"Агроөнеркәсіптік кешенді және ауылдық аумақтарды дамытуды мемлекеттік реттеу туралы" Қазақстан Республикасы Заңының 6-бабы 1-тармағының 19) тармақшасына және "Мемлекеттік көрсетілетін қызметтер туралы" Қазақстан Республикасы Заңының 10-бабы 1) тармақшасына сәйкес БҰЙЫРАМЫН:

      1. Қоса беріліп отырған Тракторларды және олардың базасында жасалған өздiгiнен жүретiн шассилер мен механизмдердi, өздiгiнен жүретiн ауылшаруашылық, мелиорациялық және жол-құрылыс машиналарын, сондай-ақ жүрiп өту мүмкiндiгi жоғары арнайы машиналарды басқару құқығына емтихандар қабылдау және куәлiктер беру қағидалары бекітілсін.

      2. Қазақстан Республикасы Ауыл шаруашылығы министрлігінің Өсімдік шаруашылығы өнімдерін өндіру мен қайта өңдеу және фитосанитариялық қауіпсіздік департаменті заңнамада белгіленген тәртіппен:

      1) осы бұйрықтың Қазақстан Республикасының Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін мерзімді баспа басылымдарына және "Әділет" ақпараттық-құқықтық жүйесіне ресми жариялауға жіберілуін;

      3) осы бұйрықтың Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасы Ауыл шаруашылығы вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛГЕН"

      Қазақстан Республикасының

      Инвестициялар және даму министрі

      __________ Ә. Исекешев

      2015 жылғы 19 маусым

      "КЕЛІСІЛГЕН"

      Қазақстан Республикасының

      Ұлттық экономика министрі

      __________ Е. Досаев

      2015 жылғы 7 маусым

      "КЕЛІСІЛГЕН"

      Қазақстан Республикасының

      Ішкі істер министрі

      __________ Қ. Қасымов

      2015 жылғы 16 маусым

Тракторларды және олардың базасында жасалған өздiгiнен жүретiн шассилер мен механизмдердi, өздiгiнен жүретiн ауылшаруашылық, мелиорациялық және жол-құрылыс машиналарын, сондай-ақ жүрiп өту мүмкiндiгi жоғары арнайы машиналарды басқару құқығына емтихандар қабылдау және куәлiктер беру қағидалары

      Ескерту. Қағида жаңа редакцияда – ҚР Ауыл шаруашылығы министрінің 17.08.2020 № 257 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Тракторларды және олардың базасында жасалған өздігінен жүретін шассилер мен механизмдерді, өздігінен жүретін ауылшаруашылық, мелиорациялық және жол-құрылыс машиналарын, сондай-ақ жүріп өту мүмкіндігі жоғары арнайы машиналарды жүргізу құқығына емтихандар қабылдау және куәліктер беру қағидалары (бұдан әрі – Қағидалар) "Агроөнеркәсіптік кешенді және ауылдық аумақтарды дамытуды мемлекеттік реттеу туралы" Қазақстан Республикасы Заңының 6-бабы 1-тармағының 19) тармақшасына және "Мемлекеттік көрсетілетін қызметтер туралы" Қазақстан Республикасы Заңының (бұдан әрі – Заң) 10-бабы 1) тармақшасына сәйкес әзірленді.

      2. Осы Қағидалар тракторларды және олардың базасында жасалған өздігінен жүретін шассилер мен механизмдерді, өздігінен жүретін ауыл шаруашылығы, мелиорациялық және жол-құрылыс машиналарын, сондай-ақ жүріп өту мүмкіндігі жоғары арнайы машиналарды (бұдан әрі – машиналар) басқару құқығына емтихандар қабылдау және куәліктер беру тәртібін және "Тракторларды және олардың базасында жасалған өздігінен жүретін шассилер мен механизмдерді, өздігінен жүретін ауыл шаруашылығы, мелиорациялық және жол-құрылыс машиналары мен механизмдерін, сондай-ақ жүріп өту мүмкіндігі жоғары арнайы машиналарды басқару құқығына куәліктер беру" мемлекеттік қызметін (бұдан әрі – мемлекеттік көрсетілетін қызмет) көрсету тәртібін айқындайды.

      3. Осы Қағидаларда мынадай негізгі ұғымдар пайдаланылады:

      1) жүріп өту мүмкіндігі жоғары арнайы машиналар – ең жоғары конструкциялық жылдамдығы сағатына елу және елу километрден аз қаршаналар мен квадроциклдер;

      2) көрсетілетін қызметті алушы – осы Қағидаларда белгіленген тәртіппен тракторшы-машинист куәлігін алуға жүгінген жеке тұлға;

      3) тракторшы-машинистің куәлігі – тракторшы-машинистердің машиналарды басқаруына рұқсат етілгенін растаушы құжат;

      4) тракторшы-машинистің куәлігін тіркеу мен берудің ақпараттық жүйесі (бұдан әрі – ақпараттық жүйе) – "E-Agriculture" агроөнеркәсіптік кешендегі салаларды басқарудың бірыңғай автоматтандырылған жүйесі" ақпараттық жүйесінің "Ауыл шаруашылығы техникасын мемлекеттік тіркеу" кіші жүйесінде мәліметтердің орталықтандырылған есепке алынуын қамтамасыз ететін ақпараттық-коммуникациялық технологиялардың ұйымдастырылып, ретке келтірілген жиынтығы;

      5) тіркеу іс-қимылдары – көрсетілетін қызметті берушінің тракторшы-машинистің куәлігін тіркеу мен берудің ақпараттық жүйесіне тіркеу деректері мен өзгерістер енгізе отырып, көрсетілетін қызметті алушының тракторшы-машинист куәлігін тіркеуді және оған беруді жүзеге асырумен байланысты қызметі.

