БҰЙЫРАМЫН:

      1. Қоса беріліп отырған Қазақстан Республикасы Инвестициялар және даму министрінің өзгерістер мен толықтырулар енгізілетін кейбір бұйрықтарының тізбесі бекітілсін.

      2. Қазақстан Республикасы Инвестициялар және даму министрлігінің Индустриялық даму және өнеркәсіптік қауіпсіздік комитеті:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрық мемлекеттік тіркелген күнінен бастап күнтізбелік он күн ішінде оның қазақ және орыс тілдеріндегі қағаз тасығыштағы және электрондық нысандағы көшірмелерін Қазақстан Республикасы Нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрық мемлекеттік тіркелгеннен кейін күнтізбелік он күн ішінде оның көшірмелерін мерзімді баспа басылымдарына ресми жариялауға жіберуді;

      4) осы бұйрықты Қазақстан Республикасы Инвестициялар және даму министрлігінің интернет-ресурсында орналастыруды;

      5) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2), 3) және 4) тармақшаларына сәйкес іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛГЕН"

      Қазақстан Республикасының

      Білім және ғылым министрі

      Е. Сағадиев

      2018 жылғы 22 қаңтар

      "КЕЛІСІЛГЕН"

      Қазақстан Республикасының

      Ұлттық экономика министрі

      Т. Сүлейменов

      2018 жылғы 11 сәуір

      "КЕЛІСІЛГЕН"

      Қазақстан Республикасының

      Энергетика министрі

      Қ. Бозымбаев

      2018 жылғы 1 ақпан

Қазақстан Республикасы Инвестициялар және даму министрінің өзгерістер мен толықтырулар енгізілетін кейбір бұйрықтарының тізбесі

      1. "Мемлекеттік энергетикалық тізілімді қалыптастыру және жүргізу қағидаларын бекіту туралы" Қазақстан Республикасы Инвестициялар және даму министрінің 2015 жылғы 31 наурыздағы № 387 бұйрығында (Нормативтік құқықтық актілерді мемлекеттік тіркеу тізілімінде № 11728 тіркелген, 2015 жылғы 22 шілдеде "Әділет" ақпараттық-құқықтық жүйесінде жарияланған):

      көрсетілген бұйрықпен бекітілген Мемлекеттік энергетикалық тізілімді қалыптастыру және жүргізу Қағидаларында:

      2-тармақта:

      1) тармақша алып тасталсын;

      11) тармақша мынадай редакцияда жазылсын:

      "11) энергия-сервистік компания – меншікті және (немесе) тартылған қаражат есебінен энергия-сервистік шарт шеңберінде энергия үнемдеу және энергия тиімділігін арттыру саласындағы жұмыстарды (көрсетілетін қызметтерді), оның ішінде мердігер ұйымдарды тарта отырып орындайтын заңды тұлға.";

      5-тармақ мынадай редакцияда жазылсын:

      "5. Мемлекеттік мекемелерді қоспағанда МЭТ субъектілері жыл сайын бірінші сәуірге дейінгі мерзімде Энергия үнемдеу және энергия тиімділігін арттыру саласындағы Ұлттық даму институтына есептік кезең ішінде осы Қағидаларға 1-қосымшаға сәйкес мынадай ақпаратты:

      1) 1-нысан бойынша МЭТ субъектілерінің атауы, мекенжайы мен олардың қызметінің негізгі түрлері туралы ақпаратты;

      2) 2-нысан бойынша күнтізбелік бір жыл ішінде заттай және ақшалай көріністегі энергетикалық ресурстарды және суды өндіру, шығару, тұтыну, беру және жоғалту көлемдері туралы ақпаратты;

      3) Қазақстан Республикасы Инвестициялар және даму министрінің 2015 жылғы 31 наурыздағы № 391 бұйрығына (Қазақстан Республикасының Нормативтік құқықтық актілерді мемлекеттік тіркеу тізілімінде № 10958 болып тіркелген) сәйкес энергия аудитінің қорытындысы бойынша МЭТ субъектісі әзірлейтін энергия үнемдеу және энергия тиімділігін арттыру жөніндегі іс-шаралар жоспарын, сондай-ақ осы энергия үнемдеу және энергия тиімділігін арттыру жөніндегі іс-шаралар жоспарына енгізілетін толықтырулар және (немесе) өзгерістерді;

