Медициналық-әлеуметтік мекемелердің (ұйымдардың) жасына байланысты, еңбек сіңірген жылдары үшін зейнетақы төлемдері мен мүгедектiгi бойынша, асыраушысынан айрылу жағдайы бойынша берілетін мемлекеттiк әлеуметтiк жәрдемақыларды пайдалану қағидаларын бекіту туралы

      Ескерту. Бұйрықтың тақырыбы жаңа редакцияда – ҚР Еңбек және халықты әлеуметтік қорғау министрінің 26.06.2018 № 266 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "Қазақстан Республикасында мүгедектiгi бойынша, асыраушысынан айрылу жағдайы бойынша және жасына байланысты берiлетiн мемлекеттiк әлеуметтiк жәрдемақылар туралы" 1997 жылғы 16 маусымдағы Қазақстан Республикасы Заңының 6-бабының 1-1-тармағына, "Мемлекеттік статистика туралы" 2010 жылғы 19 наурыздағы Қазақстан Республикасы Заңының 16-бабының 3-тармағы 2) тармақшасына, "Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасы Заңының 21-бабының 2-1-тармағына және 68-бабының 5-тармағына сәйкес БҰЙЫРАМЫН:

      1. Қоса беріліп отырған Медициналық-әлеуметтік мекемелердің (ұйымдардың) жасына байланысты, еңбек сіңірген жылдары үшін зейнетақы төлемдері мен мүгедектігі бойынша, асыраушысынан айрылу жағдайы бойынша берілетін мемлекеттік әлеуметтік жәрдемақыларды пайдалану қағидалары бекітілсін.

      2. Әлеуметтік қызметтер департаменті заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) тіркелген осы бұйрықты алған күннен бастап бес жұмыс күн ішінде оның көшірмесін Қазақстан Республикасының нормативтік құқықтық актілерінің эталондық бақылау банкіне қосу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына мемлекеттік және орыс тілдерінде бір данада баспа және электрондық түрде жіберуді;

      3) осы бұйрық мемлекеттік тіркелгеннен кейін күнтізбелік он күн ішінде оны мерзімді баспа басылымдарында және "Әділет" ақпараттық-құқықтық жүйесінде ресми жариялау үшін жіберуді;

      4) осы бұйрықты Қазақстан Республикасы Денсаулық сақтау және әлеуметтік даму министрлігінің интернет-ресурсында орналастыруды.

      3. Осы бұйрықтың орындалуын бақылау Қазақстан Республикасының Денсаулық сақтау және әлеуметтік даму вице-министрі С.Қ. Жақыповаға жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі және 2016 жылғы 1 қаңтардан бастап туындаған қатынастарға қолданылады.

      КЕЛІСІЛДІ

      Қазақстан Республикасының

      Қаржы министрі

      ____________Б. Сұлтанов

      2016 жылғы 27 ақпан

Медициналық-әлеуметтік мекемелердің (ұйымдардың) жасына байланысты, еңбек сіңірген жылдары үшін зейнетақы төлемдері мен мүгедектiгi бойынша және асыраушысынан айрылу жағдайы бойынша берілетін мемлекеттiк әлеуметтiк жәрдемақыларды пайдалану қағидалары

