Ұлттық ақпараттық инфрақұрылымды, ақпараттандыру процестерін қалыптастыру мен дамыту және ақпараттық қауіпсіздікті қамтамасыз ету жөніндегі жұмыстарды үйлестіру туралы

      Ұлттық ақпараттық инфрақұрылымды қалыптастыру жөніндегі жұмыс пен мемлекеттік мекемелерді ақпараттандыру процестерін үйлестіру, мемлекеттік қаражатты тиімді пайдалану, деректерді ақпараттық алмасу мен мемлекеттік басқарудың халықаралық стандарттарын енгізу ақпараттық қауіпсіздікті қамтамасыз ету мақсатында, сондай-ақ Үкіметтің 1998 жылғы 29 шілдедегі N 715 қаулысымен  бекітілген Қазақстан Республикасының біртұтас ақпараттық кеңістігінің тұжырымдамасын іске асыру мақсатында Қазақстан Республикасының Үкіметі Қаулы етеді: <*>
     Ескерту. Кіріспе өзгерді - ҚР Үкіметінің 1999.12.07. N 1870 ,
2001.12.26. N 1697 қаулыларымен.

     1. Мына құрамда Қазақстан Республикасының ұлттық ақпараттық инфрақұрылымын қалыптастыру мен дамыту жөніндегі жұмыстарды және ақпараттық қауіпсіздікті қамтамасыз етудің негізгі бағыттары
бойынша қызметті үйлестіру жөніндегі комиссия құрылсын: <*>
  Мәсімов                      - Қазақстан Республикасы
  Кәрім Қажымқанұлы              Премьер-Министрінің орынбасары
                                 төраға  <*>

  Кәкiмжанов                   - Қазақстан Республикасының
  Зейнолла Халидоллаұлы          Қаржы министрi, төрағаның
                                 орынбасары

  Өтембаев                     - Қазақстан Республикасы
  Ержан Әбілхайырұлы             Президентінің Әкімшілігі
                                 Басшысының орынбасары, төрағаның
                                 орынбасары (келісім бойынша) <*>

  Нағманов                     - Қазақстан Республикасының Көлiк
  Қажымұрат Ыбырайұлы            және коммуникациялар министрi,
                                 төрағаның орынбасары

  Рябченко                     - Қазақстан Республикасының
  Олег Григорьевич               Мәдениет, ақпарат және
                                 қоғамдық келісім бiрiншi
                                 вице-министрі <*>

  Қыпшақбаев                   - "Радиоэлектроника және
  Әбдел Исаұлы                   байланыс жөніндегі ұлттық
                                 орталық" жабық акционерлік
                                 қоғамының бас директоры

  Поспелов                     - Қазақстан Республикасы
  Николай Николаевич             Қорғаныс министрінің орынбасары

  Есенғараев                   - Қазақстан Республикасының
  Асқар Батылханұлы              Көлік және коммуникациялар
                                 министрлігі Байланыс және
                                 ақпараттандыру жөніндегі
                                 комитетінің төрағасы

  Исин                         - Қазақстан Республикасының
  Нұрлан Құрманғалиұлы           Қаржы министрлігі "ҚЖАО"
                                 республикалық мемлекеттік
                                 кәсіпорнының бас директоры

  Евсюков                      - Қазақстан Республикасының
  Александр Васильевич           Қаржы министрлігі Ақпараттық
                                 технологиялар департаментінің
                                 директоры <*>

  Марченко                     - Қазақстан Республикасы Ұлттық
  Григорий                       Банкінің төрағасы, төрағаның
  Александрович                  орынбасары (келісім бойынша) <*>

  Слободянюк                   - Қазақстан Республикасы Премьер-
  Анатолий                       Министрі Кеңсесінің Бақылау және
  Ануфриевич                     құжаттамалық қамтамасыз ету бөлімі
                                 меңгерушісінің орынбасары -
                                 ақпаратты қорғау секторының
                                 меңгерушісі, хатшы <*>

  Жақыпов Мірболат             - Қазақстан Республикасының
  Хабиұлы                        Президенті Әкімшілігінің
                                 Кеңсесі меңгерушісінің бірінші
                                 орынбасары (келісім бойынша)<*>

