"Құқықтық актілер туралы" Қазақстан Республикасы Заңының 27-бабының 1-тармағына және 36-бабына, "Қазақстан Республикасының мемлекеттік басқару жүйесін одан әрі жетілдіру жөніндегі шаралар туралы" Қазақстан Республикасы Президентінің 2022 жылғы 11 маусымдағы № 917 Жарлығына, "Қазақстан Республикасы Ғылым және жоғары білім министрлігінің кейбір мәселелері туралы" Қазақстан Республикасы Үкіметінің 2022 жылғы 19 тамыздағы № 580 қаулысының 15-тармағының 31) тармақшасына сәйкес БҰЙЫРАМЫН:
1. Қоса беріліп отырған Білім туралы құжаттарды тану қағидалары бекітілсін.
2. Қазақстан Республикасы Ғылым және жоғары білім министрлігінің Ғылым және жоғары білім саласындағы сапаны қамтамасыз ету комитеті заңнамада белгіленген тәртіппен:
1) осы бұйрықтың Қазақстан Республикасы Әділет министрлігінде мемлекеттік тіркелуін;
2) осы бұйрық ресми жарияланғаннан кейін оны Қазақстан Республикасы Ғылым және жоғары білім министрлігінің интернет-ресурсында орналастыруды;
3) осы бұйрық мемлекеттік тіркелгеннен кейін он жұмыс күні ішінде Қазақстан Республикасы Ғылым және жоғары білім министрлігінің Заң департаментіне осы тармақтың 1) және 2) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.
3. Осы бұйрықтың орындалуын бақылау жетекшілік ететін Қазақстан Республикасының Ғылым және жоғары білім вице-министріне жүктелсін.
4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.
|
Қазақстан Республикасының Ғылым және жоғары білім министрі |
С. Нурбек |
"КЕЛІСІЛДІ"
Қазақстан Республикасы
Цифрлық даму, инновациялар
және аэроғарыш өнеркәсібі министрлігі
_____________________
2023 ж. "__" ___________
| Қазақстан Республикасының Ғылым және жоғары білім министрі 2023 жылғы 12 маусымдағы № 268 бұйрығына қосымша |
Білім туралы құжаттарды тану қағидалары
1-тарау. Жалпы ережелер
1. Осы Білім туралы құжаттарды тану қағидалары (бұдан әрі – Қағидалар) "Мемлекеттік көрсетілетін қызметтер туралы" Қазақстан Республикасы Заңының (бұдан әрі – Мемлекеттік көрсетілетін қызметтер туралы заң) 10-бабының 1) тармақшасына, "Қазақстан Республикасы Ғылым және жоғары білім министрлігінің кейбір мәселелері туралы" Қазақстан Республикасы Үкіметінің 2022 жылғы 19 тамыздағы № 580 қаулысының 15-тармағының 31) тармақшасына сәйкес әзірленген және шетелдік білім беру ұйымдарында, оның ішінде олардың филиалдарында, сондай-ақ ғылыми орталықтар мен зертханаларда білім алған жеке адамдардың жоғары және жоғары білімнен кейінгі білім туралы құжаттарын тану тәртібін айқындайды.
2. Қағидаларда мынадай ұғымдар пайдаланылады:
1) аттестациялық іс – Қазақстан Республикасы азаматтарының, шетелдіктер мен азаматтығы жоқ адамдардың шетелде алған ғылыми дәреже беру туралы құжатты тану үшін жіберілетін құжаттар топтамасы;
2) білім туралы құжаттарды тану – бұл шетелдік білім беру ұйымдары, оның ішінде олардың филиалдары, сондай-ақ ғылыми орталықтар мен зертханалар берген білім туралы құжаттарды ресми растау;
3) бiрыңғай байланыс орталығы – мемлекеттік қызметтер көрсету саласындағы уәкілетті орган айқындаған, көрсетiлетiн қызметтi алушыларға мемлекеттiк және өзге де қызметтер көрсету мәселелерi бойынша – ақпарат, сондай-ақ мемлекеттік органдарға ақпараттық-коммуникациялық қызметтер көрсету мәселелері бойынша ақпарат беру жөнiндегi ақпараттық-анықтамалық қызмет функцияларын орындайтын заңды тұлға;
4) диссертация – философия докторы (PhD), бейіні бойынша доктор, ғылым кандидаты, ғылым докторы, хабилитацияланған доктор даярлау бойынша нақты мамандық/білім беру бағдарламасы бойынша шетелде қорғалған біліктілік ғылыми жұмысы;
5) сараптамалық бағалау – білім туралы шетелдік құжаттың ұлттық заңнаманы ескере отырып, оның иегерінің оқуын жалғастыруға және/немесе жұмысқа орналасуына қол жеткізу мақсатында академиялық және (немесе) кәсіби құқықтарын бере отырып, оның тең маңыздылығын ресми түрде белгілеу;
6) философия докторы (РhD), бейіні бойынша доктор – ғылыми-педагогикалық бағыт немесе кәсіптік қызметтің тиісті саласы бойынша докторантура бағдарламасын меңгерген және Қазақстан Республикасында немесе одан тысқары жерде диссертация қорғаған адамдарға берілетін, Қазақстан Республикасының заңнамасында белгіленген тәртіппен танылған дәрежелер;
7) цифрлық құжаттар сервисі – "электрондық үкіметтің" ақпараттық-коммуникациялық инфрақұрылымының операторға бекітіп берілген және ақпараттандыру объектілерінен алынған мәліметтер негізінде қалыптастырылған электрондық түрдегі құжаттарды көрсетуге және пайдалануға арналған объектісі.
3. Білім туралы құжаттарды тану жеке адамдарға (бұдан әрі – көрсетілетін қызметті алушы) қатысты жүзеге асырылады.
4. "Жоғары және жоғары оқу орнынан кейінгі білім туралы құжаттарды тану" мемлекеттік қызметін (бұдан әрі – мемлекеттік көрсетілетін қызмет) Қазақстан Республикасы Ғылым және жоғары білім министрлігінің "Жоғары білім беруді дамыту ұлттық орталығы" шаруашылық жүргізу құқығындағы республикалық мемлекеттік кәсіпорны (бұдан әрі – көрсетілетін қызметті беруші) көрсетеді.
Білім туралы құжаттарды тану туралы шешімді көрсетілетін қызметті беруші қабылдайды.
5. Көрсетілетін қызметті беруші Мемлекеттік көрсетілетін қызметтер туралы Заңының 5-бабы 2-тармағының 11) тармақшасына сәйкес мемлекеттік қызмет көрсету мониторингінің ақпараттық жүйесіне мемлекеттік қызметті көрсету сатысы туралы мәліметтерді енгізуді қамтамасыз етеді.
6. Қазақстан Республикасының ғылым және жоғары білім беру саласындағы уәкілетті органы 3 (үш) жұмыс күні ішінде Қағидаларға енгізілген өзгерістер мен толықтырулар туралы көрсетілетін қызметті берушілерге, "Азаматтарға арналған үкімет" мемлекеттік корпорациясы" коммерциялық емес акционерлік қоғамына (бұдан әрі – Мемлекеттік корпорация), "электрондық үкіметтің" ақпараттық-коммуникациялық инфрақұрылым операторына, сондай-ақ Бірыңғай байланыс орталығына хабарлайды.
