Мемлекеттік тіркеу нөмірі белгілерінің нысандары мен үлгілерін бекіту туралы

      "Жол жүрісі туралы" Қазақстан Республикасының 2014 жылғы 17 сәуірдегі Заңының 10-бабының 11) тармақшасына сәйкес БҰЙЫРАМЫН:

      1. Қоса беріліп отырған мемлекеттік тіркеу нөмірі белгілерінің нысандары мен үлгілері бекітілсін.

      2. Қазақстан Республикасы Ішкі істер министрлігінің Әкімшілік полиция комитеті:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде оның көшірмесін мерзімді баспа басылымдарында және "Әділет" ақпараттық-құқықтық жүйесінде ресми жариялауға жолдауды;

      3) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде Қазақстан Республикасы нормативтік құқықтық актілерінің эталондық бақылау банкінде орналастыру үшін оның көшірмесін Қазақстан Республикасы Әділет министрлігінің "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жолдауды;

      4) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде Қазақстан Республикасы Ішкі істер министрлігінің ресми интернет-ресурсында және мемлекеттік органдардың интранет-порталында орналастыруды;

      5) осы бұйрықты Қазақстан Республикасы Әділет министрлігінде мемлекеттік тіркегеннен кейін күнтізбелік он күн ішінде осы бұйрықтың 2), 3) және 4) тармақшаларында көзделген іс-шаралардың орындалуы туралы мәліметтерді Қазақстан Республикасы Ішкі істер министрлігінің Заң департаментіне ұсынуды қамтамасыз етсін.

      3. Облыстардың және Нұр-Сұлтан, Алматы, Шымкент қалаларының полиция департаменттерінің, Қазақстан Республикасы ІІМ-нің Байқоңыр қаласындағы өкілдігінің бастықтары:

      1) ішкі істер органдары жеке құрамының осы бұйрықтың талаптарын зерделеуін және сақтауын қамтамасыз етсін;

      2) ішкі істер органдарының жұмысын осы бұйрықтың талаптарына сәйкес ұйымдастырсын.

      4. "Көлік құралдарының мемлекеттік тіркеу нөмірлік белгілерінің үлгілерін бекіту туралы" Қазақстан Республикасы Ішкі істер министрінің 2012 жылғы 16 шілдедегі № 400 бұйрығының (Нормативтік құқықтық актілерді мемлекеттік тіркеу тізілімінде № 7839 болып тіркелген, "Егемен Қазақстан" газетінің 2012 жылғы 26 қыркүйектегі № 622-630 (27701) санында жарияланған) күші жойылды деп танылсын.

      5. Осы бұйрықтың орындалуын бақылау Ішкі істер министрінің орынбасары Е.З.Тургумбаевқа және Қазақстан Республикасы Ішкі істер министрлігінің Әкімшілік полиция комитетіне (И.В.Лепеха) жүктелсін.

      6. Осы бұйрық алғаш ресми жарияланған күннен кейін күнтізбелік он күн өткен соң қолданысқа енгізіледі.

Мемлекеттік тіркеу нөмірлік белгілерінің нысандары мен үлгілері

      Ескерту. Нысандар мен үлгілер жаңа редакцияда – ҚР Ішкі істер министрінің 20.04.2018 № 310 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) бұйрығымен.

1-тарау. Жеке және заңды тұлғалардың көлік құралдарының мемлекеттік тіркеу нөмірлік белгілері

      1. 1-үлгі (1-сурет) – заңды тұлғалардың жеңіл автомобильдерінің алдыңғы және артқы мемлекеттік тіркеу нөмірлік белгілері, заңды тұлғаларға жататын жүк автомобильдері мен автобустарының алдыңғы мемлекеттік тіркеу нөмірлік белгісі.

      2. 1А-үлгісі (2-сурет) – жеке тұлғалардың жеңіл автомобильдерінің алдыңғы және артқы мемлекеттік тіркеу нөмірлік белгілері, жеке тұлғаларға жататын жүк автомобильдері мен автобустарының алдыңғы мемлекеттік тіркеу нөмірлік белгісі.

