Бұйырамын:
1. Қазақстан Республикасының Ішкіісминінің тергеу изоляторларының
ішкі тәртіп Ережелері, Қазақстан Республикасы Бас прокуратурасымен
келіскен, бекітілсін (қоса беріліп отыр).
2. ҚАЖ комитетінің төрағасы, облыстардың Астана және Алматы қаласының
ІІББ, ІІБ бастықтары:
1) бас бостандығынан айыру түріндегі қылмыстық жазаларды атқарушы
мекемелердің және тергеу изоляторлары жеке құрамының осы бұйрықпен
бекітілген Ережелерді, оқуын ұйымдастырсын және тергеу изоляторларының
жұмысын талапқа сай қамтамасыз етсін;
2) бекітілген Ережелер жөнінде сезіктілер мен айыпталушыларды оларға
қатысты бөліктерінде кеңінен хабардар ету, сондай-ақ олардың негізгі
міндеттерімен және құқықтарымен кеңінен таныстыру шараларын қолдансын.
Қазақстан Республикасының
Ішкі істер министрі -
Ішкі әскерлер қолбасшысы
генерал-лейтенант
Қазақстан Республикасы
Ішкі істер министрлігінің
1999 жылғы 14 желтоқсан
N 630 бұйрығына
N қосымша
"Келісілді"
Қазақстан Республикасы
Бас прокурорының орынбасары
3-ші дәрежелі мемлекеттік
әділет кеңесшісі
Қазақстан Республикасының Ішкі істер министрлігі
тергеу изоляторларының ішкі тәртіп
Ережелері <*>
Ескерту: Ережелердiң барлық мәтiнi бойынша "күзет қамауына алынған
адамдар" деген сөздер "сезiктiлер мен айыпталушылар" деген
сөздермен ауыстырылды - ҚР Ішкі істер министрінің
2001 жылғы 29 қазандағы N 769 бұйрығымен. V011700_
1. Жалпы ережелер
1. Қазақстан Республикасының Ішкі істер министрлігі тергеу изоляторының осы ішкі тәртіп ережелері (бұдан әрі - Ережелер) "Қылмыстың жасалуына сезіктілер мен айыпталушыларды күзетте ұстаудың тәртібі мен шарттары туралы" Қазақстан Республикасы Заңының Z990353_ (N 353-1 ҚРЗ 30.03.99 ж. бұдан әрі - Заң) 15-бабына сәйкес күзет қамауына алынған адамдарды Қазақстан Республикасы Ішкі істер министрлігінің тергеу изоляторында күзетте ұстау режимін қамтамасыз ету мақсатында ішкі тәртіпті реттейді.
2. Тергеу изоляторларында:
1) үстінен қозғалған қылмыстық іс тергеу және анықтау органдарының өндірісіне қабылданған сезiктiлер мен айыпталушылар;
2) үстінен қозғалған қылмыстық іс соттың өндірісіне қабылданған сезiктiлер мен айыпталушылар (сотталушы);
3) үкімі әлі заң күшіне енбеген, қылмыстық іс бойынша сотталғандар;
4) басқа қылмыстық істер бойынша жауапқа тартылып, бұлтартпау шарасы ретінде қамауға алу қолданылған сотталғандар ұсталады.
3. Бас бостандығынан айыру түріндегі қылмыстық жазаны тергеу изоляторларында өтейтін сотталғандардың санаты:
1) қылмыстық жазаларын белгіленген тәртіппен бас бостандығынан айыру түрінде немесе еріксіз емдеу үшін мекемелерге жіберуге жатқызылған қылмыстық іс бойынша сотталғандар;
2) басқа адамдар жасаған қылмыстар бойынша тергеу жүргізілуіне немесе бұл істердің сотта қаралуына байланысты тергеу изоляторларында қалдырылған немесе оған жазаны орындаушы мекемелерден ауыстырылған сотталғандар;
3) тергеу изоляторларына шаруашылық, қызмет көрсету жұмысына тартылған сотталғандар.
Аталған санаттағы сотталғандарды тергеу изоляторларында ұстау тәртібі Қазақстан Республикасының Қылмыстық-атқару кодексімен Z970208_ және түзеу мекемелерінің ішкі тәртіп ережелерімен реттеледі. Өлім жазасына сотталғандарды ұстау тәртібі Қазақстан Республикасының Қылмыстық-атқару Z970208_ кодексiмен және Қазақстан Республикасы Ішкіісминінің нұсқаулығына сәйкес реттеледі. <*>
Ескерту: 3-тармақ толықтырылды - ҚР Ішкі істер министрінің
2001 жылғы 29 қазандағы N 769 бұйрығымен. V011700_
4. Режим деп Қазақстан Республикасының Заңымен, осы Ережелермен және басқа да құқықтық актілермен реттелген сезiктiлер мен айыпталушыларды ұстау тәртіптері мен шарттары танылады. Режим сезiктiлер мен айыпталушылардың құқығын сақтау, олардың өз міндеттерін атқару, оларды оқшаулауды, сондай-ақ Қазақстан Республикасының Қылмыстық іс жүргізу кодексінде көрсетілген міндеттерді орындау мақсатында орнатылады.
5. Тергеу изоляторларының режимін қамтамасыз ету, оның ішкі тәртібін сақтау тергеу изоляторларының әкімшілігіне, сондай-ақ қызметтік міндеттерін орындамағаны немесе салғырт орындағаны үшін заңмен белгіленген жауапқа тартылатын қызметкерлерге жүктеледі.
Сонымен қатар, тергеу изоляторының бастығы күн тәртібін белгілеп, бұйрық бойынша жариялайды. Онда сегіз сағаттық үздіксіз ұйқы, тұру, дәрет алу, тамақтану, жұмыс, тәрбиелік іс-шаралар, ұйқыға жату уақыты көзделеді.
Қамауға алынған адамдарды тергеу изоляторында жауап алуға күнделікті сағат 9-дан бастап сағат 22-ге дейінгі кезеңде шақыруға болады.
6. Тергеу изоляторларында ұсталатын адамдар оларға Заңмен жүктелген тергеу изоляторларындағы тәртіп ережелерінің (N 11 қосымша) міндеттері мен талаптарын бұлжытпай орындауға тиіс.
Олардың өз міндеттерін орындамауы белгіленген тәртіптегі жауапкершілікке әкеліп соқтырады.
7. Тергеу изоляторларын инспекциялау құқығын: Қазақстан Республикасының Ішкі істер министрі, Қазақстан Республикасы Ішкіісминінің Күзет қамауында ұстау орындары департаментiнiң бастығы, облыстар және Астана, Алматы қаласы ІІБ (ІІББ)-ның бастықтары, ІІБ Күзет қамауында ұстау орындары басқармасының, бөлiмiнiң, бөлiмшелерiнiң, топтарының бастықтары, жоғарыда көрсетілген лауазымды адамдардың орынбасарлары мен олардың тапсырмахаттары бойынша басқа адамдар пайдаланады. <*>
Ескерту: 7-тармақ өзгертілді - ҚР Ішкі істер министрінің
2001 жылғы 29 қазандағы N 769 бұйрығымен. V011700_
8. Әрбір тергеу изоляторы жыл сайын облыс ІІБ (ІІББ)-ның тарапынан кешенді инспекциялауға жатады. Кешенді инспекциялаудың нәтижелері Алқада немесе жедел кеңесте қаралады.
9. Әрбір тергеу изоляторында инспекциялаушылардың өз ескертулерін және ұсыныстарын енгізетін тергеу изоляторын инспекциялаушы адамдардың ескертулері мен ұсыныстарының кітабы (N 2 қосымша) жүргізіледі. Инспекциялау немесе тексеру нәтижелері бойынша анықтамалар толтыру кезінде кітапқа белгі қойылады.
10. Тергеу изоляторында заңдылықтың сақталуын қадағалауды Қазақстан Республикасының прокуратурасы туралы Заңға сәйкес Қазақстан Республикасының Бас прокуроры және оның қарамағындағы прокурорлар жүзеге асырады.
Тергеу изоляторларында ұсталушы сезiктiлер мен айыпталушылар өздеріне Заңмен жүктелген міндеттерді және тергеу изоляторында жүріп-тұру ережелерінің (N 1 қосымша) талаптарын бұлжытпай орындауға тиіс. Олардың өз міндеттерін орындамауы белгіленген тәртіпте жауапкершілікке әкеліп соқтырады.
2. Сезiктiлер мен айыпталушыларды қабылдау
және оларды камераларға орналастыру
11. Тергеу изоляторларына келіп түскен сезiктiлер мен айыпталушыларды тергеу изоляторы бастығының кезекші көмекшісі (бұдан әрі "кезекші көмекші") немесе оның орынбасары тәулік бойы қабылдайды, тергеу изоляторына жеткізілген адамды қабылдауға негіз болатын құжаттардың түгелдігін тексереді, аталған адамнан сұрастыру жүргізеді және оның берген жауаптарын жеке ісінде көрсетілген мәліметтермен салыстырады.
12. Тергеу изоляторына қабылдау үшін Қазақстан Республикасы Қылмыстық іс жүргізу кодексіне сәйкес шығарылған қамау түріндегі бұлтартпау шарасын қолдану туралы прокурордың рұқсаты берілген тергеушінің немесе анықтаушының қаулысы, прокурордың және судьяның қаулысы не соттың қаулысы негізге алынатын құжаттар болып табылады.
13. Тергеу изоляторына 3 жасқа дейінгі баласы бар әйелді қабылдау үшін аталған құжаттардан басқа баланың тууы туралы куәлігі немесе баласы екендігін растайтын басқа құжаттар, ал бұндай құжаттар болмаған жағдайда - қылмыстық істі жүргізуші анықтаушының, тергеушінің, прокурордың немесе соттың жазбаша нұсқауы болуы керек.
14. Тергеу изоляторларына қабылдау үшін негіз болатын құжаттар тиісті лауазымды адамдардың қолымен және елтаңбалы мөрмен бекітілулері тиіс.
Тергеу изоляторларына судьяның не соттың қамау түріндегі бұлтартпау шарасын қолдану туралы қаулысынан үзінді ұсынылған жағдайларда, ол құжатта осы бұлтартпау шарасы қолданылған адамның жеке басы туралы толық деректер көрсетілген болуы керек. Үзінді лауазымды адамның қолымен куәландырылып, елтаңбалы мөрмен бекітілген болуға тиіс және үш күннен кешіктірілмей қаулының көшірмесімен ауыстырылуға жатады.
15. Транзиттік-қоныс аударылушы адамдар тергеу изоляторына жеке істері бойынша қабылданады және жеткізілуге тиіс орындарға жөнелтіледі.
16. Күзет қамауында ұстау мерзімдері аяқталған адамдар жоспарлы айдауыл тобынан тергеу изоляторларына қабылданғаннан кейін белгіленген тәртіпте тергеу изоляторы бастығының қаулысы бойынша босатылады.
17. Тергеу изоляторы дәрігерінің қорытындысы бойынша шұғыл стационарлық емдеуді қажет ететін адамдар мекемеге қабылданбайды. Қажеттілігіне қарай оларға медициналық көмек көрсетіледі және стационарға жеткізу үшін шаралар қолданылады.
18. Тергеу изоляторларына қабылданған соң күзет қамауына алынған адамдар өздерінің құқықтары мен міндеттері, күзетте ұстау режимі, тәртіп талаптары, ұсыныстар мен арыз-шағымдар беру тәртібі туралы хабардар етіледі. Бұл хабарламаны жазбаша түрде де, ауызша жеткізуге болады.
Алдағы уақытта мұндай хабарлама радио арқылы, камераларды аралау тергеу изоляторының бастығы және ол өкілеттік берген қызметкерлер сезiктiлер мен айыпталушыларды жеке қабылданған кездерінде жеткізіліп тұрады.
Сезiктiлер мен айыпталушылардағы олардың өтініші бойынша Заңның және осы Ережелердің өздеріне қатысты бөлігінің көшірмесі беріледі. Әрбір камерада мемлекеттік тілде және ресми пайдаланылушы орыс тілінде жазылған тергеу изоляторларында ұсталушы адамдардың негізгі құқықтары және міндеттері туралы ақпараттар қабырғада ілініп қойылады.
19. Айдауылдан қабылданған адамдар есепке алу құжаттарын ресімдеу кезеңінде оқшаулау талаптары сақтала отырып, құрама бөлімшенің камераларына бір тәуліктен аспайтын уақытқа немесе орындықтармен және жасанды жарықпен жабдықталған бір кісілік бөлмеге екі сағаттан аспайтын уақытқа орналастырылады.
20. Тергеу изоляторында ұсталатын адамдар тергеу изоляторының қызметкерлері тарапынан сыпайы қатынас талап етуге құқылы. Олармен "сіз" деп сөйлесулері керек және оларды "азамат" немесе "азаматша" және әрі қарай тегімен немесе ретіне қарай "сезікті", "айыпталушы" немесе "сотталған" деп атауы керек.
21. Тергеу изоляторына қабылданған адамдар тәртіп бойынша, келіп түскен күннен бастап бір тәуліктің ішінде алғашқы медициналық куәландырудан және санитарлық тазарудан өтеді. Медициналық куәландырудың қорытындысы медициналық амбулаториялық картаға жазылады. Санитарлық тазарудан өткеннен және медициналық куәландыру нәтижелерiн алғаннан кейін олар төсек жабдықтарын, ал қажет болған жағдайда, белгіленген үлгідегі киім алады. Әскери қызметшінің немесе құқық қорғау органдары қызметкерінің нысанды киімімен келіп түскендердің киімдері міндетті түрде ауыстырылады. Қажет болған жағдайда кәмелетке толмағандардың, қылмыстың аса қауіпті рецидиві бойынша сотталғандардың, ату жазасына кесілгендердің және карцерге қамалғандардың киімдері ауыстырылады. Олардың киімдері алынып, сақтауға тапсырылады. <*>
Ескерту: 21-тармақ толықтырылды - ҚР Ішкі істер министрінің
2001 жылғы 29 қазандағы N 769 бұйрығымен. V011700_
22. Камералар бойынша орналастыру Заңның 32 бабының талаптарына сәйкес тергеу изоляторы бастығының қолымен бекітілген камераларға орналастыру жоспарының негізінде жүргізіледі. Бір қылмысты іс бойынша немесе өзара байланысты бірнеше іс бойынша сезіктілер мен айыпталушылар бір-бірінен бөлек орналастырылады. Тергеу изоляторының әкімшілігі оларды бір-бірімен байланыс жасатпау үшін шара қолданады.
