Қоғамдық маңызы бар нарықтарда баға белгілеу қағидаларын бекіту туралы

      Қазақстан Республикасы Кәсіпкерлік кодексінің 124-6-бабының 3) тармақшасына сәйкес БҰЙЫРАМЫН:

      1. Осы бұйрыққа 1-қосымшаға сәйкес Қоғамдық маңызы бар нарықтарда баға белгілеу қағидалары бекітілсін.

      2. Осы бұйрыққа 2-қосымшаға сәйкес табиғи монополиялар салаларында басшылықты жүзеге асыратын уәкілетті органның кейбір бұйрықтарының күші жойылды деп танылсын.

      3. Қазақстан Республикасы Ұлттық экономика министрлігінің Табиғи монополияларды реттеу және бәсекелестікті қорғау комитеті Қазақстан Республикасының заңнамасында белгіленген тәртіппен:

      1) осы бұйрықтың Қазақстан Республикасының Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмелерінің баспа және электрондық түрде мерзімді баспасөз басылымдарында ресми жариялауға, сондай-ақ Қазақстан Республикасының нормативтік құқықтық актілерінің эталондық бақылау банкіне енгізу үшін Республикалық құқықтық ақпарат орталығына жіберілуін;

      3) осы бұйрықтың Қазақстан Республикасы Ұлттық экономика министрлігінің интернет-ресурсында орналастырылуын;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Ұлттық экономика министрлігінің Заң департаментіне осы бұйрықтың 3-тармағының 1), 2) және 3) тармақшаларында көзделген іс-шаралардың орындалуы туралы мәліметтердің ұсынылуын қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.

      5. Осы бұйрық алғашқы ресми жарияланған күнінен бастап қолданысқа енгізіледі.

      "КЕЛІСІЛДІ"

      Қазақстан Республикасының

      Инвестициялар және даму министрі

      ________________ Ж. Қасымбек

      2017 жылғы 2 ақпан

      "КЕЛІСІЛДІ"

      Қазақстан Республикасының

      Энергетика министрі

      _____________ Қ. Бозымбаев

      2017 жылғы 2 ақпан

Қоғамдық маңызы бар нарықтарда баға белгілеу қағидалары

      Ескерту. Қағида жаңа редакцияда – ҚР Ұлттық экономика министрінің 17.07.2018 № 252 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Қоғамдық маңызы бар нарықтарда баға белгілеу қағидалары (бұдан әрі – Қағидалар) бағалардың негізсіз өсуін болдырмау мақсатында Қазақстан Республикасы Кәсіпкерлік кодексінің (бұдан әрі – Кодекс) 124-6-бабының 3) тармақшасына сәйкес әзірленді және қоғамдық маңызы бар нарықтарда баға белгілеу тәртібін айқындайды.

      2. Қағидаларда мынадай ұғымдар пайдаланылады:

      1) аумақтық уәкілетті орган – табиғи монополиялар салаларындағы басшылықты жүзеге асыратын уәкілетті орган ведомстволарының аумақтық бөлімшесі;

      2) баға белгілеу – тауарлар (жұмыстар, көрсетілетін қызметтер) бағаларын қалыптастыру және қарау процесі;

      3) газбен жабдықтау саласындағы уәкілетті орган – газ өндіруді, тасымалдауды (тасуды), сақтауды және көтерме саудада өткізуді, сондай-ақ елді мекендердің шекаралары шегінен тыс тауарлық және сұйытылған мұнай газын бөлшек саудада өткізуді және тұтынуды мемлекеттік реттеуді жүзеге асыратын орталық атқарушы орган;

      4) жария тыңдаулар – қоғамдық маңызы бар нарық субъектісінің тауарларына (жұмыстарына, көрсетілетін қызметтеріне) баға жобасын Қазақстан Республикасы Парламентінің, мәслихаттардың депутаттарын, жергілікті өзін-өзі басқару органдарының, мемлекеттік органдардың өкілдерін, тұтынушыларды және олардың қоғамдық бірлестіктерін, тәуелсіз сарапшыларды бұқаралық ақпарат құралдарын және қоғамдық маңызы бар нарық субъектілерін шақыра отырып өткізілетін талқылау рәсімі;

      5) инвестициялық бағдарлама (жоба) – жаңа активтерді құруға, қолда бар активтерді кеңейтуге, қалпына келтіруге, жаңартуға, қолдауға, негізгі құралдарын реконструкциялауға, техникалық қайта жарақтандыруға бағытталған бағдарлама;

      6) қоғамдық маңызы бар нарық субъектісі (бұдан әрі – Субъект) – қоғамдық маңызы бар нарықтарда тауарларды (жұмыстарды, көрсетілетін қызметтерді) өндіретін (өткізетін) жеке немесе заңды тұлға;

      7) қоғамдық маңызы бар нарықтар – Кодекстің 116-бабы 3-тармағының 14) тармақшасына сәйкес бағалары мен тарифтерін мемлекет реттейтін кәсіпкерлік субъектілерінің тауарлары, жұмыстары, көрсетілетін қызметтері;

      8) негізделген баға – осындай шығындар мен пайданың негізділігін растайтын нарық субъектісі ұсынған құжаттарға сәйкес қоғамдық маңызы бар нарық субъектісінің негізделген шығындары мен пайдасының негізінде, сондай-ақ уәкілетті орган ведомствосының бағаға жүргізген сараптамасының негізінде айқындалған баға;

      9) өзіндік құн – уәкілетті органның ведомствосы тауардың (жұмыстардың, көрсетілетін қызметтердің) шекті бағасында ескеретін шығындар жиынтығы;

      10) уәкілетті органның ведомствосы – қоғамдық маңызы бар нарықтар салаларында басшылықты жүзеге асыратын мемлекеттік органның ведомствосы, сондай-ақ қоғамдық маңызы бар нарықтарда бағаларды мемлекеттік реттеуді және мемлекеттік бақылауды жүзеге асыратын, азаматтық авиация саласындағы мемлекеттік органның ведомствосы;

      11) шекті баға – осы Қағидаларға сәйкес өндіру және (немесе) өткізу үшін қажетті шығындар мен пайданың негізінде Субъект белгілеген және уәкілетті органның ведомствосымен келісілген тауардың (жұмыстың, көрсетілетін қызметтің) бағасы. 2017 жылғы 1 қаңтарға дейін оған қатысты мемлекеттік реттеу қолданылған баға да шекті баға болып табылады.

2-тарау. Бағаға сараптама жүргізу және алдағы уақытта шекті бағаның өсетіні туралы хабарламаны қарау үшін ақпарат ұсыну тәртібі

      3. Субъект алдағы уақытта шекті бағаның өсетіні туралы хабарламаны (бұдан әрі – Хабарлама) шекті бағаның өсу себебін растайтын негіздеуші материалдарды қоса бере отырып, уәкілетті органның ведомствосына немесе аумақтық уәкілетті органға алдағы уақытта тауарлардың (жұмыстардың, көрсетілетін қызметтердің) шекті бағасының өсуіне дейін кемінде күнтізбелік отыз күн бұрын жазбаша түрде немесе электрондық құжат айналымы жүйесі арқылы электрондық құжат нысанында ұсынады. Хабарлама осы Қағидалардың 1-қосымшасына сәйкес нысан бойынша ұсынылады.

      Қоғамдық маңызы бар нарықтарда баға белгілеу тәртібінің сақталуын бақылау мақсатында, сондай-ақ осы Кодекстің 124-8-бабының 1) тармақшасында көзделген жағдайларда уәкілетті органның ведомствосы Субъектілердің бағаларын мониторингілеуді жүзеге асырады.

      Шекті бағаларға мониторинг жүргізу нәтижелері бойынша, сондай-ақ Субъект Кодекстің 124-8-бабының 3) және 4) тармақшаларында белгіленген міндеттерді орындамаған жағдайда уәкілетті органның ведомствосы осы Қағидаларға сәйкес бағаға сараптама жүргізеді.

      Баға сараптамасының шеңберінде ұсынылатын құжаттарды не негіздеуші материалдар қоса берілген Хабарламаны Субъект қағаз тасығышта немесе электрондық құжат айналымы жүйесі арқылы электрондық құжат нысанында нөмірлеп, мөрмен (болған жағдайда) растап және Субъект басшысының не оны алмастыратын адамның немесе құзыретіне бухгалтерлік есеп пен қаржы мәселелері кіретін басшы орынбасарының қолын қойғызып ұсынады. Қаржы құжаттарына Субъектінің бірінші басшысы және бас бухгалтері не оларды алмастыратын адамдар қол қояды және Субъектінің мөрімен расталады.

      Субъект екі және одан көп облыстың, республикалық маңызы бар қаланың, астананың аумағында қызметтер көрсеткен жағдайда, сондай-ақ республикалық маңызы бар қаланың, астананың аумағында ішкі рейстерде әуежайлардың қызметтерін көрсеткен жағдайда баға сараптамасының шеңберінде ұсынылатын құжаттар не Хабарлама уәкілетті органның ведомствосына беріледі.

      Субъект бір облыстың, республикалық маңызы бар қаланың, астананың аумағында, сондай-ақ облыстық маңызы бар қалалардың аумағында қызметтер көрсеткен жағдайда баға сараптамасының шеңберінде ұсынылатын құжаттар не Хабарлама Субъектінің тіркелген жері бойынша тиісті аумақтық уәкілетті органға беріледі.

