Ескерту. Бұйрықтың тақырыбы жаңа редакцияда - ҚР Инвестициялар және даму министрінің 30.11.2015 № 1131 (алғашқы ресми жарияланған күнiнен кейін күнтiзбелiк он күн өткен соң қолданысқа енгiзiледi) бұйрығымен.

      "Энергия үнемдеу және энергия тиімділігін арттыру туралы" 2012 жылғы 13 қаңтардағы Қазақстан Республикасының Заңының 5-бабының 4) тармақшасына сәйкес БҰЙЫРАМЫН:

      1. Қоса беріліп отырған Мемлекеттік энергетикалық тізілімді қалыптастыру және жүргізу қағидалары бекітілсін.

      2. Қазақстан Республикасы Инвестициялар және даму министрлігінің Индустриялық даму және өнеркәсіптік қауіпсіздік комитеті (А.Қ. Ержанов):

      1) осы бұйрықты заңнамада белгіленген тәртіппен Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспа басылымдарында және "Әділет" ақпараттық-құқықтық жүйесіне ресми жариялауға жіберуді;

      3) осы бұйрықты Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастырылуын;

      4) осы бұйрық Қазақстан Республикасы Әділет министрлігінде тіркелгеннен кейін он жұмыс күні ішінде Қазақстан Республикасы Инвестициялар және даму министрлігінің Заң департаментіне осы бұйрықтың 2-тармағының 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Инвестициялар және даму вице-министріне жүктелсін.

      4. Осы бұйрық оның алғашқы ресми жарияланған күнiнен кейін күнтiзбелiк он күн өткен соң қолданысқа енгiзiледi.

      "КЕЛІСІЛДІ"

      Қазақстан Республикасының

      Ұлттық экономика министрі

      ______________ Е. Досаев

      2015 жылғы 10 маусым

Мемлекеттік энергетикалық тізілімді қалыптастыру және жүргізу қағидалары

      Ескерту. Қағида жаңа редакцияда – ҚР Индустрия және инфрақұрылымдық даму министрінің 16.11.2022 № 632 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Мемлекеттік энергетикалық тізілімді қалыптастыру және жүргізу қағидалары (бұдан әрі ̶ Қағидалар) "Энергия үнемдеу және энергия тиімділігін арттыру туралы" Қазақстан Республикасы Заңының (бұдан әрі – Заң) 5-бабы 4) тармақшасына сәйкес әзірленді және Мемлекеттік энергетикалық тізілімді қалыптастыру және жүргізу тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) бастапқы энергетикалық ресурстар – осы энергия көздеріндегі энергия өзгертілуінен бұрын, ілеспе тау жыныстарынан оларды бөлуді, тазалауды немесе сұрыптауды ескере отырып немесе ескертусіз өндіруді және түзілуді ғана қажет ететін энергиялық ресурстар;

      2) жалпы ішкі өнімнің (бұдан әрі – ЖІӨ) энергия сыйымдылығы – ЖІӨ бірлігіне келетін отын-энергетикалық ресурстарын тұтыну деңгейін сипаттайтын жалпылама көрсеткіш;

      3) квазимемлекеттік сектор субъектілері – мемлекеттік кәсіпорындар, жауапкершілігі шектеулі серіктестіктер, акционерлік қоғамдар, оның ішінде құрылтайшысы, қатысушысы немесе акционері мемлекет болып табылатын ұлттық басқарушы холдингтер, ұлттық холдингтер, ұлттық компаниялар, сондай-ақ Қазақстан Республикасының заңнамалық актілеріне сәйкес олармен үлестес болып табылатын еншілес, тәуелді және өзге де заңды тұлғалар;

      4) қайталама энергетикалық ресурстар − бастапқы энергетикалық ресурстарын өзгерту нәтижесі болып табылатын энергетикалық ресурстар;

      5) Мемлекеттiк энергетикалық тiзiлiмдi жүргiзу – ұлттық институт қызметі процесінде сақтайтын, Мемлекеттік энергетикалық тізілімді қалыптастыру үшін қажетті барлық іс-қимылдар мен рәсімдер жиынтығы;

      6) Мемлекеттiк энергетикалық тiзiлiмдi қалыптастыру – Мемлекеттік энергетикалық тізілім субъектілері ұсынған деректер, жүргізілген талдаулар, ұлттық институттың қорытындылары мен есептері негізінде Мемлекеттік энергетикалық тізілім субъектілері туралы ақпаратты жинақтау үшін материалдар дайындау;

      7) Мемлекеттік энергетикалық тізілім (бұдан әрі ̶ МЭТ) – Мемлекеттік энергетикалық тізілім субъектілері туралы ақпараттың жүйеленген жиынтығы;

      8) Мемлекеттік энергетикалық тізілім субъектілері (бұдан әрі ̶ МЭТ субъектілері) – энергетикалық ресурстарды жылына шартты отынның бір мың бес жүз және одан да көп тоннаға барабар көлемінде тұтынатын дара кәсіпкерлер мен заңды тұлғалар, сондай-ақ мемлекеттік мекемелер, квазимемлекеттік сектор және табиғи монополиялар субъектілері;

      9) МЭТ субъектісінің энергетикалық ресурстарды жылдық тұтынуы – бұл Мемлекеттік энергетикалық тізілім субъектілері өндірген және басқа заңды және жеке тұлғаларға берілген қайталама энергетикалық ресурстарда қоспағанда, бұл барлық ілеспе техникалық болмай қоймайтын, оның ішінде қолданылатын технологиялар мен жабдықтардың ерекшелігінен туындайтын шығындарды, сондай-ақ энергетикалық ресурстарды тасымалдау қызметін көрсеткен кезде туындайтын шығындарды қоса алғанда, күнтізбелік жыл ішінде технологиялық және энергетикалық мақсаттарда, МЭТ субъектілерінің бастапқы және қайталама энергетикалық ресурстарды жалпы шығындауы;

      10) шартты отын – техникалық-экономикалық есептеулер кезінде қабылданған, органикалық отынның алуан түрлерінің жылу құндылығын салыстыру үшін қызмет ететін, нормативтер мен стандарттарда регламенттелетін бірлік;

