық ауруы бар он сегіз жастан асқан бірінші, екінші топтағы адамдар.

      Он сегіз жастан асқан адамдардың стационарлық үлгідегі ұйымдарда тұруына:

      белсенді процесс сатысындағы туберкулездің, карантинді инфекциялардың, тері мен шаштың жұқпалы ауруларының, ЖИТС-тің, жыныстық жолмен берілетін аурулардың;

      өзіне және (немесе) айналасындағыларға қауіпті, мінез-құлқы мен қызығушылығының өрескел бұзылуына және (немесе) жіті психотикалық симптоматикаға (сандырақ, галлюцинация) ұштасатын психикалық және мінез-құлық бұзылушылықтарының;

      жиі ұстамалы (айына бес рет және одан да көп), жиі генерализациялық ұстамаға, эпилептикалық статусқа бейім эпилепсияның және этиологиясы басқа тырыспалы синдромның;

      мамандандырылған медициналық ұйымдарда стационарлық емдеуді қажет ететін басқа да аурулардың болуы медициналық қарсы көрсетілімдер болып табылады;

      4) "Неке (ерлі-зайыптылық) және отбасы туралы" Қазақстан Республикасының Кодексіне (бұдан әрі – Кодекс) сәйкес өздерінің ата-аналарын, жұбайын (зайыбын) асырап-бағуға және оларға қамқорлық жасауға міндетті еңбек етуге қабілетті кәмелетке толған балалары, жұбайы (зайыбы) жоқ немесе объективті себептер бойынша (бірінші, екінші топтағы мүгедектігінің, онкологиялық, психикалық ауруларының болуына, бас бостандығынан айыру орындарында отыруына, психикалық денсаулық орталығында есепте тұруына немесе елден тыс жерге тұрақты тұруға кетуіне, қосымша жұбайы (зайыбы) үшін – егде жаста болуына байланысты) оларды тұрақты көмекпен және күтіммен қамтамасыз етпейтін еңбек етуге қабілетті кәмелетке толған балалары, жұбайы (зайыбы) бар, өзіне-өзі қызмет көрсете алмайтын және денсаулық жағдайына байланысты стационарлық жағдайда арнаулы әлеуметтік қызмет көрсетуге мұқтаж мүгедектер;

      5) "Қазақстан Республикасында зейнетақымен қамсыздандыру туралы" Қазақстан Республикасының Заңында (бұдан әрі – "Зейнетақымен қамсыздандыру туралы" Заң) белгіленген зейнеткерлік жасқа жеткен, өзіне қызмет көрсете алмайтын және Кодекске сәйкес өздерінің ата-аналарын, жұбайын (зайыбын) асырап-бағуға және оларға қамқорлық жасауға міндетті еңбек етуге қабілетті кәмелетке толған балалары, жұбайы (зайыбы) жоқ немесе объективті себептер бойынша (бірінші, екінші топтағы мүгедектігінің, онкологиялық, психикалық ауруларының болуына, бас бостандығынан айыру орындарында отыруына, психикалық денсаулық орталығында есепте тұруына немесе елден тыс жерге тұрақты тұруға кетуіне, қосымша жұбайы (зайыбы) үшін – егде жаста болуына байланысты) оларды тұрақты көмекпен және күтіммен қамтамасыз етпейтін еңбек етуге қабілетті кәмелетке толған балалары, жұбайы (зайыбы) бар қарт адамдар.

      Мүгедектер мен қарттардың стационарлық үлгідегі ұйымдарда тұруына:

      белсенді процесс сатысындағы туберкулездің;

      өзіне және (немесе) айналасындағыларға қауіпті, мінез-құлқы мен қызығушылығының өрескел бұзылуына және (немесе) жіті психотикалық симптоматикаға (сандырақ, галлюцинация) ұштасатын психикалық және мінез-құлық бұзылушылықтары;

      этиологиясы әртүрлі тырыспалы синдромдар (деменциясыз және жеке басының айқын білінетін өзгеруі жоқ, сирек ұстамасы бар (2-3 айда бір реттен артық емес) түрлерін қоспағанда);

      карантиндік инфекциялардың, тері мен шаш жұқпалы ауруларының, венерологиялық аурулардың, ЖИТС-тің, сондай-ақ мамандандырылған медициналық ұйымдарда емдеуді қажет ететін аурулардың болуы медициналық қарсы көрсетілімдер болып табылады.

      7. Стационарлық үлгідегі ұйымдарда:

      қызмет алушыларға үй жағдайына жақындатылған, жасы мен денсаулық жағдайына барынша барабар тыныс-тіршілік ету жағдайын жасау;

      қызмет алушыларды стационарлық үлгідегі ұйымнан тыс жерлерде өз бетінше және ешкімнің көмегінсіз тұруға дайындау;

      қызмет алушылардың тұру жағдайларын жақсарту, келушілерді қабылдау жағдайларын қамтамасыз ету;

      қызмет алушылардың интернетке қолжетімділігі үшін жағдайлар жасау;

      қызмет алушылардың жеке және құнды заттарының сақталуын қамтамасыз ету;

      қызмет алушыларды және олардың отбасы мүшелерін арнаулы әлеуметтік қызмет көрсетудің көлемі мен түрлері, стационарлық үлгідегі ұйымдардағы ішкі тәртіп қағидалары туралы хабардар ету;

      қамқорлыққа немесе қорғаншылыққа мұқтаж қызмет алушыларға қатысты стационарлық үлгідегі ұйымның әкімшілігіне жүктелген қамқоршылық және қорғаншылық функцияларын Кодекстің 122-бабының 4-тармағында, 125-бабында белгіленген тәртіппен орындау;

      ғимаратты санитариялық-эпидемиологиялық, қауіпсіздік нормаларына, оның ішінде өртке қарсы қауіпсіздік талаптарына сәйкес ұстау;

      заманауи техникалық жабдықтар;

      стационарлық үлгідегі ұйымның ғимаратын тұруға ыңғайлы болу, оған кедергісіз кіріп-шығуды, орынжай ішінде және ғимаратқа іргелес жатқан аумақта жүріп-тұруды қамтамасыз ету мақсатында құрылыс нормалары мен қағидаларына сәйкес арнаулы құралдармен жабдықтау;

      стационарлық үлгідегі ұйымның құрылтай құжаттарына сәйкес өзге де қызмет қамтамасыз етіледі.

      8. Стационарлық үлгідегі ұйымдарда қызмет алушыларға мынадай тұру шарттары ұсынылады:

      1) қызмет алушылар бөлмелерге денсаулық жағдайына, жасы, жынысы және психологиялық үйлесімділігі ескеріліп орналастырылады. Стационарлық үлгідегі ұйымда тұратындар қатарындағы ерлі-зайыптыларға бірге тұру үшін жеке орынжай бөлінеді;

      2) қызмет алушылардың стационарлық үлгідегі ұйымда уақытша болу жағдайында тұруы стационарлық үлгідегі ұйымның басшысы қызмет алушымен не оның заңды өкілімен жасасатын шартпен ресімделеді, онда уақытша болу мерзімі, қызметтердің көлемі мен түрлері айқындалады.

      9. Стационарлық үлгідегі ұйымда тұру тәртібі стационарлық үлгідегі ұйымның басшысы бекітетін ішкі тәртіп қағидаларында айқындалады.

      10. Стационарлық үлгідегі ұйым персоналының штат нормативтерін жергілікті бюджеттен қаржыландырылатын атқарушы орган немесе құрылтайшы осы Қағидаларға 1-қосымшаға сәйкес стационарлық үлгідегі ұйымдардағы персоналдың ең төмен штат нормативтерін сақтап, бюджет қажеттіліктерін және мүмкіндіктерін ескере отырып бекітеді.

      10-1. Қауіпсіздікті қамтамасыз ету мақсатында стационарлық үлгідегі ұйымдар бейнебақылау жүйесімен қамтамасыз етіледі.

      Мыналар:

      1) ұйымға іргелес аумақтың периметрі;

      2) бас және қосалқы кіру есіктері;

      3) жалпы пайдаланудағы үй-жайлар (орындар) мен кабинеттер бейнебақылау жүйесімен жабдықталады.

      Жақын туыстарының өтініші бойынша бейнеқадағалауды көруге рұқсат беріледі.

      11. Стационарлық үлгідегі ұйымдарда қызмет алушыларды есепке алу мынадай құжаттар бойынша жүргізіледі:

      1) осы Қағидаларға 2-қосымшаға сәйкес нысан бойынша арнаулы әлеуметтік қызметтерді алатын адамдарды және арнаулы әлеуметтік қызметтерге мұқтаж адамдарды тіркеудің электрондық журналы (бұдан әрі – электрондық журналы).

      Электрондық журналды әлеуметтік қызметтер порталында (http://aleumet.egov.kz) (бұдан әрі – портал) стационарлық үлгідегі ұйым жүргізеді.

      Электрондық журналда: қызмет алушылардың келуі, шығарылуы (шығарып жіберу), уақытша кетуі, басқа стационарлық үлгідегі ұйымға ауысуы, бұйрықтың нөмірі мен күні, шығару (шығарып жіберу) себебі, уақытша шығуы және арнаулы әлеуметтік қызметке мұқтаж кезек көрсетіледі.

      Бұрын стационарлық үлгідегі ұйымнан шығып кеткен адам қайта түссе, оның деректері "түскен күні" деген бағанда электрондық журналына "қайта оралды" деген белгімен жазылады.

      Бос орындар болмаған жағдайда стационарлық үлгідегі ұйым қызмет алушылардың өтініштерін электрондық журналға олардың келіп түсу ретімен тіркейді.

