"Қазақстан Республикасы әуе кеңістігін пайдалану және авиация қызметі туралы" Қазақстан Республикасының Заңы 54-бабының 1-тармағына сәйкес БҰЙЫРАМЫН:

      1. Қоса беріліп отырған Азаматтық авиацияның авиациялық оқу орталығын сертификаттау және сертификат беру қағидалары бекітілсін.

      2. Қазақстан Республикасы Инвестициялар және даму министрлігінің Азаматтық авиация комитеті (Б.К. Сейдахметов):

      1) осы бұйрықты Қазақстан Республикасы Әділет министрлігінде заңнамада белгіленген тәртіппен мемлекеттік тіркеуді;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесін бұқаралық ақпарат құралдарында және "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнының "Әділет" ақпараттық-құқықтық жүйесінде ресми жариялауға жіберуді;

      3) осы бұйрықты Қазақстан Республикасы Инвестициялар және даму министрлігінің интернет-ресурсында және мемлекеттік органдардың интранет-порталында орналастыруды;

      4) осы бұйрық Қазақстан Республикасы Әділет министрлігінде мемлекеттік тіркелгеннен кейін 10 жұмыс күні ішінде осы бұйрықтың 2-тармағының 1), 2) және 3) тармақшаларында көзделген іс-шаралардың орындалуы туралы мәліметтерді Қазақстан Республикасы Инвестициялар және даму министрлігінің Заң департаментіне ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасының Инвестициялар және даму бірінші вице-министрі Ж.М. Қасымбекке жүктелсін.

      4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

Азаматтық авиацияның авиациялық оқу орталығын сертификаттау және сертификат беру қағидалары

      Ескерту. Қағидалар жаңа редакцияда - ҚР Көлік министрінің 29.11.2024 № 391 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

1-тарау. Жалпы ережелер

      1. Осы Азаматтық авиацияның авиациялық оқу орталығын сертификаттау және сертификат беру қағидалары (бұдан әрі – Қағидалар) "Қазақстан Республикасының әуе кеңістігін пайдалану және авиация қызметі туралы" Қазақстан Республикасы Заңы 14-бабының 1-тармағының 41-26) тармақшасына (бұдан әрі – Заң), "Мемлекеттік көрсетілетін қызметтер туралы" Қазақстан Республикасының Заңы 10-бабының 1) тармақшасына сәйкес әзірленді және азаматтық авиацияның авиациялық оқу орталығын сертификаттау және сертификат беру және "Азаматтық авиацияның авиациялық оқу орталығының сертификатын беру" мемлекеттік қызметті (бұдан әрі - мемлекеттік қызмет) көрсету тәртібін анықтайды.

      2. Осы Қағидаларда мынадай терминдер мен анықтамалар пайдаланылады:

      1) азаматтық авиацияның авиация персоналының кәсіптік даярлауы (бұдан әрі – кәсіптік даярлау) бастапқы даярлау, қайта даярлау, кәсіптік деңгейін қолдау;

      2) азаматтық авиация саласындағы төлемдер – азаматтық авиация саласындағы уәкілетті ұйым көрсететін қызметтер үшін жеке және заңды тұлғалардың төлемі, сондай-ақ азаматтық авиация саласындағы уәкілетті ұйымның бюджетіне ұшу қауіпсіздігі мен авиациялық қауіпсіздікті қамтамасыз етуді тұрақты қадағалауды жүзеге асыратын заңды тұлғалардың міндетті аударымы;

      3) азаматтық авиация саласындағы уәкілетті ұйым (бұдан әрі – уәкілетті ұйым) – жарғылық капиталына мемлекет жүз пайыз қатысатын, Қазақстан Республикасының азаматтық авиация саласын орнықты дамытуды, ұшу қауіпсіздігі мен авиациялық қауіпсіздікті қамтамасыз етуге бағытталған қызметті жүзеге асыратын акционерлік қоғам;

      4) авиациялық оқу орталығы – авиация персоналын даярлауды, қайта даярлауды және олардың кәсіптік деңгейін ұстауды жүзеге асыратын заңды тұлға;

      5) авиациялық оқу орталығының жарғысы (құрылтай шарты) (бұдан әрі – Жарғы) – оның негізінде авиациялық оқу орталығы өз қызметін Қазақстан Республикасының азаматтық заңнамасына сәйкес жүзеге асыратын құжат;

      6) кәсіптік даярлау бағдарламасы – азаматтық авиация саласындағы уәкілетті орган бекіткен ұшу қауіпсіздігін қамтамасыз етуге қатысатын авиация персоналының кәсіптік даярлығының үлгілік бағдарламаларға (бұдан әрі – үлгілік бағдарламалар) Халықаралық азаматтық авиация ұйымының (ИКАО) стандарттарына және ұсынылатын практикасына, Еуропалық авиациялық қағидаларға сәйкес авиациялық оқу орталықтары және (немесе) азаматтық авиация ұйымдары әзірленген және бекітілген және уәкілетті ұйыммен келісілген авиациялық персоналды кәсіптік даярлауға бағытталған құжат;

      7) кәсіптік деңгейді ұстау – мақсаты құжаттарды (оқытудын аяқталуын куәландыратын куәлік, сертификат, және диплом) бере отырып, ғылыми-техникалық, әлеуметтік-экономикалық дамумен және азаматтардың жеке қажеттілігіне негізделген кәсіптік білімді, машық пен дағдыны жаңарту, кеңейту және тереңдету болып табылатын авиация персоналын оқыту процесі;

      8) қайта даярлау – құжаттарды (оқытудын аяқталуын куәландыратын куәлік, сертификат және диплом) бере отырып, азаматтық авиация саласы мамандарын оқытудың жаңа (қосымша) кәсіптік білім, дағды, машық (оның ішінде біліктілік белгілерін) алуға және авиациялық техниканы зерделеуге бағытталған процесі;

      9) өтініш – өтініш берушінің авиациялық оқу орталығының сертификатын алу, авиациялық оқу орталығының нұсқаушы және емтихан алушы персоналын келісу туралы хат алу, авиациялық оқу орталығы сертификатының қолданылу саласын кеңейту, шетелдік авиациялық оқу орталығының сертификатын тану үшін азаматтық авиация саласындағы уәкілетті ұйымға жазбаша өтініші;

