ЗҚАИ-ның ескертпесі!
      Осы бұйрық 01.07.2023 қолданысқа енгізіледі

      Қазақстан Республикасының Әлеуметтік кодексінің 98-бабының 1-тармағына, 99-бабының 1-тармағына, 106-бабының 3-тармағына және "Мемлекеттік және әлеуметтік әлеуметтік жауапкершілігі бар көрсетілетін қызметтер туралы" Қазақстан Республикасының Заңы 10-бабының 1) тармақшасына сәйкес БҰЙЫРАМЫН:

      1. Қоса берілген Жұмыс іздеп жүрген адамдарды, жұмыссыздарды тіркеу және мансап орталықтары көрсететін еңбек делдалдығын жүзеге асыру қағидалары бекітілсін.

      2. Қазақстан Республикасы Еңбек және халықты әлеуметтік қорғау министрлігінің кейбір бұйрықтары мен құрылымдық элементтердің осы бұйрықтың қосымшасына сәйкес күші жойылды деп танылсын.

      3. Қазақстан Республикасы Еңбек және халықты әлеуметтік қорғау министрлігінің Халықты жұмыспен қамту департаменті заңнамада белгіленген тәртіппен:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты Қазақстан Республикасы Еңбек және халықты әлеуметтік қорғау министрлігінің интернет-ресурсында орналастыру және ресми жарияланғаннан кейін өтініштерді қабылдауды және мемлекеттік қызмет көрсету нәтижелерін беруді жүзеге асыратын көрсетілетін қызметті берушілерге, оның ішінде бірыңғай байланыс орталығына мемлекеттік қызметтер көрсету тәртібіне енгізілген өзгерістер мен толықтырулар туралы хабардар ету;

      3) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Еңбек және халықты әлеуметтік қорғау министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтер ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Еңбек және халықты әлеуметтік қорғау вице-министріне жүктелсін.

      5. Осы бұйрық 2023 жылғы 1 шілдеде қолданысқа енгізіледі және ресми жариялануға жатады.

      "КЕЛІСІЛДІ"

      Қазақстан Республикасының

      Цифрлық даму, инновациялар

      және аэроғарыш өнеркәсібі

      министрлігі

      ЗҚАИ-ның ескертпесі!
      Қағидалар жаңа редакцияда көзделген - ҚР Еңбек және халықты әлеуметтік қорғау министрінің 29.05.2026 № 220 (12.07.2026 бастап қолданысқа енгізіледі) бұйрығымен.

Жұмыс іздеп жүрген адамдарды, жұмыссыздарды тіркеу және мансап орталықтары көрсететін еңбек делдалдығын жүзеге асыру қағидалары

      Ескерту. Қағидалар жаңа редакцияда - ҚР Еңбек және халықты әлеуметтік қорғау министрінің 29.05.2026 № 220 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Жұмыс іздеуші адамдарды, жұмыссыздарды тіркеу және мансап орталықтары көрсететін еңбек делдалдығын жүзеге асыру қағидалары (бұдан әрі - Қағидалар) Қазақстан Республикасы Әлеуметтік кодексінің 98-бабының 1-тармағына, 99-бабының 1-тармағына, 106-бабының 3-тармағына және "Мемлекеттік және әлеуметтік маңызы бар көрсетілетін қызметтер туралы" Қазақстан Республикасы Заңының 10-бабының 1) тармақшасына сәйкес әзірленді және жұмыс іздеуші адамдарды тіркеу, жұмыссыздарды тіркеу, мансап орталықтарының еңбек делдалдығын жүзеге асыру тәртібін айқындайды.

      2. Осы Қағидаларда мынадай ұғымдар пайдаланылады:

      1) ассистент – әлеуметтік жұмыс жөніндегі консультантқа және кент, ауыл, ауылдық округ әкіміне консультациялар, әңгімелесулер өткізуге, сондай-ақ әлеуметтік келісімшарт бойынша міндеттемелердің орындалуына мониторинг жүргізуге жәрдем көрсету жөніндегі функцияларды орындайтын мансап орталығының қызметкері;

      2) әлеуметтік төлемдер – Мемлекеттік әлеуметтік сақтандыру қоры әлеуметтік төлемді алушының пайдасына жүзеге асыратын төлемдер;

      3) бос жұмыс орын - жұмыс берушідегі бос жұмыс орны (лауазым);

      4) "Еңбек нарығы" автоматтандырылған ақпараттық жүйесі (бұдан әрі – "Еңбек нарығы" ААЖ) – әлеуметтік-еңбек саласының бірыңғай ақпараттық жүйесінің құрамындағы жұмысқа орналастыруға делдалдық көрсету, есептілікке мониторинг жүргізу және қалыптастыру мақсатында еңбек мобильділігі орталықтарының, мансап орталықтарының қызметін автоматтандыруға және мемлекеттік органдардың ақпараттық жүйелерімен интеграциялаумен қоса ведомствоаралық өзара іс-қимылға арналған автоматтандырылған ақпараттық жүйе;

      5) жұмыс іздеп жүрген адам – жұмыспен қамтуға жәрдемдесу үшін мансап орталығына жүгінген жеке тұлға;

      6) жұмысқа орналастыру – халықты жұмыспен қамтуды қамтамасыз етуге жәрдемдесуге арналған ұйымдастырушылық, экономикалық және құқықтық іс-шаралар кешені;

      7) жұмысқа орналастырудың жеке жоспары – жұмыссыздың жеке деректері, жұмыспен қамтуға жәрдемдесу жөнінде жоспарланатын және іске асырылатын іс-шаралар көрсетілетін құжат;

      8) жұмыспен қамтудың жеке картасы – жеке деректері, жұмыспен қамтылу тарихы, ұсынылатын және іске асырылатын іс-шаралар, жұмыспен қамтуға жәрдемдесу мақсаттары және олардың орындалуы көрсетілетін құжат;

      9) жұмыссыз адам – жұмыс іздеп жүрген және жұмысқа кірісуге дайын жеке тұлға;

      10) лайықты жұмыс - кәсіптік даярлығына, еңбек өтіліне және бұрынғы мамандығы бойынша еңбек тәжірибесіне, денсаулық жағдайына, жұмыс уақытының режиміне, жұмыс орнына көліктің қолайлығына сәйкес келетін, оның ішінде уақытша сипаттағы жұмыс;

      11) мансап орталығы –аудандарда, облыстық және республикалық маңызы бар қалаларда, астанада оның функцияларын орындауды жүзеге асыратын еңбек мобильділігі орталығының филиалы;

      12) мемлекеттік көрсетілетін қызмет – көрсетілетін қызметті алушылардың өтініш жасауы бойынша немесе өтініш жасауынсыз жүзеге асырылатын және олардың құқықтарын, бостандықтары мен заңды мүдделерін іске асыруға, оларға тиісті материалдық немесе материалдық емес игіліктер беруге бағытталған жекелеген мемлекеттік функцияларды іске асыру нысандарының бірі немесе олардың жиынтығы;