2-тарау. Білім туралы құжаттарды тану тәртібі
7. Мемлекеттік көрсетілетін қызметті алу үшін көрсетілетін қызметті алушы көрсетілетін қызметті берушіге Қағидаларға 1-қосымшаға сәйкес мемлекеттік көрсетілетін қызметіне қойылатын Негізгі талаптар тізбесінің 8-тармағының 1) тармақшасында көрсетілген құжаттарды қоса бере отырып, Қағидаларға 1-қосымшаға сәйкес нысан бойынша өтінішті "электрондық үкімет" веб-порталы (бұдан әрі – портал) арқылы не Мемлекеттік корпорация арқылы жібереді.
Көрсетілетін қызметті алушы Мемлекеттік корпорация арқылы мемлекеттік қызметті алуға жүгінген кезде Мемлекеттік корпорацияның қызметкері құжаттарды қабылдауды жүзеге асырады және көрсетілетін қызметті алушыға тиісті құжаттардың қабылданғаны туралы қолхат береді, көрсетілетін қызметті алушы құжаттардың толық емес топтамасын, сондай-ақ қолданылу мерзімі өткен құжаттарды ұсынған кезде құжаттарды қабылдаудан бас тартады және Қағидаларға 2-қосымшаға сәйкес қолхат береді.
Өтініш портал арқылы жіберілген кезде көрсетілетін қызметті берушінің кеңсе қызметкері келіп түскен күні өтінішті тіркейді және оны басшының жетекшілік ететін орынбасарына қайта жібереді, ол жауапты қызметкерді 1 (бір) жұмыс күні ішінде айқындайды. Құжаттар топтамасы толық жіберілмеген жағдайда көрсетілетін қызметті берушінің жауапты қызметкері көрсетілетін қызметті алушының өтінішін қабылдаудан/одан әрі қараудан бас тартады. Өтініштер мен құжаттарды қабылдау күні мемлекеттік қызмет көрсету мерзіміне кірмейді.
8. Мемлекеттік көрсетілетін қызметіне қойылатын негізгі талаптардың тізбесі (бұдан әрі – Негізгі талаптардың тізбесі), оның ішінде процестің сипаттамаларын, нысанын, мазмұны мен нәтижесін, сондай-ақ мемлекеттік көрсетілетін қызметтің ерекшеліктерін ескере отырып, өзге де мәліметтер Қағидаларға 3-қосымшада көрсетілген.
1-параграф. Жоғары және жоғары оқу орнынан кейінгі білім туралы құжаттарды тану тәртібі
9. Құжаттарды тануға басқа мемлекеттерде және халықаралық немесе шетелдік білім беру ұйымдары, оның ішінде олардың филиалдары, сондай-ақ ғылыми орталықтар мен зертханаларда білім алған жеке адамдардың жоғары және жоғары оқу орнынан кейінгі білімі туралы құжаттар жатады.
Ғылыми дәреже беру туралы құжатты тану Қағидаларға 2-параграфқа сәйкес жүргізіледі.
Білім туралы құжаттарды тану білім туралы құжаттың түпнұсқалығын анықтау, білім туралы құжатты берген білім беру ұйымында (ғылыми орталықта, зертханада) оны беру кезінде тиісті білім беру қызметін жүзеге асыру құқығының болуын анықтау, қажет болған жағдайда сараптамалық бағалау жүргізу арқылы жүзеге асырылады.
10. Заңдастырылған немесе апостильденген білім туралы құжаттарды тану туралы өтінішті қарау мерзімі портал не Мемлекеттік корпорация арқылы жүгінген кезде:
1) көрсетілетін қызметті берушінің кеңсе қызметкері келіп түскен күні өтінішті тіркейді және оны басшының жетекшілік ететін орынбасарына жолдайды, ол бір жұмыс күні ішінде жауапты қызметкерді айқындайды;
2) көрсетілетін қызметті берушінің жауапты қызметкері 8 (сегіз) жұмыс күні ішінде Қазақстан Республикасының аумағында заңдық күші бар білім туралы құжаттарды тану мәселелері бойынша халықаралық шарттарға (келісімдерге) сәйкес білім туралы құжаттарды тану рәсімін жүргізеді;
Діни білім туралы құжаттар келіп түскен кезде көрсетілетін қызметті берушінің жауапты қызметкері тиісті саланың мамандарын тартады.
Халықаралық шарттар болмаған кезде білім туралы құжаттың Қазақстан Республикасы заңнамасының талаптарына сәйкестігін сараптамалық бағалау жолымен тану рәсімін жүргізеді, қажет болған жағдайда тиісті салалардың мамандарын тартады.
3) көрсетілетін қызметті берушінің жауапты қызметкері тану/сараптамалық бағалау негізінде 2 (екі) жұмыс күні ішінде білім туралы құжатты тану туралы бұйрық шығарады не Негізгі талаптар тізбесінің 9-тармағына сәйкес мемлекеттік қызмет көрсетуден бас тарту туралы дәлелді жауап беріледі;
4) білім туралы құжатты тану туралы бұйрықтың негізінде 2 (екі) жұмыс күні ішінде Қағидаларға 4 немесе 5-қосымшаға сәйкес нысаны бойынша білім туралы құжатты тану туралы куәлік ресімделеді
5) мемлекеттік қызметті көрсету нәтижесі:
портал арқылы жүгінген кезде білім туралы құжатты тану туралы электрондық куәлік электрондық цифрлық қолтаңбамен қол қойылған электрондық құжат нысанындағы сенімхаттың электрондық көшірмесі негізінде көрсетілетін қызметті алушының немесе уәкілетті өкілдің "жеке кабинетіне" жіберіледі;
Мемлекеттік корпорация арқылы жүгінген кезде жауапты құрылымдық бөлімшенің жауапты қызметкері ілеспе хат дайындайды және білім туралы құжатты тану туралы куәлікті Мемлекеттік корпорацияға жібереді. Бұл ретте, көрсетілетін қызметті беруші Мемлекеттік көрсетілетін қызмет нәтижесін Мемлекеттік корпорацияға мемлекеттік қызмет көрсету мерзімі аяқталғанға дейін бір тәуліктен кешіктірмей жеткізуді қамтамасыз етеді.
11. Көрсетілетін қызметті берушіге заңдастырылмаған немесе апостильденбеген білім туралы құжаттарды тануға арналған құжаттардың толық топтамасы портал не Мемлекеттік корпорация арқылы келіп түскен кезде:
1) көрсетілетін қызметті берушінің кеңсе қызметкері келіп түскен күні өтінішті тіркейді және оны басшының жетекшілік ететін орынбасарына жолдайды, ол бір жұмыс күні ішінде жауапты қызметкерді айқындайды;
2) көрсетілетін қызметті берушінің жауапты қызметкері өтініш келіп түскен сәттен бастап 1 (бір) жұмыс күні ішінде білім туралы құжатты беру фактісін және білім туралы құжатты берген білім беру ұйымында білім беру қызметін жүзеге асыру құқығының болуын растауды алу мақсатында шетелдік білім беру ұйымына, ғылыми орталыққа немесе зертханаға ресми сұрау салу жібереді;
3) көрсетілетін қызметті берушінің жауапты қызметкері ресми сұрау салу жіберілген сәттен бастап жауапты күту барысында Қазақстан Республикасының аумағында заң күші бар білім туралы құжаттарды тану мәселелері бойынша халықаралық шарттарға (келісімдерге) сәйкес білім туралы құжаттарды тану рәсімін жүргізеді.
Діни білім туралы құжаттар келіп түскен кезде көрсетілетін қызметті берушінің жауапты қызметкері тиісті саланың мамандарын тартады.
