Мемлекеттiк мекемелердiң, бюджеттiк бағдарламалар әкiмшiлерiнiң, бюджетті атқару жөніндегі уәкілетті органдардың және аудандық маңызы бар қалалар, ауылдар, кенттер, ауылдық округтер әкімдері аппараттарының бюджеттiк есептiлiкті жасау және ұсыну қағидаларын бекiту туралы

      Ескерту. Тақырыбы жаңа редакцияда – ҚР Қаржы министрінің 29.08.2017 № 526 бұйрығымен

      Қазақстан Республикасы Бюджет кодексінің 124-бабына және "Мемлекеттік статистика туралы" Қазақстан Республикасы Заңының 16-бабы 3-тармағының 2) тармақшасына сәйкес БҰЙЫРАМЫН:

      1. Қоса беріліп отырған Мемлекеттiк мекемелердiң, бюджеттiк бағдарламалар әкiмшiлерiнiң, бюджетті атқару жөніндегі уәкілетті органдардың және аудандық маңызы бар қалалар, ауылдар, кенттер, ауылдық округтер әкімдері аппараттарының бюджеттiк есептiлiктi жасау және ұсыну қағидалары бекітілсін.

      2. Осы бұйрыққа қосымшаға сәйкес Қазақстан Республикасы Қаржы министрлігінің кейбір бұйрықтарының күші жойылды деп танылсын.

      3. Қазақстан Республикасы Қаржы министрлігінің Бюджет заңнамасы департаменті (З.А. Ерназарова) заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін он күнтізбелік күн ішінде оның "Әділет" ақпараттық-құқықтық жүйесінде ресми жариялауға жіберілуін;

      3) осы бұйрық Қазақстан Әділет министрлігінде мемлекеттік тіркелген күнінен бастап он күнтізбелік күн ішінде Қазақстан Республикасының Нормативтік құқықтық актілерінің эталондық бақылау банкіне орналастыру үшін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;

      4) осы бұйрықтың Қазақстан Республикасы Қаржы министрлігінің интернет-ресурсында орналастырылуын қамтамасыз етсін.

      4. Осы бұйрық мемлекеттік тіркелген күнінен кейін қолданысқа енгізіледі.

      "КЕЛІСІЛДІ"

      Қазақстан Республикасы

      Ұлттық экономика министрлігі

      Статистика комитетінің төрағасы

      _____________ Н. Айдапкелов

      2016 жылғы 28 қараша

Мемлекеттiк мекемелердiң, бюджеттiк бағдарламалар әкiмшiлерiнiң, бюджетті атқару жөніндегі уәкілетті органдардың және аудандық маңызы бар қалалар, ауылдар, кенттер, ауылдық округтер әкімдері аппараттарының бюджеттiк есептiлiктi жасау және ұсыну қағидалары

      Ескерту. Тақырыбы жаңа редакцияда – ҚР Қаржы министрінің 29.08.2017 № 526 бұйрығымен

1-тарау. Жалпы ережелер

      1. Осы Мемлекеттiк мекемелердiң, бюджеттiк бағдарламалар әкiмшiлерiнiң, бюджетті атқару жөніндегі уәкілетті органдардың және аудандық маңызы бар қалалар, ауылдар, кенттер, ауылдық округтер әкімдері аппараттарының бюджеттiк есептiлiктi жасау және ұсыну қағидалармен (бұдан әрі – Қағидалар) республикалық және жергілікті бюджеттер есебінен ұсталатын мемлекеттік мекемелер, бюджеттік бағдарламалар әкімшілері, бюджетті атқару жөніндегі уәкілетті органдар және аудандық маңызы бар қалалар, ауылдар, кенттер, ауылдық округтер әкімдерінің аппараттары бюджеттік есептілігінің көлемі, нысандары, оларды жасау және ұсыну кезеңділігі, мерзімі, тәртібі белгіленеді.

      2. Республикалық және жергілікті бюджеттер есебінен ұсталатын мемлекеттік мекемелер мен бюджеттік бағдарламалар әкімшілері, бюджетті атқару жөніндегі уәкілетті органдар және аудандық маңызы бар қалалар, ауылдар, кенттер, ауылдық округтер әкімдерінің аппараттары осы Қағидаларда белгіленген көлемде және нысандар бойынша есептер жасайды.

      3. Есептердің нысандары оларда көзделген көрсеткіштерге нақты сәйкестендіріліп толтырылады. Бекітілген есеп нысандарында көрсеткіштерді және олардың кодтарын өзгертуге немесе оларға қосымша көрсеткіштер енгізуге жол берілмейді.

      Ағымдағы есепті кезеңге, сонымен бірге өткен кезеңге жататын (оларды бекіткеннен кейін) есептілік деректерінің өзгеруі деректердің алшақтығы анықталған кезеңде жасалған бюджеттік есептілікте жүргізіледі.

      4. Республикалық бюджеттік бағдарламалардың әкімшілері ведомстволық бағыныстағы мемлекеттік мекемелердің бюджеттік есептілігіне өзгерістер енгізген жағдайда, республикалық бюджеттік бағдарламалардың әкімшісі бюджеттік есептілігіне өзгерістер енгізілген ведомстволық бағыныстағы мемлекеттік мекемелерге басшы мен бас бухгалтер қол қоя отырып, өзгерістер енгізу себептерін көрсетіп, енгізілген өзгерістер туралы жазбаша хабарлама жібереді.

      Мемлекеттік мекеме бюджеттік бағдарламалар әкімшісінің енгізген өзгерістеріне сәйкес бюджеттік есептіліктің өзіндегі данасына бюджеттік бағдарламалар әкімшісінің жазбаша хабарламасын алған күннен бастап 10 жұмыс күн ішінде өзгерістер енгізеді.

      Мемлекеттік мекеменің бюджеттік есептілігіне түзетулер республикалық бюджеттік бағдарламалар әкімшісінің ведомстволық бағыныстағы мемлекеттік мекеменің есебін қарау нәтижелері бойынша оның жазбаша хабарламасының негізінде ғана осы Қағидалардың 3-тармағында белгіленген түзетулер енгізу тәртібін міндетті түрде сақтай отырып, енгізіледі.

      Республикалық бюджеттік бағдарламалар әкімшісінің бюджеттік есептілігіне ескертулер болған және өзгерістер енгізу қажеттілігі болған жағдайда бюджетті атқару жөніндегі орталық уәкілетті органның құзыреті шегінде мемлекеттік бюджеттің атқарылуына қызмет көрсетуді жүзеге асыратын ведомство (бұдан әрі - ведомство) ақпараттық жүйеде (бұдан әрі – АЖ) қайтару себептерін көрсете отырып, тиісті өзгерістер енгізу үшін республикалық бюджеттік бағдарламалар әкімшісінің бюджеттік есептілігін қайтарады. Республикалық бюджеттік бағдарламалар әкімшісі бюджеттік есептілікке тиісті өзгерістер енгізгеннен кейін оны ведомствоға қайта жібереді.

      5. Жергілікті бюджеттік бағдарламалардың әкімшісі ведомстволық бағыныстағы мемлекеттік мекемелердің бюджеттік есептілігіне өзгерістер енгізген жағдайда, жергілікті бюджеттік бағдарламалардың әкімшісі бюджеттік есептілігіне өзгерістер енгізілген ведомстволық бағыныстағы мемлекеттік мекемелерге өзгерістер енгізу себебі көрсетіп, басшы мен бас бухгалтердің қолы қойылып, енгізілген өзгерістер туралы жазбаша хабарламаны жібереді.

      Мемлекеттік мекеме жергілікті бюджеттік бағдарламалардың әкімшілері енгізген өзгерістерге сәйкес есептің өзіндегі данасына өзгерістер енгізеді.

      Бюджетті атқару жөніндегі жергілікті уәкілетті орган, аудандық маңызы бар қала, ауыл, кент, ауылдық округ әкімінің аппараты жергілікті бюджеттік бағдарламалар әкімшісінің есебіне өзгерістер енгізген жағдайда, соңғысы бюджеттік есептілікке түзетулерді ұқсас тәртіппен енгізіледі.

      6. Бюджеттік нысандардың мекенжай бөлігі мынадай тәртіппен толтырылады:

      "Бюджеттік бағдарламалардың әкімшісі" деректемесі - Қазақстан Республикасының Бірыңғай бюджеттік сыныптамасы бюджет шығыстарының функционалдық сыныптамасынан бюджеттік бағдарламалар әкімшісінің атауы мен коды;

      "Мемлекеттік мекеме" деректемесі - Республикалық және жергілікті бюджеттерден қаржыландырылатын мемлекеттік мекемелердің анықтамалығына сәйкес мемлекеттік мекеменің атауы және оның коды;

      "Кезеңділігі" деректемесі – бюджеттік есептілік кезеңі көрсетіледі;

      "Өлшем бірлігі" деректемесі – мың теңгеде;

      "Бюджет түрі" деректемесі – бюджет түрі көрсетіледі.

      7. Жылдық бюджеттік есептілік есептіліктен кейінгі жылғы 1 қаңтардағы жағдай бойынша 1 қаңтардан бастап 31 желтоқсанды қоса алғандағы күнтізбелік кезеңге жасалады.

      Тоқсандық есептілік ағымдағы қаржы жылының 1 сәуірдегі, 1 шілдедегі және 1 қазандағы жағдай бойынша жасалады.

      Айлық бюджеттік есептілік есептіден кейінгі айдың 1-іне жасалады.

      8. Республикалық бюджеттік бағдарламалар әкімшілері үшін бюджеттік есептілікті ұсыну мерзімін ведомство белгілейді. Мемлекеттік мекемелер бюджеттік есептілікті бюджеттік бағдарламалар әкімшілері белгілеген және олар бюджеттік есептілікті ұсынған күнге дейін мемлекеттік мекемелердің назарына жеткізген мерзімде ұсынады.

      Мемлекеттік мекемелердің және жергілікті бюджеттік бағдарламалар әкімшілерінің бюджеттік есептілігі электронды түрде және қағаз тасығышта беттері нөмірленіп және мазмұнымен ұсынылады.

      Жергілікті бюджеттік бағдарламалардың әкімшілері бюджеттік есептілікті тиісті бюджетті атқару жөніндегі жергілікті уәкілетті органға (аудандық маңызы бар қала, ауыл, кент, ауылдық округ әкімі аппаратына) ұсынады.

      Мемлекеттiк мекемелер, бюджеттiк бағдарламалар әкiмшiлерiнiң, бюджетті атқару жөніндегі уәкілетті органдардың және аудандық маңызы бар қалалар, ауылдар, кенттер, ауылдық округтер әкімдері аппараттарының бюджеттiк есептiлiктi жасау нысандарының тізбесі осы Қағидаларға 1-қосымшада келтірілген.

      Мемлекеттiк мекемелер, бюджеттiк бағдарламалар әкiмшiлерiнiң, бюджетті атқару жөніндегі уәкілетті органдардың және аудандық маңызы бар қалалар, ауылдар, кенттер, ауылдық округтер әкімдері аппараттарының бюджеттiк есептiлiктi ұсыну нысаны осы Қағидаларға 2-қосымшада келтірілген.

      Халық саны екі мың адамнан асатын аудандық маңызы бар қалалар, ауылдар, кенттер, ауылдық округтер әкімдері аппараттарының 2018 жылдың 1 қаңтарынан бастап, халық саны екі мың және одан да аз аудандық маңызы бар қалалар, ауылдар, кенттер, ауылдық округтер әкімдері аппараттарының бюджеттік есептілікті жасауы мен ұсынуы 2020 жылдың 1 қаңтарынан бастап жүзеге асырылады.

      Бюджеттік есептілікті ұсыну күні почта кәсіпорнының мөртабанында белгіленген күн болып табылатын, басқа елді мекендерде тұрған мемлекеттік мекемелерді қоспағанда, мемлекеттік мекеме үшін есептілікті ұсыну күні оны тиістілігі бойынша нақты берген күн болып есептеледі, бірақ бюджеттік есептілікті ұсыну күніне дейін 5 күнтізбелік күннен кешіктірілмеуі тиіс.

      Есептілікті ұсыну үшін белгіленген мерзім демалыс (жұмыс істемейтін) күнімен сәйкес келген жағдайда бюджеттік есептілік одан кейінгі бірінші жұмыс күні ұсынылады.

      9. Республикалық бюджеттiк бағдарламалардың әкiмшiлерi ведомствоға республикалық бюджеттің атқарылуы туралы есептi дайындау үшiн қажеттi ақпаратты береді.

      10. Бюджеттік есептілікті жасаған кезде Қазақстан Республикасының Бюджет кодексін және осы Қағидаларда айтылған бюджеттік есептілік нысандарын толтыру тәртібін басшылыққа алу қажет.

2-тарау. Бюджеттік есептілік көлемі

1-параграф. Мемлекеттік мекемелердің және бюджеттікбағдарламалар әкімшілерінің бюджеттік есептілік көлемі

      11. Мемлекеттік мекемелер мен бюджеттік бағдарламалардың әкімшілері мынадай есептердің түрлерін жасайды және ұсынады:

      тауарларды (жұмыстарды, көрсетілетін қызметтерді) сатудан түсетін түсімдер мен ақшаны жұмсау жоспарының орындалуы туралы есеп – 1-АҚ нысаны бойынша осы Қағидаларға 3-қосымшаға сәйкес (бұдан әрі – 1-АҚ нысаны);

      филантропиялық қызметтен және (немесе) демеушілік қызметтен және (немесе) меценаттық қызметтен және (немесе) кіші отанға қолдау көрсету жөніндегі қызметтен ақша түсімі және олардың жұмсалуы туралы есеп – 2-ДК нысаны бойынша осы Қағидаларға 4-қосымшаға сәйкес (бұдан әрі – 2-ДК нысаны);

      өкілдік шығындарға бөлінген қаражаттың пайдаланылуы туралы есеп – 3-ӨШ нысаны бойынша осы Қағидаларға 5-қосымшаға сәйкес (бұдан әрі – 3-ӨШ нысаны);

      "Бюджеттің атқарылуы және оған кассалық қызмет көрсету ережесін бекіту туралы" Қазақстан Республикасы Қаржы министрінің 2014 жылғы 4 желтоқсандағы № 540 бұйрығымен (Нормативтік құқықтық актілерді мемлекеттік тіркеу тізілімінде № 9934 болып тіркелген) бекітілген 4-20-нысан бойынша бюджеттік сыныптама жөніндегі шығыстар бойынша жиынтық есеп (бұдан әрі – 4-20-нысан);

      Мемлекеттік әлеуметтік сақтандыру қорының (бұдан әрі – МӘСҚ) түсімдері мен шығыстары туралы есеп 8-МӘСҚ нысаны бойынша осы Қағидаларға 9-1-қосымшаға сәйкес (бұдан әрі – 8-МӘСҚ);

      Әлеуметтік медициналық сақтандыру қорының (бұдан әрі – ӘлМСҚ) түсімдері мен шығыстары туралы есеп 8-ӘлМСҚ нысаны бойынша осы Қағидаларға 9-2-қосымшаға сәйкес (бұдан әрі – 8-ӘлМСҚ).

      12. Есептерге және оларға ақпаратқа мемлекеттік мекеменің басшысы, бас бухгалтер немесе мемлекеттік мекемеде бухгалтерлік есепке алуды жүргізуді қамтамасыз ететін бөлімшені басқаратын тұлға қол қояды.

      Бюджеттік бағдарламалар әкімшісінің, бюджетті атқару жөніндегі уәкілетті органның және аудандық маңызы бар қала, ауыл, кент, ауылдық округ әкімі аппаратының жиынтық бюджеттік есептілігіне бірінші қол қою құқығына осы органның басшысы немесе белгіленген тәртіппен оны ауыстыратын адам, екінші қол қою құқығына – бас бухгалтер ие.

      Ұсынылатын бюджеттік есептіліктің барлық нысандарында басшының және бас бухгалтердің қол қоюымен қатар қолдардың ашып жазылуы (тегі мен аты-жөні) болуы тиіс.

      Бұдан басқа, бюджеттік есептілікке АЖ арқылы есептілікті ұсынатын республикалық бюджеттік бағдарламалардың әкімшілерін қоспағанда, есептілікте бірінші және екінші қол қою құқығын беру туралы бұйрықтың көшірмесі қоса беріледі.

      13. Нысаналы трансферттер алатын тиісті бюджеттік бағдарламалар әкімшілері, республикалық бюджеттен нысаналы трансферттер алынған республикалық бюджеттік бағдарламалардың әкімшілеріне тоқсан сайын нысаналы трансферттер қаражатының іс жүзіндегі шығыстары туралы ақпаратпен бірге 4-20 нысанын ұсынады.

      14. Республикалық және жергілікті бюджеттер есебінен ұсталатын аумақтық ішкі істер органдары бюджетті атқару жөніндегі жергілікті уәкілетті органдарға жергілікті бюджеттен бөлінген қаражат бойынша бюджеттік есептілікті нысандардың толық көлемінде, ал республикалық бюджеттен бөлінген қаражат бойынша – республикалық бюджеттік бағдарламалардың әкімшісіне ұсынады.

