Мемлекеттік органның бюджет қаражатын басқарудың тиімділігін бағалау әдістемесін және Қазақстан Республикасы Ұлттық Банкі ақша қаражатын басқарудың тиімділігін бағалау әдістемесін бекіту туралы

      «Орталық мемлекеттік органдар мен облыстардың, республикалық маңызы бар қаланың, астананың жергілікті атқарушы органдары қызметінің тиімділігін жыл сайынғы бағалау жүйесі туралы» Қазақстан Республикасы Президентінің 2010 жылғы 19 наурыздағы № 954 Жарлығына сәйкес БҰЙЫРАМЫН:
      1. Қоса беріліп отырған:
      1) осы бұйрықтың 1-қосымшасына сәйкес Мемлекеттік органның бюджет қаражатын басқарудың тиімділігін бағалау әдістемесі;
      2) осы бұйрықтың 2-қосымшасына сәйкес Қазақстан Республикасы Ұлттық Банкінің ақша қаражатын басқарудың тиімділігін бағалау әдістемесі бекітілсін (қызмет бабында пайдалану үшін).
      2. Мыналардың:
      1) «Мемлекеттік органның бюджет қаражатын тиімділігін бағалау әдістемесін бекіту туралы» Қазақстан Республикасы Қаржы министрінің 2010 жылғы 30 желтоқсандағы № 673 бұйрығының;
      2) «Қазақстан Республикасы Ұлттық Банкінің және Қазақстан Республикасы Қаржы нарығын және қаржы ұйымдарын реттеу мен қадағалау агенттігінің бюджеттік қаражатты басқару жөніндегі қызметінің тиімділігін бағалау әдістемесін бекіту туралы» Қазақстан Республикасы Қаржы министрінің 2011 жылғы 31 қаңтардағы № 50 бұйрығының;
      3) «Мемлекеттік органның бюджет қаражатын басқару жөніндегі қызметінің тиімділігін бағалау және Қазақстан Республикасы Ұлттық Банкінің ақша қаражатын басқару жөніндегі қызметінің тиімділігін бағалау әдістемелерін бекіту туралы» Қазақстан Республикасы Қаржы министрінің міндетін атқарушының 2011 жылғы 20 желтоқсандағы № 645 бұйрығының күші жойылсын.
      3. Бюджеттік рәсімдер әдіснамасы департаменті (А.Н. Қалиева) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін.
      4. Осы бұйрық оның Қазақстан Республикасы Әділет министрлігінде мемлекеттік тіркелген күнінен бастап қолданысқа енгізіледі және ресми жариялануға жатады.

      Министр                                    Б. Жәмішев

Қазақстан Республикасы
Қаржы министрінің  
2012 жылғы 10 қаңтардағы
№ 9 бұйрығына   
1-қосымшасы    

Мемлекеттік органның бюджет қаражатын
басқарудың тиімділігін бағалау
әдістемесі

1. Жалпы ережелер

      1. Мемлекеттік органның бюджет қаражатын басқарудың тиімділігін бағалау әдістемесі (бұдан әрі - Әдістеме) «Орталық мемлекеттiк органдар мен облыстардың, республикалық маңызы бар қаланың, астананың жергiлiктi атқарушы органдары қызметiнiң тиiмдiлiгiн жыл сайынғы бағалау жүйесi туралы» Қазақстан Республикасы Президентінің 2010 жылғы 19 наурыздағы № 954 Жарлығын іске асыру мақсатында әзірленді.
      2. Әдістеме бюджет қаражатының бекітілген немесе аз көлемін пайдалана отырып, ең жақсы тікелей нәтижеге қол жеткізу мақсатында бюджеттік бағдарламалар әкімшілерінің бюджет қаражатын пайдаланудың нәтижелігі мен тиімділігін қамтамасыз ету жөніндегі шаралардың тиімділігін анықтауға арналған.
      3. Орталық мемлекеттік органның бюджет қаражатын басқарудың тиімділігін бағалауды бюджетті атқару жөніндегі орталық уәкілетті орган жүзеге асырады (бұдан әрі – Тиімділікті бағалау).
      Облыстардың, республикалық маңызы бар қаланың, астананың жергілікті атқарушы органдарының облыстық бюджеттен, республикалық маңызы бар қала және астана бюджетінен қаржыландырылатын бюджеттік даму бағдарламаларын, сондай-ақ ауданның (облыстық маңызы бар қаланың) жергілікті бюджеттік даму бағдарламаларын іске асыру жөніндегі қызметінің тиімділігін бағалауды бюджетті атқару жөніндегі орталық уәкілетті орган жүзеге асырады.
      4. Бюджетті атқару жөніндегі орталық уәкілетті орган қызметінің тиімділігін бағалауды Қазақстан Республикасы Премьер-Министрінің Кеңсесі жүзеге асырады.
      5. «Тиiмдiлiктi бағалау жүргiзу үшiн мемлекеттiк қаржылық бақылау органдары бағаланатын кезеңге ұсынымдар мен қаулылар негізінде бақылау нәтижелерi туралы ақпаратты бюджеттi атқару жөнiндегi орталық уәкiлеттi органға және облыстардың, республикалық маңызы бар қаланың, астананың әкімдіктеріне бередi.
      Ескерту. 5-тармақ жаңа редакцияда - ҚР Қаржы министрінің м.а. 2012.12.29 № 581 Бұйрығымен.
      6. Тиімділікті бағалау:
      1) орталық мемлекеттік органдардың төмен тұрған бюджеттеріне бөлінген бөлінетін және нысаналы трансферттерден басқа, барлық бюджеттік бағдарламалары;
      2) облыстардың, республикалық маңызы бар қаланың, астананың жергілікті атқарушы органдардың бюджеттік даму бағдарламалары бойынша жүзеге асырылады.
      7. Орталық мемлекеттік органдар және облыстардың, республикалық маңызы бар қаланың, астананың әкімдіктері тиімділікті бағалауды жүргізу үшін ұсынылатын ақпараттың дұрыстығын және толықтығын қамтамасыз етеді.
      8. Бюджетті атқару жөніндегі орталық уәкілетті орган барлық мемлекеттік органдар бойынша орталық мемлекеттік органдар және облыстардың, республикалық маңызы бар қаланың, астананың әкімдіктері ұсынған деректерді іріктеп қайта тексереді.