      10) өтініш беруші – осы Қағидаларда көзделген мемлекеттік қызметті алу үшін уәкілетті ұйымға жүгінген заңды тұлға;

      11) сертификаттық талаптар – авиация персоналын ұйымдастыру, ұстау, даярлау деңгейі мен сапасын белгілеу мақсатында авиациялық оқу орталықтарына қойылатын талаптар;

      12) танылған шетелдік авиациялық оқу орталықтарының тізілімі – Қазақстан Республикасы азаматтық авиациясының авиациялық персоналын кәсіптік даярлауды жүзеге асыратын танылған шетелдік авиациялық оқу орталықтары туралы жазба жүргізілетін құжат;

      13) үлгілік бағдарламалар – уәкілетті орган бекітетін, авиациялық оқу орталығы мен азаматтық авиацияны ұйымдастыру үшін бағыттардың, мамандықтардың және қызметтің ерекшеліктерін көрсететін оқу бағдарламаларын дербес құру мүмкіндігін сақтай отырып, кәсіптік даярлыққа бірыңғай тәсілді қамтамасыз ететін бағдарламалар.

      3. Құжаттарды қабылдау және авиациялық оқу орталығының сертификатын (бұдан әрі – сертификат) беру "электрондық үкімет" веб-порталы (бұдан әрі - портал) арқылы жүзеге асырылады.

      4. Авиациялық оқу орталығын сертификаттау (бұдан әрі - сертификаттау) және авиациялық оқу орталығы сертификатының қолданылу аясын кеңейту үшін "Қазақстан Республикасының азаматтық авиациясы саласындағы төлемдерді алу қағидаларын бекіту туралы" Қазақстан Республикасы Индустрия және инфрақұрылымдық даму министрінің міндетін атқарушының 2023 жылғы 24 наурыздағы № 177 бұйрығымен (Нормативтік құқықтық актілердің мемлекеттік тіркеу тізілімінде № 32120 болып тіркелген) айқындалатын тәртіппен ақы алынады.

      Төлем мөлшері "Азаматтық авиация саласындағы уәкілетті ұйымның ақылы көрсетілетін қызметтерінің тізбесін және азаматтық авиация саласындағы төлем мөлшерлемелерін бекіту туралы" Қазақстан Республикасы Индустрия және инфрақұрылымдық даму министрінің 2023 жылғы 17 наурыздағы № 167 бұйрығымен (Нормативтік құқықтық актілердің мемлекеттік тіркеу тізілімінде № 32089 болып тіркелген) анықталады.

      Сертификаттау және сертификатының қолданылу аясын кеңейту азаматтық авиация саласындағы уәкілетті ұйымның бюджетіне төленгеннен кейін жүзеге асырылады.

2-тарау. Сертификаттау және сертификатының қолданылу саласын кеңейту

      5. Өтініш беруші сертификатын алу және (немесе) қолданылу саласын кеңейту үшін портал арқылы уәкілетті ұйымға осы Қағидалардың 1-қосымшаға сәйкес нысан бойынша сертификаттауды жүргізуге ЭЦҚ арқылы қол қойылған өтінішті және осы Қағидаларға 2-қосымшаға сәйкес мемлекеттік қызмет көрсетуге қойылатын негізгі талаптардың тізбесіне (бұдан әрі – Негізгі талаптар тізбесі) сәйкес құжаттар топтамасын жолдайды.

      Негізгі талаптардың тізбесі процестің сипаттамасын, нысанын, мазмұны мен көрсету нәтижесін, сондай-ақ мемлекеттік қызметті көрсету ерекшеліктерін көрсете отырып, өзге де мәліметтерді қамтиды.

      Уәкілетті ұйымның құжаттарды және сертификатын жалпы қарау мерзімі 27 (жиырма жеті) жұмыс күнін құрайды.

      Өтініш беруші портал арқылы құжаттарды берген кезде өтініш берушінің "жеке кабинетінде" мемлекеттік қызметті көрсету нәтижесін алу күнін көрсете отырып, мемлекеттік қызметті көрсету үшін сұрау салудың қабылданғаны туралы мәртебе көрсетіледі.

      6. Уәкілетті ұйым құжаттар мен мәліметтерді тіркеуді олар келіп түскен күні жүзеге асырады.

      Өтініш беруші жүгінген кезде немесе құжаттар жұмыс уақыты аяқталғаннан кейін, Қазақстан Республикасының еңбек заңнамасына сәйкес демалыс және мереке күндері келіп түскен кезде өтінішті қабылдау және нәтиже беру келесі жұмыс күні жүзеге асырылады.

      Жеке басты куәландыратын құжаттар туралы, заңды тұлғаны мемлекеттік тіркеу (қайта тіркеу) туралы, дара кәсіпкер ретінде мемлекеттік тіркеу туралы мәліметтерді уәкілетті ұйым "электрондық үкіметтің" шлюзі арқылы тиісті мемлекеттік ақпараттық жүйелерден алады.

      7. Уәкілетті ұйым 2 (екі) жұмыс күні ішінде ұсынылған құжаттардың толықтығын тексереді егер өтініш беруші негізгі талаптар тізбесінің 8-тармағында көзделген құжаттар топтамасын қолданылу мерзімі өткен және (немесе) құжаттарды толық ұсынбаған жағдайда уәкілетті ұйым басшысының не оның орнындағы адамның өтініш берушінің жеке кабинетіне электрондық цифрлық қолтаңбамен (бұдан әрі – ЭЦҚ) қол қойылған электрондық құжат нысанындағы өтінішті портал арқылы қабылдаудан бас тартады.

      Өтініш беруші Негізгі талаптар тізбесінің 8-тармағында көзделген құжаттардың толық топтамасын ұсынған кезде уәкілетті ұйым "Авиациялық оқу орталықтарына қойылатын сертификаттық талаптарды бекіту туралы" Қазақстан Республикасы Инвестициялар және даму министрінің міндетін атқарушының 2015 жылғы 24 ақпандағы № 158 бұйрығымен (Нормативтік құқықтық актілерді мемлекеттік тіркеу тізілімінде № 10554 болып тіркелген) бекітілген авиациялық оқу орталықтарына қойылатын сертификаттық талаптарға сәйкестігіне мемлекеттік қызмет көрсету үшін қажетті өтініш берушінің ұсынылған құжаттарын тексереді (бұдан әрі – сертификаттау талаптары).

