Аңшылық алқаптар мен балық шаруашылығы су айдындарын және (немесе) учаскелерiн бекiтiп беру жөнiнде конкурс өткiзу қағидаларын және конкурсқа қатысушыларға қойылатын бiлiктiлiк талаптарын бекiту туралы

      "Жануарлар дүниесін қорғау, өсімін молайту және пайдалану туралы" Қазақстан Республикасының 2004 жылғы 9 шілдедегі Заңының 9-бабы 1-тармағының 65) тармақшасына сәйкес, БҰЙЫРАМЫН:

      1. Мыналар:

      1) осы бұйрықтың 1-қосымшасына сәйкес Аңшылық алқаптар мен балық шаруашылығы су айдындарын және (немесе) учаскелерiн бекiтiп беру жөнiнде конкурс өткiзу қағидалары;

      2) осы бұйрықтың 2-қосымшасына сәйкес Аңшылық алқаптар мен балық шаруашылығы су айдындарын және (немесе) учаскелерiн бекiтiп беру жөніндегі конкурсқа қатысушыларға қойылатын біліктілік талаптары бекітілсін.

      2. Қазақстан Республикасы Ауыл шаруашылығы министрлігінің Орман шаруашылығы және жануарлар дүниесі комитеті заңнамада белгіленген тәртіппен:

      1) Қазақстан Республикасының Әділет министрлігінде осы бұйрықтың мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспа басылымдарында және "Әділет" ақпараттық-құқықтық жүйесінде ресми жариялануға жіберілуін;

      3) осы бұйрықты Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасы Ауыл шаруашылығы вице-министріне жүктелсін.

      4. Осы бұйрық алғаш ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛГЕН"

      Қазақстан Республикасы

      Инвестициялар және даму министрі

      _____________Ә. Исекешев

      2015 жылғы 3 сәуір

      "КЕЛІСІЛГЕН"

      Қазақстан Республикасы

      Ұлттық экономика министрі

      ____________ Е. Досаев

      2015 жылғы 22 мамыр

Аңшылық алқаптар мен балық шаруашылығы су айдындарын және (немесе) учаскелерiн бекiтiп беру жөнiнде конкурс өткiзу қағидалары
1. Жалпы ережелер

      1. Осы Аңшылық алқаптар мен балық шаруашылығы су айдындарын және (немесе) учаскелерiн бекiтiп беру жөнiнде конкурс өткiзу қағидалары (бұдан әрі - Қағида) 2004 жылғы 9 шілдедегі "Жануарлар дүниесiн қорғау, өсiмiн молайту және пайдалану туралы" Қазақстан Республикасы Заңының (бұдан әрі – Заң) 9-бабы 1-тармағының 65) тармақшасына сәйкес әзiрлендi және аңшылық алқаптар мен балық шаруашылығы су айдындарын және (немесе) учаскелерiн бекiтiп беру жөнiнде конкурс (бұдан әрi - Конкурс) ұйымдастыру және өткізу тәртібін айқындайды.

      2. Конкурсты өткізу мақсаты Қазақстан Республикасының жеке және заңды тұлғаларына оларға бекітілiп берiлетiн аңшылық алқаптарда немесе балық шаруашылығы су айдындарында және (немесе) учаскелерінде аңшылық немесе балық шаруашылығын жүргiзу құқығын беру болып табылады.

      3. Жеке және мемлекеттiк емес заңды тұлғалардың жеке меншігіндегі немесе уақытша жер пайдалануындағы жер учаскелерiнде толығымен орналасқан аңшылық алқаптар, сондай-ақ жергілікті маңызы бар балық шаруашылығы су айдындары және (немесе) учаскелері олар белгiленген бiлiктiлiк талаптарына сәйкес келген жағдайда олардың өтiнiмi бойынша облыстың жергілікті атқарушы органының шешiмiмен конкурс өткiзiлместен соларға бекiтiп берiледi.

      4. Осы Қағидаларда мынадай ұғымдар пайдаланылады:

      1) уәкілетті орган - Қазақстан Республикасы Ауыл шаруашылығы министрлігі;

      2) ведомство - Қазақстан Республикасы Ауыл шаруашылығы министрлігінің Орман шаруашылығы және жануарлар дүниесі комитеті;

      3) аумақтық бөлімшелер - Қазақстан Республикасы Ауыл шаруашылығы министрлігінің Орман шаруашылығы және жануарлар дүниесі комитетінің аумақтық бөлімшелері;

      4) Конкурсқа қатысушы - тиісті аумақтық бөлімшеге немесе облыстың жергілікті атқарушы органына Конкурсқа қатысуға конкурстық өтінім ұсынған жеке немесе заңды тұлға;

      5) көлде тауарлы балық өсiру шаруашылығы (бұдан әрi – КТБШ) – су айдындарындағы шаруашылық құны төмен балықтарды аулау есебінен ихтифаунаны толық немесе ішінара алмастыру, оларға балықтың бағалы түрлерiн қоныстандыру, өсiру және кейiннен аулау арқылы оларды балық шаруашылығы мақсатында пайдалануды жақсартумен айналысатын шаруашылық;

      6) шарбақтық балық өсіру шаруашылығы – шарбақтарда тауарлы өнім өсіруге маманданатын шаруашылық.

2. Аңшылық алқаптарды бекітіп беру жөнінде конкурс өткізу тәртібі

      5. Аңшылық алқаптарды бекітіп беру бойынша конкурсты дайындау мен өткізу жөніндегі ұйымдастырушылық іс-шараларды облыстың жергілікті атқарушы органы (бұдан әрi – Конкурсты ұйымдастырушы) жүргізеді.

      6. Конкурсқа шаруашылықаралық аңшылық ісін ұйымдастыру негiзiнде аңшылық шаруашылығын жүргізу үшін перспективалы деп танылатын резервтік қордың аңшылық алқаптары қойылады.

      7. Аңшылық алқаптарды бекітіп беру осы Қағидаларға сәйкес өткізілетін Конкурс қорытындыларының негізінде облыстардың жергілікті атқарушы органдарының шешімімен жүзеге асырылады.

      8. Құрамына мемлекеттiк орман қорының учаскелерi енетiн аңшылық алқаптарды бекiтiп беру (шаруашылықаралық аңшылық ісін ұйымдастыру материалдары бойынша) жануарлар дүниесiн қорғау, өсiмiн молайту және пайдалану жөнiндегі iс-шаралар кешенiн жүзеге асыру үшiн қажет шара болып табылады.

      9. Аңшылық алқаптарды бекітіп беру жөніндегі конкурсты тиісті облыстың жергілікті атқарушы органы құратын комиссия өткізеді.

      Конкурстық комиссия мүшелері:

      1) облыстардың жергілікті атқарушы органдарының (облыс әкімінің орынбасарынан төмен емес), комиссия төрағасы;

      2) облыстардың жергілікті атқарушы органдары құрылымдық бөлімшелерінің (басшыдан төмен емес);

      3) ведомствоның аумақтық бөлімшелерінің (басшының орынбасарынан төмен емес);

      4) аңшылық шаруашылығы саласындағы ғылыми ұйымдардың;

      5) аккредиттелген аңшылар мен аңшылық шаруашылығы субъектілерінің қоғамдық бірлестіктері республикалық қауымдастықтарының өкілдері болып табылады.

      10. Конкурстық комиссияның ұйымдастырушылық қызметін конкурстық комиссияның хатшысы (бұдан әрі - Хатшы) қамтамасыз етеді. Хатшы конкурстық комиссияның мүшесі болып табылмайды және комиссияның шешімдер қабылдауы кезінде дауыс беру құқығы жоқ.

      Хатшысы конкурстың ұйымдастырылуына және өткізілуіне жауапты Конкурсты ұйымдастырушының өкілі болып табылады.

      Комиссия мүшелерiнiң жалпы саны тақ санды құрауға және бес адамнан кем болмауға тиiс.

      11. Комиссия мүшелерінің өз өкілеттіктерін басқа адамдарға беруге (жүктеуге) құқығы жоқ.

      12. Конкурсты өткізгенге дейін Конкурсты ұйымдастырушы:

      1) Конкурсты өткізу уақыты мен орнын;

      2) конкурстық құжаттаманы (аңшылық алқаптың орналасқан жерінің сызба-картасын, алқабын, бір қорықшыға шаққанда қорғалатын алқаптың жүктеме нормасын, санатын, жануарлар дүниесінің жай-күйін (түрі, саны) қамтитын шаруашылықаралық аңшылық ісін ұйымдастыру негiзiнде аңшылық шаруашылығын жүргізу үшін перспективалы деп танылған Конкурсқа қойылатын аңшылық алқаптардың тізбесі) алу орны мен тәртібін;

      3) конкурстық өтінімдер қабылдау мерзімін айқындайды.

      13. Аңшылық алқаптарды бекітіп беру жөнiнде конкурс өткізу туралы хабарландыру мынадай мәлiметтердi қамтиды:

      1) Конкурсты ұйымдастырушының толық атауы және орналасқан жерi;

      2) Конкурсты өткізу тәртібі және конкурстық өтінімдер қабылдау мерзімі;

      3) Конкурсты өткізу орны, уақыты және конкурстық құжаттаманы алу тәсiлдерi.

      14. Аңшылық алқаптарды бекітіп беру жөніндегі алдағы конкурс туралы хабарландыруды Конкурсты ұйымдастырушы конкурс өткізілгенге дейін он бес күнтізбелік күннен кешіктірмей Қазақстан Республикасының бүкіл аумағына таратылатын мерзімді баспасөз басылымдарында жариялайды және облыстың жергілікті атқарушы органының ғаламтор-ресурсында орналастырады.

      15. Конкурсқа қатысу үшін қажет конкурстық құжаттаманы Хатшы Конкурс өткізу туралы хабарландыру жарияланған күнінен бастап бір жұмыс күні ішінде Конкурсты ұйымдастырушының ғаламтор-ресурсында орналастырады.