      Ескерту. Қағидалар жаңа редакцияда – ҚР Еңбек және халықты әлеуметтік қорғау министрінің 26.06.2018 № 266 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы медициналық-әлеуметтік мекемелердің (ұйымдардың) жасына байланысты, еңбек сіңірген жылдары үшін зейнетақы төлемдері мен мүгедектiгi бойынша және асыраушысынан айрылу жағдайы бойынша берілетін мемлекеттiк әлеуметтiк жәрдемақыларды пайдалану қағидалары (бұдан әрі – Қағидалар) "Қазақстан Республикасында мүгедектiгi бойынша, асыраушысынан айрылу жағдайы бойынша және жасына байланысты берiлетiн мемлекеттiк әлеуметтiк жәрдемақылар туралы" 1997 жылғы 16 маусымдағы (бұдан әрі – Заң), "Қазақстан Республикасында зейнетақымен қамсыздандыру туралы" 2013 жылғы 21 маусымдағы Қазақстан Республикасының Заңдарына (бұдан әрі – "Қазақстан Республикасында зейнетақымен қамсыздандыру туралы" Заң) сәйкес әзірленді және медициналық-әлеуметтік мекемелерде (ұйымдарда) стационар жағдайларында тұратын (бұдан әрі – МӘМ) және мемлекеттің толық қамсыздандыруындағы адамдардың жасына байланысты және еңбек сіңірген жылдары үшін зейнетақы төлемдері (бұдан әрі – зейнетақы төлемдері) мен мүгедектiгi бойынша және асыраушысынан айрылу жағдайы бойынша берілетін мемлекеттік әлеуметтік жәрдемақыларды (бұдан әрі – жәрдемақылар) пайдалану тәртібін айқындайды.

      2. Сот әрекетке қабілетсіз және қамқорлыққа (бұдан әрі – қамқоршы) мұқтаж деп таныған адамдарға және қамқоршыға зейнетақы төлемдері мен жәрдемақылар:

      адамдардың және қамқоршылардың ағымдағы шоттарына 30 % көлемінде;

      жеке банктік шотына немесе қолма-қол ақшаның бақылау шоттарына 70 % көлемінде (бұдан әрі – ҚБШ) аударылады.

2-тарау. Медициналық-әлеуметтік мекемелердің (ұйымдардың) зейнетақы төлемдері мен жәрдемақыларды пайдалану тәртібі

      3. Қазақстан Республикасы 1994 жылғы 27 желтоқсандағы Азаматтық Кодексінің 26-бабының, 2-тармағына сәйкес және "Неке (ерлі-зайыптылық) және отбасы туралы" 2011 жылғы 26 желтоқсандағы Қазақстан Республикасы Кодексі 122-бабының 4-тармағына сәйкес еңбекке қабілетсіз адамдардың зейнетақы төлемдері мен жәрдемақыларын пайдалану үшін МӘМ-нің басшысы қамқоршы (бұдан әрі – қамқоршы) болып тағайындалады.

      Қамқорлықтағы адамға ағымдағы шот ашу үшін қамқоршы зейнетақы мен жәрдемақы беру жөніндегі уәкілетті ұйымға адамды әрекетке қабілетсіз деп тану туралы сот шешімінің көшірмесін, әрекетке қабілетсіз адамға қамқоршылық белгілеу туралы қамқоршылық және қорғаншылық органының шешімін, сондай-ақ Қазақстан Республикасы Ұлттық Банк Басқармасының 2016 жылғы 31 тамыздағы № 207 қаулысымен бекітілген Клиенттердің банктік шоттарын ашу, жүргізу және жабу қағидаларында (Нормативтік құқықтық актілерді мемлекеттік тіркеу тізілімінде № 14422 болып тіркелген) көзделген құжаттарды ұсынады.

      Қамқорлықтағыларға ағымдағы шоттарды қамқоршы болып табылатын МӘМ-нің басшысы екінші деңгейдегі банктерде, қаржы нарығы мен қаржы ұйымдарын реттеу және қадағалау жөніндегі уәкілетті органның банк операцияларының тиісті түрлеріне лицензиялары бар ұйымдарда, "Қазпочта" акционерлік қоғамының аумақтық бөлімшелерінде (бұдан әрі – зейнетақы мен жәрдемақы беру жөніндегі уәкілетті ұйым) ашады.

      4. МӘМ-де зейнетақы төлемдері мен жәрдемақыларды пайдалануға арналған комиссия құрылады.