      4. Осы Қағидаларда емтихан пункттері деп білім беру саласында аккредиттелген не "Атамекен" Қазақстан Республикасы Ұлттық кәсіпкерлер палатасының интернет-ресурсында қысқа мерзімді кәсіптік оқытуға арналған оқыту орталықтары мен оқыту мекемелерінің тізіліміне қосылған техникалық және кәсіби білім беру ұйымдары аталады.

      5. Емтихан пункттері "ауыл шаруашылығы өндірісінің тракторшы-машинисі" мамандығы бойынша теориялық оқытуды, сондай-ақ өндірістік оқыту мен кәсіби практиканы жүзеге асырады. Оқыту қорытындылары бойынша емтихан пункттері теориялық және практикалық емтихандар (қорытынды аттестаттау) қабылдайды, оның нәтижелері бойынша осы Қағидаларға 1-қосымшаға сәйкес нысан бойынша оқыту курстарын аяқтағаны туралы куәлік (бұдан әрі – куәлік) беріледі.

      Барлық санаттағы машиналарды басқару құқығына емтиханды өтініш берілген күні емтихан пункттерінде емтихан комиссиялары қабылдайды.

      Емтихан "Жол жүрісі қағидаларын, Көлік құралдарын пайдалануға рұқсат беру жөніндегі негізгі ережелерді, көлігі арнайы жарық және дыбыс сигналдарымен жабдықталуға және арнайы түсті-графикалық схемалар бойынша боялуға тиіс жедел және арнайы қызметтер тізбесін бекіту туралы" Қазақстан Республикасы Үкіметінің 2014 жылғы 13 қарашадағы № 1196 қаулысымен бекітілген Жол жүрісі қағидаларын және оқу бағдарламаларында көзделген машиналарды пайдалану қауіпсіздігі туралы білімдерін тексеру мақсатында жүргізіледі.

      Емтихан тапсыруға рұқсат беру және куәлік беру азаматтардың тұрақты тіркелген тұрғылықты жері немесе уақытша келген жері (уақытша тіркелген жағдайда) бойынша, ал ішкі істер органдарында тіркелген шетел азаматтарына келген жері бойынша жүзеге асырылады.

      Емтихан қабылдау тестілеу арқылы жүргізіледі және он сұрақтан тұрады. Барлық сұрақтарға жауап беру үшін тракторшы-машиниске кандидатқа 30 (отыз) минут беріледі.

      Тестілеуді өткізу кезінде техникалық жарақтандыру жөніндегі ең төмен техникалық талаптар осы Қағидаларға 1-1-қосымшада көрсетілген.

      Кем дегенде сегіз сұраққа дұрыс жауап берілген кезде "Тапсырды" деген қорытынды баға қойылады, ал қарсы жағдайда "Тапсырмады" деген баға қойылады.

      "Тапсырмады" деген теріс баға алған жағдайда, қайта емтихан қабылдау алдыңғы емтиханды тапсырған күннен бастап күнтізбелік 5 (бес) күннен кейін жүзеге асырылады.

      Емтихан тапсыру нәтижелері осы Қағидаларға 2-қосымшаға сәйкес нысан бойынша емтихан парағына жазылады.

      Емтихан тапсырған адамдарға емтихан парағының негізінде 2 (екі) жұмыс күні ішінде куәлік беріледі.

      6. Барлық машиналар типтеріне, мақсатына және оларды басқару ерекшеліктеріне байланысты "А", "Б", "В", "Г", "Д" санаттарына бөлінеді, оларды басқару құқығына тиісті санаттарында рұқсат белгілері қойылған осы Қағидаларға 3-қосымшаға сәйкес нысан бойынша тракторшы-машинист куәлігі (бұдан әрі – куәлік) беріледі.

      7. Куәлік Қазақстан Республикасының бүкіл аумағында машиналарды басқаруға құқық береді.

      8. "А", "Б", "В", "Г", "Д" санаттарында рұқсат белгілері бар куәлікке ие адамдар мыналарды:

      1) "А" – сыныбы 30 килоНьютонға (3,0 тартылыс күші) дейінгі (қоса алғанда) доңғалақты тракторларды;

      2) "Б" – сыныбы 30 килоНьютоннан (3,0 тартылыс күші) жоғары доңғалақты тракторларды;

      3) "В" – шынжыр табанды тракторларды;

      4) "Г" – өздігінен жүретін ауыл шаруашылығы машиналарын;

      5) "Д" – барлық өздігінен жүретін механикаландырылған мелиорациялық машиналарды және жол-құрылыс машиналарын, оның ішінде экскаваторларды, монтаждалған мелиорациялық және жол-құрылыс машиналары бар тракторларды басқара алады.

      Куәлік қосымша жабдықтар монтаждалған немесе олар агрегат (тіркеме, автопойыз) құрамында жұмыс істейтін тиісті санаттағы машиналарды жүргізуге құқық береді.

      9. Машиналарды басқару құқығы мыналарға беріледі:

      1) он жеті жасқа толған адамдарға – "А", "В" және "Г" санаттарындағы машиналарды басқаруға;

      2) он сегіз жасқа толған адамдарға – кемінде алты ай "А" және "В" немесе "Г" санаттарындағы машиналарды басқару өтілі болған жағдайда, "Б" және "Д" санаттарындағы машиналарды басқару құқығын қосымша алуға.

      10. "Б" және (немесе) "Д" санаттары "А", "В" және "Г" бағандарында рұқсат белгілері бар куәлікке ие (көрсетілетін қызметті алушының тиісті машиналардағы жалпы жұмыс өтілі кемінде алты ай) және емтихан пунктінде теориялық емтихан тапсырған көрсетілетін қызметті алушыға беріледі.

      Қазақстан Республикасы Еңбек кодексінің 35-бабында көрсетілген құжаттардың кез келгені көрсетілетін қызметті алушының жұмыс өтілін растайтын құжат болып табылады.