      11) экспресс-энергия аудиті – қысқартылған бағдарлама бойынша және энергия үнемдеу және энергия тиімділігін арттыру саласындағы менеджмент жүйесі шеңберінде жүзеге асырылатын энергетикалық талдаудың және энергия үнемдеу және энергия тиімділігін арттыру жөніндегі алдыңғы қорытындының нәтижелерін растау мақсатында жүргізілетін энергия аудиті;

      12) энергия үнемдеу және энергия тиімділігін арттыру саласындағы ұлттық даму институты (бұдан әрі ̶ ұлттық даму институты) ̶ дауыс беретін акцияларының (жарғылық капиталға қатысу үлестерінің) елу және одан да көп пайызы мемлекетке тиесілі заңды тұлға;

      13) энергетикалық аудит (бұдан әрі ̶ энергия аудиті) – энергия үнемдеудің мүмкіндігі мен әлеуетін бағалау мен энергия үнемдеу және энергия тиімділігін арттыру жөніндегі қорытындыны дайындау мақсатында энергетикалық ресурстарды пайдалану туралы деректерді жинау, өңдеу және талдау;

      14) энергетикалық ресурстар – запастағы энергиясы қазіргі уақытта шаруашылық және өзге де қызмет түрлеріне пайдаланылатын немесе перспективада пайдаланылуы мүмкін табиғи және өндірілген энергия көздерінің жиынтығы, сондай-ақ энергия түрлері (атом, электр, химия, электрлі-магнитті, жылу және энергияның басқа түрлері);

      15) энергия үнемдеу және энергия тиімділігін арттыру саласындағы уәкілетті орган (бұдан әрі – уәкілетті орган) – энергия үнемдеу және энергия тиімділігін арттыру саласындағы басшылықты жүзеге асыратын орталық атқарушы орган;

      16) энергия-сервистік компания – меншікті және (немесе) тартылған қаражат есебінен энергия–сервистік шарт шеңберінде энергия үнемдеу және энергия тиімділігін арттыру саласындағы жұмыстарды (көрсетілетін қызметтерді), оның ішінде мердігер ұйымдарды тарта отырып орындайтын заңды тұлға.

2-тарау. Мемлекеттік энергетикалық тізілімді қалыптастыру және жүргізу тәртібі

      3. МЭТ-ті қалыптастыру үшін жыл сайын 10 қарашаға дейінгі мерзімде:

      1) Мемлекеттік мүлікті басқару жөніндегі уәкілетті орган мемлекеттік мекемелердің, кәсіпорындардың, сондай-ақ жарғылық капиталына Мемлекеттік қатысатын заңды тұлғалардың тізілімнен мемлекеттік мекемелердің, кәсіпорындардың, сондай-ақ квазимемлекеттік сектор субъектілердін, олардың атауын, бизнес сәйкестендіру нөмірін және заңды мекенжайын көрсете отырып тізбені ұлттық институтқа жібереді.

      2) табиғи монополиялардың тиісті салаларындағы уәкілетті орган Табиғи монополиялар субъектілерінің мемлекеттік тізілімнен реттелетін қызметтерді, олардың атауын, бизнес-сәйкестендіру нөмірін және заңды мекенжайын көрсете отырып, табиғи монополиялар субъектілерінің тізбесін ұлттық институтқа жібереді.

      3) облыстардың, республикалық маңызы бар қалалардың және астананың жергілікті атқарушы органдары ұлттық институтқа энергетикалық ресурстарды жылына мың бес жүз және одан да көп тонна шартты отынға барабар көлемде тұтынатын дара кәсіпкерлер және заңды тұлғалар туралы ақпарат жібереді.

      4. Ұлттық институты:

      1) осы Қағидалардың 3-тармағына сәйкес ұсынылған ақпараттың негізінде МЭТ субъектілерінің тізбесін 10 жұмыс күні ішінде қалыптастырады және оны өзінің интернет-ресурсында орналастырады;

      2) МЭТ субъектілеріне Тізбеге енгізілген күнінен бастап 15 жұмыс күн ішінде Тізбеге енгізілгені туралы хабарламаны жібереді;

      3) Тізбеге өзгерістер мен толықтырулар енгізеді.

      5. Мемлекеттік мекемелерді қоспағанда, МЭТ субъектілері жыл сайын 1 сәуірге дейінгі мерзімде ұлттық институтқа есепті кезең ішінде осы Қағидаларға 1-қосымшаға сәйкес нысандар бойынша ақпаратты ұсынады.

      Жылына бір мың бес жүз тоннадан аз шартты отынға барабар көлемде энергетикалық ресурстарды тұтынатын МЭТ субъектілері Заңның 9-бабы 1-тармағының 3), 4) және 6) тармақшаларында көрсетілген ақпаратты болған кезде ұсынады.

      6. Мемлекеттік мекемелер болып табылатын МЭТ субъектілері жыл сайын 1 сәуірге дейінгі мерзімде ұлттық институтқа есепті кезеңге осы Қағидаларға 2-қосымшаға сәйкес нысандар бойынша ақпаратты ұсынады.

      Меншік құқығында жылжымайтын мүлкі жоқ мемлекеттік мекемелер көрсетілген ақпаратты беруден босатылады.

      7. Осы Қағидалардың 5 және 6-тармақтарында көрсетілген ақпарат қағаз немесе электрондық жеткізгіште ұсынылады.

      8. Ұлттық институты жыл сайын 10 сәуірге дейінгі мерзімде уәкілетті органға ақпаратты ұсынудан бас тартқан МЭТ субъектілері туралы ақпаратты береді.

      9. Ұлттық институты 1 маусымға дейінгі мерзімде МЭТ субъектілері ұсынған ақпараттың толықтығын және анық екенін тексереді.

      Ұсынылған ақпараттың толық емес және (немесе) анық емес екендігі анықталған жағдайда, ұлттық институты осы Қағидалардың 9-тармағында белгіленген мерзімде МЭТ субъектілерінен, энергия үнемдеу және энергия тиімділігін арттыру саласындағы қызметті жүзеге асыратын заңды тұлғалардан, сондай-ақ энергия-сервистік компаниялардан жетіспейтін және (немесе) анық ақпаратты сұратады.

