Мемлекеттік органның бюджет қаражатын басқарудың тиімділігін бағалау әдістемесін және Қазақстан Республикасы Ұлттық Банкі ақша қаражатын басқарудың тиімділігін бағалау әдістемесін бекіту туралы

      «Орталық мемлекеттік органдар мен облыстардың, республикалық маңызы бар қаланың, астананың жергілікті атқарушы органдары қызметінің тиімділігін жыл сайынғы бағалау жүйесі туралы» Қазақстан Республикасы Президентінің 2010 жылғы 19 наурыздағы № 954 Жарлығына сәйкес БҰЙЫРАМЫН:
      1. Қоса беріліп отырған:
      1) осы бұйрықтың 1-қосымшасына сәйкес Мемлекеттік органның бюджет қаражатын басқарудың тиімділігін бағалау әдістемесі;
      2) осы бұйрықтың 2-қосымшасына сәйкес Қазақстан Республикасы Ұлттық Банкінің ақша қаражатын басқарудың тиімділігін бағалау әдістемесі бекітілсін (қызмет бабында пайдалану үшін).
      2. Мыналардың:
      1) «Мемлекеттік органның бюджет қаражатын тиімділігін бағалау әдістемесін бекіту туралы» Қазақстан Республикасы Қаржы министрінің 2010 жылғы 30 желтоқсандағы № 673 бұйрығының;
      2) «Қазақстан Республикасы Ұлттық Банкінің және Қазақстан Республикасы Қаржы нарығын және қаржы ұйымдарын реттеу мен қадағалау агенттігінің бюджеттік қаражатты басқару жөніндегі қызметінің тиімділігін бағалау әдістемесін бекіту туралы» Қазақстан Республикасы Қаржы министрінің 2011 жылғы 31 қаңтардағы № 50 бұйрығының;
      3) «Мемлекеттік органның бюджет қаражатын басқару жөніндегі қызметінің тиімділігін бағалау және Қазақстан Республикасы Ұлттық Банкінің ақша қаражатын басқару жөніндегі қызметінің тиімділігін бағалау әдістемелерін бекіту туралы» Қазақстан Республикасы Қаржы министрінің міндетін атқарушының 2011 жылғы 20 желтоқсандағы № 645 бұйрығының күші жойылсын.
      3. Бюджеттік рәсімдер әдіснамасы департаменті (А.Н. Қалиева) осы бұйрықтың Қазақстан Республикасы Әділет министрлігінде мемлекеттік тіркелуін қамтамасыз етсін.
      4. Осы бұйрық оның Қазақстан Республикасы Әділет министрлігінде мемлекеттік тіркелген күнінен бастап қолданысқа енгізіледі және ресми жариялануға жатады.

      Министр                                    Б. Жәмішев

Қазақстан Республикасы
Қаржы министрінің  
2012 жылғы 10 қаңтардағы
№ 9 бұйрығына   
1-қосымшасы    

Мемлекеттік органның бюджет қаражатын
басқарудың тиімділігін бағалау
әдістемесі

1. Жалпы ережелер

      1. Мемлекеттік органның бюджет қаражатын басқарудың тиімділігін бағалау әдістемесі (бұдан әрі - Әдістеме) «Орталық мемлекеттiк органдар мен облыстардың, республикалық маңызы бар қаланың, астананың жергiлiктi атқарушы органдары қызметiнiң тиiмдiлiгiн жыл сайынғы бағалау жүйесi туралы» Қазақстан Республикасы Президентінің 2010 жылғы 19 наурыздағы № 954 Жарлығын іске асыру мақсатында әзірленді.
      2. Әдістеме бюджет қаражатының бекітілген немесе аз көлемін пайдалана отырып, ең жақсы тікелей нәтижеге қол жеткізу мақсатында бюджеттік бағдарламалар әкімшілерінің бюджет қаражатын пайдаланудың нәтижелігі мен тиімділігін қамтамасыз ету жөніндегі шаралардың тиімділігін анықтауға арналған.
      3. Орталық мемлекеттік органның бюджет қаражатын басқарудың тиімділігін бағалауды бюджетті атқару жөніндегі орталық уәкілетті орган жүзеге асырады (бұдан әрі – Тиімділікті бағалау).
      Облыстардың, республикалық маңызы бар қаланың, астананың жергілікті атқарушы органдарының облыстық бюджеттен, республикалық маңызы бар қала және астана бюджетінен қаржыландырылатын бюджеттік даму бағдарламаларын, сондай-ақ ауданның (облыстық маңызы бар қаланың) жергілікті бюджеттік даму бағдарламаларын іске асыру жөніндегі қызметінің тиімділігін бағалауды бюджетті атқару жөніндегі орталық уәкілетті орган жүзеге асырады.
      4. Бюджетті атқару жөніндегі орталық уәкілетті орган қызметінің тиімділігін бағалауды Қазақстан Республикасы Премьер-Министрінің Кеңсесі жүзеге асырады.
      5. Тиімділікті бағалау жүргізу үшін мемлекеттік қаржылық бақылау органдары бақыланатын кезеңдегі бақылау нәтижелерін бюджетті атқару жөніндегі орталық уәкілетті органға және облыстардың, республикалық маңызы бар қаланың, астананың бюджетті атқару жөніндегі жергілікті уәкілетті органына береді.
      6. Тиімділікті бағалау:
      1) орталық мемлекеттік органдардың төмен тұрған бюджеттеріне бөлінген бөлінетін және нысаналы трансферттерден басқа, барлық бюджеттік бағдарламалары;
      2) облыстардың, республикалық маңызы бар қаланың, астананың жергілікті атқарушы органдардың бюджеттік даму бағдарламалары бойынша жүзеге асырылады.
      7. Орталық мемлекеттік органдар және облыстардың, республикалық маңызы бар қаланың, астананың әкімдіктері тиімділікті бағалауды жүргізу үшін ұсынылатын ақпараттың дұрыстығын және толықтығын қамтамасыз етеді.
      8. Бюджетті атқару жөніндегі орталық уәкілетті орган барлық мемлекеттік органдар бойынша орталық мемлекеттік органдар және облыстардың, республикалық маңызы бар қаланың, астананың әкімдіктері ұсынған деректерді іріктеп қайта тексереді.

