"Пестицидтердің (улы химикаттардың) тіркеу, өндірістік сынақтарын жүргізу және мемлекеттік тіркеу қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 30 қаңтардағы № 4-4/61 бұйрығына өзгерістер енгізу туралы

      ЗҚАИ-ның ескертпесі!
Осы бұйрықтың қолданысқа енгізілу тәртібін 4 т. қараңыз

      БҰЙЫРАМЫН:

      "Пестицидтердің (улы химикаттардың) тіркеу, өндірістік сынақтарын жүргізу және мемлекеттік тіркеу қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 30 қаңтардағы № 4-4/61 бұйрығына (Нормативтік құқықтық актілерді мемлекеттік тіркеу тізілімінде № 11687 болып тіркелген, 2015 жылғы 9 қыркүйекте "Әділет" ақпараттық-құқықтық жүйесінде жарияланған) мынадай өзгерістер енгізілсін:

      кіріспесі мынадай редакцияда жазылсын:

      "Өсімдіктерді қорғау туралы" 2002 жылғы 3 шілдедегі Қазақстан Республикасы Заңының 6-бабы 1-тармағының 7) тармақшасына және 19-2-бабының 2-тармағына, "Рұқсаттар және хабарламалар туралы" 2014 жылғы 16 мамырдағы Қазақстан Республикасы Заңының 12-бабы 1-тармағының 4) тармақшасына және "Мемлекеттік қызметтер туралы" 2013 жылғы 15 сәуірдегі Қазақстан Республикасының Заңының 10-бабы 1) тармақшасына сәйкес БҰЙЫРАМЫН:";

      тақырыбы мынадай редакцияда жазылсын:

      "Пестицидтерді тіркеу (ұсақмөлдекті және өндірістік) сынақтарынан өткізу және мемлекеттік тіркеу қағидаларын бекіту туралы";

      1-тармақ мынадай редакцияда жазылсын:

      "1. Қоса беріліп отырған Пестицидтерді тіркеу (ұсақмөлдекті және өндірістік) сынақтарынан өткізу және мемлекеттік тіркеу қағидалары бекітілсін.";

      көрсетілген бұйрықпен бекітілген Пестицидтердің (улы химикаттардың) тіркеу, өндірістік сынақтарын жүргізу және мемлекеттік тіркеу қағидалары осы бұйрыққа қосымшаға сәйкес жаңа редакцияда жазылсын.

      2. Қазақстан Республикасы Ауыл шаруашылығы министрлігінің Ветеринариялық, фитосанитариялық және тамақ қауіпсіздігі департаменті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық ресми жарияланғаннан кейін оның Қазақстан Республикасы Ауыл шаруашылығы министрлігінің интернет-ресурсында орналастырылуын қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛДІ"

      Қазақстан Республикасы

      Денсаулық сақтау

      министрлігі

      КЕЛІСІЛДІ"

      Қазақстан Республикасы

      Ұлттық экономика министрлігі

      "КЕЛІСІЛДІ"

      Қазақстан Республикасы

      Цифрлық даму, инновациялар және

      аэроғарыш өнеркәсібі министрлігі

      "КЕЛІСІЛДІ"

      Қазақстан Республикасы Экология,

      геология және табиғи ресурстар министрлігі

Пестицидтердi тiркеу (ұсақмөлдекті және өндірістік) сынақтарынан өткізу және мемлекеттiк тiркеу қағидалары

1-тарау. Жалпы ережелер

      1. Осы Пестицидтерді тiркеу (ұсақмөлдекті және өндірістік) сынақтарынан өткізу және мемлекеттiк тiркеу қағидалары (бұдан әрі - Қағидалар) "Өсімдіктерді қорғау туралы" 2002 жылғы 3 шілдедегі (бұдан әрі - Заң), "Рұқсаттар және хабарламалар туралы" (бұдан әрі - Рұқсаттар және хабарламалар туралы заң) 2014 жылғы 16 мамырдағы және Мемлекеттік қызметтер туралы (бұдан әрі - Мемлекеттік қызметтер туралы заң) 2013 жылғы 15 сәуірдегі Қазақстан Республикасының Заңдарына сәйкес әзірленді және пестицидтердi тіркеу (ұсақмөлдекті және өндірістік) сынақтарынан өткізу және мемлекеттiк тiркеу тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) әсер етушi зат - әртүрлі препараттық нысандар түрінде пайдалану зиянды организмге, аса қауіпті зиянды организмге, карантиндік объектіге, бөтентекті түрге немесе өсімдіктердің өсуі мен дамуына уытты әсер етуге әкелетін пестицидтiң биологиялық белсенді бөлiгi;

      2) вегетациялық кезең (өсiп-өну маусымы) - нақты ауыл шаруашылығы дақылының егілгеннен бастап пiсіп-жетілгенгенге дейiнгi кезең;

      3) жалпы қабылданған атау - пестицидтiң әсер етушi затына стандарттау жөнiндегi халықаралық ұйым берген немесе техникалық реттеу және метрология саласындағы уәкілетті орган туыстық (топтық) немесе жекелiк (тек белгiлi бiр әсер етушi затқа) атау ретiнде қолдануға қабылдаған атау;

      4) қайта тiркеу - пестицидке берілетін тіркеу куәлiгінiң қолданылу мерзiмi өткен соң қосымша сынақтардан өткізбестен пестицидті қайтадан мемлекеттік тiркеу;

      5) құрамдастырылған пестицид - құрамында екi және одан да көп әсер етушi заты бар препарат;

      6) мемлекеттік көрсетілетін қызмет стандарты - қызмет көрсету процесінің сипаттамаларын, нысанын, мазмұны мен нәтижесін, сондай-ақ мемлекеттік қызмет көрсету ерекшеліктері ескеріле отырып, өзге де мәліметтерді қамтитын мемлекеттік қызмет көрсетуге қойылатын негізгі талаптар тізбесі;

      7) орындаушы ұйым - пестицидтердің биологиялық, шаруашылық тиiмдiлiктерiн бағалауды жүзеге асыратын, бұл үшін қажетті ғылыми-әдістемелік және материалдық-техникалық қамтылымы, тиісті бейіндегі және білікті мамандары, "Ғылыми және (немесе) ғылыми-техникалық қызмет субъектілерін аккредиттеу қағидасын бекіту туралы" Қазақстан Республикасы Үкіметінің 2011 жылғы 8 маусымдағы № 645 қаулысына сәйкес аккредитациясы бар ғылыми-зерттеу және ғылыми-өндiрiстiк ұйымдар, сондай-ақ, пестицидтерді талдау әдістерін әзірлеуді, токсикологиялық бағалауды, бейімдеуді және байқаудан өткізуді, олардың қалдық мөлшерлерін зерттеуді жүзеге асыратын "Сәйкестікті бағалау саласындағы аккредиттеу туралы" 2008 жылғы 5 шілдедегі Қазақстан Республикасының Заңына сәйкес аккредитациясы бар ұйымдардың зертханалары;

      8) пестицидтің айрықша (саудалық) атауы - аталған пестицид тiркеу (ұсақмөлдекті және өндірістік) сынағынан өтетін, тіркелетін, заттаңбаланатын, жарнамаланатын және өнімді басқа пестицидтерден айрықша ету мақсатында оны тiркелушi (өтінім беруші) ғана пайдалана алатын атау;

      9) пестицидке арналған қысқаша дерекнама - пестицидтің биологиялық, физикалық-химиялық және токсикологиялық қасиеттері туралы мәліметтер;