      Электрондық журналға кезекке өтінімді қызметтерді алушы таңдалған стационарлық үлгідегі ұйымда бос орын болмаған кезде электрондық цифрлық қолтаңба (бұдан әрі – ЭЦҚ) арқылы порталда авторизациялау арқылы дербес береді.

      Электрондық журналда мүгедекті оңалтудың жеке бағдарламасының мерзімі өткен кезекте тұрған және электрондық журналда қайта куәландырудан өткен қызмет алушылардың өтініштері алдыңғы кезектің сақталуын ескере отырып (мүгедекті оңалтудың стационарлық үлгідегі ұйымдарда арнаулы әлеуметтік қызметтер көрсетуге арналған жеке бағдарламасы болған кезде) порталда тіркеледі.

      Он сегіз жасқа толған және стационарлық үлгідегі ұйымдарда тұратын жетім балалар мен ата-анасының қамқорлығынсыз қалған балалар қарттарға, мүгедектерге және (немесе) он сегіз жастан асқан адамдарға арнаулы әлеуметтік қызметтер көрсететін стационарлық үлгідегі ұйымға кезектен тыс қабылданады.

      Көрсетілетін қызметті алушыға физикалық қабілеті стационарлық үлгідегі ұйымға белгіленген мерзімде келуге қабілетсіз болған жағдайда (сырқаттану, ауруханаға жатқызу) келу мерзімін күнтізбелік отыз күнге дейін бір рет ауыстыру мүмкіндігі беріледі.

      Көрсетілетін қызметті алушының сырқаттануына, емдеуге жатқызылуына байланысты белгіленген мерзімде стационарлық үлгідегі ұйымға келуге физикалық қабілетсіздігі туралы хабарлама көрсетілетін қызметті алушының, заңды өкілінің (кәмелетке толмағандар мен әрекетке қабілетсіз адамдар үшін) ЭЦҚ-сы қойылған электрондық құжат нысанында портал арқылы стационарлық үлгідегі ұйымға жіберіледі.

      Қызметтер алушы стационарлық үлгідегі ұйымға белгіленген мерзімде келмеген жағдайда стационарлық үлгідегі ұйым келесі қызмет алушыны ресімдейді;

      2) осы Қағидаларға 3-қосымшаға сәйкес нысан бойынша қызмет алушылардың жеке ісі (бұдан әрі – жеке іс).

      Қызмет алушы стационарлық үлгідегі ұйымға түскен кезде қызмет алушылардың жеке ісі қалыптастырылады, ал жеке ісі болған жағдайда – оны жүргізу жалғастырылады.

      Қызмет алушылардың жеке ісінде мынадай құжаттар сақталады:

      қызмет алушының тұрғылықты жері бойынша ауданның, облыстық маңызы бар қаланың жұмыспен қамту және әлеуметтік бағдарламалар бөлімінің "көшірмесі дұрыс" деген жазуы бар мөрімен куәландырылған қызмет алушының жазбаша өтінішінің көшірмесі, ал кәмелетке толмаған және әрекетке қабілетсіз адамдар үшін – заңды өкілінің жазбаша өтінішінің көшірмесі немесе медициналық ұйымның қолдаухатының көшірмесі;

      қызмет алушының жеке сәйкестендіру нөмірі (бұдан әрі – ЖСН) бар жеке басын куәландыратын құжаттың көшірмесі;

      мүгедектік туралы анықтаманың көшірмесі (қарттар үшін мүгедектігі бар болса);

      амбулаториялық картадан немесе сырқатнамадан үзіндікөшірмесі бар медициналық карта;

      мүгедекті оңалтудың жеке бағдарламасынан үзіндікөшірме (қарттар үшін оңалтудың жеке бағдарламасы бар болса);

      он сегіз жастан асқан адамдар үшін – соттың адамды әрекетке қабілетсіз деп тануы туралы шешімінің көшірмесі (бар болса);

      қарттар үшін – зейнетақы куәлігінің көшірмесі;

      Ұлы Отан соғысының қатысушылары мен мүгедектері және оларға теңестірілген адамдар үшін – Ұлы Отан соғысының қатысушысы мен мүгедегі және соларға теңестірілген адам мәртебесін растайтын куәліктің көшірмесі;

      жергілікті атқарушы органның арнаулы әлеуметтік қызметтерді ұсыну туралы шешімі;

      жергілікті бюджеттен қаржыландырылатын атқарушы органның жолдамасы;

      стационарлық үлгідегі ұйым әкімшілігіне сақтауға берілген құжаттар түпнұсқаларының алынғаны туралы қолхат;

      стационарлық үлгідегі ұйымға қабылдануы туралы бұйрықтың көшірмесі;

      егер жеке іс тиесілі адамға қатысты мәселе қаралған болса, мәдени-тұрмыстық комиссия отырыстарының хаттамаларынан үзіндікөшірмелер.

      Жеке басты куәландыратын құжаттың, мүгедектік туралы анықтаманың, зейнетақы куәлігінің, Ұлы Отан соғысының қатысушысы мен мүгедегі және соларға теңестірілген адам мәртебесін растайтын куәліктің, зейнетақы немесе әлеуметтік жәрдемақылар алуға арналған жеке кітапшаның түпнұсқалары тұратын адамның жазбаша келісімімен стационарлық үлгідегі ұйым әкімшілігінде сақталады.

      Тұратын адамнан құжаттарды қабылдау құжаттарды қабылдаған адам мен құжаттарды сақтауға берген адамның қолымен расталған қабылдау-тапсыру актісі арқылы жүзеге асырылады.

      Адам бір стационарлық үлгідегі ұйымнан басқа стационарлық үлгідегі ұйымға өткен (ауысқан) кезде онымен бірге қызмет алушының жеке ісі, ондағы құжаттардың тізімдемесімен қабылдау-тапсыру актісі бойынша беріледі. Қызмет алушының жеке ісіне оны шығару туралы бұйрықтың көшірмесі, осы Қағидаларға 4-қосымшаға сәйкес нысан бойынша қызмет алушының жеке жұмыс жоспары (бұдан әрі – жеке жоспар), осы Қағидаларға 5-қосымшаға сәйкес нысан бойынша қызмет алушылардың жеке жұмыс жоспарларын орындау (мониторингі) жөніндегі журнал (бұдан әрі – Мониторинг журналы) қоса беріледі;

      3) жеке жоспар.

      Қызмет алушылардың жеке қажеттіліктерін бағалау негізінде мүгедекті оңалтудың жеке бағдарламасын ескере отырып, стационарлық үлгідегі ұйымның әлеуметтік жұмыскерлері, дәрігерлері, педагогтері және басқа да мамандары (бұдан әрі – стационарлық үлгідегі ұйым мамандары) әрбір қызмет алушының әрқайсысына бір жылға дейінгі мерзімге жеке жоспар әзірлейді.

      Қызмет алушылардың жеке жоспарлары қызмет алушыларды стационарлық үлгідегі ұйымдардың мамандары бақылағаннан кейін стационарлық үлгідегі ұйымға түскен күннен бастап күнтізбелік он төрт күн ішінде немесе алдыңғы жеке жоспардың қолданылу мерзімі аяқталған күннен бастап бір жұмыс күні ішінде әзірленеді, кейінгі бес жұмыс күні ішінде толтырылады және стационарлық үлгідегі ұйымның басшысы бекітеді.

      Жеке жоспардың іс-шаралары арнаулы әлеуметтік қызметтер түрінің әрқайсысы бойынша бөлек көрсетіледі және қызмет алушының жақсы жақтарын іздеуге және жандандыруға, позитивті ресурстарды анықтауға және өзіндік әлеуметтік орта дағдыларын қалпына келтіруге немесе қалыптастыруға бағытталған.

      Әрбір көрсетілген іс-шара іске асыру мерзімін (апта, ай, тоқсан) қамтиды. Іс-шараны орындау бойынша жұмыстың көрсетілген кезеңі нақты мерзімдер арқылы жеке жоспарда көрсетіледі.

      Стационарлық үлгідегі ұйым мамандары қажет болған жағдайда мониторинг қорытындысы бойынша қызмет алушылардың жеке жоспарларын түзетеді;

      4) Мониторинг журналы.

      Қызмет алушылардың жағдайындағы өзгерістерді қадағалау және кейіннен онымен жұмыс жүргізуге арналған іс-шараларды түзету үшін қызмет алушының жеке жоспарына мониторинг жүргізіледі. Жеке жоспарға енгізілген іс-шаралардың сапалы орындалуына мониторингті стационарлық үлгідегі ұйымның әлеуметтік жұмыс жөніндегі маманы тоқсанына бір реттен жиі емес тәртіпте жүзеге асырады.

      Қызмет алушылардың жағдайындағы өзгерістерді стационарлық үлгідегі ұйымның мамандары тоқсан сайын (қажет болған жағдайда ай сайын) қарауға тиіс.

      Өткізілген іс-шараларды және тоқсан сайынғы мониторинг қорытындыларын стационарлық үлгідегі ұйымдардың мамандары Мониторинг журналында көрсетеді. Мәліметтер Мониторинг журналына тоқсан сайын, жеке жоспарға жүргізілген мониторингтен кейін бір жұмыс күні ішінде енгізіледі.

      Мониторинг журналы әрбір қызмет алушыға жеке-жеке жүргізіледі.

      Қызмет алушының жағдайындағы позитивті өзгерістер туралы белгі жеке жоспарда жоспарланған әрбір іс-шара бойынша жасалады.