      16. Конкурстық өтінім:

      1) осы Қағидаларға 1-қосымшаға сәйкес нысан бойынша Аңшылық алқаптарды бекітіп беру жөнiнде конкурсқа қатысуға арналған өтінішті;

      2) өтінім берушінің Конкурсқа қатысушыларға қойылатын белгіленген біліктілік талаптарына сәйкестігін растайтын құжаттарды:

      жеке тұлғалар үшін - Қазақстан Республикасы азаматының жеке куәлігін немесе төлқұжатын, кәсіпкерлік қызметті заңды тұлға құрмай жүзеге асыруға құқық беретін құжаттарды (көшірмесі);

      заңды тұлғалар үшін - заңды тұлғаны мемлекеттік тіркеу (қайта тіркеу) туралы анықтаманы немесе куәлікті (көшірмесі);

      Қазақстан Республикасы Ауыл шаруашылығы министрінің 2015 жылғы 31 наурыздағы № 18-04/287 бұйрығымен (Нормативтік құқықтық актілерді мемлекеттік тіркеу тізілімінде № 10890 болып тіркелген) бекітілген үлгі нысан бойынша қаржыландыру көздері мен көлемі, жұмыс ауқымы (қорғау, өсімін молайту және биотехникалық іс-шарларды қоса алғанда) көрсетілген екі жылға арналған аңшылық шаруашылығы субъектісін дамыту жоспарын (түпнұсқасы);

      Конкурсқа қатысушыға қызмет көрсетілетін банктің, банк филиалының немесе бөлімшесінің Конкурсқа қатысушының банк, банк филиалы немесе бөлімшесі алдындағы міндеттемелерінің барлық түрі бойынша уақытында төленбеген берешектің жоқ екені туралы қағаз тасығыштағы қол қойылған және мөр басылған анықтаманың түпнұсқасын (конкурсқа қатысушы екінші деңгейдегі бірнеше банктің, филиалдың немесе бөлімшенің, сондай-ақ шетелдік банктің клиенті болып табылатын жағдайда бұл анықтама осындай банктердің әрқайсысынан беріледі) қамтиды, ол конкурстық өтінімдер салынған конверттер ашылатын күннен отыз күнтізбелік күннен ерте берілмеуге тиіс;

      "Агроөнеркәсіптік кешенді және ауылдық аумақтарды дамытуды мемлекеттік реттеу туралы" Қазақстан Республикасының 2005 жылғы 8 шілдедегі № 66 Заңының 6-бабы 1-тармағының 16) тармақшасына сәйкес бекітілетін Тракторларды және олардың базасында жасалған өздiгiнен жүретiн шассилер мен механизмдердi, монтаждалған арнаулы жабдығы бар тiркемелердi қоса алғанда, олардың тiркемелерiн, өздiгiнен жүретiн ауылшаруашылық, мелиорациялық және жол-құрылыс машиналары мен механизмдерiн, жүрiп өту мүмкiндiгi жоғары арнайы машиналарды мемлекеттiк тiркеу қағидаларына сәйкес конкурстық өтінімдер салынған конверттер ашылатын күннен бір айдан ерте берілмеген қатысушының атына тіркелген машиналардың болуы немесе болмауы туралы мемлекеттік техникалық инспекцияның анықтамасын;

      Қазақстан Республикасы Ішкі істер министрінің 2014 жылғы 8 желтоқсандағы № 874 бұйрығымен бекітілген нысан бойынша қатысушының атына көлік құралдарын тіркеу туралы куәлікті;

      Аңшылық алқаптар мен балық шаруашылығы су айдындарын және (немесе) учаскелерiн бекiтiп беру жөніндегі конкурсқа қатысушыларға қойылатын біліктілік талаптарына осы бұйрыққа қосымшада көрсетілген материалдық-техникалық құралдардың болуын растайтын құжаттарды (түпнұсқа);

      аңшылық шаруашылығы саласында мамандардың болуын растайтын құжаттарды (жасалған еңбек шарттары мен дипломдардың көшірмелері) қамтиды.

      17. Өтінім тігілген күйінде, нөмірленген беттерімен беріледі, бұл ретте соңғы беті қол қою арқылы және мөрмен куәландырылады (егер болса, жеке тұлға үшін), мөр басылған конвертте Конкурсқа қатысушының атауы мен мекен-жайы көрсетіледі.

      Бірнеше аңшылық алқаптарға өтінім берілген жағдайда Конкурсқа қатысушы конкурстық өтінімді әрбір аңшылық алқабына жеке-жеке дайындап, оларды мөр басылған әртүрлі конверттерде береді.

      18. Конкурстық өтінімдер салынған конверттер осы Қағидаларға 2-қосымшаға сәйкес конкурстық өтінімдерді қабылдауды тіркеу журналында реттік нөмір беріле отырып тіркеледі. Конкурстық өтінім берудің белгіленген мерзімі аяқталғаннан кейін журналда конкурстық өтінім қабылдаудың аяқталу күні мен уақыты көрсетіле отырып белгі жасалып, Хатшының қолы қойылып куәландырылады.

      Белгіленген мерзім аяқталғаннан кейін Конкурсқа қатысуға берілген конкурстық өтінім салынған конверт қабылданбайды.

      19. Белгіленген мерзімде Хатшы конкурстық өтінімдер салынған конверттерді Конкурсқа қатысушылардың немесе оның өкілдерінің көзінше конкурстық өтінімдерді қабылдау журналына тіркеу кезінде берілген реттік нөмірдің кезектілігіне сәйкес ашады, берілген құжаттардың бар бар-жоғы жайында хабарлайды. Конкурсқа қатысушының немесе оның өкілдерінің болмауы осы қатысушының конкурстық өтінімін қарамауға негіз болып табылмайды.

      20. Конкурстық өтінімдер салынған конверттерді ашу кезінде конкурстық комиссия Конкурсқа қатысушы берген құжаттаманың бар екенін хабарлайды.

      Конкурстық өтінім салынған конвертті ашу нәтижелері осы Қағидаларға 3-қосымшаға сәйкес нысан бойынша Конкурстық өтінім салынған конверттерді ашудың № 1 хаттамасында көрсетіледі. Ашу хаттамасын Хатшы конверттер ашылғаннан кейін екi жұмыс күнi iшiнде облыстың жергілікті атқарушы органының ғаламтор-ресурсында орналастырады.

      21. Конкурсқа қатысушылар мен олардың өкілдері Комиссияның конкурстық өтінімдерді қарауына қатыса алмайды.

      22. Осы Қағиданың 16 және 17-тармақтарының талаптарына сәйкес құжаттама болмаған не тиісінше рәсімделмеген, сондай-ақ Конкурсқа қатысушы біліктілік талаптарына сәйкес келмеген жағдайда мұндай қатысушы конкурс шарттарына сәйкес келмеді деп танылады.

      23. Конкурс жеңiмпазын конкурстық комиссия Қағидаларға 4-қосымшаға сәйкес нысан бойынша аңшылық алқаптарды бекітіп беру жөніндегі конкурстық өтінiмдердi салыстырмалы бағалау және аңшылық алқаптарды бекітіп беру жөніндегі конкурстық өтінiмдердi бағалаудың салыстырма кестесін толтыру негiзiнде анықтайды.

      Конкурстық өтiнiмдердi салыстыру кезінде аңшылық шаруашылығы субъектісін дамыту тұрғысынан алғанда неғұрлым ауқымды қорғау, биотехникалық және өсімін молайту iс-шаралары кешенi, сондай-ақ Конкурсқа қатысушыға тиесілі өтімділігі жоғары техникалық құралдар, бекітіп берілетін аңшылық алқаптардың аумағында орналасқан кордондар бар Конкурсқа қатысушысы басымдықты пайдаланады.

      24. Конкурстық комиссияның шешiмi конкурстық комиссияның отырысына оның мүшелерiнiң кемiнде 2/3 қатысқан кезде ашық дауыс беру арқылы конкурстық комиссияның қатысып отырған мүшелерiнiң жалпы санының көпшiлiк дауысымен қабылданады.

      25. Бір ғана қатысушы болған жағдайда Конкурсқа қатысушыларға қойылатын барлық талаптар сақталса, ол Конкурс жеңімпазы болып танылады.

      Егер Конкурсқа жіберілген барлық қатысушылардың конкурстық өтiнiмдері Конкурс шарттарына сәйкес келмесе, конкурстық комиссия конкурсты өткен жоқ деп тануы мүмкін.

      26. Өтінімдердің болмауы себепті не конкурсқа қатысушылардың біліктілік талаптарына сәйкес келмеуі себепті Конкурс өтпеген болып танылған жағдайда ұйымдастырушы қайталама конкурс өткізеді, оған:

      Аңшылық алқаптар мен балық шаруашылығы су айдындарын және (немесе) учаскелерін бекітіп беру жөніндегі конкурсқа қатысушыларға қойылатын осы бұйрықтың біліктілік талаптарына қосымшаға сәйкес аңшылық шаруашылығын жүргізу үшін жалға алу құқығында қажетті материалдық-техникалық базасы бар жеке және заңды тұлғалар қатысады.

      27. Конкурстық комиссия Конкурстың қорытындыларын конкурстық өтiнiм салынған конверттер ашылған күннен кейін он жұмыс күні ішінде қарап, шығарады.

      Конкурс қортындыларын шығару нәтижелері осы Қағидаларға 5-қосымшаға сәйкес нысан бойынша аңшылық алқаптарды бекітіп беру жөніндегі конкурс қорытындыларының № 2 хаттамасында көрсетiледi.

      Конкурстық комиссия шешім қабылдағаннан кейін Хатшы бір жұмыс күні ішінде Конкурс қорытындыларын облыстың жергілікті атқарушы органының ғаламтор-ресурсында орналастырады.

      28. Конкурстық комиссияның № 2 хаттамасы тиісті облыстың жергілікті атқарушы органының аңшылық алқаптарды бекітіп беру бойынша шешім қабылдауына негіз болып табылады.

      29. Облыстың жергілікті атқарушы органы № 2 хаттамаға қол қойылған күнінен бастап бес жұмыс күні ішінде аңшылық шаруашылығын жүргізу үшін аңшылық алқаптарды бекiтiп беру туралы шешiм қабылдайды.

      30. Аңшылық алқаптарды бекітіп беру туралы облыстың жергілікті атқарушы органының шешімі негізінде он жұмыс күні ішінде облыстың жергілікті атқарушы органы мен Конкурс жеңімпазының арасында аңшылық шаруашылығын жүргізуге арналған шарт жасалады.