2. Бюджет қаражатын басқаруды бағалау жүргізу

      9. Орталық мемлекеттік органдар және облыстардың, республикалық маңызы бар қаланың, астананың әкімдіктері бюджетті атқару жөніндегі орталық уәкілетті органға мынадай ақпаратты береді:
      1) Әдістемеге 1-қосымшаға сәйкес нысан бойынша мемлекеттік органның бюджет қаражатын басқарудың тиімділігін бағалау жөніндегі есептілікті;
      2) Әдістемеге 2-қосымшаға сәйкес бюджет қаражатының игерілмеу себептері;
      3) Әдістемеге 3-қосымшаға сәйкес «Бюджеттік бағдарламаның тікелей нәтижелеріне қол жеткізу» критерийі бойынша талдау нәтижелері туралы ақпаратты;
      4) Әдістемеге 4-қосымшаға сәйкес құрылыс және реконструкциялау объектілерінің құнының қымбаттауы туралы ақпаратты;
      5) Әдістемеге 5-қосымшаға сәйкес уақтылы пайдалануға берілмеген объектілері туралы ақпаратты;
      6) түсіндірме жазбаны.
      10. Түсіндірме жазба орталық мемлекеттік/жергілікті атқарушы орган қызметінің тиімділігін жүргізілген талдау нәтижелерін мына критерийлер бөлінісінде қамтуы тиіс:
      1) «Тиісті қаржы жылына бөлінген қаражатты игеру» критерийі бойынша тиісті қаржы жылына республикалық бюджеттік бағдарламалар әкімшісінің бюджеттік бағдарламалары бойынша бюджет қаражатының атқарылу пайызы/облыстың, республикалық маңызы бар қаланың, астананың жергілікті атқарушы органының бюджеттік даму бағдарламаларының атқарылу пайызы келтіріледі;
      2) «Мемлекеттік қаржылық бақылау органдарының тексеру қорытындылары бойынша бюджеттік және өзге заңнаманы бұзушылықтардың болмауы» критерийі бойынша:
      тексеру жүргізілген (мемлекеттік органдардың ішкі бақылау қызметтерінен басқа) мемлекеттік қаржылық бақылау органы;
      есепті кезеңдегі тексерулер саны;
      есепті кезеңдегі анықталған бюджеттік және өзге заңнаманы бұзушылықтар, оның ішінде:
      а) бюджетке қаражаттың түсуі кезінде (кіріс бөлігі);
      ә) мемлекеттің бюджет қаражаты мен активтерін пайдалану кезінде, оның ішінде мемлекеттік сатып алулар бойынша;
      б) бухгалтерлік есепке алуды жүргізу және қаржылық есептілікті жасау кезінде;
      в) бюджеттік рәсімдерді орындау тәртібінің белгіленген мерзімдерінің сақталмауы;
      бақылаумен қамтылған бюджет қаражатының жалпы көлемі көрсетіледі.
      Одан әрі есепті кезеңдегі бақылаумен қамтылған бюджет қаражатының жалпы көлемінен бұзушылықтардың үлесі келтіріледі.
      Мемлекеттік органда анықталған бюджеттік және өзге заңнаманы бұзушылықтардың жалпы сомасы қаржылық бақылау органдары анықтаған бұзушылықтарды қосу жолымен айқындалады.
      Бақылаумен қамтылған бюджет қаражатының көлемі қаржылық бақылау органдары бақылаумен қамтыған қаражат көлемдерін қосу жолымен айқындалады;
      3) Мемлекеттiк қаржылық бақылау органдары енгiзген ден қою актiлерiн орындау бойынша қабылданған (iске асырылған) шаралар» китерийi бойынша мыналар көрсетiледi:
      мемлекеттiк қаржылық бақылау органдарының бақылау нәтижелерi бойынша енгiзген ден қою актiлерiне сәйкес бюджетке қайтарылуға жататын бұзушылықтар сомасының көлемi;
      мемлекеттiк қаржылық бақылау органдарының бақылау нәтижелерi бойынша енгiзген ден қою актiлерiне сәйкес бюджетке қайтарылуға жататын бұзушылықтар сомасына қарағандағы белгiленген мерзiмде бюджетке қайтарылған бұзушылықтар сомасының көлемi;
      мемлекеттiк қаржылық бақылау органдарының бақылау нәтижелерi бойынша енгiзген ден қою актiлерiне сәйкес жұмыстарды орындау, қызметтер көрсету, тауарлар жеткiзу және/немесе есепке алуда көрсету жолымен қалпына келтiруге жататын бұзушылықтар сомасы;
      мемлекеттiк қаржылық бақылау органдарының бақылау нәтижелерi бойынша енгiзген ден қою актiлерiне сәйкес жұмыстарды орындау, қызметтер көрсету, тауарлар жеткiзу және/немесе есепке алуда көрсету жолымен бюджетке қалпына келтiруге жататын бұзушылықтар сомасына қарағандағы белгiленген мерзiмде қалпына келтiрiлген бұзушылықтар сомасының көлемi;
      қайтарылған және қалпына келтiрiлген сомалардың көлемiн қоспағанда, есептi кезеңдегi мемлекеттік қаржылық бақылау органдары енгізген ден қою актiлерiнiң жалпы санына қарағанда толық және белгіленген мерзімде орындалған мемлекеттік қаржылық бақылау органдарының ден қою актiлерiнiң саны көрсетiледi;
      4) «Мемлекеттік органның ішкі бақылау қызметінің бюджет қаражатын басқару жөніндегі қызметі және олардың ұсынымдарын орындау жөніндегі шаралар» критерийі бойынша:
      ішкі бақылау қызметтері қамтыған бюджет қаражатының көлеміне қарағанда анықталған бюджеттік және өзге заңнаманы бұзушылықтар сомасы;
      мемлекеттік органның ведомстволық бағынысты ұйымдары мен бөлімшелерінің жалпы санына қарағанда есепті кезеңде ішкі бақылау қызметтерінің тексерулерімен қамтылған мемлекеттік органның ведомстволық бағынысты ұйымдары мен бөлімшелерінің саны;
      есепті кезеңде мемлекеттік органның басшысы қабылдаған ұйғарымдардың жалпы санына қарағанда ішкі бақылау қызметінің тексерулерінің нәтижелері бойынша мемлекеттік органның басшысы қабылдаған мемлекеттік органның ведомстволық бағынысты ұйымдары мен бөлімшелерінің толық және белгіленген мерзімде орындаған ұйғарымдардың саны көрсетіледі;
      5) «Шығыстардың бекітілген көлеміне бюджеттік бағдарламалар әкімшісінің қайта бөлінген қаражатының көлемі» критерийі бойынша республикалық бюджеттік бағдарламалар әкімшісінің, облыстың, республикалық маңызы бар қаланың, астананың жергілікті атқарушы органы бюджетінің жалпы көлемінде бюджеттік бағдарламалар арасында бюджетті нақтылау кезінде қайта бөлінген қаражаттың ара қатынасының үлесі көрсетіледі.
      Осы критерий бойынша бағалау жүргізу кезінде мемлекеттік органдарды қайта ұйымдастыру (біріктіру, қосу, айыру, бөлу, қайта құру) кезінде бюджеттік бағдарламалардың ақшасын қайта бөлу, бюджетті нақтылау және түзету кезінде бюджеттік бағдарламалар әкімшісіне қосымша ақша қаражатын бөлу жағдайлары ескерілмейді;
      6) «Бюджетті атқару жөніндегі ұйымдастыру шаралары» критерийі бойынша:
      мемлекеттік сатып алу жылдық жоспары тармақтарының жалпы санына қарағанда мемлекеттік сатып алу жоспарының орындалған тармақтары санының үлесі;
      мемлекеттік сатып алудың жылдық жоспарының жалпы көлеміне қарағанда мемлекеттік сатып алудың жылдық жоспарының орындалған тармақтарының бюджеттік қаражаты көлемінің үлесі;
      мемлекеттік органның құзыретіне кіретін бюджеттік бағдарламаны іске асыру үшін қажет нормативтік және/құқықтық актілерді қабылдау уақтылығы немесе мерзімінің бұзылуы;
      бюджеттік инвестициялық жобаның сметалық құнын ұлғайту фактілерінің болмауы немесе болуы және бюджеттік инвестициялық жобаның сметалық құнын ұлғайту себептері.
      объектілерді белгіленген мерзімде беру (іске қосу) есепті кезеңде пайдалануға беру жоспарланған объектілердің саны және беру (іске қосу) көзделген бюджеттік бағдарламалардың саны көрсетіледі. Уақтылы пайдалануға берілмеген объектілер бойынша объектілердің жалпы санына қарағанда уақтылы пайдалануға берілмеген объектілердің үлесі келтіріледі, сондай-ақ пайдалануға берудің кешігу себептері көрсетіледі;
      7) «Бюджеттік бағдарламаның тікелей нәтижелеріне қол жеткізу» критерийі бойынша республикалық бюджеттік бағдарламалар әкімшісінің бюджеттік бағдарламалары бөлінісінде тікелей нәтижелерге қол жеткізу көрсеткіштері келтіріледі, ал облыстардың, республикалық маңызы бар қаланың, астананың жергілікті атқарушы органдарының бюджеттік даму бағдарламалары бойынша тікелей нәтижелердің көрсеткіштері бюджеттік инвестициялық жобалар бөлінісінде көрсетіледі. Сондай-ақ, Әдістемеге 3-қосымшаға сәйкес себептерін көрсете отырып, тікелей нәтижелер көрсеткіштеріне қол жеткізілмеген бюджеттік бағдарламалар санамаланады;
      8) «Бюджеттік бағдарламалардың тікелей нәтижесінің серпіні» критерийі бағаланып отырған кезеңдегі мемлекеттік органның барлық бюджеттік бағдарламаларының тікелей нәтижесінің нақты қалыптасқан орташа балын өткен жылдың ұқсас көрсеткіштерімен салыстыру жолымен жүзеге асырылады;
      9) «Бюджеттік бағдарламалардың нәтижелігінің көрсеткіштерін жоспарлау сапасы» критерийі мемлекеттік органның стратегиялық жоспарының құрамында бекітілген бюджеттік бағдарламалардың көрсеткіштерін талдау жолымен жүзеге асырылады;
      10) «Бюджеттік бағдарламаны орындаудың тиімділігі» критерийі бойынша іс жүзінде қол жеткізілген бюджеттік бағдарламаның тікелей нәтижесінің бюджеттік бағдарлама бойынша игеру пайызымен қатынасы айқындалады;
      11) «Дебиторлық берешектің болмауы» критерийі бойынша дебиторлық берешектің пайда болу себептерін және оны қысқарту жөнінде қабылданған шараларды көрсете отырып, республикалық бюджеттік бағдарламалар/облыстың, республикалық маңызы бар қаланың, астананың жергілікті атқарушы органының бюджеттік даму бағдарламалары әкімшісінің ағымдағы және өткен жылдарын бөле отырып, дебиторлық берешегінің болмауы/болуы немесе өзгеруі көрсетіледі;
      12) «Кредиторлық берешектің болмауы» критерийі бойынша кредиторлық берешектің пайда болу себептерін және оны қысқарту жөнінде қабылданған шараларды көрсете отырып, республикалық бюджеттік бағдарламалар/облыстың, республикалық маңызы бар қаланың, астананың жергілікті атқарушы органының бюджеттік даму бағдарламалары әкімшісінің ағымдағы және өткен жылдарын бөле отырып, кредиторлық берешегінің болмауы/болуы немесе өзгеруі көрсетіледі.
      Ескерту. 10-тармаққа өзгеріс енгізілді - ҚР Қаржы министрінің 2012.04.25 № 219 (мемлекеттiк тiркелген күнiнен бастап қолданысқа енгiзiледi) Бұйрығымен.
      11. Бюджетті атқару жөніндегі орталық уәкілетті орган дайындаған мемлекеттік органның бюджет қаражатын басқару тиімділігін бағалау нәтижелері туралы қорытындылар Әдістемеге 6-қосымшаға сәйкес нысан бойынша мемлекеттік жоспарлау жөніндегі орталық уәкілетті органға беріледі.
      Мемлекеттік жоспарлау жөніндегі уәкілетті органға берілетін орталық мемлекеттік және жергілікті атқарушы органдардың қызметінің тиімділігін бағалау нәтижелері туралы жалпы қорытындыда:
      жүргізілген бағалау туралы есеп;
      оң жақтары мен кемшіліктері көрсетіле отырып, бағалау критерийлері бойынша нәтижелерді талдау;
      тұрақты сипаттағы бюджетті орындау кезінде анықталған жүйелі кемшіліктер мен түйткілді мәселелер;
      мемлекеттік органдардың қызметін жақсарту бойынша қорытындылар мен ұсынымдар;
      республикалық бюджет бойынша бюджет қаражатын игеру жөніндегі және облыстардың, республикалық маңызы бар қалалардың, астананың жергілікті атқарушы органдарының бастапқы бекітілген, нақтыланған және түзетілген бюджеттерін республикалық бюджеттік бағдарламалар әкімшілері мен жергілікті атқарушы органдар бойынша бөле отырып, бюджеттік бағдарламаларын игеру жөніндегі ақпарат;
      бюджеттік бағдарламалар әкімшілері бойынша жүргізілген мемлекеттік бағдарламалардың тәсілдері мен сомалары бөлінісіндегі мәліметтер қамтылуы тиіс.
      12. Қызмет тиімділігі Әдістемеге 7-қосымшаға сәйкес 100 баллдық шәкіл бойынша баллдар критерийлері және көрсеткіштер бойынша бағаланады.

