Қазақстан Республикасының Үкіметі ҚАУЛЫ ЕТЕДІ:
1. Қоса беріліп отырған Қазақстан Республикасы Үкіметінің кейбір шешімдеріне енгізілетін өзгерістер мен толықтырулар бекітілсін.
2. Осы қаулы алғаш рет ресми жарияланғаннан кейін он күнтізбелік күн өткен соң қолданысқа енгізіледі.
Қазақстан Республикасының
Премьер-Министрі К. Мәсімов
Қазақстан Республикасы
Үкіметінің
2010 жылғы 17 маусымдағы
№ 604 қаулысымен
бекітілген
Қазақстан Республикасы Үкіметінің кейбір шешімдеріне
енгізілетін өзгерістер мен толықтырулар
1. Күші жойылды - ҚР Үкіметінің 2010.08.13 N 816 (қолданысқа енгізілу тәртібін 3-т. қараңыз) Қаулысымен.
2. «Мемлекеттік орман қоры учаскелерін мәдени-сауықтыру, рекреациялық, туристік және спорттық мақсаттар үшін пайдалану ережесін бекіту туралы» Қазақстан Республикасы Үкіметінің 2003 жылғы 22 желтоқсандағы № 1286 қаулысында (Қазақстан Республикасының ПҮАЖ-ы, 2003 ж., № 47, 531-құжат):
көрсетілген қаулымен бекітілген Мемлекеттік орман қоры учаскелерін мәдени-сауықтыру, рекреациялық, туристік және спорттық мақсаттар үшін пайдалану ережесінде:
3-тармақтағы «шектелуі мүмкін» деген сөздер «шектеледі» деген сөзбен ауыстырылсын;
7-тармақтағы «Қазақстан Республикасының заңнамасымен» деген сөздер «Қазақстан Республикасының Орман кодексінде» деген сөздермен ауыстырылсын;
12-тармақтағы «тоқтатыла тұруы, шектелуі немесе тоқтатылуы мүмкін» деген сөздер «тоқтатыла тұрады, шектеледі немесе тоқтатылады» деген сөздермен ауыстырылсын.
3. «Мемлекеттік орман қоры учаскелеріндегі орман ресурстарын ұзақ мерзімді орман пайдалануға беру жөнінде тендерлер өткізу ережесін бекіту туралы» Қазақстан Республикасы Үкіметінің 2004 жылғы 13 қаңтардағы № 32 қаулысында (Қазақстан Республикасының ПҮАЖ-ы, 2004 ж., № 1, 17-құжат):
көрсетілген қаулымен бекітілген Мемлекеттік орман қоры учаскелеріндегі орман ресурстарын ұзақ мерзімді орман пайдалануға беру жөнінде тендерлер өткізу ережесінде:
5-тармақтың 2) тармақшасының екінші бөлігіндегі «заңнамада» деген сөздер «Жануарлар дүниесін қорғау, өсімін молайту және пайдалану туралы» Қазақстан Республикасының Заңында» деген сөздермен ауыстырылсын;
14-тармақтың 2) тармақшасында:
екінші, үшінші және төртінші абзацтар мынадай редакцияда жазылсын:
«заңды тұлғалар үшін - жарғының және өтініш берушінің заңды тұлға ретінде мемлекеттік тіркелгені туралы куәлігінің (салыстыру үшін түпнұсқалар ұсынылмаған жағдайда нотариалдық куәландырылған) көшірмелері;
жеке тұлғалар үшін - салық төлеуші кәсіпкерлік қызметті жүзеге асыру құқығын растайтын құжаттың көшірмесі, сондай-ақ жеке куәлігінің немесе паспортының, салық төлеуші куәлігінің (салыстыру үшін түпнұсқалары ұсынылмаған жағдайда нотариалдық куәландырылған) көшірмелері;
лицензиялардың, патенттердің, куәліктердің, сертификаттардың, дипломдардың, тендерге қатысушының орман пайдалану құқығын растайтын басқа құжаттардың (салыстыру үшін түпнұсқалары ұсынылмаған жағдайда нотариалдық куәландырылған) көшірмелері;»;
16-тармақтағы «әзірлеуге және тапсыруға байланысты барлық шығындарды көтереді» деген сөздер «дайындау және тапсыру жөніндегі шығыстарды көтереді» деген сөздермен ауыстырылсын;
17-тармақтағы «ақы алуы мүмкін» деген сөздер «ақы алады» деген сөздермен ауыстырылсын;
23-тармақтағы «танылуы мүмкін» деген сөздер «танылады» деген сөзбен ауыстырылсын;
24-тармақтағы «тануы мүмкін» деген сөздер «таниды» деген сөзбен ауыстырылсын;
25-тармақ мынадай редакцияда жазылсын:
«25. Тендерге қатысушылар қатарынан оның жеңімпазын таңдау тендер комиссиясы мүшелерінің жалпы санының кемінде үштен екісі қатысқан жағдайда, тендер комиссиясының отырысында жүргізіледі. Мемлекеттік орман қоры учаскелерінде орман ресурстарын ұзақ мерзімді орман пайдалануға беру жөніндегі тендер комиссиясының хаттамасында (бұдан әрі - тендер комиссиясының хаттамасы) тендер комиссиясының қандай да бір мүшесі болмаған жағдайда осы фактіні растайтын құжатты (бар болған жағдайда) қоса оның болмау себебін көрсетеді.
