"Қазақстан Республикасының ішкі нарығына сұйытылған мұнай газын беру жоспарын қалыптастыру қағидаларын бекіту туралы" Қазақстан Республикасы Энергетика министрінің 2014 жылғы 22 қазандағы № 68 бұйрығына өзгерістер мен толықтырулар енгізу туралы

      БҰЙЫРАМЫН:

      1. "Қазақстан Республикасының ішкі нарығына сұйытылған мұнай газын беру жоспарын қалыптастыру қағидаларын бекіту туралы" Қазақстан Республикасы Энергетика министрінің 2014 жылғы 22 қазандағы № 68 бұйрығына (Нормативтік құқықтық актілерді мемлекеттік тіркеу тізілімінде № 9890 болып тіркелген) мынадай өзгерістер мен толықтырулар енгізілсін:

      көрсетілген бұйрықпен бекітілген Қазақстан Республикасының ішкі нарығына сұйытылған мұнай газын беру жоспарын қалыптастыру қағидаларында:

      1, 2 және 3-тармақтар жаңа редакцияда жазылсын:

      "1. Осы Қазақстан Республикасының ішкі нарығына сұйытылған мұнай газын беру жоспарын қалыптастыру қағидалары (бұдан әрі – Қағидалар) "Газ және газбен жабдықтау туралы" Қазақстан Республикасының Заңы (бұдан әрі – Заң) 6-бабының 18) тармақшасына және "Мемлекеттік көрсетілетін қызметтер туралы" Қазақстан Республикасының Заңы 10-бабының 1) тармақшасына (бұдан әрі – Мемлекеттік көрсетілетін қызметтер туралы заң) сәйкес әзірленді.

      2. Қағидалар Қазақстан Республикасының ішкі нарығына сұйытылған мұнай газын беру жоспарын (бұдан әрі – өнім беру жоспары) қалыптастыру және "Сұйытылған мұнай газын мұнай-газ-химия өнімдерін өндіру үшін шикізат ретінде пайдаланатын өнеркәсіптік тұтынушылардың тізбесіне енгізу" мемлекеттік қызметін көрсету (бұдан әрі – мемлекеттік көрсетілетін қызмет) тәртібін айқындайды.

      3. Осы Қағидаларда мынадай ұғымдар қолданылады:

      1) вагон-норма – сұйытылған мұнай газының отыз алты тоннаға тең салмағы;

      2) жиынтық өтінім – облыстың, республикалық маңызы бар қаланың, астананың жергілікті атқарушы органының уәкілетті органға осы Қағидаларға 1-қосымшаға сәйкес жүгінуі;

      3) өнеркәсіптік тұтынушы – өнеркәсіптік өндірісте отын және (немесе) шикізат ретінде пайдалану үшін газ сатып алатын заңды тұлға;

      4) өнім беруші – өнім беру жоспарына сәйкес Қазақстан Республикасының ішкі нарығына сұйытылған мұнай газын беру және өткізу міндеті Заңмен жүктелген сұйытылған мұнай газын өндіруші немесе өзіне меншік құқығында немесе өзге де заңды негіздерде тиесілі көмірсутегі шикізатын өңдеу процесінде өндірілген сұйытылған мұнай газының меншік иесі;

      5) өтінім – облыстың, республикалық маңызы бар қаланың, астананың жергілікті атқарушы органына осы Қағидаларға 2-қосымшаға сәйкес нысан бойынша жүгіну;

      6) өтініш – осы Қағидаларға 3-2-қосымшаға сәйкес нысан бойынша уәкілетті органға жүгіну;

      7) Сұйытылған мұнай газын мұнай-газ-химия өнімін өндіру үшін пайдалану мәселелері жөніндегі комиссия (бұдан әрі – Комиссия) – сұйытылған мұнай газын мұнай-газ-химия өнімін өндіру үшін шикізат ретінде пайдаланатын өнеркәсіптік тұтынушылардың тізбесіне енгізуге арналған өтініштерді қарау кезінде ұсынымдар әзірлеу мақсатында көрсетілетін қызметті беруші жанындағы консультативтік-кеңесші орган;

      8) уәкілетті орган – газды өндіруді, тасымалдауды (тасуды), сақтауды және көтерме саудада өткізуді, сондай-ақ тауарлық және сұйытылған мұнай газын бөлшек саудада өткізуді және тұтынуды мемлекеттік реттеуді жүзеге асыратын орталық атқарушы орган.

      Осы Қағидаларда пайдаланылатын өзге де ұғымдар Заңға сәйкес қолданылады.";

      2-тарау жаңа редакцияда жазылсын:

      "2-тарау. "Сұйытылған мұнай газын мұнай-газ-химия өнімдерін өндіру үшін шикізат ретінде пайдаланатын өнеркәсіптік тұтынушылардың тізбесіне енгізу" мемлекеттік қызметін көрсету тәртібі

      1-параграф. Мемлекеттік қызмет көрсету тәртібі.

      7. Мемлекеттік қызметті уәкілетті орган (бұдан әрі – көрсетілетін қызметті беруші) көрсетеді.

      Процестің сипаттамаларын, нысаны мен нәтижесін қамтитын мемлекеттік қызметті көрсетуге қойылатын негізгі талаптардың тізбесі, сондай-ақ мемлекеттік қызметті көрсету ерекшеліктерін ескере отырып, өзге де мәліметтер осы Қағидаларға 3-1-қосымшаға сәйкес мемлекеттік қызметті көрсетуге қойылатын негізгі талаптардың тізбесінде келтірілген.