3. «Тиісті қаржы жылына бөлінген қаражатты игеру»
критерийі бойынша бағалау

      13. Республикалық бюджеттік бағдарламалар әкімшісінің бюджеттік бағдарламалары/облыстың, республикалық маңызы бар қаланың, астананың жергілікті атқарушы органының тиісті қаржы жылына арналған бюджеттік даму бағдарламалары бойынша бюджет қаражатының атқарылу пайызы тиісті қаржы жылына арналып бөлінген бюджет қаражатының игерілуі деп түсіндіріледі.
      14. Есепті кезеңге арналған республикалық/жергілікті бюджеттің атқарылуы туралы талдамалы есеп осы критерий бойынша бағалау үшін ақпарат көзі болып табылады.
      15. Республикалық бюджеттік бағдарламалар әкімшісінің бюджет қаражатын талдау нәтижелері/облыстың, республикалық маңызы бар қаланың, астананың жергілікті атқарушы органының бюджеттік даму бағдарламалары бойынша Әдістемеге 7-қосымшаға сәйкес тиісті балл беріледі.
      Бұл ретте, республикалық бюджеттік бағдарламалар әкімшісі мен облыстың, республикалық маңызы бар қаланың, астананың жергілікті атқарушы органдары Әдістемеге 2-қосымшаға сәйкес бюджет қаражатының игерілмеу себептерін ұсынады. 