      4. Субъект уәкілетті органның ведомствосына баға сараптамасының шеңберінде құжаттарды және мәліметтерді не шекті бағаның өсу себебін растайтын негіздеуші материалдарды қоса бере отырып, Хабарламаны, оның ішінде:

      1) "Жария мүдделі ұйымдардың (қаржы ұйымдарынан басқа) жариялау үшін жылдық қаржылық есептіліктің тізбесі мен нысандарын бекіту туралы" Қазақстан Республикасы Қаржы министрінің 2017 жылғы 28 маусымдағы № 404 бұйрығымен (Нормативтік құқықтық актілерді мемлекеттік тіркеу тізілімінде № 15384 болып тіркелген) (бұдан әрі – № 404 бұйрық) бекітілген нысан бойынша бухгалтерлік балансты;

      2) № 404 бұйрықпен бекітілген нысан бойынша пайда мен зияндар туралы есепті;

      3) "Еңбек және жұмыспен қамту статистикасы бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы" Қазақстан Республикасы Ұлттық экономика министрлігінің Статистика комитеті төрағасының 2017 жылғы 14 қарашадағы № 171 бұйрығына (Нормативтік құқықтық актілерді мемлекеттік тіркеу тізілімінде № 16052 болып тіркелген) 1 және 3-қосымшаларға сәйкес статистикалық нысан бойынша еңбек жөніндегі есепті (коды 251112139, индексі 1-Т, кезеңділігі жылдық, тоқсандық);

      4) "Құрылымдық статистика бойынша жалпымемлекеттік статистикалық байқаулардың статистикалық нысандары мен оларды толтыру жөніндегі нұсқаулықтарды бекіту туралы" Қазақстан Республикасы Ұлттық экономика министрлігінің Статистика комитеті төрағасының 2017 жылғы 10 қарашадағы № 165 бұйрығына (Нормативтік құқықтық актілерді мемлекеттік тіркеу тізілімінде № 16038 болып тіркелген) 1-қосымшаға сәйкес кәсіпорынның қаржы-шаруашылық қызметі туралы есепті (коды 271112130, индексі 1-ПФ, кезеңділігі жылдық);

      5) № 404 бұйрыққа 3 және 4-қосымшаға сәйкес нысан бойынша ақшалай қаражаттың қозғалысы туралы есепті;

      6) шығындар баптары бойынша толық жазылған жалпы кәсіпорын және әрбір түрі бойынша жекелеген, бағаларды есептеу үшін қолданылатын кірістер мен шығыстар туралы жиынтық деректерді;

      7) қолданылып отырған еңбекақы төлеу жүйесі туралы мәліметтерді;

      8) шикізат пен материалдар шығысының қолданылатын нормалары, жұмыскерлердің нормативтік саны туралы мәліметтерді;

      9) (болған жағдайда) есепке алу саясатын;

      10) (болған жағдайда) инвестициялық бағдарламаларды (жобаларды);

      11) негізгі құралдар құнының өсуіне әкелмейтін ағымдағы және күрделі жөндеулерге және басқа да жөндеу-қалпына келтіру жұмыстарына бағытталған шығындардың жылдық сметасын;

      12) болған жағдайда негізгі құралдар құнының ұлғаюына әкелетін күрделі жөндеу жұмыстарын жүргізуге бағытталған шығындардың жылдық сметасын (болған жағдайда);

      13) негізгі құралдарды пайдалану мерзімдері көрсетілген амортизациялық аударымдардың есептеулерін;

      14) тауарды (жұмыстарды, көрсетілетін қызметтерді) өткізудің жоспарланатын және (немесе) нақты көлемін растайтын құжаттарды – ниет хаттамаларын, шарттарды, өндіру (жеткізу) көлемінің есептеулерін, жобалық қуат және оны іс жүзінде пайдалану туралы деректерді, сондай-ақ өндіру (жеткізу) көлемі төмендеген кезде Субъектілер негіздемені ұсынады;

      15) осы Қағидалардың 2-қосымшасына сәйкес электр энергиясына (Электр энергетикасы саласындағы субъект үшін) шекті тарифтің құрамын;

      16) Субъект Хабарлама ұсынған жағдайда көтеру себептерін растайтын құжаттармен (шикізат, материалдар, көрсетілетін қызметтер құнының өсуін растайтын тиісті шарттардың (жасалған) көшірмелерін) қоса, шекті бағаның өсу орындылығын негіздейтін түсіндірме жазбаны;

      17) Субъект Хабарлама берген жағдайда әрбір қызмет түрі бойынша жоспарланатын шекті бағаның жобасын ұсынады.

      5. Субъект негіздеуші материалдар ретінде баға сараптамасы шеңберінде құжаттар ұсынудың не Хабарлама берудің алдындағы төрт тоқсан үшін және алдыңғы күнтізбелік жыл үшін шығындар туралы нақты деректерді ұсынады.

      Субъект қызметін бір жылдан аз уақыт жүзеге асырған жағдайда негіздеуші материалдар ретінде қызметті жүзеге асырудың нақты кезеңі үшін деректер ұсынылады.

      Субъект уәкілетті орган ведомствосының талабы бойынша баға сараптамасын жүргізу үшін Кодекстің 124-6-бабының 10) тармақшасына сәйкес қажетті ақпарат пен құжаттарды ұсынады. Субъект ақпарат пен құжаттарды күнтізбелік он бес күн ішінде ұсынады.

      6. Уәкілетті органның ведомствосы Хабарламаны алған күннен бастап күнтізбелік отыз күннен аспайтын мерзімде баға сараптамасын жүргізеді немесе Хабарламаны қарайды.

      Уәкілетті органның ведомствосы қосымша ақпарат сұратқан жағдайда баға сараптамасын жүргізу немесе Хабарламаны қарау мерзімі Субъект тиісті ақпаратты ұсынғанға дейін тоқтатыла тұрады. Бұл ретте, шекті бағаны енгізу күні Субъектінің тиісті ақпаратты ұсыну мерзіміне ауыстырылады.

      7. Сараптама жүргізу немесе Хабарламаны қарау қорытындылары бойынша Субъект тауарларының (жұмыстарының, көрсетілетін қызметтерінің) шекті бағасын қалыптастыру Қағидалардың 3-тарауына сәйкес жүргізіледі.

      8. Кодекстің 124-6-бабының 6) тармақшасына сәйкес уәкілетті органның ведомствосы Хабарламаны қарау кезінде жария тыңдаулар өткізеді.

      9. Уәкілетті органның ведомствосы мынадай:

      1) осы Қағидалардың 3-тармағында көзделген талаптар бұзылған;

      2) Субъект осы Қағидалардың 4 және 5-тармақтарында көрсетілген құжаттарды ұсынбаған;

      3) Субъект анық емес ақпаратты ұсынған жағдайда Хабарламаны қараусыз қалдырады.

      Уәкілетті органның ведомствосы Хабарламаны қараусыз қалдырған жағдайда Субъект уәкілетті органның ведомствосынан қарсылық болмауы шартымен Хабарламаға қоса берілген материалдарды сұратады. Субъект сұрау салған кезде уәкілетті органның ведомствосы Хабарламаға қоса берілген материалдарды сұрау салуды алған кезден бастап бес жұмыс күні ішінде қайтарады.

      10. Хабарламаны қарау немесе баға сараптамасын жүргізу қорытындылары бойынша уәкілетті органның ведомствосы Субъектіге:

      1) осы Қағидалардың 3-қосымшасына сәйкес нысан бойынша шекті бағаны келісу туралы хабарламаны не;

      2) осы Қағидалардың 4-қосымшасына сәйкес нысан бойынша қолданыстағы немесе жоспарланған бағаны шекті баға деңгейіне дейін өсіру туралы дәлелді қорытындыны не;

      3) осы Қағидалардың 5-қосымшасына сәйкес нысан бойынша шекті бағаны өсіруге тыйым салу туралы дәлелді қорытындыны жібереді.

      Субъектіге хабарлама немесе дәлелді қорытынды жіберу кезінде осы Қағидалардың 6, 7 және 8-қосымшаларына сәйкес нысан бойынша шығыстар сметасы қоғамдық маңызы бар нарық тауарына (жұмысына, көрсетілетін қызметіне) байланысты, сондай-ақ Электр энергетикасы саласындағы субъектіге осы Қағидалардың 2-қосымшасына сәйкес электр энергиясына шекті бағаның құрылымы және Тауарлық газды бөлшек саудада өткізу саласындағы субъектіге осы Қағидалардың 9-қосымшасына сәйкес қоса беріледі.

      Хабарлама немесе дәлелді қорытынды Субъектіге пошта арқылы хабарламамен жіберіледі не оның өкіліне қол қойғызып қолма-қол беріледі.

      11. Шекті бағаны келісуге (қолдануға):

      1) тауарлық газды бөлшек саудада өткізу жөніндегі көрсетілетін қызметтерді тұтынушылар топтары бойынша;

      2) жүктерді теміржол көлігімен тасымалдау және локомотивтік тартқыш жөніндегі көрсетілетін қызметтерді тасымалданатын жүктердің түріне, жылжымалы құрамның типіне байланысты;

      3) энергиямен жабдықтау ұйымдарының электр энергиясын бөлшек саудада өткізуі жөніндегі көрсетілетін қызметтерді тұтынушылар тобы бойынша және тұтыну көлемі бойынша саралаумен жол беріледі.

      12. Субъект алған хабарламаның немесе дәлелді қорытындының негізінде уәкілетті органның ведомствосы айқындаған күннен бастап тауарлардың (жұмыстардың, көрсетілетін қызметтердің) шекті бағасын белгілейді.

      13. Субъект шекті бағаны өсірместен, уәкілетті органның ведомствосына бағаның төмендеу немесе өсу себептерін көрсететін ақпаратты баға төмендеген немесе өскен күннен бастап бес жұмыс күнінен кешіктірмей ұсына отырып, қоғамдық маңызы бар нарықтарда өткізілетін тауарлардың (жұмыстардың, көрсетілетін қызметтердің) бағаларын өз бетінше төмендетуге немесе өсіруге құқылы.

      14. Электр энергетикасы саласындағы субъектінің бұрын келісілген шекті бағасында ескерілген электр энергиясын сатып алу және (немесе) беру жөніндегі шығыстар орындалмаған жағдайда уәкілетті органның ведомствосы келісілген шекті бағаға қосылған шығыстардың және электр энергиясын сатып алу және (немесе) беру жөніндегі нақты шығыстардың арасында айырманың пайда болу нәтижесінде алынған кірістің сомасына келісілген шекті бағаны төмендетеді.

      Жеке тұлғалардың электр энергиясын тұтыну көлеміне байланысты тұтынушылардың электр энергиясына сараланған тарифтерді қолдануына байланысты, сондай-ақ тұтынушылар топтары бойынша тұтынушылардың сараланған тарифтерді қолдануы кезінде жеке және заңды тұлғалардың жалпы тұтыну көлемінің үлес салмағының өзгеруіне байланысты энергиямен жабдықтаушы ұйым кірісті толық алмаған немесе негізсіз кіріс алған жағдайларда толық алынбаған кіріс сомасы немесе негізсіз алынған кіріс сомасы бағаны кезекті қайта қарау кезінде ескеріледі.

      Уәкілетті органның ведомствосы Электр энергетикасы саласындағы субъектінің Хабарламасын қарау барысында жобаланатын шекті бағаны келісілген шекті бағаға қосылған шығыстардың және электр энергиясын сатып алу және (немесе) беру жөніндегі нақты шығыстардың арасында айырманың пайда болу нәтижесінде алынған кірістің сомасына төмендетеді.

      Егер Электр энергетикасы саласындағы субъектіде келісілген шекті бағада ескерілген электр энергиясын сатып алу және (немесе) беру жөніндегі шығыстардың және электр энергиясын сатып алу және (немесе) беру жөніндегі нақты шығыстардың арасындағы айырманың ұлғаюы нәтижесінде шығын пайда болған жағдайда уәкілетті органның ведомствосы Электр энергетикасы саласындағы субъектінің Хабарламасын қарау кезінде туындаған айырмаға шекті бағаны ұлғайтады.

3-тарау. Субъектінің тауарларына (жұмыстарына, көрсетілетін қызметтеріне) баға белгілеу тәртібі

      15. Шекті бағаны қалыптастыру үшін Субъект тауарлардың (жұмыстардың, көрсетілетін қызметтердің) әрбір түрі бойынша шығындарды бөлек есепке алуды жүзеге асырады.