      8. Осы Қағидаларға 3-2-қосымшаға сәйкес өтініш келіп түскен кезде көрсетілетін қызметті беруші олар келіп түскен күні ұсынылған құжаттардың толықтығын тексереді.

      Өтініш беруші осы Қағидалардың 3-1-қосымшасының 9-тармағында көрсетілген құжаттар мен мәліметтер топтамасын толық ұсынбаған кезде көрсетілетін қызметті беруші өтінішті қабылдаудан бас тартады.

      9. Көрсетілетін қызметті алушы осы Қағидалардың 3-1-қосымшасының 9-тармағында көрсетілген құжаттар мен мәліметтердің толық топтамасын ұсынған кезде көрсетілетін қызметті берушінің жұмыс графигіне сәйкес өтінішті қабылдау және тіркеу жүзеге асырылады.

      Өтінішті қосымшаларымен бірге қабылдағанын растау қоса берілген құжаттармен бірге өтінішті қабылдаған адамның тегін, атын, әкесінің атын (бар болған жағдайда) көрсете отырып, тіркеу (мөртабан, кіріс нөмірі және күні) болып табылады.

      Көрсетілетін қызметті беруші өтініш келіп түскен сәттен бастап 2 (екі) жұмыс күні ішінде осы Қағидалардың 3-1-қосымшасының 9-тармағында көрсетілген құжаттар топтамасын және мәліметтерді ұсынымдар алу үшін Комиссияға жібереді.

      Комиссия мұнай-газ-химия өнімдерін өндіру үшін шикізат ретінде сұйытылған мұнай газын пайдалану мәселелері бойынша уәкілетті органның жанынан құрылады және химия өнеркәсібі саласындағы уәкілетті органның, "Атамекен" Қазақстан Республикасының Ұлттық Кәсіпкерлер палатасының, ғылыми-зерттеу ұйымдарының өкілдерінен, сондай-ақ мұнай-газ өңдеу және мұнай-газ-химия салаларының тәжірибелі мамандарынан тұрады.

      Комиссияның құрамын Қазақстан Республикасының Энергетика министрі бекітеді. Комиссия мүшелерінің жалпы саны тақ санды және кемінде 10 (он) адамды құрайды, оның жартысы мемлекеттік органның өкілдерінен тұрады.

      Комиссия отырысын өткізу үшін кворум Комиссия мүшелері санының кемінде жартысын құрайды.

      9-1. Комиссия осы Қағидалардың 3-1-қосымшасының 9-тармағында көрсетілген құжаттар мен мәліметтерді көрсетілетін қызметті берушіден келіп түскен сәттен бастап 10 (он) жұмыс күнінен аспайтын мерзімде қарайды.

      Комиссияның қорытындысы электрондық құжат нысанында көрсетілетін қызметті берушіге жіберіледі.

      9-2. Көрсетілетін қызметті беруші осы Қағидалардың 3-1-қосымшасының 9-тармағына сәйкес ұсынылған құжаттарды қарағаннан кейін Комиссияның ұсынымдарын ескере отырып, Комиссия қорытындысын алған сәттен бастап 7 (жеті) жұмыс күні ішінде осы Қағидаларға 3-3-қосымшаға сәйкес нысан бойынша сұйытылған мұнай газын мұнай-газ-химия өнімін өндіру үшін шикізат ретінде пайдаланатын өнеркәсіптік тұтынушылардың тізбесін (бұдан әрі – тізбе) бекітеді және оны өзінің ресми интернет-ресурсында орналастырады және ол бекітілген сәттен бастап 2 (екі) жұмыс күні ішінде көрсетілетін қызметті алушыны тізбеге енгізілгені туралы хабардар етеді.

      9-3. 3-1-қосымшаның 10-тармағында көрсетілген негіздер бойынша мемлекеттік қызмет көрсетуден бас тарту үшін Комиссияның қорытындысы теріс болған кезде, көрсетілетін қызметті беруші Қазақстан Республикасы Әкімшілік рәсімдік-процестік кодексінің (бұдан әрі – ҚР ӘРПК) 73-бабына сәйкес мемлекеттік қызмет көрсету мерзімі аяқталғанға дейін 3 (үш) жұмыс күнінен кешіктірмей көрсетілетін қызметті алушыға мемлекеттік қызмет көрсетуден бас тарту туралы алдын ала шешімді, сондай-ақ осы Қағидаларға 3-4-қосымшаға сәйкес нысан бойынша алдын ала шешім бойынша көрсетілетін қызметті алушыға ұстанымын білдіру мүмкіндігі үшін тыңдау өткізілетін уақыт пен орны туралы хабарлама жібереді.

      Тыңдау рәсімі ҚР ӘРПК-ның 73-бабына сәйкес жүргізіледі.

      Тыңдау нәтижелері бойынша көрсетілетін қызметті беруші бас тарту үшін негіздер жойылған кезде тізбеге енгізе отырып шешім қабылдайды немесе мемлекеттік қызмет көрсетуден дәлелді бас тартуды қалыптастырады.

      Көрсетілетін қызметті беруші Комиссия шешім қабылдаған күннен бастап 2 (екі) жұмыс күні ішінде тізбеге енгізу туралы шешімді өтініш берушіге жібереді.

      2-параграф. Мемлекеттік қызмет көрсету мәселесі бойынша көрсетілетін қызметті берушінің және (немесе) оның лауазымды тұлғаларының шешімдеріне, әрекеттеріне (әрекетсіздігіне) шағымдану тәртібі.