      10) пестицидтерді қолдану регламентi - пестицидтің шығыс нормасы, дақыл, өңделетін объекті, зиянды организм, аса қауіпті зиянды организм, карантиндік объект, өңдеу тәсiлi, уақыты, шектеу, жұмыс сұйығының шығысы, соңғы өңдеу мерзімі, пестицидтермен өңдеудің ең көп өңдеу еселiгi туралы ақпараттарды қамтитын пестицидтердi қолдану шарттары мен тәртiбiне қойылатын талаптар;

      11) пестицидтерді тіркеу (ұсақмөлдекті және өндірістік) сынақтары - ұсақмөлдекті тәжірибелерде және өндірістік жағдайларда жүзеге асырылатын, пестицидтерді биологиялық, шаруашылық, уыттылық, гигиеналық және экологиялық бағалауды қамтитын, осы Қағидаларға сәйкес пестицидтерді пайдалану тиімділігі мен қауіпсіздігін растау рәсімі;

      12) пестицидтерді токсикологиялық бағалау - сыналып жатқан пестицидтерді қауіпсіздік көрсеткіштері (өнімдегі, қоршаған орта объектілеріндегі қалдық мөлшері және олардың бекітілген нормативтерге сәйкестігі) бойынша бағалау;

      13) пестицидтердiң қалдық мөлшері - оның көмегiмен адам мен жануарлар үшін пестицидтiң қауiпсіздігі бағаланатын өсiмдiк шаруашылығы өнiмі мен қоршаған орта объектілеріндегі олардың құрамының сандық көрсеткіші;

      14) пестицидтер тiзiмiне толықтырулар - жыл сайын қосымша тіркелетін және Қазақстан Республикасы аумағында өндіруге (формуляциялауға), әкелуге, сақтауға, тасымалдауға, өткізуге және қолдануға рұқсат етiлген пестицидтердiң тізіміне енгізілетін пестицидтер тiзбесі;

      15) пестицидтердің шығыс нормасы - өңделетiн алаң бірлігіне пестицид массасы (гектарға/тоннаға/шаршы метрге килограмм немесе литр);

      16) пестицид қауiптiлiгi - адамға және қоршаған ортаға қолайсыз әсер ету ықтималдығы;

      17) пестицидті қолданудың биологиялық тиiмдiлiгі - зиянды организмдердің, аса қауіпті зиянды организмдердің, карантиндік объектілердің, бөтентекті түрлердің қырылу немесе санының азаю көрсеткіштерімен немесе қорғалатын өсімдіктердің зақымдану дәрежесімен көрсетілетін пестицидті қолдану нәтижесі;

      18) пестицидтің препараттық нысаны - пестицидтің физикалық-химиялық қасиеттерiне, уыттылығына, мақсатына және қолдану тәсiлiне қарай (эмульсия концентраты, суспензиялы концентрат, түйiршiктер, паста, микрокапсулаланған суспензия, дымқылданатын ұнтақ және (немесе) басқа да нысандар) оны қолдану нысаны;

      19) пестицидтің тәжiрибелік үлгiсі - ұсақмөлдекті және өндiрiстiк сынақтарды, сондай-ақ ғылыми зерттеулерді жүргiзуге жеткiлiктi мөлшердегі, оларға арналған тіркелмеген пестицидтің үлгісі;

      20) пестицидке берілетін тіркеу куәлігі - пестицидтi Қазақстан Республикасының аумағына әкелуге, өндіруге (формуляциялауға), сақтауға, тасымалдауға, өткізуге және қолдануға рұқсат беретін құжат;

      21) пестицидтердің тізімі - Қазақстан Республикасы аумағында өндіруге (формуляциялауға), әкелуге, сақтауға, тасымалдауға, өткізуге және қолдануға рұқсат етілген тіркелген пестицидтердің тізбесі;

      22) пестицидтің тiркеу дерекнамасы - пестицидті тіркеуге ұсынылатын және оның тиiмдiлігiн, қауіпсіздігін және сапасын растайтын құпия деректері бар құжаттар жиынтығы;

      23) пестицидті қолданудың шаруашылық тиімділігі - сақталған ауыл шаруашылығы өнімінің сан және сапа көрсеткіштерімен көрсетілген пестицидтi танаптық жағдайда қолдану нәтижесі;

      24) талдамалық стандарт - пестицидтің әсер етуші затының химиялық таза үлгісі;

      25) тәуекел - пестицидті нақты қолдану жағдайындағы оның ықтимал қауiптiлiк дәрежесi;

      26) тәуекелі төмен биологиялық препат - биологиялық қауіптіліктің III-IV сыныбына жататын, жылықандылар мен аралар үшін уыттылығы аз препарат, онда әсер етуді бастаушылар микроорганизм немесе оның оның тіршілік ету өнімі (микроорганизмдер, бактериялар, саңырауқұлақтар, вирустар және тағы басқалары) болып табылады;

      27) тіркелуші (өтініш беруші) - пестицидтерді тіркеу (ұсақмөлдекті және өндірістік) сынақтарынан өткізуге, сондай-ақ тіркеу куәлігін алу үшін пестицидтерді мемлекеттік тіркеуге өтініш берген жеке немесе заңды тұлға;

      28) тiркеу процесi - пестицидтердi тiркеу (ұсақмөлдекті және өндірістік) сынақтарынан өткізу және мемлекеттiк тiркеу тәртібі;

      29) эталондық пестицид - фитосанитариялық қолдану және химиялық тобы бойынша сыналып жатқан пестицидке ұқсайтын, тiркелген пестицид.

      3. Тiркеу процесі мыналарды қамтиды:

      1) пестицидтердi тiркеу (ұсақмөлдекті және өндірістік) сынақтарынан өткізуге және мемлекеттік тіркеуге өтінімдер қабылдау;

      2) пестицидтердiң қалдық мөлшерін тiркеу (ұсақмөлдекті және өндірістік) сынақтарынан және токсикологиялық бағалаудан өткізуді ұйымдастыру;

      3) орындаушы ұйымдардың пестицидтердiң қалдық мөлшерін тiркеу (ұсақмөлдекті және өндірістік) сынақтарынан және токсикологиялық бағалаудан өткізуі;

      4) пестицидтердiң қалдық мөлшерлерінің мемлекеттік тiркеу (ұсақмөлдекті және өндірістік) сынақтары және токсикологиялық бағалау нәтижелері туралы есептерді қарау;

      5) тіркелушінің (өтінім берушінің) тіркеу дерекнамасын қарау;

      6) пестицидтердi мемлекеттік тіркеуді қоршаған ортаны қорғау саласындағы уәкілетті органмен және халықтың санитариялық-эпидемиологиялық саламаттылығы саласындағы мемлекеттік органмен (бұдан әрі - уәкілетті уәкілетті мемлекеттік органдар) келісу;

      7) пестицидтi мемлекеттік тіркеу;

      8) пестицидке тіркеу куәлігін беру;

      9) пестицидтi осы Қағидаларға 1-қосымшаға сәйкес нысан бойынша пестицидтерді мемлекеттік тіркеуді есепке алу журналына, пестицидтер тiзiмiне және пестицидтер тiзiмiне толықтыруларға енгізу.

      4. Пестицидтердiң қалдық мөлшерлерін тiркеу (ұсақмөлдекті және өндірістік) сынақтарынан, токсикологиялық бағалаудан өткізуді және пестицидтерді мемлекеттiк тiркеуді ұйымдастыруды өсімдіктерді қорғау саласындағы уәкілетті органның ведомствосы (бұдан әрі - Ведомство) Заңның 6-бабы 17) тармақшасына сәйкес жүргізеді.