      Субъектіде тауарлардың (жұмыстардың, көрсетілетін қызметтердің) түрлері бойынша шығындарды бөлек есепке алу болмаған жағдайда Субъектінің шығындары Субъектінің жалпы шығындарындағы кірістердің үлес салмағы (көлемі, өндірістік персоналға еңбекақы төлеуге арналған шығындар) бойынша тауарларды (жұмыстарды, көрсетілетін қызметтерді) өткізетін Субъектінің белгілі бір қызмет түріне жататын шығындарды айқындауды көздейтін жанама әдістердің негізінде өткізілетін тауарлардың (жұмыстардың, көрсетілетін қызметтердің) түрлері бойынша бөлінеді.

      16. Уәкілетті орган Субъектілердің алдағы уақытта тауарлар (жұмыстар, көрсетілетін қызметтер) бағаларының өсетіні туралы хабарламаларын қарау кезінде жария тыңдаулар өткізеді.

      17. Жария тыңдаулар өткізудің мақсаты ашықтықты, хабардарлықты, тұтынушылар мен субъектілер мүдделерінің теңгерімін сақтауды, тауарлар (жұмыстар, көрсетілетін қызметтер) бағаларын қалыптастырудың ашықтығы мен анықтығын қамтамасыз ету болып табылады.

      18. Жария тыңдаулар өткізудің қағидаттары:

      1) жариялылық;

      2) тұтынушылар мен субъектілер мүдделерінің теңгерімін сақтау;

      3) тауарлар (жұмыстар, көрсетілетін қызметтер) бағаларын қалыптастырудың ашықтығы.

      19. Уәкілетті органның ведомствосы немесе аумақтық уәкілетті орган жария тыңдауларды өткізгенге дейін күнтізбелік он күннен кешіктірмей алдағы жария тыңдаулар күніне дейін хабарландыруды өзінің интернет-ресурсында орналастырады және аптасына кемінде екі рет шығарылып таратылатын баспасөз басылымдарында:

      Субъект қызметтерді бір облыстың (республикалық маңызы бар қаланың, астананың) аумағында көрсеткен, сондай-ақ ішкі рейстерде әуежайлар қызметтерін облыстық маңызы бар қалалардың аумағында көрсеткен жағдайда Субъект өз қызметін жүзеге асыратын тиісті әкімшілік-аумақтық бірліктің тиісті аумағында;

      Субъект қызметтерді екі және одан да көп облыстың (республикалық маңызы бар қаланың, астананың) аумағында көрсеткен, сондай-ақ ішкі рейстерде әуежайлар қызметтерін республикалық маңызы бар қаланың, астананың аумағында көрсеткен жағдайда Қазақстан Республикасының барлық аумағында жариялайды.

      Субъектінің хабарламалары қаралған кезде жария тыңдаулар бағаларды келісу туралы шешім қабылданғанға дейін күнтізбелік он күннен кешіктірілмей өткізіледі.

      20. Алдағы жария тыңдау туралы хабарландыру мынадай мәліметтерді қамтиды:

      1) тыңдауларды ұйымдастырушының атауы және орналасқан жері;

      2) тыңдаулар өткізу күні, орны мен уақыты;

      3) субъектінің атауы және тауарлар (жұмыстар, көрсетілетін қызметтер) бағаларының өсетіні туралы хабарлама берілген көрсетілетін қызметтердің (тауарлардың, жұмыстардың) түрі;

      4) уәкілетті орган ведомствосының немесе аумақтық уәкілетті органның, ақпарат алуға болатын субъектінің байланыс телефондары;

      5) уәкілетті орган ведомствосы мен субъектінің интернет-ресурсының мекенжайы (бар болған жағдайда).

      21. Субъект жария тыңдауларды өткізу күні туралы ақпарат жарияланғаннан кейін жария тыңдауларға қатысушылардың талабы бойынша жария тыңдаулар өткізілгенге дейін:

      тауарлар (жұмыстар, көрсетілетін қызметтер) бағаларының жобаларын;

      тауарлар (жұмыстар, көрсетілетін қызметтер) бағаларының өсу себептері туралы экономикалық негізделген есептері бар ақпаратты береді.

      22. Тыңдаулар уәкілетті мемлекеттік органның ведомствосы немесе аумақтық уәкілетті орган айқындайтын үй-жайда жария тыңдауға қатысушылардың кедергісіз кіруін қамтамасыз ету арқылы өткізіледі.

      23. Жария тыңдаулар өткізу үшін уәкілетті мемлекеттік органның ведомствосы немесе аумақтық уәкілетті орган басшыларының ішінен жария тыңдаулардың төрағасы (бұдан әрі – Төраға) тағайындалады. Төраға уәкілетті мемлекеттік органның ведомствосы немесе аумақтық уәкілетті орган қызметкерлерінің ішінен хаттама жүргізетін жария тыңдаулардың хатшысын тағайындайды.

      24. Жария тыңдаулар өткізу процесінде хаттама жазбаша нысанда жүргізіледі.

      25. Төраға әрбір жария тыңдауға регламент белгілейді.

      26. Төраға белгіленген уақытта тыңдауларды ашады, олардың мақсатын және күн тәртібін жариялайды. Төраға қатысушыларды тыңдауларды өткізу регламентімен таныстырады.

      27. Өз сөзінде субъект тауарлардың (жұмыстардың, көрсетілетін қызметтердің) ұсынылып отырған бағасының деңгейіне растаушы фото, бейне материалдарды (болған жағдайда) қоса бере отырып, егжей-тегжейлі түсініктеме және негіздеме береді.

      28. Жария тыңдауларға қатысушылар қаралып отырған мәселелер бойынша өз көзқарасын, пікірін білдіреді, сөз сөйлеушілерге сұрақтар қояды, өз сөздерінде көмекші материалдарды (плакаттар, графиктер және тағы басқалар) пайдаланады және хаттамаға сөйлеген сөзін жазбаша қоса береді.

      29. Төраға тыңдаулардың қорытындысын шығарады және жария тыңдауларды жабады.

      30. Шекті бағаны қалыптастыру кезінде өзіндік құнда тауарларды (жұмыстарды, көрсетілетін қызметтерді) өндіруге (көрсетуге, өткізуге) тікелей қатысты, негіздеуші материалдармен (шарттармен, шот-фактуралармен, қаржы құжаттарымен және шығыстарды растайтын өзге де құжаттармен) расталған шығыстар ескеріледі, оның ішінде:

      1) растайтын құжаттарда (шарттарда, шот-фактураларда, төлем тапсырмаларында) көзделген бағаларға және тауарлардың (жұмыстардың, көрсетілетін қызметтердің) бір бірлігін шығаруға арналған шикізат, материалдар, отын, материалдық ресурстар энергиясы шығысының қолданылатын нормаларына және (немесе) материалдық ресурстардың жылдық нормаларына сүйене отырып, материалдық ресурстардың нақты көлеміне негізделіп айқындалатын материалдық шығыстар;

      2) еңбек заңнамасына сәйкес еңбекақы төлеу жүйесінде көзделген еңбек жағдайлары үшін қосымша ақылар мен үстемеақылар төлеуді қоса алғанда, персоналға еңбекақы төлеуге арналған шығыстар шекті бағаларды қалыптастыру кезінде ескеріледі, бұл ретте еңбекақы төлеу шығыстарын айқындау кезінде нормативтік саннан аспайтын (болған кезде) персоналдың (әкімшілік-басқару және өндірістік) нақты саны және инфляция деңгейінің болжамды өзгерісі ескеріліп, қолданыстағы бағада қабылданған орташа айлық жалақы есепке алынады;

      3) негізгі құралдар мен материалдық емес активтердің амортизациялық аударымдары тікжелілік (біркелкі) есептеу әдісі бойынша есептеледі және шекті бағаның шығын бөлігіне қосылады. Амортизациялық аударымдар инвестициялық бағдарламаларды (жобаларды) іске асыруға және (немесе) негізгі құралдардың құнын арттыруға алып келетін күрделі жөндеу жұмыстарын жүргізуге бағытталады;

      4) Субъект негізгі құралдар құнының өсуіне алып келмейтін ағымдағы және күрделі жөндеуге және басқа да жөндеу-қалпына келтіру жұмыстарына жұмсайтын қаражат осындай жұмыстың қажеттігін растайтын құжаттардың негізінде (осындай жұмыстарды жүргізу қажеттігін құжаттамалық техникалық растау, жиынтық сметалық есептеулер, объектілік, жергілікті және ресурстық сметалар (әрбір объект бойынша жеке), оның ішінде Субъектінің сенімгерлік басқаруындағы объектілер бойынша (егер сенімгерлік басқару шартында негізгі құралдар құнының өсуіне алып келмейтін осындай жөндеу жүргізу туралы талап қамтылса) шекті бағаның шығын бөлігіне қосылады;

      5) өндірілетін және (немесе) өткізілетін тауарға (жұмысқа, көрсетілетін қызметке) тікелей қатысты өзге өндірістік шығыстар шекті бағаның шығын бөлігіне салалық ерекшеліктер ескеріліп, растайтын құжаттардың негізінде қосылады;

      6) инвестициялық бағдарлама (жоба) болған кезде бағаларында инвестициялық бағдарламаны іске асыруға жұмсалатын қарыз қаражаты үшін сыйақы төлемі ескерілетін шығыстар;

      7) егер көрсетілетін қызметтер үшін ақы төлеу оларды көрсету фактісі бойынша жүргізілген жағдайда қызметті көрсету үшін қажетті айналым қаражатын толтыруға тартылған қарыз қаражаты үшін сыйақы төлеміне арналған шығыстар;

      8) сатып алынатын аудиторлық, маркетингтік көрсетілетін қызметтер;

      9) қоршаған ортаға эмиссия үшін ақы төлеу;

      10) кезең шығыстарында ескерілетін міндетті сақтандыру түрлері, салықтар, алымдар және бюджетке төленетін басқа да міндетті төлемдер шығыстары ескеріледі.

      31. Шекті бағаға қосылатын пайда деңгейі инвестициялық бағдарламаны (жобаны) іске асыруға қажетті қаражат ескеріліп шектеледі.

      Субъектілер инвестицияларды өз және (немесе) қарыз қаражаты есебінен жүзеге асырады. Өз қаражатының көздері пайда (таза кіріс) және амортизациялық аударымдар болып табылады.

      Қарыз қаражатын қайтару пайда (таза кіріс) және (немесе) амортизациялық аударымдар есебінен жүзеге асырылады.

      Субъектіде инвестициялық бағдарлама (жоба) болмаған жағдайда шекті бағаға қосылатын Субъект пайдасының деңгейін Қазақстан Республикасының әлеуметтік-экономикалық даму факторларына негізделе отырып айқындалады.