      4) 3-нысан бойынша есептік кезең ішінде энергия аудитінің қорытындысы бойынша МЭТ субъектісі әзірлейтін энергия үнемдеу және энергия тиімділігін арттыру жөніндегі іс-шаралар жоспарының орындалу нәтижелері туралы ақпаратты;

      5) 4-нысан бойынша өнім бірлігіне шаққанда нақты энергия тұтыну және (немесе) үйлер, ғимараттар, құрылыстар ауданының бірлігіне шаққанда жылытуға кеткен энергетикалық ресурстар шығыны туралы ақпаратты;

      6) энергия аудиті бойыншақорытындының көшірмесін;

      7) 5-нысан бойынша энергетикалық ресурстарды есепке алу аспаптарымен жарақтандырылуы туралы ақпаратты ұсынады.

      мынадай мазмұндағы 5-1) тармақпен толықтырылсын:

      "5-1. Мемлекеттік мекемелер болып саналатын МЭТ субъектілері жыл сайын бірінші сәуірге дейінгі мерзімде Энергия үнемдеу және энергия тиімділігін арттыру саласындағы Ұлттық даму институтына есептік кезең ішінде осы Қағидаларға 1-1 қосымшаға сәйкес мынадай ақпаратты:

      1) 1-нысан бойынша мемлекеттік мекемелер болып табылатын Мемлекеттік энергетикалық тізілім субъектілерінің атауы, мекенжайы мен олардың қызметінің негізгі түрлері туралы ақпаратты;

      2) 2-нысан бойынша күнтізбелік бір жыл ішінде заттай және ақшалай мәнде энергетикалық ресурстарды және суды тұтыну көлемдері туралы ақпаратты;

      3) 3-нысан бойынша энергия үнемдеу және энергия тиімділігін арттыру жөніндегі іс-шаралар туралы ақпаратты;

      4) 4-нысан бойынша күнтізбелік жыл ішінде үйлердің, ғимараттардың, құрылыстардың алаңы бірлігіне шаққанда жылытуға кеткен энергетикалық ресурстар шығыстары туралы ақпаратты, энергия үнемдеу және энергия тиімділігін арттыру жөніндегі іс-шаралар туралы ақпаратты;

      5) 5-нысан бойынша энергетикалық ресурстарды есепке алу аспаптарымен жарақтандырылуы туралы ақпаратты;

      7) энергия аудиті бойынша қорытындының көшірмесін ұсынады.";

      6-тармақ алып тасталсын;

      10-тармақ мынадай редакцияда жазылсын:

      "10. Ұсынылған ақпараттың толық емес екендігі анықталған жағдайда, Энергия үнемдеу және энергия тиімділігін арттыру саласындағы ұлттық даму институты осы Қағидалардың 9-тармағында белгіленген мерзімде МЭТ субъектiсiнен, энергия-аудиторлық ұйымдардан, сондай-ақ энергия-сервистік компаниялардан жетіспейтін ақпаратты сұратады.

      МЭТ субъектісі жетіспейтін ақпаратты Энергия үнемдеу және энергия тиімділігін арттыру саласындағы ұлттық даму институтынан сұратуды алған сәттен бастап бес жұмыс күні ішінде жібереді.";

      Қағидаларға 1-қосымша осы Қазақстан Республикасы Инвестициялар және даму министрінің өзгерістер мен толықтырулар енгізілетін кейбір бұйрықтарының тізбесіне (бұдан әрі - Тізбе) 1-қосымшаға сәйкес жаңа редакцияда жазылсын;

      осы Тізбеге 2-қосымшаға сәйкес 1-1 қосымшамен толықтырылсын;

