ЗҚАИ-ның ескертпесі!
Бұйрықтың күшін жою көзделген – ҚР Әділет министрінің 29.05.2020 № 69 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен.
РҚАО-ның ескертпесі!
Бұйрық 01.01.2016 ж. бастап қолданысқа енгізіледі
"Атқарушылық іс жүргізу және сот орындаушыларының мәртебесі туралы" 2010 жылғы 2 сәуірдегі Қазақстан Республикасы Заңының 141-1 бабының 1 тармағы және 167-бабының 11) тармақшасына сәйкес БҰЙЫРАМЫН:
1. Қоса берілген Тағылымдамадан өткен және жеке сот орындаушысы қызметімен айналысуға үміткер адамдарды тестілеу және аттестаттаудан өткізу қағидалары бекітілсін.
2. Қазақстан Республикасы Әділет министрлігінің Сот актілерін орындау департаменті:
1) осы бұйрықтың мемлекеттік тіркелуін және оның мерзімді баспа басылымдары мен "Әділет" ақпараттық-құқықтық жүйесінде ресми жариялануын;
2) осы бұйрықтың Қазақстан Республикасы Әділет министрлігінің ресми интернет-ресурсында орналастырылуын қамтамасыз етсін.
3. Осы бұйрықтың орындалуын бақылау Қазақстан Республикасы Әділет министрлігінің Жауапты хатшысы М.Б. Бекетаевқа жүктелсін.
4. Осы бұйрық 2016 жылғы 1 қаңтардан бастап қолданысқа енгізіледі және ресми жариялауға жатады.
| Министр | Б. Имашев |
| Қазақстан Республикасы Әділет министрінің 2015 жылғы 30 қарашадағы № 605 бұйрығымен бекітілген |
Тағылымдамадан өткен және жеке сот орындаушысы қызметімен айналысуға үміткер адамдарды тестілеу және аттестаттаудан өткізу қағидалары
1-тарау. Жалпы ережелер
Ескерту. 1-тараудың тақырыбы жаңа редакцияда – ҚР Әділет министрінің 01.02.2018 № 170 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
1. Осы Тағылымдамадан өткен және жеке сот орындаушысы қызметімен айналысуға үміткер адамдарды аттестаттаудан өткізу қағидалары (бұдан әрі - Қағидалар) "Атқарушылық іс жүргізу және сот орындаушыларының мәртебесі туралы" 2010 жылғы 2 сәуірдегі Қазақстан Республикасы Заңына (бұдан әрі - Заң) сәйкес әзірленді және тағылымдамадан өткен және жеке сот орындаушысы қызметімен айналысуға үміткер адамдарды тестілеу және аттестаттаудан өткізу тәртібін белгілейді.
2. Жеке сот орындаушысы қызметімен айналысуға үміткер және тағылымдамадан өткен адамдар облыстардың, республикалық маңызы бар қала мен астананың аумақтық әдiлет органдары жанында (бұдан әрi – аумақтық әдiлет органдары) құрылатын жеке сот орындаушысы қызметімен айналысуға үміткер адамадарды аттестаттау бойынша комиссияда (бұдан әрі - Комиссия) тестілеу және ауызша әңгімелесу (бұдан әрі – аттестаттау) өтеді.
2-тарау. Аттестаттаудан өту үшін құжаттарды қабылдау тәртібі
Ескерту. 2-тараудың тақырыбы жаңа редакцияда – ҚР Әділет министрінің 01.02.2018 № 170 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
3. Аттестаттауды өткізу туралы хабарландыру (бұдан әрі - хабарландыру) аумақтық әдiлет органының интернет-ресурсында қазақ және орыс тілдерінде жарияланады.
Хабарландыруда мынадай мәліметтер:
аумақтық әдiлет органының орналасқан жері, пошталық мекенжайы және байланыс телефондары;
Қазақстан Республикасы Әділет министрінің 2015 жылғы 22 қаңтардағы № 32 бұйрығымен бекітілген (Нормативтік құқықтық актілерді мемлекеттік тіркеу тізілімінде 2015 жылғы 20 ақпанда № 10308 болып тіркелген) біліктілік талаптары мен құжаттар тізбесіне сәйкес үміткерге қойылатын негізгі талаптар;
құжаттарды қабылдау тәртібі мен мерзімдері;
аттестаттаудың өткізілетін орны;
аттестаттаудың қарауына ұсынылатын құжаттардың тізбесі көрсетіледі.
