Қазақстан Республикасының Мемлекеттік шекарасы арқылы автомобиль өткiзу пункттерінің және Қазақстан Республикасының аумағындағы стационарлық көлiктiк бақылау посттарының тiзбесiн бекiту туралы

      Ескерту. Тақырыпқа өзгерту енгізілді - ҚР Үкіметінің 2010.06.28 N 655 Қаулысымен.

      "Автомобиль көлiгі туралы" Қазақстан Республикасының 2003 жылғы 4 шілдедегi  Заңын iске асыру мақсатында Қазақстан Республикасының Үкiметi қаулы етеді:

      1. Қоса беріліп отырған Қазақстан Республикасының Мемлекеттiк шекарасы арқылы автомобиль өткiзу пункттерiнiң және Қазақстан Республикасының аумағындағы стационарлық көліктік бақылау посттарының тiзбесi бекiтілсiн.
       Ескерту. 1-тармаққа өзгерту енгізілді - ҚР Үкіметінің 2010.06.28 N 655 Қаулысымен.

      2. "Қазақстан Республикасының аумағында автомобиль тасымалдарына бiрыңғай мемлекеттiк бақылау жүйесiн құру туралы" Қазақстан Республикасы Үкiметiнiң 2000 жылғы 8 қыркүйектегі N 1358  қаулысына (Қазақстан Республикасының ПҮКЖ-ы, 2000 ж., N 38-39, 451-құжат) мынадай өзгерiстер енгiзiлсiн:
      1-тармақтың 3) тармақшасында:
      "бiрлескен бақылау-өткізу бекеттерiн" деген сөздер "посттарын" деген сөзбен ауыстырылсын;
      "мен Iшкi iстер министрлiгiнiң Жол полициясы департаментiнiң" деген сөздер алынып тасталсын.

      3. Мыналардың күшi жойылды деп танылсын:
      1) "Қазақстан Республикасының мемлекеттiк шекарасындағы автомобильдік өткізу бекеттерiнің тiзбесiн бекiту туралы" Қазақстан Республикасы Үкiметiнiң 2001 жылғы 3 желтоқсандағы N 1556  қаулысы ;
      2) "Қазақстан Республикасы Үкiметiнiң 2001 жылғы 3 желтоқсандағы N 1556 қаулысына өзгерiстер мен толықтыру енгiзу туралы" Қазақстан Республикасы Үкiметiнiң 2002 жылғы 25 қарашадағы N 1251  қаулысы .

      4. Қазақстан Республикасының Сыртқы iстер министрлiгi Қазақстан Республикасының Мемлекеттiк шекарасы арқылы автокөлiк құралдарын өткiзу пункттерiнiң тiзбесi туралы ақпаратты белгiленген тәртiппен мүдделi шетел мемлекеттерi өкiлдiктерінің назарына жеткiзсiн.

      5. Осы қаулы қол қойылған күнiнен бастап күшiне енедi.

       Қазақстан Республикасының
      Премьер-Министрі

Қазақстан Республикасы  
Үкіметінің        
2004 жылғы 27 ақпандағы 
N 238 қаулысымен    
бекiтілген       

Қазақстан Республикасының Мемлекеттiк шекарасы
арқылы автомобиль өткізу пункттерінің және
Қазақстан Республикасының аумағындағы стационарлық
көлiктiк бақылау посттарының тiзбесi

      Ескерту. Тізбенің тақырыбына өзгерту енгізілді - ҚР Үкіметінің 2010.06.28 N 655 Қаулысымен.

      1. Қазақстан Республикасының Мемлекеттік шекарасы арқылы автомобиль өткізу пункттері
      Қазақстан Республикасының Қытай Халық Республикасымен Мемлекеттік шекарасы учаскесіндегі халықаралық өткізу пункттері:
      көп жақты қатынас үшін ашық:
      Қорғас               Алматы облысы
      Достық               Алматы облысы
      Қалжат               Алматы облысы
      Бақты                Шығыс Қазақстан облысы
      Майқапшағай          Шығыс Қазақстан облысы
      Қазақстан Республикасының Ресей Федерациясымен Мемлекеттік шекарасы учаскесіндегі халықаралық өткізу пункттері:
      көп жақты қатынас үшін ашық:
      Құрманғазы           Атырау облысы
      Тасқала              Батыс Қазақстан облысы
      Сырым                Батыс Қазақстан облысы
      Ақсай                Батыс Қазақстан облысы
      Әлімбет              Ақтөбе облысы
      Жайсан               Ақтөбе облысы
      Қайрақ               Қостанай облысы
      Ақбалшық             Қостанай облысы
      Жаңа Жол             Солтүстік Қазақстан облысы
      Қарақоға             Солтүстік Қазақстан облысы
      Қызыл Жар            Солтүстік Қазақстан облысы
      Үрлітөбе             Павлодар облысы
      Қосақ                Павлодар облысы
      Шарбақты             Павлодар облысы
      Ауыл                 Шығыс Қазақстан облысы
      Үбе                  Шығыс Қазақстан облысы
      Жезкент              Шығыс Қазақстан облысы
      екі жақты қатынас үшін ашық:
      Жәнібек              Батыс Қазақстан облысы
      Орда                 Батыс Қазақстан облысы
      Шаған                Батыс Қазақстан облысы
      Қарашатау            Ақтөбе облысы
      Қондыбай             Қостанай облысы
      Желқуар              Қостанай облысы
      Аят                  Қостанай облысы
      Обаған               Қостанай облысы
      Бидайық              Солтүстік Қазақстан облысы
      Амангелді            Павлодар облысы
      Найза                Павлодар облысы
      Байтанат             Шығыс Қазақстан облысы
      Қоянбай              Шығыс Қазақстан облысы
      Құпия.
      Қазақстан Республикасының Өзбекстан Республикасымен Мемлекеттік халықаралық өткізу пункттері:
      көп жақты қатынас үшін ашық:
      Тәжен               Маңғыстау облысы
      Жібек Жолы          Оңтүстік Қазақстан облысы
      Б. Қонысбаев        Оңтүстік Қазақстан облысы
      Қапланбек           Оңтүстік Қазақстан облысы
      Қазығұрт            Оңтүстік Қазақстан облысы
      (құпия)
      екі жақты қатынас үшін ашық:
      Атамекен            Оңтүстік Қазақстан облысы
      Қазақстан Республикасының Түрікменстанмен Мемлекеттік шекарасы учаскесіндегі халықаралық өткізу пункттері:
      көп жақты қатынас үшін ашық:
      Темірбаба           Маңғыстау облысы
      Ескерту. 1-тармақ жаңа редакцияда - ҚР Үкіметінің
2010.06.28 N 655 Қаулысымен, өзгеріс енгізілді - ҚР Үкіметінің 2012.08.24 № 1082 Қаулысымен.

      2. Қазақстан Республикасының аумағындағы стационарлық көліктік бақылау посттары.

       Ескерту. 2-тармақ жаңа редакцияда - ҚР Үкіметінің 19.03.2013 N 258 (алғашқы ресми жарияланған күнінен бастап күнтізбелік он күн өткен соң қолданысқа енгізіледі) Қаулысымен.