      31. Егер Конкурс жеңімпазы облыстың жергілікті атқарушы органының аңшылық алқаптарды бекітіп беру туралы шешімі қабылданғаннан кейін көрсетілген мерзімде аңшылық шаруашылығын жүргізу шартына қол қоймаса, онда аңшылық алқап № 2 хаттамаға сәйкес Конкурс жеңімпазының рейтингтік бағасынан кейінгі жиынтық бағасы басымдау болып табылатын Конкурс қатысушысына бекітіп беріледі.

3. Балық шаруашылығы су айдындарын және (немесе) учаскелерін
бекітіп беру жөнінде конкурс өткізу тәртібі

      32. Балық шаруашылығы су айдындарын және (немесе) учаскелерін бекiтiп беру жөніндегі конкурсқа дайындалу және оны өткізу бойынша ұйымдастыру іс-шараларын:

      1) екі және одан да көп облыстың аумағында орналасқан халықаралық және республикалық маңызы бар су айдындары және (немесе) учаскелері бойынша - ведомство (бұдан әрі – ұйымдастырушы);

      2) бір облыстың аумағында орналасқан халықаралық және республикалық және жергілікті маңызы бар су айдындары және (немесе) учаскелері бойынша - тиісті облыстардың немесе аудандардың жергілікті атқарушы органдары жүзеге асырады (бұдан әрі – ұйымдастырушы).

      33. Екі немесе одан да көп облыстың аумағында орналасқан халықаралық және республикалық маңызы бар балық шаруашылығы су айдындарын және (немесе) учаскелерін бекітіп беру жөніндегі конкурсты уәкілетті орган құратын комиссия жүргізеді.

      Конкурстық комиссияның мүшелері:

      1) ведомствоның (Төрағаның орынбасарынан төмен емес), комиссия төрағасы;

      2) облыстардың жергілікті атқарушы органдарының (облыстың жергілікті атқарушы органының табиғат пайдалану мәселелерімен айналысатын құрылымдық бөлімшесінің басшысынан төмен емес);

      3) ведомствоның аумақтық бөлімшелерінің (басшының орынбасарынан төмен емес);

      4) балық ресурстарын және басқа су жануарларын қорғау, өсімін молайту және пайдалану саласындағы ғылыми ұйымдардың;

      5) балық аулаушылар мен балық шаруашылығы субъектілері қоғамдық бірлестіктерінің аккредиттелген республикалық қауымдастықтарының өкілдері болып табылады.

      34. Бір облыстың аумағында орналасқан халықаралық және республикалық және жергілікті маңызы бар балық шаруашылығы су айдындарын және (немесе) учаскелерін бекітіп беру жөніндегі конкурсты тиісті облыстың немесе ауданның жергілікті атқарушы органдары құратын конкурстық комиссия өткізеді.

      Конкурстық комиссияның мүшелері:

      1) облыстардың немесе аудандардың жергілікті атқарушы органдарының (облыс немесе аудан әкімінің орынбасарынан төмен емес), комиссия төрағасы;

      2) облыстардың немесе аудандардың жергілікті атқарушы органдарының құрылымдық бөлімшелерінің (басшыдан төмен емес);

      3) ведомствоның аумақтық бөлімшелерінің (басшының орынбасарынан төмен емес);

      4) балық ресурстары мен басқа су жануарларын қорғау, өсімін молайту және пайдалану саласындағы ғылыми ұйымдардың;

      5) балық аулаушылар мен балық шаруашылығы субъектілері қоғамдық бірлестіктерінің аккредиттелген республикалық қауымдастықтарының өкілдері болып табылады.

      35. Комиссия мүшелерiнiң жалпы саны тақ санды құрауға және бес адамнан кем болмауға тиiс.

      Конкурстық комиссияның шешімдері отырысқа оның мүшелерінің кемінде 2/3 қатысқан жағдайда заңды болып есептеледі және хаттамамен ресімделеді.

      36. Комиссия мүшелерінің өздерінің өкілеттіктерін басқа адамдарға беруге (жүктеуге) құқығы жоқ.

      37. Конкурстық комиссиялардың ұйымдастырушылық қызметін конкурстық комиссияның хатшысы (бұдан әрі – Хатшы) қамтамасыз етеді. Хатшы конкурстық комиссияның мүшесі болып табылмайды және конкурстық комиссия шешімдер қабылдаған кезде дауыс беру құқығы болмайды.

      Хатшысы конкурстың ұйымдастырылуына және өткізілуіне жауапты Конкурсты ұйымдастырушының тиісті бөлімшесінің өкілі болып табылады.

      38. Конкурсты өткізгенге дейін ұйымдастырушы:

      1) Конкурстың өткізілетін уақыты мен орнын;

      2) конкурстық құжаттаманы (Конкурсқа қойылатын балық шаруашылығы су айдындары және (немесе) учаскелерінің тізбесі, балық ресурстарын және басқа су жануарларын қорғау, өсімін молайту және пайдалану саласындағы ғылыми ұйымның ұсыныстары негізінде оларды бекітіп беру мерзімі, паспорттандыру негізінде анықталған балық шаруашылығын жүргізу мақсаты) алу орыны мен тәртібін;

      3) конкурстық өтінімдерді қабылдау мерзімін;

      4) балық ресурстарын және басқа су жануарларын қорғау, өсімін молайту және пайдалану саласындағы бейінді ғылыми ұйымның ұсыныстары негізінде су айдындарын және (немесе) учаскелерін балықтандырудың жыл сайынғы көлемін анықтайды.

      Аңшылық алқаптарды бекітіп беру жөніндегі алдағы конкурс туралы хабарландыруды Конкурсты ұйымдастырушы облыстың жергілікті атқарушы органының ғаламтор-ресурсында орналастырады.

      39. Екі және одан көп облыстың аумағында орналасқан халықаралық және республикалық маңызы бар балық шаруашылығы су айдындарын және (немесе) учаскелерін бекітіп беру жөніндегі алдағы конкурс туралы хабарландыруды Конкурсты ұйымдастырушы конкурс өткізілгенге дейін он бес күнтізбелік күннен кешіктірмей Қазақстан Республикасының бүкіл аумағына таратылатын мерзімді баспасөз басылымдарында жариялайды және уәкiлеттi органның ғаламтор-ресурсында орналастырады.

      Егер ұйымдастырушы жергілікті атқарушы орган болса, хабарландыру облыстың бүкіл аумағында таратылатын мерзімді баспасөз басылымдарында жарияланады және облыстың жергілікті атқарушы органының ғаламтор-ресурсында орналастырылады.

      40. Халықаралық, республикалық және жергілікті маңызы бар балық шаруашылығы су айдындарын және (немесе) учаскелерін бекітіп беру жөнінде конкурс өткізу туралы хабарландыру мынадай мәліметтерді қамтиды:

      1) Конкурсты ұйымдастырушының толық атауы және орналасқан жерi;

      2) Конкурсты өткізу орны мен уақыты;

      3) Конкурсты өткізу тәртібі және конкурстық өтінімді қабылдау мерзімі.

      Конкурсқа қатысу үшін қажет конкурстық құжаттаманы Хатшы Конкурс өткізу жайында хабарланған күннен бастап бір жұмыс күні ішінде Конкурсты ұйымдастырушының ғаламтор-ресурсында орналастырады.

      41. Конкурсқа бекітіп беру мақсаттарына сәйкес балық шаруашылығы су айдындарын және (немесе) учаскелерін паспорттандыру негізінде балық шаруашылығын жүргізудің мына түрлері:

      1) кәсіпшілік балық аулау;

      2) әуесқойлық (спорттық) балық аулау;

      3) КТБШ;

      4) шарбақта балық өсіру шаруашылығы үшін перспективалы деп танылған резервтік қордың балық шаруашылығы су айдындары және (немесе) учаскелері шығарылады.

      Биологиялық негіздемеге және Заңның 9-бабынаң 1-тармағының 77-4) тармақшасына сәйкес бекітілген балық шаруашылығы су айдындарында балық өсіру қағидаларына сәйкес шарбақта балық өсіру шаруашылығын жүргізу басқа барлық бекітілген барлық шаруашылығы су айдынында және (немесе) участкесінде балық шаруашылығын жүргізудің белгіленген түрлеріне қарамастан рұқсат етіледі.

      Паспорттандыру негізінде конкрустық өтінім осы Қағидаларда көзделген балық шаруашылығын жүргізудің әрбір түрі үшін қойылатын талаптарға сәйкес әзірленеді.

      42. Конкурсқа қатысуға тілек білдірген жеке немесе заңды тұлғалар:

      екі немесе одан көп облыстың аумағында орналасқан халықаралық және республикалық маңызы бар балық шаруашылығы су айдындары және (немесе) учаскелері бойынша хабарландыруда көрсетілген ведомствоның аумақтық бөлімшесіне;

      бір облыстың аумағында орналасқан халықаралық және республикалық, сондай-ақ жергілікті маңызы балық шаруашылығы су айдындары және (немесе) учаскелері бойынша хабарландыруда көрсетілген жергілікті атқарушы органға жүгінеді.

      43. Өтінім тігілген күйінде, нөмірленген беттерімен беріледі және соңғы беті қол қою арқылы және мөрмен куәландырылады (бар болғанда).

      44. Жеке немесе заңды тұлғалар осы Қағидалардың талаптарына сәйкес әрбір мәлімделетін балық шаруашылығы су айдынына және (немесе) учаскесіне жеке конкурстық өтінім дайындап, оны хабарландыруда көрсетілген мекенжай бойынша:

      1) қатысушының толық атауы мен мекенжайы (егер ол кешіккен болып танылса, конкурстық өтінімді ашылмаған күйінде қайтару мақсатында);

      2) Конкурсты ұйымдастырушының мекенжайы;

      3) "Балық шаруашылығы су айдындарын және (немесе) учаскелерін бекітіп беру жөніндегі конкурс" деген сөздер көрсетілген мөр басылған конвертте ұсынады.

      45. Конкурстық өтінім тіркелген сәттен бастап өтінім берген тұлға Конкурсқа қатысушы болады.