      8. Құжаттар сертификаттау талаптарына сәйкес келген кезде уәкілетті ұйым 2 (екі) жұмыс күні ішінде уәкілетті ұйым басшысының немесе оны алмастыратын адамның бұйрығымен сертификаттық тексеру жүргізу үшін комиссиясын (бұдан әрі – комиссия) құрады.

      Комиссияның құрамына уәкілетті ұйымның кемінде 2 (екі) қызметкері енгізіледі, олардың құзыретіне авиациялық персоналдың кәсіптік даярлау, куәліктер беру және (немесе) авиациялық оқу орталығында кәсіптік даярлау бағдарламасын іске асыру бағыты бойынша мәселелер жатады.

      9. Авиациялық оқу орталығына сертификаттық тексеру (бұдан әрі – сертификаттық тексеру) жүргізу басталғанға дейін кемінде 2 (екі) жұмыс күні мерзімінде уәкілетті ұйым өтініш берушінің "жеке кабинетіне" порталға уәкілетті ұйымның уәкілетті тұлғасының ЭЦҚ қол қойылған, сертификаттау рәсімінің басталу күні, ықтимал өзгерістері мен толықтырулары туралы ақпаратты қамтитын хабарламаны, сондай-ақ Қазақстан Республикасының нормативтік құқықтық актілерінің және оларға сәйкес сертификаттық тексеру жүзеге асырылатын халықаралық ұйымдардың құжаттарының тізбесін жібереді.

      10. Сертификаттық тексеру осы Қағидаларға 3-қосымшаға сәйкес нысан бойынша сертификаттық тексеру бағдарламасы бойынша және Заңының 16-9-бабы 2-тармағының 4) тармақшасына сәйкес уәкілетті ұйым әзірлеген және бекіткен нұсқаулық материалды пайдалана отырып "Азаматтық авиацияның авиациялық оқу орталығының сертификатын беру" мемлекеттік қызмет көрсетудің белгіленген мерзімдері шеңберінде жүргізіледі.

      11. Осы Қағидаларға 4-қосымшаға сәйкес нысан бойынша сертификаттық тексеру актісіне (бұдан әрі – акт) комиссияның барлық мүшелері қол қояды және қол қойылған сәттен бастап 3 (үш) жұмыс күні ішінде, бірақ мемлекеттік қызмет көрсетудің белгіленген мерзімінен кешіктірмей танысу үшін өтініш берушіге жіберіледі.

      Акт сертификаттау талаптарына сәйкестігі немесе сәйкес еместігі, сондай-ақ сертификатын беру мүмкіндігі немесе мүмкін емес туралы қорытындылар, ұсынымдар мен қорытындылар көрсете отырып, екі данада жасалады.

      12. Негізгі талаптар тізбесінің 9-тармағына сәйкес мемлекеттік қызмет көрсетуден бас тарту үшін негіздер анықталған кезде уәкілетті ұйым өтініш берушіге мемлекеттік қызмет көрсетуден бас тарту туралы алдын ала шешім туралы, сондай-ақ өтініш берушіге алдын ала шешім бойынша ұстанымын білдіру мүмкіндігі үшін тыңдауды өткізудің уақыты мен орны (тәсілі) туралы хабарлайды.

      Тыңдау туралы хабарлама мемлекеттік қызмет көрсету мерзімі аяқталғанға дейін кемінде 3 (үш) жұмыс күні бұрын жіберіледі. Тыңдау хабарлама жасалған күннен бастап 2 (екі) жұмыс күнінен кешіктірілмей жүргізіледі.

      Тыңдау қорытындысы бойынша уәкілетті ұйым авиациялық оқу орталығына сертификаттық тексеру (бұдан әрі – сертификаттық тексеру) жүргізу мүмкіндігі туралы оң шешім не мемлекеттік қызмет көрсетуден бас тарту туралы хабарлама қабылдайды.

      13. Уәкілетті ұйым Қазақстан Республикасы Көлік және коммуникация министрінің міндетін атқарушының 2013 жылғы 14 маусымдағы № 452 бұйрығымен бекітілген (Нормативтік құқықтық актілерді мемлекеттік тіркеу тізілімінде тіркелген) Мемлекеттік қызмет көрсету мониторингінің ақпараттық жүйесіне мемлекеттік қызмет көрсету мониторингінің ақпараттық жүйесіне деректерді енгізу қағидаларына сәйкес мемлекеттік қызмет көрсету сатысы туралы деректерді енгізуді қамтамасыз етеді № 8555 құқықтық актілер).

      14. Сертификат 2 (екі) жылдан аспайтын мерзімге беріледі. 2-деңгейдегі сәйкессіздіктер болған кезде сертификат 3 (үш) айдан аспайтын түзету іс-қимылдары жоспарын орындау кезеңіне сертификаттың қолданылу мерзімі шектеле отырып және (немесе) қолданылу аясы шектеулі түрде беріледі.

      Анықталған сертификаттау талаптарына сәйкессіздіктер жойылғаннан кейін өтініш беруші өтінімді уәкілетті ұйымға қайта жібереді.

      Сертификатының қолданылу саласын кеңейту кезінде оның қолданылу мерзімі өзгеріссіз қалады.

      15. Өтініш беруші уәкілетті ұйымға сертификатқа тиісті өзгерістер енгізуге өтінішті қажетті құжаттарды қоса бере отырып еркін нысанда береді:

      1) авиациялық оқу орталығының атауын өзгерту кезінде;

      2) авиациялық оқу орталығының ұйымдық-құқықтық нысанын өзгерту кезінде;

      3) бұрын берілген сертификатының қолданылу саласына және (немесе) оның қолданылу мерзіміне байланысты шектеулерді алып тастау кезінде.

      Бұл ретте сертификаттауды жүргізу талап етілмейді, ал жаңа сертификат 10 (он) жұмыс күні ішінде беріледі.

      16. Сертификат басқа тұлғаға берілмейді. Авиациялық оқу орталығы сертификаттың қолданылу саласына сәйкес уәкілетті ұйыммен келісілген кәсіптік даярлау бағдарламаларын іске асыру нәтижесінде белгіленген үлгідегі құжаттарды береді.