Халықаралық шарттар болмаған кезде білім туралы құжаттың Қазақстан Республикасы заңнамасының талаптарына сәйкестігін сараптамалық бағалау жолымен тану рәсімін жүргізеді, қажет болған жағдайда тиісті салалардың мамандарын тартады;
4) егер білім беру ұйымы, ғылыми орталық немесе білім туралы құжат берген зертхана 20 (жиырма) жұмыс күні ішінде көрсетілетін қызметті берушінің ресми сұрау салуына (электрондық пошта немесе ресми түрде) жауап бермесе, көрсетілетін қызметті берушінің жауапты қызметкері 2 (екі) жұмыс күні ішінде құжаттарды қайтару туралы дәлелді жауапты ресімдейді;
5) көрсетілетін қызметті берушінің жауапты қызметкерінің тану/сараптамалық бағалау негізінде оң жауап алған жағдайда 2 (екі) жұмыс күні ішінде білім туралы құжатты тану туралы бұйрық шығарылады не Негізгі талаптар тізбесінің 9-тармағына сәйкес мемлекеттік қызмет көрсетуден бас тарту туралы дәлелді жауап беріледі;
6) білім туралы құжатты тану туралы бұйрықтың негізінде 2 (екі) жұмыс күні ішінде Қағидаларға 4 немесе 5-қосымшаға сәйкес нысан бойынша білім туралы құжатты тану туралы куәлік ресімделеді;
7) мемлекеттік қызметті көрсету нәтижесі:
портал арқылы жүгінген кезде білім туралы құжатты тану туралы электрондық куәлік электрондық цифрлық қолтаңбамен қол қойылған электрондық құжат нысанындағы сенімхаттың электрондық көшірмесі негізінде көрсетілетін қызметті алушының немесе уәкілетті өкілдің "жеке кабинетіне" жіберіледі;
Мемлекеттік корпорация арқылы жүгінген кезде жауапты құрылымдық бөлімшенің жауапты қызметкері ілеспе хат дайындайды және білім туралы құжатты тану туралы куәлікті Мемлекеттік корпорацияға жібереді. Бұл ретте, көрсетілетін қызметті беруші Мемлекеттік көрсетілетін қызмет нәтижесін Мемлекеттік корпорацияға мемлекеттік қызмет көрсету мерзімі аяқталғанға дейін бір тәуліктен кешіктірмей жеткізуді қамтамасыз етеді.
12. Үш халықаралық академиялық рейтингке және олардың екеуінің немесе одан да көбінің алғашқы 250 (екі жүз елу) позицияларының қатарына кіретін: (әлемнің үздік университеттерінің әлемдік рейтингісі Квакарелли Саймондс (QS World University Rankings, КьюЭс Ворлд Юниверсити Ранкинг), әлем университеттерінің академиялық рейтингісі (Academic Ranking of World Universities, Академик Ранкинг оф Ворлд Юниверситиес), Таймс (Times Higher Education World University Rankings, Таймс Хайер Едукейшн Ворлд Юниверсити Ранкинг) басылымының нұсқасы бойынша әлемнің үздік университеттерінің рейтингісіне енгізілген жоғары және (немесе) жоғары оқу орнынан кейінгі білім беру ұйымдарында (бұдан әрі – ЖЖОКБҰ) алған білім туралы құжаттары білім туралы құжаттың түпнұсқалығын анықтау арқылы ғана танылады.
Тармақтың бірінші бөлігінде көрсетілген ЖЖОКБҰ-ның білімі туралы құжаттар беру сәтінде білім туралы құжаттың түпнұсқалығын белгілеу жолымен ғана танылады. Тану көрсетілетін қызметті берушінің Қағидаларға 4-қосымшаға сәйкес нысан бойынша куәлік беруі негізінде жүзеге асырылады.
13. Білім туралы құжаттарды тану рәсімінен мынадай адамдар өтпейді:
1) "Болашақ" халықаралық стипендиясының иегерлері;
2) танудан босататын мынадай халықаралық шарттарға (келісімдерге) қол қойған елдердің білім беру ұйымдарының білімі туралы құжаттардың иегерлері:
1) 1992 жылғы 15 мамырдағы Тәуелсіз Мемлекеттер Достастығының "Білім беру саласындағы ынтымақтастық туралы" келісімі;
2) 2014 жылғы 29 мамырдағы Еуразиялық экономикалық одақ туралы шарты;
3) 2017 жылғы 9 қарашадағы Қазақстан Республикасының Үкіметі мен Ресей Федерациясының Үкіметі арасындағы М.В. Ломоносов атындағы Мәскеу мемлекеттік университетінің Қазақстандық филиалының жұмыс істеуі туралы келісімі.
14. Өзара тану туралы халықаралық шарттарға (келісімдерге) қол қойған елдердің білімі туралы құжаттар мынадай тәртіппен танылады:
1) Егер білім туралы құжат заңдастырылмаған немесе апостиль қойылмаған болса, білім туралы құжаттың түпнұсқалығын белгілеу;
2) білім туралы құжат берген білім беру ұйымында (ғылыми орталықта, зертханада) оны беру сәтінде тиісті білім беру қызметін жүзеге асыру құқығының болуын белгілеу.
Өзара тану туралы халықаралық шарттарға (келісімдерге) қол қойған елдердің білімі туралы құжаттарды тану көрсетілетін қызметті берушінің Қағидаларға 4-қосымшаға сәйкес нысан бойынша куәлік беруі негізінде жүзеге асырылады.
15. Өзара тану туралы халықаралық шарттар (келісімдер) болмаған кезде білім туралы құжаттар мынадай тәртіппен сараптамалық бағалау жүргізе отырып танылады:
1) егер білім туралы құжат заңдастырылмаған немесе апостиль қойылмаған болса, білім туралы құжаттың түпнұсқалығын белгілеу;
2) білім туралы құжат берген білім беру ұйымында (ғылыми орталықта, зертханада) оны беру сәтінде тиісті білім беру қызметін жүзеге асыру құқығының болуын белгілеу;
3) Білім және (немесе) біліктілік деңгейін бағалау;
4) оқу кезеңдерін бағалау;
5) оқыту мерзімдері мен нысанын бағалау;
6) осы құжат берілген мемлекетте білім туралы құжатты иеленушіге берілетін академиялық және (немесе) кәсіптік құқықтардың Қазақстан Республикасында белгіленген үлгідегі білім туралы тиісті құжаттарға берілетін құқықтарға тең екендігін айқындау;
7) қосымша білімнің болуын айқындау (білім беру деңгейінде, оқу кезеңдерінде, оқыту мерзімдері мен нысанындағы айырмашылықтар анықталған кезде);
8) мамандық немесе білім беру бағдарламасы бойынша практикалық дағдылар мен жұмыс тәжірибесінің болуын айқындау (білім беру деңгейінде, оқу кезеңдерінде, оқыту мерзімдері мен нысанында айырмашылықтар анықталған кезде).
16. Сараптамалық бағалау жүргізу және білім беру деңгейіндегі, оқыту кезеңдеріндегі, оқыту мерзімдері мен нысанындағы айырмашылықтарды анықтау кезінде білім туралы құжатты тану қосымша білім алуды және оқуды, мәлімделген мамандық немесе білім беру бағдарламасы бойынша 5 жылдан астам практикалық дағдылар мен жұмыс тәжірибесінің болуын растайтын құжаттарды ескере отырып жүргізіледі.
Егер шетелдiк бiлiм беру ұйымы, ғылыми орталық немесе зертханалар берген бiлiм туралы құжатта Қазақстан Республикасының бiлiм беру деңгейлерi бойынша кадрлар даярлау бағыттарының немесе бiлiктiлiктердiң, мамандықтардың сыныптауыштарында жоқ бiлiктiлiктер көрсетiлген жағдайда, білім беру мазмұны оқытудың тиісті саласы немесе біліктілік, мамандық бойынша жүзеге асырылады.