2. Бюджет қаражатын басқаруды бағалау жүргізу

      9. Орталық мемлекеттік органдар және облыстардың, республикалық маңызы бар қаланың, астананың әкімдіктері бюджетті атқару жөніндегі орталық уәкілетті органға мынадай ақпаратты береді:
      1) Әдістемеге 1-қосымшаға сәйкес нысан бойынша мемлекеттік органның бюджет қаражатын басқарудың тиімділігін бағалау жөніндегі есептілікті;
      2) Әдістемеге 2-қосымшаға сәйкес бюджет қаражатының игерілмеу себептері;
      3) Әдістемеге 3-қосымшаға сәйкес «Бюджеттік бағдарламаның тікелей нәтижелеріне қол жеткізу» критерийі бойынша талдау нәтижелері туралы ақпаратты;
      4) Әдістемеге 4-қосымшаға сәйкес құрылыс және реконструкциялау объектілерінің құнының қымбаттауы туралы ақпаратты;
      5) Әдістемеге 5-қосымшаға сәйкес уақтылы пайдалануға берілмеген объектілері туралы ақпаратты;
      6) түсіндірме жазбаны.
      10. Түсіндірме жазба орталық мемлекеттік/жергілікті атқарушы орган қызметінің тиімділігін жүргізілген талдау нәтижелерін мына критерийлер бөлінісінде қамтуы тиіс:
      1) «Тиісті қаржы жылына бөлінген қаражатты игеру» критерийі бойынша тиісті қаржы жылына республикалық бюджеттік бағдарламалар әкімшісінің бюджеттік бағдарламалары бойынша бюджет қаражатының атқарылу пайызы/облыстың, республикалық маңызы бар қаланың, астананың жергілікті атқарушы органының бюджеттік даму бағдарламаларының атқарылу пайызы келтіріледі;
      2) «Мемлекеттiк қаржылық бақылау органдарының тексеру қорытындылары бойынша бюджеттiк және өзге заңнаманы бұзушылықтардың болмауы» критерийi бойынша:
      тексеру жүргiзiлген (мемлекеттiк органдардың iшкi бақылау қызметтерiнен басқа) мемлекеттiк қаржылық бақылау органы;
      есептi кезеңдегi тексерулер саны;
      бақылаумен қамтылған бюджет қаражатының жалпы көлемі;
      есептi кезеңдегi анықталған бюджеттiк және өзге заңнаманы бұзушылықтар, оның iшiнде:
      бюджетке қаражаттың түсуi кезiнде (кiрiс бөлiгi);
      мемлекеттiң бюджет қаражаты мен активтерiн пайдалану кезiнде;
      бухгалтерлiк есеп пен қаржылық есептiлiктi жүргізу кезiнде;
      бюджеттiк рәсiмдер мен мемлекеттік сатып алу туралы рәсімдердің белгiленген мерзімдерінің, орындалу тәртібінің сақталмауы.
      Одан әрi есептi кезеңдегi бақылаумен қамтылған бюджет қаражатының жалпы көлемiнен бұзушылықтардың үлесi келтiрiледi.
      Мемлекеттiк органда анықталған бюджеттiк және өзге заңнаманы бұзушылықтардың жалпы сомасы қаржылық бақылау органдары анықтаған бұзушылықтарды қосу жолымен айқындалады.
      Бақылаумен қамтылған бюджет қаражатының көлемi қаржылық бақылау органдары бақылаумен қамтыған қаражат көлемдерiн қосу жолымен айқындалады;
      3) «Мемлекеттiк қаржылық бақылау органдары енгiзген ұсынымдар мен қаулыларды орындау бойынша қабылданған (iске асырылған) шаралар» китерийi бойынша мыналар көрсетiледi:
      мемлекеттiк қаржылық бақылау органдарының ұсынымдары мен қаулыларына сәйкес бюджетке қайтарылуға жататын бұзушылықтар сомасының көлемi;
      мемлекеттiк қаржылық бақылау органдарының енгізген ұсынымдары мен қаулыларына сәйкес бюджетке қайтарылуға жататын бұзушылықтар сомасының жалпы көлеміне белгiленген мерзiмде бюджетке қайтарылған бұзушылықтар сомасының көлемi;
      мемлекеттiк қаржылық бақылау органдары бақылау нәтижелерi бойынша енгізген ұсынымдары мен қаулыларына сәйкес жұмыстарды орындау, қызметтер көрсету, тауарлар жеткiзу және/немесе есепке алуда көрсету жолымен қалпына келтiруге жататын бұзушылықтар сомасы;
      мемлекеттiк қаржылық бақылау органдары бақылау нәтижелерi бойынша енгiзген ұсынымдары мен қаулыларына сәйкес жұмыстарды орындау, қызметтер көрсету, тауарлар жеткiзу және/немесе есепке алуда көрсету жолымен бюджетке қалпына келтiруге жататын бұзушылықтар сомасына қарағандағы белгiленген мерзiмде қалпына келтiрiлген бұзушылықтар сомасының көлемi;
      қайтарылған және қалпына келтiрiлген сомалардың көлемiн қоспағанда, есептi кезеңдегi мемлекеттiк қаржылық бақылау органдары енгiзген ұсынымдары мен қаулыларының жалпы санына қарағанда толық және белгiленген мерзiмде орындалған мемлекеттiк қаржылық бақылау органдарының ұсынымдары мен қаулыларының саны көрсетiледi;
      4) «Мемлекеттiк органның iшкi бақылау қызметiнiң жұмысы» критерийi бойынша:
      iшкi бақылау қызметiнің функцияларын бақылау іс-шаралар жоспарымен қамту;
      iшкi бақылау қызметтерiнің жұмысында басқару тәуекелдері жүйесін қолдану;
      iшкi бақылау қызметін тексеру нәтижелері бойынша ұсынымдарды орындау;
      мемлекеттiк органның бюджет қаражатының жалпы көлемiнен ІБҚ бақылауымен қамтылған бюджет қаражатының үлесі;
      iшкi бақылау қызметінің мемлекеттiк қаржылық бақылау стандарттарына сәйкес келмейтін қорытындылары көрсетіледі.
      5) «Шығыстардың бекітілген көлеміне бюджеттік бағдарламалар әкімшісінің қайта бөлінген қаражатының көлемі» критерийі бойынша республикалық бюджеттік бағдарламалар әкімшісінің, облыстың, республикалық маңызы бар қаланың, астананың жергілікті атқарушы органы бюджетінің жалпы көлемінде бюджеттік бағдарламалар арасында бюджетті нақтылау кезінде қайта бөлінген қаражаттың ара қатынасының үлесі көрсетіледі.
      Осы критерий бойынша бағалау жүргізу кезінде мемлекеттік органдарды қайта ұйымдастыру (біріктіру, қосу, айыру, бөлу, қайта құру) кезінде бюджеттік бағдарламалардың ақшасын қайта бөлу, бюджетті нақтылау және түзету кезінде бюджеттік бағдарламалар әкімшісіне қосымша ақша қаражатын бөлу жағдайлары ескерілмейді;
      6) «Бюджеттi атқару жөнiндегi ұйымдастыру шаралары» критерийi бойынша:
      мемлекеттiк сатып алу жылдық жоспары тармақтарының жалпы санына қарағанда мемлекеттiк сатып алу жоспарының орындалған тармақтары санының үлесi;
      мемлекеттiк сатып алудың жылдық жоспарының жалпы көлемiне қарағанда мемлекеттiк сатып алудың жылдық жоспарының орындалған тармақтарының бюджеттiк қаражаты көлемiнiң үлесi;
      бюджеттiк инвестициялық жобаның сметалық құнын ұлғайту фактiлерiнiң болмауы немесе болуы және бюджеттiк инвестициялық жобаның сметалық құнын ұлғайту себептерi;
      объектiлердi белгiленген мерзiмде беру (iске қосу) есептi кезеңде пайдалануға беру жоспарланған объектiлердiң саны және беру (iске қосу) көзделген бюджеттiк бағдарламалардың саны көрсетiледi. Уақтылы пайдалануға берiлмеген объектiлер бойынша объектiлердiң жалпы санына қарағанда уақтылы пайдалануға берiлмеген объектiлердiң үлесi келтiрiледi, сондай-ақ пайдалануға берудiң кешiгу себептерi көрсетiледi;
      7) «Бюджеттік бағдарламаның тікелей нәтижелеріне қол жеткізу» критерийі бойынша республикалық бюджеттік бағдарламалар әкімшісінің бюджеттік бағдарламалары бөлінісінде тікелей нәтижелерге қол жеткізу көрсеткіштері келтіріледі, ал облыстардың, республикалық маңызы бар қаланың, астананың жергілікті атқарушы органдарының бюджеттік даму бағдарламалары бойынша тікелей нәтижелердің көрсеткіштері бюджеттік инвестициялық жобалар бөлінісінде көрсетіледі. Сондай-ақ, Әдістемеге 3-қосымшаға сәйкес себептерін көрсете отырып, тікелей нәтижелер көрсеткіштеріне қол жеткізілмеген бюджеттік бағдарламалар санамаланады;
      8) «Бюджеттік бағдарламалардың тікелей нәтижесінің серпіні» критерийі бағаланып отырған кезеңдегі мемлекеттік органның барлық бюджеттік бағдарламаларының тікелей нәтижесінің нақты қалыптасқан орташа балын өткен жылдың ұқсас көрсеткіштерімен салыстыру жолымен жүзеге асырылады;
      9) «Бюджеттік бағдарламалардың нәтижелігінің көрсеткіштерін жоспарлау сапасы» критерийі мемлекеттік органның стратегиялық жоспарының құрамында бекітілген бюджеттік бағдарламалардың көрсеткіштерін талдау жолымен жүзеге асырылады;
      10) «Бюджеттік бағдарламаны орындаудың тиімділігі» критерийі бойынша іс жүзінде қол жеткізілген бюджеттік бағдарламаның тікелей нәтижесінің бюджеттік бағдарлама бойынша игеру пайызымен қатынасы айқындалады;
      11) «Дебиторлық берешектің болмауы» критерийі бойынша дебиторлық берешектің пайда болу себептерін және оны қысқарту жөнінде қабылданған шараларды көрсете отырып, республикалық бюджеттік бағдарламалар/облыстың, республикалық маңызы бар қаланың, астананың жергілікті атқарушы органының бюджеттік даму бағдарламалары әкімшісінің ағымдағы және өткен жылдарын бөле отырып, дебиторлық берешегінің болмауы/болуы немесе өзгеруі көрсетіледі;
      12) «Кредиторлық берешектің болмауы» критерийі бойынша кредиторлық берешектің пайда болу себептерін және оны қысқарту жөнінде қабылданған шараларды көрсете отырып, республикалық бюджеттік бағдарламалар/облыстың, республикалық маңызы бар қаланың, астананың жергілікті атқарушы органының бюджеттік даму бағдарламалары әкімшісінің ағымдағы және өткен жылдарын бөле отырып, кредиторлық берешегінің болмауы/болуы немесе өзгеруі көрсетіледі.
      Ескерту. 10-тармаққа өзгеріс енгізілді - ҚР Қаржы министрінің 2012.04.25 № 219 (мемлекеттiк тiркелген күнiнен бастап қолданысқа енгiзiледi); 2012.12.29 № 581 Бұйрықтарымен.
      11. Бюджетті атқару жөніндегі орталық уәкілетті орган дайындаған мемлекеттік органның бюджет қаражатын басқару тиімділігін бағалау нәтижелері туралы қорытындылар Әдістемеге 6-қосымшаға сәйкес нысан бойынша мемлекеттік жоспарлау жөніндегі орталық уәкілетті органға беріледі.
      Мемлекеттік жоспарлау жөніндегі уәкілетті органға берілетін орталық мемлекеттік және жергілікті атқарушы органдардың қызметінің тиімділігін бағалау нәтижелері туралы жалпы қорытындыда:
      жүргізілген бағалау туралы есеп;
      оң жақтары мен кемшіліктері көрсетіле отырып, бағалау критерийлері бойынша нәтижелерді талдау;
      тұрақты сипаттағы бюджетті орындау кезінде анықталған жүйелі кемшіліктер мен түйткілді мәселелер;
      мемлекеттік органдардың қызметін жақсарту бойынша қорытындылар мен ұсынымдар;
      республикалық бюджет бойынша бюджет қаражатын игеру жөніндегі және облыстардың, республикалық маңызы бар қалалардың, астананың жергілікті атқарушы органдарының бастапқы бекітілген, нақтыланған және түзетілген бюджеттерін республикалық бюджеттік бағдарламалар әкімшілері мен жергілікті атқарушы органдар бойынша бөле отырып, бюджеттік бағдарламаларын игеру жөніндегі ақпарат;
      бюджеттік бағдарламалар әкімшілері бойынша жүргізілген мемлекеттік бағдарламалардың тәсілдері мен сомалары бөлінісіндегі мәліметтер қамтылуы тиіс.
      12. Қызмет тиімділігі Әдістемеге 7-қосымшаға сәйкес 100 баллдық шәкіл бойынша баллдар критерийлері және көрсеткіштер бойынша бағаланады.