Сезiктiлер мен айыпталушыларды камераларға жедел қызмет жөніндегі қызметкердің келісімімен кезекші немесе оның орынбасары орналастырады, ал кәмелетке толмағандарды, оған қоса тәрбие жұмысы нұсқаушысының келісімімен орналастырылады. Ауру адамдар медицина қызметкерлерінің нұсқауымен орналастырады. Жұқпалы ауруы бар деген күдікті адамдар карантин камераларына орналастырылады. Карантин-мерзімі медициналық айғақтар бойынша белгіленеді.
23. Жұқпалы аурумен ауыратын немесе ерекше медициналық күтімді және байқауды қажет ететін аурулар басқа сезiктiлер мен айыпталушылардан бөлек орналастырылады.
24. Тергеу изоляторларының ауруханалары мен стационарлық медициналық бөлімшелерінде сезiктiлер мен айыпталушылар ауру түрлеріне қарай орналастырылады. Ерлер мен әйелдер, ересектер мен кәмелетке толмағандар бір-бірінен бөлек орналастырылады. Ауыр және аса ауыр қылмыс жасаған деп сезіктелінгендер мен айыпталушылар, аса қауіпті кәнігі қылмыс жасап сотталғандар, сондай-ақ ату жазасына кесілген адамдар оқшауландырылады.
25. Кәмелетке толмағандар әдетте 4-6 адамдық секцияларда немесе жастарына, денесінің жетілуі, педагогикалық бақылаусыздықтарына қарай режимді корпустардың әр қабаттарындағы аз орындық камераларға орналастырылады.
26. Ерекше жағдайларда Заңның 32 бабына сәйкес, алғаш қылмыстық жауапқа тартылушылар, жағымды мінездемесі бар ересек сезіктілер мен айыпталушылар қатарынан іріктеліп алынғандар кәмелетке толмағандармен бір камераға орналастырылады.
Аз орындық камераларға кәмелетке толмағандармен бірге мұндай ересектердің бір-екеуі, үш адамнан аспаса жалпы камераларға орналастырыла береді.
27. Шаруашылық жөнінде қызмет көрсету жұмыстары үшін қалдырылған сотталушылар режимді аймақтың аумағындағы жеке үй-жайға немесе корпустағы оқшауланған секцияның камерасына орналастырылады. Бұл камералар құлыппен жабылмауы да мүмкін.
28. Сезiктiлер мен айыпталушылар құлыппен жабылатын жалпы камераларда ұсталады (16-қосымша). Сезiктiлер мен айыпталушыларды тергеу изоляторы бастығының дәлелді қаулысы бойынша жеке адамға арналған камераларға орналастыруға төмендегідей жағдайда рұқсат етіледі:
1) Осы Заңның 32 бабында көрсетілген бөлек орналастыру талаптарын орындауды қамтамасыз етудің өзге мүмкіндігі болмағанда;
2) өмір және денсаулық қауіпсіздігін қамтамасыз ету мүддесінде;
3) күзет қамауындағы адам жеке ұстау жөнінде жазбаша өтініш берген жағдайда;
4) сезiктiлер мен айыпталушыларды егер олар күндіз жалпы камерада ұсталатын болса, түнгі уақытта жеке камераларға орналастыру кезінде;
Сезiктiлер мен айыпталушыларды жеке камераларда жоғарыда көрсетілген жағдайлардан басқа бір тәуліктен артық ұстау үшін прокурордың санкциясы (N 4 қосымша) қажет. <*>
Ескерту: 28-тармақ толықтырылды - ҚР Ішкі істер министрінің
2001 жылғы 29 қазандағы N 769 бұйрығымен. V011700_
29. Осы Ереженің 22 тармағында көрсетілген оқшаулау тәртібі күзет қамауындағылардың барлық орын ауыстыруы (серуендеу, еңбек объектісінде санитарлық тазалау жүргізу кезінде тергеу изоляторының аумағында және дәлізде қозғалуы) кезінде қамтамасыз етілуі қажет.
30. Оқшаулауды қамтамасыз ету үшін карцерлердің терезесі қалқан-жалюзбен жабдықталады. Қажет болған жағдайда тергеу изоляторы бастығының өкімі бойынша оқшаулауды күшейту үшін қалқан-жалюздер басқа камералардың терезелеріне де орнатылуы мүмкін.
31. Жүкті әйелдер, қолында үш жасқа дейінгі баласы бар әйелдер жеке режимдік корпустардағы неғұрлым және құрғақ камераларға немесе оқшауланған бөлмелерге орналастырылады.
32. Жүкті әйелдер мен қолында үш жасқа дейінгі баласы бар әйелдер орналастырылған камералардың терезесіне пердесіз темір тор орнатылады.
3. Сезiктiлер мен айыпталушыларды суретке түсіру, жеке тінту,
дактилоскопияға, суретке түсіру және заттарын тексеруді жүргізу
33. Тергеу изоляторларына түскен сезiктiлер мен айыпталушылар толық жеке тiнтуден өткiзіледi, дактилоскопияға, суретке түсiрiледi, ал олардың жеке заттарына тiнту жүргiзiледi.
34. Сезiктiлер мен айыпталушыларды жеке тiнту және олардың заттарын тексеру сақтауға және пайдалануға тыйым салынған құралдарды, заттарды және тамақ өнiмдерiн немесе өзiне тиесiлi емес заттарды тауып, алу мақсатында жүргiзiледi.
35. Сезiктiлер мен айыпталушыларға сақтауға және пайдалануға тыйым салынатын заттарға адам өмiрiне және денсаулығына қауiп төндiретiн заттар мен тағамдар, қылмыс жасау құралы ретiнде пайдаланбақ болған немесе күзетте ұстауға қарсыласу мақсатында пайдаланылмақ болған, сондай-ақ күзет қамауындағы адамдардың ұстауына болатын, сәлемдеме, посылка арқылы және ақшасыз есеп айырысу арқылы сатып ала алатын күнделiктi қажеттi заттар: киiм, аяқ киiмдер, басқа да өндiрiстiк тауарлар тiзiмiне (N 2 қосымша) кiргiзiлмеген немесе белгiленген мөлшерден асып кеткен тамақ өнiмдерi, аяқ киiмдер және басқа өндiрiс заттары кiредi.
36. Жеке тiнту толық және жартылай болады. Сезiктiлер мен айыпталушылар тергеу изоляторларына келген кезде, одан сырт жерге жөнелтiлер алдында, карцер камерасына немесе бiр кiсiлiк орынға қамалар алдында, сондай-ақ басқа да жағдайларда тергеу изоляторы бастығының немесе орынбасарының нұсқауымен жеке тiнтуден өтедi.
Толық тiнту кезiнде тiнтiлушiнiң денесi, оның киiмдерi, аяқ киiмдерi, сондай-ақ протезi мұқият тексерiледi. Сезiктiлер мен айыпталушыларға толық шешiнiп, денесiнiң тиiстi жерiн көрсету ұсынылады. Пластырлы жапсырма, гипс және басқа да байлауыштар медицина қызметкерiмен бiрге тексерiледi. Киiмге тiгiлген заттар табылған жағдайда, матасы сөгiледi. Аяқ киiм болса оның жапсырмасы, темiр тағалары суырылып алынады.
Сезiктiлер мен айыпталушыларға тек осы Ережемен белгiленген өзiмен алып жүруге болатын және камерада сақтауға болатын заттар мен тамақ өнiмдерi ғана қалдырылады. Сезiктiлер мен айыпталушыларға қалдырылған олардың жеке заттары мен құралдары камера карточкаларына жазылады. Басқа құралдары, заттары және тамақ өнiмдерi сақталып қойылуға алынады немесе тергеу изоляторы бастығының қаулысы бойынша жойылып, тиiстi акт жасалады.
37. Жартылай тiнту сезiктiлер мен айыпталушыларды тергеу изоляторынан тыс жерге алып шыққанда (саусағының таңбасын алуға, дәрiгерге, тергеушiге алып шыққанда, туыстарымен және басқа да адамдармен кездестiру алдында және кейiн, басқа камераға ауыстыру кезiнде т.б.) жүргiзiледi. Жартылай тiнту сезiктi мен айыпталушыны шешiндiрмей-ақ киiмiн және аяқ киiмiн қарап, саусақпен басып көру арқылы жүргiзiледi.
38. Сезiктiлер мен айыпталушыларды жеке тiнтудi онымен жынысы бiр тергеу изоляторының қызметкерi жүргiзедi. Толық тiнту кезiнде қарсы жынысты адамның қатысуына болмайды, тек қажет болған жағдайда медицина қызметкерiнiң қатысуына болады.
39. Сезiктiлер мен айыпталушылардың заттарын тексеру олар тергеу изоляторына түскен кезде, одан сырт жерге жөнелтiлерде, басқа камераға, медициналық стационарға ауыстырылғанда немесе карцерге қамаларында өзiнiң қатысуымен жүргiзiледi. Кезектен тыс жағдайда тергеу изоляторының бастығының немесе оның орынбасарының нұсқауы бойынша сезiктiлер мен айыпталушылардың заттары иесiнсiз тексерiледi.
40. Сезiктiлер мен айыпталушыларды толық жеке тiнту мен олардың заттарын тексеру хаттамамен ресiмделедi, оған қоса тыйым салынған тамақ өнiмдерi мен заттардың алынғаны туралы акт тiркелiнедi. Толық тiнту мен заттарды тексеру қатар жүргiзiлген жағдайда бiр хаттамамен ресiмделедi. Хаттамаға сезiктiнiң немесе айыпталушының және жеке тiнту жүргiзген тергеу изоляторы қызметкерiнiң қолдары қойылады. Сезiктiлер мен айыпталушылардың хаттамаға қол қоюдан бас тартуы және оның тiнту немесе заттарын тексеру кезiндегi талаптары хаттамада жазылады. Хаттама мен акт жеке iске тiркеледi. Толық жеке тiнту немесе заттарды тексеру туралы күзет қамауындағы адамның камералық карточкасында тiнту мен заттарын тексерушiнiң тегi мен тексерiлген күнi көрсетiлiп белгiленедi.
41. Жартылай жеке тiнту жүргiзiлгенде алынған тыйым салынған заттар мен тамақ өнiмдерi туралы рапорт жазылады.
42. Сезiктiлер мен айыпталушыларға жеке тiнту жүргiзгенде тыйым салынған заттар мен тамақ өнiмдерiн табуға техника құралдарын пайдалануға болады. Рентген аппаратурасы тек сезiктiлер мен айыпталушылардың заттарын тiнтiп тексеруге ғана пайдаланылады.
4. Сақтауға және пайдалануға тыйым салынған құралдарды, заттарды
және азық-түлiктердi сезiктiлер мен айыпталушылардан алып қою
43. Сезiктiлер мен айыпталушылардан сақтауға қабылданған немесе одан алынған ақшасы өзiнiң жеке есеп-шотына салынады. Қымбат мүлiктер (қымбат металлдар және одан жасалған бұйымдар, қымбат тастар, iнжу және одан жасалған бұйымдар, әртүрлi, әр маркалы сағаттар, бағалы қағаздар, валюта) тергеу изоляторының қаржы бөлiмiне (кассасына) тапсырылады. Жеке құжаттары (паспорт, жеке басын куәландыратын құжаты және басқа) тергеу изоляторының арнайы бөлiмiне сақтауға тапсырылады. Пайдалануға және сақтауға тыйым салынған құралдар, заттар және тамақ өнiмдерi мекеменiң қоймасына тапсырылады немесе жойылады.
44. Сақталуға келiп түскен немесе сезiктiлер мен айыпталушылардан алынған қымбат мүлiктерге белгiленген үлгiде үш данамен акт толтырылады. Бiрiншi данасы сезiктiлер мен айыпталушылардың қолына берiледi, екiншi данасы қаржы бөлiмiне берiледi, ал үшiншi данасы жеке iсте сақталады.
45. Сезiктiлер мен айыпталушылардан алынған немесе сақталуға қабылданған ақша немесе қымбат мүлiктер туралы тергеу изоляторы әкiмшiлiгi өндiрiсiнде қылмыстық iс тұрған органға оның сұратуы бойынша хабарлайды.
46. Сезiктiлер мен айыпталушылардың басқа құралдары мен заттары және тамақ өнiмдерi тергеу изоляторы бастығының тағайындаған комиссиясының жасаған актiсi бойынша сақтауға қабылданады. Акт үш данамен толтырылады. Актiнiң бiрiншi данасы күзет қамауындағы адамның қолына берiледi, екiншi данасы қоймада сақталады, ал үшiншi данасы күзет қамауындағы адамның жеке iсiнде сақталады.
47. Сезiктiлер мен айыпталушылардан алынған және сақтауға қабылданбаған заттар мен тамақ өнiмдерiн жою тергеу изоляторы бастығының дәлелденген қаулысы бойынша аталған адамның қатысуымен комиссиялық түрде iске асырылады, бұл туралы акт жасалады.
