Бюджеттік мониторинг жүргізу нұсқаулығын бекіту туралы

      Қазақстан Республикасы 2008 жылғы 4 желтоқсандағы Бюджет кодексінің 112-бабына және "Мемлекеттік статистика туралы" Қазақстан Республикасының 2010 жылғы 19 наурыздағы Заңының 16-бабы 3-тармағының 2) тармақшасына сәйкес БҰЙЫРАМЫН:
      1. Қоса беріліп отырған Бюджеттiк мониторинг жүргізу нұсқаулығы бекітілсін.
      2. Осы бұйрыққа қосымшаға сәйкес Қазақстан Республикасы Қаржы министрінің кейбір бұйрықтарының күші жойылды деп танылсын.
      3. Қазақстан Республикасы Қаржы министрлігінің Бюджет заңнамасы департаменті (З.А. Ерназарова) заңнамада белгіленген тәртіппен:
      1) осы бұйрықтың Қазақстан Республикасы Әділет министрлігінде мемлекеттік тіркелуін;
      2) осы бұйрық Қазақстан Республикасы Әділет министрлігінде мемлекеттік тіркелгеннен кейін он күнтізбелік күн ішінде оның "Әділет" ақпараттық-құқықтық жүйесінде ресми жариялауға жіберілуін;
      3) осы бұйрық Қазақстан Әділет министрлігінде мемлекеттік тіркелген күнінен бастап он күнтізбелік күн ішінде Қазақстан Республикасының Нормативтік құқықтық актілерінің эталондық бақылау банкіне орналастыру үшін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;
      4) осы бұйрықтың Қазақстан Республикасы Қаржы министрлігінің интернет-ресурсында орналастырылуын қамтамасыз етсін.
      4. Осы бұйрық мемлекеттік тіркелген күнінен кейін қолданысқа енгізіледі.

Бюджеттік мониторинг жүргізу нұсқаулығы

1-тарау. Жалпы ережелер

      1. Осы Бюджеттік мониторинг жүргізу туралы нұсқаулық (бұдан әрі – Нұсқау) Қазақстан Республикасының 2008 жылғы 4 желтоқсандағы Бюджет кодексінің 112-бабына сәйкес әзірленді.
      Бюджеттік мониторинг - міндеттемелердің уақтылы қабылданбау, бюджеттік бағдарламалар бойынша төлемдердің уақтылы жүргізілмеу себептерін анықтау, бюджет түсімдері мен шығыстарының атқарылу болжамдарын жасау мақсатында жүзеге асырылатын бюджеттің атқарылу көрсеткіштерін тұрақты және жүйелі жинау, бақылап отыру және талдау.
      Бюджеттік мониторингті бюджеттік бағдарламалар әкімшілері, бюджетті атқару жөніндегі орталық және жергілікті уәкілетті органдар жүзеге асырады.

2-тарау. Мақсаты мен міндеттері

      2. Осы Нұсқаулықтың әзірлену мақсаты республикалық және жергілікті бюджеттерді тиімді атқару мақсатында бюджет қаражатын пайдалану жөніндегі мониторинг рәсімдерін жүйелеу, сондай-ақ бюджет түсімдерінің атқарылуын қадағалап отыру.
      3. Түсімдердің атқарылуы кезінде және бюджеттік бағдарламаларды (кіші бағдарламаларды) іске асыру кезінде бюджеттік мониторинг міндеттері:
      түсімдердің атқарылуын талдау;
      төлемдері бойынша қаржыландыру жоспарын және төленген міндеттемелерді салыстыру жолымен бюджеттік бағдарламалар әкімшілерінің бюджет қаражатын игеруін талдау;
      төлемдер бойынша қаржыландыру жоспарына (бұдан әрі – төлемдер бойынша жоспар) сәйкес төлемдердің уақтылы жүргізілмеу және міндеттемелер бойынша қаржыландыру жоспарларына (бұдан әрі - міндеттемелер бойынша жоспар) сәйкес міндеттемелердің уақтылы қабылданбау себептерін анықтау болып табылады.

