Ескерту. Бұйрықтың күші жойылды - ҚР Статистика агенттігі Төрағасының 2012.11.01 № 303 (2013.01.01 бастап қолданысқа енгізіледі) Бұйрығымен.

      РҚАО-ның ескертуі!
      Бұйрықтың қолданысқа енгізілу тәртібін 4-тармақтан қараңыз.

      «Мемлекеттік статистика туралы» Қазақстан Республикасының 2010 жылғы 19 наурыздағы Заңының 12-бабының 2) және 7) тармақшаларына сәйкес, БҰЙЫРАМЫН:
      1. Мыналар:
      1) «Еңбек бойынша есеп» жалпымемлекеттік статистикалық байқаудың статистикалық нысаны (коды 1211101, индексі 1-Е, кезеңділігі айлық) осы бұйрықтың 1-қосымшасына сәйкес;
      2) «Еңбек бойынша есеп» жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 1211101, индексі 1-Е, кезеңділігі айлық) осы бұйрықтың 2-қосымшасына сәйкес;
      3) «Еңбек бойынша есеп» жалпымемлекеттік статистикалық байқаудың статистикалық нысаны (коды 1201102, индексі 1-Т, кезеңділігі тоқсандық) осы бұйрықтың 3-қосымшасына сәйкес;
      4) «Еңбек бойынша есеп» жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 1201102, индексі 1-Т, кезеңділігі тоқсандық) осы бұйрықтың 4-қосымшасына сәйкес;
      5) «Еңбек бойынша есеп» жалпымемлекеттік статистикалық байқаудың статистикалық нысаны (коды 1191104, индексі 1-Т, кезеңділігі жылдық) осы бұйрықтың 5-қосымшасына сәйкес;
      6) «Еңбек бойынша есеп» жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 1191104, индексі 1-Т, кезеңділігі жылдық) осы бұйрықтың 6-қосымшасына сәйкес;
      7) «Қызметкерлер санын есептелген жалақы мөлшері бойынша бөлу туралы» жалпымемлекеттік статистикалық байқаудың статистикалық нысаны (коды 1701111, индексі 1-Е (Ж), кезеңділігі екі жылда бір рет) осы бұйрықтың 7-қосымшасына сәйкес;
      8) «Қызметкерлер санын есептелген жалақы мөлшері бойынша бөлу туралы» жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 1701111, индексі 1-Е (Ж), кезеңділігі екі жылда бір рет) осы бұйрықтың 8-қосымшасына сәйкес;
      9) «Зиянды және басқа да қолайсыз еңбек жағдайларында жұмыс істейтін қызметкерлердің саны туралы есебі» жалпымемлекеттік статистикалық байқаудың статистикалық нысаны (коды 1181104, индексі 1-Е (Еңбек жағдайы), кезеңділігі жылдық) осы бұйрықтың 9-қосымшасына сәйкес;
      10) «Зиянды және басқа да қолайсыз еңбек жағдайларында жұмыс істейтін қызметкерлердің саны туралы есебі» жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 1181104, индексі 1-Е (Еңбек жағдайы), кезеңділігі жылдық) осы бұйрықтың 10-қосымшасына сәйкес;
      11) «Қызметкерлердің жекелеген лауазымдары мен кәсіптері бойынша жалақы мөлшері туралы есеп» жалпымемлекеттік статистикалық байқаудың статистикалық нысаны (коды 1221110, индексі 2-Е (КӘСІП), кезеңділігі жылына бір рет) осы бұйрықтың 11-қосымшасына сәйкес;
      12) «Қызметкерлердің жекелеген лауазымдары мен кәсіптері бойынша жалақы мөлшері туралы есеп» жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 1221110, индексі 2-Е (КӘСІП), кезеңділігі жылына бір рет) осы бұйрықтың 12-қосымшасына сәйкес;
      13) «Халықтың жұмыспен қамтылуын іріктеп зерттеу сауалдамасы» жалпымемлекеттік статистикалық байқаудың статистикалық нысаны (коды 1232102, индексі Т-001, кезеңділігі тоқсандық) осы бұйрықтың 13-қосымшасына сәйкес;
      14) «Халықтың жұмыспен қамтылуын іріктеп зерттеу сауалдамасы» жалпымемлекеттік статистикалық байқаудың статистикалық нысанын толтыру жөніндегі нұсқаулық (коды 1232102, индексі Т-001, кезеңділігі тоқсандық) осы бұйрықтың 14-қосымшасына сәйкес бекітілсін.
      2. Қазақстан Республикасы Статистика агенттігінің Құқықтық және ұйымдық қамтамасыз ету департаменті Стратегиялық даму департаментімен бірге заңнамада белгіленген тәртіппен:
      1) осы бұйрықты Қазақстан Республикасы Әділет министрлігінде мемлекеттік тіркеуді;
      2) осы бұйрық Қазақстан Республикасы Әділет министрлігінде мемлекеттік тіркелгеннен кейін оны бұқаралық ақпарат құралдарында ресми жариялауды қамтамасыз етсін.
      3. Осы бұйрықтың орындалуын бақылау Қазақстан Республикасы Статистика агенттігінің жауапты хатшысына жүктелсін.
      4. Осы бұйрық 2011 жылғы 1 қаңтардан бастап қолданысқа енгізіледі.

      Төрағаның
      міндетін атқарушы                          Ж. Жарқынбаев

      «КЕЛІСІЛГЕН»
      Қазақстан Республикасының
      Еңбек және халықты әлеуметтiк
      қорғау министрі
      Г. Әбдіқалықова ______________
      2010 жылғы «____» ____________

Қазақстан Республикасы  
Статистика агенттігі төрағасы
міндетін атқарушысының  
2010 жылғы 24 тамыздағы  
№ 229 бұйрығына 1-қосымша  

1. Қызметкерлер саны және жалақы қоры туралы деректерді
   көрсетіңіз
   Укажите данные о численности работников и фонде заработной платы

Атауы                             Мекен-жайы
Наименование ________________________ Адрес ________________________
             ________________________ Тел.: ________________________
             ________________________ Электрондық почта мекен-жайы
                                      Адрес электронной почты _______

Орындаушының аты-жөні және телефоны
Фамилия и телефон исполнителя ________________ Тел. _________________

Басшы                      (Аты-жөні,тегі, қолы)
Руководитель ________________ (Ф.И.О., подпись) _____________________

Бас бухгалтер              (Аты-жөні,тегі, қолы)
Главный бухгалтер ___________ (Ф.И.О., подпись) _____________________

      М.О.   
      М.П.    

Қазақстан Республикасы    
Статистика агенттігі төрағасы
міндетін атқарушының     
2010 жылғы 24 тамыздағы   
№ 229 бұйрығына       
2-қосымша          

«Еңбек бойынша есеп» жалпымемлекеттік статистикалық байқаудың
статистикалық нысанын (коды 1211101, индексі 1-Е, кезеңділігі
айлық) толтыру жөніндегі нұсқаулық

      1. Осы нұсқаулық «Мемлекеттік статистика туралы» Қазақстан Республикасы Заңының 12-бабы 7) тармақшасына сәйкес әзірленген және «Еңбек бойынша есеп» жалпымемлекеттік статистикалық байқаудың статистикалық нысанын (коды 1211101, индексі 1-Е, кезеңділігі айлық) толтыру тәртібін нақтылайды.
      2. Келесі анықтамалар осы статистикалық нысанды толығымен толтыруға қолданылады:
      1) бос қызмет орындар саны – ұйымдағы (кәсіпорындағы) бос қызмет орындар саны;
      2) бір қызметкердің орташа айлық атаулы жалақысы – бұл жалақының қорына есептелген соманы қызметкерлердің нақты санына және есепті кезеңдегі ай санына бөлу арқылы анықталады;
      3) қызметкерлердің жалақы қоры – салықтар мен басқа ұстауларды (табыс салығы, міндетті зейнетақы жарналарын) ескере отырып және қаржыландыру көзі мен нақты төлем мерзіміне қарамастан (лауазымдық қызметақылар (тарифтік мөлшерлемелер), үстеме ақылар, қосымша ақылар, сыйақылар мен ынталандырушы және өтемдік сипаттағы өзге де төлемдер) қызметкерлердің еңбек ақысын төлеу үшін ұйымның есептелген ақшалай жиынтық қаражаттары;
      4) қызметкерлердің нақты саны – жұмысқа ресми тіркелуі бар (жүктілігі және босануы бойынша, балаға күтім жасау бойынша, және басқа да демалыстарда жүрген адамдар) қызметкерлердің жекелеген санаттары шегерілген тізімдік құрамдағы қызметкерлердің саны;
      5) қызметкерлердің тізімдік саны – азаматтық-құқықтық сипаттағы шарттар бойынша жұмыс атқарушы адамдар, сондай-ақ қоса атқарушылық бойынша қабылданғандардан басқа еңбек шарты бойынша, оның жасалу мерзіміне қарамастан жұмысқа қабылданып, еңбек етуші адамдар саны;
      6) нақты жұмыс істеген адам-сағат саны – бұл кәсіпорындағы барлық қызметкерлердің қалыпты жұмыс кезіндегі және мерзімнен тыс нақты жұмыс істеген уақыты.
      3. Көрсетілген статистикалық нысанды заңды тұлғалар және олардың құрылымдық және оқшауланған бөлімшелері меншіктің иелігі мен статистикалық нысанына қарамастан өзінің тұрған жері бойынша, тапсырып отырады.
      Заңды тұлға есепті өзінің тұрған жеріндегі мемлекеттік аумақтық статистика органға басқа облыстар аумағында орналасқан және олардың тұрған жері бойынша тиісті мемлекеттік аумақтық статистика органына есеп беретін заңды тұлғаның құрылымдық және оқшауланған бөлімшелерінің деректерінсіз ұсынады.
      4. Осы статистикалық нысан есепті тоқсанның алғашқы екі айында, ал үшінші айда - «Еңбек бойынша есеп» (1-Е индексі, кезеңділігі тоқсандық) статистикалық нысан толтырылады.
      5. Арифметика-логикалық бақылау:
      1-баған бойынша 4-жол = 3-жол *1000 / 2-жол
      2-баған бойынша 4-жол = 3-жол *1000 / 2-жол / есепті кезеңдегі айлар санына.
      Ескерту: Х – бұл айқындама толтыруға жатпайды.

 Қазақстан Республикасы  
Статистика агенттігі төрағасы
міндетін атқарушысының  
2010 жылғы 24 тамыздағы  
№ 229 бұйрығына 3-қосымша  

1. Қызметкерлер саны және жалақы қоры туралы деректерді
   көрсетіңіз
   Укажите данные о численности работников и фонде заработной платы

2. Жұмыс күшінің қозғалысын және бос орындардың бары туралы
   деректерді көрсетіңіз, адам
   Укажите данные о движении рабочей силы и наличии вакансий, человек

3. Жұмысты азаматтық - құқықтық сипаттағы шарттар бойынша
   орындайтын адамдардың, толық емес жұмыс уақытында жұмыс
   істейтіндердің және қоса атқарушылық бойынша жұмысқа
   қабылданған қызметкерлердің саны туралы деректерді
   көрсетіңіз (есепті кезеңге орташа алғанда), адам
   Укажите данные о численности лиц, выполняющих работы по договорам
   гражданско-правового характера, работающих неполное рабочее время
   и принятых на работу по совместительству (в среднем за отчетный
   период), человек

Атауы                             Мекен-жайы
Наименование ________________________ Адрес ________________________
             ________________________ Тел.: ________________________
             ________________________ Электрондық почта мекен-жайы
                                      Адрес электронной почты _______

Орындаушының аты-жөні және телефоны
Фамилия и телефон исполнителя ________________ Тел. _________________

Басшы                      (Аты-жөні,тегі, қолы)
Руководитель ________________ (Ф.И.О., подпись) _____________________

Бас бухгалтер              (Аты-жөні,тегі, қолы)
Главный бухгалтер ___________ (Ф.И.О., подпись) _____________________

М.О.      
М.П.       