      Комиссия тақ саннан тұрады, бірақ 7 адамнан кем емес. Комиссияның құрамына МӘМ-нің басшысы немесе оның орынбасары, жұмыспен қамту және әлеуметтік бағдарламалар мәселелері бойынша жергілікті атқарушы органның (республикалық маңызы бар қалалардың, астананың) (бұдан әрі – уәкілетті орган) және аталған өңірдегі арнаулы әлеуметтік қызметтер саласындағы үкіметтік емес ұйымдардың өкілдері (келісім бойынша), медициналық бөлімшенің меңгерушісі, бухгалтер, диеталық тамақтану жөніндегі мейірбике, МӘМ-нің әлеуметтік жұмыс жөніндегі маманы кіреді.

      Комиссияның төрағасы комиссия мүшелерінің қатарынан сайланады.

      Комиссия отырысы оның үштен екі құрамы болған кезде заңды болып саналады.

      МӘМ-нің дауыс беруге қатыспайтын қызметкері комиссияның хатшысы болып тағайындалады.

      Комиссия отырысы айына 1 реттен кем емес өтеді және мыналарды:

      адамдардың және қамқорлықтағылардың – Қазақстан Республикасы Үкіметінің 2020 жылғы 16 қазандағы № 672 қаулысымен бекітілген тегін медициналық көмектің кепілдік берілген көлемінің тізбесіне кірмейтін санитариялық гигиена заттарына, дәрілік заттар мен медициналық қызметтерге (бұдан әрі – санитариялық гигиена заттары, дәрілік заттар мен медициналық қызметтер), киім, ішкиім, аяқ киім және төсек жабдықтары, техникалық қосалқы құралдар мен қатты инвентарьға (бұдан әрі – киім, аяқ киім және төсек жабдықтары, техникалық қосалқы құралдар мен қатты инвентарь);

      қамқорлықтағылардың – қосымша тамаққа, күнделікті қажетті заттарға (бұдан әрі – жеке қажеттіліктер) қажеттілігін айқындайды.

      Комиссияның шешімі, егер оны кемінде құрамының үштен екісі қолдаса қабылданды деп есептеледі.

      Комиссия отырыстарын өткізу нәтижелері бойынша бір жұмыс күні ішінде хаттама жасалады, оған төраға мен хатшы қол қояды.

      Төтенше жағдай және (немесе) шектеу іс-шаралары, оның ішінде карантин, әлеуметтік, табиғи және техногендік сипаттағы төтенше жағдай енгізілген жағдайда комиссия мүшелері комиссия отырысына онлайн режимде қатыса алады. Бұл жағдайда, олардың зейнетақы төлемдері мен жәрдемақыларды пайдалануға қатысты ұстанымдары (жеке қажеттіліктер, киім, аяқкиім және төсек жабдықтары, техникалық қосалқы құралдар, қатты инвентарь сатып алу) комиссия отырысы өткізілген күннен бастап бір жұмыс күні ішінде МӘМ-ге мемлекеттік органдардың құжат айналымы жүйесінің бірыңғай жүйесі арқылы немесе жұмыс электрондық поштасына жазбаша түрде жіберіледі.

      5. Қамқорлықтағылардың ағымдағы шоттарындағы зейнетақы төлемдері мен жәрдемақыларын қамқоршы қамқорлықтағылардың жеке қажеттіліктеріне жұмсайды.

      Комиссияның зейнетақы төлемдері мен жәрдемақыларды қамқорлықтағылардың жеке қажеттіліктеріне пайдалану туралы шешімі осы Қағидаларға 1-қосымшаға сәйкес нысан бойынша рәсімделеді.

      Қамқорлықтағылардың зейнетақы төлемдері мен жәрдемақыларын пайдалану тиісті журналда көрсетіледі.

      6. Адамдардың ағымдағы шоттарындағы зейнетақы төлемдері мен жәрдемақылары өз бетінше жұмсалады.

      7. МӘМ-нің жеке банктік шоты немесе ҚБШ оның орналасқан жері бойынша аумақтық қазынашылық органында ашылады.