      Жүргізілген іс-шаралардан кейін қызмет алушылардың жағдайында өзгерістер болмаса, бұл туралы белгі қойылады.

      Қызмет алушылардың жағдайында өзгерістер болған жағдайда, Мониторинг журналына белгілер ай сайын енгізіледі.

      Жеке жоспарды түзету кезінде Мониторинг журналында қандай қызметтің түрі қайта қаралуға жататыны көрсетіледі, сондай-ақ қызмет алушының жағдайын жақсартуға бағытталған кейінгі іс-шараларды әзірлеу үшін ұсынымдар көрсетіледі.

      Жыл қорытындысы бойынша Мониторинг журналы мен жеке жоспар қызмет алушының әрқайсысына бөлек жеке папкада бірге тігіледі.

3-тарау. Жартылай стационарлық үлгідегі ұйымдар қызметінің тәртібі

      12. Жартылай стационарлық үлгідегі ұйымдар:

      1) күндіз болу бөлімшелері (орталықтары);

      2) мүгедектерге және (немесе) мүгедек балаларға арналған оңалту орталығы;

      3) мүгедектер мен қарттарға арналған аумақтық орталық;

      4) күндіз болу жағдайында арнаулы әлеуметтік қызмет көрсетуге арналған өзге ұйымдар түрінде құрылады.

      13. Жартылай стационарлық үлгідегі ұйымдар мынадай адамдардың тәуліктің күндізгі уақытында (бір күнде төрт сағаттан он сағатқа дейін), қажет болған кезде оңалту орталықтарында түнде болуын қамтамасыз етумен (қызмет алушы басқа елді мекенде тұрған жағдайда және (немесе) ТҚА бұзылған мүгедектер үшін жергілікті атқарушы органдардың шешімі бойынша) арнаулы әлеуметтік қызметтер көрсетуге арналған:

      1) мыналардың:

      жеңіл және орташа дәрежедегі ақыл-ой кемістігінің, оның ішінде тиісті мамандандырылған мектеп интернаттарының көмекші сыныптарында оқуға қиындық туғызатын (қозғалу қиындығына орай бөгде адамның көмегінсіз қозғалып жүре алмайтын, өзіне-өзі қызмет көрсете алмайтын, жеке күтімді қажет ететін) жүріп-тұру функцияларының өрескел бұзылуының болуы;

      ауыр және күрделі дәрежедегі ақыл-ой кемістігінің;

      этиологиясы әртүрлі деменция салдарынан жартылай стационарлық жағдайда арнаулы әлеуметтік қызмет көрсетуге мұқтаж бір жарым жастан он сегіз жасқа дейінгі балалар.

      Жартылай стационарлық үлгідегі ұйымда балалардың болуына:

      жиі ұстамалы (айына бес рет және одан да көп), жиі генерализациялық ұстамаға, эпилептикалық статусқа бейім эпилепсияның;

      өзіне және (немесе) айналасындағыларға қауіпті, мінез-құлқы мен қызығушылығының өрескел бұзылуына және (немесе) жіті психотикалық симптоматикаға (сандырақ, галлюцинация) ұштасатын психикалық және мінез-құлық бұзылушылықтары;

      белсенді процесс сатысындағы туберкулездің, карантиндік инфекциялардың, тері мен шаштың жұқпалы ауруларының, венерологиялық аурулардың, ЖИТС-тің;

      мамандандырылған медициналық ұйымдарда стационарлық емдеуді талап ететін басқа да аурулардың болуы медициналық қарсы көрсетілімдер болып табылады;

      2) жартылай стационарлық жағдайда арнаулы әлеуметтік қызмет көрсетуге мұқтаж ТҚА бұзылған мүгедектер, оның ішінде бір жарым жастан ТҚА бұзылған балалар (бұдан әрі – ТҚА бұзылған мүгедектер мен балалар).

      Жартылай стационарлық үлгідегі ұйымдарда ТҚА бұзылған мүгедектер мен балалардың тұруына:

      ауырлығы орташа және ауыр дәрежедегі ақыл-ой кемістігінің;

      жиі эпилептиформалық ұстамалардың (айына бес рет және одан да көп);

      өзіне және (немесе) айналасындағыларға қауіпті, мінез-құлқы мен қызығушылығының өрескел бұзылуына және (немесе) жіті психотикалық симптоматикаға (сандырақ, галлюцинация) ұштасатын психикалық және мінез-құлық бұзылушылықтарының;

      қайтымсыз гидроцефалияның;

      белсенді процесс сатысындағы туберкулездің, карантиндік инфекциялардың, жұқпалы тері мен шаш ауруларының, венерологиялық аурулардың, ЖИТС-тің;

      мамандандырылған медициналық ұйымдарда стационарлық емдеуді талап ететін басқа да аурулардың болуы медициналық қарсы көрсетілімдер болып табылады;

      3) мыналардың:

      жеңіл және орташа дәрежедегі ақыл-ой кемістігінің, оның ішінде жүріп-тұру функцияларының өрескел бұзылуының болуы (қозғалу қиындығына орай бөгде адамның көмегінсіз қозғалып жүре алмайтын, өзіне-өзі қызмет көрсете алмайтын, жеке күтімді қажет ететін);

      ауыр және күрделі дәрежедегі ақыл-ой кемістігінің;

      тұрақты кемістігі немесе деменциясы болған кездегі психикалық және мінез-құлық бұзылушылықтары;

      этиологиясы әр түрлі деменция;

      деменция болған кездегі (оның ішінде симптоматикалық) эпилепсия салдарынан жартылай стационарлық жағдайда арнаулы әлеуметтік қызмет көрсетуге мұқтаж он сегіз жастан асқан адамдар.

      Жартылай стационарлық үлгідегі ұйымда он сегіз жастан асқан адамдарың болуына:

      өзіне және (немесе) айналасындағыларға қауіпті, мінез-құлқы мен қызығушылығының өрескел бұзылуына және (немесе) жіті психотикалық симптоматикаға (сандырақ, галлюцинация) ұштасатын психикалық және мінез-құлық бұзылушылықтары;

      жиі ұстамалы (айына бес рет және одан да көп), жиі генерализациялық ұстамаға, эпилептикалық статусқа бейім эпилепсияның және этиологиясы басқа тырыспалы синдромның;

      белсенді процесс сатысындағы туберкулездің, карантинді инфекциялардың, тері мен шаштың жұқпалы ауруларының, ЖИТС-тің, жыныстық жолмен берілетін аурулардың;

      мамандандырылған медициналық ұйымдарда стационарлық емдеуді талап ететін басқа да аурулардың болуы медициналық қарсы көрсетілімдер болып табылады;

      4) мүгедектер және "Зейнетақымен қамсыздандыру туралы" Заңда белгіленген зейнеткерлік жасқа толған, өзіне-өзі күтім көрсете алмайтын және денсаулық жағдайына байланысты жартылай стационарлық жағдайда арнаулы әлеуметтік қызмет көрсетуге мұқтаж қарттар.

      Жартылай стационарлық үлгідегі ұйымдарда тұруына:

      белсенді процесс сатысындағы туберкулездің;

      өзіне және (немесе) айналасындағыларға қауіпті, мінез-құлқы мен қызығушылығының өрескел бұзылуына және (немесе) жіті психотикалық симптоматикаға (сандырақ, галлюцинация) ұштасатын психикалық және мінез-құлық бұзылушылықтарының;

      этиологиясы әртүрлі тырыспалы синдромдар (деменциясыз және жеке басының айқын білінетін өзгеруі жоқ, сирек ұстамасы болуы (2-3 айда бір реттен артық емес) түрлерін қоспағанда);

      карантиндік инфекциялардың, тері мен шаш жұқпалы ауруларының, венерологиялық аурулардың, ЖИТС-тің, сондай-ақ мамандандырылған медициналық ұйымдарда емдеуді қажет ететін аурулардың болуы медициналық қарсы көрсетілімдер болып табылады.

      14. Жартылай стационарлық үлгідегі ұйымдарда:

      бейімделген мінез-құлық дағдыларын, әлеуметтік-тұрмыстық және еңбек қызметінің дағдыларын қалыптастыруға қызмет алушылардың жеке қажеттіліктерін ескере отырып, олардың жеке даму деңгейін арттыруға, әлеуметтендіруге және кіріктіруге бағдарланған арнаулы әлеуметтік қызмет көрсету;

      қызмет алушылар мен олардың отбасы мүшелерін арнаулы әлеуметтік қызмет көрсетудің көлемі мен түрлері, ішкі тәртіп қағидалары туралы хабардар ету;

      жартылай стационарлық үлгідегі ұйымның ғимаратын санитариялық-эпидемиологиялық нормаларға, қауіпсіздік, оның ішінде өртке қарсы қауіпсіздік талаптарына сәйкес ұстау;

      заманауи техникалық жабдықтар;

      жартылай стационарлық үлгідегі ұйымның ғимаратында тұруға ынғайлы болу, оған кедергісіз кіріп-шығуды, орынжай ішінде және ғимаратқа іргелес жатқан аумақта жүріп-тұруды қамтамасыз ету мақсатында құрылыс нормалары мен қағидаларына сәйкес арнаулы құралдармен жабдықтау;

      жартылай стационарлық үлгідегі ұйымның құрылтай құжаттарына сәйкес өзге де қызмет қамтамасыз етіледі.

      15. Болу шарттары қызмет алушылардың жоғары белсенділігі мен әлеуметтенуіне септігін тигізеді.

