«Агроөнеркәсіптік кешенді және ауылдық аумақтарды дамытуды мемлекеттік реттеу туралы» 2005 жылғы 8 шілдедегі Қазақстан Республикасының Заңы 5-бабының 10-1) және 10-4) тармақшаларына сәйкес Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған:
1) Қайта өңдеуші кәсіпорындардың ауылшаруашылық өнімін тереңдете қайта өңдеп өнім шығаруы үшін оны сатып алу шығындарын субсидиялау қағидалары;
2) кепілдендірілген сатып алу бағасы мен сатып алу бағасы белгіленетін ауылшаруашылық өнімнің тізбесі бекітілсін.
2. Осы қаулы алғашқы ресми жарияланғаннан кейін күнтізбелік он күн өткен соң қолданысқа енгізiледi және 2014 жылғы 1 ақпаннан бастап туындайтын қатынастарға қолданылады.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2014 жылғы 13 мамырдағы
№ 486 қаулысымен
бекітілген
Қайта өңдеуші кәсіпорындардың ауылшаруашылық өнімін тереңдете
қайта өңдеп өнім шығаруы үшін оны сатып алу шығындарын
субсидиялау қағидалары
1. Жалпы ережелер
1. Осы Қайта өңдеуші кәсіпорындардың ауылшаруашылық өнімін тереңдете қайта өңдеп өнім шығаруы үшін оны сатып алу шығындарын субсидиялау қағидалары (бұдан әрі – Қағидалар) «Агроөнеркәсіптік кешенді және ауылдық аумақтарды дамытуды мемлекеттік реттеу туралы» 2005 жылғы 8 шілдедегі Қазақстан Республикасының Заңы 5-бабының 10-1) тармақшасына сәйкес әзірленді және қайта өңдеуші кәсіпорындардың ауылшаруашылық өнімін тереңдете қайта өңдеп өнім шығаруы үшін оны сатып алу шығындарын субсидиялаудың тәртібі мен шарттарын айқындайды.
2. Қайта өңдеуші кәсіпорындардың шығындарын субсидиялаудың негізгі мақсаты ауылшаруашылық өнімін тереңдете қайта өңдеп өнім шығару үшін оның экономикалық қолжетімділігін арттыру болып табылады.
3. Осы Қағидаларда мынадай негізгі ұғымдар пайдаланылады:
1) кепілдендірілген сатып алу бағасы – өзіндік құны мен рентабельділігі ескеріле отырып белгіленетін, ауылшаруашылық тауарын өндірушілерден ауылшаруашылық өнімін сатып алу жүзеге асырылатын баға;
2) сатып алу бағасы – қайта өңдеуші кәсіпорындардың бәсекеге қабілетті өнім өндіруі үшін ауылшаруашылық өнімге ұсына алатын бағасы.
2. Қайта өңдеуші кәсіпорындардың ауылшаруашылық өнімін
тереңдете қайта өңдеп өнім шығаруы үшін оны сатып алу
шығындарын субсидиялаудың шарттары
4. Қазақстан Республикасының Үкіметі бекітетін кепілдендірілген сатып алу бағасы мен сатып алу бағасы белгіленетін ауылшаруашылық өнімнің тізбесіне сәйкес қайта өңдеуші кәсіпорындардың ауылшаруашылық өнімін тереңдете қайта өңдеп өнім шығаруы үшін оны сатып алу шығындары субсидиялауға жатады.
5. Қайта өңдеуші кәсіпорындардың ауылшаруашылық өнімін тереңдете қайта өңдеп өнім шығаруы үшін оны сатып алу шығындарын субсидиялау кепілдендірілген сатып алу бағасы мен сатып алу бағасы арасындағы айырманы өтеуді көздейді.
6. Ауылшаруашылық өнімін тереңдете қайта өңдеп өнім шығару үшін оны сатып алуға арналған субсидиялар қайта өңдеуші кәсіпорындарға осы Қағидаларға 1-қосымшаға сәйкес шикізатқа қайта есептеу коэффициенті мен сатып алынатын ауылшаруашылық өнімдерінің субсидиялар нормативтерін ескере отырып, кепілдендірілген сатып алу бағасы мен сатып алу бағасы белгіленетін ауылшаруашылық өнімдерінің тізбесіне сәйкес өндірілген өнім бірлігіне төленеді.