      8. Адамдардың және қарқорлықтағылардың ҚБШ-ға түскен зейнетақы төлемдері мен жәрдемақылары осы Қағидаларға 2-қосымшада көрсетілген киім, аяқ киім және төсек жабдықтары, техникалық қосалқы құралдар, қатты инвентарьды және санитариялық гигиена заттарды, дәрілік заттар мен медициналық қызметтер сатып алуға пайдаланылады.

      Осы Қағидаларға 2-қосымшада көрсетілген киім, аяқ киім және төсек жабдықтарын, техникалық қосалқы құралдары мен қатты инвентарьды және санитариялық гигиена заттарын, дәрілік заттар мен медициналық қызметтерді сатып алу "Мемлекеттік сатып алу туралы" 2015 жылғы 4 желтоқсандағы Қазақстан Республикасының Заңына сәйкес жүзеге асырылады.

      Осы Қағидаларға 2-қосымшада көрсетілген киім, аяқ киім және төсек жабдықтары, техникалық қосалқы құралдар, қатты инвентарьды сатып алуды жүзеге асыру үшін жауапты маман комиссия шешімінің көшірмесін және құжаттың көшірмесін (шот-фактуралар немесе тауарды жеткізу туралы жүкқұжат (акт) қоса береді (тіркейді).

      МӘМ-нің жеке банктік шотындағы немесе ҚБШ зейнетақы төлемдері мен жәрдемақыларды пайдалану туралы комиссияның шешімі осы Қағидаларға 3-қосымшаға сәйкес нысан бойынша рәсімделеді.

      Адамдардың, қамқорлықтағылардың зейнетақы төлемдері мен жәрдемақыларын пайдалану тиісті журналда белгіленеді.

      9. Осы Қағидаларға 2-қосымшада көрсетілген киім, аяқ киім және төсек жабдықтары, техникалық қосалқы құралдар, қатты инвентарьды сатып алуға және (немесе) ҚБШ-дағы қаражат есебінен қамтамасыз етуге келмейтін олардың құнына қаражат жетпеген кезде жергілікті атқарушы органдар оларды сатып алуға қосымша шығысты қарастырады.

      10. МӘМ-нің басшысы ай сайын есепті айдан кейінгі айдың 10-күніне дейін уәкілетті органға осы Қағидаларға 4-қосымшаға сәйкес нысан бойынша адамдардың және қамқорлықтағылардың алған зейнетақы төлемдері мен жәрдемақыларын және осы Қағидаларға 5-қосымшаға сәйкес нысан бойынша қамқорлықтағылардың зейнетақы төлемдері мен жәрдемақыларын пайдалану туралы есепті ұсынады.

      Зейнетақы төлемдері мен жәрдемақыларды пайдалану бойынша есепке комиссия шешімінің көшірмесі мен құжаттардың көшірмесі (шот-фактуралар немесе тауарды жеткізу туралы жүкқұжат (акт) қоса беріледі.

Комиссияның зейнетақы төлемдері мен жәрдемақыларды қамқорлықтағылардың жеке қажеттіліктеріне пайдалануы туралы ШЕШІМІ

      Ескерту. 1-қосымша жаңа редакцияда - ҚР Еңбек және халықты әлеуметтік қорғау министрінің 28.07.2021 № 269 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      20__ жылғы___________ № ___________

      Қамқорлықтағылардың қажеттіліктерін ескере отырып, комиссия былай деп ШЕШТІ:

      Зейнетақы төлемдері мен жәрдемақылар мыналарға жұмсалсын:

      Комиссия мүшелерінің айрықша ой-пікірлері

      ____________________________________________________________

      (қолы) (Тегі, аты, әкесінің аты (бар болса)

      ____________________________________________________________

      (қолы) (Тегі, аты, әкесінің аты (бар болса)

      ____________________________________________________________

      (қолы) (Тегі, аты, әкесінің аты (бар болса)

      Медициналық-әлеуметтік мекеменің басшысы/басшы орынбасары

      ______ ______________________________________________________

      (қолы) (тегі, аты, әкесінің аты (бар болса)

      Уәкілетті органның өкілі* ______ __________________________

      (қолы) (тегі, аты, әкесінің аты (бар болса)

