Мемлекеттік орман кадастрын жүргізу қағидаларын бекіту туралы

      Ескерту. Күші жойылды - ҚР Үкiметiнiң 31.10.2015 № 870 (алғашқы ресми жарияланған күнiнен кейін күнтiзбелiк он күн өткен соң қолданысқа енгiзіледі) қаулысымен.

      РҚАО-ның ескертпесі.

      ҚР мемлекеттік басқару деңгейлері арасындағы өкілеттіктердің аражігін ажырату мәселелері бойынша 2014 жылғы 29 қыркүйектегі № 239-V ҚРЗ Заңына сәйкес ҚР Ауыл шаруашылығы министрінің м.а. 2015 жылғы 27 ақпандағы № 18-02/163 бұйрығын қараңыз.

      РҚАО-ның ескертпесі!
      Қаулының қолданысқа енгізілу тәртібін 3-тармақтан қараңыз.

      Қазақстан Республикасының 2003 жылғы 8 шілдедегі Орман кодексінің 12-бабының 17-12) тармақшасына сәйкес Қазақстан Республикасының Үкіметі ҚАУЛЫ ЕТЕДІ:
      1. Қоса беріліп отырған Мемлекеттік орман кадастрын жүргізу қағидалары бекітілсін.
      2. Мыналардың күші жойылды деп танылсын:
      1) «Мемлекеттік орман кадастры мен ормандардың мемлекеттік мониторингін жүргізу ережелерін бекіту туралы» Қазақстан Республикасы Үкіметінің 2004 жылғы 17 ақпандағы № 188 қаулысы (Қазақстан Республикасының ПYАЖ-ы, 2004 ж., № 8, 105-құжат);
      2) «Қазақстан Республикасы Үкіметінің кейбір шешімдеріне өзгерістер мен толықтыру енгізу туралы» Қазақстан Республикасы Үкіметінің 2011 жылғы 1 қыркүйектегі № 1002 қаулысымен бекітілген Қазақстан Республикасы Үкіметінің кейбір шешімдеріне енгізілетін өзгерістер мен толықтырудың 5-тармағы (Қазақстан Республикасының ПYАЖ-ы, 2011 ж., № 53, 746-құжат).
      3. Осы қаулы алғашқы ресми жарияланғанынан кейін күнтізбелік он күн өткен соң қолданысқа енгізіледі.

      Қазақстан Республикасының
      Премьер-Министрі                           К. Мәсімов

Қазақстан Республикасы
Үкiметiнiң     
2012 жылғы 26 маусымдағы 
№ 853 қаулысымен   
бекiтiлген     

Мемлекеттік орман кадастрын жүргізу қағидалары

1. Жалпы ережелер

      1. Осы Мемлекеттік орман кадастрын жүргізу қағидалары (бұдан әрi – Қағидалар) Қазақстан Республикасының 2003 жылғы 8 шілдедегі Орман кодексіне сәйкес әзірленді және мемлекеттік орман кадастрын жүргізу тәртібін белгiлейдi.
      2. Мемлекеттік орман кадастры Қазақстан Республикасы Табиғи ресурстарының мемлекеттiк кадастрлары бiрыңғай жүйесiнiң құрамдас бөлiгi болып табылады және оны осы Қағидаларға сәйкес мемлекеттік орман орналастыру ұйымы бiрыңғай жүйе бойынша жүргiзедi.
      3. Мемлекеттiк орман кадастры мемлекеттік жер кадастрымен өзара байланысты. Мемлекеттік орман кадастрын жүргiзу үшiн қажетті орман қорының жер учаскелерi туралы мәлiметтер мемлекеттік жер кадастрынан алынады.