      11. Жүріп өту мүмкіндігі жоғары арнайы машиналарды басқару құқығына "ерекше белгілер үшін" бағанында "қаршаналарды, квадроциклдерді басқаруға рұқсат" деген жазуы бар куәліктер беріледі.

      "Ерекше белгілер үшін" деген бағанда "қаршаналар және (немесе) квадроциклдер жүргізуге рұқсат" деген жазуы бар куәлікті беру "А" және "В" немесе "Б", "В" санаттарына рұқсаты бар жүргізуші куәлігі немесе "А" немесе "А1" немесе "В1" санаттына рұқсаты бар жүргізуші куәлігі болған кезде жүзеге асырылады.

      "Рұқсат туралы белгі" бағанында "қаршаналарды және (немесе) квадроциклдерді басқаруға рұқсат" деген жазуы бар куәлікті беру кезінде қиғаш жолағы бар мөртабан қойылады.

2-тарау. Мемлекеттік қызметті көрсету тәртібі

      12. Мемлекеттік қызметті облыстардың, республикалық маңызы бар қалалардың, астананың, аудандардың және облыстық маңызы бар қалалардың жергілікті атқарушы органдары (бұдан әрі – көрсетілетін қызметті беруші) көрсетеді.

      13. Көрсетілетін қызметті алушылар мемлекеттік көрсетілетін қызметті алу үшін www.egov.kz "электрондық үкіметтің" веб-порталы (бұдан әрі – портал) арқылы электрондық нысанда не көрсетілетін қызметті берушінің кеңсесіне қағаз нысанда осы Қағидаларға 4-қосымшаға сәйкес нысан бойынша өтініш береді.

      14. "Тракторларды және олардың базасында жасалған өздiгiнен жүретiн шассилер мен механизмдердi, өздiгiнен жүретiн ауылшаруашылық, мелиорациялық және жол-құрылыс машиналарын және механизмдерін, сондай-ақ жүрiп өту мүмкiндiгi жоғары арнайы машиналарды басқару құқығына куәлiктер беру" мемлекеттік қызметін көрсетуге қойылатын негізгі талаптардың тізбесі (бұдан әрі – Тізбе) осы Қағидаларға 5-қосымшада көрсетілген.

      15. Көрсетілетін қызметті беруші кеңсесінің қызметкері құжаттар келіп түскен күні оларды қабылдауды және тіркеуді жүзеге асырады.

      Көрсетілетін қызметті алушы Қазақстан Республикасының Еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде, құжаттарды қабылдау және мемлекеттік қызметті көрсету нәтижелерін беру келесі жұмыс күні жүзеге асырылады.

      Көрсетілетін қызметті алушы құжаттар топтамасын толық ұсынбаған жағдайда, сондай-ақ жарамдылық мерзімі өтіп кеткен құжаттарды ұсынған жағдайда, көрсетілетін қызметті беруші кеңсесінің қызметкері өтінішті қабылдаудан бас тартады және құжаттарды қабылдаудан бас тарту туралы қолхат береді.

      Көрсетілетін қызметті берушінің кеңсесінде өтініштің көшірмесінде күні, уақыты (сағаты, минуты) көрсетіле отырып, тіркелгені туралы белгі оның қағаз тасымалдағышта қабылданғанын растау болып табылады.

      Көрсетілетін қызметті алушы портал арқылы жүгінген жағдайда, көрсетілетін қызметті алушының "жеке кабинетінде" мемлекеттік қызметті көрсету үшін сұранымның қабылданғаны туралы мәртебе, сондай-ақ күні мен уақыты көрсетіле отырып, мемлекеттік көрсетілетін қызметтің нәтижесі туралы хабарлама көрсетіледі.

      16. Көрсетілетін қызметті алушы портал арқылы жүгінген жағдайда, көрсетілетін қызметті беруші құжаттарды қабылдаған күні ұсынылған құжаттардың толықтығын тексереді және көрсетілетін қызметті алушы құжаттар топтамасын толық ұсынбаған жағдайда, сондай-ақ жарамдылық мерзімі өткен құжаттарды ұсынған жағдайда, өтінішті одан әрі қараудан уәжді бас тартуды дайындайды және көрсетілетін қызметті алушының "жеке кабинетіне" көрсетілетін қызметті беруші басшысының электрондық цифрлық қолтаңбасы (бұдан әрі – ЭЦҚ) қойылған электрондық құжат нысанында хабарлама жібереді.

      17. Көрсетілетін қызметті алушы толық құжаттар топтамасын ұсынған кезде, көрсетілетін қызметті берушінің басшысы құжаттарды қабылдаған күні жауапты орындаушыны айқындайды.

      Көрсетілетін қызметті берушінің жауапты орындаушысы өтініш қабылданған сәттен бастап 1 (бір) жұмыс күні ішінде:

      1) көрсетілетін қызметті алушының мемлекеттік қызметті алу үшін ұсынған құжаттарының және (немесе) оларда қамтылған мәліметтердің дұрыстығын;

      2) көрсетілетін қызметті алушының және (немесе) мемлекеттік қызметті көрсету үшін қажетті мәліметтердің осы Қағидаларда белгіленген талаптарға сәйкестігін;

      3) Қазақстан Республикасы Бас прокуратурасы Құқықтық статистика және арнайы есепке алу жөніндегі комитетінің ақпараттық сервисі бойынша оның негізінде көрсетілетін қызметті алушыны көлік құралын басқарудың арнайы құқығынан айыру туралы соттың заңды күшіне енген шешімі туралы мәліметтерді тексереді.