      3. 2-үлгі (3-сурет) – заңды тұлғаларға тиесілі жүк автомобильдері мен автобустардың, сондай-ақ бекіту орны 1-үлгідегі мемлекеттік тіркеу нөмірлік белгісінің габариттеріне сәйкес келмейтін, заңды тұлғалардың жеңіл автомобильдері үшін артқы мемлекеттік тіркеу нөмірлік белгісі.

      4. 2А-үлгісі (4-сурет) – жеке тұлғаларға тиесілі жүк автомобильдері мен автобустардың, сондай-ақ бекіту орны 1А-үлгісіндегі мемлекеттік тіркеу нөмірлік белгісінің габариттеріне сәйкес келмейтін, жеке тұлғалардың жеңіл автомобильдері үшін артқы мемлекеттік тіркеу нөмірлік белгісі.

      5. 3-үлгі (5-сурет) – мотокөлік құралдары (мотоциклдер, мотороллерлер) үшін мемлекеттік тіркеу нөмірлік белгісі.

      6. 5-үлгі (6-сурет) – көлік құралдарының тіркемелері және жартылай тіркемелері үшін мемлекеттік тіркеу нөмірлік белгісі.

      5А-үлгі (7-сурет) - бекіту орны 5-үлгідегі мемлекеттік тіркеу нөмірлік белгісінің габариттеріне сәйкес келмейтін, көлік құралдарының тіркемелері және жартылай тіркемелері үшін мемлекеттік тіркеу нөмірлік белгісі.

      7. 7-үлгі (8-сурет) – жол жүрісіне қатысуға уақытша рұқсат берілген көлік құралдары үшін мемлекеттік тіркеу нөмірлік белгісі.

      8. 1С-үлгі (9-сурет) – Қазақстан Республикасының ішкі істер органдары арнайы және жедел қызметтерінің жеңіл автомобильдері үшін алдыңғы және артқы және жүк автомобильдері мен автобустары үшін алдыңғы мемлекеттік тіркеу нөмірлік белгісі.

      9. 2С-үлгісі (10-сурет) – бекіту орны 1С-үлгісіндегі мемлекеттік тіркеу нөмірлік белгісінің габариттеріне сәйкес келмейтін, Қазақстан Республикасының ішкі істер органдары арнайы және жедел қызметтерінің жеңіл және жүк автомобильдері үшін артқы мемлекеттік тіркеу нөмірлік белгісі.

      10. 3C-үлгісі (11-сурет) – Қазақстан Республикасы ішкі істер органдарының мотокөлік құралдары үшін мемлекеттік тіркеу нөмірлік белгісі.

      11. 5C-үлгісі (12-сурет) – Қазақстан Республикасы ішкі істер органдарының көлік құралдарына тіркемелер мен жартылай тіркемелер үшін мемлекеттік тіркеу нөмірлік белгісі.

      12. 5СА-үлгі (13-сурет) - бекіту орны 5С-үлгідегі мемлекеттік тіркеу нөмірлік белгісінің габариттеріне сәйкес келмейтін, Қазақстан Республикасының ішкі істер органдары, Қазақстан Республикасы ішкі істер органдарының арнайы және жедел қызметтері көлік құралдарының тіркемелері және жартылай тіркемелері үшін мемлекеттік тіркеу нөмірлік белгісі.

      13. "SK" сериясының 1К-үлгісі (14-сурет) – Қазақстан Республикасы Мемлекеттік күзет қызметінің көлік құралдары үшін мемлекеттік тіркеу нөмірлік белгісі.

      Ескертпе: Мемлекеттік тіркеу нөмірі белгілерінде қолданылатын, Қазақстан Республикасының облыстары мен қалалары цифрлық кодтарының тізбесі осы Нысандар мен үлгілерге қосымшада көрсетілген.

2-тарау. Жеке және заңды тұлғалардың көлік құралдары мемлекеттік тіркеу нөмірлік белгілерінің сипаттамасы.

      14. Мемлекеттік тудың үлгісі бар, 1 (1А), 2 (2А), 3 және 5 – үлгілері үшін мемлекеттік тіркеу нөмірлік белгілерінің фоны (негізгі түсі) ‒ ақ түсті, цифрлық және әріптік символдар, "KZ" айыру белгісі ‒ қара түсті.