      17. Азаматтық авиация саласындағы уәкілетті орган бұйрық мемлекеттік тіркелген күннен бастап үш жұмыс күні ішінде көрсетілетін қызметті берушіге, "электрондық үкіметтің" ақпараттық-коммуникациялық инфрақұрылымының операторына және Бірыңғай байланыс орталығына мемлекеттік қызмет көрсету тәртібін айқындайтын, осы Қағидаларға енгізілген өзгерістер және (немесе) толықтырулар туралы ақпаратты жолдайды.

      18. Сертификаттық тексеру кезінде анықталған сертификаттық талаптарға сәйкессіздіктер үш деңгейге бөлінеді: 1 деңгей, 2 деңгей және 3 деңгей.

      1-деңгейге қызметті жүзеге асыруға кедергі келтіретін сертификаттау талаптарына сәйкессіздік жатады.

      2-деңгейге уәкілетті ұйыммен келісілген мерзімдерде жойылған немесе шектеулер енгізілген жағдайда қызметті жүзеге асыруға кедергі келтірмейтін сертификаттау талаптарына сәйкессіздік жатады.

      3-деңгейге қызметті жүзеге асыруға кедергі келтірмейтін және өндірісті жетілдіру кезінде оны жоюға жататын сертификаттау талаптарына сәйкессіздік жатады.

      19. 1-деңгейдегі сертификаттау талаптарына сәйкессіздіктер өтініш берушінің техникалық және қаржылық мүмкіндіктеріне сүйене отырып, өтініш берушінің адам өмірі мен денсаулығын, қоршаған ортаны, ұшу қауіпсіздігін және авиациялық қауіпсіздікті қамтамасыз ете алмауымен сипатталады.

      20. 1-деңгейдегі сертификаттау талаптарына сәйкес келмеген жағдайда уәкілетті ұйым авиациялық оқу орталығының сертификатын беруден бас тартады.

      Авиациялық оқу орталығында қолданыстағы сертификат болған кезде уәкілетті ұйым өтініш беруші анықтаған сәйкессіздіктер жойылған сәтке дейін Қазақстан Республикасының әуе кеңістігін пайдалану және авиация қызметі туралы заңнамасында белгіленген тәртіппен сертификатты кері қайтарып алады.

      21. 2 деңгейдегі сертификаттау талаптарына сәйкес келмеген жағдайда уәкілетті ұйым:

      1) анықталған сәйкессіздікті жою үшін ол анықталған сәттен бастап үш айдан аспайтын мерзімге келіседі. Өтініш беруші анықталған сәйкессіздікті жою бойынша түзету іс қимылдарының жоспарын әзірлейді және актімен танысқан сәттен бастап он жұмыс күні ішінде уәкілетті ұйымға ұсынады;

      2) анықталған сәйкессіздікті жою бойынша өтініш беруші ұсынған шараларды бағалау негізінде түзету іс-қимылдарының жоспарын келіседі не оны негіздемемен пысықтауға қайтарады.

      Түзету іс-қимылдарының жоспарында көрсетілген мерзімді уәкілетті ұйым өтініш беруші оны өзгерту қажеттігі туралы негіздеме ұсынған жағдайда ұзартады.

      22. Уәкілетті ұйым өтініш берушінің тексеру немесе бақылау мен қадағалаудың өзге де нысандарын жүргізу жолымен жоспарда белгіленген мерзімдерде түзету іс-қимылдары жоспарын ұсынуын және (немесе) түзету іс-қимылдарының орындалуын бақылайды.

      Егер өтініш беруші түзету іс-қимылдарының қолайлы жоспарын ұсынбаса немесе уәкілетті ұйым келіскен мерзімдерде түзету іс-әрекеттерін орындамаса, 2-деңгейдің сертификаттау талаптарына сәйкес келмеуі 1-деңгейдің сертификаттау талаптарына сәйкес келмейді және уәкілетті ұйым сертификатын беруден бас тартады немесе бұрын берілген сертификатын кері қайтарып алады.

      3-деңгейдегі сертификаттау талаптарына сәйкес келмеген жағдайда түзету іс-қимылдарының жоспары талап етілмейді.

      23. Өтініш беруші сертификаттау талаптарына сәйкес келген немесе 2 және (немесе) 3-деңгейдегі сертификаттау талаптарына сәйкес келмеген кезде уәкілетті ұйым актіге қол қойылған сәттен бастап 3 (үш) жұмыс күні ішінде, бірақ "Азаматтық авиацияның авиациялық оқу орталығының сертификатын беру" мемлекеттік қызмет көрсетудің белгіленген мерзімінен кешіктірмей осы Қағидаларға 5-қосымшаға сәйкес нысан бойынша сертификатын ресімдейді және өтініш берушінің "жеке кабинетіне" порталға жібереді.

      24. Портал арқылы жүгінген кезде өтініш берушінің "жеке кабинетіне" мемлекеттік көрсетілетін қызметтің нәтижесі туралы хабарлама жіберіледі.

      25. Өтініш беруші түзету іс-қимылдары жоспарының келісілген мерзімінен кешіктірмей 2-деңгейдегі сертификаттау талаптарына сәйкессіздіктер жойылғаннан кейін растайтын құжаттардың қосымшасымен барлық сәйкессіздіктерді жою туралы уәкілетті ұйымды хабардар етеді.

      26. Тексеру нысанындағы түзету іс-қимылдары жоспарының орындалуын бақылау ұшу қауіпсіздігін басқару жүйесін енгізуге, әуе кемесін, ұшуды имитациялаудың тренажерлік құрылғыларын пайдалануға, материалдық-техникалық базаны қамтамасыз етуге байланысты 2-деңгейдегі сәйкессіздіктер анықталған жағдайларда жүзеге асырылады.

      27. Ұшу қауіпсіздігін және авиациялық қауіпсіздікті қамтамасыз ету жөніндегі заңды тұлғалардың қызметін бақылау және талдау нысанында түзету іс-қимылдары жоспарының орындалуын бақылау авиациялық персоналды және авиациялық оқу орталығы персоналын кәсіптік даярлаудың басшы құжаттарына, бағдарламаларына байланысты 2-деңгейдегі сәйкессіздіктер анықталған жағдайларда жүзеге асырылады.