      46. Ұйымдастырушы конкурстық өтінімдер берудің түпкілікті мерзімі аяқталғанға дейін жеті күнтізбелік күннен кешіктірмей хаттама ресімдеу жолымен конкурстық құжаттамаға өзгерістер енгізе алады.

      Хаттама қабылданған күні енгізілген өзгерістер Конкурсты ұйымдастырушының ғаламтор-ресурсында орналастырылады, осындай Конкурстың қатысушылары ұсынылған құжаттар топтамасын конкурстық өтінімді ашу басталғанға дейін толықтыруға құқылы.

      47. Конкурстық өтінім:

      1) осы Қағидаларға 6-қосымшаға сәйкес нысан бойынша Балық шаруашылығы су айдындарын және (немесе) учаскелерін бекітіп беру жөніндегі конкурсқа қатысуға арналған өтінішті (түпнұсқа);

      2) өтінім берушінің Конкурсқа қатысушыларға қойылатын белгіленген біліктілік талаптарына сәйкестігін растайтын құжаттарды:

      жеке тұлғалар үшін – Қазақстан Республикасы азаматының жеке куәлігін немесе төлқұжатын, кәсіпкерлік қызметті заңды тұлға құрмай жүзеге асыруға құқық беретін құжаттарды (көшірмесі);

      заңды тұлғалар үшін – заңды тұлғаны мемлекеттік тіркеу (қайта тіркеу) туралы анықтаманы немесе куәлікті (көшірмесі);

      Конкурсқа қатысушыға қызмет көрсетілетін банктің, банк филиалының немесе бөлімшесінің Конкурсқа қатысушының банк, банк филиалы немесе бөлімшесі алдындағы міндеттемелерінің барлық түрі бойынша уақытында төленбеген берешектің жоқ екені туралы қағаз тасығыштағы қол қойылған және мөр басылған, конкурстық өтінімдер салынған конверттер ашылатын күннен отыз күнтізбелік күннен ерте берілмеген анықтаманың түпнұсқасын (конкурсқа қатысушы екінші деңгейдегі бірнеше банктің, филиалдың немесе бөлімшенің, сондай-ақ шетелдік банктің клиенті болып табылатын жағдайда бұл анықтаманы осындай банктердің әрқайсысы береді);

      Қазақстан Республикасы Ауыл шаруашылығы министрінің 2015 жылғы 31 наурыздағы № 18-04/287 бұйрығымен (Нормативтік құқықтық актілерді мемлекеттік тіркеу тізілімінде № 10890 болып тіркелген) бекітілген үлгі нысан бойынша өтінім берушінің басшысы бекіткен әрбір су айдыны және (немесе) учаскесі бойынша барлық бекітіліп берілетін мерзіміне балық шаруашылығы субъектілерін дамыту жоспарын (түпнұсқа);

      балық шаруашылығы субъектілерін дамыту жоспарларына сәйкес аумақтық бөлімшелерден алынатын қаржылық және басқа да міндеттемелердің орындалуы туралы мәліметтерді (бұдан бұрын балық шаруашылығы су айдындары және (немесе) учаскелері бекітіліп берілген жеке және заңды тұлғалар үшін);

      Заңның 27-бабы 2-тармағының 11) тармақшасына сәйкес мыналарды жүзеге асыру үшін:

      бақылау үшін аулауды – ведомствоға және (немесе) оның аумақтық бөлімшесіне;

      ғылыми-зерттеу үшін аулауды – жеке және заңды тұлғаларға;

      әуесқойлық (спорттық) балық аулауды – жеке тұлғаларға сервитут беру туралы өтінім берушінің басшысы қол қойған жазбаша міндеттемені (түпнұсқа) қамтиды.

      48. Бір Конкурстың шегінде қатысушы екі және одан да көп су айдынына және (немесе) учаскесіне бірнеше өтінім берген жағдайда мәлімделетін тоңазытқыш қуаттылықтарының, технологиялық жабдықтардың, көліктің, аулау құралдарының санын, қаржы қаражатының мөлшерін Конкурсқа қатысушы өтінім берілетін су айдындары және (немесе) учаскелері бойынша бөледі.

      49. Өтінім берілген балық шаруашылығы су айдынына және (немесе) учаскесіне байланысты өтінімге, осы Қағидалардың 47-тармағында көрсетілген құжаттардан басқа, мынадай құжаттар қосымша беріледі:

      1) кәсіпшілік балық аулауды жүргізу мақсатында Каспий, Арал теңіздері, Зайсан, Балқаш көлдері, Бұқтырма, Шүлбі, Шардара, Алакөл көлдері жүйесі, Ертіс өзені, Қапшағай су қоймасы, Жайық, Қиғаш, Сырдария өзендері үшін:

      осы Қағидаларға 6-1-қосымшаға сәйкес балық ресурстарын және басқа да су жануарларын аулау және өңдеу* жөніндегі негізгі құрал-жабдықтардың, технологиялық жабдықтар мен басқа да материалдық-техникалық құралдардың болуы туралы анықтама (бұдан әрі – негізгі құрал-жабдықтардың болуы туралы анықтама) (түпнұсқа);

      Ескертпе: *өңдеу осы тармақтың 1) тармақшасының бірінші абзацында көрсетілген су айдындары үшін балық шикізатын өңдеуді (оның ішінде термикалық өңдеуді) білдіреді, ол мына процестерді, не олардың бір бөлігін: бөлшектеуді (қабыршығынан аршуды, бөлшектеп бөлуді, сүбе етін алуды, басын кесіп алуды, терісін сыпыруды, етін тартуды, ішек-қарнынан тазартуды), қақтауды, суықтай және ыстықтай ыстауды, балық ұнын (майын, бар болса) консервілер мен пресервілер өндіруді қамтиды.

      Қатысушы негізгі құрал-жабдықтардың болуы туралы анықтама берген кезде балық ресурстарын және басқа да су жануарларын өңдеу бойынша өтінім жасалған технологиялық жабдықтардың қуаты балық шаруашылығы учаскесінің немесе су айдынының әлеуетті қуатынан кем болмауға тиіс, ол мына формула бойынша анықталады:

      V=VL/SY, мұнда:

      SY –су айдынындағы учаскелердің соңғы 3 жылдағы орташа саны;

      VL – су айдынында балық ресурстарын аулаудың белгіленген лимитінің соңғы үш жылдағы орташа көлемі;

      SY – мына формула бойынша анықталады:

      SY=(Y1+Y2+Y3) /3, мұнда:

      Y1, Y2, Y3 – су айдынындағы балық шаруашылығы учаскелерінің Конкурс өткізу жылының алдындағы үш жылдағы саны.

      VL мына формула бойынша анықталады:

      VL=(L1+L2+L3) /3, мұнда

      L1, L2, L3 – Конкурс өткізу жылының алдындағы үш жылда аулаудың заңнамаға сәйкес белгіленген лимиттері.

      Конкурстық өтінімдер салынған конверттерді ашу күнінен бір айдан ерте берілмеген мемлекеттік кеме тізілімінен және (немесе) кеме кітабынан қатысушының атына тіркелген балық аулау және көлік флоты, оның ішінде шағын көлемді флот туралы үзінді (көшірме);

      кеменің жүзуге жарамдылығы туралы оның санаты немесе біліктілік куәлігі көрсетілген куәлік және (немесе) жүзуге жарамдылығы жөнінде кеменің жыл сайынғы техникалық тексеруден өткені туралы белгісі бар кеме билеті (көшірме);

      Қазақстан Республикасы Ауыл шаруашылығы министрінің 2015 жылғы 23 қаңтардағы № 7-1/37 бұйрығымен (Нормативтік құқықтық актілерді мемлекеттік тіркеу тізілімінде № 10466 болып тіркелген) бекітілген Жануарлар өсіруді, жануарларды, жануарлардан алынатын өнім мен шикізатты дайындауды (союды), сақтауды, қайта өңдеуді және өткізуді жүзеге асыратын өндіріс объектілеріне, сондай-ақ ветеринариялық препараттарды, жемшөп пен жемшөп қоспаларын өндіру, сақтау және өткізу жөніндегі ұйымдарға есептік нөмірлер беру қағидаларының 4-қосымшасына сәйкес нысан бойынша балық өнімінің экспорты үшін есеп нөмірінің болуы туралы растама (көшірме);

      тұрғылықты жерінен мекенжай анықтамасы (жеке тұлғалар үшін);

      заңды тұлғаларды тіркеу (қайта тіркеу), олардың филиалдары мен өкілдіктерін есептік тіркеу (қайта тіркеу) туралы анықтама (заңды тұлғалар үшін);

      2) кәсіпшілік балық аулауды жүзеге асыру мақсатында басқа балық шаруашылығы су айдындары және (немесе) учаскелері үшін:

      негізгі құрал-жабдықтардың болуы туралы анықтама (түпнұсқа);

      конкурстық өтінімдер салынған (көшірме) конверттерді ашу күнінен бір айдан ерте берілмеген Қазақстан Республикасының мемлекеттік кеме тізілімінен және (немесе) кеме кітабынан қатысушының атына тіркелген балық аулау және көлік флоты, оның ішінде шағын көлемді флот туралы үзінді (көшірме).