4. «Мемлекеттік қаржылық бақылау органдарының тексеріс
қорытындылары жөніндегі бюджеттік және өзге де заңнаманы
бұзушылықтардың болмауы» критерийі бойынша бағалау

      16. «Мемлекеттік қаржылық бақылау органдарының тексеріс қорытындылары жөніндегі бюджеттік және өзге де заңнаманы бұзушылықтардың болмауы» критерийі бойынша бағалау жүргізу кезінде тексеріс жүргізген мемлекеттік қаржылық бақылау органы (ішкі бақылау органынан басқа); есептілік кезеңдегі тексерулер саны; есептілік кезеңдегі анықталған бюджеттік заңнаманы және өзге заңнаманы бұзушылық (бюджетке қаражаттың түсуі кезінде (кіріс бөлігі), мемлекеттің бюджет қаражаты мен активтерін пайдалану кезінде, оның ішінде мемлекеттік сатып алулар бойынша және бухгалтерлік есепке алуды жүргізу және қаржылық есептілікті жасау кезінде бюджеттік рәсімдерді орындау тәртібінің белгіленген мерзімдерінің сақталмауы); бақылаумен қамтылған кезең, сондай-ақ бақылаумен қамтылған бюджет қаражатының жалпы көлемі.
      17. Бақылау объектісінің Қазақстан Республикасының бюджеттік және өзге заңнамасының талаптарына, шынайылығына, негізділігіне және қаржылық есептілікті уақтылы жасау және ұсынуға және бюджеттік бағдарламаларды іске асыру барысында мемлекеттік органдардың (ішкі бақылау органдарынан басқа) тікелей және түпкі нәтижеге қол жеткізу тиімділігіне сәйкестік мәніне өткізілген тиісті мемлекеттік органдардың бақылау материалдары ақпарат көзі болып табылады.
      18. Баға Әдістемеге 7-қосымшада көрсетілген мәндерге сәйкес қойылады.

5. «Ішкі бақылау қызметтері енгізген ден қою актілерін орындау
бойынша қабылданған (іске асырылған) шаралар» критерийі бойынша бағалау

      19. Бюджет қаражатының жалпы көлемiне iшкi бақылау қызметтерiмен тексерiлген бюджет қаражатының көлемi» критерийi бойынша бағалау:
      мемлекеттiк қаржылық бақылау органдарының бақылау нәтижелерi бойынша енгiзген ден қою актiлерiне сәйкес бюджетке қайтарылуға жататын бұзушылықтар сомасының көлемiн;
      мемлекеттiк қаржылық бақылау органдарының бақылау нәтижелерi бойынша енгiзген ден қою актiлерiне сәйкес бюджетке қайтарылуға жататын бұзушылықтар сомасына қарағандағы белгiленген мерзiмде бюджетке қайтарылған бұзушылықтар сомасының көлемiн;
      мемлекеттiк қаржылық бақылау органдарының бақылау нәтижелерi бойынша енгiзген ден қою актiлерiне сәйкес жұмыстарды орындау, қызметтер көрсету, тауарлар жеткiзу және/немесе есепке алу бойынша көрсету жолымен қалпына келтiруге жататын бұзушылықтар сомасының көлемiн;
      мемлекеттiк қаржылық бақылау органдарының бақылау нәтижелерi бойынша енгiзген ден қою актiлерiне сәйкес жұмыстарды орындау, қызметтер көрсету, тауарлар жеткiзу және/немесе есепке алу бойынша көрсету жолымен бюджетке қалпына келтiруге жататын бұзушылықтар сомасына қарағанда белгiленген мерзiмде қалпына келтiрiлген бұзушылықтар сомасының көлемiн;
      қайтарылған және қалпына келтiрiлген сомалардың көлемiн қоспағанда, есептi кезеңдегi мемлекеттік қаржылық бақылау органдары енгізген ден қою актiлерiнiң жалпы санына қарағанда толық және белгіленген мерзімде орындалған мемлекеттік қаржылық бақылау органдарының ден қою актiлерiнiң саны көрсетiледi.»
      Ескерту. 19-тармақ жаңа редакцияда - ҚР Қаржы министрінің 2012.04.25 № 219 (мемлекеттiк тiркелген күнiнен бастап қолданысқа енгiзiледi) Бұйрығымен.
      20. Мемлекеттік қаржылық бақылау органдарының бақылау нәтижелері бойынша енгізген ден қою актілері ақпарат көзі болып табылады.
      21. Баға Әдістемеге 7-қосымшада көрсетілген мәндерге сәйкес қойылады. 

6. «Мемлекеттік органның ішкі бақылау қызметінің бюджет
қаражатын басқару жөніндегі қызметі және олардың ұсынымдарын
орындау бойынша шаралар» критерийі бойынша бағалау

      22. «Мемлекеттік органның ішкі бақылау қызметінің бюджет қаражатын басқару жөніндегі қызметі және олардың ұсынымдарын орындау бойынша шаралар» критерийі бойынша бағалау:
      ішкі бақылау қызметтері қамтыған бюджет қаражатының көлеміне қарағанда анықталған бюджеттік және өзге заңнаманы бұзушылықтар сомасын;
      мемлекеттік органның ведомстволық бағынысты ұйымдары мен бөлімшелерінің жалпы санына қарағанда есепті кезеңде ішкі бақылау қызметтерінің тексерулерімен қамтылған мемлекеттік органның ведомстволық бағынысты ұйымдары мен бөлімшелерінің санын;
      есепті кезеңде мемлекеттік органның басшысы қабылдаған ұйғарымдардың жалпы санына қарағанда ішкі бақылау қызметінің тексерулерінің нәтижелері бойынша мемлекеттік органның басшысы қабылдаған мемлекеттік органның ведомстволық бағынысты ұйымдары мен бөлімшелерінің толық және белгіленген мерзімде орындаған ұйғарымдардың санын анықтауға негізделеді.
      Бақылаумен қамтылған бюджет қаражатының көлемі ішкі бақылау қызметтері қамтыған қаражат көлемдерін қосу жолымен айқындалады.
      23. Ішкі бақылау қорытындылары бойынша мемлекеттік органның басшысы қабылдаған есептер мен құжатта көрсетілген ұсынымдар бойынша бюджеттік бағдарламалар әкімшілері қабылдаған шаралар туралы куәландыратын құжаттар ақпарат көзі болып табылады.
      24. Баға Әдістемеге 7-қосымшада көрсетілген мәндерге сәйкес қойылады.