      32. Шекті бағаны қалыптастыру кезінде өзіндік құнда тауарларды (жұмыстарды, көрсететін қызметтерді) көрсетуге (өндіруге) тікелей қатысы жоқ шығыстар, оның ішінде:

      1) тауарларды (жұмыстарды, көрсетілетін қызметтерді) өндіру (көрсету) кезінде пайдаланылмайтын негізгі құралдардың амортизациялық аударымдары;

      2) ластаушы заттардың нормативтен тыс шығындылары (тастандылары) үшін төлемдер;

      3) үмітсіз борыштар;

      4) шаруашылық шарттардың талаптарын бұзғаны үшін айыппұлдар, өсімпұлдар, тұрақсыздық айыбы және санкциялардың басқа да түрлері, сот шығасылары;

      5) кірісті жасырғаны (кеміткені) үшін айыппұлдар мен өсімпұлдар;

      6) жымқырудан болатын шығындар;

      7) қызмет көрсетуші шаруашылықтар мен учаскелер өндірісінде қолданысқа енгізілмеген активтерді ұстау;

      8) кәсіптік-техникалық училищелерді қоспағанда, денсаулық сақтау объектілерін, мектепке дейінгі балалар ұйымдарын, оқу орындарын ұстау;

      9) сауықтыру лагерьлерін, мәдениет және спорт объектілерін, тұрғын үй қорын ұстау;

      10) ұйым жұмыскерлерінің тұрғын үй жағдайларын жақсартуға, бау-бақша үйлерін сатып алуға және үй шаруашылығымен айналысуға алған пайызсыздарын қоса алғанда несиелерін өтеу;

      11) мәдени-ағарту, сауықтыру және спорттық іс-шараларды өткізу;

      12) бау-бақшалық серіктестіктерді абаттандыру (жол салу, энергиямен және сумен жабдықтау, жалпы сипаттағы басқа да шығыстарды жүзеге асыру);

      13) демеушілік көмек көрсету;

      14) ақаудан болған шығындар;

      15) өндірісті вахталық ұйымдастыруды қоспағанда, Субъектілердің персоналы үшін пәтерлерді, тұрғын үй-жайларды және құрылыстарды, жатақханалар мен қонақ үйлердегі орындарды сатып алу, жалдау және ұстау;

      16) мерейтойлар күніне немесе жұмыскерлерге көтермелеу түрінде берілетін сыйлықтарды сатып алу;

      17) нормативтен тыс техникалық және коммерциялық шығындар, тауар-материалдық құндылықтардың, қоймадағы қорлардың бұзылуы және жетіспеушілігі, өндірілмейтін шығыстар;

      18) жұмыс қорытындылары бойынша сыйақы беру және ынталандыру;

      19) өндірістік қажеттікке байланысты іс-шараларды қоспағанда, оқыту курстарын, семинарларды, тренингтерді, лекцияларды, көрмелерді, пікірталастарды, ғылым мен өнер қайраткерлерімен кездесулерді, ғылыми-техникалық конференцияларды өткізу және ұйымдастыру;

      20) қоғамдық ұйымдар мен қауымдастықтарға мүшелік жарналар;

      21) білім беру ұйымдарында оқитын жұмыскерлердің демалыстарына ақы төлеу;

      22) кәсіптік ауруларды оңалтып емдеуге байланысты шығындардан басқа, Субъектінің қаражаты есебінен жұмыскерлердің және олардың балаларының емделуіне, демалуына, экскурсияларына арналған жолдамаларға ақы төлеу;

      23) Қазақстан Республикасының заңнамасында белгіленген міндетті сақтандыру төлемдерін қоспағанда, сақтандыру төлемдері (Субъект өз жұмыскерлерінің пайдасына жасаған жеке және мүлікті сақтандыру шарттары бойынша төлеп отыратын жарналар);

      24) жұмыскерлерге қосымша берілген демалыстарға (заңнамада көзделгеннен тыс), оның ішінде бала тәрбиелеп отырған әйелдерге ақы төлеу, жұмыскердің отбасы мүшелеріне демалысты пайдаланатын жерге бару және қайту жолына ақы төлеу;

      25) Субъектінің жұмыскерлеріне жеңілдіктер;

      26) мектепке дейінгі мекемелердегі, санаторийлердегі және сауықтыру лагерьлеріндегі балалардың тамақтану құнын өтеу;

      27) ұжымдық шартта айқындалған мақсаттарға кәсіптік одақтарға аударымдар;

      28) банктердің және тұтынушылардан коммуналдық төлемдерді қабылдау жөніндегі банк операцияларының жекелеген түрлерін жүзеге асыратын ұйымдардың көрсетілетін қызметтері;

      29) консалтингтік компаниялардың көрсетілетін қызметтерінің шығыстары ескерілмейді.

      33. Инвестициялық бағдарлама (жоба) Субъект тауарының (жұмысының, көрсетілетін қызметінің) шекті бағасында ескеріледі.

      Субъектінің инвестициялық бағдарламасы (жобасы) Қазақстан Республикасының әлеуметтік-экономикалық даму басымдықтары ескеріле отырып, әзірленеді және түзетіледі.

      34. Инвестициялық бағдарламаға (жобаға) Субъект мына материалдарды:

      1) осы Қағидалардың 10-қосымшасына сәйкес нысан бойынша Субъектінің инвестициялық бағдарламасын (жобасын);

      2) сатып алынатын негізгі құралдардың, құрылыс-монтаж жұмыстарының құнын көрсетумен баға деңгейін салыстырмалы талдауды қоса, инвестициялық бағдарламаны (жобаны) іске асыру үшін жоспарланып отырған шығындар туралы ақпаратты;

      3) қаржыландырудың, оның ішінде қарыз ресурстарының (қарыз қаражаты бойынша сыйақы, қаржыландыру кезеңі, комиссиялық төлемдер, қарыз қаражатын қайтару мерзімдері мен шарттары) болжамды мөлшерін және алдын ала шарттарын растайтын құжаттарды;

      4) егер инвестициялық бағдарламаны (жобаны) іске асыру үшін республикалық, жергілікті бюджеттерден қаражат бөлінген немесе Қазақстан Республикасы Үкіметінің кепілдігімен кредиттер (инвестициялар) тартылған жағдайда оны қаржыландыру мөлшері мен шарттарын растайтын құжаттарды ұсынады.

      Субъект жоспарлаған инвестициялық бағдарламаға (жобаға) қоса берілетін құжаттар тігіледі, нөмірленеді және Субъектінің мөрімен (болған жағдайда) және бірінші басшысының не оны алмастыратын адамның немесе құзыретіне бухгалтерлік есеп пен қаржы мәселелері кіретін басшы орынбасарының қолымен расталады. Қаржы құжаттарына Субъектінің бірінші басшысы және бас бухгалтері не оларды алмастыратын адамдар қол қояды және Субъектінің мөрімен (болған жағдайда) расталады.

      35. Субъект ағымдағы жылғы 1 қарашадан кешіктірмей уәкілетті органның ведомствосына келісілген шекті бағаны көтерместен, келісілген инвестициялық бағдарламаны (жобаны) түзету туралы ұсыныспен жүгіне алады.

      36. Келісілген инвестициялық бағдарламаны (жобаны) түзету туралы ұсынысқа:

      инвестициялық бағдарламаға (жобаға) түзетулер енгізуді негіздейтін материалдарды (бизнес-жоспарды, прайс-парақтарды, шарттардың көшірмелерін, белгіленген тәртіппен сараптамадан өткен жобалау-сметалық құжаттаманы) қоса бере отырып, түзетулер ескерілген инвестициялық бағдарламаның жобасы;

      негіздейтін материалдарды қоса бере отырып, инвестициялық бағдарламаға (жобаға) түзетулер енгізу қажеттілігі туралы субъектінің бағалауы;

      қаржыландыру мен қарыз қаражатын қайтарудың ықтимал шарттары;

      егер инвестициялық бағдарламаны (жобаны) іске асыру үшін республикалық және/немесе жергілікті бюджеттерден қаражат бөлінсе немесе Қазақстан Республикасы Үкіметінің кепілдігімен кредиттер тартылса, онда қаржыландырудың мөлшері мен шарттарын растайтын құжаттар қоса беріледі.

      Қоса берілетін құжаттар нөмірленеді, Субъектінің мөрімен және басшының не оны алмастыратын адамның немесе құзыретіне бухгалтерлік есеп пен қаржы мәселелері кіретін басшы орынбасарының қолымен расталады. Қаржы құжаттарына субъектінің бірінші басшысы және бас бухгалтері не оларды алмастыратын адамдар қол қояды және Субъектінің мөрімен (болған жағдайда) расталады.

      37. Уәкілетті органның ведомствосы инвестициялық бағдарламаны (жобаны) түзету туралы ұсыныс берілген кезден бастап оны күнтізбелік отыз күн ішінде қарайды.

      Инвестициялық бағдарламаның келісілген сомасы төмендеген кезде уәкілетті органның ведомствосы Субъектінің шекті бағасын төмендетеді.

      38. Инвестициялық бағдарламаны (жобаны) түзетуден бас тартылған жағдайда уәкілетті органның ведомствосы Субъектіге инвестициялық бағдарламаны (жобаны) түзетуден бас тарту туралы дәлелді қорытынды жібереді.

      Осы Қағидалардың 36-тармағында көрсетілген құжаттарды ұсынбау және/немесе толық көлемде ұсынбау және құжаттардың 36-тармағының екінші бөлігіне сәйкес келмеу бас тарту үшін негіз болып табылады.

      39. Тауарларына (жұмыстарына, көрсетілетін қызметтеріне) шекті бағаны есептеу осы Қағидалардың 12-қосымшасына сәйкес жүргізілетін Тауарлық газды бөлшек саудада өткізу саласындағы субъектіні қоспағанда, Субъектінің тауарларына (жұмыстарына, көрсетілетін қызметтеріне) шекті бағаны есептеу осы Қағидалардың 11-қосымшасына сәйкес жүргізіледі.

      Электр энергиясын бөлшек саудада өткізу бойынша шекті бағаны саралау кезінде есептеу осы Қағидалардың 13-қосымшасына сәйкес жүзеге асырылады.

      Теміржол жүк вагондарын жалға беру жөніндегі көрсетілетін қызметтерді және вагондар (контейнерлер) операторының көрсетілетін қызметтерін, Қазақстан Республикасының аумағы арқылы транзиттік қатынаста жүктерді теміржол көлігімен тасымалдау жөніндегі көрсетілетін қызметтерді, жүктерді контейнерлермен, контрейлерлік жөнелтілімдермен, бос контейнерлерді және бос фитингтік платформаларды теміржол көлігімен тасымалдау жөніндегі көрсетілетін қызметтерді қоспағанда, жүктерді теміржол көлігімен тасымалдау және локомотивтік тартқыш жөніндегі көрсетілетін қызметтердің шекті бағасын саралау кезінде есептеу осы Қағидалардың 14-қосымшасына сәйкес жүзеге асырылады.