      Ескертпе: * "Сауда мақсатында теңізде жүзу туралы" Қазақстан Республикасының 2002 жылғы 17 қаңтардағы Заңы (бұдан әрі – "Сауда мақсатында теңізде жүзу туралы" Заң) 16-бабының 5 және 6-тармақтарына және "Ішкі су көлігі туралы" Қазақстан Республикасының 2004 жылғы 6 шілдедегі Заңы (бұдан әрі – "Ішкі су көлігі туралы" Заң) 26-бабының 6 және 6-1-тармақтарына сәйкес кеме, оның ішінде шағын көлемді кеме кеме кітабында және Қазақстан Республикасының Мемлекеттік кеме тізілімінде мемлекеттік тіркеуге жатпайтын жағдайда кемені, оның ішінде шағын көлемді кемені мемлекеттік тіркеу қажеттігі жоқ екенін растайтын құжат (еркін түрде жазылған анықтама) беріледі;

      кеменің жүзуге жарамдылығы туралы оның сыныбы немесе біліктілік куәлігі көрсетілген куәлік және (немесе) жүзуге жарамдылығы жөнінде кеменің жыл сайынғы техникалық тексеруден өткені туралы белгісі бар кеме билеті (көшірме);

      тұрғылықты жерінен мекенжай анықтамасы (жеке тұлғалар үшін);

      заңды тұлғаларды тіркеу (қайта тіркеу), олардың филиалдары мен өкілдіктерін есептік тіркеу (қайта тіркеу) туралы анықтама (заңды тұлғалар үшін);

      3) кәсіпшілік балық аулауды жүзеге асыру мақсатында жергілікті маңызы бар балықтардың қырылып қалу қаупі төнген су айдындары мен (немесе) учаскелері үшін:

      осы Қағидаларға 6-2-қосымшаға сәйкес балық шаруашылығы мелиоративтік жұмыстарын жүргізу үшін негізгі құрал-жабдықтардың болуы туралы анықтама (бұдан әрі – мелиорациялық жұмыстар жүргізу туралы анықтама) (түпнұсқа);

      4) ащы-тұзды су айдындары және (немесе) учаскелері үшін:

      негізгі құрал-жабдықтардың болуы туралы анықтама (түпнұсқа);

      жинау және бастапқы өңдеуден өткізу үшін меншігінде құралдардың болуы туралы құжаттар (көшірме);

      осы Қағидаларға 6-3-қосымшаға сәйкес нысан бойынша нысаналы мақсатты (су омыртқасыздарын, салина артемиясы мен оның цисталарын терең өңдеуді дамытуды) экономикалық негіздеу бойынша бизнес-жоспар;

      балық және басқа да су жануарларын өңдеу саласында маманның болуын растайтын құжаттар (жасалған еңбек шарты мен дипломның көшірмелері);

      жергілікті жағалау маңындағы аудандарда тұратын Қазақстан Республикасының азаматтары үшін жұмыс орындарын құру туралы өтінім берушінің басшысы қол қойған жазбаша міндеттеме (түпнұсқа);

      балық шаруашылығы су айдыны және (немесе) учаскесі орналасқан ауданда іске асыруға жұмсалатын қаржы қаражаты көрсетілген жоспарланған әлеуметтік іс-шараларды іске асыру бойынша өтінім берушінің басшысы қол қойған жазбаша міндеттеме (түпнұсқа);

      Конкурсқа қатысушының негізгі құрал-жабдықтарға меншік құқығын растайтын, артемия цисталарын өңдеуге арналған технологиялық жабдықтарға жұмсалған қаражат көлемін куәландыратын құжаттар (болған жағдайда);

      артемия цисталарын терең өңдеу бойынша технологияларды беру және енгізу жөнінде жеке немесе заңды тұлғалармен (бұдан әрі – әріптес)жасалған және Конкурсқа қатысушы әріптесінің оларды пайдалану құқығын Конкурсқа қатысушыға бере отырып, оларды Қазақстан Республикасы аумағында енгізу бойынша міндеттемесі бар шарт (көшірмесі). Шартқа әріптестің келесі құжаттары қоса беріледі:

      Қазақстан Республикасының заңнамасына немесе әріптестің ұлттық заңнамасына (егер әріптес шетелдік болса) сәйкес заңды тұлға немесе өзге шаруашылық жүргізуші субъект ретінде мемлекеттік тіркелуін растайтын куәлік және (немесе) өзге де құжат;

      Қазақстан Республикасының заңнамасына немесе әріптестің ұлттық заңнамасына (егер әріптес шетелдік жеке немесе заңды тұлға болса) сәйкес артемия цисталарын өңдеу саласындағы жұмыс тәжірбиесін растайтын құжат;

      Қазақстан Республикасының заңнамасына немесе әріптестің ұлттық заңнамасына (егер әріптес шетелдік жеке немесе заңды тұлға болса) сәйкес артемия цисталарын және су омыртқасыздарын өндіруді, өңдеуді, сақтауды нысаналы мақсат еткен жылжымайтын мүліктің меншік құқығында бар екенін растайтын құжат;

      5) әуесқойлық (спорттық) балық аулауды жүргізу мақсатында балық шаруашылығы су айдындары және (немесе) учаскелері үшін:

      негізгі құрал-жабдықтардың болуы туралы анықтама (түпнұсқа);

      жеке меншігінде немесе жалдау құқығында өтінім жасалған балық шаруашылығы су айдынына және (немесе) учаскесіне іргелес жер учаскесінің болуын растайтын құжаттар (көшірме);

      әуесқой балық аулаушылар қауымдастығындағы мүшелігін растайтын құжат (болған жағдайда);

      конкурстық өтінімдер салынған конверттерді ашу күнінен бір айдан ерте берілмеген қатысушының атына тіркелген балық аулау және көлік флоты, оның ішінде шағын көлемді флот туралы Қазақстан Республикасының Мемлекеттік кеме тізілімінен үзінді* (көшірме).

      Ескертпе:* "Сауда мақсатында теңізде жүзу туралы" Заңы 16-бабының 5 және 6-тармақтарына және "Ішкі су көлігі туралы" Заңы 26-бабының 6 және 6-1-тармақтарына сәйкес кеме, оның ішінде шағын көлемді кеме кітабында және Қазақстан Республикасының Мемлекеттік кеме тізілімінде мемлекеттік тіркеуге жатпайтын жағдайда кемені, шағын көлемді кемені мемлекеттік тіркеу қажеттігі жоқ екенін растайтын құжат (еркін түрде жазылған анықтама) беріледі;

      кеменің жүзуге жарамдылығы туралы оның сыныбы немесе біліктілік куәлігі көрсетілген куәлік және (немесе) жүзуге жарамдылығы жөнінде кеменің жыл сайынғы техникалық тексеруден өткені туралы белгісі бар кеме билеті (көшірме);

      балық шаруашылығы және туризм саласында мамандардың болуын растайтын құжаттар (жасалған еңбек шарттары мен дипломдардың көшірмелері);

      қатысушының жеке меншігінде автомобиль көлігінің немесе арнайы техниканың (кунг, тұрғын тіркемелер, квадроцикылдар және (немесе) қаршаналар болуын растайтын құжаттар (көшірме);

      аулау құралдарының болуы туралы мәліметтер (көшірме);

      6) КТБШ үшін:

      ғылыми ұсынымдар негізінде КТБШ құру бойынша дайындық жұмыстарын жүргізу жөнінде үш жылдан аспайтын мерзімге арналған және өтінім берушінің басшысы бекіткен балық шаруашылығын дамыту жоспары (түпнұсқа);

      мелиорациялық жұмыстардың жүргізілуі туралы анықтама (түпнұсқа);

      балық шаруашылығы саласында маманның болуын растайтын құжаттар (жасалған еңбек шарты мен дипломның көшірмелері);

      7) шарбақтық балық өсіру шаруашылығы үшін:

      шарбақтық балық өсіру шаруашылығын құру бойынша үш жылдан аспайтын мерзімге арналған балық шаруашылығын дамыту жоспары (түпнұсқа);

      балық өсіру үшін меншік құқығында шарбақтың және (немесе) оларды сатып алуға арналған ниет-шартының болуын растайтын құжаттар (көшірмесі);

      балық шаруашылығы саласында маманның болуын растайтын құжаттар (жасалған еңбек шарты мен дипломның көшірмелері);

      меншік құқығында тұйықталған сумен жабдықтау қондырғыларында балық өсіру және оны тасымалдау өндірісінің болуын растайтын құжаттар (тірі балық тасу машиналары) (көшірме).

      50. Конкурстық өтінімдер салынған конверттер осы Қағидаларға 2-қосымшаға сәйкес реттік нөмір беріле отырып конкурстық өтінімдерді қабылдауды тіркеу журналында тіркеледі. Конкурстық өтінім берудің белгіленген мерзімі аяқталғаннан кейін журналда конкурстық өтінім қабылдаудың аяқталу күні мен уақыты көрсетіле отырып белгі жасалады және Хатшының қолы қоюымен куәландырылады.

      Белгіленген мерзім аяқталғаннан кейін конкурсқа қатысуға берілген конкурстық өтінім салынған конверт қабылданбайды.

      51. Конкурстық өтінім салынған конверттерді ашқанға дейін комиссия Конкурс шарттары өзгерген жағдайда берілген құжаттар топтамасын толықтыру құқығымен таныстырады.

      52. Белгіленген мерзімде Хатшы конкурстық өтінімдер салынған конверттерді конкурстық өтінімдерді қабылдау журналында тіркеу кезінде берілген реттік нөмірінің кезектілігіне сәйкес Конкурсқа қатысушылардың немесе олардың өкілдерінің көзінше ашады, берілген құжаттардың бар-жоғы жайында хабарлайды. Конкурсқа қатысушының немесе оның өкілдерінің болмауы осы қатысушының конкурстық өтінімін қарамауға негіз болып табылмайды.

      53. Конкурстық өтінімдер салынған конверттерді ашу нәтижелері осы Қағидаларға 7-қосымшаға сәйкес нысан бойынша конкурстық өтінімдер салынған конверттерді ашудың № 3 хаттамасында көрсетіледі. Конверттер ашу хаттамасын Хатшы конверттер ашылғаннан кейін екi жұмыс күнi iшiнде уәкілетті органның немесе облыстың жергілікті атқарушы органының ғаламтор-ресурсында орналастырады.

      54. Конкурсқа қатысушылар мен олардың өкілдері Комиссияның конкурстық өтінімдерді қарауына қатыса алмайды.

      55. Осы Қағидалардың 43, 44, 47, 48 және 49-тармақтарының талаптарына сәйкес құжаттар болмаған не тиісінше ресімделмеген, сондай-ақ Конкурсқа қатысушы біліктілік талаптарына сәйкес келмеген жағдайда мұндай қатысушы Конкурс шарттарына сәйкес келмейді деп танылады.

      56. Бір ғана қатысушы болған жағдайда Конкурсқа қатысушыларға қойылатын барлық талаптар сақталған жағдайда ол Конкурс жеңімпазы болып танылады.

      57. Егер Конкурсқа жіберілген барлық қатысушылардың конкурстық өтiнiмдері Конкурс шарттарына сәйкес келмесе, конкурстық комиссия конкурсты өткен жоқ деп тануы мүмкін.