Тендер комиссиясының шешімі ашық дауыс беру арқылы қабылданады және егер оған тендер комиссиясына қатысушы мүшелердің жалпы санының көпшілік даусы берілген болса, қабылданды деп есептеледі. Дауыстар тең болған жағдайда, тендер комиссиясының төрағасы немесе ол болмаған жағдайда, төрағаның орынбасары дауыс берген шешім қабылданды деп есептеледі.
Тендер комиссиясының шешімімен келіспеген жағдайда, осы тендер комиссиясының кез келген мүшесі ерекше пікір білдіре алады, ол жазбаша түрде айтылуы және тендер комиссиясының хаттамасына қоса берілуге тиіс.
Тендер комиссиясының хаттамасы осы Ережеге 1-қосымшаға сәйкес нысан бойынша ресімделеді.»;
30-тармақтағы «Қазақстан Республикасының заңнамасында» деген сөздер «Қазақстан Республикасының Азаматтық іс жүргізу кодексінде» деген сөздермен ауыстырылсын.
4. «Су қорғау аймақтары мен белдеулерін белгілеу ережесін бекіту туралы» Қазақстан Республикасы Үкіметінің 2004 жылғы 16 қаңтардағы № 42 қаулысында (Қазақстан Республикасының ПҮАЖ-ы, 2004 ж., № 1, 20-құжат):
көрсетілген қаулымен бекітілген Су қорғау аймақтары мен белдеулерін белгілеу ережесінде:
6-тармақтың екінші бөлігіндегі «бола алады» деген сөздер «болады» деген сөзбен ауыстырылсын;
7-тармақта:
үшінші бөліктегі «нақтылануы мүмкін» деген сөздер «нақтыланады» деген сөзбен ауыстырылсын;
бесінші бөліктегі «бола алады» деген сөздер «болады» деген сөзбен ауыстырылсын;
10-тармақтағы «жүргізілуі тиіс» деген сөздер «жүргізіледі» деген сөзбен ауыстырылсын;
11-тармақтағы «Қазақстан Республикасының қолданыстағы заңнамасына» деген сөздер «Қазақстан Республикасының Су кодексімен» деген сөздермен ауыстырылсын.
5. «Су объектілеріне зиянды әсерлердің рұқсат етілетін шекті нормативтерін әзірлеу және бекіту ережесін бекіту туралы» Қазақстан Республикасы Үкіметінің 2004 жылғы 19 қаңтардағы № 50 қаулысында (Қазақстан Республикасының ПҮАЖ-ы, 2004 ж., № 2, 24-құжат):
көрсетілген қаулымен бекітілген Су объектілеріне зиянды әсерлердің рұқсат етілетін шекті нормативтерін әзірлеу және бекіту ережесінде:
7-тармақта:
«мамандандырылған ғылыми, жобалау» деген сөздер «ғылыми, мамандандырылған және жобалау» деген сөздермен толықтырылсын;
«негізінде» деген сөзден кейін «ғылыми жұмыстарды және қоршаған ортаны қорғау саласындағы жұмыстарды жүргізуге құқығы бар» деген сөздермен толықтырылсын;
10-тармақтағы «3 айдан аспауы тиіс» деген сөздер «90 күнтізбелік күннен аспайды» деген сөздермен ауыстырылсын;
12-тармақтағы «қаралуы мүмкін» деген сөздер «қаралады» деген сөзбен ауыстырылсын.
6. Күші жойылды - ҚР Үкіметінің 2011.05.14 № 516 (алғашқы ресми жарияланған күнінен бастап қолданысқа енгізіледі) Қаулысымен.