      10. Көрсетілетін қызметті берушінің және (немесе) оның лауазымды тұлғаларының мемлекеттік қызметтер көрсету мәселелері бойынша шешімдеріне, әрекеттеріне (әрекетсіздіктеріне) шағымдану үшін шағым көрсетілетін қызметті алушыға көрсетілетін қызметті берушінің әкімшілік актіні қабылдағаны немесе әрекеттерді (әрекетсіздіктерді) жасағаны туралы белгілі болған күннен бастап 3 (үш) айдан кешіктірілмей:

      мемлекеттік қызметтер көрсету сапасын бағалау және бақылау жөніндегі уәкілетті органға;

      мемлекеттік қызметті тікелей көрсететін көрсетілетін қызметті беруші басшылығының атына беріледі.

      Көрсетілетін қызметті алушының шағымы Мемлекеттік көрсетілетін қызметтер туралы заңның 25-бабының 2-тармағына сәйкес:

      мемлекеттік қызметті тікелей көрсететін көрсетілетін қызметті берушіде – оны тіркеген күннен бастап 5 (бес) жұмыс күні ішінде;

      мемлекеттік қызметтер көрсету сапасын бағалау және бақылау жөніндегі уәкілетті органда – оны тіркеген күннен бастап 15 (он бес) жұмыс күні ішінде қаралуға тиіс.

      Мемлекеттік көрсетілетін қызметтер туралы заңның 25-бабының 4-тармағына сәйкес көрсетілетін қызметті берушінің, мемлекеттік қызметтер көрсету сапасын бағалау және бақылау жөніндегі уәкілетті органның шағымды қарауы 10 (он) жұмыс күнінен аспайтын мерзімге ұзартылады:

      1) шағым бойынша қосымша зерделеу немесе тексеру не жергілікті жерге барып тексеру жүргізу;

      2) қосымша ақпарат алу үшін.

      Шағымды қарау мерзімі ұзартылған кезде шағымдарды қарау бойынша өкілеттіктер берілген лауазымды адам шағымды қарау мерзімі ұзартылған сәттен бастап 3 (үш) жұмыс күні ішінде шағымды берген өтініш иесіне ұзарту себептерін көрсете отырып, шағымды қарау мерзімінің ұзартылғаны туралы жазбаша нысанда (шағым қағаз жеткізгіште берілген кезде) немесе электрондық нысанда (шағым электрондық түрде берілген кезде) хабарлайды.

      Шағым ҚР ӘРПК 91-бабының 4-тармағына сәйкес келіп түскен кезде көрсетілетін қызметті беруші шағымды келіп түскен күннен бастап 3 (үш) жұмыс күнінен кешіктірмей жібереді. Көрсетілетін қызметті беруші шағымды қолайлы акт қабылдаған, шағымды көрсетілген талаптарды толық қанағаттандыратын әкімшілік іс-әрекет жасаған кезде шағымды қарайтын органға жібермейді.

      Шағымды қарайтын органның шағымды қарау мерзімі шағым түскен күннен бастап 20 (жиырма) жұмыс күнін құрайды.

      10-1. Шағымды қарайтын органның шешімімен келіспеген кезде көрсетілетін қызметті алушы ҚР ӘРПК 91-бабының 5-тармағына сәйкес, егер заңда өзгеше көзделмесе, сотқа дейінгі тәртіппен шағымданғаннан кейін сотқа жүгінуге жол беріледі.";

      18-тармақ жаңа редакцияда жазылсын:

      "18. Облыстың, республикалық маңызы бар қаланың, астананың жергілікті атқарушы органының қарауына мынадай:

      1) толық емес және (немесе) қате мәліметтерді қамтитын;

      2) ағымдағы тоқсанның алдындағы тоқсанның барлық айлары үшін сұйытылған мұнай газын өткізу туралы мәліметтерді ұсынбаған немесе қате мәлімет ұсынған тұлғалардың;

      3) сұйытылған мұнай газын өндіру, тасымалдау (тасу), сақтау, тиеп-жөнелту және өткізу мониторингі шеңберінде оларға қатысты Заңмена белгіленген, сұйытылған мұнай газын өткізу тәртібін жоймаған бұзушылықтары анықталған тұлғалардың;

      4) тізбеге енгізілмеген сұйытылған мұнай газын мұнай-газ-химия өнімдерін өндіру үшін шикізат ретінде пайдаланатын өнеркәсіптік тұтынушылардың өтінімдері қабылданбайды.

      Бұл ретте өтінім берушінің қате мәліметтер, оның ішінде сұйытылған мұнай газын өткізу көлемі, инфрақұрылымның болуы және оның қуаты бойынша қате мәлімет ұсыну фактісі анықталған кезде, мұндай тұлғаның өтінімдері қате мәліметтер жойылғанға дейін тікелей берілетін тоқсанға қарауға қабылданбайды.";

      20-тармақ жаңа редакцияда жазылсын:

      "20. Сұйытылған мұнай газын жеткізуге жиынтық өтінімдерді қалыптастыру жөніндегі комиссия (бұдан әрі – Жиынтық өтінімдерді қалыптастыру жөніндегі комиссия) ұсынылған өтінімдерді осы Қағидалардың 19-тармағына сәйкес өңірдің сұйытылған мұнай газына деген қажеттілігін ескере отырып, олардың негізділігі мәніне қарайды.