Тыйым салынған құралдар, оның iшiнде: заттар және тамақ өнiмдерi, спирттi iшiмдiктер немесе спирт негiзiнде дайындалған тамақтар, оларды дайындауға арналған өнiмдер; есiрткiлер (оларды тарату фактiсi бойынша қылмысты iс қозғаудан басқа жағдайда) және оларды пайдалануға арналған құралдар; өрттен қауiптi құралдар мен заттар, тергеу изоляторы медициналық қызметкерiнiң қорытындысы бойынша арналған мақсатқа қолдануға жарамсыз деп табылған дәрi-дәрмектер; ойын карталары; эротикалы, парнографиялық немесе зорлықты насихаттайтын графикалы, баспадан шыққан, фото және бейне өнiмдерi; пайдалануы адам өмiрiне және денсаулығына қауiп төндiретiн немесе сақталуын тергеу изоляторында қамтамасыз ету мүмкiн емес, сақтауға ерекше жағдайды қажет ететiн; пайдалануын немесе құрамын анықтауға келмейтiн немесе өзiнiң алғашқы тұтынушылық маңызын жоғалтқан және N 2 қосымшаға кiрмейтiн тамақ өнiмдерi мен басқа да заттар жойылуға жатқызылады.
48. Сезiктiлер мен айыпталушылардың күзетте ұсталынуы кезiнде одан ақша немесе қымбат мүлiк табылған немесе алынған әрбiр Фактi бойынша олардың қайдан пайда болғанын және нақты иесiн анықтау үшiн тексеру жүргiзiледi.
49. Сезiктiлер мен айыпталушылардан табылған және алынған бөтен құралдар, заттар мен тамақ өнiмдерi өз иелерiне қайтарылады.
Егер алынған құралдардың, заттардың және тамақ өнiмдерiнiң иелерi анықталмаса, ақша, бағалы қағаздар және қымбат мүлiктер тергеу изоляторының қаржы бөлiмi арқылы тарату және тиiстi бюджет кiрiсiне енгiзу үшiн салық органдарына тапсырылады.
50. Сезiктiлер мен айыпталушылардың өтiнiшi бойынша және қылмысты iс
өндiрiсiнде болған адамның немесе органның келiсiмiмен тергеу изоляторында
сақталуда жатқан құралдар, заттар және тамақ өнiмдерi сезiктiлердiң немесе
айыпкерлердiң туыстарына немесе басқа адамдарға берiлуi мүмкiн.
51. Күзет қамауындағы адам қайтыс болған жағдайда оның сақталуда
жатқан ақшалары, қымбат мүлiктерi, басқа да құралдары, заттары және тамақ
өнiмдерi заңмен белгiленген тәртiппен мұрагерлерiне беріледі.
5. сезiктiлер мен айыпталушыларды материалдық-тұрмыстық
қамсыздандыру
52. Сезiктiлер мен айыпталушылар жеке пайдалануы үшiн мына заттармен
қамтамасыз етiледi:
1) жатар орынмен (Заңның 22 бабына сәйкес)
2) төсек қажеттерiмен: матрац, жастық, көрпемен;
3) төсек жабдығымен: екi жаймамен, жастық тысымен;
4) орамалмен;
5) асхана ыдыстарымен және асхана құралдарымен; табақпен, кружкамен,
қасықпен;
6) жыл уақытына сай киiммен (өзiнiкi болмаған жағдайда);
7) тергеу изоляторының кiтапханасынан кiтап-журналдармен.
Аталған заттар күзет қамауында ұсталатын мерзiмде уақытша берiледi.
53. Мына заттар камераларда жалпы пайдалану үшiн белгiленген
нормаларға сәйкес және ондағы адамдардың санына қарай есептелiп берiледi:
1) шаруашылық сабыны;
2) гигиеналық мақсатта қолданылатын қағаз;
3) газеттер;
4) стол ойындары: дойбылар, шахматтар, домино, нардалар;
5) камераны жинауға арналған құралдар;
6) тiгiн инелерi, қайшы, тамақ өнiмдерiн турайтын пышақ (әкiмшiлiктiң
бақылауымен сезiктiлер мен айыпталушыларға қысқа мерзiмге берiлуi мүмкiн).
Балалы әйелдер бала күтiмiне қажет құралдарды алады.
54. Тергеу изоляторларының камералары мыналармен жабдықталады:
1) стол және орындықтармен және камерадағы орындар бойынша отырғызу
орындарымен;
2) санитарлы ұямен;
3) суы бар құбыр кранымен;
4) электр құралдарын қосатын розеткалармен;
5) азық-түлiк шкафымен;
6) сыртқы киiм iлгiштерiмен;
7) қажеттi заттарға арналған сөремен;
8) қабырғаға бекiтiлген айнамен;
9) ауыз суға арналған ыдыспен;
10) жалпы мемлекеттiк бағдарламамен құлақтандыратын радиодинамикамен;
11) әкiмшiлiк өкiлiн шақыратын кнопкамен;
12) қоқысқа арналған ыдыспен;
13) күндiзгi және түнгi жарықбергiштермен;
14) қосымша ақылы қызмет көрсетiлген жағдайда желдеткiш жабдығымен,
сондай-ақ тұрмыс құралдарымен;
15) балалы әйелдер жататын камераларда балалардың кереуеттерімен;
16) кір жуатын және гигиеналық қажеттілікке керек ыдыспен;
55. Камерада су ысытатын құралдар немесе су құбырында ыстық су болмағанда кір жууға және гигиеналық мұқтаждылыққа қажет ыстық су және қайнаған су белгіленген уақытта қажет мөлшерде беріледі.
56. Лица, заключенные под стражу, содержащиеся в камерах и карцерах, не имеющих санитарных узлов выводятся в туалет для оправки покамерно два раза в сутки (утром - после подъема и вечером перед отходом ко сну). В камерах и карцерах, где нет санитарных узлов, устанавливаются специальные баки с крышками, прикрепленными к ним. <*>
Ескерту: 56-тармақтың қазақша ресми аудармасы болмағандықтан мәтін
орысша беріліп отыр.
57. Сезiктiлер мен айыпталушыларға аптасына бір рет 15 минуттан кем емес уақытқа душта жуынатын мүмкіндік беріледі. Апта сайын душта шомылғаннан кейін төсек жабдықтары ауыстырылады.
58. Сезiктiлер мен айыпталушыларға өздерінде болмағанда олардың өтінішімен белгіленген уақытта аптасына кемінде екі мәрте қырынатын құралдар беріледі.
59. Стол ойындары он адамға бір комплектіден немесе ішінде он адамнан кем болмаса бір камераға бір комплектіден беріледі.
60. сезiктiлер мен айыпталушыларға олардың өтініші бойынша ұсыныс, өтініш, шағым жазуға жазу құралдары (қағаз, шарикті қалам) беріледі.
61. Тергеу изоляторының кітапханасынан газеттер келіп түсуі мөлшері бойынша он адамға бір газет немесе егер ішінде он адамнан кем болмаса бір камераға бір газеттен беріледі.
62. Тергеу изоляторының кітапханасынан кітап және журнал айырбастау аптасына бір мәрте жүргізіледі. Кітапхана абонементін пайдалану ережесін тергеу изоляторының бастығы бекітеді.
63. Сезiктiлер мен айыпталушыларға күзетте ұсталу кезінде төмендегідей келтірген зияндығы үшін материалдық жауапкершілік жүктеледі:
1) заңмен қарастырылған тәртіппен және мөлшерінде жұмыс міндетін атқаруда келтірген зиянына орай;
2) заңмен қарастырылған тәртіппен және мөлшерінде басқа іс-әрекетімен мемлекетке келтірген зиянына орай.
64. Материалдық зиян келтірген кінәлілерді анықтау үшін тергеу изоляторының әкімшілігі тексеру жүргізеді, оны тергеу изоляторының бастығы тағайындайды және ол зиян келтірілген фактіні анықтаған күннен бастап бір айдан кешіктірмей аяқталуы тиіс.
65. Тексеру барысында материалдық жауапкершілік басталатын кездің жағдайлары, келтірілген зиянның нақты мазмұны және мөлшері немесе материалды жауапкершілікке негіздің жоқтығы анықталады. Тексеру жүргізу кезінде міндетті түрде шығын келтірген адамнан жазбаша түсінік алынуы керек. Ол адам жазбаша түсініктеме беруден бас тартқан жағдайда бұл жайлы тексеру материалдарында қамтылып көрсетіледі.
66. Шығынның мөлшерін тергеу изоляторы бастығының қызметтік тексеру нәтижесіне орай шығарылған мөрі қаулысының негізінде анықталады. Қаулы шығын келтірген күзет қамауындағы адамға оқылып, одан қолхат алынады. Шығын күзет қамауындағы адамның жеке есеп шотындағы ақшадан өндіріледі.
Сезiктiлер мен айыпталушылардың өтiнiшi бойынша ол келтiрген шығынның орнын оның туыстары немесе басқа адамдар өз келiсiмдерiмен толтыруларына болады.
67. Күзет қамауындағы адамның жеке есеп шотында ақша болмаған жағдайда, сондай-ақ тергеу изоляторында шығынның орны толық толтырылмаған болса, ол адамды қылмыстық жазасын бас бостандығынан айыру түрiнде өтейтiн мекемеге жiберер кезде одан шығынның өтемiн ұстап қалу туралы қаулы оның тұрып жатқан жерiне жiберiледi, ол жерде өндiрiлмеген шығынды сотталған адамның жеке есеп шотына түскен қаржыдан аталған мекеменiң әкiмшiлiгi өндiрiп алады.
68. Тергеу изоляторы бастығының келтiрiлген шығынды өндiрiп алу жөнiндегi қаулысына лауазымды қызметкерге, прокурорға немесе сотқа шағым жазуға болады. Берiлген шағым шығынның орнын толтыруын тоқтатпайды. Шағым қанағаттандырылған жағдайда бұрынғы ұсталынған сомалары күзет қамауындағы адамның жеке есеп шотына аударылады.
69. Күзет қамауындағы адам босатылған жағдайда орны толтырылмаған материалдық шығынды соттың шешiмiмен өндiруге болады.
70. Тергеу әкiмшiлiгiнiң кiнәсiмен сезiктiлер мен айыпталушыларға келтiрiлген шығын заңға сәйкес өндiрiледi.
6. сезiктiлер мен айыпталушылардың тамақ өнiмдерiн,
сондай-ақ күнделiктi қажет құралдарын сатып алуы
71. Сезiктiлер мен айыпталушылар тамақ өнiмдерiн, күнделiктi қажет құралдарын және басқа сақтауға, пайдалануға тыйым салынбаған өндiрiс тауарларын ақшасыз есеп айырысу арқылы тергеу изоляторының дүкенiнен (ларегiнен) немесе тергеу изоляторында дүкен (ларек) болмаған жағдайда, басқа сауда орындарынан сатып алады.
72. Тергеу изоляторының дүкенiнде (ларекте) сатылуға рұқсат етiлген тамақ өнiмдерiнiң, күнделiктi қажет құралдардың және өндiрiс тауарларының ассортиментi тiзбемен белгiленедi (N 2 қосымша). Күзет қамауындағы адамның тауар алуға жұмсайтын ақшасының мөлшерi шектелмейдi.
73. Бiр адамға берiлетiн тамақ өнiмдерiнiң және басқа да тауарлардың мөлшерiн, ассортиментiн саны және салмағын тергеу изоляторының әкiмшiлiгi сатып алушы сұранымын қолдағы тауардың саны және тауардың жергiлiктi сауда торабындағы бiр адамға босатылатын шегiн ескере отырып белгiлейдi. Сатып алынған тауардың босатылуы айына екi реттен кем болмауы керек.
74. Сезiктiлер мен айыпталушыларға дүкенге (ларекке) бару үшiн тыйым салынады. Дүкендегi (ларектегi) бар тауарлардың ассортиментi және олардың құны күзет қамауында ұсталатын адамдардың назарына жеткiзiлiп отырады.
75. Тамақ өнiмдерi, күнделiктi қажет заттар және өндiрiс тауарларын сатып алғысы келетiн адамдар тергеу изоляторы бастығының атына белгiленген үлгiде өтiнiш жазып, жеке есеп шотында ақшасы бар екендiгi туралы көрсетiлген ақша квитанциясымен бiрге әкiмшiлiк өкiлiне тапсырады. Дүкен (ларек) қызметкерi тауар сатып алғысы келген күзет қамауындағы адамның жеке есеп шотында ақшасының бар-жоғын қаржы бөлiмiнен тексередi. Сатып алынған тауарлар камераларға таратылып, қолхат арқылы берiледi.
76. Егер тауар әперiлген адамның жеке есеп шотында ақша қалса, оған тиiстi белгi қойылған түбiртегi қайтарылады, ал егер қалдық ақша болмаса түбiртегi өтiнiшке тiркеледi. Жұмыс күнiнiң соңында дүкен (ларек) қызметкерi аванс есебiн жасап, оны өтiнiшпен бiрге жеке есеп шоттағы ақшаны жазу үшiн қаржы бөлiмiне тапсырады.
77. Тергеу изоляторында дүкен (ларек) болмаған жағдайда тергеу изоляторынан тыс жерде орналасқан сауда нүктесiнен тауар сатып алу үшiн, сезiктiлер мен айыпталушылар ондағы қызметкерге талап етiлген ақша сомасын өз есебiнен алуға мекеменiң қаржы бөлiмiнiң кассасындағы өзiнiң жеке есеп шотынан алуына, белгiленген тәртiппен куәландырылған сенiмхат бередi. Берiлген ақша өз есебiне алынған адамның есебiнен авансты есеп және өтiнiш берушiге сатып алынған азық-түлiк және күнделiктi қажет заттар берiлгенiн дәлелдейтiн құжат негiзiнде шығарылады. Тергеу изоляторының әкiмшiлiгi сезiктiлер мен айыпталушылардың тамақ өнiмдерi және күнделiктi қажет заттарын сатып алуға жұмсаған ақшасы туралы оның жеке iсiнде белгiлейдi.