      40. Субъект Кодекстің 124-8-бабының 1) тармағына сәйкес уәкілетті органның ведомствосына осы Қағидалардың 15-қосымшасына сәйкес нысан бойынша шекті бағада ескерілген инвестициялық бағдарламаның (жобаның) орындалуы не орындалмауы туралы жартыжылдық ақпаратты кейіннен бұқаралық ақпарат құралдарында орналастыра отырып, есепті жартыжылдықтан кейінгі айдың жиырма бесінші күнінен кешіктірмей ұсынады.

      Жыл қорытындылары бойынша шекті бағада ескерілген инвестициялық бағдарлама орындалмаған жағдайда уәкілетті органның ведомствосы Кодекстің 124-6-бабының 7) тармақшасына сәйкес Субъектіге нұсқама енгізеді.

      41. Субъект Кодекстің 124-8-бабының 1-тармағының 1) тармақшасына сәйкес уәкілетті органның ведомствосына осы Қағидалардың 16, 17 және 18-қосымшаларына сәйкес нысан бойынша өндірілетін (өткізілетін) тауарларды (жұмыстарды, көрсетілетін қызметтерді) өндіру (өткізу) көлемі, кірістілік деңгейі және босату бағалары туралы ай сайынғы ақпаратты ұсынады.

Алдағы уақытта шекті бағаны көтеру туралы хабарлама

      1. Қоғамдық маңызы бар нарық субъектісінің атауы__________________________

      2. Көрсетілетін тауар (жұмыс, қызмет) түрі _______________________________

      3. Жоспарланған іс-қимылдар ______________________________________________

      (шекті бағаны алдағы уақытта көтеру туралы ақпарат)

      4. Қоғамдық маңызы бар нарық субъектісі бағаны көтеруді жоспарлаған күн___

      5. Қоса беріліп отырған құжаттар (материалдар)___________________________

      Басшы ___________________________тегі, аты, әкесінің аты (болған жағдайда)

      (қолы)

Электр энергиясына шекті бағаның құрылымы

      ____________________________________________________________________

      (қоғамдық маңызы бар нарық субъектісінің атауы, бизнес сәйкестендіру нөмірі)

      электрмен жабдықтау жөніндегі қызметтерді көрсетуге__________________

      қолданысқа енгізе отырып

Шекті бағаны келісу туралы хабарлама

      Уәкілетті орган ведомствосы немесе аумақтық уәкілетті орган _____________________

      (қоғамдық маңызы бар нарық субъектісінің атауы) _____________________________

      көрсетілетін қызметтерге (көрсетілетін қызметтердің түрлері) шекті бағаны алдағы

      көтеру туралы хабарламаны қарап, Қағидаларға сәйкес___________________________

      (көрсетілетін қызметтер, қоғамдық маңызы бар нарық субъектісінің атауы, қолдану

      күні) шекті бағаны келісу туралы хабарлайды.

      Негіздеме _____________________________________________________

      (шекті бағаны келісу себептері)

      Басшы __________________________ тегі, аты, әкесінің аты (болған жағдайда)

      (қолы)

Қолданыстағы немесе жобаланған бағаны шекті бағаның деңгейіне дейін төмендету жөніндегі дәлелді қорытынды

      Уәкілетті орган ведомствосы _________________________________

      көрсетілген қызметтерге шекті бағаларды алдағы уақытта көтеру туралы

      (Қоғамдық маңызы бар нарық субъектісінің атауы)

      ___________________________________ (көрсетілетін қызметтердің түрлері)

      хабарламаны қарап, Қағидаларға сәйкес _____________

      қоғамдық маңызы бар қызметтерге (көрсетілетін қызметтер,

      субъектінің атауы, қолдану күні) қолданыстағы немесе жобаланған шекті бағаны

      Қағидаларға сәйкес негізделген шекті баға деңгейіне дейін төмендету

      қажеттігі туралы хабарлайды.

      Негіздеме_______________________________________________________

      (қолданыстағы немесе жобаланған шекті бағаны төмендету себебі)

      Басшы ___________________________ тегі, аты, әкесінің аты (болған жағдайда)

      (қолы)

Шекті бағаны көтеруге тыйым салу туралы дәлелді қорытынды

      Уәкілетті органның ведомствосы _______________________________

      (қоғамдық маңызы бар нарық субъектісінің атауы) _____________________________

      көрсетілетін қызметтерге (көрсетілетін қызметтердің түрлері) шекті бағаларды

      алдағы көтеру туралы хабарламаны қарап,

      Қағидаларға сәйкес ___________________________________________

      (көрсетілетін қызметтер, қоғамдық маңызы бар нарық субъектісінің атауы)

      шекті бағаларды көтеруге тыйым салынатыны туралы хабарлайды.

      Негіздеме______________________________________________________

      _______________________________________________________________

      Басшы ___________________________ тегі, аты, әкесінің аты (болған жағдайда)

      (қолы)

Электрмен жабдықтау жөніндегі қызметтерді көрсетуге шығыстар сметасы (жабдықтау үстемеақысы)

Газды бөлшек саудада өткізу жөніндегі қызметтерді көрсетуге арналған шығыстар сметасы (жабдықтау үстемеақысы)

      Ескертпе: шығындар көрсетілетін қызметке байланысты қажет болған жағдайда кеңейтілуі және (немесе) қысқартылуы мүмкін

Қоғамдық маңызы бар нарық субъектісі шығыстарының сметасы

      Ескертпе: шығындар көрсетілетін қызметке байланысты қажет болған жағдайда кеңейтілуі және (немесе) қысқартылуы мүмкін

Тауарлық газды бөлшек саудада өткізудің шекті бағасының құрылымы (филиалдар бөлінісінде)

      Ескертпе: Тауарлық газды газ таратушы желілерді арқылы тасымалдауға тарифті есепке алусыз тұтынушылар тауарлық газды сатып алған жағдайда.

Қоғамдық маңызы бар нарық субъектісінің инвестициялық бағдарламасы (жобасы)

      Ұйымның басшысы __________________________________________

      (тегі, аты, әкесінің аты (болған жағдайда), қолы, күні,

Қоғамдық маңызы бар нарық субъектілерінің тауарларына (жұмыстарына, көрсетілетін қызметтеріне) шекті бағаларды есептеу

      1. Қоғамдық маңызы бар субъектілерінің тауарларына (жұмыстарына, көрсетілетін қызметтеріне) шекті бағаларды есептеу үшін мына формула қолданылады.

      Zi = Сi +Pi (1)

      мұндағы: Zi - i көрсетілетін қызметіне бағалар;

      Сі – і көрсетілетін қызметінің өзіндік құны;

      Рі – і көрсетілетін қызметіне пайда.

      2. Қоғамдық маңызы бар нарық субъектілерінің тауарларына (жұмыстарына, көрсетілетін қызметтеріне) шекті бағаларды қалыптастыру Қазақстан Республикасының Кәсіпкерлік кодексінің, оның ішінде Қағидалардың талаптары ескеріле отырып жүзеге асырылады.

      3. Қоғамдық маңызы бар нарық субъектілерінің көрсетілетін қызметтерін (тауарларын, жұмыстарын) ұсынудың өзіндік құны мына формула бойынша есептеледі:

      (2) мұндағы

      Сі – талдау жасалатын уақыт кезеңі ішінде ұсынылатын і қызмет бірлігінің өзіндік құны;

      Sij – талдау жасалатын уақыт кезеңі ішінде ұсынылатын і қызмет жасаудың технологиялық процесіне (желі элементтерін қолдану) сүйене отырып, айқындалатын экономикалық негізделген шығындар сомасы;

      Nij – заңнамада белгіленген тәртіппен айқындалатын, қоғамдық маңызы бар нарық субъектісінің көрсетілетін қызметті тұтынушылармен жасаған шарттарымен, қоғамдық маңызы бар нарық субъектісінің заттай көрсеткіште талдау жасалатын уақыт кезеңі ішінде ұсынылатын бағалар деңгейін қолдау немесе көтеру мақсатында көлемдерді төмендетуге жол бермеу мүмкіндіктеріне сүйене отырып, ниет хаттамаларымен және есептеулермен расталған і реттелетін қызмет ұсынудың жоспарланған және (немесе) іс жүзіндегі жылдық көлемі.

      4. Қоғамдық маңызы бар нарық субъектісі шекті бағаға қосатын көрсетілетін қызметіне пайда деңгейі инвестициялық бағдарламаны (жобаны) іске асыруға қажетті қаражат ескеріліп шектеледі.

      Қоғамдық маңызы бар нарық субъектісінде инвестициялық бағдарлама (жоба) болмаған жағдайда, қоғамдық маңызы бар нарық субъектісінің шекті бағаға енгізілген пайда деңгейін Қазақстан Республикасының әлеуметтік-экономикалық даму факторларына сүйене отырып айқындалады.

Қоғамдық маңызы бар нарық субъектілерінің тауарлық газды бөлшек саудада өткізуінің шекті бағасын есептеу

      1. Субъектілердің тауарлық газды бөлшек саудада өткізуінің шекті бағасын есептеу "Газ және газбен жабдықтау туралы" Қазақстан Республикасының 2012 жылғы 9 қаңтардағы Заңының 6-бабы, 7) тармақшасына сәйкес бекітелетін ішкі нарықта тауарлық газды көтерме саудада өткізудің шекті бағаларын саралау арқылы тұтынушылар топтары бойынша тауарлық газды бөлшек саудада өткізудің бағаларын саралауды ескере отырып (әр облыс, республикалық маңызы бар қала, астана үшін жеке (магистральдық газ құбыры арқылы газды тасымалдауға және сақтауға тарифті ескере отырып (бұдан әрі – көтерме сатып алу бағалары) жүзеге асырылады.

      2. Тауарлық газға бөлшек саудадағы шекті бағаны қалыптастыру Қағидаларға сәйкес жүзеге асырылады.

Тұтынушылар топтарын айқындау

      3. Тауарлық газды бөлшек саудада өткізуге сараланған шекті бағаны белгілеу мақсатында мынадай тұтынушылар топтары бөліп көрсетілген:

      тұтынушылардың І тобы – газ таратушы жүйелер арқылы тауарлық газды бөлшек саудада өткізуді алатын тұрмыстық тұтынушылар (халық), халыққа (бұдан әрі - халық үшін ЖЭК) жылу энергиясын өндіруге тауарлық газды тұтыну көлемдеріндегі жылу энергетикалық компаниялар;

      тұтынушылардың ІІ тобы – бюджет қаражаты есебінен ұсталатын бюджеттік ұйымдар;

      тұтынушылардың ІІІ тобы – тұтынушылардың 1 және 2-топтарына кірмейтін өзге де тұтынушылар.

Тұтынушылар топтары бойынша тауарлық газды бөлшек саудада өткізудің шекті бағасын айқындау тәсілі

      4. Тұтынушылардың әрбір тобы үшін тауарлық газды бөлшек саудада өткізудің шекті бағасы Қағидаларға сәйкес айқындалады және тұтынушылардың тауарлық газдың газ таратушы жүйелер арқылы тасымалдануын ескерместен және тауарлық газдың газ таратушы жүйелер арқылы тасымалдануын есепке алусыз, тұтынушылардың тауарлық газды сатып алуына байланысты бөлінеді.