      Бұл ретте сұйытылған мұнай газының көлемін газ толтыру станцияларының, газ толтыру пункттерінің, топтық резервуарлық қондырғылардың, автогаз құю станцияларының иелері арасында бөлуді облыстың, республикалық маңызы бар қаланың, астананың жергілікті атқарушы органдары:

      1) осы Қағидаларға 4-қосымшада келтірілген Газ толтыру станцияларының, газ толтыру пункттерінің, топтық резервуарлық қондырғылардың, автогаз құю станцияларының иелері үшін сұйытылған мұнай газының көлемін айқындау тетігіне (бұдан әрі – Тетік) сәйкес;

      2) сұйытылған мұнай газын теміржол көлігімен тиеп-жөнелткен кезде – вагон-нормаға еселігі көлемінде жүзеге асырады.";

      23-тармақ жаңа редакцияда жазылсын:

      "23. Жиынтық өтінім жобасын қарау нәтижелері бойынша Жиынтық өтінімдерді қалыптастыру жөніндегі комиссия жиынтық өтінім жобасын мақұлдау туралы не оны өзгерту қажеттілігі туралы шешім қабылдайды.

      Жиынтық өтінім жобасын өзгертуді Жиынтық өтінімдерді қалыптастыру жөніндегі комиссия:

      1) Тетікке сәйкес келтіру;

      2) сұйытылған мұнай газын теміржол көлігімен тиеп-жөнелткен кезде – бөлінген көлемдердің вагон-нормаға еселігін қамтамасыз ету мақсатында жүзеге асырады.";

      мынадай мазмұндағы 23-1 және 23-2-тармақтармен толықтырылсын:

      "23-1. Жиынтық өтінім жобасын қалыптастыру немесе өзгерту кезінде Тетікке сәйкес бөлінген көлемнің барлығы немесе бір бөлігі:

      1) 18 (он сегіз) және одан аз тоннаны құраса– мұндай өтінім берушіге сұйытылған мұнай газы бөлінбейді;

      2) 18 (он сегіз) тоннадан артық, бірақ вагон-нормадан аз болса – мұндай өтінім берушіге вагон-норма көлемінде сұйытылған мұнай газы бөлінеді.

      Осы тармақта көзделген ережелер сұйытылған мұнай газын автомобиль көлігімен жеткізу жағдайларына қолданылмайды.

      23-2. Сұйытылған мұнай газын автомобиль көлігіне де, темір жол көлігіне де тиеп-жөнелту жөніндегі өндірістік қуаты бар өндірушілер үшін сұйытылған мұнай газын тиеп-жөнелту мынадай тәртіппен жүзеге асырылады:

      1) сұйытылған мұнай газын автомобиль көлігіне тиеп-жөнелту өндіруші орналасқан өңірдің алушыларына басым тәртіппен жүзеге асырылады;

      2) өндіруші орналасқан өңір болып табылмайтын өңірдің алушысына 150 (бір жүз елу) тоннадан астам көлем бөлінген кезде сұйытылған мұнай газын тиеп-жөнелту темір жол көлігімен жүзеге асырылады.";

      40-тармақ жаңа редакцияда жазылсын:

      "40. Өнім берушінің сұйытылған мұнай газын өндірудің нақты көлемі есепті айда жоспарланатын көлемнен асып кеткен кезде, сондай-ақ өнім берушіде осы Қағидалардың 5-тармағында көрсетілген тұлғалардың сұйытылған мұнай газын сатып алудан бас тартуына байланысты өнім беру жоспары шеңберінде көзделген тауар биржаларынан тыс Қазақстан Республикасының ішкі нарығында өткізу үшін міндетті сұйытылған мұнай газының тиеп-жөнелтілмеген көлемдері пайда болған кезде, мұндай өнім беруші 2 (екі) жұмыс күні ішінде уәкілетті органды сұйытылған мұнай газының қосымша көлемінің пайда болуы туралы хабардар етеді.

      Қазақстан Республикасының ішкі нарығына сұйытылған мұнай газын беру жоспарын қалыптастыру жөніндегі комиссия облыстардың, республикалық маңызы бар қалалардың, астананың жергілікті атқарушы органдарының сұйытылған мұнай газының қосымша көлемдерін бөлу туралы сұрау салуларының негізінде өнім берушілердің өндірістік қуаттарының географиялық орналасуын негізге ала отырып, оны тиісті өңірлер арасында қайта бөледі.";

      мынадай мазмұндағы 40-1-тармақпен толықтырылсын:

      "40-1. Тиісті өңір үшін өнім беру жоспарына қосымша бөлінген сұйытылған мұнай газының көлемін бөлу:

      қосымша көлемі 1000 (бір мың) тоннадан аз және теміржол көлігімен әкетілген кезде – осы Қағидаларға және Тетікке сәйкес сұйытылған мұнай газының қосымша көлеміне өтінім берген өңірдің газ толтыру станцияларының иелері арасында;

      қосымша көлемі 1000 (бір мың) тоннадан артық және теміржол көлігімен әкету кезінде – осы Қағидалар мен Тетікке сәйкес сұйытылған мұнай газының қосымша көлеміне өтінім берген, осы Қағидалардың 5-тармағында көрсетілген тұлғалар арасында;

      автомобиль көлігімен әкету кезінде – осы Қағидаларға және Тетікке сәйкес сұйытылған мұнай газының қосымша көлеміне өтінім берген, осы Қағидалардың 5-тармағында көрсетілген тұлғалардың арасында жүзеге асырылады.

      Өңірдің республикалық маңызы бар қалаларға, астанаға және оларға іргелес тиісті облыстарға арналған газ толтыру станцияларына республикалық маңызы бар қалалардың, астананың аумағында да, сол сияқты оларға іргелес тиісті облыстардың аумағында да орналасқан газ толтыру станциялары жатады.";

      мынадай мазмұндағы 41-1-тармақпен толықтырылсын:

      "41-1. Сұйытылған мұнай газын теміржол көлігімен тиеп-жөнелту кезінде өнім берушіде осы Қағидалардың 5-тармағында көрсетілген тұлғаларға өнім беру жоспарына сәйкес ол беруге міндетті сұйытылған мұнай газының вагон-нормадан аз көлемінде тиеп-жөнелтілмеген қалдықтары пайда болған кезде:

      көлемі 18 (он сегіз) тоннадан және одан аз болған кезде – тиеп-жөнелту жүзеге асырылмайды;

      көлемі 18 (он сегіз) тоннадан артық, бірақ вагон-нормадан аз болған кезде – тиеп-жөнелту вагон-норма көлемінде жүзеге асырылады.