  Бектасов Әбен                - "Қазақтелеком" ашық акционерлік
  Ағыбайұлы                      қоғамының президенті <*>

  Нигай Эдуард                 - Қазақстан Республикасы Төтенше
  Михайлович                     жағдайлар жөніндегі агенттігінің
                                 Астана қаласындағы уәкілетті өкілі

  Ержанов                      - Қазақстан Республикасының
  Бақыт Ахметұлы                 Энергетика және минералдық
                                 ресурстар министрлігі лицензиялау,
                                 мемлекеттік тіл және аударма
                                 басқармасының бастығы; <*>

  Молчанов                     - Қазақстан Республикасының
  Сергей Николаевич              Ұлттық Банкі Ақпараттық
                                 технологиялар департаментiнiң
                                 директоры (келісім бойынша) <*>

  Лукин                        - Қазақстан Республикасының
  Михаил Иванович                Парламенті Шаруашылық басқармасы
                                 бастығының орынбасары (келісім
                                 бойынша) <*>

  Могильный Валерий            - Қазақстан Республикасының Білім
  Валентинович                   және ғылым министрлігі Ғылым
                                 департаментінің директоры <*>

  Арнутовский Сергей           - Қазақстан Республикасы
  Васильевич                     Президентінің Күзет қызметі
                                 департаменті бастығының
                                 орынбасары<*>

  Нәлібаев                     - Қазақстан Республикасы
  Әбдіқалық Зәкірұлы             Премьер-Министрінің Кеңсесі
                                 Басшысының орынбасары,

  Жақыпбеков                   - Қазақстан Республикасы
  Сембек Сәбетұлы                Ұлттық қауіпсіздік комитетінің
                                 Үкіметтік байланысты қамтамасыз
                                 ету орталығы бастығының бірінші
                                 орынбасары (келісім бойынша);

  Әбіров                       - Қазақстан Республикасының Ішкі
  Жұмахан Ақылбайұлы             істер министрлігі Техникалық
                                 қызмет департаментінің бастығы;

  Степанова                    - Қазақстан Республикасының
  Валентина Алексеевна           Әділет министрлігінің
                                 "Республикалық құқықтық
                                 ақпараттандыру орталығы"
                                 республикалық мемлекеттік
                                 кәсіпорнының директоры;

  Құрманов                     - "Зейнетақы төлеу жөніндегі
  Алмас Мұхаметкәрімұлы          мемлекеттік орталық" республикалық
                                 мемлекеттік қазыналық кәсіпорнының
                                 бас директоры;

  Досаев                       - Қазақстан Республикасы Табиғи
  Ерболат Асқарбекұлы            монополияларды реттеу және
                                 бәсекелестiктi қорғау жөнiндегi
                                 агенттiгiнiң төрағасы <*>

  Құрманғалиев                 - "Шағын кәсiпкерлiк жөнiндегi
  Серік Шолпанқұлұлы             республикалық ақпараттық-көрме
                                 орталығы" жабық акционерлік
                                 қоғамының президентi (келiсiм
                                 бойынша)

  Құсайынов                    - Қазақстан Республикасының
  Әбiлғазы Қалиақпарұлы          Индустрия және сауда вице-
                                 министрi

  Щельконогов                  - Қазақстан Республикасының
  Игорь Рудольфович              Президентi Iс басқармасының Жалпы
                                 бөлiмi ақпараттандыру секторының
                                 меңгерушiсi (келiсiм бойынша)

  Мәжренов                     - Қазақстан Республикасының
  Жомарт Рахымбекұлы             Ұлттық қауiпсiздiк комитетi
                                 Қызметiнің директоры (келiсiм
                                 бойынша)

  Ахметов                      - Қазақстан Республикасы Премьер-
  Серiк Баужанұлы                Министрiнің Кеңсесi Мемлекеттiк
                                 құпияларды қорғау жөнiндегi
                                 бөлiмiнің меңгерушiсi

  Тiлешев                      - "Ұлттық ақпараттық
  Iзетәлi Шаймерденұлы           технологиялар" жабық акционерлік
                                 қоғамының президенті

  Бисенбаев                    - Қазақстан Республикасы Қауiпсіздік
  Асылбек Қынарұлы               Кеңесiнiң Хатшылығы меңгерушісiнiң
                                 орынбасары (келiсiм бойынша) <*>