      13) мемлекеттік қызметтер көрсету мониторингінің ақпараттық жүйесі – мемлекеттік қызметтер көрсету, оның ішінде "Азаматтарға арналған үкімет" мемлекеттік корпорациясы арқылы көрсету процесін автоматтандыруға және мониторингтеуге арналған ақпараттық жүйе;

      14) мемлекеттік органдардың ақпараттық жүйесі – ақпараттық өзара іс-қимыл арқылы белгілі бір технологиялық әрекеттерді іске асыратын және нақты функционалдық міндеттерді шешуге арналған ақпараттық-коммуникациялық технологиялардың, қызмет көрсетуші персоналдың және техникалық құжаттаманың ұйымдастырылып ретке келтірілген жиынтығы;

      15) ұялы байланыстың абоненттік құрылғысы – абонент белгілеген ақпаратты беру немесе қабылдау үшін электр байланысы сигналдарын қалыптастыратын және ұялы байланыс операторының желісіне қосылатын, қызмет көрсетілетін аумақ шеңберінде тұрақты географиялық айқындалатын орналасқан орны жоқ, ұялы байланыс желілерінде жұмыс істейтін жеке пайдаланудағы байланыс құралы;

      16) ақпараттық-коммуникациялық технологиялар -электрондық ақпараттық ресурстармен жұмыс істеу әдістерінің және аппараттық-бағдарламалық кешен мен телекомуникациялар желілерін қолдана отырып жүзеге асырылатын ақпараттық өзара іс-қимыл әдістерінің жиынтығы;

      17) Электрондық еңбек биржасы – Қазақстан Республикасы Әлеуметтік кодекске сәйкес жұмыс іздеуді және персоналды іріктеуге, жұмыспен қамту саласында электрондық және проактивті форматта қызметтер көрсетуге жәрдемдесуді қамтамасыз ететін, ізденушілер мен жұмыс берушілер үшін жұмыспен қамтудың бірыңғай ақпараттандыру тұғырнамасын білдіретін ақпараттандыру объектісі.

      3. Процесс сипаттамасын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктерін, өзге де мәліметтерді қамтитын Мемлекеттік қызметтер көрсетуге қойылатын негізгі талаптардың тізбесі (бұдан әрі – Талаптар тізбесі) осы Қағидалардың "Жұмыс іздеп жүрген адамдарды тіркеу" мемлекеттік көрсетілетін қызметті көрсетуге қойылатын негізгі талаптардың тізбесі 1-қосымшасына және "Жұмыссыздарды тіркеу" мемлекеттік қызметін көрсетуге қойылатын негізгі талаптардың тізбесі 2-қосымшасына сәйкес мемлекеттік қызметті көрсету ерекшеліктерін ескере отырып келтірілген.

2-тарау. Жұмыс іздеуші адамдарды тіркеу тәртібі

      4. Жұмысы және (немесе) табысы (кірісі) жоқ, лайықты жұмыс іздеп жүрген адам (бұдан әрі – ізденуші) жұмысқа орналасуға жәрдемдесу үшін жүгінген кезде жұмыс іздеуші адам ретінде:

      1) тұрғылықты жері бойынша мансап орталығы арқылы;

      2) "Электрондық үкімет" веб-порталы арқылы;

      3) "Электрондық еңбек биржасы" бірыңғай цифрлық жұмыспен қамту платформасы (бұдан әрі – Электрондық еңбек биржасы) арқылы тіркеледі.

1-параграф. Жұмыспен қамту орталығына жүгінген кезде жұмыс іздеп жүрген адамдарды тіркеу тәртібі

      5. Жұмыс іздеп жүрген адам ретінде тіркелу үшін ізденуші тұрғылықты жері бойынша мансап орталығына немесе уақытша орналасқан жері бойынша осы Қағидаларға 1-қосымшаға сәйкес Талаптар тізбесінде көзделген тізбеге сәйкес құжаттарды ұсынады.

      Жеке басын куәландырғаннан және "Еңбек нарығы" ААЖ-ға деректерді енгізгеннен кейін құжаттар ізденушіге қайтарылады.

      6. Он алты жасқа толмаған адам сондай-ақ заңды өкілдерінің бірінің еркін нысандағы өтінішін ұсынады.

      7. Мансап орталығының маманы мемлекеттік органдардың және (немесе) ұйымдардың ақпараттық жүйелерінен алынатын мәліметтер негізінде ізденуші ұсынған құжаттар мен дербес деректердің (мәліметтердің) дұрыстығын тексереді.

      8. Ұсынылған дербес деректердің (мәліметтердің), құжаттардың және (немесе) олардағы деректердің (мәліметтердің) анық еместігі анықталған жағдайда, мансап орталығы олар келіп түскен күннен бастап бір жұмыс күні ішінде өтінішке қоса берілген құжаттарды қайтарады және ізденушіге осы Қағидаларға 3-қосымшаға сәйкес нысан бойынша жұмыс іздеп жүрген адам ретінде тіркеуден бас тарту туралы хабарлама береді.

      9. Мансап орталығының қызметкері ізденушіге жұмыспен қамтуға жәрдемдесудің мемлекеттік шаралары және мансап орталығы көрсететін қызметтер туралы толық ақпарат ұсынады.

      10. Мансап орталығының қызметкері ізденушінің жеке сәйкестендіру нөмірінің негізінде ол туралы дербес ақпарат алу үшін "Еңбек нарығы" ААЖ-да мемлекеттік органдардың және (немесе) ұйымдардың ақпараттық жүйелеріне сұрау салуды қалыптастырады, сондай-ақ "Еңбек нарығы" ААЖ-дағы Жұмыспен қамтудың жеке картасына ізденушінің дербес деректерін енгізеді.

      11. "Еңбек нарығы" ААЖ-да жұмыспен қамтудың жеке картасына енгізген дербес деректердің негізінде, жұмыссыздық кезеңінің болжамды ұзақтығына қарай ізденушінің тиісті санаты автоматты түрде айқындалады.

      12. Ұсынылған құжаттардың және (немесе) олардағы деректердің (мәліметтердің) анықтығы анықталғаннан кейін халықты мансап орталығы олар келіп түскен күннен бастап бір жұмыс күні ішінде ізденушіні жұмыс іздеп жүрген адамдар ретінде тіркейді және ізденушіге осы Қағидаларға 4-қосымшадағы нысанға сәйкес жұмыс іздеп жүрген адам ретінде тіркелгені туралы хабарлама береді.

      Адам ақпараттық-коммуникациялық технологиялар және (немесе) ұялы байланыс абоненттік құрылғысы арқылы жұмыс іздеп жүрген адам ретінде тіркелгені туралы хабар алады.

      13. Мансап орталығының қызметкері ізденушіні жұмыс іздеп жүрген адам ретінде тіркеген кезде Электрондық еңбек биржасын пайдалану мүмкіндіктері туралы хабардар етеді.

      14. Ауылдық елді мекенде мансап орталығы болмаған жағдайда ізденуші ауылдық округ әкімдігінің аппаратына ассистентке жұмыс іздеп жүрген адам ретінде тіркелу үшін жүгінеді. Ассистент ізденушінінің деректерін алдын ала толтыруды жүргізеді.