7. Сезiктiлер мен айыпталушыларға арналған
сәлемдемелердi, посылкаларды қабылдау және беру
78. Сезiктiлер мен айыпталушыларға арналған сәлемдемелердi қабылдау және беру тергеу изоляторының осы мақсатта жабдықталған арнайы орнында жүргiзiледi. сезiктiлер мен айыпталушыларға сәлемдеме мен посылканың салмағы пошта ережесiмен қарастырылған мөлшерден аспаса алуға шек келтiрiлмейдi. Сәлемдеме мен посылка жеткiзушiлердiң кезектесуi тәртiбiмен берiледi. сезiктiлер мен айыпталушылардың өзiнде ұстауына, сақтауына, сәлемдемемен алуына және ақшасыз есеп айырысу арқылы сатып алуына болатын тамақ өнiмдерiнiң, күнделiктi қажет заттардың, аяқ киiмдердiң, киiмдердiң және басқа өндiрiс тауарларының тiзбегi мемлекеттiк және ресми қолданылатын орыс тiлiнде сәлемдеме қабылдайтын бөлмеде iлiнедi.
79. Сәлемдеменi жеткiзген адам белгiленген үлгiде екi дана өтiнiш жазып, қолын қояды. Өтiнiштiң екi данасы, сәлемдеме, сондай-ақ сәлемдеме жеткiзген адамның төлқұжаты немесе жеке басын куәландыратын құжаты тергеу изоляторының қызметкерiне берiледi.
80. Сәлемдеменiң түгендiгiн және салмағын өлшеп тексеру оны жеткiзген адамдардың қатысуымен жүргiзiледi. Төлқұжат немесе жеке басын куәландыратын құжат сәлемдеменi салыстырып тексергеннен кейiн қайтарылып берiледi.
81. Тергеу изоляторының қызметкерi сәлемдеменi алғаннан кейiн жеткiзушiге жеке құжаттарын және өтiнiштiң бiрiншi данасын қабылдағаны жайлы қолын қойып қайтарады, ал екiншi данасын күзет қамауындағы адамның алғаны туралы қолы қойылғаннан кейiн оның жеке iсiне тiркейдi. Бұл адамның анықтама карточкасында сәлемдеменiң қабылданғаны туралы белгi қойылады. Күзет қамауындағы адам өтiнiшке қол қоюдан бас тартқан жағдайда бұл жайлы өтiнiште тиiстi белгi қойылады. Сәлемдеме мен посылканың салмағы және салынған заттардың тiзбегi арнайы журналға тiркеледi, содан кейiн тиесiлi адамға берiледi.
82. Сәлемдемелер төмендегi жағдайда қабылданбайды және керi қайтарылады:
1) күзет қамауындағы адам күзеттен босатылғанда немесе ол тергеу изоляторынан үш тәулiктен артық уақытқа шығарылған жағдайда;
2) күзет қамауындағы адам қайтыс болғанда;
3) күзет қамауындағы адамның өзiне арналған сәлемдеменi өз қолымен алуына немесе iшiндегi затты керегiне жаратуға мүмкiндiгi болмаса;
4) сәлемдеме салмағы белгiленген мөлшерге сай келмесе;
5) сәлемдеменi жеткiзген адам төлқұжатын немесе жеке басын куәландыратын құжатын көрсетпесе;
6) сәлемдеменi қабылдауға арналған өтiнiш дұрыс жазылмаса;
7) күзет қамауындағы адам өзiне арналған сәлемдеменi қабылдаудан жазбаша түрде бас тартса.
83. Тергеу изоляторында немесе ауруханада емделу курсынан өтiп жатқан сезiктiлер мен айыпталушыларға келген сәлемдемелердi қабылдарда емдеушi дәрiгердiң кепiлдемесi ескерiледi.
84. Сәлемдемелердi ашып анықтауды тергеу изоляторының құрамы үш адамнан кем емес комиссиясы жүзеге асырады, сол бойынша акт жасалады. Актiде мыналар көрсетiледi: тамақ өнiмдерiнiң, заттардың атаулары мен тiзбегi, олардың сыртқы пiшiнi, сапасы, одан нақты алынғаны немесе сақтауға тапсырылғаны көрсетiледi. Актiге комиссия мүшелерiнiң қолдары қойылып, сезiктiлер мен айыпталушыларға хабарланып, қолхат алынады және оның жеке iсiне қосылады.
85. Сәлемдемелерден және посылкалардан табылған күзет қамауындағы адамдардың сақтауына немесе пайдалануына тыйым салынған құралдар, заттар және азық-түлiктер сәлемдеменi жеткiзген адамға қайтару себебi көрсетiлiп, қайтарылып берiледi де, сезiктелушiнiң немесе айыпталушының қатысуымен сақтауға берiледi немесе жойылады. Ақшалары оның есеп шотына аударылады.
86. Тергеу изоляторында ұсталушы адамдарға тыйым салынған заттарды заңсыз бергенi үшiн сәлемдеменi жеткiзушi немесе посылканы жiберушi адамдарға қатысты заңмен қарастырылған жағдайда қылмыстық жауапкершiлiкке немесе әкiмшiлiк жауапкершiлiкке тартуға материалдар рәсiмделедi.
87. Осы Ереженiң 7.5. тармағының "а", "б", "в", "ж" тармақшаларында көрсетiлген жағдайда посылка жөнелтушiге қайтарылады. Посылка пошта арқылы үстеме төлеммен "керi қайтарылады" деген таңбамен қайтарылады.
88. Карцерде отырған қамалушының атына келiп түскен сәлемдеме және посылка сақтау үшiн қоймаға тапсырылады және сезiктiлер мен айыпталушыларға карцерде отыру мерзiмi аяқталғаннан кейiн тапсырылады.
89. Сезiктiлер мен айыпталушылардың туыстарына немесе басқа адамдарға сәлемдемелердiң орнына тергеу изоляторының қаржы бөлiмi арқылы дүкендерде (ларектерде) бар тамақ өнiмдерiн, күнделiктi заттарды және басқа өндiрiс тауарларын кейiн сезiктiлер мен айыпталушыларға табыс ету үшiн олардың құнын төлеуге мүмкiншiлiк бередi. Мұндай жағдайда туысы немесе басқа адам тергеу изоляторының қаржы бөлiмiне екi данамен өтiнiш жазып, онда тамақ өнiмдерiнiң және басқа да тауарлардың санын және салмағын, өзiнiң төлемек болған бағасын көрсетедi және қажеттi соманы төлейдi. Күзет қамауындағы адам сатып алынған товарды қабылдап алғаннан кейiн өтiнiштiң бiрiншi данасы оның қойған қолымен тауардың құнын төлеген төлеушiге қайтарылып, ал екiншi данасы жеке iсiне тiркеледi. Анықтама картотекасына тиiстi белгi қойылады.
90. Тергеу изоляторы әкiмшiлiгi сәлемдеме мен посылка iшiне салынған заттардың сақталуын қамтамасыз етедi, алайда көп уақыт сақталу салдарынан табиғи бұзылуын, сондай-ақ тексеру нәтижесiнде тауарлық бейнесiнiң жойылуын жауапкершiлiгiне алмайды.
91. Сәлемдеме немесе посылка қабылданған күннен бастап күзет қамауындағы адамға бiр тәулiктен кешiктiрiлмей, ал оның уақытша болмаған кезiнде ол қайтып оралғасын табыс етiлуi тиiс.
8. Сезiктiлер мен айыпталушылардың жеделхаттарды,
хаттарды, ақша аударымдарын алуы және жөнелтуi
92. Сезiктiлер мен айыпталушыларға туыстарынан және басқа адамдардан айына екi рет қана хаттар мен жеделхаттар алуына және жiберуiне рұқсат етiледi.
93. Сезiктiлер мен айыпталушылардың хат жазысуы тек тергеу изоляторы арқылы олардың өз есебiнен, өндiрiсiнде қылмыстық iс бар адамның немесе органның рұқсатымен жүзеге асырылады және прокурор мен сотқа арналған хаттан басқалары цензураға жатқызылады.
94. Сезiктiлер мен айыпталушылар пошта қажеттерiн (конверттер, маркiлер, жеделхат бланкiлерiн) тергеу изоляторының дүкенiнен (ларегiнен) сатып алады.
95. Сезiктiлер мен айыпталушылардың хаттарын және толтырылған жеделхат бланктерiн күн сайын әкiмшiлiк өкiлi қабылдайды. Хаттар тек қана желiмделмеген конвертте қабылданады, онда жөнелтушiнiң тегi, аты-жөнi және тергеу изоляторының пошта мекен-жайы көрсетiледi, қабылданады. Толтырылған жеделхат бланкiсiне күзет қамауындағы адамның тергеу изоляторының бастығының атына жеделхаттың төлемiн өтеуге жеке есеп шотынан ақша алынуын сұрап жазған өтiнiшi тiркеледi. Өтiнiш ақша квитанциясымен бiрге әкiмшiлiк өкiлiне тапсырылады.
96. Қаржы бөлiмiнiң қызметкерi жеделхат жiбермекшi болған күзет қамауындағы адамның жеке есеп шотында ақша бар екенiн тексерiп және поштамен жөнелтiлер заттың құнын есептей келiп, одан қажетiнше ақша бөледi.
97. Жеделхат жөнелтiлгеннен кейiн күзет қамауындағы адамға пошта түбiртегi, ал жеке есеп шотында ақшасы болса оған сәйкес белгi қойылған ақша квитанциясы тапсырылады. Егер есеп шотта ақша қалмаса ақша түбiртегi өтiнiшке тiркеледi. Жеделхат жөнелтушi адамның өтiнiшi пошта квитанциясын алғаны туралы қолхатымен бiрге оның жеке iсiне тiркеледi.
Сезiктiлер мен айыпталушылардан тапсырысты және бағалы хаттар, сондай-ақ ақшалай аударымын жөнелткенде дәл осындай тәртiп талап етiледi.
98. Аталған мекеме әкiмшiлiгi сезiктiлер мен айыпталушылардан жеделхат немесе хат қабылданған сәттен бастап оларды жөнелткенге дейiн, сондай-ақ тергеу изоляторына жеделхат немесе хат келiп түскен сәттен оларды адрес иесiне тапсырғанға дейiн жеделхат пен хаттардың сақталуына жауап бередi, хат алмасудағы құпиялылықты қамтамасыз етедi.
99. Күзет қамауындағы адамның атына келiп түскен хаттарды, жеделхаттарды тапсыру, сондай-ақ оның хаттарын адрес иесiне жөнелтудi тергеу изоляторының әкiмшiлiгi мереке күндерiнен басқа күндерi, хаттың келiп түскен немесе оны күзет қамауындағы адамның тапсырған күнiнен бастап үш күн мерзiм iшiнде жүзеге асырады. Хатты мемлекеттiк немесе ресми қолданылатын орыс тiлiне аудару қажет болғанда хатты тапсыру мерзiмi аударма жасауға қажет болған уақытқа ұзартылады. Күзет қамауындағы адамға жақын туысының өлiмi немесе ауыр науқасы туралы хабар алынысымен, кешiктiрiлмей хабарланады.
100. Куәлерге, жәбiрленулершiге арналған, сондай-ақ iшiнде қылмыстық iс бойынша қорлау, қорқыту, кек алу, қылмыс жасауға немесе басқа тәртiп бұзушылыққа шақыру, тергеу изоляторының күзетi, оның қызметкерлерi жайлы ақпараттар, тыйым салынған заттарды берiп жiберу тәсiлдерi және қылмыстық iс бойынша шындықты анықтауға кесiрiн тигiзетiн, қылмыс жасауға септiк ететiн басқа да мәлiметтер бар құпия жазбамен, мемлекеттiк немесе басқа да заңмен қорғалған құпиялар шифрленiп жазылған хаттар мен жеделхаттар адрес иесiне тапсырылмайды және өндiрiсiнде қылмыстық iс бар адамға немесе мекемеге тапсырылады.
101. Сезiктiлер мен айыпталушылардың барлық корреспонденциялары келіп түскен және жөнелтiлген уақыты көрсетiлiп, арнайы журналға тiркеледi.
102. Сезiктiлер мен айыпталушыларға арналған ақша пошта арқылы тергеу изоляторының мекен-жайына аударылып, олардың жеке есеп шотына салынады. Күзет қамауындағы адамның жеке есеп шотынан ақша алып аудару үшiн, олар тергеу изоляторы бастығының атына дәлелдi өтiнiш жазады. Ақша күзет қамауындағы адамның жеке есеп шотындағы қаржыдан пошта арқылы аударылады.
9. Күзет қамауындағы қамауындағы адамдардың ұсыныс,
өтiнiш және шағым жолдауы
103. Әкiмшiлiк өкiлдерi күн сайын камераларды аралап, күзет қамауындағы адамдардың жазбаша және ауызша ұсыныстарын, өтiнiштерiн және шағымдарын қабылдайды. Ұсыныстарға, өтiнiштерге және шағымдарға берiлген жауаптар сезiктiлер мен айыпталушыларға хабарланады және хабарланғаны туралы қолхат алынып, ол жеке iсiне тiркеледi.
104. Ауызша түрде қабылданған ұсыныстар, өтiнiштер және шағымдар журналға жазылады және осыған рұқсат беруге жауапты адамға баяндалады.
105. Тергеу изоляторы әкiмшiлiгiне арналған жазбаша ұсыныстар, өтiнiштер және шағымдар журналда тiркеледi және тергеу изоляторының бастығына баяндалады, ол рұқсат беру жөнiнде шешiм қабылдайды. Мұндай мүмкiншiлiк болмаған жағдайда сезiктiлер мен айыпталушыларға тиiстi түсiнiктемелер берiледi.
106. Прокурорға немесе сотқа жолданған ұсыныстар, өтiнiштер және шағымдар желiмделген конвертте қабылданады және цензураға жатқызылмайды. Оларды ашуға қатаң тыйым салынады. Келiп түсулерiне орай олар кешiктiрiлмей адрес иесiне жолданады.