      2. "Оқу орталықтары қызметінің қағидаларын бекіту туралы" Қазақстан Республикасы Инвестициялар және даму министрінің 2015 жылғы 31 наурыздағы № 388 бұйрығында (Нормативтік құқықтық актілерді мемлекеттік тіркеу тізілімінде № 11365 болып тіркелген, 2015 жылғы 29 маусымда "Әділет" ақпараттық-құқықтық жүйесінде жарияланған):

      бұйрықтың тақырыбы мынадай редакцияда жазылсын:

      "Оқу орталықтарының қызмет қағидаларын бекіту туралы";

      1 тармақтың тақырыбы мынадай редакцияда жазылсын:

      "1. Осы оқу орталықтарының қызмет қағидалары "Энергия үнемдеу және энергия тиімділігін арттыру туралы" 2012 жылғы 13 қаңтардағы Қазақстан Республикасы Заңының 5-бабы 6-13) тармақшасына сәйкес әзірленген және оқу орталықтарының қызмет тәртібін айқындайды.";

      көрсетілген бұйрықпен бекітілген Оқу орталықтары қызметінің қағидаларында:

      тақырыбы мынадай редакцияда жазылсын:

      "Оқу орталықтарының қызмет қағидалары";

      2-тармақ мынадай редакцияда жазылсын:

      "2. Энергия аудиті, энергия үнемдеу және энергия тиімділігін арттыру сараптамасы және энергия менеджменті бағыттары бойынша кадрларды қайта даярлауды және (немесе) олардың біліктілігін арттыруды оқу орталықтары жүзеге асырады.";

      3-тармақтың 3) тармақшасы мынадай редакцияда жазылсын:

      "3) оқу орталығы - энергия үнемдеу және энергия тиiмдiлiгiн арттыру саласындағы қызметті жүзеге асыратын кадрларды қайта даярлау және (немесе) олардың біліктілігін арттыру саласындағы қызметті жүзеге асыратын заңды тұлға;";

      3. "Үйлердің, құрылыстардың, ғимараттардың энергия тиімділігі сыныптарын айқындау және қайта қарау қағидаларын бекіту туралы" Қазақстан Республикасы Инвестициялар және даму министрінің 2015 жылғы 31 наурыздағы № 399 бұйрығында (Нормативтік құқықтық актілерді мемлекеттік тіркеу тізілімінде № 11312 болып тіркелген, 2015 жылғы 24 маусымда "Әділет" ақпараттық-құқықтық жүйесінде жарияланған):

      бұйрықтың тақырыбы мынадай редакцияда жазылсын:

      "Үйлердің, құрылыстардың, ғимараттардың энергия тиімділігі сыныптарын айқындау және қайта қарау қағидаларын бекіту туралы";

      көрсетілген бұйрықпен бекітілген Үйлердің, құрылыстардың, ғимараттардың энергия тиімділігі сыныптарын айқындау және қайта қарау қағидаларында:

      4-тармақ мынадай редакцияда жазылсын:

      "4. Қолданыстағы үйлердің, ғимараттардың, құрылыстардың меншік иелері энергия тиімділігі сыныптарын айқындау үшін "Энергия аудитін жүргізу қағидаларын бекіту туралы" Қазақстан Республикасы Инвестициялар және даму министрінің 2015 жылғы 31 наурыздағы № 400 бұйрығына (Қазақстан Республикасының Нормативтік құқықтық актілерін мемлекеттік тіркеу тізілімінде № 11729 болып тіркелген) сәйкес энергия аудиторлық ұйымдарғаэнергия аудитін жүргізу үшін жүгінеді.

      Энергия аудиті нәтижелері бойынша үйлердің, құрылыстардың, ғимараттардың энергия тиімділігі сыныбы туралы ақпаратты қамтитын қорытынды беріледі.";

      4. "Технологиялық процестердің, жабдықтардың, оның ішінде электр жабдығының энергия тиімділігі жөніндегі талаптарды белгілеу туралы" Қазақстан Республикасы Инвестициялар және даму министрінің 2015 жылғы 31 наурыздағы № 407 бұйрығында (Нормативтік құқықтық актілерді мемлекеттік тіркеу тізілімінде № 11663 тіркелген, 2015 жылғы24 маусымда "Әділет" ақпараттық-құқықтық жүйесінде жарияланған):

