Инвестицияларды мемлекеттiк қолдаудың кейбiр мәселелерi туралы

      «Инвестициялар туралы» Қазақстан Республикасы Заңының 19-бабына сәйкес БҰЙЫРАМЫН:
      1. Мыналар:
      1) Күші жойылды - ҚР Премьер-Министрінің орынбасары - ҚР Индустрия және жаңа технологиялар министрінің 26.07.2013 № 229 бұйрығымен (ресми жарияланған күнінен бастап күнтізбелік он күн өткен соң қолданысқа енгізіледі);
      2) осы бұйрыққа қоса беріліп отырған 2-қосымшаға сәйкес инвестициялық жобаның немесе инвестициялық стратегиялық жобаның бизнес-жоспарын жасау бойынша талаптар бекітілсін.
      Ескерту. 1-тармаққа өзгеріс енгізілді - ҚР Премьер-Министрінің орынбасары - ҚР Индустрия және жаңа технологиялар министрінің 26.07.2013 № 229 бұйрығымен (ресми жарияланған күнінен бастап күнтізбелік он күн өткен соң қолданысқа енгізіледі).
      2. Осы бұйрыққа қоса беріліп отырған 3-қосымшаға сәйкес тізбе бойынша Қазақстан Республикасы Индустрия және жаңа технологиялар министрлігінің нормативтік құқықтық актілерінің күшi жойылды деп танылсын.
      3. Қазақстан Республикасы Индустрия және жаңа технологиялар министрлігінің Инвестиция комитеті (А.Ж. Серіков) заңнамада белгіленген тәртіппен Қазақстан Республикасының Әділет министрлігінде осы бұйрықтың мемлекеттік тіркелуін және бұқаралық ақпарат құралдарында ресми жариялануын қамтамасыз етсін.
      4. Осы бұйрықтың орындалуын бақылау Қазақстан Республикасы Индустрия және жаңа технологиялар бірінші вице-министрі А.П. Рауға жүктелсін.
      5. Осы бұйрық оның алғашқы ресми жарияланған күнінен кейін он күнтізбелік күн өткен соң қолданысқа енгізіледі.

      Министр                                         Ә. Исекешев

Қазақстан Республикасы 
Индустрия және жаңа  
технологиялар министрінің
2012 жылғы 1 маусымдағы
№ 184 бұйрығымен   
бекітілген 1-қосымша 

Нысан

Инвестициялық преференцияларды беруге арналған өтiнiм

      Ескерту. 1-қосымшаның күші жойылды - ҚР Премьер-Министрінің орынбасары - ҚР Индустрия және жаңа технологиялар министрінің 26.07.2013 № 229 бұйрығымен (ресми жарияланған күнінен бастап күнтізбелік он күн өткен соң қолданысқа енгізіледі);

Қазақстан Республикасы 
Индустрия және жаңа  
технологиялар министрінің
2012 жылғы 1 маусымдағы
№ 184 бұйрығымен   
бекітілген 2-қосымша 

Инвестициялық жобаның немесе инвестициялық стратегиялық жобаның бизнес-жоспарын жасау жөніндегі Талаптар