      Мемлекеттік қызметті көрсетуден бас тарту үшін негіздер болмағанда, көрсетілетін қызметті берушінің жауапты орындаушысы өтініштегі мәліметтерді ақпараттық жүйеге енгізеді, осы Қағидаларға 6-қосымшаға сәйкес нысан бойынша тракторшы-машинистің куәлігін беру кітабына тіркеу жазуын енгізеді және мемлекеттік қызметті көрсету нәтижесін – "А", "С", "Г", "В" және "Д" санаттарындағы тракторшы-машинист куәліктерін "қаршаналарды, квадроциклдерді басқаруға рұқсат етіледі" жазбасы бар тракторшы-машинист куәліктерін немесе тракторшы-машинист куәлігінің телнұсқасын немесе осы Қағидаларға 7-қосымшаға сәйкес нысан бойынша мемлекеттік қызметті көрсетуден бас тарту туралы уәжді жауапты рәсімдейді.

      Куәліктің телнұсқасын беру үшін көрсетілетін қызметті алушының құжаттарын қарау кезінде куәлікті берген көрсетілетін қызметті берушінің тракторшы-машинист куәліктерін беру кітабындағы жазба негізінде көрсетілетін қызметті алушының жүгінген жері бойынша куәліктің берілгені туралы мәліметтер болмаған және мемлекеттік қызметті көрсетуден бас тартуға негіз болған жағдайда, көрсетілетін қызметті беруші көрсетілетін қызметті алушыға мемлекеттік қызметті көрсетуден бас тарту туралы алдын ала шешім, сондай-ақ көрсетілетін қызметті алушыға алдын ала шешім бойынша ұстанымын білдіру мүмкіндігі үшін тыңдалым өткізу уақыты мен орны (тәсілі) туралы хабарлайды.

      Тыңдалым туралы хабарлама мемлекеттік қызметті көрсету мерзімі аяқталғанға дейін 3 (үш) жұмыс күнінен кешіктірілмей жіберіледі. Тыңдалым хабарлама жіберілген күннен бастап 2 (екі) жұмыс күнінен кешіктірілмей өткізіледі.

      Тыңдалым рәсімі Қазақстан Республикасының Әкімшілік рәсімдік-процестік кодексінің (бұдан әрі – ӘРПК) 73-бабына сәйкес жүзеге асырылады.

      Тыңдалым нәтижелері бойынша куәліктің телнұсқасы осы Қағидаларға 7-қосымшаға сәйкес нысан бойынша мемлекеттік қызметті көрсетуден бас тарту туралы уәжді жауап беріледі.

      Мемлекеттік қызметті көрсету нәтижесі көрсетілетін қызметті алушыға көрсетілетін қызметті берушінің кеңсесі арқылы беріледі.

      Куәлік көрсетілетін қызметті алушыларға жеке басын куәландыратын құжатты не цифрлық құжаттар сервисінен электрондық құжат (сәйкестендіру үшін) ұсынған кезде, тракторшы-машинист куәліктерін беру кітабында олардың жеке қолы қойылып беріледі.

      Көрсетілетін қызметті алушы портал арқылы жүгінген жағдайда, жауапты орындаушы көрсетілетін қызметті алушыға осы Қағидаларға 8-қосымшаға сәйкес нысан бойынша тракторшы-машинист куәлігінің дайын екендігі туралы хабарламаны не көрсетілетін қызметті беруші басшысының ЭЦҚ-сы қойылған электрондық құжат нысанында мемлекеттік қызметті көрсетуден бас тарту туралы уәжді жауапты жібереді.

      18. Мемлекеттік қызметті көрсетудің жалпы мерзімі 2 (екі) жұмыс күнін құрайды.

      19. Мемлекеттік қызметті көрсеткені үшін көрсетілетін қызметті алушы "Салық және бюджетке төленетін басқа да міндетті төлемдер туралы" Қазақстан Республикасы кодексінің (Салық кодексі) 615-бабы 9-тармақшасына сәйкес белгіленген мемлекеттік бажды бюджетке төлейді.

      20. Мемлекеттік қызмет көрсетуден бас тартуға мыналар негіз болып табылды:

      1) көрсетілетін қызметті алушының мемлекеттік қызметті алу үшін ұсынған құжаттарының және (немесе) оларда қамтылған мәліметтердің дұрыс еместігінің анықталуы;

      2) көрсетілетін қызметті алушының және (немесе) мемлекеттік қызметті көрсету үшін қажетті ұсынылған мәліметтердің осы Қағидаларда белгіленген талаптарға сәйкес келмеуі;

      3) көрсетілетін қызметті алушыға қатысты заңды күшіне енген сот шешімінің болуы, оның негізінде көрсетілетін қызметті алушы мемлекеттік қызметті алуға байланысты арнайы құқықтарынан айырылады.

      21. Көрсетілетін қызметті беруші мемлекеттік көрсетілетін қызметтерді көрсету мониторингінің ақпараттық жүйесіне мемлекеттік қызметті көрсету сатысы туралы деректердің енгізілуін қамтамасыз етеді.

      Портал мен ақпараттық жүйелердің ақпараттық өзара іс-қимылы "Ақпараттандыру туралы" Қазақстан Республикасы Заңының 43-бабына сәйкес жүзеге асырылады.

      Қазақстан Республикасы Ауыл шаруашылығы министрлігі (бұдан әрі ‒ Министрлік) мемлекеттік көрсетілетін қызметтер туралы ақпаратты Бірыңғай байланыс орталығына жібереді.

      Министрлік осы Қағидаларға өзгерістер және (немесе) толықтырулар енгізу туралы нормативтік құқықтық акті бекітілген күннен бастап үш жұмыс күні ішінде осы Қағидаларға енгізілген өзгерістер және (немесе) толықтырулар туралы ақпаратты көрсетілетін қызмет берушіге, "электрондық үкіметтің" ақпараттық-коммуникациялық инфрақұрылымы операторына және Бірыңғай байланыс орталығына жібереді.

      22. Куәлікті тіркеу және беру тұрақты тіркелген тұрғылықты жері немесе уақытша болатын жері бойынша (уақытша тіркелген жағдайда), ал ішкі істер органдарында тіркелген шетелдік азаматтарға – олардың келген жері бойынша жүзеге асырылады.