      МЭТ субъектісі жетіспейтін және (немесе) дәйекті ақпаратты ұлттық институтынан сұрау салуды алған сәттен бастап бес жұмыс күні ішінде жібереді.

      10. Ұлттық институты жыл сайын 1 маусымға дейінгі мерзімде уәкілетті органға толық емес және (немесе) анық емес ақпарат беретін МЭТ субъектілері туралы ақпаратты, сондай-ақ энергия үнемдеу және энергия тиімділігін арттыру бойынша қорытындысы және (немесе) энергия үнемдеу және энергия тиімділігін арттыру жөніндегі іс-шаралар жоспары жоқ энергетикалық ресурстарды жылына шартты отынның мың бес жүз және одан да көп тоннасына барабар көлемде тұтынатын МЭТ субъектілері туралы ақпаратты береді.

      11. Ұлттық институт жыл сайын 1 қазанға дейінгі мерзімде:

      1) энергетикалық ресурстарды жылына шартты отынның мың бес жүз және одан да көп тоннасына барабар көлемде тұтынатын МЭТ субъектілерінің энергия үнемдеу және энергия тиімділігін арттыру жөніндегі іс-шаралар жоспарларының тиімділігіне бағалау мен талдау жүргізеді, сондай-ақ уәкілетті органға жиынтық ақпарат береді;

      2) МЭТ субъектілері жүзеге асыратын энергия үнемдеу және энергия тиімділігін арттыру бойынша іске асырылған іс-шаралардың тиімділігіне бағалау мен талдау жүргізеді, сондай-ақ уәкілетті органға жиынтық ақпарат береді;

      12. Ұлттық институт жыл сайын 1 қарашаға дейінгі мерзімде уәкілетті органға ақпарат жиынтығын ұсынады:

      1) МЭТ субъектілерінің энергетикалық ресурстарын тұтынуының талдауы;

      2) МЭТ субъектілерінің энергетикалық ресурстарын тұтынуды өткен жылмен салыстырмалы талдау.

      Ұлттық институт МЭТ субъектісінің энергетикалық ресурстарын жылдық тұтынуын талдаған кезде осы Қағидаларға 3 және 4 қосымшаларға сәйкес энергетикалық ресурстарды шартты отынға ауыстыру коэффициенттерін және энергетикалық ресурстарды Гигаджоульге ауыстыру коэффициенттерін пайдаланады;

      3) ЖІӨ энергия сыйымдылығы және Қазақстан Республикасында энергетикалық ресурстарды пайдалану тиімділігі бойынша талдамалық зерттеу;

      4) МЭТ субъектілерінің үлестік шығыстар және энергияны пайдалану нормативтері бойынша талдау;

      5) энергетикалық ресурстарды, суды тұтыну көлемінің өнім бірлігіне, Ғимараттардың, құрылыстар мен құрылысжайлардың алаңына энергия аудиті немесе экспресс-энергия аудиті қорытындылары бойынша айқындалған шамаға дейін жыл сайын төмендеуін қамтамасыз етпеген МЭТ субъектілерінің тізімі.

      1-нысан

Мемлекеттік энергетикалық тізілім субъектілерінің атауы, сәйкестендіру нөмірі, мекенжайы және қызметінің негізгі түрлері туралы ақпарат

      * Мемлекеттік энергетикалық тізілім субъектісінің барлық түрлерін экономикалық қызмет түрлерінің жалпы жіктеушіне сәйкес көрсету керек.

      2-нысан

______ күнтізбелік жыл үшін заттай және ақшалай мәндегі энергетикалық ресурстар мен суды өндіру, шығару, тұтыну, беру және ысырабының көлемдері туралы ақпарат 20___ жылғы есепті кезең

      Нысан Қазақстан Республикасы Индустрия және инфрақұрылымдық даму министрлігінің интернет-ресурста орналастырылған.

      "Энергия үнемдеу және энергия тиімділігін арттыру туралы" Қазақстан Республикасының Заңы 9-бабының 1-тармағына сәйкес ақпаратты белгіленген мерзімде ұсынбау "Әкімшілік құқық бұзушылық туралы" Қазақстан Республикасы Кодексінің 292-бабында көзделген әкімшілік құқық бұзушылық болып табылады.

      Индекс: 2 – ӨШТБК *

      Кезеңділігі – жыл сайын

      Ұсыну мерзімі: 1 сәуірге дейін

      Ақпаратты ұсынатын тұлғалар тобы: энергетикалық ресурстарды жылына шартты отынның бір мың бес жүз және одан да көп тоннасына барабар көлемде тұтынатын дара кәсіпкерлер және заңды тұлғалар, сондай-ақ квазимемлекеттік сектор және табиғи монополиялар субъектілері.

      Нысан Энергия үнемдеу және энергия тиімділігін арттыру саласындағы ұлттық даму институтына ұсынылады.

      * ӨШТБК - өндіру, шығару, тұтыну, беру көлемі.

1-бөлім. Энергетикалық ресурстарды өндіру, шығару, тұтыну, беру және жоғалту көлемдері туралы ақпаратты көрсетіңіз

2-бөлім. Тұтынылатын су мен ысырап мөлшерін көрсетіңіз

      Жауапты адам _______________________________________________ _____________

                        тегі, аты және әкесінің аты (бар болған жағдайда)       қолы

      Басшы немесе қол қоюға уәкілетті адам

      ___________________________________________             ___________

      тегі, аты және әкесінің аты (бар болған жағдайда)                   қолы

      Мөрдің орны (жеке кәсіпкерлерлік субъектілері болып табылатын тұлғаларды қоспағанда)

Әкімшілік деректерді жинауға арналған нысанды толтыру бойынша түсіндірме ______ күнтізбелік жыл үшін заттай және ақшалай мәндегі энергетикалық ресурстар мен суды өндіру, шығару, тұтыну, беру және ысырабының көлемдері туралы ақпарат (2-индекс – ӨШТБК*, кезеңділігі жылдық)

1-тарау. Жалпы ережелер

      1. Осы түсіндірме (бұдан әрі – Түсіндірме) "______ күнтізбелік жыл үшін заттай және ақшалай мәндегі энергетикалық ресурстар мен суды өндіру, шығару, тұтыну, беру және ысырабының көлемдері туралы ақпарат" әкімшілік деректерді жинауға арналған нысанды (бұдан әрі – нысан) толтыру бойынша бірыңғай тәртіпті айқындайды.