      15. Бір бағыныстан екінші бағынысқа берілетін мемлекеттік мекемелер жылдық есеп нысандарының көлемінде беру күні есеп жасайды және оны жоғары тұрған органға бұрынғы бағынысы бойынша және жаңа бағынысы бойынша ұсынады.

      16. Мемлекеттік мекемелер және жергілікті бюджеттік бағдарламалар әкімшілері бюджеттік есептілікті нысандардың толық көлемінде екі данада жасайды, олардың біреуін мемлекеттік мекемелер жоғары тұрған органға, жергілікті бюджеттік бағдарламалар әкімшілері бюджетті атқару жөніндегі уәкілетті органға (аудандық маңызы бар қала, ауыл, кент, ауылдық округ әкімінің аппаратына) жібереді. Бюджеттік бағдарламалар әкімшілерінің ведомстволық бағынысты мемлекеттік мекемелерден және бюджетті атқару жөніндегі уәкілетті органдардың (аудандық маңызы бар қалалар, ауылдар, кенттер, ауылдық округтер әкімдері аппараттарының) бюджеттік бағдарламалар әкімшілерінен бюджеттік есептілікті қабылдауы және тексеруі осы Қағидаларға сәйкес жүзеге асырылады.

      17. 3-ӨШ нысанын өкілдік шығындарға қаражат алған бюджеттік бағдарламалардың әкімшілері береді.

      Қазақстан Республикасы Сыртқы істер министрлігі жасаған Іс-шаралар жоспарына сәйкес өкілдік шығындарға қаражат алған республикалық бюджеттік бағдарламалардың әкімшілері 3-ӨШ нысанын жиынтық түрде Қазақстан Республикасы Сыртқы істер министрлігіне ұсынуы тиіс.

      "Смета бойынша бекітілді" деген 3-бағанда 3-ӨШ нысанда іс-шараларды ұйымдастыруға және өткізуге арналған шығыстардың сметасы бойынша бекітілген өкілдік шығыстардың сомасы көрсетіледі, "Төленген міндеттемелер" деген 4-бағанда төленген міндеттемелердің сомасы көрсетіледі, "Орындалмаған міндеттемелердің қалдығы" деген 5-бағанда орындалмаған міндеттемелердің қалдығы көрсетіледі. Бұдан басқа міндеттемелерді қабылдауға арналған жоспарлы тағайындаулардың сомасы анықтама ретінде көрсетіледі.

      3-ӨШ нысаны жартыжылдық және жылдық бюджеттік есептілік болып табылады.

      18. 4-20 нысанын мемлекеттік мекемелер қазынашылық органдарынан ай сайын алады.

      Республикалық бюджеттік бағдарламалардың әкiмшiлерi қалыптастырылған 4-20 нысандарын есептіден кейінгі жылдың 1 шілдесіндегі және 1 қаңтарындағы жағдай бойынша АЖ арқылы ұсынылатын бюджеттік есептілік құрамында жібереді.

      Жергілікті бюджеттік бағдарламалардың әкімшілері қазынашылық органдарынан есептіден кейінгі жылдың 1 қаңтарындағы және 1 шілдесіндегі жағдай бойынша 4-20 нысанын алады, оны қолмен және елтаңбалы мөр бедерімен растайды және оны есеп құрамында бюджетті атқару жөніндегі тиісті жергілікті уәкілетті органға (аудандық маңызы бар қала, ауыл, кент, ауылдық округ әкімінің аппаратына) береді.

      19. "Қазынашылық-клиент" АЖ бойынша қызмет көрсетiлетiн бюджеттік бағдарламалардың әкімшілері және мемлекеттiк мекемелер № 4-20 нысанын дербес қалыптастырады.

2-параграф. Бюджетті атқару жөніндегі уәкілетті органдардың, аудандық маңызы бар қалалар, ауылдар, кенттер, ауылдық округтер әкімдері аппараттарының бюджеттік есептілік көлемі

      Ескерту. 2-параграфтың тақырыбы жаңа редакцияда – ҚР Қаржы министрінің 29.08.2017 № 526 бұйрығымен

      20. Бюджетті атқару жөніндегі уәкілетті органдар, аудандық маңызы бар қалалар, ауылдар, кенттер, ауылдық округтер әкімдерінің аппараттары мынадай есеп түрлерін қалыптастырады және ұсынады:

      республикалық, тиісті жергілікті бюджеттердің, мемлекеттік бюджеттің атқарылуы туралы осы Қағидаларға 10 және 11-қосымшаларға сәйкес нысан бойынша (бұдан әрі – бюджеттің атқарылуы туралы есептер);

      шоғырландырылған бюджеттің атқарылуы туралы осы Қағидаларға 12-қосымшаға сәйкес нысан бойынша;

      Қазақстан Республикасы Ұлттық қорының қолма-қол ақшаны бақылау шотындағы ақшаның қозғалысы туралы осы Қағидаларға 13-қосымшаға сәйкес нысан бойынша;

      Жәбірленушілерге өтемақы қорының түсімдері мен пайдаланылуы және жәбірленушілерге жүргізілген өтемақы төлемдері туралы осы Қағидаларға 13-1-қосымшаға сәйкес нысан бойынша;

      1-АҚ-УО нысаны бойынша тауарларды (жұмыстарды, көрсетілетін қызметтерді) сатудан түсетін түсімдер мен ақша шығыстары жоспарларының орындалуы туралы есеп – осы Қағидаларға 14-қосымшаға сәйкес (бұдан әрі –1-АҚ-УО нысаны);

      2-ДҚ нысанын;

      республикалық бюджет көрсеткіштерінің орындалуы туралы деректер осы Қағидаларға 15-қосымшаға сәйкес;

      есепті деректерді тексеріп салыстыру актісі осы Қағидаларға 16-қосымшаға сәйкес;

      бюджеттік инвестициялық жобаларды (бағдарламаларды) іске асыруға және заңды тұлғалардың жарғылық капиталын қалыптастыруға немесе ұлғайтуға бағытталған бюджеттік бағдарламаларға бөле отырып, бюджеттік даму бағдарламаларының атқарылуы туралы есеп осы Қағидаларға 17-қосымшаға сәйкес 6-БДБ-нысан бойынша.

3-тарау. Тауарларды (жұмыстарды, көрсетілетін қызметтерді) өткізуден түсетін ақша түсімдері мен шығыстары жоспарларының орындалуы туралы, филантропиялық қызметтен және (немесе) демеушілік қызметтен және (немесе) меценаттық қызметтен және (немесе) кіші отанға қолдау көрсету жөніндегі қызметтен түсетін ақшаның түсімі мен жұмсалуы туралы есептерді жасау және ұсыну тәртібі

      Ескерту. 3-тараудың тақырыбы жаңа редакцияда – ҚР Қаржы министрінің 28.09.2018 № 864 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      21. Жаңа қаржы жылының 1 шілдесіндегі және 1 қаңтарындағы жағдай бойынша мемлекеттік мекемелер, бюджеттік бағдарламалардың әкімшілері:

      1-АҚ нысанын;

      2-ДҚ нысанын жасайды.

      Облыстың, республикалық маңызы бар қаланың, астананың бюджетті атқару жөніндегі жергілікті уәкілетті органдары 1-АҚ УО нысандарын және 2-ДҚ нысандарын ведомствоға 1 шілдедегі жағдай бойынша – 15 тамыздан кешіктірмей, өткен қаржы жылындағы жағдай бойынша – есепті қаржы жылынан кейінгі жылдың 20 ақпанынан кешіктірмей ұсынады;

      Ведомство республикалық және жергілікті бюджеттер бойынша (облыстар бөлінісінде) 1-АҚ-УО нысандарын және 2-ДҚ нысандарын бюджетті атқару жөніндегі орталық уәкілетті органның мемлекеттік бюджеттің атқарылуы туралы есепті қалыптастыруға жауапты құрылымдық бөлімшесіне есепті жылдың 1 шілдесіндегі жағдай бойынша – 20 тамыздан кешіктірмей, есепті қаржы жылы бойынша – есепті қаржы жылынан кейінгі жылдың 25 ақпанынан кешіктірмей ұсынады.

      22. Төмен тұрған бюджетті атқару жөніндегі жергілікті уәкілетті органдар, аудандық маңызы бар қалалар, ауылдар, кенттер, ауылдық округтер әкімдері аппараттары 1-АҚ-УО нысандарын және 2-ДҚ нысандарын жоғары тұрған бюджетті атқару жөніндегі жергілікті уәкілетті органға соңғысы белгілеген мерзімде ұсынады.

      23. Бюджетті атқару жөніндегі орталық уәкілетті органның мемлекеттік бюджеттің атқарылуы туралы есепті қалыптастыруға жауапты құрылымдық бөлімшесі ведомство ұсынған есептердің негізінде:

      1-АҚ- УО нысанын (қолдармен бекітпестен);

      мемлекеттік, республикалық және жергілікті бюджеттер бойынша 2-ДҚ нысанын (қолдармен бекітпестен) қалыптастырады.

      24. 1-АҚ-УО нысандары және 1-АҚ нысандары осы Қағидаларда айқындалған құрылым, бюджетті атқару жөніндегі орталық уәкілетті орган бекіткен Қазақстан Республикасы Қаржы министрінің 2009 жылғы 25 мамырдағы № 215 бұйрығымен (Нормативтік құқықтық актілерді мемлекеттік тіркеу тізілімінде 2009 жылғы 16 маусымда № 5702 болып тіркелген) мемлекеттік бюджет есебінен ұсталатын, сатудан түсетін ақшасы өзінің иелігінде қалатын мемлекеттік мекемелер тауарларының (жұмыстарының, көрсетілетін қызметтерінің) тізбесі сыныптауышына (бұдан әрі – Ақылы қызметтер сыныптауышы) сәйкес тауарлардың, (жұмыстардың, көрсетілетін қызметтердің) кодтары бойынша, сондай-ақ бюджет шығыстарының функционалдық және экономикалық сыныптамаларының кодтарын есепке ала отырып қалыптастырылады.

      Кіріс бөлігі:

      010 "Түсімдердің барлығы" деген жол бойынша қаржы жылының басындағы ақша қалдығын және ағымдағы жылғы түсімдер сомасын қамтитын түсімдердің жалпы сомасы көрсетіледі;

      011 "Қаржы жылының басындағы қаражат қалдығы" деген жол бойынша қаржы жылының басындағы ақша қалдығы көрсетіледі;

      012 "Ағымдағы жылдың түсімдері" деген жол бойынша ағымдағы жыл түсімдерінің сомасы көрсетіледі.

      Шығысбөлігі:

      020 "Шығыстардың барлығы, оның ішінде ерекшеліктер бойынша" деген жол бойынша шығыстардың экономикалық сыныптамасының барлық ерекшеліктері бойынша кассалық шығыстардың жалпы сомасы, оның ішінде бюджетке аударылған сома көрсетіледі;

      021 "оның ішінде бюджеттің кірісіне аударылды" деген жол бойынша 020-жолдың тиісті ерекшелігі бойынша көрсетілген тиісті бюджеттің кірісіне енгізілген сома анықтамалық ретінде енгізіледі;

      030 "Ағымдағы қаржы жылы есепті кезеңінің соңындағы ақша қалдығы" деген жол бойынша ағымдағы қаржы жылы есепті кезеңінің соңындағы ақша қалдығы көрсетіледі.

      1-АҚ және 1-АҚ-УО нысандары жарты жылдық және жылдық бюджеттік есептілік болып табылады.

      25. 2-ДҚ нысаны былайша толтырылады:

      1 және 2-бағандарда бюджеттік бағдарламалар әкімшісінің коды мен атауы көрсетіледі;

      3-бағанда жыл басына қалдық сомасын есепке ала отырып, жыл басынан бастап өсу қорытындысымен ағымдағы қаржы жылының есепті кезеңіндегі ақша түсімінің сомасы көрсетіледі;

      4-бағанда қаржы жылының басындағы ақша қалдығы көрсетіледі;

      5 және 6-бағандарда бюджет шығыстарының экономикалық сыныптамасы ерекшелігінің коды мен атауы көрсетіледі;

      7-бағанда жыл басынан бастап өсу қорытындысымен ағымдағы қаржы жылының есепті кезеңіндегі ақшаның жүргізілген жұмсалуының сомасы көрсетіледі;

      8-бағанда бюджет кірісіне аударылған сома көрсетіледі;

      9-бағанда есепті кезеңде түскен және мақсатына сай жұмсалған ақша сомасының айырмасы ретінде анықталатын есепті кезең аяғындағы ақша қалдығы көрсетіледі.

4-тарау. Кредиторлық және дебиторлық берешектер туралы есептерді жасау және беру тәртібі

      Ескерту. 4-тарау алып тасталды - ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

5-тарау. Бюджеттің атқарылуы туралы есепті жасау және беру тәртібі

1-параграф. Бюджеттің атқарылуы туралы есепті қалыптастыру тіртібі

      41. Бюджеттің атқарылуы туралы есепті бюджетті атқару жөніндегі орталық, жергілікті уәкілетті органдар және аудандық маңызы бар қалалар, ауылдар, кенттер, ауылдық округтер әкімдері аппараттары жасайды.

      42. Бюджеттің атқарылуы туралы есеп кассалық негізде жүзеге асырылатын есепті кезең үшін тиісті бюджеттің түсімдері мен шығыстары бойынша барлық операцияларды көрсетеді.

      43. Бюджеттің атқарылуы туралы есеп Қазақстан Республикасының Бюджет кодексінде анықталған бюджет құрылымы, бюджет түсiмдерi сыныптамасының, Қазақстан Республикасы Бірыңғай бюджеттік сыныптама бюджет шығыстарының функционалдық, экономикалық сыныптамасының кодтары бойынша қалыптастырылады және тиісті қаржы жылына арналған республикалық бюджет туралы заңға немесе жергілікті бюджет туралы мәслихаттың шешіміне, Қазақстан Республикасы Үкіметінің республикалық бюджет туралы заңды іске асыру туралы, жергілікті атқарушы органның жергілікті бюджет туралы мәслихаттың шешімін іске асыру туралы қаулысына немесе аудандық маңызы бар қала, ауыл, кент, ауылдық округ әкімінің шешіміне сәйкес жасалады.

      44. Мерзімділігі бойынша бюджеттің атқарылуы туралы есеп ай сайын және жыл қорытындысы бойынша жасалады. Бюджеттің атқарылуы туралы айлық /жылдық есеп былайша қалыптастырылады.

      45. Бюджеттің түсімдерін қамтитын бюджеттің атқарылуы туралы есептің бөлімдері бюджет түсімдері сыныптамасының санаттары, сыныптары, кіші сыныптары және ерекшеліктері бойынша деректерді қамтиды.

      46. Бюджет шығыстарын қамтитын бюджеттің атқарылуы туралы есептің бөлімдері функционалдық топтар, функционалдық кіші топтар, бюджеттік бағдарламалар әкімшілері, бюджет шығыстары сыныптамасының бюджеттік бағдарламалары бойынша деректерді қамтиды.

      Бюджеттің шығыстарын қамтитын жергілікті бюджеттің атқарылуы туралы есептің бөлімдері функционалдық топтар, функционалдық кіші топтар, бюджеттік бағдарламалар әкімшілері, бюджеттік бағдарламалар, бюджет шығыстары сыныптамасының кіші бағдарламалары бойынша деректерді қамтиды.

      47. Бюджеттің атқарылуы туралы есеп түсімдердің бөлімі, кіші бөлімі, санаты, сыныбы және кіші сыныбы бойынша, бюджет шығыстарының бөлімі, кіші бөлімі, функционалдық тобы, функционалдық кіші тобы, бюджеттік бағдарламалар әкімшісі, бюджеттік бағдарлама, кіші бағдарлама бойынша аралық қорытындыларды қамтиды.

2-параграф. Бюджеттердің атқарылуы туралы есептің құрылымы

      48. Бюджеттің атқарылуы туралы есеп мынадай бөлімдерді (кіші бөлімді) қамтиды:

      1) кірістер (I)

      салықтық түсімдер;

      салықтық емес түсімдер;

      негізгі капиталды сатудан түсетін түсімдер;

      трансферттер түсімі;

      2) шығындар (II);

      3) таза бюджеттік кредит беру (III):

      бюджеттік кредиттер;

      бюджеттік кредиттерді өтеу;

      4) қаржы активтерімен операциялар бойынша сальдо (IV):

      қаржы активтерін сатып алу;

      мемлекеттің қаржы активтерін сатудан түсетін түсімдер;

      5) бюджет тапшылығы (профициті) (V);

      5-1) бюджеттің мұнайға қатысты емес тапшылығы (профициті) (VI);

      6) бюджет тапшылығын қаржыландыру (профицитін пайдалану) (VII):

      қарыздар түсімі;

      қарыздарды өтеу;

      бюджет қаражатының пайдаланылатын қалдықтары;

      7) "Бюджет қаражатының қалдықтары" анықтамалық бөлімі:

      қаржы жылының басындағы бюджет қаражатының қалдықтары;

      есепті кезеңнің соңындағы бюджет қаражатының қалдықтары.