3. «Тиісті қаржы жылына бөлінген қаражатты игеру»
критерийі бойынша бағалау

      13. Республикалық бюджеттiк бағдарламалар әкiмшiсiнiң бюджеттiк бағдарламалары/облыстың, республикалық маңызы бар қаланың, астананың жергiлiктi атқарушы органының тиiстi қаржы жылына арналған бюджеттiк даму бағдарламалары бойынша бюджет қаражатының атқарылу пайызы тиiстi қаржы жылына арналып бөлiнген бюджет қаражатының игерiлуi деп түсiндiрiледi.
      Осы критерий бойынша бағалау жүргізу кезінде бюджеттік бағдарламаны бөлуге әкімшілік ететін мемлекеттік органының қаржыландырудың жиынтық жоспарынан бөлінетін бюджеттік бағдарламаның бөлінбеген сомасы бір жылға алынып тастайды.
      Ескерту. 13-тармақ жаңа редакцияда - ҚР Қаржы министрінің м.а.  2012.12.29 № 581 Бұйрығымен.
      14. Есепті кезеңге арналған республикалық/жергілікті бюджеттің атқарылуы туралы талдамалы есеп осы критерий бойынша бағалау үшін ақпарат көзі болып табылады.
      15. Республикалық бюджеттік бағдарламалар әкімшісінің бюджет қаражатын талдау нәтижелері/облыстың, республикалық маңызы бар қаланың, астананың жергілікті атқарушы органының бюджеттік даму бағдарламалары бойынша Әдістемеге 7-қосымшаға сәйкес тиісті балл беріледі.
      Бұл ретте, республикалық бюджеттік бағдарламалар әкімшісі мен облыстың, республикалық маңызы бар қаланың, астананың жергілікті атқарушы органдары Әдістемеге 2-қосымшаға сәйкес бюджет қаражатының игерілмеу себептерін ұсынады. 

4. «Мемлекеттік қаржылық бақылау органдарының тексеріс
қорытындылары жөніндегі бюджеттік және өзге де заңнаманы
бұзушылықтардың болмауы» критерийі бойынша бағалау

      16. «Мемлекеттік қаржылық бақылау органдарының тексеріс қорытындылары жөніндегі бюджеттік және өзге де заңнаманы бұзушылықтардың болмауы» критерийі бойынша бағалау жүргізу кезінде тексеріс жүргізген мемлекеттік қаржылық бақылау органы (ішкі бақылау органынан басқа); есептілік кезеңдегі тексерулер саны; есептілік кезеңдегі анықталған бюджеттік заңнаманы және өзге заңнаманы бұзушылық (бюджетке қаражаттың түсуі кезінде (кіріс бөлігі), мемлекеттің бюджет қаражаты мен активтерін пайдалану кезінде, оның ішінде мемлекеттік сатып алулар бойынша және бухгалтерлік есепке алуды жүргізу және қаржылық есептілікті жасау кезінде бюджеттік рәсімдерді орындау тәртібінің белгіленген мерзімдерінің сақталмауы); бақылаумен қамтылған кезең, сондай-ақ бақылаумен қамтылған бюджет қаражатының жалпы көлемі.
      17. Бақылау объектісінің Қазақстан Республикасының бюджеттік және өзге заңнамасының талаптарына, шынайылығына, негізділігіне және қаржылық есептілікті уақтылы жасау және ұсынуға және бюджеттік бағдарламаларды іске асыру барысында мемлекеттік органдардың (ішкі бақылау органдарынан басқа) тікелей және түпкі нәтижеге қол жеткізу тиімділігіне сәйкестік мәніне өткізілген тиісті мемлекеттік органдардың бақылау материалдары ақпарат көзі болып табылады.
      18. Баға Әдістемеге 7-қосымшада көрсетілген мәндерге сәйкес қойылады.

5. «Iшкi бақылау қызметтерi енгiзген ұсынымдары мен
қаулыларды орындау бойынша қабылданған (iске асырылған)
шаралар» критерийi бойынша бағалау

      Ескерту. 5-тарау жаңа редакцияда - ҚР Қаржы министрінің м.а. 2012.12.29 № 581 Бұйрығымен.

      19. «Бюджет қаражатының жалпы көлемiне iшкi бақылау қызметтерiмен тексерiлген бюджет қаражатының көлемi» критерийi бойынша бағалау:
      мемлекеттiк қаржылық бақылау органдарының бақылау нәтижелерi бойынша енгiзген ұсынымдары мен қаулыларына сәйкес бюджетке қайтарылуға жататын бұзушылықтар сомасының көлемiн;
      мемлекеттiк қаржылық бақылау органдарының бақылау нәтижелерi бойынша енгiзген ұсынымдары мен қаулыларына сәйкес бюджетке қайтарылуға жататын бұзушылықтар сомасына қарағандағы белгiленген мерзiмде бюджетке қайтарылған бұзушылықтар сомасының көлемiн;
      мемлекеттiк қаржылық бақылау органдарының бақылау нәтижелерi бойынша енгiзген ұсынымдары мен қаулыларына сәйкес жұмыстарды орындау, қызметтер көрсету, тауарлар жеткiзу және/немесе есепке алу бойынша көрсету жолымен қалпына келтiруге жататын бұзушылықтар сомасының көлемiн;
      мемлекеттiк қаржылық бақылау органдарының бақылау нәтижелерi бойынша ұсынымдары мен қаулыларына сәйкес жұмыстарды орындау, қызметтер көрсету, тауарлар жеткiзу және/немесе есепке алу бойынша көрсету жолымен бюджетке қалпына келтiруге жататын бұзушылықтар сомасына қарағанда белгiленген мерзiмде қалпына келтiрiлген бұзушылықтар сомасының көлемiн;
      қайтарылған және қалпына келтiрiлген сомалардың көлемiн қоспағанда, есептi кезеңдегi мемлекеттiк қаржылық бақылау органдары енгiзген ұсынымдары мен қаулыларының жалпы санына қарағанда толық және белгiленген мерзiмде орындалған мемлекеттiк қаржылық бақылау органдарының ұсынымдары мен қаулыларының саны көрсетiледi.
      20. Мемлекеттiк қаржылық бақылау органдарының бақылау нәтижелерi бойынша енгiзген ұсынымдары мен қаулылары ақпарат көзi болып табылады.
      21. Баға Әдiстемеге 7-қосымшада көрсетілген мәндерге сәйкес қойылады.

6. «Мемлекеттiк органның iшкi бақылау қызметiнiң жұмысы» критерийi бойынша бағалау

      Ескерту. 6-тарау жаңа редакцияда - ҚР Қаржы министрінің м.а. 2012.12.29 № 581 Бұйрығымен.