7. «Шығыстардың бекітілген көлеміне бюджеттік бағдарламалар
әкімшісінің қаражатының қайта бөлінген көлемі» критерийі бойынша бағалау

      25. «Шығыстардың бекітілген көлеміне бюджеттік бағдарламалар әкімшісінің қаражатының қайта бөлінген көлемі» критерийі бойынша бағалау республикалық бюджеттік бағдарламалардың, облыстың, республикалық маңызы бар қаланың, астананың жергілікті атқарушы органының бекітілген бюджетінің жалпы көлеміндегі бюджеттік бағдарламалар арасындағы бюджетті нақтылау кезінде қайта бөлінген қаражаттың сәйкестік үлесін анықтауға негізделеді.
      26. Баға Әдістемеге 7-қосымшада көрсетілген мәндерге сәйкес қойылады.
      27. Есепті қаржы жылына арналған республикалық бюджет туралы Қазақстан Республикасының Заңы, облыстың, республикалық маңызы бар қаланың, астананың, ауданның (облыстық маңызы бар қаланың) бюджеті туралы мәслихаттың шешімі, республикалық бюджет туралы Қазақстан Республикасының Заңын және жергілікті бюджеттер туралы мәслихаттардың шешімдерін іске асыру туралы Қазақстан Республикасы Үкіметінің және жергілікті атқарушы органдардың қаулылары және мемлекеттік мекемелердің бюджеттік бағдарламалар әкімшілерінің міндеттемелері мен төлемдері бойынша қаржыландыру жоспарлары, республикалық және жергілікті бюджеттерді орындау туралы талдамалы есеп ақпарат көзі болып табылады. 

8. «Бюджетті атқару жөніндегі ұйымдастыру шаралары»
критерийі бойынша бағалау

      28. «Бюджетті атқару жөніндегі ұйымдастыру шаралары» критерийі бойынша бағалау Әдістемеге 7-қосымшада көрсетілген мәндерге сәйкес көрсеткіштерді анықтау жолымен жүргізіледі.
      29. «Мемлекеттік сатып алу жылдық жоспары тармақтарының жалпы санына қарағанда мемлекеттік сатып алу жоспарының орындалған тармақтары санының үлесі» көрсеткіші мемлекеттік сатып алу жылдық жоспары тармақтарының жалпы санына қарағанда мемлекеттік сатып алу жоспарының орындалған тармақтары санын салыстыру жолымен айқындалады. Мемлекеттік сатып алудың веб-порталы ақпарат көзі болып табылады.
      30. «Мемлекеттік сатып алудың жылдық жоспарының жалпы көлеміне қарағанда мемлекеттік сатып алудың жылдық жоспарының орындалған тармақтарының бюджеттік қаражаты көлемінің үлесі» көрсеткіші Мемлекеттік сатып алудың жылдық жоспарының жалпы көлеміне қарағанда мемлекеттік сатып алудың жылдық жоспарының орындалған тармақтарының санын салыстыру жолымен айқындалады. Мемлекеттік сатып алудың веб-порталы ақпарат көзі болып табылады.
      31. «Мемлекеттік органның құзыретіне кіретін бюджеттік бағдарламаны іске асыру үшін қажет нормативтік және/құқықтық актілерді уақтылы қабылдау» көрсеткіші нормативтік құқықтық актілердің заңнамамен белгіленген мерзімде уақтылы қабылдануымен айқындалады.
      Бюджеттік бағдарламаны іске асыру үшін қажет нормативтік және/немесе құқықтық актілердің тізбесіне: Қазақстан Республикасы Үкіметінің немесе жергілікті атқарушы органның республикалық бюджет туралы заңды іске асыру туралы қаулылары немесе мәслихаттың жергілікті бюджет туралы шешімі, мемлекеттік органдардың стратегиялық жоспарлары, оларға өзгерістер мен толықтырулар енгізу жөніндегі нормативтік құқықтық актілер, бюджеттік бағдарламаны іске асыру үшін қабылданған Қазақстан Республикасы Үкіметінің немесе жергілікті атқарушы органдардың шешімдері енгізіледі.
      32. «Бюджеттік инвестициялық жобаның сметалық құнын ұлғайту фактілерінің болмауы» көрсеткіші бюджеттік инвестициялық жобаның құнын ұлғайтуға ұшыратқан бюджеттік инвестициялық жобалардың жобалау-сметалық құжаттамасын түзету жағдайларының бар не жоқ екендігін көрсетеді.
      Бюджеттік инвестициялық жобаның сметалық құнын ұлғайту фактісі болған жағдайда республикалық бюджеттік бағдарламалар әкімшісінің/облыстың, республикалық маңызы бар қаланың, астананың жергілікті атқарушы органының бюджеттік инвестициялық жобасының қымбаттау пайызы есептеледі.
      Бұл ретте, бюджеттік инвестициялық жобаның сметалық құнының қымбаттау пайызы инвестициялық жобаның жобалау-сметалық құжаттамасында көзделген оның бастапқы құнына қатысты есептеледі.
      Егер бюджеттік бағдарламалар әкімшісі жобалау-сметалық құжаттама негізінде бюджеттік инвестициялық жобаларды іске асыруды көздемеген жағдайда, онда бұл жағдайда осы көрсеткіш бойынша орташа балл беріледі.
      Бұл ретте, орталық мемлекеттік органдар мен облыстың, республикалық маңызы бар қаланың, астананың жергілікті атқарушы органдары Әдістемеге 4-қосымшаға сәйкес ақпарат береді.
      33. «Объектіні белгіленген мерзімде тапсыру (енгізу)» көрсеткіші мерзімдерін бұзу жағдайлары бар не жоқ екендігін көрсетеді.
      Уақтылы пайдалануға енгізілмеген объектілер болған жағдайда республикалық бюджеттік бағдарламалар әкімшісінің/облыстың, республикалық маңызы бар қаланың, астананың жергілікті атқарушы органы объектілерінің жалпы санына қарағанда есепті кезеңде пайдалануға енгізілуі тиіс уақтылы енгізілмеген объектілердің үлесі есептеледі.
      Бюджеттік бағдарлама әкімшісі объектіні тапсыруды (енгізуді) көздемеген жағдайда, осы көрсеткіш бойынша орташа балл беріледі.
      Бұл ретте, орталық мемлекеттік және облыстың, республикалық маңызы бар қаланың, астананың жергілікті атқарушы органдары Әдістемеге 5-қосымшаға сәйкес ақпарат береді. 