      49. I "Кiрiстер" бөлiмi бюджетке түсетiн түсiмдердi көрсетедi және бюджетке түсетiн түсiмдер сыныптамасының бастапқы төрт санаты бойынша бюджетке түсетiн түсiмдердi қамтитын мынадай төрт кiшi бөлiмнен тұрады: "Салық түсiмдерi", "Салықтық емес түсiмдер", "Негiзгi капиталды сатудан түскен түсiмдер", "Трансферттер түсiмдерi".

      50. II "Шығындар" бөлiмi қайтарымсыз негiзде жүзеге асырылатын бюджеттен төленетін төлемдердi көрсететiн шығыстардың функционалдық сыныптамасының 1-15 функционалдық топтарынан тұрады.

      51. III "Таза бюджеттiк кредит беру" бөлiмi "Бюджеттiк кредиттер" және "Бюджеттiк кредиттердi өтеу" кiшi бөлiмдерi арасындағы айырманы көрсетеді, онда тиісінше қайтарымды негiзде жүзеге асырылатын, бюджеттен төленетін төлемдер мен бұрын берiлген кредиттер бойынша борышты өтеу есебiне бюджетке түсетiн түсiмдер көрсетiледі.

      Таза бюджеттік кредит беру К = (bk - pk) формуласы бойынша анықталады, мұнда

      К - таза бюджеттік кредит беру;

      bk - бюджеттік кредиттер;

      pk - бюджеттік кредиттерді өтеу.

      52. ІV "Қаржы активтерімен жасалатын операциялар бойынша сальдо" бөлiмi "Қаржы активтерiн сатып алу" және "Мемлекеттiң қаржы активтерiн сатудан түскен түсiм" кiшi бөлiмдерi арасындағы айырманы көрсетедi, мұнда тиiсiнше қаржы активтерін сатып алуға арналған шығыстар мен мемлекеттiң қаржы активтерiн сатудан бюджетке түскен түсiмдер көрсетiледі.

      Қаржы активтерімен жасалатын операциялар бойынша сальдо

      S = (nf – pf) формуласы бойынша айқындалады, мұндағы

      S - қаржы активтерімен жасалатын операциялар бойынша сальдо;

      nf- қаржы активтерін сатып алу;

      pf - қаржы активтерін сатудан түскен түсімдер.

      53. V "Бюджет тапшылығы (профицитi)" бөлiмi кірістер мен шығындар, таза бюджеттік кредит беру мен қаржы активтерімен жасалатын операциялар бойынша сальдо арасындағы айырмаға тең бюджет тапшылығын (профицитiн) көрсетедi.

      Бюджет тапшылығы (профициті) Db(Pb) = D-Z-К-S формуласы бойынша анықталады, мұнда

      Db – бюджет тапшылығы;

      Pb – бюджеттің профициті;

      D - кірістер;

      Z - шығындар;

      К – таза бюджеттік кредит беру;

      S – қаржы активтерімен жасалатын операциялар бойынша сальдо.

      Алынған көлемнің теріс белгісі бары бюджет тапшылығы, оң белгісі бары – профициті болып табылады.

      53-1. VI "Бюджеттің мұнайға қатысты емес тапшылығы (профициті)" бөлімі қарыздарды өтеудi қоспағанда, қарыздар түсімдерін, Қазақстан Республикасының Ұлттық қорынан трансферттер түсімдерін және шикі мұнайға салынатын кедендік әкету бажын алып тастағандағы республикалық немесе мемлекеттік бюджетке түсетін түсімдер мен республикалық немесе мемлекеттік бюджеттің шығыстары арасындағы айырмаға тең бюджеттің мұнайға қатысты емес тапшылығын (профицитін) көрсетеді.

      Бюджеттің мұнайға қатысты емес тапшылығы (профициті) мынадай формула бойынша анықталады:

      NDb (NPb) = D - T (NF) - VTP – Z – К - S, мұнда

      NDb – бюджеттің мұнайға қатысты емес тапшылығы;

      NPb – бюджеттің мұнайға қатысты емес профициті;

      D - кірістер;

      T (NF) – Қазақстан Республикасының Ұлттық қорынан трансферттер түсімі;

      VTP – шикі мұнайға салынатын кедендік әкету бажы;

      Z – шығындар;

      К – таза бюджеттік кредит беру;

      S – қаржы активтерімен операциялар бойынша сальдо.

      Теріс белгісімен алынған шама мұнайға қатысты емес тапшылығы, оң белгісімен алынған шама – бюджеттің мұнайға қатысты емес профициті болып табылады.

      54. VII "Бюджет тапшылығын қаржыландыру (профицитті пайдалану)" бөлімі: "Қарыздар түсімі", "Қарыздарды өтеу", "Бюджет қаражатының пайдаланылатын қалдықтары" деген кіші бөлімдерден тұрады және қарыз алу мен бюджет қаражатының пайдаланылатын қалдықтары есебінен бюджет тапшылығын жабуды қамтамасыз етуді немесе қарыздар бойынша негізгі борышты өтеуге бюджет профицитін, қарыздар қаражатын, бюджет қаражатының пайдаланылатын қалдықтарын жұмсауды көрсетеді.

      Тапшылықты қаржыландыру (профицитті пайдалану) мынадай формулалар бойынша анықталады:

      Fd (Fp) = N + O – R, мұнда

      Fd – бюджет тапшылығын қаржыландыру көлемі. Оң белгісі бар бюджет тапшылығын қаржыландыру мәні оның тапшылығының көлеміне сәйкес келеді;

      Fp – бюджеттің профицитін қаржыландыру көлемі. Теріс белгісі бар бюджет профицитін пайдалану мәні оның профицитінің көлеміне сәйкес келеді;

      N – алынған қарыздардың сомасы;

      O – бюджет қаражатының пайдаланылған қалдықтарының сомасы;

      R – қарыздар бойынша негізгі борышты өтеу сомасы.

      55. Бюджет қаражатының пайдаланылатын сомасы O = R - Db (Pb,) - N формуласы бойынша анықталады, мұнда

      R, Db, Pb, N осы Қағидалардың 53, 54-тармақтары формулаларының құрауыштарына сәйкес келеді.

      Тапшылықты жабуға (профицитті пайдалануға) бюджет қаражаты қалдықтарының пайдаланылатын сомасы оң белгімен, ал пайдаланылмайтыны – теріс белгімен есепке алынады.

      56. Тиісті бюджеттердің қолма-қол ақшаны бақылау шоттарында есепті кезеңнің соңындағы жағдай бойынша пайдаланылмай қалған қаражат кезеңнің соңындағы бюджет қаражатының қалдықтары болып табылады.

      57. Бюджет қаражатының еркін қалдықтары – бұл:

      1) алынған қарыздар бойынша негізгі борышқа қызмет көрсетуге және өтеуге;

      2) іске асыру мерзімі бір жылдан асатын бюджеттік даму бағдарламалары және дайындау және беру мерзімі бір қаржы жылынан асатын активтерді және басқа да тауарларды, көрсетілу мерзімі бір қаржы жылынан асатын қызметтерді сатып алуды көздейтін ағымдағы бюджеттік бағдарламалар бойынша өткен қаржы жылының қабылданған міндеттемелерінің төленбеген бөлігін қаржыландыруға;

      3) аяқталу мерзімі Бюджет кодексінің 157-бабы 1, 1-1 және 2-тармақтарында және 159-бабының 1-1-тармағында көрсетілген бекітілген құжаттамаға сәйкес бюджеттік инвестицияларды іске асыру кезеңіне сәйкес келетін бюджеттік инвестицияларды одан әрі қаржыландыруға;

      4) республикалық, облыстық немесе аудандық (облыстық маңызы бар қаланың) бюджеттен бөлінген нысаналы трансферттердің өткен қаржы жылында пайдаланылмаған (толық пайдаланылмаған) сомаларын қайтаруға;

      5) жалпы сипаттағы трансферттер көлемдері туралы заңда (облыстық мәслихаттың шешімінде) белгіленген ең төменгі көлемдерден төмен көлемде жергілікті бюджеттен шығыстардың жекелеген бағыттарын қаржыландырған жағдайда, белгіленген соманың төлемдер бойынша қаржыландырудың тиісті қаржы жылының соңындағы жиынтық жоспарының жылдық сомасынан асып түскен сомасы өткен қаржы жылының қорытындылары бойынша жергілікті атқарушы органдардың қайтаруға;

      6) Қазақстан Республикасының Ұлттық қорынан республикалық бюджетке нысаналы трансферт түрінде тартылған пайдаланылмаған қаражат бөлігін Қазақстан Республикасының Ұлттық қорына қайтаруға;

      7) Қазақстан Республикасының Ұлттық қорына республикалық бюджетке тартылған кепілдік берілген трансферттің бір бөлігін қайтаруға бөлінгеннен кейін жыл басындағы бюджет қаражатының қалдығы.

      58. Қаржы жылының басына бюджет қаражатының қалдық сомасы есепке қолмен енгiзiледi, ағымдағы қаржы жылының басынан бастап және соңына дейін өзгерiссiз қалады және ол есептің анықтамалық бөлiмiнде "Бюджет түсімдерінің атқарылуы және (немесе) бюджеттік бағдарламалар (кіші бағдарламалар) бойынша төленген міндеттемелер" бағанында көрсетiледi.

      59. Қаржы жылының басында қалдық сомасы бар "Бюджет қаражатының пайдаланылған қалдық сомасы" жолы бойынша есепте көрсетiлетiн сома анықтамалық бөлiмде көрсетiлген есептi кезеңнiң соңындағы жағдай бойынша бюджет қаражаттары қалдықтарының сомасын құрайды. Егер бюджет қаражатының пайдаланылатын қалдықтарының сомасында терiс белгi болса, онда оның абсолюттiк шамасы қаржы жылының басына қалдық сомасымен жинақталады, егер оң белгi болса, онда ол қаржы жылының басына қалдық сомасынан алынады.

      Есепте "Бюджет қаражатының пайдаланылған қалдықтары" жолында көрсетілетін сома "Қаржы жылының басына бюджет қаражатының қалдықтары" жолы бойынша "Бюджет қаражатының қалдықтары" анықтамалық бөлімінде көрсетілетін сомадан аспайды.

      60. Есепті кезеңнің соңына бюджет қаражатының қалдықтары мынадай түрде анықталады:

      О _k = О _H – O, мұнда

      О _K - есептi кезеңнiң соңындағы бюджет қаражатының қалдықтары;

      О _H - қаржы жылының басындағы бюджет қаражатының қалдықтары;

      O - бюджет қаражатының пайдаланылған қалдықтарының сомасы.

      61. "Бюджет қаражатының қалдықтары" анықтамалық бөлімі қаржы жылының басына және есепті кезеңнің соңына қалған бюджет қаражатының қалдықтарын көрсетеді.

3-параграф. Бюджеттің атқарылуы туралы есептерді толтыру тәртібі

      62. Мына: республикалық, облыстық, республикалық маңызы бар қаланың, астананың, аудандық (облыстық маңызы бар қаланың) аудандық маңызы бар қала, ауыл, кент, ауылдық округ бюджеттерінiң атқарылуы туралы есептер - барлық алынған, оның ішінде басқа деңгейдегі бюджеттерден түскен түсімдерді және барлық жүргізілген шығыстарды, оның iшiнде жоғары тұрған бюджеттен түскен түсiмдер мен басқа да деңгейдегі бюджеттерге берiлген трансферттер есебiнен жүргізілген шығыстарды да қамтиды.

      63. Жергiлiктi бюджеттiң атқарылуы туралы айлық (жылдық) есепте:

      1-бағанда мыналардың:

      бюджет түсiмдерiнiң сыныптамасы - санаты, сыныбы, кіші сыныбы, ерекшелiгi;

      бюджет шығыстарының функционалдық және экономикалық сыныптамасы - функционалдық тобы, функционалдық кіші тобы, бюджеттік бағдарламаның әкiмшiсi, бюджеттік бағдарлама, кiшi бағдарлама, ерекшелiгi кодтары толтырылады;

      2-бағанда түсiмдер сыныптамасы, бюджет шығыстарының функционалдық және экономикалық сыныптамасы көрсеткiштерiнiң атауы көрсетiледi;

      3-бағанда мәслихат бекiткен есептi қаржы жылына арналған бюджет сомасы көрсетiледi;

      4-бағанда оның атқарылу барысында мәслихат қабылдаған өзгерiстер мен толықтыруларды ескере отырып, есептi қаржы жылына арналған нақтыланған бюджеттiң сомасы көрсетiледi;

      5-бағанда есептi қаржы жылына арналған түзетiлген бюджеттiң - мәслихатта нақтыланбай жергiлiктi атқарушы органдар енгiзген өзгерiстер мен толықтырулар ескерiлген бекiтiлген немесе нақтыланған бюджеттiң сомасы көрсетiледi;

      6 және 7-бағандарда жыл басынан бастап үдеу қорытындысымен есептi кезеңге арналған түсiмдер мен қаржыландырудың жиынтық жоспарының және мiндеттемелер бойынша қаржыландырудың жиынтық жоспарының сомасы көрсетiледi. Түсiмдер бойынша 6-баған, шығыстар бойынша - 6 және 7-бағандар толтырылады, бұл ретте 6-бағанда бюджеттiк кiшi бағдарламалардың (қоса алғанда) деңгейiне дейiнгі төлемдер бойынша бюджеттiк бағдарламаларды қаржыландырудың жиынтық жоспарының сомасы көрсетiледi;

      8-бағанда қабылданған міндеттемелердің сомасы көрсетіледі;

      9-бағанда төленбеген міндеттемелердің сомасы көрсетіледі;

      10-бағанда жыл басынан бастап өсу қорытындысымен есептi кезеңде бюджет түсімдерінің атқарылу және/немесе бюджеттік бағдарламалар (кіші бағдарламалар) бойынша төленген міндеттемелер сомасы көрсетiледi;

      11-бағанда есептi кезеңге бюджеттiң түсiмдерi мен қаржыландырудың жиынтық жоспарының сомасына есептi кезеңде бюджет түсімдерінің атқарылу және/немесе бюджеттік бағдарламалар (кіші бағдарламалар) бойынша төленген міндеттемелер сомасының пайыздық қатынасы көрсетiледi.

      12-бағанда есептi қаржы жылында атқарылған (бекiтiлген, нақтыланған, түзетiлген) бюджеттiң сомасына есептi кезеңде бюджет түсімдерінің атқарылу және/немесе бюджеттік бағдарламалар (кіші бағдарламалар) бойынша төленген міндеттемелер сомасының пайыздық қатынасы көрсетiледi.

      64. Республикалық бюджеттiң бір айдағы (жылдағы) көрсеткіштерінің орыналуы туралы деректерді ведомство жасайды.

      Республикалық бюджеттiң бір айдағы көрсеткіштерінің орыналуы туралы деректерде:

      1-бағанда мыналардың:

      бюджет түсiмдерiнiң сыныптамасы - санаты, сыныбы, кіші сыныбы, ерекшелiгi;

      бюджет шығыстарының функционалдық және экономикалы сыныптамалары - функционалдық тобы, функционалдық кiшi тобы, бюджеттік бағдарлама әкімшісі, бюджет бағдарламасы, кiшi бағдарламасы, ерекшелiгi кодтары толтырылады;

      2-бағанда түсiмдер сыныптамасы мен бюджет шығыстарының функционалдық және экономикалық сыныптамалары көрсеткiштерiнiң атауы көрсетiледi;

      3-бағанда Қазақстан Республикасының Парламентi бекiткен есептi қаржы жылына арналған бюджеттiң сомасы көрсетiледi;

      4-бағанда оның орындалу барысында Қазақстан Республикасының Парламентi қабылдаған өзгерiстер мен толықтыруларды ескере отырып, есептi қаржы жылына арналған нақтыланған бюджеттiң сомасы көрсетiледi;

      5-бағанда есептi қаржы жылына арналған түзетiлген бюджеттiң - Қазақстан Республикасының Парламентiнде нақтыланбаған Қазақстан Республикасының Үкiметi енгiзген өзгерiстер мен толықтырулар ескерiлген бекiтiлген немесе нақтыланған бюджеттiң сомасы көрсетiледi;

      6 және 7-бағандарда жыл басынан бастап өсу қорытындысымен есептi кезеңге түсiмдер мен қаржыландырудың жиынтық жоспарының және мiндеттемелер бойынша қаржыландырудың жиынтық жоспарының сомасы көрсетiледi. Түсiмдер бойынша 6-баған, шығыстар бойынша - 6 және 7-бағандар толтырылады, бұл ретте 6-бағанда бюджеттiк кiшi бағдарламалардың (қоса алғанда) деңгейiне дейiнгі төлемдер бойынша бюджеттiк бағдарламаларды қаржыландырудың жиынтық жоспарының сомасы көрсетiледi;

      8-бағанда қабылданған міндеттемелердің сомасы көрсетiледi;

      9-бағанда төленбеген міндеттемелердің сомасы көрсетіледі;

      10 -бағанда жыл басынан бастап өсу қорытындысымен есептi кезеңде бюджет түсімдерінің атқарылу және/немесе бюджеттік бағдарламалар (кіші бағдарламалар) бойынша төленген міндеттемелер сомасы көрсетiледi.