      Үкіметтік емес ұйымның өкілі* ____________________________

      (қолы) (тегі, аты, әкесінің аты (бар болса)

      Медициналық-әлеуметтік мекеменің медицина бөлімшесінің меңгерушісі*

      ________ ______________________________________________

      (қолы) (тегі, аты, әкесінің аты (бар болса)

      Медициналық-әлеуметтік мекеменің диеталық тамақтану жөніндегі мейіргері*

      ________ ______________________________________________

      (қолы) (тегі, аты, әкесінің аты (бар болса)

      Медициналық-әлеуметтік мекеменің әлеуметтік жұмыс жөніндегі маманы*

      ________ ______________________________________________

      (қолы) (тегі, аты, әкесінің аты (бар болса)

      Медициналық-әлеуметтік мекеменің бухгалтері*

      ________ ______________________________________________

      (қолы) (тегі, аты, әкесінің аты (бар болса)

      * Төтенше жағдай және (немесе) шектеу іс-шаралары, оның ішінде карантин, әлеуметтік, табиғи және техногендік сипаттағы төтенше жағдай енгізілген жағдайда комиссия мүшелері комиссия отырысына онлайн режимде қатыса алады. Бұл жағдайда, олардың зейнетақы төлемдері мен жәрдемақыларды пайдалануға қатысты ұстанымдары (жеке қажеттіліктер, киім, аяқкиім және төсек жабдықтары, техникалық қосалқы құралдар, қатты инвентарь сатып алу) комиссия отырысы өткізілген күннен бастап бір жұмыс күні ішінде МӘМ-ге мемлекеттік органдардың құжат айналымы жүйесінің бірыңғай жүйесі арқылы немесе жұмыс электрондық поштасына жазбаша түрде жіберіледі.

Киім, ішкиім, аяқ киім және төсек жабдықтарының тізбесі

      Ескерту. 2-қосымша жаңа редакцияда - ҚР Еңбек және халықты әлеуметтік қорғау министрінің 28.07.2021 № 269 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Киім:

      1) пальто, күрте;

      2) плащ, ветровка;

      3) жүн маталардан тігілген костюм;

      4) мақта маталардан тігілген костюм;

      5) спорттық костюм;

      6) шалбар, джинсы, шорты;

      7) көйлек, сарафан, халат;

      8) жүн маталардан тігілген юбка, мақта маталардан тігілген юбка;

      9) мақта маталардан тігілген блузка;

      10) свитер, жакет, жемпір, кофта, трикотаж жаймадан тігілген жилет;

      11) трико;

      12) футболка;

      13) мақта маталардан тігілген кеудеге киетін жейде.

      2. Ішкиім:

      1) трусы, панталон;

      2) түнде киетін жейде, пижама;

      3) майка;

      4) мақта маталардан және эластикалық трикотаж жаймадан тігілген туалет бұйымдары (бюстгальтер);

      5) кальсондар;

      6) гамаштар.

      3. Орамал-шарф бұйымдары мен бас киімдер:

      1) шарф;

      2) шапка, берет;

      3) панама, фуражка, кепкалар;

      4) әйелдердің бас орамалы;

      5) тақия;

      6) қолғаптар, биялайлар;

      7) жүн орамал (жартылай жүн);

      8) тоқыма шапка.

      4. Носки-шұлық бұйымдары:

      1) колготки;

      2) шұлық, носки;

      3) гольфы.

      5. Аяқ киім:

      1) қысқы етік, киізден тігілген аяқ киім;

      2) пима;

      3) маусымдық етіктер;

      4) қысқа етік;

      5) бәтеңке, туфли;

      6) қысқа бәтеңке;

      7) аяқ киім немесе сандалилер;

      8) спорттық аяқ киім;

      9) бөлмеде киетін тәпішке;

      10) сланцы.