      2. Нысан "Энергия үнемдеу және энергия тиімділігін арттыру туралы" Қазақстан Республикасы Заңының 5-бабы 4) тармақшасына сәйкес әзірленді.

      3. Толтырылған нысан Мемлекеттік энергетикалық тізілім субъектілері жыл сайын есепті кезеңнің соңындағы жағдай бойынша мерзімде қағаз немесе электрондық жеткізгіште (PDF және Excel) ұсынады. Нысандағы деректер өлшем бірліктерінде толтырылады.

      4. Нысанға бірінші басшы немесе есепке қол қоюға уәкілетті адамдар және жауапты адам қол қояды.

2-тарау. Нысанды толтыру бойынша түсіндірме

      1. 1-бөлімде мынадай деректерді көрсетіңіз:

      1) "3" бағанада өндірілген және шығарылған энергетикалық ресурстардың санын көрсетіңіз;

      2) "4а" бағанада меншікті емес көздерден алынған, тұтынылған энергетикалық ресурстарының санын көрсетіңіз;

      3) "4б" бағанада отын-энергетика ресурстарын тасымалдау кезінде ысырап болған энергетикалық ресурстардың санын көрсетіңіз;

      4) егер Мемлекеттік энергетикалық тізілім субъектісі басқа заңды тұлғаларға энергетикалық ресурстарын тасымалдау жөнінде қызметтер көрсетсе, онда "4б" бағанада сондай-ақ осы тасымалдау жөніндегі қызметтерді көрсету кезінде туындайтын энергетикалық ресурстарының бүкіл ысырабы көрсетіледі ("4б" бағананың мәні "4а" бағананың құрамдас бөлігі болып табылады);

      5) мұнай, газ және көмір өндіруші зауыттарға қайта өндеуге арналған шикізат ретінде келіп түсетін энергетикалық ресурстарының бөлігі (үлесі) "4а", "4б" және "5" бағаналарда көрсетілмейді;

      6) "5" бағанада құрамында жаңартылатын энергетикалық көздерінен электр энергиясын генерациялайтын қондырғылары бар кәсіпорындар толтырады;

      7) "6" бағанада басқа заңды және жеке тұлғаларға берілген энергетикалық ресурстарының санын көрсетіңіз. Бұл жағдайда, энергетикалық ресурстарда жаңартылған энергия көздерін қоспағанда, МЭТ субъектілерінің өзі жүргізген электр және жылу энергиясы көзделеді;

      8) "7" бағанада энергетикалық ресурстарын сатып алу шығындары жүзеге асырылған ақша қаражатының шығыстары санын көрсетіңіз, мың теңгемен;

      9) бір энергетикалық ресурсының бірнеше түрі қолданылатын жағдайда, "8" бағанада, сондай-ақ санын көрсету қажет. Гидро-электр станциясы - егер Мемлекеттік энергетикалық тізілім субъектісінің құрамында болатын болса, аталған ұяшықта гидро-электр станциясының өз мұқтажына тұтынылған электр энергиясы көрсетеледі;

      10) "8" бағанада моторлы бензин, дизель отыны тұтынылған жағдайда, маркасын көрсетіңіз;

      11) "8" бағанада тас көмірі, лигниті тұтынылған жағдайда кен орнын көрсетіңіз;

      12) егер Мемлекеттік энергетикалық тізілім субъектісі шламды тұтынған жағдайда, осы ресурсты "Тұрмыстық пеш отыны" жолында толтыру қажет;

      13) егер сұйытылған газды (пропан және бутан) есепке алу литрмен жүргізілген жағдайда, шартты отынның тоннасына ауыстыру коэффициенті 0,000528;

      14) егер Мемлекеттік энергетикалық тізілім субъектісі уайт-спирит және (немесе) майлау материалдарын тұтынатын болса, онда энергия алу үшін жұмсалатын энергетикалық ресурстардың бөлігі (үлесі) көрсетіледі;

      15) "3", "4", "5", "6" бағаналардағы ақпарат заттай шамада толтырыңыз;

      16) "7" бағанада ақшалай мәнде толтыру қажет, өлшем шамасы – теңге.

      2. 2-бөлімде мынадай деректерді көрсетіңіз:

      1) суды есепке алу аспаптары болмаған жағдайда тиісті бағанда "есепке алу жүргізілмейді" деп жазылады;

      2) "3" бағанада заттай мәндегі тұтынылған су көлемі және ақшалай мәндегі баламасы көрсетіледі;

      3) "4" бағанада су тасымалдауды жүзеге асыратын компаниялар ғана толтырады.

      * ӨШТБК ̶ өндіру, шығару, тұтыну, беру көлемі.

      3-нысан

Энергия аудитінің немесе экспересс-энергия аудитінің қорытындысы бойынша Мемлекеттік энергетикалық тізілім субъектілері әзірлейтін энергия үнемдеу және энергия тиімділігін арттыру жөніндегі іс-шаралар жоспарының орындалу нәтижелері туралы ақпарат 20___жылғы есепті кезең

      Нысан Қазақстан Республикасы Индустрия және инфрақұрылымдық даму министірлігінің интернет-ресурста орналастырылған.

      "Энергия үнемдеу және энергия тиімділігін арттыру туралы" Қазақстан Республикасының Заңы 9-бабының 1-тармағына сәйкес ақпаратты белгіленген мерзімде ұсынбау "Әкімшілік құқық бұзушылық туралы" Қазақстан Республикасы Кодексінің 292–бабында көзделген әкімшілік құқық бұзушылық болып табылады.

      Индекс: 3 – ЭҮШ *

      Кезеңділігі – жыл сайын

      Ұсыну мерзімі: 1 сәуірге дейін

      Ақпаратты ұсынатын тұлғалар тобы: энергетикалық ресурстарды жылына шартты отынның бір мың бес жүз және одан да көп тоннаға барабар көлемінде тұтынатын дара кәсіпкерлер мен заңды тұлғалар, сондай-ақ квазимемлекеттік сектор және табиғи монополиялар субъектілері.

