Күші жойылды - ҚР Ішкі істер министрінің 2010.11.29 № 496 (ресми жарияланғаннан кейін күнтізбелік он күн өткен соң қолданысқа енгізіледі) Бұйрығымен.

      «Босқындар туралы» Қазақстан Республикасының 2009 жылғы 4 желтоқсандағы Заңының 6-бабы 7) тармақшасына сәйкес БҰЙЫРАМЫН:
      1. Қоса беріліп отырған Босқын мәртебесін беру туралы өтінішхатты тіркеу және қарау ережесі бекітілсін.
      2. Қазақстан Республикасы Еңбек және халықты әлеуметтік қорғау министрлігі Халықты жұмыспен қамту және көші-қоны департаменті заңнамада белгіленген тәртіппен осы бұйрықтың Қазақстан Республикасы Әділет министрлігінде мемлекеттік тіркелуін және оның ресми жариялануын қамтамасыз етсін.
      3. «Босқын мәртебесін беру ережесін бекіту туралы» Қазақстан Республикасы Еңбек және халықты әлеуметтік қорғау министрінің 2007 жылғы 20 қарашадағы № 273-ө бұйрығының (Нормативтік құқықтық кесімдерді мемлекеттік тіркеудің тізілімінде № 5143 тіркелген, 2008 жылғы 7 наурыздағы № 36 «Юридическая газета» газетінде жарияланған) күші жойылды деп танылсын.
      4. Осы бұйрықтың орындалуын бақылау Қазақстан Республикасы Еңбек және халықты әлеуметтік қорғау вице-министрі Б.Б. Нұрымбетовке жүктелсін.
      5. Осы бұйрық алғаш ресми жарияланғаннан кейін он күнтізбелік күн өткен соң қолданысқа енгізіледі.

      Министр                                    Г. Әбдіқалықова

Қазақстан Республикасы  
Еңбек және халықты әлеуметтік
қорғау министрінің     
2010 жылғы 17 наурыздағы  
№ 87-ө бұйрығымен    
бекітілген        

Босқын мәртебесін беру туралы өтінішхатты тіркеу және қарау ережесі

1. Жалпы ережелер

      1. Осы Босқын мәртебесін беру туралы өтінішхатты тіркеу және қарау ережесі (бұдан әрі – Ереже) «Босқындар туралы» Қазақстан Республикасының 2009 жылғы 4 желтоқсандағы Заңына (бұдан әрі – Заң) сәйкес әзірленді және пана іздеген адамдардың өтінішхаттарын, босқын мәртебесін беру туралы өтінішхатты тіркеу және қарау тәртібін айқындайды.
      2. Осы Ережеде мынадай ұғымдар пайдаланылады:
      1) өтінішхат – пана іздеген адамның тікелей өзі немесе осыған уәкілетті өкілі арқылы жазған өзінің келген жері бойынша босқын мәртебесін беру туралы уәкілетті органға жазбаша өтініш;
      2) пана іздеген адам – уәкілетті орган босқын мәртебесін беру туралы өздерінің өтінішхаты бойынша түпкілікті шешім қабылдағанға дейін Қазақстан Республикасында пана сұрауға тілек білдірген шетелдік немесе азаматтығы жоқ адам;
      3) пана іздеген адамның куәлігі (бұдан әрі – куәлік) – босқын мәртебесін беру туралы өтінішхаттың тіркелуін растайтын, уәкілетті орган беретін құжат;
      4) пана іздеген адамның отбасы мүшелері – жұбайы (зайыбы), олардың кәмелеттік жасқа толмаған балалары және оның асырауындағы басқа адамдар;
      5) уәкілетті орган – босқындар мәселелері бойынша қатынастарды реттеу саласында басқаруды жүзеге асыратын мемлекеттік орган.
      3. Егер пана іздеген адам Қазақстан Республикасының аумағына әлі келмеген болса, ол жазбаша өтінішхатпен өзі немесе осыған уәкілетті өкіл арқылы босқын мәртебесін беру туралы Қазақстан Республикасының дипломатиялық өкілдігіне немесе консулдық мекемесіне жүгінеді.
      4. Пана іздеген адам Қазақстан Республикасының мемлекеттік шекарасынан мәжбүрлі заңсыз өткен кезде, өтінішхат уәкілетті органның аумақтық бөлімшесіне осы адамның Қазақстан Республикасының мемлекеттік шекарасынан өткен күнінен бастап бір тәулік ішінде беріледі.
      Осы адамға байланыссыз, өтінішхатпен уақтылы жүгінуге кедергі келтіретін мән-жайлар болған кезде, жүгіну мерзімі бір тәуліктен артық, бірақ туындаған мән-жайлардың әрекет ету кезеңінен аспайтындай болуы мүмкін.
      5. Пана іздеген адам Қазақстан Республикасының аумағына келісімен күнтізбелік бес күннің ішінде немесе өзі Қазақстан Республикасының аумағында болып, нәсілдік, ұлттық, діни сенім, азаматтық белгісі, белгілі бір әлеуметтік топқа жататындығы немесе саяси нанымы бойынша қудалауға ұшырау жағдайларының туындауы туралы білген кезден бастап, жазбаша өтінішхатпен өзі немесе осыған уәкілетті өкіл арқылы өзінің келген жері бойынша босқын мәртебесін беру туралы уәкілетті органның облыстық, республикалық маңызы бар қалалық және астаналық аумақтық органына (бұдан әрі - уәкілетті органның аумақтық бөлімшесі) жүгінеді.
      6. Егер пана іздеген адамның атынан босқын мәртебесін беру туралы жазбаша өтінішхатпен оның заңды өкілі жүгінген болса, бұл жағдайда өтінішхатқа өкілдің уәкілеттілігін растайтын құжат қоса беріледі.
      7. Мемлекеттік немесе орыс тілін жеткілікті дәрежеде білмейтін пана іздеген адам өтінішхатпен жүгінген, ал уәкілетті органның аумақтық бөлімшесінің не Қазақстан Республикасының дипломатиялық өкілдігінің немесе консулдық мекемесінің өтінішхатты қабылдаушы қызметкері пана іздеген адамға түсінікті тілді білмеген жағдайда, онда оны аудармашы қызметімен қамтамасыз ету жөнінде қажетті шаралар қабылданады.
      Пана іздеген адамның өтініші бойынша пана іздеген адамның өзінің міндетті қол қоюымен, өтінішхатты уәкілетті органның аумақтық бөлімшесінің қызметкері толтырады.
      8. Дене кемістігі немесе ауруы салдарынан өтінішхатқа өзі қол қоя алмайтын пана іздеген адам өтінішхатпен жүгінген кезде, оның тапсырмасы бойынша өзінің қатысуымен және өтінішхатты қабылдаушы лауазымды тұлғаның қатысуымен оған уәкілетті өкілі арқылы қол қоюына болады. Бұл жағдайда, лауазымды тұлға өтінішхатқа пана іздеген адамның орнына қолды уәкілетті өкілі қойғаны туралы өтінішхатқа жазба жазады, өтінішхатқа қолды өз қолымен қоя алмауының себептері, сондай-ақ уәкілетті өкілінің жеке басын куәландыратын және тұрғылықты мекенжайы көрсетілген құжаттар деректері көрсетіледі.