107. Мемлекеттiк органдарға жолданған ұсыныстар, өтiнiштер және шағымдар тергеу әкiмшiлiгiнiң талқылауынан өтуге және ол қабылданған уақытынан бастап бiр тәулiктен кешiктiрiлмей арналған жерiне жөнелтiлуi тиiс.
108. Егерде өтiнiш пен шағымда қылмыстық iспен байланысы жоқ, тергеу изоляторы әкiмшiлiгiнде шешiлетiндей заңды талаптар мен ұсыныстар болса, онда олар сезiктiлер мен айыпталушылардың келiсiмiмен адрес иесiне жiберiлмейдi. Мұндай жағдайда әкiмшiлiк шағымда және өтiнiште талап етiлген мәселелердi шешу үшiн шара қолданады және оның қорытындысы туралы күзет қамауындағы адамды хабарландырады.
Егер әкiмшiлiк шағымда, өтiнiште талап етiлген мәселелердi шешуге құзыреттi болмаса немесе автор оларды адрес иесiне жiберудi табанды талап етсе, олар арналған жерiне жiберiледi.
Мұндай жағдайда тергеу изоляторының әкiмшiлiгi өтiнiш пен шағымға талап етiлген мәселелерге тiкелей байланысты берген түсiнiктемелерi мен атқарған шаралары туралы баяндалған хат тiркейдi.
Ұсыныстардың, шағымдардың және өтiнiштердiң iшiнде қылмысты iс бойынша ақиқатты ашуға кедергi болатын немесе қылмыстың жасалуына септiгiн тигiзетiн, iшiнде мемлекеттiк немесе басқа да заңмен қорғалған құпиялар құпия жазумен, шифрмен жазылған мәлiметi бар болса онда ол адрес иесiне жiберiлмейдi және өндiрiсiнде қылмыстық iс бар адамға немесе органға жiберiледi.
109. Егер ұсыныста, өтiнiште және шағымда аталған мәселелердi адрес иесiнiң шешуiне құқығы немесе құзыретi болмаса, онда күзет қамауындағы адамдарға тиiстi түсiнiктеме берiледi. Егер автор оларды адрес иесiне жiберудi табанды талап етсе, олар арналған адреске жiберiледi.
110. Шағым мен кассациалы шағымнан басқа, осы Ереженiң 9.4. тармағында аталған ұсыныстар, өтiнiштер мен шағымдар жөнелтушiнiң есебiнен жiберiледi. Күзет қамауындағы адамның жеке есеп шотында ақшасы болмағанда шығын (жеделхаттан басқа) тергеу изоляторы есебiнен өтеледi.
10. Сезiктiлер мен айыпталушылардың дiни салттарды атқаруы
111. Сезiктiлер мен айыпталушылар дiни салттарды камерада, ал мүмкiндiк болса тергеу изоляторындағы осы мақсатқа арнайы жабдықталған, дiни конфессияның дәстүрлерiне сай бөлмелерде атқарады.
112. Осы Ереженi және күзет қамауындағы адамның құқығын бұзатын дiни салттарды атқаруға жол берiлмейдi.
113. Сезiктiлер мен айыпталушыларға өзiнде ұстауға және пайдалануға дiни кiтаптарға, жеке пайдаланылатын, денеге тағылатын немесе қалтаға салып жүретiн дiни табыну заттарына, шаншығыш-кескiш құралдардан, қымбат тастардан, металл бұйымдарынан немесе табиғи және мәдени құндылығы бар заттардан басқа заттарға рұқсат етiледi.
114. Өндiрiсiнде қылмыстық iс бар органның немесе адамның рұқсатымен және өтiнiшiмен сезiктiлер мен айыпталушыларға рухани көмек көрсету үшiн тергеу изоляторына дiн қызметшiсiн шақыртуға болады.
Дiн қызметшiсiнiң қызметiне ақы сезiктiлер мен айыпталушылардың жеке есеп шотындағы қаржы есебiнен төленедi.
11. Сезiктiлер мен айыпталушыларды еңбекке тарту
115. Сезiктiлер мен айыпталушылардың жұмысы тек тергеу изоляторы аумағында, камераларда, өндiрiс алаңдарында, шеберханаларда және жөндеу-құрылыс жұмыстарында ұйымдастырылады. Сонымен бiрге белгiленген оқшаулау талаптарының және заңмен белгiленген сезiктiлер мен айыпталушыларды жеке орналастыру ережесiнiң, сондай-ақ азаматтық және еңбек заңдарының, жұмыс өндiрiсi кезiнде техника қауiпсiздiгi ережелерiнiң орындалуы қамтамасыз етiледi.
116. Сезiктiлер мен айыпталушылар тергеу изоляторының арнаулы бөлiмдерiндегi, фотолабораториялардағы, радиотрансляциялық жүйедегi жұмыстарға, сондай-ақ инженерлiк-техникалық күзет құралдарын, дабыл және байланыс, транспорт құралдарының барлық түрлерiн және көбейткiш аппаратураларды жөндеумен және пайдаланумен байланысты жұмыстарға жiберiлмейдi.
117. Жұмыс iстеуге ықылас бiлдiрген сезiктiлер мен айыпталушылар тергеу изоляторы бастығының атына өтiнiш жазады, ол оны үш күннiң iшiнде қарап және тиiстi шешiм қабылдауға мiндеттi. Айыпталушыны мекемеде жұмысқа орналастыру мүмкiншiлiгi болмағанда, оған тиiстi түсiнiктеме берiледi. Айыпталушылардың еңбекақысы заңмен көрсетiлген ұсталымдардан кейiн олардың жеке есеп шотына аударылады.
118. Тергеу изоляторының әкiмшiлiгi барлық ниет бiлдiрген айыпталушыларды жұмысқа тарту мүмкiншiлiктерiн қарастыруы тиiс.
12. сезiктiлер мен айыпталушылардың отбасылық-құқықтық
қатынастарға және азаматтық-құқықтық iстерге қатысуы
119. Сезiктiлер мен айыпталушылардың некеге тiркелуiн осы тергеу изоляторы орналасқан аумаққа қызмет көрсететiн АХАЖ мекемесi тергеу изоляторында жүргiзедi.
120. Күзет қамауындағы адаммен некеге тұрғысы келетiн адам тергеу изоляторына өзi тұратын жердiң немесе тергеу изоляторы орналасқан жердiң АХАЖ мекемесi куәландырылған өтiнiшiн, сондай-ақ өндiрiсiнде қылмыстық iс бар адамның немесе органның күзет қамауындағы адамның аталған адаммен кездесуiне берген рұқсатын әкелiп бередi.
Некеге тiркеу туралы өтiнiш келiп түскенде тергеу изоляторы әкiмшiлiгi оны күзет қамауындағы адамға өзiне қатысты бөлiгiн толтыру үшiн бередi. Өтiнiшке жетiспейтiн мәлiметтер кiргiзiлгеннен кейiн тергеу изоляторының әкiмшiлiгi өтiнiште көрсетiлген мәлiметтер мен күзет қамауындағы адамның жеке iсiндегi құжаттарын салыстырады. Күзет қамауындағы адамның қолының түпнұсқасы және көрсетiлген мәлiметтердiң дұрыстығы тергеу изоляторы бастығының қолымен куәландырылады және мекеменiң мөрi басылып, содан кейiн әкiмшiлiк бiрлескен некеге тiркелу өтiнiштерiн тергеу изоляторы орналасқан жердегi АХАЖ мекемесiне жiбередi. Күзет қамауындағы адамның жеке iсiнде оның отбасы жайлы мәлiметтердiң дұрыстығын дәлелдейтiн құжаттар болмаса, онда оларды туыстары берулерi керек.
121. Егерде күзет қамауындағы адам некеге тұрғысы келсе, ол тергеу әкiмшiлiгiне жазбаша түрде өтiнiш бередi. Тергеу изоляторы орналасқан жердегi АХАЖ-ның некеге рұқсаты және өндiрiсiнде қылмыстық iс бар органның немесе адамның кездесуге рұқсаты болса, изолятор әкiмшiлiгi күзет қамауындағы адамды белгiленген үлгiдегi некеге тұру туралы бланкпен оның есебiнен қамтамасыз етедi. Күзет қамауындағы адам өтiнiштiң өзiне қатысты бөлiгiн толтырғаннан кейiн, тергеу изоляторының әкiмшiлiгi өтiнiште көрсетiлген мәлiметтердi күзет қамауындағы адамның жеке iсiндегi құжаттармен салыстырып, оның қолын, сондай-ақ өтiнiште көрсетiлген мәлiметтердiң дұрыстығын куәландырады. Күзет қамауындағы адамның жеке iсiнде оның отбасы жайлы мәлiметтердiң дұрыстығын куәландыратын құжаттар болмағанда оларды туыстары берулерi керек. Содан кейiн тергеу изоляторының әкiмшiлiгi бұл өтiнiштi күзет қамауындағы адаммен некеге тұру ниетi бар адамға жiбередi. Сонымен қатар аталған адамға тергеу изоляторы орналасқан жердегi некеге тiркейтiн АХАЖ-ның атауын және мекеменiң мекен-жайын хабарлайды.
122. Мұндай өтiнiш алған адам некеге тұруға келiсетiн болса, онда оның өзiне қатысты бөлiгiн толтырады және өтiнiштегi қойылған қолдар мен көрсетiлген мәлiметтердi куәландыру үшiн өзi тұратын жердегi АХАЖ-ға тапсырады, содан кейiн өтiнiштi өзiне тергеу изоляторы хабарлаған АХАЖ мекемесiне жiбередi.
123. Некеге тiркеу некеге отырушылардың қатысуымен тергеу изоляторында жүргiзiледi. Аталған адамдардың жағынан куәлардың жалпы саны екi адамнан аспауы керек.
124. Некеге тiркеу төлемi және көлiк шығыны некеге отырушылардың есебiнен өткерiледi.
125. Тәртiптiк жазасын карцерде өтеп жатқан күзет қамауындағы адаммен некеге тiркелу оның бұл жазасын өтегеннен кейiн ғана жүзеге асуға тиiс.
126. Тергеу изоляторының әкiмшiлiгi өндiрiсiнде қылмыстық iс бар адамның немесе органның рұқсаты болса некеге тiркелгеннен кейiн күзет қамауындағы адамды белгiленген тәртiп бойынша жұбайымен (ерiмен) кездестiруге мiндеттi.
127. Некенi бұзу үшiн күзет қамауындағы адам сотқа немесе кәмелетке толмаған балалары жоқ жұбайлардың бiрдей келiсiмi болса АХАЖ мекемесiне өтiнiш бередi.
128. Сезiктiлер мен айыпталушылар егерде заңға немесе осы Ережеге қайшы келмеген жағдайда басқа да отбасылық-заңдылық қатынастарға қатысуға құқылы.
129. Азаматтық-құқықтық мәмiлені жүзеге асыру үшiн күзет қамауындағы адам белгiленген үлгiде сенiмхат жазады, оны Қазақстан Республикасы Азаматтық кодексiнiң K941000_ 152-бабына сәйкес тергеу изоляторының бастығы куәландырады.
Тергеу изоляторының әкiмшiлiгi күзет қамауындағы адамды өтiнiшi
бойынша оның өз есебiнен сенiмхат бланкiлерiмен жабдықтайды және қажет
болғанда оны толтыруды түсiндiредi. Сенiмхат арналып жазылған адамға
өндiрiсiнде қылмыстық iс бар адам немесе орган арқылы берiледi немесе
жолданады.
130. Күзет қамауындағы адамнан сенiмхат алғысы келетiн азаматтар,
тергеу изоляторының әкiмшiлiгiнiң жеке қабылдауына өтiнiш әкеледi немесе
оны пошта арқылы жiбередi.
13. сезiктiлер мен айыпталушылардың газеттерге және
журналдарға жазылуын жүргiзу
131. Айыпталушыларға Қазақстан Республикасының байланыс бөлiмшелерi
арқылы таратылатын газеттер мен журналдарға жазылуға құқық берiледi.
132. Жазылу үшiн айыпталушы тергеу изоляторы бастығының атына өтiнiш
жазады. Жазылуға ниет бiлдiрген адамға, оның өз есебiнен абонемент және
тасымалдау карточкасының бланктерi берiледi.
133. Жазылуды тергеу изоляторының қызметкерi оның жеке есеп шотындағы
қаржыдан оның өз есебiнен байланыс бөлiмшесiнде жүргiзедi.
134. Жазылуды басқа мекен-жайға ауыстыру жазылушының жазбаша өтiнiшi
бойынша, тергеу изоляторы әкiмшiлiгiнiң рұқсатымен оның өз есебiнен жүзеге
асырылады.
135. Айыпталушының басылымдарға жазылуын оның туыстары немесе басқа
адамдар да жүзеге асыруына болады.
136. Жазылуға болатын басылымдардың саны шектелмейдi.
14. Сезiктiлер мен айыпталушыларды медициналық-санитарлық
қамсыздандыру
137. Сезiктiлер мен айыпталушылар тергеу изоляторына келiп түскен кезде үш күн iшiнде: хирург, терапевт, фтизиатор, психиатор, дермато-венеролог дәрiгерлердiң мiндеттi медициналық тексеруiнен, сондай-ақ флюорографиялық және лабораториялық тексерулерден өтедi. Медициналық тексеруден өтпегендер басқа сезiктiлер мен айыпталушылардан бөлек ұсталады.
Медициналық тексерудiң нәтижесi күзет қамауындағы адамның медициналық-амбулаториялық картасында белгiленедi.
138. Сезiктiлер мен айыпталушылар тергеу изоляторының медицина қызметкерi күнделiктi камераларды аралаған кезде одан медициналық көмек сұрап өтiнiш жасайды, ал кенеттен қысылып ауырған жағдайда тергеу изоляторы қызметкерiнiң қайсысына болса да өтiнiш жасайды.
Күзет қамауындағы адам өтiнiш жасаған қызметкер оған медициналық көмек көрсету үшiн шара қолдануға мiндеттi.