17. Білім туралы құжаттарды тану рәсімінің нәтижелері бойынша көрсетілетін қызметті беруші төмендегі шешімдердің бірін қабылдайды:
1) Қағидаларға 14-тармағында көрсетілген құжаттар санаты үшін оқуды жалғастыруға және (немесе) жұмысқа орналасуға құқық бере отырып, ұсынылған құжат бойынша білім туралы құжатқа сәйкес білім туралы құжатты тану туралы;
2) Қағидаларға 15-тармағында көрсетілген құжаттар санаты үшін оқуды жалғастыруға және (немесе) жұмысқа орналасуға құқық бере отырып, тиісті білім деңгейі/дәрежесі, мамандығы немесе кадрлар даярлау бағыты, біліктілігі бойынша білімі туралы құжатты тану туралы;
3) мемлекеттік қызмет көрсетуден бас тарту туралы дәлелді жауап.
18. Негізгі талаптар тізбесінің 9-тармағында көзделген мемлекеттік қызметті көрсетуден бас тарту үшін негіздер болған кезде көрсетілетін қызметті беруші көрсетілетін қызметті алушыға мемлекеттік қызметті көрсетуден бас тарту туралы алдын ала шешім туралы, сондай-ақ көрсетілетін қызметті алушының алдын ала шешім бойынша ұстанымын білдіру мүмкіндігі үшін тыңдауды өткізу уақыты, орны мен тәсілі туралы хабарлайды. Хабарлама (Хабарлама) ұялы байланыстың абоненттік нөмірі бойынша немесе электрондық мекен-жай бойынша не хабарламаны немесе шақыруды тіркеуді қамтамасыз ететін өзге де байланыс құралдарын пайдалана отырып мәтіндік хабарламамен жіберіледі.
Тыңдау туралы хабарлама дәлелді бас тарту туралы шешім қабылданғанға дейін кемінде 3 (үш) жұмыс күні бұрын жіберіледі.
Көрсетілетін қызметті алушының қарсылығын алдын ала шешім бойынша көрсетілетін қызметті беруші оны алған күннен бастап 2 (екі) жұмыс күні ішінде қабылдайды.
Тыңдау нәтижелері бойынша көрсетілетін қызметті беруші Мемлекеттік қызмет көрсету туралы шешім қабылдайды не дәлелді бас тартуды қалыптастырады.
19. Тану туралы куәлік, білімі туралы құжаттарды қайтару немесе мемлекеттік қызметті көрсетуден бас тарту туралы дәлелді жауап Мемлекеттік корпорация арқылы көрсетілетін қызметті алушыға немесе нотариалды куәландырылған сенімхат бойынша үшінші тұлғаға беріледі не көрсетілетін қызметті берушінің басшысының немесе уәкілетті тұлғасының электрондық цифрлық қолтаңбамен (бұдан әрі – ЭЦҚ) қойылған электрондық құжат нысанында көрсетілетін қызметті алушының "жеке кабинетіне" жіберіледі.
2-параграф. Ғылыми дәреже беру туралы құжаттарды тану тәртібі
20. Қазақстан Республикасы азаматтарының, шетелдіктердің және азаматтығы жоқ адамдардың шетелде алған ғылыми дәреже беру туралы құжаттарды тану рәсімі екі кезеңде жүргізіледі:
1) дәреже беру туралы құжаттың түпнұсқалығын анықтау;
2) диссертация және ғылыми мақалалар сараптамасы.
21. Қағидалардың 20-тармағының 2) тармақшасында көрсетілген диссертациялар мен ғылыми жарияланымдарға сараптама жүргізу кезеңі келесі адамдардың санаттары үшін жүргізілмейді:
1) диссертация қорғаған үш халықаралық академиялық рейтингтің (әлемнің үздік университеттерінің әлемдік рейтингісі Квакарелли Саймондс (QS World University Rankings, КьюЭс Ворлд Юниверсити Ранкинг), әлем университеттерінің академиялық рейтингісі (Academic Ranking of World Universities, Академик Ранкинг оф Ворлд Юниверситиес), Таймс (Times Higher Education World University Rankings, Таймс Хайер Едукейшн Ворлд Юниверсити Ранкинг) бірінің алғашқы 250 (екі жүз елу) позициясының қатарына кіретін жоғары және (немесе) ЖЖОКБҰ-да диссертация қорғаған адамдар үшін;
2) "Болашақ" халықаралық стипендиясын иеленушілерге оқу үшін ұсынылатын ұйымдардың тізіміне енгізілген ЖЖОКБҰ-да, ғылыми орталықтарда, зертханаларда диссертация қорғаған;
3) еңбек көші-қон шеңберінде ЖЖОКБҰ-мен шақырылған шетел азаматтары үшін;
4) Қазақстан Республикасы Қорғаныс министрлігі, Ұлттық қауіпсіздік органдары, Қазақстан Республикасы Ішкі істер министрлігі және Қазақстан Республикасы Бас прокуратурасы ғылыми және ғылыми-педагогикалық кадрлар даярлау бағдарламалары бойынша оқытуға жіберілген адамдар, сондай-ақ мемлекеттік құпияларды қамтитын диссертация қорғаған адамдар үшін;
5) шетелдік өнер ұйымдарында орындаушылық өнердің жоғары дәрежесі үшін екінші деңгейдегі магистр немесе философия докторы (PhD), бейіні бойынша доктор дипломдарын алған адамдар үшін;
6) хабилитацияланған доктор (Dr.Habil) дипломын алған адамдар үшін.
22. Аспирантураның, докторантураның кәсіптік білім беру бағдарламалары бойынша оқуға жіберілген "Болашақ" халықаралық стипендиясының иегерлері ғылыми дәреже беру туралы құжаттарды тану рәсімінен өтпейді.
23. Қажетті құжаттардың тізбесі, сондай-ақ мемлекеттік қызметті көрсету ерекшеліктері ескерілген өзге де мәліметтер Негізгі талаптар тізбесінің 8-тармағының 2) тармақшасында көрсетілген.
24. Көрсетілетін қызметті берушіге портал не Мемлекеттік корпорация арқылы Қағидалардың 21-тармағында көрсетілген ғылыми дәрежелері туралы заңдастырылған немесе апостиль қойылған құжаттарды тану үшін құжаттардың толық топтамасы келіп түскен кезде:
1) көрсетілетін қызметті берушінің кеңсе қызметкері келіп түскен күні өтінішті тіркейді және оны басшының жетекшілік ететін орынбасарына жолдайды, ол бір жұмыс күні ішінде жауапты қызметкерді айқындайды;
2) көрсетілетін қызметті берушінің жауапты қызметкерінің оң қорытындысы негізінде 2 (екі) жұмыс күні ішінде білімі туралы құжатты тану туралы бұйрық шығарылады;
3) бұйрық негізінде 2 (екі) жұмыс күні ішінде Қағидаларға 6-қосымшаға сәйкес нысан бойынша шетелдік ғылыми дәреже беру туралы құжатты тану туралы куәлік беріледі;
4) мемлекеттік қызметті көрсету нәтижесі:
портал арқылы жүгінген кезде электрондық цифрлық қолтаңбамен қол қойылған ғылыми дәреже беру туралы құжатты тану туралы электрондық анықтама көрсетілетін қызметті алушының немесе уәкілетті өкілдің электрондық құжат нысанындағы сенімхаттың электрондық көшірмесі негізінде "жеке кабинетіне" жіберіледі;
Мемлекеттік корпорация арқылы жүгінген кезде жауапты құрылымдық бөлімшенің жауапты қызметкері ілеспе хат дайындайды және білімі туралы құжатты тану туралы куәлікті Мемлекеттік корпорацияға жібереді. Бұл ретте көрсетілетін қызметті беруші мемлекеттік қызмет көрсету мерзімінің аяқталуына бір күннен кешіктірмей мемлекеттік көрсетілетін қызмет нәтижесін Мемлекеттік корпорацияға жеткізуді қамтамасыз етеді.