      23. Жазылған куәліктердің сериялары мен нөмірлері осы Қағидаларға 9-қосымшаға сәйкес нысан бойынша қатаң есептегі бланкілерінің келіп түсуін және жұмсалуын есепке алу кітабына өсу тәртібімен енгізіледі.

      24. Куәлік он жыл мерзімге беріледі (ол туралы "...дейін жарамды" бағандарында тиісті жазу жазылады), мерзімі аяқталғаннан кейін ол осы Қағидаларда белгіленген тәртіппен айырбасталуы тиіс.

      26. Машиналардың басқаруға куәлік берілетін санаттарының бағандарына "Рұқсат етілді" деген мөртабан қойылады. Машиналардың басқаруға рұқсат берілмеген басқа санаттарының бағандарына қиғаш сызығы бар мөртабан қойылады.

      27. Басқа санатты машиналарды басқаруға рұқсат алған кезде жаңа куәлік беріледі, оған тракторшы-машинистің бұрынғы куәлігіндегі белгілер қойылады.

      28. Куәлікті ауыстыру мынадай жағдайларда жүзеге асырылады:

      1) атының, әкесінің атының (бар болса), тегінің өзгеруі;

      2) пайдалануға жарамсыз болуы;

      3) 10 (он) жыл қолданылу мерзімінің өтуі;

      4) көрсетілетін қызметті алушының қалауы бойынша.

      Куәлікті ауыстыру Тізбенің 8-тармағында көрсетілген құжаттар негізінде жүргізіледі.

      29. Ескі үлгідегі куәлікті ауыстырған кезде мынадай тәртіпті ескере отырып, рұқсат ету санаттары жаңа куәлікке көшіріліп, қойылады:

      1) ескі үлгідегі куәліктегі "А", "Б", "В", "Г", "Д", "Е" санаттары жаңа куәліктегі "А", "Б", "В", "Г", "Д" санаттарына сәйкес келеді;

      2) 3-сыныпты куәлік жаңа үлгідегі "А", "В", "Г" санаттары бар куәлікке сәйкес келеді;

      3) 2-сыныпты куәлік жаңа үлгідегі "А", "Б", "В", "Г" санаттары бар куәлікке сәйкес келеді;

      4) 1-сыныпты куәлік жаңа үлгідегі "А", "Б", "В", "Г", "Д" санаттары бар куәлікке сәйкес келеді;

      5) К-701 "Кировец" куәлік жаңа үлгідегі "Б" санатты куәлікке сәйкес келеді;

      6) "комбайыншы" мамандығы көрсетілген ауыл шаруашылығы механизаторының куәлігі жаңа үлгідегі "Г" санатты куәлігіне сәйкес келеді;

      7) "тракторшы" мамандығы көрсетілген ауыл шаруашылығы механизаторының куәлігі жаңа үлгідегі "А", "В" санатты куәлігіне сәйкес келеді.

      Санаттары осы Қағидалардың осы тармағында көзделмеген ескі үлгідегі куәліктерді айырбастауға ұсынған кезде жаңа үлгідегі куәліктердің санаттарының сипатына сәйкес келетін санаттарды ғана көшіріп қоя отырып, айырбастау жүзеге асырылады.

      30. Куәлікті ауыстырған кезде жаңадан берілген куәліктің "Ерекше белгілер үшін" деген бағанына бұрынғы куәліктің сериясы, нөмірі және берілген күні жазылады.

      31. Куәлік жоғалған кезде "Телнұсқа" деген белгісі бар жаңа куәлік:

      1) тұрғылықты жері бойынша тіркелген тұлғаларға Тізбенің 8-тармағында көрсетілген құжаттар негізінде көрсетілетін қызметті алушының құжаттары тіркелген сәттен бастап 2 (екі) жұмыс күні ішінде;

      2) көрсетілетін қызметті алушының жүгінген орны бойынша куәлікті бергені туралы мәліметтер болмаған жағдайда, куәлікті берген көрсетілетін қызметті берушінің тракторшы-машинист куәлігін беру кітабындағы жазба негізінде көрсетілетін қызметті алушының құжаттары тіркелген сәттен бастап 10 (он) жұмыс күні ішінде беріледі.

      Тракторшы-машинист куәлігін беру кітабындағы жазуды нақтылауды куәлікті берген көрсетілетін қызметті берушіге тиісті сұраным жіберу арқылы көрсетілетін қызметті беруші жүзеге асырады.

      33. Шетел азаматтарының және азаматтығы жоқ адамдардың куәліктерін айырбастау көрсетілетін қызметті берушіге куәліктердің түпнұсқасы мен олардың мемлекеттік немесе орыс тілдеріндегі расталған аудармасын, ішкі істер органдарында тіркелген жеке басын куәландыратын құжаттарды (паспорт, жеке куәліктер) (түпнұсқа салыстырып тексерілгеннен кейін қайтарылады) ұсыну, куәлік беру үшін мемлекеттік бажды төлеу негізінде құжаттар қабылданған сәттен бастап 2 (екі) жұмыс күні ішінде жүргізіледі.

      Бұл ретте ұлттық куәлікте рұқсат етілген машиналардың санаттарын басқаруға құқық беретін және келу құжаттарының қолданылу мерзіміне осы Қағидалардың 8-тармағының талаптарына сәйкес келетін куәлік беріледі. Ұлттық куәлік көрсетілетін қызметті берушіде сақталады және көрсетілетін қызметті алушыға оның еркін нысандағы өтініші бойынша және бұрын берілген Қазақстан Республикасының куәлігін тапсырғаннан кейін 1 (бір) жұмыс күні ішінде қайтарылып беріледі.

      34. Шетел азаматтарында және азаматтығы жоқ адамдарда ұлттық куәлік болмаған жағдайда, олардың Қазақстан Республикасында болу мерзімі 6 (алты) айдан асатын болса, Қазақстан Республикасының куәлігі жалпы негіздерде беріледі.