      15. Ізденуші ассистентке осы Қағидаларға 1-қосымшаға сәйкес Талаптар тізбесінде көрсетілген тізбеге сәйкес құжаттарды ұсынады.

      Ассистент ізденуші ұсынған құжаттар мен дербес деректердің (мәліметтердің) дұрыстығын тексереді.

      16. Ассистент ізденушінің деректерін толтыру кезінде "Еңбек нарығы" ААЖ-да жұмыспен қамтудың жеке картасына дербес деректерді енгізеді. "Еңбек нарығы" ААЖ-ға қолжетімділік болмаған жағдайда ассистент жұмыспен қамтудың жеке картасын электрондық нысанда немесе қағаз түрінде толтырады.

      17. "Еңбек нарығы" ААЖ-да осы Қағидалардың 11-тармағына сәйкес жұмыссыздық кезеңінің болжамды ұзақтығын негізге ала отырып, ізденушіні санаттарға бөлуді жүргізіледі.

      18. Ассистент ізденушіні Электрондық еңбек биржасын пайдалану мүмкіндіктері туралы хабардар етеді.

      19. Ассистент ұсынылған құжаттардың және (немесе) оларда қамтылған деректерің (мәліметтердің) дәйектілігін анықтағаннан кейін бір жұмыс күні ішінде мансап орталығына осы Қағидаларға 1-қосымшаға сәйкес Талаптар тізбесінде көрсетілген құжаттарды жібереді.

      20. Мансап орталығының қызметкері ассистенттен құжаттарды алған күннен бастап бір жұмыс күні ішінде ізденушінің дербес деректерін "Еңбек нарығы" ААЖ-ға енгізеді, ізденушіні жұмыс іздеп жүрген адам ретінде тіркегені туралы белгі қояды және ізденушіге ассистент немесе ақпараттық-коммуникациялық технологиялар және (немесе) ұялы байланыс желісінің абоненттік құрылғысы арқылы тіркеу күні туралы хабарлайды.

      21. Ізденуші жұмыс іздеп жүрген адам ретінде тіркелу үшін қайта жүгінген кезде мансап орталығының қызметкері ізденушінің бұрын ұсынған дербес деректері мен мәліметтерінің дәйектілігін тексеруді жүзеге асырады және (немесе) және жұмыспен қамтудың жеке картасына тиісті өзгерістерді енгізеді.

      22. Мансап орталығы мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.

      23. Мансап орталығы жұмыс іздеп жүрген адамды тіркеген күннен бастап екі жұмыс күні ішінде осы Қағидалардың 5-тарауына сәйкес оған лайықты жұмыс таңдауда жәрдем көрсетеді.

2-параграф. Жұмыс іздеп жүрген адамдарды "Электрондық үкімет" веб-порталы арқылы тіркеу тәртібі

      24. Ізденуші электрондық цифрлық қолтаңбасы болған кезде "электрондық үкімет" веб-порталы арқылы электрондық нысанда жұмыс іздеп жүрген адам ретінде тіркеледі.

      25. Ізденуші "электрондық үкімет" веб-порталы арқылы жұмыс іздеп жүрген адам ретінде тіркелу үшін жеке деректерін көрсете отырып, мемлекеттік қызмет көрсетуге өтінімді толтырады.

      Мемлекеттік қызмет көрсетуге сұрау салудың қабылданғаны туралы статус ізденушінің "жеке кабинетіне" жіберіледі.

      26. Ізденушінің деректері "Еңбек нарығы" ААЖ-не автоматты түрде тұрғылықты жері немесе уақытша орналасқан жері бойынша мансап орталығына жіберіледі.

      27. Мансап орталығынының қызметкері осы Қағидалардың 7, 8, 9, 10, 11 және 12-тармақтарына сәйкес жұмыс іздеп жүрген адамды тіркейді.

      Мансап орталығының қызметкері жеке басты куәландыратын құжаттың мәліметтерін "электрондық үкімет" шлюзі арқылы мемлекеттік органдардың тиісті ақпараттық жүйелерінен алады.

      28. "Электрондық үкімет" веб-порталында мемлекеттік қызметті көрсету нәтижесі көрсетілетін қызметті алушының "жеке кабинетіне" мансап орталығы директорының немесе ол уәкілеттік берген адамның электрондық цифрлық қолтаңбасымен қол қойылған электрондық құжат түрінде жіберіледі және сақталады.

3-параграф. Жұмыс іздеп жүрген адамдарды Электрондық еңбек биржасы арқылы тіркеу тәртібі

      29. Ізденуші электрондық цифрлық қолтаңбасы болған кезде Электрондық еңбек биржасы арқылы жұмыс іздеп жүрген адам ретінде тіркеледі.

      30. Ізденуші Электрондық еңбек биржасындағы "жеке кабинетінде" өзінің тұрғылықты жеріне сәйкес мансап орталығын таңдайды.

      31. Ізденуші енгізген жеке сәйкестендіру нөмірінің негізінде Электрондық еңбек биржасында ізденуші туралы дербес ақпарат алу үшін мемлекеттік органдардың және (немесе) ұйымдардың ақпараттық жүйелеріне сұрау салу қалыптастырылады.

      32. Ізденуші Электрондық еңбек биржасындағы "жеке кабинетінде" дербес деректерін көрсете отырып, мемлекеттік қызметті алуға өтінімді толтырады.

      33. Электрондық еңбек биржасында ізденушіні жұмыс іздеп жүрген адам ретінде тіркеу автоматты түрде жүзеге асырылады.

      34. Жұмыс іздеп жүрген адам ретінде тіркелу туралы ақпарат ізденушінің тұрғылықты жері бойынша мансап орталығына "Еңбек нарығы" ААЖ-ға түседі. "Еңбек нарығы" ААЖ-да жұмыс іздеп жүрген адамның жұмыспен қамтылуының жеке картасы автоматты түрде қалыптастырылады.

      35. Электрондық еңбек биржасы жұмыс іздеп жүрген адамға жұмыс іздеп жүрген адам ретінде тіркелгені туралы хабарламаны Электрондық еңбек биржасындағы "жеке кабинетіне", сондай-ақ ұялы байланыс абоненттік құрылғысына хабарлама беру арқылы жібереді.

      36. Электрондық еңбек биржасы жұмыс іздеп жүрген адам тіркелген күннен бастап екі жұмыс күні ішінде осы Қағидалардың 5-бөлімінің 4-параграфына сәйкес бос жұмыс орындарын автоматты түрде таңдайды.

      37. Жұмыс іздеп жүрген адам Электрондық еңбек биржасы арқылы және мансап орталығынан алынған бос орындарына үн қатады.

      Жұмыс іздеп жүрген адам мансап орталығын, ал ауылдық елді мекенде тұратындар кент, ауыл, ауылдық округ әкімін ақпараттық-коммуникациялық технологиялар және (немесе) ұялы байланыс абоненттік құрылғысы арқылы ұсынылған лайықты жұмысқа келісу немесе одан бас тарту туралы хабарлайды.