9. «Бюджеттік бағдарламаның тікелей нәтижелеріне қол жеткізу»
критерийі бойынша бағалау

      34. Осы бюджеттік бағдарлама бойынша бюджеттік қаражат шегінде көзделген орындалатын мемлекеттік функциялардың, өкілдіктер мен көрсетілетін мемлекеттік қызметтер көлемінің сандық сипаттамасын көрсететін көрсеткіштер тікелей нәтиже көрсеткіштері болып табылады.
      35. Осы бюджеттік бағдарлама бойынша тікелей нәтижеге қол жеткізуді бағалау әрбір іс-шараның іс жүзінде қол жеткізілген сандық көрсеткіштерін жоспарланғанмен ара қатынасын салыстыру жолымен жүзеге асырылады.
      36. Бюджеттік бағдарламалар бойынша тікелей нәтижелердің көрсеткіштері тікелей нәтижеге қол жеткізуді бағалауға мүмкіндік бермейтін сандық сипаттамалардың орнына іс-шараларды көздеген жағдайда, онда осы бюджеттік бағдарлама тікелей нәтижеге қол жеткізілмеген және сапасыз жоспарлаудың нәтижесі ретінде бағаланады.
      37. Бір бюджеттік бағдарлама шеңберіндегі тікелей нәтижелердің барлық көрсеткіштерінің орташа мәні барлық көрсеткіштердің нәтижелерін, оның ішінде бюджеттік бағдарламалардың әкімшісі объективті, бюджеттік бағдарламалардың әкімшілеріне тәуелсіз себептерге (форс-мажорлық жағдайлар) байланысты қол жеткізбеген көрсеткіштерді ескере отырып шығарылады.
      38. Бір бюджеттік бағдарлама шеңберіндегі тікелей нәтиженің балы Әдістемеге 7-қосымшада көрсетілген мәндерге сәйкес айқындалады.
      39. Одан әрі барлық бюджеттік бағдарламалардың тікелей нәтижелері көрсеткіштерінің орташа балы айқындалады.
      40. Жергілікті атқарушы органдар бойынша критерий бойынша бағалау жергілікті бюджеттік бағдарламалардың барлық әкімшілері бойынша тікелей нәтижелер көрсеткіштерінің орташа балы ретінде айқындалады.
      41. Барынша жоғары балл Әдістемеге 1–кестеде көрсетілгеннен аса алмайды.
      42. Бір бюджеттік бағдарлама шеңберінде осы критерийдің көрсеткіштері артық орындалған жағдайда «100%» көрсеткіші бойынша балл беріледі.
      43. Мемлекеттік органдардың стратегиялық жоспарының 7 «Бюджеттік бағдарламалар» бөлімі және оны іске асыру жөніндегі есеп, ал стратегиялық жоспарларды әзірлемейтін бюджеттік бағдарламалардың әкімшілері бойынша бекітілген бюджеттік бағдарламалар мен оларды іске асыру жөніндегі есептер ақпарат көзі болып табылады. 

10. «Бюджеттік бағдарламалардың тікелей нәтижелерінің серпіні»
критерийі бойынша бағалау

      44. «Бюджеттік бағдарламалардың тікелей нәтижелерінің серпіні» критерийі бойынша бағалау мемлекеттік органдардың бағаланып отырған кезеңдегі барлық бюджеттік бағдарламаларының қалыптасқан тікелей көрсеткішінің орташа балын өткен жылғы ұқсас көрсеткіштермен салыстыру жолымен айқындалады.
      Бірдей ең жоғары баллдарға қол жеткізілген жағдайда (100%), ең жоғары балл беріледі.
      Баға Әдістемеге 7-қосымшада көрсетілген мәндерге сәйкес беріледі.
      45. Бюджет қаражатын басқару жөніндегі мемлекеттік органның қызметінің тиімділігін бағалау нәтижелері туралы қорытынды ақпарат көзі болып табылады. 

11. «Бюджеттік бағдарламалардың нәтижелігінің көрсеткіштерін
жоспарлау сапасы» критерийі бойынша бағалау

      46. «Бюджеттік бағдарламалардың нәтижелігінің көрсеткіштерін жоспарлау сапасы» критерийі бойынша бағалау мемлекеттік органның стратегиялық жоспарының құрамында бекітілген бюджеттік бағдарламалардың тиімділігінің көрсеткіштерін талдау жолымен жүзеге асырылады.
      Барлық бюджеттік бағдарламаларда саны жағынан өлшенетін және бағалауға жататын болып табылатын тиімділік көрсеткіштері болған жағдайда, онда ең жоғары балл беріледі.
      Тiкелей және/немесе түпкiлікті нәтиже болмаған не тiкелей нәтижеге қол жеткiзудi бағалауға мүмкiндiк бермейтiн немесе түпкiлікті нәтижелерi бар тiкелей нәтижелердi қайталайтын сандық сипатының орнына iс-шаралар болған жағдайда, сондай-ақ бюджеттік бағдарламалар әкімшісі бюджеттік бағдарлама көрсеткіштерін басқа бюджеттік бағдарламасының көрсеткіштерінде қайталаған жағдайда 0 балл берiледi.
      Бюджеттік бағдарламалар әкімшісі бойынша барлық бюджеттік бағдарламалар бойынша тиісті балл берілетін осы көрсеткіш бойынша тиімділіктің орташа балы анықталады.
      Баға Әдістемеге 7-қосымшада көрсетілген мәндерге сәйкес қойылады.
      Ескерту. 46-тармаққа өзгеріс енгізілді - ҚР Қаржы министрінің 2012.04.25 № 219 (мемлекеттiк тiркелген күнiнен бастап қолданысқа енгiзiледi) Бұйрығымен.
      47. Мемлекеттік органдардың стратегиялық жоспарының 7 «Бюджеттік бағдарламалар» бөлімі ақпарат көзі болып табылады. 