139. Сезiктiлер мен айыпталушыларға амбулаториялық көмек камераларда, басқа бөлмелерде, сондай-ақ тергеу изоляторының медициналық бөлiмiнiң мамандандырылған кабинеттерiнде көрсетiледi. Дәрi-дәрмектер дәрiгердiң белгiлеген мөлшерiнде әркiмге қолхат арқылы бөлiнедi. Мөлшерден артық дәрi-дәрмектер тек ерекше жағдайларда берiледi.
140. Тергеу изоляторының медицина бөлiмдерiнiң жанынан стационарлық бөлiмшелер ұйымдастырылады. Сезiктiлер мен айыпталушыларға тергеу изоляторында жедел немесе арнайы медициналық көмек көрсету мүмкiн болмағанда, олар стационарлық емдеу үшiн белгiленген тәртiппен Қазақстан Республикасы азаматтардың денсаулығын сақтау саласында жетекшiлiк ететiн уәкiлеттi орталық атқарушы органның медициналық мекемесiне немесе Қазақстан Республикасы Iшкiiсминiнiң жақын жердегi мамандандырылған медициналық түзеу мекемесiне орналастырылады. <*>
Ескерту: 140-тармақ өзгертілді - ҚР Ішкі істер министрінің
2001 жылғы 29 қазандағы N 769 бұйрығымен. V011700_
141. Сезiктiлер мен айыпталушылар жарақат алған жағдайда оның өтiнiшi бойынша және әкiмшiлiктiң ынтасымен (бiр тәулiктен кешiктiрiлмей) оған тергеу изоляторының медицина қызметкерi медициналық куәландыру жүргiзедi. Медициналық куәландырудың нәтижесi күзет қамауындағы адамның медициналық-амбулаторлық картасында белгiленедi және жәбiрленушiге хабарланады. Қажет болған жағдайда медициналық жәрдем көрсетiледi.
142. Күзет қамауындағы адам жарақат алған жағдайда Заңның 23 бабына сәйкес медициналық куәландыруды Қазақстан Республикасының азаматтардың денсаулығын сақтау саласында жетекшiлiк ететiн уәкiлеттi орталық атқарушы органның медициналық мекемесiнiң қызметкерi мынандай жағдайларда жүргiзуi мүмкiн:
1) тергеу изоляторы бастығының шешiмi бойынша;
2) қадағалаушы прокурордың нұсқауы бойынша;
3) өндiрiсiнде қылмыстық iс бар адамның немесе органның шешiмi бойынша;
4) жарақат алған күзет қамауындағы адамның мәлiмдемесi бойынша;
5) жарақат алған күзет қамауындағы адамның қорғаушысының мәлiмдемесi бойынша. <*>
Ескерту: 142-тармақ өзгертілді - ҚР Ішкі істер министрінің
2001 жылғы 29 қазандағы N 769 бұйрығымен. V011700_
143. Қазақстан Республикасы азаматтардың денсаулығын сақтау саласында жетекшiлiк ететiн уәкiлеттi орталық атқарушы органның медицина мекемесi қызметкерлерi медициналық куәландыру жүргiзулерi үшiн жарақат алған адам немесе оның қорғаушысы тергеу изоляторы бастығының атына өтiнiш бередi. Өтiнiш бiр тәулiктiң iшiнде қаралуға тиiс. Күзет қамауындағы адамның немесе оның қорғаушысының мәлiмдемесi бойынша Қазақстан Республикасы азаматтардың денсаулығын сақтау саласында жетекшiлiк ететiн уәкiлеттi орталық атқарушы органның медицина мекемесiнiң қызметкерлерi жүргiзген медициналық куәландыруы күзет қамауындағы адамның жеке есеп шотындағы бар қаржыдан төленедi. Мұндай куәландыру жүргiзуден бас тартылған жағдайда қадағалаушы прокурорға шағым беруге болады. <*>
Ескерту: 143-тармақ өзгертілді - ҚР Ішкі істер министрінің
2001 жылғы 29 қазандағы N 769 бұйрығымен. V011700_
15. Сезiктiлер мен айыпталушылардың күнделiктi
серуендеулерiн ұйымдастыру
144. Сезiктiлер мен айыпталушылардың күнделiктi серуендеудi пайдалану уақыты бiр сағаттан, ал кәмелетке толмағандардiкi екi сағаттан кем болмауы тиiс. Серуеннiң уақыты тергеу изоляторының бастығы iшкi тәртiптi, ауа райын, мекеменiң адамдармен толығуын және басқа жағдайларды ескере отырып тағайындайды. Жүктi әйелдердің және қолында үш жасқа дейiнгi баласы бар әйелдердiң серуенi үш сағатқа дейiн ұзартылады.
145. Сезiктiлер мен айыпталушыларға серуендеу уақыты тәулiктiң жарығы басымырақ кезiнде берiледi. Әр камерада ұсталушыларды серуенге шығару уақыты жылжымалы кестемен белгiленедi.
146. Серуен арнайы серуен ауласында жүргiзiледi. Серуен ауласы орындықтармен және жаңбырдан қорғайтын шатырмен жабдықталады. Серуен кезiнде кәмелетке толмағандарға денешынықтыру жаттығуларына және спорттық ойындарға мүмкiншiлiк берiледi. Балалы әйелдерге арналған аулалар көгалдандырылады және құмсалғышпен жабдықталады.
147. Сезiктiлер мен айыпталушылар серуендi мезгiлiнен бұрын тоқтату үшiн серуенге жауапты адамға өтiнiш жасауына болады, ол тергеу изоляторының бастығына немесе оның орынбасарына баяндалады. Аталған лауазымды адам өтiнiштiң мәнi бойынша шешiм қабылдайды.
16. Сезiктiлер мен айыпталушылардың қорғаушыларымен,
туыстарымен және басқа адамдармен кездесуiн өткiзу
148. Сезiктiлер мен айыпталушыларға туыстарымен және басқа адамдармен кездесу өндiрiсiнде қылмыстық iс бар адамның немесе органның жазбаша рұқсаты негiзiнде берiледi. Рұқсат бiр рет кездесуге ғана жарамды.
Кездесуге берiлген жазбаша рұқсатта ол кiмге және қандай адамдармен кездесуге берiлгенi көрсетiлуi тиiс. Күзет қамауындағы адаммен кездесуге бiр мезгiлде екi ересек адамға ғана рұқсат берiледi.
149. Өндiрiсiнде қылмыстық iс бар адамның немесе органның жазбаша рұқсаты негiзiнде, сондай-ақ жеке басты куәландыратын құжаттар негiзiнде тергеу изоляторының бастығы немесе оның орынбасары кездесуге рұқсат етiп, жазбаша нұсқау бередi және кездесу уақытын жалпы кезекке байланысты белгiлейдi, содан кейiн кездесу өткiзудi ұйымдастыру үшiн кезекшi көмекшiге әмiр бередi.
150. Кездесу жалпы кезек тәртiбiмен берiледi. Кездесудi бастар алдында оған келген адамдарға кездесу кезiндегi тәртiп сақтау ережелерi хабарланады және белгiленген тәртiп бұзылған жағдайда кездесудiң тоқтатылатыны жайлы ескерту жасалады.
151. Кездесуге оның жеке басын анықтайтын құжатсыз немесе мас күйiнде келген, сондай-ақ рұқсат қағазында көрсетiлмеген адамдарға рұқсат берiлмейдi. Кездесуге рұқсат берiлмеу себебi кездесуге келген адамға жарияланады.
152. Сезiктiлер мен айыпталушылардың туыстарымен және басқа адамдармен кездесуi тергеу изоляторы қызметкерiнiң бақылауымен осы мақсатқа арнайы жабдықталған, қандай да бiр құрал бергiзбейтiн, екi адам арасын бөлiп тұратын, бiрақ көзбе көз жүздесуге тосқауыл болмайтын қабырға арқылы жүргiзiледi.
Сезiктiлер мен айыпталушылардың кездесуге келгендермен тiл қатысуы бетпе-бет немесе сөйлесу құралдары арқылы iске асырылады және оны тергеу изоляторы қызметкерiнiң тыңдап отыруы мүмкiн.
153. Күзет қамауындағы адамның қорғаушысымен кездесуi жұмыс уақытында, оңаша өткiзiледi және олардың арасында бөлгiш қабырға болмайды, кездесудiң саны мен ұзақтығына шек қойылмайды. Кездесу тергеу изоляторы қызметкерiнiң күзет қамауындағы адамның және қорғаушының бет жүзiн көре алатындай, бiрақ сөздерi естiлмейтiндей жағдайда жүргiзiледi.
154. Iске қорғаушы есебiнде қатысатын басқа адамның күзет қамауындағы адаммен кездесуiне қылмыстық процестi жүргiзушi жеке адамдар мен органдарға қылмыстық-iс жүргiзу заңдылықтарының нормаларына сай қылмыстық iске қатысуға рұқсат берiлген құжаты, сондай-ақ жеке басын куәландыратын құжаты бар болса ғана рұқсат берiледi.
155. Iске қорғаушы есебiнде қатысатын адвокатқа - ол заң кеңесiнiң ордерiн көрсеткенде; кәсiптiк одақ немесе басқа қоғамдық ұйымның қорғаушы болып табылатын өкiлiне - қоғамдық бiрлестiктiң тиiстi шешiмiн көрсеткенде; iске қорғаушы ретiнде қатысатын басқа адамдарға - сот анықтамасын, соттың, тергеушiнiң немесе анықтаушының қаулысын көрсеткенде күзет қамауындағы адаммен кездесуiне рұқсат берiледi.
156. сезiктiлер мен айыпталушылармен кездесуге рұқсат алған адамдарға тергеу изоляторы бастығының немесе оның орнындағы адамның рұқсатынсыз тергеу изоляторына техникалық байланыс құралдарын, компьютерлердi, киноға, суретке түсiретiн, дыбыс және бейнелеу және көбейткiш аппаратураларын алып кiруге және оларды кездесу кезiнде пайдалануға тыйым салынады.
157. Кездесудi мезгiлiнен бұрын тоқтатуға төмендегiдей жәйттер негiз болады:
1) кездесуге келген адамдар кездесудi өткiзуге жауапты тергеу изоляторы қызметкерiнiң заңды талаптарын орындамаса;
2) күзет қамауындағы адамға қандай да бiр құралдар, заттар, тамақ өнiмдерiн бермекшi болса немесе одан алмақшы болса;
3) қылмыстық iс бойынша ақиқатты ашуға кедергi болатын, қылмыс жасауға немесе басқа да құқық бұзушылыққа септiгiн тигiзетiн мәлiметтер бермекшi болса;
4) кездесуге келген адамдар өзара байланыс үшiн шартты дабылдарды, шифр немесе мәлiмет берудiң басқа құйтұрқы әдiстерiн пайдаланса.
158. Кездесу дереу тоқтатылған жағдайда оны өткiзуге жауапты тергеу изоляторының қызметкерi тергеу изоляторы бастығына кездесудi тоқтатудың себептерiн атап көрсетiп, жазбаша түрде баяндайды.
159. Сезiктiлер мен айыпталушылармен кездесу қысқа мерзімге тоқтатылғанда (карантинге байланысты, ерекше жағдай кестесiн енгiзгенде және басқа жағдайда) тергеу изоляторының бастығы бұл туралы тергеу изоляторында заңның сақталуын қадағалайтын прокурорға, тиiстi сот және тергеу органдарына хабарлайды, келген адамдар үшiн қабылдау бөлмесiне хабарлама iлiнедi.
17. Сезiктiлер мен айыпталушылардың тергеу әрекеттерiне және
сот отырыстарына қатысуларын қамтамасыз ету
160. Тергеу изоляторы әкiмшiлiгi қылмыстық iс жүргiзушi соттардың, прокурорлардың, тергеушiлердiң, анықтаушылардың жұмыс уақытында тергеу изоляторына кедергiсiз кiрулерiн және тергеу iстерiн жүргiзу үшiн күзет қамауындағы адамдарды шақырту бойынша жеткiзiп отыруды қамтамасыз етедi.
161. Сезiктiлер мен айыпталушыларды шақыртып алу құқығы осы қылмыстық iстiң жүргiзiлуiн қадағалаушы прокурорға, оданда жоғары лауазымды прокурорға, осы iстiң жүргiзiлуiне және анықталуына жетекшiлiк етушi лауазымды адамдарға жiберiледi.
162. Кезекшi ауысымның кезекшiлiктi қабылдап-тапсыру кезеңiнде (бiр сағаттан аспау керек), iшкi тәртiп кестесiне сәйкес тамақ iшетiн уақытта (таңертеңгi, түскi, кешкi ас), сондай-ақ түнгi мезгiлде (кешкi сағат 22-ден келесi күнгi таңғы сағат 6-ға дейiн), Қазақстан Республикасы Қылмыстық-iс жүргiзу кодексiнде Z970208_ қаралғандағыдан басқа жағдайда күзет қамауындағы адамдарды кездесу үшiн және шақырту бойынша камерадан шығаруға тыйым салынады. Аталған мерзiмдерде шақырту бойынша шыққан күзет қамауындағы адамдар камераларға қайтуы керек.
163. Тергеушiнiң, анықтама жүргiзушiнiң, прокурордың немесе соттың (судьяның) нұсқауы бойынша тергеу изоляторы аумағында тергеу жүргiзу, амбулаторлық соттық-психиатрлық және басқа да сараптама жасау үшiн оның әкiмшiлiгi төмендегiдей жәйттерге мiндеттi:
1) жабдықталған бөлме беруге;
2) күзет қамауындағы адамды алып келуге және оның күзетiн қамтамасыз етуге;
3) тергеу iсiне қатысу үшiн тартылған басқа адамдардың тергеу изоляторына кiрулерiне рұқсат берудi қамтамасыз етуге;
4) күзет қамауындағы адамның мекеменiң қоймасында сақталуда жатқан немесе оның пайдаланып жүрген мүлкiн тiнтуге, оған арест салуға.
