Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстан Республикасы Үкіметінің кейбір шешімдеріне енгiзiлетiн өзгерістер мен толықтырулар бекітілсін.
2. Осы қаулы алғашқы ресми жарияланғанынaн кейін күнтiзбелiк он күн өткен соң қолданысқа енгiзiледi.
Қазақстан Республикасының
Премьер-Министрі С. Ахметов
Қазақстан Республикасы
Үкіметінің
2013 жылғы 29 сәуірдегі
№ 405 қаулысымен
бекітілген
Қазақстан Республикасы Үкіметінің кейбір шешімдеріне
енгізілетін өзгерістер мен толықтырулар
1. «Тауарларды, жұмыстар мен қызметтерді сатып алудың жылдық, орта мерзімді, ұзақ мерзімді бағдарламаларын, жер қойнауын пайдаланушылардың сатып алынған тауарлар, жұмыстар мен қызметтер туралы және кадрлардағы жергiлiктi қамту жөніндегі міндеттемелердің орындалуы туралы есептерін жасаудың және ұсынудың нысандары мен қағидасын бекіту туралы» Қазақстан Республикасы Үкiметiнiң 2010 жылғы 20 қыркүйектегі № 965 қаулысында (Қазақстан Республикасының ПҮАЖ-ы, 2010 ж., № 52, 497-құжат):
көрсетілген қаулымен бекітілген Тауарларды, жұмыстар мен қызметтерді сатып алудың жылдық, орта мерзімді, ұзақ мерзімді бағдарламаларын, жер қойнауын пайдаланушылардың сатып алынған тауарлар, жұмыстар мен қызметтер туралы және кадрлардағы жергілікті қамту жөніндегі міндеттемелердің орындалуы туралы есептерін жасау және ұсыну қағидасында:
9, 10, 11, 12-тармақтар мынадай редакцияда жазылсын:
«9. Жер қойнауын пайдаланушы, жыл сайын жылдық сатып алу жүргізу үшін жоспарланған 1 ақпаннан кешіктірмей не жер қойнауын пайдалануға арналған келісімшарт тіркелген күнінен бастап күнтізбелік алпыс күннен кешіктірмей, 1-нысан бойынша EXCEL форматында электрондық түрде жер қойнауын пайдалану жөніндегі операцияларды жүргізу кезінде пайдаланылатын тауарлар, жұмыстар мен көрсетілетін қызметтер және оларды өндірушілер тізіліміне орналастыру жолымен тауарларды, жұмыстар мен көрсетілетін қызметтерді сатып алудың жылдық бағдарламасын индустриялық-инновациялық қызметті мемлекеттік қолдау саласындағы уәкілетті органға ұсынады және оны бірінші басшының немесе ол уәкілеттік берген адамның электрондық цифрлық қолтаңбасымен куәландырады.
Жер қойнауын пайдаланушы тауарларды, жұмыстар мен көрсетілетін қызметтерді сатып алудың жылдық бағдарламасына өзгерістер мен (немесе) толықтырулар енгізу кезінде 1-нысан бойынша EXCEL форматында электрондық түрде жер қойнауын пайдалану жөніндегі операцияларды жүргізу кезінде тауарларды, жұмыстар мен көрсетілетін қызметтерді және оларды өндірушілер тізіліміне орналастыру жолымен осы өзгерістер мен (немесе) толықтырулар туралы ақпаратты бес жұмыс күні ішінде индустриялық-инновациялық қызметті мемлекеттік қолдау саласындағы уәкілетті органға ұсынады және оны бірінші басшының немесе ол уәкілеттік берген адамның электрондық цифрлық қолтаңбасымен куәландырады.
10. Жер қойнауын пайдаланушы, жыл сайын 1 ақпаннан кешіктірмей не жер қойнауын пайдалануға арналған келісімшарт тіркелген күнінен бастап күнтізбелік алпыс күннен кешіктірмей, 2, 3-нысандар бойынша EXCEL форматында электрондық түрде жер қойнауын пайдалану жөніндегі операцияларды жүргізу кезінде пайдаланылатын тауарлар, жұмыстар мен көрсетілетін қызметтер және оларды өндірушілер тізіліміне орналастыру жолымен тауарларды, жұмыстар мен көрсетілетін қызметтерді сатып алудың орта мерзімді және ұзақ мерзімді бағдарламаларын индустриялық-инновациялық қызметті мемлекеттік қолдау саласындағы уәкілетті органға ұсынады және оны бірінші басшының немесе ол уәкілеттік берген адамның электрондық цифрлық қолтаңбасымен куәландырады.
