"Халық денсаулығы және денсаулық сақтау жүйесi туралы" Қазақстан Республикасының 2009 жылғы 18 қыркүйектегі кодексіне сәйкес БҰЙЫРАМЫН:
1. Қоса беріліп отырған Тегін медициналық көмектің кепілдік берілген көлемі шеңберінде көрсетілетін медициналық қызметтерге арналған тарифтерді қалыптастыру мен шығындарды жоспарлау ережесі (бұдан әрі - Ереже) бекітілсін.
2. Қазақстан Республикасы Денсаулық сақтау министрлігі Медициналық көмекті ұйымдастыру департаментінің директоры (А.Т. Айдарханов) осы бұйрықты заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін қамтамасыз етсін.
3. Қазақстан Республикасы Денсаулық сақтау министрлігінің Әкімшілік-құқықтық жұмыс департаменті (Ф.Б. Бисмильдин) осы бұйрық мемлекеттік тіркеуден өткеннен кейін заңнамада белгіленген тәртіппен ресми жариялануын қамтамасыз етсін.
4. Осы бұйрықтың орындалуын бақылау вице-министр Е.А. Біртановқа жүктелсін.
5. Осы бұйрық алғаш ресми жарияланған күнінен кейін он күнтізбелік күн өткеннен соң қолданысқа енгізіледі.
Министр Ж. Досқалиев
Қазақстан Республикасы
Денсаулық сақтау министрінің
2009 жылғы 26 қарашадағы
N 801 бұйрығымен
бекітілген
Тегін медициналық көмектің кепілдік берілген көлемінің
шеңберінде көрсетілетін медициналық қызметтерге шығындарды
жоспарлау мен тарифтер жасау әдістемесі
1. Негізгі ережелер
1. Осы тегін медициналық көмектің кепілдік берілген көлемінің шеңберінде көрсетілетін медициналық қызметтерге шығындарды жоспарлау мен тарифтер жасау әдістемесі (бұдан әрі - Әдістеме) Қазақстан Республикасының 2009 жылғы 18 қыркүйектегі "Халық денсаулығы және денсаулық сақтау жүйесі туралы" Кодексінің 23-бабына сәйкес әзірленген.
2. Осы Әдістеме тегін медициналық көмектің кепілдік берілген көлемінің шеңберінде көрсетілетін мынадай медициналық қызметтерге берілетін тарифтерді белгілеу бойынша механизімен айқындайды:
1) бастапқы медициналық-санитарлық көмек (бұдан әрі - БМСК);
2) консультациялық-диагностикалық көмек;
3) жедел медициналық көмек;
4) стационарлық көмек;
5) стационарды алмастыратын медициналық көмек.
3. Осы әдістемеде мынадай ұғымдар пайдаланылады:
жан басына шаққандағы норматив – медициналық қызметтердiң нақты көлемiн қамтамасыз ету үшiн жыл сайын бiр адамға есептелiп, қайта қаралатын шығындардың белгiленген нормасы,
жасы-жынысы бойынша түзету коэффициентi – бұл, тұрғындардың жасы-жынысы бойынша әр түрлi санатына медициналық көмектi тұтыну деңгейiндегi айырмашылықтарды ескеретiн коэффициент,
тарификатор – тәулік бойы медиициналық қадағалаусыз көрсетiлетiн медиициналық қызметтерге арналған тарифтер тiзбесi,
тариф – ауруды емдеу және салалық бірыңғай үлгіге сәйкес емделген жағдай үшін шығындар өтемінің құны,
стационарлық көмектің шекті көлемі – денсаулық сақтау саласындағы уәкiлеттi орган белгiлейтін сала бөлігінде стационарлық көмектің жылдық көлемдерi,
қызметтердің шығын көлемі коэффиценті – нақты қызметтер құнының барлық қызметтердің орташа құнына қатынасын көрсетеді.
тарификатордың базалық тарифі - бұл терапевт дәрігерінің (жалпы тәжірибе дәрігері) бастапқы қабылдау құны.
2. Тарифтерді есептеудің негізгі кезеңдері
4. Бюджеттік бағдарламалар әкімшісімен:
жоспарлы кезеңге арналған көмектің түрлері бойынша медициналық қызметтерді тұтынудың жоспарлы көлемі айқындалады;
медициналық ұйымдардың түрлері бойынша медициналық көмек көрсетуге арналған шығындарын өтеу үшін ресурстардың қажетті көлемі айқындалады. Көмектің түрлері бойынша шығындарды жоспарлау Қазақстан Республикасының заңнамаларымен бекітілген қолданыстағы нормативтік шығыстардың негізінде жүзеге асырылады.
3. Медициналық қызметтерге тарифтер жасау
5. Бастапқы медициналық-санитарлық көмек көрсететін ұйымдар үшін тариф жан басына шаққандағы норматив болып табылады, қызмет көрсетілетін аймақ немесе медициналық ұйымды өз еркімен таңдауға құқығы ескеріліп бекітілген азаматтар, мемлекеттік бюджетте қаралған қаражаттардың жалпы көлемін бекітілген тұрғындар саны мен жасы-жынысы бойынша түзету коэффицентіне бөлу арқылы есептеледі.
Жасы-жынысы бойынша түзету коэффиценті амбулаториялық поликлиникалық көмек көрсетуге арналған, бюджеттік қаражаттарды жынысы және жас шамасы бойынша салыстармалы бөлуді көрсетеді.
6. Консультациялық-диагностикалық көмек көрсететін денсаулық сақтау ұйымдары үшін тариф, қызметтердің шығын көлемі коэффицентін тарификатордың базалық тарифіне бөлу арқылы анықталатын тарификатор болып табылады.
Шығын көлемі коэффиценті нақты қызметтер құнының базалық тариф құнынын қатынасындай есептеледі. Тарификатордың базалық тарифі – бұл терапевт дәрігердің (жалпы тәжірибе дәрігері) бастапқы қабылдау құны.
7. Жедел медициналық көмекке тариф, мемлекеттік бюджетте қаралған, қаражаттар көлемінің шақыртулар санына қатынасындай айқындалады.
8. Стационарлық, стационарды алмастырушы көмек көрсететін денсаулық сақтау ұйымдары үшін тариф, медициналық қызметтерді көрсетуге байланысты барлық фактілік шығыстарды (денсаулық сақтау ұйымдарындағы қызметкерлердің еңбекақысы, ҚР Еңбек кодексіне сәйкес қосымша ақшалай төлемдер, ҚР Салық кодексіне сәйкес әлеуметтік аударымдар, дәрілік құралдарды, медициналық мақсаттағы бұйымдарды және шығыстық материалдарды сатып алу, медициналық-экономикалық тарифтер – пациенттерге азық-түлік сатып алу, сондай-ақ коммуналдық және басқада шығыстар) сомалау арқылы жасалады.
9. Стационарды алмастыру көмегі бойынша тариф сәйкесінше стационарлық көмек тарифінің 1/6 құрайды.
4. Медициналық қызметтерге шығындарды жоспарлау
10. Медициналық шығындарды жоспарлау, денсаулық сақтау жүйесінің және денсаулық сақтау ұйымдарының қызметін мынадай көрсеткіштер бойынша талдау мен бағалау негізінде жүзеге асырылады:
тұтас алғанда өңір бойынша және әрбір денсаулық сақтау ұйымының аурулардың түрлері бойынша медициналық көмектің түрлері (3 жылдық кезең үшін);
сырқаттардың стационарда болған күндерінің, төсек орындарының саны, төсекте болудың орташа ұзақтығы, төсек орынның денсаулық сақтау ұйымы тұрғысында жұмыс істеуі;
бюджеттік қаражаттың және басқа да көздердің, соның ішінде ақылы қызметтердің есебінен көрсетілген медициналық қызметтердің көлемдері;
жұмыс істейтін қызметкерлер құрамының саны; еңбекақы төлеудің деңгейі;
медициналық жабдықпен жарақтандырылуы және олардың пайдаланылуы, медициналық жиһазбен, жұмсақ мүкәммалмен және басқалармен қамтамасыз етілуі, олардың тозу дәрежесі;
ғимараттар мен құрылыстардың жай-күйі, жөндеу қажеттілігі.
11. Денсаулық сақтау саласындағы уәкілетті органмен белгіленген, (медициналық қызметтер анықтамасы, операциялар мен манипуляциялар анықтамасы, медициналық-экономикалық тарифтер анықтамасы, емдік құралдар мен медициналық мақсаттағы бұйымдар тізімдемесі) талдаудың негізінде статистикалық деректер мен салалық анықтамалар ескеріле отырып, мыналар анықталады:
1) БМСК деңгейінде көрсетілуі тиіс медициналық көмектің жоспарланып отырған көлемі;
2) жедел медициналық көмекті шақырудың жоспарланған саны;
3) мамандандырылған диагностикалық, соның ішінде стоматологиялық қызметтердің жоспарланып отырған мөлшері;
4) стационарлық көмектің шекті көлемдері;
5) күндізгі стационардағы, амбулаториялық хирургиядағы, үйдегі стационардағы сырқаттардың жоспарланып отырған мөлшері айқындалады.
6) тегін медициналық көмектің кепілдік берілген көлемі шеңберінде көрсетілетін медициналық көмектің көлемін реттеу.
Тегін медициналық көмектің
кепілді көлемінің шеңберінде
көрсетілетін медициналық қызметтерге
тарифтер жасау әдістемесіне
қосымша
Жынысы-жасы бойынша түзету коэффициенттері
Жасы |
Ерлер |
Әйелдер |
0-12 ай. |
4,82 |
5,52 |
12 ай-4 жас |
1,45 |
1,65 |
5-9 жас |
0,96 |
0,99 |
10-14 жас |
0,94 |
0,92 |
15-19 жас |
1,02 |
0,83 |
20-29 жас |
0,53 |
1,20 |
30-39 жас |
0,413 |
1,21 |
40-49 жас |
0,53 |
1,20 |
50-59 жас |
0,48 |
1,11 |
60-69 жас |
0,84 |
2,19 |
70 және одан астам |
1,11 |
1,48 |