2. Босқын мәртебесін беру туралы өтінішхатты тіркеу тәртібі

      9. Босқын мәртебесін беру туралы өтінішхат осы Ережеге 1-қосымшаға сәйкес жазбаша нысанда ресімделеді. Өтінішхатқа пана іздеген адамның жеке басын куәландыратын немесе растайтын құжаттар, сондай-ақ өтінішхаттың негізділігін растайтын құжаттар мен материалдар бар болса, қоса беріледі.
      10. Уәкілетті органның аумақтық бөлімшелері уәкілетті органның осы аумақтық бөлімшесі орналасқан аумаққа заңды негізде келген, сондай-ақ Қазақстан Республикасының мемлекеттік шекарасынан заңсыз өтуге мәжбүр болған немесе Қазақстан Республикасының аумағына заңсыз келген пана іздеген адамдардың өтінішхаттарын тіркеуді жүзеге асырады.
      11. Өтінішхат отбасының он сегіз жасқа толған және пана іздеген адаммен бірге келген әрбір мүшесінен қабылданады. Бір отбасы мүшелерінің өтінішхаттары бойынша материалдар бір іс қағазына ресімделеді.
      Пана іздеген адамның отбасының он сегіз жасқа толмаған және пана іздеген адаммен бірге келген мүшелері туралы мәліметтер туу туралы құжаттарының негізінде ата-анасының біреуінің, ата-анасы болмаған кезде заңды өкілінің не отбасының он сегіз жасқа толған және отбасының он сегіз жасқа толмаған мүшелерін тәрбиелеуге және оларды асырауға өз еркімен міндеттеме алған бір мүшесінің өтінішхатына жазылады. Көрсетілген міндеттеме еркін нысанда жазылады және іс материалдарына қосылады.
      12. Өтінішхаты тіркелген пана іздеген адамның Қазақстан Республикасына жеке келген отбасы мүшелері, оларда Заңның 1-бабының 1) тармақшасында көзделген мән-жайлар болмаған жағдайда, отбасымен қосылу мақсатында өтінішхат берген кезде отбасылық қатынастарын растайтын құжаттық дәлелдемелерді, сондай-ақ Қазақстан Республикасындағы пана іздеген адамның өз отбасы мүшелерін қабылдауға келісетіні туралы өтінішін ұсынуға тиіс. Отбасын біріктіру туралы өтінішхатта пана іздеген адамның отбасы мүшелерінің өз елінен кетуі себебі ретінде: «Отбасын біріктіру» көрсетіледі.
      13. Өтінішхат осы Ережеге 2-қосымшаға сәйкес нысан бойынша уәкілетті органның аумақтық бөлімшесі арқылы Пана іздеген адамдарды тіркеу журналына тіркеледі, бұдан кейін пана іздеген адамға әңгімелесу өткізудің орны мен уақыты белгіленеді. Тіркеу журналында пана іздеген адамның тегінің астында ескертпе түрінде уәкілетті өкіл туралы деректер (тегі, аты, азаматтығы, тұрғылықты мекенжайы, телефоны, оның өкілеттілігін кімнің растағаны) көрсетіледі.
      Егер пана іздеген адам өзінде жеке басын куәландыратын құжатының жоқ екенін мәлімдесе, ол туралы мәліметтер оның айтуы бойынша жазылады және онымен әңгімелесу бір тәуліктің ішінде өткізіледі.
      Өтінішхатты тіркегеннен кейін, пана іздеген адамға, куәлік және оның өтінішхаты бойынша шешім қабылдағанға дейінгі мерзімге тіркелу үшін ішкі істер органдарына жолдама беріледі.
      14. Жолдама алған адам бес жұмыс күні ішінде ішкі істер органдарында тіркеледі.
      Куәлікке уәкілетті органның тиісті аумақтық бөлімшесінің басшысы қол қояды және мөрмен бекітіледі. Куәлік үш ай мерзімге беріледі, қосымша тексеру қажет болған кезде бір жылдан аспайтын мерзімге ұзартылады.
      Отбасының он сегіз жасқа толмаған мүшелері туралы мәліметтер ата-анасының бірінің немесе заңды қамқоршыларының куәлігіне жазылады.
      Сондай-ақ, куәлік он сегіз жасқа толмаған және Қазақстан Республикасының аумағына ата-анасынсыз немесе заңды өкілдерінсіз келген пана іздеген адамға да беріледі.

