Рус | Қаз | Eng

Әкімшілік іс жүргізулердің бірыңғай тізілімін жүргізу қағидаларын бекіту туралы

Қазақстан Республикасы Бас Прокурорының м.а. 2020 жылғы 10 шiлдедегi № 85 бұйрығы. Қазақстан Республикасының Әділет министрлігінде 2020 жылғы 14 шiлдеде № 20962 болып тіркелді.

Қолданыстағы

      ЗҚАИ-ның ескертпесі!
Осы бұйрық 01.01.2021 бастап қолданысқа енгізіледі

      Қазақстан Республикасы Әкімшілік құқық бұзушылық туралы кодексінің 737-1-бабына сәйкес Қазақстан Республикасының "Прокуратура туралы" 2017 жылғы 30 маусымдағы Заңының 37-бабы 6) тармақшасын басшылыққа ала отырып, БҰЙЫРАМЫН:

      1. Қоса беріліп отырған Әкімшілік іс жүргізулердің бірыңғай тізілімін жүргізу қағидалары бекітілсін.

      2. Қазақстан Республикасы Бас прокуратурасының Құқықтық статистика және арнайы есепке алу жөніндегі комитеті (бұдан әрі - Комитет):

      1) осы бұйрықты Қазақстан Республикасының Әдiлет министрлiгiнде мемлекеттік тіркеуді;

      2) осы бұйрықты Қазақстан Республикасы Бас прокуратурасының интернет-ресурсына орналастыруды;

      3) осы бұйрықтың көшірмесін мәлімет үшін мүделлі мемлекеттік органдарға, Қазақстан Республикасы Бас прокуратураcының құрылымдық бөлімшелерінің басшыларына, облыстардың, республикалық маңызы бар қалалардың, астананың және оларға теңестірілген прокурорларға, сондай-ақ Комитеттің аумақтық органдарына жіберуді қамтамасыз етсін.

      3. Осы бұйрықтың орындалуын бақылау Қазақстан Республикасы Бас Прокурорының жетекшілік ететін орынбасарына жүктелсін.

      4. Осы бұйрық ресми жариялануға жатады және 2021 жылғы 1 қаңтардан бастап қолданысқа енгізіледі.

      ҚР Бас Прокурорының м.а. Е. Кененбаев

  Қазақстан Республикасы
Бас Прокурорының м.а.
2020 жылғы 10 шілдесі № 85
бұйрығымен бекітілген

Әкімшілік іс жүргізудің бірыңғай тізілімін жүргізу қағидалары

1-тарау. Жалпы ережелер

      1. Осы Әкімшілік іс жүргізудің бірыңғай тізілімін жүргізу қағидалары (бұдан әрі - Қағидалар) әкімшілік құқық бұзушылықтар туралы істерді қозғауға және (немесе) қарауға уәкілетті органдар (лауазымды адамдар) (бұдан әрі - орган (лауазымды адам) үшін Әкімшілік іс жүргізудің бірыңғай тізілімін жүргізу тәртібін айқындайды.

      2. Осы Қағидаларда келесі ұғымдар қолданылады:

      1) ақпараттық есепке алу құжаттары (бұдан әрі - АЕҚ) - осы Қағидалардың 1, 2-қосымшаларына сәйкес нысандар бойынша "Әкімшілік құқық бұзушылық туралы істі қозғау туралы" 1-ӘЖ (бұдан әрі -1-ӘЖ нысанындағы АЕҚ) және "Әкімшілік құқық бұзушылық туралы істің қаралу, жылжу барысы туралы және әкімшілік жазаның орындалу тәртібі туралы" 1-ӘҚ (бұдан әрі - 1-ӘҚ нысанындағы АЕҚ) нысандарындағы ақпараттық есепке алу құжаттары;

      2) Әкімшілік іс жүргізудің бірыңғай тізілімі (бұдан әрі - ӘІБТ) - әкімшілік құқық бұзушылықтар, оларды жасаған адамдар, олар бойынша қабылданған шешімдер туралы енгізілетін мәліметтер қамтылатын, сонымен қатар әкімшілік құқық бұзушылық туралы істер электрондық нысанда жүргізілетін ақпараттық жүйе;

      3) ӘІБТ-нің мобильді қосымшасы (бұдан әрі - ӘІБТ МҚ) -планшеттік компьютер арқылы әкімшілік құқық бұзушылық туралы іс қозғауға арналған ӘІБТ-нің бағдарламалық қамтамасыз етуі;

      4) көпшілік сектор - әкімшілік құқық бұзушылық туралы істер бойынша іс жүргізуге қатысушыларға әкімшілік құқық бұзушылық туралы электрондық іс материалдарына қашықтықтан қол жеткізуге, сондай-ақ шағымдар, арыздар мен өтінішхаттар беруге мүмкіндік беретін ӘІБТ-нің функционалы;

      5) қолтаңба планшеті - қолтаңба иесінің қолжазба қолтаңбасының цифрлық аналогын құруға мүмкіндік беретін, жазу қаламынан (стилус) және графикалық планшеттен тұратын мамандандырылған перифериалық құрылғы;

      6) медиа-файлдар - әкімшілік іс жүргізуді жүргізетін адамның шешімі бойынша әкімшілік құқық бұзушылық туралы электрондық іске тіркелуге жататын бейне, фото және аудио материалдар;