      11-бағанда есептi кезеңдегі бюджет түсімдерінің атқарылу және/немесе бюджеттік бағдарламалар (кіші бағдарламалар) бойынша төленген міндеттемелер сомасының есепті кезеңге арналған бюджет түсімдерінің жиынтық жоспары мен қаржыландыру сомаларына пайыздық қатынасы көрсетіледі;

      12-бағанда есептi кезеңде бюджет түсімдерінің атқарылу және/немесе бюджеттік бағдарламалар (кіші бағдарламалар) бойынша төленген міндеттемелер сомасының есептi қаржы жылына арналған атқарылатын (бекітілген, нақтыланған, түзетілген) бюджеттiң сомасына пайыздық қатынасы көрсетіледі.

      65. Шоғырландырылған бюджет - өз араларында өзара өтелетін операциялар ескерілмей, республикалық бюджетті, облыстардың, республикалық маңызы бар қалалардың, астананың бюджеттерін, Қазақстан Республикасы Ұлттық қорының түсімдері мен шығыстарын, Жәбірленушілерге өтемақы қорының түсімдері мен төлемдерін, МӘСҚ түсімдері мен шығыстарын, ӘлМСҚ түсімдері мен шығыстарын біріктіретін мемлекеттің орталықтандырылған ақша қоры.

      Шоғырландырылған бюджеттің атқарылуы туралы айлық (жылдық) есепте:

      1-бағанда мыналардың:

      бюджет түсімдерінің сыныптамасы - санатының;

      шығыстардың функционалдық сыныптамасы - функционалдық тобының кодтары толтырылады;

      2-бағанда бюджет түсімдерінің сыныптамасы, шығыстарының функционалдық сыныптамасы көрсеткіштерінің атауы көрсетіледі;

      3-бағанда есепті қаржы жылына арналған бекітілген (түзетілген) бюджеттің сомасы көрсетіледі;

      4-бағанда жыл басынан бастап өсу қорытындысымен есептi кезеңде бюджет түсімдерінің атқарылу және/немесе бюджеттік бағдарламалар (кіші бағдарламалар) бойынша төленген міндеттемелер сомасы көрсетiледi;

      5-бағанда есептi қаржы жылында атқарылған (бекiтiлген, түзетiлген) бюджеттiң сомасына есептi кезеңде бюджет түсімдерінің атқарылу және/немесе бюджеттік бағдарламалар (кіші бағдарламалар) бойынша төленген міндеттемелер сомасының пайыздық қатынасы көрсетiледi.

4 параграф. Бюджеттердiң атқарылуы туралы есептерде жоғары тұрған бюджеттен алынған және жоғары тұрған бюджетке берілген трансферттердiң көрсетiлу тәртiбi

      66. Республикалық бюджеттiң, облыстық бюджеттiң, республикалық маңызы бар қала бюджетiнiң, астана, аудандық бюджетiнiң (облыстық маңызы бар қаланың), аудандық маңызы бар қала, ауыл, кент, ауылдық округ бюджеттерінiң атқарылуы туралы есептердi жасау кезiнде трансферттер бойынша есеп айырысулар ашық түрде ескерiледi.

      67. Жоғары тұрған бюджеттiң атқарылуы туралы есептi жасау кезiнде төмен тұрған бюджеттерге бөлiнген трансферттер "Шығындар" бөлiмiнде, ал төмен тұрған бюджеттен алынған трансферттер – "Кiрiстер" бөлiмiнде "Трансферттердiң түсiмi" кіші бөлiмiнде ескерiледi.

      68. Төмен тұрған бюджеттiң атқарылуы туралы есепте жоғары тұрған бюджеттен алынған трансферттер "Кiрiстер" бөлiмiнде "Трансферттердiң түсiмi" кіші бөлiмiнде, ал жоғары тұрған бюджетке берiлген трансферттер – "Шығындар" бөлiмiнде көрсетiледi.

      68-1. Аудан (облыстық маңызы бар қаланың) бюджетiнiң атқарылуы туралы есептi жасау кезiнде трансферттер бойынша аудандық (облыстық маңызы бар қаланың) бюджет және аудандық маңызы бар қалалар, ауылдар, кенттер, ауылдық округтер бюджеттерінің арасындағы есеп айырысулар есепке енгiзiлмейдi.

      69. Облыс бюджетiнiң атқарылуы туралы есептi жасау кезiнде трансферттер бойынша облыстық бюджет және аудандар (облыстық маңызы бар қалалардың) бюджеттерiнiң арасындағы есеп айырысулар есепке енгiзiлмейдi.

      70. Мемлекеттiк бюджеттiң атқарылуы туралы есептi жасау кезiнде трансферттер бойынша республикалық және облыстық бюджеттердің, республикалық маңызы бар қалалар және астана бюджеттерiнің арасындағы есеп айырысулар оған енгiзiлмейдi.

      71. Шоғырландырылған, мемлекеттiк бюджеттердің, облыс бюджетiнiң және аудан (облыстық маңызы бар қаланың) бюджетiнiң атқарылуы туралы есептерден жоғарыда аталған сомаларды алып тастау оларды екi рет есепке алуды болдырмау мақсатында: кiрiстерде - жоғары тұрған бюджетте түсiм көзi бойынша және төмен тұрған бюджетте және шығыстарда алынған трансферттер ретiнде - жоғары тұрған бюджеттен бөлiнген трансферттер ретiнде және олардың есебiнен жүргiзiлген төмен тұрған бюджеттiң шығыстары ретiнде жүргiзiледi.

5 параграф. Бюджеттердiң атқарылуы туралы есептерде жоғары тұрған бюджеттен алынған бюджет кредиттерiнiң көрсетiлу тәртiбi

      72. Төмен тұрған бюджет үшiн бюджеттiк кредиттер бюджет тапшылығын қаржыландыру көзi болып табылады және төмен тұрған бюджеттiң атқарылуы туралы есепте "Бюджет тапшылығын (профициттi пайдалану) қаржыландыру" бөлiмiнде "Қарыздардың түсуi" кіші бөлімінде, жоғары тұрған бюджеттiң есебiнде "Таза бюджеттiк кредит беру" бөлiмiнiң "Бюджеттiк кредиттер" кіші бөлімінде көрсетiледi.

      Осыған байланысты, жоғары тұрған бюджеттен алынатын бюджеттiк кредит төмен тұрған бюджетке жоғары тұрған бюджеттiң өз кiрiсі есебiнен бөлiнедi және жоғары тұрған бюджеттiң атқарылуы туралы есепте бiр рет кiрiстер түсiмдерiнiң көзi бойынша ескерiлген болатын, ал алынған кредиттi жұмсау төмен тұрған бюджеттiң атқарылуы туралы есепте шығыстардың бағытына байланысты функционалдық топтар бойынша есепке алынады, мемлекеттiк бюджеттiң немесе облыс бюджетiнiң атқарылуы туралы есепте бюджеттiк кредиттердi беру есепке алынбайды. Осыған ұқсас жоғары тұрған бюджетке төмен тұрған бюджеттiң бюджет кредиттерiн өтеуi есепке алынбайды.

      73. Жоғары тұрған бюджеттен алынған кредиттер бойынша сыйақы төмен тұрған бюджеттiң меншiктi түсiмдерi есебiнен төленедi және жоғары тұрған бюджетке салықтық емес түсiмдер болып табылады, олар қосалқы шоттан жалтару үшiн мемлекеттiк, шоғырландырылған бюджеттердің, облыс бюджетінiң және аудан (облыстық маңызы бар қаланың) бюджетінiң атқарылуы туралы есептi қалыптастыру кезiнде алып тасталады.

      74. Қарыз қаражаты есебiнен жоғары тұрған бюджеттен төмен тұрған бюджетке кредиттердi бөлу кезiнде оған қызмет көрсетуге арналған шығыстар сомасы сондай-ақ мемлекеттiк, шоғырландырылған, облыс бюджетiнiң және аудан (облыстық маңызы бар қаланың) бюджетiнiң атқарылуы туралы есептi қалыптастыру кезiнде алып тастауға жатады.

6 параграф. Бюджеттердiң атқарылуы туралы есептерде бөлiнетiн бюджеттiк бағдарламалардың көрсетiлу тәртiбi

      75. Бөлiнетiн бюджеттiк бағдарламалар бюджетте бiр бюджеттiк бағдарламалар әкiмшiсi бойынша бекiтiледi және Үкiметтiң, жергiлiктi атқарушы органдар мен орталық мемлекеттік органдардың нормативтiк құқықтық актiлерi негізінде әртүрлi бюджеттiк бағдарламалар әкiмшiлерi арасында бөлiнедi.

      76. Бюджеттiң атқарылуы туралы есепте бөлiнетiн бюджеттiк бағдарламалардың есебiнен шығатын шығыстар, олар бөлiнген сол бюджеттiк бағдарламалар әкiмшiлерi шығыстарының құрамында есепке алынады.

7-параграф. Мемлекеттiк, шоғырландырылған бюджеттердiң, облыс бюджетiнiң және аудан (облыстық маңызы бар қаланың) бюджетiнiң атқарылуы туралы есептердi жасау тәртiбi

      Ескерту. 7-параграфтың тақырыбы жаңа редакцияда – ҚР Қаржы министрінің 29.08.2017 № 526 бұйрығымен

      77. Мемлекеттiк бюджеттiң атқарылуы туралы есептің жасалуы республикалық және жергiлiктi бюджеттердiң атқарылуы туралы есептердiң негiзiнде, облыс бюджетiнiң атқарылуы туралы есептiң жасалуы, облыстық бюджеттiң, аудандардың (облыстық маңызы бар қалалардың) бюджеттерiнiң атқарылуы туралы есептердiң негiзiнде, ал аудан (облыстық маңызы бар қаланың) бюджетiнiң атқарылуы туралы есептiң жасалуы олардың арасындағы өзара өтелетiн операцияларды есепке алмастан, аудандық бюджеттiң, аудандық маңызы бар қала, ауыл, кент, ауылдық округ бюджеттерінің атқарылуы туралы есептердiң негiзiнде жүргiзiледi.

      Шоғырландырылған бюджеттің атқарылуы туралы есепті жасау мына:

      1) республикалық бюджеттің атқарылуы туралы есептің;

      2) облыстардың, республикалық маңызы бар қалалар және астана бюджеттерінің атқарылуы туралы есептердің негізінде құрылымдық бөлімшенің өзі қалыптастырған жергілікті бюджеттердің атқарылуы туралы (облыстар, республикалық маңызы бар қалалар мен астана бойынша жиынтық) есептің;

      3) Қазақстан Республикасы Ұлттық қорының түсімдері және оның пайдаланылуы туралы есептің;

      4) Жәбірленушілерге өтемақы қорының түсімдері мен пайдаланылуы және жәбірленушілерге жүргізілген өтемақы төлемдері туралы есептің;

      5) МӘСҚ түсімдері мен шығыстары туралы есептің;

      6) ӘлМСҚ түсімдері мен шығыстары туралы есептің негізінде жүргізіледі.

      78. Бюджетаралық қатынастар трансферттермен және бюджеттiк кредиттермен реттеледi, шоғырландырылған, мемлекеттiк бюджеттердің, облыс бюджетiнiң және аудан (облыстық маңызы бар қаланың) бюджетiнiң атқарылуы туралы есептердi жасау кезiнде олар бойынша қосарлы шотты алып тастау мақсатында олар республикалық және облыстардың, республикалық маңызы бар қалалардың және астананың бюджеттерін, облыстық және аудандық (облыстық маңызы бар қалалардың) бюджеттердi арифметикалық қосу жолымен алынған сомадан алып тастауға жатады.

      79. Мемлекеттік, шоғырландырылған бюджеттердің, облыс бюджетінің атқарылуы туралы есеп осы Қағидаларға 21-қосымшаға сәйкес қалыптастырылады:

      бұл ретте, 4-бағандағы "Шығару сомасы":

      І "Кірістер" бөлімі бойынша жиыны:

      кірістердің 2-санаты бойынша (1,0 млрд. теңге) – бұл төмен тұрған бюджеттерге берілген кредиттер бойынша сыйақылар (мүдделер) сомасы, кірістердің 4-санаты бойынша (230,0 млрд. теңге = 20,0 млрд. теңге + 210,0 млрд. теңге) - бұл бюджеттік алып қоюлар ретінде жоғары тұрған бюджеттен алынған және төмен тұрған бюджет жоғары тұрған бюджеттен субвенциялар, нысаналы ағымдағы трансферттер мен нысаналы даму трансферттері (жоғары тұрған бюджеттің резервінен алынған трансферттерді қоса алғанда) нысанында алынған трансферттердің сомасынан тұрады.

      II "Шығындар" бөлімі бойынша жиыны:

      жоғары тұрған бюджет төмен тұрған бюджетке берілген трансферттердің (90,0 млрд. теңге - субвенциялар, 80,0 млрд. теңге - нысаналы ағымдағы және нысаналы даму трансферттері), жоғары тұрған бюджетке төмен тұрған бюджеттен берілген трансферттердің (60,0 млрд. теңге - бюджеттік алымдар) және үкіметтік борышқа қызмет көрсету жөніндегі шығындардың (1,0 млрд. теңге) сомаларынан тұрады.

      III "Таза бюджеттік кредит беру" бөлімі:

      "Бюджеттік кредиттер" кіші бөлімі бойынша жиын жоғары тұрған бюджеттің төмен тұрған бюджетке бөлінген кредиттердің сомасынан тұрады.

      Қаралатын мысалда жоғары тұрған бюджеттен төмен тұрған бюджетке бюджеттік инвестициялық жобаларды іске асыруға (40,0 млрд.теңге) және төмен тұрған бюджеттердегі қолма-қол ақша тапшылығын жабуға (1,0 млрд. теңге) бөлінген кредиттер сомасы орын алады. Егер жоғары тұрған бюджеттің резерві төмен тұрған бюджеттерде қолма-қол ақша тапшылығын жабуға бөлінбеген жағдайда, онда мемлекеттік, шоғырландырылған бюджеттердің, облыс бюджетінің атқарылуы туралы есепті қалыптастыру кезінде оның сомасы алынып тасталмайды.

      Қаралатын мысалда "Кредиттерді өтеу" кіші бөлімінің жиыны төмен тұрған бюджет жоғары тұрған бюджеттен қолма-қол ақша тапшылығын жабуға алған кредитті төмен тұрған бюджеттің толық өтеу сомасымен берілген. Егер бұл резерв мемлекеттік, шоғырландырылған бюджеттердің, облыс бюджетінің атқарылуы туралы есепті қалыптастыру күніне бөлінбеген немесе ішінара бөлінген жағдайда, онда алып тастау үшін сома не болмайды, не ол төмен тұрған бюджетке бөлінген және олардың өтеуіне жататын резервтің сол бөлігін құрайтын болады.

      VI "Бюджет тапшылығын қаржыландыру" бөлімі бойынша:

      қаралатын мысалда "Қарыздар түсімі" жолы бойынша сома жоғары тұрған бюджеттен алынған кредиттер сомасына тең, ал "Қарыздарды өтеу" жолының сомасы төмен тұрған бюджеттің кредиттерін өтеу сомасына тең. Қаралатын мысалда ағымдағы қаржы жылында өтелуге жататын төмен тұрған бюджет алған 1,0 млрд. теңге сомасындағы кредит өтелуге жатады. Ағымдағы қаржы жылында төмен тұрған бюджет алған 40,0 млрд. теңге сомасындағы кредит, айталық, 2 жылдан кейін өтелуге жатады, осыған байланысты ағымдағы қаржы жылында төмен тұрған бюджет оны өтеу бойынша шығыстарды көтермейді.

      8 "Шығару сомасы" бағанында:

      I "Кірістер" бөлімі бойынша жиын:

      ҚР Ұлттық қорынан республикалық бюджетке келіп түскен трансферттер сомасынан тұрады.

      II "Шығындар" бөлімі бойынша жиын:

      ҚР Ұлттық қорынан республикалық бюджетке берілген трансферттер сомасынан тұрады.

      12 "Шығару сомасы" бағанында:

      I "Кірістер" бөлімі бойынша жиын:

      тегін медициналық көмектің кепілдік берілген көлемі (бұдан әрі – ТМККК) шеңберінде қызметтер көрсеткені үшін ақы төлеуге және әскери қызметшілерге, арнаулы мемлекеттік және құқық қорғау органдарының қызметкерлеріне міндетті әлеуметтік медициналық сақтандыру (бұдан әрі – МӘМС) жүйесінде медициналық көмек көрсеткені үшін денсаулық сақтау субъектілеріне қызметтер көрсеткені үшін ақы төлеуге, қордың шығындарын өтеуге – ӘлМСҚ-ға республикалық бюджеттен келіп түскен трансферттер сомасынан (38,0 млрд.теңге = 28,0 млрд. теңге + 10,0 млрд. теңге) тұрады.

      II "Шығындар" бөлімі бойынша жиын:

      ТМККК шеңберінде қызметтер көрсеткені үшін ақы төлеуге және әскери қызметшілерге, арнаулы мемлекеттік және құқық қорғау органдарының қызметкерлеріне МӘМС жүйесінде медициналық көмек көрсеткені үшін денсаулық сақтау субъектілеріне қызметтер көрсеткені үшін ақы төлеуге, қордың шығындарын өтеуге – ӘлМСҚ-ға республикалық бюджеттен берілген трансферттер сомасынан (38,0 млрд.теңге = 28,0 млрд. теңге + 10,0 млрд. теңге) тұрады.