3. Босқын мәртебесін беру туралы өтінішхатты қарау тәртібі

      15. Өтінішхатты қарау рәсімі оны тіркегеннен кейін жүргізіледі және пана іздеген адаммен жеке әңгімелесу жүргізуді, осы Ережеге 3-қосымшаға сәйкес нысан бойынша сауалнама парағын ресімдеуді, осы Ережеге 4-қосымшаға сәйкес нысан бойынша пана іздеген адамды есепке алу карточкасын (бұдан әрі – есепке алу карточкасы) ресімдеуді қамтиды.
      16. Пана іздеген адаммен әңгімелесуді жүзеге асыратын уәкілетті органның аумақтық бөлімшесінің қызметкеріне уәкілетті органның аумақтық бөлімшесінде немесе шекаралық қызметінің арнайы орынжайында осы Ереженің 9-тармағында көрсетілген түпнұсқа құжаттар мен материалдар оның қарауы үшін ұсынылады. Пана іздеген адамның жеке басын растайтын және дәлелдейтін басқа да құжаттардың көшірмесі міндетті түрде алынады. Өтінішхаттың негізділігін растайтын өзге де құжаттар мен материалдар болған жағдайда, олардың түпнұсқасы пана іздеген адамның өтінішхатына қоса беріледі. Пана іздеген адамның тілегі бойынша жеке ісіне қосу үшін көшірмесі алынғаннан кейін, олар пана іздеген адамға қайтарылуы мүмкін.
      17. Пана іздеген адамның өкілі берген өтінішхатты қарау пана іздеген адамның тікелей өзі уәкілетті органның аумақтық бөлімшесіне келгеннен кейін ғана белгіленген тәртіппен жүргізіледі. Пана іздеген адам денсаулық жағдайына байланысты немесе басқа дәлелді себептермен уәкілетті органның аумақтық бөлімшесіне әңгімелесуді жүргізуге келе алмайтын, келмеу себептері дәлелді деп танылған жағдайда, уәкілетті органның аумақтық бөлімшесі осы адаммен әңгімелесуді тұрғылықты жері бойынша өткізуді қоса, әңгімелесу өткізуді ұйымдастыру шараларын қабылдайды.
      18. Әңгімелесу жеке бөлмеде, бөтен адамдар кіргізілмей өткізіледі. Пана іздеген адам мемлекеттік немесе орыс тілін білмесе, ал әңгіме жүргізуші қызметкер пана іздеген адамға түсінікті тілді білмесе, онда аудармашы шақыру туралы мәселе шешіледі. Сенімді қарым-қатынас атмосферасы үшін әңгімелесуді пана іздеген адаммен бір жынысты адам өткізеді.
      19. Әңгімелесуді бастау алдында уәкілетті органның аумақтық бөлімшесінің қызметкері өзін таныстырады, пана іздеген адамнан аудармашыға сенім білдіретіндігін нақтылайды.
      20. Пана іздеген адамға әңгімелесу нәтижесінде алынған мәліметтердің жариялауға жатпайтыны және өтініш беруші елінің билігіне не бөгде адамдарға оның келісімінсіз берілмейтіні хабарланады.
      Уәкілетті органның аумақтық бөлімшесінің қызметкері пана іздеген адамды қойылатын сұрақтарға толық және шынайы жауап беру қажеттігі туралы, ол жалған мәліметтерді хабарлаған не қолдан жасалған құжаттарды ұсынған жағдайда оның басына туындауы ықтимал салдар туралы ескертеді. Сонымен қатар, пана іздеген адам, құжаттық растамасы бар мәліметтер мен фактілерді қоспағанда, әңгімелесуден кейін ұсынылған және бұрын айтқандарына қайшы келетін мәліметтер мен фактілердің назарға алынбайтыны туралы ескертіледі.
      21. Уәкілетті органның аумақтық бөлімшесінің әңгімелесуді өткізетін қызметкері пана іздеген адамға дәлелдемелерді ұсыну дұрыстығы пана іздеген адамның мойнында болатынын ескертеді.
      22. Әңгімелесуді өткізу кезінде уәкілетті органның аумақтық бөлімшесінің қызметкері пана іздеген адамға осы Ережеге 5-қосымшаға сәйкес сұрақтарды пана іздеген адамдарға кез келген ретпен қояды, жауаптар сол берілген нысанда жазылады.
      23. Туған жері, жүру бағдары, басқа елдерде болған жері мен уақыты туралы мәліметтер міндетті болып табылады. Қудалау құрбанына айналу қаупінің дәлелі оның азаматы болып табылатын елінде немесе тұрақты тұрғылықты жерінде жауапкершілікке тартылуы туралы ресми билік, сот, полиция, прокуратура, мемлекеттік қауіпсіздік органдарының құжаттары болып табылады.
      24. Әңгімелесудің соңында пана іздеген адамнан өз түсініктемесіне толықтыру үшін іске бір қатысы бар тағы да қандай да бір ақпаратының бар не жоқ екені нақтыланады және онымен қосымша әңгімелесу жүргізу мүмкіндігі туралы ескертіледі.
      25. Әңгімелесуді аяқтағаннан кейін уәкілетті органның аумақтық бөлімшесінің қызметкері әңгімелесудің нәтижесін талдайды, пана іздеген адамнан оның айғақтамаларындағы сәйкессіздіктер немесе дәлсіздіктер бойынша түсініктеме беруін сұрайды. Оқиғалар нақты сипатталған және негізгі фактілер, күндер, адам аттары, сипатталатын оқиғалар болған жерлердің атауы көрсетілген сауалнама парағы әңгімелесу өткізу уақытында ресімделеді.
      26. Сауалнама парағын ресімдегеннен кейін уәкілетті органның аумақтық бөлімшесінің қызметкері пана іздеген адамды оның мазмұнымен тікелей өзі немесе аудармашы арқылы таныстырады. Жазбада анықталған дәлсіздіктер түзетілуге тиіс. Ресімделген сауалнама парағына аудармашы (егер әңгімелесу аудармашының көмегімен өтсе), қорғаншылық және қамқоршылық органының өкілі (егер ол болса), уәкілетті органның аумақтық бөлімшесінің қызметкері және пана іздеген адам қол қояды, пана іздеген адам сауалнама парағының әр парағына қол қояды.
      27. Қазақстан Республикасының аумағына он сегіз жасқа толмаған пана іздеген адам ата-анасынсыз немесе заңды өкілдерінсіз келген жағдайда, оларға уәкілетті органның аумақтық бөлімшесі сауалнама жүргізеді және сауалнама парағын толтырады. Заңның 1-бабының 1) тармақшасында көзделген мән-жайлар болған жағдайда, пана іздеген бұл адамдарды Заңға сәйкес олардың құқықтық жағдайын айқындау туралы шешім қабылдағанға дейін, Қазақстан Республикасының қорғаншылық және қамқоршылық органдарына беру жөнінде шаралар қабылданады.
      28. Уәкілетті органның аумақтық бөлімшесі пана іздеген адамға осы Ережеге 6-қосымшаға сәйкес міндетті медициналық тексеруден өтуге жолдама береді.
      Пана іздеген адамдарды міндетті медициналық тексеру мемлекеттік денсаулық сақтау ұйымдарымен өткізіледі.
      Міндетті медициналық тексеруден өткеннен кейін пана іздеген адам уәкілетті органның аумақтық бөлімшесіне келіп, міндетті медициналық тексеруден өткені туралы анықтаманы ұсынады.
      29. Өтінішхатпен жүгінген пана іздеген әрбір адамға есепке алу карточкасы толтырылады, ол сол адамның жеке ісінде сақталады. Кейіннен есепке алу карточкасына уәкілетті органның аумақтық бөлімшесі осы адамға қатысты қабылданған барлық шешімдер туралы белгі қойып отырады және бұл туралы уәкілетті органды жедел түрде хабардар етіп отырады.
      30. Уәкілетті органның аумақтық бөлімшесінің қызметкері өтінішхат тіркеліп қаралғаннан кейін, пана іздеген адамды босқын мәртебесін берудің жалпы тәртібімен, сондай-ақ оның құқықтары және міндеттерімен таныстырады.