      7) уәкілетті орган - Қазақстан Республикасы Бас прокуратурасының Құқықтық статистика және арнайы есепке алу жөнiндегi комитетi және оның аумақтық органдары;

      8) электрондық құжат - ақпарат электрондық цифрлық нысанда ұсынылған және электрондық цифрлық қолтаңба арқылы куәландырылған құжат;

      9) электрондық цифрлық қолтаңба (бұдан әрі - ЭЦҚ) - электрондық цифрлық қолтаңба құралдарымен жасалған және электрондық құжаттың шынайылығын, оның тиесілілігін және мазмұнының өзгермейтіндігін растайтын электрондық цифрлық таңбалар жиынтығы;

      10) PDF-құжат - бұл сканерлеу жолымен цифрлық PDF форматқа аударылған, ӘІБТ-ге салуға жататын, түпнұсқамен бірдей, қағаздағы құжаттың немесе материалдың электрондық нұсқасы.

      3. Әкімшілік құқық бұзушылық туралы іс бойынша іс жүргізу электрондық немесе қағаз нысанда жүзеге асырылады.

      4. Әкімшілік құқық бұзушылық туралы іс бойынша іс жүргізуді қағаз нысанда жүргізген кезде орган (лауазымды адам) процестік шешім қабылданғаннан кейін 24 (жиырма төрт) сағат ішінде АЕҚ-ны қояды және мемлекеттік құпияларды қамтитын құжаттарды қоспағанда, процестік және өзге де құжаттардың түпнұсқаларының (PDF құжаттар түрінде) ӘІБТ-ге салынуын қамтамасыз етеді.

      Көрсетілген мерзім ішінде АЕҚ-ны қою мүмкін болмаған жағдайда, ол оны тіркеу үшін техникалық мүмкіндік пайда болған күні қойылады.

      5. Әкімшілік құқық бұзушылық туралы істер бойынша электрондық іс жүргізуді жүргізген кезде орган (лауазымды адам) АЕҚ-ның деректемелерін толтырғаннан кейін, тиісті процестік шешімдер автоматты түрде электрондық құжат нысанында қалыптастырылады.

      6. PDF-құжатты қалыптастыру кезінде орган (лауазымды адам) оқылу мүмкіндігі үшін оның сапасын және қағаз құжаттар мен материалдардың түпнұсқаларының әкімшілік құқық бұзушылық туралы істі қарау мерзімі аяқталғанға дейін сақталуын қамтамасыз етеді.

      7. Іске қатысты және (немесе) заттай дәлелдемелер болып табылатын файлдық құжаттар мен медиа-файлдар ӘІБТ-ге салынады, ал мүмкін болмаған жағдайда әкімшілік құқық бұзушылық туралы заңнамаға сәйкес хаттамада көрсетіле отырып, іс материалдарына қосылады.

      Іс материалдарына қосылған заттай және өзге де дәлелдемелер әкімшілік істі мәні бойынша қарау үшін қолма-қол ұсынылады. Ол уақытқа дейін орган (лауазымды адам) олардың сақталуын қамтамасыз етеді.

      8. Электрондық нысанда толтырылған процестік және өзге де құжаттарды куәландыруды әкімшілік іс жүргізудің қатысушылары ЭЦҚ-мен куәландыру жолымен немесе қолтаңба планшеті арқылы жүзеге асырады. ӘІБТ МҚ-да әкімшілік іс жүргізуді жүргізу кезінде қол қою планшеттік компьютердің бағдарламалық қамтамасыз етуін пайдалана отырып жүзеге асырылады.

      Техникалық мүмкіндік болмаған жағдайда, пайдаланушы іс жүргізуге қатысушылардың жасалған құжаттардың қағаз нысанына қол қоюларын, кейін олардың РDF-құжат түрінде ӘІБТ-ге салынуын қамтамасыз етеді.

      9. Соттар әкімшілік құқық бұзушылықтар туралы істер бойынша іс жүргізуді сот органдарының ақпараттық жүйесінде жүзеге асырады, одан тиісті процестік шешімдерге сілтемелермен қарау нәтижелері туралы ӘІБТ-ге мәліметтер беріледі.

2-тарау. Әкімшілік құқық бұзушылықтар туралы істі қозғау кезінде ӘІБТ-ні жүргізу ерекшеліктері

      10. Әкімшілік құқық бұзушылық туралы хаттаманы электрондық нысанда толтырған кезде әкімшілік құқық бұзушылық туралы іс бойынша іс жүргізуге қатысушыларға оның "электрондық үкіметтің" веб-порталында және (немесе) уәкілетті органның ақпараттық сервисінде орналастырылғаны туралы хабарланады, осы туралы онда тиісті белгі қойылады.

      Өзіне қатысты әкімшілік құқық бұзушылық туралы іс бойынша электронды іс жүргізу жүргізіліп жатқан адамның (адамның өкілінің) өтініші бойынша, хаттаманың көшірмесін, Қазақстан Республикасы Әкімшілік құқық бұзушылық туралы Кодексінің (бұдан әрі - ӘҚБтК) 803-бабының 8-бөлігінде көрсетілген тәсілдерден басқа, деректерді беру желісін пайдаланумен ұялы байланыстың абоненттік құрылғысына (компьютерлік планшет немесе жылжымалы компьютер) жіберуге жол беріледі. Бұл жағдайда, орган (лауазымды адам) хаттама көшірмесін беру фактісінің бекітілуін қамтамасыз етеді.

