Жоғары оқу орнынан кейінгі білім берудің кәсіптік оқу бағдарламаларын іске асыратын Қазақстан Республикасы Ішкі істер министрлігінің білім беру ұйымдарына оқуға қабылдау қағидаларын бекіту туралы

      «Құқық қорғау қызметі туралы» Қазақстан Республикасының 2011 жылғы 6 қаңтардағы Заңы 9-бабының 1-тармағына сәйкес БҰЙЫРАМЫН:
      1. Қоса беріліп отырған Жоғары оқу орнынан кейінгі білім берудің кәсіптік оқу бағдарламаларын іске асыратын Қазақстан Республикасы Ішкі істер министрлігінің білім беру ұйымдарына оқуға қабылдау қағидалары бекітілсін.
      2. Мыналардың:
      1) «Қазақстан Республикасы Ішкі істер министрлігі жоғары оқу орындарының магистратурасына іріктеу және қабылдау ережесін бекіту туралы» Қазақстан Республикасы Ішкі істер министрінің 2004 жылғы 13 сәуірдегі № 221 бұйрығының (Нормативтік құқықтық актілерді мемлекеттік тіркеу тізілімінде № 2864 тіркелген, «Заң газеті» газетінде 2005 жылғы 27 қазанда № 133-134 (758) жарияланған);
      2) «Қазақстан Республикасы Ішкі істер министрлігі жоғары оқу орындарының магистратурасына іріктеу және қабылдау ережесін бекіту туралы» Қазақстан Республикасы Ішкі істер министрінің 2004 жылғы 13 сәуірдегі № 221 бұйрығына өзгерістер мен толықтырулар енгізу туралы» Қазақстан Республикасы Ішкі істер министрінің 2009 жылғы 9 сәуірдегі № 135 бұйрығының (Нормативтік құқықтық актілерді мемлекеттік тіркеу тізілімінде № 5667 тіркелген, «Заң газеті» газетінде 2009 жылғы 22 мамырда № 76 (1499) жарияланған) күші жойылды деп танылсын.
      3. Кадр жұмысы департаментіне (Ә.Ж. Оразғалиев) осы бұйрықтың Қазақстан Республикасы Әділет министрлігінде белгіленген тәртіппен мемлекеттік тіркеуден өтуін және мерзімдік басылымдарда жариялануын қамтамасыз етсін.
      4. Осы бұйрықтың орындалуын бақылау Қазақстан Республикасы Ішкі істер министрінің бірінші орынбасары полиция генерал-майоры М.Г.Демеуовке жүктелсін.
      5. Осы бұйрық алғаш ресми жарияланған күнінен бастап қолданысқа енгізіледі.

      Министр
      полиция генерал-лейтенанты                       Қ. Қасымов

      «КЕЛІСІЛДІ»
      Қазақстан Республикасы
      Білім және ғылым министрінің
      міндетін атқарушы
      _____________С. Шаяхметов

      2012 жылғы 25 мамыр

Қазақстан Республикасы
Ішкі істер министрінің
2012 жылғы 8 мамырдағы
№ 279 бұйрығымен   
бекітілді       

Жоғары оқу орнынан кейінгі білім берудің кәсіптік оқу бағдарламаларын іске асыратын Қазақстан Республикасы Ішкі істер министрлігінің білім беру ұйымдарына оқуға қабылдау қағидалары