Босқын мәртебесін беру туралы
өтінішхатты тіркеу    
және қарау ережесіне   
1-қосымша         

Нысан

кімге __________________________
      (уәкілетті органның аумақтық
бөлімшесі басшысының  
      лауазымы, тегі және аты-жөні)
      __________________________
      __________________________
      кімнен ___________________
      (тегі, аты, әкесінің аты)
      __________________________
      (қай мемлекеттің)    
      __________________ азаматы
      Уақытша тұрушының
      тұрақты тұратын жері _____
      __________________________
      (мекенжайы)      
      отбасы құрамында ____ адам

Босқын мәртебесін беру туралы өтінішхат

      Маған және менің отбасымның мүшелеріне Қазақстан Республикасында босқын мәртебесін беруді сұраймын.
Тұратын жерімнен мына себептер бойынша кетуге мәжбүрмін:
_________________________________________________________________
_________________________________________________________________
_________________________________________________________________
_________________________________________________________________
_________________________________________________________________
Туған күні және туған жері ______________________________________
Азаматтығы (бұрын тұрақты тұрған елі) ___________________________
_________________________________________________________________
Ұлты (этникалық тобы)____________________________________________
Мынадай тілдерді білемін ________________________________________
Қазақстан Республикасына келу күні ______________________________
Заңды (заңсыз) келді ____________________________________________
Пана іздеген адамның жеке басын куәландыратын құжаттар немесе жеке басын растайтын құжаттар ________________________________________
                       (атауы, сериясы, нөмір, қашан және кім берді)

Менімен бірге келген отбасымның мүшелері:

Бұдан бұрын Қазақстан Республикасында босқын мәртебесін беру туралы өтінішхатпен өтініш бердім (бермедім)____________________________
Егер берген болса, органды көрсетіңіз ___________________________
_________________________________________________________________

___________________                 ____________________________   (өтініш беру күні)                   (пана іздеген адамның қолы)

Өтінішхатты қабылдаған
уәкілетті органның
аумақтық бөлімшесінің қызметкер _______ _____________ __________
                                 (қолы)    (Т.А.Ә.)     (күні)

Өтінішхатты тіркеу туралы шешім:
Тіркелді ________________________________________________________
                 (күні, тіркеу нөмірі, қызметкердің қолы)

Босқын мәртебесін беру туралы
өтінішхатты тіркеу    
және қарау ережесіне   
2-қосымша         

Нысан

Пана іздеген адамдарды тіркеу журналы

Босқын мәртебесін беру туралы
өтінішхатты тіркеу    
және қарау ережесіне   
3-қосымша         

Нысан

__________________________________________________________________
(уәкілетті органның аумақтық бөлімшесінің атауы)

Сауалнама парағы 1. Пана іздеген адам туралы мәлімет

1. Тегі, аты, әкесінің аты ______________________________________
_________________________________________________________________
2. Жынысы _______________________________________________________
3. Туған күні ___________________________________________________
4. Азаматтығы (бұрын тұрақты тұрған елі) ________________________
_________________________________________________________________
5. Өтінішхатты берген күні ______________________________________

2. Пана іздеген адамға сауалнама жүргізу нәтижесі (пана іздеген адамға қойылатын сұрақ-жауаптардың мазмұны)

      Сұрақтарды қойған кезде тізбені (Ережеге 5-қосымша) басшылыққа алу қажет.
__________________________________________________________________
__________________________________________________________________
__________________________________________________________________
__________________________________________________________________
__________________________________________________________________
__________________________________________________________________
                   (Сауалнама парағының соңғы беті)

Осы сауалнама парағында ________ бет.

