Сәулет, қала құрылысы және құрылыс саласындағы жобаларды басқару жөніндегі ұйымдарды аккредиттеу жөніндегі қағидаларын бекіту туралы

      РҚАО-ның ескертпесі!
      Бұйрықтың қолданысқа енгізілу тәртібін 4-тармақтан қараңыз.

      "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасы Заңының 20-бабының 23-24) тармақшасына сәйкес БҰЙЫРАМЫН:

      1. Қоса беріліп отырған Сәулет, қала құрылысы және құрылыс саласындағы жобаларды басқару жөніндегі ұйымдарды аккредиттеу жөніндегі қағидалары бекітілсін.

      2. Қазақстан Республикасы Ұлттық экономика министрлігінің Құрылыс, тұрғын үй-коммуналдық шаруашылық істері және жер ресурстарын басқару комитеті заңнамада белгіленген тәртіппен:

      1) осы бұйрықтың Қазақстан Республикасының Әділет министрлігінде мемлекеттік тіркелуін;

      2) осы бұйрық мемлекеттік тіркеуден өткеннен кейін күнтізбелік он күн ішінде оның көшірмесін мерзімді баспасөз басылымдарында және "Әділет" ақпараттық-құқықтық жүйесінде ресми жариялауға жіберілуін;

      3) осы бұйрықтың Қазақстан Республикасы Ұлттық экономика министрлігінің интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасы Ұлттық экономика вице-министріне жүктелсін.

      4. Осы бұйрық алғашқы ресми жарияланған күнінен кейiн күнтiзбелiк жиырма бір күн өткен соң қолданысқа енгізіледі.

      "Келісілген"

      Қазақстан Республикасының

      Инвестициялар және даму министрі

      ________________ Ә. Исекешев

      2015 жылғы 10 желтоқсан

Сәулет, қала құрылысы және құрылыс саласындағы жобаларды басқару жөніндегі ұйымдарды аккредиттеу жөніндегі қағидалар

1. Жалпы ережелер

      1. Осы Сәулет, қала құрылысы және құрылыс саласындағы жобаларды басқару жөніндегі ұйымдарды аккредиттеу жөніндегі қағидалар (бұдан әрі – Қағидалар) "Қазақстан Республикасындағы сәулет, қала құрылысы және құрылыс қызметі туралы" 2001 жылғы 16 шілдедегі Қазақстан Республикасының Заңына сәйкес әзірленді.

      2. Қағидалар сәулет, қала құрылысы және құрылыс саласындағы жобаларды басқару жөніндегі ұйымдарды аккредиттеу рәсімін регламенттейді.

      3. Осы Қағидаларда мынадай ұғымдар қолданылады:

      1) аккредиттеу – уәкілетті органның сәулет, қала құрылысы және құрылыс саласындағы жобаларды басқару жөніндегі ұйымның құзыретін ресми тану рәсімі;

      2) аккредиттеу туралы куәлік – сәулет, қала құрылысы және құрылыс саласындағы жобаларды басқару жөніндегі ұйымдардың мәртебесін куәландыратын куәлік;

      3) өтініш беруші – сәулет, қала құрылысы және құрылыс саласындағы жобаларды басқару жөніндегі ұйым ретінде аккредиттеуге үміткер заңды тұлға;

      4) уәкілетті орган – облыстардың, республикалық маңызы бар қаланың, астананың жергілікті атқарушы органдары.

2. Қағидалар және біліктілік талаптары

      4. Аккредиттеуден өту үшін өтініш берушілер мынадай құжаттарды:

      1) осы Қағидаларға 1-қосымшаға сәйкес белгіленген нысан бойынша өтініш;

      2) заңды тұлғаны мемлекеттік тіркеу (қайта тіркеу) туралы анықтаманы;

      3) осы Қағидаларға 2-қосымшаға сәйкес сәулет, қала құрылысы және құрылыс саласындағы жобаларды басқару жөніндегі ұйымдарға койылатын рұқсат беру талаптарына сәйкес мәліметтер мен құжаттарды жібереді.

      5. Сәулет, қала құрылысы және құрылыс саласындағы жобаларды басқару жөніндегі ұйымдарға койылатын рұқсат беру талаптарына сәйкес мәліметтер нысаны осы Қағидалардың 3-тармағында айқындалған.

      6. Осы Қағидалардың 4-тармағында көрсетілген құжаттар мен материалдарға өтініш берушінің бірінші басшысы қол қояды.

      7. Уәкілетті орган өтініш берушіден құжаттарды алған сәттен бастап екі жұмыс күнінің ішінде ұсынылған құжаттардың толықтығын тексереді.

      Өтініш беруші құжаттардың толық топтамасын ұсынбаған жағдайда уәкілетті орган көрсетілген мерзімде өтінішті одан әрі қараудан дәлелді бас тартады.

      8. Аккредиттеу туралы куәлікті беру не беруден бас тарту туралы дәлелді жауап мерзімі өтініш берушіден құжаттардың толық жинағын қабылдаған сәттен бастап 15 жұмыс күнін құрайды.

      9. Құжаттарды қарау және аккредиттеу туралы куәлік беру туралы шешім қабылдау немесе аккредиттеуден бас тарту туралы дәлелді жауап қайтару мерзімдері "Азаматтарға арналған үкімет" мемлекеттік корпорациясы" коммерциялық емес акционерлік қоғамынан (бұдан әрі - Мемлекеттік корпорация) құжаттардың толық жинағын қабылдаған күннен бастап он бес жұмыс күнін құрайды.