      15. Мемлекеттік тудың үлгісі бар, 1С, 2С, 3С – үлгілері үшін мемлекеттік тіркеу нөмірлік белгілерінің фоны (негізгі түсі) ‒ көк түсті, цифрлық және әріптік символдар, "KZ" айыру белгісі ‒ ақ түсті.

      16. Мемлекеттік тудың үлгісі бар, "SK" сериясының 1К – үлгісі үшін мемлекеттік тіркеу нөмірлік белгілерінің фоны (негізгі түсі) ‒ ақ түсті, цифрлық және әріптік символдар, "KZ" айыру белгісі ‒ қара түсті.";

3-тарау. Дипломатиялық корпус, шетелдіктер мен азаматтығы жоқ адамдар, сондай-ақ Қазақстан Республикасындағы шетелдік заңды тұлғалардың филиалдары мен өкілдіктері, шетелдік қатысуы бар кәсіпорындар көлік құралдарының мемлекеттік тіркеу нөмірлік белгілері

      17. 1Г-үлгісі (15-сурет) – шет мемлекеттердің делегацияларына ілесіп жүру бойынша хаттамалық іс-шараларға жұмылдырылған автомобильдерге алдыңғы және артқы мемлекеттік тіркеу нөмірлік белгісі.

      18. 1Г-үлгісі (16-сурет) – шет мемлекеттердің дипломатиялық өкілдіктері мен консулдық мекемелері дипломатиялық және консулдық құрамының, оларға теңестірілген, Қазақстан Республикасының Сыртқы істер министрлігінде акредиттелген халықаралық ұйымдар өкілдіктерінің қызметтік және жеке автомобильдеріне "D" сериялы алдыңғы және артқы мемлекеттік тіркеу нөмірлік белгісі.

      19. 2Г-үлгі (17-сурет) – "D" сериясының артқы мемлекеттік тіркеу нөмірлік белгісі.

      20. 1Г-үлгі (18-сурет) – шет мемлекеттердің дипломатиялық өкілдіктері мен консулдық мекемелері, оларға теңестірілген Қазақстан Республикасының Сыртқы істер министрлігінде акредиттелген халықаралық ұйымдардың өкілдіктері әкімшілік-техникалық персоналының қызметтік және жеке автомобильдеріне "Т" сериялы алдыңғы және артқы мемлекеттік тіркеу нөмірлік белгісі.

      21. 2Г-үлгі (19-сурет) – "Т" сериясының артқы мемлекеттік тіркеу нөмірлік белгісі.

      22. 3Г-үлгі (20-сурет) – шет мемлекеттердің дипломатиялық өкілдіктері мен консулдық мекемелері, оларға теңестірілген Қазақстан Республикасының Сыртқы істер министрлігінде акредиттелген халықаралық ұйымдардың өкілдіктері дипломатиялық және консулдық құрамының, әкімшілік-техникалық персоналының қызметтік және жеке мотокөлік құралдарына "D" және "Т" сериялы мемлекеттік тіркеу нөмірлік белгілері.

      23. 1Д-үлгі (21-сурет) – Қазақстан Республикасының Сыртқы істер министрлігінде акредиттелген шетелдік мемлекеттер Құрметті консулдарының қызметтік және жеке автомобильдеріне "НС" сериялы алдыңғы және артқы мемлекеттік тіркеу нөмірлік белгісі.

      24. 2Д-үлгі (22-сурет) – "НС" сериясының артқы мемлекеттік тіркеу нөмірлік белгісі.

      25. 1Д-үлгі (23-сурет) – Қазақстан Республикасындағы шетелдік заңды тұлғалар филиалдарының және өкілдіктерінің автомобильдеріне "М" сериялы алдыңғы және артқы мемлекеттік тіркеу нөмірлік белгісі.

      26. 2Д-үлгі (24-сурет) – "М" сериялы артқы мемлекеттік тіркеу нөмірлік белгісі.

      27. 1Д-үлгі (25-сурет) – Қазақстан Республикасының аумағында тіркелген шетелдіктер қатысатын заңды тұлғалардың автомобильдеріне арналған "Н" сериялы алдыңғы және артқы мемлекеттік тіркеу нөмірлік белгісі.

      28. 2Д-үлгі (26-сурет) – "Н" сериялы артқы мемлекеттік тіркеу нөмірлік белгісі.