      Мен, ________________________________________________________
жоғарыда жазылғандардың бәрі шындыққа сәйкес келетінін мәлімдеймін.

___________________________                          ______________
(пана іздеген адамның қолы)                              (күні)

      Мен ___________ тілінде оқи алатынымды және жоғарыда жазылғандарды толық түсінетінімді мәлімдеймін.

___________________________                          ______________    (пана іздеген адамның қолы)                              (күні)

      Мен, _______________________________________________________
жоғарыда жазылғандардың мазмұнын ____________ тілінен ___________ тіліне толық аударғанымды мәлімдеймін. Пана іздеген адам мені, ал мен арқылы уәкілетті органның аумақтық бөлімшесінің қызметкерін қойылған сұрақтарға оның жауаптарының дұрыс жазылғандығын сендірді және ол жоғарыда жазылғандармен келіседі.

___________________________                           ______________     (аудармашының қолы)                                     (күні)

___________________________________        ______________  _________
  (сұрау жүргізген қызметкердің               (Т.А.Ә.)       (күні)
        лауазымы, қолы)

Босқын мәртебесін беру туралы
өтінішхатты тіркеу    
және қарау ережесіне   
4-қосымша         

Нысан

Пана іздеген адамды
есепке алу карточкасы

1. Тегі, аты, әкесінің аты ______________________________________
2. Туған күні, айы, жылы ________________________________________
3. Туған жері ___________________________________________________
4. Азаматтығы ___________________________________________________
5. Ұлты _________________________________________________________
6. Пана іздеген адамның жеке басын куәландыратын құжаттар немесе жеке басын растайтын құжаттар
__________________________________________________________________
         (атауы, сериясы, нөмір, қашан және кім берді)
7. Отбасы жағдайы ___________________
8. Отбасы құрамында _______ адам
9. Пана іздеген адаммен бірге келген отбасы мүшелері туралы мәлімет:

10. Қазақстан Республикасында тұратын жері және телефон нөмірі ____
___________________________________________________________________
11. Отбасының барлық мүшелері көрсетілген мекенжай бойынша тұра ма? Егер «тұрмаса», отбасының қай мүшесі тұрмайтыны және оның қандай мекенжай бойынша тұратыны көрсетілсін _____________________________
___________________________________________________________________
___________________________________________________________________
12. Бұдан бұрын Босқын мәртебесін беру туралы өтінішхат берді ме (қайда және қашан) ________________________________________________
___________________________________________________________________
13. Сапар бағыты __________________________________________________
___________________________________________________________________14. Тілдерді білуі ________________________________________________
___________________________________________________________________15. Мүгедектігі, оның ішінде отбасы мүшелерінде - (бар/жоқ). Егер «мүгедек болса», кім және нешінші топтағы мүгедек екені көрсетілсін
___________________________________________________________________
16. Әскери қызметі, қызмет өткерген уақыты және жері, әскери атағы
___________________________________________________________________
17. Пана іздеген адам немесе пана іздеген адаммен бірге келген отбасы мүшелерінің біреуі қылмыстық жауапкершілікке тартылды ма _____ (иә/жоқ). Егер тартылса, кім, қашан, қай соттың үкімі бойынша және қандай мерзімге екені көрсетілсін __________________________________
____________________________________________________________________18. Бұрын тұрақты тұрған елі және мекенжайы ________________________
____________________________________________________________________
19. Тұрған елінен кету күні және себебі ____________________________
____________________________________________________________________
____________________________________________________________________
20. Қазақстан Республикасында туыстары бар ма - (иә/жоқ). Егер болса, туыстық дәрежесі және олардың тұратын жері көрсетілсін _____________
____________________________________________________________________
21. Қоныстанудың болжамды орны (қала, облыс, аудан, елді мекен көрсетілсін) _______________________________________________________
22. Білімі, кәсібі, оның ішінде отбасы мүшелерінің білімі, кәсібі
____________________________________________________________________
____________________________________________________________________
23. Партиялардағы, ұйымдардағы, топтардағы мүшелігі ________________
24. Қазақстан Республикасында бұрын болды ма ____ (иә/жоқ). Егер болса, келу күні мен мақсаты көрсетілсін ___________________________
25. Қосымша мәліметтер _____________________________________________
____________________________________________________________________
____________________________________________________________________
26. Өтінішхатты қабылдаған органның атауы және қабылдаған күні _____
27. Өтінішхаттың уәкілетті органның аумақтық бөлімшесіне келіп түскен күні _______________________________________________________________
28. Әңгімелесу жүргізу күні ________________________________________
29. Өтінішхаттың тіркелген күні ____________________________________
30. Пана іздеген адамның куәлігі: тіркеу № ______ 20 __ ж.__________
Берілген күні 20 __ ж. __ _______ Қолданылу мерзімі ________________
Пана іздеген адамның куәлігін алдым ________________________________
                                              (қолы, күні)
Пана іздеген адамның куәлігінің қолданылу мерзімі ____________ дейін ұзартылды
31. Ішкі істер органдарына жолдаманың нөмірі, беру күні ____________