3-тарау. Бюджеттің атқарылуын талдау

1-параграф. Бюджеттің түсімдерінің атқарылуын талдау

      4. Бюджет кірістерінің атқарылуын талдау объектілері: салықтық түсімдер; салықтық емес түсімдер; негізгі капиталды сатудан түсетін түсімдер; тиісті қаржы жылына арналған бюджет түсімдерінде көзделген ресми трансферттер түсімдері болып табылады.
      5. Бюджет кірістерінің атқарылуын талдау субъектілері бюджетті атқару жөніндегі уәкілетті орган, өндіріп алуға жауапты және олардың түсуіне бақылауды жүзеге асыратын уәкілетті мемлекеттік органдар болып табылады.
      Бюджетті атқару жөніндегі орталық уәкілетті орган мемлекеттік, республикалық және жергілікті бюджеттердің атқарылуы бойынша талдау жүргізеді.
      Бюджетті атқару жөніндегі жергілікті уәкілетті органдар облыстың, атап айтқанда облыстық бюджеттің, республикалық маңызы бар қала, астана бюджетінің, аудандар (облыстық маңызы бар қалалар) бюджеттерінің атқарылуы бойынша талдауды, сондай-ақ бюджеттің төмен тұрған деңгейіне бөлінген нысаналы трансферттердің талдауын жүзеге асырады.
      Бюджеттік мониторинг бюджеттің атқарылуына талдау жүргізу функциясына кіретін бюджетті атқару жөніндегі орталық және жергілікті уәкілетті органдардың құрылымдық бөлімшелері алған ақпараттың негізінде жүзеге асырылады.
      6. Бюджеттің кіріс бөлігін талдау кезінде пайдаланылатын негізгі құраушы база бюджетті атқару жөніндегі уәкілетті орган қалыптастыратын есепті деректердің айлық көлемі және Қазақстан Республикасының салықтық және кедендік заңнамаларға сәйкес салық және бюджетке төленетін басқа да төлемдердің толық және уақтылы түсуін қамтамасыз ететін мемлекеттік органдар және салықтық емес түсімдерді, негізгі капиталды сатып алудан түсетін түсімдерді, трансферттерді есептіден кейінгі айдың 12-не дейінгі мерзімде өндіріп алуға жауапты уәкілетті органдар ұсынатын түсімдердің тиісті түрлерін орындамау немесе асыра орындау себептері болып табылады.
      7. Алдыңғы аймен салыстырғанда ағымдағы айдағы жергілікті (облыстық бюджеттердің (республикалық маңызы бар қала, астана) бюджеттер түсімдерінің санаттары бойынша кірістер түсімдерінің өсу немесе төмендеу себептерін талдау осы Нұсқаулықтың 1-қосымшасына сәйкес І, ІІ нысандар бойынша жасалады.
      Көрсетілген қосымшаның І нысанында жергілікті (облыстық бюджеттердің (республикалық маңызы бар қала, астана) бюджеттердің салық және төлемдерінің негізгі түрлері бойынша, өткен аймен салыстырғанда есепті айдағы түсімдердің өсу немесе төмендеуі байқалатын ерекшеліктер көрсетіледі. Салықтар мен төлемдердің өсу немесе төмендеу себептерінің түсіндірмелерде көрсетілген кезеңдер бойынша түсімдердің құлдырауына немесе өсуіне әсер еткен факторлар көрсетіледі.
      ІІ нысанда олар бойынша есепті айда жоспарланбаған сипаттағы біржолғы түсімдер байқалған ерекшеліктер көрсетіледі.
      8. Бюджетті атқару жөніндегі орталық уәкілетті органның салықтық, салықтық емес түсімдерді, негізгі капиталды сатудан түсетін түсімдер мен трансферттер түсімдерін өндiрiп алуға жауапты құрылымдық бөлімшелері, ведомстволары тоқсан сайын есепті тоқсаннан кейінгі айдың 12-сі күнінен кешіктірмей, жылдың басынан бастап республикалық бюджетке түсетін түсімдердің түрлері бойынша жоспарды асыра орындау немесе орындамау себептерін талдауды осы Нұсқаулықтың 2-қосымшасына сәйкес нысан бойынша бюджетті атқару жөніндегі орталық уәкілетті органның кірістерді талдау функцияларын жүзеге асыратын құрылымдық бөлімшесіне ұсынады.
      Бюджетті атқару жөніндегі орталық уәкілетті органның кірістерді талдау функцияларын жүзеге асыратын құрылымдық бөлімшесі есепті тоқсаннан кейінгі айдың 17-сі күнінен кешіктірмей, республикалық бюджетке түсетін салықтар мен төлемдердің түрлері бойынша жыл басынан жоспарды асыра орындау немесе орындамау себептерін талдауды осы Нұсқаулықтың 2-қосымшасына сәйкес нысан бойынша бюджеттің атқарылуын талдау жүргізу жөніндегі функцияларды жүзеге асыратын құрылымдық бөлімшеге ұсынады.
      Республикалық және жергілікті (облыс бюджеті (республикалық маңызы бар қала, астана), аудан бюджеті (облыстық маңызы бар қала)) бюджеттерге түсетін түсімдердің түрлері бойынша жыл басынан жоспарды асыра орындау немесе орындамау себептерін талдау осы Нұсқаулықтың 2-қосымшасына сәйкес нысан бойынша жасалады.
      Бюджетті атқару жөніндегі жергілікті уәкілетті органдар тоқсан сайын есептіден кейінгі айдың 25-і күніне дейін жергілікті бюджет кіріс бөлігінің артығымен атқарылу немесе атқарылмау себептерін талдауды бюджетті атқару жөніндегі орталық уәкілетті органға және жергілікті атқарушы органдарға ұсынады.
      Бюджетті атқару жөніндегі орталық уәкілетті орган тоқсан сайын есептіден кейінгі айдың 25-і күніне дейін республикалық бюджет жоспарының асыра орындалу немесе орындалмау себептерін талдауды Қазақстан Республикасының Үкіметіне ұсынады.
      9. Бюджеттік кредиттерінің өтеуін талдау объектілері бюджетке түсетін түсімдердің түрлері: республикалық және жергілікті (облыс бюджеті (республикалық маңызы бар қала, астана), аудан бюджеті (облыстық маңызы бар қала)) бюджеттен берілген кредиттерді өтеуден, төленген мемлекеттік кепілдіктер бойынша талаптарды қайтару болып табылады.
      Республикалық және жергілікті (облыс бюджеті (республикалық маңызы бар қала, астана) бюджеті), аудан бюджеті (облыстық маңызы бар қала)) бюджеттеріне бюджеттік кредиттерінің өтеуін бойынша жыл басынан бастап жоспарын асыра орындалу немесе орындалмау себептерін талдау тоқсан сайын осы Нұсқаулықтың 2-қосымшасына сәйкес нысан бойынша жасалады.
      10. Мемлекеттің қаржы активтерін сатудан түскен түсімдердің атқарылуын талдау объектілері заңды тұлғалардың, оның ішінде мемлекеттік меншіктегі халықаралық ұйымдардың, мүліктік кешен түріндегі мемлекеттік мекемелер мен мемлекеттік кәсіпорындардың қатысу үлестерін, бағалы қағаздарын, сондай-ақ мемлекеттік кәсіпорындардың жедел басқаруындағы немесе шаруашылық жүргізуіндегі өзге де мемлекеттік мүлікті сатудан бюджетке түсетін түсімдер.
      Республикалық және жергілікті (облыс бюджеті (республикалық маңызы бар қала, астана) бюджеті), аудан бюджеті (облыстық маңызы бар қала)) бюджеттеріне мемлекеттің қаржы активтерін сатудан түскен түсімдер бойынша жыл басынан бастап жоспар орындалу талдау мемлекеттік меншіктегі заңды тұлғалардың қатысу үлестерін, акциялардың және түсімдердің жоспар мемлекеттік пакеттеріне дивидендтер жоспар асыра орындалу немесе орындалмау себептерін талдау көрсетіле отырып, тоқсан сайын осы Нұсқаулықтың 2-қосымшасына сәйкес нысан бойынша жасалады.
      11. Қарыздар түсімі атқарылуын талдау объектілері қарыздар мемлекеттік эмиссиялық бағалы қағаздардың шығаруымен және (немесе) қарыздар шарт жасасулармен байланысты бюджетке түсетін қаражат.
      Республикалық бюджетіне қарыздар түсімі бойынша жыл басынан бастап жоспарын асыра орындалу немесе орындалмау себептерін талдау тоқсан сайын осы Нұсқаулықтың 2-қосымшасына сәйкес нысан бойынша жасалады.
      Қарыздар түсімдерінің жоспарын орындау талдауында жылдың басынан бастап ерекшеліктер бөлігінде қарыздар түсімдерінің жоспарын артығымен орындау немесе орындамау себептерін көрсете отырып жоспарланған және іс жүзіндегі түсімдердің сомасының салыстырмалы талдауы жүргізіледі.
      12. Республика бойынша және аумақтар шеңберінде есептік мерзімде мемлекеттік, республикалық және жергілікті бюджеттерге (облыс бюджеті (республикалық маңызы бар қала, астана), аудан бюджеті (облыстық маңызы бар қала)) салықтардың және төлемдердің түсімі жоспарларының асыра орындалуы немесе орындалмауы салдарына талдау жүргізу барысында төлемдермен салықтардың түсуіне ықпал еткен факторлар (сыртқы сауда айналымының мөлшерінің өзгеруі, минералдық шикізатқа әлемдік баға, салық салу базасының өзгеруі, салықтық және кедендік заңнамадағы өзгерістер, жүйелік сипаттағы бер реттік төлемдер және басқа да факторлар) айқындалады.
      13. Республика бойынша және аумақтар шеңберінде ағымдағы жылдың есептік мерзімінде былтырғы жылдың осындай мерзімін салыстырмасы мемлекеттік, республикалық және жергілікті бюджеттерге (облыстық бюджет, (республикалық маңызы бар қала, астана)) түсімдерді талдау Нұсқаулықтың 3-қосымшасына сәйкес нысанда құрастырылады, және бюджеттің атқарылуы бойынша орталық уәкілетті органмен (жергілікті атқару органдарымен) тоқсан сайын 25-інші күнге дейін Қазақстан Республикасының Үкіметіне табыс етеді.
      14. Өткен жылдың ұқсас кезеңімен салыстырғанда ағымдағы жылдың есепті кезеңінде республикалық және жергілікті (облыстық бюджет (республикалық маңызы бар қала, астана), аудан бюджеті (облыстық маңызы бар қала)) бюджеттерге мемлекеттің қаржы активтерін сатудан түскен түсімдердің талдау бойынша кірістер түсімдерін талдау осы Нұсқаулықтың 3-қосымшасына сәйкес нысан бойынша жасалады.
      Өткен жылдың ұқсас кезеңімен салыстырғанда ағымдағы жылдың қаржы активтерін сатудан түскен түсімдерді талдауда өткен жылдың ұқсас кезеңімен салыстырғанда есепті жылдың басынан бастап түсімдердің өсу немесе төмендеу себептері көрсетіледі.
      15. Өткен жылдың ұқсас кезеңімен салыстырғанда ағымдағы жылдың есепті кезеңінде республикалық бюджетке түскен қарыздар түсімдерін талдау осы Нұсқаулыққа 3-қосымшаға сәйкес нысан бойынша тоқсан сайын жүзеге асырылады. Ерекшеліктер бөлінісінде өткен жылдың ұқсас кезеңімен салыстырғанда ағымдағы жылдың есепті кезеңінде түскен қарыздар түсімдерін талдауда өткен жылдың ұқсас кезеңімен салыстырғанда есепті жылдың басынан бастап түскен түсімдердің төмендеу немесе өсу себептері көрсетіледі.
      16. Өңірлер бөлінісінде жыл басынан бастап республикалық және жергілікті (облыс (республикалық маңызы бар қала, астана) бюджеті, аудан (облыстық маңызы бар қала) бюджеті) бюджеттер кірістерінің жоспарлы көрсеткіштерінің орындалмау себептерін талдау осы Нұсқаулыққа 4-қосымшаға сәйкес нысан бойынша жасалады.
      17. Салықтар мен төлемдер бөлінісінде мемлекеттік бюджетке түсетін түсімдер бойынша бересі сомасын талдау осы Нұсқаулыққа 5-қосымшаға сәйкес нысан бойынша жасалады.
      18. Салықтар мен төлемдер бөлінісінде мемлекеттік бюджетке түсетін түсімдер бойынша бересі сомасын талдауда есепті кезеңдерге арналған салық түрлері бойынша бересінің ахуалына талдау, сондай-ақ борышкерлер бөлінісінде бересінің кемуіне немесе артуына ықпал еткен факторларды көрсете отырып, алдыңғы кезеңмен салыстырғанда есепті айдағы бересіні салыстырмалы талдау көрсетіледі.
      19. Өңірлер бөлінісінде жыл басынан бастап республикалық және жергілікті (облыс (республикалық маңызы бар қала, астана) бюджеті, аудан (облыстық маңызы бар қала) бюджеті) бюджеттер кірістерінің жоспарлы көрсеткіштерінің орындалмау себептерін талдауда бюджеттер деңгейлері бойынша кірістердің жалпы орындалуы көрсетіледі. Кірістер жоспары орындалмаған өңірлер бойынша салықтардың негізігі түрлері бойынша орындалмау себептері көрсетіледі.
      20. Талдау нәтижелері есепті айдан кейінгі 25-інші күнге дейін ай сайын бюджетті атқару жөніндегі тиісті уәкілетті орган басшылығының назарына жеткізіледі.
      21. Бюджетті атқару жөніндегі орталық уәкілетті органның кірістерді талдау және салық және кеден заңнамасы мәселелерін үйлестіру функцияларын жүзеге асыратын құрылымдық бөлімшесі осы Нұсқаулыққа 6-қосымшаға сәйкес нысан бойынша ай сайынғы талдамалы ақпаратты дайындау және бюджетті атқару жөніндегі орталық уәкілетті органның сайтында орналастыру мақсатында мемлекеттік бюджет кірістерінің атқарылу деректерін қалыптастырады.
      22. Жоспарды асыра орындау немесе орындамау себептерін көрсете отырып, мұнай секторы ұйымдарынан Қазақстан Республикасының Ұлттық қорына түсетін тікелей салықтардың түсімдерін талдауды бюджетті атқару жөніндегі орталық уәкілетті органның салық және бюджетке төленетін басқа да міндетті төлемдердің түсуін қамтамасыз ету саласындағы басшылықты жүзеге асыратын құрылымдық бөлімшесі жүргізеді және ай сайын есепті айдан кейінгі айдың 20-сы күніне дейін бюджетті атқару жөніндегі орталық уәкілетті органның Қазақстан Республикасының Ұлттық қоры бойынша есепке алу мен есептілік саласындағы салааралық үйлестіру мен әдіснамалық жетекшілік ету функцияларын жүзеге асыратын құрылымдық бөлімшесіне ұсынады.
      23. Бюджетті атқару жөніндегі орталық және жергілікті уәкілетті органдар тиісті қаржы жылындағы республикалық және жергілікті бюджеттердің атқарылуы туралы талдамалық есепті дайындау кезінде мынадай құрылымдық бөлімшелер ұсынған деректерді пайдаланады:
      1) есепті жылдан кейінгі жылдың 20 қаңтарына дейін:
      мемлекеттік мүлікті басқару жөніндегі функцияларды жүзеге асыратын бөлімше – жоспарларды асыра орындау немесе орындамау себептерін талдаумен төлеушілер бөлінісінде дивидендтер төлеу жоспарын орындау бойынша талдамалық ақпаратты;
      бюджетті атқару жөніндегі орталық уәкілетті органның кірістерді талдау функцияларын жүзеге асыратын бөлімшесі - есепті жылда республикалық бюджетке түсетін салықтар мен төлемдердің түсім жоспарларының асыра орындалуы немесе орындалмауы себептеріне факторлық талдауды (сыртқы сауда айналымы көлемінің өзгеруі, минералдық шикізатқа әлемдік бағаның өзгеруі, салық салу базасының өзгеруі, салықтық және кедендік заңнамадағы өзгерістер, жүйелік сипаттағы емес біржолғы төлемдер және басқа да факторлар).
      бюджетті атқару жөніндегі жергілікті уәкілетті органның бөлімшесі – есепті жылда жергілікті бюджетке түсетін салықтар мен төлемдердің түсім жоспарларының асыра орындалуы немесе орындалмауы себептеріне факторлық талдауды;
      2) есепті жылдан кейінгі жылдың 1 ақпанына дейін:
      салықтың, кедендік және бюджетке төленетін басқа да төлемдердің толық және уақтылы түсуін қамтамасыз ету жөніндегі функцияларды жүзеге асыратын бөлімше:
      ең үлкен бересі сомасы бар борышкерлер бөлінісінде бересінің жалпы азаюына немесе ұлғаюына әсер еткен факторларды көрсете отырып, салықтар мен төлемдер бөлінісінде республикалық және жергілікті бюджеттерге түскен түсімдер бойынша бересі сомасының өзгерістерін алдыңғы жылмен салыстырма талдауды және бересіні азайту бойынша қолданылып отырған шаралар туралы ақпаратты;
      кірістерді әкімшілендіруді жақсарту бойынша қолданылған шаралар тұралы ақпаратты пайдаланады.
      Республикалық бюджеттік бағдарламалар әкімшілері бюджетті атқару жөніндегі орталық уәкілетті органның салықтық, салықтық емес түсімдерді өндіріп алуға жауапты ведомствосына есепті жылдан кейінгі жылдың 1 ақпанынан кешіктірмейтін мерзімде жеке сәйкестендiру нөмiрін (бизнес-сәйкестендiру нөмiрін) көрсете отырып, мемлекеттік қолдау алған кәсіпкерлік субъектілерінің тізбесін жібереді.
      Бюджетті атқару жөніндегі орталық уәкілетті органның салықтық, салықтық емес түсімдерді өндiрiп алуға жауапты ведомствосы республикалық бюджеттік бағдарламалар әкімшілерінен алынған тізімдердің негізінде оларға 5 ақпаннан кешіктірмей көрсетілген кәсіпкерлік субъектілерінен бюджетке түскен түсімдер туралы ақпаратты ұсынады.".