3. Қайта өңдеуші кәсіпорындардың ауылшаруашылық өнімін
тереңдете қайта өңдеп өнім шығаруы үшін оны сатып алу
шығындарын субсидиялауға қатысушылардың өзара іс-қимыл жасау
тәртібі
7. Облыстарда, Астана және Алматы қалаларында субсидия алуға қайта өңдеуші кәсіпорындардың тізімін қалыптастыру үшін облыстар, Астана және Алматы қалалары әкімдерінің шешімімен құрамында облыс, Астана және Алматы қалалары әкімдіктерінің, оның ішінде ауыл шаруашылығы басқармаларының өкілдері, сондай-ақ салалық қоғамдық бірлестіктер, Қазақстан Республикасы Ұлттық кәсіпкерлер палатасының өңірлік палаталарының өкілдері бар ведомствоаралық комиссиялар құрылады. Облыстар, Астана және Алматы қалалары әкімдерінің орынбасары ведомствоаралық комиссияның төрағасы болып табылады.
8. Ведомствоаралық комиссияның сандық құрамы тақ болуы және жеті адамнан кем болмауы тиіс. Ведомствоаралық комиссияның хатшысы ведомствоаралық комиссияның мүшесі болып табылмайды.
9. Облыстар, Астана және Алматы қалалары әкімдіктерінің ауыл шаруашылығы басқармасы (бұдан әрі – басқарма) ведомствоаралық комиссияның жұмыс органы болып табылады.
10. Осы Қағидалар қолданысқа енгізілгеннен кейін бес жұмыс күні ішінде Басқарма облыс, Астана және Алматы қалалары әкімдіктерінің интернет-ресурсында және облыстық (қалалық) ресми баспаларда субсидиялау үшін қайта өңдеуші кәсіпорындарының өтінімдерін қабылдаудың басталғаны туралы хабарландыру орналастырады.
11. Субсидиялар алуға арналған тиісті құжаттар қоса берілген өтінімдерді қабылдауды өткен жылдың төртінші тоқсаны және ағымдағы жылдың бірінші, екінші, үшінші тоқсандары үшін басқарма ағымдағы жылдың 1 қазанынан 30 қарашасына дейін жүзеге асырады.
12. Субсидия алушылардың тізіміне қосу үшін қайта өңдеуші кәсіпорындар Басқармаға бірінші басшы немесе өтінімге қол қоюға құқығына тиісті түрде ресімделген сенімхаты бар адам қол қойған, өтінім берушінің мөрімен бекітілген осы Қағидаларға 2-қосымшаға сәйкес нысан бойынша өтінімді ұсынады, оған мынадай құжаттар қоса беріледі:
1) заңды тұлғаны, дара кәсіпкерді мемлекеттік тіркеу (қайта тіркеу) туралы анықтаманың түпнұсқасы (тіркеуші органның лауазымды адамының электрондық цифрлық қолтаңбасымен куәландырылған электрондық құжат) немесе куәліктің нотариалды куәландырылған көшірмесі;
2) тереңдете қайта өңделген өнім өндірісін растайтын құжаттар – кәсіпорынның тереңдете өңдеп өнімді өндіргені және өткізгені туралы статистика органының құжатты қабылданғаны туралы белгісі бар есептерінің нотариалды куәландырылған көшірмелері (түпнұсқасын салыстыру үшін міндетті түрде бере отырып, көшірмесі);
3) тереңдете қайта өңдеп өнім шығару үшін пайдаланылған ауылшаруашылық өнімді сатып алуды растайтын құжаттар – кәсіпорынның өндірістік-техникалық мақсаттағы сатып алынған өнімнің (көрсетілетін қызметтің) орташа бағалары туралы статистика органының құжатты қабылданғаны туралы белгісі бар есептерінің нотариалды қуәландырылған көшірмелері (түпнұсқасын салыстыру үшін міндетті түрде бере отырып, көшірмесі);
4) қайта өңдеуші кәсіпорынның банктік шотының болуы туралы банк анықтамасы;
5) осы Қағидаларға 3-қосымшаға сәйкес есепті кезеңде бюджеттік бағдарламаны іске асырудың тиімділігін бағалау үшін ақпарат.
13. Өтінімді тіркеген күннен бастап үш жұмыс күні ішінде басқарма қайта өңдеуші кәсіпорын ұсынған құжаттарды осы Қағидалардың 12-тармағына сәйкестігі тұрғысынан қарайды. Ұсынылған құжаттар сәйкес емес және/немесе толық емес болған жағдайда, басқарма өтінімді тіркеген күннен бастап үш жұмыс күнінен кешіктірмей, қайтару себептерін жазбаша негіздей отырып, өтінім берушіге ұсынылған құжаттарды пысықтауға қайтарады.
Пысықталған құжаттарды қайта өңдеуші кәсіпорын осы Қағидалардың 11-тармағында көрсетілген мерзімде ұсына алады.
14. Қайта өңдеуші кәсіпорын осы Қағидалардың 12-тармағында көзделген құжаттардың толық топтамасын ұсынған жағдайда, басқарма үш жұмыс күні ішінде ұсынылған құжаттарды ведомствоаралық комиссияның қарауына жібереді.