      5. Орындаушы ұйымдардың жыл сайын ағымдағы жылдың 1 ақпанына дейін Ведомствоға ұсынатын өтініш-хаттарының негізінде Ведомство орындаушы ұйымдардың тізбесін қалыптастырады.

2-тарау. Пестицидтердi тiркеу (ұсақмөлдекті) сынақтарынан өткізу тәртiбi

      6. Пестицидтер тiркеу (ұсақмөлдекті) сынақтарынан (бұдан әрі - (ұсақмөлдекті сынақтар) танаптық жағдайларда ұсақмөлдекті тәжірибелерде олардың биологиялық және шаруашылық тиiмдiлiгiн және адамдардың денсаулығы мен қоршаған табиғи орта үшін қауiпсiздiгiн қамтамасыз ететін пестицидтерді қолдану регламенттерін әзірлеу мақсатында өткізіледі.

      7. Пестицидтердi ұсақмөлдекті сынақтардан өткізуге арналған өтiнiмді тiркелушi (өтінім беруші) Ведомствоға осы Қағидаларға 2-қосымшаға сәйкес нысан бойынша қолма қол немесе почта арқылы ағымдағы жылғы 1 ақпанға дейін бередi және онда сынақтарға ұсынылған пестицидтi қолдану регламенттерi қамтылады.

      Биологиялық зат (тар) негізіндегі пестицидті ұсақмөлдекті сынақтардан өткізуге арналған өтінім биологиялық зат (тар) негізінде пестицидті тіркеу (өндірістік) сынақтарынан өткізуге арналған өтініммен бірге беріледі.

      Өтінім әр пестицидке жеке толтырылады. Пестицид атауының белгіленген тәртіппен тіркелген пестицидтердің атауларынан ерекшеленуі қамтамасыз етілуі қажет, атауының тек цифрлардан құрылуына және пестицидтің қасиеттері мен шығу тегіне қатысты жаңылдыруға жол берілмеуі тиіс.

      8. Пестицидтердi ұсақмөлдекті сынақтардан өткізуге арналған өтiнiмге:

      1) осы Қағидаларға 3-қосымшаға сәйкес нысан бойынша пестицидке қысқаша дерекнама;

      2) өтінім берілген пестицидтердің өсiмдiк шаруашылығы өнiмі мен қоршаған орта объектілеріндегі құрамының нормативтері;

      3) өтінім берілген пестицидтердiң өсiмдiк шаруашылығы өнiмі мен қоршаған орта объектілеріндегі қалдық мөлшерлерін анықтау жөніндегі әдiстемелік нұсқаулар;

      4) пестицидтi өндіруші елде пестицидтi және оның әсер етуші заттарын өндіруге рұқсатты куәландыратын құжат;

      5) уәкілетті мемлекеттік органдардың ұсақмөлдекті сынақтарға өтінім берілген пестицидтің әсер етуші затының немесе пестицидтің өзінің әкелуге тыйым салынған және 2001 жылғы 22 мамырдағы Орнықты органикалық ластағыштар туралы Стокгольм конвенциясының ("Еуразиялық экономикалық комиссия Алқасының 2015 жылғы 21 сәуірдегі № 30 шешіміне өзгерістер енгізу туралы" Еуразиялық экономикалық комиссия Алқасының 2015 жылғы 6 қазандағы № 131 шешімімен енгізілген) және (немесе) Қазақстан Республикасында қолдануға тыйым салынған әлеуетті қауіпті химиялық, биологиялық заттар тіркелімінің ("Халық денсаулығы және денсаулық сақтау жүйесі туралы" 2009 жылғы 18 қыркүйектегі Қазақстан Республикасы Кодексінің 7-1-бабының 14) тармақшасына сәйкес) (бұдан әрі - Тіркелім) сәйкесінше А және В қосымшаларының күші қолданылатын өсімдіктерді қорғау құралдарының және басқа да орнықты органикалық ластағыштардың тізбесіне (бұдан әрі - Тізбе) енгізілмегенін растайтын хаттары қоса берiледi.

      9. Пестицидтердi ұсақмөлдекті сынақтардан өткізу үшін тiркелушi (өтінім беруші) орындаушы ұйымдарға:

      1) пестицидтің сәйкестік сертификатымен немесе талдау сертификатымен бірге зауыттық орамдағы тәжірибелік үлгісін;

      2) сәйкестік сертификатымен немесе талдау сертификатымен бірге зауыттық орамдағы эталондық пестицидті (Қазақстан Республикасында тіркелген эталондық пестицид болмаған жағдайда, Ведомствоның келісімімен Еуразиялық экономикалық одақ мемлекеттерінде тіркелген ұқсас мақсаттағы эталондық пестицидті қолдануға жол беріледі);

      3) әсер етуші заттың талдамалық стандартын;

      4) зертханалық зерттеулер жүргiзуге арналған метаболиттердiң талдамалық стандарттарын ұсынады.

      10. Мынадай жағдайларда пестицидтердi ұсақмөлдекті сынақтардан өткізуге арналған өтiнiмдерді қабылдаудан бас тартылады, егер:

      1) пестицидтердiң әрекет етуші заттары немесе пестицидтің өзі өте уыттыға жатса, сондай-ақ Қазақстан Республикасы ратификациялаған конвенциялардың тізбелеріне енгізілсе;

      2) пестицидтердiң әсер етуші заттары немесе пестицидтің өзі Қазақстан Республикасының патенттерімен қорғалса;

      3) осы Қағидалардың 9-тармағында көзделген материалдардың біреуі болмаса;

      4) Қазақстан Республикасында және Еуразиялық экономикалық одақ мемлекеттерінде ұқсас дақылдардағы және дәл сондай зиянды организмдерге, карантиндік объектілерге, бөтентекті түрлерге қарсы қолданылатын бұрын тіркелген пестицидтерден ерекшеленетін, шығыс нормалары төмендетiлген пестицидті сынауға өтінім берілсе;

      5) пестицидтердi ұсақмөлдекті сынақтардан өткізуге өтiнiм ағымдағы жылғы 1 ақпаннан кейін берілсе.

      11. Сынақтардың саны пестицидтердi қолдану регламенттеріне сәйкес пестицидтердi ұсақмөлдекті сынақтардан өткізуге арналған өтінімде көзделген мөлшерден аса алмайды.

      12. Пестицидтерді пайдалану регламенттерін әзірлеу бөлiгiндегі ұсақмөлдекті сынақтар осы Қағидаларға 4-қосымшаға сәйкес зиянды организмдердiң, аса қауіпті зиянды организмдердің, карантиндік объектілердің ерекшелiктерi (таралу ареалы, экономикалық мәні, ұрпақ беру саны, патогендігi, төзiмдiлiгi) ескеріле отырып, дақылдарды өсірудің негізгі топырақтық-климаттық аймақтарында жүргiзiледi.

      13. Пестицидтi ұсақмөлдекті сынақтардан өткізу мерзiмi:

      1) биологиялық зат (тар) негізіндегі пестицидтерді қоспағанда, жаңа әсер етуші зат(тар)ы бар пестицидтер үшін - 24 айды (2 толық вегетациялық маусымды);

      2) белгілі әсер етуші заттары бар пестицидтер, оның ішінде құрамдастырылған препараттар үшін тіркелген пестицидтерді пайдалану (қолдану) аясы кеңейтiлген, олардың рецептурасы мен препараттық нысаны, әсер етуші заттың пайыздық мөлшерi өзгерген кезде - 12 айды (1 толық вегетациялық маусымды);

      3) биологиялық зат (тар) негізіндегі пестицид үшін - 12 айды (1 толық вегетациялық маусымды) құрайды.