Қазақстан Республикасы   
Статистика агенттігі төрағасы
міндетін атқарушының    
2010 жылғы 24 тамыздағы   
№ 229 бұйрығына       
4-қосымша           

«Еңбек бойынша есеп» жалпымемлекеттік статистикалық байқаудың
статистикалық нысанын (коды 1201102, индексі 1-Е, кезеңділігі
тоқсандық) толтыру жөніндегі нұсқаулық

      1. Осы нұсқаулық «Мемлекеттік статистика туралы» Қазақстан Республикасы Заңының 12-бабы 7) тармақшасына сәйкес әзірленген және «Еңбек бойынша есеп» жалпымемлекеттік статистикалық байқаудың статистикалық нысанын (коды 1201102, индексі 1-Е, кезеңділігі тоқсандық) толтыру тәртібін нақтылайды.
      2. Келесі анықтамалар осы статистикалық нысанды толығымен толтыруға қолданылады:
      1) бос жұмыс орындарының саны – ұйымдағы (кәсіпорындағы) бос жұмыс орындарының саны;
      2) бос тұрып қалу – экономикалық, технологиялық, ұйымдастырушылық, өндірістік немесе табиғи сипаттағы себептер бойынша жұмыстың уақытша тоқтап тұруы;
      3) бір қызметкердің орташа айлық атаулы жалақысы – бұл жалақының қорына есептелген соманы қызметкерлердің нақты санына және есепті кезеңдегі ай санына бөлу арқылы анықталады;
      4) жұмысты азаматтық-құқықтық шарт бойынша орындайтын адамдар (яғни ұйымның тізімдік құрамында болмайтындар) – ұйымның ішкі тәртібіне бағынбай жүзеге асырылатын, белгілі бір жұмысты (бір жолғы, арнаулы шаруашылық, жұмыстың нақты бір көлемін орындау үшін) орындау мерзіміне ғана шарт немесе келісім-шарт бойынша қабылданған адамдар;
      5) қоса атқарушылық бойынша жұмысқа қабылданған тұлғалар – қызметкердің негізгі жұмысынан бос уақытында еңбек шарты жағдайында басқа тұрақты төленетін жұмысты орындауы;
      6) қызметкерлердің жалақы қоры – салықтар мен басқа ұстауларды (табыс салығын, міндетті зейнетақы жарналарын) ескере отырып және қаржыландыру көзі мен нақты төлем мерзіміне қарамастан (лауазымдық қызметақылар (тарифтік мөлшерлемелер), үстеме ақылар, қосымша ақылар, сыйақылар мен ынталандырушы және өтемдік сипаттағы өзге де төлемдер) қызметкерлердің еңбек ақысын төлеу үшін ұйымның есептелген ақшалай жиынтық қаражаттары;
      7) қызметкерлердің нақты саны – жұмысқа ресми тіркелуі бар (жүктілігі және босануы бойынша, балаға күтім жасау бойынша, және басқа да демалыстарда жүрген адамдар) қызметкерлердің жекелеген санаттары шегерілген тізімдік құрамдағы қызметкерлердің саны;
      8) қызметкерлердің тізімдік саны – азаматтық-құқықтық сипаттағы шарттар бойынша жұмыс атқарушы адамдар, сондай-ақ қоса атқарушылық бойынша қабылданғандардан басқа еңбек шарты бойынша, оның жасалу мерзіміне қарамастан жұмысқа қабылданып, еңбек етуші адамдар саны;
      9) нақты жұмыс істеген адам-сағат саны – бұл кәсіпорындағы барлық қызметкерлердің қалыпты жұмыс кезінде және мерзімнен тыс нақты жұмыс істеген уақыты;
      10) негізгі қызмет персоналы – басқа ұйымдармен немесе кәсіпорындармен өткізілуі мүмкін, тікелей негізгі өнім (тауарлар немесе қызметтер) өндірісінде және негізгі өніммен қоса алынатын жанама өнімдер өндірісінде қамтылған қызметкерлер;
      11) толық емес жұмыс уақыты – Қазақстан Республикасының 2007 жылғы 15 мамырдағы Еңбек кодексімен белгіленген қалыпты ұзақтықтан аз уақыт, оның ішінде:
      толық емес жұмыс күні, яғни күнделікті жұмыс (жұмыс ауысымы) ұзақтығының нормасын азайту;
      толық емес жұмыс аптасы, яғни жұмыс аптасындағы жұмыс күндерінің санын қысқарту;
      бір мезгілде күнделікті жұмыс (жұмыс ауысымы) ұзақтығының нормасын азайту және жұмыс аптасындағы жұмыс күндерінің санын қысқарту толық емес жұмыс уақыты болып есептеледі.
      3. Көрсетілген статистикалық нысанды заңды тұлғалар және олардың құрылымдық және оқшауланған бөлімшелері меншіктің иелігі мен статистикалық нысанына қарамастан өзінің тұрған жері бойынша, тапсырып отырады.
      Заңды тұлға есепті өзінің тұрған жеріндегі мемлекеттік аумақтық статистика органға басқа облыстар аумағында орналасқан және олардың тұрған жері бойынша тиісті мемлекеттік аумақтық статистика органына есеп беретін заңды тұлғаның құрылымдық және оқшауланған бөлімшелерінің деректерінсіз ұсынады.
      4. Осы статистикалық нысан әр есепті тоқсанның соңғы айына, есепті тоқсанға және жыл басынан есепті кезеңге толтырылады.
      5. Арифметика-логикалық бақылау:
      1) 1-бөлім. Қызметкерлер саны және жалақы қоры туралы деректер.
      1-баған бойынша 7-жол = 5-жол/3-жол
      2-3 бағандар бойынша 7-жол = 5-жол /3-жол / есепті кезеңде айлар санына
      2-3 бағандар бойынша 8-жол = 6-жол /4-жол / есепті кезеңде айлар санына
      2-3 бағандар бойынша 13-жол = 12-жол/11-жол/есепті кезеңде айлар санына
      2) 2-бөлім. Жұмыс күшінің қозғалысын және бос орындардың бары туралы деректер.
      1-жол + 4-жол – 8-жол = 16-жол әр баған үшін
      2-жол + 5-жол – 12-жол = 17-жол әр баған үшін
      8-жол = 9-11 жолдардың қосындысы, 12-жол = 13-15 жолдардың қосындысы.
      Ескерту: Х – бұл айқындама толтыруға жатпайды.

Қазақстан Республикасы  
Статистика агенттігі төрағасы
міндетін атқарушысының  
2010 жылғы 24 тамыздағы  
№ 229 бұйрығына 5-қосымша  

      Ескерту. 5-қосымша жаңа редакцияда - Қазақстан Республикасы Статистика агенттігі Төрағасының 2011.09.14 № 256 (4-тармақты қараңыз) бұйрығымен.

1. Негізгі жұмыс топтары бойынша есепті жылға орташа жұмысшылардың тізімдік саны және жалақы қоры туралы деректерді көрсетіңіз
   Укажите данные о списочной численности работников в среднем за отчетный год и фонде заработной платы по основным группам занятий

      2. Экономикалық қызмет түрлері бойынша есепті жылға орташа жұмысшылардың тізімдік саны және жалақы қоры туралы деректерді көрсетіңіз
      Укажите данные о списочной численности работников в среднем за отчетный год и фонде заработной платы по видам экономической деятельности

      3. Жұмысшылардың санаттары бойынша есепті жылға орташа жұмысшылардың тізімдік саны және жалақы қоры туралы деректерді көрсетіңіз
      Укажите данные о списочной численности работников в среднем за отчетный год и фонде заработной платы по категориям работников

      4. Жұмысты азаматтық-құқықтық сипаттағы шарттар бойынша орындайтын, толық емес жұмыс уақытында жұмыс істейтін және қоса атқарушылық бойынша жұмысқа қабылданған адамдардың санын және жалақы қоры туралы деректерді көрсетіңіз (орташа есепті жылға)
      Укажите данные о фонде заработной платы и численности лиц, выполняющих работы по договорам гражданско-правового характера, работающих неполное рабочее время и принятых на работу по совместительству (в среднем за отчетный год)

      5. Есепті жылдың соңындағы жұмысшылардың тізімдік санының құрамы туралы деректерді көрсетіңіз, адам
      Укажите данные о составе списочной численности работников на конец отчетного года, человек

      6. Жұмысшылардың күнтізбелік уақыт қорын пайдалануы туралы деректерді көрсетіңіз
      Укажите данные об использовании календарного фонда времени работников

      7. Жұмысшылардың біліктілігін арттыру және оқытылуы туралы ақпаратты көрсетіңіз (есепті жылға), адам
      Укажите информацию об обучении и повышении квалификации работников (за отчетный год), человек

      8. Жұмыс күшінің қозғалысы, адам; бос орындардың бары, бірлік туралы деректерді көрсетіңіз
      Укажите данные о движении рабочей силы, человек; наличии вакансий, единиц

      9. Жұмыс күшін ұстауға жұмсалған шығындар туралы деректерді көрсетіңіз, мың теңге (ондық белгімен)
      Укажите данные о затратах на содержание рабочей силы, тысяч тенге (с десятичным знаком)

Атауы                              Мекен-жайы
Наименование ________________________ Адрес ________________________
             ________________________ Тел.: ________________________

                                      Электрондық почта мекен-жайы
                                      Адрес электронной почты _______

Орындаушының аты-жөні және телефоны
Фамилия и телефон исполнителя ________________ Тел. _________________

Басшы                      (Т.А.Ә., қолы)
Руководитель ________________ (Ф.И.О., подпись) _____________________

Бас бухгалтер              (Т.А.Ә., қолы)
Главный бухгалтер ___________ (Ф.И.О., подпись) _____________________

М.О.    
М.П.     

Қазақстан Республикасы    
Статистика агенттігі төрағасы
міндетін атқарушының     
2010 жылғы 24 тамыздағы   
№ 229 бұйрығына       
6-қосымша          

      Ескерту. 6-қосымша жаңа редакцияда - Қазақстан Республикасы Статистика агенттігі Төрағасының 2011.09.14 № 256 (4-тармақты қараңыз) бұйрығымен.

«Еңбек бойынша есеп» жалпымемлекеттік статистикалық байқаудың
статистикалық нысанын толтыру жөніндегі нұсқаулық
(коды 1191104, индексі 1-Е, кезеңділігі жылдық)