      ӘҚБтК-нің 807-бабының талаптарына сәйкес, ескерту түрінде электронды нысанда әкімшілік жаза қолданылған кезде, әкімшілік құқық бұзушылық туралы іс бойынша іс жүргізуге қатысушыларға хабарлау және қаулы көшірмесін ұсынудың ұқсас тәртібі қолданылады.

      Ескерту түріндегі әкімшілік жаза қолдану туралы электрондық қаулының көшірмесі ӘҚБтК-нің 823-бабының талаптары ескеріле отырып ұсынылады.

      11. Істі қозғау кезінде байланыс деректері көрсетілген әкімшілік құқық бұзушылық туралы іс бойынша іс жүргізудің қатысушылары оны қарау барысында қабылданған процестік әрекеттер туралы автоматты түрде хабардар етіледі.

      12. Әкімшілік құқық бұзушылық туралы істер бойынша іс жүргізуге қатысушылар процестік мәртебеге ие болған кезден бастап, "Көпшілік сектор" функционалы арқылы электрондық әкімшілік істің тиісті материалдарына қол жеткізе алады, сондай-ақ ол арқылы өтінішхат, шағым, арыздар беру және оларға электрондық нысанда жауаптар алу жүзеге асырылады.

      Электрондық әкімшілік іс материалдарына қолжетімділікті әкімшілік процесті жүргізуші адам мемлекет мүддесіне қайшы келмейтін және басқа адамдардың құқықтары мен заңды мүдделерін бұзумен байланысты емес көлемде береді.

      ЭЦҚ болмаған және (немесе) Интернет желісіне қосылмаған жағдайда, іс жүргізуге қатысушылар әкімшілік құқық бұзушылық туралы іс бойынша іс жүргізуді жүргізетін органның (лауазымды адамның) тыңдап-көрсетуі немесе ұсынуы (жеке танысу үшін) арқылы электрондық көшірмесін алу мүмкіндігімен әкімшілік істің материалдарымен таныстырылады.

3-тарау. Әкімшілік құқық бұзушылық туралы істі қарау және әкімшілік жазаның орындалуы кезіндегі ӘІБТ-ні жүргізу ерекшеліктері

      13. Электрондық әкімшілік істі қарау шеңберінде тартылатын сарапшылар мен мамандар ӘҚБтК-нің 773-бабына сәйкес қорытынды толтырады.

      Электрондық құжат нысанында қорытынды толтыру мүмкін болмаған кезде, қорытындының қағаз нұсқасын әкімшілік процесті жүргізуші адам PDF-құжатқа аударады және іс материалдарына қосады.

      14. Әкімшілік құқық бұзушылық туралы іс бойынша іс жүргізуді жүргізетін органға (лауазымды адамға) қағаз нысанында келіп түскен шағым және (немесе) наразылық PDF-құжатқа аударылып, кейін ӘІБТ-ге салынуға жатады.

      Қағаз нысанында келіп түскен істі қайта қарау туралы өтінішке (заңды күшіне енген қаулылар және ұйғарымдар бойынша) және органның (лауазымды адамның) шешіміне және әрекеттеріне (әрекетсіздігіне) шағымдарға ұқсас тәртіп қолданылады.

      Ескертпе: әрекеттердің осы тәртібі істі электрондық нысанда жүргізу кезінде, сондай-ақ іс материалдарын PDF-құжат түрінде ӘІБТ-ге енгізу жағдайларында қолданылады.

      15. Айыппұл түріндегі әкімшілік жазаны ерікті түрде орындау мерзімдері өткеннен кейін және төлем жасалғаны туралы мәліметтер түспеген кезде, орган (лауазымды адам) 1-ӘҚ нысанындағы АЕҚ-ның тиісті деректемелерін толтыру арқылы электрондық нысанда айыппұл салу туралы қаулыны немесе айыппұл төлеу қажеттігі туралы ұйғарымды мәжбүрлеп орындауға жібереді.

4-тарау. 1-ӘЖ және 1-ӘҚ нысандарындағы АЕҚ-ны қою, түзету, жою және сақтау ерекшеліктері

      16. 1-ӘЖ нысанындағы АЕҚ әкімшілік құқық бұзушылық туралы іс қозғалған кезде әрбір іске толтырылады. Адам бірнеше әкімшілік құқық бұзушылық жасаған кезде, АЕҚ құқық бұзушылықтың әрқайсысына жеке нөмір беріле отырып қойылады.

      17. 1-ӘҚ нысанындағы АЕҚ тек 1-ӘЖ нысанды АЕҚ қойылғаннан кейін, қозғалған әкімшілік құқық бұзушылық туралы іс бойынша келесі шешімдерді қабылдау нәтижесі бойынша толтырылады:

      1) материалды (хаттаманы) беру туралы;

      2) материалдарды (хаттамаларды) біріктіру туралы;

      3) жаза қолдану немесе тоқтату/босату туралы қаулы шығара отырып материалды (хаттаманы) қарау туралы;

      4) материалды мәжбүрлеп орындауға жіберу туралы;

      5) жазаны орындау туралы;

      6) жазаны орындауды кейінге қалдыру туралы;

      7) әкімшілік құқық бұзушылық туралы іс бойынша қаулыға шағымдану (наразылық келтіру) туралы.

      Бұл ретте, әрбір қабылданған шешімге жеке АЕҚ толтырылады.