      Осы тармақтың ережелері сұйытылған мұнай газын автомобиль көлігімен жеткізу жағдайларына қолданылмайды.";

      Қазақстан Республикасының ішкі нарығына сұйытылған мұнай газын беру жоспарын қалыптастыру қағидаларына 2-қосымша осы бұйрыққа 1-қосымшаға сәйкес жаңа редакцияда жазылсын;

      Қазақстан Республикасының ішкі нарығына сұйытылған мұнай газын беру жоспарын қалыптастыру қағидаларына 3-қосымша алып тасталсын;

      Қазақстан Республикасының ішкі нарығына сұйытылған мұнай газын беру жоспарын қалыптастыру қағидалары осы бұйрыққа 2, 3, 4 және 5-қосымшаларға сәйкес 3-1, 3-2, 3-3 және 3-4-қосымшалармен толықтырылсын;

      Қазақстан Республикасының ішкі нарығына сұйытылған мұнай газын беру жоспарын қалыптастыру қағидаларына 4-қосымша осы бұйрыққа 6-қосымшаға сәйкес жаңа редакцияда жазылсын.

      2. Қазақстан Республикасы Энергетика министрлігінің Газ және мұнай-газ-химия департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрықты Қазақстан Республикасы Энергетика министрлігінің интернет-ресурсында орналастыруды;

      3) осы бұйрықты Қазақстан Республикасының Әділет министрлігінде мемлекеттік тіркегеннен кейін он жұмыс күні ішінде Қазақстан Республикасы Энергетика министрлігінің Заң қызметі департаментіне осы тармақтың 1) және 2) тармақшаларында көзделген іс-шаралардың орындалғаны туралы мәліметтерді ұсынуды қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының энергетика вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының Индустрия және

      инфрақұрылымдық даму министрлігі

      "КЕЛІСІЛДІ"

      Қазақстан Республикасының

      Ұлттық экономика министрлігі

      "КЕЛІСІЛДІ"

      Қазақстан Республикасының Цифрлық даму,

      инновациялар және аэроғарыш өнеркәсібі министрлігі

Газ толтыру станциялары, топтық резервуарлық қондырғылар, газ толтыру пункттері, автогаз құю станциялары иелерінің, мұнай-газ-химия өнімін өндіру үшін сұйытылған мұнай газын шикізат ретінде пайдаланатын өнеркәсіптік тұтынушылардың және сұйытылған мұнай газы сауда-саттығына қатысушылардың сұйытылған мұнай газын жеткізуге арналған өтінімі

      _________________________________________________________________________,

      бизнес сәйкестендіру нөмірі

      ________________________________________________________________________,

      (алушының атауы)

      орналасқан жері ____________________________________________________________

      (тоқсан) _____________________жыл, жеткізу өңірі ______________________________

      _________________________________________________________________________

      (жеткізу өңірі көрсетіледі) тоннамен

      Ескертпе:

      * Қазақстан Республикасының табиғи монополиялар туралы заңнамасына сәйкес пайдаланылуы табиғи монополиялар салаларына жатқызылған топтық резервуарлық қондырғылар бойынша ғана толтырылады;

      ** Сұйытылған мұнай газын зауыттардан автомобиль көлігімен жеткізген кезде газ толтыру станциясымен сақтау (ауыстырып тиеу) шарты талап етілмейді.

      Өтінімде көрсетілетін мәліметтер өзгерген кезде газ толтыру станцияларының, топтық резервуарлық қондырғылардың, газ толтыру пункттерінің, автогаз құю станцияларының иелері үш жұмыс күні ішінде облыстың, республикалық маңызы бар қаланың, астананың тиісті жергілікті атқарушы органына өзгерген мәліметтер бойынша растайтын құжаттардың көшірмелерін ұсынады.

      Мұнай-газ-химия өнімдерін өндіру үшін сұйытылған мұнай газын пайдаланатын өнеркәсіптік кәсіпорындар 1 және 10-бағандарды толтырады.

      Осы арқылы __________________________, (алушының атауы)

      заңмен қорғалатын құпияны құрайтын мәліметтерді пайдалануға келісім береді және:

      1) ұсынылған ақпараттың дұрыстығын, Қазақстан Республикасының "Әкімшілік құқық бұзушылық туралы" Кодексінің (бұдан әрі – Әкімшілік құқық бұзушылық туралы кодекс) 170-бабына сәйкес анық емес мәліметтерді ұсынғаны үшін жауапкершілік туралы хабардар болуын;

      2) Әкімшілік құқық бұзушылық туралы кодекстің 170-бабына сәйкес оған қатысты тарату, оңалту немесе банкроттық рәсімдері басталмағанын, сондай-ақ оның қызметі тоқтатылмағанын;

      3) мәлімделген өңірде сұйытылған мұнай газын өткізуін растайды.

      Күні, қолы.