      6. Төсек жабдықтары:

      1) ақ жайма;

      2) көрпе тысы;

      3) жастық тысы;

      4) матрац (оның ішінде басылып қалмайтын матрац);

      5) жастық;

      6) көрпе;

      7) жамылғы;

      8) вафельді сүлгі;

      9) түкті сүлгілер.

      7. Техникалық қосалқы құралдар:

      1) балдақтар, таяқтар, жетек арбалар;

      2) корсет;

      3) бандаждар, емдік белбеулер;

      4) есту аппараттары;

      5) бөлмеде жүріп-тұруға арналған кресло-арбалар;

      6) серуендеуге арналған кресло-арбалар;

      7) сіңіргіш жаймалар (жаялықтар).

      8. Қатты инвентарь:

      1) керует;

      2) көп функциялы керует;

      3) үстел;

      4) орындық;

      5) шкаф;

      6) керует жанындағы үстелше.

МӘМ-нің жеке банктік шотындағы немесе ҚБШ зейнетақы төлемдері мен жәрдемақыларды пайдалану туралы комиссияның ШЕШІМІ

      Ескерту. 3-қосымша жаңа редакцияда - ҚР Еңбек және халықты әлеуметтік қорғау министрінің 28.07.2021 № 269 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      20__ жылғы___________ № ___________

      Адамдардың және қамқорлықтағылардың қажеттіліктерін ескере отырып, комиссия былай деп ШЕШТІ:

      Зейнетақы төлемдері мен жәрдемақылар мыналарға жұмсалсын:

      Комиссия мүшелерінің айрықша ой-пікірлері

      _____________________________________________________________

      (қолы) (Тегі, аты, әкесінің аты (бар болса)

      _____________________________________________________________

      (қолы) (Тегі, аты, әкесінің аты (бар болса)

      _____________________________________________________________

      (қолы) (Тегі, аты, әкесінің аты (бар болса)

      Медициналық-әлеуметтік мекеменің басшысы/басшы орынбасары

      ________ _____________________________________________________

      (қолы) (тегі, аты, әкесінің аты (бар болса)

      Уәкілетті органның өкілі* ______ ____________________________

      (қолы) (тегі, аты, әкесінің аты (бар болса)

      Үкіметтік емес ұйымның өкілі* ______________________________

      (қолы) (тегі, аты, әкесінің аты (бар болса)

      Медициналық-әлеуметтік мекеменің медицина бөлімшесінің меңгерушісі*

      _________ ____________________________________________________

      (қолы) (тегі, аты, әкесінің аты (бар болса)

      Медициналық-әлеуметтік мекеменің диеталық тамақтану жөніндегі мейіргері*

      _________ ____________________________________________________

      (қолы) (тегі, аты, әкесінің аты (бар болса)

      Медициналық-әлеуметтік мекеменің әлеуметтік жұмыс жөніндегі маманы*

      _________ ____________________________________________________

      (қолы) (тегі, аты, әкесінің аты (бар болса)

      Медициналық-әлеуметтік мекеменің бухгалтері*

      _________ ____________________________________________________

      (қолы) (тегі, аты, әкесінің аты (бар болса)

      * Төтенше жағдай және (немесе) шектеу іс-шаралары, оның ішінде карантин, әлеуметтік, табиғи және техногендік сипаттағы төтенше жағдай енгізілген жағдайда комиссия мүшелері комиссия отырысына онлайн режимде қатыса алады. Бұл жағдайда, олардың зейнетақы төлемдері мен жәрдемақыларды пайдалануға қатысты ұстанымдары (жеке қажеттіліктер, киім, аяқкиім және төсек жабдықтары, техникалық қосалқы құралдар, қатты инвентарь сатып алу) комиссия отырысы өткізілген күннен бастап бір жұмыс күні ішінде МӘМ-ге мемлекеттік органдардың құжат айналымы жүйесінің бірыңғай жүйесі арқылы немесе жұмыс электрондық поштасына жазбаша түрде жіберіледі.