____________________________________________  _________ ____________
(карточканы толтырған қызметкердің лауазымы)   (Т.А.Ә.)    (күні)

Босқын мәртебесін беру туралы
өтінішхатты тіркеу    
және қарау ережесіне   
5-қосымша         

Әңгімелесу кезінде пана іздеген адамға қойылатын сұрақтар  тізбесі

      1. Жол жүру құжаты.
      Пана іздеген адам (бұдан әрі - өтініш беруші) жеке басын куәландыратын құжат алу үшін билік органдарына өтініш берді ме?
      Жеке басын куәландыратын құжатты қандай билік органдары берді?
      Жеке басын куәландыратын құжатты қалай алды? Ақыға? Кімге?
      Жеке басын куәландыратын құжат кімнің атына берілді?
      Өтініш беруші осы жеке басын куәландыратын құжатпен елден еркін шыға алды ма және қай елдерге барды (елдер, болу ұзақтығы, мақсаты)?
      Жеке басын куәландыратын құжатпен бірге кетуге рұқсат алды ма?
      Кіру визаларын қалай алды?
      Елден шығу үшін қандай құжаттар пайдаланылды (түпнұсқасы немесе қолдан жасалған)?
      Елден кету кезінде шекаралық бақылауда проблемалар болды ма?
      Егер жеке басын куәландыратын құжат жалған болса, қайда және қашан жасады? Қолдан жасағанына ықтимал түсініктемелер.
      Өтініш берушінің басқа елде тұруға жарамды рұқсаты бар ма?
      Егер жеке басын куәландыратын құжат болмаса, неліктен жоқ екенін анықтау қажет. Қайда, қашан жоғалтты/жойылды? Өтініш берушіге жеке басын куәландыратын құжатты лақтырып тастауға немесе құртуға біреу кеңес берді ме? Кім және қашан?
      Өтініш берушінің маңызды тағы да қандай сәйкестендіру құжаттары бар? Оларды қалай алды?
      2. Билеттер.
      Қазақстан Республикасына кіру үшін билеттер сатып алды ма?
      Қайда, қашан, кім және қай көлік түріне сатып алды?
      Кері қайту билеті бар ма?
      3. Азаматы болып табылатын елден (бұрынғы тұрақты жерінен) кету және Қазақстан Республикасына келу.
      Азаматы болып табылатын елден немесе бұрынғы тұрақты жерінен кету күні
      Бұл биліктің рұқсаты бойынша жүргізілді ме?
      Шекаралық бақылауда проблемалар болды ма?
      Орын ауыстыру тәсілдері және пайдаланылған көлік құралдарының түрлері, транзит елдерді, қалаларды, келу және кету күндері көрсетілген нақты бағыт
      Тәуелсіздік Мемлекеттер Достастығы, Қазақстан Республикасы аумағына келу күні және орны.
      Шекарадан қандай амалмен өтті?
      Тәуелсіздік Мемлекеттер Достастығы елдерінің мемлекеттік шекарасынан өткен кезде, Қазақстан Республикасына келген кезде құжаттарды көрсетті ме және қандай құжаттар? Егер көрсетілмесе – неліктен?
      Өтініш беруші жалғыз өзі келді ме? Жолаушылардың аттарын атауды сұрау
      Өтініш беруші Тәуелсіздік Мемлекеттер Достастығы елдерінде, Қазақстан Республикасында бұрын болды ма және қандай мақсатпен?
      Пана іздеген елі ретінде неге Қазақстан Республикасын таңдады?
      Өтініш берушінің Қазақстан Республикасында туыстары/достары барма? Аттары, мекенжайлары, тұруы үшін негіздеме?
      Қазақстан Республикасының аумағына келгеннен кейін өтініш беруші қайда, қашан және қай билік өкіліне және қандай өтінішпен барды? Төлқұжаттық бақылауда проблемалар болды ма?
      Мүмкіндігінше сапар туралы көбірек ақпарат анықтау қажет.
      4. Отбасы мүшелері және жақын туыстары туралы мәліметтер.
      Қазақстан Республикасына өтініш берушімен бірге отбасы мүшелерінің қайсысы келді?
      Жақын туыстарының қайсысы саяси қызметпен айналысты?
      Балаларының денсаулық жағдайы.
      5. Этникалық топ.
      Өтініш беруші арнайы бір этникалық топқа, тайпаға немесе рулық қауымға жатады ма? Бұның әсіресе африка елдерінен келген өтініш берушілер үшін маңызы үлкен.
      Бұл этникалық топ оның елінде қаншалықты көп?
      6. Діні.
      Өтініш берушінің елінде діни сенімге бостандық құқығы сақтала ма?
      Өтініш беруші қандай дінге сенеді немесе қандай діни қауымға жатады?
      Ол дінге сенуші болып табыла ма?
      Ол өз елінде өзі сенген дінін жасырын немесе ашық түрде уағыздады ма?
      Діни себептерге байланысты қудаланды ма?
      7. Қаржы жағдайы.
      Өтініш берушінің жеке басының және/немесе отбасының қаржылық жағдайын отанындағы қатынастарға байланысты бағалау
      Өтініш берушінің/отбасының табысы қандай болды, қандай мүлкі болды?
      Өтініш берушінің Қазақстан Республикасы аумағында өмір сүру үшін қандай қаражаты бар?
      8. Әскери қызметке қатысы.
      Оның елінде әскери қызмет міндетті болып табылады ма?
      Әскерге шақырылу жасы қандай және міндетті әскери қызмет мерзімі?
      Өтініші беруші әскери қызметін өтеді ме?
      Егер әскери қызметін өтесе, онда ол әскерге шақыртылды ма немесе өз еркімен барды ма, қызмет өткерген кезеңі және жері, әскер түрі, соңғы әскери атағы, әскери мамандығы.