      көрсетілген бұйрықпен бекітілген Технологиялық процестердің, жабдықтардың, оның ішінде электр жабдығының энергия тиімділігі жөніндегі талаптарда:

      2-тармақ мынадай редакцияда жазылсын:

      "2. Осы Талаптарда мынадай негізгі ұғымдар қолданылады:

      1) айналу жылдамдығын реттеу үшін жиілік түрлендіргіші – қоректену желісінде ауыспалы токтың жиілігін өзгерту жолымен жүктеменің айналу сәтінің белгіленген жылдамдық сипаттамасына сәйкес оны механикалық түрге түрлендіру мақсатында электр қозғалтқышқа берілетін электр энергиясын үздіксіз бақылауға электр энергиясы түрлендіргіші;

      2) қысқа тұйықталған роторы бар асинхронды қозғалтқыш (бұдан әрі – электр қозғалтқыштар) – роторға жалғанған жылжымалы түйіспелерінсіз, коллекторларынсыз, түйіспелі сақиналарсыз немесе электр түйіспелерінсіз электр қозғалтқышы;

      3) декарбонизатор - суды ауамен үрлеу арқылы судан бос көмір қышқылын жоюға арналған аппарат;

      4) жүктеме - уақыттың осы сәтінде электр желісімен немесе онымен біріктірілген тетікпен айналмалы электр машинасынан талап етілетін электрлік және механикалық шамалардың барлық сандық мәндерi;

      5) жылу алмастырғыш - жылуды қызғаннан (сұйық немесе газ түріндегі) анағұрлым суық жылу тасымалдағышқа жеткізіп беруге арналған құрылғы;

      6) қайталанатын - қысқа уақыттық кезеңдік режим - жылудың тепе-теңдігіне қол жеткізу үшін жүктемемен жұмыс істеу ұзақтығы жеткіліксіз болғанда қозғалтқыш жұмысының біркелкі циклдерінің бірізділігі;

      7) номиналды қуат – номиналды деректерге қосылған шығу қуатының сандық мәнi;

      8) режим - егер бұл қажет болса, іске қосу кезеңдерін, электрлік тоқтатуды, бос жүрісті, ажырату және тыныштық күйін, сондай-ақ олардың ұзақтығы мен уақыттағы бірізділігін қоса алғанда, машина арналған жүктеменiң (жүктемелердің) өзгеру сипаты;

      9) технологиялық процесс - бастапқы материалды керекті тауарға түрлендіретін біртұтас процесті құрайтын тізбектік орындалатын операциялар жиынтығы;

      10) цемент өндіру – пайдаланылатын өндіру тәсіліне тәуелді энергияны қажетсінетін технологиялық процесс;

      11) цемент өндірудің сулы тәсілі - шикізат материалдарын (көбінесе жоғары ылғалдылықпен) судың әсерімен шикізат шөгіндісін түзе отырып ұнтақтайтын цемент өндіру тәсілі;

      12) цемент өндірудің құрғақ тәсілі - шикізат материалдарын ұнтақ түрінде шикізат диірменінде ұнтақтайтын және кептіретін цемент өндіру тәсілі;

      13) электр қозғалтқыш - электр энергиясын айналмалы не үдемелі қозғалыстың механикалық энергиясына түрлендіруге арналған электр-механикалық құрылғы;

      14) электр қозғалтқышының пайдалы әсер коэффициентi (бұдан әрi - ПӘК) - пайызбен көрсетілген электр қозғалтқышының білігіндегі пайдалы қуаттың электр қозғалтқыштың желіден тұтынатын активті қуатының киловатпен көрсетілген қатынастарына тең коэффициент;

      15) энергия үнемдеу және энергия тиімділігін арттыру саласындағы менеджмент (энергия менеджменті) - энергия үнемдеу және энергия тиімділігін арттыру саясатын, іс-шаралар жоспарын, мониторинг рәсімдері мен әдістемелерін, энергия тұтынуды бағалауды әзірлеу мен іске асыруды және энергия тиімділігін арттыруға бағытталған басқа да іс-қимылдарды қамтитын, энергетикалық ресурстарды ұтымды пайдалануды қамтамасыз етуге және басқару объектісінің энергия тиімділігін арттыруға бағытталған әкімшілік іс-қимылдар кешені;