4. Жеке сот орындаушысының қызметімен айналысу үшін аттестаттаудан өтуге жіберу туралы өтініш "электрондық үкіметтің" www.egov.kz веб-порталы (бұдан әрі - портал) арқылы Комиссияға осы Қағиданың 1-қосымшасына сәйкес нысан бойынша тапсырылады.
Өтінішке келесі құжаттар тіркеледі:
1) жеке сот орындаушысының қызметімен айналысу үшін аттестаттаудан өтуге электронды толтырылған осы Қағиданың 2-қосымшасына сәйкес нысан бойынша тапсырылады;
2) наркологиялық және психиатриялық ұйымдардан үмiткердiң тұрғылықты жерi бойынша, оларды ұсынғанға дейін бір айдан аспайтын мерзімде берiлген анықтамалар.
Ескерту. 4-тармақ жаңа редакцияда – ҚР Әділет министрінің 01.02.2018 № 170 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.5. Құжаттар тиiсiнше ресiмделмеген не құжаттар топтамасы толық берiлмеген жағдайда, көрсетілетін қызметті берушінің кеңсесiне келiп түскен өтініш ұсынылған құжаттармен қоса түскен күнiнен бастап екі жұмыс күнiнен кешiктiрiлмей, қайтару себебi туралы жазбаша хабарламамен бiрге үмiткерге қаралмай қайтарылады. Мемлекеттік қызмет көрсетуден бас тарту электрондық құжат нысанында, көрсетілетін қызметті берушінің уәкілетті тұлғасының электрондық цифрлық қолымен (бұдан әрі - ЭЦҚ) қызметті алушының "жеке кабинетіне" жолданады.
Ескерту. 5-тармақ жаңа редакцияда – ҚР Әділет министрінің 01.02.2018 № 170 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.6. Өтінішті қарамай қайтару үшiн негiздер болмаған жағдайда, құжаттар Комиссияның қарауына жiберіледi.
Заңның 140-бабы 2-тармағында көзделген негіздер бойынша аттестаттауға жiберуден бас тартылады.
Аттестаттауға жiберуден бас тарту туралы шешiмдi аумақтық әдiлет органдары құжаттар келiп түскен күнінен бастап он бес жұмыс күнiнен кешiктiрмей үмiткерге жiбередi.
3-тарау. Аттестаттау өткiзудiң тәртiбi
Ескерту. 3-тараудың тақырыбы жаңа редакцияда – ҚР Әділет министрінің 01.02.2018 № 170 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
7. Аттестаттау өткенге дейін күнтізбелік он күннен кешіктірілмей облыстардың, республикалық маңызы бар қала мен астананың аумақтық әдiлет органдары:
1) аттестаттауға жіберілген үміткерге аттестаттаудың өту орны, күні, уақыты, тәртібі туралы жазбаша хабарлайды;
2) өзінің интернет-ресурсында аттестаттауға жіберілген үміткерлер тізімін, оны өткізу тәртібін, үміткерлерді іріктеу рәсімдерінің ұзақтығы мен мәні орналастырады.
Комиссия отырысына келген кезде үмiткердің өзiнде оның жеке басын куәландыратын құжаты болуы қажет.
Аттестаттау қажеттiлiгiне қарай, бiрақ тоқсанына кемiнде бiр рет өткiзiледi.
8. Аттестаттауды өткізу кезінде осы Қағидалардың 3-қосымшасына сәйкес нысан бойынша Қазақстан Республикасы Әділет министрлігінің облыстардың, Астана және Алматы қалаларының Әділет департаменттері жанындағы Жеке сот орындаушысы қызметімен айналысуға үміткер адамдарды аттестаттау комиссиясы отырысының хаттамасы (бұдан әрі - Комиссияның хаттамасы) жүргiзiледi.
9. Аттестаттаудан өту кезiнде үмiткердің анықтамалықты, арнайы және өзге де әдебиеттi, байланыс құралдарын, сондай-ақ электрондық жеткіште қандай да бiр жазбаларды пайдалануына жол берілмейді.
Көрсетiлген талаптарды бұзған жағдайда, үмiткер аттестаттаудан шеттетiледi, ол туралы Комиссия отырысының хаттамасында тиісті жазба жүргізіледі.