7. «Республика және өңір экономикасы үшін маңызды стратегиялық мәні бар су шаруашылығы құрылыстарын уақытша мемлекеттік басқаруды енгізу ережесін бекіту туралы» Қазақстан Республикасы Үкіметінің 2004 жылғы 26 сәуірдегі № 467 қаулысында (Қазақстан Республикасының ПҮАЖ-ы, 2004 ж., № 19, 242-құжат):
көрсетілген қаулымен бекітілген Республика және өңір экономикасы үшін маңызды стратегиялық мәні бар су шаруашылығы құрылыстарын уақытша мемлекеттік басқаруды енгізу ережесінде:
5-тармақта:
бірінші бөліктегі «(республикалық маңызы бар қалалар, астана)» деген сөздерден кейін «бір жұмыс күні ішінде» деген сөздермен толықтырылсын;
екінші бөліктегі «(республикалық маңызы бар қалалар, астана)» деген сөздерден кейін «бес жүмыс күні ішінде» деген сөздермен толықтырылсын;
6-тармақтағы «көрсетілуі тиіс» деген сөздер «көрсетіледі» деген сөзбен ауыстырылсын;
7-тармақтағы «3 күн» деген сөздер «үш жұмыс күні» деген сөздермен ауыстырылсын;
13-тармақтағы «кейін» деген сөзден кейін «үш жұмыс күні ішінде» деген сөздермен толықтырылсын;
14-тармақта:
«уәкілетті орган» деген сөздерден кейін «үш жұмыс күні ішінде» деген сөздермен толықтырылсын;
«құрады және» деген сөздерден кейін «он жұмыс күні ішінде» деген сөздермен толықтырылсын;
16-тармақтағы «заңнамасында» деген сөз «Азаматтық кодексінде» деген сөздермен ауыстырылсын.
8. «Су шаруашылығы құрылыстарын жалға және сенімгерлік басқаруға беру ережесін бекіту туралы» Қазақстан Республикасы Үкіметінің 2004 жылғы 2 маусымдағы № 613 қаулысында (Қазақстан Республикасының ПҮАЖ-ы, 2004 ж., № 23, 295-құжат):
көрсетілген қаулымен бекітілген Су шаруашылығы құрылыстарын жалға және сенімгерлік басқаруға беру ережесінде:
12-тармақтағы «қолданыстағы заңнамаға» деген сөздер «Қазақстан Республикасының Азаматтық кодексіне» деген сөздермен ауыстырылсын;
14-тармақтың екінші бөлігінде:
«жалға беруші» деген сөздер «тендер комиссиясы» деген сөздермен ауыстырылсын;
«жалға беруші» деген сөздерден кейін «, тендер жеңімпазынан кейін тендер бастамашысы үшін кімнің тендерлік өтініші ең жақсы шарт талаптарын ұсынған» деген сөздермен толықтырылсын;
28-тармақтың 4) тармақшасы мынадай редакцияда жазылсын:
«4) заңды тұлғалар үшін - құрылтайшылық құжаттардың (құрылтай шарты және жарғысы) көшірмелері және салық төлеуші куәлігінің (салыстырып тексеру үшін түпнұсқаларын ұсынбаған жағдайда нотариалды куәландырылған) көшірмесі;
жеке тұлғалар үшін - кәсіпкерлік қызметті жүзеге асыру құқығын растайтын құжаттың көшірмесі, сондай-ақ жеке тұлғаның жеке басын куәландыратын құжаттардың, салық төлеуші куәлігінің көшірмелері;»;
31-тармақтың 5) тармақшасындағы «3 күн бұрын» деген сөздер «үш жұмыс күні ішінде» деген сөздермен ауыстырылсын;
мынадай мазмұндағы 36-1-тармақпен толықтырылсын:
«36-1. Тендерлік комиссия осы Ереженің 28-тармағында белгіленген талаптарға сәйкес келмейтін тендерлік өтінімді қабылдамаудың толық себептері көрсетілетін конверттерді ашу хаттамасын толтырады. Бұл жағдайда тендерге қатысушыға екі жұмыс күні ішінде тендерлік өтінімді қабылдамау туралы, себептерін негіздей отырып, жазбаша хабарлама жібереді. Хаттамаға тендерлік комиссияның барлық мүшелері қол қойғаннан кейін хаттама уәкілетті органның интернет-ресурсында орналастырылады және үш жұмыс күні ішінде барлық тендерге қатысушыларға жіберіледі.»;
39-тармақтағы «жеңімпазға» деген сөзден кейін «тендер қорытындылары туралы хаттамаға қол қойылғаннан кейін үш жұмыс күн ішінде» деген сөздермен толықтырылсын.
9. Күші жойылды - ҚР Үкіметінің 04.09.2015 № 745 қаулысымен (алғашқы ресми жарияланған күнінен кейін күнтізбелік он күн өткен соң қолданысқа енгізіледі).
10. Күші жойылды - ҚР Үкiметiнiң 2012.11.21 № 1474 (алғашқы ресми жарияланғанынан кейiн күнтiзбелiк жиырма бiр күн өткен соң қолданысқа енгiзiледi) Қаулысымен.