       22. «Мемлекеттiк органның iшкi бақылау қызметiнiң жұмысы» критерийi бойынша бағалау Әдiстемеге 7-қосымшада көрсетiлген мәндерге сәйкес көрсеткіштерді анықтау жолымен қойылады.
       23. «Ішкi бақылау қызметінің функцияларын бақылау іс-шаралар жоспарымен қамту» көрсеткіші есепті кезеңде бағалау жүргізіліп отырған мемлекеттік органның iшкi бақылау қызметінің бақылау іс-шаралар жоспарымен көзделген тиісті іс-шаралармен iшкi бақылау қызметінің негізгі функцияларын қамту дәрежесін сипаттайды.
      23-1. Осы критерий шеңберінде:
      мемлекеттік органда, оның аумақтық бөлімшелерінде және ведомстволық бағынысты ұйымдарында басқару жүйесінің жұмыс істеуіне бағалау;
      Қазақстан Республикасының бюджет және өзге де заңнамасын мемлекеттік органның сақтауына тексеру;
      мемлекеттік органның стратегиялық және операциялық жоспарларының іске асырылуына бақылау, нәтижелерін бағалау;
      мемлекеттік органның есепке алуды және есептілікті дәйекті және дұрыс жүргізуіне бақылау;
      бақылау объектілеріне жіберілетін ұсыныстар мен бақылау нәтижелерінің қорытындылары бойынша қабылданған шешімдердің орындалуына бақылау бағалауға жататын ішкi бақылау қызметінің негізгі функциялары болып табылады.
      23-2. Көрсеткішті есептеу мынадай формула бойынша жүзеге асырылады:

      мұнда:
      A – iшкi бақылау қызметiнің функцияларын бақылау іс-шаралар жоспарымен қамту;
      Zb – әрбір бағаланатын функцияның іс-шаралармен қамтылу коэффициенті (b);
      E – iшкi бақылау қызметiнің бағаланатын функцияларының жалпы саны.
      Бұл ретте Zb = 1, егер жоспармен көзделген іс-шаралар бағаланатын функцияға толығымен сәйкес келсе (b); Zb = 0,5, егер жоспармен көзделген іс-шаралар бағаланатын функцияға ішінара сәйкес келсе және Zb = 0, егер есепті кезеңде iшкi бақылау қызметі бағаланатын функцияға сәйкес бір де бір іс-шара жоспарламаса.
      24. «Ішкi бақылау қызметінде тәуекелдерді басқару жүйесін қолдану» көрсеткіші тәуекелдер негізінде әзірленген ішкі бақылау қызметінің іс-шараларының болуын анықтайды.
      Көрсеткіш есебі бағаланатын мемлекеттік органның тәуекелдерді ескере отырып әзірленген іс-шараларының болуы/болмауы мәніне есепті кезеңде бақылау іс-шараларының жоспарын талдау жолымен жүзеге асырылады.
      24-1. «Ішкi бақылау қызметіне тексеру жүргізу нәтижелері бойынша ұсынымдарды орындау» көрсеткіші орындалуы есепті кезеңде көзделген ұсынымдардың жалпы санына ішкi бақылау қызметтерінің тексерулерінің нәтижелері бойынша мемлекеттік органның басшысы қабылдаған мемлекеттік органның бөлімшелері мен ведомстволық бағынысты ұйымдарының белгіленген мерзімде және толығымен орындаған ұсынымдары санының ара қатынасы ретінде есептеледі.
      24-2. «Мемлекеттік органның бюджет қаражатының жалпы көлемінен ішкі бақылау қызметінің бақылауымен қамтылған бюджет қаражатының үлесі» көрсеткіші есепті кезеңде ішкi бақылау қызметтерінің тексерулерімен қамтылған бюджет қаражаты көлемінің республикалық бюджеттік бағдарламалар/облыстың, республикалық маңызы бар қаланың, астананың жергілікті атқарушы органының даму бюджеттік бағдарламасы әкімшісінің тиісті қаржы жылына бөлінген бюджет қаражатының жалпы сомасына қатынасы ретінде есептеледі.
      24-3. «Ішкі бақылау қызметі қорытындыларының мемлекеттік қаржылық бақылау қызметінің стандарттарына сәйкес келмейтін үлес» көрсеткіші есепті кезеңде жүргізілген бақылау нәтижелері бойынша ішкі қызметпен жасалған қорытындылардың жалпы санына мемлекеттік қаржылық бақылаудың стандарттарына сәйкес келмейтін ішкі бақылау қызметі қорытындыларының саны ретінде есептеледі.
      24-4. Есепті кезеңде бағаланатын мемлекеттік органның ішкі бақылау қызметінің бақылау іс-шараларының жоспары, ішкі бақылау қорытындылары бойынша қорытындылар, ішкі бақылау нәтижелері туралы есептер ақпарат көздері болып табылады.

7. «Шығыстардың бекітілген көлеміне бюджеттік бағдарламалар
әкімшісінің қаражатының қайта бөлінген көлемі» критерийі бойынша бағалау

      25. «Шығыстардың бекітілген көлеміне бюджеттік бағдарламалар әкімшісінің қаражатының қайта бөлінген көлемі» критерийі бойынша бағалау республикалық бюджеттік бағдарламалардың, облыстың, республикалық маңызы бар қаланың, астананың жергілікті атқарушы органының бекітілген бюджетінің жалпы көлеміндегі бюджеттік бағдарламалар арасындағы бюджетті нақтылау кезінде қайта бөлінген қаражаттың сәйкестік үлесін анықтауға негізделеді.
      26. Баға Әдістемеге 7-қосымшада көрсетілген мәндерге сәйкес қойылады.
      27. Есептi қаржы жылына арналған республикалық бюджет туралы Қазақстан Республикасының Заңы, облыстың, республикалық маңызы бар қаланың, астананың бюджетi туралы мәслихаттың шешiмi, республикалық бюджет туралы Қазақстан Республикасының Заңын және жергiлiктi бюджеттер туралы мәслихаттардың шешiмдерiн iске асыру туралы Қазақстан Республикасы Үкiметiнiң және жергiлiктi атқарушы органдардың қаулылары және мемлекеттiк мекемелердiң бюджеттiк бағдарламалар әкiмшiлерiнiң мiндеттемелерi мен төлемдерi бойынша қаржыландыру жоспарлары, республикалық және жергiлiктi бюджеттердi орындау туралы талдамалы есеп, жылдың қорытындылары бойынша облыс, республикалық маңызы бар қала, астана бюджетiнің атқарылуы туралы есеп ақпарат көзi болып табылады.
      Ескерту. 27-тармақ жаңа редакцияда - ҚР Қаржы министрінің м.а. 2012.12.29 № 581 Бұйрығымен.

8. «Бюджетті атқару жөніндегі ұйымдастыру шаралары»
критерийі бойынша бағалау

      28. «Бюджетті атқару жөніндегі ұйымдастыру шаралары» критерийі бойынша бағалау Әдістемеге 7-қосымшада көрсетілген мәндерге сәйкес көрсеткіштерді анықтау жолымен жүргізіледі.
      29. «Мемлекеттік сатып алу жылдық жоспары тармақтарының жалпы санына қарағанда мемлекеттік сатып алу жоспарының орындалған тармақтары санының үлесі» көрсеткіші мемлекеттік сатып алу жылдық жоспары тармақтарының жалпы санына қарағанда мемлекеттік сатып алу жоспарының орындалған тармақтары санын салыстыру жолымен айқындалады. Мемлекеттік сатып алудың веб-порталы ақпарат көзі болып табылады.
      30. «Мемлекеттік сатып алудың жылдық жоспарының жалпы көлеміне қарағанда мемлекеттік сатып алудың жылдық жоспарының орындалған тармақтарының бюджеттік қаражаты көлемінің үлесі» көрсеткіші Мемлекеттік сатып алудың жылдық жоспарының жалпы көлеміне қарағанда мемлекеттік сатып алудың жылдық жоспарының орындалған тармақтарының санын салыстыру жолымен айқындалады. Мемлекеттік сатып алудың веб-порталы ақпарат көзі болып табылады.
      31. Алынып тасталды - ҚР Қаржы министрінің м.а. 2012.12.29  № 581 Бұйрығымен.
      32. «Бюджеттік инвестициялық жобаның сметалық құнын ұлғайту фактілерінің болмауы» көрсеткіші бюджеттік инвестициялық жобаның құнын ұлғайтуға ұшыратқан бюджеттік инвестициялық жобалардың жобалау-сметалық құжаттамасын түзету жағдайларының бар не жоқ екендігін көрсетеді.
      Бюджеттік инвестициялық жобаның сметалық құнын ұлғайту фактісі болған жағдайда республикалық бюджеттік бағдарламалар әкімшісінің/облыстың, республикалық маңызы бар қаланың, астананың жергілікті атқарушы органының бюджеттік инвестициялық жобасының қымбаттау пайызы есептеледі.
      Бұл ретте, бюджеттік инвестициялық жобаның сметалық құнының қымбаттау пайызы инвестициялық жобаның жобалау-сметалық құжаттамасында көзделген оның бастапқы құнына қатысты есептеледі.
      Егер бюджеттік бағдарламалар әкімшісі жобалау-сметалық құжаттама негізінде бюджеттік инвестициялық жобаларды іске асыруды көздемеген жағдайда, онда бұл жағдайда осы көрсеткіш бойынша орташа балл беріледі.
      Бұл ретте, орталық мемлекеттік органдар мен облыстың, республикалық маңызы бар қаланың, астананың жергілікті атқарушы органдары Әдістемеге 4-қосымшаға сәйкес ақпарат береді.
      33. «Объектіні белгіленген мерзімде тапсыру (енгізу)» көрсеткіші мерзімдерін бұзу жағдайлары бар не жоқ екендігін көрсетеді.
      Уақтылы пайдалануға енгізілмеген объектілер болған жағдайда республикалық бюджеттік бағдарламалар әкімшісінің/облыстың, республикалық маңызы бар қаланың, астананың жергілікті атқарушы органы объектілерінің жалпы санына қарағанда есепті кезеңде пайдалануға енгізілуі тиіс уақтылы енгізілмеген объектілердің үлесі есептеледі.
      Бюджеттік бағдарлама әкімшісі объектіні тапсыруды (енгізуді) көздемеген жағдайда, осы көрсеткіш бойынша орташа балл беріледі.
      Бұл ретте, орталық мемлекеттік және облыстың, республикалық маңызы бар қаланың, астананың жергілікті атқарушы органдары Әдістемеге 5-қосымшаға сәйкес ақпарат береді. 