1. Жалпы ережелер

      1. Осы Жоғары оқу орнынан кейінгі білім берудің кәсіптік оқу бағдарламаларын іске асыратын Қазақстан Республикасы Ішкі істер министрлігінің білім беру ұйымдарына оқуға қабылдау және іріктеу қағидалары (бұдан әрі – Қағидалар) «Білім туралы» 2007 жылғы 27 шілдедегі, «Құқық қорғау қызметі туралы» 2011 жылғы 6 қаңтардағы Қазақстан Республикасы Заңдарына, Қазақстан Республикасы Үкіметінің 2012 жылғы 19 қаңтардағы № 109 қаулысымен бекітілген Жоғары оқу орнынан кейінгі кәсіптік оқу бағдарламаларын іске асыратын білім беру ұйымдарына оқуға қабылдаудың үлгі қағидаларына сәйкес әзірленді және Қазақстан Республикасы Ішкі істер министрлігінің (бұдан әрі – ІІМ) жоғары оқу орындарының магистратурасына және PhD докторантурасына оқуға үміткерлерді қабылдаудың тәртібін айқындайды.
      2. ІІМ жоғары оқу орындарының магистранттары мен PhD докторанттарының контингентін қалыптастыру жоғары оқу орнынан кейінгі кәсіптік білімі бар мамандарды даярлауға мемлекеттік білім беру тапсырысын орналастыру арқылы жүзеге асырылады.
      3. ІІМ жоғары оқу орындарының магистратурасына, PhD докторантурасына оқуға үміткерлерді қабылдау түсу емтихандарының нәтижелері бойынша конкурстық негізде жүзеге асырылады.
      4. ІІМ жоғары оқу орындарының магистратурасына және PhD докторантурасына қабылдау даярлау мамандықтарын көрсете отырып, құжаттарды қабылдау күніне дейін он бес күнтізбелік күннен кешіктірілмей бұқаралық ақпарат құралдары арқылы жарияланады.
      5. ІІМ жоғары оқу орындарының магистратурасына және PhD докторантурасына түсушілердің құжаттарын қабылдау жыл сайын 20 маусымнан 20 шілдеге дейін жүргізіледі.
      ІІМ жоғары оқу орындарының магистратурасына және PhD докторантурасына түсу емтихандары жыл сайын 1 тамыздан 20 тамызға дейін, қабылдау 25 тамызға дейін жүргізіледі.

2. ІІМ жоғары оқу орындарының магистратурасына және PhD докторантурасына түсу үшін құжаттарды қабылдау тәртібі