1. Жалпы ережелер

      1. Бұл Нұсқаулық «Мемлекеттік статистика туралы» Қазақстан Республикасы Заңының 12-бабы 7) тармақшасына сәйкес әзірленген және «Еңбек бойынша есеп» жалпымемлекеттік статистикалық байқаудың статистикалық нысанын (коды 1191104, 1-Е индексі, кезеңділігі жылдық) толтыруды нақтылайды.
      2. Келесі анықтамалар еңбек бойынша статистикалық нысандарды толтыру мақсатында қолданылады:
      1) қызметкерлердің тізімдік саны – шартты жасасу мерзіміне байланыссыз еңбек шарты бойынша қабылданған адамдар саны;
      2) жұмысшылардың нақты саны (орташа жалақыны есептеу үшін алынатын) – жұмысқа формалды тіркелуі бар жұмысшылардың жекелеген санаттары шегерілген тізімдік құрамдағы жұмысшылардың саны (жүктілік және босану бойынша, балаға күтім жасау бойынша және басқа да демалыстарда жүрген адамдар);
      3) қызметкерлердің жалақы қоры (еңбегіне ақы төлеу) - олардың қаржыландыру көзі мен оларды нақты төлеу мерзіміне байланыссыз жұмысшыларға еңбекақы төлеу үшін ұйымдардың есептеген жиынтық ақшалай қаражатының, ақшалай бірлікке айналдырылған заттай түрдегі қаражаттар (табыс салығы, жинақтаушы зейнетақы қорларына міндетті зейнетақы жарнасы) ескерілген, ұйымның жұмысшылардың еңбегіне есептелген ақы төлеу үшін есептелген жиынтық ақшалай қаражаттары (лауазымдық айлықақылар (тарифтік мөлшерлемелер)), қосымша төлемдер, үстеме ақылар, сыйлықақылар және өзге де ынталандыру мен өтемдік сипаттағы төлемдер) жатады.
      4) жұмыс уақыты – жұмыс берушінің актілері мен жеке еңбек шартының талаптарына сәйкес жұмысшының еңбек міндеттерін (функция) атқаратын уақытының ағымы;
      5) толық емес жұмыс күнi – Қазақстан Республикасының 2007 жылғы 15 мамырдағы Еңбек Кодексінде белгiленген қалыпты ұзақтықтан аз уақыт, оның iшiнде:
      толық емес жұмыс күнi, яғни күнделiктi жұмыс (жұмыс ауысымы) ұзақтығының нормасын азайту;
      толық емес жұмыс аптасы, яғни жұмыс аптасындағы жұмыс күндерiнiң санын қысқарту;
      бiр мезгiлде күнделiктi жұмыс (жұмыс ауысымы) ұзақтығының нормасын азайту және жұмыс аптасындағы жұмыс күндерiнiң санын қысқарту толық емес жұмыс уақыты болып есептеледi;
      6) жұмыспен өтелген адам-сағат саны кәсіпорынның барлық жұмысшылармен нақты істелген жұмыстың қалыпты кезең аралығында және одан тыс істелген жұмыс уақытын сипаттайды;
      7) қызметтің негізгі түрі – қосылған құны субъект жүзеге асыратын қызметтің кез келген басқа түрінің қосылған құнынан асатын қызмет түрі;
      8) қызметтің қайталама түрі – үшінші тұлғалар үшін өнімді өндіру мақсатында жүзеге асырылатын, негізгіден басқа қызмет түрі;
      9) қызметтің көмекші түрі – осы объект қолдануы үшін арналған қысқа мерзімді сипаттағы тауар және қызметтермен қамтамасыз ете отыра, объектінің негізгі қызмет түрлерін қолдау үшін жүзеге асырылатын қызмет түрі жүзеге асырады.
      3. Еңбек бойынша статистикалық нысандарды статистика органдарына (индексі 2-ШК «Шағын кәсіпорынның қызметі туралы» статистикалық нысаны бойынша есеп беретіндер) барлық заңды тұлғалар және (немесе) олардың құрылымдық және оқшауланған бөлімшелері меншіктің иелігі мен нысанына қарамастан өзінің тұрған жері бойынша тапсырады.
      Басты ұйым есепті өзінің тұрған жеріндегі статистика органдарына басқа облыстар аумағында орналасқан және олардың тұрған жері бойынша еңбек бойынша статистикалық нысандарды тиісті аумақтық статистикалық органдарға есеп беретін заңды тұлғаның құрылымдық бөлімшелерінің деректерінсіз ұсынады.
      Егер құрылымдық және оқшауланған бөлімшелерде еңбек бойынша статистикалық нысандарды толтыру үшін мәліметтер болмаса, онда әрбір мұндай құрылымдық және оқшауланған бөлімшелері бойынша мәліметті басты ұйым осындай бланкіде толтырады және мұны келесі жолы бекітілген мерзімде статистикалық нысандарды тұратын жері бойынша статистика органдарына құрылымдық және оқшауланған бөлімшелері тапсыруы үшін жолданады.
      4. Заңды тұлғалар және (немесе) олардың құрылымдық және оқшауланған бөлімшелері Еңбек бойынша статистикалық нысандары қатаң түрде белгіленген күнтізбелік есепті кезең уақытына толтырады: ай, тоқсан және жыл. «Еңбек бойынша есеп» статистикалық нысаны (индексі 1-Е, айлық мерзімдегі) есепті айдың бірінші күнінен соңғы (қоса санағанда) күні кезеңіне, «Еңбек бойынша есеп» статистикалық нысаны (индексі 1-Е, тоқсандық мерзімдегі) бірінші айының бірінші күнінен есепті тоқсанның үшінші айының соңғы күніне (қоса санағанда), «Еңбек бойынша есеп» статистикалық нысаны (индексі 1-Е, жылдық мерзімдегі) 1 қаңтардан 31 желтоқсан (қоса) кезеңіне толтырылады.
      Деректер жұмыс берушінің актілері және бастапқы есеп құжаттамасының біріздендірілген нысандары: жұмысшыны жұмысқа қабылдау, басқа жұмысқа ауыстыру, еңбек шартын бұзу, тоқтату туралы бұйрықтар (өкімдер), жұмыс уақытын пайдалану есебінің табельдері, есеп айырысу-төлем тізімдемелерінің негізінде толтырылады.
      Жұмыс уақытын пайдалану есебінің табелінде жұмысқа келмеу себептері, толық емес жұмыс күні туралы, мерзімнен тыс жұмыс туралы және басқа белгіленген жұмыс тәртіптерінен ауытқулар туралы белгілер еңбекке жарамсыздық қағаздары, бос тұрып қалу туралы бұйрықтар (өкімдер), мемлекеттік және қоғамдық міндеттерді атқарғаны туралы анықтамалар негізінде ғана көрсетіледі.
      5. Есепті кезең ішінде құрылымдық және оқшауланған бөлімшелер бір заңды тұлғадан екінші тұлғаға берілген жағдайда, берген тұлғаның еңбек туралы статистикалық есептілігінде көрсетілген деректер жыл басынан бергі кезең үшін алып тасталынады да, осы құрылымдық және оқшауланған бөлімшелер құрамына кірген тұлғаның есебіне дәл солай жыл басынан бастап енгізіледі.
      Заңды тұлғаның шаруашылықты жүргізуді ұйымдастыру-құқықтық нысандары өзгерген жағдайда, тұлғаның жаңа статусы бойынша деректер осы өзгеріс болған айдан бастап есептелінеді, бұрынғы статусы бойынша жыл басынан бергі айлардағы деректер Еңбек бойынша статистикалық нысандардан шығарылмайды.
      6. Еңбек жөніндегі есептілікте қателер және басқа бұрмалаушылықтар анықталған жағдайда, тұлғалар есептік деректерді түзетуді бұдан кейінгі есептердің өспелі қорытынды деректерінде қателер немесе бұрмалаушылықтар табылғаннан кейін жүргізеді.

2. Жұмысшылардың саны

      7. Тізімдік санда жұмыс берушінің актісін орындай отырып, жұмысты белгілі бір лауазымы немесе біліктілігі, мамандығы бойынша орындайтын есепті кезеңде ұйымның тізімінде саналатын барлық жұмысшылар ескеріледі.
      8. Тізімдік құрамға енгізілетін жұмысшылар:
      1) нақты жұмысқа келгендер және бос тұрып қалу себебі бойынша жұмыс істемегендерді қоса;
      2) қызметкердің оған тапсырылатын жұмысқа сәйкестігін тексеру мақсатында жұмысқа сынақ мерзімімен қабылданғандар. Бұл жұмысшылар тізімдік санға еңбек шартын бастағаннан бастап енгізіледі.
      3) еңбек шартының талаптары бойынша толық емес жұмыс күніне немесе толық емес жұмыс аптасына жұмысқа қабылданғандар, сондай-ақ Қазақстан Республикасының 2007 жылғы 15 мамырдағы Еңбек кодексіне сәйкес жұмыс уақытының қысқартылған ұзақтығы белгіленген жұмысшылар (он сегiз жасқа толмаған жұмысшылар; ауыр жұмыстарда, еңбек жағдайлары зиянды (ерекше зиянды) және (немесе) қауiптi жұмыстарда iстейтiн жұмысшылар; бiрiншi және екiншi топтардағы мүгедектер), сондай-ақ қоғамдық бастамаларда жұмыс істейтін адамдар (жалақы есептелмейтін).
      Толық емес жұмыс күніне немесе толық емес жұмыс аптасына жұмысқа қабылданған жұмысшылардың, сондай-ақ қоғамдық бастамаларда жұмыс істейтін адамдардың (жалақы есептелмейтін) тізімдік санында әрбір күнтізбелік күн бүтін бірлік ретінде есептеледі;
      4) қызмет бабындағы іссапарларда жүргендер, сондай-ақ шетелдерде қызмет бабындағы қысқа мерзімді іссапарларда жүрген қызметкерлерді қоса, егер оларға сол ұйымдағы жалақысы сақталатын болса;
      5) жұмыс берушімен жұмысты үйінде (үйде жұмыс iстейтiн жұмысшылар) жеке еңбегімен орындау туралы еңбек шартын жасағандар.
      Жұмыс берушiмен жұмысты өз материалдарымен және өзiндiк немесе жұмыс берушi бөлiп беретiн не жұмыс берушi қаражаты есебiнен сатып алынатын жабдықтарды, құрал-саймандар мен құрылғыларды пайдаланып, үйде жеке еңбегiмен орындау туралы еңбек шартын жасасқан адамдар үйде жұмыс iстейтiн жұмысшылар деп есептеледi.
      Үйде жұмыс iстейтiн жұмысшылардың тізімдік санында әрбір күнтізбелік күн бүтін бірлік ретінде есептеледі;
      6) ұйымнан тыс жерлерде уақытша жұмыс істейтіндер (жүктелім бойынша), егер олар жалақыны осы ұйымнан алатын болса;
      7) басқа ұйымдардан жұмысқа уақытша тартылғандар, егер олардың жалақысы негізгі жұмыс орны бойынша сақталмайтын болса;
      8) жұмысты вахталық әдіспен орындау үшін жіберілген жұмысшылар;
      9) уақытша жұмыста жоқ жұмысшылардың (ауырғанына, жүктілігі және босануы бойынша демалыста, сәбиге күтім жасау бойынша демалыста) орнына қабылданғандар;
      10) ұйымда өндірістік практика өткізіп жүрген және жұмыс орнына немесе лауазымға қабылданған, білім беру мекемелерінде оқитын студенттер (оқушылар);
      11) жоғары оқу орындарының ғылыми-зерттеу секторлары жұмысқа тартқан жоғары оқу орындарының күндізгі бөлім студенттері мен аспиранттары, егер олар штаттық лауазымға қабылданған болса;
      12) бірлескен кәсіпорындарда жұмыс істейтін басқа елдердің жұмысшылары мен мамандары, сондай-ақ шетел жұмысшы күштері – республика аумағында еңбек әрекетін жүзеге асыру үшін жұмыс беруші елден тысқары жалдаған шетел азаматтары және азаматтығы жоқ адамдар.
      9. Сондай-ақ тізімдік құрамға ұйымда уақытша жоқ болған жұмысшылар да кіреді:
      1) ауруына байланысты жұмысқа келмегендер (уақытша еңбекке жарамсыздық қағазына сәйкес жұмысқа шыққанға дейін ауырған бүкіл кезеңіне немесе мүгедектікке шыққанға дейін);
      2) мемлекеттік немесе қоғамдық міндеттерді орындауға байланысты жұмысқа шықпағандар;
      3) ұзақ мерзімді қызметтік іссапарға жіберілгендер, соның ішінде құрылыс, монтаждау және реттеу жұмыстарын орындау мақсатында жіберілгендер;
      4) біліктілігін арттыру немесе қайта даярлау үшін білім беру ұйымдарына немесе білім беру қызметімен айналысуға құқығы бар білім беру ұйымдарына өндірістен қол үзіп жіберілгендер, егер олардың жалақысы сақталатын болса;
      5) ақы төленетін жыл сайынғы еңбек демалысында, ақы төленетін жыл сайынғы қосымша еңбек демалысында жүргендер;
      6) жүктілігі және босануы бойынша, баланы (балаларды) тууға, жаңа туған баланы (балаларды) асырап алуға байланысты, бала үш жасқа толғанға дейiн оның күтiмiне байланысты жалақы сақталмайтын демалыстарда жүргендер;
      7) еңбек шарты тараптарының келiсiмi бойынша жұмысшылардың өтiнiшi негiзiнде оған жалақы сақталмайтын демалыста жүрген адамдар;
      8) сынақтар мен емтихандарға дайындалу және оларды тапсыру, зертханалық жұмыстарды орындау, дипломдық жұмысты (жобаны) дайындау мен қорғау үшiн оқу демалыстарында жүргендер;
      9) бiлiм беру ұйымдарында оқып жүрген, жалақы сақталмайтын демалыста жүрген адамдар, сондай-ақ бiлiм беру ұйымдарына түсетін және түсу емтихандарын тапсыру үшін еңбек шарты тараптарының келiсiмi бойынша қызметкердiң өтiнiшi негiзiнде оған жалақы сақталмайтын демалыста жүрген жұмысшылар;
      10) өндірістің бос тұрып қалуына байланысты жоқ қызметкерлер;
      11) жұмыс берушiнiң қызметкерлер өкiлдерiмен келiсе отырып қабылданған актiлерiнде бекiтiлген ауысымдық кестеге сәйкес демалыс күндері бар жұмысшылар;
      12) демалыс немесе мереке (жұмыс істемейтін) күндеріндегі жұмыс үшін қосымша демалыс күнін алғандар;
      13) әкімшілік құқық бұзғаны үшін әкімшілік қамауға алынған жұмысшыларды қоса, себепсіз жұмысқа шықпағандар;
      14) сот өкімі шыққанға дейін тергеуде жатқандар.
      10. Қызметкерлердің тізімдік құрамына қосылмайтындар:
      1) басқа ұйымдардан қоса атқарушылық бойынша жұмысқа қабылданғандар.
      Қоса атқарушылық бойынша жұмыс істейтін жұмысшыларға негізгі жұмыс уақытынан бос уақытта еңбек шарты тараптарының келiсiмi бойынша басқа тұрақты ақы төленетін жұмыс орындайтындар жатады.
      Еңбек қатынастарында тұрған (негізі жұмыс орны бойынша) немесе екі, бір жарым ставкасы бар қоса атқарушылық бойынша жұмыс атқаратын жұмысшылар бір адам (бүтін бірлік) ретінде сол ұйымның жұмысшыларының тізімдік санына қосылады;
      2) азаматтық-құқықтық сипаттағы шарттар бойынша жұмыс істейтін адамдар.
      Жұмысты азаматтық-құқықтық шарт бойынша орындайтын адамдарға (яғни ұйымның тізімдік құрамында тұрмайтындарға) ұйымның ішкі тәртібіне бағынбай жүзеге асырылатын, белгілі бір жұмысты (бір жолғы, арнаулы шаруашылық, жұмыстың нақты бір көлемін орындау үшін) орындау мерзіміне ғана шарт бойынша қабылданғандар жатады;
      3) басқа ұйымға уақытша жұмысқа жіберілгендер, егер олардың негізгі жұмыс орнындағы жалақысы сақталмайтын болса;
      4) білім беру ұйымдарына жұмыстан қол үзіп оқуға жіберілген, жұмыс берушінің қаражаты есебінен стипендия алатындар жұмысшылар;
      5) жұмыспен қамту мәселелері бойынша өкілетті органдармен өзара іс-қимыл негізінде ұйымға жұмыс істеу үшін тартылғандар.
      6) жалақы алмайтын сол ұйымның меншік иелері.
      11. Есепті кезеңнің басына (соңына) жұмысшылардың тізімдік саны ұйымның тізімдік құрамы санының көрсеткіші болып табылады: айдың бірінші немесе соңғы күні, сол күні қабылданғандармен кеткен жұмысшыларды қоспағанда.
      12. Белгіленген кезең ішінде жұмысшылардың орташа тізімдік санын анықтау үшін тізімдік құрамдағы жұмысшылар санының күн сайынғы есебі жүргізіледі, ол жұмыс берушінің актілері негізінде нақтыланады (қабылдау, жұмысшыларды басқа жұмысқа ауыстыру және еңбек шартын тоқтату туралы бұйрықтар мен өкімдер). Тізімдік құрамдағы қызметкерлердің әр күнгі саны жұмысшылардың жұмыс уақытын пайдалануын есепке алу табелінің деректеріне сәйкес болуы қажет.
      Есепті айдағы жұмысшылардың орташа тізімдік саны мереке (жұмыс істемейтін) және демалыс күндерін қоса есепті айдың әрбір күнтізбелік күндегі, яғни айдың 1-нен 30 немесе 31 (ақпан айы үшін - 28 немесе 29-ын қоса) күнін қоса, тізімдік құрамның жұмысшылар санын қосу және алынған соманы айдағы күнтізбелік күндер санына бөлу жолымен есептеледі.
      Демалыс немесе мереке (жұмыс істемейтін) күнгі тізімдік құрамдағы жұмысшылар саны соның алдындағы жұмыс күнгі жұмысшылардың тізімдік санына тең деп қабылданады. Қатарынан екі немесе одан да көп демалыс немесе мереке (жұмыс істемейтін) күндер болса, осы күндердің әрқайсысындағы тізімдік құрамдағы жұмысшылар саны әлгі демалыс немесе мереке (жұмыс істемейтін) күндердің алдындағы жұмыс күнгі тізімдік құрамдағы жұмысшылар санымен теңдей етіп алынады.
      13. Толық ай істемеген ұйымдардағы (пайдалануға жаңадан құрылған, таратылған, өндірістің маусымдық сипаты бар ұйымдардағы) жұмысшылардың орташа тізімдік саны ұйымның есепті айдағы барлық жұмыс күндеріндегі, жұмыс кезеңіндегі демалыс және мереке (жұмыс істемейтін) күндерді қоса, тізімдік құрамдағы жұмысшылар санының қосындысын есепті айдағы күнтізбелік күндердің жалпы санына бөлу жолымен анықталады.
      14. Тоқсан ішіндегі жұмысшылардың орташа тізімдік саны ұйымның тоқсандағы жұмыс істеген барлық айларындағы жұмысшылардың орташа тізімдік санын қосу және алынған санды үшке бөлу жолымен анықталады.
      15. Жыл басынан бастап есепті айды қоса есептеген кезеңдегі жұмысшылардың орташа тізімдік саны жыл басынан бастап есепті айды қоса есептеген кезеңдегі барлық өткен айлардағы жұмысшылардың орташа айлық санын қосу және жыл басынан бергі кезең ішінде ұйымның жұмыс істеген айларының санына әлгі қосындыны бөлу жолымен анықталады.
      16. Жұмысшылардың орташа жылдық тізімдік саны есепті жылдың барлық орташа айларындағы жұмысшылардың орташа санын қосу және алынған қосындыны 12-ге бөлу жолымен анықталады.
      17. Егер ұйым толық жыл істемесе (жұмыс сипаты маусымдық немесе пайдалануға есептік жылдың қаңтарынан кейін құрылған), онда жұмысшылардың орташа жылдық тізімдік саны ұйымның жұмыс істеген барлық айларындағы жұмысшылардың орташа тізімдік санын қосып, алынған қосындыны 12-ге бөлу жолымен анықталады.