      Нысан Энергия үнемдеу және энергия тиімділігін арттыру саласындағы ұлттық даму институтына ұсынылады.

      * ЭҮШ - энергия үнемдеу іс-шаралары

Энергия үнемдеу және энергия тиімділігін арттыру жөніндегі іс-шараларды көрсетіңіз

      Жауапты адам ___________________________________________ ______________

      тегі, аты және әкесінің аты (бар болған жағдайда)       қолы

      Басшы немесе қол қоюға уәкілетті адам

      ___________________________________________ _______________

      тегі, аты және әкесінің аты (бар болған жағдайда)       қолы

      Мөрдің орны (жеке кәсіпкерлік субъектілері болып табылатын тұлғаларды қоспағанда)

Әкімшілік деректерді жинауға арналған нысанды толтыру бойынша түсіндірме Энергия аудитінің қорытындысы бойынша Мемлекеттік энергетикалық тізілім субъектілері әзірлейтін энергия үнемдеу және энергия тиімділігін арттыру жөніндегі іс-шаралар жоспарының орындалу нәтижелері туралы ақпарат (3-индекс ̶ ЭҮШ *, кезеңділігі жылдық)

1-тарау. Жалпы ережелер

      1. Осы түсіндірме (бұдан әрі – Түсіндірме) "Энергия аудитінің немесе экспресс–энергия аудитінің қорытындысы бойынша Мемлекеттік энергетикалық тізілім субъектілері әзірлейтін энергия үнемдеу және энергия тиімділігін арттыру жөніндегі іс-шаралар жоспарының орындалу нәтижелері туралы ақпарат" әкімшілік деректерді жинауға арналған нысанды (бұдан әрі – нысан) толтыру бойынша бірыңғай тәртіпті айқындайды.

      2. Нысан "Энергия үнемдеу және энергия тиімділігін арттыру туралы" Қазақстан Республикасы Заңының 5-бабы 4) тармақшасына сәйкес әзірленді.

      3. Толтырылған нысан Мемлекеттік энергетикалық тізілім субъектілері жыл сайын есепті кезеңнің соңындағы жағдай бойынша мерзімде қағаз немесе электрондық жеткізгіште (PDF және Excel) ұсынады. Нысандағы деректер өлшем бірліктерінде толтырылады.

      4. Нысанға бірінші басшы немесе есепке қол қоюға уәкілетті адамдар және жауапты адам қол қояды.

2-тарау. Нысанды толтыру бойынша түсіндірме

      1. Энергия үнемдеу және энергия тиімділігін арттыру бойынша қорытындысы болмаған жағдайда, бағанда тиісті белгі болған кезде нысан толтырылмайды;

      2. энергия үнемдеу және энергия тиімділігін арттыру бойынша қорытындысы болған жағдайда, оның көшірмесін нысанға қоса беру қажет. (егер бұрын ұсынылмаса);

      3. энергия аудитінің немесе экспресс-энергия аудитінің қорытындысы бойынша әзірленген іс–шаралардың бекітілген жоспары болған жағдайда, сондай-ақ осы іс-шаралар жоспарына енгізілетін толықтырулар және (немесе) өзгерістердің көшірмесін нысанға қоса беру қажет;

      4. ISO 50001 халықаралық стандартына сәйкестік сертификаты болған жағдайда, оның көшірмесін нысанға қоса беру қажет;

      5. "1" бағанада энергия үнемдеу және энергия тиімділігін арттыру мақсатында өткізілген іс-шараның атауын көрсетіңіз;

      6. "2" бағанада іс-шараны енгізген айды және жылды көрсетіңіз;

      7. "3" бағанада қосылған құн салығын есепке ала отырып, қаржыландыру көзін және іс-шараларды іске асыруға арналған нақты инвестицияларды мың теңгемен көрсетіңіз;

      8. "4" бағанада іс-шараны енгізуден үнемделген энергетикалық ресурстың атауын көрсетіңіз;

      9. "5" бағанада іс-шараны енгізуден үнемделген энергетикалық ресурстардың санын заттай мәнде көрсетіңіз;

      10. "6" бағанада мың теңгемен ақша қаражатының нақты үнемделуін көрсетіңіз;

      11. қажет болған жағдайда жолдар қосылсын.

      * ЭҮШ ̶ энергия үнемдеу бойынша іс-шаралары.

      4-нысан

____ күнтізбелік жыл үшін өнім бірлігіне шаққанда нақты энергияны тұтыну және (немесе) ғимараттар, құрылыстар, құрылысжайлар ауданының бірлігіне шаққанда жылытуға жұмсалған энергетикалық ресурстардың шығысы туралы ақпарат 20___жылғы есепті кезең

      Нысан Қазақстан Республикасы Индустрия және инфрақұрылымдық даму министірлігінің интернет-ресурста орналастырылған.

      "Энергия үнемдеу және энергия тиімділігін арттыру туралы" Қазақстан Республикасының Заңы 9-бабының 1-тармағына сәйкес ақпаратты белгіленген мерзімде ұсынбау "Әкімшілік құқық бұзушылық туралы" Қазақстан Республикасы Кодексінің 292-бабында көзделген әкімшілік құқық бұзушылық болып табылады.

      Индекс: 4 – ӨБЭТ *

      Кезеңділігі – жыл сайын

      Ұсыну мерзімі: 1 сәуірге дейін

      Ақпаратты ұсынатын тұлғалар тобы: энергетикалық ресурстарды жылына шартты отынның бір мың бес жүз және одан да көп тоннаға барабар көлемінде тұтынатын дара кәсіпкерлер мен заңды тұлғалар, сондай-ақ квазимемлекеттік сектор және табиғи монополиялар субъектілері.

      Нысан Энергия үнемдеу және энергия тиімділігін арттыру саласындағы ұлттық даму институтына ұсынылады.

      * ӨБЭТ - Өнім бірлігіне нақты энергияны тұтыну

Энергия тиімділігі көрсеткішінің есебін және мәнін көрсетіңіз

      Жауапты адам

      ____________________________________________________ ______________

      тегі, аты және әкесінің аты (бар болған жағдайда)             қолы

      Басшы немесе қол қоюға уәкілетті адам

      _____________________________________________________ _______________

      тегі, аты және әкесінің аты (бар болған жағдайда)                   қолы

      Мөрдің орны (жеке кәсіпкерлерлік субъектілер болып табылатын тұлғаларды қоспағанда).