Мемлекеттік қызмет көрсетуге қойылатын негізгі талаптардың тізбесі

Сұйытылған мұнай газын мұнай-газ-химия өнімдерін өндіру үшін шикізат ретінде пайдаланатын өнеркәсіптік тұтынушылардың тізбесіне енгізуге арналған өтініш

      кімге_____________________________________________________________________

                              (уәкілетті органның толық атауы)

      кімнен____________________________________________________________________

      (заңды тұлғаның (оның ішінде шетелдік заңды тұлғаның) толық атауы, орналасқан

      жері, бизнес-сәйкестендіру нөмірі, заңды тұлғада бизнес-сәйкестендіру нөмірі

      болмаған кезде – шетелдік заңды тұлға филиалының немесе өкілдігінің бизнес-

      сәйкестендіру нөмірі)

      Сұйытылған мұнай газын мұнай-газ-химия өнімдерін өндіру үшін шикізат ретінде

      пайдаланатын өнеркәсіптік тұтынушылар тізбесіне енгізуді

      сұраймын ______________________________________________

      (өнімнің атауын көрсету)

      қағаз жеткізгіште __________________________________________________________

                  (қағаз жеткізгіште бұйрық алу қажет болған жағдайда Х белгісін қою)

      Заңды тұлғаның мекенжайы __________________________________________________

      __________________________________________________________________________

      (пошта индексі, ел (шетелдік заңды тұлға үшін), облыс, қала, аудан, елді мекен, көше

      атауы, үйдің/ғимараттың (стационарлық үй-жайдың) нөмірі)

      Электрондық пошта ________________________________________________________

      Телефон __________________________________________________________________

      Факс ____________________________________________________________________

      Қызметті жүзеге асыру объектісінің мекенжайы

      _________________________________________________________________________

      (пошта индексі, облыс, қала, аудан, елді мекен, көше атауы, үй/ғимарат нөмірі)

      ______ парақ қоса беріледі.

      Осымен:

      барлық көрсетілген деректер ресми байланыстар болып табылатыны және оларға өнеркәсіптік тұтынушылар тізбесіне енгізу мәселелері бойынша кез келген ақпарат жіберілуі мүмкін екені;

      барлық қоса берілген құжаттар шындыққа сәйкес келетіні және жарамды болып табылатыны;

      өтініш беруші өнеркәсіптік тұтынушылар тізбесіне енгізу кезінде ақпараттық жүйелерде қамтылған, заңмен қорғалатын құпияны құрайтын қолжетімділігі шектеулі дербес деректерді пайдалануға келіседі.

      Басшы ________________ _____________________________________

      (қолы)             (тегі, аты, әкесінің аты (бар болса))

      Толтыру күні: 20__ жылғы "__" __________

Сұйытылған мұнай газын мұнай-газ-химия өнімдерін өндіру үшін шикізат ретінде пайдаланатын өнеркәсіптік тұтынушылардың тізбесі

      Нысан

Хабарлама

      ___________________________________________________________________ берілді.

      Осымен мемлекеттік орган ______________________________________________

      Сіздің ____ жылғы [өтінім күні] № [Өтінім нөмірі] өтінішіңізді қарағаннан кейін көрсетілетін қызметті беруші

      __________________________________________________________________________

                  (көрсетілетін қызметті алушының толық атауы)

      "Сұйытылған мұнай газын мұнай-газ-химия өнімін өндіру үшін шикізат ретінде пайдаланатын өнеркәсіптік тұтынушылар тізбесіне енгізу" мемлекеттік қызмет көрсету нәтижелері бойынша алдын ала шешім бойынша сіздің ұстаным білдіруге мүмкіндігіңіз бар екені туралы хабарлайды___________________________________________________________________

      __________________________________________________________________________

      __________________________________________________________________________

                  (тыңдау өткізілетін күні, уақыты және орыны)

      Көрсетілетін қызметті берушінің басшысы ___________________________________

      __________________________________________________________________________

      (көрсетілетін қызметті беруші басшысының тегі, аты, әкесінің аты (бар болса), лауазымы)

      Хабарламаны жіберу күні мен уақыты:

      20__ жылғы "___" ________

Газ толтыру станцияларының, газ толтыру пункттерінің, топтық резервуарлық қондырғылардың, автогаз құю станцияларының иелері үшін сұйытылған мұнай газының көлемін айқындау тетігі

      1. Газ толтыру станциялары, топтық резервуарлық қондырғылары, газ толтыру пункттері, автогаз құю станциялары иелерінің ұсынған өтінімдері мынадай өлшемшарттарға сүйене отырып қарастырылады:

      1) Қазақстан Республикасының табиғи монополиялар туралы заңнамасына сәйкес пайдаланылуы табиғи монополиялар салаларына жатқызылған топтық резервуарлық қондырғыларды қоспағанда, мәлімделген өңірде газ толтыру станциясының, топтық резервуарлық қондырғысының, газ толтыру пунктінің, автогаз құю станциясының иесі пайдаланатын осы Тетіктің 5-тармағында көрсетілген объектілердің жобалау қуаты (бұдан әрі – P1 көрсеткіші);

      2) топтық резервуарлық қондырғылар арқылы сұйытылған мұнай газын өткізуді қоспағанда, сұйытылған мұнай газын мәлімделген өңірде өткен кезеңдерде өткізудің нақты көлемдері (бұдан әрі – P2 көрсеткіші);

      3) сұйытылған мұнай газын мәлімделген өңірде тұрмыстық баллондарда өткізу (бұдан әрі – P3 көрсеткіші).

      2. Әрбір өлшемшарт бойынша жалпы мәннен пайыздық арақатынастағы үлесі шығарылады. Газ толтыру станциясы, топтық резервуарлық қондырғысы, газ толтыру пункттері, автогаз құю станцияларының иелері көрсеткішінің қорытынды мәні пайыздық көрсеткіштердің орташа өлшенген мәні ретінде анықталады.