      28. Түзету іс-қимылдары жоспарының орындалуын бақылау нәтижелері бойынша уәкілетті ұйым түзету іс-әрекеттерін белгіленген мерзімдерде орындау не орындамау туралы қорытынды шығара отырып, бақылау тексеру актісін ресімдейді.

3-тарау. Авиациялық оқу орталығының нұсқаушы және емтихан алушы персоналын келісу тәртібі

      29. Авиациялық оқу орталығының нұсқаушы және емтихан алушы персоналы осы Қағидаларда айқындалатын тәртіппен уәкілетті ұйыммен келісіледі.

      Осы талап авиация персоналының біліктілік деңгейін айқындау мақсатында уәкілетті ұйым тағайындайтын жеке тұлғаларға қолданылмайды.

      30. Авиациялық оқу орталығының нұсқаушы және емтихан алушы персоналын келісу үшін өтініш беруші уәкілетті ұйымға еркін нысанда портал арқылы нұсқаушы және емтихан алушы персоналдың тегі, аты және әкесінің аты (бар болса), білімі, біліктілігі, жұмыс тәжірибесі (авиациялық оқу орталығының штаттық немесе штаттан тыс қызметкері) туралы деректерін және Негізгі талаптар тізбесінің 8-тармағында көзделген құжаттар пакетін көрсете отырып өтініш жібереді.

      Уәкілетті ұйым авиациялық оқу орталығының нұсқаушы және емтихан алушы персоналын келісуді 10 (он) жұмыс күні ішінде жүзеге асырады.

      Өтініш беруші құжаттарды портал арқылы берген кезде өтініш берушінің "жеке кабинетінде" мемлекеттік көрсетілетін қызмет нәтижесін алған күнін көрсете отырып, мемлекеттік қызметті көрсету үшін сұрау салудың қабылданғаны туралы мәртебе көрсетіледі.

      31. Уәкілетті ұйым құжаттар мен мәліметтерді олар келіп түскен күні тіркеуді жүзеге асырады.

      Өтініш беруші өтініш берген немесе құжаттар жұмыс уақыты аяқталғаннан кейін, Қазақстан Республикасының еңбек заңнамасына сәйкес демалыс және мереке күндері келіп түскен кезде өтінімді қабылдау және нәтиже беру келесі жұмыс күні жүзеге асырылады.

      32. Уәкілетті ұйым 2 (екі) жұмыс күні ішінде ұсынылған құжаттардың толықтығын тексереді және өтініш беруші Негізгі талаптар тізбесінің 8-тармағында көзделген құжаттар топтамасын толық ұсынбаған кезде өтінішті портал арқылы қабылдаудан бас тартады.

      33. Осы Қағидаларға Негізгі талаптар тізбесінің 8-тармағында көрсетілген құжаттардың толық топтамасын ұсынған кезде уәкілетті ұйым авиациялық оқу орталығының нұсқаушы және емтихан алушы персоналының құжаттарын сертификаттау талаптарында белгіленген біліктілік талаптарына (бұдан әрі – біліктілік талаптары) сәйкестігі тұрғысынан қарайды.

      Авиациялық оқу орталығының нұсқаушы және емтихан алушы персоналы біліктілік талаптарына сәйкес келмеген жағдайда уәкілетті ұйым ҚР ӘРПК 73-бабына сәйкес келісу мерзімі аяқталғанға дейін 3 (үш) жұмыс күнінен кешіктірмей өтініш берушіге бас тарту туралы алдын ала шешім туралы хабарламаны, сондай-ақ тыңдауды өткізу уақыты мен орнын өтініш берушіге алдын ала шешім бойынша ұстанымын білдіру мүмкіндігі үшін жібереді.

      Тыңдау нәтижелері бойынша әкімшілік рәсімге қатысушы өзінің қарсылығын ауызша білдірген кезде уәкілетті ұйым тыңдау хаттамасын жүргізеді.

      Тыңдау қорытындысы бойынша уәкілетті ұйым авиациялық оқу орталығының нұсқаушы және емтихан алушы персоналын келіседі, немесе дәлелді бас тарту туралы уәкілетті ұйым басшысының не оның орнындағы адамның ЭЦҚ қойылған электрондық құжат нысанында өтініш берушінің жеке кабинетіне портал арқылы жібереді.

4-тарау. Шетелдік авиациялық оқу орталығының сертификатын тану тәртібі

      34. Шетелдік авиациялық оқу орталықтары осы Қағидаларға сәйкес олардың сертификаттарын уәкілетті ұйым танығаннан кейін Азаматтық авиацияның авиациялық персоналын бастапқы даярлауға, қайта даярлауға және олардың кәсіби деңгейін қолдауға жіберіледі.

      35. Шетелдік авиациялық оқу орталығының сертификатын (бұдан әрі – шетелдік сертификат) тану үшін өтініш беруші уәкілетті ұйымға портал арқылы осы Қағидаларға 7-қосымшаға сәйкес нысан бойынша өтінішті және осы Қағидаларға 2-қосымшаға сәйкес негізгі талаптар тізбесінің 8-тармағына сәйкес құжаттарды жібереді. Өтініш беруші құжаттарды портал арқылы берген кезде өтініш берушінің жеке кабинетінде мемлекеттік көрсетілетін қызмет нәтижесін алған күнін көрсете отырып, мемлекеттік көрсетілетін қызмет үшін сұрау салудың қабылданғаны туралы мәртебе көрсетіледі.

      36. "Азаматтық авиацияның шетелдік авиациялық оқу орталығының сертификатын тану" мемлекеттік қызметінің кіші түрін көрсету мерзімі 45 (қырық бес) жұмыс күнін құрайды.

      37. Уәкілетті ұйым құжаттар мен мәліметтерді олар келіп түскен күні тіркеуді жүзеге асырады. Өтініш беруші өтініш берген немесе құжаттар келіп түскен кезде жұмыс уақыты аяқталғаннан кейін, Қазақстан Республикасының еңбек заңнамасына сәйкес демалыс және мереке күндері өтінішті қабылдау және нәтиже беру келесі жұмыс күні жүзеге асырылады.

