Екінші деңгейдегі банктердің олармен айрықша қатынастар арқылы байланысты тұлғалармен жасаған мәмілелері жөніндегі ақпаратты ұсыну нысандарын бекіту туралы

      "Қазақстан Республикасындағы банктер және банк қызметi туралы" Қазақстан Республикасы Заңының 40-бабының 8 тармағының Қазақстан Республикасы Қаржы нарығын және қаржы ұйымдарын реттеу мен қадағалау агенттігінің (бұдан әрі – Агенттік) Басқармасы ҚАУЛЫ ЕТЕДІ:
      1. Осы қаулының 1, 2-қосымшаларына сәйкес екінші деңгейдегі банктердің олармен айрықша қатынастар арқылы байланысты тұлғалармен жасаған мәмілелері жөніндегі ақпаратты ұсыну нысандары (бұдан әрі – нысандар) бекiтiлсiн.
      2. Екінші деңгейдегі банктер ай сайын, есептi айдан кейiнгi айдың он бесінші жұмыс күнiнен кешiктiрмей қаржы нарығын және қаржы ұйымдарын реттеу мен қадағалау жөніндегі уәкілетті органға (бұдан әрі  уәкілетті орган) нысандарды осы қаулының 1, 2-қосымшаларына сәйкес ұсынылып отырған деректердiң құпиялылығын және түзетілмеуін қамтамасыз ететiн криптографиялық қорғау құралдары бар ақпаратты кепілдікпен жеткізудің көлік жүйесін пайдалану арқылы электронды тасымалдағышта ұсынады.
      Банктер уәкiлеттi органның талап етуi бойынша сұрату алынған күннен бастап екi жұмыс күнiнен кешiктiрмей нысандарды қағаз тасымалдағышта ұсынады.
      Электронды тасымалдағышта ұсынылатын деректердің қағаз тасымалдағыштағы деректермен бірдейлігін банк басқармасының бірінші басшысы немесе оның орнындағы тұлға қамтамасыз етеді.
      3. Қазақстан Республикасының мынадай нормативтік құқықтық актілерінің күші жойылды деп танылсын:
      Агенттік Басқармасының "Екiншi деңгейдегi банктердiң олармен айрықша қатынаста болатын тұлғалармен жасаған мәмiлелерi туралы ақпаратты ұсыну нысандарын бекiту туралы" 2006 жылғы 17 маусымдағы № 134 (Нормативтік құқықтық актілерді мемлекеттік тіркеу тізілімінде № 4298 тіркелген) қаулысы;
      Агенттік Басқармасының "Қазақстан Республикасының кейбір нормативтік құқықтық актілеріне сәйкестендіру нөмірлері бойынша өзгерістер мен толықтырулар енгізу туралы" 2007 жылғы 28 мамырдағы № 155 (Нормативтік құқықтық актілерді мемлекеттік тіркеу тізілімінде № 4803 тіркелген, 2007 жылғы мамыр-шілдеде Қазақстан Республикасының орталық атқарушы және өзге де орталық мемлекеттік органдарының актілер жинағында жарияланған) қаулысының 21-тармағы;
      Агенттік Басқармасының "Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының "Екінші деңгейдегі банктердің олармен айрықша қатынаста болатын тұлғалармен жасаған мәмілелері туралы ақпаратты ұсыну нысандарын бекіту туралы" 2006 жылғы 17 маусымдағы № 134 қаулысына өзгерістер мен толықтыру енгізу туралы" 2008 жылғы 29 қазандағы № 173 (Нормативтік құқықтық актілерді мемлекеттік тіркеу тізілімінде № 5387) тіркелген қаулысы.
      4. Осы қаулы Қазақстан Республикасы Әділет министрлігінде мемлекеттік тіркеуден өткен күннен бастап он төрт күнтізбелік күн өткен соң қолданысқа енгізіледі.
      5. Стратегия және талдау департаменті (Н.А. Әбдірахманов):
      1) Заң департаментімен (Н.В. Сәрсенова) бірлесіп, осы қаулыны Қазақстан Республикасы Әділет министрлігінде мемлекеттік тіркеуден өткізу шараларын қолға алсын;
      2) осы қаулы Қазақстан Республикасы Әділет министрлігінде мемлекеттік тіркеуден өткен күннен бастап он күндік мерзімде оны Агенттіктің мүдделі бөлімшелеріне, Қазақстан Республикасының Ұлттық Банкіне, екінші деңгейдегі банктерге және "Қазақстан қаржыгерлерінің қауымдастығы" заңды тұлғалар бірлестігіне мәлімет үшін жеткізсін.
      6. Агенттіктің Төрайым Қызметі (А.Ә. Кенже) осы қаулыны Қазақстан Республикасының бұқаралық ақпарат құралдарында жариялау шараларын қолға алсын.
      7. Осы қаулының орындалуын бақылау Агенттік Төрайымының орынбасары Қ.Б. Қожахметовке жүктелсін.