      Пестицидтердi ұсақмөлдекті сынақтардан өткізу кезеңінде Қазақстан Республикасы Заңының 10-бабы 1-тармағының 1), 2) тармақшаларына сәйкес өсімдіктерді қорғау саласындағы қызметті, "Өсімдіктер карантині туралы" 1999 жылғы 11 ақпандағы Қазақстан Республикасы Заңының (бұдан әрі - Өсімдіктер карантині туралы заң) 7-1-бабы 2-тармағына сәйкес өсімдіктер карантині саласындағы қызметті жүзеге асыратын мемлекеттік ұйымның ресми деректеріне сәйкес зиянды организмдер, аса қауіпті зиянды организмдер болмаған немесе олардың саны мен даму дәрежесі зияндылықтың экономикалық шегінен төмен болғанда, сондай-ақ карантиндік объектілер мен бөтентекті түрлер болмаған кезде пестицидтердi ұсақмөлдекті сынақтардан өткізу мерзімі 1 (бір) вегетациялық маусымға ұзартылады.

      14. Өсiмдiк шаруашылығы өнiмі мен қоршаған орта объектілерінде сыналатын пестицидтердiң қалдық мөлшерiн және олардың ыдырау серпінін айқындау олардың биологиялық және шаруашылық тиiмдiлiгi бағаланатын дәл сондай аймақтар мен дәл сондай тәжірибелерде жүргiзiледi.

      15. Ведомство 10 (он) жұмыс күні ішінде пестицидтердi ұсақмөлдекті сынақтардан өткізу жоспарын әзірлейді және бұйрықпен бекітеді, оны бекіткеннен кейін ағымдағы жылғы 5 наурызға дейін оның тиісті үзінділерін тiркелушiлерге (өтінім берушiлерге) және ұсақмөлдекті сынақтарды өткізуге рұқсат берілген орындаушы ұйымдарға, сондай-ақ Ведомствоның облыстық аумақтық инспекцияларына жолдайды.

      Пестицидтердi ұсақмөлдекті сынақтардан өткізу жоспарына пестицидті енгізу пестицидтiң тіркелмеген тәжірибелік үлгісін ұсақмөлдекті сынақтарды жүргізуге қажетті мөлшерде Қазақстан Республикасында өндіруге (формуляциялауға) және Қазақстан Республикасына әкелуге негіз болып табылады. Пестицидтердің қажетті мөлшері пестицидтің жұмсалу нормасын, зиянды организмдердің, аса қауіпті зиянды организмдер мен дақылдардың мөлшері негізге ала отырып, есептеледі.

      16. Пестицидтердi ұсақмөлдекті сынақтардан өткізудің бекітілген жоспарына сәйкес тiркелушi (өтінім беруші) орындаушы ұйымдармен ұсақмөлдекті сынақтарды жүргiзуге шарт жасасады және оларға пестицидтердiң тәжірибелік және эталондық үлгісін ақысыз негізде береді, сондай-ақ орындаушы ұйымдарға аталған сынақтарды жүргізуге ақы төлейді.

      17. Пестицидтердiң ұсақмөлдекті сынақтары аяқталғаннан кейін орындаушы ұйым ағымдағы жылғы 30 қарашаға дейін Ведомство мен тiркелушiге (өтінім берушіге) осы Қағидаларға 5-қосымшаға сәйкес нысан бойынша пестицидтердiң биологиялық және шаруашылық тиімділігін бағалау бойынша ұсақмөлдекті сынақтардың нәтижелерi туралы есеп ұсынады, ол сыналып жатқан пестицидтердің биологиялық және шаруашылық тиімділігі туралы нақты қорытындылары мен сынақтардың қорытындыланған нәтижелерін және олардың ұсақмөлдекті сынақтарын жалғастыру немесе сыналып жатқан пестицидтердi өндірістік сынақтар жоспарына енгізу туралы ұсыныстарды және пестицидтердiң одан әрі тіркеу (өндірістік) сынақтарын жүргізудің орындылығы туралы немесе ұсақмөлдекті сынақтарды жүргізу мерзімін 1 вегетациялық маусымға ұзартудың негізделген себептерін көрсете отырып, оларды ұзарту туралы ұсынымдарды қамтиды.

      18. Ведомство ағымдағы жылдың 5 сәуіріне дейін пестицидтердi токсикологиялық бағалау, пестицидтердiң өсімдік шаруашылығы өнімінде және топырақтағы қалдық мөлшерлерін анықтау әдістерін әзірлеу және бейiмдеу жөніндегі жұмыстарды жүргiзу жоспарын әзірлейді және бұйрықпен бекітеді, оның тиісті үзінді көшірмелерін тіркелушілерге (өтінім берушілерге) және аталған жұмыстарды жүргізуге аккредиттелген орындаушы ұйымдарға оны бекіткеннен кейін 10 (он) жұмыс күні ішінде жолдайды.

      19. Пестицидтi пестицидтердi токсикологиялық бағалау, өсімдік шаруашылығы өніміндегі және топырақтағы пестицидтердiң қалдық мөлшерлерін анықтау әдістерін әзірлеу және бейiмдеу бойынша жұмыстарды жүргiзу жоспарына енгізу осы жұмыстарды жүргізуге қажетті мөлшердегі пестицидтiң талдамалық үлгісін Қазақстан Республикасына әкелуге негіз болып табылады.

      20. Пестицидтердi токсикологиялық бағалау, өсімдік шаруашылығы өніміндегі және топырақтағы пестицидтердiң қалдық мөлшерлерін анықтау әдістерін әзірлеу және бейiмдеу бойынша жұмыстарды жүргiзудің бекітілген жоспарына сәйкес тiркелушi (өтінім берушi) орындаушы ұйымдармен осы жұмыстарды жүргiзуге шарттар жасасады, оларға пестицидтердiң талдамалық үлгілерін, өтінім берілген пестицидтердiң өсімдік шаруашылығы өніміндегі және қоршаған орта объектілеріндегі қалдық мөлшерлерін анықтау әдісін ақысыз негізде ұсынады, сондай-ақ орындаушы ұйымдарға осы жұмыстарды жүргізу ақысын төлейді.

      21. Осы Қағидаларға 6-қосымшаға сәйкес нысан бойынша өсімдік шаруашылығы өніміндегі және қоршаған орта объектілеріндегі пестицидтердің қалдық мөлшелерінің құрамын анықтау жөніндегі жұмыстарды жүргізу нәтижелері туралы есептерді орындаушы ұйымдар Ведомствоға және тіркелушіге (өтінім берушіге) ағымдағы жылғы 30 қарашаға дейін ұсынады.

      22. Демонстрациялық (көрсетілетін) тәжiрибелерді пестицидтердің тiзiмiнде және пестицидтер тiзiмiне толықтыруларда көрсетілген қолдану регламенттері бойынша тiркелген пестицидтермен ғана жүргiзуге болады.

3-тарау. Пестицидтердi тіркеу (өндiрiстiк) сынақтарынан өткізу тәртібі

      23. Пестицидтердi тіркеу (өндiрiстiк) сынақтары (бұдан әрі - өндiрiстiк сынақтар) пестицидтердi сынаудың соңғы кезеңі болып табылады және осы Қағидалардың 24-тармағында көзделген жағдайларды қоспағанда, ұсақмөлдекті сынақтардың қорытындылары бойынша жүзеге асырылады. Өндірістік сынақтар ұсынылып отырған пестицидтердi қолдану регламенттерінің биологиялық және шаруашылық тиiмдiлiгiнің тұрақтылығын өндiрiстiк жағдайда растау мақсатында жүргізіледі.