      6. ІІМ жоғары оқу орындарының магистратурасына жоғары білім берудің кәсіптік оқу бағдарламаларын игерген оқуға үміткерлер қабылданады.
      Бұл ретте бейіндік бағыт бойынша магистратура қажетті іскерлік қабілетке ие және жоғары тұрған лауазымдарға жылжыту үшін резервте тұрған, жасы 40-қа дейінгі, ішкі істер органдарында кемінде бес жыл жұмыс өтілі, оның ішінде Қазақстан Республикасы Ішкі істер министрлігінің, аумақтық ішкі істер департаменттерінің, көліктегі ішкі істер департаменттерінің және қылмыстық-атқару жүйесі департаменттерінің (бұдан әрі – ІІД, КІІД, ҚАЖД) бөлім бастығынан төмен емес лауазымдарда кемінде екі жыл жұмыс өтілі бар ішкі істер органдары қызметкерлерімен жасақталады.
      Ғылыми және педагогикалық бағыт бойынша магистратураға жасы 40-тан аспаған, ішкі істер органдарында практикалық жұмыс өтілі 2 жылдан кем емес ішкі істер органдарының қызметкерлері қабылданады.
      Ескерту. 6-тармаққа өзгеріс енгізілді - ҚР Ішкі істер министрінің 29.04.2013 № 303 бұйрығымен (алғаш ресми жарияланған күнінен күнтізбелік он күн өткеннен кейін қолданысқа енгізіледі).
      7. PhD докторантураға жасы 40-тан аспаған, ғылыми-педагогикалық магистратураны бітірген және «заң ғылымдарының магистрі» академиялық дәрежесі бар, құқық қорғау органдарында практикалық жұмыс өтілі немесе ғылыми-педагогикалық өтілі 3 жылдан кем емес ішкі істер органдарының қызметкерлері қабылданады.
      8. ІІМ жоғары оқу орындарында құжаттарды қабылдау және түсу емтихандарын өткізуді ұйымдастыру үшін қабылдау комиссиясы құрылады. Қабылдау комиссиясының төрағасы ІІМ жоғары оқу орнының басшысы болып табылады.
      Қабылдау комиссиясының құрамы ІІМ жоғары оқу орны басшысының бұйрығымен бекітіледі.
      9. Магистратураға және PhD докторантураға оқуға түсетін оқуға үміткерлер ІІМ, ІІД, КІІД, ҚАЖД басшысының атына баянат береді.
      10. Магистратураға және PhD докторантураға оқуға үміткерлерді іріктеу үшін ІІМ, ІІД, КІІД, ҚАЖД және білім беру ұйымдарының басшыларының бұйрықтарымен іріктеу комиссиялары құрылады.
      11. Іріктеу комиссиясы осы Қағидаларды, сондай-ақ магистратураға және PhD докторантураға қабылдау жоспарларын басшылыққа ала отырып, үміткерлерге ұсынған құжаттарды зерделейді, үміткерлердің қабылдау шарттарына сәйкес келуін анықтайды.
      12. Іріктеу комиссиясының жұмыс нәтижелері хаттамамен ресімделеді.
      13. Магистратураға оқуға үміткерлерге кадр аппараттары ІІМ жоғары оқу орындарына мынадай құжаттарды жолдайды:
      1) жеке ісін;
      2) мыналарды қамтитын оқу ісін:
      еркін нысандағы оқуға үміткердің баянаты;
      қызметтің соңғы кезеңі бойынша қызметтік мінездеме және аттестаттау парағы;
      магистратураны аяқтағаннан кейін қызметкерді тағайындау болжанатын лауазым көрсетілген оқуға жіберу туралы іріктеу комиссиясы хаттамасының көшірмесі;
      жоғары білімі туралы құжаттың көшірмесі;
      осы Қағидалардың 16-тармағында көрсетілген бағдарламалар бойынша тест тапсырғаны туралы сертификаттың көшірмесі (бар болса);
      кадрларды есепке алу бойынша жеке іс парақ;
      3х4 сантиметр көлеміндегі алты фотосурет;
      086-У нысанындағы медициналық анықтама;
      жеке куәлігінің көшірмесі;
      ғылыми және ғылыми-әдістемелік жұмыстардың тізімі (олар бар болған жағдайда).
      14. PhD докторантураға оқуға үміткерлерге кадр аппараттары ІІМ жоғары оқу орындарына мынадай құжаттарды жолдайды:
      1) жеке ісін;
      2) мыналарды қамтитын оқу ісін:
      еркін нысандағы оқуға үміткердің баянаты;
      қызметтің соңғы кезеңі бойынша қызметтік мінездеме және аттестаттау парағы;
      Phd докторантураны аяқтағаннан кейін қызметкерді тағайындау болжанатын лауазым көрсетілген оқуға жіберу туралы іріктеу комиссиясы хаттамасының көшірмесі;
      кадрларды есепке алу бойынша жеке іс парағы;
      жеке куәлігінің көшірмесі;
      білімі туралы құжаттың көшірмесі;
      3х4 сантиметр көлеміндегі алты фотосурет;
      086-У нысанындағы медициналық анықтама;
      осы Қағидалардың 1-қосымшасына сәйкес нысанда болжанған отандық немесе шетелдік ғылыми консультанттармен келісілген жоспарланған диссертациялық зерттеулер негіздемесі;
      осы Қағидалардың 16-тармағында көрсетілген бағдарламалар бойынша тест тапсырғаны туралы сертификаттың көшірмесі (бар болса);
      ғылыми және ғылыми-әдістемелік жұмыстардың тізімі (бар болса).

3. ІІМ жоғары оқу орындарының магистратурасына және PhD докторантурасына түсу емтихандарын өткізу тәртібі