      38. Уәкілетті ұйымның жауапты орындаушысы 2 (екі) жұмыс күні ішінде өтініш беруші ұсынған құжаттардың толықтығын тексереді және негізгі талаптар тізбесінің 8-тармағында көзделген құжаттар топтамасы толық ұсынылмаған кезде өтінішті портал арқылы қабылдаудан бас тартады.

      39. Өтініш беруші негізгі талаптар тізбесінің 8-тармағында көрсетілген құжаттардың толық топтамасын ұсынған кезде уәкілетті ұйымның жауапты орындаушысы 5 (бес) жұмыс күні ішінде шетелдік авиациялық оқу орталығының авиациялық персоналын кәсіптік даярлау бағдарламасының Қазақстан Республикасының азаматтық авиация саласындағы қолданыстағы заңнамаға сәйкестігін тексеруді жүзеге асырады.

      40. Шетелдік авиациялық оқу орталығының авиациялық персоналын кәсіптік даярлау бағдарламасы Қазақстан Республикасының азаматтық авиация саласындағы қолданыстағы заңнамасына сәйкес келген кезде уәкілетті ұйымның жауапты орындаушысы шетелдік сертификаттың жарамдылығын растау үшін осы сертификатты берген шет мемлекеттің авиациялық билік орындарының ресми интернет-ресурсында жарияланған ақпаратты басшылыққа алады.

      Шетелдік сертификат берген шет мемлекеттің авиациялық өкіметтерінің ресми интернет-ресурсынан ақпарат алу мүмкіндігі болмаған кезде уәкілетті ұйым 2 (екі) жұмыс күні ішінде осы сертификаттың түпнұсқалығын растау үшін берген шет мемлекеттің авиациялық өкіметтеріне электрондық пошта арқылы сұрау салуды жібереді.

      Шет мемлекеттің авиациялық билігіне сұрау салуға жауапты күту мерзімі 33 (отыз үш) жұмыс күнін құрайды.

      41. Шетелдік сертификаттың жарамдылығын растауды алған кезде уәкілетті ұйым 3 (үш) жұмыс күні ішінде портал арқылы "Азаматтық авиацияның шетелдік авиациялық оқу орталығының сертификатын тану" мемлекеттік көрсетілетін қызмет түрінің нәтижесін ресімдейді.

      42. Уәкілетті ұйым шетелдік авиациялық оқу орталығының қолданылу саласында көзделген авиациялық персоналды кәсіптік даярлаудың нақты бағдарламасы бойынша шетелдік сертификатты таниды.

      43. Уәкілетті ұйым осы Қағидаларға 8-қосымшаға сәйкес нысан бойынша танылған шетелдік авиациялық оқу орталықтарының тізілімін қалыптастырады және жүргізеді.

      44. Уәкілетті ұйым негізгі талаптар тізбесінің 9-тармағында көрсетілген негіздерге сәйкес шетелдік сертификатты танудан бас тартады.

      45. Шетелдік сертификатты танудан бас тарту үшін негіздер анықталған кезде уәкілетті ұйым "Азаматтық авиацияның шетелдік авиациялық оқу орталығының сертификатын тану" мемлекеттік қызметінің кіші түрін көрсету мерзімі аяқталғанға дейін 3 (үш) жұмыс күнінен кешіктірмей ҚР АППК-нің 73-бабына сәйкес өтініш берушіге бас тарту туралы алдын ала шешім, сондай-ақ өткізу күні, уақыты мен орны туралы хабарлама жібереді тыңдаулар өтініш берушіге алдын ала шешім бойынша ұстанымын білдіру мүмкіндігі үшін.

      Әкімшілік рәсімге қатысушы әкімшілік іс бойынша алдын ала шешімге оны алған күннен бастап 2 (екі) жұмыс күнінен кешіктірілмейтін мерзімде береді немесе қарсылық білдіреді.

      Әкімшілік рәсімге қатысушы өзінің қарсылығын ауызша білдірген кезде Уәкілетті ұйым тыңдау хаттамасын жүргізеді.

      Тыңдау қорытындысы бойынша Уәкілетті ұйым шетелдік Сертификатты тану туралы хатты не дәлелді бас тартуды портал арқылы уәкілетті ұйым басшысының не оны алмастыратын тұлғаның ЭЦҚ қойылған электрондық құжат нысанында өтініш берушінің Жеке кабинетіне жібереді.

      46. Шетелдік сертификатты уәкілетті ұйым 2 (екі) жылдан аспайтын мерзімге танылатын мерзімсіз сертификатты қоспағанда, шетелдік сертификаттың қолданылу мерзіміне таниды.

5-тарау. Шағымды қарау тәртібі

      47. Әкімшілік актіні әкімшілік (сотқа дейінгі) тәртіппен қабылдауға байланысты уәкілетті ұйымның әкімшілік әрекетіне (әрекетсіздігіне) шағымды қарауды жоғары тұрған әкімшілік орган, лауазымды адам, мемлекеттік қызметтер көрсету сапасын бағалау және бақылау жөніндегі уәкілетті орган жүргізеді.

      48. Өтініш берушінің шағымы "Мемлекеттік көрсетілетін қызметтер туралы" Қазақстан Республикасының Заңы 25-бабының 2-тармағына сәйкес:

      азаматтық авиация саласындағы уәкілетті ұйым, азаматтық авиация саласындағы уәкілетті органға (бұдан әрі – уәкілетті орган) – тіркелген күнінен бастап 5 (бес) жұмыс күн ішінде қаралуға тиіс;

      мемлекеттік қызметтер көрсету сапасын бағалау және бақылау жөніндегі уәкілетті орган – ол тіркелген күннен бастап 15 (он бес) жұмыс күн ішінде қаралуға тиіс.

      49. Шағым уәкілетті ұйымға және (немесе) азаматтық авиация саласындағы уәкілетті органға және (немесе) шешіміне, әрекетіне (әрекетсіздігіне) шағым жасалатын лауазымды адамға беріледі.

      Уәкілетті ұйым, азаматтық авиация саласындағы уәкілетті орган, шешіміне, әрекетіне (әрекетсіздігіне) шағым жасалатын лауазымды адам шағым түскен күннен бастап 3 (үш) жұмыс күнінен кешіктірмей оны және әкімшілік істі шағымды қарайтын органға жібереді.