      80. Шоғырландырылған бюджеттің атқарылуы туралы есеп өзіне мынадай бөлімдерді (кіші бөлімдерді) қамтиды:

      1) кірістер (I):

      салықтық түсімдер;

      салықтық емес түсімдер;

      негізгі капиталды сатудан түсетін түсімдер;

      трансферттер түсімдері;

      2) Қазақстан Республикасының заңнамасында тыйым салынбаған өзге де түсімдер мен кірістер (II);

      3) Қазақстан Республикасының Ұлттық қорын басқарудан түсетін инвестициялық кірістер (III);

      4) МӘСҚ-ға түсетін түсімдер (IV);

      5) ӘлМСҚ-ға түсетін түсімдер (V);

      6) шығындар (VI):

      7) Жәбірленушілерге өтемақы қорының ҚБШ-нан төлемдер (VII);

      8) Қазақстан Республикасы Ұлттық қорды басқарумен және жыл сайынғы сыртқы аудитті жүргізумен байланысты шығыстарды жабу (VIII);

      9) МӘСҚ шығыстары (IХ);

      10) ӘлМСҚ шығыстары (Х);

      11) таза бюджеттік кредит беру (ХI):

      бюджеттік кредиттер;

      бюджеттік кредиттерді өтеу;

      12) қаржы активтерімен операциялар бойынша сальдо (ХII):

      қаржы активтерін сатып алу;

      мемлекеттің қаржы активтерін сатудан түсетін түсімдер;

      13) бюджет тапшылығы (профициті) (XIII);

      14) бюджеттің мұнайға қатысты емес тапшылығы (профициті) (XIV);

      15) бюджет тапшылығын қаржыландыру (профицитті пайдалану) (XV):

      қарыздар түсімі;

      қарыздарды өтеу;

      бюджет қаражатының пайдаланылатын қалдықтары;

      16) "Бюджет қаражатының қалдықтары" анықтамалық бөлімі:

      қаржы жылының басындағы бюджет қаражатының қалдықтары;

      есепті кезең соңындағы бюджет қаражатының қалдықтары.

      Бюджет тапшылығы (профициті) мынадай формула бойынша анқталады:

      Db(Pb) = D+Ip+Id+Dgfss+Dfsms-Z-Pr-Wk-K-S-Rfgss-Rfsms, мұнда:

      Ip – Қазақстан Республикасының заңнамасында тыйым салынбаған өзге де түсімдер мен кірістер;

      Id – Қазақстан Республикасының Ұлттық қорын басқарудан түсетін инвестициялық кірістер;

      Dgfss – МӘСҚ-ға түсімдер;

      Dfsms – ӘлМСҚ-ға түсімдер.

      Pr – Ұлттық қорды басқарумен және жыл сайынғы сыртқы аудитті жүргізумен байланысты шығыстарды жабу;

      Wk – Жәбірленушілерге өтемақы қоры ҚБШ төлеу;

      Rgfss – МӘСҚ шығыстары;

      Rfsms – ӘлМСҚ шығыстары;

      Теріс белгісімен алынған шама тапшылық, оң белгісімен алынған шама – бюджеттің профициті болып табылады.

      Бюджеттің мұнайға қатысты емес тапшылығы (профициті) мынадай формула бойынша анықталады:

      NDb(NPb) = D - T (NF) - VTP + Ip + Id + Dgfss +Dfsms – Z – Pr – Wk -K – S – Rgfss – Rfsms.

      Теріс белгісімен алынған шама мұнайға қатысты емес тапшылығы, оң белгісімен алынған шама – бюджеттің мұнайға қатысты емес профициті болып табылады.

8-параграф. Бюджетті атқару жөніндегі уәкілетті органдардың және аудандық маңызы бар қалалардың, ауылдардың, кенттердің, ауылдық округтердің әкімдері аппараттарының бюджеттердің атқарылуы туралы есептердi ұсыну тәртiбi

      Ескерту. 8-параграфтың тақырыбы жаңа редакцияда – ҚР Қаржы министрінің 29.08.2017 № 526 бұйрығымен

      81. Әрбір деңгейдегі жергілікті бюджет көрсеткіштерінің атқарылуы туралы есепті айдағы (жылдағы) деректерді ведомствоның аумақтық бөлімшесі осы Қағидаларда белгіленген тәртіппен және осы Қағидаларға 22-қосымшаға сәйкес 1-27-нысан бойынша жасайды.

      82. Ведомствоның аумақтық бөлімшесі бюджетті атқару жөніндегі жергілікті уәкілетті органға, аудандық маңызы бар қала, ауыл, кент, ауылдық округ әкімінің аппаратына:

      1) есепті айдағы жергілікті бюджет көрсеткіштерінің атқарылуы туралы деректер – бюджет түсімдерін санаттары, сыныптары, қосымша сыныптары мен бюджет түсімдерін жіктеу ерекшелігі бойынша және бюджет шығыстарын функционалдық топтары, функционалдық кіші топтары, бюджеттік бағдарламалар әкімшілері, бағдарламалар, кіші бағдарламалар бойынша толық көлемде электрондық деректер базасы түрінде есептіден кейінгі айдың екінші жұмыс күнінен кешіктірмей;

      2) есепті жылғы жергілікті бюджет көрсеткіштерінің атқарылуы туралы деректер санаттар, сыныптар, кiшi сыныптар және бюджет түсiмдерi сыныптарының ерекшелiктерi, бюджеттiк бағдарламалар, бағдарламалар, кiшi бағдарламалар әкiмшiлерi және бюджет шығыстары сыныптамасының ерекшелiктерi бойынша бюджет түсiмдерiн және функционалдық топтар, функционалдық кiшi топтар бойынша бюджет шығыстарын көрсете отырып электрондық дерекқор түрiнде есептi қаржы жылынан кейiнгi жылдың 10 қаңтарынан кешіктірмей ұсынады.

      Бюджетті атқару жөніндегі жергілікті уәкілетті орган, аудандық маңызы бар қала, ауыл, кент, ауылдық округ әкімінің аппараты өз билігіндегі есеп көрсеткіштерін жергілікті бюджет көрсеткіштерінің атқарылуы туралы ұсынылған деректермен салыстырып тексеру жүргізеді.

      Бұл ретте, нысан бойынша бюджет қаражаты түсімдерінің, шығыстарының және қалдықтарының сомасын салыстыру актісі жасалады. Содан кейін алшақтық себептерін анықтау және оларды жою бойынша бірлескен жұмыс жүргізіледі.

      83. 1-27-нысан бойынша деректерге осы Қағидаларға 23-қосымшаға сәйкес өзара өтелетін операциялар жөніндегі деректер қоса беріледі.

      84. Төмен тұрған деңгейдегі бюджеттiң атқарылуы туралы есепті оның атқарылуы жөніндегі уәкілетті орган немесе аудандық маңызы бар қала, ауыл, кент, ауылдық округ әкімінің аппараты жоғары тұрған деңгейдегі бюджеттi атқару жөніндегі уәкілетті органға қағаз жеткізгіште және бюджеттiң түсiмдерi мен шығыстары туралы электрондық дерекқор (бұдан әрi - электрондық дерекқор) түрiнде бередi.

      85. Облыстың, республикалық маңызы бар қаланың, астананың бюджеттi атқару жөнiндегi жергiлiктi уәкілетті органдары бюджеттi атқару жөнiндегi орталық уәкiлеттi органға мыналарды:

      1) облыстың, республикалық маңызы бар қаланың, астананың бюджетінің атқарылуы туралы айлық есепті – толық көлемде есептіден кейінгі айдың 8 – күнінен кешіктірмей АЖ арқылы, онда жергілікті бюджеттің атқарылуы туралы есептің бюджетке түсетін түсімдерді қамтитын бөлімі бюджет түсімдері сыныптамасының санаттарын, сыныптарын, кіші сыныптарын және ерекшелігін, ал есептің бюджет шығыстарын қамтитын бөлімі бюджет шығыстары сыныптамасының функционалдық топтарын, функционалдық кіші топтарын, бюджеттік бағдарламалар әкімшілерін, бағдарламаларды, кіші бағдарламаларды және ерекшеліктерін қамтиды, оны кейіннен осы Қағидалардың 45 және 46-тармақтарына сәйкес қалыптасқан мемлекеттік органдардың электрондық құжат айналымының бірыңғай жүйесі арқылы растай отырып, есептіден кейінгі айдың аяғына дейін;

      2) облыс, республикалық маңызы бар қала, астана бюджетiнiң атқарылуы туралы жылдық есепті - толық көлемде АЖ арқылы есептіден кейінгі жылдың 1 ақпанынан кешіктірмей, онда жергілікті бюджеттің атқарылуы туралы есептің бюджетке түсетін түсімдерді қамтитын бөлімі бюджет түсімдері сыныптамасының санаттарын, сыныптарын, кіші сыныптарын және ерекшелігін, ал есептің бюджет шығыстарын қамтитын бөлімі бюджет шығыстары сыныптамасының функционалдық топтарын, функционалдық кіші топтарын, бюджеттік бағдарламалар әкімшілерін, бағдарламаларды, кіші бағдарламаларды және ерекшеліктерін қамтиды, ал осы Қағидалардың 45 және 46-тармақтарына сәйкес қағаз жеткізгіште есептiден кейінгі жылдың 10 наурызына дейін ұсынады.

      Есепте бюджет түсімдері мен шығыстары теңгерімделмеген, шығыстардың функционалдық және экономикалық сыныптамаларының арасында алшақтық болған жағдайда, олардың пайда болу себептері көрсетіле отырып, АЖ арқылы ұсынылатын түсіндірме жазба жасалады.

      Бұл ретте бюджет шығыстарын қамтитын жергілікті бюджеттің атқарылуы туралы есептің бөлімдерінде бюджет шығыстарын жіктеу ерекшеліктері жөніндегі деректер мына бағандар бойынша қамтиды:

      "Есепті қаржы жылына арналған, түзетілген бюджет";

      "Төлемдер бойынша ағымдағы жылға арналған түсімдер мен қаржыландырудың жиынтық жоспары";

      "Міндеттемелер бойынша ағымдағы жылға арналған түсімдер мен қаржыландырудың жиынтық жоспары";

      "Қабылданған міндеттемелер";

      "Бюджет түсімдерінің атқарылуы және бюджеттік бағдарламалар (кіші бағдарламалар) бойынша төленген міндеттемелер".

      Көрсетілген бағандар бойынша ерекшеліктер деңгейіне дейінгі есепті деректер 1-27-нысан бойынша ведомствоның аумақтық бөлімшелері ұсынған деректерге негізделеді.

      Қалған бағандар бойынша деректер кіші бағдарламалар деңгейіне дейін ұсынылады.

      Тоқсан сайын, облыс, республикалық маңызы бар қала, астана бюджетiнiң атқарылуы туралы есепке қол жеткізілген нәтижелерді көрсете отырып, бюджет түсімдері мен шығыстары бойынша іс жүзінде қалыптасқан соманы түсіндіре отырып, түсіндірме жазба қоса беріледі.

      86. Бюджеттi атқару жөніндегі облыстың жергiлiктi атқарушы органына ауданның (облыстық маңызы бар қаланың) бюджетiнiң атқарылуы туралы айлық/жылдық есептi ұсыну мерзiмi соңынан белгiленедi.

      86-1. Бюджетті атқару жөніндегі ауданның (облыстық маңызы бар қаланың) жергiлiктi уәкілетті органына аудандық маңызы бар қала, ауыл, кент, ауылдық округ бюджетінің атқарылуы туралы айлық/жылдық есепті ұсыну мерзімі.

      87. Ведомство мемлекеттiк бюджеттiң атқарылуы туралы есептi қалыптастыру үшiн жауапты бюджеттi атқару жөнiндегi орталық уәкiлеттi органның құрылымдық бөлiмшесiне мыналарды:

      1) есепті айдағы республикалық бюджет көрсеткіштерінің атқарылуы туралы айлық есеп деректерін, сыртқы қарыздар есебінен есепті кезеңнің соңғы айының кассалық операцияларын есепке алмастан – есептіден кейінгі айдың 3 – інен кешіктірмей; сыртқы қарыздар есебінен есепті кезеңнің соңғы айының кассалық операцияларын ескере отырып – есептіден кейінгі айдың 8 – нен кешіктірмей.

      Есепті қаржы жылынан кейінгі келесі жылдың 1 қаңтарындағы жағдай бойынша сыртқы қарыздар есебiнен есептi кезеңнiң соңғы айының кассалық операцияларын ескере отырып, республикалық бюджет көрсеткiштерiнiң атқарылуы туралы деректер Қазақстан Республикасы Үкіметінің республикалық бюджеттің атқарылуы туралы жылдық есебіне материалдарды талдау және дайындау үшін пайдаланылады.

      2) ведомствоның аумақтық бөлімшелерінің есептерінің және республикалық бюджеттік бағдарламалар әкімшілерінің бюджеттік есептілік деректерімен салыстырылған есептi жылдағы республикалық бюджет көрсеткiштерiнiң атқарылуы туралы деректерді - есептi қаржы жылынан кейiнгi жылдың 1 ақпанына дейiн.

      88. Жергілікті бюджеттер бойынша даму бюджеттік бағдарламаларының атқарылуы туралы айлық/жылдық есепті бюджетті атқару жөніндегі жергілікті уәкілетті органдар, аудандық маңызы бар қалалар, ауылдар, кенттер, ауылдық округтер әкімдерінің аппараттары инвестициялық жобалар, концессиялық жобаларды бірлесе қаржыландыру, заңды тұлғалардың жарғылық капиталын қалыптастыруға және ұлғайтуға берілген инвестициялар бойынша, сондай-ақ өзінің мазмұны бойынша бюджеттік инвестициялық жобаларды іске асыруға, концессиялық жобаларды бірлесе қаржыландыруға және "Басқалар" деген бөлімде көрсетілетін заңды тұлғалардың жарғылық капиталдарын қалыптастыруға және ұлғайтуға бағытталған бюджеттік бағдарламаларға жатпайтын бюджеттік даму бағдарламалары бойынша қорытынды деректерді көрсете отырып, 6-ДББ нысан бойынша қалыптастырады.

      1-бағанда кодтар толтырылады:

      бюджет шығыстарының функционалдық және экономикалық сыныптамасы – функционалдық топ, функционалдық кіші топ, бюджеттік бағдарлама әкімшісі, бюджеттік бағдарлама, кіші бағдарлама, ерекшелік;

      2-бағанда түсімдер сыныптамасы көрсеткішінің атауы, бюджет шығыстарының функционалдық және экономикалық сыныптамасы;

      3-бағанда Қазақстан Республикасының Парламенті бекіткен есепті қаржы жылына арналған нақтыланған бюджеттің сомасы көрсетіледі;

      4-бағанда оның орындалу барысында Қазақстан Республикасының Парламенті қабылдаған өзгерістер мен толықтыруларды ескере отырып, есепті қаржы жылына арналған нақтыланған бюджеттің сомасы көрсетіледі;

      5-бағанда есепті қаржы жылына түзетілген бюджет – Қазақстан Республикасының Парламентінде нақтыланбай Қазақстан Республикасының Үкіметіне енгізілген өзгерістер мен толықтыруларды ескере отырып, бекітілген немесе нақтыланған бюджет сомасы;

      6 және 7-бағандарда төлемдер бойынша түсімдер мен қаржыландырудың жиынтық жоспарының және жылдың басынан өсу қорытындысымен есепті кезеңге міндеттемелер бойынша қаржыландырудың жиынтық жоспарының сомасы көрсетіледі. Түсімдер бойынша 6-баған, шығыстар бойынша 6 және 7-баған толтырылады, бұл ретте 6-бағанда бюджеттік кіші бағдарламалар деңгейіне дейін төлемдер бойынша бюджеттік бағдарламаларды қаржыландырудың жиынтық жоспарының сомасы көрсетіледі (қоса алғанда);

      8-бағанда қабылданатын міндеттемелер сомасы көрсетіледі;

      9-бағанда төленбеген міндеттемелер сомасы көрсетіледі;

      10-бағанда бюджет түсімдерінің орындалу сомасы және /немесе жылдың басынан бастап өсу қорытындысымен есепті кезеңге бюджеттік бағдарламалар (кіші бағдарламалар) бойынша төленген міндеттемелер көрсетіледі.

      11-бағанда бюджет түсімдерінің атқарылу және/немесе есепті кезеңге түсімдердің жиынтық жоспары мен бюджетті қаржыландыру сомаларына есепті кезеңге бюджеттік бағдарламалар (кіші бағдарламалар) бойынша төленген міндеттемелер сомасының пайыздық қатынастары көрсетіледі;

      12-бағанда бюджет түсімдерінің атқарылу және/немесе есепті кезеңге бюджеттің атқарылатын (бекітілген, нақтыланған, түзетілген) сомаларына есепті кезеңге бюджеттік бағдарламалар (кіші бағдарламалар) бойынша төленген міндеттемелер сомасының пайыздық қатынастары көрсетіледі;

      Жергілікті (жиынтық) бюджеттер бойынша бюджеттік даму бағдарламаларының атқарылуы туралы айлық/жылдық есепті бюджетті атқару жөніндегі орталық уәкілетті органның мемлекеттік бюджеттің атқарылуы туралы есепті қалыптастыру үшін жауапты құрылымдық бөлімшесі жергілікті бюджеттер бойынша бюджеттік даму бағдарламаларының атқарылуы туралы есептердің негізінде қалыптастырады.