      15. ІІМ жоғары оқу орындарының магистратурасына және PhD докторантурасына оқуға түсетін оқуға үміткерлер түсу емтихандарын:
      1) таңдауы бойынша бір шет тілінен (ағылшын, француз, неміс);
      2) мамандық бойынша тапсырады.
      16. Мынадай емтихандар бойынша:
      ағылшын тілі: Test of English as a Foreign Language Institutional Testing Programm (TOEFL ITP – кемінде 460 балл), Test of English as a Foreign Language Institutional Testing Programm Internet-based Test (TOEFL IBT, шекті балл – кемінде 87), (TOEFL, шекті балл - кемінде 560 балл), International English Language Tests System (IELTS, шекті балл – кемінде 6.0);
      неміс тілі: Deutsche Sprachprьfung fur den Hochschulzugang (DSH, Niveau C1/С1 деңгейі), TestDaF-Prufung (Niveau C1/С1 деңгейі);
      француз тілі: Test de Francais International™ (TFI – оқу және тыңдалым секциялары бойынша B1 деңгейден төмен емес), Diplome d'Etudes en Langue francaisе (DELF, В2 деңгейі), Diplome Approfondi de Langue francaisе (DALF, С1 деңгейі), Тest de connaissance du francais (TCF – кемінде 400 балл) бойынша Шет тілін меңгерудің жалпыеуропалық құзыреттеріне (стандарттарына) сәйкес шет тілін меңгергенін растайтын халықаралық сертификаттары бар оқуға үміткерлер магистратураға және PhD докторантураға шет тілі бойынша түсу емтиханынан босатылады.
      Ескерту. 16-тармақ жаңа редакцияда - ҚР Ішкі істер министрінің 23.07.2013 № 472 бұйрығымен (алғаш ресми жарияланған күнінен кейін күнтізбелік он күн өткеннен қолданысқа енгізіледі).
      17. Шет тілдері бойынша түсу емтихандары Қазақстан Республикасы Білім және ғылым министрлігінің Ұлттық тестілеу орталығы әзірлеген технология бойынша өткізіледі.
      18. ІІМ жоғары оқу орындарының магистратурасына және PhD докторантурасына түсу емтихандарын өткізу кезеңіне қабылдау комиссиясы және мамандықтар бойынша емтихандық комиссиялар құрылады, олардың құрамы ІІМ жоғары оқу орны бастығының бұйрығымен бекітіледі.
      Магистратураға және PhD докторантураға түсушілер үшін мамандық бойынша емтихан білімінің алдыңғы деңгейінің кәсіптік оқу бағдарламаларының көлемінде өткізіледі. Мамандық бойынша түсу емтиханын өткізу нысанын жоғары оқу орны дербес айқындайды.
      Ескерту. 18-тармаққа өзгерістер енгізілді - ҚР Ішкі істер министрінің 23.07.2013 № 472 (алғаш ресми жарияланған күнінен кейін күнтізбелік он күн өткеннен қолданысқа енгізіледі); 03.07.2014 № 398 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) бұйрықтарымен.
      19. Мамандық бойынша емтихан комиссиясы тиісті мамандықтар бойынша ғылыми дәрежесі бар ІІМ жоғары оқу орындарының, сондай-ақ басқа жоғары оқу орындарының және ғылыми ұйымдардың қызметкерлерінен қалыптастырылады.
      Мамандық бойынша емтихан комиссиясының құрамы төраға және үш мүшеден тұрады, оның екеуі ғылым докторы болып табылады.
      Ескерту. 19-тармақ жаңа редакцияда - ҚР Ішкі істер министрінің 23.07.2013 № 472 бұйрығымен (алғаш ресми жарияланған күнінен кейін күнтізбелік он күн өткеннен қолданысқа енгізіледі).
      20. Алынып тасталды - ҚР Ішкі істер министрінің 23.07.2013 № 472 бұйрығымен (алғаш ресми жарияланған күнінен кейін күнтізбелік он күн өткеннен қолданысқа енгізіледі).
      21. Түсу емтихандарын қайта тапсыруға рұқсат етілмейді.
      22. Магистратураға және PhD докторантураға түсу емтихандарын өткізу кезінде бірыңғай талаптарды сақтауды және даулы мәселелерді шешуді қамтамасыз ету мақсатында апелляциялық комиссия құрылады.
      Апелляциялық комиссия түсу емтихандарының нәтижелерімен келіспеген оқуға үміткерлердің өтініштерін қарау үшін құрылады.
      Апелляциялық комиссияның құрамы төрағадан және комиссияның екі мүшесінен тұрады және ІІМ жоғары оқу орнының қабылдау комиссиясы төрағасының бұйрығымен бекітіледі.
      Апелляциялық комиссия ІІМ жоғары оқу орындарының, сондай-ақ басқа жоғары оқу орындарының және ғылыми ұйымдардың қызметкерлері қатарынан қалыптастырылады.
      Ескерту. 22-тармақ жаңа редакцияда - ҚР Ішкі істер министрінің 23.07.2013 № 472 (алғаш ресми жарияланған күнінен кейін күнтізбелік он күн өткеннен қолданысқа енгізіледі); 03.07.2014 № 398 (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі) бұйрықтарымен.
      23. Апелляциялық комиссия магистратураға және PhD докторантураға түсетін оқуға үміткерлерден емтихан материалдарының мазмұны мен техникалық себептер бойынша түскен өтініштерді қабылдайды және қарайды.
      24. Апелляцияға берілетін өтінішті магистратураға және докторантураға түсуші үміткер апелляциялық комиссия төрағасының атына береді. Емтихан материалдарының мазмұны мен техникалық себептер бойынша өтініштер түсу емтиханының нәтижелері жарияланғаннан кейін келесі күні сағат 13.00-ге дейін қабылданады және апелляциялық комиссия өтініш берген күннен бастап бір күнтізбелік күн ішінде қарастырады.
      Апелляциялық комиссия әр үміткермен жеке тәртіпте жұмыс істейді. Үміткер апелляциялық комиссияның отырысына келмеген жағдайда, оның апелляцияға берген өтініші қаралмайды.
      25. Апелляциялық комиссия өтінішті қарау кезінде апелляцияға берген үміткер жеке басын куәландыратын құжатты ұсынады.
      26. Апелляциялық комиссияның шешімі комиссия мүшелерінің жалпы санының көпшілік даусымен қабылданады. Дауыстар тең болған жағдайда комиссия төрағасының даусы шешуші болып табылады. Апелляциялық комиссияның жұмысы төраға және барлық комиссия мүшелері қол қойған хаттамамен ресімделеді.