9. «Бюджеттік бағдарламаның тікелей нәтижелеріне қол жеткізу»
критерийі бойынша бағалау

      34. Осы бюджеттік бағдарлама бойынша бюджеттік қаражат шегінде көзделген орындалатын мемлекеттік функциялардың, өкілдіктер мен көрсетілетін мемлекеттік қызметтер көлемінің сандық сипаттамасын көрсететін көрсеткіштер тікелей нәтиже көрсеткіштері болып табылады.
      35. Осы бюджеттік бағдарлама бойынша тікелей нәтижеге қол жеткізуді бағалау әрбір іс-шараның іс жүзінде қол жеткізілген сандық көрсеткіштерін жоспарланғанмен ара қатынасын салыстыру жолымен жүзеге асырылады.
      36. Бюджеттік бағдарламалар бойынша тікелей нәтижелердің көрсеткіштері тікелей нәтижеге қол жеткізуді бағалауға мүмкіндік бермейтін сандық сипаттамалардың орнына іс-шараларды көздеген жағдайда, онда осы бюджеттік бағдарлама тікелей нәтижеге қол жеткізілмеген және сапасыз жоспарлаудың нәтижесі ретінде бағаланады.
      37. Бір бюджеттік бағдарлама шеңберіндегі тікелей нәтижелердің барлық көрсеткіштерінің орташа мәні барлық көрсеткіштердің нәтижелерін, оның ішінде бюджеттік бағдарламалардың әкімшісі объективті, бюджеттік бағдарламалардың әкімшілеріне тәуелсіз себептерге (форс-мажорлық жағдайлар) байланысты қол жеткізбеген көрсеткіштерді ескере отырып шығарылады.
      38. Бір бюджеттік бағдарлама шеңберіндегі тікелей нәтиженің балы Әдістемеге 7-қосымшада көрсетілген мәндерге сәйкес айқындалады.
      39. Одан әрі барлық бюджеттік бағдарламалардың тікелей нәтижелері көрсеткіштерінің орташа балы айқындалады.
      40. Жергілікті атқарушы органдар бойынша критерий бойынша бағалау жергілікті бюджеттік бағдарламалардың барлық әкімшілері бойынша тікелей нәтижелер көрсеткіштерінің орташа балы ретінде айқындалады.
      41. Барынша жоғары балл Әдістемеге 1–кестеде көрсетілгеннен аса алмайды.
      42. Бір бюджеттік бағдарлама шеңберінде осы критерийдің көрсеткіштері артық орындалған жағдайда «100%» көрсеткіші бойынша балл беріледі.
      43. Мемлекеттік органдардың стратегиялық жоспарының 7 «Бюджеттік бағдарламалар» бөлімі және оны іске асыру жөніндегі есеп, ал стратегиялық жоспарларды әзірлемейтін бюджеттік бағдарламалардың әкімшілері бойынша бекітілген бюджеттік бағдарламалар мен оларды іске асыру жөніндегі есептер ақпарат көзі болып табылады. 

10. «Бюджеттік бағдарламалардың тікелей нәтижелерінің серпіні»
критерийі бойынша бағалау

      44. «Бюджеттік бағдарламалардың тікелей нәтижелерінің серпіні» критерийі бойынша бағалау мемлекеттік органдардың бағаланып отырған кезеңдегі барлық бюджеттік бағдарламаларының қалыптасқан тікелей көрсеткішінің орташа балын өткен жылғы ұқсас көрсеткіштермен салыстыру жолымен айқындалады.
      Бірдей ең жоғары баллдарға қол жеткізілген жағдайда (100%), ең жоғары балл беріледі.
      Баға Әдістемеге 7-қосымшада көрсетілген мәндерге сәйкес беріледі.
      45. Бюджет қаражатын басқару жөніндегі мемлекеттік органның қызметінің тиімділігін бағалау нәтижелері туралы қорытынды ақпарат көзі болып табылады. 

11. «Бюджеттік бағдарламалардың нәтижелігінің көрсеткіштерін
жоспарлау сапасы» критерийі бойынша бағалау

      46. «Бюджеттік бағдарламалардың нәтижелігінің көрсеткіштерін жоспарлау сапасы» критерийі бойынша бағалау мемлекеттік органның стратегиялық жоспарының құрамында бекітілген бюджеттік бағдарламалардың тиімділігінің көрсеткіштерін талдау жолымен жүзеге асырылады.
      Барлық бюджеттік бағдарламаларда саны жағынан өлшенетін және бағалауға жататын болып табылатын тиімділік көрсеткіштері болған жағдайда, онда ең жоғары балл беріледі.
      Тiкелей және/немесе түпкiлікті нәтиже болмаған не тiкелей нәтижеге қол жеткiзудi бағалауға мүмкiндiк бермейтiн немесе түпкiлікті нәтижелерi бар тiкелей нәтижелердi қайталайтын сандық сипатының орнына iс-шаралар болған жағдайда, сондай-ақ бюджеттік бағдарламалар әкімшісі бюджеттік бағдарлама көрсеткіштерін басқа бюджеттік бағдарламасының көрсеткіштерінде қайталаған жағдайда 0 балл берiледi.
      Бюджеттік бағдарламалар әкімшісі бойынша барлық бюджеттік бағдарламалар бойынша тиісті балл берілетін осы көрсеткіш бойынша тиімділіктің орташа балы анықталады.
      Баға Әдістемеге 7-қосымшада көрсетілген мәндерге сәйкес қойылады.
      Ескерту. 46-тармаққа өзгеріс енгізілді - ҚР Қаржы министрінің 2012.04.25 № 219 (мемлекеттiк тiркелген күнiнен бастап қолданысқа енгiзiледi) Бұйрығымен.
      47. Мемлекеттік органдардың стратегиялық жоспарының 7 «Бюджеттік бағдарламалар» бөлімі ақпарат көзі болып табылады. 

12. «Бюджеттік бағдарламаларды орындаудың тиімділігі»
критерийі бойынша бағалау

      48. «Бюджеттiк бағдарламаларды орындаудың тиiмдiлiгi» критерийi бойынша бағалау бюджеттiк бағдарламаның тiкелей нәтижеге қол жеткiзу пайызын тиiстi қаржылық жылға бөлiнген қаражатты iс жүзiнде игерiлуiнiң пайызына бөлу жолымен жүзеге асырылады.
      Бюджеттiк бағдарламаны орындаудың тиiмдiлiгi былай анықталады:
      Эф б/б = % ПР / % OC х 100%
      мұнда, Эф б/б – бюджеттiк бағдарламаны орындау тиiмдiлiгi;
      % ПР – тiкелей нәтижеге қол жеткiзу пайызы;
      % OC – бюджет қаражатын игеру пайызы.
      Бюджеттiк бағдарламаны орындаудың тиiмдiлiгiн бағалау Әдiстемеге 7-қосымшада көрсетiлген мәндерге сәйкес айқындалады.
      Бюджеттiк бағдарламаның тiкелей нәтижесiне 90,1%-дан кем қол жеткiзiлген болса, онда бюджеттiк бағдарламаның тиiмдiлiгi «0 пайызға» тең болады.
      Бюджеттiк бағдарламалар әкiмшiсi бойынша барлық бюджеттiк бағдарламалар бойынша тиiстi балл берiлетiн тиiмдiлiктiң орташа баллы әрбір бюджеттік бағдарлама бойынша баллдарды қосу және алынған соманы бюджеттік бағдарламаның жалпы санына бөлу жолымен айқындалады.
      Жергiлiктi атқарушы органдар бойынша осы критерий бойынша бағалау жергiлiктi бюджеттiк бағдарламалардың барлық әкiмшiлерi бойынша бюджеттiк даму бағдарламаларды орындаудың тиiстi балл берiлетiн тиiмдiлiгi критерийiнiң орташа баллы түрiнде айқындалады.
      Ескерту. 48-тармаққа өзгеріс енгізілді - ҚР Қаржы министрінің 2012.04.25 № 219 (мемлекеттiк тiркелген күнiнен бастап қолданысқа енгiзiледi); 2012.12.29 № 581 Бұйрықтарымен.
      49. Республикалық және жергілікті бюджеттерді орындау туралы талдамалық есептер, мемлекеттік органдардың стратегиялық жоспарының 7 «Бюджеттік бағдарламалар» бөлімі ақпарат көзі болып табылады.