10. Аттестаттаудан шеттетiлген үмiткер Комиссия шешiмі шығарылған күннен бастап үш ай өткен соң осы Қағидалардың 4 және 7-тармақтарында көзделген тәртiппен өтiнiштi қайта береді.
11. Қазақстан Республикасы Әдiлет министрлігі компьютерлік тестілерге (бұдан әрі - тест) енгізілуі тиіс және бір дұрыс жауабымен кемінде үш нұсқасы бар Қазақстан Республикасының Азаматтық кодексін, Қазақстан Республикасының Азаматтық іс жүргізу кодексін, Қазақстан Республикасының Қылмыстық кодексін, Қазақстан Республикасының Әкімшілік құқық бұзушылық туралы кодексін және Заңды білуіне сұрақтар тізбесін жасайды.
12. Аттестаттау екi кезеңнен тұрады:
1) Қазақстан Республикасының заңнамасын бiлуiне тест тапсыру;
2) үмiткердiң бiлiмiн ауызша әңгімелесу түрінде тексеру.
Yмiткер өз қалауы бойынша тестілеуден қазақ немесе орыс тiлiнде өтеді.
Тестілеуден өту үшін сұрақтардың жалпы саны 100-ді құрайды.
Тестілеу үшін берілген уақыт тоқсан минутты құрайды.
13. Егер дұрыс жауаптардың саны сұрақтардың жалпы санының 70 және одан артығын құраса, үмiткер тестiлеуден өттi деп саналады және екiншi кезеңге жiберiледi.
14. Тестiні тапсыру нәтижелерi екi данада басылып шығарылады және тестілеу аяқтала салысымен бірден үмiткерге жеке қол қойдыру арқылы танысу үшiн ұсынылады.
Тестiлеу нәтижелерi бар парақтың бiр данасы үмiткерге тапсырылады, екiншiсi Комиссияға берiледi.
15. Үміткерлердің білім деңгейін айқындау үшін сұрақтар тiзбесiн Қазақстан Республикасы Әдiлет министрлігі жасайды. Ауызша әңгімелесуді жүргізу барысында Комиссия үміткерге жеке сот орындаушысы қызметімен айналысу үшiн бiлудi қажет ететiн құқықтық тәртіп тақырыбына сәйкес келетін кемінде үш сұрақ қояды.
Тестілеу мен ауызша әңгімелесудің сұрақтар тізбесі құпия ақпарат болып табылады және еркін жариялауға жатпайды.
16. Екінші кезеңнің қорытындысы бойынша отырысқа қатысқан Комиссия мүшелерінің басым дауысымен тиісті шешім қабылданады.
17. Комиссияның шешімі ашық дауыс берумен қабылданады. Комиссия мүшелері дауыс беруден қалыс қалмайды.
Қабылданған шешіммен келіспеген жағдайда, Комиссия мүшесі пікірін еркін жазбаша нысанда баяндайды, Комиссия шешім шығарған кезде оны да ескереді.
Комиссия мүшелерінің берген дауыстары тең түскен жағдайда, Комиссия төрағасының дауысы шешуші болып табылады.
18. Аттестация нәтижелері бойынша Комиссия екі жұмыс күні ішінде дәлелді шешім шығарады, ол Комиссия хаттамасымен ресімделеді.
19. Комиссия хаттамасының көшірмесі аттестаттау өткен күннен бастап екі жұмыс күні ішінде Қазақстан Республикасының Әділет министрлігіне жіберіледі.
20. Комиссияның оң нәтижесін алған үміткерлердің, сондай-ақ өтпеген және конкурсқа келмегендердің тізімі Комиссия хаттамасына қол қойылғаннан кейін келесі күннен кешіктірілмей, аумақтық әділет органының интернет-ресурсына жарияланады.
21. Дәлелді себеппен аттестаттауға келмеген және келесі аттестаттауға қатысуға ниет білдірген үміткер осы Қағидалардың 4-тармағымен көзделген тәртіпте Комиссияның келесі отырысына шақыртылады.
Үміткер қайтадан келмеген жағдайда, оның арызы қараусыз қалдырылады және аттестаттау өткен күннен бастап бес жұмыс күні ішінде аумақтық әділет органы қоса берілген құжаттармен бірге қайтарады.
22. Аттестаттаудан өтпеген үміткерлерге келесі аттестаттауға қайтадан қатысу үшін кедергі болмайды.
23. Аттестаттау жүргізілген кезде туындаған даулар сот тәртібінде қаралады.