Адамдардың алынған зейнетақы төлемдері мен мемлекеттік әлеуметтік жәрдемақыларды пайдалануы туралы ЕСЕП

      Ескерту. 4-қосымша жаңа редакцияда - ҚР Еңбек және халықты әлеуметтік қорғау министрінің 28.07.2021 № 269 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ұсынылады: облыстардың жұмыспен қамтуды үйлестіру және әлеуметтік бағдарламалар басқармалары, Нұр-Сұлтан, Шымкент қалаларының жұмыспен қамту және әлеуметтік қорғау басқармалары, Алматы қаласының әлеуметік әл-ауқат басқармаcы

      Әкімшілік деректер нысаны интернет – ресурста орналыстырылған: www.enbek.gov.kz

      Есепті кезең 20___ жылғы ________

      Индекс: 1-АЗТМӘЖП

      Кезеңділігі: ай сайын

      Ақпаратты ұсынатын адамдар тобы: медициналық-әлеуметтік мекеме басшылары

      Ұсыну мерзімі: ай сайын есепті айдан кейінгі айдың 10-күніне дейін

      теңге

      Медициналық-әлеуметтік мекеменің басшысы

      _________ ______________________________________________

      (қолы)       (тегі, аты, әкесінің аты (бар болса)

      Медициналық-әлеуметтік мекеменің бухгалтері

      _________ ______________________________________________

      (қолы)       (тегі, аты, әкесінің аты (бар болса)

      Медициналық-әлеуметтік мекеменің атауы __________________________

      Медициналық-әлеуметтік мекеменің мекенжайы _____________________

      М.О. 20___ жылғы "__" ________

      Ескертпе: "Адамдардың алынған зейнетақы төлемдері мен мемлекеттік әлеуметтік жәрдемақыларды пайдалануы туралы есеп" әкімшілік деректерді жинауға арналған нысанын толтыру жөніндегі түсіндірме осы нысанға қосымшада келтірілген.

"Адамдардың алынған зейнетақы төлемдері мен мемлекеттік әлеуметтік жәрдемақыларды пайдалануы туралы есеп" әкімшілік деректерді жинауға арналған нысанды толтыру жөніндегі түсіндірме (индекс 1-АЗТМӘЖП, кезеңділігі ай сайын)

      1. "Адамдардың алынған зейнетақы төлемдері мен мемлекеттік әлеуметтік жәрдемақыларды пайдалануы туралы есеп" әкімшілік деректерді жинауға арналған нысанын (бұдан әрі – Нысан) медициналық-әлеуметтік мекемелер облыстардың жұмыспен қамтуды үйлестіру және әлеуметтік бағдарламалар басқармаларына, Нұр-Сұлтан, Шымкент қалаларының жұмыспен қамту және әлеуметтік қорғау басқармаларына, Алматы қаласының әлеуметік әл-ауқат басқармаcына ай сайын есепті айдан кейінгі айдың 10-күніне дейін ұсынады.

      2. Нысанға медициналық-әлеуметтік мекеме басшысы, ал ол болмаған жағдайда – оның міндетін атқарушы адам қол қояды.

      3. Нысанның 1-бағанында жолдардың реттік нөмірлері көрсетіледі.

      4. Нысанның 2-бағанында есепті кезеңнің басына ҚБШ-дағы ақшалай қаражаттың қалдығы көрсетіледі.

      5. Нысанның 3-бағанында есепті кезеңге түсімдердің сомасы көрсетіледі.

      6. Нысанның 4-бағанында есепті кезеңге жүргізілген шығыстардың сомасы көрсетіледі.

      7. Нысанның 5-бағанында есепті кезеңнің аяғына ҚБШ-дағы ақшалай қаражаттың қалдығы көрсетіледі.