25. Көрсетілетін қызметті берушіге портал не Мемлекеттік корпорация арқылы Қағидалардың 21-тармағында көрсетілген ғылыми дәрежелері туралы заңдастырылмаған немесе апостильденбеген құжаттарды тану үшін құжаттардың толық топтамасы келіп түскен кезде:
1) көрсетілетін қызметті берушінің кеңсе қызметкері келіп түскен күні өтінішті тіркейді және оны басшының жетекшілік ететін орынбасарына жолдайды, ол бір жұмыс күні ішінде жауапты қызметкерді айқындайды;
2) көрсетілетін қызметті алушы көрсетілетін қызметті берушінің жауапты қызметкері өтініш келіп түскен күннен бастап 1 (бір) жұмыс күні ішінде берілген білімі туралы құжат бойынша шетелдік деректер базасы арқылы білімі туралы құжаттарды беру фактісін белгілейді;
3) шетелдік дерекқорда құжат туралы мәліметтер болмаған жағдайда көрсетілетін қызметті берушінің жауапты қызметкері 1 (бір) жұмыс күні ішінде ғылыми дәреже беру туралы құжатты беру фактісін растау және ғылыми дәреже беру туралы құжатты берген ұйымда білім беру қызметін жүзеге асыру құқығының барын анықтау үшін шетелдік білім беру ұйымына, уәкілетті органға ресми сұрау салу жолдайды;
4) білім туралы құжатты берген білім беру ұйымы, ғылыми орталық немесе зертхана көрсетілетін қызметті берушінің ресми сұрау салуына 22 (жиырма екі) жұмыс күні ішінде жауапты (электрондық пошта арқылы немесе ресми түрде) ұсынбаған жағдайда, көрсетілетін қызметті берушінің жауапты қызметкері көрсетілетін қызметті беруші 2 (екі) жұмыс күні ішінде құжаттарды қайтару туралы дәлелді жауапты ресімдейді;
5) көрсетілетін қызметті берушінің жауапты қызметкерінің оң қорытындысы негізінде 2 (екі) жұмыс күні ішінде білімі туралы құжатты тану туралы бұйрық шығарылады;
6) бұйрық негізінде 2 (екі) жұмыс күні ішінде Қағидаларға 6-қосымшаға сәйкес нысан бойынша шетелдік білімі туралы құжатты тану туралы электрондық куәлік беріледі;
7) мемлекеттік қызметті көрсету нәтижесі:
портал арқылы жүгінген кезде электрондық цифрлық қолтаңбамен қол қойылған ғылыми дәреже беру туралы құжатты тану туралы электрондық анықтама көрсетілетін қызметті алушының немесе уәкілетті өкілдің электрондық құжат нысанындағы сенімхаттың электрондық көшірмесі негізінде "жеке кабинетіне" жіберіледі;
Мемлекеттік корпорация арқылы жүгінген кезде жауапты құрылымдық бөлімшенің жауапты қызметкері ілеспе хат дайындайды және ғылыми дәреже беру туралы құжатты тану туралы куәлікті Мемлекеттік корпорацияға жібереді. Бұл ретте көрсетілетін қызметті беруші мемлекеттік қызмет көрсету мерзімінің аяқталуына бір күннен кешіктірмей мемлекеттік көрсетілетін қызмет нәтижесін Мемлекеттік корпорацияға жеткізуді қамтамасыз етеді.
26. Көрсетілетін қызметті берушіге портал не Мемлекеттік корпорация арқылы Қағидалардың 21-тармағында көрсетілмеген ғылыми дәрежелері туралы заңдастырылған немесе апостиль қойылған құжаттарды тану үшін құжаттардың толық топтамасы келіп түскен кезде:
1) көрсетілетін қызметті берушінің кеңсе қызметкері келіп түскен күні өтінішті тіркейді және оны басшының жетекшілік ететін орынбасарына жолдайды, ол бір жұмыс күні ішінде жауапты қызметкерді айқындайды;
2) көрсетілетін қызметті алушы құжаттардың толық топтамасын тапсырған кезде көрсетілетін қызметті берушінің жауапты қызметкері 2 (екі) жұмыс күні ішінде көрсетілетін қызметті алушының аттестаттау ісін Қазақстан Республикасы Ғылым және жоғары білім министрлігі Ғылым және жоғары білім саласындағы сапаны қамтамасыз ету комитетінің Сараптамалық кеңесіне сараптамаға жібереді (бұдан әрі – Сараптамалық кеңес).
3) диссертацияны Сараптамалық кеңесте қарау мерзімі 48 (қырық сегіз) жұмыс күнінен аспайды. Сараптама Қазақстан Республикасы Білім және ғылым министрінің 2011 жылғы 31 наурыздағы № 127 бұйрығымен бекітілген (Нормативтік құқықтық актілерді мемлекеттік тіркеу тізілімінде № 6951 болып тіркелген) Ғылыми дәреже беру қағидаларының 18-тармағына сәйкес өткізіледі (бұдан әрі – Ғылыми дәрежелер беру қағидалары);
4) Сараптамалық кеңестің қорытындысы көрсетілетін қызметті берушіге Сараптамалық кеңес отырысы өткен күннен бастап 3 (үш) жұмыс күні ішінде жіберіледі;
5) Сараптамалық кеңестің қорытындысы негізінде көрсетілетін қызметті беруші 2 (екі) жұмыс күні ішінде мемлекеттік қызметті көрсетуден тану туралы бұйрық не Негізгі талаптар тізбесінің 9-тармағына сәйкес бас тарту туралы дәлелді жауап береді;
6) көрсетілетін қызметті беруші 2 (екі) жұмыс күні ішінде Сараптамалық кеңестің оң шешімі негізінде Қағидаларға 6-қосымшаға сәйкес нысан бойынша ғылыми дәреже беру туралы шетелдік құжатты тану туралы куәлікті рәсімдейді;
7) мемлекеттік қызметті көрсету нәтижесі:
портал арқылы жүгінген кезде электрондық цифрлық қолтаңбамен қол қойылған ғылыми дәреже беру туралы құжатты тану туралы электрондық анықтама көрсетілетін қызметті алушының немесе уәкілетті өкілдің электрондық құжат нысанындағы сенімхаттың электрондық көшірмесі негізінде "жеке кабинетіне" жіберіледі;
Мемлекеттік корпорация арқылы жүгінген кезде жауапты құрылымдық бөлімшенің жауапты қызметкері ілеспе хат дайындайды және ғылыми дәреже беру туралы құжатты тану туралы куәлікті Мемлекеттік корпорацияға жібереді. Бұл ретте көрсетілетін қызметті беруші мемлекеттік қызмет көрсету мерзімінің аяқталуына бір күннен кешіктірмей мемлекеттік көрсетілетін қызмет нәтижесін Мемлекеттік корпорацияға жеткізуді қамтамасыз етеді.