2-параграф. Бюджеттің шығыс бөлігінің атқарылуын талдау

      24. Бюджет шығыстары атқарылуының бюджеттік мониторингін республикалық және тиісті жергілікті бюджеттердің атқарылуы жөніндегі бюджеттік есептілік және бюджеттік бағдарламалар әкімшілері беретін ақпарат негізінде бюджетті атқару жөніндегі орталық және жергілікті уәкілетті органдар жүзеге асырады.
      Есептi кезеңнің соңындағы бюджет қаражатын игермеу төлемдер бойынша қаржыландыру жоспарының және төленген міндеттемелердің, бюджет қаражатын үнемдеудің, Қазақстан Республикасының Үкіметі немесе жергілікті атқарушы орган резервінің және шартты түрде қаржыландырылатын шығыстардың бөлінбеген қалдықтары арасындағы айырма ретінде айқындалады.
      Бюджет қаражатын үнемдеуге:
      мемлекеттік сатып алу нәтижелері бойынша қаражатты үнемдеу;
      еңбекақы төлеу қоры (бұдан әрі – ЕТҚ) бойынша үнемдеу: бос лауазымдардың болуы, ақысыз демалыстар беру және еңбекке уақытша жарамсыздық парақтары бойынша, әлеуметтік салық, әлеуметтік аударымдар бойынша төлемдер, банк қызметтеріне ақы төлеу, демалысқа шығу кестесінің өзгеруі есебінен ағымдағы шығындар бойынша үнемдеу;
      бюджет қаражатын өзге де үнемдеу: бағамдық айырма, бағаның және заттай тұтыну көлемінің өзгеруі есебінен қалыптасқан түгел пайдаланылмаған қаражат қалдығы, іссапар шығыстары бойынша үнемдеу, жоспарланғанға қарағанда бюджет қаражатын алушылардың іс жүзіндегі көлемінің азаюы, кредиттер, қарыздар бойынша сыйақы (мүдде) мөлшерлемесінің өзгеруі, іс-сапарға шығу және іс-шараларды өткізу мерзімін ауыстыруға байланысты ағымдағы шығындар бойынша іс-шаралар жоспарының өзгеруі, өкілдік шығындар мен шетелдік іссапарларды қоса алғанда, бөлінетін бюджеттік бағдарламалар бойынша бөлінбеген қалдық.
      Есепті жылдың қорытындылары бойынша бюджет қаражатын игермеуге өткен қаржы жылында бөлінген, Бюджет кодексінің 44-бабына сәйкес Қазақстан Республикасы Үкіметінің немесе жергілікті атқарушы органдардың шешімі бойынша ағымдағы қаржы жылы толық пайдалануға рұқсат етілген нысаналы даму трансферттерін игермеу сомасы қосылады.
      Төмен тұрған бюджеттер жергілікті атқарушы органдарының жоғары тұрған бюджеттен бөлінген нысаналы трансферттерді және бюджеттік кредиттерді игермеу сомасы жоғары тұрған бюджет үшін бюджет қаражатын игермеуге жатпайды.
      Жүргізілген бюджеттік мониторинг негізінде бюджетті атқару жөніндегі орталық және жергілікті уәкілетті органдар ай сайын есепті айдан кейінгі айдың алғашқы бес жұмыс күні ішінде осы Нұсқаулыққа 7-қосымшаға сәйкес бюджеттік бағдарламалар әкімшілеріне бюджеттік бағдарламалар (кіші бағдарламалар) бөлінісінде қабылданбаған міндеттемелер мен төлемдер бойынша қаржыландыру жоспарының уақтылы орындалмағаны туралы еске салатын ақпаратты жібереді.
      25. Талдамалы есепті жасау үшін бюджетті атқару жөніндегі уәкілетті органдар есептіден кейінгі айдың алғашқы бес жұмыс күні ішінде, сыртқы қарыздарды есептемегенде бюджеттік бағдарламалар (кіші бағдарламалар) бөлінісінде қаржыландыру жоспарлары мен төленген міндеттемелер бойынша деректерді ақпараттық жүйеде (бұдан әрі – АЖ) жүктейдi. Сыртқы қарыздарды ескере отырып, есепті деректердің қалыптастырылуына қарай бюджетті атқару жөніндегі уәкілетті органдар көрсетілген ақпаратты АЖ-ға қайталап жүктейдi.
      26. Бюджеттік бағдарламалардың әкімшілері есепті айдан кейінгі айдың алғашқы жеті күнінен кешіктірмей бюджетті атқару жөніндегі уәкілетті органдарға АЖ-да қалыптастырылған осы Нұсқаулыққа 8-қосымшаға сәйкес 1- МББӘ нысаны бойынша бюджеттік бағдарламаларды іске асыру мониторингінің нәтижелері туралы есепті ұсынады. Аталған есепте әрбір бюджеттік бағдарлама (кіші бағдарлама) бойынша төлемдер бойынша жоспарлардың орындалмау себептері және қаржыландыру жоспарларының орындалмауына әкеп соқтырған факторларды көрсете отырып, міндеттемелер бойынша жоспарға сәйкес міндеттемелерді уақтылы қабылдамау себептері егжей-тегжей толтырылады.
      Ауданның (облыстық маңызы бар қаланың) бюджетті атқару жөніндегі жергілікті уәкілетті органдары ай сайын есептіден кейінгі 10-ы күнінен кешіктірмей облыстың бюджетті атқару жөніндегі жергілікті уәкілетті органына осы Нұсқауға 9-қосымшаға сәйкес 1- МУО нысаны бойынша ауданның (облыстық маңызы бар қаланың) бюджетінің атқарылуы туралы талдамалы есепті ұсынады.
      Облыстың, республикалық маңызы бар қаланың және астананың бюджетті атқару жөніндегі жергілікті уәкілетті органдары тоқсан сайын есепті тоқсаннан кейінгі 15-і күнінен кешіктірмей бюджетті атқару жөніндегі орталық уәкілетті органға осы Нұсқаулыққа 9-қосымшаға сәйкес 1- МУО нысаны бойынша жергілікті бюджеттің атқарылуы туралы талдамалы есепті ұсынады.
      27. Бюджетті атқару жөніндегі орталық уәкілетті органның республикалық бюджеттің атқарылуы және жергілікті бюджеттердің атқарылуына, Қазақстан Республикасының Ұлттық қорына қызмет көрсету саласында іске асыру және бақылау функцияларын жүзеге асыратын құрылымдық бөлімшесі есепті айдан кейінгі айдың 12-сі күніне кешіктірмей, бюджеттік бағдарламаларды іске асыруға талдау жүргізу үшін бюджетті атқару жөніндегі орталық уәкілетті органның бюджеттің атқарылуы талдау функцияларын жүзеге асыратын құрылымдық бөлімшесіне бюджеттің шығыс бөлігінің атқарылуы жөніндегі ақпаратты ұсынады.
      28. Бюджетті атқару жөніндегі орталық уәкілетті органның бюджеттің атқарылуына талдау жүргізу жөніндегі функцияларды жүзеге асыратын құрылымдық бөлімшесі АЖ төлемдер мен міндеттемелер бойынша қаржыландыру жоспарларының орындалмау себептері жөнінде түзетулерді жүзеге асырады және есепті айдан кейінгі айдың 20-сы күнінен кешіктірмей осы Нұсқаулыққа 9-қосымшаға сәйкес республикалық бюджеттің атқарылуы туралы талдамалы есепті жасайды.
      Бюджетті атқару жөніндегі орталық және жергілікті уәкілетті органдар тоқсан сайын (І тоқсанның қорытындыларынан бастап) есепті тоқсаннан кейінгі 25-і күніне дейін және қаржы жылының қорытындылары бойынша Қазақстан Республикасының Үкіметіне немесе тиісті жергілікті атқарушы органдарға осы Нұсқаулыққа 9-қосымшаға сәйкес республикалық және жергілікті бюджеттердің шығыс бөлігінің атқарылуы туралы талдамалы есепті ұсынады.
      Қазақстан Республикасының Үкіметіне немесе тиісті жергілікті атқарушы органдарға ұсынуға арналған республикалық және жергілікті бюджеттердің атқарылуы туралы есепті тоқсандағы талдамалы есеп төлемдер бойынша жоспарлардың орындалмау себептері және міндеттемелер бойынша жоспарға сәйкес міндеттемелерді уақтылы қабылдамау себептері көрсетіле отырып, жүргізілген бюджеттік мониторинг нәтижелеріне негізделеді.
      29. Игерілмеу себептеріне мыналар:
      өнім берушілердің орындалмаған шарттық міндеттемелері: өнім берушілердің шарт талаптарын бұзуы, өнім берушілердің тауарларды жеткізбеуі (уақтылы, жиынтықтап жеткiзбеуі), жұмыстарды жүргізу (қызметтерді көрсету) кестесінен артта қалу, орындалған жұмыстар актілерін, шот-фактураларды уақтылы ұсынбау, төлемнің негізділігін растайтын құжаттардың болмауы немесе ұсынылмауы;
      мемлекеттік сатып алу бойынша өтпеген конкурстар;
      бюджеттік бағдарламалар әкімшілерінің бюджеттік бағдарламаны (кіші бағдарламаны) басқаруы: конкурстық рәсімдерді уақтылы өткізбеу (өткізбеу), конкурстық рәсімдерді өткізу мерзімдерін ауыстыру, шарттар жасаспау, шарттарды, қосымша келісімдерді жасасу рәсімдерін ұзақ жүргізу, қаржыландыру жоспарына өзгерістер енгізу қажеттілігі, төлем құжаттарын ұзақ келісу, жоспарланған іс-шараларды уақтылы өткізбеу, тауарлардың (жұмыстардың, көрсетілетін қызметтердің) өнім берушілер нарығын сапасыз талдау, казынашылық органында тіркеуге арналған шарттардың кеш ұсынылуы, қазынашылық органына төлемге шоттың кеш ұсынылуы, құжатты орындамай қайтару (дұрыс ресімдемеу, ерекшелікті дұрыс қолданбау, ақша алушылардың деректемелерінің сәйкес келмеу себебі бойынша және басқалар), аванстық төлем мөлшерінің азаюы, шарттың келісу сатысында болуы, конкурстық рәсімдердің ұзақ өткізілуі, техникалық-экономикалық негіздемелерді, қаржы-экономикалық негіздемелерді, жобалау-сметалық құжаттамаларды түзету жатады;
      өзге де себептер: еңсерілмейтін күш жағдаяттары (осы жағдайлар кезiндегi төтенше және тойтаруға болмайтын мән-жайлар (мысалы, дүлей құбылыстар, соғыс қимылдары), сот талқылаулары, сот шешімдері бойынша төлемдерді жүргізу, сотта мемлекеттің мүддесін қорғау жөніндегі талап-арыз жұмыстарын жүргізу, бюджеттік бағдарламаларды (кіші бағдарламаларды) іске асыру бойынша нормативтік құқықтық актілерді уақтылы қабылдамау, баптар бойынша ерекше шығындар, көрсетілген қызметердің іс жүзіндегі көлеміне төлем, сот шешімдерінің болмауы, сот қаулыларына ұзақ қол қою, есепті айда қаражатты жұмсауға қажеттіліктің болмауы, бақылау органдарының тексеру актілері бойынша бюджет қаражатын қайтару, мемлекеттік қабылдау комиссияларының объектілерді қабылдауы туралы актіге қол қоймауы, шарт талаптары бойынша 5% ұстап қалу, қадағалаушы органдардың нұсқамаларына сәйкес шығыстарды тоқтата тұру, бюджетті нақтылау кезінде шығыстарды оңтайландыру, мердігердің көрсетілген қызметтерді түпкілікті төлеуге берген хабарламасына қол қоймау, тиісті бюджеттің қолма-қол ақшаны бақылау шотында қаражаттың жеткiлiксiздiгiне байланысты бюджеттен қаражатты толық қаржыландырмау жатады.
      30. 1-МББӘ нысаны бойынша бюджеттік бағдарламаларды (кіші бағдарламаларды) іске асыру мониторингінің нәтижелері туралы есеп АЖ-ды қолдана отырып жасалады.
       1-МББӘ нысаны мынадай түрде толтырылады:
      1) 1-11, 13, 14-бағандарды бюджеттік бағдарламалардың әкімшілері толтырмайды (осы бағандардың мазмұны АЖ-дан автоматты түрде алынатын болады) және түзету құқығынсыз оқу режимінде пайдаланылатын болады;
      2) 12-бағанда бюджеттік бағдарламалардың әкімшілері бюджет шығыстары жөніндегі бір жылдағы күтілетін атқарылуды әрбір бюджеттік бағдарлама (кіші бағдарлама) бойынша 1 қазандағы жағдай бойынша және ағымдағы жылдың соңына дейін бюджеттік бағдарламаларды іске асыру туралы есептен бастап көрсетеді;
      3) 15-бағанда төлемдер бойынша жоспардың орындалмауы көрсетіледі;
      4) 17-19-бағандарда қалыптасқан бюджет қаражатын жалпы үнемдеу сомасы 16-бағанда көрсетіледі;
      5) 17-бағанда мемлекеттік сатып алу нәтижесі бойынша бюджет қаражатын үнемдеу көрсетіледі;
      6) 18-бағанда ЕТҚ бойынша үнемдеу көрсетіледі;
      7) 19-бағанда өзге де бюджет қаражатын үнемдеу көрсетіледі;
      8) 20-бағанда Қазақстан Республикасының Үкіметі немесе жергілікті атқарушы орган резервінің бөлінбеген қалдығы көрсетіледі;
      9) 21-бағанда есепті кезеңде бюджет қаражатының игерілмеу көлемі көрсетіледі;
      10) 22-25-бағандарда бюджеттік бағдарламалардың әкімшілері Нұсқаулықтың 26-тармағында жазылған жеке, себептер бойынша қалыптасқан сомалар көрсетіледі;
      11) 26-27-бағандарда бюджеттік бағдарламалардың әкімшілері ай сайын есепті кезеңде игерілмеу және есепті кезеңде міндеттемелердің уақтылы қабылданбау не қабылданбау себептерінің негіздемелерін көрсетеді.
      31. 1-МББӘ нысанды бюджеттік бағдарламалардың әкімшілері осы бағдарламалық қамтыммен қалыптастырылатын форматта АЖ-да толтыруға тиіс.
      32. Бюджеттік бағдарламаларды (кіші бағдарламаларды) іске асыру туралы есепке орталық атқарушы органның жауапты хатшысы (белгіленген тәртіппен орталық атқарушы органның жауапты хатшысының өкілеттіктері жүктелген лауазымды тұлға) немесе мемлекеттік мекеменің басшысы қол қояды, қойылған қолдар таратылып (тегі және аты-жөні) жазылған болуы тиіс.
      Бюджеттік бағдарламаларды (кіші бағдарламаларды) іске асыру мониторингінің нәтижелері туралы есепті бюджеттік бағдарламалардың әкімшілері электрондық түрде береді.
      33. Бюджеттік бағдарламаларды (кіші бағдарламаларды) іске асыру мониторингінің нәтижелері туралы есептегі барлық құн көрсеткіштері бір ондық мәнімен мың теңгеде ұсынылады.
      34. Талдау нәтижелері бюджеттерді атқару жөніндегі тиісті уәкілетті органның басшылығының қаперіне ай сайын есепті айдан кейінгі айдың 25-күніне жеткізіледі.
      Бюджетті атқару жөніндегі орталық және жергілікті уәкілетті органдар тиісті жылға республикалық және жергілікті бюджеттердің атқарылуы туралы талдамалық есепті дайындау кезінде мынадай деректерді пайдаланады:
      Облыстардың, Астана және Алматы қалаларының бюджеттеріне өткен қаржы жылында республикалық бюджеттен бөлінген және Қазақстан Республикасы Үкіметінің немесе жергілікті атқарушы органдардың шешімі бойынша түгел пайдалануға рұқсат етілген нысаналы даму трансферттерін түгел пайдалану туралы талдамалық есеп осы Нұсқаулыққа 10-қосымшаға сәйкес;
      республикалық бюджеттен бөлінген бюджет қаражатының игерілмеуі жөнінде осы Нұсқаулыққа 11-қосымшаға сәйкес;
      республикалық бюджет қаражатының тиімсіз жұмсалуы туралы осы Нұсқаулыққа 12-қосымшаға сәйкес.
      35. Республикалық бюджеттік бағдарламалардың әкімшілері ағымдағы айдың жиырмасы күнінен кешіктірмей бюджетті атқару жөніндегі орталық уәкілетті органға осы Нұсқаулықтың 13-қосымшасына сәйкес төлемдер бойынша қаржыландыру жоспарының күтілетін орындалуы туралы ақпаратты ұсынады;
      36. Осы Нұсқаулықтың 13-қосымшасында көрсетілген төлемдер бойынша қаржыландыру жоспарының күтілетін орындалуы туралы ақпарат былайша толтырылады:
      1) 1–4-бағандарда бірыңғай бюджеттік сыныптаманың функционалдық сыныптамасына сәйкес бюджеттік бағдарламалар әкімшісінің кодтары мен атаулары, бағдарлама мен кіші бағдарлама көрсетіледі;
      2) 5–6-бағандарда әрбір бюджеттік бағдарлама (кіші бағдарлама) бойынша қаржы жылының басынан өсу қорытындысымен, сондай-ақ алдағы айға арналған төлемдер бойынша қаржыландыру жоспарының сомасы көрсетіледі;
      3) 7–8-бағандарда әрбір бюджеттік бағдарлама (кіші бағдарлама) бойынша қаржы жылының басынан өсу қорытындысымен, сондай-ақ алдағы айға арналған бюджет шығыстары бойынша күтілетін атқарылу сомасы көрсетіледі;
      4) 9-10-бағандарда әрбір бюджеттік бағдарлама (кіші бағдарлама) бойынша шығыстар жөнінде күтілетін атқарылудың пайызы көрсетіледі;
      5) 11-12-бағандарда әрбір бюджеттік бағдарлама (кіші бағдарлама) бойынша қаржы жылының басынан өсу қорытындысымен, сондай-ақ алдағы айға арналған жоспардың болжамдалатын атқарылу сомасы көрсетіледі.