      16. Егер жартылай стационарлық үлгідегі ұйым стационарлық үлгідегі ұйымның құрылымдық бөлімшесі болып табылса, онда жартылай стационарлық үлгідегі ұйымның қызмет алушыларына ғимаратқа жеке есіктен кіруге және бөлек болуға жағдай жасалады.

      17. Қызмет алушыларға арнаулы әлеуметтік қызметтер, оңалту жөніндегі іс-шаралар олардың денсаулық жағдайын, жасын, жеке даму деңгейін, әлеуметтендіру, оңалтудың жеке бағдарламасының (бар болса) мазмұнын, қызмет алушының жеке қажеттіліктері негізінде әзірленген жеке жұмыс жоспарын ескере отырып жүзеге асырылады.

      18. Жартылай стационарлық үлгідегі ұйымда болу тәртібі жартылай стационарлық үлгідегі ұйымның басшысы бекітетін ішкі тәртіп қағидаларында айқындалады.

      19. Уақытша болуға арналған оңалту орталықтарында оңалту іс-шараларын үздіксіз жүргізу мақсатында басқа қаладан келген қызмет алушылардың және (немесе) ТҚА бұзылған мүгедектер үшін жергілікті атқарушы органдардың шешімі бойынша түнде болуына жағдай жасалады.

      20. Жартылай стационарлық үлгідегі ұйым персоналының штат нормативтерін жергілікті бюджеттен қаржыландырылатын атқарушы орган немесе құрылтайшы осы Қағидаларға 6-қосымшаға сәйкес жартылай стационарлық үлгідегі ұйымдардағы персоналдың ең төмен штат нормативтерін сақтап, бюджет қажеттіліктерін және мүмкіндіктерін ескере отырып бекітеді.

      21. Жартылай стационарлық үлгідегі ұйымдарда қызмет алушыларды есепке алу мынадай құжаттар бойынша жүргізіледі:

      1) электрондық журнал.

      Электрондық журналды порталда жартылай стационарлық үлгідегі ұйым жүргізеді.

      Электрондық журналда: бұйрықтың нөмірі мен күні, қызмет көрсетуді тоқтату, тоқтата тұру себептері және арнаулы әлеуметтік қызметке мұқтаж адамдар кезегі көрсетіле отырып, қызмет алушылардың келуі, тоқтатылуы, тоқтата тұруы, басқа жартылай стационарлық үлгідегі ұйымға ауысуы белгіленеді.

      Бұрын жартылай стационарлық үлгідегі ұйымнан шығып кеткен адам қайта түссе, оның деректері "түскен күні" деген бағанда электрондық журналына "қайта оралды" деген белгімен жазылады.

      Бос орындар болмаған жағдайда жартылай стационарлық үлгідегі ұйым қызметтер алушылардың өтініштерін электрондық журналға олардың келіп түсу ретімен тіркейді.

      Электрондық журналға кезекке өтінімді қызметтер алушы таңдалған жартылай стационарлық үлгідегі ұйымда бос орын болмаған жағдайда порталда ЭЦҚ арқылы авторизациялау арқылы дербес береді.

      Мүгедекті оңалтудың жеке бағдарламасының мерзімі өткен кезекке электрондық журналда тұрған және электрондық журналда қайта куәландырудан өткен қызметтер алушылардың өтініштері алдыңғы кезектің сақталуын ескере отырып (жартылай стационарлық үлгідегі ұйымда арнаулы әлеуметтік қызмет көрсетуге мүгедекті оңалтудың жеке бағдарламасы болған кезде) порталда тіркеледі.

      Қызметтер алушыға жартылай стационарлық үлгідегі ұйымға белгіленген мерзімде (ауру, емдеуге жатқызу) келуге физикалық қабілеті болмаған жағдайда келу мерзімін қосымша күнтізбелік он күнге дейін бір рет ауыстыру мүмкіндігі беріледі.

      Қызмет алушының науқастануына, ауруханаға жатқызылуына байланысты белгіленген мерзімде жартылай стационарлық үлгідегі ұйымға келуге физикалық қабілетсіздігі туралы хабарлама жартылай стационарлық үлгідегі ұйымға қызмет алушының, заңды өкілінің (кәмелетке толмағандар мен әрекетке қабілетсіз адамдар үшін) ЭЦҚ қойылған электрондық құжат нысанында портал арқылы жіберіледі.

      Қызмет алушы жартылай стационарлық үлгідегі ұйымдарға белгіленген мерзімде келмеген жағдайда, жартылай стационарлық үлгідегі ұйым келесі қызмет алушыны ресімдейді;

      2) жеке іс.

      Қызмет алушы жартылай стационарлық үлгідегі ұйымға түскен кезде жеке іс қалыптастырылады, ал жеке ісі болған жағдайда – оны жүргізу жалғастырылады.

      Қызмет алушылардың жеке ісінде мынадай құжаттар сақталады:

      қызмет алушының тұрғылықты жері бойынша ауданның, облыстық маңызы бар қаланың жұмыспен қамту және әлеуметтік бағдарламалар бөлімінің "көшірмесі дұрыс" деген жазуы бар мөрімен куәландырылған қызмет алушының жазбаша өтінішінің көшірмесі, ал кәмелетке толмаған және әрекетке қабілетсіз адамдар үшін – заңды өкілінің жазбаша өтінішінің көшірмесі немесе медициналық ұйымның қолдаухатының көшірмесі;

      қызмет алушының ЖСН бар жеке басын куәландыратын құжаттың көшірмесі;

      мүгедектік туралы анықтаманың көшірмесі (қарттарға мүгедектігі бар болса);

      медициналық карта;

      мүгедекті оңалтудың жеке бағдарламасынан үзіндікөшірме (қарттар үшін жеке оңалтудың бағдарламасы бар болса);

      он сегіз жастан асқан адамдар үшін – соттың адамды әрекетке қабілетсіз деп тану туралы шешімінің көшірмесі (бар болса);

      қарттар үшін – зейнетақы куәлігінің көшірмесі;

      Ұлы Отан соғысының қатысушылары мен мүгедектері және оларға теңестірілген адамдар үшін – Ұлы Отан соғысының қатысушысы мен мүгедегі және соларға теңестірілген адам мәртебесін растайтын куәліктің көшірмесі;

      жергілікті атқарушы органның арнаулы әлеуметтік қызметтерді ұсыну туралы шешімі;

      жергілікті бюджеттен қаржыландырылатын атқарушы органның, ауданның, облыстық маңызы бар қаланың жұмыспен қамту және әлеуметтік бағдарламалар бөлімінің жолдамасы;

      жартылай стационарлық үлгідегі ұйымға қабылдануы туралы бұйрықтың көшірмесі.

      Адам бір жартылай стационарлық үлгідегі ұйымнан басқа жартылай стационарлық үлгідегі ұйымға өткен (ауысқан) кезде онымен бірге қызмет алушының жеке ісі, ондағы құжаттардың тізімдемесімен қабылдау-тапсыру актісі бойынша беріледі. Қызмет алушының жеке ісіне оны шығару туралы бұйрықтың көшірмесі, жеке жоспар, Мониторинг журналы қоса беріледі;

      3) жеке жоспар.

      Қызмет алушылардың жеке қажеттіліктерін бағалау негізінде мүгедекті оңалтудың жеке бағдарламасын ескере отырып, жартылай стационарлық үлгідегі ұйымның мамандары күндіз болуға арналған жартылай стационарлық үлгідегі ұйымда болатын әрбір қызмет алушыға бір жылдан аспайтын мерзімге, ал уақытша болуға арналған жартылай стационарлық үлгідегі ұйымда болатын қызмет алушыға болу кезеңіндегі мерзімге жеке жоспарды әзірлейді.

      Жеке жоспарлар қызмет алушыларды жартылай стационарлық үлгідегі ұйымдардың мамандары бақылағаннан кейін жартылай стационарлық үлгідегі ұйымға түскен күннен бастап он жұмыс күні ішінде немесе алдыңғы жеке жоспардың қолданылу мерзімі аяқталған күнінен бастап бір жұмыс күні ішінде әзірленеді, кейінгі үш жұмыс күні ішінде толтырылады және жартылай стационарлық үлгідегі ұйымның басшысы бекітеді.

      Жеке жоспардың іс-шаралары арнаулы әлеуметтік қызметтер түрінің әрқайсысы бойынша бөлек көрсетіледі және қызмет алушының жақсы жақтарын іздеуге және жандандыруға, позитивті ресурстарды анықтауға және өзіндік әлеуметтік орта дағдыларын қалпына келтіруге немесе қалыптастыруға бағытталған.

      Әрбір көрсетілген іс-шара іске асыру мерзімін (апта, ай, тоқсан) қамтиды. Іс-шараны орындау бойынша жұмыстың көрсетілген кезеңі нақты мерзімдер арқылы жеке жоспарда көрсетіледі.

      Ұйым мамандары қажет болған жағдайда мониторинг қорытындысы бойынша қызмет алушылардың жеке жоспарларын түзетеді;

      4) Мониторинг журналы.

      Қызмет алушылардың жағдайындағы өзгерістерді қадағалау және кейіннен онымен жұмыс жүргізуге арналған іс-шараларды түзету үшін қызмет алушының жеке жоспарына мониторинг жүргізіледі. Жеке жоспарға енгізілген іс-шаралардың сапалы орындалуына мониторингті жартылай стационарлық үлгідегі ұйымның әлеуметтік жұмыс жөніндегі маманы тоқсанына бір реттен жиі емес тәртіпте жүзеге асырады.

      Қызмет алушылардың жағдайындағы өзгерістерді жартылай стационарлық үлгідегі ұйым мамандары тоқсан сайын (қажет болған жағдайда ай сайын) қарауға тиіс.