2. Мемлекеттiк орман кадастрын жүргiзу тәртiбi

      4. Мемлекеттік орман кадастрының құжаттамасы:
      1) қысқаша түсіндірме жазбахаты бар осы Қағидаларға 1-қосымшаға сәйкес нысан бойынша орман кадастрының кітабы;
      2) осы Қағидаларға 2-қосымшаға сәйкес нысан бойынша мәліметтер;
      3) Қазақстан Республикасы Статистика агенттігі төрағасының  2011 жылғы 16 наурыздағы № 80 бұйрығымен бекітілген «Орман қорының мемлекеттік есебі және орман қорын мемлекеттік орман қорының санаттары мен жерлері бойынша бөлу» ведомстволық статистикалық байқауының статистикалық нысаны болып табылады.
      5. Орман шаруашылығының мемлекеттік мекемелері жыл сайын ақпарат жинаудың, өңдеудің және сақтаудың электронды жүйелерін, сондай-ақ қағазға басылған нұсқаларын пайдаланып:
      1) есептi жылдан кейiнгі 1 қаңтардағы жағдай бойынша орман қорының ағымдағы өзгерiстері мен жай-күйi туралы мәлiметтердi орман кадастрының материалдарына енгізедi;
      2) есептi жылдан кейiнгі 20 қаңтарға дейiн орман қорында болған өзгерiстер туралы мәлiметтердi ведомстволық тегі бойынша орман қорын күзету, қорғау, пайдалану, ормандарды молықтыру мен орман өсiру саласындағы облыстың жергілікті атқарушы органдарға (бұдан әрi – атқарушы органдар) бередi.
      6. Атқарушы органдар жыл сайын ақпарат жинаудың, өңдеудің және сақтаудың электронды жүйелерін, сондай-ақ қағазға басылған нұсқаларын пайдаланып 1 наурызға дейiнгі мерзімде мемлекеттік орман орналастыру ұйымының түсіндірме жазбахаттары бар облыс бойынша жиынтық есептерді жібереді.
      7. Жеке орман иеленушілер 1 наурызға дейінгі мерзімде мемлекеттік орман кадастрын жүргізу үшін қажет материалдарды 4-тармақтың 3) тармақшасына сәйкес мемлекеттік орман орналастыру ұйымына береді.
      8. Мемлекеттік орман орналастыру ұйымы жыл сайын, 1 маусымға дейін түсіндірме жазбахаттары бар облыс бойынша және республика бойынша жиынтық есептерді электронды және қағазға басылған нұсқаларда уәкілетті органның ведомствосына жібереді.
      9. Мемлекеттiк орман кадастрын жүргізу шеңберiнде алынған нәтижелер Қазақстан Республикасы Табиғи ресурстар мемлекеттік кадастрларының бiрыңғай жүйесiне берiледi.

Мемлекеттік орман кадастрын
жүргізу қағидаларына   
1-қосымша           

      Министрлік, ведомство
____________________________________________________________________
      Облыстық әкімдік
______________________________________________________________
      Орман иеленуші
______________________________________________________________
      Пошталық мекенжайы
______________________________________________________________
      Кадастрлық нөмірі
______________________________________________________________

ОРМАН ҚОРЫНЫҢ
ОРМАН КАДАСТРЛЫҚ КІТАБЫ

Басталды: 20____ жылғы 01.01. жағдайы бойынша
Аяқталды: 20____жылғы 01.01. жағдайы бойынша
__________парақ
Тұрақты сақталады

1. Орман иелену және орман пайдалану құқығы

      1-бөлімде мыналар көрсетілуге тиіс:
      1) орман иеленушінің атауы;
      2) орман иеленушілер учаскелерінің кадастрлық нөмірі;
      3) жер ресурстарын басқару жөніндегі уәкілетті орган берген тұрақты жер пайдалану құқығына арналған акт;
      4) белгіленген тәртіппен бекітілген орман иеленушінің ережесі (жарғысы);
      5) орман иелігінің құрылымы мен орналасқан жері: карта-схема, шекарасы және координаталары;
      6) есептік материалдар мен статистикалық нысандардың мәліметтері.