      24. Биологиялық зат (тар) негізіндегі пестицидтің өндірістік және ұсақмөлдекті сынақтары бір жылда (бір вегетациялық маусымда) жүргізіледі.

      25. Осы Қағидаларға 7-қосымшаға сәйкес нысан бойынша пестицидтерді өндірістік сынақтардан өткізуге арналған өтінімді тіркелуші (өтінім беруші) Ведомствоға қолма-қол немесе почта арқылы ағымдағы жылғы 1 ақпанға дейін бередi.

      Биологиялық зат (тар) негізіндегі пестицидті өндірістік сынақтардан өткізуге арналған өтінім биологиялық зат (тар) негізіндегі пестицидтің ұсақмөлдекті сынақтардан өткізуге арналған өтініммен бірге беріледі.

      Өтінім әр пестицидке жеке толтырылады. Пестицид атауының белгіленген тәртіппен тіркелген пестицидтердің атауларынан ерекшеленуі қамтамасыз етілуі қажет, атауының тек цифрлардан құрылуына және пестицидтің қасиеттері мен шығу тегіне қатысты жаңылдыруға жол берілмеуі тиіс.

      26. Пестицидтердi өндiрiстiк сынақтардан өткізу үшiн тiркелушi (өтінім берушi) орындаушы ұйымдарға:

      1) пестицидтің сәйкестік сертификатымен немесе талдау сертификатымен бірге зауыттық орамдағы тәжірибелік үлгісін;

      2) сәйкестік сертификатымен немесе талдау сертификатымен бірге зауыттық орамдағы эталондық пестицидті ұсынады.

      27. Өндiрiстiк сынақтар үшін әкелiнетiн пестицидтердің мөлшерi пестицидтердің сынақтарын жүргізу көзделген әр топырақтық-климаттық аймақта әр дақыл бойынша 10 (он) гектарды өңдеуге қажетті мөлшерден аса алмайды.

      28. Пестицидтерді өндiрiстiк сынақтардан өткізуге арналған өтiнiмдер мынадай жағдайларда қабылданбайды, егер:

      1) пестицидтердің әсер етуші заттары аса уытты заттарға жатса, сондай-ақ Қазақстан Республикасы ратификациялаған конвенциялардың тізбесіне енгізілсе;

      2) уәкілетті мемлекеттік органнан пестицидтердің адамның денсаулығына және қоршаған табиғи ортаға қауіптілігі туралы бұрын белгiсiз деректер алынса;

      3) пестицидтердің әсер етуші заттары Қазақстан Республикасының патенттерімен қорғалса;

      4) пестицидтерді өндірістік сынақтардан өткізуге арналған өтiнiм ағымдағы жылғы 1 ақпаннан кеш берілсе;

      5) биологиялық зат (тар) негізінде пестицидті өндірістік сынақтардан өткізуге арналған өтінімді беру жағдайларын қоспағанда, Ведомствоға пестицидтердің өткізілген ұсақмөлдекті сынақтарының нәтижелері туралы есептер ұсынылмаса;

      6) пестицидтердің өткізілген ұсақмөлдекті сынақтарының есептерінде оларды өндірістік сынақтардан өткізу орындылығы туралы ұсыныстар болмаса.

      29. Тіркеуге ұсынылған пестицидтердiң өндірістік сынақтары зиянды организмдердің ерекшеліктерін (таралу ареалы, экономикалық мәні, ұрпақтарының саны, патогендігі, төзімділігі) ескере отырып, оларды топырақтық-климаттық негізгі аймақтарда өндірістік жағдайларда байқаудан өткізу үшін жүргiзiледi.

      30. Пестицидтердi өндiрiстiк сынақтардан өткізу мерзiмi 12 айды (бiр вегетациялық маусымды) құрайды.

      Пестицидтердi өндірістік сынақтардан өткізу кезеңінде Өсімдіктер Заңының 10-бабы 1-тармағының 1), 2) тармақшаларына сәйкес өсімдіктерді қорғау саласындағы қызметті, "Өсімдіктер карантині туралы" 1999 жылғы 11 ақпандағы Қазақстан Республикасы Заңының (бұдан әрі - Өсімдіктер карантині туралы заң) 7-1-бабы 2-тармағына сәйкес өсімдіктер карантині саласындағы қызметті жүзеге асыратын мемлекеттік ұйымның ресми деректеріне сәйкес зиянды организмдер, аса қауіпті зиянды организмдер болмаған немесе олардың саны мен даму дәрежесі зияндылықтың экономикалық шегінен төмен болғанда, сондай-ақ карантиндік объектілер мен бөтентекті түрлер болмаған кезде, пестицидтердi өндірістік сынақтардан өткізу мерзімі 1 (бір) вегетациялық маусымға ұзартылады.

      Бұл ретте, зиянды организмдердің, аса қауіпті зиянды организмдердің болмауы немесе олардың санының және даму дәрежесінің зиян келтірудің экономикалық шегінен төмен болуы туралы мәліметтер орындаушы ұйымдардың есептерінде көрсетіледі.

      31. Ведомство ағымдағы жылғы 5 сәуірге дейін пестицидтердi өндірістік сынақтардан өткізу жоспарын әзірлейді және бұйрықпен бекітеді, оны бекіткеннен кейін оның тиісті үзінді көшірмелерін тіркелушілерге (өтінім берушілерге) және өндірістік сынақтар жүргізуге рұқсат етілген орындаушы ұйымдарға, сондай-ақ Ведомствоның облыстық аумақтық инспекцияларына 10 (он) жұмыс күні ішінде жолдайды.

      32. Пестицидтерді өндірістік сынақтардан өткізу жоспарына пестицидті енгізу пестицидтің тәжірибелік үлгісін өндірістік сынақтар жүргізуге қажетті мөлшерде Қазақстан Республикасында өндіруге (формуляциялауға) және Қазақстан Республикасына әкелуге негіз болып табылады.

      33. Пестицидтердi өндірістік сынақтардан өткізудің бекітілген жоспарына сәйкес тiркелушi (өтінім берушi) орындаушы ұйымдармен өндірістік сынақтар жүргiзуге шарттар жасасады және оларға пестицидтердiң тәжірибелік және эталондық үлгісін ақысыз негізде ұсынады, сондай-ақ орындаушы ұйымдарға аталған сынақтарды жүргізу ақысын төлейді.

      34. Пестицидтердiң өндірістік сынақтары аяқталғаннан кейін орындаушы ұйым ағымдағы жылғы 30 қарашаға дейін Ведомство мен тiркелушiге (өтінім берушiге) осы Қағидаларға 8-қосымшаға сәйкес нысан бойынша пестицидтердiң биологиялық және шаруашылық тиiмдiлiгiн бағалау жөніндегі өндiрiстiк сынақтардың нәтижелерi туралы есепті ұсынады, ол препараттың сыналған шығыс нормаларындағы және жұмыс сұйықтығының шығын нормаларындағы, олардың қолдану немесе шектеу регламенттеріндегі пестицидтерді мемлекеттік тіркеуді жүргізудің мүмкін еместігі туралы ұсыныстары бар немесе оларды нақтылау мақсатында өндірістік сынақтарды жалғастыру немесе пестицидтерді мемлекеттік тіркеудің келеңсіз теріс әсерлердің болуын қоса алғанда, негізсіз себептерін көрсете отырып, сынақтардың жинақталған нәтижелерін қамтиды.

      35. Пестицидтердi өндірістік сынақтардан өткізу нәтижелері бойынша орындаушы ұйымдар ағымдағы жылғы 30 қарашаға дейін осы Қағидаларға 9-қосымшаға сәйкес нысан бойынша пестицидтердің өндірістік сынақтарын бағалау актілерін ұсынады.