Әкімшілік деректерді жинауға арналған нысанды толтыру бойынша түсіндірме ____ күнтізбелік жыл үшін өнім бірлігіне шаққанда нақты энергия тұтыну және (немесе) ғимараттар, құрылыстар, құрылысжайлар ауданының бірлігіне шаққанда жылытуға жұмсалған энергетикалық ресурстардың шығысы туралы ақпарат (4-индекс ̶ ӨБЭТ *, кезеңділігі жылдық)

1-тарау. Жалпы ережелер

      1. Осы түсіндірме (бұдан әрі – Түсіндірме) " ____ күнтізбелік жыл үшін өнім бірлігіне шаққанда нақты энергия тұтыну және (немесе) ғимараттар, құрылыстар, құрылысжайлар ауданының бірлігіне шаққанда жылытуға жұмсалған энергетикалық ресурстардың шығысы туралы ақпарат" әкімшілік деректерді жинауға арналған нысанды (бұдан әрі – нысан) толтыру бойынша бірыңғай тәртіпті айқындайды.

      2. Нысан "Энергия үнемдеу және энергия тиімділігін арттыру туралы" Қазақстан Республикасы Заңының 5-бабы 4) тармақшасына сәйкес әзірленді.

      3. Нысан Мемлекеттік энергетикалық тізілім субъектілері жыл сайын есепті кезеңнің соңындағы жағдай бойынша мерзімде қағаз немесе электрондық жеткізгіште ұсынады. Нысандағы деректер өлшем бірліктерінде толтырылады.

      4. Нысанға бірінші басшы немесе есепке қол қоюға уәкілетті адамдар және жауапты адам қол қояды.

2-тарау. Нысанды толтыру бойынша түсіндірме

      1. Бекітілген норматив болған жағдайда Мемлекеттік энергетикалық тізілімнің әрбір субъектісінің және саланың ерекшелігі ескеріле отырып толтырылады;

      2. "Энергия тиімділігі нақты көрсеткішін есептеу" деген 4 бағанада орталық жылыту кезінде жылытуға жұмсалған Гигакалория санының және жылытылатын алаң мөлшерінің қатынасы ретінде толтырылады (мысалы: жылытуға 1 500 Гкал тұтынғанда және жылытылатын ауданы 3 000 м² – "1 500/3 000");

      3. "5" бағанада "4" бағанадан алынған мән толтырылады. (мысалы: 0,5);

      4. "Энергия тиімділігі нақты көрсеткішінің есебі" деген "4" бағанада дербес жылыту кезінде жылытуға және жылытылатын алаңдарға энергетикалық ресурс санының қатынасы ретінде толтырылады. Бұл ретте, энергетикалық ресурс ш.о.т. ауыстыру коэффициенті бойынша аудару (көмір үшін 0,626 және сұйытылған газ үшін 1,57) керек;

      5. қажет болған жағдайда жолдар қосылсын.

      * ӨБЭТ - Өнім бірлігіне нақты энергия тұтыну.

      1-нысан

Мемлекеттік мекемелер болып табылатын, мемлекеттік энергетикалық тізілім субъектілерінің атауы, бизнес сәйкестендіру нөмірі, мекенжайы және негізгі қызмет түрлері туралы ақпарат

      * 1) Мемлекеттік энергетикалық тізілім субъектісінің барлық қызмет түрлерін экономикалық қызмет түрлерінің жалпы сыныптаушыға сәйкес көрсету;

      2) егер Мемлекеттік энергетикалық тізілім субъектісі мүліктік жалдау (жалға алу) объектісі толық немесе ішінара болып табылған жағдайда, жалдау туралы шарттың көшірмесін қоса беру қажет.

      2-нысан

______ күнтізбелік жыл үшін заттай және ақшалай мәндегі энергетикалық ресурстар мен суды тұтыну көлемдері туралы ақпарат 20___жылғы есепті кезең

      Нысан Қазақстан Республикасы Индустрия және инфрақұрылымдық даму министірлігінің интернет-ресурста орналастырылған.

      Индекс: 2 –ТК*

      Кезеңділігі – жыл сайын

      Ұсыну мерзімі: 1 сәуірге дейін

      Ақпаратты ұсынатын тұлғалар тобы: мемлекеттік мекемелер.

      Нысан Энергия үнемдеу және энергия тиімділігін арттыру саласындағы ұлттық даму институтына ұсынылады.

      * ТК – тұтыну көлемі.

1-бөлім. Энергетикалық ресурстарды тұтыну көлемдері туралы ақпаратты көрсетіңіз

2-бөлім. Тұтынылатын су мөлшерін көрсетіңіз

3-бөлім. Ай бойынша жылу энергиясы мен ыстық судың тұтыну көлемдерін көрсетіңіз

      Жауапты адам

      _____________________________________________________ ______________

      тегі, аты және әкесінің аты (бар болған жағдайда)             қолы

      Басшы немесе қол қоюға уәклетті адам

      _____________________________________________________ _______________

      тегі, аты және әкесінің аты (бар болған жағдайда)             қолы

      Мөрдің орны (бар болған жағдайда)

Әкімшілік деректерді жинауға арналған нысанды толтыру бойынша түсіндірме Заттай және ақшалай мәндегі энергетикалық ресурстарды және суды тұтыну көлемдері туралы ақпарат (2-индекс –ТК *, кезеңділігі жыл сайын)

1-тарау. Жалпы ережелер

      1. Осы түсіндірме (бұдан әрі – Түсіндірме) "Заттай және ақшалай мәндегі энергетикалық ресурстар мен суды тұтыну көлемдері туралы ақпарат" әкімшілік деректерді жинауға арналған нысанды (бұдан әрі – Нысан) толтыру бойынша бірыңғай тәртіпті айқындайды.

      2. Нысан "Энергия үнемдеу және энергия тиімділігін арттыру туралы" Қазақстан Республикасы Заңының 5-бабы 4) тармақшасына сәйкес әзірленді.