      16) энергетикалық тиімділік - өнім бірлігіне шаққанда энергетикалық ресурстарды тұтыну.";

      4-тармақ мынадай редакцияда жазылсын:

      "4. Осы Талаптар:

      1) үздіксіз режимде жұмыс істеуге есептелген 0,75-тен 375 киловатты (бұдан әрi – кВт) қоса алғанға дейін қуатпен;

      2) 2, 4, 6 полюс сандарымен;

      3) номиналды жиілігі 50 - 60 Герц, номиналды кернеуі 1000 Вольтқа дейінгі;

      4) қосудың номиналды ұзақтығы 80% және одан жоғары жұмыс режимі үшін S1 (ұзаққа созылған режимі) немесе S3 (қайталама-қысқа мерзімді режим) жалпы мақсаттағы үш фазалық электр қозғалтқыштарда қолданылады.";

      7-тармақ мынадай редакцияда жазылсын:

      "7. Электр қозғалтқыштарға ПӘК мәндері бойынша талаптар қойылады, олар осы Талаптардың 1-қосымшасында көрсетілген айналу жылдамдықтарын реттеудiң жиiлiк түрлендiргiштерімен жабдықталған барлық қозғалтқыштар үшiн орнатылған мәндерден кем емес номинал қуаты үшін 0,75-тен 375-ке кВт-ға дейiнгі барлық қозғалтқыштармен болуы тиіс.";

      мынадай редакциядағы 7-1 және 7-2 тармақтармен толықтырылсын:

      "7-1. Шығарылу жылдарына қарай электр қозғалтқыштарға ПӘК-ті азайту жағына түзету коэффиценттерін қолдану: 5 – 8 жыл - 5%, 8 жылдан жоғары - 15%;

      7-2. Жөндеуден өткен электр қозғалтқыштарға ПӘК-ті азайту жағына қарай түзету коэффиценттерін белгілеу: 1-ші жөндеу - 5%, 2-ші жөндеу - 10%.";

      9-тармақ мынадай редакцияда жазылсын:

      9. Ішкі жарықтандыру үшін қолданылатын жарық беру көздері үшін осы Талаптарға 2-қосымшаға сәйкес жарықдиодты жарық көздері бар шамдардың ең аз жарық беруге және түс беру индексіне қойылатын талаптары белгіленеді.

      мынадай редакциядағы 15-1 және 15-2-тармақтармен толықтырылсын:

      "15-1. Осы Талаптарға 5-қосымшаға сәйкес шағын люминесцентті шамы, бір цокольдық, екі цокольдық сызықтық және индукциялық люминесцентті шамдары бар шырақтардың жарық беруінің ең аз нормаланған мәндерін білгілейді.

      15-2. Осы Талаптарға 6-қосымшаға сәйкес жоғары қысымды натрий шамы бар шырақтардың жарық беруінің барынша аз нормаланған мәндерін белгілейді.";

      осы Тізбеге 1 және 2-қосымшаларға сәйкес Технологиялық процестердің, жабдықтардың, оның ішінде электр жабдығының энергия тиімділігі жөніндегі талаптарға 3 және 4 қосымшалар жаңа редакцияда жазылсын;

      осы Тізбеге 5 және 6 қосымшаларға сәйкес Технологиялық процестердің, жабдықтардың, оның ішінде электр жабдығының энергия тиімділігі жөніндегі талаптарға 5 және 6-қосымшалармен толықтырылсын.

Мемлекеттік энергетикалық тізілім субъектілерінің атауы, мекенжайы, бизнес сәйкестендіру нөмірі және олардың қызметінің негізгі түрлері туралы ақпарат

      * Ескертпе:

      1) Егер Мемлекеттік энергетикалық тізілім субъектісі бірнеше қызмет түрлерін жүзеге

      асырған жағдайда барлық қызмет түрін көрсету.