3-параграф. Облыстық бюджеттерге, Алматы және Астананың қалаларының бюджеттеріне республикалық бюджеттен бөлінген нысаналы трансферттер мен кредиттердің атқарылуын талдау

      37. Облыстық бюджеттерге, Алматы және Астананың қалаларының бюджеттеріне республикалық бюджеттен бөлінген нысаналы трансферттер мен кредиттердің атқарылуын талдауды республикалық және жергілікті бюджеттердің атқарылуы жөніндегі есептілік және бюджеттік бағдарламалардың әкімшілері берген ақпараттар негізінде бюджетті атқару жөніндегі уәкілетті органдар жүзеге асырады.
      38. Жергілікті бюджеттік бағдарламалардың әкімшілері бюджетті атқару жөніндегі жергілікті уәкілетті органға:
      1) нысаналы ағымдағы трансферттердің, нысаналы даму трансферттері мен кредиттердің іске асырылу мониторингінің нәтижелері туралы есептерді:
      есепті айға - ай сайын есептіден кейінгі айдың 4-і күнінен кешіктірмей;
      есепті жылға – есепті қаржы жылынан кейінгі жылдың 25 қаңтарынан кешіктірмей 2-НТББӘ нысаны бойынша осы Нұсқаулықтың 14-қосымшасына сәйкес;
      2) бюджеттік бағдарламалардың әкімшілерінің өткен қаржы жылында бөлінген және жергілікті атқарушы органдардың шешімі бойынша түгел пайдалануға рұқсат етілген республикалық бюджеттен берілген нысаналы даму трансферттерін ағымдағы жылы түгел пайдалану туралы ақпаратты:
      есепті жылға – есепті қаржы жылынан кейінгі жылдың 15 қаңтарынан кешіктірмей 3-ТПББӘ нысаны бойынша осы Нұсқаулықтың 15-қосымшасына сәйкес ұсынады.
      39. Ауданның, облыстық маңызы бар қаланың бюджетті атқару жөніндегі уәкілетті органдары облыстың бюджетті атқару жөніндегі уәкілетті органына:
      1) облыстық бюджеттен бөлінген және республикалық бюджеттің трансферттері есебінен іске асырылып жатқан нысаналы ағымдағы трансферттердің, дамуға арналған нысаналы трансферттер мен кредиттердің іске асырылу мониторингінің нәтижелері туралы есепті:
      есепті айға - есептіден кейінгі айдың 7-і күнінен кешіктірмей;
      есепті жылға – есепті қаржы жылынан кейінгі жылдың 28 қаңтарынан кешіктірмей 2-НТА нысаны бойынша осы Нұсқаулықтың 16-қосымшасына сәйкес ұсынады.
      2) өткен қаржы жылында бөлінген және жергілікті атқарушы органдардың шешімі бойынша түгел пайдалануға рұқсат етілген республикалық бюджеттен берілген нысаналы даму трансферттерін ағымдағы жылы түгел пайдалану туралы аудандардың, облыстық маңызы бар қалалардың бюджетті атқару жөніндегі уәкілетті органының ақпаратын:
      есепті жылға – есепті қаржы жылынан кейінгі жылдың 20 қаңтарынан кешіктірмей 3-ТПА нысаны бойынша осы Нұсқаулықтың 17-қосымшасына сәйкес ұсынады.
      40. Облыстың, республикалық маңызы бар қала мен астананың бюджетті атқару жөніндегі уәкілетті органдары бюджетті атқару жөніндегі орталық уәкілетті органға:
      1) республикалық бюджеттен бөлінген нысаналы ағымдағы трансферттердің, нысаналы даму трансферттері мен кредиттердің іске асырылу мониторингінің нәтижелері туралы есептерді:
      есепті айға - есептіден кейінгі айдың 10-ы күнінен кешіктірмей;
      есепті жылға – есепті қаржы жылынан кейінгі жылдың 1 ақпанынан кешіктірмей 2-НТО нысаны бойынша осы Нұсқаулықтың 18-қосымшасына сәйкес;
      2) өткен қаржы жылында бөлінген және Қазақстан Республикасы Үкіметінің шешімі бойынша түгел пайдалануға рұқсат етілген республикалық бюджеттен берілген нысаналы даму трансферттерін ағымдағы жылы түгел пайдалану нәтижелері туралы облыстың, республикалық маңызы бар қала мен астананың бюджетті атқару жөніндегі уәкілетті органының есебін:
      есепті жылға – есепті қаржы жылынан кейінгі жылдың 25 қаңтарынан кешіктірмей 3-ТПО нысаны бойынша осы Нұсқаулықтың 19-қосымшасына сәйкес ұсынады.
      Облыстың, республикалық маңызы бар қала мен астананың бюджетті атқару жөніндегі уәкілетті органдары есептерді жасау кезінде республикалық бюджеттен бөлінген бюджеттің бекітілген, нақтыланған және түзетілген сомаларының дұрыс көрсетілуін қамтамасыз етеді және республикалық бюджеттен бөлінген қаражаттардың игерілмеу себептерін талдауды жүзеге асырады.
      41. Бюджетті атқару жөніндегі орталық және жергілікті уәкілетті органдар облыстық бюджеттерге, Алматы және Астананың қалаларының бюджеттеріне республикалық бюджеттен бөлінген нысаналы трансферттердің іске асырылуы туралы талдамалық есепті Қазақстан Республикасының Үкіметіне, тиісті жергілікті атқарушы органдарға тоқсан сайын есепті тоқсаннан кейінгі айдың 25-і күніне және қаржы жылының қорытындылары бойынша есепті қаржы жылынан кейінгі екінші айдың 25-і күніне РМ-жиынты0 нысаны бойынша ұсынады.
      42. 6-МО нысаны бойынша облыстық бюджеттерге, Алматы және Астананың қалаларының бюджеттеріне республикалық бюджеттен бөлінген нысаналы ағымдағы трансферттердің, нысаналы даму трансферттері мен кредиттердің іске асырылу мониторингінің нәтижелері туралы есеп пен осы Нұсқаулықтың 20-қосымшасына сәйкес М-жиынтық нысаны бойынша облыстық бюджеттерге, Алматы және Астананың қалаларының бюджеттеріне республикалық бюджеттен бөлінген нысаналы трансферттер мен кредиттердің іске асырылуы туралы талдамалық есеп АЖ пайдалана отырып жасалады.
      2-НТББӘ, 2-НТА, 2-НТО нысандары былайша толтырылады:
      1) 1-бағанда республикалық бюджеттік бағдарламалар әкімшісінің коды көрсетіледі;
      2) 2-бағанда бюджет бағдарламаның коды көрсетіледі;
      3) 3-бағанда инвестициялық жобалардың атауы көрсетіледі;
      4) 4-бағанда 1-2-бағандардағы кодтарына сәйкес келетін бірыңғай бюджеттік сыныптамасына сәйкес бюджет шығыстары кодтарының атауы көрсетіледі;
      5) 5-7-бағандарда бекітілген, нақтыланған және түзетілген республикалық бюджеттің сомалары көрсетіледі;
      6) 8-бағанда Республикалық бюджеттен есепті кезеңде бөлінген нысаналы трансфертер мен кредиттердің сомасы көрсетіледі;
      7) 9-бағанда жергілікті бюджеттің есепті кезеңдегі төлемдер бойынша қаржыландыру жоспары көрсетіледі;
      8) 10-бағанда қазынашылық органдарында қабылданған міндеттемелер көрсетіледі;
      9) 11-бағанда төленген міндеттемелердің сомасы көрсетіледі;
      10) 12-бағанда республикалық бюджеттен есепті кезеңде бөлінген соманың атқарылу пайызы көрсетіледі;
      11) 13-бағанда 9-айдың қорытындыларынан бастап және қаржы жылының аяғына дейін бір жылдық қаржыландыру жоспарының күтілетін орындалуы көрсетіледі;
      12) 14-бағанда 9-айдың қорытындыларынан бастап және қаржы жылының аяғына дейін бір жылдық қаржыландыру жоспарының күтілетін орындалмауы көрсетіледі;
      13) 15-бағанда төленген міндеттемелер мен республикалық бюджеттен есепті кезеңде бөлінген сомалардың арасындағы айырма ретінде жылдың аяғында республикалық бюджеттен бөлінген қаражаттың қалдығы көрсетіледі;
      14) 16-бағанда есепті кезеңдегі бюджет қаражатын үнемдеудің жалпы сомасы көрсетіледі;
      15) 17-бағанда мемлекеттік сатып алу нәтижелері бойынша қалыптасқан қаражаттың үнемделген сомасы көрсетіледі;
      16) 18-бағанда ЕТҚ бойынша үнемдеу сомасы көрсетіледі;
      17) 19-бағанда бюджет қаражатын басқа да үнемдеу көрсетіледі;
      18) 20-бағанда есепті кезеңдегі бюджет қаражатының игерілмеу көлемі;
      19) 21-24-бағандарда Нұсқаулықтың 26-тармағында жазылған жеке, себептер бойынша қалыптасқан сомалар көрсетіледі;
      20) 25-бағанда есепті кезеңде республикалық бюджеттен бөлінген сомалардың игерілмеу себептері толық сипатталады;
      21) 26-бағанда бір жылға арналған қаржыландыру жоспарының күтілетін орындалмауының себептері сипатталады.
      43. 3-ТПББӘ, 3-ТПА, 3-ТПО нысандары былайша толтырылады:
      1) 1-бағанда республикалық бюджеттік бағдарламалар әкімшісінің коды көрсетіледі;
      2) 2-бағанда бюджет бағдарламаның коды көрсетіледі;
      3) 3-бағанда бюджет кіші бағдарламаның коды көрсетіледі;
      4) инвестициялық жобалардың атауы көрсетіледі;
      5) 5-бағанда 1-2-бағандардағы кодтарына сәйкес келетін бірыңғай бюджеттік сыныптамасына сәйкес бюджет шығыстары кодтарының атауы көрсетіледі;
      6) 6-бағанда ағымдағы жылдың басында дергілікті бюджет қалдықтары есебінен Қазақстан Республикасы Үкіметінің немесе жергілікті атқарушы органдардың шешімі бойынша толық пайдалануға рұқсат етілген сома көрсетіледі.
      7) 7-бағанда қазынашылық органдарында қабылданған міндеттемелер көрсетіледі;
      8) 8-бағанда төленген міндеттемелер сомасы көрсетіледі;
      9) 9-бағанда бюджет қаражатының игерілмеген көлемі көрсетіледі;
      10) 10-бағанда есепті кезеңге бөлінген сомалардың игерілмеу себепьері толық сипатталады;
      44. Облыстық бюджеттерге, Алматы және Астананың қалаларының бюджеттеріне республикалық бюджеттен бөлінген ағымдағы нысаналы трансферттердің, дамуға арналған нысаналы трансферттер мен кредиттердің іске асырылу мониторингінің нәтижелері туралы есептер мен облыстық бюджеттерге, Алматы және Астананың қалаларының бюджеттеріне республикалық бюджеттен бөлінген нысаналы трансферттер мен кредиттердің іске асырылуы туралы талдамалық есептердің шығу нысандары қағаз тасығыштарда ұсынылады және оларға негізінде бюджетті атқару жөніндегі уәкілетті органдардың басшылары қол қояды, қойылған қолдар (тегі және аты-жөні) таратылып жазылады.
      45. Облыстық бюджеттерге, Алматы және Астананың қалаларының бюджеттеріне республикалық бюджеттен бөлінген ағымдағы нысаналы трансферттердің, дамуға арналған нысаналы трансферттер мен кредиттердің іске асырылу мониторингінің нәтижелері туралы есептеріндегі және облыстық бюджеттерге, Алматы және Астананың қалаларының бюджеттеріне республикалық бюджеттен бөлінген нысаналы трансферттер мен кредиттердің іске асырылуы туралы талдамалық есептердегі барлық құн көрсеткіштері теңгеде толтырылып, сонымен қатар шығыс нысандарында бір ондық белгімен мың теңгеде көрсетіледі.
      46. Облыстық бюджеттерге, Алматы және Астананың қалаларының бюджеттеріне республикалық бюджеттен бөлінген нысаналы трансферттер мен кредиттердің атқарылуын талдау нәтижелері бюджетті атқару жөніндегі тиісті уәкілетті орган басшылығының қаперіне жеткізіліп отырады.
      47. Нысаналы трансферттердің атқарылуына талдау жүргізу үшін бюджетті атқару жөніндегі орталық уәкілетті орган бюджетті атқару жөніндегі жергілікті уәкілетті органдардың есепті деректерінің негізінде республикалық бюджеттен бөлінген нысаналы трансферттер бойынша осы РМ-жиынтық нысан бойынша бір жылдық жоспардың күтілетін орындалуына болжамдауды жүзеге асырады.