      Бұл ретте, егер 3 (үш) жұмыс күні ішінде шағымда көрсетілген талаптарды толық қанағаттандыратын шешім не өзге де әкімшілік іс-әрекет қабылданса, шешіміне, әрекетіне (әрекетсіздігіне) шағым жасалатын лауазымды адам шағымды қарайтын органға шағым жібермейді.

      Шағымды уәкілетті ұйымның, уәкілетті органның, мемлекеттік қызметтер көрсету сапасын бағалау және бақылау жөніндегі уәкілетті органның қарау мерзімі "Мемлекеттік көрсетілетін қызметтер туралы" Қазақстан Республикасының Заңы 25-бабының 4-тармағына сәйкес қажет болған жағдайларда 10 (он) жұмыс күнінен аспайтын мерзімге ұзартылады:

      1) шағым бойынша қосымша зерделеу немесе тексеру не жергілікті жерге барып тексеру жүргізу;

      2) қосымша ақпарат алу.

      Шағымды қарау мерзімі ұзартылған жағдайда шағымды қарау мерзімі ұзартылған сәттен бастап 3 (үш) жұмыс күні ішінде шағымды қарау өкілеттігі берілген лауазымды адам шағымды берген өтініш берушіге шағымды қарау мерзімі ұзартылғаны туралы жазбаша нысанда (шағымды қағаз жеткізгіште берген кезде) немесе электрондық нысанда (шағымды электрондық түрде берген кезде) хабарлайды ұзарту себептерін көрсете отырып, шағымды қарау.

      Егер Қазақстан Республикасының заңдарында өзгеше көзделмесе, сотқа жүгінуге ҚР ӘРПК 91-бабының 5-тармағына сәйкес сотқа дейінгі тәртіппен шағымданғаннан кейін жол беріледі.

Авиациялық оқу орталығын сертификаттауды жүргізуге және (немесе) серификатының қолданылу саласын кеңейтуге өтініш

      1. ___________________________________________________________________

      (Авиациялық оқу орталығының,азаматтық авиация ұйымның, құрылымдық бөлімшенің атауы)

      _____________________________________________________________________

      _____________________________________________________________________

      _____________________________________________________________________

      Авиациялық оқу орталығына кәсіптік даярлаудың мынадай түрлері мен бағыттары бойынша сертификаттау және (немесе) сертификаттының қолданылу саласын кенейту жүргізуді сұрайды:

      р/с №

      Кәсіби даярлық түрлері

      Бағыты (мамандығы, мамандануы, курс атауы)

      1) Авиация персоналын бастапқы даярлау

      2) Авиация персоналын қайта даярлау

      3) Авиация персоналының кәсіби деңгейін қолдау

      2. Ұйым туралы мәліметтер:

      1) меншік нысаны

      ______________________________________________________________________

      ______________________________________________________________________

      2) мемлекеттік тіркеу туралы куәлік

      ______________________________________________________________________

      (нөмірі, кіммен және қашан берді)

      3) заңды (пошталық) мекенжайы және басқа да деректемелері

      ______________________________________________________________________

      ______________________________________________________________________

      ______________________________________________________________________

      4) телефон/факс, электрондық пошта______________________________________

      3. Қоса берілетін құжаттар _______________________________________________

      ______________________________________________________________________

      Авиациялық оқу орталығының, азаматтық авиация ұйымның, құрылымдық бөлімшенің басшысы

      _____________________________________________________________________

      "Мемлекеттік көрсетілетін қызметтер туралы" ҚЗ Заңының 20-бабының 6-тармағына сәйкес ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісемін _____________________________ (қолы)

      Тегі, аты, әкесінің аты (бар болса)________________________________________

      20___жылғы "___" _________________

"Азаматтық авиацияның авиациялық оқу орталығының сертификатын беру" мемлекеттік қызмет көрсетуге қойылатын негізгі талаптардың тізбесі

Авиациялық оқу орталығын сертификаттық зерттеу бағдарламасы

      ______________________________________________________________________

      ______________________________________________________________________

      Авиациялық оқу орталығының, азаматтық авиация ұйымның, құрылымдық бөлімшенің атауы Өткізу күні, негіздеме:

      ______________________________________________________________________

      ______________________________________________________________________

      тексерушілердің Тегі, аты, әкесінің аты (бар болса), лауазымы, жұмыс орны

      (*) – осы оқу орны үшін міндетті емес (авияциялық оқу орны);

      (-1) – қызметті жүзеге асыруға кедергі келтіретін сертификаттау талаптарына сәйкес келмеуі;

      (-2) – уәкілетті ұйыммен келісілген мерзімде жойылған немесе шектеулер енгізілген жағдайда қызметті жүзеге асыруға кедергі келтірмейтін сертификаттау талаптарына сәйкес келмеуі;

      (-3) қызметті жүзеге асыруға кедергі келтірмейтін және оны өндіріс жетілдіру кезінде жоюға жататын сертификаттау талаптарына сәйкес келмеуі;

      Қосымша: сәйкессіздіктер тізбесі ____ парақта (парақтарда).

      Тексерушілер: (Тегі, аты, әкесінің аты (бар болса), қолы):

      ______________________________________________________________________

      ______________________________________________________________________

      "Таныстым" __________________________________________________________

      Авиациялық оқу орталығының, азаматтық авиация ұйымның, құрылымдық бөлімшенің басшысы

      ____________________________________________________________________

      ____________________________________________________________________

      (қолы) __________ Тегі, аты, әкесінің аты (бар болса)__________________

Сертификаттық зерттеу актісі

      ____________________________________________________________________

      (уәкілетті ұйымның атауы)

      20____ жылғы "___" ________ № _____ бұйрығына сәйкес құрамындағы комиссия:

      Комиссия төрағасы: __________________________________________________

      (Тегі, аты, әкесінің аты (бар болса) (бұдан әрі – Т.А.Ә.А.), лауазымы)

      Комиссия мүшелері: __________________________________________________

      (Т.А.Ә.А, лауазымы)

      _____________________________________________________________________

      (Т.А.Ә.А., лауазымы)

      __________________________________ сертификаттық зерттеу жүргізді.

      (ұйымның атауы)

      Қорытынды мәтіні:

      ______________________________________________________________________

      ______________________________________________________________________

      ______________________________________________________________________

      ______________________________________________________________________

      Комиссия төрағасы: ______________________________ ____________

      Т.А.Ә.А. (бар болса) (қолы)

      Комиссия мүшелері: ______________________________ ____________

      Т.А.Ә.А.( бар болса) (қолы)

      ______________________________ __________

      Т.А.Ә.А. (бар боса) (қолы)

      Актімен таныстым:

      Ұйым басшысы: __________________________________ ____________

      Т.А.Ә.А. (бар болса) (қолы)

Уәкілетті ұйымның атауы Уәкілетті ұйымның мекенжайы Авиациялық оқу орталығының № ________ сертификаты Заңды тұлғаның орналасқан мекенжайы 20__ жылғы "___" _________ берілген.