      1. Инвестициялық жобаның немесе инвестициялық стратегиялық жобаның бизнес-жоспарын жасау жөніндегі осы Талаптар
(бұдан әрі - Талаптар) «Инвестициялар туралы» Қазақстан Республикасының Заңының 19-бабы негізінде әзірленген және инвестициялық жобаның немесе инвестициялық стратегиялық жобаның бизнес-жоспарын жасау тәртібін анықтайды.
      2. Бизнес-жоспар келесі тараулардан тұрады:
      1) Инвестордың қысқаша сипаттамасы;
      2) инвестициялық жобаның немесе инвестициялық стратегиялық жобаның қысқаша сипаттамасы;
      3) техникалық бөлім;
      4) коммерциялық бөлім;
      5) ұйымдық бөлім;
      6) әлеуметтік бөлім;
      7) қаржылық бөлім;
      8) экологиялық бөлім;
      9) экономикалық бөлім;
      10) Қазақстан Республикасының экономикалық дамуына инвестициялық стратегиялық жобаларды іске асыруда орындалатын стратегиялық әсерін талдау (инвестициялық стратегиялық жобалар үшін толтырылады).
      3. Инвестордың қысқаша сипаттамасы мыналарды өзіне енгізеді:
      1) заңды тұлғаның атауы;
      2) заңды тұлғаның басшысы (лауазымы, аты-жөні – болған кезде);
      3) заңды тұлғаның мекенжайы, телефоны, факсы, электрондық поштасы;
      4)заңды тұлғаның қызметінің негiзгi бағыттарының қысқаша сипаттамасы, негiзгi өндiрiстiк көрсеткiштерi, көрсетiлген салада инвестициялық Келiсiмшарт жасасу бойынша жоспарланатын жұмыс тәжiрибесi. Соңғы есеп беру кезеңі үшiн кәсіпорынның қаржы-шаруашылық қызмет туралы қысқаша есебін.
      4. Инвестициялық жоба немесе инвестициялық стратегиялық жобаның қысқаша сипаттамасы мыналарды өзіне енгізеді:
      1) инвестициялық немесе инвестициялық стратегиялық жобаның атауы;
      2) инвестициялық немесе инвестициялық стратегиялық жобаның негiзгi мақсаттары;
      3) инвестициялық немесе инвестициялық стратегиялық жобаның тiкелей қатысушылары;
      4) инвестициялық немесе инвестициялық стратегиялық жобаны iске асыру орны (облыс, аудан);
      5) қысқаша мазмұны:
      шығаруға ұсынылатын өнiм, болуы мүмкiн түрлену спектрін көрсете отырып, тауар немесе қызмет көрсетудің қысқаша сипаттамасы, мәні мен қолдану саласы;
      болжанатын инвестициялық немесе инвестициялық стратегиялық жобаның сипаты (жаңадан құру, қолданыстағы кәсiпорынды қайта құру немесе кеңейту);
      инвестициялық немесе инвестициялық стратегиялық жоба бойынша техникалық құжаттаманың болуы (техникалық-экономикалық негiздеме, жоба-сметалық құжаттамасы, құрылыс-монтаж жұмыстары және құрал-жабдықты жеткiзуге келiсiмдер мен келiсiмшарттардың көшiрмелерi, жер телiмiне құқықтарды растайтын құжаттардың көшiрмелерi, ғимараттар мен құрылғыларды жалдау шарттарының көшiрмелерi мен басқа да құжаттар);
      жоба бойынша iске асыру және шектеудiң ерекше шарттары: лицензиялардың (егер қызмет түрi лицензиялауға жататын болса), патенттердiң, рұқсаттардың бар болуы, экспорттық және импорттық квоталардың, өткiзу нарығы және шикiзат, су, энергиямен қамтамасыз ету, көлiк, байланыс, қалдықтарды кәдеге жарату бойынша шектеулер мен ұсынымдардың болуы, шетелдiк жұмыс күшiне қажеттiлiктер, технологиялық процестердiң экологиялық тазалығына талаптардың болуы;
      6) инвестициялық немесе инвестициялық стратегиялық жобаны iске асыру құны, қаржыландыру көздерi:
      меншiк қаражаттары;
      қарыз қаражаттары (несиелер немесе шаруашылық субъектiлердiң қаражаттарын тарту) және/немесе грант.
      7) жобаны iске асыру мерзiмi - инвестицияларды жүзеге асыру сәтiнен.
      5. Техникалық бөлім мыналарды өзіне кірістіреді:
      1) инвестициялық немесе инвестициялық жобаның қысқаша технологиялық сипаттамасы;
      2) технологиялық шешімді қабылдаудың негіздемесі, атап айтқанда инвестициялық жобаның тұрған жері мен көлемін (ауқымы) таңдаудың негіздемесі (жеткізушілер мен нарықтар үшін орналасқан жердің қолайлылығы):
      бірге болатын инфрақұрылым және көліктік мүмкіндіктер;