      5. Тұтынушылардың ІІ және ІІІ топтары үшін газ таратушы жүйелер арқылы газды тасымалдауға жеке шарт жасалады.

      6. Тұтынушылардың бірінші тобы үшін тауарлық газды бөлшек саудада өткізудің шекті бағасының құрылымы халық үшін мыналардан:

      тұтынушылардың бірінші тобы үшін оның саралануы ескеріле отырып, тауарлық газды бөлшек саудада өткізуге көтерме бағадан;

      тауарлық газды өткізу бойынша газ таратушы ұйымның шығындарынан;

      газ таратушы жүйелер арқылы тауарлық газды тасымалдау тарифінен тұрады.

      7. Тұтынушылардың бірінші тобы үшін халыққа жылу энергиясын өндіретін халық үшін ЖЭК тауарлық газды бөлшек саудада өткізуге шекті бағасының құрылымы мыналардан:

      тұтынушылардың бірінші тобы үшін саралануы ескеріле отырып, тауарлық газды бөлшек саудада өткізуге көтерме бағадан;

      тауарлық газды өткізу бойынша газ таратушы ұйымның шығындарынан;

      газ таратушы жүйелер арқылы тауарлық газды тасымалдау тарифінен тұрады (ЖЭК тауарлық газды тарату желілерінен сатып алған жағдайда).

      8. Тұтынушылардың екінші тобы үшін тауарлық газды бөлшек саудада өткізудің шекті бағасының құрылымы мыналардан:

      тұтынушылардың екінші тобы үшін саралануы ескеріле отырып, тауарлық газды бөлшек саудада өткізуге көтерме бағадан;

      тауарлық газды өткізу бойынша газ таратушы ұйымның шығындарынан;

      газ таратушы жүйелер арқылы тауарлық газды тасымалдау тарифінен тұрады.

      9. Тұтынушылардың үшінші тобы үшін тауарлық газды бөлшек саудада өткізудің шекті бағасының құрылымы мыналардан:

      тұтынушылардың үшінші тобы үшін саралануы ескеріле отырып, тауарлық газды бөлшек саудада өткізуге көтерме бағадан;

      тауарлық газды өткізу бойынша газ таратушы ұйымның шығындарынан;

      газ таратушы жүйелер арқылы тауарлық газды тасымалдау тарифінен тұрады (үшінші топ тұтынушылары тауарлық газды тарату желілерінен сатып алған жағдайда).

Тұтынушылар топтары бойынша тауарлық газды бөлшек саудада өткізудің сараланған көтерме бағаларын есептеу

      10. Тауарлық газдың көтерме бағаларын саралау "Газ және газбен жабдықтау туралы" Қазақстан Республикасының 2012 жылғы 9 қаңтардағы Заңы 6-бабының 7) тармақшасына сәйкес газдың көтерме бағалары өзгерген жағдайда жүзеге асырылады.

      11. Тұтынушылардың бірінші тобы үшін сараланған көтерме сатып алу бағаларын есептеу мына формула бойынша жүзеге асырылады:

      ЦдифI = (ЦдозI х k)-Н-Т, мұндағы:

      ЦдифI – тұтынушылардың бірінші тобы үшін тауарлық газдың есептік сараланған көтерме бағасы (теңге/1000 м3);

      ЦдозI – тұтынушылардың бірінші тобы үшін тауарлық газдың қолданыстағы шекті бағасы (теңге/1000 м3);

      Н – осы Қағидаларға сәйкес айқындалатын газ таратушы ұйымның тауарлық газды өткізуге арналған шығындары;

      Т – заңнамада белгіленген тәртіппен бекітілген таратушы желілер арқылы тауарлық газды тасымалдауға арналған тариф;

      k – Қазақстан Республикасының ішкі нарығында баға белгілеудің әлеуметтік-экономикалық факторлары негізінде айқындалатын тұтынушылардың бірінші тобы үшін тауарлық газды өткізудің шекті бағасының өзгеру коэффициенті.

      12. Тұтынушылардың екінші тобы үшін тауарлық газға сараланған көтерме бағаларды есептеу мына формула бойынша жүзеге асырылады:

      ЦдифII = (Цозх (Vжал-жыл – Vжал факт-п/г) - ЦдифIх (VI-год - VIфакт-п/г)) / (VII-год - VIIфакт-п/г)

      мұндағы:

      ЦдифII – тұтынушылардың екінші тобы үшін тауарлық газдың есептік сараланған көтерме бағасы (теңге /1000 м3);

      Vжал – жыл – бір жылға тауарлық газды өткізудің жалпы жоспарланған көлемі (1000м3);

      Цоз – газбен жабдықтау саласындағы уәкілетті орган бекіткен тауарлық газдың көтерме бағасы (теңге/1000 м3);

      ЦдифI – тұтынушылардың бірінші тобы үшін тауарлық газдың есептік сараланған көтерме бағасы (теңге /1000 м3);

      ЦдифIII – тұтынушылардың үшінші тобы үшін тауарлық газдың есептік сараланған көтерме бағасы (теңге /1000 м3);

      VI-жыл – бір жылға тұтынушылардың бірінші тобы үшін тауарлық газды өткізудің жоспарланып отырған көлемі (1000 м3);

      VII-жыл – бір жылға тұтынушылардың екінші тобы үшін тауарлық газды өткізудің жоспарланып отырған көлемі (1000 м3);

      VIII-жыл – бір жылға тұтынушылардың үшінші тобы үшін тауарлық газды өткізудің жоспарланып отырған көлемі (1000 м3).

      13. Тұтынушылардың үшінші тобы үшін сараланған көтерме сатып алу бағаларын есептеу мына формула бойынша жүзеге асырылады:

      ЦдифIII = (ЦдозIII х k2)-Н-Т, мұндағы:

      ЦдифIII – тұтынушылардың үшінші тобы үшін тауарлық газдың есептік сараланған көтерме бағасы (теңге/1000 м3);

      ЦдозIII – тұтынушылардың үшінші тобы үшін тауарлық газдың қолданыстағы бағасы (теңге/1000 м3);

      Н –Қағидаларға сәйкес айқындалатын газ таратушы ұйымның тауарлық газды өткізуге арналған шығындары;

      Т – таратушы жүйелер арқылы тауарлық газды тасымалдауға арналған заңнамада белгіленген тәртіппен бекітілген тарифтер;

      k2 – Қазақстан Республикасының ішкі нарығында баға белгілеудің әлеуметтік-экономикалық факторлары негізінде айқындалатын тауарлық газды өткізудің шекті бағасының өзгеру коэффициенті.

Қоғамдық маңызы бар нарық субъектілерінің тұтынушылар топтары арқылы тауарлық газды бөлшек саудада өткізудің шекті бағаларын есептеудің бақылау үлгісі

      Тұтынушылар топтары бойынша тауарлық газды бөлшек саудада өткізудің көтерме бағаларын алғашқы енгізу 2017 жылғы 1 шілдеден бастап жүзеге асырылады деп болжайық.

      Мысалы, 2017 жылғы 1 шілдеден бастап газды өткізудің көтерме бағаларының 7%-ға өзгеруіне байланысты (к) және (к2) коэффициенті 3%-ды құрады.

      Тұтынушылардың бірінші тобы үшін сараланған көтерме сатып алу бағаларын есептеу мына формула бойынша жүргізіледі:

      ЦдифI = (ЦдозI х 1,3)-Н-Т = (27 983 х 1,03)- 1 478 теңге/1000м3-8595 теңге/1000м3=18 749, мұндағы:

      ЦдифI - тұтынушылардың бірінші тобы үшін есептік сараланған сатып алу бағасы (18 749 теңге /1000 м3);

      ЦдозI – тұтынушылардың бірінші тобы үшін тауарлық газды бөлшек саудада өткізудің қолданыстағы шекті бағасы (27 983 теңге /1000 м3);

      Н - газ таратушы ұйымның тауарлық газды өткізуге арналған шығындары (1478 теңге/1000 м3);

      Т – тауарлық газды тасымалдауға бекітілген тариф (8595 теңге/1000 м3).

      Тұтынушылардың екінші тобы үшін сараланған көтерме бағаларды есептеу мына формула бойынша жүргізіледі:

      ЦдифII = (Цозх (Vжал-год - Vжал.факт-п/г) - ЦдифIх (VI-год - VIфакт-п/г)) / (VII-год - VIIфакт-п/г) = (1 112 672 х 20 682 – ( 593 731 Х18 749) –(469 174 Х 22 231))/ 51 768= 28 872 теңге/1000 м3,

      мұндағы:

      Vжал – жыл – бір жылға тауарлық газды өткізудің жалпы жоспарланған көлемі (1 112 672 мың м3);

      Цоз – газбен жабдықтау саласындағы уәкілетті орган бекіткен тауарлық газдың көтерме бағасы (20 682 теңге/1000 м3);

      ЦдифI – тұтынушылардың бірінші тобы үшін тауарлық газдың есептік сараланған көтерме бағасы (18 749 теңге /1000 м3);

      ЦдифIII – тұтынушылардың үшінші тобы үшін тауарлық газдың есептік сараланған көтерме бағасы (28 872 теңге /1000 м3);

      VI-жыл – бір жылға тұтынушылардың бірінші тобы үшін тауарлық газды өткізудің жоспарланып отырған көлемі (593 731 мың м3);

      VII-жыл – бір жылға тұтынушылардың екінші тобы үшін тауарлық газды өткізудің жоспарланып отырған көлемі (51 768 мың м3);

      VIII-жыл – бір жылға тұтынушылардың үшінші тобы үшін тауарлық газды өткізудің жоспарланып отырған көлемі (467 174 мың м3).

      Тұтынушылардың үшінші тобы үшін сараланған көтерме бағаларын есептеу мына формула бойынша жүргізіледі:

      ЦдифIII = (ЦдозIII х 1,03)-Н-Т= (31 363 х 1,03)- 1 478 теңге/1000м3-8595 тенге/1000м3, мұндағы:

      ЦдифIII – тұтынушылардың үшінші тобы үшін есептік сараланған сатып алу бағасы (22 231 теңге/1000 м3);

      ЦдозIII – тұтынушылардың үшінші тобы үшін тауарлық газды бөлшек саудада өткізудің қолданыстағы шекті бағасы (31 363 теңге/1000 м3);

      Н – газ таратушы ұйымның тауарлық газды өткізуге арналған шығындары (1478 теңге/1000 м3);

      Т – газ таратушы жүйелер арқылы тауарлық газды тасымалдауға арналған бекітілген тариф (8595 теңге/1000 м3).