      Өткізілген іс-шараларды және тоқсан сайынғы мониторинг қорытындыларын жартылай стационарлық үлгідегі ұйымдардың мамандары Мониторинг журналында көрсетеді. Мәліметтер Мониторинг журналына тоқсан сайын, жеке жоспарға жүргізілген мониторингтен кейін бір жұмыс күні ішінде енгізіледі.

      Мониторинг журналы әрбір қызмет алушыға жеке-жеке жүргізіледі.

      Қызмет алушының жағдайындағы позитивті өзгерістер туралы белгі жеке жоспарда жоспарланған әрбір іс-шара бойынша жасалады.

      Жүргізілген іс-шаралардан кейін қызмет алушылардың жағдайында өзгерістер болмаса, бұл туралы белгі қойылады.

      Қызмет алушылардың жағдайында өзгерістер болған жағдайда, Мониторинг журналына белгілер ай сайын енгізіледі.

      Жеке жоспарды түзету кезінде Мониторинг журналында қандай қызметтің түрі қайта қаралуға жататыны көрсетіледі, сондай-ақ қызмет алушының жағдайын жақсартуға бағытталған кейінгі іс-шараларды әзірлеу үшін ұсынымдар көрсетіледі.

      Жыл қорытындысы бойынша Мониторинг журналы мен жеке жоспар қызмет алушының әрқайсысына бөлек жеке папкада бірге тігіледі.

4-тарау. Үйде қызмет көрсету ұйымдары қызметінің тәртібі

      22. Үйде қызмет көрсету ұйымдары:

      1) үйде әлеуметтік көмек көрсету қызметі/бөлімшесі;

      2) отбасын қолдау қызметі;

      3) үйде қызмет көрсету жағдайында арнаулы әлеуметтік қызметтер көрсетуге арналған өзге де ұйымдар түрінде құрылады.

      23. Үйде қызмет көрсету жағдайындағы арнаулы әлеуметтік қызметтер мынадай адамдарға тәуліктің күндізгі уақытында ұсынылады:

      1) мыналардың:

      жеңіл және орташа дәрежедегі ақыл-ой кемістігінің, оның ішінде арнайы білім беру түзету ұйымдарының (мектеп-интернаттардың) арнайы (көмекші) сыныптарында оқуға қиындық туғызатын (қозғалу қиындығына орай бөгде адамның көмегінсіз қозғалып жүре алмайтын, өзіне-өзі қызмет көрсете алмайтын, жеке күтімді қажет ететін) жүріп-тұру функцияларының өрескел бұзылуы, есту, көру, сөйлеу қабілеттерінің анық білінетін бұзушылықтарымен, тырысқақтық ұстамамен, мінез-құлқындағы ауытқушылықтармен асқынуы;

      ауыр және күрделі дәрежедегі ақыл-ой кемістігі;

      этиологиясы әр түрлі деменция салдарынан үйде қызмет көрсету жағдайында арнаулы әлеуметтік қызмет көрсетуге мұқтаж бір жарым жастан он сегіз жасқа дейінгі балалар.

      2) өздігінен жүріп-тұруының және өзіне-өзі қызмет көрсетудің бірінші және екінші деңгейде шектелуіне әкелген ТҚА айқын немесе едәуір (өрескел) бұзылған мүгедек балалар.

      Балаларға және ТҚА бұзылған балаларға үйде қызмет көрсетуге:

      өзіне және (немесе) айналасындағыларға қауіпті, мінез-құлқы мен қызығушылығының өрескел бұзылуына және (немесе) жіті психотикалық симптоматикаға (сандырақ, галлюцинация) ұштасатын психикалық және мінез-құлық бұзылушылықтары;

      белсенді процесс сатысындағы туберкулездің, карантиндік инфекциялардың, тері мен шаштың жұқпалы ауруларының, венерологиялық аурулардың, ЖИТС-тің;

      мамандандырылған медициналық ұйымдарда стационарлық емдеуді қажет ететін басқа да аурулардың болуы медициналық қарсы көрсетілімдер болып табылады;

      3) мыналардың:

      жеңіл және орташа дәрежедегі ақыл-ой кемістігінің, оның ішінде жүріп-тұру функцияларының өрескел бұзылуы (қозғалу қиындығына орай бөгде адамның көмегінсіз қозғалып жүре алмайтын, өзіне-өзі қызмет көрсете алмайтын, жеке күтімді қажет ететін);

      ауыр және күрделі дәрежедегі ақыл-ой кемістігі;

      тұрақты кемістігі немесе деменциясы болған кездегі психикалық және мінез-құлық бұзылушылықтары;

      этиологиясы әр түрлі деменция;

      деменция болған кездегі (оның ішінде симптоматикалық) эпилепсия салдарынан үйде қызмет көрсету жағдайында арнаулы әлеуметтік қызмет көрсетуге мұқтаж он сегіз жастан асқан адамдар.

      Он сегіз жастан асқан адамдарға үйде қызмет көрсетуге:

      белсенді процесс сатысындағы туберкулездің, карантиндік инфекциялардың, тері мен шаштың жұқпалы ауруларының, венерологиялық аурулардың, ЖИТС-тің;

      мамандандырылған медициналық ұйымдарда стационарлық емдеуді талап ететін басқа да аурулардың;

      өзіне және (немесе) айналасындағыларға қауіпті, мінез-құлқы мен қызығушылығының өрескел бұзылуына және (немесе) жіті психотикалық симптоматикаға (сандырақ, галлюцинация) ұштасатын психикалық және мінез-құлық бұзылушылықтары;

      жиі ұстамалы (айына бес рет және одан да көп), жиі генерализациялық ұстамаға, эпилептикалық статусқа бейім эпилепсияның және этиологиясы басқа тырыспалы синдромның болуы медициналық қарсы көрсетілімдер болып табылады;

      4) Кодекске сәйкес өздерінің ата-аналарын, жұбайын (зайыбын) асырап-бағуға және оларға қамқорлық жасауға міндетті еңбек етуге қабілетті кәмелетке толған балалары, жұбайы (зайыбы) жоқ немесе объективті себептер бойынша (бірінші, екінші топтағы мүгедектігінің, онкологиялық, психикалық ауруларының болуына, бас бостандығынан айыру орындарында отыруына, психикалық денсаулық орталығында есепте тұруына немесе елден тыс жерге тұрақты тұруға кетуіне немесе басқа елді мекенде тұруына, қосымша жұбайы (зайыбы) үшін – егде жаста болуына байланысты) оларды тұрақты көмекпен және күтіммен қамтамасыз етпейтін еңбек етуге қабілетті кәмелетке толған балалары, жұбайы (зайыбы) бар, өзіне-өзі қызмет көрсете алмайтын және денсаулық жағдайына байланысты үйде күтім көрсету жағдайында арнаулы әлеуметтік қызмет көрсетуге мұқтаж мүгедектер;

      5) "Зейнетақымен қамсыздандыру туралы" Заңда белгіленген зейнеткерлік жасқа жеткен, Кодекске сәйкес өздерінің ата-аналарын, жұбайын (зайыбын) асырап-бағуға және оларға қамқорлық жасауға міндетті еңбек етуге қабілетті кәмелетке толған балалары, жұбайы (зайыбы) жоқ немесе объективті себептер бойынша (бірінші, екінші топтағы мүгедектігінің, онкологиялық, психикалық ауруларының болуына, бас бостандығынан айыру орындарында отыруына, психикалық денсаулық орталығында есепте тұруына немесе елден тыс жерге тұрақты тұруға кетуіне немесе басқа елді мекенде тұруына, қосымша жұбайы (зайыбы) үшін – егде жаста болуына байланысты), сондай-ақ отбасы ішінде жанжал болған жағдайда оларды тұрақты көмекпен және күтіммен қамтамасыз етпейтін еңбек етуге қабілетті кәмелетке толған балалары, жұбайы (зайыбы) бар, өзіне қызмет көрсетуге мүмкіндігі жоқ және денсаулық жағдайына байланысты үйде күтім көрсету жағдайында арнаулы әлеуметтік қызмет көрсетуге мұқтаж қарт адамдар.

      Мүгедектер мен қарттарға үйде қызмет көрсетуге:

      белсенді процесс сатысындағы туберкулездің;

      өзіне және (немесе) айналасындағыларға қауіпті, мінез-құлқы мен қызығушылығының өрескел бұзылуына және (немесе) жіті психотикалық симптоматикаға (сандырақ, галлюцинация) ұштасатын психикалық және мінез-құлық бұзылушылықтары;

      этиологиясы әртүрлі тырыспалы синдромдар (деменциясыз және жеке басының айқын білінетін өзгеруі жоқ, сирек ұстамасы бар (2-3 айда бір реттен артық емес) түрлерін қоспағанда);

      карантиндік инфекциялардың, тері мен шаш жұқпалы ауруларының, венерологиялық аурулардың, ЖИТС-тің, сондай-ақ мамандандырылған медициналық ұйымдарда емдеуді қажет ететін аурулардың болуы медициналық қарсы көрсетілімдер болып табылады.

      24. Үйде қызмет көрсету ұйымдарда:

      қызмет алушылардың жеке қажеттіліктерін ескере отырып, олардың жеке даму, әлеуметтену және интеграциялану деңгейін арттыруға бағдарланған арнаулы әлеуметтік қызметтерді көрсету;

      үйде қызмет көрсетуге мұқтаж қызмет алушыларды анықтау және есепке алу;

      қызмет алушылар мен оның отбасы мүшелерін әлеуметтік қызмет көрсетудің көлемі мен түрлері туралы хабардар ету;

      үйде қызмет көрсету ұйымының құрылтай құжаттарына сәйкес өзге де қызметтер қамтамасыз етіледі.