      29. 1Д-үлгі (27-сурет) – шетелдіктер мен азаматтығы жоқ адамдарға арналған "Ғ" сериялы алдыңғы және артқы мемлекеттік тіркеу нөмірлік белгісі.

      30. 2Д-үлгі (28-сурет) - "Ғ" сериялы артқы мемлекеттік тіркеу нөмірлік белгісі.

      31. 3Д-үлгі (29-сурет) - Қазақстан Республикасының аумағында тіркелген шетелдіктер қатысатын заңды тұлғалардың, шетелдіктер мен азаматтығы жоқ адамдардың мотокөлік құралдарына арналған "Н" және "Ғ" сериялы мемлекеттік тіркеу нөмірлік белгісі.

      32. 3Д-үлгі (30-сурет) – Қазақстан Республикасында тіркелген шетелдік заңды тұлғалардың филиалдары мен өкілдіктерінің қызметтік мотокөлік құралдарына арналған "М" сериялы мемлекеттік тіркеу нөмірлік белгісі.

      33. 3Д-үлгі (31-сурет) – Қазақстан Республикасы Сыртқы істер министрлігінде аккредиттелген шетелдік мемлекеттердің құрметті консулдарының жеке мотокөлік құралдарына арналған "НС" сериялы мемлекеттік тіркеу нөмірлік белгісі.

      34. 5Г-үлгі (32-сурет) – шет мемлекеттердің дипломатиялық өкілдіктері мен консулдық мекемелері, оларға теңестірілген, Қазақстан Республикасының Сыртқы істер министрлігінде акредиттелген халықаралық ұйымдардың өкілдіктері дипломатиялық және консулдық құрамының, әкімшілік-техникалық персоналының қызметтік және жеке көлік құралдарына тіркемелер мен жартылай тіркемелерге арналған "D" және "Т" сериялы мемлекеттік тіркеу нөмірлік белгілері.

      35. 5ГА-үлгі (33-сурет) - бекіту орны 5Г-үлгісіндегі мемлекеттік тіркеу нөмірлік белгісінің габариттеріне сәйкес келмейтін, шет мемлекеттердің дипломатиялық өкілдіктері мен консулдық мекемелері, оларға теңестірілген, Қазақстан Республикасының Сыртқы істер министрлігінде акредиттелген халықаралық ұйымдардың өкілдіктері дипломатиялық және консулдық құрамының, әкімшілік-техникалық персоналының қызметтік және жеке жеке көлік құралдарына тіркемелер мен жартылай тіркемелерге арналған "D" және "Т" сериялы мемлекеттік тіркеу нөмірлік белгілері.

      36. 5Д-үлгі (34-сурет) – Қазақстан Республикасында тіркелген, шетелдік қатысуы бар заңды тұлғалардың, шетелдіктер мен азаматтығы жоқ адамдардың көлік құралдарына тіркемелер мен жартылай тіркемелерге арналған "Н" және "F" сериялы мемлекеттік тіркеу нөмірлік белгілері.

      37. 5ДА-үлгі (35-сурет) - бекіту орны 5Г-үлгісіндегі мемлекеттік тіркеу нөмірлік белгісінің габариттеріне сәйкес келмейтін, Қазақстан Республикасында тіркелген, шетелдік қатысуы бар заңды тұлғалардың, шетелдіктер мен азаматтығы жоқ адамдардың көлік құралдарына тіркемелер мен жартылай тіркемелерге арналған "Н" және "F" сериялы мемлекеттік тіркеу нөмірлік белгілері.

      38. 5Д-үлгі (36-сурет) – Қазақстан Республикасында тіркелген, заңды тұлғалар филиалдары мен өкілдіктерінің көлік құралдарына тіркемелер мен жартылай тіркемелерге арналған "М" сериялы мемлекеттік тіркеу нөмірлік белгісі.

      39. 5ДА-үлгі (37-сурет) ‒ бекіту орны 5Д-үлгісіндегі мемлекеттік тіркеу нөмірлік белгісінің габариттеріне сәйкес келмейтін, Қазақстан Республикасында тіркелген заңды тұлғалар филиалдары мен өкілдіктерінің көлік құралдарына тіркемелер мен жартылай тіркемелерге арналған "М" сериялы мемлекеттік тіркеу нөмірлік белгісі.