  Есекеев                      - Қазақстан Республикасының Экономика
  Қуанышбек Бақытбекұлы          және бюджеттiк жоспарлау
                                 министрлiгi Ақпараттандыру саясаты
                                 және инновациялар департаментiнiң
                                 директоры <*>

      Ескерту.  Құрам өзгерді - ҚР Үкіметінің 1999.03.02. N 187  , 1999.09.14. N 1389  , 1999.09.27. N 1458  , 1999.12.07. N 1870  , 2000.03.29. N 454  , 2001.01.24. N 122  , 2001.04.16. N 498  , 2001.12.26. N 1697  , 2002.02.18. N 227  , 2002.03.05. N 274  , 2002.06.20. N 685  , 2002.10.11. N 1119  , 2003.03.27. N 299
қаулыларымен.

      2. Қоса беріліп отырған Ұлттық ақпараттық инфрақұрылымды қалыптастыру мен дамыту жөніндегі жұмыстарды және ақпараттық қауіпсіздікті қамтамасыз етудің негізгі бағыттары бойынша қызметті үйлестіру жөніндегі комиссия туралы ереже бекітілсін. <*>
     ЕСКЕРТУ. 2-тармақ өзгерді - ҚР Үкіметінің 2001.12.26. N 1697 қаулысымен.

      3. Министрліктер мен ведомстволарға Комиссияның келісімінсіз мемлекеттік бюджеттің қаражатын (оның ішінде заемдық) жоспарлауға
және жұмсауға және мемлекеттік мекемелерде ақпараттандыру жүйесін
құру жөніндегі жобаларды бекітуге тыйым салынады деп белгіленсін.
     4. Осы қаулы қол қойылған күнінен бастап күшіне енеді.

     Қазақстан Республикасының
     Премьер-Министрі

Қазақстан Республикасы        
Үкіметінің               
1998 жылғы 31 желтоқсандағы      
N 1384 қаулысымен           
бекітілген                

Қазақстан Республикасының ұлттық ақпараттық инфрақұрылымын
қалыптастыру мен дамыту жөніндегі жұмыстарды және ақпараттық
қауіпсіздігін қамтамасыз етудің негізгі бағыттары бойынша қызметті үйлестіру жөніндегі комиссия туралы
ереже <*>

     

                1. Жалпы ережелер

      1. Ұлттық ақпараттық инфрақұрылымды қалыптастыру мен дамыту жөніндегі жұмыстарды және ақпараттық қауіпсіздікті қамтамасыз етудің негізгі бағыттары бойынша қызметті үйлестіру жөніндегі комиссия (бұдан әрі - Комиссия) мемлекеттік қаражатты (оның ішінде заемдық) тиімді пайдалану, деректерді ақпараттық алмасу мен мемлекеттік басқарудың халықаралық стандарттарын енгізу, Ұлттық ақпараттық инфрақұрылымды қалыптастыру жөніндегі жұмыс пен ақпараттық қауіпсіздікті қамтамасыз ету жөніндегі ақпараттандыру жүйелерін құру және енгізу процестерін үйлестіру мақсатында, сондай-ақ Үкіметтің 1998 жылғы 29 шілдедегі N 715 қаулысымен  бекітілген Қазақстан Республикасының біртұтас ақпараттық кеңістігін құру тұжырымдамасын іске асыру мақсатында құрылады. <*>
      Ескерту. Атауы мен 1-тармақ өзгерді - ҚР Үкіметінің 1999.12.07. N 1870 қаулысымен.
      ЕСКЕРТУ. Атауы мен 1-тармақ өзгерді - ҚР Үкіметінің 2001.12.26. N 1697 қаулысымен.
      2. Комиссияның құрамына Қазақстан Республикасы Қаржы министрлігінің, Энергетика және минералдық ресурстар министрлігінің, Көлік және коммуникациялар министрлігінің, Индустрия және сауда министрлiгiнiң, Әділет министрлігінің, Білім және ғылым министрлігінің, Премьер-Министрі Кеңсесінің, Ұлттық қауіпсіздік комитетінің (келісім бойынша), Қазақстан Республикасы Ұлттық Банкінің (келісім бойынша), Қазақстан Республикасы Мемлекеттік қызмет істері жөніндегі агенттігінің (келісім бойынша), Қазақстан Республикасының Төтенше жағдайлар жөніндегі агенттігінің, Қазақстан Республикасы Экономика және бюджеттiк жоспарлау министрлiгiнiң, Қазақстан Республикасы Қауiпсiздiк Кеңесiнiң (келiсiм бойынша) және басқа да мүдделi мемлекеттiк органдар мен ұйымдардың өкілдері кіреді. <*>
     Ескерту. 2-тармақ өзгерді - ҚР Үкіметінің 1999.09.14. N 1389 қаулысымен.
     Ескерту. 2-тармақ өзгерді - ҚР Үкіметінің 1999.12.07. N 1870 қаулысымен.
     Ескерту. 2-тармақ өзгерді - ҚР Үкіметінің 2001.01.24. N 122
қаулысымен.
     Ескерту. 2-тармақ өзгерді - ҚР Үкіметінің 2003.03.27. N 299 қаулысымен.
     3. Комиссия өз қызметінде қолданылып жүрген заңдарды, сондай-ақ осы Ережені басшылыққа алады.