      36. Егер пестицидке жүргізілген өндірістік сынақтардың нәтижелері пестицидтiң ұсақмөлдекті сынақтарының нәтижелерін растамаса, онда тіркелушінің (өтінім берушінің) келісімімен пестицидтің өндірістік сынақтарының мерзімі 1 (бір) жылға ұзартылады немесе кейіннен өндірістік сынақтар жүргізе отырып, шығыс нормаларын анықтау үшін пестицидтің ұсақмөлдекті сынақтары кезеңіне қайтарылады немесе одан арғы өндірістік сынақтардан алып тасталады.

4-тарау. Пестицидтердi мемлекеттiк тiркеуді жүргізу тәртібі

      37. Мемлекеттiк тiркеуге пестицидтердiң ұсақмөлдекті және өндірістік сынақтарынан, биологиялық, шаруашылық, токсикологиялық, гигиеналық және экологиялық бағалауынан өткен, тіркеу дерекнамасы мен уәкілетті мемлекеттік органның келісімі алынған пестицидтер жатады.

      38. Ведомство мен орындаушы ұйымдардағы, сондай-ақ уәкілетті мемлекеттік органдардағы пестицидтерге арналған тіркеу дерекнамасының материалдары 1994 жылғы 27 желтоқсандағы Қазақстан Республикасы Азаматтық кодексінің 125 және 126-баптарына сәйкес жариялануға жатпайды.

      Тіркелуші (өтінім беруші) Ведомство қарайтын құжаттардың ішінен мазмұны Қазақстан Республикасының заңнамасына сәйкес коммерциялық құпияны құрайтын, құпия сипаттағы құжаттарды "құпия" белгісімен белгілей отырып, олардың тізбесін айқындайды.

      Ведомство Қазақстан Республикасының заңнамасына сәйкес тіркелуші (өтінім беруші) ұсынған тіркеу дерекнамаларының, сондай-ақ пестицидтерді ұсақмөлдекті және өндірістік сынақтардан өткізуге арналған өтінімнің құпиялылығын қамтамасыз ететін жағдай жасайды.

      Орындаушы ұйымдар тіркеу дерекнамаларының бір бөлігі болып табылатын пестицидтердің биологиялық және шаруашылық тиiмдiлiгiн бағалау жөніндегі ұсақмөлдекті және өндірістік сынақтарының және пестицидтердің токсикологиялық бағаларының нәтижелері туралы есептердің құпиялылығын қамтамасыз ететін жағдай жасайды.

      Уәкілетті мемлекеттік органдар келісуге келіп түскен пестицидтерге арналған тіркеу дерекнамасы материалдарының құпиялылығын қамтамасыз ететін жағдай жасайды.

      39. Пестицидтердi мемлекеттік тіркеу үшін тiркелушi (өтінім беруші) www.egov.kz "электрондық үкіметтің" веб-порталы арқылы электрондық нысанда Ведомствоға осы Қағидаларға 10-қосымшаға сәйкес нысан бойынша пестицидті мемлекеттік тіркеуге электрондық өтінімді береді. Бұл ретте өтінім әр пестицидте жеке толтырылады. Пестицид атауының белгіленген тәртіппен тіркелген пестицидтердің атауларынан ерекшеленуі қамтамасыз етілуі қажет, атауының тек цифрлардан құрылуына және пестицидтің қасиеттері мен шығу тегіне қатысты жаңылдыруға жол берілмеуі тиіс.

      Пестицидті мемлекеттік тіркеуге қойылатын негізгі талаптардың тізбесі, оның мазмұны мен пестицидке тіркеу куәлігін беру процесінің сипаттамасы, нысаны, мазмұны, сондай-ақ өзге де мәліметтер осы Қағидаларға 11-қосымшаға сәйкес "Пестицидтерді мемлекеттік тіркеу" мемлекеттік көрсетілетін қызмет стандартында (бұдан әрі - Стандарт) баяндалған.

      "Жеке кабинетке" мемлекеттік қызмет көрсетуге арналған сұраным қарау мәртебесі туралы ақпарат, сондай-ақ пестицидке тіркеу куәлігін алған күні мен уақыты көрсетілген хабарлама жіберіледі.

      Ведомство кеңсесі құжаттар келіп түскен күні оларды қабылдауды, тіркеуді жүзеге асырады және жауапты құрылымдық бөлімшеге орындауға береді. Тіркелуші (өтініш беруші) еңбек заңнамасына сәйкес жұмыс уақыты аяқталғаннан кейін, демалыс және мереке күндері жүгінген кезде, өтінім қабылдау және пестицидке тіркеу куәлігін беру келесі жұмыс күні жүзеге асырылады.

      Ведомствоның жауапты құрылымдық бөлімшесінің қызметкері құжаттар тіркелген сәттен бастап 2 (екі) жұмыс күні ішінде пестицидке арналған тіркеу дерекнамасының ұсынылған құжаттарының толықтығын тексереді.

      Тіркеу дерекнамасы құжаттарының толық болмау фактісі анықталған жағдайда, Ведомствоның жауапты құрылымдық бөлімшесінің қызметкері көрсетілген мерзімдерде Ведомство басшысының электрондық цифрлық қолтаңбасымен (бұдан әрі - ЭЦҚ) қол қойылған электрондық құжат нысанындағы Стандартта көрсетілген жағдайларда және негіздер бойынша мемлекеттік көрсетілетін қызметтен бас тарту туралы уәжді жауапты дайындайды және тіркелушінің (өтініш берушінің) порталдағы жеке кабинетіне жібереді.

      Тіркелуші (өтініш беруші) Стандартта көрсетілген құжаттардың толық пакетін ұсынған жағдайда, Ведомствоның жауапты құрылымдық бөлімшесінің қызметкері уәкілетті мемлекеттік органдарға сұраным жолдайды, олар 10 (он) жұмыс күні ішінде Ведомствоға 10 жыл мерзімге пестицидті мемлекеттік тіркеуді келісу немесе пестицидті мемлекеттік тіркеуді келісуден бас тарту ұсынымдарын қамтыған сараптама қорытындысын жібереді.

      Келісуші мемлекеттік органдар белгіленген мерзімде жауап ұсынбаған жағдайда, Рұқсаттар және хабарламалар туралы заңның 25-бабы 3-тармағына сәйкес пестицидті мемлекеттік тіркеу келісілді деп есептеледі.

      Уәкілетті мемлекеттік органдармен келісулер мемлекеттік тіркеуге ұсынылған пестицидті ауыл шаруашылығы өндірісінде қолданудан ықтимал тәуекелдердің болуы немесе болмауы және пестицидтің әсер етуші затының немесе пестицидтің өзінің Тізбеде және (немесе) Тіркелімде болмауы тұрғысынан жүзеге асырылады.