      Осы сертификат

      ____________________________________________________________________

      (Авиациялық оқу орталығының, азаматтық авиация ұйымның, құрылымдық бөлімшенің атауы)

      ____________________________________________________________________

      ____________________________________________________________________

      авиациялық оқу орталығының Қазақстан Республикасының белгіленген талаптарына, осы Сертификатқа қосымшада көрсетілген авиациялық оқу орталығының қолданылу аясына қатысты ИКАО стандарттарына және ұсынылған тәжірибесіне сәйкес келетінін куәландырады.

      Сертификат

      _____________________________________________________________________

      (уәкілетті ұйымның атауы) авиациялық оқу орталығының

      20__ жылғы "_" ______ № _____ сертификаттық зерттеу актісі негізінде берілген.

      Инспекциялық бақылауды 20__ жылғы "__" ________________________________

      ______________________________________________________________________

      (уәкілетті ұйымның атауы)

      ________________________________ жүзеге асырады.

      Уәкілетті ұйымның лауазымды тұлғасы немесе оның уәкілетті тұлғасы

      ___________________________________________

      (Тегі, аты, әкесінің аты (бар болса), (қолы)

Авиациялық оқу орталығы сертификатының қолданылу аясы

      ____________________________________________________________________

      (Авиациялық оқу орталығының, азаматтық авиация ұйымның, құрылымдық бөлімшенің атауы)

      _____________________________________________________________________

      _____________________________________________________________________

      Кәсіби даярлау түрлері

      Бағыттары (мамандығы, мамандануы, курс атауы)

      Шектеулер (кезең)

      1. Авиациялық персоналды бастапқы даярлау

      Авиациялық персоналды қайта даярлау

      2. Авиациялық персоналдың кәсіби деңгейін қолдау уәкілетті ұйымның лауазымды тұлғасы немесе оның уәкілетті тұлғасы

      ___________________ ________________________________

      (қолы) (Тегі, аты, әкесінің аты (бар болса)

Авиациялық оқу орталығы сертификатының қолданылу аясын ұзарту мүмкіндігі туралы сертификаттық зерттеу актісі

      ____________________________________________________________________

      (уәкілетті ұйымның атауы)

      20__ жылғы "___" ________________ № ________ бұйрығына сәйкес

      авиация инспекторы

      _______________________________________________________________

      (Тегі, аты, әкесінің аты (бар болса) (бұдан әрі – Т.А.Ә.А.), лауазымы)

      ____________________________________________________________________

      (ұйым атауы)

      сертификаттық зерттеу жүргізді.

      Қорытындының мәтіні

      ____________________________________________________________________

      ____________________________________________________________________

      ____________________________________________________________________

      ____________________________________________________________________

      Авиация инспекторы _________________________________________________

      (Т.А.Ә.А) (қолы)

      Актімен таныстым:

      Ұйым басшысы: ________________________________ __________________

      (Т.А.Ә.А.) (қолы)

Шетелдік авиациялық оқу орталығының сертификатын тануға өтініш

      _____________________________________________________________________

      (ұйымның атауы немесе өтініш берушінің Тегі, аты, әкесінің аты (бар болса))

      төмендегі ақпаратты ескере отырып, шетелдік авиациялық оқу орталығының сертификатын тану рәсімін өткізуді сұраймын.

      1. Шетелдік авиациялық оқу орталығы орналасқан елдің атауы:

      ______________________________________________________________________

      2. Шетелдік авиациялық оқу орталығының атауы:

      ______________________________________________________________________

      (шетелдік авиациялық оқу орталығының сертификатында көрсетілгендей)

      3. Шетелдік авиациялық оқу орталығы сертификатының нөмірі және қолданылу мерзімі (тексеру күні): ________________________________________________________

      4. Кәсіптік даярлықтың түрі: _____________________________________________

      (бастапқы дайындық, қайта даярлау, кәсіби деңгейді сақтау)

      5. Авиациялық персонал: ________________________________________________

      (ұшқыштар, ӘҚҚ диспетчерлері, санаты көрсетілген әуе кемесіне техникалық қызмет көрсету жөніндегі персонал және басқалар)

      6. Әуе кемесінің түрі (егер қолданылса): _____________________________________

      7. Өтініш берушінің электрондық мекенжайы: ________________________________

      8. Өтініш берушінің байланыс телефоны:_____________________________________

      9. Құзыретіне шетелдік авиациялық оқу орталығы сертификатын берген шетелдік орган қызметкерінің (қызметкерлерінің) электрондық мекенжайы(лары) шетелдік авиациялық оқу орталығы сертификатының түпнұсқалығын растау кіреді (бұл ақпаратты өтініш беруші тану рәсімдерін жеделдету мүмкіндігі үшін қалауы бойынша ұсынады)

      ____________________________________________________________________

      Осы өтінімге қол қоя отырып, мен шетелдік авиациялық оқу орталығының авиациялық персоналын кәсіби даярлау бағдарламасы жан-жақты зерделенгенін және Қазақстан Республикасының әуе кеңістігін пайдалану және авиация қызметі туралы заңнамасының талаптарына сәйкес келетінін растаймын.

      "Мемлекеттік көрсетілетін қызметтер туралы" Қазақстан Республикасының Заңы 5-бабының 12-тармағына сәйкес ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісемін.

      ______________________________________________________________________

      (азаматтық авиация ұйымы басшысының немесе жеке тұлғаның күні мен қолы)

Қазақстан Республикасы Азаматтық авиацияның авиациялық персоналын кәсіптік даярлауды жүзеге асыратын танылған шетелдік авиациялық оқу орталықтарының тізілімі