      3. Қазақстан Республикасының табиғи монополиялар туралы заңнамасына сәйкес пайдаланылуы табиғи монополиялар салаларына жатқызылған топтық резервуарлық қондырғылар (бұдан әрі – топтық резервуарлық қондырғылар) арқылы өткізу үшін қажетті сұйытылған мұнай газының көлемі алдыңғы күнтізбелік үш айдағы орташа айлық тұтынуды ескере отырып, толық көлемде бөлінеді.

      4. Жалпы көлемнен үлес:

      1) газ толтыру станциясы, топтық резервуарлық қондырғы, газ толтыру пункттері, автогаз құю станциялары иелерінің инфрақұрылымы ұлғайған кезде;

      2) газ толтыру станциялары, топтық резервуарлық қондырғылар, газ толтыру пункттері, автогаз құю станциялары иелерінің орташа айлық өткізу көлемі өскен кезінде ұлғаюға жатады.

      5. P1 көрсеткішін бағалау кезінде мәлімделетін өңірде орналасқан газ толтыру станциясы, газ толтыру пункті, автогаз құю станциясы иесінің пайдаланылатын қуаттарының жалпы көлемінің жиынтық көрсеткіші көрсетіледі:

      1) газ толтыру станциялары;

      2) газ толтыру пункттері;

      3) моноблоктарды қоса алғанда, автогаз құю станциялары.

      Аталған қуаттардың болуын растау үшін газ толтыру станциялары, газ толтыру пункті, автогаз құю станциясының иелері әрбір объект үшін құқық белгілейтін құжаттар мен шарттардың, жалпы сыйымдылығы мен жобалық қуатын белгілейтін, өнеркәсіптік қауіпсіздік жөніндегі уәкілетті органда қысыммен жұмыс істейтін ыдыстардың тіркелгенін растайтын құжаттардың (өтініш берушіге ресімделген қауіпті техникалық құрылғыны есепке қою туралы хабарлама), сондай-ақ Қазақстан Республикасы Қаржы министрінің 2018 жылғы 16 ақпандағы № 208 "Бақылау-касса машиналарын қолданудың кейбір мәселелері туралы" бұйрығымен (Нормативтік құқықтық актілерді мемлекеттік тіркеу тізілімінде № 16508 болып тіркелген) бекітілген деректерді тіркеу және (немесе) беру функциясы бар бақылау-касса машиналарының тіркеу карточкаларының көшірмелерін ұсынады.

      Көрсетілген деректер жыл сайын немесе тиісті мәліметтер өзгерген кезде ұсынылады.

      Бұл ретте мәліметтер өзгерген кезде газ толтыру станциялары, топтық резервуарлық қондырғылар, газ толтыру пункттері, автогаз құю станциялары иелерінің үш жұмыс күні ішінде облыстың, республикалық маңызы бар қаланың, астананың тиісті жергілікті атқарушы органына өзгерген мәліметтер бойынша растайтын құжаттардың көшірмелерін ұсынады.

      6. P2 көрсеткішін бағалау кезінде топтық резервуарлық қондырғылар арқылы сұйытылған мұнай газын өткізу көлемін және осы өңірдің жиынтық өтініміне енгізілген тұлғаларға өткізу көлемін қоспағанда, тиісті өңірде алдыңғы күнтізбелік үш айдағы сұйытылған мұнай газын өткізудің нақты көлемі көрсетіледі.

      Сұйытылған мұнай газының көлемдерін өткізу туралы мәліметтерді растау үшін газ толтыру станциясы, газ толтыру пункті және автогаз құю станциясының иелері өтініммен бір мезгілде облыстың, республикалық маңызы бар қаланың, астананың жергілікті атқарушы органына топтық резервуарлық қондырғылар арқылы сұйытылған мұнай газын өткізу көлемін және осы өңірдің жиынтық өтініміне енгізілген тұлғаларға өткізу көлемін қоспағанда, мәлімделген өңірде алдыңғы күнтізбелік үш айдағы сұйытылған мұнай газын өткізу жөніндегі ақпаратты, сондай-ақ сұйытылған мұнай газын сатып алу көлемін растайтын құжаттардың көшірмелерін (жеткізу шарттары, электрондық шот-фактуралар, электрондық шот-фактуралардың ақпараттық жүйесінде тіркеу нөмірлері бар тауарға ілеспе жүкқұжаттар, өзгеге қорларды босатуға арналған жүкқұжаттар, тауар-көлік немесе теміржол жүкқұжаттары) ұсынады.

      7. P3 көрсеткішін бағалау кезінде тұрмыстық баллондарда сұйытылған мұнай газын өткізетін газ толтыру станциялары мен газ толтыру пункттері иелерінің өткізудің нақты көлемі көрсетіледі.

      8. Өлшемшарттардың әрқайсысының үлесі мына формула бойынша есептеледі:

      мұнда:

      P1 көрсеткіш – өңірдің газ толтыру станциялары, газ толтыру пункттері, автогаз құю станциялары иелері қуатының жалпы көлемінен үлес;

      P (көлем) - газ толтыру станциясының, газ толтыру пунктінің, автогаз құю станциясының иесі қуаттарының нақты көлемі;

      P жалпы (көлем) - өңірдің газ толтыру станциялары, газ толтыру пункттері, автогаз құю станцияларының иелері қуаттарының жалпы көлемі;

      мұнда:

      P2 көрсеткіш (%) - өңірдің газ толтыру станциясы, газ толтыру пункті, автогаз құю станциясы иелерінің алдыңғы үш күнтізбелік айдағы өткізу көлемінің үлесі;

      P (өткізу көлемі) - алдыңғы күнтізбелік үш айда газ толтыру станциясы, газ толтыру пункті, автогаз құю станциясы иелерінің нақты өткізу көлемі;

      P жалпы (өткізу көлемі) - өңірдің газ толтыру станциясының, газ толтыру пунктінің, автогаз құю станциясының алдыңғы күнтізбелік үш айда өткізуінің жалпы көлемі.