      58. Егер Конкурс өтінімдердің болмауы себепті не Конкурсқа қатысушылардың біліктілік талаптарына сәйкес келмеуі себепті өтпеді деп хабарланса, қайталама Конкурс өткізіледі, онда:

      1) Каспий, Арал теңіздері, Зайсан, Балқаш көлдері, Бұқтарма, Шүлбі, Шардара, Алакөл көлдері жүйесі, Ертіс өзені, Қапшағай су қоймасы, Жайық, Қиғаш, Сырдария өзендері және басқа да балық шаруашылығы су айдындары және (немесе) учаскелері үшін кәсіпшілік балық аулауды жүзеге асыру мақсатында балық ресурстарын және басқа да су жануарларын өңдеу* жөніндегі негізгі құрал-жабдықтарды, технологиялық жабдықтарды және өзге де материалдық-техникалық құралдарды жалға алуға (көшірмесі);

      2) ащы-тұзды су айдындары үшін түпкілікті өңдеу және сақтау үшін жабдықтарды жалға алуға;

      3) КТБШ үшін балық шаруашылығы мелиорациясын жүргізу үшін негізгі құрал-жабдықтарды, технологиялық жабдықтар мен өзге де материалдық-техникалық құралдарды жалға алуға (көшірмесі);

      4) әуесқойлық (спорттық) балық аулау үшін жүзу құралдарын және автомобиль көлігі мен арнайы техниканы (кунг, тұрғын тіркемелер, квадроциклдер және (немесе) қаршаналарды) жалға алуға болады, өтінім берілген балық шаруашылығы су айдынына және (немесе) учаскесіне іргелес жер учаскесінің меншік құқығында болмауы не жалға алынбауы керек.

      Осы тармақтың 1)-4) тармақшаларында көзделген қызметті жүзеге асыру үшін негізгі құрал-жабдықтардың жалға алынуын растайтын құжаттар берілген жағдайларда жалға алу мерзімі су айдынын (учаскесін) бекітіп беру жоспарланған мерзімінен кем болмауы тиіс.

      59. Егер Конкурс өтінімдердің болмауы себепті не конкурсқа қатысушылардың біліктілік талаптарына сәйкес келмеуі себепті өтпеді деп қайта хабарланған жағдайда Конкурс өткізіледі, онда:

      1) Каспий, Арал теңіздері, Зайсан, Балқаш көлдері, Бұқтарма, Шүлбі, Шардара, Қапшағай су қоймалары, Жайық, Қиғаш, Сырдария өзендері және басқа да балық шаруашылығы су айдындары және (немесе) учаскелері үшін кәсіпшілік балық аулауды жүзеге асыру мақсатында балық ресурстарын және басқа да су жануарларын аулау, тасымалдау және өңдеу* жөніндегі негізгі құрал-жабдықтарды, технологиялық жабдықтарды және өзге де материалдық-техникалық құралдарды жалға алуға (көшірме);

      2) ащы-тұзды су айдындары үшін өңдеу және сақтау үшін жабдықтарды және бастапқы өңдеу үшін құралдарды жалға алуға болады (көшірме).

      60. Балық шаруашылығы су айдындарын және (немесе) учаскелерін бекітіп беру бойынша жеңімпазды анықтауды конкурстық комиссия қатысушының рейтингтік бағасы негізінде жүргізеді.

      61. Қатысушының рейтингтік бағасы бекіту түріне байланысты белгіленген біліктілік талаптарына және Конкурсқа қатысушыларға қойылатын басқа да талаптарға сәйкес осы Қағидаларға 8-қосымшасы бойынша Рейтингтік бағаны санау парағына орай анықталады.

      62. Рейтингтік бағаны санау парағын толтырғанда мынадай шарттарды орындау қамтамасыз етіледі:

      1) 100 пайызға тең етіп алынған бағалау көрсеткіші біліктілік талаптарына және басқа да пайыздық маңыздылығы бар көрсеткіштерге бөлінген (Рейтингтік бағаны санау парағының 3-бағаны);

      2) қатысушылар көрсеткіштерінің көлемі және (немесе) саны ұсынылған өтінімдерге, осы мәліметтердің дұрыстығын растайтын құжаттар мен ұйымдастырушының деректеріне сәйкес белгіленеді (Рейтингтік бағаны санау парағының 4-бағаны);

      3) конкурстық комиссияның мүшелері бағаны 50 балдық жүйе бойынша белгілейді (Рейтингтік бағаны санау парағының 5-бағаны). Бұл ретте ең жақсы көрсеткіштері бар конкурсқа қатысушыға тиісті тармақ бойынша ең жоғарғы балл (50 балл) қойылады;

      4) қатысушының рейтингтік бағасы (R) ең жоғары бағалау көрсеткіші (Рейтингтік бағаны санау парағының 3-бағаны) 50 балдық жүйе бағасына (Рейтингтік бағаны санау парағының 5-бағаны) көбейтіп, оны 100-ге бөлу арқылы анықталады;

      R = (3-баған х 5 баған: 100).

      63. Жеңімпазды анықтау кезінде шарттар тепе-тең болған жағдайда:

      негізгі қызметі балық шаруашылығы және онымен байланысты өндіріс болып табылатын жергілікті жағалауға жақын аудандардағы;

      су айдынына және (немесе) учаскесіне ең жақын жерде жеке меншігінде балықтарды өңдеу және балықтарды сақтау бойынша өндірістік қуаттары бар;

      балық шабақтарын өсіретін инкубациялық цехтары бар;

      конкурстық өтінімі тауарлы балық өсіруді көздейтін заңды және жеке тұлғалар басымдыққа ие болады.

      64. Конкурс нәтижелері осы Қағидаларға 9-қосымшаға сәйкес нысан бойынша Балық шаруашылығы су айдындарын және (немесе) учаскелерін бекітіп беру жөніндегі конкурстың № 4 хаттамасымен ресімделедi.

      Балық шаруашылығы су айдындарын және (немесе) учаскелерін бекітіп беру жөніндегі № 4 хаттаманы Хатшы уәкілетті органның немесе облыстың жергілікті атқарушы органының ғаламтор-ресурсында орналастырады.

      65. Өткізілген Конкурстың қорытындыларын конкурстық комиссия конкурстық өтiнiм салынған конверттер ашылған күннен бастап он жұмыс күні ішінде шығарады.

      66. Конкурсты ведомство өткізген жағдайда Хатшы Конкурс қорытындылары шығарылған күннен бастап бір жұмыс күні ішінде Балық шаруашылығы су айдындарын және (немесе) учаскелерін бекітіп беру жөніндегі № 4 хаттаманы балық шаруашылығы су айдындарын және (немесе) учаскелерін бекітіп беру жөнінде шешім қабылдау үшін облыстың немесе ауданның тиісті жергілікті атқарушы органына жібереді.

      67. Облыстың немесе ауданның жергілікті атқарушы органы Балық шаруашылығы су айдындарын және (немесе) учаскелерін бекітіп беру жөніндегі № 4 хаттамаға қол қойылған немесе ведомство өткізген Конкурстың Балық шаруашылығы су айдындарын және (немесе) учаскелерін бекітіп беру жөніндегі № 4 хаттаманы алған күннен бастап он жұмыс күні ішінде облыстың немесе ауданның әкімшілік шекаралары шегіндегі балық шаруашылығы су айдындарын және (немесе) учаскелерін Конкурс жеңімпазына бекітіп беру туралы шешім шығарады.

      68. Балық шаруашылығы су айдындарын және (немесе) учаскелерін бекітіп беру туралы облыстың немесе ауданның жергілікті атқарушы органының шешімі негізінде он бес жұмыс күні ішінде жергілікті атқарушы орган мен Конкурс жеңімпазы арасында балық шаруашылығын жүргізуге арналған шарт жасалады.

      69. Егер Конкурс жеңімпазы балық шаруашылығы су айдындарын және (немесе) учаскелерін бекітіп беру туралы облыстың жергілікті атқарушы органының шешімі қабылданғаннан кейін көрсетілген мерзімде балық шаруашылығын жүргізуге арналған шартқа қол қоймаса, онда ұйымдастырушының ұсынысы бойынша балық шаруашылығы су айдыны және (немесе) учаскесі Конкурс қорытындылары туралы хаттамаға сәйкес Конкурс жеңімпазының рейтингтік бағасынан кейін рейтингтік бағасы ең жоғары Конкурсқа қатысушыға бекітіп беріледі.

      Нысан

Аңшылық алқаптарды бекітіп беру жөніндегі конкурсқа қатысуға өтініш

      _______________ облысының _____________ ауданындағы

      "____________________" аңшылық алқаптарды бекітіп беру жөнiндегі

      конкурсқа қатысуға конкурстық өтінiмдi қабылдауыңызды сұраймын.

      1. Өтінiш берушi туралы мәлiметтер (заңды тұлғаның атауы, құрылған жылы, жеке тұлғаның тегі, аты, әкесінің аты, деректемелері, мекенжайы, БСН, ЖСН):

      _____________________________________________________________________

      _____________________________________________________________________

      2. Заңды мекенжайы_____________________________________________

      _____________________________________________________________________

      _____________________________________________________________________

      (индекс, қала, аудан, облыс, көше, үй №, телефон, факс)

      3. Қоса беріліп отырған құжаттар (көшірмесі немесе түпнұсқасы

      көрсетіледі): _______________________________________________________

      _____________________________________________________________________

      4. Берiлген ақпараттың дұрыстығын растаймын және Қазақстан

      Республикасының заңнамасына сәйкес теріс мәліметтер берілгені үшiн

      жауаптылықтан хабардармын.

      Ескертпе: Өтініштің барлық тармақтарында толық және нақты жауап

      беріледі.

      Берілген күні: 20___жылғы "___"_______________________________.

      Өтініш беруші

      Жеке/заңды тұлға_____________________________________________________

      _____________________________________________________________________

      (Т.А.Ә. (болған жағдайда) немесе ұйымның атауы)

      _______________

      (қолы)

      M.O. (болған жпғдайда)

      Нысан

Конкурстық өтінімдерді қабылдауды тіркеу журналы

      Ескертпе: Журнал жіппен тігіледі, нөмірленеді және Конкурсты

      ұйымдастырушының мөрімен куәландырылады.