13. «Дебиторлық берешектің болмауы» критерийі бойынша бағалау

      50. «Дебиторлық берешектің болмауы» критерийі бойынша бағалау республикалық бюджеттік бағдарламалар/облыстың, республикалық маңызы бар қаланың, астананың жергілікті атқарушы органының бюджеттік даму бағдарламалары әкімшісінің дебиторлық берешегінің болмауы/болуы немесе өзгеруін көрсетеді.
      Баға Әдістемеге 7-қосымшада көрсетілген мәндерге сәйкес қойылады.
      51. Есепті қаржы жылына арналған бюджеттік бағдарламалар әкімшілерінің дебиторлық берешектері туралы есептер ақпарат көзі болып табылады. 

14. «Кредиторлық берешектің болмауы» критерийі бойынша бағалау

      52. «Кредиторлық берешектің болмауы» критерийі бойынша бағалау республикалық бюджеттік бағдарламалар/облыстың, республикалық маңызы бар қаланың, астананың жергілікті атқарушы органының бюджеттік даму бағдарламалары әкімшісінің кредиторлық берешегінің болмауы/болуы немесе өзгеруін көрсетеді.
      Баға Әдістемеге 7-қосымшада көрсетілген мәндерге сәйкес қойылады.
      53. Есепті қаржы жылына арналған бюджеттік бағдарламалар әкімшілерінің кредиторлық берешектері туралы есептер ақпарат көзі болып табылады. 

15. Орталық мемлекеттiк және жергiлiктi атқарушы органдардың
бюджет қаражатын басқару тиiмдiлiгiн қорытынды бағалау

      Ескерту. 15-тарау жаңа редакцияда - ҚР Қаржы министрінің м.а. 2012.12.29 № 581 Бұйрығымен.

      54. Орталық мемлекеттiк және жергiлiктi атқарушы органдардың бюджет қаражатын басқару тиiмдiлiгiн қорытынды бағалау барлық критерийлер бойынша баллдарды қосумен және алынған мәнді түзету коэффициентіне көбейтумен айқындалады.
      Қорытынды бағана есептеу мына формула бойынша жүзеге асырылады:

      мұнда,
      Q – бағаланатын мемлекеттік органды бағалаудың қорытындысы;
      T – барлық критерийлер бойынша алынған баллдардың қосындысы;
      P – түзету коэффициенті.
      54-1. Алынған тиімділіктің қорытынды бағасының мәні 100-ден артық болған жағдайда қорытынды баға 100 баллға тең болып алынады.
      54-2. Түзету коэффициенті – басқа бағаланатын мемлекеттік органдармен салыстырғанда бюджет қаражатын басқару бойынша артық жүктемесі бар мемлекеттік органның қорытынды бағасын түзету мақсатында есептелетін көрсеткіш.
      54-3. Түзету коэффициенті «жүктеме индексі» көрсеткішімен өлшенетін, бағаланатын мемлекеттік органның жүктемелік деңгейінің негізінде айқындалады.
      54-4. Жүктеме индексі орта деңгейден артық мемлекеттік органдар үшін түзету коэффициенті 1,01-ден 1,10-ға дейінгі интервалындағы (қалыпты қадаммен) мәнді қабылдайды -  осы мемлекеттік органдардың арасында аз жүктелгендерден көбіне қарай тең бөлінеді. Жүктемесі ең көп мемлекеттік мекемеге қолданылатын түзету коэффициентінің барынша көп мәні 1,10 құрайды.
      54-5. Жүктеме индексі орта деңгейден төмен мемлекеттік органдар үшін түзету коэффициенті 1 тең болып қабылданады.
      54-6. Жүктеменің орташа деңгейі орталық мемлекеттік және жергілікті атқарушы органдар үшін жеке айқындалады және  бағаланатын орталық мемлекеттік/жергілікті атқарушы органдардың жүктеме индексінің орташа арифметикалық ретінде есептеледі.
      54-7. Қазақстан Республикасының Ұлттық Банкі үшін жүктеме индексін есептеу мүмкін еместігіне байланысты түзету коэффициенті 1 тең болып қабылданады.
      54-8. Түзету коэффициентін бюджетті атқару жөніндегі орталық уәкілетті орган бағаланатын мемлекеттік орган үшін жеке есептейді. Мемлекеттік органдардың түзету коэффициенттерінің барынша көп және барынша аз мәндерін айқындау орталық мемлекеттік және жергілікті атқарушы органдар үшін жеке жүргізіледі.
      54-9. Жүктеме индексі – бюджет қаражатын басқару жөніндегі мемлекеттік органға арналған жүктеменің деңгейін айқындайтын құрамдас көрсеткіш.
      Жүктеме индексі мынадай көрсеткіштердің негізінде есептеледі:
      Мемлекеттік органның бағаланатын бюджеттік бағдарламалары бойынша бюджет қаражатының көлемі (есепті кезеңдегі түзетілген бюджет) мың теңге;
      Бағаланатын мемлекеттік органның тиісті қаржы жылына арналған бағаланатын бюджеттік бағдарламаларының саны, бірлік.
      54-10. Жүктеме индексін есептеу осы Әдістеменің 54-9-тармағында көрсетілген сызықтық масштабтау әдісімен салыстырмалы түрге келтірілген көрсеткіштерді қайта көбейту жолымен жүзеге асырылады.
      54-11. Жеке мемлекеттік орган үшін жүктеме индексін есептеу мына формула бойынша жүзеге асырылады:

      мұнда,
       – жеке мемлекеттік органның жүктеме индексі (i);
       – салыстырмалы түрге келтірілген, мемлекеттік органдардың бағаланатын бюджеттік бағдарламалары бойынша бюджет қаражаты көлемінің көрсеткіші (i);
        – салыстырмалы түрге келтірілген, бағаланатын мемлекеттік органның бағаланатын бюджеттік бағдарламалары санының көрсеткіші (i).
      54-12. Салыстырмалы түрге келтірілген, мемлекеттік органдардың бағаланатын бюджеттік бағдарламалары бойынша бюджет қаражаты көлемінің көрсеткішін есептеу мына формула бойынша есептеледі:

      мұнда,
      мемлекеттік органдардың бағаланатын бюджеттік бағдарламалары бойынша бюджет қаражаты көлемінің көрсеткіші (i);
      бағаланатын мемлекеттік органдардың арасында бағаланатын бюджеттік бағдарламалар бойынша бюджет қаражаты көлемі көрсеткішінің ең аз мәні;
      бағаланатын мемлекеттік органдардың арасында бағаланатын бюджеттік бағдарламалар бойынша бюджет қаражаты көлемі көрсеткішінің ең көп мәні.
      54-13. Салыстырмалы түрге келтірілген, бағаланатын мемлекеттік органның тиісті қаржы жылына арналған бағаланатын бюджеттік бағдарламалар санының көрсеткішін есептеу мына формула бойынша есептеледі:

      мұнда,
      бағаланатын мемлекеттік органның тиісті қаржы жылына арналған бюджеттік бағдарламалар санының көрсеткіші (i);
       бағаланатын мемлекеттік органның тиісті қаржы жылына арналған бюджеттік бағдарламалар саны көрсеткішінің ең аз мәні;
      бағаланатын мемлекеттік органдардың арасында тиісті қаржы жылына арналған бюджеттік бағдарламалар саны көрсеткішінің ең көп мәні.»;

16. Бағалау нәтижелерін қайта тексеру

      55. Тексеру іс-шаралары Қазақстан Республикасының Президенті Әкімшілігінің тапсырмасы бойынша не бағаланатын мемлекеттік органдардың растайтын құжаттары бар келіспеушіліктері түскен кезде жүзеге асырылуы мүмкін.
      Күнтiзбелiк он бес күн iшiнде бюджеттi атқару жөнiндегi орталық уәкiлеттi орган Қазақстан Республикасы Президентiнiң Әкiмшiлiгiне және бағаланатын мемлекеттiк органдарға қайта тексеру нәтижелерi бойынша келiспеушiлiктердi қабылдау не қабылдамау туралы негiзделген қорытындыларды жiбередi. Келiспеушiлiктер қабылданған жағдайда бағалау нәтижелерi туралы қорытындыға тиiстi түзетулер енгiзiледi.
      Ескерту. 55-тармаққа өзгеріс енгізілді - ҚР Қаржы министрінің 2012.04.25 № 219 (мемлекеттiк тiркелген күнiнен бастап қолданысқа енгiзiледi) Бұйрығымен.
      56. Бюджетті атқару жөніндегі орталық уәкілетті орган нәтижелерді қайта тексеру үшін бағалаудың объективтілігі мен айқындылығын қамтамасыз ету мақсатында, құрамына бағалауға қатысқан мемлекеттік органдардың қызметкерлері кіре алмайтын арнайы комиссия құрады.
      57. Есептілік деректері қосымша зерделеуді және растайтын құжаттарымен таныстыруды талап ететін мемлекеттік органдардың тізбесін және қайта тексеру жүргізу мерзімін Кіші жұмыс тобы айқындайды. 