      мұнда:

      P3 көрсеткіш (%) - тұрмыстық баллондарда сұйытылған мұнай газын өткізу үлесі;

      P (тб) - тұрмыстық баллондарда сұйытылған мұнай газын өткізу үшін инфрақұрылымның болуы (болған кезде =1, болмағанда= 0);

      Pжалпы (тб) - тұрмыстық баллондарда сұйытылған мұнай газын өткізу үшін инфрақұрылымы бар өңірдің газ толтыру станцияларының, газ толтыру пунктілерінің иелерінің жиынтық саны.

      Тұрмыстық баллондарда сұйытылған мұнай газын өткізу үшін инфрақұрылым деп жиынтығында тиісті өңірде арнайы автокөліктің, авариялық-диспетчерлік қызметтің, тұтынушыларды абоненттік есепке алудың, тұрмыстық баллондардың газ толтыру цехының және тұрмыстық баллондарды жөндеу және кәдеге жарату цехының болуы түсініледі.

      Көрсетілген мүліктің болуын растау үшін газ толтыру станциялары, топтық резервуарлық қондырғылар, газ толтыру пункттері, автогаз құю станциялары иелері тиісті құжаттардың көшірмелерін ұсынады.

      9. Газ толтыру станциялары, топтық резервуарлық қондырғылар, газ толтыру пункттері, автогаз құю станциялары иелері көрсеткішінің қорытынды мәні көрсеткіштердің пайыздық мәндегі орташа өлшенген мәні ретінде айқындалады:

      Р _қ(%) = Р₁*К₁+Р₂*К₂+Р₃*К₃,

      мұнда:

      К1 – 20%;

      К2 – 75%;

      К3 – 5%.

      10. Тауар биржаларынан тыс өнім беру жоспары шеңберінде газ толтыру станциясы, топтық резервуарлық қондырғы, газ толтыру пункті, автогаз құю станциясы иелерінің өткізу көлемінің қорытынды мәні мынадай формула бойынша көлемдік мәнде айқындалады:

      мұнда:

      V (жө) - әрбір газ толтыру станциясының, топтық резервуарлық қондырғысының, газ толтыру пунктінің, автогаз құю станциясының иесі үшін тауарлық биржадан тыс жиынтық өтініммен бекітілген көлем.

      V_жоспар - топтық резервуарлық қондырғылар арқылы өткізу үшін бөлінген сұйытылған мұнай газының көлемін қоспағанда, әрбір өңір үшін тауарлық биржадан тыс жиынтық өтінімде көзделген жалпы көлем.

      V_(трқ) - әрбір топтық резервуарлық қондырғылар арқылы өткізілетін сұйытылған мұнай газының көлемі.

      11. Газ толтыру станциялары, топтық резервуарлық қондырғылары, газ толтыру пункттері, автогаз құю станцияларының иелері бойынша деректер:

      1) алдыңғы күнтізбелік үш айдағы өткізу көлемі бойынша;

      2) жобалық қуаттар бойынша жаңартылуға жатады.

      12. Газ толтыру станциясы, топтық резервуарлық қондырғысының, газ толтыру пунктінің, автогаз құю станциясының иесі осы Тетіктің 8, 9 және 10-тармақтарына сәйкес есептелгеннен сұйытылған мұнай газының көлеміне өтінім берген кезде, онда сұйытылған мұнай газының аз қалған көлемі осы Қағидалар мен Тетікке сәйкес қалған өтініш берушілерге қайта бөлінеді.

      13. Газ толтыру станциясы, топтық резервуарлық қондырғы, газ толтыру пункті, автогаз құю станциясы иесінің қызметі тоқтатыла тұрған кезде, сұйытылған мұнай газының толық жеткізілмеген көлемі осы Қағидалар мен Тетікке сәйкес қалған өтініш берушілерге қайта бөлінеді.

      14. Заңды тұлға тиісті өңірде жаңа газ толтыру станциясын пайдалануға берген кезде, мұндай газ толтыру станциясының иесіне алғашқы үш ай бойы өңірге бөлінетін сұйытылған мұнай газының жалпы көлемін ұлғайту арқылы осы Тетіктің 8, 9 және 10-тармақтарына сәйкес бөлінген көлемге қосымша бір жүз сексен тоннадан сұйытылған мұнай газын бөледі.

      15. Газ толтыру станциясының, топтық резервуарлық қондырғысының, газ толтыру пунктінің, автогаз құю станциясының иесі осындай тұлғаның кінәсінен тауарлық биржадан тыс жеткізу жоспары шеңберінде сұйытылған мұнай газының көлемдерінен бас тартқан кезде, осы Тетіктің 8, 9 және 10-тармақтарына сәйкес есептелетін сұйытылған мұнай газының көлемі осындай тұлға үшін келесі тоқсанға сатып алынбаған көлемдердің шамасына азайтылуға жатады.

      Бұл ретте сұйытылған мұнай газының қалған көлемін тиісті өңірдің қалған газ толтыру станциялары, топтық резервуарлық қондырғылар, газ толтыру пункттері, автогаз құю станциялары иелерінің пайдасына пропорционалды түрде қайта бөлу жүргізіледі.