      35. Қатаң есептегі бланкілердің келіп түсуін және жұмсалуын есепке алу кітабына қатаң есептілікті сақтау үшін куәліктер бланкілерінің келіп түсуі және жұмсалуы бойынша деректер енгізіледі.

      36. Облыстардың, республикалық маңызы бар қалалардың, астананың, аудандардың және облыстық маңызы бар қалалардың жергілікті атқарушы органдары куәлік бланкілерімен және жұмсалатын материалдармен қамтамасыз етуді жүзеге асырады.

      37. Бланкілерді толтыру кезінде бүлінген бланкілер, куәліктерді беруге және айырбастауға негіз болған шығыс материалдары қайта пайдалану мүмкіндігін болдырмайтын құралдармен және тәсілдермен жыл сайын кәдеге жаратылады, ол туралы тиісті акт жасалады.

      Дәл осындай тәртіппен мыналар кәдеге жаратылады:

      1) орнына жаңасы берілген, қайта табылған куәліктер;

      2) жүргізу құқығынан айыру мерзімі аяқталғаннан кейін 2 (екі) жыл өткеннен кейін талап етілмеген куәліктер, бұл ретте тракторшы-машинист куәліктерін беру кітабына белгі қойылады.

      38. Куәліктерді беруге және ауыстыруға негіз болған материалдар (өтініштер, ескі куәліктер, баждардың төленгені туралы құжаттар, оқыту курстарын бітіргені туралы куәліктердің көшірмелері) бөлек істерге тігіледі және көрсетілетін қызметті беруші белгіленген тәртіппен олардың 3 (үш) жыл бойы бар болуын қамтамасыз етеді және осы мерзім өткеннен кейін комиссиямен жояды. Сондай-ақ, көрсетілетін қызметті беруші "ауыл шаруашылығы өндірісіндегі тракторшы-машинист" мамандығы бойынша оқу куәліктерінің және біліктілігін растайтын дипломдардың көшірмелерінің 10 (он) жыл бойы болуын, тракторшы-машинист куәліктерін беру кітаптары аяқталғаннан кейін, олардың 60 (алпыс) жыл бойы болуын қамтамасыз етеді. Орнына жаңасы берілген куәліктер "Күшін жойды" деген мөртаңба қойылып, істерге тігіледі.

      39. Машиналарды жүргізу құқығынан айырылған адамдардың куәліктері заңнамада белгіленген тәртіппен тиісті әкімшілік-аумақтық бірліктің көрсетілетін қызметті берушісіне беріледі.

3-тарау. Орталық мемлекеттік органдардың, көрсетілетін қызметті берушінің және (немесе) олардың лауазымды адамдарының мемлекеттік қызметтерді көрсету мәселелері бойынша шешімдеріне, әрекетіне (әрекетсіздігіне) шағымдану тәртібі

      40. Мемлекеттік қызметтерді көрсету мәселелері бойынша көрсетілетін қызметті берушінің шешіміне, әрекетіне (әрекетсіздігіне) шағым көрсетілетін қызметті беруші басшысының атына, мемлекеттік қызмет көрсету сапасын бағалау және бақылау жөніндегі уәкілетті органға беріледі.

      Шағым Қазақстан Республикасы ӘРПК-нің 91-бабы 4-тармағына сәйкес келіп түскен жағдайда, көрсетілетін қызметті беруші оны келіп түскен күннен бастап 3 (үш) жұмыс күні ішінде шағымды қарайтын органға (жоғары тұрған әкімшілік орган және (немесе) лауазымды адам) жібереді. Қолайлы акт қабылданған, шағымда көрсетілген талаптарды толық қанағаттандыратын әкімшілік іс-қимыл жасалған жағдайда, көрсетілетін қызметті беруші 3 (үш) жұмыс күні ішінде шағымды қарайтын органға (жоғары тұрған әкімшілік органға және (немесе) лауазымды тұлғаға) шағымды жібермейді.

      41. Көрсетілетін қызметті алушының шағымын Заңның 25-бабы 2-тармағына сәйкес:

      көрсетілетін қызметті беруші – тіркелген күнінен бастап 5 (бес) жұмыс күні ішінде;

      мемлекеттік қызметтер көрсету сапасын бағалау және бақылау жөніндегі уәкілетті орган – тіркелген күнінен бастап 15 (он бес) жұмыс күні ішінде қарауы тиіс.

      42. Көрсетілетін қызметті берушінің, мемлекеттік қызметтер көрсету сапасын бағалау және бақылау жөніндегі уәкілетті органның шағымды қарау мерзімі Заңның 25-бабы 4-тармағына сәйкес:

      1) шағым бойынша қосымша зерделеу немесе тексеру не жергілікті жерге барып тексеру жүргізу;

      2) қосымша ақпарат алу қажет болған жағдайда, 10 (он) жұмыс күнінен аспайтын мерзімге ұзартылады.

      Шағымды қарау мерзімі ұзартылған жағдайда, шағымдарды қарау бойынша өкілеттіктер берілген лауазымды адам шағымды қарау мерзімі ұзартылған кезден бастап 3 (үш) жұмыс күні ішінде шағым берген көрсетілетін қызметті алушыға ұзарту себептерін көрсете отырып, шағымды қарау мерзімінің ұзартылғаны туралы жазбаша нысанда (шағым қағаз жеткізгіште берілген кезде) немесе электрондық нысанда (шағым электрондық түрде берілген кезде) хабарлайды.

      43. Егер заңда өзгеше көзделмесе, ҚР ӘРПК 91-бабы 5-тармағына сәйкес сотқа дейінгі тәртіппен шағым жасалғаннан кейін сотқа жүгінуге жол беріледі.