3. Жұмысшылардың нақты саны

      18. Жұмысшылардың нақты санын алу үшін (орташа жалақыны есептеу үшін алынатын) тізімдік құрамдағы жұмысшылар санынан мынадай санаттағы жұмысшылар шығарылып тасталады:
      1) жүктілігі және босануы бойынша, баланы (балаларды) тууға, жаңа туған баланы (балаларды) асырап алуға байланысты, бала үш жасқа толғанға дейiн оның күтiмiне байланысты жалақы сақталмайтын еңбек демалыстарында жүргендер;
      2) еңбек шарты тараптарының келiсiмi бойынша жұмысшының өтiнiшi негiзiнде жалақы сақталмайтын демалыста жүрген адамдар;
      3) бiлiм беру ұйымдарында оқып жүрген, жалақы сақталмайтын демалыста жүрген адамдар, сондай-ақ бiлiм беру ұйымдарына түсетін және түсу емтихандарын тапсыру үшін еңбек шарты тараптарының келiсiмi бойынша жұмысшылардың өтiнiшi негiзiнде оған жалақы сақталмайтын демалыста жүрген жұмысшылар;
      4) соның ішінде құрылыс, монтаждау және реттеу жұмыстарын орындау мақсатында қызметтік ұзақ мерзімге іссапарға жіберілгендер, егер олардың жалақысы сақталмаса;
      19. Қоса атқарушылық бойынша қабылданған не толық емес жұмыс күніне немесе толық емес жұмыс аптасына қабылданған (ауыстырылған) жұмысшылар жұмысшылардың нақты санында есепті саналады және олардың саны есепті айдағы істелген адам-сағатты бір айдағы жұмыс уақытының белгіленген ұзақтығына бөлу жолымен анықталады;
      20. Азаматтық-құқықтық сипаттағы шарттар бойынша жұмыс істеу үшін ұйымға тартылған жұмысшылардың әрбір күнтізбелік күні бүтін бірлік ретінде есептеледі.
      21. Үйде жұмыс iстейтiн жұмысшылар жұмысшылардың нақты санында әрбір күнтізбелік күні бүтін бірлік ретінде есептеледі.
      22. Жұмыспен қамту мәселесі жөнінде уәкілетті органдармен өзара іс-қимыл жасау негізінде ұйымда жұмыс істеу үшін ұйымға тартылған адамдар олардың атқарған жұмысы оларға үшін еңбекақы аудару жүргізілген жағдайда әрбір күнтізбелік күнге бүтін бірлік ретінде жұмысшылардың нақты санында есептеледі.
      23. Толық емес ай (тоқсан, жыл) жұмыс істеген ұйымдар бойынша кезең ішінде орташа алғанда нақты санды есептеу тәртібі (орташа жалақыны есептеу үшін қабылданған) осы Нұсқаулықтың 12-17-тармақтарында айтылған, кезең ішіндегі орташа алғанда тізімдік санды есептеу тәртібіне ұқсас.

4. Ұйымның негізгі және қосымша қызметінде жұмыс
істейтін персонал

      24. Тауарлар мен қызмет көрсету өндірісі процесінде өндірістік бірліктер негізгі, қайталама және қосымша қызмет түрлерін жүзеге асырады.
      25. Ұйымның негізгі қызметінде жұмыспен қамтылған қызметкерлерге негізгі өнім (тауарлар немесе қызмет көрсету) және басқа ұйымдарға немесе кәсіпорындарға өткізілуі негізгімен қатар сөзсіз алынатын жанама өнімдер өндірісінде тікелей жұмыспен қамтылған жұмысшылар жатады.
      26. Ұйымның қайталама қызметінде жұмыспен қамтылған жұмысшыларға қызметтің басқа (негізгіден басқа) түрлеріне жататын жұмыстарды орындайтын жұмысшылар жатады.
      27. Қызметтің көмекші түрін жүзеге асыратын жұмысшы қызметтің негізгі түрін жүргізу үшін жағдайларды қамтамасыз етеді. Қызметтің көмекші түрін жүзеге асыратын жұмысшы ұйымның негізгі қызметінде жұмыспен қамтылған жұмысшылар құрамында есепке алынады.

5. Персоналдың санаты және қызметтердің жіктеуіші

      28. Еңбек бойынша статистикалық нысандарда жұмысшылар саны негізгі екі санатқа бөлінеді: жұмысшылар және қызметшілер.
      29. Жұмысшыларға материалдық құндылықтарды құру, өнімдер (қызмет, жұмыс) өндіру процесіне тікелей қатысатын, сондай-ақ жөндеу, жүк алып өту, жолаушылар тасымалдау, материалдық қызмет көрсетумен айналысатын адамдар жатады.
      30. Қызметшілерге әкімшілік-шаруашылық, басқарушылық, инженерлік-техникалық, экономикалық функцияларын, сондай-ақ құжаттарды рәсімдеумен және дайындаумен, шаруашылық қызмет көрсетулер мен бақылауды қоса, басқа жұмыстармен айналысатын адамдар жатады.
      31. Қазақстан Республикасы Мемстандартының 1999 жылғы 16 қазандағы № 22 қаулысымен бекітілген Қазақстан Республикасы қызметтерінің мемлекеттік жіктеуішіне сәйкес ұйымдағы барлық жұмыспен қамтылған қызметкерлер келесі негізгі қызмет топтары бойынша жіктеледі (бөлінеді):
      1) ұйым басшыларын қоса барлық деңгейдегі билік органдары мен басқармалардың басшылары (өкілдері);
      2) біліктілігі жоғары деңгейдегі мамандар;
      3) біліктілігі орта деңгейдегі мамандар;
      4) ақпараттар дайындаумен, құжаттамаларды ресімдеумен, есеп жүргізу және қызмет көрсетумен айналысатын қызметшілер;
      5) қызмет көрсету, коммуналдық қызмет көрсету, сауда саласының және тектес қызметтің осы тектес түрлерінің қызметкерлері;
      6) ауыл, орман, аңшылық шаруашылықтарындағы, балық өсіру және балық аулаудағы білікті қызметкерлер;
      7) өндірістік кәсіпорындардың, көркем кәсіптердің, құрылыстың, көліктің, байланыстың, геология мен жер қойнауын барлаудың білікті жұмысшылары;
      8) құрылғылар мен машиналардың операторлары, аппаратшылары, машинистер және слесарь-құрастырушылар;
      9) біліктілігі жоқ жұмысшылар.