      Басым республикалық бюджеттік инвестициялардың атқарылуы туралы айлық/жылдық есепті ведомство, осы Қағидаларға 24-қосымшаға сәйкес нысан бойынша республикалық бюджет туралы заңды іске асыру туралы Қазақстан Республикасы Үкіметінің қаулысына қоса берілетін Басым республикалық бюджеттік инвестициялардың тізбесіне сәйкес қалыптастырады.

      88-1. Басым республикалық бюджеттік инвестициялардың атқарылуы туралы есепті жасау үшін ведомство есепті айдан кейінгі айдың алғашқы бес жұмыс күні ішінде республикалық бюджет туралы заңды іске асыру туралы Қазақстан Республикасы Үкіметінің қаулысына қоса берілетін басым республикалық бюджеттік инвестициялардың тізбесіне сәйкес АЖ-ге инвестициялық жобалардың жылдық сомалары бойынша деректерді жүктейді.

      Республикалық бюджеттік бағдарламалардың әкімшілері есепті айдан кейінгі ағымдағы айдың оныншы күнінен кешіктірмей ведомствоға осы Қағидаларға 26-қосымшаға сәйкес 7-БИЖ нысаны бойынша АЖ-де қалыптастырылған инвестициялық жобаларды іске асыруға бағытталған бюджеттік даму бағдарламаларын атқару туралы есепті электрондық түрде ұсынады.

      7-БИЖ нысаны былайша толтырылады: Ескерту. 88-тармақ жаңа редакцияда – ҚР Премьер-Министрінің Бірінші орынбасары – ҚР Қаржы министрінің 11.03.2020 № 243 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1) 1, 2, 3, 4, 5, 6, 7, 8, 9, 13, 15, 16 және 17-бағандарды бюджеттік бағдарламалар әкімшілері толтырмайды (осы бағандардың мазмұны АЖ-дан автоматты түрде алынатын болады) және түзету құқығынсыз оқу режимінде пайдаланылатын болады;

      2) 10-бағанда әрбір инвестициялық жобалар бойынша есепті кезеңге арналған міндеттемелер бойынша жиынтық қаржыландыру жоспары көрсетіледі;

      3) 11-бағанда әрбір инвестициялық жобалар бойынша есепті кезеңге арналған төлемдер бойынша жиынтық қаржыландыру жоспары көрсетіледі;

      4) 12-бағанда әрбір инвестициялық жобалар бойынша есепті кезеңге арналған қабылданған міндеттемелер көрсетіледі;

      5) 14-бағанда әрбір инвестициялық жобалар бойынша есепті кезеңге арналған бюджеттік бағдарламалар бойынша төленген міндеттемелер көрсетіледі.

      Инвестициялық жобаларды іске асыруға бағытталған бюджеттік даму бағдарламаларын атқару туралы есепке орталық атқарушы органның аппарат басшысы (белгіленген тәртіппен орталық атқарушы органның аппарат басшысының өкілеттіктері жүктелген лауазымды тұлға) немесе мемлекеттік мекеменің басшысы қол қояды, қойылған қолдар таратылып (тегі және аты-жөні) жазылған болуы тиіс.

      89. Республикалық бюджеттiң атқарылуы туралы айлық есептi бюджеттiң атқарылуы жөнiндегi орталық уәкiлеттi орган Қазақстан Республикасы Премьер-Министрiнің өкiмiмен бекiтiлген Қазақстан Республикасының Премьер-Министрiне ақпараттық материалдарды ұсыну кестесіне сәйкес Қазақстан Республикасының Үкіметіне мемлекеттiк және жергiлiктi бюджеттердiң атқарылуы туралы есептiден кейiнгi айдың 15-інен – есептіден кейінгі айдың 20-сынан кешіктірмей ұсынады.

      Республикалық бюджеттiң атқарылуы туралы айлық есеп, есептiден кейiнгi айдың 15-iнде Республикалық бюджеттiң атқарылуын бақылау жөніндегі есеп комитетi мен мемлекеттік жоспарлау жөніндегі орталық уәкілетті органға да, мемлекеттiк және жергiлiктi бюджеттердiң атқарылуы туралы айлық есеп есептiден кейiнгi айдың 20-сында - мемлекеттік жоспарлау жөніндегі орталық уәкілетті органға ұсынылады.

      90. Мемлекеттiк және жергiлiктi бюджеттердiң атқарылуы туралы жылдық есептi бюджеттi атқару жөнiндегi орталық уәкiлеттi орган Қазақстан Республикасының Үкiметiне, Қазақстан Республикасы Президентiнiң Әкiмшiлiгiне, мемлекеттік жоспарлау жөніндегі орталық уәкілетті органға өткен қаржы жылына арналған республикалық бюджеттiң атқарылуы туралы Қазақстан Республикасының Үкiметi мен Республикалық бюджеттiң атқарылуын бақылау жөніндегі есеп комитетiнiң есептерiн Қазақстан Республикасының Парламентi бекiткеннен кейiн он жұмыс күнiнiң iшiнде ұсынады.

      91. Мемлекеттік, республикалық және жергілікті бюджеттердің атқарылуы туралы (облыстардың, республикалық маңызы бар қалалардың, астананың бөлінісінде жиынтық) айлық/жылдық есептерді, басым республикалық бюджеттік инвестициялардың атқарылуы туралы есептерді, жергілікті (жиынтық) бюджеттер бойынша бюджеттік даму бағдарламаларының атқарылуы туралы есептерді бюджетті атқару жөніндегі орталық уәкілетті орган нысандар бойынша электрондық түрде ілеспе хатпен тиісті мемлекеттік органдарға жібереді.

      Мемлекеттік, республикалық және жергiлiктi бюджеттердің атқарылуы туралы есептердің (облыстардың, республикалық маңызы бар қалалардың, астананың бюджеттерінің атқарылуы туралы жиынтық есептің) бюджет түсімдерін қамтитын бөлімдері бюджет түсімдері сыныптамасының санаттары, сыныптары, кіші сыныптары мен ерекшеліктері жөніндегі деректерді қамтиды.

      Есептердің бюджет шығыстарын қамтитын бөлімдері бюджет шығыстары сыныптамасының функционалдық топтары, функционалдық кіші топтары, бюджеттік бағдарламалардың әкімшілері, бюджеттік бағдарламалар мен кіші бағдарламалар жөніндегі деректерді қамтиды.

      92. Облыстардың, республикалық маңызы бар қалалардың, астананың бюджеттерінiң атқарылуы туралы есептерді бюджеттi атқару жөнiндегi уәкiлеттi орган тиісті мемлекеттік органдарға біріктірілген нысанда жібереді, онда облыстардың, республикалық маңызы бар қалалардың, астананың бюджеттерінiң атқарылуы туралы есептердің бюджет түсімдерін қамтитын бөлімдері бюджет түсімдері сыныптамасының санаттарын қамтиды, ал бюджет шығыстарын қамтитын бөлімдері бюджет шығыстары сыныптамасының функционалдық топтарын қамтиды.

      93. Мемлекеттік, республикалық, жергiлiктi бюджеттердің, облыстардың, республикалық маңызы бар қалалардың, астананың бюджеттерінің атқарылуы туралы айлық (жылдық) есептер (облыстардың, республикалық маңызы бар қалалардың, астананың және аудандардың (облыстық маңызы бар қалалардың) бюджеттерінің атқарылуы туралы жиынтық есеп) электрондық түрде, осы Қағидаларға 48-тармаққа сәйкес бюджет құрылымы бойынша бюджет түсімдері сыныптамасының санаттары, сыныптары, кіші сыныптары мен ерекшеліктері бойынша бюджет түсімдерін және бюджет шығыстары сыныптамасының функционалдық топтары, функционалдық кіші топтары, бюджеттік бағдарламалардың әкімшілері, бағдарламалар, кіші бағдарламалар мен ерекшеліктері бойынша бюджет шығыстарын көрсете отырып, сондай-ақ бюджет шығыстарының экономикалық сыныптамасының санаттары, сыныптары, кіші сыныптары мен ерекшеліктері және бюджеттік бағдарламалардың әкімшілері бөлінісінде қалыптастырылады.

      Мемлекеттік, (облыстар, республикалық маңызы бар қалалар, астана бюджеттерінің атқарылуы туралы жиынтық есеп) жергiлiктi бюджеттердің атқарылуы туралы айлық/жылдық есептер бюджеттi атқару жөнiндегi орталық уәкiлеттi органның мемлекеттік бюджеттiң атқарылуы туралы есепті қалыптастыруға жауапты құрылымдық бөлімшесі:

      1) ведомство ұсынған республикалық бюджеттің көрсеткіштерінің атқарылуы туралы деректерінің;

      2) жергілікті уәкілетті органдары ұсынған жергiлiктi бюджеттердің атқарылуы туралы есептердің;

      3) ведомство ұсынған 1-27 нысан бойынша жергiлiктi бюджеттердің көрсеткіштерінің атқарылуы туралы деректерінің;

      4) орталық уәкiлеттi органның Қазақстан Республикасының Бiрыңғай бюджеттiк сыныптамасын әзірлеу функцияларын жүзеге асыратын құрылымдық бөлімшесі әзірлеген және АЖ-не енгізілген өзара өтелетін операциялар бойынша кодтарының кестесінің негізінде жасайды.

      94. Шоғырландырылған бюджеттің атқарылуы туралы айлық/жылдық есепті бюджетті атқару жөніндегі орталық уәкілетті органның мемлекеттік бюджеттің атқарылуы туралы есепті қалыптастыруға жауапты құрылымдық бөлімшесі:

      1) ведомство ұсынған республикалық бюджет көрсеткіштерінің атқарылуы туралы деректердің;

      2) облыстың, республикалық маңызы бар қалалардың, астананың бюджетті атқару жөніндегі жергілікті уәкілетті органдары ұсынған, облыстардың, республикалық маңызы бар қалалардың және астананың бюджеттерінің атқарылуы туралы есептердің негізінде құрылымдық бөлімшенің өзі қалыптастырған жергілікті бюджеттердің атқарылуы туралы (облыстар, республикалық маңызы бар қалалар және астана бойынша жиынтық) есептің;

      3) ведомство ұсынған Қазақстан Республикасы Ұлттық қорының түсімдері және оның пайдаланылуы туралы есептің;

      4) бюджетті атқару жөніндегі орталық уәкілетті органның Қазақстан Республикасы Ұлттық қорының қалыптастырылуы мен пайдаланылуы туралы жылдық есепті жасау функциясын жүзеге асыратын құрылымдық бөлімшесі ұсынған Ұлттық қорды басқарудан түскен инвестициялық кірістердің және Ұлттық Қорды басқаруға және жыл сайынғы сыртқы аудитті жүргізуге байланысты шығыстарды өтеудің жоспарлы көрсеткіштерінің;

      5) ведомство ұсынған Жәбірленушілерге өтемақы қорының түсімдері мен оның пайдаланылуы және жәбірленушілерге жүргізілген өтемақы төлемдері туралы есептің;

      6) МӘСҚ түсімдері мен шығыстары туралы есептің;

      7) ӘлМСҚ түсімдері мен шығыстары туралы есептің негізінде жасалады.

      95. Шоғырландырылған бюджеттің атқарылуы туралы айлық/жылдық есеп мемлекеттік және жергілікті бюджеттердің атқарылуы туралы есептер үшін осы Қағидаларда белгіленген мерзімдерде жасалады және бюджетті атқару жөніндегі орталық уәкілетті орган электрондық түрде (біріктірілген түрде) ілеспе хатпен Қазақстан Республикасының Үкіметіне ұсынады.

6. Қазақстан Республикасының Ұлттық қорының қолма-қол ақшаны бақылау шотындағы ақша қозғалысы туралы есепті жасау мен ұсыну тәртібі

      96. Қазақстан Республикасы Ұлттық Қорының ҚБШ-сындағы ақша қозғалысы туралы айлық/жылдық есепті бюджеттi атқару жөнiндегi орталық уәкiлеттi органның мемлекеттік бюджеттiң атқарылуы туралы есепті қалыптастыруға жауапты құрылымдық бөлімшесі жасайды және ол өзіне мынадай бөлімдерді қамтиды:

      1) кірістер (І);

      2) қаржы активтерін сатудан түсетін түсімдер (ІІ);

      3) Қазақстан Республикасы Ұлттық қорының ҚБШ-сына түскен түсімдердің жиыны (ІІІ);

      4) Қазақстан Республикасы Ұлттық қорының ҚБШ-сынан аударымдар (IV);

      5) түсімдер мен аударымдар сальдосы (V);

      6) қаржы жылының басындағы Қазақстан Республикасы Ұлттық қорының ҚБШ-сындағы ақша қалдығы (VI);

      7) есепті кезеңнің аяғындағы Қазақстан Республикасы Ұлттық қорының ҚБШ-сындағы ақша қалдығы (VIІ).

      97. І "Кірістер" бөлімі бекітілген тізбе бойынша мұнай секторы ұйымдарынан түсетін салықтық түсімдердің, мұнай секторы ұйымдарынан түсетін салықтық емес түсімдердің сомасын, және бюджет түсімдері сыныптамасы түсiмдерiнiң санаттары, топтары, кіші сыныптары мен ерекшеліктері бойынша негізгі капиталды сатудан түсетін түсімдерді көрсетеді.

      98. ІІ "Қаржы активтерін сатудан түсетін түсімдер" бөлімі бюджет түсімдері сыныптамасы түсiмдерiнiң санаты, тобы, кіші сыныбы мен ерекшелігі бойынша республикалық меншіктегі және тау-кен және өңдеу салаларына жататын мемлекеттік мүлікті жекешелендіруден түсетін түсімдердің сомасын көрсетеді.

      99. ІІІ "Қазақстан Республикасы Ұлттық қорының ҚБШ-сына түскен түсімдердің жиыны" бөлімі кірістер мен түсімдердің жалпы сомасын көрсетеді.

      100. IV "Қазақстан Республикасы Ұлттық қорының ҚБШ-сынан жасалған аударымдар" бөлімі Қазақстан Республикасы Ұлттық қорының ақшасын есепке алу үшін Қазақстан Республикасының Ұлттық Банкінде ашылған Қазақстан Республикасы Үкіметінің шоттарына функционалдық тобы, ішкі тобы, бюджет бағдарламасының әкімшісі, бюджеттік бағдарламасы (кіші бағдарламасы) және бюджет шығыстарының экономикалық сыныптамасының ерекшелігі бойынша Қазақстан Республикасы Ұлттық қорының ҚБШ-сынан жүргізілген аударымдардың сомасын көрсетеді.

      101. V "Түсімдер мен аударымдар сальдосы" бөлімі ІІІ "Қазақстан Республикасы Ұлттық қорының ҚБШ-сына түскен түсімдердің жиыны" мен IV "Қазақстан Республикасы Ұлттық қорының ҚБШ-сынан аударымдар" бөлімдерінің арасындағы айырма сомасын көрсетеді.

      102. VI "Қаржы жылының басындағы Қазақстан Республикасы Ұлттық қорының ҚБШ-сындағы ақша қалдығы" бөлімі қаржы жылының басындағы Қазақстан Республикасы Ұлттық қорының ҚБШ-сындағы ақша қалдығының сомасын көрсетеді.

      103. VIІ "Есепті кезеңнің аяғындағы Қазақстан Республикасы Ұлттық қорының ҚБШ-сындағы ақша қалдығы бөлімі V "Түсімдер мен аударымдар сальдосы" мен VI "Қаржы жылының басындағы Қазақстан Республикасы Ұлттық қорының ҚБШ-сындағы ақша қалдығы" бөлімдерінің қорытынды сомасын көрсетеді

      104. Ведомство Қазақстан Республикасы Ұлттық қорының ҚБШ-сындағы ақша қозғалысы туралы есепті бюджетті атқару жөніндегі орталық уәкілетті органның мемлекеттік бюджеттің атқарылуы туралы есепті қалыптастыруға жауапты құрылымдық бөлімшесіне есептi айдан кейінгі айдың бесінші күнінен кешiктiрмей, ұсынады.

6-1-тарау. Жәбірленушілерге өтемақы қорының түсімдері мен пайдаланылуы туралы есепті жасау және ұсыну тәртібі

      Ескерту. Қағида 6-1-тараумен толықтырылды – ҚР Қаржы министрінің 06.04.2018 № 446 (01.07.2018 бастап қолданысқа енгізіледі) бұйрығымен.

      104-1. Жәбірленушілерге өтемақы қорының түсімдері және оның пайдаланылуы туралы айлық/жылдық есепті ведомство жасайды және ол өзіне мынадай бөлімдерді қамтиды:

      1) Кірістер (І);

      2) Жәбірленушілерге өтемақы қорының ҚБШ-сынан төлемдер (ІІ);

      3) Кірістер мен төлемдер сальдосы (III);

      4) Қаржы жылының басындағы Жәбірленушілерге өтемақы қорының ҚБШ-сындағы ақша қалдығы (IV);

      5) Есепті кезеңнің аяғындағы Жәбірленушілерге өтемақы қорының ҚБШ-сындағы ақша қалдығы (V).