_____________________________________________________________________ (емтихан пунктінің атауы)

Оқыту курстарын бітіргені туралы куәлік № ______________

      Осы куәлік азамат __________________________________________________

      (аты, әкесінің аты(бар болса), тегі)

      ________"___"_________ бастап, _______"___"_________ дейін

      тракторист-машинист даярлау, қайта даярлау, сыныптылығын жоғарылату бағдарламасы бойынша ______________ сағат көлемінде оқып, біліктілік емтихандарын ("өте жақсы", "жақсы", "қанағаттанарлық") бағаларына тапсырғаны туралы берілді.

      Тракторлардың және басқа да машиналардың құрылысы және техникалық пайдалану қағидалары ________________________________________________________________

      (зерделенетін тракторлар мен өздігінен жүретін машиналардың маркалары қөрсетіледі)

      Агрономия негіздері, механикаландырылған жұмыс өндірісін ұйымдастыру

      технологиясы ______________________________________________________

      Жол қозғалысы қағидалары:__________________________________________

      Тәжірибелік дағдылары мен жүргізу ___________________________________

      Емтихан қабылдау комиссиясының 20___ жылғы "____"_________шешімімен хаттама

      № ______ азамат ____________________________________________________

      (аты, әкесінің аты (бар болса), тегі)

      тракторшы-машинист біліктілігі берілді.

      Емтихан қабылдау комиссиясының төрағасы_________________________________

      Оқыту орнының басшысы _________________________________________________

      20____ жылғы "____" ____________________________________________________

      № _____________емтихан парағының негізінде сериясы_______________________

      санаты ______________ ___________________________ куәлік берілді.

      ________________________________________________________________________

      ___________________ (қолы)

      Мөрдің орны (бар болса)

      20____ жылғы " " _____________________.

Тестілеуді өткізу кезінде техникалық жарақтандыру бойынша қойылатын ең аз техникалық талаптар

      Ескерту. Қағидалар 1-1-қосымшамен толықтырылды - ҚР Ауыл шаруашылығы министрінің 30.12.2022 № 453 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      1. Тестілеу электрондық форматта өткізілген кезде тест тапсырушылар жеке басын куәландыратын құжатты ұсыну не жеке сәйкестендіру нөмірі арқылы сәйкестендіруден өтеді.

      2. Тестілеуге кіргізу кезінде қолмен іздейтін немесе рама типіндегі металл іздеуші қолданылады. Тестілеуге кіргізу кезінде металл іздеушіні қолдану тестілеу өткізу кезінде тест тапсырушылардың қауіпсіздігін қамтамасыз ету, сондай-ақ олардың ғимаратқа байланыс құралдарын, электрондық-есептеу техникасын, фото-, аудио- және бейне аппараттарды, анықтамалық материалдарды, жазбаша жазбаларды және ақпаратты сақтайтын және беретін өзге де құралдарды алып кіруіне жол бермеу аясында жүзеге асырылады. Мұндай құрылғылар тестілеу өткізу уақытында ұяшықтары бар арнайы шкафтарда сақтауға орналастырылады.

      3. Тестілеуді бастау үшін тест тапсырушы биометриялық сәйкестендіру (Digital ID) арқылы жеке басын растауы керек. Бетті экран аймағының ортасына қойып, экранда көрсетілген нұсқауларды орындау қажет.

      4. Тест өтетін залдар жұмыс станцияларымен (Intel Core i3 төмен болмайтын процессор, кемінде 4 Гб жедел жады), үй-жайлардың ауасын баптағыш жүйелерімен, диспенсермен, күту залымен жабдықталуы тиіс.

      5. Әрбір жұмыс станциясы бейнежазба жүргізу, кандидатты суретке түсіру және фотосуретін электрондық сертификаттарға орналастыру үшін веб-камералармен жабдықталуы тиіс.

      6. Тестілеу залдары цифрлық бейне-аудио бақылаудың заманауи жүйесімен жабдықталуы тиіс.

      7. Әрбір тестілеу залында басып шығару мүмкіндігі бар принтер орнатылуы тиіс.

      8. Әрбір тестілеу залы ақпараттық қауіпсіздік қамтамасыз етіле отырып, басқарылатын коммутатормен және жергілікті желімен жабдықталуы тиіс.

      9. Тестілеу залы ұялы байланысты өшіру құралымен, сондай-ақ тестілеу процесінің бейнежазбасын жүргізу үшін техникалық жазба құралдарымен жарақталады.

      10. Тестілеу жүргізу кезінде тестілеу залдарының және бейнебақылау алаңына байланысты рұқсат етілген магниттік толқындар шегінде мобильді және радиоэлектрондық байланыс сигналдарын өшіретін құрылғылар пайдаланылады.

      11. Тестілеуді өткізудің ашықтығы мен объективтілігін қамтамасыз ету үшін тестілеу залдары жалпы бейнебақылау жүйесімен қамтамасыз етіледі.

      12. Әрбір отыратын орын кандидатты суретке түсіру және тестілеу процесіне бейнежазба жүргізу үшін веб-камерамен жабдықталады.

      13. Тестілеу залдарында әрбір отыратын орын екі жеке камерамен жарақтандырылады. Бірінші камера тестілеу процесін жазады және таратады, сондай-ақ прокторинг жүйесі үшін қолданылады. Екінші камера тестілеу алдында, тестілеу кезінде, сондай-ақ тестілеу аяқталғаннан кейін тест тапсырушының биометриясын қолдана отырып сәйкестендіруді қамтамасыз етуге арналады.