17. Мемлекеттік органдардың бюджет қаражатын басқару
тиімділігін бағалау нәтижелері жөніндегі
Сарапшылық комиссиясының ұсынымдарын іске асыру бойынша
іс-шаралардың пост-аудиті

      Ескерту. 17-тарау алынып тасталды - ҚР Қаржы министрінің м.а. 2012.12.29 № 581 Бұйрығымен.

18. Қайта ұйымдастырылған және таратылған мемлекеттік
органдарды бағалау жүргізу тәртібі

      Ескерту. Әдістеме 18-тараумен толықтырылды - ҚР Қаржы министрінің м.а. 2012.12.29 № 581 Бұйрығымен.

     64. Бағаланатын мемлекеттік орган қайта ұйымдастырылған немесе таратылған жағдайда бағаланатын жылдың бірінші жартыжылдығында осы органды бағалау мемлекеттік органды - құқық мирасқорын бағалау шеңберінде жүзеге асырылады және мемлекеттік орган – құқық мирасқорын бағалаудың қорытынды баллын есептеу кезінде ескеріледі.
      65. Бағаланатын мемлекеттік орган бағаланатын жылдың екінші жартыжылдығында қайта ұйымдастырылған немесе таратылған жағдайда осы органды бағалау жүзеге асырылмайды.
      66. Бағаланатын жылдың екінші жартыжылдығында қайта ұйымдастырылған немесе таратылған мемлекеттік органның қызметін талдау мемлекеттік органды - құқық мирасқорын бағалау шеңберінде ескеріледі, ұсынымдар ретінде пайдаланылады және мемлекеттік органның - құқық мирасқорының қорытынды балына енгізілмейді.

 19. Бағалау нәтижелерін қайта шағымдану рәсімі 

      Ескерту. Әдістеме 19-тараумен толықтырылды - ҚР Қаржы министрінің м.а. 2012.12.29 № 581 Бұйрығымен.

      67. Бағалау нәтижелерін алған күннен бастап бағаланатын орган бағалау нәтижелерімен келіспеген жағдайда, бес жұмыс күні ішінде бағалауға уәкілетті мемлекеттік органға растайтын құжаттармен наразылық жіберуге құқылы.
      68. Бағалау нәтижелеріне наразылық болмаған жағдайда бағаланатын мемлекеттік орган бес жұмыс күні ішінде бағалауға уәкілетті мемлекеттік органға тиісті хабарлама ұсынуға міндетті.  Белгіленген мерзім өткеннен кейін бағаланатын мемлекеттік органдардың наразылықтары қабылданбайды.
      69. Қайта шағымдану рәсімін жүргізу үшін ішінде бағалауға уәкілетті мемлекеттік органда Арнайы комиссия құрылады, оның құрамына наразылықтарын ұсынған мемлекеттік органдарды бағалауға қатысқан қызметкерлер кіруі мүмкін. Арнайы комиссияның саны мен құрамын ішінде бағалауға уәкілетті мемлекеттік орган дербес айқындайды, бірақ бес адамнан кем болмауы тиіс.
      70. Бағаланатын мемлекеттік органдардан растайтын құжаттары бар наразылықты алған күннен бастап бес жұмыс күні ішінде бағалауға уәкілетті мемлекеттік орган Әдістеменің 8-қосымшасына сәйкес нысан бойынша Бюджет қаражатын басқару қызметінің тиімділігін бағалау нәтижелері бойынша келіспеушілік кестесін (бұдан әрі - Келіспеушілік кестесі) қалыптастырады және Арнайы комиссияның қарауына енгізеді.
      71. Арнайы комиссия наразылықтарды қарау және бағалау нәтижелерінің объективтілігін айқындау бойынша отырыстар өткізеді, оған наразылық берген бағаланатын мемлекеттік органдардың өкілдері, сондай-ақ мүдделі салалық орталық мемлекеттік органдардың өкілдері шақырылады.
      72. Арнайы комиссия отырыстарының және наразылықтарды қарау қорытындысы туралы алқа шешімінің қабылдануы нәтижелері бойынша Келіспеушілік кестесі пысықталады және Арнайы комиссияның төрағасы және бағаланатын мемлекеттік органның өкілі қол қояды.
      73. Бағаланатын мемлекеттік органдардан растайтын құжаттары бар наразылықты алған күннен бастап күнтізбелік он бес күн ішінде Арнайы комиссияның қайта тексеруінің нәтижелері бойынша бағалауға уәкілетті мемлекеттік орган Сарапшылық комиссиясының жұмыс органына және бағаланатын мемлекеттік органдарға наразылықты қабылдайтыны не қабылдамайтыны туралы негізделген қорытындыны жібереді. Наразылықтар қабылданған жағдайда сонымен бірге бюджет қаражатын басқару жөніндегі мемлекеттік органның қызметінің тиімділігін бағалаудың нәтижелері туралы түзетілген қорытынды жіберіледі.

 20.  Мемлекеттік органдардың толық емес және сапасыз ақпарат ұсынуы

      Ескерту. Әдістеме 20-тараумен толықтырылды - ҚР Қаржы министрінің м.а. 2012.12.29 № 581 Бұйрығымен.

      74. Бағаланатын мемлекеттік орган бағалауға уәкілетті мемлекеттік органға Әдістеменің 1, 2, 3, 4, 5-қосымшаларға сәйкес толық және дәйекті ақпаратты Бағалау жүргізу кестесінде белгіленген мерзімде ұсынады.
      75. Уақтылы емес, толық емес және дәйексіз есептік ақпарат ұсынылған жағдайда мемлекеттік органның қорытынды бағасынан осы бағыт бойынша айыппұл баллдары шегеріледі.
      76. Бағалауға уәкілетті мемлекеттік органға Бағалау жүргізу кестесінде көзделген мерзімнен кеш ұсынылған есептік ақпарат уақтылы емес деп танылады.
      Мемлекеттік органның уақытылы емес есепті ақпарат ұсынғаны үшін  1 айыппұл баллы көзделген.
      77. Есепті ақпараттың құрылымына белгіленген талаптарда көзделген элементтері (қосымшалар, бөлімдер, тараулар, кестелер, көрсеткіштердің мәндері және т.б.) жоқ есепті ақпарат Әдістемеге қосымшаларға сәйкес толық емес деп танылады.
      Мемлекеттік органның толық емес есепті ақпарат ұсынғаны үшін 1 айыппұл балын шегеру көзделген.
      78. Қайта тексеру барысында дұрысқа сәйкес келмейтін фактілер анықталған есепті ақпарат дәйексіз деп танылады.
      Мемлекеттік органның дәйексіз есепті ақпарат ұсынғаны үшін 1 айыппұл баллы көзделген.
      79. Уақтылы емес, толық емес, дұрысқа сәйкес келмейтін ақпараттардың фактілері бағаланатын мемлекеттік органдардың есепті ақпаратында қамтылған деректерді қайта тексеру қорытындысы бойынша жасалатын Әдістеменің 9-қосымшасына сәйкес нысан бойынша салыстыру актісінде тіркелуі тиіс.
      80. Анықталған фактілер бойынша ақпарат Мемлекеттік органның қызметінің тиімділігін бағалаудың нәтижелері туралы қорытындының «Қорытындылар мен ұсынымдар» бөлімінде көрсетіледі.

Мемлекеттік органның бюджет 
қаражатын басқарудың     
тиімділігін бағалау әдістемесіне
1-қосымшасы         

Мемлекеттік органның бюджет қаражатын басқару тиімділігін
бағалау жөніндегі есептілік
_________________________________________________
(мемлекеттік органның атауы)

      Ескерту. 1-қосымша жаңа редакцияда - ҚР Қаржы министрінің м.а. 2012.12.29 № 581 Бұйрығымен.