      18. АЕҚ-ны түзетуді органның (лауазымды адамның) дәлелді өтініші негізінде уәкілетті орган жүргізеді.

      ӘІБТ-де АЕҚ-ны жоюды уәкілетті органның осы бағытқа жетекшілік ететін бөлім бастығы жою себебін көрсете отырып, жүзеге асырады.

      Электрондық нысанда іс жүргізуді жүргізген кезде қабылданған процестік шешімдер негізінде қалыптастырылған АЕҚ түзетуге және жойылуға жатпайды.

      19. Әкімшілік жауаптылыққа тартылған адамдардың сауалнамалық деректері ӘІБТ-де жеке басын куәландыратын құжат тілінде толтырылуға жатады.

      20. Әкімшілік жауаптылыққа тартылған адамдар туралы мәліметтер, ӘҚБтК-нің 61-бабына сәйкес әкімшілік жазаны қолдану туралы қаулының орындалуы аяқталған сәттен бастап бір жыл ішінде есепте тұрады.

      21. Әкімшілік жауаптылыққа тартылған кәмелетке толмағандар туралы мәліметтер әкімшілік жаза қолдану туралы қаулы орындалған кезден бастап алты ай ішінде сақталады (ӘҚБтК-нің 72-бабы).

      22. Әкімшілік сыбайлас жемқорлық құқық бұзушылықтар жасағаны үшін әкімшілік жауаптылыққа тартылған адамдар туралы мәліметтер әкімшілік жаза қолдану туралы қаулының орындалуы аяқталған күннен бастап үш жыл ішінде сақталады (2015 жылғы 23 қарашадағы "Қазақстан Республикасының мемлекеттік қызметі туралы" Қазақстан Республикасының Заңының 13-бабы).

5-тарау. Қорытынды ережелер

      23. Әкімшілік құқық бұзушылық туралы іс бойынша іс жүргізуді жүргізетін органдарға (лауазымды адамдарға) олардың іс жүргізуіндегі не оларға бағынысты әкімшілік іс жүргізуді жүргізетін адамдардың іс жүргізуіндегі электрондық әкімшілік істерге қолжетімділік беріледі.

      Прокурор өзі қадағалауды жүзеге асыратын әкімшілік істерге қолжетімділікке ие.

      24. Әкімшілік құқық бұзушылық туралы істер бойынша іс жүргізуді жүргізетін органдар (лауазымды адамдар) нақты аумақтық және құрылымдық бөлімшелер бойынша ӘІБТ-нің пайдаланушылар тізбесін, өкілеттіліктерін және электрондық әкімшілік істерге қолжетімділік деңгейін анықтайды.

      Көрсетілген тізбенің негізінде уәкілетті орган ӘІБТ-нің пайдаланушыларына қолжетімділік құқықтарын анықтайды.

      25. Әкімшілік құқық бұзушылық туралы істер бойынша іс жүргізудің заңдылығын және ведомстволық бақылауды қамтамасыз ету мақсатында әкімшілік құқық бұзушылық туралы іс бойынша іс жүргізуді жүргізетін орталық, облыстық (және оларға теңестірілген), қалалық (аудандық және оларға теңестірілген) органдардың басшыларына, олардың орынбасарларына, басқармалар мен бөлімдердің бастықтарына, бағынысты және төмен тұрған құрылымдық бөлімшелер бойынша ведомстволық аймақтық бақылауды (жетекшілікті) жүзеге асыратын орталық және облыстық аппарат органдарының жұмыскерлеріне ӘІБТ-ге электрондық әкімшілік істерге қолжетімділік қамтамасыз етіледі.

      26. Әкімшілік құқық бұзушылық туралы істер бойынша іс жүргізуді жүргізетін органдар (лауазымды адамдар):

      1) ӘІБТ-ге енгізілетін ақпараттың әкімшілік құқық бұзушылық туралы істің мән-жайларына және материалдарына сәйкес шынайылығын;

      2) ӘІБТ АЖО-да АЕҚ-ның уақтылы толтырылуын;

      3) қолданыстағы заңнамаға сәйкес әкімшілік іс жүргізуді жүргізу барысында алынған деректерді жарияламауды қамтамасыз етеді.

      27. Ақпараттық қауіпсіздікті қамтамасыз ету мәселелері Қазақстан Республикасының қолданыстағы заңнамасына сәйкес іске асырылады.

  Әкімшілік іс жүргізудің
бірыңғай тізілімін жүргізу
қағидаларына 1-қосымша
  нысан

"Әкімшілік құқық бұзушылық туралы істі қозғау туралы" 1-ӘЖ нысанындағы ақпараттық есепке алу құжаты

1.___________________________________________________________________________________ құқық бұзушылықты анықтаған органның атауы 1.1.________________________________________________________________________________ мемлекеттік органның бастамасы бойынша анықталды 2.___________________________________________________________________________________ құқық бұзушылықтың жасалған орны