4-тарау. Бюджеттік бағдарламалардың (кіші бағдарламалардың) іске асырылуын талдау

      48. Бюджеттік бағдарламалардың әкімшілері қаржы жылының қорытындылары бойынша бюджеттік бағдарламалардың (кіші бағдарламалардың) іске асырылуы туралы есепті осы Нұсқаулықтың 21-қосымшасына сәйкес 4-ББІА нысан бойынша жасайды.
      Бюджеттік бағдарламалардың (кіші бағдарламалардың) іске асырылуы туралы есеп есептiден кейiнгi қаржы жылдың 15 ақпанына дейін мерзімде әрбір бюджеттік бағдарламаның (кіші бағдарламаның) бөлінісінде оған түсіндірме жазба мен қағаз және электрондық тасығыштарда бюджетті атқару жөніндегі орталық уәкілетті органға немесе бюджетті атқару жөніндегі тиісті жергілікті уәкілетті органға беріледі.
      49. Осы Нұсқаулыққа 21-қосымшада көрсетілген өткен қаржы жылындағы бюджеттік бағдарламаларды (кіші бағдарламаларды) іске асыру туралы есеп былайша толтырылады:
      "Бюджеттiк бағдарлама әкiмшiсiнiң коды мен атауы" деген жолда бірыңғай бюджетттік сыныптамаға сәйкес бюджеттiк бағдарлама әкiмшiсiнiң толық атауы және оның коды көрсетіледі;
      "Бюджеттiк бағдарламаның коды мен атауы" деген жолда бірыңғай бюджеттік сыныптамаға сәйкес бюджеттік бағдарламаның коды және атауы көрсетіледі;
      "Бюджеттiк бағдарламаның түрi" деген жолда "мемлекеттiк басқару деңгейiне қарай", "мазмұнына қарай", "iске асыру тәсiлiне қарай" "ағымдағы/даму" деген жолдар бойынша Қазақстан Республикасы Ұлттық экономика министрінің 2014 жылғы 30 желтоқсандағы № 195 бұйрығымен (Нормативтік құқықтық актілерді мемлекеттік тіркеу тізілімінде № 10176 болып тіркелген) бекітілген Бюджеттік бағдарламаларды (кіші бағдарламаларды) әзірлеу және бекіту (қайта бекіту) қағидаларына және олардың мазмұнына қойылатын талаптарға сәйкес әзірленген бекітілген (қайта бекітілген) бюджеттік бағдарламадан (бұдан әрі – бекітілген (қайта бекітілген) бюджеттік бағдарлама) деректер көрсетіледі;
      "Бюджеттiк бағдарламаның мақсаты" деген жолда бюджеттiк бағдарламаны орындау кезiнде қол жеткiзу болжанатын мемлекеттік органның стратегиялық жоспарының стратегиялық мақсаттарымен, аумақтарды дамыту бағдарламасының мақсаттарымен, мемлекеттік органдардың ережелерінде және басқа да нормативтік құқықтық актілерде айқындалған өкілеттіктермен байланыстырылған белгiлi бiр нәтиже келтіріледі (бекітілген (қайта бекітілген) бюджеттік бағдарламаға (кіші бағдарламаға) сәйкес);
      "Бюджеттік бағдарламаның сипаттамасы (негіздемесі)" деген жол бекітілген (қайта бекітілген) бюджеттік бағдарламаға (кіші бағдарламаға) сәйкес толтырылады;
      "Бюджеттік бағдарлама бойынша шығыстарының жиыны" деген жолда есепті қаржы жылындағы жоспарлы және нақты бюджеттік бағдарлама бойынша шығыстардың қорытынды сомасы мың теңгеде көрсетіледі;
      "Бюджеттiк бағдарламаның түпкілікті нәтижелері" деген жолда мемлекеттік орган қызметінің тікелей нәтижелеріне қол жеткізумен негізделген стратегиялық жоспардың, аумақтарды дамыту бағдарламасының және (немесе) бюджеттік бағдарламаның мақсаттарына қол жеткізуді сандық өлшейтін бюджеттік бағдарлама көрсеткіштері көрсетіледі. Жоспарлы көрсеткіштер бекітілген (қайта бекітілген) бюджеттік бағдарламаға (кіші бағдарламаға) сәйкес толтырылады.
      "Бюджеттiк кіші бағдарламаның коды мен атауы" деген жолда бірыңғай бюджеттік сыныптамаға сәйкес бюджеттiк кіші бағдарламаның коды және атауы көрсетіледі.
      Бюджеттік бағдарламада кіші бағдарламалар болмаған жағдайда, бюджеттік бағдарламада бұл жол көрсетілмейді;
      "Бюджеттік кіші бағдарламаның түрі" деген жолда мазмұнына байланысты бюджеттік кіші бағдарламаның түрі көрсетіледі, сондай-ақ ағымдағы кіші бюджеттiк бағдарлама не кіші бюджеттiк даму бағдарламасы көрсетіледі;
      "Бюджеттік кіші бағдарламаның сипаттамасы (негіздемесі)" деген жолда кіші бағдарламаның қысқаша сипаттамасы және кіші бағдарламаны іске асырудың бюджеттік бағдарламаның мақсаты мен түпкілікті нәтижелеріне қол жеткізуге ықпалын бағалау келтіріледі.
      Бюджеттiк кіші бағдарламаның сипаттамасы (негiздемесі) бюджеттік бағдарламаның сипаттамасын (негiздемесін) қайталамауы тиіс.
      Бюджеттік бағдарламада кіші бағдарламалар болмаған жағдайда, бюджеттік бағдарламада бұл жол көрсетілмейді;
      "Тiкелей нәтиже көрсеткiштерi" деген кестеде қол жеткізілуі осы функцияларды, өкілеттіктерді жүзеге асыратын немесе қызмет көрсететін мемлекеттік органның қызметіне толық тәуелді болатын, көзделген бюджет қаражаты шегінде атқарылатын мемлекеттік функциялар, өкілеттіктер мен мемлекеттік көрсетілетін қызметтер көлемінің санмен өлшенетін сипаттамасы көрсетіледі. Жоспарлы көрсеткіштер бекітілген (қайта бекітілген) бюджеттік бағдарламаға (кіші бағдарламаға) сәйкес толтырылады.
      Бюджеттік бағдарламада кіші бағдарламалар болған жағдайда, бұл кесте бекітілген (қайта бекітілген) бюджеттік бағдарламаға (кіші бағдарламаға) сәйкес әрбір кіші бағдарлама бойынша толтырылады.
      Жоғары тұрған бюджеттен нысаналы даму трансферттері есебінен іс-шараларды іске асыруға бағытталған жергілікті бюджеттік бағдарламалар бойынша тікелей нәтиже көрсеткіштері жергілікті бюджеттік инвестициялар бөлінісінде көрсетіледі.
      "Бюджеттік кіші бағдарлама бойынша шығыстар жиыны" деген жолда бюджеттік кіші бағдарлама бойынша есепті қаржы жылындағы жоспарлы және нақты шығыстардың қорытынды сомасы мың теңгеде көрсетіледі;
      Қажет болған кезде бюджеттік кіші бағдарлама бойынша шығыстар бекітілген (қайта бекітілген) бюджеттік бағдарламаға (кіші бағдарламаға) сәйкес бағыттар бөлінісінде көрсетілуі мүмкін.
      50. Бюджеттік бағдарламаларды (кіші бағдарламаларды) іске асыру туралы есеппен бір уақытта ұсынылатын түсіндірме жазба мыналарды қамтиды:
      1) бюджеттік бағдарламаның атауы;
      2) бюджеттік бағдарлама бойынша есепті жылдағы төлемдері бойынша қаржыландыру жоспарының атқарылуы, төлемдер бойынша қаржыландыру жоспарынан міндеттемелердің ауытқуы; бюджет қаражатын үнемдеу сомасы, игерілмеу себептері көрсетілген игерілмеу сомасы;
      3) бюджеттік бағдарламаның нәтиже көрсеткіштері:
      бюджеттік даму бағдарламалары бойынша бюджеттік инвестициялық жобалар (бұдан әрі - БИЖ) бөлінісіндегі ағымды бюджеттік бағдарламалар бойынша көздеген қаражаттар пайдаланылған іс шаралар;
      қол жеткізілген тікелей, түпкiлiктi нәтиже көрсеткiштерiн сипаттай отырып, сондай-ақ қол жеткізілмеген немесе асыра орындалған көрсеткiштерi себептерін көрсете отырып,қол жеткізілмеген немесе асыра орындалған көрсеткіштердің бюджеттік бағдарламасының нәтиже көрсеткіштеріне қол жеткізуді талдау;
      бюджеттік бағдарлама бойынша бюджет қаражатының игерілу пайызына қатысты нәтиже көрсеткіштеріне қол жеткізуді талдау, нәтижелер мен бюджет қаражатының игерілу пайызында алшақтық болған жағдайда себептерiне түсініктеме беру және тиісті ұйғарым жасау;
      болған жағдайда бюджеттік бағдарламаны тиімсіз басқару туралы ақпаратты келтіру.
      Республикалық бюджеттiк бағдарлама әкiмшiлері, өткен жылмен салыстырғанда өзгерістер серпінін ескере отырып ел, өңір, сала дамуына, экономикалық-әлеуметтік саласына, халықтың тұрмыс деңгейiне бюджеттік бағдарлама шеңберінде орындалған іс-шаралардың ыкпал етуі туралы ақпарат қосымша ұсынылады, атап айтқанда:
      субсидия беруге бағытталған бюджеттік бағдарламалар бойынша:
      есепті жылы субсидия алған кәсiпорындар бөлінісінде төленген салықтардың жалпы сомасы;
      құрылған жұмыс орнының саны, оның ішінде тұрақты;
      оңалту рәсімінен өткен кәсіпорындар саны;
      өз қаржылық-экономикалық көрсеткіштерін жақсартқан кәсіпорындар саны;
      субсидияланатын қызметтермен қамтылған халықтың саны;
      субсидиялаумен қамтылған өндірілген өнімінің көлемі (алдыңғы жылмен салыстырғанда ұлғаюы немесе азаюы);
      қолданбалы және іргелі ғылымның дамуына бағытталған бюджеттік бағдарламалар бойынша:
      ғылыми әзірлемелерді коммерцияландыру (ғылыми зерттеулер нәтижелерінің практикалық тұрғыдан жүзеге асырылуы, өнеркәсіп арасындағы байланыс);
      басқа дамыған елдерімен салыстырғанда ғылыми нәтижелердің деңгейі (рейтингтік ғылыми журналдардағы жарияланымдар бойынша);
      жоғары оқу орындары мен ғылыми-зерттеу институттарының белсене қатысуы арқылы экономиканы инновациялық дамыта отырып, ғылымды синхрондау;
      зертханаларды жарақтандыру шеңберінде сатып алынған құрал-жабдықтардың тиімділігі;
      БИЖ іске асыруға бағытталған бюджеттік бағдарламалар бойынша:
      іске асырылған БИЖ-дердің, оның ішінде есепті жылда пайдалануға берілген объектілердің саны;
      құрылған жұмыс орнының саны (БИЖ іске асыру кезінде және (немесе) объектіні пайдалануға енгізгеннен кейін);
      БИЖ-ді іске асырудан негізгі пайда алушыларды көрсете отырып, ел, өңір, саланың негізгі әлеуметтік-экономикалық көрсеткіштеріне есепті кезеңде іске асырылатын БИЖ-дің ықпал етуі.
      жарғылық капиталын ұлғайтуға бағытталған бюджеттік бағдарламалар бойынша:
      жұмсаудың басым бағыттары, яғни инвестициялық жобалар (іс-шаралар) бөлінісінде;
      квазимемлекеттік сектор субъектілермен жобаларды (іс-шараларды) іске асырудан әлеуметтік-экономикалық нәтиже, ел, өңір, саланың дамуына ықпал етуі (төленген салықтардың жалпы сомасы, құрылған жұмыс орнының саны, нәтижеде қандай өңірлік (ғаламдық) мәселелер шешілді);
      олардың пайдаланылмау себептерін көрсете отырып, ағымдағы жыл мен өткен жылдардың қалдықтарына бөле отырып квазимемлекеттік сектор субъектілерінің қолма-қол ақшаны бақылау шоттарындағы (бұдан әрі – КМС ҚҚАБШ) қаражат қалдықтары;
      квазимемлекеттік сектор субъектілерінің екiншi деңгейдегі банктердегі депозиттерге орналастырылған республикалық бюджеттен бөлінген қаражаты туралы ақпарат;
      квазимемлекеттік сектор субъектілерінің борышы, оның ішінде сыртқы борышы туралы ақпарат;
      квазимемлекеттік сектор субъектілерінің соңғы үш жылдағы бюджеттен бөлiнген қаражатты пайдалану бойынша серпіні;
      бюджеттік кредиттеуге бағытталған бюджеттік бағдарламалар бойынша:
      квазимемлекеттік сектор субъектілеріне бюджеттік кредит беру арқылы іс-шараларды іске асырудың экономикалық және әлеуметтік тиімділігі;
      бюджеттік кредит есебінен іске асырылатын іс-шаралардың өзін-өзі ақтауы;
      облыстық бюджеттерге, Астана және Алматы қалаларының бюджеттеріне республикалық бюджеттен берілетін ағымдағы нысаналы трансферттер мен нысаналы даму трансферттері есебінен іске асырылатын бюджеттік бағдарламалар бойынша;
      іске асырылған БИЖ-дердің, оның ішінде есепті жылда пайдалануға берілген объектілердің саны;
      құрылған жұмыс орнының саны (БИЖ іске асыру кезінде және (немесе) объектіні пайдалануға енгізгеннен кейін);
      өңірдің негізгі әлеуметтік-экономикалық көрсеткіштеріне әсер;
      4) соңғы үш жылда бюджеттік бағдарламалар бойынша бюджет қаражатын игеру серпіні;
      5) бюджет тәртібінің жағдайы туралы (жылдың басымен салыстырғанда дебиторлық және кредиторлық берешектердің болуы туралы (берешектердің себептерін көрсете отырып, ұлғаюын немесе төмендеуін, оның ішінде өткен жылдар берешегі және дебиторлық және кредиторлық берешектерді өтеу бойынша бюджеттік бағдарламалар әкімшілерінің қабылдайтын шаралары);
      6) бақылау органдары жүргізген (тексерулер бөлінісінде) бюджет қаражатын пайдаланудың атаулылығы мен нысаналы сипаттығы, Қазақстан Республикасы заңнамасының сақталуы, бұзушылықтарды жою жөнінде қабылданған шараларды баяндай отырып, бюджеттік бағдарламаларды іске асыру тиімділігі тұрғысынан) тексерулер бойынша ақпарат.
      51. Бюджетті атқару жөніндегі уәкілетті орган бюджеттік бағдарламалардың әкімшілері ұсынған ақпараттың, ішкі бақылау қызметтерінің материалдары, сондай-ақ ішкі және сыртқы факторлардың әсерін анықтау негізінде бюджеттік бағдарламаның (кіші бағдарламаның) нәтиже көрсеткіштеріне қол жеткізу жөнінде талдау жүргізеді.
      52. Бюджетті атқару жөніндегі уәкілетті орган оның негізінде алынған ақпаратты тиісті бюджеттің атқарылуы туралы Талдамалық есепке енгізу үшін бюджеттік бағдарламалардың (кіші бағдарламалардың) нәтиже көрсеткіштеріне қол жеткізуге талдауды жүзеге асырады.