      І "Кірістер" бюджет түсімдері сыныптамасы түсiмдерiнiң санаттары, топтары, кіші сыныптары мен ерекшеліктері бойынша салықтық емес түсімдердің сомасын көрсетеді.

      ІІ бөлім "Жәбірленушілерге өтемақы қорының ҚБШ-сынан төлемдер" Жәбірленушілерге өтемақы қорының ҚБШ-сынан жүргізілген төлемдердің сомасын көрсетеді.

      III "Кірістер мен төлемдер сальдосы" бөлімі І "Кірістер" мен II "Жәбірленушілерге өтемақы қорының ҚБШ-сынан төлемдер" бөлімдерінің арасындағы айырма сомасын көрсетеді.

      ІV "Қаржы жылының басындағы Жәбірленушілерге өтемақы қорының ҚБШ-сындағы ақша қалдығы" бөлімі қаржы жылының басындағы Жәбірленушілерге өтемақы қорының ҚБШ-сындағы ақша қалдығының сомасын көрсетеді.

      V "Есепті кезеңнің аяғындағы Жәбірленушілерге өтемақы қорының ҚБШ-сындағы ақша қалдығы" бөлімі III "Кірістер мен төлемдер сальдосы" мен ІV "Қаржы жылының басындағы Жәбірленушілерге өтемақы қорының ҚБШ-сындағы ақша қалдығы" бөлімдерінің қорытынды сомасын көрсетеді.

      104-2. МӘСҚ түсімдері мен шығыстары туралы айлық/жылдық есепті орталық уәкілетті орган жасайды және ол мына бөлімдерді қамтиды:

      1) Түсімдер, барлығы (I),

      2) Шығыстар (II);

      3) Түсімдер мен шығыстар сальдосы (III);

      4) Қаржы жылының басындағы МӘСҚ ақша қалдығы (IV);

      5) Есепті кезеңнің соңындағы МӘСҚ ақша қалдығы (V);

      I "Түсімдер" бөлімі МӘСҚ түсетін түсімдер сомасын көрсетеді.

      II "Шығыстар" бөлімі МӘСҚ жүргізілген төлемдер сомасын көрсетеді.

      III "Түсімдер мен шығыстар сальдосы" бөлімі I "Түсімдер" және II "Шығыстар" бөлімдері арасындағы айырма сомасын көрсетеді.

      IV "Қаржы жылының басындағы МӘСҚ ақша қалдығы" бөлімі қаржы жылының басындағы МӘСҚ ақша қалдығының сомасын көрсетеді.

      V "Есепті кезеңнің соңындағы МӘСҚ ақша қалдығы" бөлімі III "Түсімдер мен шығыстар сальдосы" және IV "Қаржы жылының басындағы МӘСҚ ақша қалдығы" бөлімдерінің жиынтық сомасын көрсетеді.

      Республикалық бюджеттік бағдарламалардың әкімшісі есепті бюджетті атқару жөніндегі орталық уәкілетті органға ай сайын есепті кезеңнен кейінгі айдың 10-ы күніне дейінгі мерзімде және тиісті қаржы жылы үшін есептіден кейінгі жылдың 1 ақпанына дейінгі мерзімде ұсынады.

      ӘлМСҚ түсімдері мен шығыстары туралы айлық/жылдық есепті орталық уәкілетті орган жасайды және ол мына бөлімдерді қамтиды:

      1) Түсімдер, барлығы (I),

      оның ішінде трансферттер:

      - ТМККК шеңберінде қызметтер көрсеткені үшін ақы төлеуге;

      - әскери қызметшілерге, арнаулы мемлекеттік және құқық қорғау органдарының қызметкерлеріне МӘМС жүйесінде медициналық көмек көрсеткені үшін денсаулық сақтау субъектілеріне қызметтер көрсетуге ақы төлеуге арналған қордың шығындарын өтеуге;

      2) Шығыстар (II);

      3) Түсімдер мен шығыстар сальдосы (III);

      4) Қаржы жылының басындағы ӘлМСҚ ақша қалдығы (IV);

      5) Есепті кезеңнің соңындағы ӘлМСҚ ақша қалдығы (V);

      I "Түсімдер" бөлімі республикалық бюджеттен берілетін трансферттердің жеке жолын көрсете отырып, ӘлМСҚ түсетін түсімдер сомасын көрсетеді.

      II "Шығыстар" бөлімі ӘлМСҚ жүргізілген төлемдер сомасын көрсетеді.

      III "Түсімдер мен шығыстар сальдосы" бөлімі І "Түсімдер" және II "Шығыстар" бөлімдері арасындағы айырма сомасын көрсетеді.

      IV "Қаржы жылының басындағы ӘлМСҚ ақша қалдығы" бөлімі қаржы жылының басындағы ӘлМСҚ ақша қалдығының сомасын көрсетеді.

      V "Есепті кезеңнің соңындағы ӘлМСҚ ақша қалдығы" бөлімі III "Түсімдер мен шығыстар сальдосы" және IV "Қаржы жылының басындағы ӘлМСҚ ақша қалдығы" бөлімдерінің жиынтық сомасын көрсетеді.

      Республикалық бюджеттік бағдарламалардың әкімшісі есепті бюджетті атқару жөніндегі орталық уәкілетті органға ай сайын есепті кезеңнен кейінгі айдың 10-ы күніне дейінгі мерзімде және тиісті қаржы жылы үшін есептіден кейінгі жылдың 1 ақпанына дейінгі мерзімде ұсынады.

7. Қорытынды ережелер

      105. Бюджеттік және қаржылық есептіліктерді үйлестіру мақсатында есептердің осы нысандарын өзара салыстырып тексеру жүргізіледі.

      Қаржылық және шоғырландырылған қаржылық есептілікпен салыстырып тексеру үшін мынадай:

      1-АҚ нысаны бойынша тауарларды (жұмыстарды, көрсетілетін қызметтерді) сатудан түсетін түсімдер мен ақшаны жұмсау жоспарының орындалуы туралы есеп;

      1-АҚ-УО нысаны бойынша тауарларды (жұмыстарды, көрсетілетін қызметтерді) сатудан түсетін түсімдер мен ақшаны жұмсау жоспарының орындалуы туралы есеп;

      2-ДҚ нысаны бойынша филантропиялық қызметтен және (немесе) демеушілік қызметтен және (немесе) меценаттық қызметтен және (немесе) кіші отанға қолдау көрсету жөніндегі қызметтен ақша түсімі және олардың жұмсалуы туралы есеп;

      4-20-нысан бойынша шығыстар бойынша жиынтық есеп;

      республикалық бюджет көрсеткіштерінің атқарылуы туралы деректер;

      1-27-нысан бойынша жергілікті бюджет көрсеткіштерінің атқарылуы туралы деректер пайдаланылады.

      Алшақтықтар табылған кезде алшақтықтардың себептерін айқындау және оларды жою бойынша жұмыстар жүргізіледі.

      106. Мемлекеттік мекемелердің жылдық және жартыжылдық бюджеттік есептеріне есепті кезеңде тауарларды (жұмыстарды, көрсетілетін қызметтерді) сатудан түскен ақша түсімдері мен шығыстары жоспарының орындалуына, сондай-ақ филантропиялық қызметтен және (немесе) демеушілік қызметтен және (немесе) меценаттық қызметтен және (немесе) кіші отанға қолдау көрсету жөніндегі қызметтен қаражат түсімдері мен шығыстарына әсер еткен негізгі факторлар баяндалған ақпарат қоса беріледі.

      107. Жылдық және жартыжылдық есептерге ақпарат "Қаржы есептілігін жасаудың және ұсынудың нысаны мен ережесін бекіту туралы" Қазақстан Республикасы Қаржы министрінің 2010 жылғы 8 шілдедегі № 325 (Нормативтік құқықтық кесімдерді мемлекеттік тіркеудің тізіліміне № 6352 болып тіркелген) бұйрығымен бекітілген қаржылық есептілікке түсіндірме жазбаның құрамында көрініс табады (№ 5-нысан) және қысқаша жазылуы және мына бөлімдер бойынша: жалпы ережелер мен бюджеттік есептілік нысандары жөніндегі түсіндірмені қамтуы тиіс.

      108. Бюджеттің атқарылуы туралы айлық (жылдық) есептерді, бюджеттің түсімдері мен шығыстары туралы электрондық дерекқорды қалыптастыру және ұсыну бойынша бюджетті атқару жөніндегі орталық уәкілетті органның құрылымдық бөлімшелерінің арасындағы өзара қарым-қатынастарды бюджетті атқару жөніндегі орталық уәкілетті орган реттейді.

Мемлекеттік мекемелердің, бюджеттік бағдарламалар әкімшілерінің, бюджетті атқару жөніндегі уәкілетті органдардың және аудандық маңызы бар қалалар, ауылдар, кенттер, ауылдық округтер әкімдері аппараттарының бюджеттік есептілікті жасау нысандарының тізбесі

      Ескерту. 1-қосымша жаңа редакцияда – ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескертпе:

      *1-АҚ нысаны – мемлекеттік мекемелер мен бюджеттік бағдарламалар әкімшілері үшін

      **1-АҚ-УО нысаны – бюджетті атқару жөніндегі уәкілетті органдар, аудандық маңызы бар қалалар, ауылдар, кенттер, ауылдық округтер әкімдері аппар

Мемлекеттік мекемелердің, бюджеттік бағдарламалар әкімшілерінің, бюджетті атқару жөніндегі уәкілетті органдардың және аудандық маңызы бар қалалар, ауылдар, кенттер, ауылдық округтер әкімдері аппараттарының бюджеттік есептілікті ұсыну нысаны

      Ескерту. 2-қосымша жаңа редакцияда – ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескертпе: аббревиатуралардың толық жазылуы:

      РББӘ – республикалық бюджеттік бағдарламалардың әкімшісі;

      ЭҚАБЖ – электрондық құжат айналымының бірыңғай жүйесі;

      АЖ – ақпараттық жүйе

      МӘСҚ – Мемлекеттік әлеуметтік сақтандыру қоры;

      ӘлМСҚ – Әлеуметтік медициналық сақтандыру қоры.

Әкімшілік деректер жинауға арналған нысан Тауарларды (жұмыстарды, көрсетілетін қызметті) өткізуінен түскен түсімдері мен ақша шығыстары жоспарларының орындалуы туралы есеп

      Ескерту. 3-қосымша жаңа редакцияда – ҚР Қаржы министрінің 29.08.2017 № 526 бұйрығымен

      Есепті кезең

      _____________ жылға

      Индекс: 1-МУО нысаны

      Ұсынатын тұлғалар тобы:

      мемлекеттік мекеме_________________________

      бюджеттік бағдарламалар әкімшісі________________________

      Қайда ұсынылады: бюджеттік бағдарламалар әкімшісіне/ бюджетті атқару жөніндегі уәкілетті органға/ведомствоға

      Мерзімділігі: жартыжылдық, жылдық

      Ұсыну мерзімі:

      - мемлекеттік мекемелер үшін бюджеттік бағдарламалар әкімшілері белгілейді;

      - бюджеттік бағдарламалар әкімшілері үшін бюджетті атқару жөніндегі уәкілетті органдар белгілейді.

      Бюджеттің түрі_________________

      Өлшем бірлігі: мың теңге

      Мемлекеттік мекеменің/бюджеттік

      Бағдарламалар әкімшісінің басшысы___________ _____________________________________

      (қолы)            (тегі, аты, әкесінің аты (болған кезде)

      Мемлекеттік мекеменің/бюджеттік

      бағдарламалар әкімшісінің

      бас бухгалтері ___________ ________________________________________________________

      (қолы)                  (тегі, аты, әкесінің аты (болған кезде)

      Ескертпе: осы Қағидалардың 24-тармағында нысанға толтыру бойынша түсіндірме келтірілген

Әкімшілік деректер жинауға арналған нысан _____________ жылға арналған филантропиялық қызметтен және (немесе) демеушілік қызметтен және (немесе) меценаттық қызметтен және (немесе) кіші отанға қолдау көрсету жөніндегі қызметтен ақша түсімі және олардың жұмсалуы туралы есеп

      Ескерту. 4-қосымша жаңа редакцияда – ҚР Қаржы министрінің 28.09.2018 № 864 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Индекс: 2-ДҚ нысаны

      Ұсынатын тұлғалар тобы:

      мемлекеттік мекеме_________________________

      бюджеттік бағдарламалар әкімшісі________________________

      аудандық маңызы бар қала, ауыл, кент, ауылдық округ әкімінің аппараты

      бюджеттi атқару жөнiндегi жергiлiктi уәкiлеттi орган ______________ ведомство

      Қайда ұсынылады: бюджеттік бағдарламалар әкімшісіне/ бюджетті атқару жөніндегі уәкілетті органға/ ведомствоға

      Бюджет түрі ___________________________________

      Мерзімділігі: жартыжылдық, жылдық

      Ұсыну мерзімі:

      - мемлекеттік мекемелер үшін бюджеттік бағдарламалар әкімшілері белгілейді;

      - бюджеттік бағдарламалар әкімшілері үшін бюджетті атқару жөніндегі уәкілетті органдар белгілейді;

      -аудандық маңызы бар қалалар, ауылдар, кенттер, ауылдық округтерәкімдері аппараттары үшін аудан(облыстық маңызы бар қаланың) бюджетін атқару жөніндегі уәкілетті органдар белгiлейді;

      - ауданның (облыстық маңызы бар қаланың) бюджетін атқару жөніндегі жергілікті уәкілетті органдар үшін облыс бюджетін атқару жөніндегі уәкілетті орган белгiленеді;

      - облыс, республикалық маңызы бар қала, астана бюджетін атқару жөніндегі жергілікті уәкілетті органдар үшін есепті қаржы жылынан кейінгі жылдың 15 тамызынан кешіктірмей және 20 ақпанынан кешіктірмей;

      - ведомство үшін есепті қаржы жылынан кейінгі жылдың 20 тамызынан кешіктірмей және 25 ақпанынан кешіктірмей.

      Бюджеттің түрі_________________

      Өлшем бірлігі: мың теңге

      Ведомствоның /бюджетті атқару жөніндегі

      жергілікті уәкілетті органның/

      аудандық маңызы бар қала, ауыл, кент,

      ауылдық округ әкімі аппаратының басшысы

      ___________ __________________________________________

      (қолы) (тегі, аты, болған кездегі - әкесінің аты)

      Есепті қалыптастыруға жауапты,

      құрылымдық бөлiмше басшысы

      ___________ _________________________________________

      (қолы) (тегі, аты, болған кездегі - әкесінің аты)

      Мемлекеттік мекеменің/бюджеттік

      бағдарламалар әкімшісініңбасшысы

      ___________ _________________________________________

      (қолы) (тегі, аты, әкесінің аты (болған кезде)

      Мемлекеттік мекеменің /

      бюджеттік бағдарламалар әкімшісінің

      бас бухгалтері ___________ __________________________________________

      (қолы) (тегі, аты, әкесінің аты (болған кезде)

      Ескертпе: осы Қағидалардың 25-тармағына сәйкес нысанға толтыру бойынша түсіндірме келтірілді

Әкімшілік деректер жинауға арналған нысан Өкілдік шығындарға бөлінген қаражаттың пайдаланылуы туралы есеп

      Ескерту. 5-қосымша жаңа редакцияда – ҚР Қаржы министрінің 29.08.2017 № 526 бұйрығымен

      Индекс: 3-ӨШ нысаны

      Ұсынатын тұлғалар тобы:

      Республикалық бюджеттік бағдарламалар әкімшілері

      Қайда ұсынылады: Қазақстан Республикасы Сыртқы істер министрлігіне

      Мерзімділігі: жартыжылдық, жылдық

      Ұсыну мерзімі:

      есепті кезеңнен кейінгі айдың 15-не дейін.