Орталық мемлекеттік органның
басшысы/облыстың, республикалық
маңызы бар қаланың, астананың     _________   _________________
әкімі                               (қолы)      (таратып жазу)

Мемлекеттік органның бюджет 
қаражатын басқарудың     
тиімділігін бағалау әдістемесіне
2-қосымшасы         

 20___жылғы Бюджет қаражатының игерілмеу себептері
________________________________________________________
(мемлекеттік органның атауы)

                                   (мың тенге)

кестенің жалғасы

Орталық мемлекеттік органның
басшысы/облыстың,
республикалық маңызы бар
қаланың, астананың әкімі       ___________    ________________
                                     (қолы)      (таратып жазылуы)

Мемлекеттік органның бюджет 
қаражатын басқарудың     
тиімділігін бағалау әдістемесіне
3-қосымшасы         

"Бюджеттік бағдарламаның тікелей нәтижелеріне қол жеткізу" критерийі бойынша талдау нәтижелері туралы ақпарат

______________________________________________________________
(орталық мемлекеттік органның/жергілікті атқарушы органның атауы)

______________
(есепті кезең)
Бюджеттік бағдарлама әкімшісінің коды мен атауы: __________________
Бюджеттік бағдарлама __________________
Сипаттау: __________________

Орталық мемлекеттік органның
басшысы/облыстың,
республикалық маңызы бар
қаланың, астананың әкімі       ___________    ________________
                                     (қолы)     (қолын толық жазу)

Мемлекеттік органның бюджет 
қаражатын басқарудың     
тиімділігін бағалау әдістемесіне
4-қосымшасы         

___жылы құрылыс және реконструкциялау объектілерінің құнының қымбаттауы туралы ақпараты
________________________________________
(мемлекеттік органның атауы)

(мың теңге)    

Орталық мемлекеттік органның
басшысы/облыстың,
республикалық маңызы бар
қаланың, астананың әкімі       ___________    ________________
                                     (қолы)     (қолын толық жазу)

Мемлекеттік органның бюджет 
қаражатын басқарудың     
тиімділігін бағалау әдістемесіне
5-қосымшасы          

____ жылы уақтылы пайдалануға берілмеген объектілер туралы ақпарат
__________________________________________________________________
(мемлекеттік органның атауы)

Орталық мемлекеттік органның
басшысы/облыстың,
республикалық маңызы бар
қаланың, астананың әкімі       ___________    ________________
                                     (қолы)     (қолын толық жазу)

Мемлекеттік органның бюджет  
қаражатын басқарудың      
тиімділігін бағалау әдістемесіне
6-қосымша           

      Ескерту. 6-қосымшаға өзгеріс енгізілді - ҚР Қаржы министрінің м.а. 2012.12.29 № 581 Бұйрығымен.

Нысан             

Мемлекеттік органның бюджет қаражатын басқару тиімділігін
бағалау нәтижелері туралы қорытынды

_______________________________________________________________
(орталық мемлекеттік органның/жергілікті атқарушы органның атауы)

_______________
(есепті кезең)

      Орталық мемлекеттік органның/жергілікті атқарушы органның қызметінің тиімділігін бағалау критерийлері бойынша талдау:

      1. "Тиісті қаржы жылына бөлінген қаражатты игеру" критерийі бойынша:
____________________________________________________________________
      2. "Мемлекеттік қаржылық бақылау органдарының тексеру қорытындылары бойынша бюджеттік және өзге заңнаманы бұзушылықтардың болмауы" критерийі бойынша:

____________________________________________________________________
      3. «Енгізілген мемлекеттік қаржылық бақылау органдарының ұсынымдары мен қаулыларын орындау бойынша қабылданған (іске асырылған) шаралар» деген критерий бойынша:

____________________________________________________________________
      4. «Мемлекеттік органның ішкі бақылау қызметінің қызметі» деген критерий бойынша»:
____________________________________________________________________
      5. "Шығыстардың бекітілген көлеміне қарағанда бюджеттік бағдарламалар әкімшісінің қайта бөлінген қаражатының көлемі" критерийі бойынша:
_______________________________________________________________
      6. «Бюджетті атқару жөніндегі ұйымдастыру шаралары» критерийі бойынша:
_______________________________________________________________

      7. «Бюджеттік бағдарламаның тікелей нәтижелеріне қол жеткізу» критерийі бойынша:
_______________________________________________________________
      8. «Бюджеттік бағдарламаның тікелей нәтижелерінің серпіні» критерийі бойынша:
_______________________________________________________________

      9. «Бюджеттік бағдарламалардың нәтижелігінің көрсеткіштерін жоспарлау сапасы» критерийі бойынша:
_______________________________________________________________

      10. «Бюджеттік бағдарламаларды орындаудың тиімділігі» критерийі бойынша:
_______________________________________________________________
      11. «Дебиторлық берешектің болмауы» критерийі бойынша:
_______________________________________________________________

      12. «Кредиторлық берешектің болмауы» критерийі бойынша:
_______________________________________________________________

Қорытындылар мен ұсынымдар:
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________

«Пост-аудит нәтижелері»:

_____________________________________________________________________
 
Бюджеттің атқарылуы жөніндегі
орталық уәкілетті органның басшысы _________   _________________
                                         (қолы)   (қолын толық жазу)
                                      20___ж. «____ »_____________

Мемлекеттік органның бюджет  
қаражатын басқарудың      
тиімділігін бағалау әдістемесіне
7-қосымша           

      Ескерту. 7-қосымша жаңа редакцияда - ҚР Қаржы министрінің м.а. 2012.12.29 № 581 Бұйрығымен.

Критерийлер мен көрсеткіштердің баллдары 

Мемлекеттік органның бюджет 
қаражатын басқарудың тиімділігін
бағалау әдістемесіне   
8-қосымша       

      Ескерту. Әдістеме 8-қосымшамен толықтырылды - ҚР Қаржы министрінің м.а. 2012.12.29 № 581 Бұйрығымен.  

Нысан

Бюджет қаражатын басқару жөніндегі қызмет тиімділігін бағалау
нәтижелері бойынша келіспеушіліктер кестесі
_______________________________________________________
(бағаланатын мемлекеттік орган)

Шағымдануды ескере отырып жалпы балл _______________ құрады

Комиссия төрағасы, лауазымы          ________     ___________________
                                       қолы        қолды таратып жазу                 

Шағымдану қорытындысымен таныстым:
Мемлекеттік органның өкілі, лауазымы ________     ___________________
                                       қолы        қолды таратып жазу

Бюджет қаражатын басқарудың 
тиімділігін бағалау әдістемесіне
9-қосымша           

      Ескерту. Әдістеме 9-қосымшамен толықтырылды - ҚР Қаржы министрінің м.а. 2012.12.29 № 581 Бұйрығымен.

Нысан

Есепті ақпаратта қамтылған деректерді қайта тексеру
қорытындысы бойынша
САЛЫСТЫРУ АКТІСІ
____________________________________________________________________
(орталық мемлекеттік органның/жергілікті атқарушы органның атауы)

____________________
   (есепті кезең)

1. Бағалау кестесіне сәйкес мемлекеттік органның есепті ақпаратты
жіберу мерзімі: 20___ жылғы «____» ____________.

Есепті ақпаратты ұсынудың нақты күні: 20__ жылғы «___» ___________

Шегерім: ______ баллды құрайды.

2. Толық емес ақпарат ұсынылды, оның ішінде есепті ақпараттың
құрылымында белгіленген талаптарда көзделген мынадай элементтер
(қосымшалар, бөлімдер, кестелері, көрсеткіштердің мәндері және т.б.) жоқ:
1) _________________________________________________________________
2) _________________________________________________________________
…
Шегерім: ______ баллды құрайды.
3. Дәйексіз ақпарат ұсынылды. Қайта тексеру барысында мынадай дұрысқа
сәйкес келмейтін фактілер анықталды:
1) __________________________________________________________________
2) __________________________________________________________________
…
Шегерім: ______ баллды құрайды.
ЖИЫНТЫҚ ШЕГЕРІМ: ______ балл.

Уәкілетті органның өкілі,
лауазымы                  _____     _____     _____________________
                           (күні)     (қолы)     (қолды таратып жазу)

Бағаланатын мемлекеттік
органның өкілі, лауазымы ______ _______      _____________________
                         (күні)  (қолы)        (қолды таратып жазу)

Қызмет бабында пайдалану үшін
№   дана      

      Қазақстан Республикасы
Қаржы министрінің  
2012 жылғы 10 қаңтардағы
№ 9 бұйрығына   
2-қосымшасы    

      РҚАО-ның ескертпесі: "ҚБПҮ" грифімен берілген 2-қосымша "Заң" деректер базасына енгізілмейді.

Қазақстан Республикасы Ұлттық Банкінің ақша қаражатын
басқарудың тиімділігін бағалау әдістемесі