Қоғамдық маңызы бар нарық субъектілерінің электр энергиясын (электрмен жабдықтау) бөлшек саудада өткізуінің шекті бағасын есептеу

      1. Қоғамдық маңызы бар нарық субъектілерінің электр энергиясын бөлшек саудада өткізуінің шекті бағасын есептеу электр энергиясын тұтынушылар топтары бойынша бөлшек саудада өткізу бағаларын саралауды ескере отырып жүзеге асырылады.

      Жеке тұлғалардың тұтыну көлеміне қарай электр энергиясына арналған тарифтерді энергиямен жабдықтаушы ұйымдардың саралауы Қазақстан Республикасы Табиғи монополияларды реттеу агенттігі төрағасының 2009 жылғы 20 ақпандағы № 57-НҚ бұйрығымен бекітілген (Нормативтік құқықтық актілерді мемлекеттік тіркеу тізілімінде № 5602 болып тіркелген) Энергиямен жабдықтаушы ұйымдардың электр энергиясына тарифтерді жеке тұлғалардың оны тұтыну көлеміне қарай саралау қағидаларына сәйкес жүзеге асырылады.

      2. Энергиямен жабдықтаушы ұйымдардың электр энергиясын бөлшек саудада өткізуінің шекті бағасын қалыптастыру Қағидаларға сәйкес жүзеге асырылады.

Тұтынушылар топтарын айқындау

      3. Энергиямен жабдықтаушы ұйымдардың электр энергиясын бөлшек саудада өткізуінің сараланған шекті бағасын белгілеу мақсатында тұтынушылардың мынадай топтары бөлінді:

      тұтынушылардың 1-тобы – электр энергиясын тауарларды, жұмыстарды өндіруге (сатуға) және көрсетілетін қызметтерді ұсынуға байланысты емес өзінің тұрмыстық мұқтаждары үшін пайдаланатын тұрмыстық тұтынушылар;

      тұтынушылардың 2-тобы – электр энергиясын тұрмыстық мұқтаждар үшін пайдаланбайтын тұтынушылар;

      тұтынушылардың 3-тобы – мемлекеттік бюджеттен қаржыландырылатын заңды тұлғалар.

Электр энергиясын тұтынушылар топтары бойынша бөлшек саудада өткізудің сараланған шекті бағаларын есептеу

      4. Тұтынушылардың бірінші тобы үшін электр энергиясына сараланған шекті бағаны есептеу Қазақстан Республикасының әлеуметтік-экономикалық дамуының болжамды индексінің негізінде айқындалатын тұтынушылардың бірінші тобы үшін электр энергиясына шекті бағаның өзгеру коэффициенті ескеріле отырып, жүзеге асырылады және мына формула бойынша айқындалады:

      Цсар1 = Zәрекет. * k , теңге/кВт.с (ҚҚС-сыз), мұндағы:

      Zәрекет. – бірінші топ үшін қолданыстағы баға, теңге/кВтс (ҚҚС-сыз);

      K – Қазақстан Республикасының әлеуметтік-экономикалық дамуының болжамды индексінің негізінде айқындалатын тұтынушылардың бірінші тобы үшін электр энергиясына шекті бағаның өзгеру коэффициенті.

      ЦсарI тұтыну көлеміне қарай сараланды. Бұл ретте, тұтынушы ЦсарI бойынша немесе оны тұтыну көлеміне қарай ақы төлеуді жүргізуге құқылы.

      5. Тұтынушылардың екінші тобы үшін электр энергиясына шекті бағаны есептеу (бар болған жағдайда) мына формула бойынша жүзеге асырылады:

      Цсар2 = ((Zi * Vжалпы жыл.) – (Цсар1 *V1) – (Цсар3 * V3)/V2, теңге/кВт.с (ҚҚС-сыз), мұндағы:

      Vжалпы жыл. – энергиямен жабдықтау ұйымының электр энергиясын өткізудің жоспарланып отырған жылдық көлемі, кВт.с.;

      V1 – тұтынушылардың бірінші тобы үшін электр энергиясының жоспарланып отырған көлемі, кВт.с.;

      V2 – тұтынушылардың екінші тобы үшін электр энергиясының жоспарланып отырған көлемі, кВт.с.;

      V3 – тұтынушылардың үшінші тобы үшін электр энергиясының жоспарланып отырған көлемі, кВт.с.;

      6. Тұтынушылардың екінші тобы болмаған жағдайда тұтынушылардың үшінші тобы үшін электр энергиясына шекті бағаны есептеу мына формула бойынша жүзеге асырылады:

      Цсар 3 = ((Zi * Vжалпы жыл) – (Цсар1 *V1))/V3 теңге/кВт.с (ҚҚС-сыз).

      7. Тұтынушылардың екінші тобы бар болған жағдайда тұтынушылардың үшінші тобы үшін электр энергиясына шекті бағаны есептеу мына формула бойынша жүзеге асырылады:

      Цсар3 = ((Zi * Vжалпы жыл) – (Цсар1 * V1) – (Цсар2 * V2)) / V3, теңге/кВт.с. (ҚҚС-сыз).

Қоғамдық маңызы бар нарық субъектілерінің электр энергиясын тұтынушылар топтары бойынша бөлшек саудада өткізуінің шекті бағаларын есептеудің бақылау үлгісі

      Мысал:

      Бастапқы деректер:

      Zi = 16,50 теңге/кВтс (ҚҚС-сыз)

      Zәрекет = 14,00 теңге/кВтс (ҚҚС-сыз)

      K = 1,07 Vжалпы жыл = 2 377,8 млн.кВтс, оның ішінде:

      VI = 750,8 млн.кВтс.

      VIII = 1 627,0 млн.кВтс.

      тұтынушылардың екінші тобы үшін (бар болған жағдайда) электр энергиясына шекті бағаны есептеу үшін қосымша деректер:

      VII = 800,0 млн.кВтс.

      VIII = 827,0 млн.кВтс.

      Цсар III = 15,28 теңге/кВтс (ҚҚС-сыз).

      1. Тұтынушылардың бірінші тобы үшін электр энергиясына шекті бағаны есептеу мына формула бойынша жүзеге асырылады:

      ЦсарI = Zәрекет. * k , теңге/кВтс. (ҚҚС-сыз)

      ЦсарI = 14,0 * 1,07 = 14,98

      2. Тұтынушылардың екінші тобы болмаған жағдайда тұтынушылардың үшінші тобы үшін электр энергиясына шекті бағаны есептеу мына формула бойынша жүзеге асырылады: Цсар III = ((Zi * Vжалпы жыл) – (ЦсарI *VI))/VIII теңге/кВт.с (ҚҚС-сыз)

      Цсар III = ((16,50 * 2 377,8) – (14,98 * 750,8))/1 627 = 17,20 теңге/кВт.с (ҚҚС-сыз).

      3. Тұтынушылардың екінші тобы (бар болған жағдайда) үшін электр энергиясының шекті бағасын есептеу мына формула бойынша жүзеге асырылады:ЦсарII = ((Zi * Vжалпы жыл ) – (ЦсарI * VI) – (ЦсарIII * VIII))/VII , теңге/кВт.с (ҚҚС-сыз);

      ЦсарII = ((16,50 * 2 377,8) – (14,98 * 750,8) – (15,28 * 827,0))/800,0 = 19,19 теңге/кВт.с (ҚҚС-сыз).

      Ескертпе:

      Жеке тұлғалардың тұтыну көлеміне қарай электр энергиясына арналған тарифтерді энергиямен жабдықтаушы ұйымдардың саралауы Қазақстан Республикасы Табиғи монополияларды реттеу агенттігі төрағасының 2009 жылғы 20 ақпандағы № 57-НҚ бұйрығымен бекітілген (Нормативтік құқықтық актілерді мемлекеттік тіркеу тізілімінде № 5602 болып тіркелген) Энергиямен жабдықтаушы ұйымдардың электр энергиясына тарифтерді жеке тұлғалардың оны тұтыну көлеміне қарай саралау қағидаларына сәйкес жүзеге асырылады.

Теміржол жүк вагондарын жалға беру жөніндегі көрсетілетін қызметтерді және вагондар (контейнерлер) операторының көрсетілетін қызметтерін, Қазақстан Республикасының аумағы арқылы транзиттік қатынаста жүктерді теміржол көлігімен тасымалдау жөніндегі көрсетілетін қызметтерді, контейнелерде, контрейлерлік жөнелтімдермен жүктерді, бос контейнерлерді және бос фитингтік платформаларды теміржол көлігімен тасымалдау жөніндегі көрсетілетін қызметтерді қоспағанда, жүктерді теміржол көлігімен тасымалдау және локомотивтік тартқыш жөніндегі көрсетілетін қызметтерге шекті бағаны саралау кезінде есептеу.

      1. Теміржол жүк вагондарын жалға беру жөніндегі көрсетілетін қызметтерді және вагондар (контейнерлер) операторының көрсетілетін қызметтерін, Қазақстан Республикасының аумағы арқылы транзиттік қатынаста жүктерді теміржол көлігімен тасымалдау жөніндегі көрсетілетін қызметтерді, контейнелерде, контрейлерлік жөнелтімдермен жүктерді, бос контейнерлерді және бос фитингтік платформаларды теміржол көлігімен тасымалдау жөніндегі көрметілетін қызметтерді қоспағанда, жүктерді теміржол көлігімен тасымалдау және локомотивтік тартқыш жөніндегі көрсетілетін қызметтерге шекті бағаны саралау кезінде есептеу (бұдан әрі – Көрсетілетін қызмет) шекті бағаны есептеу тасымалданатын жүктердің түріне және жылжымалы құрамның типіне қарай бағаларды саралауды есепке ала отырып жүзеге асырылады.

      2. Көрсетілетін қызметке шекті бағаны қалыптастыру осы Қағидаларға сәйкес жүзеге асырылады.

      3. Көрсетілетін қызметке сараланған шекті бағаны тасымалданатын жүктердің түріне қарай белгілеу мақсатында тасымалданатын жүктің мынадай түрлері бөлінген:

      Жүктерді темір жол көлігімен тасымалдау кезінде локомотивтік тартқышты пайдаланғаны үшін және (немесе) жүк және коммерциялық жұмыстың мөлшерлемелеріне коэффициенттер

      4. Көрсетілетін қызметке тасымалданатын жүктің түріне қарай сараланған шекті бағаларды есептеу жүктерді темір жол көлігімен тасымалдау кезінде локомотивтік тартқышты пайдаланғаны үшін және (немесе) жүк және коммерциялық жұмыс қызметтері үшін шекті бағаларды есептеу үшін қолданылатын есептеу кестелеріне коэффициенттерді есепке ала отырып жүзеге асырылады. Бұл ретте, есептеу коэффициенттеріне өзгерістері Қазақстан Республикасының әлеуметтік-экономикалық даму факторларына негізделе отырып айқындалады.