6. Жалақы қоры

      32. Ұйымдар еңбек бойынша статистикалық нысанында қызметкерлер еңбегіне ақы төлеу үшін есептелген жалақы қорын көрсетеді.
      33. Жалақы қорында ақша да, сондай-ақ ақша бірлігіне ауыстырылған заттай ақы төлеу нысанындағы барлық төлемдер ескеріледі.
      34. Төлеу үшін есептелген ақшалай сомалар, жұмысшыларға жұмыс істелмеген уақытқа (жыл сайынғы демалыс, мерекелік күндер) төлеу үшін есептелген ақшалай сомаларды қоса, жұмысшылармен жалақысы бойынша есеп айырысатын төлем құжаттарына сәйкес көрсетіледі. Көрсетілген сомалар «бруттоға» (салықтар мен басқа да ұстап қалуларды есептемегенде) келтіріледі.
      35. Ақы төленетін жыл сайынғы еңбек демалыстарына, ақы төленетін жыл сайынғы қосымша еңбек демалыстарына есептелген сомалар осы айдың демалыс күндеріне келетін сомада ғана есепті айда көрсетіледі. Келесі айдағы демалыс күндері үшін есептелетін сома келесі айдың есебіне кіреді. Сонымен бірге сауықтыруға төленетін жәрдемақы бойынша сомалар бөлінбейді және есепті айда толық көлемде көрсетіледі.
      36. Ай, тоқсан, жартыжылдық, жылдық жұмыстың қорытындысы бойынша есептелген сыйақылар (тұрақты және мезгілдік сипаттағы) тиісті есепті кезеңде толық көлемде есептеледі.
      37. Жалақы қорына қосылатындар:
      1) жұмысшыларға орындалған жұмыс немесе жұмыс істелген уақыт үшін тарифтік мөлшерлемелер, лауазымдық айлықақылар, түскен табыстан пайызбен және үлеспен келісімді бағаламалар бойынша ұйымда қабылданған еңбекақы төлеудің нысандары мен жүйелеріне тәуелсіз есептелген жалақы;
      2) ынталандыру сипатындағы төлемдер:
      тарифтік мөлшерлемелер мен лауазымдық айлықақыларға үстеме ақылар (еңбек сіңірген жылдары, жұмыс өтілі, кәсіби шеберлігі, мемлекеттік тілді білуі, ғылыми дәрежесі, дипломатиялық рангі және тағы басқалар);
      сыйлықақылар (олардың төлем көздеріне тәуелсіз тұрақты немесе мерзімді сипаттағы);
      төлем көздеріне байланысты емес біржолғы сыйлықақылар;
      бір жылдық жұмыс қорытындысы бойынша сыйлықақылар;
      ұжымдық шартпен немесе жұмыс берушінің актілерімен анықталған басқа да төлемдер мен көтермелеулер;
      3) жұмыс режимі мен еңбек жағдайларына байланысты өтемдік төлемдер:
      экологиялық апат және радиациялық қатер аймақтарында тұрғаны үшін төлемдер;
      еңбек жағдайлары үшін қосымша төлемдер (ең негізгі еңбек жағдайында, сондай-ақ өте ауыр және өте зиянды еңбек жағдайларында жұмыс істегені үшін);
      түнгі уақытта жұмыс істегені үшін қосымша төлемдер;
      демалыс және мереке (жұмыс істемейтін) күндеріндегі жұмыстарға ақы төлеу;
      жұмыс кезінен тыс уақыттағы жұмысқа ақы төлеу;
      жер астындағы жұмыстарда ұдайы болатын қызметкерлерге шахтадағы (рудниктегі) оқпаннан жұмыс орнына дейін және кейін қайтатын нормативтік уақыт үшін қосымша төлемдер;
      геологиялық барлау, топографиялық-геодезиялық және басқа дала жұмыстарында істейтін қызметкерлерге далалық қаражат;
      тұрақты жұмысы жол үстінде өтетін немесе жол жүру сипаты бар немесе қызмет көрсету учаскелері шегінде қызметтік жол жүрумен байланысты белгіленген мөлшерде тәуліктік ақының орнына жалақыға қосылатын төлемақылар;
      жұмыс кестесінде көзделген, вахта кезеңінде жұмысты вахталық әдіспен орындау кезінде жұмыс жүргізу орындарында болған әрбір күнтізбелік күнге, сондай-ақ ұйымның орналасқан жерінен жұмыс істейтін жерге дейінгі жолдағы және кері қайту жолындағы нақты күндерге төленетін үстеме ақылар;
      4) жұмыс істелмеген уақытқа ақы төлеу:
      жыл сайынғы еңбек және қосымша еңбек демалыстарына ақы төлеу, пайдаланылмаған демалыс үшін ақшалай төленетін өтемақы;
      демалысқа сауықтыру үшін жыл сайынғы жәрдемақы (демалысқа материалдық көмек);
      жұмыстағы арнаулы үзілістерге ақы төлеу, жасөспірімдердің жеңілдікті сағаттарына ақы төлеу;
      мемлекеттік немесе қоғамдық міндеттерді орындауға тартылған жұмысшылардың жұмыс уақытына ақы төлеу;
      жұмысшылардың кінәсынан болмаған бос тұрып қалуларға ақы төлеу;
      амалсыздан жұмыссыз жүрген уақыт үшін ақы төлеу;
      жұмыс уақытын амалсыздан толық істемеген жұмысшыларға ұйым қаражаты есебінен төленетін сомалар;
      білім беру ұйымдарына немесе білім беру қызметімен айналысуға құқығы бар ұйымдарға, өндірістен қол үзіп біліктілігін арттыру және қайта даярлау үшін жіберілген жұмысшыларға негізгі жұмыс орны бойынша есептелген жалақы;
      5) төлеу үшін есептелген басқа да ақшалай сомалары:
      өзінің негізгі жұмысынан босатылмастан қызметтерді қоса атқарғаны (қызмет көрсету аймақтарын кеңейткені) немесе жұмыста уақытша болмаған жұмысшының міндеттерін орындағаны үшін төленетін қосымша ақы сомалары;
      еңбек міндеттерін орындауға байланысты алған еңбек жарақатынан, кәсіби аурудан немесе денсаулығына өзге де зақым келуден еңбекке жарамдылығын жоғалтқан жағдайларда бұрынғы жалақысы мен жаңа жұмысындағы жалақысының арасындағы айырмашылықты төлеу сомасы;
      газет, журнал және өзге де бұқаралық ақпарат құралдарының редакциялары қызметкерлерінің тізімдік құрамында тұрған жұмысшыларға төленетін қаламақы;
      тарифтік мөлшерлемеге (айлықақыға) қосымша төленетіндігіне немесе негізгі ақы төлеу болып табылатындығына байланыссыз пайыздық немесе комиссиялық сыйақылар, атап айтқанда, штаттағы делдалдарға;
      ұйымда өндірістік практикадан өтіп жүрген және жұмыс орындарына немесе лауазымдарға алынған, білім беру ұйымдарында оқитын студенттердің (оқушылардың) еңбегіне ақы төлеу;
      жұмыспен қамту мәселесі бойынша уәкілетті органмен өзара іс-қимыл жасасу негізінде ұйымда жұмыс істеу үшін тартылған адамдардың орындаған жұмыстары үшін есептелген сомалар;
      әскери қызметтегі міндеттерін орындауға байланысты алатын әскери қызметшілер мен ішкі істер органдарының қызметкерлеріне төленетін төлемдердің барлық түрлері;
      ұйым қызметкерлерінің тізімдік құрамында тұрмайтын, жұмысты (қызмет көрсетуді) азаматтық-құқықтық шарт жасасу бойынша орындайтын адамдардың еңбегіне ақы төлеу. Мұның өзінде бұл жұмысшылардың еңбегіне ақы төлеу қаражатының көлемі осы шарт бойынша жұмысты (қызмет көрсетуді) орындау сметасы төлем құжаттарынан анықталады.
      38. Бір жұмысшының орташа айлық атаулы жалақысы жалақының есептелген қорының сомасын жұмысшылардың нақты санына және есепті кезеңдегі айлар санына бөлу жолымен анықталады.

7. Жалақы қорында есептелмейтін жұмыс күшіне
жұмсалған шығындар

      39. Еңбек бойынша статистикалық нысандарын ұйымдастыруда, сондай-ақ еңбекақы қорында есептелмейтін жұмыс күшін ұстаумен байланысты төлемдер мен шығыстар көрсетіледі.
      40. Жұмыс күшіне жұмсалған негізгі шығыстарға қосылатындар:
      жұмысшыларды тұрғын үймен қамтамасыз ету бойынша ұйымның шығыстары;
      жұмысшыларды әлеуметтік қорғауға арналған ұйымның шығыстары;
      жұмысшыларды кәсіби даярлауға (қызметкерлерді оқытуға) ұйымның шығыстары;
      мәдени іс-шараларды өткізуге және демалыс пен ойын-сауықты ұйымдастыруға жұмсалған шығыстар;
      жоғарыда келтірілген топтарға жатпайтын жұмыс күшіне ұйымның өзге де шығыстары;
      жұмыс күшін пайдаланумен байланысты салықтар.
      41. Жұмысшыларды тұрғын үймен қамтамасыз ету жөніндегі ұйымның шығыстарына мыналар жатады:
      жұмысшылардың меншігіне берілген тұрғын үйдің құны;
      жұмысшыларға тұрғын үй құрылысына немесе тұрғын үйді сатып алуына берілетін ақысыз демеуқаржылар, жұмысшыға ұйымның сатқан пәтерлерінің нарықтық құнымен жұмысшы төлеген соманың арасындағы айырмашылығы;
      басқа да шығыстар (жалға беруді қоса), яғни жұмысшылардың шығыстарын өтеу тәртібінде, (пәтерлік ақы, жатақханадағы орын, жалдау) және коммуналдық қызметтерге ақы төлеу бойынша ұйыммен төленетін сомалардан тыс шығыстары.
      42. Жұмысшыларды әлеуметтік қорғауға арналған ұйымның шығыстарына мыналар жатады:
      1) әлеуметтік аударымдар;
      2) жұмысшылардың және олардың отбасы мүшелерін ерікті медициналық сақтандыру шарты бойынша (болған жағдайда) ұйымның төлейтін сақтандыру төлемдері (жарналары);
      3) ұйымның (заңды тұлғаның) таратылуына, жұмыс берушінің (жеке тұлғаның) қызметін тоқтатуына, қызметкерлер санының немесе штатының қысқартылуға байланысты еңбек шартын бұзу нәтижесінде оларды шығару (босату) кезінде жұмысшыларға төленетін өтемақы сомалары;
      4) жалпы сырқаттануына, еңбек жарақатына немесе кәсіби ауруына, жүктілігі мен босануына байланысты еңбекке уақытша жарамсыздығы бойынша жұмыс берушінің қаражаты есебінен төленетін әлеуметтік жәрдемақылар, сондай-ақ бала асырап алған адамдарға төленетін әлеуметтік жәрдемақылар;
      5) бұл жұмысшының орындаған жұмысына байланысты емес жағдайларда, жұмысшыға (үйлену тойына, бала туылған кезде, ақылы медициналық операция жасау үшін, жерлеуге және құжатпен расталған жағдайда жаппай сипаты жоқ басқа да төлемдер) бір жолғы тәртіппен көрсетілетін материалдық көмек;
      6) жұмыс берушінің кінәсінен алған жарақатына немесе денсаулығына өзге де зақым келсе, келтірілген зиянды өтеуге байланысты жұмысшыға сақтандыру өтеуі төленбеген жағдайда төленетін төлемақылар;
      7) сауықтыру және басқа да іс-шараларды жүргізуге арналған шығыстар (жұмыс берушінің қаражаты есебінен қызметкерлерге денсаулық сақтау қызметтерінің әр түрін көрсететін ұйымдарға ақы төлеу);
      8) қызметкерлерді әлеуметтік қорғауға арналған ұйымның басқа да шығыстарына мыналар кіреді:
      осы ұйымда жұмыс істемейтін адамдарға (зейнеткерлерге, мүгедектерге, қаза тапқан қызметкерлердің отбасыларына) көрсетілетін материалдық көмек;
      жұмыс берушінің қаражаты есебінен ұйымдардың өз жұмысшыларының пайдасы үшін жасасқан жеке басты, мүлікті және өзге де сақтандыру шарттары бойынша төленетін сақтандыру төлемдері (жарналары);
      басқа да шығыстар.
      43. Жұмысшыларды оқытуға байланысты ұйымның шығыстары (осы Нұсқаулықтың 37-тармағы 4) тармақшасының сегізінші абзацында көрсетілген жалақыға арналған шығыстардан басқа):
      кешкі және сырттай білім беру ұйымдарында, аспирантурада сырттай оқитын, сондай-ақ аспирантураға түсетін жұмысшыларға берілетін оқу демалыстарына ақы төлеу;
      жұмыс берушінің (ұйымдардың) оқу орындарына оқуға жіберген студенттер мен оқушыларға тараптардың келісімі бойынша ұйымның қаражаты есебінен төленетін стипендиялар;
      оқытуға арналған басқа шығыстар (тренинг, білім беру іс-шаралары шығыстарын қосқанда).
      44. Мәдени іс-шараларды өткізуге және демалыс пен ойын-сауықты ұйымдастыруға жұмсалған шығыстарға:
      мәдени-ағарту іс-шараларын жүргізуге арналған шығыстар;
      жұмысшыларға жұмыс берушінің қаражаты есебінен көрсетілетін туризм және демалыс қызметтерінің әр түрін көрсететін ұйымдарға ақы төлеу;
      демалыс және ойын-сауықты ұйымдастыру бойынша басқа да шығыстар жатады.
      45. Ұйымның бұрын келтірілген жіктелген топтарға жатпайтын, жұмыс күштерін ұстауға арналған басқа шығыстарына:
      1) халықаралық немесе шетелдік коммерциялық емес және қайырымдылық ұйымдары берген, грант түрінде алынған сомалар;
      2) тараптардың келісімі бойынша ғылым, әдебиет, өнер, өнертабыс шығармаларын жасауға, басуға және өзге де пайдалануға шарт бойынша төленетін авторлық сыйақылар (осы Нұсқаулықтың 37-тармағы 5) тармақшасының төртінші абзацында көрсетілген сомалардан басқа);
      3) қызметтік іссапарлар кезіндегі өтемақылар және одан тыс бөлінген сомалар (іссапарда болған уақыттағы тәуліктік ақыны қоса, тағайындалған жерге дейін бару және қайту шығыстары, тұрғын үй-жайды жалдау бойынша шығыстар);
      4) тараптардың келісімі бойынша жұмысшылардың басқа жердегі жұмысқа ауыстырылуына байланысты шығыстарының өтемақылары;
      5) тараптардың келісімі бойынша жұмысшыға жеке автомобилін қызмет мақсатында пайдаланғаны үшін материалдық шығыстардың (еңбек ақының сомаларынсыз) өтемақысы;
      6) соның ішінде құрылыс, монтаждау және реттеу жұмыстарын орындау мақсатында қызметтік ұзақ мерзімге іссапарға жіберілген жұмысшылардың және тәуліктік пәтер ақыларының орнына негізгі жұмыс орны бойынша сақталатын орташа жалақысының сомалары;
      7) жұмысшыларға берілген арнаулы киім мен аяқ киімнің және басқа жеке қорғану құралдарының, сабын және басқа жуу құралдарының, зарарсыздандыру құралдарының, сүттің және емдеу-профилактикалық тамақтанудың құны немесе ұйым әкімшілігі оларды бермеген жағдайда қызметкерлердің өздері сатып алған арнаулы киім мен аяқ киім және басқа жеке қорғану құралдары үшін шығыстарын өтеу;
      8) жұмысшыларға ақысыз ұсынылған тамақтандыру мен өнімдердің құны немесе оларды ақылы ұсынғандығы үшін ақшалай өтемақының сомасы;
      9) ұйымның тамақтандыру құнын (толықтай немесе ішінара) төлеуі, соның ішінде (талондар түрінде асханаларда, буфеттерде);
      10) ақысыз берілетін, кейіннен тұрақты жеке пайдалануында қалатын заттардың (арнаулы киімді, киім-кешекті қоса) құны немесе оларды төмендетілген бағамен сатуға байланысты жеңілдіктер сомасы;
      11) жұмыс орнына қоғамдық көлікпен, арнаулы бағыттағы көліктермен, ведомстволық көлікпен жүргеніне ақы төлеу;
      12) жұмыс күшіне жұмсалған басқа да шығыстар жатады.
      46. Жұмыс күшін пайдаланумен байланысты салықтарға жататындар:
      әлеуметтік салық;
      шетел жұмыс күшін тартумен байланысты шығыстар.