      Нысан

№ 1 конкурстық өтінімдер салынған конверттерді ашу хаттамасы

      __________________________________________________ 20___жылғы "___"

      (елдiмекен)

      Конкурстың басталу уақыты______________________________________

      Конкурстың аяқталу уақыты______________________________________

      1._____________________________________________________________

      құрылған (Конкурсты ұйымдастырушының конкурстық комиссия құру

      жөніндегі актiсi, құжаттың күнi және нөмiрi көрсетiлсiн)

      мынадай құрамдағы Конкурстық комиссия (Т.А.Ә. және лауазымы көрсетiлсiн):

      ________________________________________________ - комиссия төрағасы;

      ________________________________________________ - комиссия хатшысы;

      комиссия мүшелерi:___________________________________________________

      аңшылық алқаптарды бекітіп беру жөнiнде конкурс өткiздi.

      2. Конкурсқа мынадай аңшылық алқабы қойылды:

      3. Конкурстық құжаттаманы алғандар:

      4. Конкурсқа қатысуға мынадай Конкурсқа қатысушылар конкурстық өтiнiм берді:

      5. Конкурсқа қатысушылар мынадай құжаттардың тiзбесiн ұсынды:

      6. Конкурстық өтiнiмдер керi қайтарылды ма және олардың керi қайтарылу себептерi көрсетiлсiн.

      7. Басқа да қажетті мәліметтер (болған жағдайда).

      Комиссия төрағасы:_____________________________________________

      Комиссия мүшелерi:_____________________________________________

      _____________________________________________________________________

      Комиссия хатшысы:_____________________________________________

      Нысан

Аңшылық алқаптарды бекітіп беру бойынша конкурстық өтінімдерді
бағалаудың салыстырма кестесі

      "_________________________________________________________"

      (аңшылық шаруашылығының атауы)

      Ескертпе: конкурстық өтінімдерді бағалау баллдық жүйе бойынша

      жүргізіледі, ол берілген конкурстық өтінімдердің санына байланысты.

      Комиссия мүшесі________________________________________________

      (тегі, аты-жөні), (қолы)

      Күні _______________________

      Нысан

№ 2 аңшылық алқаптарды бекітіп беру жөніндегі конкурс
қорытындыларының хаттамасы

      ___________________________________ 20____жылғы "___" _______________

      (елдiмекен)

      Конкурстың басталу уақыты______________________________________

      Конкурстың аяқталу уақыты______________________________________

      1._____________________________________________________құрылған

      (Конкурсты ұйымдастырушының конкурстық комиссия құру жөніндегі

      актiсi, құжаттың күнi және нөмiрi көрсетiлсiн)

      мынадай құрамдағы Конкурстық комиссия (Т.А.Ә. және лауазымы

      көрсетiлсiн):

      _______________________________________________ - комиссия төрағасы;

      _______________________________________________ - комиссия хатшысы;

      комиссия мүшелерi:___________________________________________________

      аңшылық алқаптарды бекітіп беру жөнiнде конкурс өткiздi.

      2. Конкурсқа мынадай аңшылық алқаптар қойылды:

      3. Конкурсқа қатысуға мынадай Конкурсқа қатысушылар конкурстық өтінімдер берді:

      4. Конкурстық өтiнiмдер керi қайтарылды ма және олардың керi қайтарылу себептерi көрсетiлсiн.

      5. Басқа да қажетті мәліметтер (болған жағдайда).

      6. Конкурстық комиссия берілген конкурстық өтiнiмдердiң Конкурсқа қатысушыларға қойылатын талаптарына сәйкестігін қарап, пікір алмаса отырып, салыстыру және бағалау қорытындылары (бір үміткер болған конкурстық ортаның болмауына байланысты) бойынша былай деп ШЕШТI:

      1) "_______________________" аңшылық шаруашылығын жүргізу үшін

      ______ жыл мерзімге аңшылық алқаптарын бекітіп беру бойынша__________

      _____________________________________________________________________

      (жеке және заңды тұлға, мекенжайы)

      Конкурс жеңiмпазы деп танылсын.

      2) __________________________________________конкурстық өтiнiмi

      (жеке немесе заңды тұлға, мекенжайы)

      Конкурс жеңiмпазынан кейiн басымдау деп танылсын.

      3) Комиссия хатшысы аңшылық алқаптарды бекітіп беру жөніндегі Конкурстың хаттамасы негізінде облыстық атқарушы органның шешімінің жобасын дайындасын және үш күндік мерзiм ішінде сараптамадан өту үшін және Конкурс жеңімпазына аңшылық алқаптарды бекітіп беру жөнiнде шешiм қабылдау үшiн облыстың жергілікті атқарушы органына жолдасын.

      Комиссия төрағасы:___________________________________________________

      Комиссия мүшелерi:___________________________________________________

      _____________________________________________________________________

      Комиссия хатшысы:____________________________________________________

      Нысан

Балық шаруашылығы су айдындарын және (немесе) учаскелерін
бекітіп беру жөніндегі конкурсқа қатысуға өтініш

      _____________________________________________________________________

      _____________________________________________________________________

      (су айдындары, учаскелері)

      бойынша балық шаруашылығы су айдындарын және (немесе) учаскелерін

      бекітіп беру жөніндегі Конкурсқа қатысуға рұқсат етуді сұраймын.

      1. Өтінім беруші туралы мәліметтер (заңды тұлғаның атауы, жеке

      тұлғаның тегі, аты, әкесінің аты, деректемелері, мекенжайы, БСН, ЖСН)

      _____________________________________________________________________

      _____________________________________________________________________

      2._____________________________________________________________

      (кәсіптік, әуесқойлық (спорттық) балық аулау, балық өсіру)

      __________________________________________________________мақсатында.

      3. _________________________облысы әкімдігінің 20____жылғы

      "__"____________ № _________қаулысына және

      ________________________жергілікті атқарушы органмен жасалған

      20____жылғы "__" ______________№ ______ балық шаруашылығын жүргізу

      шартына сәйкес бұдан бұрын бекітіліп берілген балық шаруашылығы су

      айдыны және (немесе) учаскесі

      _________________________________________________________________

      4. Өтінім берілген балық шаруашылығы су айдыны және (немесе)

      учаскесі_____________________________________________________________

      Өтінім берілген балық шаруашылығы су айдынын және (немесе)

      учаскесін бекітіп беру ______ жыл.

      5. Берiлген ақпараттың дұрыстығын растаймын және Қазақстан

      Республикасының заңнамасына сәйкес теріс мәліметтер берілгені үшiн

      жауаптылықтан хабардармын.

      Ақпараттық жүйелерде қамтылған заңмен қорғалатын құпияны

      құрайтын мәліметтерді пайдалануға келісемін.

      Берілген күні 20____ жылғы "____"_____________________________

      Өтінім беруші__________________________________________________

      (Т.А.Ә. немесе ұйымның атауы)

      М.О. (болған жағдайда) қолы __________________

Балық ресурстарын және басқа да су жануарларын аулау мен өңдеу жөніндегі негізгі құрал-жабдықтардың, технологиялық жабдықтар мен өзге де материалдық-техникалық құралдардың болуы туралы анықтама*

      Ескерту. 6-1-қосымша жаңа редакцияда – ҚР Ауыл шаруашылығы министрінің м.а. 26.07.2017 № 312 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен

      Ескертпе:

      * – бекітіліп жатқан балық шаруашылығы су айдынында және (немесе) участкесінде балық шаруашылығын жүргізудің түрлеріне байланыстыт барлық тиісті бағандар міндетті түрде толтырылу керек;

      ** –ащы-тұзды су айдындарын және (немесе) учаскелерін бекітіп беру кезінде толтырылады.

      Осы анықтамада көрсетілген мәліметтердің дұрыстығын растаймын.

      Толтыру күні_____________ Өтінім беруші ______________________________________

                                          (Тегі, аты, әкесінің аты (бар болса)

                                                немесе ұйымның атауы)

      Мөр орны

      (Бар болса)

      қолы ______________

      Нысан

Балық шаруашылығы мелиоративтік жұмыстарын жүргізуге
арналған негізгі құрал-жабдықтардың болуы туралы анықтама

      Ескерту. Қағида 6-2-қосымшамен толықтырылды - ҚР Ауыл шаруашылығы министрінің 24.11.2015 № 18-04/1030 (алғаш ресми жарияланған күнінен кейін күнтізбелік жиырма бір өткен соң қолданысқа енгізіледі) бұйрығымен.

      Осы анықтамада көрсетілген мәліметтердің дұрыстығын растаймын.

      Толтыру күні_____________ Өтінім беруші _______________________

      (Тегі, аты, әкесінің аты (бар болса) немесе ұйымның атауы)

      Мөр орны

      (Бар болса) қолы ______________

Нысаналы мақсатты (су омыртқасыздарын, салина артемиясы мен оның цисталарын терең өңдеуді дамытуды) экономикалық негіздеу бойынша бизнес-жоспар

      Ескерту. Қағида 6-3-қосымшамен толықтырылды – ҚР Ауыл шаруашылығы министрінің м.а. 26.07.2017 № 312 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен

      Нысан

№ 3 конкурстық өтінім салынған конверттерді ашу хаттамасы

      ________________________________________ 20___жылғы "___" _________

      (елдiмекен)

      Конкурстың басталу уақыты______________________________________

      Конкурстың аяқталу уақыты______________________________________

      1._____________________________________________________________

      ___________________________________________________________құрылған

      (Конкурсты ұйымдастырушының конкурстық комиссия құру жөніндегі

      актiсi, құжаттың күнi және нөмiрi көрсетiлсiн)

      мынадай құрамдағы Конкурстық комиссия (Т.А.Ә. және лауазымы

      көрсетiлсiн):

      ___________________________________________ - комиссия төрағасы;

      ___________________________________________ - комиссия хатшысы;

      комиссия мүшелерi:___________________________________________________

      _____________________________________________________________________

      аңшылық алқаптарды бекітіп беру жөнiнде конкурс өткiздi.