3-тарау. Жұмыссыз адамдарды тіркеу тәртібі

      38. Егер мансап орталығы осы Қағидалардың 23-тармағында көрсетілген кезең өткеннен кейін жұмыс іздеп жүрген адам үшін лайықты жұмыс таба алмаса немесе жұмыс іздеп жүрген адам ұсынылған жұмыстан бас тартса, онда "Еңбек нарығы" ААЖ-да жұмыс іздеп жүрген адам автоматты түрде жұмыссыз ретінде тіркеледі.

      "Еңбек нарығы" ААЖ осы Қағидалардың 40-тармағында көзделген негіздер бойынша жұмыс іздеп жүрген адамды жұмыссыз ретінде тіркеу үшін мемлекеттік органдардың және (немесе) ұйымдардың ақпараттық жүйелерінен алынған ақпараттың дұрыстығын тексеруді жүзеге асырады.

      Жұмыс іздеп жүрген адамға Электрондық еңбек биржасы және (немесе) ұялы байланыс желісінің абоненттік құрылғысы арқылы жұмыссыз ретінде тіркелгені немесе бас тартқаны туралы хабарлама жіберіледі.

      39. Мансап орталығының қызметкері сұрау салу бойынша осы Қағидаларға 5-қосымшаға сәйкес нысан бойынша жұмыссыз ретінде тіркелгені туралы хабарлама не осы Қағидалардың 41-тармағында көзделген негіздер бойынша осы Қағидаларға 6-қосымшаға сәйкес жұмыс іздеп жүрген адамды жұмыссыз ретінде тіркеуден бас тарту туралы хабарлама береді.

      40. Мынадай:

      1) он алты жасқа толмаған;

      2) жұмыспен қамтылған адамдар;

      3) Қазақстан Республикасының Әлеуметтік кодекстің 207-бабының 207-бабының 1, 2 және 3-тармақтарында белгіленген зейнеткерлік жасқа толған;

      4) жұмысы мен жалақысының (кірісінің) болмауы туралы көрінеу жалған мәліметтерді қамтитын құжаттар, сондай-ақ басқа да дәйексіз мәліметтер ұсынған адамдар;

      5) Қазақстан Республикасының Әлеуметтік кодексе сәйкес жұмыспен қамтуға жәрдемдесудің белсенді шараларына қатысуға үміткер студенттер мен жалпы білім беретін мектептердің жоғары сынып оқушылары;

      6) сот шешімі бойынша түзеу жұмыстарына не мәжбүрлеу жұмыстарына, сондай-ақ бас бостандығынан айыру түріндегі жаза шартты түрде тағайындалмаған жағдайда, осындай жазаға сотталған адамдар жұмыссыз ретінде тіркелмейді.

      41. Мансап орталығының қызметкері тіркелген күннен бастап бір жұмыс күні ішінде жұмыссызды Мемлекеттік әлеуметтік сақтандыру қорынан жұмысынан айырылған жағдайда берілетін әлеуметтік төлемді тағайындау үшін қажетті құжаттардың тізбесі туралы хабардар етеді.

      42. Халықты мансап орталығы мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.

      43. Еңбек мобильділігі орталығында тіркелген жұмыссыздар Қазақстан Республикасының Әлеуметтік кодекске және осы Қағидаларға сәйкес келу тәртібін, шарттарын және мерзімдерін немесе мансап орталығының хабарламаларын сақтайды.

      44. Жұмыссыз ретінде тіркелгендігі туралы ақпарат беру жұмыссыздың сұрауы бойынша Электрондық еңбек биржасы, "электрондық үкімет" веб-порталы және (немесе) ақпараттандыру объектілері арқылы осы Қағидаларға 9-қосымшаға сәйкес электрондық құжат түріндегі электрондық цифрлық қолтаңба болған кезде жүзеге асырылады.

      Жұмыссыз ретінде тіркеу туралы ақпараттың қолданылу мерзімі оны берген күннен бастап күнтізбелік отыз күнді құрайды.

      45. Еңбек мобильділігі орталығы "Еңбек нарығы" ААЖ арқылы халықты мансап орталығынан тиісті ақпаратты алған күннен бастап екі жұмыс күні ішінде жұмыссызды мынадай жағдайларда:

      1) жұмыссыз үшін міндетті әлеуметтік медициналық сақтандыру аударымдары, міндетті зейнетақы жарналары және әлеуметтік аударымдар түскен кезде;

      2) Мансап орталығы ұсынған лайықты жұмыстың үш нұсқасынан бас тартқанда немесе мансап орталығын, ал ауылдық елді мекендерде тұратын адам кент, ауыл, ауылдық округ әкімін лайықты жұмыстың ұсынылған нұсқаларымен келісетіні немесе олардан бас тартатыны туралы уақтылы хабардар етпегенде;

      3) жұмыссыздың дәлелсiз себептермен:

      мансап орталығыхабардар еткен күннен бастап бес жұмыс күнi iшiнде ұсынылған жұмысқа орналасу орнына немесе оқу орнына келмегенде;

      шақыру бойынша халықты жұмыспен қамтуға жәрдемдесудің белсенді шараларына қатысу үшін үш жұмыс күнi ішінде халықты мансап орталығына келмегенде;

      жұмыспен қамтуға жәрдемдесудің белсенді шараларына қатысуды өз бетiнше тоқтатқанда;

      4) жұмыссыз мансап орталығына барудың немесе оны хабардар етудің осы Қағидалардың 44-тармағында көзделген мерзiмдерiн дәлелсiз себептермен бұзғанда;

      5) жұмыссыз бас бостандығынан айыру түрiндегi жазамен сотталғанда не заңды күшіне енген сот шешiмi бойынша мәжбүрлеп емдеуге жiберiлгенде;

      6) мансап орталығына:

      тұрғылықты жерiн ауыстыруды;

      тұрақты, уақытша жұмысқа, азаматтық-құқықтық сипаттағы шарттар бойынша жұмысқа орналасуды;

      кәсiпкерлiк қызметпен айналысуды;

      ұйымдық-құқықтық нысаны мен меншiк нысанына қарамастан, ұйымға құрылтайшы (ортақ құрылтайшы) болуды;

      мүгедектiк тобын белгiлеудi немесе оның өзгеруiн;

      зейнетақы төлемдерін тағайындауды қоса алғанда, жұмыссызбен алдағы уақытта жұмыс iстеу тәртiбiне ықпал ететiн өзгерiстер туралы мәлiметтердi уақтылы, бес жұмыс күнi iшiнде ұсынбағанда;

      7) көрінеу жалған немесе қолдан жасалған құжаттар бергенде есептен шығарады.

      46. Мансап орталығы жұмыссыз есептен шығарылған күннен бастап екі жұмыс күні ішінде оны бұл туралы ақпараттық-коммуникациялық технологиялар және (немесе) ұялы байланыс абоненттік құрылғысы арқылы, ал ауылдық жердің тұрғындарын кент, ауыл және ауылдық округтің әкімі арқылы хабардар етеді.

