Қазақстан Республикасының кейбір нормативтік құқықтық актілеріне қаржы нарығын реттеу мәселелері бойынша өзгерістер енгізу туралы

Қазақстан Республикасы Ұлттық Банкі Басқармасының 2016 жылғы 28 қазандағы № 265 қаулысы. Қазақстан Республикасының Әділет министрлігінде 2017 жылғы 26 қаңтарда № 14733 болып тіркелді.

Жаңартылған

      Қазақстан Республикасының нормативтік құқықтық актілерін жетілдіру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:

      1. Осы қаулыға қосымшаға сәйкес Өзгерістер енгізілетін Қазақстан Республикасының қаржы нарығын реттеу мәселелері бойынша нормативтік құқықтық актілерінің тізбесі бекітілсін.

      2. Қаржы нарығының әдіснамасы департаменті (Әбдірахманов Н.А.) Қазақстан Республикасының заңнамасында белгіленген тәртіппен:

      1) Заң департаментімен (Сәрсенова Н.В.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;

      2) осы қаулыны "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына Қазақстан Республикасының Әділет министрлігінде мемлекеттік тіркелген күннен бастап күнтізбелік он күн ішінде Қазақстан Республикасы нормативтік құқықтық актілерінің мемлекеттік тізіліміне, Қазақстан Республикасы нормативтік құқықтық актілерінің эталондық бақылау банкіне енгізуге жіберуді;

      3) осы қаулы ресми жарияланғаннан кейін оны Қазақстан Республикасы Ұлттық Банкінің ресми интернет-ресурсына орналастыруды қамтамасыз етсін.

      3. Қаржылық қызметтерді тұтынушылардың құқықтарын қорғау және сыртқы коммуникациялар басқармасы (Терентьев А.Л.) осы қаулыны Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде мерзімді баспасөз басылымдарында ресми жариялауға жіберуді қамтамасыз етсін.

      4. Осы қаулының орындалуын бақылау Қазақстан Республикасының Ұлттық Банкі Төрағасының орынбасары О.А. Смоляковқа жүктелсін.

      5. Осы қаулы алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      Ұлттық Банк
Төрағасы
Д. Ақышев

      "КЕЛІСІЛДІ"

      Қазақстан Республикасының

      Ақпарат және коммуникациялар министрлігі

      Министр _______________ Д. Абаев

      2016 жылғы 25 қараша

      "КЕЛІСІЛДІ"

      Қазақстан Республикасы

      Қаржы министрі Сұлтанов Б. Т.

      ___________________________

      2016 жылғы 30 қараша

      "КЕЛІСІЛДІ"

      Қазақстан Республикасының

      Ұлттық экономика министрлігі

      Министр ___________Қ. Бишімбаев

      2016 жылғы 26 желтоқсан

  Қазақстан Республикасы
Ұлттық Банкі
Басқармасының
2016 жылғы 28 қазандағы
№ 265 қаулысына
қосымша

Өзгерістер енгізілетін Қазақстан Республикасының қаржы нарығын реттеу мәселелері бойынша нормативтік құқықтық актілерінің тізбесі

      1. "Екінші деңгейдегі банктерді (банк холдингтерін) ерікті түрде қайта ұйымдастыруға, екінші деңгейдегі банктерді ерікті түрде таратуға рұқсат беру, сондай-ақ жеке тұлғалардың депозиттерін тікелей төлем жасау не депозиттерге міндетті кепілдік беру жүйесінің қатысушысы болып табылатын басқа банкке аудару арқылы оларды қайтарып беру қағидаларын бекіту туралы" Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2006 жылғы 25 желтоқсандағы № 295 қаулысына (Нормативтік құқықтық актілерді мемлекеттік тіркеу тізілімінде № 4521 тіркелген) мынадай өзгерістер енгізілсін:

      тақырыбы мынадай редакцияда жазылсын:

      "Банкті (банк холдингін) ерікті түрде қайта ұйымдастыруға рұқсат беру не рұқсат беруден бас тарту, банктерді ерікті түрде таратуға рұқсат беру, сондай-ақ жеке тұлғалардың депозиттерін қайтару, оларды басқа банкке аудару қағидаларын бекіту туралы";

      1-тармақ мынадай редакцияда жазылсын:

      "1. Қоса беріліп отырған Банкті (банк холдингін) ерікті түрде қайта ұйымдастыруға рұқсат беру не рұқсат беруден бас тарту, банктерді ерікті түрде таратуға рұқсат беру, сондай-ақ жеке тұлғалардың депозиттерін қайтару, оларды басқа банкке аудару қағидалары бекітілсін.";

      көрсетілген қаулымен бекітілген Екінші деңгейдегі банктерді (банк холдингтерін) ерікті түрде қайта ұйымдастыруға, екінші деңгейдегі банктерді ерікті түрде таратуға рұқсат беру, сондай-ақ жеке тұлғалардың депозиттерін тікелей төлем жасау не депозиттерге міндетті кепілдік беру жүйесінің қатысушысы болып табылатын басқа банкке аудару арқылы оларды қайтарып беру қағидаларында:

      тақырыбы мынадай редакцияда жазылсын:

      "Банкті (банк холдингін) ерікті түрде қайта ұйымдастыруға рұқсат беру не рұқсат беруден бас тарту, банктерді ерікті түрде таратуға рұқсат беру, сондай-ақ жеке тұлғалардың депозиттерін қайтару, оларды басқа банкке аудару қағидалары";

      кіріспесі мынадай редакцияда жазылсын:

      "Осы Банкті (банк холдингін) ерікті түрде қайта ұйымдастыруға рұқсат беру не рұқсат беруден бас тарту, банктерді ерікті түрде таратуға рұқсат беру, сондай-ақ жеке тұлғалардың депозиттерін қайтару, оларды басқа банкке аудару қағидалары (бұдан әрі – Қағидалар) "Қазақстан Республикасындағы банктер және банк қызметі туралы" 1995 жылғы 31 тамыздағы (бұдан әрі – Заң) және "Қаржы нарығы мен қаржы ұйымдарын мемлекеттік реттеу, бақылау және қадағалау туралы" 2003 жылғы 4 шілдедегі Қазақстан Республикасының заңдарына сәйкес әзірленді және банкті (банк холдингін) ерікті түрде қайта ұйымдастыруға рұқсат беру не рұқсат беруден бас тарту, банктерді ерікті түрде таратуға рұқсат беру, сондай-ақ жеке тұлғалардың депозиттерін қайтару, оларды басқа банкке аудару тәртібін айқындайды.";

      1-тараудың тақырыбы мынадай редакцияда жазылсын:

      "1-тарау. Жалпы ережелер";

      4-тармақ мынадай редакцияда жазылсын:

      "4. Уәкілетті орган Қағидаларға 1-қосымшаға сәйкес нысан бойынша банктерді (банк холдингтерін) ерікті түрде қайта ұйымдастыруға берілген рұқсаттардың тізілімін және Қағидаларға 2-қосымшаға сәйкес нысан бойынша банктерді ерікті түрде таратуға берілген рұқсаттардың тізілімін жүргізеді.";

      2-тараудың тақырыбы мынадай редакцияда жазылсын:

      "2-тарау. Банкті (банк холдингін) ерікті түрде қайта ұйымдастыруға рұқсат беру не аталған рұқсат беруден бас тарту тәртібі";

      7-тармақ мынадай редакцияда жазылсын:

      "7. Банкті (банк холдингін) ерікті түрде қайта ұйымдастыруға рұқсат беруден бас тарту Заңның 61-бабында көзделген негіздер бойынша жүргізіледі.