4. ІІМ жоғары оқу орындарының магистратурасына және PhD докторантурасына қабылдау

      27. Магистранттар мен PhD докторанттары қатарына қабылдауды ІІМ жоғары оқу орнының қабылдау комиссиясы жүзеге асырады.
      Ескерту. 27-тармақ жаңа редакцияда - ҚР Ішкі істер министрінің 03.07.2014 № 398 бұйрығымен (алғашқы ресми жарияланған күнінен кейін күнтізбелік он күн өткеннен соң қолданысқа енгізіледі).
      28. ІІМ жоғары оқу орындарының магистратурасына және PhD докторантурасына мемлекеттік білім беру тапсырысы бойынша оқуға түсу емтихандарының қосындысында осы Қағидалардың 2-қосымшасына сәйкес бағалаудың 100 балдық шәкілі бойынша 150 балдан кем емес ең жоғары балл жинаған оқуға үміткерлер қабылданады.
      Осы Қағидалардың 16-тармағында көрсетілген шет тілі (ағылшын, француз, неміс) бойынша тест тапсырғаны туралы сертификаты бар оқуға үміткерлерге бағалаудың 100 балдық шәкілі бойынша ең жоғары балл қосылады.
      29. Конкурстық балдардың көрсеткіштері бірдей болған жағдайда қабылдау кезінде басым құқық мамандық бойынша ең жоғары баға алған оқуға үмтікерлерге беріледі, егер мамандық бойынша түсу емтихандарының көрсеткіштері бірдей болған жағдайда басым құқық мемлекеттік, орыс және шет тілдері бойынша ең жоғары баға алған үміткерлерге беріледі. Содан соң таңдаған мамандығының бейініне сәйкес ғылыми жетістіктері ескеріледі.
      30. Қабылдау комиссиясының хаттамасы негізінде ІІМ жоғары оқу орнының басшысы ішкі істер органдарынан жоғары оқу орнының қарамағына қызметке жіберу үшін негіз болып табылатын магистратураға және PhD докторантураға қабылдау туралы бұйрық шығарады.
      30-1. Ішкі істер министрлігінің жоғары оқу орындары осы Қағиданың 3-қосымшасына сәйкес нысан бойынша магистратураға және PhD докторантураға қабылданған қызметкерлермен Білім беру қызметін көрсетуге келісім-шарт (магистратура/PhD докторантуpa) жасайды.
      Ескерту. Қағида 30-1-тармақпен толықтырылды - ҚР Ішкі істер министрінің 29.04.2013 № 303 бұйрығымен (алғаш ресми жарияланған күнінен күнтізбелік он күн өткеннен кейін қолданысқа енгізіледі).
      31. ІІМ жоғары оқу орындары бастықтарының оқуға қабылдау туралы бұйрықтарынан көшірмелер оған қол қойылғаннан кейін он күнтізбелік күннен кешіктірілмей оқуға жіберген ішкі істер органына жіберіледі.
      32. Магистратураға және PhD докторантураға оқуға қабылданбаған үмтікерлердің жеке істері және басқа да құжаттары жасақтау орындарына қайтарылады.
      33. ІІМ жоғары оқу орындары он күнтізбелік күн ішінде ІІМ Кадр жұмысы департаментіне қабылдауды ұйымдастыру және өткізу бойынша қорытынды есепті, сондай-ақ магистратураға және PhD докторантураға қабылдау туралы бұйрықтардың көшірмелерін Қазақстан Республикасы Білім және ғылым министрлігіне ұсыну үшін ұсынады.