      Қоршаған ортаны қорғау саласындағы уәкілетті мемлекеттік органның келісімін алу үшін Ведомство пестицидті мемлекеттік тіркеу мүмкіндігі туралы сұранымға мынадай құжаттарды қоса береді:

      1) пестицидке арналған қысқаша дерекнаманың электрондық көшірмесі;

      2) пестицидтi экологиялық-токсикологиялық және токсикологиялық-балық шаруашылығы бағалауы туралы есептердің электрондық көшірмесі (аталған жұмыстарды Украинада, Еуразиялық экономикалық одақ мемлекеттерінде жүргізуге құқығы бар ғылыми ұйымдардың зерттеу нәтижелерін ұсынуға жол беріледі);

      3) балара шаруашылығы және мал шаруашылығы үшін пестицидтің ветеринариялық-санитариялық, экологиялық-токсикологиялық бағалау туралы есептердің электрондық көшірмесі (аталған жұмыстарды Украинада, Еуразиялық экономикалық одақ мемлекеттерінде жүргізуге құқығы бар ғылыми ұйымдардың зерттеу нәтижелерін ұсынуға жол беріледі);

      4) пестицидті өндіруші немесе тіркелуші (өтініш беруші) әзірлеген пестицидтiң қауіпсіздік паспортының электрондық көшірмесі;

      5) осы Қағидаларға 12-қосымшаға сәйкес пестицидтi тасымалдау, сақтау, қолдану және зарарсыздандыру жөніндегі ұсынымдардың электрондық көшірмесі;

      6) осы Қағидаларға 13-қосымшаға сәйкес мемлекеттік және орыс тілдерінде ақпараты бар пестицид ыдысындағы заттаңбасының электрондық көшірмесі.

      Халықтың санитариялық-эпидемиологиялық саламаттылығы саласындағы мемлекеттік органның келісімін алу үшін Ведомство пестицидті мемлекеттік тіркеу мүмкіндігі туралы сұранымға мынадай құжаттарды қоса береді:

      1) пестицидке арналған қысқаша дерекнаманың электрондық көшірмесі;

      2) пестицидтiң әсер етуші заты мен препараттық нысанын токсикологиялық-гигиеналық бағалау жөніндегі есептердің электрондық көшірмесі (аталған жұмыстарды Украинада, Еуразиялық экономикалық одақ мемлекеттерінде жүргізуге құқығы бар ғылыми ұйымдардың зерттеу нәтижелерін ұсынуға рұқсат беріледі);

      3) пестицидтiң қауіптілігін гигиеналық бағалау жөніндегі есептердің электрондық көшірмесі (аталған жұмыстарды Украинада, Еуразиялық экономикалық одақ мемлекеттерінде жүргізуге құқығы бар ғылыми ұйымдардың зерттеу нәтижелерін ұсынуға рұқсат беріледі);

      4) пестицидтi өндіру және қолдану кезіндегі еңбек жағдайын санитариялық-гигиеналық зерттеудің электрондық көшірмесі (аталған жұмыстарды Украинада, Еуразиялық экономикалық одақ мемлекеттерінде жүргізуге құқығы бар ғылыми ұйымдардың зерттеу нәтижелерін ұсынуға рұқсат беріледі);

      5) пестицидтегi әсер етуші затты анықтаудың талдамалық әдісінің электрондық көшірмесі. Тiркелушi (өтінім беруші) әдісті Қазақстан Республикасының жағдайларына бейімдеуді жүргізеді (бейімделген тәсілді Украинада, Еуразиялық экономикалық одақ мемлекеттерінде ұсынуға рұқсат беріледі);

      6) осы Қағидаларға 3-қосымшаның 5.1-тармағының 21) тармақшасында көрсетілген пестицидтің тамақ өнімдеріндегі, ауыл шаруашылығы өніміндегі қоршаған орта объектілеріндегі және биологиялық ортадағы қалдық мөлшерлерін (қажет болса метаболиттерді) анықтау жөніндегі әдістемелік нұсқаулардың электрондық көшірмесі;

      7) пестицидтiң өсімдік шаруашылығы өніміндегі және қоршаған орта объектілеріндегі құрамы нормативтерінің электрондық көшірмесі (пестицидтiң өсімдік шаруашылығы өніміндегі ең жоғары рұқсат етілген деңгейі, су айдындары суындағы пестицидтің шекті жол берілген концентрациясы (бұдан әрі - ШкЖК), жұмыс аймағындағы ауадағы ШкЖК, пестицидтiң жұмыс аймағындағы ауадағы және атмосфералық ауадағы болжамды қауiпсіз әсер ету деңгейi, топырақтағы ШкЖК);

      8) осы Қағидаларға 12-қосымшаға сәйкес пестицидтi тасымалдау, сақтау, қолдану және зарарсыздандыру жөніндегі ұсынымдардың электрондық көшірмесі;

      9) осы Қағидаларға 13-қосымшаға сәйкес мемлекеттік және орыс тілдерінде ақпараты бар пестицидтің ыдысындағы затбелгінің электрондық көшірмесі.

      Ведомствоның жауапты құрылымдық бөлімшесінің қызметкері пестицидке арналған тіркеу дерекнамасының материалдарын қарағаннан және уәкілетті мемлекеттік органдардың келісімін алғаннан кейін мына шешімдердің бірін қабылдайды:

      1) пестицидті мемлекеттік тіркеу және тіркелушіге (өтініш берушіге) пестицидке тіркеу куәлігін беру туралы қорытынды;

      2) пестицидті мемлекеттік тіркеуден бас тарту туралы уәжді жауап.

      Нәтиже Ведомствоның уәкілетті адамының ЭЦҚ-мен куәландырылған электрондық құжат нысанында тіркелушінің (өтініш берушінің) "жеке кабинетіне" жіберіледі.

      Ведомство пестицидті мемлекеттік тіркеуге арналған электрондық өтінімді қарауды, пестицидті мемлекеттік тіркеуді уәкілетті мемлекеттік органдармен келісуді, шешім қабылдауды және осы Қағидаларға 14-қосымшаға сәйкес нысан бойынша пестицидке тіркеу куәлігін ресімдеуді тіркелуші (өтінім беруші) осы Қағидаларда белгіленген тиісті құжаттары бар электрондық өтінімді ұсынған күннен бастап 18 (он сегіз) жұмыс күнінен кешіктірмей жүзеге асырады.

      40. Уәкілетті орган мемлекеттік қызмет көрсету сатысы туралы деректерді мемлекеттік қызметтер көрсету мониторингінің ақпараттық жүйесіне енгізуді қамтамасыз етеді.

      Рұқсаттар мен хабарламалардың мемлекеттік ақпараттық жүйесі арқылы мемлекеттік қызметті көрсету кезінде оны көрсету сатысы туралы деректер автоматты режимде мемлекеттік қызметтерді көрсету мониторингінің ақпараттық жүйесіне түседі.

      Тiркелушi (өтінім беруші) барлық қажетті құжаттарды портал арқылы берген кезде тiркелушiнің (өтінім берушінің) "жеке кабинетiнде" мемлекеттiк қызметтi көрсету нәтижелерiнің алынған күнi көрсетіле отырып, ЭЦҚ-мен расталған пестицидтерді мемлекеттік тіркеуге арналған сұранымның қабылданғаны туралы мәртебе көрсетіледі.

      41. Тіркелген пестицид пестицидтердің тізіміне толықтыру жолымен енгізіледі. Пестицидті тіркеу күні мен мемлекеттік тіркеу немесе қайта тіркеу нөмірі пестицидтерді есепке алу журналына жазылады. Пестицидті мемлекеттік тіркеудің аяқталған күні пестицидтер тізімі мен оның толықтыруларында көрсетіледі. Пестицидтерді есепке алу журналын Ведомство қағаз және электрондық түрде жүргізеді.

      42. Ведомство пестицидтер тiзiмiн және (немесе) пестицидтер тізіміне толықтыруларды тиісті бұйрықпен бекітеді, оны Қазақстан Республикасы Ауыл шаруашылығы министрлігінің (бұдан әрі - Министрлік) интернет-ресурсында орналастырады және типографиялық тәсілмен басып шығарады. Пестицидтер тізімінің және тізімге толықтырулардың электрондық және полиграфиялық нұсқалары бірдей күшке ие.