      Банкті (банк холдингін) ерікті түрде қайта ұйымдастыруға рұқсат беруден бас тарту туралы шешімде бас тартудың негіздері көрсетіледі. Ерікті түрде қайта ұйымдастыруға рұқсат беруден бас тарту туралы дәлелді жауап банкке (банк холдингіне) жазбаша түрде бас тарту туралы шешімнің көшірмесімен қоса беріледі.";

      2-1-тараудың тақырыбы мынадай редакцияда жазылсын:

      "2-1-тарау. Жеке тұлғалардың депозиттерін тікелей төлем жасау не депозиттерге міндетті кепілдік беру жүйесінің қатысушысы болып табылатын басқа банкке аудару арқылы оларды қайтарып беру тәртібі";

      7-6-тармақтың үшінші бөлігі мынадай редакцияда жазылсын:

      "Уәкілетті органның сұрау салуы бойынша банк жеке тұлғалардың депозиттерін аударуға қатысты ақпаратты ұсынады.";

      7-8-тармақтың 2) тармақшасы мынадай редакцияда жазылсын:

      "2) ерікті түрде таратылатын банктің филиалдары бойынша депозитор жеке тұлғалардың тізімі, онда мынадай ақпарат қамтылады:

      депозитордың жеке сәйкестендіру коды (банк шотының нөмірі);

      депозитордың тегі, аты, әкесінің аты (бар болса), туылған күні;

      депозитордың жеке басын куәландыратын құжаттың нөмірі және оны берген мемлекеттік орган туралы мәліметтер, берілген күні;

      жеке сәйкестендіру нөмірі;

      депозитордың заңды мекенжайы, тұрғылықты орны;

      банк шоты және (немесе) банк салымы шарты жасалған күні және нөмірі, шарттың қолданылу мерзімі;

      салым бойынша сыйақы мөлшерлемелері;

      депозит сомасы, сондай-ақ салым бойынша есептелген және депозитор алған сыйақы сомасы;";

      3-тараудың тақырыбы мынадай редакцияда жазылсын:

      "3-тарау. Банкті ерікті түрде таратуға рұқсат беру тәртібі"

      Банктерді (банк холдингтерін) ерікті түрде қайта ұйымдастыруға берілген рұқсаттар тізілімінің нысаны Өзгерістер енгізілетін Қазақстан Республикасының қаржы нарығын реттеу мәселелері бойынша нормативтік құқықтық актілерінің осы тізбесіне (бұдан әрі – Тізбе) 1-қосымшаға сәйкес редакциясында жазылсын;

      Банктерді ерікті түрде таратуға берілген рұқсаттар тізілімінің нысаны Тізбеге 2-қосымшаға сәйкес редакциясында жазылсын;

      Банкті (банк холдингін) ерікті түрде қайта ұйымдастыруға (біріктіруге, қосуға, бөлуге, бөлініп шығуға, қайта құруға) рұқсат беру туралы өтінішхаттың нысаны Тізбеге 3-қосымшаға сәйкес редакцияда жазылсын;

      4-қосымшаның жоғарғы оң жақ бұрышындағы мәтін мынадай редакцияда жазылсын:

  "Банкті (банк холдингін) ерікті
түрде қайта ұйымдастыруға
рұқсат беру не рұқсат беруден
бас тарту, банктерді ерікті түрде
таратуға рұқсат беру, сондай-ақ
жеке тұлғалардың депозиттерін
қайтару, оларды басқа банкке
аудару қағидаларына
4-қосымша
  Нысан";

      5-қосымшаның жоғарғы оң жақ бұрышындағы мәтін мынадай редакцияда жазылсын:

  "Банкті (банк холдингін) ерікті
түрде қайта ұйымдастыруға
рұқсат беру не рұқсат беруден
бас тарту, банктерді ерікті түрде
таратуға рұқсат беру, сондай-ақ
жеке тұлғалардың депозиттерін
қайтару, оларды басқа банкке
аудару қағидаларына
5-қосымша
  Нысан".

      2. "Тұрақтандыру банкін құру, лицензиялау, жарғылық және меншікті капиталдарының барынша төмен мөлшерін қалыптастыру ережесін бекіту туралы" Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2009 жылғы 5 тамыздағы № 179 қаулысына (Нормативтік құқықтық актілерді мемлекеттік тіркеу тізілімінде № 5782 тіркелген, 2009 жылғы 2 қазанда "Заң газеті" газетінде № 150 (1573) жарияланған) мынадай өзгерістер енгізілсін:

      тақырыбы мынадай редакцияда жазылсын:

      "Тұрақтандыру банкін құру, банктік және өзге де операцияларды жүргізуге лицензия алу, жарғылық және меншікті капиталдарын қалыптастыру қағидаларын бекіту туралы";

      1-тармақ мынадай редакцияда жазылсын:

      "1. Қоса беріліп отырған Тұрақтандыру банкін құру, банктік және өзге де операцияларды жүргізуге лицензия алу, жарғылық және меншікті капиталдарын қалыптастыру қағидалары бекітілсін.";

      көрсетілген қаулымен бекітілген Тұрақтандыру банкін құру, лицензиялау, жарғылық және меншікті капиталдарының барынша төмен мөлшерін қалыптастыру ережесінде:

      тақырыбы мынадай редакцияда жазылсын:

      "Тұрақтандыру банкін құру, банктік және өзге де операцияларды жүргізуге лицензия алу, жарғылық және меншікті капиталдарын қалыптастыру қағидалары";

      кіріспесі мынадай редакцияда жазылсын:

      "Осы Тұрақтандыру банкін құру, банктік және өзге де операцияларды жүргізуге лицензия алу, жарғылық және меншікті капиталдарын қалыптастыру қағидалары "Қазақстан Республикасындағы банктер және банк қызметі туралы" 1995 жылғы 31 тамыздағы (бұдан әрі – Банктер туралы заң), "Акционерлік қоғамдар туралы" 2003 жылғы 13 мамырдағы, "Қаржы нарығы мен қаржы ұйымдарын мемлекеттік реттеу, бақылау және қадағалау туралы" 2003 жылғы 4 шілдедегі, "Рұқсаттар және хабарламалар туралы" 2014 жылғы 16 мамырдағы Қазақстан Республикасының заңдарына сәйкес әзірленді және тұрақтандыру банкін құру, банктік және өзге де операцияларды жүргізуге лицензия алу, жарғылық және меншікті капиталдарын қалыптастыру тәртібін айқындайды.";

      1-тармақ мынадай редакцияда жазылсын:

      "1. Қаржы нарығын және қаржы ұйымдарын реттеу, бақылау мен қадағалау жөніндегі уәкілетті орган (бұдан әрі – уәкілетті орган) консервация режимінде тұрған банктің (бұдан әрі – банк) уақытша әкімшілігінен банктің активтері мен міндеттемелерін тұрақтандыру банкіне беру бойынша операция жүргізу туралы ұсынысты алғаннан кейін 10 (он) жұмыс күні ішінде тұрақтандыру банкін құру туралы шешім қабылдайды және қабылданған шешім туралы уақытша әкімшілікке дереу хабарлайды.";

      6-тармақ мынадай редакцияда жазылсын:

      "6. Уәкілетті орган тұрақтандыру банкіне банктік және өзге де операцияларды жүргізуге лицензияны осы Қағидалардың қосымшасында бекітілген нысан бойынша береді.";