      25. Үйде қызмет көрсету ұйымы персоналының штат нормативтерін ауданның, облыстық маңызы бар қаланың жұмыспен қамту және әлеуметтік бағдарламалар бөлімі немесе аудандық маңызы бар қала, ауыл, кент, ауылдық округ әкімі немесе құрылтайшы осы Қағидаларға 7-қосымшаға сәйкес үйде қызмет көрсету ұйымдарындағы персоналдың ең төмен штат нормативтерін сақтап, бюджет қажеттіліктерін және мүмкіндіктерін ескере отырып бекітеді.

      26. Үйде қызмет көрсету ұйымдарда қызмет алушыларды есепке алу мынадай құжаттар бойынша жүргізіледі:

      1) электрондық журнал.

      Электрондық журналды порталда үйде қызмет көрсету ұйымы жүргізеді.

      Электрондық журналда: қызметтер алушыларды есепке алу, арнаулы әлеуметтік қызмет көрсетуді тоқтату, тоқтата тұру, шешімнің нөмірі мен күнін, арнаулы әлеуметтік қызмет көрсетуді тоқтату, тоқтата тұру себептерін көрсете отырып белгіленеді.

      Бұрын үйде қызмет көрсету ұйымынан шығып кеткен адам қайта түссе, оның деректері "түскен күні" деген бағанда электрондық журналына "қайта оралды" деген белгімен жазылады;

      Бос орын болмаған жағдайда үйде қызмет көрсету ұйымы қызметтер алушылардың өтініштерін электрондық журналға олардың келіп түсу ретімен тіркейді.

      Электрондық журналға кезекке өтінімді қызметтер алушы таңдалған үйде қызмет көрсету ұйымында бос орындар болмаған кезде порталда ЭЦҚ арқылы авторизациялау арқылы дербес береді.

      Мүгедекті оңалтудың жеке бағдарламасының мерзімі өткен электрондық журналда кезекке тұрған және электрондық журналда қайта куәландырудан өткен қызметтер алушылардың өтініштері алдыңғы кезектің сақталуын ескере отырып (үйде қызмет көрсету ұйымында арнаулы әлеуметтік қызметтер көрсетуге мүгедекті оңалтудың жеке бағдарламасы болған кезде) порталда тіркеледі;

      2) жеке іс.

      Қызмет алушы үйде қызмет көрсету ұйымына түскен кезде қызмет алушылардың жеке ісі қалыптастырылады, ал жеке ісі болған жағдайда – оны жүргізу жалғастырылады.

      Қызмет алушылардың жеке ісінде мынадай құжаттар сақталады:

      қызмет алушының тұрғылықты жері бойынша ауданның, облыстық маңызы бар қаланың жұмыспен қамту және әлеуметтік бағдарламалар жөніндегі уәкілетті органының "көшірмесі дұрыс" деген жазуы бар мөрімен куәландырылған қызмет алушының жазбаша өтінішінің көшірмесі, ал кәмелетке толмаған және әрекетке қабілетсіз адамдар үшін – заңды өкілінің жазбаша өтінішінің көшірмесі;

      қызмет алушының ЖСН бар жеке басын куәландыратын құжаттың көшірмесі;

      мүгедектік туралы анықтаманың көшірмесі (қарттарға мүгедектігі бар болса);

      медициналық карта;

      мүгедекті оңалтудың жеке бағдарламасынан үзінді көшірме (қарттар үшін жеке оңалту бағдарламасы бар болса);

      он сегіз жастан асқан адамдар үшін – соттың адамды әрекетке қабілетсіз деп тануы туралы шешімінің көшірмесі (бар болса);

      қарттар үшін – зейнетақы куәлігінің көшірмесі;

      Ұлы Отан соғысының қатысушылары мен мүгедектері және оларға теңестірілген адамдар үшін – Ұлы Отан соғысының қатысушысы мен мүгедегі және соларға теңестірілген адам мәртебесін растайтын куәліктің көшірмесі;

      жергілікті атқарушы органның арнаулы әлеуметтік қызметтерді ұсыну туралы шешімі;

      ауданның, облыстық маңызы бар қаланың жұмыспен қамту және әлеуметтік бағдарламалар бөлімінің жолдамасы.

      Қызмет алушы бір үйде қызмет көрсету ұйымынан басқа ұйымға өткен (ауысқан) кезде онымен бірге қызмет алушының жеке ісі істегі құжаттардың тізімдемесімен қабылдау-тапсыру актісі бойынша қоса беріледі. Қызмет алушының жеке ісіне оны шығару туралы бұйрықтың көшірмесі, жеке жоспар, Мониторинг журналы қоса беріледі;

      3) жеке жоспар.

      Қызмет алушылардың жеке қажеттіліктерін бағалау негізінде мүгедекті жеке оңалту бағдарламасын ескере отырып, үйде қызмет көрсететін ұйымның әлеуметтік жұмыс жөніндегі консультанты, күтім жөніндегі әлеуметтік қызметкері және басқа да мамандары (бұдан әрі – үйде қызмет көрсету ұйымы мамандары) қызмет алушының әрқайсысына бір жылға дейінгі мерзімге жеке жоспар әзірлейді.

      Жеке жоспарлар қызмет алушыларды үйде қызмет көрсету ұйымының мамандары бақылағаннан кейін үйде қызмет көрсету ұйымына есепке қабылданған күннен бастап он жұмыс күні ішінде немесе алдыңғы жеке жоспардың қолданылу мерзімі аяқталған күннен бастап бір жұмыс күні ішінде әзірленеді, кейінгі үш жұмыс күні ішінде толтырылады және үйде қызмет көрсету ұйымының басшысы бекітеді.

      Жеке жоспардың іс-шаралары арнаулы әлеуметтік қызметтер түрінің әрқайсысы бойынша бөлек көрсетіледі және қызмет алушының жақсы жақтарын іздеуге және жандандыруға, позитивті ресурстарды анықтауға және өзіндік әлеуметтік орта дағдыларын қалпына келтіруге немесе қалыптастыруға бағытталған.

      Әрбір көрсетілген іс-шара іске асыру мерзімін (апта, ай, тоқсан) қамтиды. Іс-шараны орындау бойынша жұмыстың көрсетілген кезеңі нақты мерзімдер арқылы жеке жоспарда көрсетіледі;

      4) Мониторинг журналы.

      Қызмет алушылардың жағдайындағы өзгерістерді қадағалау және кейіннен онымен жұмыс жүргізуге арналған іс-шараларды түзету үшін қызмет алушының жеке жоспарына мониторинг жүргізіледі.

      Жеке жоспарға енгізілген іс-шаралардың сапалы орындалуына мониторингті үйде қызмет көрсету ұйымының әлеуметтік жұмыс жөніндегі маманы тоқсанына бір реттен жиі емес тәртіпте жүзеге асырады.

      Қызмет алушылардың жағдайындағы өзгерістерді үйде қызмет көрсету ұйымының мамандары тоқсан сайын (қажет болған жағдайда ай сайын) қарауға тиіс.

      Өткізілген іс-шараларды және тоқсан сайынғы мониторинг қорытындыларын үйде қызмет көрсету ұйымының мамандары Мониторинг журналында көрсетеді. Мәліметтер Мониторинг журналына тоқсан сайын, жеке жоспарға жүргізілген мониторингтен кейін бір жұмыс күні ішінде енгізіледі.

      Мониторинг журналы әрбір қызмет алушыға жеке-жеке жүргізіледі.

      Қызмет алушының жағдайындағы позитивті өзгерістер туралы белгі жеке жоспарда жоспарланған әрбір іс-шара бойынша жасалады.

      Жүргізілген іс-шаралардан кейін қызмет алушылардың жағдайында өзгерістер болмаса, бұл туралы белгі қойылады.

      Қызмет алушылардың жағдайында өзгерістер болған жағдайда, Мониторинг журналына белгілер ай сайын енгізіледі.

      Жеке жоспарды түзету кезінде Мониторинг журналында қандай қызметтің түрі қайта қаралуға жататыны көрсетіледі, сондай-ақ қызмет алушының жағдайын жақсартуға бағытталған кейінгі іс-шараларды әзірлеу үшін ұсынымдар көрсетіледі.

      Жыл қорытындысы бойынша Мониторинг журналы мен жеке жоспар қызмет алушының әрқайсысына бөлек жеке папкада бірге тігіледі.

5-тарау. Уақытша болу ұйымдары қызметінің тәртібі

      27. Уақытша болу ұйымдары қызмет алушылар үшін әлеуметтік бейімдеу орталықтары, түнде болу үйлері түрінде құрылады.

      Әлеуметтік бейімдеу орталықтарында қызмет алушылар үшін қажетіне қарай құрылымдық бөлімшелер – түнде болу бөлімшелері мен мобильді әлеуметтік патруль қызметтері құрылады.

      Уақытша болу ұйымына жүгінген, бірақ қаңғыбастық өмір салтын өзгерткісі келмейтін адамдарға тәуліктің түнгі уақытында (жылдың жазғы уақытында сағат 21-ден 9-ға дейін, қысқы уақытта сағат 18-ден 10-ға дейін) түнде болу үйлері (бөлімшелер) ыстық тамақпен қамтамасыз етілмей койка орын беріледі.