      Конкурстық өтінімдер салынған конверттерді ашу кезінде мыналар анықталды:

      Қолдар:

      Комиссия төрағасы:_____________________________________________

      Комиссия мүшелерi:_____________________________________________

      _____________________________________________________________________

      Комиссия хатшысы:______________________________________________

Балық шаруашылығы су айдындарын бекітіп беру кезінде және (немесе) кәсіпшілік балық аулау үшін рейтингтік бағалауды есептеу парағы

      Ескерту. 8-қосымша жаңа редакцияда – ҚР Ауыл шаруашылығы министрінің м.а. 26.07.2017 № 312 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен

      Қатысушы__________________________________________________________________

      Балық шаруашылығы су айдыны және (немесе) участкесі __________________________

      Ескертпе:

      * балық өнімдерін экспорттаушылар үшін.

Әуесқойлық (спорттық) балық аулау үшін балық шаруашылығы су айдындарын және (немесе) учаскелерін бекітіп беру кезінде рейтингілеу бағасын есептеу парағы

      Қатысушы__________________________________________________________________

      Балық шаруашылығы су айдыны және (немесе) участкесі__________________________

Кәсіпшілік балық шаруашылығы үшін ащы-тұзды су айдындарын және (немесе) учаскелерін бекітіп беру кезінде рейтингілеу бағасын есептеу парағы

      Қатысушы _________________________________________________________________

      Балық шаруашылығы су айдыны және (немесе) учаскесі __________________________

Көлде тауарлы балық өсіру шаруашылығын жүргізу үшін балық шаруашылығы су айдындарын және (немесе) учаскелерін бекітіп беру кезінде рейтингілеу бағасын есептеу парағы

      Қатысушы _________________________________________________________________

      Балық шаруашылығы су айдыны және (немесе) учаскесі___________________________

Шарбақтық балық өсіру шаруашылығын жүргізу үшін балық шаруашылығы су айдындарын және (немесе) учаскелерін бекітіп беру кезінде рейтингтік бағаны есептеу парағы

      Қатысушы _________________________________________________________________

      Балық шаруашылығы су айдыны және (немесе) учаскесі___________________________

      Нысан

№ 4 балық шаруашылығы су айдындарын және (немесе) учаскелерін
бекітіп беру жөніндегі конкурстың хаттамасы

      ____________________________________________20_жылғы "___" ________

      (елдiмекен)

      Конкурстың басталу уақыты ________________________

      Конкурстың аяқталу уақыты ________________________

      1. Конкурстық комиссия мынадай құрамда (Т.А.Ә. және лауазымы көрсетiлсiн):

      ___________________________________ - комиссия төрағасы;

      ___________________________________ - комиссия хатшысы;

      комиссия мүшелерi:___________________________________________________

      құрылған_____________________________________________________________

      (конкурстық комиссияны құру жөніндегі конкурсты

      ұйымдастырушының актiсi, құжаттың күнi және нөмiрi көрсетiлсiн)

      _________________________________________________________балық шаруашылығы су айдындарын және (немесе) учаскелерін бекітіп беру жөнiнде конкурс өткiздi.

      2. Кконкурсқа конкурстық өтінімнің _________пакеті келіп түсті (өтінім берген су айдындарын және (немесе) учаскелері көрсетіле отырып, конкурс қатысушыларының тізімі қоса берілген).

      3. Конкурстық комиссия ұсынылған конкурстық өтiнiмдердiң Конкурсқа қатысушыларға қойылатын талаптарына сәйкестігін қарап, қатысушылардың рейтингтік бағалау көрсеткіштерін бағалай отырып, және пікірлермен алмаса отырып, ШЕШТI:

      1) _____ өтінімдерін Конкурсқа одан әрі қатысуын кейінге қалдыру (конкурстық өтінімдерді кейінге қалдыру себептерін көрсете отырып, Конкурсқа жіберілмеген қатысушылардың тізімі);

      2) жануарлар дүниесін пайдаланушыларға келесі балық шаруашылығының су айдындары және (немесе) учаскелері бекітіп берілсін (балық шаруашылығының су айдындарының және (немесе) учаскелерінің тізімі).

      4. Хаттаманың бір данасын шешім қабылдау үшін ________ облысының әкімдігіне жолдансын.

      Қолдары:

      Комиссия төрағасы: ____________________________________________

      Комиссия мүшелерi:___________________________________________________

      Хатшы:_______________________________________________________________

Аңшылық алқаптар мен балық шаруашылығы су айдындарын және (немесе) учаскелерiн бекiтiп беру жөніндегі конкурсқа қатысушыларға қойылатын біліктілік талаптары

      Ескерту. 2-қосымша жаңа редакцияда – ҚР Ауыл шаруашылығы министрінің м.а. 26.07.2017 № 312 (алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі) бұйрығымен

1-тарау. Аңшылық алқаптарды бекiтiп беру жөніндегі конкурсқа қатысушыларға қойылатын біліктілік талаптары

      1. Аңшылық алқаптар мен балық шаруашылығы су айдындарын және (немесе) учаскелерiн бекiтiп беру жөніндегі конкурсқа қатысушыларға қойылатын біліктілік талаптары (бұдан әрі – Конкурс):

      1) аңшылық алқаптар мен балық шаруашылығы су айдындарын және (немесе) учаскелерін бекітіп беру жөніндегі конкурсқа қатысушыларға қойылатын біліктілік талаптарына қосымшаға сәйкес аңшылық шаруашылығын жүргізу үшін оның санатына байланысты материалдық-техникалық базаның болуы (түпнұсқа немесе көшірме);

      2) аңшылық шаруашылығы саласындағы мамандардың болуы (биолог-аңшылық жүргізуші, биолог, аңтанушы);

      3) Конкурсқа қатысушының қаржылық дербестігі;

      4) салық төлеушінің салық берешегінің, міндетті зейнетақылық жарналар, міндетті кәсіби зейнетақылық жарналар және әлеуметтік аударымдар бойынша берешектің болмауы.

2-тарау. Балық шаруашылығы су айдындарын және (немесе) учаскелерін бекітіп беру жөніндегі конкурсқа қатысушыларға қойылатын біліктілік талаптары

      2. Балық шаруашылығы су айдындарын және (немесе) учаскелерін бекітіп беру жөніндегі конкурсқа қатысушыларға мынадай біліктілік талаптары қойылады:

      1) салық төлеушінің салық берешегінің, міндетті зейнетақылық жарналар, міндетті кәсіби зейнетақылық жарналар және әлеуметтік аударымдар бойынша берешектің болмауы;

      2) Балық шаруашылығын дамыту жоспарлары бойынша осының алдындағы жылдар үшін берешектің болмауы;

      3) конкурсқа қатысушының міндеттемелердің барлық түрлері бойынша банк, банк филиалы немесе бөлімшесі алдында уақыты өтіп кеткен берешектің болмауы.

      3. Өтінім жасалған балық шаруашылығы су айдынына және (немесе) учаскесіне байланысты, осы Біліктілік талаптарының 2-тармағында көрсетілген біліктілік талаптарынан басқа, Конкурсқа қатысушылар мынадай біліктілік талаптарына сәйкес келуге тиіс:

      1) кәсіпшілік балық аулауды жүргізу мақсатында Каспий, Арал теңіздері, Зайсан, Балқаш көлдері, Бұқтарма, Шүлбі, Шардара, Қапшағай су қоймалары, Жайық, Қиғаш, Сырдария өзендері үшін:

      балық ресурстарын және басқа да су жануарларын өңдеу жөніндегі негізгі өндірістік құрал-жабдықтардың, технологиялық жабдықтардың және өзге де материалдық-техникалық құралдардың қатысушының меншік құқығында болуы;

      меншік құқығында балық аулау (ұстау) флоты мен кәсіпшілік аулау құралдарының болуы;

      2) кәсіпшілік балық аулауды жүргізу мақсатында басқа да балық шаруашылығы су айдындары және (немесе) учаскелері үшін:

      негізгі құрал-жабдықтардың меншік құқығында болуы;

      меншік құқығында балық аулау (ұстау) флоты мен кәсіпшілік аулау құралдарының болуы;

      3) ащы-тұзды балық шаруашылығы су айдындары және (немесе) учаскелері үшін:

      жинау және бастапқы өңдеу үшін құралдардың меншік құқығында болуы;

      негізгі құрал-жабдықтардың меншік құқығында болуы;

      артемия мен оның цисталарын терең өңдеу саласында жұмыс тәжірибесі бар маманның болуы;

      4) әуесқойлық (спорттық) балық аулауды жүргізу мақсатында басқа балық шаруашылығы су айдындары және (немесе) учаскелері үшін:

      меншік құқығында жүзу құралдарының және автомобиль көлігінің, өтінім берілген балық шаруашылығы су айдынына және (немесе) учаскесіне іргелес инфрақұрылымы бар жер учаскесінің болуы;

      5) КТБШ жүргізу мақсатында балық шаруашылығы су айдындары және (немесе) учаскелері үшін:

      балық шаруашылығы саласында маманның болуы;

      меншік құқығында балық өсіру-мелиоративтік техниканың болуы;

      6) шарбақтық балық өсіру шаруашылықтарын жүргізу мақсатында балық шаруашылығы су айдындары және (немесе) учаскелері үшін:

      балық өсіру үшін меншік құқығында шарбақтың және (немесе) оларды сатып алуға арналған ниет-шартының болуы;

      балық шаруашылығы саласында маманның болуы;

      тұйықталған сумен жабдықтау қондырғыларында балық өсіру өндірісінің және оны тасымалдау құралдарының (тірі балық тасу машиналары) меншік құқығында болуы.

      4. Конкурсқа қатысушыларға қойылатын біліктілік талаптары Аңшылық алқаптар мен балық шаруашылығы су айдындарын және (немесе) учаскелерін бекітіп беру жөнінде конкурс өткізу қағидаларының 58 және 59-тармақтарында айтылған жағдайларда қолданылмайды.

Санаттар бойынша аңшылық шаруашылғын жүргізуге арналған материалдық-техникалық база

      кестенің жалғасы

      Ескертпе

      * су айдынынан қашықтыққа байланысты

      ** Жамбыл, Қызылорда, Маңғыстау, Оңтүстік Қазақстан облыстарын қоспағанда