3. Әкімшілік іс нөмірі /_/_/_/_/_/_/_/_/_/_/_/_/_/_/_/ басталған күні "___"________20__жыл
3.1. Хаттама нөмірі /_/_/_/_/_/_/_/_/_/_/_/_/_/_/ жасалған күні "___"________20__жыл
3.1.1 Толтырылған орны ___________________________
3.2 Бюджеттік жіктеу коды /_/_/_/_/_/_/
3.3 Салық органының коды /_/_/_/_/
3.4 Төлемді тағайындау коды /_/_/_/
4. Ақпаратты есепке алу кітабындағы нөмір /_/_/_/_/_/_/_/_/_/_/_/_/_/_/_/ тіркелген күні "___"_______20__жыл
5. Сотқа дейінгі тергеп-тексерулердің бірыңғай тізілімінің нөмірі /_/_/_/_/_/_/_/_/_/_/_/_/_/_/_/ тіркелген күні "___" _________20 ___жыл
6.______________________________________________________________________________________
хаттаманы толтырған лауазымды адамның тегі, аты, әкесінің аты (бар болған жағдайда) (бұдан әрі - Т.А.Ә.)
7. Уәкілетті органға келіп түскен күні "__"__________20__жыл. Түзетілген күні "___" ________20__жыл.

8. Субъект: жеке тұлға (01), жеке кәсіпкер (02), заңды тұлға (03), шетелдік заңды тұлға (04), шетелдік қатысуы бар заңды тұлға (05), лауазымды адам (25), лауазымды адамға теңестірілген адам (26), заңды тұлға филиалы (27), заңды тұлға өкілдігі (28), анықталмаған адам (50).

9. Құқық бұзушылықтың саралануы Қазақстан Республикасының Әкімшілік құқық бұзушылық туралы Кодексінің (бұдан әрі - ӘҚБтК) ____бабы _____бөлігі _____тармағы.
9.1. Іс жүргізуді қамтамасыз ету шаралары: әкімшілік құқық бұзушылық туралы хаттама жасалатын жерге жеткізу "___" __________ 20___жыл, уақыты ___сағат ___минут (1); жеке тұлғаны әкімшілік ұстап алу "___" __________ 20___жыл, уақыты ___сағат ___минут (2); күштеп әкелу "___" __________ 20___жыл, уақыты ___сағат ___минут (3); жеке басын жете тексеру және жеке тұлғаның өзімен бірге алып жүрген заттарын жете тексеру "__" _______ 20_жыл, уақыты __сағат ___минут (4); көлік құралдарын, шағын көлемді кемелерді жете тексеру "__" ______ 20_жыл, уақыты __сағат ___минут (5); құжаттарды, заттар мен тауарларды алып қою "__" _______ 20_жыл, уақыты __сағат ___минут (6);
көлік құралын немесе шағын көлемді кемені басқарудан шеттету және оның алкогольден, есірткіден, уытқұмарлықтан масаң күйін куәландыру"__" _______ 20__жыл, уақыты ___сағат ___минут (7); көлік құралын немесе шағын көлемді кемені ұстап алу, жеткізу және пайдалануға тыйым салу"__" __20_ жыл, уақыты __сағат __минут (8); қарап-тексеру "__" _______ 20_жыл, уақыты __сағат ___минут (9);
жеке тұлғаның алкогольден, есірткіден немесе уытқұмарлықтан масаң күйін медициналық куәландыру"__" _______ 20_жыл, уақыты __сағат ___минут (10); ӘҚБтК-нің 48-бабының тәртібімен қызметті немесе оның жекелеген түрлерін тоқтата тұру не оған тыйым салу "__" _______ 20_жыл, уақыты __сағат___минут (11);
9.2. Бұзды: ______________________________________________________________________________
10. Кінә нысаны: қасақана (1), абайсызда (2).
11.Әкімшілік құқық бұзушылықты жасаған күні "___"__________________20__жыл.
11.1 Әкімшілік құқық бұзушылық жасаған уақыты ___сағат ___ минут.
12. Мемлекетке келтірілген залал сомасы __________________________теңге.
13. Құқық бұзушылық фабуласы ______________________________________________________
_______________________________________________________________________________________
13.1 Іс жүргізу тілі: мемлекеттік (1), орыс (2).
13.2. Қорғаушының болуы: талап етілмейді (1), тартылды (2).
13.3. Аудармашының болуы: талап етілмейді (1), тартылды (2).
13.4. Іс жүргізудің өзге де қатысушылары:_________________________________________________
Т.А.Ә., жеке сәйкестендіру нөмірі (бұдан әрі - ЖСН), __________________________________________________________________________________
тұрғылықты жері, байланыс деректері
13.5.Пайдаланылатын техникалық құралдар: ____________________________________________
(атауы, нөмірі, метрологиялық тексеру күні
__________________________________________________________________________________
және оның көрсеткіштері)
14. Келесілерге қатысты құқық бұзушылық: Қазақстан Республикасының азаматы (01), шетел азаматы (02), әйел (03), әскери қызметші (04), кәмелетке толмаған (05), лауазымды адам (06).

