"Бағалы қағаздар рыногы туралы" Қазақстан Республикасының Заңы 102-бабының 7-тармағына сәйкес Қазақстан Республикасы Қаржы нарығын реттеу және дамыту агенттігінің Басқармасы ҚАУЛЫ ЕТЕДІ:

      1. "Эмитенттің ақпаратты жария ету қағидаларын, Эмитенттің жария етуіне жататын ақпараттың мазмұнына қойылатын талаптарды, сондай-ақ эмитенттің қаржылық есептілік депозитарийінің интернет-ресурсында ақпаратты жария ету мерзімдерін бекіту туралы" Қазақстан Республикасы Ұлттық Банкі Басқармасының 2018 жылғы 27 тамыздағы № 189 қаулысына (Нормативтік құқықтық актілерді мемлекеттік тіркеу тізілімінде № 17579 болып тіркелген) мынадай өзгерістер енгізілсін:

      көрсетілген қаулымен бекітілген Эмитенттің ақпаратты жария ету қағидаларында:

      2-тармақ мынадай редакцияда жазылсын:

      "2. Қағидаларда мынадай ұғымдар пайдаланылады:

      1) қаржылық есептілік депозитарийін жүргізуді жүзеге асыратын ұйым – Қазақстан Республикасының Үкіметі қаржылық есептілік депозитарийін жүргізу қызметін жүзеге асыруға уәкілетті "Ақпараттық-есепке алу орталығы" акционерлік қоғамы;

      2) қаржылық есептілік депозитарийінің интернет-ресурсы – "www.dfo.kz" мекенжайы бойынша интернет желісінде орналасқан бұқаралық ақпарат құралы;

      3) уәкiлеттi орган – қаржы нарығы мен қаржы ұйымдарын реттеу, бақылау және қадағалау жөніндегі уәкілетті орган;

      4) шығарылымы Қазақстан Республикасының заңнамасында белгіленген тәртіппен тіркелген эмиссиялық бағалы қағаздар айналысының кезеңі:

      акциялар үшін – уәкілетті орган акциялар шығарылымын мемлекеттік тіркеу туралы шешім қабылдаған күннен бастап және акциялармен азаматтық-құқықтық мәмілелер жасалуы мүмкін осы акциялар шығарылымының күші жойылған күнге дейінгі кезең;

      облигациялар үшін – облигациялармен азаматтық-құқықтық мәмілелер жасалуы мүмкін облигацияларды шығару проспектісінде айқындалған кезең;

      пайлар үшін – уәкілетті орган пайлар шығарылымын мемлекеттік тіркеу туралы шешім қабылдаған күннен бастап және пайлармен азаматтық-құқықтық мәмілелер жасалуы мүмкін инвестициялық пай қорының қызметі тоқтатылған күнге дейінгі кезең;

      өзге де эмиссиялық бағалы қағаздар үшін – осы бағалы қағаздармен азаматтық-құқықтық мәмілелер жасалуы мүмкін эмиссиялық бағалы қағаздарды шығару шарттарында айқындалған кезең;

      5) электрондық есеп – Қазақстан Республикасының Ұлттық куәландырушы орталығы берген электрондық цифрлық қолтаңба қойылатын жылдық және (немесе) тоқсан сайынғы қаржылық есептіліктің нысандары, Қағидалардың 3, 4, және 5-тармақтарында көрсетілген ақпарат бар толтырылған тиісті шаблоны.";

      6, 7 және 8-тармақтар мынадай редакцияда жазылсын:

      "6. Бағалы қағаздары Қазақстан Республикасының аумағында жұмыс істейтін қор биржасының ресми тізіміне енгізілген және шетел мемлекетінде жұмыс істейтін қор биржасының алаңында айналымға түспейтін эмитент Бағалы қағаздар нарығы туралы заңның 102-бабы 2-тармағының бірінші және үшінші бөліктерінде көрсетілген мәліметтерге қосымша есепті тоқсанның соңғы күнінен кейінгі 30 (отыз) жұмыс күні ішінде тоқсан сайын қаржылық есептілік депозитарийінің интернет-ресурсында тоқсан сайынғы шоғырландырылмаған қаржылық есептілікті жария етуді жүзеге асырады, ол мыналардан тұрады:

      1) қаржы ұйымын қоспағанда, акционерлік қоғам үшін – Нормативтік құқықтық актілерді мемлекеттік тіркеу тізілімінде № 15384 болып тіркелген, "Жария мүдделі ұйымдардың (қаржы ұйымдарынан басқа) жариялау үшін жылдық қаржылық есептіліктің тізбесі мен нысандарын бекіту туралы" Қазақстан Республикасы Қаржы министрінің 2017 жылғы 28 маусымдағы № 404 бұйрығымен бекітілген нысандарға сәйкес жасалған бухгалтерлік баланс және пайда мен зиян туралы есеп;

      2) екінші деңгейдегі банкті қоспағанда, қаржы ұйымы болып табылатын акционерлік қоғам үшін – Нормативтік құқықтық актілерді мемлекеттік тіркеу тізілімінде № 13504 болып тіркелген, "Қаржы ұйымдарының қаржылық есептiлiктi ұсыну қағидаларын бекіту туралы" Қазақстан Республикасы Ұлттық Банкі Басқармасының 2016 жылғы 28 қаңтардағы № 41 бұйрығымен бекітілген нысандарға сәйкес жасалған бухгалтерлік баланс және пайда мен зияндар туралы есеп;

      3) екінші деңгейдегі банк болып табылатын акционерлік қоғам үшін – Нормативтік құқықтық актілерді мемлекеттік тіркеу тізілімінде № 20474 болып тіркелген, "Екінші деңгейдегі банктер есептілігінің тізбесін, нысандарын, мерзімдерін және оны ұсыну қағидаларын бекіту туралы" Қазақстан Республикасы Ұлттық Банкі Басқармасының 2020 жылғы 21 сәуірдегі № 54 қаулысымен бекітілген нысанға сәйкес жасалған екінші деңгейдегі банктің баланстық және баланстан тыс шоттарындағы қалдықтар туралы есеп;

      4) Нормативтік құқықтық актілерді мемлекеттік тіркеу тізілімінде № 10117 болып тіркелген, "Банк операцияларының жекелеген түрлерін жүзеге асыратын ұйымдар есептілігінің тізбесін, нысандарын, мерзімдерін және оларды табыс ету қағидаларын бекіту туралы" Қазақстан Республикасы Ұлттық Банкі Басқармасының 2014 жылғы 24 қыркүйектегі № 178 қаулысымен бекітілген нысанға сәйкес жасалған ипотекалық ұйымдардың баланстық және баланстан тыс шоттарындағы қалдықтар туралы есеп, – ипотекалық ұйым болып табылатын акционерлік қоғам үшін;

      5) акционерлік қоғам болып табылмайтын эмитент үшін – халықаралық қаржылық есептілік стандарттарына (бұдан әрі – ХҚЕС) сәйкес жасалған бухгалтерлік баланс және пайда мен зияндар туралы есеп.

      Бағалы қағаздары Қазақстан Республикасының аумағында жұмыс істейтін қор биржасының ресми тізіміне енгізілген және оның бағалы қағаздары шетел мемлекетінің аумағында жұмыс істейтін қор биржасының алаңында айналысқа түсетін эмитент тоқсан сайынғы қаржылық есептілікті, ал осы эмитенттің еншілес ұйымы бар болатын болса - ХҚЕС-қа сәйкес жасалған тоқсан сайынғы шоғырландырылған қаржылық есептілікті ресми тізіміне эмитенттің бағалы қағаздары кіретін, Қазақстан Республикасының аумағында жұмыс істейтін қор биржасының ішкі құжаттарында белгіленген мерзімде қаржылық есептілік депозитарийінің интернет-ресурсында орналастыруды қамтамасыз етеді.

      Екінші деңгейдегі банк болып табылатын, бағалы қағаздары Қазақстан Республикасының аумағында жұмыс істейтін қор биржасының ресми тізіміне енгізілген және оның бағалы қағаздары шетел мемлекетінің аумағында жұмыс істейтін қор биржасының алаңында айналысқа түсетін эмитент Қағидалардың осы тармағының екінші бөлігінде көрсетілген мәліметтерден басқа, сондай-ақ ресми тізіміне эмитенттің бағалы қағаздары кіретін, Қазақстан Республикасының аумағында жұмыс істейтін қор биржасының ішкі құжаттарында белгіленген мерзімде Қағидалардың осы тармағының бірінші бөлігінің 3) тармақшасында көзделген ақпаратты береді.

      7. "Аудиторлық қызмет туралы" Қазақстан Республикасының Заңына сәйкес міндетті аудит жүргізілетін эмитент жыл сайын есепті жылдан кейінгі жылдың 31 тамызынан кешіктірмей қаржылық есептілік депозитарийінің интернет-ресурсында жылдық қаржылық есептілікті және аудиторлық есепті, ал еншілес ұйымдары болған жағдайда – мыналарға:

      1) акционерлік қоғамдар (қаржы ұйымдарын қоспағанда) үшін –Нормативтік құқықтық актілерді мемлекеттік тіркеу тізілімінде № 15384 болып тіркелген "Жария мүдделі ұйымдардың (қаржы ұйымдарынан басқа) жариялау үшін жылдық қаржылық есептіліктің тізбесі мен нысандарын бекіту туралы" Қазақстан Республикасы Қаржы министрлігінің 2017 жылғы 28 маусымдағы № 404 бұйрығымен бекітілген тізбеге және нысандарға;

      2) қаржы ұйымы үшін – Нормативтік құқықтық актілерді мемлекеттік тіркеу тізілімінде № 13504 болып тіркелген "Қаржы ұйымдарының қаржылық есептiлiктi ұсыну қағидаларын бекіту туралы" Қазақстан Республикасы Ұлттық Банкі Басқармасының 2016 жылғы 28 қаңтардағы № 41 қаулысына;

      3) бағалы қағаздары қор биржасының тізіміне енгізілген және акционерлік қоғам болып табылмайтын эмитент үшін – ХҚЕС-ға сәйкес жасалған жылдық жеке жылдық қаржылық есептілікті, жылдық шоғырландырылған қаржылық есептілікті және жылдық шоғырландырылған қаржылық есептілік бойынша аудиторлық есепті орналастыруды жүзеге асырады.

      Қаржылық есептілік депозитарийінің интернет-ресурсында орналастырылуы тиіс жылдық қаржылық есептілікті және аудиторлық есепті эмитент "Қаржылық есептілікті депозитарийге беру қағидаларын бекіту туралы" Қазақстан Республикасы Үкіметінің 2011 жылғы 14 қазандағы № 1173 қаулысына сәйкес қаржылық есептілік депозитарийіне ұсынады.

      8. Эмитент қаржылық есептілік депозитарийіне ұсыну үшін корпоративтік оқиғалар туралы ақпаратты, тоқсан сайынғы қаржылық есептілікті, акционерлік қоғамның атқарушы органы мүшелерінің есепті жыл үшін сыйақысының жиынтық мөлшері туралы ақпаратты, сондай-ақ акционерлік қоғамдардың үлестес тұлғалары туралы мәліметтерін қаржылық есептілік депозитарийінің интернет-ресурсында орналастырылған "Есептілікті тапсырудың бірыңғай жүйесі" электрондық сервисі арқылы қалыптастырады.

      Қағидалардың 3-тармағында көрсетілген, қазақ және орыс тілдерінде, сондай-ақ ақпарат құрастырушының бастамасы бойынша ағылшын тілінде жасалған ақпарат, қазақ және (немесе) орыс тілдерінде, сондай-ақ ақпарат құрастырушының бастамасы бойынша ағылшын тілінде жасалған тоқсан сайынғы қаржылық есептілік және есепті жылға акционерлік қоғамның атқарушы органы мүшелері сыйақысының жиынтық мөлшері туралы ақпарат, акционерлік қоғамның үлестес тұлғалары туралы мәліметтер мынадай тәртіппен қаржылық есептілік депозитарийін жүргізуді жүзеге асыратын ұйымға ұсынылады:

      1) "Есептілікті тапсырудың бірыңғай жүйесі" электрондық сервисі арқылы тиісті шаблон толтырылады;

      2) шаблонды толтыру нәтижесінде электрондық цифрлық қолтаңба қойылған электрондық есеп қалыптастырылады;

      3) электрондық есепке қол қойғанға дейін оған:

      Қағидалардың 3-тармағында көрсетілген ақпаратты орналастыру кезінде – эмитенттің PDF электрондық форматта сканерленген өтінімі (бірінші басшы немесе осыған уәкілетті лауазымды тұлға қол қойған және корпоративтік оқиға бар ақпараттық хабарламаның мәтінін қазақ және орыс тілдерінде шаблонында теру нәтижесінде басып шығарылған өтінімнің қағаз нұсқасының расталған сканерленген көшірмесі);

      эмитенттер "Акционерлік қоғамдар туралы" Қазақстан Республикасы Заңының және Бағалы қағаздар рыногы туралы заңның талаптарына сәйкес немесе өзінің бастамасы бойынша жария ететін, қаржылық есептілік депозитарийінің интернет-ресурсында эмитенттің "электрондық досье" қосымша бетінде орналастырылатын PDF электрондық форматындағы сканерленген құжаттар қоса беріледі;

      4) электрондық есеп оны қаржылық есептілік депозитарийі құрылымына енгізу үшін қаржылық есептілік депозитарийінің серверіне жіберіледі.";

      көрсетілген қаулымен бекітілген Эмитенттің жария етуіне жататын ақпараттың мазмұнына қойылатын талаптарда, сондай-ақ эмитенттің қаржылық есептілік депозитарийінің интернет-ресурсында ақпаратты жария ету мерзімдерінде:

      1-тармақ мынадай редакцияда жазылсын:

      "

      ";

      3-тармақ мынадай редакцияда жазылсын:

      "

      ";

      8-тармақ мынадай редакцияда жазылсын:

      "

      ".

      2. Бағалы қағаздар нарығы департаменті Қазақстан Республикасының заңнамасында белгіленген тәртіппен:

      1) Заң департаментімен бірлесіп осы қаулыны Қазақстан Республикасының Әділет министрлігінде мемлекеттік тіркеуді;

      2) осы қаулыны ресми жарияланғаннан кейін Қазақстан Республикасының Қаржы нарығын реттеу және дамыту агенттігінің ресми интернет-ресурсына орналастыруды;

      3) осы қаулы мемлекеттік тіркелгеннен кейін он жұмыс күні ішінде Заң департаментіне осы тармақтың 2) тармақшасында көзделген іс-шараның орындалуы туралы мәліметтерді ұсынуды қамтамасыз етсін.

      3. Осы қаулының орындалуын бақылау Қазақстан Республикасының Қаржы нарығын реттеу және дамыту агенттігі Төрағасының жетекшілік ететін орынбасарына жүктелсін.

      5. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Қаржы министрлігі