164. Сезiктiлер мен айыпталушылар тергеу изоляторы әкiмшiлiгiнен қолда сақтау үшiн мына құжаттарды қолхат арқылы алады: айыптау қорытындысының көшiрмесi; тергеушiнi, қорғаушыны, сотты ауыстыру туралы хабарлама; Қазақстан Республикасы Қылмыстық кодексiнiң басқа бабы бойынша қылмыстық iс қозғау туралы қаулы; үкiмнiң немесе сот ұйғарымының көшiрмесi.
165. Iстi кассациялық инстанциялардың қарайтыны туралы хабарлама; күзетте ұстаудың мерзiмiн ұзарту туралы хабарлама; бiр органнан екiншi органға ауыстырылғаны туралы хабарлама сезiктiлер мен айыпталушыларға хабарланғанда қолхат алынып, ол жеке iске тiркеледi.
166. Сезiктiлер мен айыпталушылар тергеу iсiне немесе сот отырысына қатысу үшiн тергеу изоляторының аумағынан сырт жерге жiберiлерде ыстық тамақ алуға тиiстi. Олар жыл мезгiлiне сай киiнiп, сыртқы бейнесi ұқыпты болуы керек. Қажет болған жағдайда аталған адамдар құрғақ тамақпен қамтамасыз етiледi.
18. Тергеу изоляторында ұсталатын адамдарға
көтермелеу және жазалау шараларын қолдану тәртібі
167. Көтермелеу және жазалау шаралары қамауға алынған, тергеу изоляторында ұсталатын барлық адамдарға қылмыстың жасалуына сезіктілер мен айыпталушыларды қамауда ұстаудың тәртібі және шарттары туралы Заңда көзделген тәртіпте қолданылады. Көтермелеу шаралары ретінде:
1) бұрын қолданылған шараны мерзімінен бұрын алып тастау;
2) кәмелетке толмаған сезіктілер мен айыпталушыларға спорт сабақтарына арналған жайларға қосымша баруға, сондай-ақ уақытын пайдаланудың басқа да нысандарына рұқсат беру қолданылуы мүмкін.
168. Карцерге қамау түріндегі шара тергеу изоляторы бастығының дәлелді қаулысы (N 12 қосымша) бойынша қолданылады. Жазалауды қолдану туралы бұйрықтар, қаулылар жазаланушыға қолхатын алу арқылы жарияланады. Бұйрықтың көшірмесі немесе одан үзінді, қаулы тексеру материалдарымен бірге сол адамның жеке ісіне қосылады.
Ауызша жарияланғандардан басқа барлық көтермелеудер мен жазалауларды корпус бойынша аға қызметкер камералық карточкаларға енгізеді және тәрбие бөлімі жүргізетін қамауға алынған адамдарды жазалаулар мен көтермелеулерді есепке алу кітабында (N 13 қосымша) есепке алады. Сонымен қатар, кезекші карцерге қамалған адамдардың есебін карцерге қамалған адамдарды есепке алу кітабында жүргізеді.
169. Карцерге қамау арқылы жазаланғандарға мұқият тінту жүргізіледі және олар карцерлерге бекітілген киімдерді киеді.
Карцерге қамалған адамның тергеушіге немесе сотқа шақырылуы, сондай-ақ тергеу изоляторынан уақытша кетуі оны қолданылған жазаны әрі қарай өтеуден босатпайды. Бұл жағдайда тергеу изоляторында ұзақтығы бір тәуліктен астам болмаған уақыты карцерде ұсталу мерзіміне есептелмейді.
Карцерге қамалған адамды санитарлық өңдеу ол шараны өтегеннен кейін, ал дәрігердің (фельдшердің) нұсқауы бойынша оның карцерде ұсталу кезеңінде де жүргізіледі. Дәрігердің (фельдшердің) сырқаттанғанды карцерден мерзімінен бұрын босату қажеттілігі туралы нұсқауы дереу орындауға жатады.
Карцерлер сипаттамаға (N 14 қосымша) сәйкес жабдықталады.
19. сезiктiлер мен айыпталушыларды тергеу изоляторы
бастығының немесе оның уәкiлiнiң жеке қабылдауы.
170. Сезiктiлер мен айыпталушыларды тергеу изоляторының бастығы немесе оның уәкiлi демалыс және мереке күндерiнен басқа уақытта күн сайын жұмыс уақытында жеке қабылдайды.
171. Сезiктiлер мен айыпталушыларды тергеу изоляторы бастығынан басқа оның орынбасарлары және кесте бойынша бөлiм бастықтары да жеке қабылдайды, бұл туралы сезiктiлер мен айыпталушыларға хабарланады, қажет болғанда аталған лауазымды адамдар сезiктiлер мен айыпталушыларды қосымша кестеден тыс уақытта да қабылдайды.
172. Сезiктiлер мен айыпталушыларды жеке қабылдауға жазуды тергеу изоляторы қызметкерлерi күн сайын камераларды аралаған кезде жүзеге асырады. Қабылдау туралы тергеу изоляторы бастығының атына жазбаша өтiнiш берiледi немесе ауызша айтылады және берген уақытына қарай кезек тәртiбiмен жеке қабылдау журналына тiркеледi, күзет қамауындағы адамның қандай лауазым иесiнiң қабылдауында болғысы келетiнi атап көрсетiледi.
173. Қабылдау өтiнiш беруiне және жеке қабылдау журналындағы реттiк номерiне қарай кезек тәртiбiмен жүргiзiледi. Қабылдау аяқталған соң журналда оның нәтижесi жазылып қойылады, ал, жеке қабылдауды сұраған өтiнiшiнде ол туралы белгi қойылады. Өтiнiш күзет қамауындағы адамның жеке iсiне тiгiледi.
174. Тергеу изоляторының бастығы, оның орынбасарлары немесе бөлiм бастықтары сезiктiлер мен айыпталушылардың туыстарын немесе басқа адамдарды жеке қабылдауды келушiлер бөлмесiнде iлiнiп тұратын кесте бойынша тергеу изоляторының қабылдау бөлмесiнде жүзеге асырады. Азаматтардың жеке қабылдауға жазылуы да осы бөлмеде жүргiзiледi. Аталған лауазымды қызметкерлер қажет болған жағдайда азаматтарды олардың өтiнiштерi бойынша белгiленген кестеден тыс уақытта да қабылдайды.
175. Сезiктiлер мен айыпталушылардың туыстарын және басқа адамдарды жеке қабылдаудың нәтижелерi арнайы журналда белгiленедi.
20. Тергеу изоляторында өлген адамдар
денелерiнiң берiлуi
176. Тергеу изоляторының әкімшілігі күзет қамауындағы адамның өлімі туралы оның жеке ісінде көрсетілген туыстарына, осы факт бойынша тексеру жүргізетін прокурорға, сондай-ақ өндірісінде қылмыстық іс бар адамға немесе органға дереу хабарлайды.
Егер өлген адамның туыстары тергеу изоляторы орналасқан қалада тұрмаса хабар телеграф арқылы жіберіледі.
Шетел азаматтарының өлімі туралы Қазақстан Республикасының Бас прокуратурасына, Сыртқы істер министрлігіне, Ішкі істер министрлігіне және Ұлттық қауіпсіздік комитетіне дереу хабарланады. Сонымен қатар бас бостандығынан айыру орындарында заңның қолданылуын қадағалайтын прокурорға, сондай-ақ өлген адам азаматы болып саналатын мемлекеттің еншілігіне немесе өкілдігіне жазбаша түрде хабарланады.
177. Күзет қамауында өлген адамның денесі алуды талап еткенге дейін, бірақ жеті тәуліктен асырылмай немесе өкілетті органның өлім фактісі бойынша тексеруді аяқтағанға дейін денсаулық сақтау органының жақын жердегі емдеу мекемесіндегі мәйітханаға тапсырылады. Өлген адамның денесін алуға оның туыстарының айрықша құқығы бар. Олар болмағанда немесе денені алудан бас тартса, ол дене беруді талап еткен адамға беріледі.
178. Өлген адамның денесі беруді талап еткен адамның жазбаша өтініші бойынша өндірісінде қылмыстық іс бар адамның немесе органның рұқсатымен беріледі. Өлген адамның денесін алу үшін төлқұжатын немесе жеке басын куәландыратын құжатын көрсетуі керек.
179. Өлген адамның туыстарына немесе басқа адамдарға өлгені туралы куәлік алу үшін қайда бару керектігі түсіндіріледі. Жерлеу жабдықтарымен өлген адамның денесін беруді талап еткен адам қамтамасыз етеді. Жерлеу оның есебінен жүзеге асырылады.
180. Егерде өлген адамның туыстары немесе басқа адамдар денені алуға уақытында келе алмаса, олар бұл туралы хабарлауға тиіс және денені белгіленген уақыттан артық сақтау төлемақысын төлеуге тиіс.
181. Күзет қамауындағы өлген адамның денесі белгіленген мерзімде талап етілмесе мемлекет есебінен жерлеуге беріледі.
21. Сезiктiлер мен айыпталушыларды және айыпталушыларды
күзетте ұстаудан босату
182. Соттың тиісті шешімі немесе тергеушінің, анықтау органының, прокурордың қаулысы бойынша сезіктілерді немесе айыпталушыларды күзетте ұстаудан босатуды тергеу изоляторының бастығы жүзеге асырады.
183. Тергеу изоляторының бастығы күзет қамауындағы адамды қамау мерзімі өтуіне дейін 24 сағаттан кешіктірмей тәртіп бойынша өндірісінде қылмыстық іс бар органды немесе адамды, сондай-ақ прокурорды жазбаша түрде хабардар етеді.
184. Егер бұлтартпау шаралары ретінде қамауға алудың заңмен белгіленген уақыты өтуі бойынша күзет қамауындағы адамды босату туралы шешім, немесе бұлтартпау шарасы ретінде қамауға алу мерзімін ұзарту туралы немесе бұл шешім туралы хабарлама келіп түспесе, тергеу изоляторының бастығы оны өзінің қаулысымен босатады.
185. Босату соттың тиісті шешімін, тергеушінің, анықтау органының немесе прокурордың қаулысын алғаннан кейін келесі күннің бірінші жартысында немесе күзет қамауында ұстау мерзімі өтіп кетуіне байланысты прокурордың, өндірісінде қылмыстық іс бар органның немесе адамның хабарламасы елеусіз қалғанда жүргізіледі.
186. Күзет қамауындағы адамды нақты босатуға дейін тұтқынға ұстау мерзімін ұзарту туралы хабар түскен жағдайда тергеу изоляторының бастығы өзінің қаулысын бұзады және бұл туралы прокурорды хабарландырады.
187. Күзет қамауындағы адам тұтқыннан босағанда оған жеке құжаттары, заттары, жеке есеп шотында сақтаулы ақшалары, сондай-ақ оның тұтқындалу мерзімі және босатылу негіздері көрсетілген анықтама беріледі.
188. Тұтқыннан босаған күзет қамауындағы адамның жеке есеп шотында тұратын мекеніне теміржолмен, автокөлікпен немесе судағы транспортпен жетуіне қажет, жол үстіндегі азығына, киіміне және жыл мерзіміне сай аяқ киіміне жетерлік ақша сомасы болмаса, ол тергеу изоляторы бастығының атына себебін айтып өзін қажеттіліктермен қамтамасыз етуін сұрап, өтініш жазады. Мекеме басшысы тұтқыннан босаған адамға тұратын мекеніне жететін жол ақысының құнына, тамағына, киіміне және жыл мезгіліне сай аяқ киіміне төлеу үшін ақша беру.
Қазақстан Республикасы Ішкіісминінің
қылмыстық-атқару жүйесі Комитеті
Приложение N 1
К Правилам внутреннего распорядка
следственных изоляторов Министерства
внутренних дел Республики Казахстан
<*>
РҚАО-ның ескертуі: N 1 қосымшаның қазақша ресми аудармасы
болмағандықтан орысша мәтінді қараңыз.
Қазақстан Республикасының
Iшкi iстер министрлiгi
тергеу изоляторларының
iшкi тәртiп ережесiне
N 2 қосымша
Сезiктiлер мен айыпталушылардың жүрiп-түру ережелерi
1. Тергеу изоляторларында ұсталушы сезiктiлер мен айыпталушылардың
мiндеттерi:
1) Қазақстан Республикасының Iшкi iстер министрлiгi тергеу
изоляторының iшкi тәртiп Ережелерiмен және заңмен белгiленген күзетте
ұстау тәртiбiн сақтау;
2) тергеу изоляторы әкiмшiлiгiнiң заңды талаптарын орындау;
3) гигиена және санитария талаптарын сақтау;
4) күнделiктi серуенге шығу;
5) өрт қауiпсiздiгi ережелерiн сақтау;
6) тергеу изоляторының мүлiктерiне ұқыпты қарау;
7) кезекшiлiк тәртiппен камераларды және басқа жайларды жинау;
8) тергеу изоляторы қызметкерлерiнiң, сезiктiлер мен
айыпталушылардың,
сондай-ақ басқа да адамдардың намысын қорлайтын әрекеттер жасамау;
9) тергеу изоляторының қызметкерлерiне, сондай-ақ күзетте ұстау
тәртiбiн қамтамасыз етушi басқа адамдардың қызметтiк мiндеттерiн атқаруға
бөгет болмау;
10) өз өмiрiне және басқа адамның денсаулығына қауiп төндiретiн
қасақана әрекеттер жасамау;
11) белгiленген iшкi тәртiптi сақтау;
12) өзара және тергеу изоляторы қызметкерлерiмен сөйлескенде сыпайы
болу;
13) тергеу изоляторының қызметкерiне "Сiз" деп тiл қату және
оларды "азамат" немесе "азаматша" деп және әрi қарай шенiне немесе
лауазымына қарай "азамат бастық" деп атау;
14) камераға тергеу изоляторының қызметкерi кiргенде олардың әмiрiмен
орнынан тұру және көрсетiлген орында тiзiлiп тұру;
15) сырт пiшiнiн ұқыпты ұстау;
16) айдауылмен жүргенде немесе тергеу изоляторының қызметкерлерiне
iлесiп жүргенде қолдарын артына ұстау;
17) тергеу изоляторы қызметкерлерiнiң, басқа да лауазымды адамдардың
талабы бойынша өзiнiң аты-жөнiн және тегiн айту;
18) тыныштықты сақтау;
19) камерада кезек тәртiбiмен кезекшiлiк атқару.