                 II. Негізгі міндеттері

     4. Комиссияның негізгі міндеттері:
      Бірыңғай ақпараттық кеңістікті қалыптастыру жөніндегі жұмыс пен мемлекеттік мекемелерді ақпараттандыру, ақпараттық қауіпсіздікті қамтамасыз ету саласындағы мемлекеттік саясаттың негізгі ережелерін әзірлеу; <*>
      мемлекеттік қаражат (оның ішінде заемдар) есебінен жүзеге асырылатын, мемлекеттік мекемелерді ақпараттандырудың, ақпараттық қауіпсіздікті қамтамасыз етудің жоспарлары мен бағдарламаларын қарау және келістіру; <*>
      деректер берудің электрондық стандарттарында жұмыс жүргізуге мүмкіндік беретін нормативтік құқықтық базаны қарау және келісу;
      деректерді электрондық беру мен алмасудың қазақстандық стандарттарын, сондай-ақ Қазақстан Республикасы азаматтарының мемлекеттік мекемелерге өтінім жасауының электрондық стандарттарын қарау және келісу;
      Бірыңғай ақпараттық кеңістікті қалыптастыру жөніндегі жұмыс пен мемлекеттік мекемелерді ақпараттандыру, ақпараттық қауіпсіздікті қамтамасыз ету жөніндегі процестерді үйлестіру болып табылады. <*>
      Комиссия жүктелген міндеттерге сәйкес:
      Қазақстан Республикасы Үкіметінің қарауына Біртұтас ақпараттық кеңістік құрудың тұжырымдамасын іске асыру жөнінде ұсыныс енгізеді;
      мүдделі мемлекеттік мекемелермен келісім бойынша Ұлттық ақпараттық инфрақұрылымды қалыптастыру жөніндегі жұмыс пен мемлекеттік мекемелерді ақпараттандыру, ақпараттық қауіпсіздікті қамтамасыз ету саласындағы басымдықтарды айқындайды; <*>
      Ұлттық ақпараттық инфрақұрылымды қалыптастыру жөніндегі жұмыс пен мемлекеттік мекемелерді ақпараттандырудың, ақпараттық қауіпсіздікті қамтамасыз етудің процестерін үйлестіреді; <*>
      мемлекеттік мекемелерде ақпараттық-телекоммуникациялық жүйелер құрудың, енгізудің, алып жүрудің және пайдаланудың процестерін ұйымдастыру жөнінде ұсыныс әзірлейді және енгізеді;<*>
      Қазақстан Республикасын ақпараттандыру және ақпараттық қауіпсіздікті қамтамасыз ету Ұлттық ақпараттық инфрақұрылымды қалыптастыру жөніндегі жұмыс пен мәселелерін шешу кезінде мемлекеттің мүдделерін қорғау жөнінде Қазақстан Республикасының Үкіметіне ұсыныс енгізеді. <*>
      2000 жылдың басынан бастап ақпараттық жүйелердің жұмыс істеуі проблемалары жөнінде (2000 жылдың проблемасы) Үкіметке материалдар дайындау; <*>
      ақпараттық жүйелердің мемлекеттік тілде жұмыс істеуі процестерін үйлестіру. <*>
      Комиссияның құқықтары
      Комиссияның жүктелген міндеттерге сәйкес:
      мемлекеттік мекемелерден Комиссияға жүктелген міндеттерді орындау үшін қажет ақпарат сұратуға және алуға;
      Қазақстан Республикасының Үкіметіне Комиссияның құзыретіне жатқызылған мәселелер бойынша нормативтік құқықтық актілер шығару, оларды өзгерту немесе тоқтату жөнінде ұсыныс енгізуге;
      министрліктерден, ведомстволардан, кәсіпорындардан және ұйымдардан ғылыми және зерттеу мекемелерінен сараптамалар мен консультациялар жүргізу үшін келісім бойынша тиісті бейіндегі мамандар тартуға, сондай-ақ қажет болған жағдайда жұмыс топтарын ұйымдастыруға;
      Ұлттық ақпараттық инфрақұрылымды қалыптастыру жөніндегі жұмыс пен мемлекеттік мекемелерді ақпараттандыруды жүргізу үшін, ақпараттық қауіпсіздікті қамтамасыз ету жөніндегі бюджет қаражаттарын, директивалық несиелерді және басқа да мемлекеттік қаржыландыру (оның ішінде заемдық) көздерін пайдалану жөнінде ұсыныс енгізуге құқығы бар; <*>
      Ескерту. 4-тармақ толықтырылды - ҚРҮ-нің 1999.03.02. N 187 қаулысымен.
      Ескерту. 4-тармақ өзгерді - ҚР Үкіметінің 1999.12.07. N 1870 қаулысымен.
      ЕСКЕРТУ. 4-тармақ өзгерді - ҚР Үкіметінің 2001.12.26. N 1697 қаулысымен.