15. Әкімшілік құқық бұзушылық жасаған адамның Т.А.Ә.
Тегі/__/__/__/__/__/__/__/__/__/__/__/__/__/__/__/__/__/__/__/__/__/__/__/
Аты/__/__/__/__/__/__/__/__/__/__/__/__/__/__/___/__/__/__/__/__/__/__/__/
Әкесінің аты/__/__/__/__/__/__/__/__/__/__/__/__/__/__/__/__/__/__/__/__/__/__/__/
16. Туған күні "______"__________ ______ жылы туған.
17. Құқық бұзушының жынысы: ер (1), әйел (2).
18. Құқық бұзушылық жасаған кездегі жасы: 11 жасқа дейін (01), 12-13 жас (02), 14-15 жас (03), 16-17 жас (04), 18-20 жас (05), 21-29 жас (06), 30-39 жас (07), 40-49 жас (08), 50-59 жас (09), 60 жас және жоғары (10).
19. Құқық бұзушылық жасаған: Қазақстан Республикасының азаматы (1), Тәуелсіз Мемлекеттер Достастығы елдерінің азаматы (2), шетел азаматы (3), азаматтығы жоқ адам (4), қандас (5).
19.1 Азаматтығы: (анықтамалық бойынша) _____________________________________________
20. Ұлты: (анықтамалық бойынша)________________________________________________________
21. Туған жері __________________________________________________________________________
22. Тұрғылықты жері _____________________________________________________________________
22.1 Телефон нөмірі_____________________________________________________________________
22.2 Электрондық мекенжайы ___________________________________________________________
23. Құжаты: паспорт (01), жеке куәлік (02), тұруға ықтиярхат (03), азаматтығы жоқ адамның куәлігі (04), жүргізушінің куәлігі (05), әскери билет (06), туу туралы куәлік (07), аңшылық билет (08), жеке кәсіпкер куәлігі (09).
№___________"____"__________ _______жыл ________________________________ берген
(кім берген)
24. ЖСН /_/_/_/_/_/_/_/_/_/_/_/_/

25. Жұмысының түрі: (анықтамалық бойынша)
25.1 Жұмысының түріне қосымша белгiлер: (анықтамалық бойынша)
26. Жұмыс (оқу) орны, лауазымы __________________________________________________________
_______________________________________________________________________________________
27. Келесі күйде жасалған: алкогольдік (1), есірткілік (2), уытқұмарлық масаң күйде (3).

28. Коммерциялық ұйымның ұйымдастырушылық-құқықтық нысаны: мемлекеттіқ кәсіпорын (01), шаруашылық серіктестік (02), акционерлік қоғам (03), өндірістік кооперативі (04), өзгелер (05); оның ішінде: шағын кәсіпкерлік субъектісі (12), орта кәсіпкерлік субъектісі (13), ірі кәсіпкерлік субъектісі (14).
коммерциялық емес ұйым: мекеме (08), қоғамдық бірлестік (09), мемлекеттік мекеме (10), өзге нысан (11).
29. Заңды тұлға атауы ____________________________________________________________________
29.1 Мемлекеттік тіркеу нөмірі және күні___________________________________
30. Заңды мекенжайы ________________________________________________________________
30.1 Телефон нөмірі _________________________
30.2 Электрондық мекенжайы_____________________________
31. Бизнес сәйкестендіру нөмірі /_/_/_/_/_/_/_/_/_/_/_/_/ 32. Банк деректемелері____________________

Іс қозғалған жеке тұлғаның/заңды тұлға өкілінің түсініктемесі ______________________
__________________________________________________________________________________

Өзге белгілер ___________________________________________________________________________
_______________________________________________________________________________________
Хаттамаға қоса беріледі___________________________________________________________________
(құжаттар / заттар)
Істі қарау:_____________________________________________________________________
(орган атауы)
______________________________________ "____"____________20__жыл _____сағат_____минут.
(қарау орнының мекенжайы)
Іс қатысушыларын хаттамамен таныстыру: Қорғаушы _________________ Аудармашы ______________________ (қолы) (қолы) Өзіне қатысты іс қозғалған тұлға: ӘҚБтК-нің 744-бабына сәйкес құқығын түсіндіру _______________________________ (танысты / танысудан бас тартты) хаттама мазмұнымен: ___________________________________ (танысты / танысудан бас тартты) хаттама көшірмесін: ___________________________________ (алды / бас тартты) уақытша жүргізуші куәлігін алдым мен көрсеткен байланыс деректері бойынша жіберілген хабарлама тиісті және жеткілікті болып саналады: _________________________ (қолы) Іс деректерін куәгерлердің растауы: Куәгер 1_____________________ Куәгер 2_________________________ (қолы) (қолы)

  Әкімшілік іс жүргізудің
бірыңғай тізілімін жүргізу
қағидаларына 2-қосымша
  Нысан

"Әкімшілік құқық бұзушылық туралы істің қаралу, жылжу барысы туралы және әкімшілік жазаның орындалу тәртібі туралы" 1-ӘҚ нысанындағы ақпараттық есепке алу құжаты

1. Материал/хаттама/іс бойынша шешім қабылдаған уәкілетті орган______________________
2. Әкімшілік іс нөмірі /_/_/_/_/_/_/_/_/_/_/_/_/_/_/
2.1. Хаттама нөмірі /_/_/_/_/_/_/_/_/_/_/_/_/_/_/
2.2 Сот ісінің нөмірі /_/_/_/_/_/_/_/_/_/_/_/_/_/_/
2.3 Бірлесіп қарау үшін істерді бір іс жүргізуге біріктіру (Қазақстан Республикасы Әкімшілік құқық бұзушылық туралы кодексінің (бұдан әрі - ӘҚБтК) 816-бабы 4-бөлігі): иә (01), жоқ (02)
2.4 Негізгі әкімшілік істің нөмірі /_/_/_/_/_/_/_/_/_/_/_/_/_/_/
2.5 Біріккен әкімшілік істердің нөмірлері:___________________________

3. Шешім қабылдаған адамның тегі, аты, әкесінің аты (бар болған жағдайда) (бұдан әрі - Т.А.Ә.), лауазымы:
__________________________________________________________________________________
3.1. Істі қарау тәртібі: ашық (01), жабық (02).
3.2. Іс жүргізу тілі: мемлекеттік (01), орыс (02).
3.3. Шешім шығару орны: ____________________________________________________________
4. Келіп түскен күні "__"________20__жыл. Түзетілген күні "__"______20__жыл.