      3. Толтырылған нысан Мемлекеттік энергетикалық тізілім субъектілері жыл сайын есепті кезеңнің соңындағы жағдай бойынша мерзімде қағаз немесе электрондық форматта (PDF және Excel) ұсынады. Нысандағы деректер өлшем бірліктерінде толтырылады.

      4. Нысанға бірінші басшы немесе есепке қол қоюға уәкілетті адамдар және жауапты адам қол қояды.

2-тарау. Нысанды толтыру бойынша түсіндірме

      1. 1-бөлімде мынадай деректерді көрсетіңіз:

      1) "3" және "4" бағанада тұтынылатын энергетикалық ресурстардың өлшем бірлігін заттай мәнде көрсетіңіз;

      2) егер Мемлекеттік энергетикалық тізілім субъектісі уайт-спирит және (немесе) майлау материалдарын тұтынатын болса, онда энергия алу үшін жұмсалатын энергетикалық ресурстардың бөлігі (үлесі) көрсетіледі;

      3) "5" бағанада энергетикалық ресурстарын сатып алуға жұмсалған шығыстарды, қосылған құн салығын қоса алғанда мың теңгемен көрсетіңіз;

      4) мәлімет болмаған жағдайда Нысан нөлдік қалдықпен ұсынылады.

      2. 2-бөлімде мынадай деректерді көрсетіңіз:

      1) суды есепке алу аспаптары болмаған жағдайда тиісті бағанда "есепке алу жүргізілмейді" деп жазылады;

      2) "3" бағанада заттай мәндегі тұтынылған су көлемі және ақшалай көріністегі баламасы көрсетіледі.

      * ТК – тұтыну көлемі.

      3-нысан

Ғимараттардың, құрылыстардың, құрылысжайлардың ауданы бірлігіне жылытуға жұмсалған энергетикалық ресурстардың жылыту көздерін және шығыны туралы ақпарат, сондай-ақ энергия тұтынатын жабдық және энергия үнемдеу мен энергия тиімділігін арттыру жөніндегі іс–шаралар туралы ақпарат

      20___жылғы есепті кезең

      Нысан Қазақстан Республикасы Индустрия және инфрақұрылымдық даму министрлігінің интернет-ресурста орналастырылған.

      Индекс: 3 – ЖШЭЖЭҮШ *

      Кезеңділігі – жыл сайын

      Ұсыну мерзімі: 1 сәуірге дейін

      Ақпаратты ұсынатын тұлғалар тобы: мемлекеттік мекемелер.

      Нысан Энергия үнемдеу және энергия тиімділігін арттыру саласындағы ұлттық даму институтына ұсынылады.

      * ЖШЭЖЭҮШ – ғимараттар, құрылыстар, құрылысжайлар ауданының бірлігіне жылытуға жұмсалған шығыстар, сондай-ақ энергия тұтынатын жабдық және энергия үнемдеу жөніндегі шаралар туралы ақпарат.

1-бөлім. Әкімшілік ғимаратттар туралы жалпы мәліметтерді көрсетіңіз

2-бөлім. Энергия тиімділігінің көрсеткіші мен мәнінің есебін көрсетіңіз

      * м² – шаршы метр,

      м³ – текше метр,

      Гкал ̶ Гигакалория,

      кВт*сағ ̶ киловатт-сағат,

      л − литр,

      т − тонна.

3-бөлім. Автономды жылыту көзі туралы ақпаратты көрсетіңіз

4-бөлім. Жарық көздері туралы ақпаратты көрсетіңіз (ішкі және сыртқы)

5-бөлім. Энергия тұтынатын жабдықтардың тізбесі бойынша ақпаратты көрсетіңіз

6-бөлім. Энергия үнемдеу және энергия тиімділігін арттыру жөніндегі іс-шараларды көрсетіңіз

      Жауапты адам

      _____________________________________________________ ______________

      тегі, аты және әкесінің аты (бар болған жағдайда)             қолы

      Басшы немесе қол қоюға уәклетті адам

      ____________________________________________________ _______________

      тегі, аты және әкесінің аты (бар болған жағдайда)             қолы

      Мөрдің орны (бар болған жағдайда)

Әкімшілік деректерді жинауға арналған нысанды толтыру бойынша түсіндірме Ғимараттардың, құрылыстардың, құрылысжайлардың ауданы бірлігіне жылытуға жұмсалған жылыту көздері және энергетикалық ресурстардың шығыны туралы ақпарат, сондай-ақ энергия тұтынатын жабдық және энергия үнемдеу мен энергия тиімділігін арттыру жөніндегі іс-шаралар туралы ақпарат

      индексі 3 – ЖШЭЖЭҮШ *, кезеңділігі жыл сайын)

1-тарау. Жалпы ережелер

      1. Осы түсіндірме (бұдан әрі – Түсіндірме) "Ғимараттардың, құрылыстардың, қрылысжайлардың ауданы бірлігіне жылытуға жұмсалған жылыту көздері және энергетикалық ресурстардың шығыны туралы ақпарат, сондай-ақ энергия тұтынатын жабдық және энергия үнемдеу мен энергия тиімділігін арттыру жөніндегі іс-шаралар туралы ақпарат" әкімшілік деректерді жинауға арналған нысанды (бұдан әрі – нысан) толтыру бойынша бірыңғай тәртіпті айқындайды.

      2. Нысан "Энергия үнемдеу және энергия тиімділігін арттыру туралы" Қазақстан Республикасы Заңының 5-бабы 4) тармақшасына сәйкес әзірленді.

      3. Нысан Мемлекеттік энергетикалық тізілім субъектілері жыл сайын есепті кезеңнің соңындағы жағдай бойынша қағаз немесе электрондық жеткізгіште (PDF және Excel) ұсынады. Нысандағы деректер өлшем бірліктерінде толтырылады.

      4. Нысанға бірінші басшы немесе есепке қол қоюға уәкілетті адамдар және жауапты адам қол қояды.