      8-тармақ мынадай редакцияда жазылсын:

      "8. Инвестор тұрақтандыру банкінің жарияланған акцияларын сатып алған кезде, банк тұрақтандыру банкі мәртебесін жоғалтады және осы банктің жарғылық және меншікті капиталдарының ең төмен мөлшері Нормативтік құқықтық актілерді мемлекеттік тіркеу тізілімінде № 13919 тіркелген "Пруденциялық нормативтердің және сақталуға міндетті өзге де нормалар мен белгілі бір күнге банк капиталының мөлшері лимиттерінің нормативтік мәндерін және есептеу әдістемесін және Банктің ашық валюталық позициясын есептеу қағидаларын және лимиттерін белгілеу туралы" 2016 жылғы 30 мамырдағы № 147 Қазақстан Республикасы Ұлттық Банкі Басқармасының қаулысында белгілеген мөлшерлерден кем болмауға тиіс.";

      Банктік және өзге де операцияларды жүргізуге лицензияның нысаны Тізбеге 4-қосымшаға сәйкес редакцияда жазылсын.

      3 "Банктің, сақтандыру (қайта сақтандыру) ұйымының, инвестициялық портфельді басқарушының, банк холдингінің, сақтандыру холдингінің ірі қатысушысына не банктің, сақтандыру (қайта сақтандыру) ұйымының, инвестициялық портфельді басқарушының, банк холдингінің, сақтандыру холдингінің ірі қатысушысы белгілеріне ие тұлғаға тиесілі банктің, сақтандыру (қайта сақтандыру) ұйымының, инвестициялық портфельді басқарушының акцияларын сенімгерлік басқаруды, сондай-ақ сенімгерлік басқару кезеңінде уәкілетті органның не ұлттық басқарушы холдингтің іс-әрекеттерін жүзеге асыру қағидаларын бекіту туралы" Қазақстан Республикасы Ұлттық Банкі Басқармасының 2012 жылғы 13 ақпандағы № 32 қаулысына (Нормативтік құқықтық актілерді мемлекеттік тіркеу тізілімінде № 7519 тіркелген, 2012 жылғы 23 маусымда "Егемен Қазақстан" газетінде № 339-345 (27419) жарияланған) мынадай өзгерістер енгізілсін:

      көрсетілген қаулымен бекітілген Банктің, сақтандыру (қайта сақтандыру) ұйымының, инвестициялық портфельді басқарушының, банк холдингінің, сақтандыру холдингінің ірі қатысушысына не банктің, сақтандыру (қайта сақтандыру) ұйымының, инвестициялық портфельді басқарушының, банк холдингінің, сақтандыру холдингінің ірі қатысушысы белгілеріне ие тұлғаға тиесілі банктің, сақтандыру (қайта сақтандыру) ұйымының, инвестициялық портфельді басқарушының акцияларын сенімгерлік басқаруды, сондай-ақ сенімгерлік басқару кезеңінде уәкілетті органның не ұлттық басқарушы холдингтің іс-әрекеттерін жүзеге асыру қағидаларында:

      8, 9 және 10-тармақтар мынадай редакцияда жазылсын:

      "8. Қаржы ұйымының акцияларын сенімгерлік басқару кезеңінде, бірақ сенімгерлік басқару мерзімі аяқталғанға дейін күнтізбелік 45 (қырық бес) күннен кешіктірмей Ұлттық Банкке қаржы ұйымының сенімгерлік басқаруға берілген акциялары меншік иесінің өзіне тиесілі қаржы ұйымының сенімгерлік басқаруға берілген барлық акцияларын сату туралы өтінішхатын (бұдан әрі – өтінішхат) ұсынуға жол беріледі.

      Өтінішхатта қаржы ұйымының сенімгерлік басқаруға берілген акцияларын сатып алуға ниет білдірген тұлға (тұлғалар) туралы және осы тұлға (осы тұлғалар) сатып алуға ниет білдірген акциялардың саны туралы мәліметтер көрсетіледі.

      9. Өтінішхат Ұлттық Банкке мыналар:

      1) Банктер туралы заңның 17-1-бабының, Сақтандыру туралы заңның 26-бабының және Бағалы қағаздар нарығы туралы заңның 72-1-бабының талаптарына сәйкес өтінішхатта көрсетілген тұлғаның (тұлғалардың) қаржы ұйымының ірі қатысушысы (банк холдингі не сақтандыру холдингі) мәртебесін алуы үшін қажетті құжаттар;

      2) Банктер туралы заңның 47-1-бабының 2-тармағына, Сақтандыру туралы заңның 53-1-бабының 2-тармағына және Бағалы қағаздар нарығы туралы заңның 72-3-бабының 2-тармағына сәйкес өтінішхатта көрсетілген тұлғаның (тұлғалардың) уәкілетті органның талаптарын орындағанын растайтын құжаттар;

      3) қаржы ұйымының сенімгерлік басқаруға берілген акцияларының меншік иесі мен өтінішхатта көрсетілген тұлғаның (тұлғалардың) арасында жасалған, өтінішхат қанағаттандырылған жағдайда оның күшіне енетіні көзделген сатып алу - сату шарты қоса беріліп ұсынылады.

      10. Ұлттық Банк өтінішхатта көрсетілген акцияларды иеленушілер Банктер туралы заңның 47-1-бабы 2-тармағының, Сақтандыру туралы заңның 53-1-бабы 2-тармағының және Бағалы қағаздар нарығы туралы заңның 72-3-бабы 2-тармағының талаптарын орындаған жағдайда өтінішхатты қанағаттандырады.".

      3. "Банк конгломератымен ерекше қатынастар арқылы байланысты тұлғалардың тізбесін белгілеу туралы" Қазақстан Республикасы Ұлттық Банкі Басқармасының 2012 жылғы 13 ақпандағы № 37 қаулысына (Нормативтік құқықтық актілерді мемлекеттік тіркеу тізілімінде № 7474 тіркелген, 2012 жылғы 24 мамырда "Егемен Қазақстан" газетінде № 261-266 (27340) жарияланған) мынадай өзгерістер енгізілсін:

      тақырыбы мынадай редакцияда жазылсын:

      "Банк конгломератымен ерекше қатынаста болатын тұлғалардың тізбесін белгілеу туралы";

      1-тармақта:

      бірінші бөлігі мынадай редакцияда жазылсын:

      "1. Банк конгломератымен ерекше қатынаста болатын тұлғалар болып:

      1) банк конгломераты бас ұйымының лауазымды адамы, басшы қызметкері, бірінші басшысы және бас бухгалтері, сондай-ақ олардың жұбайы (зайыбы) және жақын туыстары;

      2) банк конгломераты бас ұйымының ірі қатысушысы болып табылатын жеке немесе заңды тұлға не банк конгломераты бас ұйымының ірі қатысушысының лауазымды адамы, сондай-ақ олардың жұбайы (зайыбы) және жақын туыстары;

      3) осы тармақтың 1) және 2) тармақшаларында көрсетілген адамдары ірі қатысушылары не лауазымды адамдары;

      4) банк конгломератының бас ұйымы ірі қатысушысы болып табылатын заңды тұлға, осы заңды тұлғаның лауазымды адамдары, олардың жұбайы мен зайыбы және жақын туыстары;

      5) банк конгломератының қатысушылары;

      6) банк конгломераты қатысушыларының үлестес тұлғалары танылатыны белгіленсін.";

      екінші бөлігі мынадай редакцияда жазылсын:

      "Банк конгломератының бас ұйымының акционері болып табылатын ұлттық басқарушы холдинг және акцияларының (жарғылық капиталға қатысу үлестерінің) он және одан да көп пайызы осындай ұлттық басқарушы холдингке тиесілі заңды тұлғалар, сондай-ақ банктің тәуелсіз директор болып табылатын лауазымды адамы басқару органдарында тәуелсіз директор болып табылатын заңды тұлғалар, екінші деңгейдегі банктердің кредиттік портфельдерінің сапасын жақсартуға маманданған ұйым және акционері уәкілетті орган болып табылатын сауда-саттықты ұйымдастырушы, егер банктің лауазымды адамы осы ұйымдарда лауазымды адам болып табылған жағдайда, банк конгломератымен ерекше қатынаста болатын тұлғалар болып танылмайды.".