___________________________емтихан пунктінің № ___________ Емтихан парағы

      Ескерту. 2-қосымша жаңа редакцияда - ҚР Ауыл шаруашылығы министрінің 30.12.2022 № 453 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Машиналардың санаты ________________

      Тегі_______________

      Аты_______________

      Әкесінің аты (бар болса)________________

      Туған күні____________

      Теориялық емтихан

Тракторшы-машинист куәлігі

      Тегі ________________________________________________________________

      Аты ________________________________________________________________

      Әкесінің аты (бар болса) ______________________________________________

      Туған күні және туған жері ____________________________________________

      ___________________________________________________________________

      Сериясы және нөмірі _________________________________________________

      _____________________________________________________________берді

      (облыстардың, республикалық маңызы бар қалалардың, астананың, аудандардың және облыстық маңызы бар қалалардың жергілікті атқарушы органы)

      Өлшемі

      3,5х4,5 фотоның орны

      ------------------------------------ Мөрдің орны

      ------------------------------------

      20__ жылғы " " _______ 20____ жылғы " " _________ дейін жарамды

      _________________________________________________________________

      (көрсетілетін қызметті берушінің уәкілетті адамының аты, әкесінің аты (бар болса), тегі) _______________________________ _________________________________

      (көрсетілетін қызметті алушының қолы)

      Ауыл шаруашылығы тракторлары мен өздігінен жүретін машиналардың санаттары

      Мыналарға рұқсат берілгені туралы белгі:

      "А" - сыныбы 30 килоНьютонға (3,0 тарту күші) дейінгі (қоса алғанда) доңғалақты тракторларға;

      "Б" - сыныбы 30 килоНьютоннан (3,0 тарту күші) жоғары доңғалақты тракторларға;

      "В" - шынжыр табанды тракторларға;

      "Г" - өздігінен жүретін ауыл шаруашылығы машиналарына;

      "Д" - барлық өздігінен жүретін механикаландырылған мелиорациялық машиналарға және жол-құрылысы машиналарына, оның ішінде экскаваторларға, монтаждалған мелиорациялық және жол-құрылысы машиналарына.

      Ерекше белгілер үшін

      Жеке куәлігі (паспорт сериясы) _________ №___________

      ________________________________________________________берген

      (кім және қашан)

      Жеке сәйкестендіру нөмірі _____________________________________

      Азамат______________________________________________________

      (аты, әкесінің аты (бар болса), тегі)

Өтініш

      Тракторшы-машинист куәлігін беруді, ауыстыруды, тракторшы-машинист куәлігін телнұсқасын беруді сұраймын ___________________________________________________ (себебі көрсетіледі, керек емесін сызып тастау керек)

      Өтінішке мынадай құжаттарды қоса беремін:

      1) _____________________________________________________________

      2) _____________________________________________________________

      Көрсетілетін қызметті алушының колы/электрондық цифрлық колы ______________

      Өтінішті берген күні: 20 жылғы __________________

      Өтінішті қабылдаған күңі: 20 жылғы __________________

      Ұсынылған ақпараттың дұрыстығын растаймын және Қазақстан Республикасының заңнамасына сәйкес дұрыс емес мәліметтер бергенім үшін жауапкершілік туралы хабардармын. Ақпараттық жүйелерде қамтылған заңмен қорғалатын құпияны құрайтын мәліметтерді пайдалануға келісемін.

      Көрсетілетін қызметті алушының колы/электрондық цифрлық колтаңбасы _______

      _______________________________________________________________________

      (аты, әкесінің аты (бар болса), тегі)

      Көрсетілетін қызметті берушінің уәкілетті адамының колы/электрондық цифрлық колтаңбасы __________________________________________________________________

      (аты, әкесінің аты (бар болса), тегі)

      Нысан

"Тракторларды және олардың базасында жасалған өздігінен жүретін шассилер мен механизмдерді, өздігінен жүретін ауыл шаруашылығы, мелиорациялық және жол-құрылыс машиналары мен механизмдерін, сондай-ақ жүріп өту мүмкіндігі жоғары арнайы машиналарды жүргізу құқығына куәліктер беру" мемлекеттік қызметін көрсетуге қойылатын негізгі талаптардың тізбесі

      Ескерту. 5-қосымша жаңа редакцияда - ҚР Ауыл шаруашылығы министрінің 30.12.2022 № 453 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

Тракторшы-машинист куәліктерін беру кітабы

_________________________________________________________________ (көрсетілетін қызметті алушының атауы және мекенжайы) Мемлекеттік қызметті көрсетуден бас тарту туралы уәжді жауап

      Ескерту. 7-қосымша жаңа редакцияда - ҚР Ауыл шаруашылығы министрінің 30.12.2022 № 453 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "Мемлекеттік көрсетілетін қызметтер туралы" Қазақстан Республикасы Заңының 5-бабы 2-тармағының 14) тармақшасына сәйкес

      ____________________________________________________________________

      (көрсетілетін қызметті берушінің атауы мен мекенжайын көрсету)

      көрсетілетін қызметті берушінің қызметкері

      ____________________________________________________________________

      (мемлекеттік көрсетілетін қызметтің атауын көрсету)

      мемлекеттік қызметін көрсетуден бас тартады.

      Бас тарту үшін негіз: _____________________________________________

      ____________________________________________________________________

      ____________________________________________________________________

      Осы мемлекеттік қызмет көрсетуден бас тарту туралы уәжді жауап әрбір

      тарап үшін бір-бірден екі данада жасалды.

      ____________________________________________________________________

      (көрсетілетін қызметті беруші қызметкерінің аты, әкесінің аты (бар болса), тегі, қолы)

      Алдым

      ____________________________________________________________________

      (көрсетілетін қызметті алушының аты, әкесінің аты (бар болса), тегі, қолы)

      20___ жылғы "___"_______

Берілген уақыты мен орны көрсетілген тракторшы-машинист куәлігінің дайын екендігі туралы хабарлама/Уведомление о готовности удостоверения тракториста-машиниста с указанием времени и места выдачи [Хабарлама мәтіні/Текст уведомления] [Облыстардың, республикалық маңызы бар қалалардың, астананың, аудандардың және облыстық маңызы бар қалалардың жергілікті атқарушы органдарының құрылымдық бөлімшесінің басшысы] [қол қоятын адамның аты, әкесінің аты (бар болса), тегі]

Қатаң есептегі бланкілердің келіп түсуін және жұмсалуын есепке алу кітабы