11. Жер қойнауын пайдаланушы, тоқсан сайын есепті кезеңнен кейінгі айдың он бесінші күнінен кешіктірмей, 4-нысан, 1 және 2-бөлігі бойынша EXCEL форматында электрондық түрде, жер қойнауын пайдалану жөніндегі операцияларды жүргізу кезінде пайдаланылатын тауарлар, жұмыстар мен көрсетілетін қызметтер және оларды өндірушілер тізіліміне орналастыру жолымен сатып алынған тауарлар, жұмыстар мен көрсетілетін қызметтер туралы индустриялық-инновациялық қызметті мемлекеттік қолдау саласындағы уәкілетті органға есеп береді және оны бірінші басшының немесе ол уәкілеттік берген адамның электрондық цифрлық қолтаңбасымен куәландырады.
12. Жер қойнауын пайдаланушы, тоқсан сайын және жыл сайын есепті кезеңнен кейінгі айдың он бесінші күнінен кешіктірмей, 5-нысанға сәйкес экрандық нысанда жер қойнауын пайдалану жөніндегі операцияларды жүргізу кезінде пайдаланылатын тауарлар, жұмыстар мен көрсетілетін қызметтер және оларды өндірушілер тізіліміне орналастыру жолымен кадрлардағы жергiлiктi қaмту жөнiндегi міндеттемелерді орындау туралы есепті индустриялық-инновациялық қызметті мемлекеттік қолдау саласындағы уәкілетті органға ұсынады және оны бірінші басшының немесе ол уәкілеттік берген адамның электрондық цифрлық қолтаңбасымен куәландырады.».
2. «Қазақстан Республикасының азаматтары болып табылатын, келісімшартты орындау кезінде тартылған қызметкерлерді оқытуға, олардың біліктілігін арттыруға және қайта даярлауға немесе құзыретті органмен келісілген мамандықтар тізбесі бойынша Қазақстан Республикасының азаматтарын оқытуға бағытталған шығыстар мөлшері жөніндегі міндеттемелерді орындау бойынша жер қойнауын пайдаланушылардың есептерін жасаудың және ұсынудың нысандары мен қағидасын бекіту туралы» Қазақстан Республикасы Үкіметінің 2010 жылғы 4 қазандағы № 1018 қаулысында (Қазақстан Республикасының ПҮАЖ-ы, 2010 ж., № 54, 515-құжат):
көрсетілген қаулымен бекітілген Қазақстан Республикасының азаматтары болып табылатын, келісімшартты орындау кезінде тартылған қызметкерлерді оқытуға, олардың біліктілігін арттыруға және қайта даярлауға немесе құзыретті органмен келісілген мамандықтар тізбесі бойынша Қазақстан Республикасының азаматтарын оқытуға бағытталған шығыстар мөлшері жөніндегі міндеттемелерді орындау бойынша жер қойнауын пайдаланушылардың есептерін жасаудың және ұсынудың қағидасында:
4-тармақ мынадай редакцияда жазылсын:
«4. Жер қойнауын пайдаланушы, тоқсан сайын есепті кезеңнен кейінгі айдың он бесінші күнінен кешіктірмей нысан бойынша EXCEL форматында электрондық түрде, жер қойнауын пайдалану жөніндегі операцияларды жүргізу кезінде пайдаланылатын тауарлар, жұмыстар мен көрсетілетін қызметтер және оларды өндірушілер тізіліміне орналастыру жолымен Қазақстан Республикасының азаматтары болып табылатын, келісімшартты орындау кезінде тартылған қызметкерлерді оқытуға, олардың біліктілігін арттыруға және қайта даярлауға немесе құзыретті органмен келісілген мамандықтар тізбесі бойынша Қазақстан Республикасының азаматтарын оқытуға бағытталған шығыстар мөлшері жөніндегі міндеттемелерді орындау бойынша индустриялық-инновациялық қызметті мемлекеттік қолдау саласындағы уәкілетті органға есеп береді және оны бірінші басшының немесе ол уәкілеттік берген адамның электрондық цифрлық қолтаңбасымен куәландырады.».