12. «Бюджеттік бағдарламаларды орындаудың тиімділігі»
критерийі бойынша бағалау

      48. «Бюджеттік бағдарламаларды орындаудың тиімділігі» критерийі бойынша бағалау бюджеттік бағдарламаның тікелей нәтижеге қол жеткізу пайызын тиісті қаржылық жылға бөлінген қаражатты іс жүзінде игерілуінің пайызына бөлу жолымен жүзеге асырылады.
      Бюджеттік бағдарламаны орындаудың тиімділігі былай анықталады:
      Эф б/б = % ПР / % OC х 100%
      мұнда, Эф б/б – бюджеттік бағдарламаны орындау тиімділігі;
      % ПР – тікелей нәтижеге қол жеткізу пайызы;
      % OC – бюджет қаражатын игеру пайызы.
      Бюджеттік бағдарламаны орындаудың тиімділігін бағалау Әдістемеге 7-қосымшада көрсетілген мәндерге сәйкес айқындалады.
      Бюджеттiк бағдарламаның тiкелей нәтижесiне 90,1%-дан кем қол жеткiзiлген болса, онда бюджеттік бағдарламаның тиімділігі «0 пайызға» тең болады.
      Бюджеттік бағдарламалар әкімшісі бойынша барлық бюджеттік бағдарламалар бойынша тиісті балл берілетін тиімділіктің орташа балы айқындалады.
      Жергілікті атқарушы органдар бойынша осы критерий бойынша бағалау жергілікті бюджеттік бағдарламалардың барлық әкімшілері бойынша бюджеттік даму бағдарламаларды орындаудың тиісті балл берілетін тиімділігі критерийінің орташа балы түрінде айқындалады.
      Ескерту. 48-тармаққа өзгеріс енгізілді - ҚР Қаржы министрінің 2012.04.25 № 219 (мемлекеттiк тiркелген күнiнен бастап қолданысқа енгiзiледi) Бұйрығымен.
      49. Республикалық және жергілікті бюджеттерді орындау туралы талдамалық есептер, мемлекеттік органдардың стратегиялық жоспарының 7 «Бюджеттік бағдарламалар» бөлімі ақпарат көзі болып табылады.

13. «Дебиторлық берешектің болмауы» критерийі бойынша бағалау

      50. «Дебиторлық берешектің болмауы» критерийі бойынша бағалау республикалық бюджеттік бағдарламалар/облыстың, республикалық маңызы бар қаланың, астананың жергілікті атқарушы органының бюджеттік даму бағдарламалары әкімшісінің дебиторлық берешегінің болмауы/болуы немесе өзгеруін көрсетеді.
      Баға Әдістемеге 7-қосымшада көрсетілген мәндерге сәйкес қойылады.
      51. Есепті қаржы жылына арналған бюджеттік бағдарламалар әкімшілерінің дебиторлық берешектері туралы есептер ақпарат көзі болып табылады. 

14. «Кредиторлық берешектің болмауы» критерийі бойынша бағалау

      52. «Кредиторлық берешектің болмауы» критерийі бойынша бағалау республикалық бюджеттік бағдарламалар/облыстың, республикалық маңызы бар қаланың, астананың жергілікті атқарушы органының бюджеттік даму бағдарламалары әкімшісінің кредиторлық берешегінің болмауы/болуы немесе өзгеруін көрсетеді.
      Баға Әдістемеге 7-қосымшада көрсетілген мәндерге сәйкес қойылады.
      53. Есепті қаржы жылына арналған бюджеттік бағдарламалар әкімшілерінің кредиторлық берешектері туралы есептер ақпарат көзі болып табылады. 

15. Орталық мемлекеттік және жергілікті атқарушы органдардың
бюджет қаражатын басқару тиімділігін қорытынды бағалау

      54. Орталық мемлекеттік және жергілікті атқарушы органдардың бюджет қаражатын басқару тиімділігін қорытынды бағалау барлық критерийлер бойынша баллдарды қосумен анықталады. 

16. Бағалау нәтижелерін қайта тексеру

      55. Тексеру іс-шаралары Қазақстан Республикасының Президенті Әкімшілігінің тапсырмасы бойынша не бағаланатын мемлекеттік органдардың растайтын құжаттары бар келіспеушіліктері түскен кезде жүзеге асырылуы мүмкін.
      Күнтiзбелiк он бес күн iшiнде бюджеттi атқару жөнiндегi орталық уәкiлеттi орган Қазақстан Республикасы Президентiнiң Әкiмшiлiгiне және бағаланатын мемлекеттiк органдарға қайта тексеру нәтижелерi бойынша келiспеушiлiктердi қабылдау не қабылдамау туралы негiзделген қорытындыларды жiбередi. Келiспеушiлiктер қабылданған жағдайда бағалау нәтижелерi туралы қорытындыға тиiстi түзетулер енгiзiледi.
      Ескерту. 55-тармаққа өзгеріс енгізілді - ҚР Қаржы министрінің 2012.04.25 № 219 (мемлекеттiк тiркелген күнiнен бастап қолданысқа енгiзiледi) Бұйрығымен.
      56. Бюджетті атқару жөніндегі орталық уәкілетті орган нәтижелерді қайта тексеру үшін бағалаудың объективтілігі мен айқындылығын қамтамасыз ету мақсатында, құрамына бағалауға қатысқан мемлекеттік органдардың қызметкерлері кіре алмайтын арнайы комиссия құрады.
      57. Есептілік деректері қосымша зерделеуді және растайтын құжаттарымен таныстыруды талап ететін мемлекеттік органдардың тізбесін және қайта тексеру жүргізу мерзімін Кіші жұмыс тобы айқындайды. 

17. Мемлекеттік органдардың бюджет қаражатын басқару
тиімділігін бағалау нәтижелері жөніндегі
Сарапшылық комиссиясының ұсынымдарын іске асыру бойынша
іс-шаралардың пост-аудиті

      58. Пост-аудит – алдыңғы бағалау нәтижелер бойынша берілген тапсырмалар мен ұсынымдардың (бұдан әрі – Ұсынымдар) толық іске асырылуын айқындау бойынша шаралар кешені.
      59. Ұсынымдар негізінде әрбір мемлекеттік орган қызметі тиімділігінің көрсеткіштерін жақсарту жөнінде іс-шаралар жоспарын (бұдан әрі – Жоспар) әзірлейді.
      60. Жоспар жауапты орындаушыларға және олардың іске асырылуы мерзімдеріне байланысты анықталған түйткілді мәселелерді жою бойынша мемлекеттік органның нақты іс-қимылын қамтиды.
      61. Бюджетті атқару жөніндегі орталық уәкілетті орган қайта тексеру бойынша іс-шаралар шеңберінде жоспарды іске асыруға тексеру жүргізеді, оның нәтижелері бойынша тексеру есебі дайындалады.
      62. Бюджетті атқару жөніндегі орталық уәкілетті органның өкілі қол қойған және пост-аудит объектісінің өкілі бұрыштама соққан есеп Кіші жұмыс тобы басшысының қарауына ұсынылады.
      63. Пост-аудит нәтижелері бюджет қаражатын басқару жөніндегі мемлекеттік органның қызметтің тиімділігін бағалау нәтижелері туралы қорытындыларда «Пост-аудит нәтижелері» бөлімінде көрсетіледі.