      47. Егер Электрондық еңбек биржасы немесе мансап орталығы осы Қағидалардың 36-тармағында көрсетілген кезең өткеннен кейін лайықты жұмыс таңдамаса немесе жұмыс іздеп жүрген адам ұсынылған жұмыстан бас тартса, онда жұмыс іздеп жүрген адам автоматты түрде жұмыссыз ретінде тіркеледі.

      48. Электрондық еңбек биржасы осы Қағидалардың 40-тармағында көзделген негіздер бойынша жұмыс іздеп жүрген адамды жұмыссыз ретінде тіркеу үшін мемлекеттік органдардың және (немесе) ұйымдардың ақпараттық жүйелерінен алынған ақпараттың анықтығын тексеруді жүзеге асырады.

      49. Жұмыссыз ретінде тіркелу туралы ақпарат ізденушінің тұрғылықты жері бойынша мансап орталығына "Еңбек нарығы" ААЖ-ға түседі.

      50. Жұмыс іздеп жүрген адамға ақпараттық-коммуникациялық технологиялар және (немесе) ұялы байланыс абоненттік құрылғысы арқылы жұмыссыз ретінде тіркелгені немесе бас тартылғаны туралы хабарлама жіберіледі.

      51. Егер жұмыссыз міндетті әлеуметтік сақтандыру жүйесінің қатысушысы болып табылса, ол Электрондық еңбек биржасындағы "жеке кабинетінде" жұмыссыз жұмысынан айырылған жағдайда Мемлекеттік әлеуметтік сақтандыру қорынан әлеуметтік төлем алу үшін өтінім мен банк шотының нөмірін толтырады.

      52. Жұмыссызды есептен шығару осы Қағидалардың 45-тармағына сәйкес жүзеге асырылады.

4-тарау. Еңбек мобильділігі орталығының және (немесе) оның лауазымды адамдарының, мансап орталығының және (немесе) оның лауазымды адамдарының шешімдеріне, әрекеттеріне (әрекетсіздігіне) шағымдану тәртібі

      53. Еңбек мобильділігі орталығының және (немесе) оның лауазымды адамдарының, мансап орталығының және (немесе) оның лауазымды адамдарының мемлекеттік қызметтер көрсету мәселелері бойынша шешімдеріне, әрекеттеріне (әрекетсіздігіне) шағым Әкімшілік рәсімдік процессуалдық кодекстің 91-бабына сәйкес беріледі.

      54. Мемлекеттік қызметті көрсету нәтижелерімен келіспеген жағдайларда көрсетілетін қызметті алушы Қазақстан Республикасының Әкімшілік рәсімдік процессуалдық кодексінде белгіленген тәртіппен сотқа жүгінеді.

5-тарау. Еңбек делдалдығын жүзеге асыру тәртібі

1-параграф. Жұмысқа орналастырудың жеке жоспарын әзірлеу

      55. Жұмыс берушілерге лайықты маман таңдауға, ал жұмыс іздеп жүрген адамдарға, жұмыссыздарға және өзге де жүгінген адамдарға лайықты жұмыс таңдауда жәрдемдесу үшін еңбек делдалдығы жүзеге асырылады.

      Еңбек делдалдығын жүзеге асыру мақсатында мансап орталығының қызметкері Еңбек мобильділігі орталығы жұмыс іздеп жүрген адамды жұмыссыз ретінде тіркеген күннен бастап екі жұмыс күні ішінде "Еңбек нарығы" ААЖ-да осы Қағидаларға 8-қосымшаға сай нысан бойынша жұмысқа орналастырудың жеке жоспарын жасайды.

      56. Жұмысқа орналастырудың жеке жоспары толтырылғаннан кейін жұмыссыз және жоспарды әзірлеген мансап орталығының қызметкері оған қол қояды. Жұмысқа орналастырудың жеке жоспарының бір данасы жұмыссызға беріледі.

      57. Еңбек мобильділігі орталығыда тіркелген жұмыссыз жұмысқа орналастырудың жеке жоспарында белгіленген іс-шараларды орындайды және мерзімдерді сақтайды.

      58. Еңбек мобильділігі орталығында тіркелген жұмыссыз өзімен одан әрі жұмыс істеуге әсер ететін жағдайлар туындаған күннен бастап бес жұмыс күні ішінде мансап орталығына мыналарға байланысты тиісті ақпаратты ұсынады:

      1) тұрғылықты жерін ауыстыруды;

      2) тұрақты, уақытша жұмысқа, азаматтық-құқықтық сипаттағы шарттар бойынша жұмысқа орналасуды;

      3) кәсіпкерлік қызметпен айналысуды;

      4) ұйымдық-құқықтық нысаны мен меншік нысанына қарамастан, ұйымға құрылтайшы (ортақ құрылтайшы) болуды;

      5) мүгедектік тобын белгілеуді немесе оның өзгеруін;

      6) зейнетақы төлемдерін тағайындауды қоса алғанда, жұмыссызбен одан арғы жұмыс тәртібіне ықпал ететін өзгерістер туралы ақпаратты уақтылы, бес жұмыс күні ішінде мансап орталығына ұсынады.

      Мансап орталығының қызметкері жұмыссыздың жұмысқа орналастырудың жеке жоспарының іс-шараларын орындауына мониторинг жүргізеді.

      59. Мансап орталығы адамды жұмыссыз ретінде тіркегеннен кейін осы тараудың 3-параграфына сәйкес оған лайықты жұмыс таңдауда жәрдем көрсетеді немесе оны жұмысқа орналастырудың жеке жоспарына сәйкес жұмыспен қамтуға жәрдемдесудің белсенді шараларына жібереді.

2-параграф. Жұмыс берушілер мансап орталығына ұсынған бос орындарды тіркеу тәртібі

      60. Мемлекеттік қызметшілердің, мемлекеттік сайланбалы қызметтердің, Парламент және мәслихаттар депутаттарының, Қазақстан Республикасы судьяларының, әскери қызметте тұрған адамдардың, арнаулы мемлекеттік, құқық қорғау органдары мен мемлекеттік фельдъегерлік қызмет қызметкерлерінің, Қазақстан Республикасының Ұлттық Банкі және оның ведомстволары, қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган жұмыскерлерінің бос лауазымдарын қоспағанда, жұмыс беруші мансап орталығына Электрондық еңбек биржасы арқылы бос жұмыс орындарының бар екені туралы ақпаратты еңбек жағдайлары және ақы төлеуді көрсетіп, олар пайда болған күннен бастап бес жұмыс күні ішінде жібереді.

      61. Жұмыс берушілер бос орындардың бар екені туралы мәліметтерді Электрондық еңбек биржасы арқылы жолдаған кезде осы Қағидалардың 9-қосымшасына сәйкес нысан бойынша "жеке кабинеті" арқылы орналастырады.

      Жұмыс беруші Электрондық еңбек биржасында қалыптастырған бос орындар туралы мәліметтер автоматты түрде "Еңбек нарығы" ААЖ-да орналастырылады.