27. Көрсетілетін қызметті берушіге портал не Мемлекеттік корпорация арқылы Қағидалардың 21-тармағында көрсетілмеген ғылыми дәрежелері туралы заңдастырылмаған немесе апостиль қойылмаған құжаттарды тану үшін құжаттардың толық топтамасы келіп түскен кезде:
1) көрсетілетін қызметті берушінің кеңсе қызметкері келіп түскен күні өтінішті тіркейді және оны басшының жетекшілік ететін орынбасарына жолдайды, ол бір жұмыс күні ішінде жауапты қызметкерді айқындайды;
2) көрсетілетін қызметті алушы құжаттар топтамасын толық тапсырған кезде көрсетілетін қызметті берушінің жауапты қызметкері өтініш келіп түскен күннен бастап 1 (бір) жұмыс күні ішінде берілген білімі туралы құжат бойынша шетелдік деректер базасы арқылы білімі туралы құжаттарды беру фактісін белгілейді;
3) шетелдік дерекқорда құжат туралы мәліметтер болмаған жағдайда көрсетілетін қызметті беруші 1 (бір) жұмыс күні ішінде білімі туралы құжатты беру фактісін растау және білім туралы құжатты берген ұйымда білім беру қызметін жүзеге асыру құқығының барын анықтау үшін шетелдік білім беру ұйымына, уәкілетті органға ресми сұрау салу жолдайды;
Білім туралы құжатты берген білім беру ұйымы, ғылыми орталық немесе зертхана көрсетілетін қызметті берушінің ресми сұрау салуына 14 (он төрт) жұмыс күні ішінде жауапты (электрондық пошта арқылы немесе ресми түрде) ұсынбаған жағдайда, көрсетілетін қызметті берушінің жауапты қызметкері көрсетілетін қызметті беруші 2 (екі) жұмыс күні ішінде құжаттарды қайтару туралы дәлелді жауапты ресімдейді;
4) көрсетілетін қызметті берушінің жауапты қызметкері оң жауап алғаннан кейін 1 (бір) жұмыс күні ішінде көрсетілетін қызметті алушының аттестаттау ісін Сараптамалық кеңеске сараптамаға жолдайды;
5) диссертацияны Сараптамалық кеңесте қарау мерзімі 48 (қырық сегіз) жұмыс күнінен аспайды. Бұл ретте Ғылыми дәреже беру қағидаларының 18-тармағына сәйкес сараптама жүргізіледі.
6) Сараптамалық кеңестің қорытындысы көрсетілетін қызметті берушіге Сараптамалық кеңес отырысы өткен күннен бастап 3 (үш) жұмыс күні ішінде жіберіледі;
7) Сараптамалық кеңестің қорытындысы негізінде көрсетілетін қызметті беруші 2 (екі) жұмыс күні ішінде мемлекеттік қызметті көрсетуді тану туралы бұйрық немесе Негізгі талаптар тізбесінің 9-тармағына сәйкес бас тарту туралы дәлелді жауап береді;
8) көрсетілетін қызметті беруші 2 (екі) жұмыс күні ішінде Сараптамалық кеңестің оң шешімі негізінде ғылыми дәреже тану туралы құжатты мойындайды және Қағидаларға 6-қосымшаға сәйкес нысан бойынша ғылыми дәреже беру туралы шетелдік құжатты тану туралы куәлік рәсімдейді;
9) мемлекеттік қызметті көрсету нәтижесі:
портал арқылы жүгінген кезде электрондық цифрлық қолтаңбамен қол қойылған ғылыми дәреже беру туралы құжатты тану туралы электрондық анықтама көрсетілетін қызметті алушының немесе уәкілетті өкілдің электрондық құжат нысанындағы сенімхаттың электрондық көшірмесі негізінде "жеке кабинетіне" жіберіледі;
Мемлекеттік корпорация арқылы жүгінген кезде жауапты құрылымдық бөлімшенің жауапты қызметкері ілеспе хат дайындайды және ғылыми дәреже беру туралы құжатты тану туралы куәлікті Мемлекеттік корпорацияға жібереді. Бұл ретте көрсетілетін қызметті беруші мемлекеттік қызмет көрсету мерзімінің аяқталуына бір күннен кешіктірмей мемлекеттік көрсетілетін қызмет нәтижесін Мемлекеттік корпорацияға жеткізуді қамтамасыз етеді.
28. Тану туралы куәлік не мемлекеттік қызметті көрсетуден бас тарту туралы дәлелді жауап Мемлекеттік корпорация арқылы көрсетілетін қызметті алушының жеке өзіне немесе нотариаттық куәландырылған сенімхат бойынша үшінші тұлғаға беріледі не көрсетілетін қызметті беруші басшысының немесе уәкілетті адамының ЭЦҚ қойылған электрондық құжат нысанында көрсетілетін қызметті алушының "жеке кабинетіне" жіберіледі.
29. Көрсетілетін қызметті алушы Сараптамалық кеңестің теріс шешімі негізінде қабылданған мемлекеттік қызметті көрсетуден бас тарту туралы дәлелді жауаппен келіспеген жағдайда, көрсетілетін қызметті алушы көрсетілетін қызметті берушіге еркін нысанда апелляциялық өтініш береді. Апелляциялық өтініш танудан бас тартуды алған күннен бастап күнтізбелік 60 (алпыс) күн ішінде беріледі. Апелляциялық өтініш Дәрежелерді беру қағидаларының 28 және 29-тармақтарында көрсетілген тәртіппен қаралады.
3-тарау. Жоғары және (немесе) жоғары оқу орнынан кейінгі білім туралы құжаттарды тану туралы куәліктердің телнұсқаларын беру тәртібі
30. Тегі, аты немесе әкесінің аты (бар болған жағдайда) өзгерген, білімі туралы құжатты тану туралы куәлік жоғалған, бүлінген жағдайда тану туралы куәліктің телнұсқасы (бұдан әрі – телнұсқа) беріледі.
31. Телнұсқаны алу үшін көрсетілетін қызметті алушы көрсетілетін қызметті берушіге Мемлекеттік корпорация немесе портал арқылы Негізгі талаптар тізбесінің 8-тармағының 3) тармақшасында көрсетілген құжаттарды қоса бере отырып, Қағидаларға 7-қосымшаға сәйкес нысан бойынша өтініш жібереді.
32. Берілген куәлік бланкісінің оң жақ жоғары бұрышына "Телнұсқа" деген жазу жазылады.
33. Көрсетілетін қызметті берушіге білім туралы құжаттардың тану туралы куәліктеріне телнұсқаларын беруге арналған құжаттардың толық топтамасы портал не Мемлекеттік корпорация арқылы келіп түскен кезде:
1) көрсетілетін қызметті берушінің кеңсе қызметкері келіп түскен күні өтінішті тіркейді және оны басшының жетекшілік ететін орынбасарына жолдайды, ол бір жұмыс күні ішінде жауапты қызметкерді айқындайды;
2) құрылымдық бөлімшенің қызметкері 3 (үш) жұмыс күні ішінде тану туралы куәлікті беру фактісін растайды және оны көрсетілетін қызметті берушінің жауапты қызметкеріне жолдайды;
3) көрсетілетін қызметті берушінің жауапты қызметкері 2 (екі) жұмыс күні ішінде білім туралы құжатты тану туралы куәліктің телнұсқасын немесе мемлекеттік қызметті көрсетуден бас тарту туралы дәлелді жауапты ресімдейді;
4) көрсетілетін қызметті берушінің басшысы 1 (бір) жұмыс күні ішінде білім туралы құжатты тану туралы куәліктің телнұсқасына немесе Негізгі талаптар тізбесінің 9-тармағына сәйкес бас тарту туралы дәлелді жауапқа қол қояды;
5) мемлекеттік қызметті көрсету нәтижесі:
портал арқылы жүгінген кезде білім туралы құжатты тану туралы электрондық куәліктің телнұсқасы электрондық цифрлық қолтаңбамен қол қойылған электрондық құжат нысанындағы сенімхаттың электрондық көшірмесі негізінде көрсетілетін қызметті алушының немесе уәкілетті өкілдің "жеке кабинетіне" жіберіледі;
Мемлекеттік корпорация арқылы жүгінген кезде жауапты құрылымдық бөлімшенің жауапты қызметкері ілеспе хат дайындайды және білім туралы құжатты тану туралы куәліктің телнұсқасын Мемлекеттік корпорацияға жібереді. Бұл ретте, көрсетілетін қызметті беруші Мемлекеттік көрсетілетін қызмет нәтижесін Мемлекеттік корпорацияға мемлекеттік қызмет көрсету мерзімі аяқталғанға дейін бір тәуліктен кешіктірмей жеткізуді қамтамасыз етеді.