      қолданыстағы үй-жайларды пайдалану мүмкіндігі немесе қайта салу;
      инвестициялық немесе инвестициялық жоба бойынша тауарлардың (қызмет көрсету) өндірісінің көлемін анықтайтын факторлар.
      Талаптардың 1-қосымшасына сәйкес техникалық және құндық сипаттамалары бойынша балама шешімдерді (ақпарат көздеріне сілтеме жасай отырып ұқсастармен салыстыра ұсынылған тауар өндірісі, қызмет көрсетуге арналған техникалық деңгейі және құны) салыстырмалы талдау.
      Шикізаттық ресурстарды пайдаланудың ұтымдық дәрежесі:
      шикізатты қайта өңдеу дәрежесі;
      өндірістің қайталанбалылығы (қалдықтарды қайта өңдеу);
      жергілікті шикізатты пайдалану;
      Талаптарға 1-қосымшада көрсетілген жобаны іске асыру кестесі.
      6. Коммерциялық бөлiммыналарды өзіне енгізеді:
      1) шикiзат, материалдар және құрал-жабдықтың жеткiзiлiмдерi:
      шикiзат және материалдар (отандық және импорттық) нарығын талдау:
      пайдаланатын шикiзат түрлерiнiң тiзбесi;
      көлiктiк шығыстарды есепке алғандағы бағаның қол жетімділігі және деңгейi;
      қолданылған шикізат және материалдардың атауы мен көлемін көрсете отырып, дайын өнім бірлігінің өндірісіне шикізат және материал шығыстарының нормасы;
      шикізатты есептен шығару әдісі (ҚР заңды тұлғасының есептік саясаты);
      жабдықты/өндiрушiлердi жеткiзушiлердi таңдау:
      қажеттi жабдықтардың тiзбесi және оған негiзгi техникалық талаптар;
      жабдық пен технологияның әлемдiк және жергiлiктi нарықтағы жаңалығы;
      көлiктiк шығыстар, монтаж және іске қосу-реттеу жұмыстарды есепке алағандағы жабдықтардың құны;
      жөндеу базасының болуы (қажет болған жағдайда);
      қосалқы бөлшектер немесе шығыс материалдармен қамтамасыз ету көздерi;
      2) маркетинг:
      Талаптардың 2-қосымшасына сәйкес шығарылатын тауарлар немесе көрсетілетін қызмет түрлерi мен көлемiнiң тiзбесi;
      қолданыстағы шектеулердi (квоталар, лицензиялар және т.б.) - (нарық сыйымдылығын) есепке ала отырып өткiзу нарығын болжау: iшкi және сыртқы нарықтағы әлеуеттi төлем қабiлетi бар сұраным, қазiргi уақытта оны қанағаттандыру деңгейi:
      өткiзiм арналары - қандай өңiрлерге, қандай тұтынушыларға, шетелдегi қай елдерге жеткiзiлiм болжанатыны көрсетiлсiн; нарықта ұқсас, өзара алмасатын, өзара толықтырылатын тауарлар, қызмет көрсетулердiң орын алуы, болашақтағы олардың өндiрiсiн бағалау, соңғы бiрнеше жыл iшiнде тауарлардың экспорты және/немесе импортының серпіні, көлемi мен бағалары, негiзгi бәсекелестер және олардың нарықтағы үлес салмағы; әлеуметтiк-экономикалық жағдайының өзгеру мүмкiндiктерi нәтижелерiнде нарықты болжау;
      өткiзу мүмкiндiгiн растайтын құжаттар: тауарлардың жеткiзiлiмiне келiсiмшарттардың немесе ниеттер туралы хаттамалардың нотариалды құжандырылған көшiрмелерi;
      тауарларға немесе қызмет көрсетулерге бағалар деңгейiн болжамды бағалау;
      коммерциялық тәуекел факторлары мен негiзгi маркетингтiк iс-шаралар.
      Жобаны қаржыландырудың айырбас валюта бағамы мен қолданыстағы салық базасының өзгеруiне әсер етудi бағалау.
      7. Ұйымдастыру бөлiмi мыналарды өзіне енгізеді:
      1) тартылатын ұйымдар:
      жобаны құрушы;
      жабдықты өндiрушiлер;
      жабдықты жеткiзушiлер;
      қаржыланатын ұйым;
      делдалдар;
      2) жобаны iске асыру процесiнде қатысушылар арасында мiндеттер мен жауапкершiлiктердi бөлу;
      3) ұйымдастыру құрылымы және тауарлардың/қызметтердің менеджментi мен сапасын бақылау жүйелері.
      8. Әлеуметтiк бөлiм мыналарды өзіне енгізеді:
      1) жобаның еңбек ресурстарындағы қажеттiлiгi (қажеттi саны мен бiлiктiлiгi):
      қажеттi бiлiктiлiгi бар кадрлардың болуы;
      білікті көмекті тартуға, оның ішінде импортқа қажеттілік;
      2) жобаның халықты жұмыспен қамтамасыз етуге және бiлiм деңгейiн көтеруге әсерi.