15. Ведомствоаралық комиссия үш жұмыс күні ішінде оларға тиесілі субсидиялар көлемдерін көрсете отырып, бюджеттік субсидиялар алуға арналған қайта өңдеуші кәсіпорындардың тізімін қалыптастырады.
Әрбір қайта өңдеуші кәсіпорын үшін субсидиялар көлемі тереңдете қайта өңдеп өндірілген өнім көлемі мен шикізатқа қайта есептеу коэффициентін ескере отырып, дайын өнімді өндіру үшін қажетті сатып алынған ауылшаруашылық өнімдерінің нақты көлеміне байланысты белгіленеді.
16. Қайта өңдеуші кәсіпорындардың өтінімдері облысқа, Астана және Алматы қалаларына бөлінген субсидиялар көлемінен асып кеткен жағдайда, ведомствоаралық комиссия субсидиялар көлемін бағдарламаға қатысушы қайта өңдеуші кәсіпорындарға субсидиялауға жататын ауылшаруашылық өнім көлеміне байланысты пайыздық қатынаста барабар түрде бөледі.
17. Субсидиялау тиiстi қаржы жылына арналған жергiлiктi бюджетте көзделген қаражат есебiнен және шеңберінде жүзеге асырылады.
18. Қайта өңдеуші кәсіпорынға субсидиялар беруден бас тартуға:
1) кепілдендірілген сатып алу бағасы мен сатып алу бағасы белгіленетін ауылшаруашылық өнімінің тізбесіне кірмейтін ауылшаруашылық өнімдерді сатып алу;
2) осы Қағидалардың 12-тармағында көзделген құжаттардың толық топтамасын уақтылы ұсынбау негіз болып табылады.
4. Қайта өңдеуші кәсіпорындардың ауылшаруашылық өнімін
тереңдете қайта өңдеп өнім шығаруы үшін оны сатып алу
шығындарын өтеуге субсидиялар төлеу тәртібі
19. Басқарма қайта өңдеуші кәсіпорындар ұсынған растау құжаттарының негізінде осы Қағидаларға 4-қосымшаға сәйкес нысан бойынша қайта өңдеуші кәсіпорындардың ауылшаруашылық өнімін тереңдете қайта өңдеп өнім шығаруы үшін оны сатып алуға бюджеттік субсидияларды төлеуге арналған ведомость қалыптастырады.
20. Басқарма қайта өңдеуші кәсіпорындардың банк шоттарына оларға тиесілі бюджеттік субсидияларды аударуды ведомствоаралық комиссия шешімінің негізінде төлемдер бойынша қаржыландырудың жеке жоспарына сәйкес тиісті жылдың 30 желтоқсанына дейін аумақтық қазынашылық бөлімшесіне екі данада төлеуге шоттарды қоса бере отырып, төлеу үшін шоттар тізілімін ұсыну арқылы немесе электрондық құжат айналымының «Қазынашылық - клиент» ақпараттық жүйесі арқылы құжаттардың электрондық үлгілерін қалыптастыру және жіберу, есептерді қалыптастыру арқылы жүзеге асырады.
21. Басқарма есепті жылдан кейінгі жылдың 15 қаңтарына дейінгі мерзімде Қазақстан Республикасы Ауыл шаруашылығы министрлігіне осы Қағидаларға 3-қосымшаға сәйкес бюджеттік бағдарламаны іске асырудың тиімділігі, субсидияларды игеру туралы ақпарат береді.
Қайта өңдеуші кәсіпорындардың
ауылшаруашылық өнімін тереңдете
қайта өңдеп өнім шығаруы үшін оны
сатып алу шығындарын
субсидиялау қағидаларына
1-қосымша
Дайын өнімді шикізатқа қайта есептеу коэффициенттері және сатып
алынатын ауылшаруашылық өнімдерінің субсидиялар нормативтері
Ауылшаруашылық өнімнің атауы |
Тереңдете өңделген өнімдердің атауы |
Тереңдете өңделген өнімдерді шикізатқа аудару коэффициенті, % |
Шикізатқа қайта есептелген субсидиялар нормативтері, теңге/л (теңге/кг) |
Қант қызылшасы |
Қант |
12,0 |
7,0 |
Сүт |
Сары май |
22,5 |
16,0 |
Сүт |
Қатты ірімшік |
12,0 |
20,0 |
Сүт |
Құрғақ сүт |
7,3 |
15,0 |
Қайта өңдеуші кәсіпорындардың
ауылшаруашылық өнімін тереңдете
қайта өңдеп өнім шығаруы үшін оны
сатып алу шығындарын
субсидиялау қағидаларына
2-қосымша
Өтінім
_____________________________________________________________________
(қайта өңдеуші кәсіпорынның атауы)
«Қайта өңдеуші кәсіпорындардың ауылшаруашылық өнімін тереңдете
қайта өңдеп өнім шығаруы үшін оны сатып алу шығындарын субсидиялау»
бюджеттік бағдарламасын іске асыруға қатысуға ниет білдіреді.