2-тарау. Нысанды толтыру бойынша түсіндірме

      1. 1-бөлімде келесі деректерді көрсетіңіз:

      1) "Салынған жылы" деген тармақта барлық ғимараттардың, құрылыстардың және құрылысжайлардың салынған жылын көрсетіңіз;

      2) "Автоматтандырылған жылыту пунктінің болуы" деген тармақта, егер автоматтандырылған жылыту пункті орнатылған болса, "Иә" қойыңыз. Егер автоматтандырылған жылыту пункті болмаған жағдайда, бағанға "Жоқ" қойыңыз;

      3) "ғимараттардың, құрылыстардың және құрылысжайлардың ауданы, м²" деген тармақта шаршы метрдегі алаңды көрсетіңіз;

      4) "ғимараттардың, құрылыстардың және құрылысжайлардың жылытылатын ауданы, м²" деген тармақта шаршы метрде жылытылатын алаңды көрсетіңіз;

      5) "қызметкерлер, жұмыскерлер саны" деген тармақта, штаттық тізім бойынша қызметкерлердің санын көрсетіңіз;

      6) "оқушылар, тәрбиеленушілер саны" деген тармақта, бар болған жағдайда, оқушылар, тәрбиеленушілер санын көрсетіңіз;

      7) "келушілердің саны, төсек-орын" деген тармақта келушілердің санын көрсетіңіз немесе бар болса төсек-орын санын көрсетіңіз;

      8) қажет болған жағдайда жолдар қосылады.

      2. 2-бөлімде мынадай деректерді көрсетіңіз:

      1) "4" бағанада өлшем бірлігі "3" бағанада көрсетілген энергия тиімділігі нақты көрсеткішінің есебін көрсетіңіз (мысал: "1 000/300", мұнда 1 000 – жылытуға тұтынылатын энергетикалық ресурс саны, 300 – жылытылатын алаң мөлшерінің шаршы метр саны);

      2) "5" бағанада энергия тиімділігі нақты көрсеткішінің мәнін есептудің алынған нәтижесін "4" бағанада көрсетіңіз;

      3) жылудың бірнеше түрі қолданылған жағдайда, әрбір түрі бойынша есепті көрсету керек;

      4) қажет болған жағдайда жолдарды қосу керек.

      3. 3-бөлімде мынадай деректерді көрсетіңіз:

      1) автономды жылыту болған жағдайда толтырылады;

      2) "2" бағанада жылу көздерінің түрлері бойынша санын көрсету;

      3) су жылыту жабдығын пайдаланған жағдайда оны осы нысанда көрсету қажет;

      4) жылыту көздерінің бірнеше түрін пайдаланған жағдайда олардың әрқайсысын көрсету қажет;

      5) "3" бағанада жабдықтың техникалық паспортында көрсетілген жылыту көзінің пайдалы әсер коэффициенті көрсетіледі;

      6) "4" бағанада жабдықтың техникалық паспортында көрсетілген жылыту көзінің қуатын көрсету;

      7) "5" бағанада жылу көзінің пайдалануға берілген жылын көрсету;

      8) нысанда көрсетілмеген басқа жылу көзі болған жағдайда, төменнен жолдар қосу қажет.

      4. 4-бөлімде мынадай деректерді көрсетіңіз:

      1) "2" бағанада санаттар бойынша жарықтандыру құралдарының санын көрсету;

      2) "3" бағанада жарық беру құралының қуатын көрсету;

      3) әр түрлі қуатты жарықтандыру құралдарын пайдаланған жағдайда жолдар қосу;

      4) "4" бағанада жарық беру құралының тәулік ішіндегі жұмыс уақытын көрсету.

      5. 5-бөлімде мынадай көрсетіңіз:

      1) "2" бағанада кәсіпорында қолданылатын жабдық түрлерінің санын дана етіп көрсету керек. Болмаған жағдайда жабдық түрі үшін бағанды бос қалдыру;

      2) "3" бағанада пайдаланылатын жабдықтың қуатын көрсету;

      3) "4" бағанада тәулігіне энергия тұтыну жабдығын пайдалану сағаттарының санын көрсету;

      4) нысанда көрсетілмеген басқа энергия тұтыну жабдығы болған жағдайда, төменнен жолдар қосу қажет.

      6. 6-бөлімде мынадай деректерді көрсетіңіз:

      1) энергия үнемдеу және энергия тиімділігін арттыру жөніндегі қорытынды немесе энергия үнемдеу және энергия тиімділігін арттыру жөніндегі техникалық есеп болған жағдайда оның көшірмесін нысанға қоса беру қажет;

      2) энергия аудитінің немесе экспресс-энергия аудитінің қорытындылары бойынша әзірленген бекітілген іс-шаралар жоспары, сондай-ақ осы іс-шаралар жоспарына енгізілетін толықтырулар және(немесе) өзгерістер болған жағдайда, оның көшірмесін нысанға қоса беру қажет;

      3) ISO 50001 халықаралық стандартына сәйкестік сертификаты болған жағдайда, оның көшірмесін нысанға қоса беру қажет;

      4) "1" бағанада энергия үнемдеу және энергия тиімділігін арттыру мақсатында өткізілген іс-шараның атауын көрсетіңіз;

      5) "2" бағанада іс-шараны енгізген айды көрсетіңіз;

      6) "3" бағанада іс-шараны енгізген жылды көрсетіңіз;

      7) "4" бағанада қосылған құн салығын ескере отырып, іс-шараларды іске асыруға нақты инвестицияларды мың теңгемен көрсетіңіз;

      8) "5" бағанада іс-шараны енгізуден үнемделген энергетикалық ресурстың атауын көрсетіңіз;

      9) "6" бағанада іс-шараны енгізуден үнемделген энергетикалық ресурстардың санын заттай мәнде көрсетіңіз;

      10) "7" бағанада мың теңгемен ақша қаражатының нақты үнемделуін көрсетіңіз;

      11) қажет болған жағдайда жолдар қосылады.

      * ЖШЭЖЭҮШ – ғимараттар, құрылыстар, құрылысжайлар ауданының бірлігіне жылытуға жұмсалған шығындар, сондай-ақ энергия тұтынатын жабдық және энергия үнемдеу жөніндегі іс-шаралар туралы ақпарат.

Энергетикалық ресурстарды шартты отынға ауыстыру коэффициентері

Энергетикалық ресурстарды Гигаджоульге ауыстыру коэффициенттері