5-тарау. Ағымдағы нысаналы трансферттерді пайдалану есебінен қол жеткізілген тікелей және түпкілікті нәтижелер туралы есепті жасау және ұсыну тәртібі

      53. Жергілікті бюджеттік бағдарламалар әкімшілері осы Нұсқаулыққа 22-қосымшаға сәйкес 5-АНТ нысаны бойынша бөлінген ағымдағы нысаналы трансферттерді пайдалану есебінен қол жеткізілген тікелей және түпкілікті нәтижелер туралы есеп жасайды.
      Ауданның (облыстық маңызы бар қаланың) бюджеттік бағдарламалар әкімшілері жылдың қорытындылары бойынша бөлінген ағымдағы нысаналы трансферттерді пайдалану есебінен қол жеткізілген тікелей және түпкілікті нәтижелер туралы есепті есептiден кейiнгi жылдың 28 қаңтарына дейін облыстың тиісті бюджеттік бағдарламалар әкімшісіне ұсынады.
      Облыстың, республикалық маңызы бар қаланың, астананың бюджеттік бағдарламалар әкімшілері жылдың қорытындылары бойынша бөлінген ағымдағы нысаналы трансферттерді пайдалану есебінен қол жеткізілген тікелей және түпкілікті нәтижелер туралы есепті есептiден кейiнгi жылдың 1 ақпанына дейін республикалық бюджеттік бағдарламалардың тиісті әкімшісіне ұсынады.
      Республикалық бюджеттік бағдарламалардың әкімшісі есептiден кейiнгi жылдың 10 ақпанына дейін бюджетті атқару жөніндегі орталық уәкілетті органға бөлінген ағымдағы нысаналы трансферттерді пайдалану есебінен қол жеткізілген тікелей және түпкілікті нәтижелер туралы жиынтық есепті ұсынады.
      54. Бөлінген ағымдағы нысаналы трансферттерді пайдалану есебінен қол жеткізілген тікелей және түпкілікті нәтижелер туралы есеп мынадай тәртіппен жасалады:
      "Мемлекеттік органның атауы" деген жолда төмен тұрған бюджеттің жергілікті атқарушы органы көрсетіледі;
      "Ағымдағы нысаналы трансферттің атауы" деген жолда жоғары тұрған бюджеттің бюджеттік бағдарламасының атауы көрсетіледі;
      "Есеп кезеңі" деген жолда есепті қаржы жылы көрсетіледі;
      "Жоғары тұрған бюджеттен алынған қаражат сомасы" деген жолда ағымдағы қаржы жылының 1 қаңтарындағы жағдай бойынша жоғары тұрған бюджеттен алынған ағымдағы нысаналы трансферттердің сомасы көрсетіледі;
      "(бюджеттік бағдарламаның атауы)" және "(бюджеттік бағдарламаның (кіші бағдарламаның) коды)" деген жолдарда жоғары тұрған бюджеттен бөлінген ағымдағы нысаналы трансферттер іске асырылатын төмен тұрған бюджеттің бюджеттік бағдарламасының (кіші бағдарламасының) атаулары мен коды толтырылады;
      "Тікелей нәтиже" деген жол бойынша:
      "Көрсеткіштер атауы (жоспарланатын іс-шаралар)" деген бағанда жоғары тұрған бюджеттен бөлінген ағымдағы нысаналы трансферттерді пайдалану есебінен қол жеткізілуі тиіс бюджеттік бағдарламаларда (кіші бағдарламаларда) көзделген жоспарланатын (орындалатын) іс-шаралар көрсетіледі;
      "Іс-шаралардың нақты орындалуы, нәтижелерге қол жеткізу сатысы" деген бағанда іс-шаралардың нақты орындалуы, яғни жыл қорытындылары бойынша қанша пайызға жұмыстардың орындалғаны және қызметтердің ұсынылғаны көрсетіледі, жұмыстар мен қызметтердің орындалу сатысы көрсетіледі, есепті жылдағы жұмыстар мен қызметтердің орындалу (тауарларды сатып алу) сатысы сипатталады;
      "Нәтижелерге қол жеткізбеу себептері" деген бағанда игерілмеу сомасына байланысты ағымдағы нысаналы трансферттер бойынша тікелей нәтижелердің жоспарланған көрсеткіштеріне қол жеткізбеу себептері толық сипатталады. Жоспарланған іс-шаралар кестеден қалып қойған жағдайда қалып қою себептері көрсетіледі;
      "Жоспар, мың теңгемен" және "Факті, мың теңгемен" деген бағандарда ағымдағы қаржы жылының 1 қаңтарындағы жоғары тұрған бюджеттен бөлінген ағымдағы нысаналы трансферттердің сомасы, және ағымдағы қаржы жылының 1 қаңтарындағы жағдай бойынша олардың нақты атқарылуы көрсетіледі;
      "Атқарылмауы, мың теңгемен" деген бағанда жоғары тұрған бюджеттен бөлінген ағымдағы нысаналы трансферттердің сомалары мен олардың ағымдағы қаржы жылының 1 қаңтарындағы жағдай бойынша нақты атқарылу сомалары арасындағы айырма көрсетіледі;
      "Игерілмеу, мың теңгемен" деген бағанда бюджет қаражатын үнемдеуді қоспағанда, ағымдағы қаржы жылының 1 қаңтарындағы жағдай бойынша атқарылмау сомасы ретінде айқындалатын игерілмеу сомасы көрсетіледі;
      "Түпкілікті нәтиже" деген жол бойынша:
      "Жоспарланған көрсеткіштер (іс-шаралар)" деген бағанда бюджеттік бағдарламада (кіші бағдарламада) көзделген түпкілікті нәтижелер, яғни қол жеткізілген тікелей нәтиженің мақсаттарға қол жеткізуге күтілетін әсері көрсетіледі;
      "Нәтижелерге нақты қол жеткізу" деген бағанда түпкілікті нәтижелердің нақты орындалуы, яғни қол жеткізілген тікелей нәтиженің салаға қандай әсер көрсеткені, ондағы проблеманың қаншалықты шешілгені көрсетіледі;
      "Нәтижелерге қол жеткізбеу себептері" деген бағанда түпкілікті нәтижелердің жоспарланған көрсеткіштеріне қол жеткізбеу себептері толық сипатталады.
      55. Бөлінген ағымдағы нысаналы трансферттерді пайдалану есебінен қол жеткізілген тікелей және түпкілікті нәтижелер туралы есепке еркін нысанда толтырылатын ағымдағы нысаналы трансферттер есебінен саладағы (қызмет аясындағы) проблемалардың шешілуі, қол жеткізілген мақсаттар, нәтижелердің көрсеткіштері туралы түсіндірмелерді қамтитын түсіндірме жазба қоса беріледі.
      Түсіндірме жазба жергiлiктi бюджеттiк бағдарламалар әкімшілерінің жоғары тұрған бюджеттен бөлінген ағымдағы нысаналы трансферттерді пайдалануы туралы ақпаратты қамтиды, олардың есепті кезеңдегі жұмсалуының негізгі бағыттарын, қол жеткізілген мақсаттар мен нәтижелер көрсеткіштерінің талдауын, ағымдағы нысаналы трансферттер бойынша нәтижелердің жоспарланған көрсеткіштеріне қол жеткізбеу негіздемелерімен және себептерімен бірге ағымдағы нысаналы трансферттердің игерілген және игерілмеген сомаларының сипаттамасы қамтиды.