Мемлекеттік органның бюджет 
қаражатын басқарудың     
тиімділігін бағалау әдістемесіне
1-қосымшасы         

      Ескерту. 1-қосымшаға өзгеріс енгізілді - ҚР Қаржы министрінің 2012.04.25 № 219 (мемлекеттiк тiркелген күнiнен бастап қолданысқа енгiзiледi) Бұйрығымен.

Нысан    

Мемлекеттік органның бюджет қаражатын басқару тиімділігін
бағалау жөніндегі есептілік________________________________________________________
(мемлекеттік органның атауы)

Орталық мемлекеттік органның
басшысы /облыстың,
республикалық маңызы бар
қаланың, астананың әкімі       ___________    ________________
                                    (қолы)          (толық жазу)

Мемлекеттік органның бюджет 
қаражатын басқарудың     
тиімділігін бағалау әдістемесіне
2-қосымшасы         

 20___жылғы Бюджет қаражатының игерілмеу себептері
________________________________________________________
(мемлекеттік органның атауы)

                                   (мың тенге)

кестенің жалғасы

Орталық мемлекеттік органның
басшысы/облыстың,
республикалық маңызы бар
қаланың, астананың әкімі       ___________    ________________
                                     (қолы)      (таратып жазылуы)

Мемлекеттік органның бюджет 
қаражатын басқарудың     
тиімділігін бағалау әдістемесіне
3-қосымшасы         

"Бюджеттік бағдарламаның тікелей нәтижелеріне қол жеткізу" критерийі бойынша талдау нәтижелері туралы ақпарат

______________________________________________________________
(орталық мемлекеттік органның/жергілікті атқарушы органның атауы)

______________
(есепті кезең)
Бюджеттік бағдарлама әкімшісінің коды мен атауы: __________________
Бюджеттік бағдарлама __________________
Сипаттау: __________________

Орталық мемлекеттік органның
басшысы/облыстың,
республикалық маңызы бар
қаланың, астананың әкімі       ___________    ________________
                                     (қолы)     (қолын толық жазу)

Мемлекеттік органның бюджет 
қаражатын басқарудың     
тиімділігін бағалау әдістемесіне
4-қосымшасы         

___жылы құрылыс және реконструкциялау объектілерінің құнының қымбаттауы туралы ақпараты
________________________________________
(мемлекеттік органның атауы)

(мың теңге)    

Орталық мемлекеттік органның
басшысы/облыстың,
республикалық маңызы бар
қаланың, астананың әкімі       ___________    ________________
                                     (қолы)     (қолын толық жазу)

Мемлекеттік органның бюджет 
қаражатын басқарудың     
тиімділігін бағалау әдістемесіне
5-қосымшасы          

_____жылы уақтылы пайдалануға берілмеген объектілер туралы ақпарат
__________________________________________________________________
(мемлекеттік органның атауы)

Орталық мемлекеттік органның
басшысы/облыстың,
республикалық маңызы бар
қаланың, астананың әкімі       ___________    ________________
                                     (қолы)     (қолын толық жазу)

Мемлекеттік органның бюджет  
қаражатын басқарудың      
тиімділігін бағалау әдістемесіне
6-қосымша           

Нысан             

Мемлекеттік органның бюджет қаражатын басқару тиімділігін
бағалау нәтижелері туралы қорытынды

_______________________________________________________________
(орталық мемлекеттік органның/жергілікті атқарушы органның атауы)

_______________
(есепті кезең)

      Орталық мемлекеттік органның/жергілікті атқарушы органның қызметінің тиімділігін бағалау критерийлері бойынша талдау:

      1. "Тиісті қаржы жылына бөлінген қаражатты игеру" критерийі бойынша:
____________________________________________________________________
      2. "Мемлекеттік қаржылық бақылау органдарының тексеру қорытындылары бойынша бюджеттік және өзге заңнаманы бұзушылықтардың болмауы" критерийі бойынша:

____________________________________________________________________
      3. "Мемлекеттік қаржылық бақылау органдары енгізген ден қою актілерін орындау бойынша қабылданған (іске асырылған) шаралар" критерийі бойынша:

____________________________________________________________________
      4. "Мемлекеттік органның ішкі бақылау қызметінің бюджет қаражатын басқару жөніндегі қызметі және олардың ұсынымдарын орындау бойынша шаралар" критерийі бойынша:
____________________________________________________________________
      5. "Шығыстардың бекітілген көлеміне қарағанда бюджеттік бағдарламалар әкімшісінің қайта бөлінген қаражатының көлемі" критерийі бойынша:
_______________________________________________________________
      6. «Бюджетті атқару жөніндегі ұйымдастыру шаралары» критерийі бойынша:
_______________________________________________________________

      7. «Бюджеттік бағдарламаның тікелей нәтижелеріне қол жеткізу» критерийі бойынша:
_______________________________________________________________
      8. «Бюджеттік бағдарламаның тікелей нәтижелерінің серпіні» критерийі бойынша:
_______________________________________________________________

      9. «Бюджеттік бағдарламалардың нәтижелігінің көрсеткіштерін жоспарлау сапасы» критерийі бойынша:
_______________________________________________________________

      10. «Бюджеттік бағдарламаларды орындаудың тиімділігі» критерийі бойынша:
_______________________________________________________________
      11. «Дебиторлық берешектің болмауы» критерийі бойынша:
_______________________________________________________________

      12. «Кредиторлық берешектің болмауы» критерийі бойынша:
_______________________________________________________________

Қорытындылар мен ұсынымдар:
_____________________________________________________________________
_____________________________________________________________________
_____________________________________________________________________
_____________________________________________________________________
_____________________________________________________________________

«Пост-аудит нәтижелері»:

_____________________________________________________________________
 
Бюджеттің атқарылуы жөніндегі
орталық уәкілетті органның басшысы _________   _________________
                                         (қолы)   (қолын толық жазу)
                                      20___ж. «____ »_____________

Мемлекеттік органның бюджет  
қаражатын басқарудың      
тиімділігін бағалау әдістемесіне
7-қосымша           

      Ескерту. 7-қосымшаға өзгеріс енгізілді - ҚР Қаржы министрінің 2012.04.25 № 219 (мемлекеттiк тiркелген күнiнен бастап қолданысқа енгiзiледi) Бұйрығымен.

Критерийлер мен көрсеткіштердің баллдары

Қызмет бабында пайдалану үшін
№   дана      

      Қазақстан Республикасы
Қаржы министрінің  
2012 жылғы 10 қаңтардағы
№ 9 бұйрығына   
2-қосымшасы    

      РҚАО-ның ескертпесі: "ҚБПҮ" грифімен берілген 2-қосымша "Заң" деректер базасына енгізілмейді.

Қазақстан Республикасы Ұлттық Банкінің ақша қаражатын
басқарудың тиімділігін бағалау әдістемесі