      4. "Банктің немесе банк холдингінің меншікті облигациялармен және осы банктің немесе банк холдингінің еншілес ұйымдары шығарған, міндеттемелеріне банк немесе банк холдингі кепілдік берген облигациялармен мәмілелер жасау қағидаларын бекіту туралы" Қазақстан Республикасы Ұлттық Банкі Басқармасының 2012 жылғы 24 ақпандағы № 62 қаулысына (Нормативтік құқықтық актілерді мемлекеттік тіркеу тізілімінде № 7507 тіркелген, 2012 жылғы 24 мамырда "Егемен Қазақстан" газетінде № 261-266 (27340) жарияланған) мынадай өзгеріс енгізілсін:

      көрсетілген қаулымен бекітілген Банктің немесе банк холдингінің меншікті облигациялармен және осы банктің немесе банк холдингінің еншілес ұйымдары шығарған, міндеттемелеріне банк немесе банк холдингі кепілдік берген облигациялармен мәмілелер жасау қағидаларында:

      6-тармақ мынадай редакцияда жазылсын:

      "6. Банк немесе банк холдингі қағаз тасымалдағыштағы есептің бір данасын облигацияларды сатып алу мәмілесі жүзеге асырылған күннен бастап бір ай ішінде қаржы нарығын және қаржы ұйымдарын реттеу, бақылау мен қадағалау жөніндегі уәкілетті органға ұсынады. Есептің екінші данасы осы есеп жасалған күннен бастап 5 (бес) жыл бойы банкте немесе банк холдингінде сақталады.".

      5. "Бағалы қағаздар нарығында брокерлік және (немесе) дилерлік қызметті және (немесе) инвестициялық портфелін басқару жөніндегі қызметті жүзеге асыратын ұйымдарының дара және институционалдық инвесторларды білікті инвесторлар деп тану қағидаларын бекіту туралы" Қазақстан Республикасы Ұлттық Банкі Басқармасының 2012 жылғы 24 ақпандағы № 78 қаулысына (Нормативтік құқықтық актілерді мемлекеттік тіркеу тізілімінде № 7557 тіркелген, 2012 жылғы 25 шілдеде "Егемен Қазақстан" газетінде № 415-421 (27495) жарияланған) мынадай өзгерістер енгізілсін:

      көрсетілген қаулымен бекітілген Бағалы қағаздар нарығында брокерлік және (немесе) дилерлік қызметті және (немесе) инвестициялық портфельді басқару жөніндегі қызметті жүзеге асыратын ұйымдардың дара және институционалдық инвесторларын білікті инвесторлар деп тану қағидаларында:

      1-тармақтың 3) тармақшасы мынадай редакцияда жазылсын:

      "3) уәкілетті орган – қаржы нарығын және қаржы ұйымдарын реттеу, бақылау мен қадағалау жөніндегі уәкілетті орган.";

      11-тармақ мынадай редакцияда жазылсын:

      "11. Білікті инвестор деп тануды жүзеге асыратын тұлға тізілімді жүргізуді Нормативтік құқықтық актілерді мемлекеттік тіркеу тізілімінде № 7734 тіркелген Қазақстан Республикасының Ұлттық Банкі Басқармасының 2012 жылғы 28 сәуірдегі № 165 қаулысымен бекітілген Бағалы қағаздар нарығында қызметті жүзеге асыруға қажетті бағдарламалық-техникалық құралдардың және өзге жабдықтардың нұсқаулығының талаптарына сәйкес келетін бағдарламалық қамтамасыз етуде электрондық түрде жүзеге асырады.

      Тұлғаны білікті инвестор деп тану туралы шешім қабылдаған күннен бастап келесі жұмыс күнінен кешіктірмей тұлғаны тізілімге қосу жүзеге асырылады.

      Тізілімде білікті инвестор туралы мынадай ақпарат қамтылады:

      тұлға туралы жазбаны тізілімге енгізу күні;

      осы тұлға білікті инвестор болып танылғанға қатысты қызмет түрлері және (немесе) бағалы қағаздардың және (немесе) өзге қаржы құралдарының түрлері;

      тұлғаны тізілімнен алып тастау күні;

      тұлғаны тізілімнен алып тастау себебі;

      жеке тұлға үшін:

      тегі, аты, әкесінің аты (ол бар болса);

      жеке басын куәландыратын құжаттың атауы мен деректемелері;

      заңды мекенжайы және тұрғылықты жері;

      заңды тұлға үшін:

      толық және қысқартылған атауы;

      заңды тұлға ретінде мемлекеттік тіркелу (қайта тіркелу) нөмірі мен күні;

      орналасқан жері.

      Тізілімге өзгерістер енгізу білікті инвестордың өтініші, оның ішінде білікті инвестор мәртебесінен бас тарту туралы өтініш бойынша жүзеге асырылады.

      Тізілімнен заңды тұлғаны алып тастауға байланысты өзгерістер енгізу, сондай-ақ егер заңды тұлға белгіленген талаптардың сақталуын растамаған жағдайда жүзеге асырылады.

      Білікті инвестордың сұрау салуы бойынша білікті инвестор деп тануды жүзеге асыратын тұлға білікті инвесторға осы тұлға туралы ақпараттан тұратын тізілімнен үзінді көшірмені ұсынады.

      Білікті инвестор деп тануды жүзеге асыратын тұлға есепті тоқсаннан кейінгі айдың соңғы күнінен кешіктірмейтін мерзімде уәкілетті органға Қағидалардың қосымшасына сәйкес нысан бойынша білікті инвесторлар туралы мәліметтерді тоқсан сайын ұсынады.

      Білікті инвестор деп тануды жүзеге асыратын тұлға уәкілетті органның талабы бойынша сұрау салуда айқындалған мерзімде электронды нысанда және (немесе) қағаз тасымалдауышта тізілімді ұсынады.";

      Білікті инвесторлар туралы мәліметтер нысаны Тізбеге 5-қосымшаға сәйкес редакцияда жазылсын.