      10. Уәкілетті орган көрсетілген мерзімде осы Қағидаларға 4-қосымшаға сәйкес нысан бойынша аккредиттеу туралы куәлікті береді не көрсетілетін қызметті алушы және (немесе) мемлекеттік қызметті көрсету үшін қажетті ұсынылған материалдар, объектілер, деректер мен мәліметтер біліктілік талаптарына сәйкес болмаған жағдайда, аккредиттеуден дәлелді бас тарту туралы жазбаша хабарлайды.

      11. Аккредиттеу туралы куәліктің қолданылуын тоқтата тұру, қалпына келтіру, одан айыру (қайтарып алу) "Рұқсаттар мен хабарламалар туралы" Қазақстан Республикасы Заңының 45-бабында көзделген тәртіппен және (немесе) негіздер бойынша жүзеге асырылады.

ӨТІНІШ

      Ескерту. 1-қосымша жаңа редакцияда – ҚР Инвестициялар және даму министрінің 28.12.2018 № 953 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

      ________________________________________________________________________________

      (уәкілетті органның толық атауы)

      ________________________________________________________________________________

      (заңды тұлғаның толық атауы, бизнес-сәйкестендіру нөмірі деректемелері)

      Сәулет, қала құрылысы және құрылыс саласындағы жобаларды басқару

      жөніндегі ұйым ретінде аккредиттеуді өтінемін

      Мекенжай_________________________________________________________________

      (индекс, қала, аудан, облыс, көше, үй нөмірі, телефон, факс, е-mail)

      Филиалдар (өкілдік, объекті, пункті, учаске) ____________________________________

      ________________________________________________________________________________

      (орналасқан жері және деректемелері)

      Осымен:

      барлық көрсетілген деректердің ресми байланыстар болып табылатыны және оларға куәлік беру немесе беруден бас тарту мәселелері бойынша кез-келген ақпарат жіберілетіні;

      өтініш берушіге қызметтің аталған түрімен айналысуға сот тыйым салмағаны;

      барлық қоса берілген құжаттардың шындыққа сәйкес келетіні және жарамды болып табылатыны;

      өтініш беруші аккредиттеу туралы куәлікті беру кезінде ақпараттық жүйелерде қамтылған, заңмен қорғалатын құпияны құрайтын қолжетімділігі шектеулі дербес деректерді пайдалануға келісімін бергендігі расталады.

      Басшы ___________ ________________________________________________________

      (қолы)                  (тегі, аты, әкесінің аты (бар болса)

      Толтырылған күні: 20__ жылғы "__" __________

"Сәулет, қала құрылысы және құрылыс саласындағы жобаларды басқару жөніндегі ұйымдарды аккредиттеуге қойылатын рұқсат беру талаптары

      Ескерту. 2-қосымша жаңа редакцияда – ҚР Инвестициялар және даму министрінің м.а. 16.03.2017 № 153 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.

Мәліметтер нысаны

      Аттестатталған сарапшылардың болуы туралы мәліметтер

      1) Тегі, аты, әкесінің аты_____________________________________

      2) Лауазымы____________________________________________________

      3) Осы ұйымда __________________________________ жұмыс істейді

      (тұрақты немесе уақытша жұмыс істейтінін көрсету)

      4) Жұмыс өтілі_________________________________________________

      (мамандығы бойынша және лауазымда көрсету)

      5) Оқу орнының атауы___________________________________________

      6) Бітірген жылы_______________________________________________

      7) Дипломы бойынша біліктілігі_________________________________

      8) Дипломы бойынша мамандануы _________________________________

      9) сарапшы аттестатының болуы__________________________________

      (нөмірі мен берілген күнін көрсету)

      Әкімшілік-тұрмыстық үй-жайлар туралы мәліметтер

      10) Мекенжайы _________________________________________________

      _____________________________________________________________________

      11) Алаңы______________________________________________________

      12) Меншік құқығын немесе өзге де заңды негізді растайтын

      құжаттардың атауы және деректемелері ________________________________

      _____________________________________________________________________

      Материалдық-техникалық жарақтандырылуы туралы мәліметтер

      13) Атауы _____________________________________________________

      _____________________________________________________________________

      14) Өлшем бірлігі _____________________________________________

      15) Саны_______________________________________________________

      _____________________________________________________________________

      16) Пайдалану мерзімі__________________________________________

      17) Ескертпе __________________________________________________

      _____________________________________________________________________

      _____________________________________________________________________

      Нысан

АККРЕДИТТЕУ ТУРАЛЫ КУӘЛІК
N 00000

      Аккредиттеу туралы осы куәлік__________________________________

      _____________________________________________________________________

      (заңды тұлғаның атауы)

      ____________________________________________________________ берілді,

      (заңды мекенжайы)

      сәулет, қала құрылысы және құрылыс саласындағы жобаларды басқару құқығына

АККРЕДИТТЕЛДІ

      және уәкілетті органның тізіліміне енгізілді.

      Куәліктің қолданылу мерзімі ___________________________________ дейін

      Уәкілетті органның басшысы _______ ________________________

      (қолы) (тегі, аты, әкесінің аты)

      М.О.

      __________ қаласы 20__ж. "_" ___________

      Нысан

Сәулет, қала құрылысы және құрылыс саласындағы жобаларды
басқару жөніндегі аккредиттелген ұйымдардың тізілімі