      Ол әскери қызметін белгіленген мерзімде аяқтады ма?
      Егер өтініш беруші әскерде болмаса, себебі көрсетілсін. Егер қызмет өткеруін аяқтамаса немесе әскерден қашып кетсе себептері көрсетілсін. Мұндай әрекеттердің салдарын бағалау.
      9. Сотталғандығы туралы ақпарат.
      Өтініш беруші бұрын қылмыстық істер үшін сот тәртібімен сотталды ма?
      Егер сотталса, қашан және қандай сотта?
      Судья мен прокурордың тегі.
      Құқық бұзушылық сипаты және шығарылған үкім.
      Жазалау мерзімі (сот үкімі бойынша және нақты өтеп шыққан)
      Абақтының атауы және мекенжайы, жазаны қайда өтеп шықты
      Қашан және қандай себеппен байланысты босап шықты?
      Қамауда болғаны туралы қандай да бір құжаттар бар ма?
      Босатылғаннан соң полиция қадағалауында болды ма?
      10. Отанындағы саяси ахуалды білуі және бағалауы.
      Өз отанындағы саяси жүйені және мемлекеттік құрылымын сипаттау.
      Елінің ұлттық туын сипаттап беруін өтіну.
      Билікте кім?
      Билік саясатына деген жеке бағасы.
      Оппозициялық топтарды, партияларды, қозғалыстарды білуі, олар қаншалықты көп, олардың көшбасшылары кім және бұл топтардың идеологиясы немесе ниеттері қандай.
      Оппозициялық топтар заңды/заңсыз ба?
      Заңсыз баспасөздерді білуі.
      Партиялардың, топтардың, қозғалыстардың қысқартылған атаулары (аббревиатуралары) өз тілінде, мүмкіндігінше халықаралық атаулармен түсіндірсін.
      11. Саяси қызметке қатысуы.
      Өтініш беруші саясатқа көңіл аудара ма?
      Өтініш беруші немесе оның отбасы мүшелерінің ересектері тұрақты тұрған елінде қандай саяси, діни, әскери, этникалық және басқа да ұйымдарда, топтарда немесе ағымдарда болды?
      Өтініш беруші партияның белсенді/енжар мүшесі болды ма, онда қанша болды? Оның лауазымы (жағдайы) және міндеті.
      Бұл қандай ұйым? Оның мақсаты, жұмыс істеу әдістері, саяси бағыты, құрылымы, саны, қашан және кім құрды, көшбасшылары мен тікелей басшыларының аты-жөні, әрекет ауданы, заңды/заңсыз. Өтініш берушінің ұйым қызметіне қатысу сипаттамасы.
      Ұйым қандай бір болмасын жарияланымдар шығара ма? Олардың атауын хабарласын.
      Ұйымның басқа мүшелерінің аты.
      Өтініш беруші өз іс-қимылы үшін билік тарабынан қуғынға ұшырады ма?
      Өтініш беруші күш көрсету зорлық-зомбылығы қолданылған нәсілдік, ұлттық тектегі немесе саяси көзқарастармен байланысты оқиғаларға қатысты ма? Егер қатысса, онда бұндай оқиғалардың өзгешелігін және өтініш берушінің оған қатысу дәрежесін сипаттау.
      Егер тұтқындалса, тұтқындаудың хронологиялық жүйелігі көрсетілсін және тұтқындауды қайда өтеп шықты (абақты, полиция учаскесі), тұтқында болу ұзақтығы.
      Өтініш берушімен бірге неше адам тұтқындалды?
      Өтініш берушіге айып тағылды ма?
      Саяси қызмет үшін сотталды ма? Егер сотталса, соттың аты, іс қайда қаралды, үкім мерзімі, мүмкін болса қорғаушының аты.
      Тұтқында болу жағдайын сипаттау.
      Босату қалай жүргізілді (пара беру, сатып алу, кепілдікке, жаза мерзімінің аяқталуы)?
      Босатылғаннан соң полиция қадағалауында болды ма?
      Босатылғаннан кейін өтініш берушіге қарым-қатынас. Болу орны, жұмысы.
      Абақтыдан, абақты көлігінен, абақты госпиталінен және т.б. қашу туралы айтылған жағдайда қашу жағдайын нақтылау қажет (Қалай қашты? Қашу үшін өтініш берушіге сырттан көмектесті ме? Қашқаннан кейін және елден кеткенге дейін өзін қалай қамтамасыз ете алды? Қай жерде болды/тұрды және ақшаны қайдан алды? Төлқұжат пен жол жүру құжаттарды қалай алды?).
      Қазіргі кезде өтініш беруші іздестірілуде емес пе? Не үшін?
      Іздеуде екені өтініш берушіге қайдан белгілі?
      Өтініш беруші адвокатпен немесе адам құқықтары жөніндегі ұйыммен байланыста ма? Олардың есімдері және мекенжайлары, және ол бұл байланысқа қалай кірді?
      12. Тұрақты тұру елінен кету себептері.
      Өтініш берушінің елден кету себептерін айтып беруді сұрау (бұрын болған тармақтарға сүйенуге болады).
      Оны іздестіруден қорқатындығы туралы ақпарат алу маңызды.
      Өтініш беруші қудалаудың/зорлық-зомбылықтың қандай түріне ұшырады, оны елден кетуге мәжбүрлеген деректер көрсетілсін (күш көрсету зорлық-зомбылығы, үйді тінту, кәсіптік тыйым, басқа да мәжбүр етулер, қауіп-қатерлер).
      Өтініш берушіге немесе оның отбасы мүшелеріне жасалған зорлық-зомбылықтар/қудалау уақыты және орны, кім орындады? Хронологиялық тәртіпте толығырақ сипаттап беруін сұрау.
      Мүмкін болса осыны дәлелдейтін кез келген құжатты көрсетсін.
      Өтініш берушінің ойынша бұндай әрекеттердің жасалуына не себеп болды?