Алдыңғы аймен салыстырғанда ағымдағы айдағы
жергілікті (облыстық бюджеттердің (республикалық маңызы бар
қала, астана) бюджеттер түсімдерінің санаттары бойынша кірістер
түсімдерінің өсу немесе төмендеу себептерін талдау

      I. Алдыңғы аймен салыстырғанда ағымдағы жылдың есепті айында жергілікті (облыстық бюджеттердің (республикалық маңызы бар қала, астана) бюджеттерінің салық және төлемдері түсімдерінің өсуінің/төмендеуінің негізгі себептері

      мың теңге

      II. Жергілікті бюджеттердің (облыстық бюджеттердің (республикалық маңызы бар қала, астана) ағымдағы жылдың есепті айында республикалық бюджеттің салықтары және төлемдері бойынша біржолғы түсімдер мен олардың пайда болу себептері

      мың теңге

      Ескерту: бюджетті атқару жөніндегі тиісті жергілікті уәкілетті органдар осы нысанды облыс бюджеті, облыстық бюджеттің өзі, республикалық маңызы бар қала, астана бюджеті бөлігінде толтырады.

Республикалық және жергілікті (облыс бюджеті (республикалық маңызы бар қала, астана) аудан бюджеті (облыстық маңызы бар қала)) бюджеттерге түсімдердің түрлері бойынша жыл басынан жоспарды асыра орындау немесе орындамау себептерін талдау Ағымдағы жылдың есепті кезеңінде республикалық және жергілікті (облыс бюджеті (республикалық маңызы бар қала, астана) аудан бюджеті (облыстық маңызы бар қала)) бюджеттерге түсімдердің бөлінісінде түсімдер жоспарларының асыра орындалу себептері

      мың теңге

Ағымдағы жылдың есепті кезеңінде республикалық және жергілікті (облыс бюджеті
(республикалық маңызы бар қала, астана) аудан бюджеті (облыстық маңызы бар
қала)) бюджеттерге түсімдердің бөлінісінде түсімдер жоспарларының орындалмау
себептері

      мың теңге

      Ескерту: бюджетті атқару жөніндегі тиісті жергілікті уәкілетті органдар осы нысанды облыс бюджеті, облыстық бюджеттің өзі, облыс, республикалық маңызы бар қала, астана, аудандар (облыстық маңызы бар қала) бюджеті бөлігінде толтырады.

Өткен жылдың ұқсас кезеңімен салыстырғанда ағымдағы жылдың
есепті кезеңіндегі республикалық және жергілікті (облыс бюджеті (республикалық маңызы бар қала, астана) бюджеті түсімдерін талдау

      мың теңге

       Ескерту: бюджетті атқару жөніндегі тиісті жергілікті уәкілетті органдар осы нысанды облыс бюджеті, облыстық бюджеттің өзі, облыс, республикалық маңызы бар қала, астана бюджеті бөлігінде толтырады.

Өңірлер бөлінісінде жыл басынан бастап республикалық, жергілікті (облыс бюджеті
(республикалық маңызы бар қала, астана) бюджеті кірістерінің жоспарлы
көрсеткіштерінің орындалмау себептерін талдау

      мың теңге

      кестенің жалғасы

      Ескерту: бюджетті атқару жөніндегі тиісті жергілікті уәкілетті органдар осы нысанды облыс бюджеті, облыстық бюджеттің өзі, облыс, республикалық маңызы бар қала, астана бюджеті бөлігінде толтырады.

Салықтар мен төлемдер бөлінісінде мемлекеттік бюджетке
түсетін түсімдер бойынша бересі сомасын талдау

Ағымдағы жылдың басынан бастап "__" ________ жағдай бойынша бересіні талдау

      мың теңге

Ағымдағы жылдың есепті айындағы бересіні талдау

      мың теңге

      Ескерту: бюджетті атқару жөніндегі тиісті жергілікті уәкілетті органдар осы нысанды облыс бюджеті, облыстық бюджеттің өзі, облыс, республикалық маңызы бар қала, астана, аудандар (облыстық маңызы бар қала) бюджеті бөлігінде толтырады.

"__" ____________ 200___ ж. мемлекеттік бюджет
кірістерінің орындалуы

      мың теңге

      кестенің жалғасы

_____________ 200___ жылғы бюджеттік бағдарлама (кіші
бағдарлама) бөліндісінде қабылданбаған міндеттемелер мен
төлемдер бойынша қаржыландыру жоспарының уақтылы орындалмауы
туралы ақпарат - ескерту

      мың теңге

      кестенің жалғасы

      Әкімшілік деректер жинауға арналған нысан

200 ___ жылғы ________________ жағдай бойынша
бюджеттік бағдарламаларды (кiшi бағдарламаларды)
іске асыру мониторингiнiң нәтижелерi туралы есеп

      Индекс: 1-МАБП нысаны
      Білдіретін тұлғалар тобы:
      Бюджеттiк бағдарламалар әкiмшiсi
      Қайда ұсынылады: бюджетті атқару жөніндегі уәкілетті органға
      Мерзімділігі: ай сайын
      Ұсынылу мерзімі:
      Есептіден кейінгі бірінші жеті жұмыс күнінен кешіктірмей.
      Бюджеттің түрі_________________

       мың теңге

      кестенің жалғасы

      Әкімшілік деректер жинауға арналған нысан

200 ____ жылғы _________________ жағдай бойынша
_______________ бюджеттің атқарылуы туралы талдамалық есеп

      Индекс: 1-МУО нысаны
      Білдіретін тұлғалар тобы:
      бюджетті атқару жөніндегі уәкілетті органдар
      Қайда ұсынылады: жоғарғы бюджетті атқару жөніндегі уәкілетті органға
      Мерзімділігі: ай сайын, тоқсан сайын*
      Ұсынылу мерзімі:
      -ауданның (облыстық маңызы бар қаланың) бюджетті атқару жөніндегі жергілікті уәкілетті органдары ай сайын есептіден кейінгі 10-ы күнінен кешіктірмей;
      - облыстың, республикалық маңызы бар қаланың және астананың бюджетті атқару жөніндегі жергілікті уәкілетті органдары тоқсан сайын есепті тоқсаннан кейінгі 15-і күнінен кешіктірмей.
      Бюджеттің түрі_________________

       мың. теңге

      кестенің жалғасы

      нысан

___________ жылғы жағдай бойынша өткен қаржы жылында республикалық бюджеттен бөлінген және Қазақстан Республикасы Үкіметінің немесе жергілікті атқарушы органдардың шешімі бойынша түгел пайдалануға рұқсат етілген нысаналы даму трансферттерін түгел пайдалану туралы талдамалық есеп

Атауы: ___________________________
Мерзімділігі: жылдық

       мың теңге

      Бюджеттің атқарылуы бойынша уәкілетті орган басшысы _______________ ______________
      (қолы) ( қолды таратып жазу)

Республикалық бюджеттен бөлінген бюджет қаражатының игерілмеуі
бойынша ақпарат ______________________жыл

      Бюджетті атқару жөнінде орталық уәкілетті
      орган құрылымдық бөлімшесінің
      басшысы _________ _____________________
       (қолы) (қолды таратып жазу

__________ жылы _________________________ бюджет қаражатының тиімсіз жұмсалуы туралы деректер

20 _______ жылғы _______________ жағдай бойынша

төлемдер бойынша қаржыландыру жоспарының күтілетін орындалуы

туралы ақпарат

      Бюджеттік бағдарлама әкімшісі
      Бюджет түрі (республикалық)
      Есептік кезең (ай сайын)
      Өлшем бірлігі (мың теңге)

      Әкімшілік деректер жинауға арналған нысан

Республикалық бюджеттен трансферттер есебінен іске асырылатын және жергілікті бюджеттен бөлінген даму мен кредиттерге арналған нысаналы трансферттерді, нысаналы ағымдағы трансферттерді іске асыру мониторингінің нәтижелері туралы жергілікті бюджеттік бағдарлама әкімшісінің есебі

Есепті кезең

___________________ жылға

      Индекс: нысан: 2-НТББӘ
      Білдіретін тұлғалар тобы:
      Бюджеттік бағдарлама әкімшісі: _______________
      Қайда ұсынылады: бюджетті атқару жөніндегі уәкілетті органға
      Мерзімділігі: ай сайын
      Ұсынылу мерзімі:
      Келесі есепті айдан кейінгі 4 күнінен кешіктірмей және есепті қаржы жылынан кейінгі жылдың 25 қаңтарынан кешіктірмей.
      Бюджеттің түрі_________________

      мың теңге

       кестенің жалғасы

      Әкімшілік деректер жинауға арналған нысан

____________ жылғы жағдай бойынша өткен қаржы жылында бөлінген
және ағымдағы жылы жергілікті атқарушы органдардың шешімі
бойынша түгел пайдалануға рұқсат етілген нысаналы даму
трансферттерін ББӘ-нің түгел пайдалану туралы ақпараты _________ қаржы жылындағы есепті кезең

      Индекс: нысан 2-ТПББӘ
      Білдіретін тұлғалар тобы:
      Бюджеттік бағдарлама әкімшісі
      Қайда ұсынылады: бюджетті атқару жөніндегі орталық уәкілетті органға
      Мерзімділігі: жылдық
      Ұсыну мерзімі: есептiден кейiнгi қаржы жылдың 15 қаңтарына дейін.
      Бюджеттің түрі: _________________________________________________

       мың теңге

      Жергілікті бюджеттік бағдарламасы
әкімшісінің басшысы ________________ ________________________________
      (қолы) (қолды таратып жазу)
      Қаржы қызметінің басшысы ______________ _____________________________
      (қолы) (қолды таратып жазу)
      Ескертпе: Осы Нұсқаулықтың 43-тармағына сәйкес осы нысан бойынша түсіндірме

Әкімшілік деректер жинауға арналған нысан

____________ жылғы жағдай бойынша облыстық бюджеттен бөлінген
және республикалық бюджеттен берілетін трансферттер есебінен
іске асырылатын нысаналы ағымды трансферттерді, нысаналы даму
трансферттерін және кредиттерді іске асыру мониторингінің
нәтижелері туралы аудандардың, облыстық маңызы бар
қалалардың бюджетті атқару жөніндегі уәкілетті органының есебі

Есепті кезең

____________________ жылдар

      Индекс: нысан: 2-НТА
      Аудан (облыстық маңызы бар қала) атауы: ___________________
      Білдіретін тұлғалар тобы:
      Ауданның (облыстық маңызы бар қаланың) бюджетті атқару жөніндегі уәкілетті органдар:
      Қайда ұсынылады жоғарыда тұрған бюджетті атқару жөніндегі уәкілетті органға
Мерзімділігі: ай сайын
      Ұсыну мерзімі:
      есепті айдан кейінгі 7-інші күнінен кешіктірмей және есепті қаржы жылынан кейінгі жылдың 28-інші қаңтарынан кешіктірмей.
      Бюджеттің түрі: _____________________