      9. Қаржы бөлiмi мыналарды өзіне енгізеді:
      1) инвестицияларды бағалау:
      толық инвестициялық шығындар (негiзгi және айналым капиталға инвестициялар);
      жобаны қаржыландыру мен инвестициялардың құрылымы (инвестициялардың жалпы көлемiн бағалау жобаны iске асыру үшiн қаржының жеткiлiктiгi, инвестициялардың құрылымы, қаржыландырудың схемасы мен шарттары, түсiмнiң болжамды қолданылуы шағылыстыратын);
      2) тәуекелдердi бағалау:
      тәуекелдердiң түрлерi;
      тәуекелдiң деңгейi (дисконт мөлшерлемесі);
      3) қаржылық талдау:
      жобаның қаржылық үлгiсi инвестициялық преференцияларды есептемей және тиісті инвестициялық преференцияларды есепке ала отырып, үлгiлердi есептеу енгізіледі;
      жобаның өмiрлiк кезеңi iшiндегi таза дисконттық табысы (NPV);
      жобаның өмiрлiк кезеңi iшiндегi табыстылықтың iшкi нормасы (IRR);
      жобаның өтімділік мерзімі (қарапайым және дисконттық);
      жоба өмiрiнiң әр жылына табыстың қарапайым мөлшері (рентабельдiгi);
      түрлер бойынша бюджетке төленетiн салықтар, кеден баждары мен төлемдерi;
      төленетiн салықтардың барлық түрлерi бойынша бюджеттiк тиiмдiлiктiң жиынтық есебi анықталсын.
      10. Экологиялық бөлiмжоба технологиясының қоршаған ортаға әсерi бойынша стандарттар мен нормативтерге сәйкестiгiн өзіне енгізеді.
      11. Экономикалық бөлiм мыналарды өзіне енгізеді:
      Жобаның мемлекет экономикасының қажеттiлiктерiне:
      халық тұтынатын азық-түлiк тауарлары және азық-түлiктік емес тауарларын шығаруды ұлғайту;
      импорт алмастыру (импорт алмастырудың қабылданған бағдарламаларына сәйкестiгi);
      экспортты ұлғайту;
      жаңа жұмыс орындарын құру;
      халықтың бiлiмi мен бiлiктiлiк деңгейiн көтеру;
      озық технологияларды игеру, "ноу-хау";
      жобаны iске асырудан мультипликатор тиiмдiлiгi;
      сапаның халықаралық стандарттар жүйесіне сәйкес өндiрiстi ұйымдастыру.
      12. Қазақстан Республикасының экономикалық дамуына стратегиялық әсер етуді талдау өзіне енгізеді(инвестициялық стратегиялық жобалар үшін толтырылады):
      1) жоспарланған жоғары технологиялық өнім өндірісінің номенклатурасы, оның ішінде:
      қайта өңдеу саласының дамуы;
      инфрақұрылымның дамуы;
      бәсекеге қабілетті ортаның қалыптасуы;
      жоғары қосылған құны бар өндірісті құру;
      2) қолданыстағы қазіргі технологиялар, оның ішінде:
      озық инновацияларды қолдану;
      тәжірибе және білім алмасу;
      жаңа идеяларды, ғылыми білімдерді, технологияларды және ғылымды көп қажетсінетін және жоғары технологиялы экспортқа бағытталған өндірісті құру түрлерін енгізу;
      3) қазақстандық кадрлардың біліктілігін арттыру және жаңа жұмыс орындарын құру;
      4) қоршаған ортаны қорғау, оның ішінде:
      сапаның халықаралық стандарттарға сәйкестігі;
      елді мекенде және өңірде экологиялық жағдайды жақсарту;
      елді мекеннің әлеуметтік-экономикалық дамуы, оның ішінде:
      әлеуметтік тұрақтылықтың күшейтілуі;
      тұрғын үймен қамтамасыз ету;
      білім беру және медициналық қызметтерге қол жетімділік;
      Қазақстандағы өмір сүру деңгейін көтеру;
      әлеуметтік тәуекелдерді төмендету;
      жұмыссыздықты азайту;
      әлеуметтік қызмет көрсету саласын кеңейту.
      13. Бизнес-жоспар мәтіні Times new Roman қаріпінде 14 кегелде басылуды (бірақ сұлба, сызба, кесте, нобайларды жасауда кемінде 10 болуы), қағаз тасығышта тапсырылуы тиіс, бизнес-жоспардың әрбір басылып шыққан парағының шетінде мынадай өлшемдер болады:
      сол жағы – 2,5 сантиметр;
      оң жағы – 1,5 сантиметр;
      жоғарғы жағы – 2,5 сантиметр;
      төменгі жағы – 2,5 сантиметр.
      Бизнес-жоспарды рәсімдеуде екінші және келесі беттері нөмірленуі тиіс (беттің реттік нөмірлері бизнес-жоспардың жоғарғы шетінің ортасында араб цифрымен тыныс белгісінсіз қойылады).