8. Уақыттың күнтізбелік қорын пайдалану

      47. Жұмысшылар уақытының күнтізбелік қоры жұмысшылардың жұмыспен өтеген адам-күн (адам-сағат), түрлі себептер бойынша жұмысқа келмеген күндер саны және мереке мен демалыс адам-күн санынан тұрады.
      Жұмысшылар уақытының күнтізбелік қорын пайдалану көрсеткіштері жұмысшылардың жұмыс уақытын есепке алу деректері негізінде толтырылады. Сонымен қатар жұмысқа келмеу себебі тиісті құжаттармен расталуы керек.
      48. Жұмыспен өтелген адам-күн (адам-сағат) санына кіретіндер:
      1) жұмыспен өтелген толық емес жұмыс уақытын қоса алғанда барлық жұмысшылардың нақты жұмыспен өтелген уақыты; үстеме және жұмыспен өтелген мереке (жұмыс) және демалыс (кесте бойынша) күндері;
      2) ұйымның жүктелімі бойынша басқа ұйымда жұмыс істейтін қызметкерлердің адам-күн саны;
      3) қызметтік іссапарда жүрген қызметкерлердің адам-күні.
      49. Азаматтық-құқықтық сипаттағы шарт бойынша ұйымға жұмыс істеу үшін тартылған, толық емес жұмыс аптасына қабылданған адамдар, сондай-ақ қоғамдық бастамаларда жұмыс істейтін адамдардың (жалақы есептелмейтін) жұмыспен өтелген адам-күн және жұмыспен өтелген адам-сағаттың ішінде нақты жұмыспен өтелген уақыты көрсетіледі.
      50. Жұмысқа келмеген адам-күн санына кіретіндер:
      1) жұмыстың қабылданған режимдері мен кестелерінен тәуелсіз еңбек демалысы күндеріне келетін күнтізбелік күндердегі мереке және демалыс күндерін есептемей ақы төленетін жыл сайынғы еңбек демалыстары (қосымша еңбек демалыстарын қоса отырып); қосымша төленетін жыл сайынғы еңбек демалыстары жұмысшыларға өндірістің, цехтың, кәсіптері мен лауазымдарының тізіміне сәйкес, сондай-ақ ауыр жұмыс, зиянды (ерекше зиянды) және (немесе) қауіпті еңбек жағдайындағы жұмыстарда, қосымша ақы төленетін жыл сайынғы еңбек демалысы тізбесіне сәйкес есептеледі;
      2) сынақтар мен емтихандарға дайындалу және оларды тапсыру, зертханалық жұмыстарды орындау, дипломдық жұмысты (жобаны) дайындау мен қорғау үшiн толық немесе жартылай жалақының сақталуымен оқу демалыстарына жүргендер;
      3) ауруға байланысты күндерге төленгені немесе төленбегеніне қарамастан Қазақстан Республикасының заңнамаларымен бекітілген тәртіппен берілген еңбекке жарамсыздығы туралы қағаздарымен рәсімделген ауырған кезеңіндегі тек жұмыс күндерін (демалыс және мерекелік жұмыс емес күндер) қосатын жұмысқа келмеуі;
      4) дәлелді себептермен жұмысқа келмеуді қосатын әкімшіліктің рұқсатымен жұмысқа келмеу;
      5) жұмысшылардың тоқтап қалу адам-күнін қосатын өндірістің тоқтауына байланысты жұмысқа келмеу экономикалық, технологиялық, ұйымдастырушылық басқа да өндірістік немесе табиғи сипаттағы бүкіл жұмыс күні (ауысымы) жұмыс істемеу немесе уақытша басқа жұмысқа ауыстырылмады. Өндірістің тоқтап қалуына байланысты жұмысқа келмеуге, кәсіпорында жұмыстың тоқтауына байланысты әкімшіліктің рұқсаты мен жұмысқа шықпаудың адам-күні кіреді;
      6) бір немесе одан да көп кезеңде мемлекеттік және қоғамдық міндеттерді орындаумен байланысты жұмыстан уақытша босатылған жұмысшылардың жұмысқа шықпауы адам-күнін қосатын Қазақстан Республикасы заңнамалармен рұқсат етілген басқа да жұмысқа шықпауы; Қазақстан Республикасының заңнамасымен бекітілген тәртіппен берілген еңбекке жарамсыздығы туралы қағаздарымен рәсімделген ауру адамды күтімі немесе карантинге байланысты жұмысқа шықпау адам-күні, табиғат апаттарын ауыздықтауға тартылған адам-күні; соттың шешіміне дейін тергеуде болған қызметкерлер; баланы (балаларды) тууға, жаңа туған баланы (балаларды) асырап алуға байланысты еңбек демалыс күндеріне келетін мереке және демалыс күндерін есепке алмай, күнтізбелік күнге есептелетін демалыс күндері және жүктілік және туу бойынша демалыс қосылады; жүктілігі және босануы бойынша, баланы (балаларды) тууға, жаңа туған баланы (балаларды) асырап алуға байланысты, бала үш жасқа толғанға дейiн оның күтiмiне байланысты жалақы сақталмайтын демалыстағы қызметкерлер; қоғамдық бастамаларда жұмыс істейтін адамдардың (жалақы есептелмейтін) жұмысқа шықпау адам-күні;
      7) еңбек тәртібін бұзуға байланысты жұмысқа шықпау жұмысшылардың адам-күнін қосатын бір күннің (жұмыс ауысымы) ішінде қатарынан үш немесе одан да көп сағат дәлелсіз себептермен жұмыста болмауы; әкімшілік құқық бұзғаны үшін әкімшілік қамауға алынған жұмысшылардың жұмысқа шықпау адам-күні, сондай-ақ алкогольдік, нашақорлық, психотропты, уытқұмарлықпен (осыларға ұқсас) (бұның жұмыс уақытының басында, ортасында, соңында болғанына қарамастан) мас болу жағдайында әкімшіліктің жұмысқа жібермеуі;
      8) барлық демалыс және мереке күндерін қосатын мереке және демалыс күндерінің саны, сондай-ақ жыл сайынғы еңбек демалыстары кезеңінде келетін мереке және демалыс күндері, ауырған және басқа жұмысқа шықпаған күндер. Үздіксіз өндірістегі немесе өндірістегі өндірістік-техникалық жағдайлар немесе халыққа тұрақты үздіксіз қызмет көрсету салдарынан демалыс күндері жұмысты тоқтату мүмкін емес күндер, жұмыс берушiнiң жұмысшылар өкiлдерiмен келiсе отырып қабылданған актiлерiнде бекiтiлген ауысымдық кестеге сәйкес жұмысшыларға берілген демалыс адам-күн қосылады.

9. Жұмыс күшінің қозғалысы

      51. Жұмысқа қабылданған адамдар санына есепті кезеңде осы ұйымға жұмысқа қабылдау туралы бұйрықпен (өкіммен) есепке алынғандар.
      52. Жұмыстан шыққандар санына негіздемесіне қарамастан (қызметкердің немесе әкімшіліктің бастамасы бойынша еңбек шартын бұзу, тараптардың келісімі, әскери қызметке шақырылу немесе түсуі, жұмысшылардың келісімі бойынша басқа және тағы басқа ауысуы), бұйрықпен (өкіммен) рәсімделген кету немесе ауысу, сондай-ақ қаза табуына байланысты шығуы кіреді.
      53. Жұмыстан шыққандардың саны келесі шығу себептерге байланысты бөлінеді:
      1) персоналдардың санының қысқаруына байланысты және кәсіпорынның жойылуына байланысты;
      2) тұрақтамау себептері бойынша (өз еркімен, жұмысқа себепсіз шықпау);
      Өз еркімен жұмыстан шыққан жұмысшылар санына өз бастамасы бойынша еңбек шартын бұзған жұмысшылар жатады. Өз еркімен жұмыстан шыққан жұмысшылар санына сондай-ақ еңбек шартын тараптардың келісімі бойынша бұзған жұмысшылар жатады.
      3) өзге де себептер.
      Олардың қатарына жоғарыда көрсетілген себептерден басқа себеппен шыққан жұмысшылар қосылады. Бұл ауысу тәртібімен шарт мерзімінің бітуі немесе жұмыстың орындалуына байланысты басқа ұйымға ауысқандар, оқуға кетуге, әскери қызметке шақырылу, зейнеткерлікке шығу, ауруы бойынша мүгедектікке өтуге байланысты кеткен жұмысшылар. Басқа себептер бойынша жұмыстан шыққандарға жеткіліксіз біліктіліктің болу себептеріне байланысты атқаратын лауазымына немесе атқаратын қызметіне сәйкес болмау; сынақ мерзімі кезеңінде жұмыста теріс нәтиже көрсеткендер; одан әрі жұмыс істеуге мүмкіндігінен айырылған сот актісіне сәйкес жұмыстан босатылғандар.

10. «Еңбек бойынша есеп» (индексі 1-Е, жылдық мерзімдегі)
статистикалық нысанын толтыру

      54. Статистикалық нысан есепті жылға толтырылады.
      55. 1-бөлімде ұйымда барлық жұмыспен қамтылғандар Қазақстан Республикасы Мемстандартының 1999 жылғы 16 қазандағы № 22 қаулысымен бекітілген Қазақстан Республикасы қызметтерінің мемлекеттік жіктеуішіне сәйкес келесі негізгі қызмет топтары бойынша бөлінеді.
      56. 2-бөлімде негізгі қызметпен қатар барлық іске асыратын қызмет түрлері жазылады.
      57. 4-бөлімнің 5-8-жолдарында егер бір қызметкер есепті жыл ішінде бірнеше рет толық емес жұмыс уақытына ауысса, өндірістің тоқтап қалуына байланысты бір реттен көп уақытша жұмыс істемесе немесе жалақының сақтауынсыз еңбек демалысында болған болса, онда ол есепті жылда бір рет көрсетіледі.
      58. 6-бөлімнің 1-14-жолдарында тізімдік құрамның қызметкерлері бойынша мәліметтер көрсетіледі.
      Ескерту: Х-бұл позиция толтырылмайды.
      59. Арифметика-логикалық бақылау:
      1) «Негізгі жұмыс топтары бойынша есепті жылға қызметкерлердің орташа тізімдік саны және жалақы қоры туралы деректер» 1-бөлімінде, «Экономикалық қызмет түрлері бойынша есепті жылға қызметкерлердің орташа тізімдік саны және жалақы қоры туралы деректер» 2-бөлімінде, «Қызметкерлердің санаттары бойынша есепті жылға қызметкерлердің орташа тізімдік саны және жалақы қоры туралы деректер» 3-бөлімінде қарастырылған:
      7-баған = 5-баған *1000 / (3-баған *12) әр жол үшін
      8-баған = 6-баған *1000 / (4-баған *12) әр жол үшін
      2) 1-бөлім. Негізгі жұмыс топтары бойынша есепті жылға жұмысшылардың орташа тізімдік саны және жалақы қоры туралы деректер:
      1-жол = 1-6 бағандар бойынша 2-10-жолдардың қосындысы
      3) 5-бөлім. Есепті жылдың соңындағы жұмысшылардың тізімдік санының құрамы туралы деректер:
      1-жол = 2-6-жолдардың қосындысы
      4) 6-бөлім. Жұмысшылардың күнтізбелік уақыт қорын пайдалануы туралы деректер:
      5-жол = 6-10, 12, 13-жолдардың қосындысы
      5) 7-бөлім. Жұмысшылардың біліктілігін арттыру және оқытылуы туралы ақпарат (есепті жылға):
      1-жол = әр баған үшін 2, 3-жолдардың қосындысы
      6) 8-бөлім. Жұмыс күшінің қозғалысын және бос орындардың бары туралы деректер:
      1-баған > немесе = әрбір жол үшін 2, 3-бағандардың қосындысы,
      1-жол + 2-жол – 6-жол = 10-жол әрбір баған бойынша
      6-жол = әрбір баған бойынша 7-9-жолдардың қосындысы
      7) 9-бөлім. Жұмыс күшіне жұмсалған шығындар туралы деректер.
      1-жол = 2-жол + 14-жол
      2-жол = 3, 4, 7, 8, 11-жолдардың қосындысы
      14-жол = 15, 19, 27, 31, 32, 33-жолдардың қосындысы
      15-жол = 16-18-жолдардың қосындысы
      19-жол = 20-26-жолдардың қосындысы
      27-жол = 28-30-жолдардың қосындысы
      33-жол = 34-35-жолдардың қосындысы.
      Бөлімдер арасы:
      1-бөлімнің 1-жолы = 2-бөлімнің 1-жолы = 3-бөлімнің 1-жолы
      1-бөлімнің 5-бағаны 1-жолы = 9-бөлімнің 2-жолы
      8-бөлімнің 1-бағаны 10-жолы = 5-бөлімнің 1-жолы.