              III. Комиссияның қызметін ұйымдастыру

      5. Комиссияны төраға басқарады. Комиссияның құрамына, сондай-ақ төрағаның екі орынбасары, хатшы және Комиссияның мүшелері кіреді.<*>
      Ескерту. 5-тармақ өзгерді - ҚР Үкіметінің 1999.12.07. N 1870
қаулысымен.
      6. Комиссияның төрағасы Комиссияның жұмысын ұйымдастырады және осы Ережеде Комиссияға жүктелген міндеттер мен функциялардың уақтылы және сапалы орындалуы үшін жеке жауапкершілікте болады.
      7.<*>
      Ескерту. 7-тармақ алып тасталды - ҚР Үкіметінің 1999.12.07. N 1870 қаулысымен.
      8. Комиссияның жұмыстық мәжілістерінің материалдары Төрағамен келісілгеннен кейін, Комиссияның мәжілісіне дейін кемінде 10 күн бұрын Комиссияның әр мүшесіне жеткізіледі.
      9. Комиссия өзінің мәжілістерін қажеттілігіне қарай өткізеді.
      10. Комиссияның шешімі Комиссия мүшелерінің жай көпшілік даусымен қабылданады. Дауыстар тең болған жағдайда, төрағаның дауысы - шешуші мәнге ие.
      11. Комиссияның шешімі оның мәжілісінің хаттамаларымен ресімделеді. Хаттамаларға Төраға мен хатшы қол қояды.
      12. Ұлттық ақпараттық инфрақұрылымды қалыптастыру мәселелері жөніндегі комиссияның жұмыс органының функциялары Қазақстан Республикасының Көлік және коммуникациялар министрлігінің Байланыс және ақпараттандыру жөніндегі комитетіне жүктелсін.
      Мемлекеттік органдар мен ұйымдардың ақпараттық қауіпсіздігін қамтамасыз ету мәселелері жөніндегі комиссияның жұмыс орнының функциялары Қазақстан Республикасының Мемлекеттік құпияларды қорғау жөніндегі агенттігіне жүктелсін. <*>
     Ескерту.  12-тармақпен толықтырылды - ҚР Үкіметінің 1999.03.02. N 187  , 12-тармақ өзгерді - ҚР Үкіметінің 1999.09.14. N 1389 ,
1999.12.07. N 1870  , 2001.01.24. N 122  , 2001.12.26. N 1697  қаулыларымен.