5. Құқық бұзушылықтың саралануы ӘҚБтК-нің __ бабы __ бөлігі __ тармағы
6. Мемлекет пайдасына залал өтелді ___________________________ теңге
7. Материал/хаттама бойынша шешім: материал/хаттама берілді (08), жаза қолданумен қаралды (09), тоқтатумен/ әкімшілік жазадан, әкімшілік жауаптылықтан босатумен қаралды (10), жазаны орындау: айыппұлды өтеу (11), жазаны орындау кейінге қалдырылды/ұзартылды (12), қаулыға шағым/наразылық келтірілді (13)
Шешім қабылданған күн "__"______________20__жыл.
7.1 Прокурордың қатысуы: иә (01), жоқ (02)
7.2. Іске қатысушы тұлғалар ____________________________________________________ Т.А.Ә _____________________________________________________________________________ жеке cәйкестендіру нөмірі, тұрғылықты жері, байланыс деректері

8. Материал берілді:
8.1 ведомстволық бағыныстылығы бойынша (01), ӘҚБтК 812-бабы 2-бөлігі тәртібінде көлік құралын есепке алу орны бойынша берілді (02), сот органына (03), қаулыны мәжбүрлі орындауға (05).
8.2 Материал берілген органның атауы ________________________________

9. Әкімшілік жаза шаралары (ӘҚБтК-нің 42, 52-баптары):
9.1 негізгілер: ескерту (01), әкімшілік айыппұл (02), әкімшілік қамаққа алу (03), арнайы құқығынан айыру (04), рұқсатынан айыру немесе оның әрекетін тоқтата тұру, сондай-ақ тізілімнен шығару (05), қызметті немесе оның жеке түрлерін тоқтата тұру/тыйым салу (06), шетелдікті немесе азаматтығы жоқ адамды Қазақстан Республикасының шегінен әкімшілік жолмен шығарып жіберу (07), "__"______________20__жылға дейінгі мерзімге.
9.2 қосымша: арнайы құқығынан айыру (04), рұқсатынан айыру/тоқтата тұру, сонымен қатар тізілімнен алып тастау (05), қызметті немесе оның жеке түрлерін тоқтата тұру/тыйым салу (06), шетелдікті немесе азаматтығы жоқ адамды Қазақстан Республикасының шегінен әкімшілік жолмен шығарып жіберу (07), тәркілеу (09), мәжбүрлі бұзу (10).
"__"______________20__жылға дейінгі мерзімге.
9.3 Әкімшілік-құқықтық: жол жүрісі қағидаларын білуін тексеру (12), азаматтық және қызметтік қаруды қауіпсіз ұстау қағидаларын білуін тексеру (13), құқық бұзушының жүріс-тұрысына ерекше талаптар белгiлеу (14).
9.4 Салынған айыппұл мөлшері ____________________________ теңге
9.5 Оның ішінде ӘҚБтК-нің 819-бабы 2-бөлігін қолданумен: иә (01), жоқ (02)
9.6 Қысқартылған іс жүргізу тәртібінде салынған айыппұл мөлшері ______________ теңге