Жоғары оқу орнынан кейінгі білім   
берудің кәсіптік оқу бағдарламаларын
іске асыратын Қазақстан Республикасы
Ішкі істер министрлігінің білім беру
ұйымдарына оқуға қабылдау және     
іріктеу қағидаларына 1-қосымша     

нысан

Жоспарланған диссертациялық зерттеулер негіздемесінің нысаны

      1. Оқуға үміткердің тегі, аты, әкесінің аты (бар болса), арнайы атағы, лауазымы.
      2. Болжанған отандық немесе шетелдік ғылыми консультанттың тегі, аты, әкесінің аты (бар болса), ғылыми дәрежесі, ғылыми атағы, лауазымы, жұмыс істейтін жоғары оқу орны.
      3. Жоспарланған диссертациялық зерттеудің тақырыбы.
      4. Жоспарланған диссертациялық зерттеу тақырыбының өзектілігі.
      5. Ғылыми проблеманың әзірлену деңгейі.
      6. Жоспарланған диссертациялық зерттеудің мақсаттары және міндеттері.
      7. Жоспарланған диссертациялық зерттеудің объектісі және мәні.
      8. Жоспарланған диссертациялық зерттеудің әдіснамасы.
      9. Диссертациялық зерттеулерден күтілетін нәтижелер, олардың теориялық және практикалық маңыздылығы. Оларды енгізудің және апробация жасаудың болжанатын бағыттары.

      Ескертпе: Жоспарланған диссертациялық зерттеудің негіздемесі компьютерлік техника құралдарының көмегімен Times New Roman 14 көлемдегі шрифтпен бір жол аралық интервалмен басылады, негіздеменің көлемі кемінде үш бет болуы тиіс.

__________________________________________
(оқуға үміткердің қолы, тегі, аты-жөні,
әкесінің аты)              

      Келісілді
      ____________________________________
       (ғылыми консультанттың қолы, тегі,
            аты-жөні, әкесінің аты)

Жоғары оқу орнынан кейінгі білім   
берудің кәсіптік оқу бағдарламаларын
іске асыратын Қазақстан Республикасы
Ішкі істер министрлігінің білім беру
ұйымдарына оқуға қабылдау және     
іріктеу қағидаларына 2-қосымша     

Бағалаудың 100 балдық шәкілі бойынша
бағаларды ауыстыру жүйесі

Жоғары білім берудің кәсіптік оқу
      бағдарламаларын іске асыратын  
      Қазақстан Республикасы Ішкі істер
      министрлігінің білім беру   
      ұйымдарына оқуға қабылдау    
      қағидаларына 3-қосымша       

      нысан

Білім беру қызметін көрсетуге келісім-шарт
(магистратура/PhD докторантуpa)

      Ескерту. Қағида 3-қосымшамен толықтырылды - ҚР Ішкі істер министрінің 29.04.2013 № 303 бұйрығымен (алғаш ресми жарияланған күнінен күнтізбелік он күн өткеннен кейін қолданысқа енгізіледі).

___________ қ.                              20 _____ ж. "____"_______
____________________________________________________________________,
_______________________________________ мекенжайы бойынша орналасқан
____________________________________ мемлекеттік тіркеу туралы куәлік № _____________, 20 ____ ж. «____» ________
Қазақстан Республикасы Білім және ғылым министрлігі берген лицензия
№ ________ сериясы ______ 20 ____ ж. «____» ___________
_______________________________________________________________ Жарғы
негізінде әрекет ететін, одан әрі «Білім беру ұйымы» деп аталатын,
бір тараптан, және __________________________________________________
___________________________________________________________ қызметкер
(арнайы атағы, тегі, аты, әкесінің аты бар болған жағдайда)
одан әрі магистрант/PhD докторант» деп аталатын, екінші тараптан,
__________________________________________________________________________________________________________________________________________
         (ІІД, КІІД, ҚАЖД, ІІМ білім беру ұйымының атауы )
____________________________________________________________ тұлғада,
___________________ негізінде әрекет ететін, одан әрі «Тапсырушы» деп
аталатын және ______________________________ қызметкердің мүддесінде,
                  (арнайы атағы, тегі, аты,
               әкесінің аты бар болған жағдайда)
әрекет ететін екінші тараптан, төмендегілер туралы осы келісім-шарт
жасады:

I. Келісім-шарттың мәні

      1. Білім беру ұйымы өзіне жоғары оқу орнынан кейінгі білім берудің мемлекеттік жалпыға міндетті стандарттарына сәйкес күндізгі оқыту нысаны бойынша магистратураның/PhD докторантураның білім бағдарламалары бойынша білім алушының оқуын ұйымдастыру бойынша міндеттерін алады.
      Мамандықтың шифры және атауы:__________________________________
_____________________________________________________________________

II. Тараптардың құқықтары және міндеттері

      2. Білім беру ұйымы:
      1) мемлекеттік білім беру тапсырысына сәйкес магистрантты/PhD
докторантты конкурстың қорытындылары бойынша қабылдауға;
      2) Қазақстан Республикасының жоғары оқу орнынан кейінгі білім
берудің мемлекеттік жалпыға міндетті стандарттарының талаптарына
сәйкес оқытуды қамтамасыз етуге;
      3) магистрантқа/PhD докторантқа оқуға жіберілгенге дейін
атқарған соңғы штаттық лауазымы (уақытша атқарған емес) бойынша
лауазымдық айлықақысының жетпіс пайызы мөлшерінде лауазымдық айлықақы
ай сайын төлеуге міндетті.
      3. Білім беру ұйымы:
      1) магистранттан/PhD докторанттан осы Келісім-шартқа, Білім
беру ұйымының ішкі тәртіп ережелеріне және Жарғысына сәйкес
міндеттерін адал және тиісінше орындауды талап етуге;
      2) магистрантқа/PhD докторантқа оқу және жеке жоспарын
орындамағаны үшін, Ішкі тәртіп ережелерін және Жарғыны бұзғаны үшін
оқудан шығаруға дейінгі тәртіптік ықпал ету шараларын қолдануға;
      3) магистранттың/PhD докторанттың оқу жетістіктерін тексеру
мақсатында ағымдағы бақылау және аралық аттестаттау нысанын анықтауға
құқылы.
      4. Магистрант/PhD докторант:
      1) Қазақстан Республикасының жоғары оқу орнынан кейінгі білім
берудің мемлекеттік жалпыға міндетті стандарттарының көлемінде
білімді, іскерліктерді және практикалық дағдыларды меңгеруге;
      2) білім беру ұйымы басшысының бұйрықтары мен өкімдерін, Ішкі
тәртіп ережелері мен Жарғысын және осы Келісім-шарттың шарттарын
сақтауға және орындауға;
      3) отбасы жағдайы, тұрғылықты орны, телефоны өзгерген жағдайда
жоғарыда көрсетілген жағдайлар басталған сәттен бастап ол туралы үш
жұмыс күні үшінде хабарлауға міндетті.
      5. Магистратурада/PhD докторантурада білім алу кезеңінде:
      1) мынадай бөлімдерді:
      жеке оқу жоспарын;
      ғылыми-зерттеу/эксперименттік-зерттеу жұмысын (тақырыбы,
зерттеу бағыты, есептілік мерзімі және нысаны);
      практиканы (бағдарлама, база, есептілік мерзімі және нысаны);
      негіздемесі мен құрылымы бар магистрлік/PhD докторлық диссертациялар тақырыптарын;
      магистрлік/докторлық диссертацияларды орындау жоспарын;
      ғылыми жарияланымдар мен тағылымдамалар жоспарын қамтитын жеке
оқу жұмыс жоспарын орындау;
      2) білім беру ұйымы белгілеген мерзімде жеке жоспардың
орындалуы туралы есеп беру;
      3) аралық аттестаттаудан өту;
      4) магистрлік/докторлық диссертацияларды даярлау;
      5) диссертацияны сараптамалық кеңеске ұсыну;
      6) қорытынды аттестаттаудан өту: кешенді емтихан тапсыру,
көпшілік алдында магистрлік/докторлық диссертацияны қорғау;
      7) оқуды аяқтағаннан кейін мақсатты даярлау шеңберінде оқуға
жолдаған ІІМ, ІІД, КІІД, ҚАЖД-да кем дегенде 3 жыл жұмыс істеуі
керек.
      6. Магистрант/PhD докторант:
      1) магистратураның/PhD докторантураның білім беру
бағдарламасымен көзделген тапсырмаларды орындау мақсатында білім беру
ұйымының материалдық-техникалық жарақтарын пайдалануға;
      2) ғылыми-зерттеу жұмыстарының барлық түрлеріне,
конференцияларға, симпозиумдарға қатысу, басылымдарға, оның ішінде
білім беру ұйымының басылымдарына өзінің жұмыстарын ұсынуға;
      3) жоғары оқу орнынан кейінгі оқу процесін ұйымдастыру
мазмұнын, оқыту әдістемесін жетілдіру, оқытушылардың жеке құрамы
бойынша ұсыныстарды кез келген түрде (жазбаша, ауызша) енгізуге
құқылы.