      7. "Бас банктің күмәнді және үмітсіз активтерін сатып алатын банктің еншілес ұйымының алуы тиіс кірістерін Қазақстан Республикасының банктер және банк қызметі туралы заңнамасында көзделген қызмет түрлерін жүзеге асырудан түскен кірістерге жатқызу қағидаларын бекіту туралы" Қазақстан Республикасы Ұлттық Банкі Басқармасының 2012 жылғы 24 ақпандағы № 100 қаулысына (Нормативтік құқықтық актілерді мемлекеттік тіркеу тізілімінде № 7606 тіркелген, 2012 жылғы 18 шілдеде "Егемен Қазақстан" газетінде № 405-409 (27483) жарияланған) мынадай өзгерістер енгізілсін:

      көрсетілген қаулымен бекітілген Бас банктің күмәнді және үмітсіз активтерін сатып алатын банктің еншілес ұйымының алуы тиіс кірістерін Қазақстан Республикасының банктер және банк қызметі туралы заңнамасында көзделген қызмет түрлерін жүзеге асырудан түскен кірістерге жатқызу қағидаларында:

      3-тармақта:

      7) тармақша мынадай редакцияда жазылсын:

      "7) Нормативтік құқықтық актілерді мемлекеттік тіркеу тізілімінде № 9468 тіркелген "Бас банктің күмәнді және үмітсіз активтерін иеленетін еншілес ұйымның қызметі қағидаларын бекіту туралы" Қазақстан Республикасы Ұлттық Банкі Басқармасының 2014 жылғы 23 сәуірдегі № 71 қаулысының, (бұдан әрі – № 71 Қағидалар) талаптарына сәйкес келетін күмәнді және үмітсіз активтердің сапасын жақсарту жөніндегі іс-шаралар жоспарында (бұдан әрі – іс-шаралар жоспары) көрсетілген іс-шараларды іске асыру шеңберінде қарыз беру;";

      16) тармақша мынадай редакцияда жазылсын:

      "16) бас банктің күмәнді және үмітсіз активтерін сатып алатын екінші деңгейдегі банктердің еншілес ұйымдары № 71 Қағидаларда көрсетілген және бас банк қаржы нарығын және қаржы ұйымдарын бақылау мен қадағалау жөніндегі уәкілетті ұйымға ұсынған күмәнді және үмітсіз активтердің сапасын жақсарту жөніндегі іс-шаралар жоспарында көзделген күмәнді және үмітсіз активтер ретінде сатып алған мүлікпен және (немесе) мүліктік кешенмен байланысты тауарларды, жұмыстарды және қызметтерді (лицензияланатын қызмет түрлерін қоса алғанда) өндіру және өткізу.";

      4-тармақтың 2) тармақшасы мынадай редакцияда жазылсын:

      "2) Ұйым активтердің ішкі тізілімінде көрсетілген активтерді қалыптастыруды және олардың № 71 Қағидалардың талаптарына сәйкес келуі бойынша ай сайынғы тексеруді қамтамасыз етеді;".

      8. "Банк холдингінің, сондай-ақ банктің ірі қатысушысының банктің және банк конгломератының меншікті капиталы жеткіліктілігінің коэффициенттерін қолдау шаралары туралы нұсқаулықты бекіту туралы" Қазақстан Республикасы Ұлттық Банкі Басқармасының 2012 жылғы 26 наурыздағы № 128 қаулысына (Нормативтік құқықтық актілерді мемлекеттік тіркеу тізілімінде № 7624 тіркелген, 2012 жылғы 15 тамызда "Егемен Қазақстан" газетінде № 510-515 (27588) жарияланған) мынадай өзгерістер енгізілсін:

      көрсетілген қаулымен бекітілген Банк холдингінің, сондай-ақ банктің ірі қатысушысының банктің және банк конгломератының меншікті капиталы жеткіліктілігінің коэффициенттерін қолдау шаралары туралы нұсқаулықта:

      1-тармақтың бірінші бөлігі мынадай редакцияда жазылсын:

      "1. Банк холдингі, сондай-ақ банктің ірі қатысушысы Нұсқаулықта көзделген, банктің және банк конгломератының меншікті капиталының жеткіліктілігі коэффициенттерін қаржы нарығын және қаржы ұйымдарын реттеу, бақылау мен қадағалау жөніндегі уәкілетті орган (бұдан әрі – уәкілетті орган) Нормативтік құқықтық актілерін мемлекеттік тіркеу тізілімінде № 7601 тіркелген "Банк конгломератына арналған нормативтік мәндерін және пруденциалдық нормативтер мен өзге де міндетті лимиттерді есептеу әдістемелерін, сондай-ақ есептілікті ұсыну нысандары мен мерзімдерін белгілеу туралы" 2012 жылғы 24 ақпандағы № 92 (бұдан әрі – № 92 қаулы) және Нормативтік құқықтық актілерін мемлекеттік тіркеу тізілімінде № 13919 тіркелген "Пруденциялық нормативтердің және сақталуға міндетті өзге де нормалар мен белгілі бір күнге банк капиталының мөлшері лимиттерінің нормативтік мәндерін және есептеу әдістемесін және Банктің ашық валюталық позициясын есептеу қағидаларын және лимиттерін белгілеу туралы" 2016 жылғы 30 мамырдағы № 147 (бұдан әрі – № 147 қаулы) Қазақстан Республикасы Ұлттық Банкі Басқармасының қаулыларында белгілеген деңгейде қолдау бойынша шаралар қабылдайды.";

      3-тармақтың 2) тармақшасы мынадай редакцияда жазылсын:

      "2) банк холдингі және (немесе) банктің ірі қатысушылары бар банкте тәуекелдерді басқару жүйелерінің және ішкі бақылаудың, оның ішінде көрсетілген жүйелердің Нормативтік құқықтық актілерді мемлекеттік тіркеу тізілімінде № 9322 тіркелген "Екінші деңгейдегі банктерге арналған тәуекелдерді басқару және ішкі бақылау жүйесін қалыптастыру қағидаларын бекіту туралы" Қазақстан Республикасының Ұлттық Банкі Басқармасының 2014 жылы 26 ақпандағы № 29 қаулысымен белгіленген талаптарға сәйкестігін бағалаудың болуын жыл сайын бақылауды;";

      9 және 10-тармақтар мынадай редакцияда жазылсын:

      "9. Банктің және банк конгломератының меншікті капиталы жеткіліктілігінің коэффициенттері № 92 және № 147 қаулыларда белгіленген ең төмен нормативтік мәндерден төмендеген жағдайда:

      1) банк холдингі, сондай-ақ банктің ірі қатысушысы – банктің және банк конгломератының меншікті капиталының жеткіліктілігі коэффициенттерінің төмендеу фактісі анықталған күннен бастап 30 (отыз) жұмыс күні ішінде банк акционерлерінің жалпы жиналысының орындалуға міндетті, оның ішінде Нұсқаулықта белгіленген банктің және банк конгломератының меншікті капиталы жеткіліктілігінің коэффициенттерін жедел қамтамасыз ету шараларын қамтитын Іс-шаралар жоспарын (бұдан әрі – Іс-шаралар жоспары) қабылдауының бастамашысы болады және Іс-шаралар жоспары қабылданғаннан кейін 7 (жеті) жұмыс күні ішінде оны уәкілетті органға ұсынады;

      2) банк холдингі не банкті бақылайтын немесе шарттың күшіне орай немесе өзге тәсілмен банктің шешімдеріне ықпал етуге мүмкіндігі бар банктің ірі қатысушысы банктің және банк конгломераты меншікті капиталының жеткіліктілігі коэффициентінің төмендеу фактісі анықталған күннен бастап 7 (жеті) жұмыс күні ішінде уәкілетті органға Нұсқаулықта белгіленген банктің және банк конгломератының меншікті капиталы жеткіліктілігінің коэффициенттерін жедел қамтамасыз ету шараларын қамтитын Іс-шаралар жоспарын келісу үшін ұсынады.