3. Күші жойылды - ҚР Үкіметінің 10.08.2015 № 630 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
4. «Жер қойнауын пайдалану құқығын беру қағидасын бекіту туралы» Қазақстан Республикасы Үкіметінің 2010 жылғы 30 желтоқсандағы № 1456 қаулысында (Қазақстан Республикасының ПҮАЖ-ы, 2011 ж., № 9, 116-құжат):
көрсетілген қаулымен бекітілген Жер қойнауын пайдалану құқығын беру қағидасында:
13-тармақтың бірінші бөлігінде:
6), 7) тармақшалар мынадай редакцияда жазылсын:
«6) кадрлардағы ең төменгі жергілікті қамту;
7) тауарлардағы, жұмыстар мен көрсетілетін қызметтердегі ең төменгі жергілікті қамту;»;
9) тармақша мынадай редакцияда жазылсын:
«9) келісімшарт бойынша жұмыстарды орындау үшін қажетті Қазақстан Республикасының аумағында ғылыми-зерттеу, ғылыми-техникалық және (немесе) тәжірибелік-конструкторлық жұмыстарға арналған шығыстар мөлшері қамтылуға тиіс.»;
23-тармақта:
4) тармақша мынадай редакцияда жазылсын:
«4) қазақстандық кадрларды оқыту мен олардың біліктілігін арттырудың міндетті бағдарламаларының іске асырылуына қарай өсіп отыруға тиіс кадрлардағы жергілікті қамту бойынша міндеттемелер;»;
6), 7) тармақшалар мынадай редакцияда жазылсын:
«6) келісімшарт бойынша жұмыстарды орындау үшін қажетті тауарлардағы, жұмыстар мен көрсетілетін қызметтердегі жергілікті қамту бойынша міндеттемелер;
7) келісімшарт бойынша жұмыстарды орындау үшін қажетті Қазақстан Республикасының аумағындағы ғылыми-зерттеу, ғылыми-техникалық және (немесе) тәжірибелік-конструкторлық жұмыстарға арналған шығыстар мөлшері;»;
41-тармақ мынадай мазмұндағы 4-1) тармақшамен толықтырылсын:
«4-1) «Индустриялық-инновациялық қызметті мемлекеттік қолдау туралы» 2012 жылғы 9 қаңтардағы Қазақстан Республикасының Заңына сәйкес индустриялық-инновациялық қызмет субъектілерімен барлау және (немесе) өндіру жөніндегі операцияларды жүргізуге;».
5. «Келiсiмшарттар талаптарын орындаудың сақталуына мониторинг жүргiзу мен бақылау қағидасын бекiту туралы» Қазақстан Республикасы Үкiметiнiң 2011 жылғы 10 ақпандағы № 117 қаулысында (Қазақстан Республикасының ПҮАЖ-ы, 2011 ж., № 18, 227-құжат):
көрсетілген қаулымен бекітілген Келiсiмшарттар талаптарын орындаудың сақталуына мониторинг жүргiзу мен бақылау қағидасында:
5-тармақтың үшінші абзацы мынадай редакцияда жазылсын:
«қатты пайдалы қазбалар мен жерасты суларын барлауға, өндiруге және бiрлесiп барлау мен өндiруге арналған келiсiмшарттар бойынша — индустриялық-инновациялық қызметті мемлекеттік қолдау саласындағы уәкiлеттi орган.»;
8-тармақтың бірінші бөлігі мынадай редакцияда жазылсын:
«8. Қатты пайдалы қазбаларды барлауды және (немесе) өндiрудi жүзеге асыратын жер қойнауын пайдаланушылар осы Қағидаға 1-қосымшаға сәйкес нысан бойынша есептi кезеңнен кейiнгi айдың 25-күнiнен кешiктiрмейтiн мерзiмде келiсiмшарт талаптарының орындалуы туралы тоқсан сайынғы есептi жер қойнауын зерттеу мен пайдалану жөнiндегi уәкiлеттi органға, сондай-ақ «Қазақстан Республикасының жер қойнауын пайдалануды басқарудың бiрыңғай мемлекеттiк жүйесi» интеграцияланған ақпараттық жүйесiнiң (бұдан әрi – ҚР ЖП ББМЖ ИАЖ) экрандық нысанын толтыру және ақпаратты ұсынуға жауапты жер қойнауын пайдаланушының лауазымды тұлғасының электрондық цифрлық қолтаңбасын қою арқылы индустриялық-инновациялық қызметті мемлекеттік қолдау саласындағы уәкiлеттi органға бередi.»;
10-тармақ мынадай редакцияда жазылсын:
«10. Жерасты суларын, емдiк балшықты барлауды және (немесе) өндiрудi жүзеге асыратын жер қойнауын пайдаланушылар осы Қағидаға 3-қосымшаға сәйкес нысан бойынша есептi кезеңнен кейiнгi айдың 25-күнiнен кешiктiрмейтiн мерзiмде келiсiмшарт талаптарының орындалуы туралы тоқсан сайынғы есептi жер қойнауын зерттеу мен пайдалану жөнiндегi уәкiлеттi органға, сондай-ақ ҚР ЖП ББМЖ ИАЖ экрандық нысанын толтыру және ақпаратты ұсынуға жауапты жер қойнауын пайдаланушының лауазымды тұлғасының электрондық цифрлық қолтаңбасын қою арқылы индустриялық-инновациялық қызметті мемлекеттік қолдау саласындағы уәкiлеттi органға бередi.»;