Жеке сот орындаушысы қызметімен айналысу үшін аттестаттауға жіберу туралы өтініш
Ескерту. 1-қосымша жаңа редакцияда – ҚР Әділет министрінің 01.02.2018 № 170 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
Маған жеке сот орындаушысы қызметімен айналысуға лицензия алу үшін аттестаттаудан өтуге рұқсат етуді сұраймын.
Өтініш берушіге заңмен көзделген лицензияланған қызметтердің түрлерімен айналысуға сотпен тыйым салынбағанын, қосымшаға тіркелген барлық құжаттар шындыққа жанасатынын және жарамды екенін растаймын.
Мемлекеттік қызмет көрсету кезінде, қызмет алушы мемлекеттік ақпараттық жүйеде қамтылған заңмен қорғалатын құпияларды құрайтын құжаттарды пайдалануға келісім беремін, ұсынылған жеке мәліметтердің жарамдылығы және шынайылығы үшін жеке жауапкершілік аламын.
_________________________________(тегi, аты, әкесiнiң аты (болған кезде)
| "Тағылымдамадан өткен және жеке сот орындаушысы қызметімен айналысу құқығына үміткер адамдарды аттестаттаудан өткізу" мемлекеттік көрсетілетін қызметтер стандартына 2-қосымша |
|
| Нысан |
Жеке сот орындаушысы қызметімен айналысуға аттестаттаудан өту үшін мәліметтер нысаны
Ескерту. 2-қосымша жаңа редакцияда – ҚР Әділет министрінің 01.02.2018 № 170 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
Қызмет алушы туралы мәліметтер | |
Білімі (қашан және қандай оқу мекемелерін бітірді, дипломдардың нөмірлері). | |
Жеке сот орындаушысында тағылымдамадан өту туралы мәліметтер (аттестаттаудан өткен тұлғалармен толтырылады) күні, айы, жылы, аумақ және тағылымдама нәтижесі | |
| "Тағылымдамадан өткен және жеке сот орындаушысы қызметімен айналысу құқығына үміткер адамдарды аттестаттаудан өткізу" мемлекеттік көрсетілетін қызметтер стандартына 3-қосымша Нысан |
Қазақстан Республикасы Әділет министрлігі
________________ Әділет департаменті жанындағы
Жеке сот орындаушысы қызметімен айналысуға үміткер тұлғаларды аттестаттау
бойынша комиссия отырысының хаттамасы
Ескерту. 3-қосымша жаңа редакцияда – ҚР Әділет министрінің 01.02.2018 № 170 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
Төрағалық еткен: |
(лауазымы, тегі, инициалдары) |
КҮН ТӘРТІБІ:
Жеке сот орындаушысы қызметімен айналысу үшін аттестаттауға қатысатын үміткерлерді іріктеу.
"Атқарушылық iс жүргiзу және сот орындаушыларының мәртебесi туралы" Қазақстан Республикасы Заңының (бұдан әрі - Заң) 141-бабы 1-тармағына сәйкес Комиссия тағылымдамадан өткен және жеке сот орындаушысы қызметімен айналысуға үміткер адамдарды аттестаттаудан өткізді, аттестаттау қорытындысы бойынша Комиссия шешім қабылдады:
1. Мына үміткерлер: _______________________________________________________
(тегi, аты, әкесiнiң аты (болған кезде)
жеке сот орындаушысы қызметімен айналысуға аттестаттаудан өтті деп есептелсін.
2. Мына үміткерлер: ________________________________________________________
(тегi, аты, әкесiнiң аты (болған кезде)
жеке сот орындаушысы қызметімен айналысуға аттестаттаудан өтпеді деп есептелсін.
3.Жеке сот орындаушысы қызметімен айналысуға аттестаттауға мына үміткерлер
келген жоқ: _____________________________________________________________________
(тегi, аты, әкесiнiң аты (болған кезде)
4.Екі жұмыс күні ішінде аталған хаттаманың көшірмесін Қазақстан Республикасы Әділет министрлігіне жолдасын.
Комиссия төрағасы _________________________________________________________
(лауазымы, тегі, инициалдары)
Комиссия мүшелері: ________________________________________________________
(лауазымы, тегі, инициалдары)
М.О.(бар болса)
Хатшы ___________________________
(лауазымы, тегі, инициалдары)
20___жыл "_____"__________________
(хаттаманың шыққан күні)