2. Орман қоры жерлерін орман пайдалануға берудің, сондай-ақ
жерлерді беру мен қабылдаудың құқықтың негізі

Орман қоры соңғы мерзімдік есепке алынған жыл _______________________

      1. Орман қоры соңғы мерзімдік есепке алынған жылғы мәліметтер.
      Орман қорының соңғы мерзімдік есепке алынуының деректері бойынша орман қорының ауданы мен санаттары негіз болып алынады.
      2. Орман қоры соңғы мерзімдік есепке алынғаннан кейін болған орман қорындағы өзгерістер.
      Бұдан әрі жерлерді орман пайдалануға беруге немесе қабылдауға негіз болған барлық құқықтық құжаттар қалпына келтіріледі.

3. Мемлекеттік орман қорының санаттары және алқаптар бойынша
орман қорын бағалау және бөлу

      Орман қорының санаты ____________________________

Алымы – аудан, мың гектар
Бөлімі – бағасы, мың теңге

      кестенің жалғасы

                              1. Бөлім деректері жазылады: алымында –
                              мемлекеттік орман қоры санаттарының
                              ауданы орман қорының жыл сайынғы және
                              мерзімдік мемлекеттік есебінің
                              мәліметтерінен, бөлімінде – есептелген
                              ақшалай бағасы.
                              2. Орман қорының әр санаты үшін жеке
                              кесте құрастырылады.
                              3. Мемлекеттік орман қоры санаттарының
                              тізбесі орман қорының мемлекеттік
                              есебінің 1-нысанынан алынады.

4. Басым тұқымдар мен жас топтары бойынша орманды алқаптарды
бағалау және бөлу

      Басым тұқым ___________________________

Аудан, мың гектар; қор, мың шаршы метр; құны, мың теңге

      кестенің жалғасы

                        1. Әрбір негізгі орман құраушы тұқымға жеке
                        бланк толтырылады (Орман қоры есебінің 2
                        нысанының 1-бөлімі). Өзге де сүрек тұқымдылар
                        (2-бөлім) мен бұталар бойынша (3-бөлім)
                        мәліметтер жиынтығы әрбір бөлім бойынша тек
                        ауданы мен бағалау құны келтіріледі
                        (2-4-бағандар).
                        2. Мәліметтер есеп кезеңі арасындағы болған
                        өзгерістерді ескере отырып, орман қоры
                        есебінің 2-нысанынан алынады
                        3. Есеп негізгі орман құраушы тұқымдар
                        бойынша жалпы республика, мекеме, ұйымдар
                        бойынша орман қорының санаттарын есепке алмай
                        жүргізіледі.
                        4. Жеке орман иеленушілер 4-бөлімді
                        толтырмайды.

5. Облыс (республика) ормандарын қоғамдық пайдалану нысандары
бойынша бөлу

      Облыс, республика ______________________________

Аудан, мың гектар

      Бөлімге облыс (республика) объектілері туралы мәліметтер енгізіледі

Мемлекеттік орман кадастрын
жүргізу қағидаларына   
2-қосымша           

1-кесте

Орман иеленушілердің құрылымы мен ауданы туралы мәліметтер

      Орман иеленуші ___________________________

Ауданы, мың гектар

2-кесте

Мемлекеттік орман қоры учаскелерін пайдалану туралы мәліметтер

      Орман иеленуші ___________________________

3-кесте

Есеп беру кезеңі арасында болған ағымдағы өзгерістер туралы мәліметтер

      Орман иеленушілер _____________________________

4-кесте

Сүрек қоры туралы мәліметтер
(жыл сайынғы өсімді қосқанда)

      Орман иеленуші _______________________

Қор, мың шаршы метр

5-кесте

Нақты дайындалатын сүрек туралы мәліметтер

      Орман иеленуші _______________________

Көлем, мың шаршы метр

6-кесте

Орман өсіру және орманды молайту туралы мәліметтер

      Орман иеленуші _____________________

Алаңы, гектар

7-кесте

Мемлекеттік орман қорындағы сүрексіз ресурстар туралы
мәліметтер

      Орман иеленуші ______________________

8-кесте

Орманды күтіп-баптау мақсатындағы кесу туралы мәліметтер

      Орман иеленуші __________________________

Ауданы, гектар; қоры мың шаршы метр