3-параграф. Бос жұмыс орындарына кандидаттарды іріктеу және оларды жұмыс берушілерге жіберу

      62. Жұмыс берушілер мансап орталығына Электрондық еңбек биржасы арқылы жіберген бос орындарды тіркегеннен кейін мансап орталығы бір жұмыс күні ішінде осы тараудың 2-параграфына сәйкес бос орындарға кандидаттар таңдауды жүргізеді.

      Мансап орталығы бос орындарға кандидаттарды "Еңбек нарығы" ААЖ-да мансап орталығы тіркеген жұмыс іздеп жүрген адамдар мен жұмыссыздар және Электрондық еңбек биржасында өз бетінше тіркелген адамдар арасынан таңдауды жүргізеді.

      Мансап орталығы "Еңбек нарығы" ААЖ-да тіркелген, жұмыс іздеп жүрген адамдар, жұмыссыздар және басқа да жүгінген адамдар үшін бос орындарды таңдауды қамтамасыз етеді.

      63. Мансап орталығының қызметкері кандидаттың кәсібін (лауазымын), кәсіптік даярлық және біліктілік деңгейін, жұмыс тәжірибесі мен дағдыларын, жалақы деңгейін, жұмыс уақытының режимін ескере отырып, сондай-ақ жұмыс беруші бос орындарды тіркеу кезінде кандидаттар үшін белгілеген басқа да талаптар мен шарттарға сәйкес бос орындарға кандидаттарды іріктеуді жүргізеді.

      64. Мансап ансап орталығының қызметкері бос жұмыс орны пайда болған күннен бастап бір жұмыс күні ішінде лайықты жұмыстың бар екені туралы жұмыс іздеп жүрген адамға және (немесе) жұмыссызға және (немесе) өзге де жүгінген адамдарға:

      1) ол мансап орталығына жеке келген кезде;

      2) Электрондық еңбек биржасындағы "жеке кабинет" арқылы;

      3) ұялы байланыс желісінің абоненттік құрылғысы арқылы хабарлайды.

      Егер жұмыс іздеп жүрген адам немесе жұмыссыз немесе өзге де жүгінген адам ауылдық жерде тұрса, мансап орталығының қызметкері лайықты жұмыстың бар екені туралы оларға ассистент арқылы хабарлайды.

      65. Мансап орталығынан лайықты жұмыстың болуы туралы ұсыныстар алған кезде жұмыс іздеп жүрген адам бір жұмыс күні ішінде, жұмыссыз және өзге де жүгінген адам үш жұмыс күні ішінде жеке өзі немесе ақпараттық-коммуникациялық технологиялар және (немесе) ұялы байланыстың абоненттік құрылғысы арқылы мансап орталығын ұсынылған лайықты жұмысқа келісетіні немесе одан бас тартатыны туралы хабардар етеді.

      66. Кандидаттардың деректері (түйіндемелері) Электрондық еңбек биржасында жұмыс берушінің "Жеке кабинетінде" көрсетіледі. Мансап орталығының маманы ақпараттық-коммуникациялық технологиялар және (немесе) ұялы байланыс абоненттік құрылғысы арқылы жұмыс берушіге оған жіберілген кандидаттардың деректері (түйіндемесі) туралы хабарлайды. Мансап орталығының маманы ақпараттық-коммуникациялық технологиялар және (немесе) ұялы байланыс абоненттік құрылғысы арқылы жұмыс берушіге оған жіберілген кандидаттардың деректері (түйіндемесі) туралы хабарлайды.

      Қажет болған жағдайда, мансап орталығының маманы жұмыс берушіге кандидаттардың деректерін (түйіндемесін) қарауды және өзінің шешімі туралы ұялы байланыс абоненттік құрылғысы арқылы хабарлауды ескертеді.

      Мансап орталығының маманы жұмыс берушіні қызықтырған кандидаттармен әңгімелесу уақыты мен орнын жұмыс берушімен келіседі.

      Мансап орталығының маманы ұялы байланыс желісінің абоненттік құрылғысы арқылы кандидаттарды жұмыс берушімен әңгімелесу өткізу уақыты мен орны туралы хабардар етеді.

      Егер жұмыс іздеп жүрген адам, жұмыссыз немесе өзге де өтініш білдірген адам ауылдық жерде тұрса, мансап орталығының маманы оларды жұмыс берушімен әңгімелесу өткізілетін уақыт пен орын туралы ассистент арқылы хабардар етеді.

      67. Еңбек мобильділігі орталығында тіркелген жұмыссыз мансап орталығы әңгімелесу уақыты мен орны туралы хабарлаған күннен бастап үш жұмыс күні ішінде жұмысқа орналасу мәселесі бойынша жұмыс берушіге жүгінеді.

      68. Жұмыс беруші Электрондық еңбек биржасындағы "жеке кабинеті" арқылы кандидатты жұмысқа қабылдау немесе жұмысқа қабылдаудан бас тарту туралы белгі қояды. Кандидаттың жұмысқа орналасуы немесе жұмысқа орналасудан бас тарту туралы ақпарат "Еңбек нарығы" ААЖ-ға түседі.

      "Еңбек нарығы" ААЖ арқылы бес жұмыс күні ішінде жұмысқа қабылдау туралы ақпараттың болмауы ұсынылған кандидатты жұмысқа орналастырудан бас тарту болып саналады.

      69. Жұмыс беруші кандидатты жұмысқа орналастырғанын растаған жағдайда тиісті бос орын Электрондық еңбек биржасынан және "Еңбек нарығы" ААЖ-дан автоматты түрде жойылады.

      70. Мансап орталығы Электрондық еңбек биржасы арқылы ізденушілер үшін резюмесін өз бетінше орналастыру және бос орындарды іздеу және жұмыс берушілер үшін өз бетінше персонал іздеу мүмкіндігі берілетін, сондай-ақ Электрондық еңбек биржасын пайдалану мәселелері бойынша халыққа консультация жүзеге асырылатын өзі-өзіне қызмет көрсету аймағының жұмыс істеуін қамтамасыз етеді.

4-параграф. Электрондық еңбек биржасы арқылы еңбек делдалдығын жүзеге асыру тәртібі

      71. Бос орындары туралы ақпарат жұмыс іздеп жүрген адамның немесе жұмыссыздың Электрондық еңбек биржасыдағы "жеке кабинетіне" түседі.

      72. Электрондық еңбек биржасы жұмыс іздеп жүрген адамға немесе жұмыссызға ақпараттық-коммуникациялық технологиялар және (немесе) ұялы байланыс абоненттік құрылғысы арқылы жұмыс берушінің әңгімелесуді белгілегені туралы хабарлама жібереді.

      73. Жұмыс іздеп жүрген адамдар немесе жұмыссыздар Электрондық еңбек биржасында "жеке кабинет" арқылы әңгімелесуден бас тартуына болады.

      74. Жұмыс берушілер жұмыс іздеп жүрген адамды немесе жұмыссызды жұмысқа қабылдаған жағдайда Электрондық еңбек биржасыдағы "жеке кабинет" арқылы жұмысқа қабылдау туралы белгі қояды.