      Банкте біреуден артық банк холдингі не банктің ірі қатысушылары болған жағдайда осы банк холдингтері және (немесе) банктің ірі қатысушылары - жеке тұлғалар осы тармақтың 2) тармақшасында көрсетілген іс-әрекеттерді бірлесіп жүзеге асырады.

      10. Уәкілетті органмен келісілген Іс-шаралар жоспарында банк холдингінің не банктің ірі қатысушысының меншікті капиталының жеткіліктілігі коэффициентін қолдау жөніндегі шараларды орындау мерзімдері және олардың орындалуы жөніндегі ақпаратты уәкілетті органға ұсыну мерзімдері көрсетіледі.

      Банк холдингінің не банктің ірі қатысушысының Іс-шаралар жоспарында айқындалған іс-шараларды орындауы туралы ақпараты оны растайтын құжаттармен қоса беріледі. Іс-шаралар жоспарының кез келген талабы орындалмаған жағдайда банк холдингі не банктің ірі қатысушысы орындамау себептері туралы уәкілетті органды хабардар етеді.".

      9. "Инвестициялық портфельді басқарушының ірі қатысушысының инвестициялық портфельді басқарушының меншікті капиталының жеткіліктілігі коэффициентін қолдауы жөніндегі шаралар туралы нұсқаулықты бекіту жөнінде" Қазақстан Республикасы Ұлттық Банкі Басқармасының 2013 жылғы 26 шілдедегі № 200 қаулысына (Нормативтік құқықтық актілерді мемлекеттік тіркеу тізілімінде № 8697 тіркелген, 2013 жылғы 2 қазанда "Заң газеті" газетінде № 148 (2349) жарияланған) мынадай өзгеріс енгізілсін:

      көрсетілген қаулымен бекітілген Инвестициялық портфельді басқарушының ірі қатысушысының инвестициялық портфельді басқарушының меншікті капиталының жеткіліктілігі коэффициентін қолдауы жөніндегі шаралар туралы нұсқаулықта:

      4-тармақтың 6) тармақшасы мынадай редакцияда жазылсын:

      "6) Нормативтік құқықтық актілерді мемлекеттік тіркеу тізілімінде № 7552 тіркелген, "Банктің, банк холдингінің ірі қатысушысы, сақтандыру (қайта сақтандыру) ұйымының, сақтандыру холдингінің ірі қатысушысы, инвестициялық портфельді басқарушының ірі қатысушысы мәртебесін иеленуге келісім беру, қайтарып алу қағидаларын және көрсетілген келісім алу үшін ұсынылатын құжаттарға қойылатын талаптарды бекіту туралы" Қазақстан Республикасы Ұлттық Банкі Басқармасының 2012 жылғы 24 ақпандағы № 67 қаулысына сәйкес жасалған Басқарушының қаржылық жай-күйі нашарлауы мүмкін жағдайда Басқарушыны қайта капиталдандыру жоспарында көзделген шараларды қабылдаудан тұрады.".

      10. "Ерікті жинақтаушы зейнетақы қорларының ерікті зейнетақы жарналарын тарту қағидаларын бекіту туралы" Қазақстан Республикасы Ұлттық Банкі Басқармасының 2013 жылғы 27 тамыздағы № 213 қаулысына (Нормативтік құқықтық актілерді мемлекеттік тіркеу тізілімінде № 8798 тіркелген, 2013 жылғы 25 желтоқсанда "Заң газеті" газетінде № 191 (2392) жарияланған) мынадай өзгеріс енгізілсін:

      көрсетілген қаулымен бекітілген Ерікті жинақтаушы зейнетақы қорларының ерікті зейнетақы жарналарын тарту қағидаларында:

      1-тармақтың 6) тармақшасы мынадай редакцияда жазылсын:

      "6) уәкілетті орган – қаржы нарығын және қаржы ұйымдарын реттеу, бақылау мен қадағалау жөніндегі уәкілетті орган.".

      11. "Кастодиан банк пен ерікті жинақтаушы зейнетақы қорының арасында жасалатын кастодиандық үлгі шарттың нысанын бекіту туралы" Қазақстан Республикасы Ұлттық Банкі Басқармасының 2013 жылғы 27 тамыздағы № 234 қаулысына (Нормативтік құқықтық актілерді мемлекеттік тіркеу тізілімінде № 8795 тіркелген, 2013 жылғы 15 қарашада "Заң газеті" газетінде № 172 (2373) жарияланған) мынадай өзгерістер енгізілсін:

      тақырыбы мынадай редакцияда жазылсын:

      "Кастодиан банк пен ерікті жинақтаушы зейнетақы қорының арасында жасалатын үлгілік кастодиандық шарттың нысанын бекіту туралы";

      1-тармақ мынадай редакцияда жазылсын:

      "1. Осы қаулының қосымшасына сәйкес Кастодиан банк пен ерікті жинақтаушы зейнетақы қорының арасында жасалатын үлгілік кастодиандық шарттың нысаны бекітілсін.";

      көрсетілген қаулымен бекітілген Кастодиан банк пен ерікті жинақтаушы зейнетақы қорының арасында жасалатын кастодиандық үлгі шарт нысанында:

      тақырыбы мынадай редакцияда жазылсын:

      "Кастодиан банк пен ерікті жинақтаушы зейнетақы қорының арасында жасалатын үлгілік кастодиандық шарт";

      4-тармақтың 23) тармақшасы мынадай редакцияда жазылсын:

      "23) Қордың теңгедегі немесе шетел валютасындағы банктік инвестициялық шоттарынан ақша аудару және қаржы құралдарын есепке алуға арналған шоттардан бағалы қағаздарды есептен шығару туралы бұйрықтарын Қазақстан Республикасының Ұлттық Банкінен (бұдан әрі – уәкілетті орган) Қордың лицензиясының қолданылуын тоқтата тұру туралы хабарлама алған күннен бастап уәкілетті органнан Қор лицензиясының қолданылуын қайта бастау туралы хабарламасын алған күнге дейін орындамауға;".

      12. "Кастодиандық үлгі шарттар нысандарын бекіту туралы" Қазақстан Республикасы Ұлттық Банкі Басқармасының 2014 жылғы 23 сәуірдегі № 67 қаулысына (Нормативтік құқықтық актілерді мемлекеттік тіркеу тізілімінде № 9487 тіркелген, 2014 жылғы 16 маусымда "Әділет" ақпараттық-құқықтық жүйесінде жарияланған) мынадай өзгерістер енгізілсін:

      тақырыбы мынадай редакцияда жазылсын:

      "Кастодиандық үлгілік шарттар нысандарын бекіту туралы";

      1-тармақ мынадай редакцияда жазылсын:

      "1. Мыналар:

      1) қоса беріліп отырған Кастодиан банк және арнайы қаржы компаниясы, сондай-ақ инвестициялық портфельді басқарушының арасында жасалатын кастодиандық үлгілік шарттың нысаны;

      2) қоса беріліп отырған Кастодиан банк пен арнайы қаржы компаниясының арасында жасалатын кастодиандық үлгілік шарттың нысаны бекітілсін.";

      көрсетілген қаулымен бекітілген Кастодиан банк және арнайы қаржы компаниясы, сондай-ақ инвестициялық портфельді басқарушының арасында жасалатын кастодиандық үлгі шартында:

      тақырыбы мынадай редакцияда жазылсын:

      "Кастодиан банк және арнайы қаржы компаниясы, сондай-ақ инвестициялық портфельді басқарушының арасында жасалатын кастодиандық үлгілік шарт";

      5-тармақтың 24) тармақшасы мынадай редакцияда жазылсын:

      "24) егер мәміле оның сауда жүйесінде жасалған болса, қаржы нарығын және қаржы ұйымдарын реттеу, бақылау мен қадағалау жөніндегі уәкілетті органға, Компанияға, Басқарушыға, сондай-ақ қор биржасына жасалған мәміленің Қазақстан Республикасының заңнамасына сәйкес келмейтіні туралы дереу хабарлауға міндетті.";

      көрсетілген қаулымен бекітілген Кастодиан банк және арнайы қаржы компаниясы арасында жасалатын кастодиандық үлгі шарт нысанында:

      тақырыбы мынадай редакцияда жазылсын:

      "Кастодиан банк және арнайы қаржы компаниясы арасында жасалатын кастодиандық үлгілік шарт";

      4-тармақтың 16) тармақшасы мынадай редакцияда жазылсын:

      "16) егер мәміле оның сауда жүйесінде жасалған болса, қаржы нарығын және қаржы ұйымдарын реттеу, бақылау мен қадағалау жөніндегі уәкілетті органға, Компанияға, сондай-ақ қор биржасына жасалған мәміленің Қазақстан Республикасының заңнамасына сәйкес келмейтіні туралы дереу хабарлауға міндетті.";

      13. Күші жойылды – ҚР Ұлттық Банкі Басқармасының 27.03.2017 № 54 (01.06.2017 бастап қолданысқа енгізіледі) қаулысымен

  Өзгерістер енгізілетін
Қазақстан Республикасының
қаржы нарығын реттеу
мәселелері бойынша
нормативтік құқықтық
актілерінің тізбесіне
1-қосымша
  Банкті (банк холдингін) ерікті
түрде қайта ұйымдастыруға
рұқсат беру не рұқсат беруден
бас тарту, банктерді ерікті түрде
таратуға рұқсат беру, сондай-ақ
жеке тұлғалардың депозиттерін
қайтару, оларды басқа банкке
аудару қағидаларына
1-қосымша
  Нысан

Банктерді (банк холдингтерін) ерікті түрде қайта ұйымдастыруға берілген рұқсаттардың тізілімі

Банктің (банк холдингінің) атауы

Банктер (банк холдингтері) акционерлерінің (қатысушыларының) жалпы жиналысы хаттамасының күні мен нөмірі

Банкті (банк холдингін) ерікті түрде қайта ұйымдастыруға берілген рұқсаттың күні мен нөмірі

Банкті (банк холдингін) қайта ұйымдастыру нәтижесінде құрылған заңды тұлғаның (заңды тұлғалардың) атауы

Банкті (банк холдингін) қайта ұйымдастыру нәтижесінде құрылған заңды тұлға (заңды тұлғалар) қызметінің түрі







  Өзгерістер енгізілетін
Қазақстан Республикасының
қаржы нарығын реттеу
мәселелері бойынша
нормативтік құқықтық
актілерінің тізбесіне
2-қосымша
  Банкті (банк холдингін) ерікті
түрде қайта ұйымдастыруға
рұқсат беру не рұқсат беруден
бас тарту, банктерді ерікті түрде
таратуға рұқсат беру, сондай-ақ
жеке тұлғалардың депозиттерін
қайтару, оларды басқа банкке
аудару қағидаларына
2-қосымша
  Нысан

Банктерді ерікті түрде таратуға берілген рұқсаттардың тізілімі

Банктің атауы

Банктер акционерлерінің жалпы жиналысы хаттамасының күні және нөмірі

Банкті ерікті түрде таратуға берілген рұқсаттың күні мен нөмірі

Банктің таратылғанын әділет органдарында тіркеу туралы ақпарат






  Өзгерістер енгізілетін
Қазақстан Республикасының
қаржы нарығын реттеу
мәселелері бойынша
нормативтік құқықтық
актілерінің тізбесіне
3-қосымша
  Банкті (банк холдингін) ерікті
түрде қайта ұйымдастыруға
рұқсат беру не рұқсат беруден
бас тарту, банктерді ерікті түрде
таратуға рұқсат беру, сондай-ақ
жеке тұлғалардың депозиттерін
қайтару, оларды басқа банкке
аудару қағидаларына
3-қосымша
  Нысан

      №______

      күні____________

      Қазақстан Республикасы

      Ұлттық Банкінің

      Төрағасы

      Банкті (банк холдингін) ерікті түрде қайта ұйымдастыруға (біріктіруге, қосуға, бөлуге,

                   бөлініп шығуға, қайта құруға) рұқсат беру туралы

      Өтінішхат

      ________________________________________________________________________________

      ________________________________________________________________________________

      (өтініш берушінің атауы)

      банк (банк холдингі) акционерлерінің

      ________________________________________________________________________________

      (өткізілген орны)

      жалпы жиналысының_____жылғы "___"_______№____шешіміне сәйкес банкті (банк

      холдингін) (біріктіру, қосу, бөлу, бөлініп шығу, қайта құру)

      (керегінің асты сызылсын) арқылы

      ________________________________________________________________________________

      (банкті (банк холдингін)

      ________________________________________________________________________________

      ________________________________________________________________________________

      қайта ұйымдастыру нәтижесінде құрылған (заңды тұлғаға (тұлғаларға) ерікті түрде

      қайта ұйымдастыруға рұқсат беруді сұрайды.

      Банк (банк холдингі) өтінішхатқа қоса берілген құжаттар мен мәліметтердің дәйектілігі,

      сондай-ақ өтінішхатты қарауға байланысты сұралатын қосымша ақпараттың және

      құжаттардың уәкілетті органға уақтылы ұсыну үшін толық жауап береді.

      Қоса берілген құжаттар (жіберілетін құжаттардың атаулы тізбесін, әрқайсысы бойынша

      даналар және парақтар саны көрсетіледі):

      Банк акционерлерінің атынан уәкілеттік берілген адам (тегі, аты, әкесінің аты (бар

      болса)), аталған өкілеттіктерді алуға негіз болып табылатын құжатқа сілтеме).

      _____________

      (қолы)

      Мөр орны (бар болса)

  Өзгерістер енгізілетін
Қазақстан Республикасының
қаржы нарығын реттеу
мәселелері бойынша
нормативтік құқықтық
актілерінің тізбесіне
4-қосымша
  Тұрақтандыру банкін құру,
банктік және өзге де
операцияларды жүргізуге
лицензия алу, жарғылық және
меншікті капиталдарын
қалыптастыру қағидаларына
қосымша
  Нысан

      Қазақстан Республикасының

      елтаңбасы

      Уәкілетті органның толық атауы

      Банктік және өзге де операцияларды жүргізуге

      лицензия

      Лицензияның нөмірі _________ Берілген күні __ жылғы "__" ________

      ________________________________________________________________________________

      (банктің толық атауы)

      Осы лицензия операциялардың мынадай түрлерін (ұлттық және (немесе) шетел

      валютасында) жүргізуге құқық береді:

      1) банктік операцияларды:

      ________________________________________________________________________________

      ________________________________________________________________________________

      2) өзге де операцияларды:

      ________________________________________________________________________________

      ________________________________________________________________________________

      Төраға (Төрағаның орынбасары)

      Мөр орны

      Алматы қаласы

  Өзгерістер енгізілетін
Қазақстан Республикасының
қаржы нарығын реттеу
мәселелері бойынша
нормативтік құқықтық
актілерінің тізбесіне
5-қосымша
  Бағалы қағаздар нарығында
брокерлік және (немесе)
дилерлік қызметті және
(немесе) инвестициялық
портфелін басқару жөніндегі
қызметті жүзеге асыратын
ұйымдарының дара және
институционалдық
инвесторларды білікті
инвесторлар деп тану
қағидаларына
қосымша

Білікті инвесторлар туралы мәліметтер Әкімшілік деректерді жинауға арналған нысан Есепті кезең: 20___ жылғы __________________

      Индекс: F1-QI

      Кезеңділік: тоқсан сайын

      Ұсынады: білікті инвестор деп тануды жүзеге асыратын тұлға

      Нысан қайда ұсынылады: Қазақстан Республикасының Ұлттық Банкі

      Ұсыну мерзімі: есепті тоқсаннан кейінгі айдың соңғы күнінен кешіктірмеген мерзімде тоқсан сайын.