      Мобильді әлеуметтік патруль қызметі белгілі бір тұрғылықты жері жоқ адамдарға олардың көшеде өмір сүру орындарында тәуліктің күндізгі уақытында арнаулы әлеуметтік қызмет көрсетеді. Жергілікті атқарушы органдардың шешімі бойынша мобильді әлеуметтік патруль қызметі тәуліктің түнгі уақытында да ұсынылады.

      28. Уақытша болу ұйымдары адам саны жүз мыңнан асатын қалаларда құрылады.

      Халық саны отыз мың және одан астам елді мекендерде уақытша болу ұйымдары жергілікті атқарушы органдардың шешімімен құрылады.

      29. Уақытша болу ұйымдарына кәмелетке толған қызмет алушыларды, оның ішінде түрлі себептер бойынша жеке басын куәландыратын құжаттары жоқ, баспанасы болмаған немесе одан айырылып қалған адамдарды қабылдайды.

      30. Мыналардың:

      1) науқастың өзіне және айналасындағылар үшін қауіпті мінез-құлқының өрескел бұзылуына ұштасатын психикалық аурулардың;

      2) белсенді процесс сатысындағы туберкулез, инфекциялық аурулардың, карантиндік инфекциялардың;

      3) алкогольдік, есірткіге мастану күйінде болу;

      4) паллиативтік көмек қызметі мен мейіргердің күтімі қажет аурулардың терминалды (соңғы) сатысы;

      5) мамандандырылған медициналық ұйымдарда стационарлық емдеуді қажет ететін басқа да аурулардың және (немесе) жарақаттардың болуы қызмет алушылардың уақытша болу ұйымдарында болуына медициналық қарсы көрсетілімдер болып табылады.

      Жоғарыда аталған медициналық қарсы көрсетілімдері бар адамдар денсаулық сақтаудың тиісті ұйымдарына жіберілуге жатады.

      31. Уақытша болу ұйымдарда:

      қызмет алушыларға жедел әлеуметтік көмек және қолдау көрсету;

      қызмет алушылардың жеке қажеттіліктерін ескере отырып, олардың жеке даму, әлеуметтік-еңбекке бейімделу деңгейін арттыруға бағдарланған арнаулы әлеуметтік қызметтерді көрсету;

      қызмет алушыларды арнаулы әлеуметтік қызметтер көрсетудің көлемі мен түрлері, уақытша болу ұйымның ішкі тәртіп қағидалары туралы хабардар ету;

      арнаулы әлеуметтік қызметке мұқтаж белгілі бір тұрғылықты жері жоқ адамдарды анықтау және оларды уақытша болу ұйымына жеткізуді мобильді әлеуметтік патруль қызметі жүзеге асырады;

      ғимаратты санитариялық-эпидемиологиялық, қауіпсіздік нормаларына, оның ішінде өрт қауіпсіздігі талаптарына сәйкес ұстау;

      заманауи техникалық жабдықтар;

      уақытша болу ұйымының ғимаратын тұруға ыңғайлы болу, оған кедергісіз кіріп-шығуды, орынжай ішінде және ғимаратқа іргелес жатқан аумақта жүріп-тұруды қамтамасыз ету мақсатында құрылыс нормалары мен қағидаларына сәйкес арнаулы құралдармен жабдықтау;

      уақытша болу ұйымының құрылтай құжаттарына сәйкес өзге де қызмет қамтамасыз етіледі.

      32. Уақытша болу ұйымында тұру шарттары:

      1) қызмет алушылар бөлмелерге денсаулық жағдайына, жынысы және психологиялық үйлесімділігі ескеріліп орналастырылады;

      2) жоғалтылған әлеуметтік мәртебесін қалпына келтіргісі келетін қызмет алушылардың уақытша болу ұйымында тәулік бойы тұру ұзақтығы бір жылдан аспайды.

      33. Уақытша болу ұйымында тұру тәртібі уақытша болу ұйымының басшысы бекітетін ішкі тәртіп қағидаларында айқындалады.

      34. Уақытша болу ұйымы персоналының штат нормативтерін ауданның, облыстық маңызы бар қаланың жұмыспен қамту және әлеуметтік бағдарламалар бөлімі немесе құрылтайшы бюджет мүмкіндіктері мен қажеттіліктерін ескеріп, осы Қағидаларға 8-қосымшаға сәйкес уақытша болу ұйымдарындағы персоналдың ең аз штат нормативтерін сақтап бекітеді.

      35. Уақытша болу ұйымдарда қызмет алушыларды есепке алу мынадай құжаттар бойынша жүргізіледі:

      1) осы Қағидаларға 9-қосымшаға сәйкес нысан бойынша уақытша болу ұйымында қызмет алушыларды тіркеу карточкасы (бұдан әрі – Тіркеу карточкасы).

      Уақытша болу ұйымының мамандары уақытша болу ұйымына келіп түсетін адамды медициналық тексеруден және санитариялық өңдеуден, киімдері мен жеке заттарын дезинфекциялаудан өткізгеннен кейін қызмет алушылардың Тіркеу карточкасына толтырылады және электрондық журналына тіркейді;

      2) электрондық журнал.

      Электрондық тіркеу журналын порталда уақытша болу ұйымы жүргізеді.

      Электрондық журналда: қызмет алушылардың келуі, шығарылуы (шығарып жіберу), уақытша кетуі, басқа уақытша болу ұйымға ауысуы, бұйрықтың нөмірі мен күні, шығару (шығарып жіберу), уақытша шығуы себебі көрсетіледі.

      Бұрын уақытша болу ұйымынан шығып кеткен адам қайта түссе, оның деректері "түскен күні" деген бағанда электрондық журналына "қайта оралды" деген белгімен жазылады;

      3) жеке іс.

      Қызмет алушы уақытша болу ұйымына түскен кезде (тәулік бойы тұрақты немесе уақытша тұруға арналған (бір жылға дейін) қызмет алушылардың жеке ісі қалыптастырылады, ал жеке ісі болған жағдайда – оны жүргізу жалғастырылады.

      Қызмет алушылардың жеке ісінде мынадай құжаттар сақталады:

      қызмет алушының жазбаша өтініші;

      қызмет алушының ЖСН бар, жеке басын куәландыратын құжаттың көшірмесі (бар болса);

      ресоциализация туралы шарт;

      уақытша болу ұйымына тіркеу туралы бұйрықтың көшірмесі.

      Қызмет алушылардың жеке ісін уақытша болу ұйымы қызмет алушы уақытша болу ұйымына түскен сәттен бастап және ол шыққанға дейін оның әрқайсысына жүргізеді.

      Қызмет алушы бір уақытша болу ұйымынан екінші уақытша болу ұйымына өткен (ауысқан) кезде қызмет алушының жеке ісі істегі құжаттардың тізімдемесімен қабылдау-тапсыру актісі бойынша бірге беріледі. Қызмет алушының жеке ісіне оны шығару туралы бұйрықтың көшірмесі, ресоциализация туралы шарты қоса беріледі;

Стационарлық үлгідегі ұйымдардағы персоналдың ең төмен штат нормативтері

      Ескерту. 1-қосымша жаңа редакцияда - ҚР Еңбек және халықты әлеуметтік қорғау министрінің м.а. 22.09.2021 № 343 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескертпе:

      1 – стационарлық үлгідегі ұйымдардың жанынан құрылған жоба қуаты 6-дан 30-ға дейін өз бетінше тұруды сүйемелдеу бөлімшелерінде енгізіледі;

      2 – стационарлық үлгідегі балалар психоневрологиялық ұйымдарында енгізіледі;

      3 – ТҚА бұзылған балалар үшін стационарлық үлгідегі ұйымдарға енгізіледі;

      4 – стационарлық үлгідегі психоневрологиялық ұйымдарға енгізіледі;

      5 – қарттар мен мүгедектерге арналған стационарлық үлгідегі ұйымдарға енгізіледі;

      * – оқу топтары "Халықты әлеуметтік қорғау саласында арнаулы әлеуметтік қызметтер көрсету стандарттарын бекіту туралы" Қазақстан Республикасы Денсаулық сақтау және әлеуметтік даму министрінің 2015 жылғы 26 наурыздағы № 165 бұйрығына сәйкес қалыптастырылады (Нормативтік құқықтық актілерді мемлекеттік тіркеу тізілімінде № 2355 болып тіркелген).

      Жабдықталған мамандандырылған кабинеттер болған кезде ең төмен штат нормативіне енгізілмеген тиісті мамандар қабылданады, алайда бір кабинетке 2 маманнан артық емес.

      Қажеттігіне қарай белгіленген лауазымдар еңбекақы төлеу қоры шегінде бірін-бірі алмастырады.

      Басшы қызметкерлер мен қызмет көрсетуші-шаруашылық персоналды ұстау бойынша шығыстар 1 бірлік қызметтің құнын есептеуге қосылмаған.

      Стационарлық үлгідегі мекемелерде қызметтік автокөлік құралдарының лимиті мынадай көлемде белгіленеді:

      бір жеңіл автомобиль;

      екі санитариялық автомобиль;

      бір жолаушылар автобусы (100 немесе одан көп қызмет алушы болған кезде);

      бір автокөлік құралы (350 немесе одан көп қызмет алушы болған кезде);

      орталық кәрізге қосылу мүмкіндігі жоқ жерлерде орналасқан стационарлық үлгідегі ұйым үшін айына кем дегенде 200 куб қоқыс шығару көлемі болған кезде қоқыс шығаруға арналған бір автомобиль;

      қар, күл шығару, көмірді қазандарға жеткізу және басқа да маусымдық жұмыстарды және басқа да жұмыстарды орындайтын бір трактор;

      сыйымдылығы шағын үйлер үшін қызметкерді алушылардың санына сәйкес бір микроавтобус.