Шекті бағада (қоғамдық маңызы бар нарық субъектісінің атауы, бизнес сәйкестендіру нөмірі/жеке сәйкестендіру нөмірі) ескерілген инвестициялық бағдарламаның (жобаның) орындалуы не орындалмауы туралы ____________________________________________________________________ жартыжылдық ақпараты

      201_ жылғы ______________________________________ (жартыжылдық)

      ________________________________________________________________

      (экономикалық қызмет көрсетудің жалпы жіктеуіші бойынша қызмет түрі)

      Кестенің жалғасы:

      Ескертпе:1) * инвестициялық бағдарламаны іске асыру бойынша растаушы құжаттарды қоса бере отырып (тиісті шарттардың, келісімшарттардың көшірмелері, орындалған жұмыстарды қабылдау туралы актілер (№ 2 нысан), орындалған жұмыстар мен шығындар құны туралы анықтама (№ КС-3 нысаны), шот-фактуралар, мемлекеттік қабылдау комиссияларының пайдалануға қабылдау актілері, ішкі қосымша құжаттар, қоғамдық маңызы бар нарық субъектілерінің пайдалануға енгізу және теңгерімге қабылдау туралы ішкі бұйрықтары).

      Қолы ______________ (ұйым басшысы)

Қоғамдық маңызы бар нарық субъектісінің теміржол жүк вагондарын жалға беру жөніндегі көрсетілетін қызметтерді және вагондар (контейнерлер) операторының көрсетілетін қызметтерін, Қазақстан Республикасының аумағы арқылы транзиттік қатынаста жүктерді контейнерлерде, контрейлерлік жөнелтімдермен, бос контейнерлер және бос фитингтік платформаларды теміржол көлігімен тасымалдау жөніндегі көрсетілетін қызметтерді қоспағанда, жүктерді теміржол көлігімен тасымалдау және локомотивтік тартқыш жөніндегі қызметтерді көрсету салаларында қоғамдық маңызы бар нарықтар субъектілерінің тауарлары (жұмыстары, көрсетілетін қызметтері) және ішкі рейстерде әуежайлардың қызметтерін көрсету: жолаушыларды отырғызу-түсіру (телескоптық трап арқылы), тасымалдау процесін қамтамасыз ету мақсатында пайдаланылатын әуежайдың үй-жайларын жалға беру, жүктерді өңдеу, жолаушыларды тіркеу үшін жұмыс орнын (алаңдар) ұсыну, әуе кемелерін авициялық жанар-жағармай материалдарымен қамтамасыз ету бойынша ___________________ (қоғамдық маңызы бар нарық субъектісінің атауы, бизнес-сәйкестендіру нөмiрi) 201_ жылғы _______(ай) өндіру (өткізу) көлемдері, кіріс деңгейі және өндірілетін (өткізілетін) тауарлардың (жұмыстардың, қызметтердің) босатылу бағалары туралы ақпарат

      Ескерту: 2-8-бағандар бойынша ақпарат филиалдар, хабарламалар түрлері, жұмыс түрлері бойынша бөле отырып ұсынылады.

      Қолы __________________ (ұйым басшысы)

      Қолы __________________ (бас бухгалтер)

      Мөр орны (болған жағдайда)

Қоғамдық маңызы бар нарық субъектісінің электр энергиясын энергиямен жабдықтау ұйымдарының бөлшек саудада өткізуі, электр энергиясының орталықтандырылған саудасын ұйымдастыру мен жүргізу, сауда жүйесінің орталықтандырылған сауда-саттықтар жүргізуге, жаңартылатын энергия көздерін пайдалану объектілері өндірген электр энергиясын орталықтандырылған сатып алу мен сату бойынша ____________ (қоғамдық маңызы бар нарық субъектісінің атауы, бизнес-сәйкестендіру нөмiрi) 201_ жылғы ____ (ай) өндіру (өткізу) көлемдері, қірістілік деңгейі және өндірілетін (өткізілетін) тауарлардың (жұмыстардың, көрсетілетін қызметтердің) босатылу бағалары туралы ақпарат

      кестенің жалғасы

      *- өңірлердегі босату тарифіне қабылданған саралауға байланысты

      Қолы __________________ (ұйым басшысы)

      Қолы __________________ (бас бухгалтер)

      Мөр орны (болған жағдайда)

      Қоғамдық маңызы бар нарық субъектісінің тауарлық газды бөлшек саудада өткізу, топтық резервуарлық қондырғылар арқылы сұйытылған мұнай газын бөлшек саудада өткізу бойынша _____________ 201_ жылғы ____ (ай) (қоғамдық маңызы бар нарық субъектісінің атауы, бизнес-сәйкестендіру нөмiрi) өндіру (өткізу) көлемдері, кіріс деңгейі және өндірілетін (өткізілетін) тауарлардың (жұмыстардың, қызметтердің) босатылу бағалары туралы ақпарат

      Ескерту: ақпарат филиалдарға бөле отырып ұсынылады.

      Қолы __________________ (ұйым басшысы)

      Қолы __________________ (бас бухгалтер)

      Мөр орны (болған жағдайда)

Табиғи монополиялар салаларында басшылықты жүзеге асыратын уәкілетті органның күші жойылған бұйрықтарының тізбесі

      1. "Реттелетін нарық субъектілерінің тауарларына (жұмыстарына, қызметтеріне) бағалар есептеу әдістемесін бекіту туралы" Қазақстан Республикасы Табиғи монополияларды реттеу агенттігі төрағасының 2013 жылғы 18 сәуірдегі № 122-НҚ бұйрығы (Қазақстан Республикасы Әділет министрлігінде 2013 жылғы 24 мамырда № 8478 тіркелді).

      2. "Реттелетін нарық субъектісінің өндіру (өткізу) көлемдері, табыстылық деңгейі және өндірілетін (өткізілетін) тауарлардың (жұмыстардың, көрсетілетін қызметтердің) босатылу бағалары туралы ай сайынғы ақпараттың нысанын бекіту туралы" Қазақстан Республикасы Табиғи монополияларды реттеу агенттігі төрағасының 2013 жылғы 27 маусымдағы № 187-НҚ бұйрығы (Қазақстан Республикасының Әділет министрлігінде 2013 жылы 29 шілдеде № 8587 тіркелді).

      3. "Тауарлық газға реттелетін нарық субъектілерінің шекті бағаларын есептеу әдістемесін бекіту туралы" Қазақстан Республикасы Табиғи монополияларды реттеу агенттігі төрағасының 2014 жылғы 1 сәуірдегі № 66-НҚ бұйрығы (Қазақстан Республикасы Әділет министрлігінде 2014 жылғы 25 сәуірде № 9354 тіркелді).

      4. "Реттелетін нарықтардағы бағаны белгілеу, реттелетін нарық субъектісінің инвестициялық бағдарламасын (жобасын) бекіту және түзету қағидаларын бекіту туралы" Қазақстан Республикасы Ұлттық экономика министрінің 2014 жылғы 29 желтоқсандағы № 174 бұйрығы (Қазақстан Республикасының Әділет министрлігінде 2015 жылғы 31 наурызда № 10594 тіркелді).

      5. "Бағаларды мемлекеттік реттеу қолданылатын реттелетін нарықтар субъектілері тауарларының (жұмыстарының, көрсетілетін қызметтерінің) тізбесін бекіту туралы" Қазақстан Республикасы Ұлттық экономика министрінің 2015 жылғы 20 шілдедегі № 547 бұйрығы (Қазақстан Республикасының Әділет министрлігінде 2015 жылы 27 тамызда № 11957 болып тіркелді).

      6. "Қазақстан Республикасы Ұлттық экономика министрінің кейбір бұйрықтарына табиғи монополиялар және реттелетін нарықтар мәселелері бойынша өзгерістер мен толықтырулар енгізу туралы" Қазақстан Республикасы Ұлттық экономика министрінің міндетін атқарушының 2015 жылғы 24 шілдедегі № 567 бұйрығымен бекітілген Қазақстан Республикасы Ұлттық экономика министрінің өзгерістер мен толықтырулар енгізілетін кейбір бұйрықтарының тізбесінің 2) тармақшасы (Қазақстан Республикасының Әділет министрлігінде 2015 жылғы 28 тамызда № 11969 болып тіркелді).

      7. "Табиғи монополиялар субъектілерінің реттеліп көрсетілетін қызметтеріне тарифтік сметаны орындау туралы есепті орналастыру қағидаларын, Табиғи монополия субъектісінің реттеліп көрсетілетін қызметтерге тарифтік сметаны орындау барысы туралы тұтынушыларды хабардар ету қағидаларын бекіту туралы және Қазақстан Республикасы Табиғи монополияларды реттеу агенттігінің кейбір бұйрықтарына өзгерістер мен толықтырулар енгізу туралы" Қазақстан Республикасы Ұлттық экономика министрінің міндетін атқарушының 2015 жылғы 24 шілдедегі № 566 бұйрығымен бекітілген Табиғи монополияларды реттеу агенттігінің өзгерістер мен толықтырулар енгізілетін кейбір бұйрықтарының тізбесінің 6) тармақшасы (Қазақстан Республикасының Әділет министрлігінде 2015 жылғы 28 тамызда № 11972 болып тіркелді).

      8. "Реттелетін нарық субъектісінің өндіру (өткізу) көлемдері, кіріс деңгейі және өндірілетін (өткізілетін) тауарлардың (жұмыстардың, қызметтердің) босатылу бағалары туралы ай сайынғы ақпараттың нысанын бекіту туралы" Қазақстан Республикасы Табиғи монополияларды реттеу агенттігі Төрағасының 2013 жылғы 27 маусымдағы № 187-НҚ бұйрығына өзгерістер енгізу туралы" Қазақстан Республикасы Ұлттық экономика министрінің 2015 жылғы 12 желтоқсандағы № 767 бұйрығы (Қазақстан Республикасының Әділет министрлігінде 2016 жылы 12 қаңтарда № 12852 болып тіркелді).

      9. "Реттелетін нарықтардағы бағаны белгілеу, реттелетін нарық субъектісінің инвестициялық бағдарламасын (жобасын) бекіту және түзету қағидаларын бекіту туралы" Қазақстан Республикасы Ұлттық экономика министрінің 2014 жылғы 29 желтоқсандағы № 174 бұйрығына өзгерістер енгізу туралы" Қазақстан Республикасы Ұлттық экономика министрінің 2016 жылғы 24 ақпандағы № 95 бұйрығы (Қазақстан Республикасының Әділет министрлігінде 2016 жылғы 3 мамырда № 13676 болып тіркелді).

      10. "Табиғи монополиялар салаларында және реттелетін нарықтарда басшылықты жүзеге асыратын уәкілетті органның кейбір бұйрықтарына өзгерістер енгізу туралы" Қазақстан Республикасы Ұлттық экономика министрінің міндетін атқарушының 2016 жылы 2 қыркүйектегі № 394 бұйрығының 1-тармағының 3) тармақшасы (Қазақстан Республикасының Әділет министрлігінде 2016 жылғы 30 қыркүйекте № 14274 болып тіркелді).