      Бюджеттің түрі_________________

      Өлшем бірлігі: мың теңге

      Анықтама ретінде: Міндеттемелерді қабылдауға арналған жоспарлы

      тағайындаулар___________________________________________________________________

      Мемлекеттік мекеменің/бюджеттік

      бағдарламалар әкімшісініңбасшысы ___________ _____________________________________

      (қолы)            (тегі, аты, әкесінің аты (болған кезде)

      Мемлекеттік мекеменің /

      бюджеттік бағдарламалар әкімшісінің

      бас бухгалтері ___________ ________________________________________________________

      (қолы)                  (тегі, аты, әкесінің аты (болған кезде)

      Ескертпе: осы Қағидалардың 17-тармағында нысанға толтыру бойынша түсіндірме келтірілген

Әкімшілік деректер жинауға арналған нысан Кредиторлық берешек туралы есеп

      Ескерту. 6-қосымша алып тасталды - ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Мемлекеттiк мекемелердiң,
бюджеттiк бағдарламалар
әкiмшiлерiнiң, бюджетті атқару
жөніндегі уәкілетті органдардың
және аудандық маңызы бар
қалалар, ауылдар, кенттер,
ауылдық округтер әкімдері
аппараттарының бюджеттiк
есептiлiктi жасау және ұсыну
қағидаларына
7-қосымша

Әкімшілік деректер жинауға арналған нысан Кредиторлық берешек туралы есеп

      Ескерту. 7-қосымша алып тасталды - ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Әкімшілік деректер жинауға арналған нысан

      Ескерту. 8-қосымша алып тасталды - ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Әкімшілік деректер жинауға арналған нысан

      Ескерту. 9-қосымша алып тасталды - ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескерту. Қағида 9-1-қосымшамен толықтырылды - ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ұсынылады: бюджетті атқару жөніндегі орталық уәкілетті органға

      Нысан интернет - ресурста орналастырылған: www.minfin.gov.kz

      Мемлекеттік әлеуметтік сақтандыру қорының түсімдері мен шығыстары туралы есеп

      Индекс: 8-МӘСҚ нысан

      Кезеңділігі: ай сайын, жылдық

      Есепті кезең:____________________ жылдарға арналған

      Ұсынатын тұлғалар тобы: бюджеттік бағдарламалардың әкімшісі

      Ұсыну мерзімі:

      ай сайын есепті кезеңнен кейінгі айдың 10-ы күніне дейінгі мерзімде және тиісті қаржы жылы үшін есептіден кейінгі жылдың 1 ақпанына дейінгі мерзімде.

      мың теңге

      Атауы______________________________________

      Мекенжайы_____________________________________________

      Телефон___________________________________________

      Электрондық пошта мекенжайы____________________________

      Орындаушы _________________________________ _______________
тегі, аты және әкесінің аты (болған кезде) қолы, телефоны
Басшы ___________ __________________________________
(қолы) (тегі, аты, әкесінің аты (болған кезде)
Мөр орны

      Бас бухгалтер ___________ _____________________
(қолы) (тегі, аты, әкесінің аты (болған кезде)

Ескертпе: аббревиатуралардың толық жазылуы:

      МӘСҚ – Мемлекеттік әлеуметтік сақтандыру қоры

      ӘлМСҚ – Әлеуметтік медициналық сақтандыру қоры.

      Нысанды толтыру бойынша түсіндірме осы Қағидалардың 104-2-тармағында келтірілген.

      Ескерту. Қағида 9-2-қосымшамен толықтырылды - ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ұсынылады: бюджетті атқару жөніндегі орталық уәкілетті органға

      Нысан интернет - ресурста орналастырылған: www.minfin.gov.kz

      Әлеуметтік медициналық сақтандыру қорының түсімдері мен шығыстары туралы есеп

      Индекс: 8-ӘлМСҚ нысан

      Кезеңділігі: ай сайын, жылдық

      Есепті кезең:____________________ жылдарға арналған

      Ұсынатын тұлғалар тобы: бюджеттік бағдарламалардың әкімшісі

      Ұсыну мерзімі:

      ай сайын есепті кезеңнен кейінгі айдың 10-ы күніне дейінгі мерзімде және тиісті қаржы жылы үшін есептіден кейінгі жылдың 1 ақпанына дейінгі мерзімде.

      мың теңге

      Атауы____________________________________

      Мекенжайы____________________________________________

      Телефон_________________________________________

      Электрондық пошта мекенжайы__________________________

      Орындаушы __________________________________ ______________
тегі, аты және әкесінің аты(болған кезде) қолы, телефоны

      Басшы __________ ______________________________
(қолы) (тегі, аты, әкесінің аты (болған кезде)

      Мөр орны

      Бас бухгалтер ___________ __________________________
(қолы) (тегі, аты, әкесінің аты (болған кезде)

      Ескертпе: аббревиатуралардың толық жазылуы:

      МӘСҚ – Мемлекеттік әлеуметтік сақтандыру қоры;

      ӘлМСҚ – Әлеуметтік медициналық сақтандыру қоры;

      ТМККК – тегін медициналық көмектің кепілдік берілген көлемі;

      МӘМС – Міндетті әлеуметтік медициналық сақтандыру;

      Нысанды толтыру бойынша түсіндірме осы Қағидалардың 104-2-тармағында келтірілген.

      Ескерту. 10-қосымша жаңа редакцияда – ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ұсынылады: жоғары тұрған бюджетті атқару жөніндегі уәкілетті органға

      Нысан интернет - ресурста орналастырылған: www.minfin.gov.kz

      ____________________ бюджеттің атқарылуы туралы есеп

      Индекс: 7-ОИБ нысаны

      Кезеңділігі: айлық, жылдық

      Есепті кезең:____________________ жылдарға арналған

      Ұсынатын тұлғалар тобы: аудандық маңызы бар қалалар, ауылдар, кенттер, ауылдық округтер әкімдерінің аппараттары;

      бюджетті атқару жөніндегі жергілікті уәкілетті органдар

      Ұсынылу мерзімі:

      - аудандық маңызы бар қала, ауыл, кент, ауылдық округ әкімдері аппараттары үшін аудан(облыстық маңызы бар қаланың) бюджетінің атқарылуы жөніндегі уәкілетті органы белгілейді;

      - ауданның (облыстық маңызы бар қаланың) бюджетінің атқарылуы жөніндегі уәкілетті орган үшін облыс бюджетінің атқарылуы жөніндегі уәкілетті органымен белгіленеді;

      - (астана, республикалық маңызы бар қала) облыс бюджетінің атқарылуы жөніндегі уәкілетті орган үшін – есепті кезеңнен кейінгі айдың 8 күнінен кешіктірмей және есепті жылдан кейінгі жылдың 1 ақпанынан кешіктірмей;

      - ведомство үшін - сыртқы қарыздар есебінен есепті кезеңнің соңғы айының кассалық операцияларын есепке алмастан - есептіден кейінгі айдың 3-інен кешіктірмей; сыртқы қарыздар есебінен есепті кезеңнің соңғы айының кассалық операцияларын ескере отырып - есептіден кейінгі айдың 8-інен кешіктірмей.

      Республика (облыс, қала, аудан, аудандық маңызы бар қала, ауыл, кент, ауылдық округ)________________________

      Өлшем бірлігі: мың теңге

      кестенің жалғасы

      Атауы_______________________________________

      Мекенжайы______________________________________________

      Телефон___________________________________________

      Электрондық пошта мекенжайы______________________________

      Орындаушы _________________________________ ______________
тегі, аты және әкесінің аты (болған кезде) қолы, телефоны

      Облыстың, республикалық маңызы бар қаланың, астананың ауданның әкімі (облыстық
маңызы бар қала) ______________________________
(қолы) (тегі, аты, әкесінің аты (болған кезде)

      Мөр орны

      Бюджетті атқару жөніндегі жергілікті уәкілетті органның/ аудандық маңызы бар қала, ауыл,
кент, ауылдық округ әкімдер аппаратының басшысы ________ _________________________
(қолы) (тегі, аты, әкесінің аты (болған кезде)
Есепті қалыптастыруға жауапты құрылымдық бөлімшенің басшысы
________________________________
(қолы) (тегі, аты, әкесінің аты (болған кезде)
Ескертпе: нысанды толтыру бойынша түсіндірме осы Қағидалардың 63-тармағында келтірілген

_____________ жылдарға арналған _______________ бюджеттің атқарылуы туралы
есеп (бюджеттің атауы)

      Ескерту. 11-қосымша жаңа редакцияда – ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Кезеңділігі: айлық, жылдық

      Өлшем бірлігі: мың теңге

      кестенің жалғасы

_____________ жылдарға арналған шоғырландырылған бюджетінің атқарылуы туралы есеп

      Ескерту. 12-қосымша жаңа редакцияда – ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Кезеңділігі: айлық, жылдық

      Өлшем бірлігі: мың теңге

_____________________________ жылға арналған Қазақстан Республикасы Ұлттық қорының қолма – қол ақшаны бақылау шотындағы ақша қозғалысы туралы есеп

      Ескерту. 13-қосымша жаңа редакцияда – ҚР Қаржы министрінің 29.08.2017 № 526 бұйрығымен

      Мерзімділігі: айлық, жылдық

      Өлшем бірлігі: мың теңге

Жәбірленушілерге өтемақы қорына түсімдер және жәбірленушілерге жүргізілген өтемақы төлемдері туралы есеп

      Ескерту. Қағида 13-1-қосымшамен толықтырылды – ҚР Қаржы министрінің 06.04.2018 № 446 (01.07.2018 бастап қолданысқа енгізіледі); жаңа редакцияда – ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрықтарымен.

      Кезеңділігі: айлық, жылдық

      Өлшем бірлігі: мың теңге

      Ведомствоның басшысы _________ ______________________________
(қолы) (тегі, аты, әкесінің аты (болған кезде)
Мөр орны
Деректерді қалыптастыруға жауапты, ведомствоның құрылымдық бөлімшесінің басшысы
_______ ______________________________
(қолы) (тегі, аты, әкесінің аты (болған кезде)

Әкімшілік деректер жинауға арналған нысан Тауарларды (жұмыстарды, көрсетілетін қызметті) өткізуінен түскен ақша түсімдері мен шығыстары жоспарларының орындалуы туралы есеп

      Ескерту. 14-қосымша жаңа редакцияда – ҚР Қаржы министрінің 29.08.2017 № 526 бұйрығымен

      _____________ жылға арналған

      Есепті кезең

      Индекс: 1-АҚ-УО нысаны

      Ұсынатын тұлғалар тобы:

      аудандық маңызы бар қала, ауыл, кент, ауылдық округ әкімінің аппараты;

      бюджетті атқару жөніндегі жергілікті уәкілетті орган;

      ведомство

      Қайда ұсынылады:

      жоғары тұрған бюджеттің атқарылуы жөніндегі уәкілетті органға,

      ведомствоға.

      Мерзімділігі: жарты жылдық, жылдық

      Ұсынылу мерзімі:

      - аудандық маңызы бар қалалар, ауылдар, кенттер, ауылдық округтер әкімдерінің аппараттары үшін аудан (облыстық маңызы бар қаланың) бюджетінің атқарылуы жөніндегі уәкілетті органдары белгiлейді;

      - аудан (республикалық маңызы бар қала) бюджетінің атқарылуы жөніндегі уәкілетті орган үшін облыстық бюджеттің атқарылуы жөніндегі уәкілетті орган белгілейді;

      - облыс (астана, республикалық маңызы бар қала) бюджетінің атқарылуы жөніндегі уәкілетті органдар үшін есепті қаржы жылынан кейінгі жылдың 15 тамызынан және 20 ақпанынан кешіктірмей;

      - ведомство үшін - есепті қаржы жылынан кейінгі жылдың 20 тамызынан кешіктірмей және 25 ақпанынан кешіктірмей;

      Бюджеттің түрі_________________

      Өлшем бірлігі: мың теңге

      Ведомствоның /бюджетті атқару

      жөніндегі жергілікті уәкілетті органның/

      аудандық маңызы бар қала, ауыл,

      кент, ауылдық округ әкімдері аппаратының

      басшысы ____________ ___________________________________________________________

      (қолы)                        (тегі, аты, әкесінің аты (болған кезде)

      Есепті қалыптастыруға жауапты,

      құрылымдық бөлiмшесiнiң басшысы___________ _____________________________________

      (қолы)            (тегі, аты, әкесінің аты (болған кезде)

      Ескертпе: осы Қағидалардың 24-тармағында нысанға толтыру бойынша түсіндірме келтірілген

____________________ жылдарға арналған республикалық бюджет көрсеткіштерінің
атқарылуы туралы деректер

      Ескерту. 15-қосымша жаңа редакцияда – ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Кезеңділігі: айлық, жылдық

      Өлшем бірлігі: мың теңге

      Ведомство басшысы __________ _____________________________________
(қолы) (тегі, аты, әкесінің аты (болған кезде)
Мөр орны
Жиынтық жоспарларды қалыптастыруға және жүргізуге жауапты, ведомствоның
құрылымдық бөлімшесінің басшысы __________ _____________________________________
(қолы) (тегі, аты, әкесінің аты (болған кезде)
Деректерді қалыптастыруға жауапты, ведомствоның құрылымдық бөлімшесінің басшысы
____________ __________________________________
(қолы) (тегі, аты, әкесінің аты (болған кезде)

Есепті деректерді тексеріп салыстыру актісі 20___ жылғы __________

      Ескерту. 16-қосымша жаңа редакцияда – ҚР Қаржы министрінің 29.08.2017 № 526 бұйрығымен

      Республика (облыс, қала, аумақ)____________________________________________________

      Мерзімділігі айлық, жылдық _______________________________________________________

      Өлшем бірлігі: мың.теңге

      Бюджеттің атқарылуы жөніндегі жергілікті

      уәкілетті органның /

      аудандық маңызы бар қала, ауыл, кент,

      ауылдық округ әкімдері аппаратының

      басшысы ______ _________________________________________________________________

      (қолы)            (тегі, аты, әкесінің аты (болған кезде)

      М.О.

      Бюджеттің атқарылуы туралы есепті

      қалыптастыруға жауапты жергілікті

      уәкілетті органның құрылымдық

      бөлімшесінің басшысы ________ ___________________________________________________

      (қолы)            (тегі, аты, әкесінің аты (болған кезде)

      Ведомствоның аумақтық

      бөлімшесінің басшысы _______ ____________________________________________________

      (қолы)            (тегі, аты, әкесінің аты (болған кезде)

      М.О.

      Ведомствоның аумақтық

      бөлімшесі тиісті құрылымдық

      бөлімшесінің басшысы ________ ___________________________________________________

      (қолы)            (тегі, аты, әкесінің аты (болған кезде)

      Ескертпе: салыстыру актісіне алшақтық болған жағдайда алшақтықтың туындау себептері толық таратып жазылған түсіндірме жазба қоса беріледі

Әкімшілік деректер жинауға арналған нысан Бюджеттік инвестициялық жобаларды (бағдарламаларды) іске асыруға және __________________ облысы бюджеті бойынша заңды тұлғалардың жарғылық капиталын қалыптастыруға және ұлғайтуға бағытталған бюджеттік бағдарламаларды бөле отырып, даму бюджеттік бағдарламаларын атқару туралы есеп

      Ескерту. 17-қосымша жаңа редакцияда – ҚР Қаржы министрінің 29.08.2017 № 526 бұйрығымен.

      Есепті кезең

      ____________________ жылғы

      Индекс: 6-ДББ нысан

      Ұсынатын тұлғалар тобы:

      төмен тұрған бюджетті атқару жөніндегі уәкілетті орган

      Қайда ұсынылады жоғарыда тұрған бюджетті атқару жөніндегі уәкілетті органға

      Облыс, республикалық маңызы бар қала,

      астана, аудан (облыстық маңызы бар қала )_________________________

      Қайда ұсынылады: жоғарыда тұрған бюджетті атқару жөніндегі уәкілетті органға

      Кезеңділігі: айлық

      Ұсынылу мерзімі:

      - ауданның (облыстық маңызы бар қаланың) бюджетінің атқарылуы жөніндегі уәкілетті орган үшін облыс бюджетінің атқарылуы жөніндегі уәкілетті орган белгiлейді;.

      - облыс (астана, республикалық маңызы бар қала) бюджетінің атқарылуы жөніндегі уәкілетті орган үшін – есептіден кейінгі айдың 12-сінен кешіктірмей және есепті жылдан кейінгі жылдың 1 ақпанынан кешіктірмей.

      Өлшем бірлігі: мың теңге

      Облыстың, республикалық маңызы

      бар қаланың, астананың

      ауданның (облыстық маңызы бар) әкімі ___________ ___________________________________

      (қолы)            (тегі, аты, әкесінің аты (болған кезде)

      Бюджетті атқару жөніндегі жергілікті

      уәкілетті органның /

      басшысы ___________ ____________________________________________________________

      (қолы)                  (тегі, аты, әкесінің аты (болған кезде)

      Есепті қалыптастыруға жауапты

      құрылымдық

      бөлімшесінің басшысы ___________ ________________________________________________

      (қолы)                  (тегі, аты, әкесінің аты (болған кезде)

      Ескертпе: Осы Қағидалардың 88-тармағында нысанға толтыру бойынша түсіндірме келтірілген

Әкімшілік деректер жинауға арналған нысан Бюджет қаражаты есебінен кредиторлық берешектің қалыптасу себептері туралы ақпарат

      Ескерту. 18-қосымша алып тасталды - ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Әкімшілік деректер жинауға арналған нысан Өзге қаражат есебінен, сондай-ақ жетіспеушіліктер мен талан-таражға салу нәтижесінде бюджет қаражаты есебінен пайда болған берешектің пайда болуы туралы ақпарат себептері

      Ескерту. 19-қосымша алып тасталды - ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Әкімшілік деректер жинауға арналған нысан Бюджет қаражаты есебінен дебиторлық берешектің қалыптасу себептері туралы ақпарат

      Ескерту. 20-қосымша алып тасталды - ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Мемлекеттік, шоғырландырылған бюджеттердің, облыс бюджетінің атқарылуы туралы есептерді қалыптастыру үлгісі

      Ескерту. 21-қосымша жаңа редакцияда - ҚР Қаржы министрінің 04.03.2022 № 246 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Кестенің жалғасы