      2) Мемлекеттік энергетикалық тізілім субъектісінің қызмет түрлерін экономикалық

      қызмет түрлерінің жалпы жіктеушіне сәйкес көрсету керек.

Күнтізбелік ____ жыл ішінде энергетикалық ресурстарды өндіру, шығару, тұтыну, беру және жоғалтудың заттай және ақшалай көріністегі көлемдері туралы ақпарат

      Мемлекеттік энергетикалық тізілім субъектісінің атауы (толық жазу):_______________

      Бөлінген ұяшықтарды қоспағанда, нысанның барлық ұяшықтарының толтырылуы

      міндетті

      * Ескертпе

      1) Мұнай, газ және көмір өндіруші зауыттарға қайта өндеуге арналған шикізат ретінде

      келіп түсетін энергия ресурстарының бөлігі (үлесі) "5а", "5б" және "6" бағаналарда

      көрсетілмейді;

      2) егер Мемлекеттік энергетикалық тізілім субъектісі энергия ресурстарын тасымалдау

      бойынша қызметтерді басқа заңды тұлғаларға көрсететін болса, "5б" бағанасында

      сондай-ақ тасымалдау бойынша осы қызметтерді көрсеткен кезде туындайтын энергия

      ресурстарының барлық кемулері көрсетіледі, ("5б") бағанасының мәндері "5а"

      бағанасы мәндерінің құрауыш бөлігі болып табылады)

      3) "7" бағанада тек қана заңды тұлғаның өзі өндірген электр және жылу энергиясы

      көрсетіледі.

      4) бір энергия ресурсының бірнеше түрі қолданылатын жағдайда, "9" бағанада,

      сонымен қатар санын көрсету қажет.

      Гидро-электр станциясы** - егер Мемлекеттік энергетикалық тізілім субъектісінің

      құрамында болатын болса, аталған ұяшықта гидро-электро станцияның өз

      қажеттіліктеріне тұтылған электр энергиясы көрсетеледі.

Күнтізбелік _____ жыл ішінде заттай және ақшалай мәндегі суды тұтыну және жоғалту туралы ақпарат*

      Мемлекеттік энергетикалық тізілім субъектісінің атауы (толықтай): _______________

      Нысанның барлық ұяшықтары міндетті түрде толырылуы тиіс

      * Ескертпе:

      1) Суды есептеу аспабы болмаған жағдайда тиісті бағанға "есеп жүргізілмейді" деп

      жазу;

      2) "4" бағанда заттай мәндегі тұтынылған су көлемі және ақшалай мәндегі оның

      эквиваленті көрсетіледі;

      3) "5" бағанды су тасымалдауды жүзеге асыратын компаниялар толтырады.

Энергия аудитінің қорытындысы бойынша Мемлекеттік энергетикалық тізілім субъектілері әзірлейтін энергия үнемдеу және энергия тиімділігін арттыру жөніндегі іс-шаралар жоспарының есеп беру кезеңінде орындалу нәтижелері туралы ақпарат

      Мемлекеттік энергетикалық тізілім субъектісінің атауы (толықтай жазу):____________

      * Ескертпе:

      1) 2-нысандағы энергетикалық ресурстардың атаулары және өлшем бірліктері

      қолданылады;

      2) өткізілген энергия аудитінің қорытындысы болмаған жағдайда толтырылмайды;

      3) Нысанға энерия аудиті қорытындысының көшірмесі, энергия аудитің

      қорытындылары бойынша әзірленген іс-шаралар жоспары, сондай-ақ ISO 50001

      халықаралық стандартына сәйкестік серитификаты қоса беріледі. Қажет болған

      жағдайда жолдарды қосыңыз.

Күнтізбелік ____ жыл ішінде өнім бірлігіне шаққанда нақты энергия тұтыну және (немесе) үйлер, құрылыстар, ғимараттар ауданының бірлігіне шаққанда жылытуға кеткен энергетикалық ресурстардың шығыны туралы ақпарат

      Мемлекеттік энергетикалық тізілім субъектісінің атауы (толық жазу):_______________

      *Әр кәсіпорынның немесе сала ерекшелігі ескеріле отырып толтырылады.