      Бөлімшеде тұратын мүгедектерге қызметтер көрсету қажеттілігі бойынша өзінің лауазымдық өкілеттігі шегінде стационарлық үлгідегі ұйымдардың басқа қызметкерлері тартылады.

      Ескерту. 2-қосымша жаңа редакцияда - ҚР Еңбек және халықты әлеуметтік қорғау министрінің 14.12.2021 № 472 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Стационарлық/жартылай стационарлық үлгідегі/ үйде қызмет көрсететін/уақытша болу ұйымында арнаулы әлеуметтік қызметтерді алатын адамдарды және арнаулы әлеуметтік қызметтерге мұқтаж адамдарды кезекке тіркеудің электрондық журналы

      20 __ жылғы "___" ________ басталды

      20 __ жылғы "___" ________ аяқталды

Қызмет алушының ЖЕКЕ ІСІ № ____________

      ________________________________________________________

      (Жасалған жері)

      Тегі, аты, әкесінің аты (бар болса) _____________________________

      Туған күні (күні, айы, жылы) ____________________________________

      Диагнозы ________________________________________________________

      Ұлты ____________________________________________________________

      Түскен күні _____________________________________________________

      Қайдан келді ____________________________________________________

      Әлеуметтік мәртебесі ____________________________________________

      Ата-аналары туралы мәліметтер (мүгедек балалар үшін) (Тегі, аты,

      әкесінің аты (бар болса), туған күні, олардың болмау себебі

      және оны растайтын құжаттың түрі)

      Үйінің мекенжайы ________________________________________________

      Нөмірленген және тігілген ______________________________________________ парақ

      (жазбаша)

      Ұйымның басшысы _________________________________________________________

      (Тегi, аты, әкесiнiң аты (бар болса), қолы

      20 ___ жылға "___" _______________

      Мөр орны

Қызмет алушылардың жеке жұмыс жоспары

      Қызмет алушының тегі, аты, әкесінің аты (бар болса) _____________________

      Туған күні және жылы ________________________________________________

      Диагнозы ___________________________________________________________

      стационарлық/жартылай стационарлық үлгідегі ұйымға/үйде қызмет көрсететін

      ұйымына түскен күні 20__жылғы "___"_____________

      Қызмет алушыға __бастап ___қоса алғанға дейін бақылау жүзеге асырылды

      Жеке жұмыс жоспары _______ бастап _________ қоса алғанға дейінгі кезеңге әзірленді

      Қызмет алушының жеке қажеттілігіне сәйкес тағайындалған іс-шаралар

      (көрсетілетін қызметтің түрлері мен көлемін көрсету):

      Жеке жұмыс жоспарын қайта қарау күні 20 __жылғы "__" __________

      Әлеуметтік жұмыс жөніндегі маман _______ ______________________

      (қолы) (тегі, аты, әкесінің

      аты (бар болса), күні)

Қызмет алушының жеке жұмыс жоспарының орындалуы (мониторингі) жөніндегі журнал

      Қызмет алушының Тегі, аты, әкесінің аты (бар болса) ____________________

      Туған күні және жылы ________________________________________________

      Диагнозы ___________________________________________________________

      ___ ______ бастап ___ _____ қоса алғандағы кезеңге әзірленген жеке жұмыс жоспарына

      мониторингі

      Қызмет алушыны қадағалау кезеңі: __ ____ бастап __ ____ қоса алғанда

      Әлеуметтік жұмыс жөніндегі маман ______ ______________________

      (қолы) (Тегі, аты, әкесінің

      аты (бар болса), күні)

      Ескертпе: * Қызмет алушының:

      - соматикалық, психикалық, эмоционалдық жай-күйінде;

      - қимыл, сенсорлық, танымдық, тіл дамыту, коммуникативтік салаларында;

      - өзіне-өзі қызмет көрсету дағдыларын, әлеуметтік-тұрмыстық және еңбекпен бейімдеу мен әлеуметтендіруді қалыптастырудағы оң өзгерістері белгіленді.

Жартылай стационарлық үлгідегі ұйымдардағы персоналдың төмен штат нормативтері

      Ескертпе:

      1 – психоневрологиялық патологиясы бар балаларға арналған жартылай стационарлық үлгідегі ұйымдарға енгізіледі;

      2 – тірек-қимыл аппараты бұзылған балаларға арналған жартылай стационарлық ұйымдарға енгізіледі;

      3 – психоневрологиялық ауруы бар он сегіз жастан асқан адамдарға арналған жартылай стационарлық үлгідегі ұйымдарға енгізіледі;

      4 – қарттар мен мүгедектерге арналған жартылай стационарлық үлгідегі ұйымдарға енгізіледі;

      * – дербес заңды тұлға болып табылатын жартылай стационарлық үлгідегі ұйымдар үшін көзделген басшы қызметкерлердің және шаруашылық-қызметті көрсетуші персоналдың штат нормативтері;

      ** – бұл лауазымдар ыстық тамақ даярлаған жағдайда көзделеді;

      *** – оқу топтары "Халықты әлеуметтік қорғау саласында арнаулы әлеуметтік қызметтер көрсету стандарттарын бекіту туралы" Қазақстан Республикасы Денсаулық сақтау және әлеуметтік даму министрінің 2015 жылғы 26 наурыздағы № 165 бұйрығына сәйкес қалыптастырылады (Нормативтік құқықтық актілерді мемлекеттік тіркеу тізілімінде № 2355 болып тіркелген).

      Жабдықталған мамандандырылған кабинеттер болған кезде, ең төмен штат нормативіне енгізілмеген тиісті мамандар қабылданады, алайда бір кабинетке 2 маманнан артық емес.

      Қажет болғанда белгіленген лауазымдар еңбекақы төлеу қоры шегінде бірін-бірі алмастырады.

      Жартылай стационарлық үлгідегі ұйымда тәуліктік болу бөлімшесі жұмыс істеген кезде түнгі кезекшілікке қажетті лауазымдар стационарлық үлгідегі ұйымдардағы персоналдың ең төмен штат нормативтеріне сәйкес айқындалады.

      Басшы қызметкерлерді және шаруашылық-қызмет көрсетуші персоналды ұстау бойынша шығыстар 1 бірлік қызметтің құнын есептеуге қосылмаған.

      Жартылай стационарлық үлгідегі мекемелерде қызметтік көлік құралдары лимиті бір жеңіл және екі санитарлық автомобиль, ал қызмет алушыларды тасымалдау жөнінде көлік қызметі көрсетілген кезде қосымша – бір жолаушылар автобусы көлемінде белгіленеді.

Үйде қызмет көрсету ұйымдарындағы персоналдың ең төмен штат нормативтері

      Ескертпе:

      * Бөлімше (үйде қызмет көрсету субъектісі) санатына қарай (қарттар мен мүгедектер, психоневрологиялық ауруы бар балалар мен он сегіз жастан асқан адамдар) 80 қызмет алушыға арнаулы әлеуметтік қызмет көрсеткенде құрылады. Қызмет алушылардың жекелеген санаттарының болуы бөлімше құруға мүмкіндік бермейтін жерде онда бір бөлімше қызмет алушылардың бірнеше санаты үшін құрылады;

      ** Күтім жөніндегі әлеуметтік қызметкер қызмет алушыға арнаулы әлеуметтік қызметтерді аптасына кемінде екі рет көрсетеді.

Уақытша болу ұйымдарындағы персоналдың ең төмен штат нормативтері

      Ескертпе:

      Қажеттігіне қарай белгіленген лауазымдар еңбекақы төлеу қоры шегінде бірін-бірі алмастыра алады.

      Басшы қызметкерлер мен қызмет көрсетуші-шаруашылық персоналын ұстау бойынша шығыстар 1 бірлік қызметтің құнын есептеуге қосылмаған.

      Уақытша болу ұйымдарында қызметтік автокөлік құралдары лимиті мынадай көлемде белгіленеді:

      бір жеңіл автомобиль;

      екі санитарлық автомобиль;

      бір автокөлік құралы (150 немесе одан көп қызмет алушылар болған жағдайда).

Түнде болу үйлерінде (бөлімшелерінде) персоналдың ең төмен штат нормативтері

Мобильді әлеуметтік патруль қызметі персоналының ең төмен штат нормативтері

Уақытша болу ұйымында қызмет алушыны тіркеу карточкасы

      1. Тегі _________________________________________________________

      2. Аты _________________________________________________________

      3. Әкесінің аты (бар болса) ________________________________________

      4. Жынысы _____________________________________________________

      5. Туған күні ____________________________________________________

      6. Ұлты (қалауы бойынша) _______________________________________

      7. Туған жері __________________________________________________

      8. Тұрғылықты жері бойынша соңғы тіркелген мекенжайы

      __________________________________________________________________

      9. Бар құжаты: төлқұжат/жеке куәлік (керегін сызу)

      10. Білімі ______________________________________________________

      11. Кәсібі _______________________________________________________

      12. Жақын туыстары туралы деректер ______________________________

      13. Сотталуы (бар болса)

      14. Бұрын ауырған аурулары ______________________________________

      15. Денсаулық жағдайы _________________________________________

      16. Азаматты жіберген ұйым ____________________________________

      17. Азаматтың жеке қолы ________________________________________

      18. Күні ________________________________________________________

      19. Карточканы толтырған уақытша болу ұйымы маманының тегі, аты,

      әкесінің аты (бар болса), қолы ________________________________________________