4 тарау. Мемлекеттік қызмет көрсету мәселелері бойынша көрсетілетін қызметті берушінің және (немесе) олардың лауазымды адамдарының, мемлекеттік корпорацияның және (немесе) олардың қызметкерлерінің шешімдеріне, әрекетіне (әрекетсіздігіне) шағымдану тәртібі
34. Мемлекеттік қызмет көрсету мәселелері бойынша көрсетілетін қызметті берушінің шешіміне, әрекетіне (әрекетсіздігіне) шағым Қазақстан Республикасының Әкімшілік рәсімдік-процестік кодексіне сәйкес көрсетілетін қызметті беруші басшысының атына, мемлекеттік қызметтер көрсету сапасын бағалау және бақылау жөніндегі уәкілетті органға берілуі мүмкін.
Заңның 25-бабының 2-тармағына сәйкес көрсетілетін қызметті берушінің атына келіп түскен көрсетілетін қызметті алушының шағымы тіркелген күнінен бастап 5 (бес) жұмыс күні ішінде қаралуға жатады.
Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен көрсетілетін қызметті алушының шағымы Заңның 25-бабының 2-тармағына сәйкес ол тіркелген күннен бастап 15 (он бес) жұмыс күні ішінде қаралуға тиіс.
Мемлекеттік корпорация арқылы қызмет көрсету кезінде Мемлекеттік корпорация қызметкерлерінің әрекетіне (әрекетсіздігіне) шағым Мемлекеттік корпорация басшысының атына не ақпараттандыру саласындағы уәкілетті органға беріледі.
Көрсетілген мемлекеттік қызмет нәтижелерімен келіспеген жағдайда, көрсетілетін қызметті алушы Қазақстан Республикасының заңнамасында белгіленген тәртіппен сотқа жүгінуге құқылы.
35. Шағым әкімшілік актісіне, әкімшілік әрекетіне (әрекетсіздігіне) шағым жасалатын әкімшілік органға, лауазымды адамға беріледі.
Әкімшілік актісіне, әкімшілік әрекетіне (әрекетсіздігіне) шағым жасалатын әкімшілік орган, лауазымды адам шағым келіп түскен күннен бастап үш жұмыс күнінен кешіктірмей оны және әкімшілік істі шағымды қарайтын органға жібереді.
Бұл ретте әкімшілік актісіне, әкімшілік әрекетіне (әрекетсіздігіне) шағым жасалатын әкімшілік орган, лауазымды адам, егер ол үш жұмыс күні ішінде шағымда көрсетілген талаптарды толық қанағаттандыратын қолайлы әкімшілік акт қабылдаса, әкімшілік әрекет жасаса, шағымды қарайтын органға шағымды жібермеуге құқылы.
36. Егер заңда өзгеше көзделмесе, сотқа дейінгі тәртіппен шағым жасалғаннан кейін сотқа жүгінуге жол беріледі.
Өтініш
Сізден білім туралы құжатты *_________________________________________
(жұмысқа орналасу, оқуды жалғастыру)
_________________________________________ мақсатымен тануды өтінемін.
Білім туралы құжаттың түрі, сериясы және нөмірі*________________________
___________________________________________________________________
(диплом, аттестат, куәлік, сертификат)
Кім берген*_________________________________________________________
(білім беру ұйымының, ғылыми орталықтың, зертхананың, елдің толық атауы)
Мамандық/бағыты бойынша*_________________________________________
___________________________________________________________________
(толық атауы)
Берілген біліктілік/ дәреже*___________________________________________
(толық атауы)
Ақпараттық жүйелерде қамтылған заңмен қорғалатын құпия мәліметтерді
пайдалануға келісім беремін. Ұсынылған құжаттар мен мәліметтердің
дұрыстығы үшін толық жауап беремін.
"___"______________20____жыл _____________________________ (жеке қолы)
*- толтырылуы міндетті.
Құжаттарды қабылдаудан бас тарту туралы қолхат
"Мемлекеттік көрсетілетін қызметтер туралы" Қазақстан Республикасы Заңының 20-бабының 2-тармағын басшылыққа ала отырып, "Азаматтарға арналған үкімет" мемлекеттік корпорациясы" коммерциялық емес акционерлік қоғамы, Сіздің Қағидаларда көрсетілген тізбеге сәйкес құжаттардың толық топтамасын ұсынбаған, сондай-ақ қолданылу мерзімі өтіп кеткен құжаттарды ұсынған жағдайда, мемлекеттік қызмет көрсетуге құжаттарды қабылдаудан бас тартады, атап айтқанда:
Жоқ құжаттардың атауы:
1. _______________________;
2. _______________________;
3. _______________________
Осы қолхат әр тарапқа бір-бірден 2 данада жасалған.