Инвестициялық жобаның немесе
инвестициялық стратегиялық  
жобаның бизнес-жоспарын жасау
бойынша Талаптарға 1-қосымша

Нысан

Техникалық және құндық сипаттамасы бойынша балама шешiмдердi (ұқсастармен салыстыруда тауарлар мен қызмет көрсетулердi өндiрiс үшiн ұсынылатын техникалық деңгейi мен құны, ақпарат көзiне сiлтемелер) салыстырмалы талдау

Жобаны iске асыру кестесi
 

Инвестициялық жобаның немесе
инвестициялық стратегиялық  
жобаның бизнес-жоспарын жасау
бойынша Талаптарға 2-қосымша

Нысан

Шығарылатын тауарлар немесе көрсетілетін қызмет түрлерi мен көлемiнiң тiзбесi

Қазақстан Республикасы 
Индустрия және жаңа  
технологиялар министрінің
2012 жылғы 1 маусымдағы
№ 184 бұйрығымен   
бекітілген 3-қосымша 

Қазақстан Республикасы Индустрия және жаңа технологиялар министрлігі нормативтік құқықтық актілердің күшi жойылды деп мойындалатын Тізімі

      1) «Инвестицияларды мемлекеттiк қолдаудың кейбiр мәселелерi туралы» Қазақстан Республикасы Индустрия және сауда министрлігі Инвестиция комитеті төрағасының 2003 жылғы 18 наурыздағы № 18-б бұйрығы (№ 2222 болып Нормативтік құқықтық актілерді мемлекеттік тіркеу тізілімінде тіркелген, Қазақстан Республикасының орталық атқарушы және басқа да мемлекеттік органдарының нормативтік құқықтық актілерінің бюллетенінде жарияланған, 2003 ж., № 23-24, 850-құжат);
      2) «Қазақстан Республикасы Индустрия және сауда министрлігінің Инвестиция комитеті төрағасының 2003 жылғы 18 наурыздағы № 18-б бұйрығына өзгеріс енгізу туралы» Қазақстан Республикасы Индустрия және сауда министрлігі Инвестиция комитеті төрағасының 2006 жылғы 20 шілдедегі № 54-б бұйрығы (№ 4330 болып Нормативтік құқықтық актілерді мемлекеттік тіркеу тізілімде тіркелген, 2006 жылғы 18 тамыздағы
№ 151 (1131) «Юридическая газета» газетінде жарияланған);
      3) «Инвестицияларды мемлекеттiк қолдаудың кейбiр мәселелерi туралы» Қазақстан Республикасы Индустрия және сауда министрлігі Инвестиция комитеті төрағасының 2003 жылғы 18 наурыздағы № 18-п бұйрығына өзгеріс енгізу туралы» Қазақстан Республикасы Индустрия және сауда министрлігі Инвестиция комитеті төрағасының 2006 жылғы 3 қарашадағы № 83-п бұйрығы (№ 4451 болып Нормативтік құқықтық актілерді мемлекеттік тіркеу тізілімде тіркелген).