Қамқорлықтағылардың алынған зейнетақы төлемдері мен мемлекеттік әлеуметтік жәрдемақыларды пайдалануы туралы ЕСЕП

      Ескерту. 5-қосымша жаңа редакцияда - ҚР Еңбек және халықты әлеуметтік қорғау министрінің 28.07.2021 № 269 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ұсынылады: облыстардың жұмыспен қамтуды үйлестіру және әлеуметтік бағдарламалар басқармалары, Нұр-Сұлтан, Шымкент қалаларының жұмыспен қамту және әлеуметтік қорғау басқармалары, Алматы қаласының әлеуметтік әл-ауқат басқармаcы

      Әкімшілік деректер нысаны интернет-ресурста орналыстырылған: www.enbek.gov.kz

      Есепті кезең 20___ жылғы ________

      Индекс: 2-ҚЗТМӘЖП

      Кезеңділігі: ай сайын

      Ақпаратты ұсынатын адамдар тобы: медициналық-әлеуметтік мекеме басшылары

      Ұсыну мерзімі: ай сайын есепті айдан кейінгі айдың 10-күніне дейін

      теңге

      Медициналық-әлеуметтік мекеменің басшысы

      ________ _________________________________________

      (қолы)       (тегі, аты, әкесінің аты (бар болса)

      Медициналық-әлеуметтік мекеменің бухгалтері

      ________ _________________________________________

      (қолы)       (тегі, аты, әкесінің аты (бар болса)

      Медициналық-әлеуметтік мекеменің атауы __________________________

      Медициналық-әлеуметтік мекеменің мекенжайы _____________________

      М.О. 20___ жылғы "__" ________

      Ескертпе: "Қамқорлықтағылардың алынған зейнетақы төлемдері мен мемлекеттік әлеуметтік жәрдемақыларды пайдалануы туралы есеп" әкімшілік деректерді жинауға арналған нысанын толтыру жөніндегі түсіндірме осы нысанға қосымшада келтірілген.

"Қамқорлықтағылардың алынған зейнетақы төлемдері мен мемлекеттік әлеуметтік жәрдемақыларды пайдалануы туралы есеп" әкімшілік деректерді жинауға арналған нысанды толтыру жөніндегі түсіндірме (индекс 2-ҚЗТМӘЖП, кезеңділігі ай сайын)

      1. "Қамқорлықтағылардың алынған зейнетақы төлемдері мен мемлекеттік әлеуметтік жәрдемақыларды пайдалануы туралы есеп" әкімшілік деректерді жинауға арналған нысанын (бұдан әрі – Нысан) медициналық-әлеуметтік мекемелер облыстардың жұмыспен қамтуды үйлестіру және әлеуметтік бағдарламалар басқармаларына, Нұр-Сұлтан, Шымкент қалаларының жұмыспен қамту және әлеуметтік қорғау басқармаларына, Алматы қаласының әлеуметтік әл-ауқат басқармаcына ай сайын есепті айдан кейінгі айдың 10-күніне дейін ұсынады.

      2. Нысанға медициналық-әлеуметтік мекеме басшысы, ал ол болмаған жағдайда – оның міндетін атқарушы адам қол қояды.

      3. Нысанның 1-бағанында жолдардың реттік нөмірлері көрсетіледі.

      4. Нысанның 2-бағанында қамқорлықтағының тегі, аты, әкесінің аты (бар болса) көрсетіледі.

      5. Нысанның 3-бағанында есепті кезеңнің басына қамқорлықтағының банк шотындағы ақшалай қаражаттың қалдығы көрсетіледі.

      6. Нысанның 4-бағанында есепті кезеңге түсімдердің сомасы көрсетіледі.

      7. Нысанның 5-бағанында есепті кезеңге жүргізілген шығыстардың жалпы сомасы көрсетіледі.

      8. Нысанның 6-бағанында 5-бағаннан пайдаланылған қолма-қол ақша сомасы көрсетіледі.

      9. Нысанның 7-бағанында 5-бағаннан пайдаланылған қолма-қол ақшасыз сомасы көрсетіледі.

      10. Нысанның 8-бағанында есепті кезеңнің аяғына қамқорлықтағының банк шотындағы ақшалай қаражаттың қалдығы көрсетіледі.

      11. Арифметикалық-логикалық бақылау: 5-баған 6-7-бағандардың қосындысына тең.