___________________________________________________ _____________
Т.А.Ә. (бар болған жағдайда) (Мем.корпорация қызметкері) (қолы)
Телефон: __________________________
Алдым: _____________________________________________________
мемлекеттік көрсетілетін қызметті алушының Т.А.Ә. (бар болған жағдайда)/қолы
20_____жылғы "____" ______________
| Білім туралы құжаттарды тану қағидаларына 3-қосымша |
Мемлекеттік қызмет көрсетуге қойылатын негізгі талаптардың тізбесі | ||||
1 | Көрсетілетін қызметті берушінің атауы | Қазақстан Республикасы Ғылым және жоғары білім министрлігінің "Жоғары білім беруді дамыту ұлттық орталығы" шаруашылық жүргізу құқығындағы республикалық мемлекеттік кәсіпорны | ||
2 | Мемлекеттік қызмет көрсету тәртібі |
Барлық кіші түрлер үшін: | ||
3 | Мемлекеттік қызметтерді көрсету мерзімі |
Білім туралы заңдастырылған немесе апостиль қойылған құжаттарды тану туралы өтінішті қарау мерзімі: | ||
4 | Мемлекеттік қызмет көрсету нысаны |
Электронды түрінде (ішінара автоматтандырылған): | ||
5 | Мемлекеттік қызметтер көрсету нәтижесі |
Мемлекеттік қызмет көрсету нәтижесі: | ||
6 | Көрсетілетін қызметті алушыдан мемлекеттік қызметтер көрсету кезінде өндіріп алынатын төлем мөлшері және Қазақстан Республикасының заңнамасында көзделген жағдайларда оны жинау тәсілдері | № п/п | Қызмет атауы | 1 бірліктің бағасы айлық есептік көрсеткіш мөлшерінде (АЕК) |
1 | Жоғары және жоғары оқу орнынан кейінгі білім туралы құжаттарды тану | 10 АЕК | ||
2 | Шетелде диссертация қорғаған адамдардың құжаттарын тану | 10 АЕК | ||
3 | Білім туралы құжаттарды мойындау туралы куәліктің көшірмесін жасау/қалпына келтіру | 3 АЕК | ||
Мемлекеттік қызметті көрсету құнын "Мемлекеттік мүлік туралы" Қазақстан Республикасы Заңының 146-бабына сәйкес айқындалып Мемлекеттік көрсетілетін қызмет құнын төлеу қолма-қол және қолма-қол ақшасыз нысанда екінші деңгейдегі банктер және банк операцияларының жекелеген түрлерін жүзеге асыратын ұйымдар арқылы жүзеге асырылады. | ||||
7 | Көрсетілетін қызметті берушінің, Мемлекеттік корпорацияның және ақпарат объектілерінің жұмыс графигі |
1) Көрсетілетін қызметті беруші - Қазақстан Республикасының Еңбек кодексіне сәйкес демалыс және мереке күндерін қоспағанда, белгіленген жұмыс кестесіне сәйкес дүйсенбіден жұмаға дейін сағат 9.00-ден 18.30-ға дейін, сағат 13.00-ден 14.30-ға дейінгі түскі үзіліспен. | ||
8 | Мемлекеттік қызметтер көрсету үшін қажетті құжаттар тізімі |
1.Білім туралы құжатты тану туралы куәлікті алу үшін мынадай құжаттар ұсынылады: | ||
9 | Қазақстан Республикасының заңнамасында белгіленген мемлекеттік қызмет көрсетуден бас тарту үшін негіздер |
1) мемлекеттік қызметті алу үшін көрсетілетін қызметті алушы ұсынған құжаттардың және (немесе) олардағы деректердің (мәліметтердің) дәйексіздігін анықтау; | ||
10 | Мемлекеттік қызметтерді, оның ішінде электрондық нысанда және Мемлекеттік корпорация арқылы ұсыну ерекшеліктерін ескеретін өзге де талаптар |
Цифрлық құжаттар сервисі мобильдік қосымшада және пайдаланушылардың ақпараттық жүйелерінде авторизацияланған субъектілер үшін қолжетімді. | ||
| Білім туралы құжаттарды тану қағидаларына 4-қосымша |
|
| Нысан |
Қазақстан Республикасы Ғылым және жоғары білім министрлігінің
"Жоғары білім беруді дамыту ұлттық орталығы" шаруашылық жүргізу құқығындағы республикалық мемлекеттік кәсіпорны Білім туралы шетелдік құжатты тану туралы
КУӘЛІК
(білім туралы құжаттың түпнұсқасымен және оның нотариалды расталған аудармасымен нақты)
БТ № __________
Осы білім туралы құжат _________________________________________________
(құжаттың атауы, сериясы, нөмірі және берілген күні)
_______________________________________________________________________
(Тегі, аты, әкесінің аты (бар болған жағдайда)
__________________________________________________________атына берілген
оқу орны _______________________________________________________________
(білім туралы құжатты берген ұйымның, ғылыми орталықтың, зертхананың,
елдің атауы)
________________________________________________________________________
________________________________________________________________________
Қазақстан Республикасында танылып _______________________________________
_______________________________________________құқығымен куәландырылады
(оқуды жалғастыру және (немесе) жұмысқа орналасу)
Негіздеме: ______________________________________________________________
(көрсетілетін қызметті беруші шешімінің нөмірі мен күні)
Басшы_________________________М.О (қолы)
Тіркеу нөмірі № __________________________
20__ жылғы "____"_______________________
| Білім туралы құжаттарды тану қағидаларына 5-қосымша |
|
| Нысан |
Қазақстан Республикасы Ғылым және жоғары білім министрлігінің
"Жоғары білім беруді дамыту ұлттық орталығы" шаруашылық жүргізу құқығындағы республикалық мемлекеттік кәсіпорны Білім туралы шетелдік құжатты тану туралы
КУӘЛІК
(білім туралы құжаттың түпнұсқасымен және оның нотариалды расталған аудармасымен нақты)
БТ І № __________
Осы білім туралы құжат ___________________________________________________
(құжаттың атауы, сериясы, нөмірі және берілген күні)
________________________________________________________________________
(Тегі, аты, әкесінің аты (бар болған жағдайда)
___________________________________________________________атына берілген
оқу орны ________________________________________________________________
(білім туралы құжатты берген ұйымның, ғылыми орталықтың,
зертхананың, елдің атауы)
_________________________________________________________________________
_________________________________________________________________________
_________________________________________________________________________
____Қазақстан Республикасында (деңгейі/білім дәрежесі, мамандығы немесе білім беру
бағдарламасы/ біліктілік, кадрларды дайындау бағыты бойынша)__________________
_________________________________________________________________________
_________________________________________________________________________
_________________________________________________________________________
сәйкес құқықтық теңдігімен танылсын ________________________________________
_________________________________________________________________________
(білім алуға және (немесе) кәсіби қызметке қол жеткізу)
Негіздеме: ________________________________________________________________
(көрсетілетін қызметті беруші шешімінің нөмірі мен күні)
Басшы ________________ М.О (қолы)
Тіркеу нөмірі № ___________________
20 ___ жылғы "____" ______________
| Білім туралы құжаттарды тану қағидаларына 6-қосымша |
|
| Нысан |
Қазақстан Республикасы Ғылым және жоғары білім министрлігінің
"Жоғары білім беруді дамыту ұлттық орталығы" шаруашылық жүргізу құқығындағы республикалық мемлекеттік кәсіпорны Ғылыми дәреже беру туралы шетелдік құжатты тану туралы
КУӘЛІК
(білім туралы құжаттың түпнұсқасымен және оның нотариалды расталған аудармасымен нақты)
БТ ІІ № __________
_____________________________________________________________________атына
(тегі, аты, әкесінің аты (бар болған жағдайда)
__________________________________________________________________________
__________________________________________________________________________
(білім туралы құжатты берген ұйымның, ғылыми орталықтың, зертхананың, елдің атауы)
оқу орнымен берілген ______________________________________________________
__________________________________________________________________________
(құжаттың атауы, сериясы, нөмірі және берілген күні)
_________________________________________________ осы ғылыми дәрежесі туралы
құжат Қазақстан Республикасының Ұлттық біліктілік шеңберінің 8 (сегізінші) деңгейіне
__________________________________________________________________________
____________________________________________________даярлық бағыты бойынша
__________________________________________________________________________
философия докторы (PhD) / бейіні бойынша доктор дәрежесіне сәйкес деп танылады.
Негіздеме: ________________________________________________________________
(көрсетілетін қызметті беруші шешімінің нөмірі мен күні)
Басшы ___________________________ М.О (қолы)
Тіркеу нөмірі № ____________________
20_____ жылғы "____" ______________
Өтініш
Сізден _________________________________________________________
(білім туралы құжатты тану туралы куәліктің телнұсқасын беру)
Себебі _________________________________________________________
(куәліктің жоғалуы/бүлінуін/ тегі, аты немесе әкесінің аты өзгеруі және т.б.)
Білім туралы құжаттың түрі, сериясы және нөмірі _____________________
________________________________________________________________
(диплом, аттестат, куәлік, сертификат)
________________________________________________________________
________________________________________________________________
(білім беру ұйымының, ғылыми орталықтың, зертхананың, елдің толық атауы)
________________________________________________________________
______________________________________________ мамандық бойынша
(толық атауы)
берілген біліктілік/дәрежесі ________________________________________
_________________________________________________________________
(толық атауы)
Ақпараттық жүйелерде қамтылған заңмен қорғалатын құпия мәліметтерді
пайдалануға келісім беремін. Ұсынылған құжаттар мен мәліметтердің
дұрыстығы толық жауап беремін. 20_____жылғы "____"______________
(тегі, аты, әкесінің аты (бар болған жағдайда) жеке қолы немесе уәкілетті өкіл)
*- толтырылуы міндетті.