      Төрағаның міндетін атқарушы                     Қ. Қожахметов

Қазақстан Республикасы     
Қаржы нарығын және қаржы    
ұйымдарын реттеу мен қадағалау
агенттігі Басқармасының    
2010 жылғы 15 шілдедегі    
№ 108 қаулысының        
1-қосымшасы          

1-нысан 

Есептi кезең ішінде аралығына жасалған, банкпен айрықша
қатынастар арқылы байланысты тұлғалармен жасалған, сондай-ақ
201__ жылғы "__" ______ жағдай бойынша қолданыстағы мәмiлелер
туралы ақпарат ___________________________
           (банк атауы)

      кестенің жалғасы

      кестенің жалғасы

      Банктің онымен айрықша қатынастар арқылы байланысты тұлғамен жасаған операцияларының әрбiр түрi бойынша сомасы жиынтығында Қазақстан Республикасы Қаржы нарығын және қаржы ұйымдарын реттеу мен қадағалау агенттiгi Басқармасының нормативтiк құқықтық актiлердi мемлекеттiк тiркеу тiзiлiмiнде № 3924 тiркелген "Екiншi деңгейдегi банктерге арналған пруденциалдық нормативтердiң нормативтiк мәнi мен әдiстемесiнiң есебi туралы Нұсқаулықты бекiту туралы" 2005 жылғы 30 қыркүйектегi № 358 қаулысына сәйкес есептелетiн банктiң меншiктi капиталының мөлшерiнен 0,001 пайыз аспайтын, банктің онымен айрықша қатынастар арқылы байланысты тұлғалармен жасаған мәмiлелерiнiң жалпы сомасы 201 __ жылғы "__" _____ жағдай бойынша _______________ мың теңге болады.
      Банктің банкпен айрықша қатынастар арқылы байланысты тұлға болып табылатын сақтандыру ұйымында сақтандырылған клиенттері заемдарының жалпы сомасы есепті күндегі жағдай бойынша _________ мың теңгені құрайды.
      Банк банкпен айрықша қатынастар арқылы байланысты тұлғаларға есептi кезең iшiнде жеңiлдiк берілген талаптардың ұсынылмағанын және банкпен айрықша қатынастар арқылы байланысты тұлғалармен осы ақпаратта көрсетiлгендерді қоспағанда басқа мәмiлелер жасалмағандығын растайды.

      Бірінші басшы (ол жоқ болған
      кезеңде – оның орнындағы тұлға)              ________________

      Бас бухгалтер                                ________________

      Орындаушы:                                   ________________

      Мөрге арналған орын:

      Кестенi толтыруға байланысты нұсқаулар:
      1) кестеде тиісті есепті күндегі жағдай бойынша банктiң онымен айрықша қатынастар арқылы байланысты тұлғамен жасаған операцияларының әрбiр түрi бойынша сомасы жиынтығында Қазақстан Республикасы Қаржы нарығын және қаржы ұйымдарын реттеу мен қадағалау агенттiгi Басқармасының нормативтiк құқықтық актiлердi мемлекеттiк тiркеу тiзiлiмiнде № 3924 тiркелген "Екiншi деңгейдегi банктерге арналған пруденциалдық нормативтердiң нормативтiк мәнi мен әдiстемесiнiң есебi туралы Нұсқаулықты бекiту туралы" 2005 жылғы 30 қыркүйектегi № 358 қаулысына сәйкес есептелетiн банктiң меншiктi капиталының мөлшерiнен 0,001 пайыз асатын, банктің онымен айрықша қатынастар арқылы байланысты тұлғалармен жасаған барлық мәмілелері туралы, оның ішінде кестеде көрсетілген мәмілелер (бірақ олармен шектелместен) туралы мәліметтер көрсетіледі;
      2) егер мәмілелер талаптарында қамтамасыз етудің болуы, сыйақы төлеу немесе провизияларды есептеу болжанбайтын болса, онда 12, 13, 14, 15, 16, 17, 18, 22-бағандар толтырылмайды;
      3) 2-бағанда жеке тұлға үшін тегі, аты міндетті түрде, әкесінің аты – бар болған кезде көрсетіледі;
      4) 15-бағанда баллмен есептегенде қамтамасыз етудің сапасы Қазақстан Республикасы Қаржы нарығын және қаржы ұйымдарын реттеу мен қадағалау агенттігі Басқармасының 2006 жылғы 25 желтоқсандағы № 296 (Нормативтік құқықтық актілерді мемлекеттік тіркеу тізілімінде № 4580 тіркелген) қаулысымен бекітілген Активтерді, шартты міндеттемелерді жіктеу және оларға қарсы провизиялар (резервтер) құру ережесіне сәйкес бағаланады;
      5) 24-бағанда ағымдағы жылдың басынан бастап жинақталған, есептелген кіріс/шығыс сомасы көрсетіледі;
      6) "23. Банктің банкпен айрықша қатынастар арқылы байланысты тұлға болып табылатын сақтандыру ұйымымен жасалған сақтандыру шарттары бойынша төлеген сақтандыру сыйлықақылары (жарналары)" деген жол бойынша 9-бағанда сақтандыру шарты бойынша сақтандыру сомасы көрсетіледі.

Қазақстан Республикасы     
Қаржы нарығын және қаржы    
ұйымдарын реттеу мен қадағалау
агенттігі Басқармасының    
2010 жылғы 15 шілдедегі    
№ 108 қаулысының        
2-қосымшасы          

2-нысан 

201 __ жылғы "__" ______ жағдай бойынша ____________
                                           (банк атауы)
банкпен айрықша қатынастар арқылы байланысты тұлғалар
тізілімі

      Бірінші басшы (ол жоқ болған
      кезеңде – оның орнындағы тұлға)      ________________________

      Бас бухгалтер                        ________________________

      Орындаушы:                           ________________________

      Мөрге арналған орын: