Қазақстан Республикасы Президенті
мен Үкіметі актілерінің жинағында
толық мәтіні және республикалық
баспасөзде мазмұны жариялануға
тиіс
Мемлекеттік жастар саясатын іске асыру жүйесін жетілдіру мақсатында және Қазақстан Республикасы Конституциясының 44-бабының 20) тармақшасына сәйкес қаулы етемін:
1. Қазақстан Республикасы Президентінің жанындағы Жастар саясаты жөніндегі кеңес құрылсын.
2. Мыналар:
1) Қазақстан Республикасы Президентінің жанындағы Жастар саясаты жөніндегі кеңес туралы ереже ;
2) Қазақстан Республикасы Президентінің жанындағы Жастар саясаты жөніндегі кеңестің құрамы бекітілсін.
3. Осы Жарлық қол қойылған күнінен бастап қолданысқа енгізіледі.
Қазақстан Республикасының |
| Қазақстан Республикасы Президентінің 2008 жылғы 1 шілдедегі N 625 Жарлығымен БЕКІТІЛГЕН |
Қазақстан Республикасы Президентінің жанындағы
Жастар саясаты жөніндегі кеңес туралы
ЕРЕЖЕ
1. Жалпы ережелер
1. Жастар саясаты жөніндегі кеңес (бұдан әрі - Кеңес) Қазақстан Республикасы Президентінің жанындағы консультативтік-кеңесші орган болып табылады.
2. Кеңес қызметінің құқықтық негізін Қазақстан Республикасының Конституциясы мен заңдары, Қазақстан Республикасы Президентінің актілері, Қазақстан Республикасының өзге де нормативтік құқықтық актілері, сондай-ақ осы Ереже құрайды.
2. Кеңестің негізгі міндеттері
3. Кеңестің негізгі міндеттері:
жастарға қатысты кешенді мемлекеттік саясаттың басым бағыттарын анықтау, оны қалыптастыру және іске асыру жөнінде ұсынымдар тұжырымдау;
Қазақстан Республикасының Президентін жастар арасындағы ахуал туралы хабардар етіп отыру;
мемлекеттік жастар саясатын іске асыру тиімділігіне талдау жасау;
мемлекет саясатының жастарға қатысты өзге де маңызды сұрақтарын талқылау болып табылады.
3. Кеңестің функциялары
4. Осы Ережеде айқындалған негізгі міндеттерді іске асыру үшін Кеңес мынадай функцияларды жүзеге асырады:
1) Мемлекет басшысына мемлекеттік жастар саясатын жетілдіру жөнінде ұсыныстар енгізеді;
2) жастар саясаты мәселелері жөніндегі нормативтік құқықтық актілердің жобаларын қарап, талқылайды, Қазақстан Республикасы Президентінің жастар мәселелері жөніндегі ресми құжаттарын дайындауға қатысады;
3) мемлекеттік органдардың, жұртшылықтың, үкіметтік емес ұйымдардың, саяси партиялардың, бұқаралық ақпарат құралдарының өкілдерін елдің жастар саясаты саласын қозғайтын мәселелерін талқылауға тартады;
4) жастармен жұмыс барысында туындаған мәселелерді шешуде орталық және жергілікті атқарушы органдарға консультативтік көмек көрсетеді;
5) белгіленген тәртіппен мемлекеттік билік органдарымен, үкіметтік емес ұйымдармен, сондай-ақ бұқаралық ақпарат құралдарымен өзара іс-қимыл жасайды;
6) жастар саясаты мәселелері бойынша халықаралық ұйымдармен ынтымақтастықта болады.
4. Кеңестің өкілеттіктері
5. Кеңес негізгі міндеттерін іске асыру мақсатында:
1) Кеңес құзыретіне кіретін мәселелер бойынша мемлекеттік органдардан және лауазымды тұлғалардан қажетті ақпаратты, құжаттарды, өзге де материалдар мен мәліметтерді сұратуға және алуға;
2) өз отырыстарында орталық және жергілікті атқарушы органдар басшыларының жастар саясаты мәселелері жөніндегі ақпаратын тыңдауға;
3) мемлекеттік органдар мен ұйымдардың жастар саясаты мәселелері жөніндегі жұмысын зерделеуге, талдауға, қорытындысын жинақтауға; осы мақсатта орталық және жергілікті атқарушы органдардың, шығармашылық, ғылыми ұйымдардың және оқу орындарының мамандарын тартуға;
4) ғылыми мекемелердің, білім беру ұйымдарының және үкіметтік емес ұйымдардың қоғамдық негізде жұмыс істейтін өкілдерінен:
сараптау-талдау жұмысын жүргізу үшін сарапшылар кеңесін;
Кеңес құзыретіне кіретін жекелеген мәселелерді қарау үшін жұмыс топтарын құруға;
5) жастар саясатын іске асыруға байланысты мәселелерді талқылау үшін Тәуелсіз Мемлекеттер Достастығына мүше мемлекеттердің, сондай-ақ өзге де мемлекеттердің ұқсас құрылымдарымен ынтымақтастықта болуға құқылы.
5. Кеңес қызметін ұйымдастыру
6. Кеңестің құрамын Қазақстан Республикасының Президенті бекітеді.
Ескерту. 6-тармаққа өзгеріс енгізілді - ҚР Президентінің 2012.03.13 N 284 Жарлығымен.7. Кеңес оның жұмысына қоғамдық негізде қатысатын төрағадан, хатшыдан және Кеңес мүшелерінен құралады.
8. Кеңес құрамы орталық мемлекеттік органдардың, республикалық және өңірлік деңгейдегі азаматтық қоғам институттары мен қоғам өкілдері қатарынан үш жыл мерзімге құрылады.
9. Кеңес төрағасы:
1) Кеңеске жалпы басшылықты жүзеге асырады, оның отырыстарында төрағалық етеді. Кеңес төрағасы болмаған жағдайда оның тапсырмасы бойынша отырыстарда Кеңес мүшелерінің бірі төрағалық етеді;
2) Қазақстан Республикасы Президентінің алдында Кеңес жұмысы туралы тұрақты түрде есеп береді;
3) Кеңестің сарапшылар кеңесі мен жұмыс топтарының құрамын бекітеді;
4) Кеңес мүшелерінің арасында тапсырмаларды бөледі;
5) Кеңес жұмысының жоспарларын бекітеді, Кеңес отырыстарының күн тәртібін айқындап, хаттамаларына қол қояды;
6) Кеңес мүшелерінің Кеңес қызметін жетілдіру және оның құзыретіне кіретін басқа да мәселелер бойынша ұсыныстарын қарайды;
7) Қазақстан Республикасы Президентінің нормативтік құқықтық актілерінде, тапсырмаларында және осы Ережеде көзделген өзге де өкілеттіктерді жүзеге асырады.
10. Кеңес хатшысы:
1) Кеңес жұмысының ағымдағы және перспективадағы жоспарларының жобаларын, оның отырыстарына материалдарды дайындауды жүзеге асырады, төрағаның қарауына отырыстардың күн тәртібінің жобасын енгізеді;
2) Кеңес жұмысының жоспарларын іске асыруға бақылауды қамтамасыз етеді;
3) жұмыс топтарының және сарапшылар кеңесінің жұмысын үйлестіреді;
4) қорытындылар талап ететін материалдарды Кеңестің сарапшылар кеңесіне немесе тиісті мемлекеттік органдарға жолдайды;
5) Кеңес мүшелерін Кеңестің кезекті отырысының өткізілетін орны, уақыты мен күн тәртібі жөнінде хабардар етеді, оларды қажетті материалдармен қамтамасыз етеді;
6) Кеңес отырысының хаттамаларынан үзінділерді өз қолымен куәландырады;
7) осы Ережеде көзделген өзге де өкілеттіктерді жүзеге асырады.
11. Кеңестің жұмыс органы жастар саясаты мәселелері жөніндегі уәкілетті орган болып табылады.
Жұмыс органы:
1) Кеңестің қызметін ақпараттық-талдау және материалдық-техникалық тұрғыдан қамтамасыз етеді;
2) ақпаратты жинап-өңдеуді, жастар саясатының іске асырылуын талдауды жүзеге асырады, осы саладағы жұмысты жетілдіру жөніндегі ұсыныстарды тұжырымдайды;
3) Кеңес құзыретіне кіретін мәселелер бойынша мемлекеттік органдармен, лауазымды тұлғалармен және ұйымдармен қызметтік хат жазысады;
4) жергілікті атқарушы органдардың жанындағы жастар саясаты мәселелері жөніндегі консультативтік-кеңесші органдардың қызметі туралы үлгі ережені бекітеді;
5) Кеңес қызметін қамтамасыз етуге қажетті өзге де өкілеттіктерді жүзеге асырады.
Ескерту. 11-тармақ жаңа редакцияда - ҚР Президентінің 2012.04.25 № 303 Жарлығымен.12. Кеңес отырыстарын оның төрағасы қажеттігіне қарай, бірақ кемінде бір жылда бір рет шақырады.
13. Кеңес отырыстары оның мүшелерінің кемінде жартысы қатысқанда, құқықтық күші бар деп саналады.
14. Кеңес шешімдері оның отырысына қатысқандар санының кемінде үштен екісінің даусымен ашық дауыс беру арқылы қабылданады.
Төрағаның шешімі бойынша Кеңес отырыстарына Парламент депутаттары, мемлекеттік органдардың, саяси партиялардың, үкіметтік емес ұйымдардың Кеңес құрамына кірмейтін өкілдері, ғалымдар мен тәуелсіз сарапшылар шақырыла алады. Кеңес отырысына шақырылған адамдар дауыс беруге қатыспайды.
15. Кеңес шешімдері ұсынымдық сипатта болады. Кеңес шешімдері Төраға қол қоятын хаттамада ресімделеді.
16. Кеңес мүшелерінің жазбаша түрде баяндалуға әрі хаттамаға қоса берілуге тиіс ерекше пікірін білдіруге құқығы бар.
17. Кеңестің өз өкілеттіктерінің шегінде қабылданатын шешімдері тиісті мемлекеттік органдарға жолданады.
| Қазақстан Республикасы Президентінің 2008 жылғы 1 шілдедегі № 625 Жарлығымен БЕКІТІЛГЕН |
Қазақстан Республикасы Президентінің жанындағы Жастар саясаты жөніндегі кеңес құрамы
Ескерту. Құрам жаңа редакцияда - ҚР Президентінің 20.10.2017 № 568 Жарлығымен.
Қазақстан Республикасының Мемлекеттік хатшысы, Кеңес төрағасы
Қазақстан Республикасының Дін істері және азаматтық қоғам министрі, Кеңес төрағасының орынбасары
Қазақстан Республикасының Дін істері және азаматтық қоғам вице-министрі, Кеңес хатшысы
Қазақстан Республикасының Ақпарат және коммуникациялар министрі
Қазақстан Республикасының Әділет министрі
Қазақстан Республикасының Білім және ғылым министрі
Қазақстан Республикасының Денсаулық сақтау министрі
Қазақстан Республикасының Еңбек және халықты әлеуметтік қорғау министрі
Қазақстан Республикасының Қаржы министрі
Қазақстан Республикасының Мәдениет және спорт министрі
Қазақстан Республикасының Ұлттық экономика министрі
Қазақстан Республикасының Ішкі істер министрі
Қазақстан Республикасының Энергетика министрі
Қазақстан Республикасы Қорғаныс министрінің орынбасары
Қазақстан Республикасы Президенті Әкімшілігінің Ішкі саясат бөлімінің меңгерушісі
Қазақстан Республикасы Ауыл шаруашылығы вице-министрі
"Жастар" ғылыми-зерттеу орталығының директоры (келісім бойынша)
"Қазақстан Республикасы Президентінің "Болашақ" халықаралық стипендиясы стипендиаттарының қауымдастығы" қоғамдық бірлестігінің атқарушы директоры (келісім бойынша)
"Нұр Отан" партиясы "Жас Отан" жастар қанатының төрағасы (келісім бойынша)
"Қазақстан жастары конгресі" қауымдастық нысанындағы заңды тұлғалар бірлестігінің атқарушы директоры (келісім бойынша)
"Қазақстан студенттер альянсы" республикалық студенттік қозғалысы" қоғамдық бірлестігінің төрағасы (келісім бойынша)
"Жас Ұлан" бірыңғай балалар-жасөспірімдер ұйымы" республикалық қоғамдық бірлестігінің төрағасы (келісім бойынша)
"Жасыл Ел" жастар еңбек жасақтарының республикалық штабы" жекеше мекеменің басшысы (келісім бойынша)
"Қазақстан-2050" Жалпыұлттық қозғалыс" Қоғамдық бірлестігі кеңесінің төрағасы (келісім бойынша)
"Ұлттық волонтерлер желісі" заңды тұлғалар бірлестігінің төрағасы (келісім бойынша)
"Ауыл жастары және жұмысшы жастар одағы" республикалық жастар қоғамдық бірлестігінің төрағасы (келісім бойынша)
Әуесбай -Л.H. Гумилев атындағы Еуразия ұлттық университетінің
Қанат Әуесбайұлы журналистика және политология факультетінің доценті
(келісім бойынша)
Бабамұратов - "Болашақ" республикалық қозғалысының және "Жастар
Дәурен Әбутәліпұлы үні" жастар қоғамдық бірлестігі" қоғамдық бірлестігінің
төрағасы (келісім бойынша)
Бұлғақов - айтыскер ақын (келісім бойынша)
Жандарбек Айтақынұлы
Газдиева - Ақмола облысы Целиноград ауданы Родина ауылдық
Белла Асланбекқызы округінің әкімі, Қазақстан халқы Ассамблеясының
мүшесі (келісім бойынша)
Денисенко - "Діндерді зерттеу орталығы қауымдастығы"
Юлия Олеговна заңды тұлғалар бірлестігінің директоры
(келісім бойынша)
Елеукен - "Қазақстан КТК одағы" республикалық жастар қоғамдық
Есентүгел Баймұханбетұлы бірлестігінің президенті (келісім бойынша)
Ержанова - "Enactus Қазақстан" жекеше қор президенті
Альбина Мейірбекқызы (келісім бойынша)
Здоровец - Ядролық физика институтының Астана филиалының
Максим Владимирович директоры (келісім бойынша)
Кочетов - "Казконтент" АҚ Басқармасының төрағасы
Евгений Дмитриевич (келісім бойынша)
Құдайберген - "Q3 Worlwide" холдингінің қалаушысы
Қайрат (келісім бойынша)
Лоскутова - Қазақстан Республикасы Ақпарат және коммуникациялар
Оксана Павловна министрлігінің Орталық коммуникациялар қызметі
РМК директорының орынбасары - ресми өкілі
(келісім бойынша)
Маратов - "BMG" компаниялар тобының негізін қалаушы, бірнеше Жанболат стартап-жобалардың авторы (келісім бойынша)
Мектепбаева - Назарбаев Университеті Инновацияларды дамыту
Дәмел Қайыргелдіқызы департаментінің аға менеджері (келісім бойынша)
Мельниченко - Қазақстан Республикасы спорттық күрес
Юрий Васильевич қауымдастығының вице-президенті, XXVI Олимпиада
ойындарының чемпионы (келісім бойынша)
Мырзахметов - "Атамекен" Қазақстан Республикасы Ұлттық кәсіпкерлер
Абылай Исабекұлы палатасының басқарма төрағасы (келісім бойынша)
Назарбаева - Қазақстан Республикасы Парламенті Сенатының
Дариға Нұрсұлтанқызы Халықаралық қатынастар, қорғаныс және қауіпсіздік
комитетінің төрайымы (келісім бойынша)
Нұрахметов - "Мектеп спорт федерациясы" қауымдастығы
Нұржан Малкенярұлы нысанындағы заңды тұлғалар бірлестігінің басшысы
(келісім бойынша)
Оралов - Астана қаласының Жастар саясаты мәселелері жөніндегі
Асхат Раздықұлы басқарма басшысы
Сайыров - Қазақстан Республикасы Кәсіподақтар федерациясы
Ерлан Бияхметұлы төрағасының кеңесшісі (келісім бойынша)
Тен - "Қазақстан" республикалық телерадиокорпорациясы"
Ирина Сергеевна акционерлік қоғамы бағдарламасының жүргізушісі
(келісім бойынша)
Хаматдинова - "Samruk-Kazyna Trust" әлеуметтік жобаларды дамыту
Алина Наильевна қорының сараптамалық-консультативтік кеңесінің төрайымы
(келісім бойынша)
Кеңес құрамына Қазақстан Республикасы Парламенті Мәжілісінен ұсынылған саяси партиялардың әрбір фракциясынан лауазымы бойынша бір өкілден, Қазақстан Республикасы Дін істері және азаматтық қоғам министрлігінің Жастар саясаты департаментінің директоры кіреді.