Энергетикалық ресурстарды есепке алу аспаптарымен жарақтандыру туралы ақпарат

      Мемлекеттік энергетикалық тізілім субъектісінің атауы (толық жазу): _______________

Мемлекеттік мекеме болып табылатын Мемлекеттік энергетикалық тізілім субъектілерінің атауы, мекенжайы, бизнес сәйкестендіру нөмірі мен олардың қызметінің негізгі түрлері туралы ақпарат

      * Ескертпе:

      Егер Мемлекеттік энергетикалық тізілім субъектісі екі немесе одан көп қызмет түрлерін

      жүзеге асыратын болса, барлық қызмет түрін көрсету.

      Мемлекеттік энергетикалық тізілім субъектісінің қызмет түрлерін экономикалық

      қызметінің жалпы классификаторы экономикалық қызмет түрлерінің жалпы

      жіктеушіне сәйкес көрсету керек.

Күнтізбелік ____ жыл ішінде заттай және ақшалай мәндегі энергетикалық ресурстарды және суды тұтыну және олардың шығындарының көлемдері туралы ақпарат

      Мемлекеттік энергетикалық тізілім субъектілерінің атауы (толық жазу): _____________

Энергия үнемдеу және энергия тиімділігін арттыру жөніндегі іс-шаралар туралы ақпарат

      2-нысандағы энергетикалық ресурстардың атаулары және өлшем бірліктерін ұстану;

      Нысанға энерия аудиті қорытындысының көшірмесі және энергия аудиті

      қорытындылары бойынша әзірленген іс-шаралар жоспары, сондай-ақ ISO 50001

      халықаралық стандартына сәйкестік серитификаты қоса беріледі.

      Қажет болған жағдайда жолдарды қосыңыз.

Күнтізбелік ____ жыл ішінде өнім бірлігіне шаққанда нақты энергия тұтыну және (немесе) үйлердің, құрылыстардың, ғимараттардың алаңы бірлігіне шаққанда жылытуға кеткен энергетикалық ресурстардың шығыны туралы ақпарат

      Мемлекеттік энергетикалық тізілім субъектісінің атауы (толық жазу):_______________

      *барлық үйлердің, құрылыстардың, ғимараттардың салынған жылын көрсету

Энергетикалық ресурстардың есепке алу аспаптарымен жарақтандырылуы туралы ақпарат

      Мемлекеттік энергетикалық тізілім субъектісінің атауы (толық жазу): _______________

Электр қозғалтқыштың пайдалы әсер коэффициенттері (%) (IE1)

Электр қозғалтқыштың пайдалы әсер коэффициенттері (%) (IE2)*

      *2020 жылы 0,75-тен 375-ке дейінгі барлық номиналды қуаты бар қозғалтқыштар IЕ2

      класынан төмен болмауы тиіс

Жарықдиодты жарық көзі шамдарына түс беру индексі мен барынша аз жарық беруге қойылатын талаптар

Шағын люминесцентті шамдар, шамшырақтар, бір цокольді, екі цокольді, сызықтық және индукциялық люминесцентті шамдар, бар шырақтардың жарық беруінің барынша аз нормаланған мәндері

Мөлдір құтыдағы жоғары қысымды натрий шамы бар шырақтардың жарық беруінің барынша аз нормаланған мәндері

Мөлдір құтыда металлгаллогенді шамдары бар, шырақтардың жарық беруінің барынша аз нормаланған мәндері

Жоғары қысымды сынап шамдары бар шырақтардың жарық беруінің аз нормаланған мәндері

Жарықдиодты шырақтардың жарық беруінің барынша аз нормаланған мәндері

Жарық ағынын шашудың орта (30° ˂ 2g ≤ 80°) және кең (2g> 80 °) типті прожекторларының жарық беруінің hmin барынша аз нормаланған мәндері

Шырақтардың қуаты коэффициенттерінің мәндері