      __________________ мансап орталығы
кімнен
Өтініш берушінің тегі, аты, әкесінің аты (ол болған жағдайда) : ____________________;
Жеке сәйкестендіру нөмірі: ____________________;

                              Өтініш
            Мені жұмыс іздеуші ретінде тіркеуді сұраймын, сонымен қатар:

      "Жұмыс іздеп жүрген адамдарды тіркеу" мемлекеттік қызметін көрсету үшін қажетті
"Дербес деректер және оларды қорғау туралы" Қазақстан Республикасының Заңына сәйкес
менің дербес деректерімді жинауға және өңдеуге келісім беремін.
Жалған мәліметтер мен жалған құжаттарды ұсынғаны үшін жауапкершілік туралы
ескертілді.
Өтініш берушінің байланыс деректері:
Телефон: ___________Ұялы телефон: __________E-mail: _________________;
"___" ___________ 20____ жыл.
(күні)
Өтініш берушінің қолы: __________
__________________________________________________________________
                        (кесу сызығы)
Азаматтың(шаның) өтініші ________________________________ қабылданды
"___" _________ 20___ жылы № _____тіркелді, құжаттарды қабылдаған адамның
тегі, аты, әкесінің аты (ол болған жағдайда), лауазымы және қолы:
_________________________________________________________________
_________________________________________________________________.
__________________ _______________ Күні қолы

                  Жұмыс іздеп жүрген адам ретінде тіркеуден бас тарту
                              туралы хабарлама

      "Мемлекеттік және әлеуметтік жауапкершілігі бар көрсетілетін қызметтер туралы"
Қазақстан Республикасы Заңының 5-бабы 2-тармағының 14) тармақшасына сәйкес
_______________________________________________________________
көрсетілетін қызметті берушінің толық атауы
Сізге __________________________________________________________
Тегі, аты, әкесінің аты (ол болған жағдайда)
себебі бойынша мемлекеттік қызмет көрсетуден бас тартады.
_________________________________________________________________.
себебін көрсету
Берілген күні: 20___ жылғы "___"___________.
Мансап орталығының маманы _____________________
_______________________________________________________________.
Тегі, аты, әкесінің аты (ол болған жағдайда)

                  Жұмыс іздеуші ретінде тіркелгені
                        туралы хабарлама

      Сіз ____________________________________________________________
Тегі, аты, әкесінің аты (ол болған жағдайда)
Қазақстан Республикасының Әлеуметтік кодексінің 98-бабына сәйкес
20___ жылғы "___" ____________ бастап_________________________________
Мансап орталығының атауы
жұмыс іздеуші ретінде тіркелдіңіз.
Берілген күні: 20___ жылғы "___" __________.
Мансап орталығының маманы ____________________________________.
_______________________________________________________________.
Тегі, аты, әкесінің аты (ол болған жағдайда)

                  Жұмыссыз ретінде тіркелгені туралы хабарлама

      Сіз _____________________________________________________________________
Тегі, аты, әкесінің аты (ол болған жағдайда)
Қазақстан Республикасының Әлеуметтік кодексінің 99-бабына сәйкес 20___ жылғы
"___" ____________ бастап
____________________________________________________________________
____________________________________________________________________
Еңбек мобильділігі орталығының атауы
жұмыссыз ретінде тіркелдіңіз.
Берілген күні: 20___ жылғы "___" __________.
Мансап орталығының маманы____________________________________.
Тегі, аты, әкесінің аты (ол болған жағдайда)

            Жұмыссыз ретінде тіркеуден бас тарту туралы хабарлама

      "Мемлекеттік және әлеуметтік жауапкершілігі бар көрсетілетін қызметтер туралы"
Қазақстан Республикасы Заңының 5-бабы 2-тармағының 14) тармақшасына сәйкес
___________________________________________________________________
көрсетілетін қызметті берушінің толық атауы
Сізге ______________________________________________________________
Тегі, аты, әкесінің аты (ол болған жағдайда)
___________________________________________________________________
себебін көрсету
себебі бойынша мемлекеттік қызмет көрсетуден бас тартылады.
Берілген күні: 20___ жылғы "___" __________.
Мансап орталығының маманы _________________________________________
___________________________________________________________________.
Тегі, аты, әкесінің аты (ол болған жағдайда)

            Жұмыссыз ретінде тіркеу/не тіркелмегені туралы ақпарат

      Қазақстан Республикасының Әлеуметтік кодексінің 98-бабына сәйкес жұмыссыз
ретінде тіркелгені/тіркелмегені туралы осы анықтама
___________________________________________________________________
тегі, аты, әкесінің аты (ол болған жағдайда)
20___ жылғы "___" ____________ бастап
____________________________________________________________________
____________________________________________________________________
Еңбек мобильділігі орталығының атауы берілді.
Берілген күні: 20___ жылғы "___" __________.
Анықтаманың қолданылу мерзімі: 20__ жылғы "__" _____ қоса алғанға дейін жарамды.
Мансап орталығының маманы ___________________________________________
_____________________________________________________________________
Тегі, аты, әкесінің аты (ол болған жағдайда)

      ____________________________________________________________________
қаланың, республикалық маңызы бар қаланың, астананың, ауданның мансап
орталығының атауы

      ЖҰМЫСҚА ОРНАЛАСТЫРУДЫҢ ЖЕКЕ ЖОСПАРЫ

      1. ЖҰМЫССЫЗ ТУРАЛЫ АҚПАРАТ
Жұмыссыз___________________________________________________________
тегі, аты, әкесінің аты (ол болған жағдайда) толық
Жұмыссыз ретінде тіркеу күні__________________________________________
Мақсаты ____________________________________________________________
Білімі _______________________________________________________________
Мамандығы (кәсібі)___________________________________________________
2. ІС-ӘРЕКЕТ ЖОСПАРЫ

      3. МАНСАП ОРТАЛЫҒЫМЕН ӨЗАРА ІС-ӘРЕКЕТ ГРАФИГІ

      Жұмысқа орналастырудың жеке жоспары 20___жылғы "__"______ дейін қолданылады.