III. Ерекше жағдайлар

      7. Мемлекеттік білім беру тапсырысы бойынша оқып жатқан
магистрант/PhD докторант үшін оқуды аяқтаған кейін үш жыл
_____________________________________________________________________
_____________________________________________________________________
      (ІІМ, ІІД, КІІД, ҚАЖД, ІІМ білім беру ұйымдарының атауы)      _____________________________________________________________________
жұмыс істеуі міндетті шарт болып табылады.
      8. Тапсырыс беруші магистрантты/PhD докторантты оқуды
аяқтағаннан кейін оқуға жіберілгенге дейінгі лауазымнан төмен емес
лауазымға тағайындайды.
      9. Магистрант/PhD докторант оқудан шығып кеткен, ауысқан немесе
қайтадан оқыту курсына қалған жағдайда мемлекеттік тапсырыс бойынша
білім алу құқығынан айырылады.

IV. Тараптардың жауапкершілігі

      10. Тараптар өзінің міндеттерін осы Келісім-шартта көзделмеген
жағдайларды орындамағаны не болмаса тиісінше орындамағаны үшін
Қазақстан Республикасының қолданыстағы заңнамаларына сәйкес жауапты.
      11. Келісім-шарттың 7-тармағын орындамағаны үшін магистрант/PhD
докторант өзінің білім алуымен байланысты республикалық бюджет
шығындарының орнын толтыруға міндетті.

V. Дауларды шешу тәртібі

      12. Осы Келісім-шартты орындау үдерісінде туындайтын келіспеушіліктер мен даулар, өзара қолайлы шешімдерге келуі
мақсатында тараптар тікелей қарайды.
      13. Тараптар арасында келіссөздер, өзара қолайлы шешімдер жасау
жолымен шешілмеген мәселелер Қазақстан Республикасының қолданыстағы
заңнамаларына сәйкес шешіледі.

VI. Шарттың қолданыс мерзімі, талаптарды өзгерту және оны бұзу тәртібі

      14. Осы Келісім-шарт оған тараптар қол қойған күнінен бастап
күшіне енеді және оқу аяқталғаннан кейін оны жіберген ІІМ, ІІД, КІІД,
ҚАЖД бөліністерінде, ІІМ білім беру ұйымында кемінде 3 жыл жұмыс
істегеннен кейін күшін жояды.
      15. Осы Келісім-шарттың талаптары тараптардың өзара жазбаша
келісімдері бойынша өзгеруі және толықтырылуы мүмкін.
      16. Осы Келісім-шарт бірдей заңды күшке ие үш данада
мемлекеттік/орыс тілдерінде жасалады және бір данадан білім беру
ұйымдарына, магистрантқа/PhD докторантқа және тапсырыс берушіге
беріледі.

      Тапсырыс беруші:

      _____________________________
      _____________________________
      е/ш _________________________
      БЖК _________________________
      ЖСН _________________________
      Мекенжайы ___________________
      Бастық ______________________

      Білім беру ұйымының Жарғысымен, білім беру қызметін жүргізуге
құқық беретін лицензиямен, Ішкі тәртіп ережесімен, осы
Келісім-шартпен таныстым.
      __________________________
      (білім алушының қолы)