1. Бағдарламаға қатысушы туралы ақпарат:
толық атауы _________________________________________________________
заңды мекенжайы _____________________________________________________
нақты мекенжайы, телефоны, факс, электрондық
мекенжайы ___________________________________________________________
банктік деректемелері _______________________________________________
бірінші басшының тегі, аты, әкесінің аты (бар болса), қызметтік
телефоны
_____________________________________________________________________
ЭҚТЖ бойынша негізгі қызмет түрі ____________________________________
қызметкерлердің нақты саны __________________________________________
кәсіпорынның қуаты жылына ____________ тонна (шикізат және/немесе
дайын өнім бойынша көрсету).
2. Тереңдете қайта өңделген өнімдердің көлемі (есепті кезең
бойынша):
1. ________________________ - ____ кг.
2. ________________________ - ____ кг.
3. ________________________ - ____ кг.
4. ________________________ - ____ кг.
3. Қайта өңдеу өнімдерін өндіру үшін пайдаланылған
ауылшаруашылық өнімдерін сатып алу көлемі:
1. ________________________ - ____ кг.
2. ________________________ - ____ кг.
3. ________________________ - ____ кг.
4. ________________________ - ____ кг.
Ауылшаруашылық өнімін сатып алу және тереңдете қайта өңдеу
өнімдерін өндіру көлемдерін растайтын құжаттар қоса беріледі.
Жалған ақпарат ұсынғаным үшін жауапкершілік туралы хабардармын.
Ұсынылған ақпараттың шынайылығын растаймын.
________________________ ______________________
(Т.А.Ә., лауазымы) М.О. (қолы, күні)
Қайта өңдеуші кәсіпорындардың
ауылшаруашылық өнімін тереңдете
қайта өңдеп өнім шығаруы үшін оны
сатып алу шығындарын
субсидиялау қағидаларына
3-қосымша
Бюджеттік бағдарламаны іске асырудың тиімділігі туралы ақпарат
Кәсіпорындардың атауы, мекен-жайы телефоны |
ЖСН БСН |
Кәсіпорынның жобалық қуаты, жылына тонна |
Бөлінген субсидиялар, мың теңге |
Өткен жылы тереңдете өңдеп өндірілген өнім көлемі, тонна |
Есепті кезең ішінде тереңдете өндеп өндірілген өнім көлемі, тонна |
Өткен жылдың жүктемелігі, % |
Есепті кезеңдегі жүктемелігі, % |
1 |
2 |
3 |
4 |
5 |
6 |
7 |
8 |
Ескертпе: Қайта өңдеуші кәсіпорындар бірінші рет өтінім бергенде 4-баған толтырылмайды
Қайта өңдеуші кәсіпорындардың
ауылшаруашылық өнімін тереңдете
қайта өңдеп өнім шығаруы үшін оны
сатып алу шығындарын
субсидиялау қағидаларына
4-қосымша
________ жылға арналған қайта өңдеуші кәсіпорындардың
ауылшаруашылық өнімін тереңдете қайта өңдеп өнім шығаруы үшін
оны сатып алуға бюджеттік субсидияларды төлеу ведомосі
Р/с № |
Ауданның атауы |
Қайта өңдеуші кәсіпорынның атауы |
Тереңдете қайта өңделген өнімнің түрі |
Өндіріс көлемі, килограмм |
Шикізатқа қайта есептеудің коэффициенті, % |
Пайдаланған шикізат көлемі, килограмм (7=5х6) |
Субсидиялар нормативі, теңге/ килограмм |
Төленуге жататыны, теңге (9=7х8) |
1 |
2 |
3 |
4 |
5 |
6 |
7 |
8 |
9 |
Жиыны: |
Төленетін сома _____________________________________________
(жазбаша)
_____________________ облысы басқармасының құрылымдық бөлімшесінің
басшысы _____________________________________________________________
(Т.А.Ә., қолы)
Қазақстан Республикасы
Үкіметінің
2014 жылғы 13 мамырдағы
№ 486 қаулысымен
бекітілген
Кепілдендірілген сатып алу бағасы мен сатып алу бағасы
белгіленетін ауылшаруашылық өнімнің тізбесі
1. Ақ қант өндіруге арналған қант қызылшасы.
2. Құрғақ сүт, сары май және қатты ірімшік өндіруге арналған сүт шикізаты.