      Нысан

      20__жылғы "___" __________ жағдай бойынша

      ____________________________________________________________________

      (білікті инвестор деп тануды жүзеге асыратын тұлғаның толық атауы)

1 Білікті инвестор деп тануды жүзеге асыратын тұлға туралы мәліметтер

1.1

Ұйымның толық атауы


1.2

Ұйымның қысқартылған атауы


1.3

Бизнес-сәйкестендіру нөмірі


1.4

Бағалы қағаздар нарығында кәсіби қызметті жүзеге асыруға лицензиялардың болуы туралы мәліметтер


1.5

Лицензияның нөмірі


1.6

Лицензия беру күні


2. Білікті инвесторлардың тізілімі туралы мәліметтер берілетін күн

2.1

Білікті инвесторлардың тізілімі туралы мәліметтер берілетін күн


2.2

Есепті кезеңде тізілімге енгізілген жеке тұлғалардың саны


2.3

Есепті кезеңде тізілімнен шығарылған жеке тұлғалардың саны


2.4

Тізілімде тұрған жеке тұлғалардың, оның ішінде Қазақстан Республикасы бейрезиденттерінің саны


2.5

Есепті кезеңде тізілімге енгізілген заңды тұлғалардың саны


2.6

Есепті кезеңде тізілімнен шығарылған заңды тұлғалардың саны


2.7

Тізілімде тұрған заңды тұлғалардың, оның ішінде Қазақстан Республикасы бейрезиденттерінің саны


3. Жеке және заңды тұлғалар оларға қатысты білікті инвесторлар деп танылған қызмет түрлері туралы мәліметтер

3.1 Қызмет түрі

3.2 Осы қызмет түріне қатысты білікті инвесторлар деп танылған жеке тұлғалар саны

3.3 Осы қызмет түріне қатысты білікті инвесторлар деп танылған заңды тұлғалар саны

4. Жеке және заңды тұлғалар оларға қатысты білікті инвесторлар деп танылған бағалы қағаздардың және (немесе) өзге қаржы құралдарының түрлері туралы мәліметтер

4.1 Бағалы қағаздардың және (немесе) өзге қаржы құралдарының түрі

4.2 Осы бағалы қағаздардың және (немесе) өзге қаржы құралдарының түріне қатысты білікті инвесторлар деп танылған жеке тұлғалар саны

4.3 Осы бағалы қағаздардың және (немесе) өзге қаржы құралдарының түріне қатысты білікті инвесторлар деп танылған заңды тұлғалар саны

5. Есепті кезеңде білікті инвесторлардың қаражаты есебінен қаржы құралдарымен жасалған мәмілелердің көлемі туралы мәліметтер (мың теңге)

5.1

Жеке тұлғалар есебінен жасалған мәмілелер көлемі


5.2

Заңды тұлғалар есебінен жасалған мәмілелер көлемі


      Бірінші басшы (ол болмаған кезеңде – оның орнындағы адам)

      ____________________      _________________      _______ _______

      тегі, аты, әкесінің аты (ол бар болса)

      _____________ ____________

      қолы                  күні

      Бас бухгалтер

      ____________________      _________________ ________ ________

      тегі, аты, әкесінің аты (ол бар болса)

      _____________ ____________

      қолы                  күні

      Орындаушы __________________________________

      тегі, аты, әкесінің аты (ол бар болса)

      _____________ ____________

      қолы                  күні

      Мөр орны (ол бар болса)

      Әкімшілік деректерді жинауға арналған нысанды толтыру бойынша түсіндірме осы нысанға қосымшада берілген.

  Білікті инвесторлар туралы
мәліметтердің нысанына
қосымша

Білікті инвесторлар туралы мәліметтер

Әкімшілік деректерді жинауға арналған нысанды толтыру бойынша түсіндірме

1. Жалпы ережелер

      1. Осы түсіндірме (бұдан әрі – Түсіндірме) "Білікті инвесторлар туралы мәліметтер" әкімшілік деректерді жинауға арналған нысанды (бұдан әрі – Нысан) толтыру бойынша бірыңғай талаптарды айқындайды.

      2. Нысан "Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасы Заңының 15-бабы екінші бөлігінің 55) тармақшасына, "Бағалы қағаздар рыногы туралы" 2003 жылғы 2 шілдедегі Қазақстан Республикасы Заңының 5-1-бабының 3-тармағына және "Қаржы нарығы мен қаржы ұйымдарын мемлекеттiк реттеу, бақылау және қадағалау туралы" 2003 жылғы 4 шілдедегі Қазақстан Республикасы Заңының 9-бабы 1-тармағының 6) тармақшасына сәйкес әзірленді.

      3. Білікті инвесторларды тануды жүзеге асыратын тұлға Нысанды есепті кезеңің соңындағы жағдай бойынша тоқсан сайын толтырады. Нысандағы деректер Қазақстан Республикасының ұлттық валютасы – теңге және мың теңгемен толтырылады. Бес жүз теңгеден кем сома нөлге дейін дөңгелектенеді, ал бес жүз теңгеге тең және одан астам сома мың теңгеге дейін дөңгелектенеді.

      4. Нысанға бірінші басшы (ол болмаған кезеңде – оның орнындағы адам), бас бухгалтер және орындаушы қол қояды.

2. Нысанды толтыру бойынша түсіндірме

      5. 1.1 – 1.6 аралығындағы жолдарда білікті инвестор деп тануды жүзеге асыратын тұлғаны сәйкестендіретін мәліметтердің негізіндегі деректер көрсетіледі.

      6. 2.1 – 2.7 аралығындағы жолдарда білікті инвесторлар тізілімінің немесе Қазақстан Республикасының заңнамасын ескере отырып қалыптастырылған дерекқордың ақпараты негізіндегі деректер көрсетіледі.

      7. 3.1 – 3.3 аралығындағы жолдарда білікті инвесторлар тізілімінің немесе Қазақстан Республикасының заңнамасын ескере отырып қалыптастырылған дерекқордың ақпараты негізіндегі деректер көрсетіледі.

      8. 4.1 – 4.3 аралығындағы жолдарда эмиссиялық бағалы қағаздардың болуы және иеленушілері, номиналды ұстауды есепке алу жүйесі туралы ақпараттың негізіндегі деректер көрсетіледі.

      9. 5.1 және 5.2-жолдарды толтыру кезінде есепті кезеңнің соңғы күнін қоса алғанда, есепті жылдағы деректер көрсетіледі.