      Іздестіруге ұшыру қорқынышы туралы өз сенімін өтініш беруші немен растай алады?
      Өтініш беруші отанына қайтып барғысы келе ме? Егер қайтып барғысы келмесе не себептен?
      Өтініш берушінің ойынша егер ол отанынан қайтып барса не болуы мүмкін және неліктен? Негізделген себептерді атауын сұрау.
      Өтініш берушіге өз елінің билігі қайтып баруға рұқсат бере ме? Неліктен береді немесе неліктен бермейді?
      Қайтып барған жағдайда қауіпсіздік қатері бар? Егер болса, нақты себептер көрсетілсін.
      12а. Кәмелетке толмаған өтініш берушілер үшін кету себептері туралы сұрақтар.
      Қалай/неліктен жас өтініш беруші өз ата-анасынан/отбасынан ажырады?
      Бұл қашан болды?
      Ол өз еркімен кетті ме немесе өз еркінен тыс жөнелтілді ме? Оның ата-анасы оны отанынан кеткені туралы біле ме, ол қандай да бір нұсқау алды ма? Қандай нұсқау?
      Қашан және қандай жағдайларда өтініш беруші өз ата-анасымен/отбасымен байланыста болды?
      Жас өтініш беруші ата-анасын (басқа жақын туыстарын, отбасы мүшелерін) тірі деп есептей ме? Егер ол оларды қайтыс болған десе, оның бұл үшін қандай негіздемелері бар?
      Отбасынан кеткеннен кейін өтініш беруші бірінші қайда барды?
      Өтініш беруші ата-анасынан/отбасынан кеткеннен кейін тұрған жерін сипаттап беруді, ұзақтығын сұрау.
      Өтініш беруші бұрын өзі немесе отбасымен отанын тастап кетуді байқады ма?
      Қазақстан Республикасына келе жатқанда өтініш берушіге кім қамқорлық көрсетті, оның аты және туыстығы/басқа да қатынастары? Олар бірін бірі бұрын білді ме?
      Қазіргі кезде олардың қарым-қатынасы қалай?
      Кәмелетке толмаған өтініш берушінің отанынан кетуге ең басты себеп не?
      Өтініш беруші немесе оның жақындары іздестірілді ме? Қалай және қандай себептермен?
      Қазақстан Республикасына келе жатқанда қандай ерекше қиындықтар болды?
      13. Отанында және басқа елдерде байланысы
      Отанымен байланысу мүмкіндіктері, туыстарының болуы, туыстық дәрежесі, олардың мекенжайы және телефоны.
      Қазақстан Республикасында және басқа елдерде туыстары немесе отандастары бар ма? Олардың босқын мәртебесі бар ма (өтінішхат берді ме)? Олардың мекенжайлары және телефоны.
      Өтініш беруші басқа елдерге немесе халықаралық ұйымдарға пана беру немесе босқын мәртебесін беру туралы өтінішхат берді ме? Егер берсе, берген күні, кімге және нәтижесі қандай?
      Біріккен Ұлттар Ұйымының Босқындар істері жөніндегі Жоғарғы комиссарының басқармасының босқыны деп танылды ма? Егер танылса, қайда, қашан және Босқындар істері жөніндегі Жоғарғы комиссарының басқармасының қандай органы тарапынан? Бұл тануды растайтын құжат бар ма?
      Қазақстан Республикасында босқын деп танылудан бас тартқан жағдайда, өтініш беруші қай елге (елдерге) кете алады және неліктен (басқа елдегі туыстары, басқа елге кету мүмкіндігінің болуы, өзгеде мүмкіндіктер)?
      Қандай да бір халықаралық немесе ұлттық ведомстволарда тіркелді ме? Егер тіркелсе, толығырақ айтсын.
      Өз елінің елшілігінде, консулдығында немесе басқа да өкілдікте тіркелді ме? Егер тіркелсе, егжей-тегжейлі нақтылау.

Босқын мәртебесін беру туралы
өтінішхатты тіркеу    
және қарау ережесіне   
6-қосымша         

_________________________________________________________________
(уәкілетті органның аумақтық бөлімшесінің атауы)

20 __ ж. __ _________ № ____
__________________________________________________
(мемлекеттік денсаулық сақтау органының атауы)

міндетті медициналық тексеруге
Жолдама

_______________________________________ азаматы/азаматтығы жоқ адамы
        (мемлекеттің атауы)
____________________________________________________________________
                    (тегі, аты, әкесінің аты)
туған күні _________________________________________________________      Пана іздеген адамның жеке басын куәландыратын немесе жеке басын дәлелдейтін құжаттар ______________________________________________
                     (атауы, сериясы, нөмір, қашан және кім берді)
___________________________________________________________________
___________________________________________________________________
___________________________________________________________________
____________________________________________________________ келген
                 (мемлекеттің атауы)
Қазақстан Республикасында босқын мәртебесін алу туралы өтінішхат беруіне байланысты міндетті медициналық тексеруден өтуге жіберіледі.

Басшы
______________________________________  ___________    ____________
(уәкілетті органның аумақтық бөлімшесі)   (қолы)          (Т.А.Ә.)

      М.О.