Қазақстан Республикасы  
Статистика агенттігі төрағасы
міндетін атқарушысының  
2010 жылғы 24 тамыздағы  
№ 229 бұйрығына 7-қосымша  

Есепті айда толық жұмыс істеген қызметкерлердің тізімдік саны және жалақы қоры көрсетіңіз
Укажите списочную численность и фонд заработной платы работников, отработавших полностью отчетный месяц

Атауы                             Мекен-жайы
Наименование ________________________ Адрес ________________________
             ________________________ Тел.: ________________________
             ________________________ Электрондық почта мекен-жайы
                                      Адрес электронной почты _______

Орындаушының аты-жөні және телефоны
Фамилия и телефон исполнителя ________________ Тел. _________________

Басшы                      (Аты-жөні,тегі, қолы)
Руководитель ________________ (Ф.И.О., подпись) _____________________

Бас бухгалтер              (Аты-жөні,тегі, қолы)
Главный бухгалтер ___________ (Ф.И.О., подпись) _____________________

М.О.      
М.П.       

Қазақстан Республикасы   
Статистика агенттігі төрағасы
міндетін атқарушының   
2010 жылғы 24 тамыздағы  
№ 229 бұйрығына     
8-қосымша        

«Қызметкерлер санын есептелген жалақы мөлшері бойынша бөлу
туралы» жалпымемлекеттік статистикалық байқаудың статистикалық
нысанын толтыру жөніндегі нұсқаулық (коды 1701111, индексі 1-Е
(Ж), кезеңділігі екі жылда бір рет)

      1. Осы нұсқаулық «Мемлекеттік статистика туралы» Қазақстан Республикасы Заңының 12-бабы 7) тармақшасына сәйкес әзірленген және «Қызметкерлер санын есептелген жалақы мөлшері бойынша бөлу туралы» жалпымемлекеттік статистикалық байқаудың статистикалық нысанын (коды 1701111, индексі 1-Е (Ж), кезеңділігі екі жылда бір рет) толтыру тәртібін нақтылайды.
      2. Келесі анықтамалар осы статистикалық нысанды толығымен толтыруға қолданылады:
      1) есепті айдағы есептелген жалақының мөлшері - жалақы қорының құрамына кіретін жұмыс атқарған уақытпен байланысты есептелген, сондай-ақ жұмыс атқармаған, бірақ нақты төленгеніне немесе төленбегеніне қарамастан жалақысы сақталатын уақыт үшін қызметкерге есептелген сомалар қосылады. Есептелген жалақыдан ұсталатын салықтар және басқа да міндетті төлемдер алынып тасталмайды.
      2) есепті айда толық жұмыс істеген қызметкерлердің тізімдік саны - азаматтық-құқықтық сипаттағы шарттар бойынша жұмыстарды орындайтын адамдардан басқа еңбек шарты бойынша, оның жасалу мерзіміне қарамастан жұмысқа қабылданған адамдар саны, сондай-ақ атқарушылық бойынша жұмысқа қабылданғандар, негізінен мына тұлғалар:
      есепті айда жұмыс кестесі бойынша белгіленген жұмыс күндерінің немесе сағаттарының санын толық істегендер;
      ақы төленген жыл сайынғы еңбек демалысында болғандар (3 тармақтың 12) тармақшасында көрсетілгендерден басқа);
      қызмет бабындағы іссапарларда жүргендер, сондай-ақ шетелдерде қызмет бабындағы қысқа мерзімді іссапарларда жүрген қызметкерлерді қоса, егер оларға сол ұйымдағы жалақысы сақталатын болса;
      мемлекеттік немесе қоғамдық міндеттерді орындауға байланысты есепті айда жұмысқа шықпағандар;
      орынды себептермен жұмысқа шықпай қалғандар және жұмысқа шықпаған күндері үшін айлықақы тарифі (қызметақы) немесе орташа табыс бойынша еңбекақы алғандар;
      айға белгіленген өндірістік тапсырманы орындайтын үйде жұмыс істеушілер.
      3. Мынадай қызметкерлер есепке енгізілмейді:
      1) 1 маусымнан кейін жұмысқа қабылданғандар;
      2) 30 маусымға дейін жұмыстан босатылғандар;
      3) өндірістегі бос тұрып қалуға байланысты жалақысы сақталмайтын демалыста жүргендер;
      4) штат кестесіне сәйкес толық емес ставкада (қызметақыда) жұмыс істейтіндер, сондай-ақ толық емес жұмыс күніне немесе толық емес жұмыс аптасына жұмысқа қабылданғандар (немесе уақытша ауысқандар);
      5) ұйымда өндірістік практика өткізіп жүрген және жұмыс орнына немесе лауазымға қабылданған білім беру мекемелерінде оқитындар;
      6) ауруына байланысты жұмысқа келмегендер (еңбекке жарамсыздық қағазына сәйкес жұмысқа шыққанға дейін ауырған бүкіл кезеңіне немесе мүгедектікке шыққанға дейін);
      7) жүктілігі және босануы бойынша демалыста жүргендер;
      8) ауыл шаруашылығы және басқа жұмыстарға уақытша жіберілгендер, егер олар кәсіпорыннан (ұйымнан) жалақыны толық емес жартылай алатын болса;
      9) әкімшілік құқық бұзғаны үшін әкімшілік қамауға алынған қызметкерлерді қоса, қыдырымпаздыққа салынғандар;
      10) ақы төленбейтін, күні бойы бос тұрып қалуы барлар;
      11) айлық өндірістік тапсырманы орындамаған кесімді ақы алатын жұмысшылар;
      12) білім беру ұйымдарында не білім беру қызметімен айналысуға құқығы бар ұйымдарда оқитын (кешкі немесе сырттай) және емтихандар тапсыру, диплом жобасын (жұмысын) дайындау және қорғау, бітіру емтихандарын тапсыру кезеңінде ақы төленетін немесе ақы төленбейтін қосымша демалыста жүрген қызметкерлер, сондай-ақ тиісті білім беру ұйымдарына оқуға түсетін және қызметкердің арызы негізінде тараптардың келісімімен түсу емтихандарын тапсыру үшін жалақысы сақталмайтын демалыста жүргендер;
      13) шет елде қызмет бабындағы іссапарда болғандар және оларды іссапарға жіберген ұйымнан іссапардың бұл уақыты үшін тарифтік ставканың (қызметақының) тек бөлігін ғана алғандар.
      4. Заңды тұлға есепті өзінің тұрған жеріндегі мемлекеттік аумақтық статистика органға басқа облыстар аумағында орналасқан және олардың тұрған жері бойынша тиісті мемлекеттік аумақтық статистика органына есеп беретін заңды тұлғаның құрылымдық және оқшауланған бөлімшелерінің деректерінсіз ұсынады.
      5. Осы статистикалық нысан маусым айына есепті кезеңге толтырылады.
      Жалақыны есептеу, сыйлықақы және жалақы қорынан төленетін өзге де төлемдер (ақшалай және заттай түрінде) туралы деректерден тұратын, есептеу және есеп айырысу-төлем, жалақыны есептеу тізімдемелері және өзге де құжаттар нысанды толтырудың негізгі көздері болып табылады.
      Егер сыйлықақылар тоқсандағы жұмыс нәтижесі бойынша есептелсе, онда қызметкерлердің маусым айындағы жалақысына осы жылдың II тоқсанындағы жұмыс нәтижесі бойынша есептелген тоқсандық сыйлықақының үштен бірі қосылады.
      Қызметкерлерге сыйлықақылар жарты жыл немесе осыдан ұзақ кезеңдегі жұмыс нәтижесі бойынша есептелген жағдайда, кызметкерлердің маусымдағы жалақысына бұл сыйақылар енгізілмейді.
      Бір ұйымда екі және одан да көп лауазымды (кәсіпті) қоса атқарған қызметкер негізгі және қоса атқарған лауазымдары (кәсіптері) бойынша жалақының жалпы сомасын ала отыра, есепте бір рет көрсетіледі.
      6. Арифметикалық-логикалық бақылау:
      20-жол = әр баған үшін 1-19 жолдардың қосындысы
      1, 3 бағандар 2, 4 бағандарға тең

Қазақстан Республикасы   
Статистика агенттігі төрағасы
міндетін атқарушысының   
2010 жылғы 24 тамыздағы  
№ 229 бұйрығына 9-қосымша 

1. Еңбек жағдайының жай-күйі туралы ақпаратты көрсетіңіз
   Укажите информацию о состоянии условий труда

2. Зиянды және басқа да қолайсыз еңбек жағдайларында жұмыс
   істейтін қызметкерлер саны туралы ақпаратты көрсетіңіз
   Укажите информацию о численности работников, занятых во вредных и
   других неблагоприятных условиях труда

3. Зиянды және басқа да қолайсыз еңбек жағдайларындағы жұмыстар
   үшін кәсіпорынның жеңілдіктері мен өтемақыларына жұмсаған
   шығындары туралы ақпаратты көрсетіңіз
   Укажите информацию о затратах предприятия на льготы и компенсации
   за работу во вредных и других неблагоприятных условиях труда

Атауы                             Мекен-жайы
Наименование ________________________ Адрес ________________________
             ________________________ Тел.: ________________________
             ________________________ Электрондық почта мекен-жайы
                                      Адрес электронной почты _______

Орындаушының аты-жөні және телефоны
Фамилия и телефон исполнителя ________________ Тел. _________________

Басшы                      (Аты-жөні,тегі, қолы)
Руководитель ________________ (Ф.И.О., подпись) _____________________

Бас бухгалтер              (Аты-жөні,тегі, қолы)
Главный бухгалтер ___________ (Ф.И.О., подпись) _____________________

М.О.      
М.П.       