10. Тоқтату негіздері:
10.1 Мына негіздер бойынша тоқтатылды: ӘҚБтК-нің 62-бабы бойынша ескіру мерзімінің өтуіне байланысты (03), ӘҚБтК-нің 63-бабы бойынша рақымшылық актісі негізінде (04), ӘҚБтК-нің 64-бабы бойынша тараптардың татуласуына байланысты (06), ӘҚБтК-нің 68-бабы бойынша кәмелетке толмағанды босату (07), ӘҚБтК-нің 741-бабының тәртібінде іс бойынша іс жүргізуді болдырмайтын мән-жайлар бойынша (08), ӘҚБтК-нің 742-бабымен көзделген жағдайлар бойынша (09), ӘҚБтК-нің 821-бабы 5-бөлігінің 3-тармағы негізінде (10).
10.2 ӘҚБтК-нің 741-бабына сәйкес іс бойынша іс жүргізуді болғызбайтын мән-жайлар: әкімшілік құқық бұзушылық оқиғасының болмауымен байланысты (01), әкімшілік құқық бұзушылық құрамының болмауымен байланысты (02), әкімшілік жауаптылықты белгілейтін заңның немесе оның жекелеген ережелерінің күші жойылумен байланысты (03), әкімшілік жауаптылықты белгілейтін заңды немесе оның жекелеген ережелерін немесе әрекетті әкімшілік құқық бұзушылық ретінде саралаумен байланысты болатын әкімшілік құқық бұзушылық туралы осы істе қолданылуға тиісті өзге нормативтік құқықтық актіні Қазақстан Республикасының Конституциялық Кеңесі конституциялық емес деп тануға байланысты (04), әкімшілік жауаптылыққа тартудың ескіру мерзімінің өтуіне байланысты (05), әкімшілік жауаптылыққа тартылатын адамға қатысты сол факт бойынша судьяның, органның, лауазымды адамның әкімшілік жаза қолдану туралы қаулысының немесе әкімшілік құқық бұзушылық туралы істі тоқтату туралы күші жойылмаған қаулысының болуымен, сондай-ақ сол факт бойынша адамды күдікті деп тану туралы қаулының болуымен байланысты (06), іс бойынша іс жүргізілетін жеке тұлғаның қайтыс болуымен, заңды тұлғаның таратылуымен (07), ӘҚБтК-нің 741-бабы 1-бөлігі 8-тармағында көрсетілген уәкілетті органдардың бірі растаған бағдарламалық қамтамасыз етудегі техникалық қателіктер туындаумен байланысты (08), электронды түрде кедендік декларациялаумен байланысты Қазақстан Республикасының заңнамасымен белгіленген мерзімдерде және тәртіпте кедендік операцияларды жасау бойынша міндеттемелерді орындамауға әкеп соққан, кеден ісі саласындағы уәкілетті орган растаған электронды нысанда декларациялау бойынша ақпараттық жүйенің жұмысында қателіктердің туындауымен байланысты (08-1), Қазақстан Республикасының салық, кедендік заңнамасымен көзделген өзге де жағдайларда (09), ӘҚБтК-нің 897-бабымен белгіленген тәртіпте әкімшілік айыппұлдың төленгенін растайтын құжаттың болуы (10), әкімшілік жауаптылыққа тартылатын адам заңмен белгіленген тәртіпте адам саудасымен байланысты қылмыс туралы қылмыстық іс бойынша жәбірленуші деп танылуымен байланысты (11), ӘҚБтК-нің 64-бабымен белгіленген тәртіпте тараптардың татуласуына байланысты мән-жайлар (12);
10.3 Адам ӘҚБтК-нің 50-бабы, 2-бөлігі негізінде әкімшілік жазадан босатылған (01), адам ӘҚБтК-нің 889-бабы негізінде әкімшілік жазадан босатылған (02), адам ӘҚБтК-нің 63-бабы негізінде әкімшілік жазадан босатылған (03), адам ӘҚБтК-нің 68-бабы негізінде әкімшілік жазадан босатылған (04).
10.4 Кәмелет жасқа толмағанға қатысты тәрбиелік ықпал ету шаралары қолданылған: заңды түсіндіру (01), келтірілген зиянның есесін толтыру міндетін жүктеу (02), кәмелетке толмаған адамдарды бос уақытын шектеу және мінез-құлқына ерекше талаптар белгілеу (03).

11. Айыппұлды өндіріп алу
11.1 Ерікті түрде өтелген айыппұл сомасы ____________________ теңге
11.2 Мәжбүрлеу тәртібінде өндіріп алынған айыппұл сомасы ___________ теңге
11.3 Қысқартылған тәртіпте өндіріп алынған айыппұл сомасы __________ теңге

12. Қаулыны орындау кейінге қалдырылды/ұзартылды
12.1 Әкімшілік қамаққа алу, арнайы құқығынан айыру немесе айыппұл түріндегі әкімшілік жаза туралы қаулыны орындау "__" 20___ жылға дейін кейінге қалдырылды.
12.2 Айыппұл салу туралы қаулыны орындауды судья, орган (лауазымды адам) "__"______________20__жылға дейін кейінге қалдырды.

13. Шағым/наразылық келтірілді
13.1 ӘҚБтК-нің 830-бабы тәртібінде шағым келтірілді (01), ӘҚБтК-нің 830-бабы тәртібінде прокурордың апелляциялық өтінішхаты енгізілді (02), ӘҚБтК-нің 848-бабы тәртібінде ұсыну енгізілді (03), ӘҚБтК-нің 848-бабы тәртібінде наразылық келтірілді (04).
13.2 Шағымды/өтінішхатты/наразылықты қарау нәтижесі: қаулы өзгеріссіз қалдырылды, ал шағым/өтінішхат/наразылық қанағаттандырылмады (01), қаулы өзгертілді (02), әкімшілік істі тоқтата отырып, қаулының күші жойылды (03), жаңа қаулы шығарумен қаулының күші жойылды (04), ведомстволық бағыныстылығы бойынша жолдаумен қаулының күші жойылды (05).
13.3 Шағым/өтінішхат/наразылық бойынша істі қарау күні "__"______________20__жыл.
13.4 Істі қайта қараған орган атауы _______ ______________________

14. Қаулыны жаңадан ашылған мән-жайлар бойынша қайта қарау
14.1 ӘҚБтК-нің 852-бабының тәртібінде шағым келтірілді (01), ӘҚБтК-нің 852-бабы тәртібінде наразылық келтірілді (02).
14.2 Шағымды/наразылықты қарау нәтижесі: қайтарылды (01), қанағаттандырылды және күші жойылды (02), істі қайта қараудан бас тартылды (03).
14.3 Шағым/наразылық бойынша істі қарау күні "__"______________20__жыл.
14.4 Істі қайта қараған органның атауы _________________________________
_____________________________________ "__"______________20__жыл.

15. Банкрот (01), жалған кәсіпорын (02) болып танылды
15.1 Шешім қабылдаған соттың атауы (анықтамалық бойынша)
15.2 Шешім қабылданған күн "__"______________20__жылы

16. Қызметкердің Т.А.Ә., лауазымы, қолы және толтырған күні
_____________________________________ "__"______________20__жыл.