      Мансап орталығының маманы

            Бос жұмыс орны туралы мәліметтер

      Жұмыс туралы ақпарат
Кәсіпорын * _________________________________________________________
(кәсіпорынның атауы)
Кәсіби сала (қажетті таңдау):___________________________________________
(анықтамалықтан таңдалады-мысалы, қауіпсіздік және төтенше жағдай,
Мемлекеттік қызмет, IT және телекоммуникация және т. б.)
Лауазымның атауы (қажеттісін таңдау):*
_____________________________________________________________________
(ұлттық сабақ классификаторының анықтамалығынан таңдалады)
Лауазымын нақтылау __________________________________________________
Қала немесе аудан (қажетті таңдау):*______________________________________
(анықтамалықтан таңдалады - мысалы, Ақмола облысы, Ақкөл ауданы және т. б.)
Елді мекен (қажеттісін таңдау):*__________________________________________
(анықтамалықтан таңдалады-мысалы, Ақкөл қаласы және т. б.)
Мекен-жайы __________________________________________________________
Жұмыс режимі (қажетті таңдау):*________________________________________
(анықтамалықтан таңдалады - мысалы, бес күндік немесе алты күндік жұмыс аптасы,
ауысымдық жұмыс режимі, толық емес жұмыс уақыты, еңбек заңнамасында көзделген
ұмыс уақытының өзге де режимдері)
Жұмыс сипаты (қажетті таңдау):*________________________________________
(анықтамалықтан таңдалады - мысалы, жұмыстың вахталық сипаты, жүріп-тұру сипаты
бар жұмысы, қашықтан жұмыс істеу, жолда өтетін жұмыс, еңбек функциясын орындауды
йымдастыруға байланысты жұмыс сипатының өзге де түрлері)
Жұмыс түрі:*_________________________________________________________
(анықтамалықтан таңдалады - мысалы, уақытша, тұрақты, маусымдық және т. б.)
Еңбек жағдайлары (қажеттісін таңдау):*___________________________________
(анықтамалықтан таңдалады - мысалы, қалыпты, ауыр жұмыстар, зиянды және (немесе)
қауіпті еңбек жағдайлары және т. б.)
Еңбекақы төлеу * бастап______________________дейін_____________________
Бос орындардың жалпы саны:*__________________________________________
Оның ішінде жастар үшін ______________________________________________
Оның ішінде мүгедектігі бар адамдар үшін ________________________________
Олардың ішінде пробация қызметінің есебінде тұрғандар үшін ________________
Оның ішінде бас бостандығынан айыру орындарынан босатылған адамдар
үшін_________________________________________________________________
Оның ішінде ата-анасының қамқорлығынсыз жастар үшін (кәмелетке толғанға дейін)
_______________________________________________________________
Оның ішінде шетелдік азаматтар _____________________________________
Қосымша шарттар, әлеуметтік қолдау
_____________________________________________________________________
Өтініш берушіге қойылатын талаптар
Мамандық бойынша жұмыс өтілі (қажеттісін таңдау):*_______________________
(анықтамалықтан таңдалады-мысалы, тәжірибе қажет емес, 1 жыл, 2 жыл және т. б.)
Кәсіби дағдылар _______________________________________________________
(дағдылар анықтамалығынан таңдалады-мысалы, тоқылған бұйымдарды өндіру
технологияларын талдау, тоқылған бұйымдарды жобалау және т. б.)
Жеке қасиеттер*_______________________________________________________
(дағдылар анықтамалығынан таңдалады – мысалы, көшбасшылық, логикалық ойлау, дәлдік
және т. б.)
Білім деңгейі (қажеттісін таңдау):* (анықтамалықтан таңдалады – мысалы, техникалық және
кәсіби, жоғары, жоғары оқу орнынан кейінгі және т. б.)
Лауазымдық міндеттері _________________________________________________
_____________________________________________________________________
_____________________________________________________________________
Жүргізуші куәлігі (Санаттар) (қажеттісін таңдау):
(анықтамалықтан таңдалады-мысалы, "А", "В", "С" және т. б.)
Тілдерді меңгеру ______________________________________________________
Басқалары
Электрондық еңбек биржасында жариялау мерзімі (қажеттісін таңдау):*
(анықтамалықтан таңдалады-мысалы, 1 апта, 1 ай және т.
б.)_________________________
* міндетті түрде толтырылады

Қазақстан Республикасы Еңбек және халықты әлеуметтік қорғау министрлігінің күші жойылған кейбір бұйрықтарының және кейбір бұйрықтарының құрылымдық элементтерінің тізбесі

      1. "Жұмыс іздеп жүрген адамдарды, жұмыссыздарды тіркеу және халықты жұмыспен қамту орталықтары көрсететін еңбек делдалдығын жүзеге асыру қағидаларын бекіту туралы" Қазақстан Республикасы Еңбек және халықты әлеуметтік қорғау министрінің 2018 жылғы 19 маусымдағы № 259 бұйрығы (Қазақстан Республикасының Әділет министрлігінде 2018 жылғы 13 шілдеде № 17199 болып тіркелді).

      2. "Жұмыс іздеп жүрген адамдарды, жұмыссыздарды тіркеу және халықты жұмыспен қамту орталықтары көрсететін еңбек делдалдығын жүзеге асыру қағидаларын бекіту туралы" Қазақстан Республикасы Еңбек және халықты әлеуметтік қорғау министрінің 2018 жылғы 19 маусымдағы № 259 бұйрығына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2020 жылғы 27 мамырдағы № 194 бұйрығы (Нормативтік құқықтық актілерді мемлекеттік тіркеудегі тізілімінде № 20748 болып тіркелді).

      3. "Жұмыс іздеп жүрген адамдарды, жұмыссыздарды тіркеу және халықты жұмыспен қамту орталықтары көрсететін еңбек делдалдығын жүзеге асыру қағидаларын бекіту туралы" Қазақстан Республикасы Еңбек және халықты әлеуметтік қорғау министрінің 2018 жылғы 19 маусымдағы № 259 бұйрығына өзгерістер енгізу туралы" Қазақстан Республикасы Еңбек және халықты әлеуметтік қорғау министрінің 2021 жылғы 30 наурыздағы № 95 бұйрығы (Нормативтік құқықтық актілерді мемлекеттік тіркеудегі тізілімінде № 22458 болып тіркелді).

      4. "Жұмыспен қамтудың жеке картасын және оны толтыру нысанын бекіту туралы" Қазақстан Республикасы Денсаулық сақтау және әлеуметтік даму министрінің 2016 жылғы 28 маусымдағы № 576 бұйрығына және Қазақстан Республикасы Еңбек және халықты әлеуметтік қорғау министрінің "Жұмыс іздеп жүрген адамдарды, жұмыссыздарды тіркеу және халықты жұмыспен қамту орталықтары көрсететін еңбек делдалдығын жүзеге асыру қағидаларын бекіту туралы" 2018 жылғы 19 маусымдағы № 259 бұйрығына өзгерістер мен толықтырулар енгізу туралы" Қазақстан Республикасы Еңбек және халықты әлеуметтік қорғау министрінің м.а. 2022 жылғы 11 ақпандағы № 55 бұйрығының 2 тармағы (Нормативтік құқықтық актілерді мемлекеттік тіркеудегі тізілімінде № 26807 болып тіркелді).

      5. "Қазақстан Республикасы Еңбек және халықты әлеуметтік қорғау министрінің "Жұмыс іздеп жүрген адамдарды, жұмыссыздарды тіркеу және халықты жұмыспен қамту орталықтары көрсететін еңбек делдалдығын жүзеге асыру қағидаларын бекіту туралы" 2018 жылғы 19 маусымдағы № 259 және "Әлеуметтік-еңбек саласында мемлекеттік қызметтерді көрсетудің кейбір мәселелері туралы" 2021 жылғы 25 наурыздағы № 84 бұйрықтарына өзгерістер мен толықтыру енгізу туралы" Қазақстан Республикасы Еңбек және халықты әлеуметтік қорғау министрінің 2022 жылғы 23 мамырдағы № 172 бұйрығының 1 тармағы (Нормативтік құқықтық актілерді мемлекеттік тіркеудегі тізілімінде № 28201 болып тіркелді).