      мың теңге

      кестенің жалғасы

      Әкімшілік деректер жинауға арналған нысан

____________ жылғы жағдай бойынша өткен қаржы жылына бөлінген
және ағымдағы жылы жергілікті атқарушы органдардың шешімі
бойынша түгел пайдалануға рұқсат етілген нысаналы даму
трансферттерін түгел пайдалану туралы
аудандардың (облыстық маңызы бар қалалардың) бюджетті атқару
жөніндегі уәкілетті органының ақпараты

_________ қаржы жылындағы

      есепті кезең

      Индекс: нысан: 3-ТПА
      Аудан (облыстық маңызы бар қала) атауы: ___________________
      Білдіретін тұлғалар тобы:
      Ауданның (облыстық маңызы бар қаланың) бюджетті атқару жөніндегі уәкілетті органдар
      Қайда ұсынылады: облыстың бюджетті атқару жөніндегі уәкілетті органына
      Мерзімділігі: жылдық
      Ұсыну мерзімі: есептiден кейiнгi жылдың 20 қаңтарына дейін.
      Бюджеттің түрі: _____________________

      мың теңге

      Ауданның, облыстық маңызы бар қаланың
бюджетті атқару жөніндегі уәкілетті органының басшысы
_________ ___________________
      (қолы) (қолды таратып жазу)
      Ескертпе: Осы Нұсқаулықтың 43-тармағына сәйкес осы нысан бойынша түсіндірме

      Әкімшілік деректер жинауға арналған нысан

____________ жылғы жағдай бойынша республикалық бюджеттен
бөлінген нысаналы ағымды трансферттерді, нысаналы даму
трансферттерін және кредиттерді іске асыру мониторингінің
нәтижелері туралы облыстың, республикалық маңызы бар
қаланың және астананың бюджетті
атқару жөніндегі уәкілетті органының есебі _________ қаржы жылындағы

      есепті кезең

      Индекс: нысан:2-НТО
       Облыстың, республикалық маңызы бар қаланың және астананың атауы: ___________________
      Білдіретін тұлғалар тобы:
      Ауданның (облыстық маңызы бар қаланың) бюджетті атқару жөніндегі уәкілетті орган:
      Қайда ұсынылады: бюджетті атқару жөніндегі орталық уәкілетті органға
      Мерзімділігі: ай сайын
      Ұсыну мерзімі:
      есепті айдан кейінгі 10-ыншы күнінен кешіктірмей және есепті қаржы жылынан кейінгі жылдың 1-інші ақпанынан кешіктірмей.
      Бюджеттің түрі_________________

       мың теңге

       кестенің жалғасы

      Әкімшілік деректер жинауға арналған нысан

____________ жылғы жағдай бойынша өткен қаржы жылына бөлінген
және ағымдағы жылы Қазақстан Республикасы Үкіметінің шешімі
бойынша түгел пайдалануға рұқсат етілген нысаналы даму
трансферттерін түгел пайдалану туралы
облыстардың (республикалық маңызы бар қалалардың және
астананың) бюджетті атқару жөніндегі уәкілетті органының ақпараты _________ қаржы жылындағы

      есепті кезең

      Индекс: нысан: 3-ТПО
      Облыстың, республикалық маңызы бар қаланың және астананың атауы: _________________________
      Білдіретін тұлғалар тобы:
      облыстың, республикалық маңызы бар қаланың және астананың бюджетті атқару жөніндегі уәкілетті органы
      Қайда ұсынылады: бюджетті атқару жөніндегі орталық уәкілетті органға
      Мерзімділігі: жылдық
      Ұсыну мерзімі: есептiден кейiнгi жылдың 25 қаңтарына дейін
      Мерзімділігі: жылдық
      Бюджеттің түрі: _____________________

       мың теңге

      Облыстың, республикалық маңызы бар қаланың және астананың
бюджетті атқару жөніндегі уәкілетті органының басшысы
___________ _______________
(қолы) (қолды таратып жазу)
      Ескертпе: Осы Нұсқаулықтың 43-тармағына сәйкес осы нысан бойынша түсіндірме

      Нысан

___________________ жылдағы жағдай бойынша облыстардың, Алматы
және Астана қалаларының бюджеттеріне республикалық бюджеттен
бөлінген нысаналы ағымдағы трансферттердің, нысаналы
даму трансферттерінің іске асырылуы туралы талдамалы есеп _________ қаржы жылындағы

      есепті кезең

      Бюджетті атқару жөніндегі орталық уәкілетті органның атауы: ___________________
      Бюджеттің түрі _____________________________________
      Мерзімділігі: ай сайын

      мың теңге

      кестенің жалғасы

      Әкімшілік деректер жинауға арналған нысан

Бюджеттік бағдарламалардың (кіші бағдарламалардың)
іске асырылуы туралы есеп

_________ қаржы жылындағы

      есепті кезең

      Индекс: нысан:4-ББІА
      Білдіретін тұлғалар тобы:
      Бюджеттік бағдарлама әкімшісі
      Қайда ұсынылады: бюджетті атқару жөніндегі уәкілетті органға
      Мерзімділігі: жылдық
      Ұсыну мерзімі: есептiден кейiнгi қаржы жылдың 15 ақпанына дейін
      Бюджеттiк бағдарлама әкiмшiсiнiң коды мен атауы _____________________
      Бюджеттiк бағдарламаның коды мен атауы ______________________________
      Бюджеттiк бағдарламаның түрi: мемлекеттiк басқару деңгейiне қарай________________________________________________________________
      мазмұнына қарай _____________________________________________________
      iске асыру тәсiлiне қарай ___________________________________________
      ағымдағы/даму _______________________________________________________
      _______________________________________________________________
      Бюджеттік бағдарламалардың мақсаты_________________________________________________________________________
      Бюджеттік бағдарламалардың сипаты ________________________________________________________________________________

      Бюджеттiк кіші бағдарламалардың коды және атауы ________________________________________________________________________________
      Бюджеттiк кіші бағдарламалардың түрі:
      мазмұнына қарай: ________________________________________
      ағымдағы/даму ____________________________________________________

      Бюджеттік бағдарламалар
әкімшісінің басшысы немесе
Мәслихат хатшысы немесе
тексеру комиссиясының төрағасы __________ _____________________
       (қолы) (қолды таратып жазу)
      Бас бухгалтер __________ _____________________
       (қолы) (қолды таратып жазу)
      Ескертпе: Осы Нұсқаулықтың 49-тармағына сәйкес осы нысан бойынша түсіндірме

      Әкімшілік деректер жинауға арналған нысан

Бөлінген ағымдағы нысаналы трансферттерді пайдалану есебінен
қол жеткізілген тікелей және түпкілікті нәтижелер туралы есеп

_________ қаржы жылындағы

      есепті кезең

      Индекс: нысан: 5-АНТ
      Білдіретін тұлғалар тобы:
      Бюджеттік бағдарлама әкімшісі ______________________________________
      Нысаналы ағымдағы трансферттің атауы___________________________
      Қайда ұсынылады: Жоғары тұрған бюджеттің бюджеттік бағдарламалар әкімшілері, бюджетті атқару жөніндегі орталық уәкілетті органға
      Мерзімділігі: жылдық
      Ұсыну мерзімі:
      - ауданның (облыстық маңызы бар қаланың) бюджеттік бағдарламалар әкімшілері үшін - есептiден кейiнгi жылдың 28 қаңтарына дейін
      - облыстың (астананың, облыстық маңызы бар қаланың) бюджеттік бағдарламалар әкімшілері үшін - есептiден кейiнгi жылдың 1 ақпанына дейін
      - республикалық бюджеттік бағдарламалар әкімшілері үшін- есептiден кейiнгi жылдың 10 ақпанына дейін.
      Жоғары тұрған бюджеттен алынған қаражаттар сомасы ________________________________
      ________________________________________________________________________________
      (бюджеттік бағдарламаның атауы)
________________________________________________________________________________
 (бюджеттік бағдарламаның (кіші бағдарламаның) коды)

Қазақстан Республикасы Қаржы министрінің
күші жойылған кейбір бұйрықтарының тізбесі

      1. "Бюджеттік мониторинг жүргізу нұсқауын бекіту туралы" Қазақстан Республикасы Қаржы министрінің 2009 жылғы 16 ақпандағы № 68 бұйрығы (Нормативтік құқықтық актілерді мемлекеттік тіркеу тізілімінде № 5574 болып тіркелген);
      2. "Бюджеттік мониторинг жүргізу ережесін бекіту туралы" Қазақстан Республикасы Қаржы министрінің 2009 жылғы 16 ақпандағы № 68 бұйрығына өзгерістер мен толықтырулар енгізу туралы" Қазақстан Республикасының Қаржы министрінің 2010 жылғы 28 шілдедегі № 376 бұйрығы(Нормативтік құқықтық актілерді мемлекеттік тіркеу тізілімінде № 6419 болып тіркелген);
       3. "Бюджеттiк мониторинг жүргiзу нұсқауын бекiту туралы" Қазақстан Республикасы Қаржы министрiнiң 2009 жылғы 16 ақпандағы № 68 бұйрығына өзгерiстер енгiзу туралы" Қазақстан Республикасы Қаржы министрінің 2012 жылғы 4 қазандағы № 453 бұйрығы (Нормативтік құқықтық актілерді мемлекеттік тіркеу тізілімінде № 8046 болып тіркелген, "Әділет" ақпараттық-құқықтық жүйесінде 2012 жылғы 30 қазанда жарияланған);
      4. "Бюджеттік мониторинг жүргізу нұсқауын бекіту туралы" Қазақстан Республикасы Қаржы министрінің 2009 жылғы 16 ақпандағы № 68 бұйрығына өзгерістер мен толықтырулар енгізу туралы" Қазақстан Республикасы Қаржы министрінің 2013 жылғы 24 маусымдағы № 294 бұйрығы (Нормативтік құқықтық актілерді мемлекеттік тіркеу тізілімінде № 8553 болып тіркелген, "Әділет" ақпараттық-құқықтық жүйесінде 2013 жылғы 4 шілдеде жарияланған);
      5. "Бюджеттік мониторинг жүргізу нұсқауын бекіту туралы" Қазақстан Республикасы Қаржы министрінің 2009 жылғы 16 ақпандағы № 68 бұйрығына өзгерістер енгізу туралы"Қазақстан Республикасы Қаржы министрінің 2015 жылғы 26 ақпандағы № 129 бұйрығы (Нормативтік құқықтық актілерді мемлекеттік тіркеу тізілімінде № 10575 болып тіркелген, "Әділет" ақпараттық-құқықтық жүйесінде 2015 жылғы 8 сәуірде жарияланған);
      6. "Бюджеттік мониторинг жүргізу нұсқауын бекіту туралы" Қазақстан Республикасы Қаржы Министрінің 2009 жылғы 16 ақпандағы № 68 бұйрығына өзгерістер мен толықтырулар енгізу туралы" Қазақстан Республикасы Қаржы министрінің 2015 жылғы 23 қарашадағы № 583 бұйрығы (Нормативтік құқықтық актілерді мемлекеттік тіркеу тізілімінде № 12404 болып тіркелген, "Әділет" ақпараттық-құқықтық жүйесінде 2015 жылғы 23 желтоқсанда жарияланған);
      7. "Бюджеттік мониторинг жүргізу нұсқауын бекіту туралы" Қазақстан Республикасы Қаржы министрінің 2009 жылғы 16 ақпандағы № 68 бұйрығына өзгерістер мен толықтырулар енгізу туралы" Қазақстан Республикасы Қаржы министрінің 2016 жылғы 28 шілдедегі № 411 бұйрығы (Нормативтік құқықтық актілерді мемлекеттік тіркеу тізілімінде № 14174 болып тіркелген, "Әділет" ақпараттық-құқықтық жүйесінде 2016 жылғы 2 қыркүйекте жарияланған);
      8. "Бюджеттік мониторинг жүргізу нұсқауын бекіту туралы" Қазақстан Республикасы Қаржы министрінің 2009 жылғы 16 ақпандағы № 68 бұйрығына өзгерістер мен толықтыру енгізу туралы" Қазақстан Республикасы Қаржы министрінің 2016 жылғы 26 қазандағы № 567 бұйрығы (Нормативтік құқықтық актілерді мемлекеттік тіркеу тізілімінде № 14459 болып тіркелген).