      40. 5Д-үлгі (38-сурет) – Қазақстан Республикасының Сыртқы істер министрлігінде акредиттелген шетелдік мемлекеттердің құрметті консулдарының қызметтік және жеке автомобильдеріне тіркемелер мен жартылай тіркемелерге арналған "НС" сериялы мемлекеттік тіркеу нөмірлік белгісі.

      41. 5ДА-үлгі (39-сурет) – бекіту орны 5Д-үлгісіндегі мемлекеттік тіркеу нөмірлік белгісінің габариттеріне сәйкес келмейтін Қазақстан Республикасының Сыртқы істер министрлігінде акредиттелген шетелдік мемлекеттердің құрметті консулдарының қызметтік және жеке автомобильдеріне тіркемелер мен жартылай тіркемелерге арналған "НС" сериялы мемлекеттік тіркеу нөмірлік белгісі.

4-тарау. Қазақстан Республикасында тіркелген, артықшылықтары мен иммунитеттері бар дипломатиялық өкілдіктердің, халықаралық ұйымдардың және (немесе) олардың өкілдіктерінің, консульдық мекемелерінің, қызметкерлері мен олардың отбасы мүшелерінің көлік құралдары мемлекеттік тіркеу нөмірлік белгілерінің сипаттамасы

      42. "D" сериясының 1Г және 2Г, "Т" сериясының 1Г және 2Г, "PROTOCOL" сериясының 1Г, "D" және "Т" серияларының 3 Г, "D" және "Т" серияларының 5Г (5ГА)–үлгілерінің мемлекеттік тіркеу нөмірлік белгілерінің фоны (негізгі түсі) – қызыл; "KZ" айыру белгісі, цифрлық және әріптік символдары – ақ түсті, жиегі қара түсті, жапсырмадағы цифрлық және әріптік символдары – қара түсті.

      43. "НС", "Н", "М" и "F" серияларының 1Д және 2Д үлгілері, "Н", "F", "M" және "НС" серияларының 3Д, "Н" және "F", "М" және "НС" серияларының 5Д (5ДА)–үлгісі үшін мемлекеттік тіркеу нөмірлік белгілерінің фоны (негізгі түсі) – сары, "KZ" айыру белгісі, цифрлық және әріптік символдар, бөлу жолағы, жиектеме сызығы мен жиегі – қара түсті.

      Ескертпе: Осы бұйрық қолданысқа енгізілгенге дейін дайындалған және берілген мемлекеттік тіркеу нөмірлік белгілері ҚР СТ 986-2012 "Жол көлігі. Механикалық көлік құралдары мен олардың тіркемелеріне арналған жарық шағылыстыратын қабаты бар мемлекеттік тіркеу нөмірлік белгілері және белгілерге арналған дайындамасы" Қазақстан Республикасы ұлттық стандартының (бұдан әрі – Стандарт) талаптарына сәйкес келетін мемлекеттік тіркеу нөмірлік белгілерін қоспағанда, көлік құралдарын тіркегенге дейін жарамды болып табылады.

      Мемлекеттік тіркеу нөмірлік белгісін жоғалтқан, сондай-ақ ол Стандарттың талаптарына сәйкес келмеген кезде (1 дана не жиынтық) осы мемлекеттік тіркеу нөмірлік белгісі ауыстыруға жатады.

      44. Қажет болған жағдайда, жол жүрісі қауіпсіздігін қамтамасыз ету жөніндегі уәкілетті орган өңірлердің өзге де цифрлық кодтарын, мемлекеттік тіркеу нөмірі белгілерінің әріптік және цифрлық белгілеулерін пайдалана, сондай-ақ оларды қорғау элементтерін және параметрлерін өзгерте алады.

Қазақстан Республикасының облыстары мен қалаларының мемлекеттік тіркеу нөмірлік белгілерінде қолданылатын цифрлық кодтар тізбесі

      Ескерту. Қосымша жаңа редакцияда – ҚР Ішкі істер министрінің 20.06.2018 № 459 (алғаш ресми жарияланған күнінен кейін күнтізбелік он күн өткеннен соң қолданысқа енгізіледі) бұйрығымен.