12-тармақ мынадай редакцияда жазылсын:
«12. Жер қойнауын пайдаланушылар осы Қағиданың 8, 10, 11-тармақтарына сәйкес ұсынатын келiсiмшарт талаптарының орындалуы туралы есептердiң негiзiнде жер қойнауын зерттеу мен пайдалану жөнiндегi уәкiлеттi орган жиынтық есептердi дайындайды, олар келiсiмшарттар талаптарының орындалуы туралы есептердi ұсыну мерзiмi аяқталғаннан кейiн екi айдың iшiнде индустриялық-инновациялық қызметті мемлекеттік қолдау саласындағы уәкiлеттi органға және облыстың, республикалық маңызы бар қаланың, астананың жергiлiктi атқарушы органдарына жiберіледi.»;
13-тармақтың екінші бөлігінде:
2) тармақша мынадай редакцияда жазылсын:
«2) халықты жұмыспен қамту мәселелерi жөнiндегi уәкiлеттi орган - кадрлардағы жергілікті қамту бойынша, сондай-ақ қазақстандық кадрлардың еңбек жағдайлары мен еңбекақы төлеудi кемсiтпеушiлiк негiзiнде қамтамасыз ету бойынша;»;
4) тармақша мынадай редакцияда жазылсын:
«4) облыстың, республикалық маңызы бар қаланың, астананың жергiлiктi атқарушы органдары — тауарлардағы, жұмыстардағы, көрсетiлетiн қызметтердегi және кадрлардағы жергілікті қамту мен аумақтарды әлеуметтiк дамыту бөлiгiнде, оның iшiнде жер қойнауын пайдалану жөнiндегi операцияларды жүргiзу кезiнде пайдаланылатын тауарлардың, жұмыстар мен көрсетiлетiн қызметтердiң және оларды өндiрушiлердiң тiзiлiмi арқылы;»;
16-тармақ мынадай редакцияда жазылсын:
«16. Бақылау барысында құзыреттi органдар, облыстың, республикалық маңызы бар қаланың, астананың жергілікті атқарушы органдары және жер қойнауын зерттеу мен пайдалану жөнiндегi уәкiлеттi орган мониторинг деректерiн талдауды жүзеге асырады, сондай-ақ «Жер қойнауы және жер қойнауын пайдалану туралы» 2010 жылғы 24 маусымдағы Қазақстан Республикасының Заңына және «Қазақстан Республикасындағы мемлекеттік бақылау және қадағалау туралы» 2011 жылғы 6 қаңтардағы Қазақстан Республикасының Заңына сәйкес жер қойнауын пайдаланушылардың келiсiмшарттардың талаптарын сақтауы бойынша оларға тексеру жүргiзедi.»;
келiсiмшарттар талаптарын орындаудың сақталуына мониторинг жүргiзу мен бақылау қағидасына 1-қосымшаның кестесінде:
«Баптардың атауы» деген бағанда:
«ғылыми-зерттеу және тәжiрибелiк-конструкторлық жұмыстарға арналған шығыстар» деген жол мынадай редакцияда жазылсын:
«ғылыми-зерттеу, ғылыми-техникалық және (немесе) тәжiрибелiк-конструкторлық жұмыстарға арналған шығыстар»;
келiсiмшарттар талаптарын орындаудың сақталуына мониторинг жүргiзу мен бақылау қағидасына 2-қосымшаның кестесінде:
«Баптардың атауы» деген бағанда:
«ғылыми-зерттеу және тәжiрибелiк-конструкторлық жұмыстарға арналған шығыстар» деген жол мынадай редакцияда жазылсын:
«ғылыми-зерттеу, ғылыми-техникалық және (немесе) тәжiрибелiк-конструкторлық жұмыстарға арналған шығыстар»;
келiсiмшарттар талаптарын орындаудың сақталуына мониторинг жүргiзу мен бақылау қағидасына 3-қосымшаның кестесінде:
«Баптардың атауы» деген бағанда:
«ғылыми-зерттеу және тәжiрибелiк-конструкторлық жұмыстарға арналған шығыстар» деген жол мынадай редакцияда жазылсын:
«ғылыми-зерттеу, ғылыми-техникалық және (немесе) тәжiрибелiк-конструкторлық жұмыстарға арналған шығыстар»;
келiсiмшарттар талаптарын орындаудың сақталуына мониторинг жүргiзу мен бақылау қағидасына 4-қосымшаның кестесінде:
«Баптардың атауы» деген бағанда:
«ғылыми-зерттеу және тәжiрибелiк-конструкторлық жұмыстарға арналған шығыстар» деген жол мынадай редакцияда жазылсын:
«ғылыми-зерттеу, ғылыми-техникалық және (немесе) тәжiрибелiк-конструкторлық жұмыстарға арналған шығыстар».