Қазақстан Республикасы   
Статистика агенттігі төрағасы
міндетін атқарушының    
2010 жылғы 24 тамыздағы  
№ 229 бұйрығына      
10-қосымша        

«Зиянды және басқа да қолайсыз еңбек жағдайларында жұмыс
істейтін қызметкерлердің саны туралы есеп» жалпымемлекеттік
статистикалық байқаудың статистикалық нысанын (коды 1181104,
индексі 1-Е (еңбек жағдайы), кезеңділігі жылдық) толтыру
жөніндегі нұсқаулық

      1. Осы нұсқаулық «Мемлекеттік статистика туралы» Қазақстан Республикасы Заңының 12-бабы 7) тармақшасына сәйкес әзірленген және «Зиянды және басқа да қолайсыз еңбек жағдайларында жұмыс істейтін қызметкерлердің саны туралы есеп» жалпымемлекеттік статистикалық байқаудың статистикалық нысанын (коды 1181104, 1-Е (еңбек жағдайы) индексі, кезеңділігі жылдық) толтыру тәртібін нақтылайды.
      2. Келесі анықтамалар осы статистикалық нысанды толығымен толтыруға қолданылады:
      1) қызметкерлердің тізімдік саны – азаматтық-құқықтық сипаттағы шарттар бойынша жұмыс атқаратын тұлғалардан, сондай-ақ қоса атқарушылық бойынша жұмысқа қабылданғандардан басқа, еңбек шарты бойынша оның жасалу мерзіміне қарамастан қабылданған тұлғалар саны;
      2) қызметкерлердің нақты саны – жұмысқа ресми тіркелуі бар (жүктілігі және босануы бойынша, балаға күтім жасау бойынша, және басқа да демалыстарда жүрген адамдар) қызметкерлердің жекелеген санаттары шегерілген тізімдік құрамдағы қызметкерлер саны.
      3. Заңды тұлға өзінің тұрған жері бойынша статистикалық нысанды басқа облыстар аумағында орналасқан және олардың тұрған жері бойынша мемлекеттік аумақтық статистика органына беретін өзінің құрылымдық және оқшауланған бөлімшелері жөніндегі деректерінсіз ұсынады.
      4. Осы статистикалық нысан есепті жылға толтырылады.
      Деректер ұйымдардың, кәсіпорындардың барлық персоналы бойынша келтіріледі, 18 жастан кіші тұлғалар енгізілмейді.
      Деректер өндірістік орта факторлары деңгейлерінің соңғы өлшеулеріне сәйкес келтіріледі.
      5. 1-бөлім Қазақстан Республикасы Денсаулық сақтау министрінің 2009 жылғы 16 қарашадағы № 709 бұйрығымен (Нормативтік құқықтық актілердің мемлекеттік тіркеудің тізімінде № 5898 тіркелген) бекітілген зиянды өндірістік факторлардың тізбесіне сәйкес толтырылады.
      4-жол бойынша зиянды еңбек жағдайларында жұмыс істейтін қызметкерлердің нақты саны келтіріледі, олардың өндіріс объектілерінде санитарлық-гигиеналық нормалармен белгіленген, ең болмаса, бір зиянды өндірістік фактор химиялық заттың немесе өнеркәсіптік шаңның шектеулі ұйғарынды концентрациясынан немесе элементтің шектеулі ұйғарынды деңгейінен асады. Мұның өзінде әрбір жұмысшы, оған әсер ететін зиянды өндірістік фактор санына қарамастан, тек бір рет қана есепке алынады.
      5-13-жолдар бойынша қызметкерлердің нақты саны көрсетіледі, олардың жұмыс орындарында шу, діріл, температуралық режим, электрлік, магниттік, электромагниттік өрістердің (радиожиіліктің), лазерлік және ультракүлгін сәулеленудің, сондай-ақ радиациялық және биологиялық факторлардың деңгейі белгіленген шектеулі ұйғарынды деңгейінен асады; жұмыс аймағындағы ауаның шаңдануы мен газдануы зиянды заттың немесе өнеркәсіптік шаңның шектеулі ұйғарынды концентрациясынан және тағы басқалардан асады.
      Ауыр дене еңбегімен шұғылданатын қызметкерлердің (14-жол) нақты санын анықтау, Қазақстан Республикасы Еңбек және халықты әлеуметтік қорғау министрі міндетін атқарушының 2007 жылғы 31 шілдедегі № 185-ө бұйрығымен (Нормативтік құқықтық актілердің мемлекеттік тіркеудің тізімінде № 4912 тіркелген) бекітілген Жасы он сегізге толмаған қызметкерлердің еңбегін пайдалануға тыйым салынатын жұмыстардың тізіміне, жасы он сегізге толмаған қызметкерлер тасымалдайтын және қозғайтын ауырлықтың шекті нормаларына, сондай-ақ Қазақстан Республикасы Еңбек және халықты әлеуметтік қорғау министрі міндетін атқарушының 2007 жылғы 31 шілдедегі № 186-ө бұйрығымен (Нормативтік құқықтық актілердің мемлекеттік тіркеудің тізімінде № 4916 тіркелген) бекітілген Әйелдердің еңбегін қолдануға тыйым салынатын жұмыстардың тізіміне және оларды жүкті қолмен көтеру және алып жүруінің шекті нормасына сәйкес жүргізіледі.
      5-15-жолдар бойынша қызметкерлер саны туралы деректер осы қызметкерлердің қолайсыз еңбек жағдайлары үшін жеңілдіктер алатынына немесе алмайтынына қарамастан көрсетіледі.
      15-жол бойынша қауіпсіздіктің талаптарына сай келмейтін құралдармен жұмыс істейтіндердің нақты саны көрсетіледі.
      6. 2-бөлімде деректер зиянды және қауіпті еңбек жағдайларында жұмыс істегені үшін жеңілдіктер мен өтемақылар алатын барлық персонал (яғни барлық қызметкерлер санаттары) бойынша келтіріледі. Экологиялық апат аудандарында, сондай-ақ жағдайлары қолайсыз аудандарда (биік тауларда, шөлдерде және тағы сол сияқты) жұмыс істегені үшін жеңілдіктер 2-бөлімді толтырған кезде ескерілмейді.
      1 және 2-жолдар бойынша мыналар енгізілмейді:
      Қазақстан Республикасының 2007 жылғы 15 мамырдағы Еңбек кодексіне сәйкес ауыр жұмыстарда, еңбек жағдайлары зиянды (ерекше зиянды), қауіпті жұмыстарда мүгедектерге еңбек етуге рұқсат етілмейді;
      өндіріс көлемінің азаюы, шикізаттың, материалдың, тағы сол сияқты болмауы салдарынан толық емес жұмыс күні (аптасы) істеген қызметкерлер.
      1-жол бойынша Қазақстан Республикасы Еңбек және халықты әлеуметтік қорғау министрі міндетін атқарушының 2007 жылғы 31 шілдедегі № 182-ө бұйрығымен (Нормативтік құқықтық актілердің мемлекеттік тіркеудің тізімінде № 4888 тіркелген) бекітілген Жұмыс уақытының қысқартылған ұзақтығына және жыл сайынғы ақылы қосымша еңбек демалысына құқық беретін өндірістердің, цехтардың, кәсіптер мен лауазымдардың тізіміне, ауыр жұмыстардың, еңбек жағдайлары зиянды (ерекше зиянды) және (немесе) қауіпті жұмыстардың тізбесіне және оны қолдану жөніндегі нұсқаулыққа сәйкес қосымша демалысты пайдаланатын қызметкерлер саны көрсетіледі. Сондай-ақ жұмыс беруші қоғамдық органдармен (кәсіподақ комитетімен) бірлесіп зиянды және басқа да қолайсыз еңбек жағдайлары үшін қосымша демалысты дербес белгілеген қызметкерлердің тізімдік саны ескеріледі.
      2-жолда Қазақстан Республикасы Еңбек және халықты әлеуметтік қорғау министрі міндетін атқарушының 2007 жылғы 31 шілдедегі № 182-ө бұйрығымен бекітілген (Нормативтік құқықтық актілердің мемлекеттік тіркеудің тізімінде № 4888 тіркелген) Жұмыс уақытының қысқартылған ұзақтығына және жыл сайынғы ақылы қосымша еңбек демалысына құқық беретін өндірістердің, цехтардың, кәсіптер мен лауазымдардың тізімін, ауыр жұмыстардың, еңбек жағдайлары зиянды (ерекше зиянды) және (немесе) қауіпті жұмыстардың тізбесіне және оны қолдану жөніндегі нұсқаулыққа сәйкес және кәсіпорынның өзі зиянды және қауіпті еңбек жағдайлары үшін қысқартылған жұмыс күнін белгілеген, қысқартылған жұмыс күнін пайдаланатын қызметкерлердің тізімдік саны көрсетіледі.
      3 және 4-жолдар бойынша Қазақстан Республикасы Еңбек және халықты әлеуметтік қорғау министрің міндетін атқарушының 2007 жылғы 31 шілдедегі № 184-ө бұйрығымен бекітілген (Нормативтік құқықтық актілердің мемлекеттік тіркеудің тізімінде № 4913 тіркелген) Жұмыс берушінің қаражаты есебінен қызметкерлерге сүт және емдеу-алдын-алу тағамдарын беру нормалары мен ережесінің және Жұмыс берушінің қаражаты есебінен қызметкерлерді арнайы киіммен, арнайы аяқ киіммен және басқа да жеке және ұжымдық қорғану құралдарымен, санитарлық-тұрмыстық үй-жайлармен, құрылғылармен қамтамасыз ету ережесінің тізбесі негізінде зиянды еңбек жағдайларында жұмыс істегеніне байланысты сүт және басқа да оған теңдес тағамдық өнімдерді, емдеу-алдын-алу тағамдарын тегін алатын қызметкерлердің тізімдік саны көрсетіледі.
      5-жолға зиянды және басқа да қолайсыз еңбек жағдайларында жұмыс істегені үшін әкімшілік, кәсіпорынның кәсіподақ комитеті белгілеген немесе ұжымдық шартқа енгізілген қосымша ақылар алатын қызметкерлердің тізімдік саны енгізіледі.
      6-жолда «Жерасты және ашық кен жұмыстарында, еңбек жағдайлары ерекше зиянды және ерекше ауыр жұмыстарда немесе еңбек жағдайлары зиянды және ауыр жұмыстарда істеген адамдарға берілетін мемлекеттік арнайы жәрдемақы туралы» Қазақстан Республикасының 1999 жылғы 13 шілдедегі Заңына сәйкес салаларда, өндірістерде, цехтарда, кәсіптерде, лауазымдарда істейтін қызметкерлердің тізімдік саны көрсетіледі.
      7-жол бойынша зиянды және басқа да қолайсыз еңбек жағдайларында жұмыс істегені үшін жоғарыда келтірілген жеңілдіктер мен өтемақылардың ең болмаса бірін алатын қызметкерлердің тізімдік саны көрсетіледі. Мұның өзінде 7 жолда әлгі қызметкер жеңілдіктер мен өтемақылардың бір немесе бірнеше түрлерін пайдаланғанына қарамастан оның тек біреуі ғана есепке алынады.
      7. 3-бөлімде зиянды және басқа да қолайсыз еңбек жағдайларында жұмыс істегені үшін 2-бөлімде көрсетілген жеңілдіктері мен өтемақыларына жұмсалған кәсіпорынның шығындары туралы ақпарат көрсетіледі.
      Емдеу-алдын-алу тағамдары, сүт және басқа да тағамдық өнімдерге бір жылда кеткен нақты шығыстар үстеме шығыстарға сәйкес бухгалтерлік есептің деректері негізінде жиынтық түрде есептеледі.
      8. Арифметика-логикалық бақылау:
      1) 1-бөлім. Еңбек жағдайының жай-күйі
      1-баған = әр жол үшін 2-жол + 3-жол
      1-жол > әр баған үшін 2, 3, 4, 14 және 15-жолдан
      4-жол > әр баған үшін 5, 6, 7, 8, 9, 10, 11, 12, 13 жолдан
      2) 2-бөлім. Зиянды және басқа да қолайсыз еңбек жағдайларында жұмыс істейтін қызметкерлер саны
      1 баған > әр жол үшін 2 бағаннан
      1-баған бойынша 7 жол < 1-бөлімнің 1-баған бойынша 1-жолдан
      2-баған бойынша 7 жол < 1-бөлімнің 3-баған бойынша 1-жолдан
      3) 3-бөлім. Зиянды және басқа да қолайсыз еңбек жағдайларындағы жұмыстар үшін кәсіпорынның жеңілдіктері мен өтемақыларына жұмсаған шығындар
      1-жол > 2-6 жолдардың қосындысынан
      Ескерту: Х – бұл айқындама толтыруға жатпайды.

Қазақстан Республикасы  
Статистика агенттігі төрағасы
міндетін атқарушысының  
2010 жылғы 24 тамыздағы 
№ 229 бұйрығына 11-қосымша

1. Қызметкерлердің жекелеген лауазымдары мен кәсіптері бойынша
   саны және жалақы мөлшері туралы ақпаратты көрсетіңіз
   Укажите информацию о численности и размерах заработной платы
   работников по отдельным должностям и профессиям

кестенің жалғасы

2. Экономикалық қызметтің түрлеріне қарай қызметкерлердің
   жекелеген лауазымдары мен кәсіптері бойынша саны және жалақы
   мөлшері туралы ақпаратты көрсетіңіз
   Укажите информацию о численности и размерах заработной платы
   работников по отдельным должностям и профессиям по виду
   экономической деятельности

2.1. Ауыл, орман және балық шаруашылығы (өсімдік және мал
   шаруашылығы, аңшылық және осы салаларда қызметтер ұсыну)
   қызметкерлердің жекелеген лауазымдары мен кәсіптері бойынша
   саны және жалақы мөлшері туралы ақпаратты көрсетіңіз
   Укажите информацию о численности и размерах заработной платы
   работников по отдельным должностям и профессиям в сельском, лесном
   и рыбном хозяйстве (растениеводство и животноводство, охота и
   предоставление услуг в этих областях)