2. Камера кезекшiсiнiң мiндеттерi:
1) камераға тергеу изоляторының қызметкерi кiргенде камерада отырған
сезiктiлер мен айыпталушылардың саны туралы баяндау;
2) камера инвентарының, жабдықтардың және басқа да мүлiктердiң
сақталуын бақылау;
3) камерада ұсталушы сезiктiлер мен айыпталушылар үшiн ыдыстар алуға
және оны беру;
4) камераның тазалығын бақылау;
5) камераның еденiн сыпыру мен жуу, камераның сантехникалық торабын
тазалау, серуен соңында серуендеу ауласын жинау;
6) ауыз суға арналған ыдысты жуу.
3. Сезiктiлер мен айыпталушыларға тыйым салынатын жағдайлар:
1) сақтауға және пайдалануға тыйым салынған құралдарды, заттарды және тамақ өнiмдерiн сәлемдемелермен және посылкалармен алу, оларды өзiмен бiрге ұстауға;
2) басқа камерадағы сезiктiлер мен айыпталушылармен немесе тергеу изоляторының басқа жайларындағы адамдармен сөйлесуге, қандайда бiр заттарды беруге, олармен хат алысуға немесе тықылмен белгi бiлдiруге;
3) сөйлесудiң белгiленген тәртiбiн бұзуға, еркiндiкте жүрген немесе бас бостандығынан айыру орнында жазасын өтеп кеткен адамдарға қандайда бiр заттар беруге және олармен хат алысуға;
4) әкiмшiлiктiң рұқсатынсыз камерадан және басқа режимдi корпустан шығуға;
5) тергеу изоляторы объектiлерiнiң күзет желiсiн бұзуға;
6) алкогольдi iшiмдiктер дайындауға және iшуге, есiрткi және психотроптық заттарды пайдалануға;
7) материалдық және басқа табыс табу мақсатымен стол ойындарын ойнауға;
8) өздерiне немесе басқа адамдарға татуировка қондыруға;
9) әкiмшiлiктiң рұқсатынсыз жатақ орнын ауыстыруға және бүркемелеуге;
10) қолдан жасалған электр құралдарын пайдалануға;
11) әкiмшiлiктiң рұқсатынсыз электр құралдарын пайдалануға;
12) камерада от жағуға;
13) жануарлар ұстауға;
14) әкiмшiлiктiң рұқсатынсыз сантехника, жарықбергiш және басқа құралдарды жөндеуге немесе камера жарығын өзгертуге;
15) камерадағы сантехникалық тораптарды бiтеп тастауға;
16) камераның қабырғасынан тергеу изоляторында отырған күзет
қамауындағы адамдардың негiзгi құқықтары және мiндеттерi туралы
хабарламаны алып тастауға;
17) қабырғаларды, камера инвентарларын қағазбен, суреттермен,
фотосуреттермен, газет және журнал қиындыларымен желiмдеуге, оларға
жазулар жазуға немесе суреттер салуға;
18) айқайлауға немесе басқа тәсiлмен тыныштықты бұзуға;
19) тергеу изоляторының аумағындағы қозғалыс кезiнде саптан шығуға,
темекi шегуге, сөйлесуге, камера тесiгiнен қарауға, қандай да бір құралды
жоғары көтеруге, дабыл қағу тетігін басуға;
20) терезеден бірдеңе тастауға, терезе алдына шығып тұруға,
желдеткіштен ұмтылуға, есіктің қарағыш тесігіне жабыса тақалуға;
21) жеке пайдаланудағы заттарды сатуға, сыйлауға немесе басқа
тәсілмен беруге.
РҚАО-ның ескертуі: N 3-4 қосымшалардың қазақша ресми аудармасы
болмағандықтан орысша мәтінді қараңыз.
Қазақстан Республикасының
Iшкi iстер министрлiгi тергеу
изоляторларының iшкi тәртiп
ережесiне N 5 қосымша
Сезiктiлер мен айыпталушылардың өзiмен бiрге ұстауына,
сақтауына болатын, сәлемдемемен, посылкамен және ақшасыз
төлем арқылы ала алатын тамақ өнiмдерiнiң, бiрiншi кезекте
қажет заттардың, аяқ киiмдердiң, киiмдердiң және басқа да
өнеркәсiп тауарларының
Тізімі
Сезiктiлер мен айыпталушылардың өзiмен бiрге ұстауына, сақтауына болатын, сәлемдемемен, посылкамен және ақшасыз төлем арқылы ала алатын заттар:
1) жылытуды қажет ететiн, тез бұзылатын тамақ өнiмдерiнен, сондай-ақ ашытқыдан, алкоголь iшiмдiктерiнен және сырадан басқа тамақ өнiмдерi. Тамақ өнiмдерiнiң тiзiмi санитарлық-эпидемиологиялық қызметтiң ескертуi бойынша шектелуi мүмкiн. Күзет қамауындағы адамның өзiмен бiрге ұстауына болатын тамақ өнiмдерiнiң жалпы салмағы 50 килограмнан аспауы тиiс;
2) темекi бұйымдары, шырпылар;
3) белдiксiз, галстуксiз, тартпасыз киiмдердiң бiр комплектiсi (оның
iшiнде белгiленген үлгiдегi), сондай-ақ бас киiм, жыл мезгiлiне сай аяқ
киiм (темiр табансыз, темiр жапсырмасыз);
4) бiр комплект спорт костюмi немесе әйелдердiң үйге киетiн халаты
(белгiленген үлгiдегi киiм алған сезiктiлер мен айыпталушылардан басқа);
5) iшкi киiм;
6) носкилер;
7) шұлықтар немесе колготкалар (әйелдер үшiн);
8) перчаткалар немесе қолғаптар;
9) қалта орамал;
10) үйге киетiн аяқкиiмдер немесе спорттық аяқ киiмдер (бiр жұп);
11) жуыну құралдары (шаруашылық сабыны, бет сабыны, сұйық сабын
немесе шампунь (тергеу изоляторы дәрiгерiнiң тағайындауымен), тiс пастасы,
тiс щеткасы, сабынға және тiс щеткасына арналған пластмасса қораптар,
крем, тарақ, тарауыш);
12) қалта айнасы (камерада айна болмаған жағдайда), электрлi немесе
механикалы ұстара, бiр-ақ рет пайдаланылатын қауiпсiз ұстара);
13) заттарға арналған қап немесе сумка;
14) көзәйнек және көзәйнекке арналған платмасса қорап;
15) орамал, рейтуздер, белдiктер, бюсгалтерьлер, дәке, шаш
түйрегiштер, мақта, гигиеналық және косметикалық заттар, пластмасса
бигудилер (әйелдер үшiн);
16) балдақтар, ағаш таяқтар, протездер (дәрiгердiң рұқсатымен);
17) зауытта жасалған тұрмыстық электр қайнатқыш;
18) жөке немесе су сорғыш;
19) шариктi қалам, оның стерженi (қара, сия түстi, көк түстi), жай
карандаш;
20) хат жазатын қағаз, оқушы дәптерлерi, пошта конвертi, открыткалар,
пошта маркалары;
21) тергеу изоляторының дүкенiнен (ларегiнен) сатып алынған дәретхана
қағаздары.
22) мойынға асынатын немесе қалтаға салып жүретiн дiнге табыну
заттары;
23) бiр комплект төсек жабдықтары (екi жайма және жастық тысы),
орамал;
24) тергеу изоляторының кiтапханасынан немесе әкiмшiлiк арқылы сауда нүктелерiнен сатып алынған көркем және басқа да әдебиеттер, сондай-ақ мерзiмдi басылымдар;
25) фотосуреттер - екiден аспауы керек;
26) стол ойындары (дойбылар, шахматтар, домино, нардалар);
27) бала күтуге арналған заттар (дәрiгердiң рұқсатымен қолында үш жасқа дейiнгi баласы бар әйелдерге);
28) тергеу изоляторының дәрiгерi тағайындаған дәрi-дәрмектер.
Сезiктiлер мен айыпталушыларға жоғарыда аталғандардан басқа қылмыстық iске немесе олардың құқықтары мен заңды қызығушылықтарына байланысты мәселелерге қатысы бар құжаттарды және қолжазбаларды, сондай-ақ пошталық тасымалдау бланкiлерiн, сақтауға тапсырылған ақшаның квитанцияларын, бағалы заттарды, құжаттарды және басқа заттарды өзiмен бiрге ұстауға және сақтауға рұқсат етiледi.
Осы тiзiмде көрсетiлмеген заттар және құралдар тыйым салынған заттар болып табылады.
РҚАО-ның ескертуі: N 6-14 қосымшалардың қазақша ресми аудармасы
болмағандықтан орысша мәтінді қараңыз.
Қазақстан Республикасының
Iшкi iстер министрлiгi
тергеу изоляторларының iшкi
тәртiп ережесiне
N 15 қосымша
Қосымша ақылы қызмет көрсетудiң тәртiбi және олардың тiзiмi
1. Тергеу изоляторының әкiмшiлiгi заңның 25-бабына сәйкес тиiстi жағдай болғанда сезiктiлер мен айыпталушыларды мынандай қосымша ақылы тұрмыстық, медициналық, сауықтыру және басқа да қызмет түрлерiмен қамтамасыз етедi:
1) емдеудiң жеке түрлерiмен;
2) денсаулық сақтау органдарының маман-дәрiгерлерiнiң кеңесiмен;
3) киiмдi және iш киiмдi жөндеу және жуумен;
4) аяқ киiм жөндеумен;
5) шашты сәнмен алу, шашты сәндеумен, қырынумен;
6) тергеу изоляторының жеке құрамы үшiн асханадан тамақ жеткiзумен;
7) электр қайнатқышты, электр ұстарасын, электр желдеткiштi, тоңазытқышты, радиоқабылдағышты және теледидарды уақытша пайдаланумен;
8) заңгерлiк кеңеспен;
9) мекемеде ұсталушы адамның жеке iсiндегi құжаттардың көшiрмесiн алумен;
10) тамақ өнiмдерiн және өндiрiс тауарларын берудi рәсiмдеу бланкiлерiн сатумен;
11) тұрмыстық жағдайы жақсартылған камералар берумен;
2. Тергеу изоляторының қызметкерлерiне және тиiстi дайындығы мен лицензиялары бар осы мақсатқа тартылған мамандарға көрсетiлетiн қосымша ақылы қызмет сезiктiлер мен айыпталушыларға да көрсетiлуi мүмкiн.
3. Қосымша ақылы қызмет көрсетiлуi үшiн күзет қамауындағы адам тергеу изоляторы бастығының атына оның жеке есеп шотынан ақылы көмек көрсету үшiн ақша бөлуiн сұрап өтiнiш жазады. Тергеу изоляторының жауапты қызметкерi күзет қамауындағы адамның жеке есеп шотында ақшаның бар екенiн және тиiстi сомасын тексерiп, өтiнiшке белгi жасайды, бұдан кейiн тергеу изоляторының бастығы өтiнiштiң мәнi бойынша шешiм қабылдайды.
4. Қызмет ақысын төлеу жергiлiктi жерде қолданылатын бағамен белгiленген тәртiппен жүргiзiледi.
16-қосымша
<*>
Ескерту: 16-қосымшамен толықтырылды - ҚР Ішкі істер министрінің
2001 жылғы 29 қазандағы N 769 бұйрығымен. V011700_
Жалпы камералардың сипаттамасы
Сезiктiлер мен айыпталушылар ұсталатын камералар құрылымының сыртқы қоршаған ортадан және аралас үй-жайлардан сенiмдi оқшаулануы қамтамасыз етiлуi тиiс. Камералардың жоспарлы нысаны оларды есiктегi "көзшеден" шолудың ыңғайлы болуын қамтамасыз етуi керек.
Камераларда көлемi 90х200 сантиметр (бұдан әрi - см.) қосарлы есiктердiң болуы ескерiлуi тиiс. Еденнен 95 сантиметр биiктiк деңгейде тамақ таратуға арналған 18х22 см. терезе орнатылады. Жалпы камераларды габаритi 1,88х0,65 метр екi қатарлы төсектермен, үстелдiң енi және ағаш орындықтардың ұзындығы әр адамға 0,4 метрден келетiн етiп, киiм iлу үшiн жасалған орынға ұзынынан бiр метрге 5 орыннан келетiн етiп жабдықтау қажет. Бұл орындарды еденнен төбеге дейiн жасап, 0,7 метр деңгейiнде және 2,3 метр тақтайдан жасалған, металл рамкада бекiтiлген екi сөремен бөлiнуi тиiс. Камералардағы барлық құралдар еденге бекiтiлуi керек.
Әр камерада қол жуғыштан және дәреталғыштан тұратын санитарлық желi
(су ағызғыш ыдысы жоқ) жабдықталады. Су ағызғыш ыдыстардың орнатылуы
мүмкiн, бiрақ оны монтаждау дәлiзде (мүмкiндiгi бойынша киiм iлу үшiн
жасалған орында) орындалады, ал суды ағызып жiберетiн құралдар кнопкалы
қондырғы түрiнде камераға шығарылады. Санитарлық желi шымылдық қоршаумен
бөлiнедi.
Терезенiң iшкi жағынан қабырғадан 25-30 см. дөңесi бар, терезе
ойығына жетудi шектейтiн темiр тор орнатылады. Барлық камераларда
сырланған тақтай едендер салынады.
Оқығандар:
Омарбекова А.Т.
Орынбекова Д.Қ.