      43. Пестицидке арналған тіркеу куәлігінде оның қолданылу мерзімі, тіркелуші (өтінім беруші) туралы ақпарат, пестицидтің саудалық атауы және оның әсер етуші заты, пестицидті қолдану регламенттері және әсер етуші заттың өндірушісі туралы ақпарат көрсетіледі.

      44. Пестицидке арналған тiркеу куәлігінің қолданылу мерзiмi 10 (он) жылды құрайды. Пестицидке арналған тіркеу куәлігінің қолданылу мерзiмi өткен соң, осы Қағидаларда белгіленген тәртіппен қайта тiркеу жүргізіледі.

      45. Жекелеген зиянды және аса қауіпті зиянды организмдермен, сондай-ақ, таралуы өсімдіктер мен өсімдік өнімдеріне елеулі зиян келтіруге, фитосанитариялық жағдайдың нашарлауына әкеп оғуы мүмкін Қазақстан Республикасының аумағында алғаш рет анықталған карантиндік объектілермен күресу үшін Ведомствоның "Республикалық фитосанитариялық диагностика және болжамдар әдістемелік орталығы" мемлекеттік мекемесінен оларға қарсы тіркелген пестицидтері, тәуекелі төмен биологиялық препараттары жоқ зиянды немесе аса қауіпті зиянды организмдердің немесе карантиндік объектілердің анықталғаны туралы ақпарат болған кезде 2 (екі) жылдан аспайтын мерзімге уақытша тіркеуге рұқсат етіледі.

      Пестицидті, тәуекелі төмен биологиялық препатты уақытша тіркеуді жүргізудің қажетті шарты мыналар болып табылады:

      1) осы Қағидаларға 15-қосымшаға сәйкес нысан бойынша пестицидті, тәуекелі төмен биологиялық препаратты уақытша тіркеуді жүргізуге тіркелушіден (өтінім берушіден) электрондық өтінім;

      2) ғылыми зерттеу мекемелерінің анықталған зиянды немесе аса қауіпті зиянды организмдерге немесе карантиндік объектілерге қарсы уақытша тіркеудің талдауы мен негіздемесі бар пестицидтің, тәуекелі төмен биологиялық препараттың уақытша тіркелуін жүргізудің орындылығы туралы ұсынымдарының болуы;

      3) Еуразиялық экономикалық одақ мемлекеттерінде ұқсас қолдану саласы бойынша (сол дақылда және сол зиянды организмдерге қарсы) пестицидтің, тәуекелі төмен биологиялық препараттың мемлекеттік тіркелуінің болуы.

      Пестицидті, тәуекелі төмен биологиялық препаратты уақытша тіркеу кезеңінде көрсетілген пестицидті, тәуекелі төмен биологиялық препаратты мемлекеттік тіркеу үшін тіркелуші (өтінім беруші) осы Қағидаларға сәйкес ұсақмөлдекті және өндірістік сынақтарды, токсикологиялық бағалауды жүргізеді, аталған мемлекеттік тіркеуге уәкілетті мемлекеттік органдардың келісулерін алады.

      Алғаш рет анықталған карантиндік объектілермен күресу үшін әсер ету механизмі (түйіспелі, ішек, жүйелік және тағы басқа) әр түрлі екіден аспайтын пестицидтерді уақытша тіркеуге рұқсат етіледі.

      Ұсынылған материалдарды қарағаннан кейін Ведомство пестицидті, тәуекелі төмен биологиялық препаратты уақытша тіркеу және пестицидке, тәуекелі төмен биологиялық препаратқа тіркеу куәлігін тіркелушіге (өтініш берушіге) беру туралы шешім қабылдайды, пестицидтер тізіміне өзгерістер мен оның толықтыруларын енгізеді және бұл туралы ақпаратты Министрліктің интернет-ресурсында орналастырады. Пестицидке, тәуекелі төмен биологиялық препаратқа арналған уақытша тіркеу куәлігінің қолдану мерзімі 2 (екі) жылды құрайды.

      46. Пестицидке арналған тіркеу куәлігінен айыру (оны кері қайтарып алу):

      1) уәкілетті мемлекеттік органдар растаған, адамдардың денсаулығы немесе қоршаған орта үшін пестицидтің қауіптілігі туралы бұрын белгісіз болған мәліметтер алынған;

      2) пестицид Тізбеге енгізілген;

      3) фитосанитариялық іс-шаралар жүргізу қорытындысы бойынша алынған нәтижелер негізінде қолданылатын тіркелген пестицидтің биологиялық тиімділігінің болмау фактісі расталған жағдайларда жүзеге асырылады.

      47. Пестицидке арналған тіркеу куәлігінің қолданылуын тоқтата тұру өндірісте қолданылатын тіркелген пестицидтің әсер етуші затының химиялық құрамы мен мөлшерінің оны мемлекеттік тіркеу кезінде тіркеу дерекнамасында мәлімделген әсер етуші затының химиялық құрамы мен мөлшеріне сәйкес келмеу фактісі анықталған кезде жүзеге асырылады.

      Бұл ретте аталған сәйкессіздік фактісін анықтау мемлекеттік фитосанитариялық бақылау жүргізу негізінде жүзеге асырылады, оның қорытындылары бойынша өсімдіктерді қорғау жөніндегі инспектор іріктеп алған және өндірісте қолданылатын тіркелген пестицидтің әсер етуші затының химиялық құрамы мен мөлшерінің оны мемлекеттік тіркеу кезінде тіркеу дерекнамасында мәлімделген әсер етуші затының химиялық құрамы мен мөлшеріне сәйкес келуі мәніне анықтау мақсатында аккредиттелген зертханаларға жолдаған пестицидтердің үлгілерінің талдау нәтижелерін қоса бере отырып, өндірісте қолданылатын тіркелген пестицидтің әсер етуші затының химиялық құрамы мен мөлшерінің оны мемлекеттік тіркеу кезінде тіркеу дерекнамасында мәлімделген әсер етуші затының химиялық құрамы мен мөлшеріне сәйкес келмеуі анықталынады.

      Сәйкессіздік фактісі анықталған жағдайда, Ведомство пестицидке тіркеу куәлігінің қолданылуын 6 (алты) ай мерзімге тоқтату тұру туралы шешім қабылдайды, тіркелушіге (өтінім берушіге) анықталған сәйкессіздік туралы және сәйкессіздік себептерін түсіндіре отырып, хабарлама алған күннен бастап 10 (он) жұмыс күні ішінде ресми хат ұсыну қажеттілігі туралы хабарлама жібереді.

      Тіркелуші (өтінім беруші) сәйкессіздік себептерін түсіндірген ресми хатты ұсынған жағдайда, Ведомство материал ұсынылған сәттен бастап 10 (он) жұмыс күні ішінде материалдарды қарайды және пестицидке арналған тіркеу куәлігінің тіркелген қолдану мерзімін жандандыру туралы немесе оны мерзімінен бұрын тоқтату туралы шешім қабылдайды.

      48. Пестицидке арналған тіркеу куәлігінің қолданысы мынадай жағдайларда тоқтатылады:

      1) пестицидті мемлекеттік қайта тіркеуге өтінім беру жағдайларын қоспағанда, пестицидке арналған тіркеу куәлігінің қолданылу мерзімінің аяқталуы;

      2) уәкілетті мемлекеттік органдар растаған, пестицидтің адамдардың денсаулығы, жануарлар немесе қоршаған орта үшін қауіптілігі туралы бұрын белгісіз мәліметтердің алынуы;

      3) тіркелген пестицидті ауыл шаруашылығы өндірісінде қолдану кезде зиянды және аса қауіпті зиянды организмдер санының зияндылықтың экономикалық шегінен төмен төмендеуін, сондай-ақ карантиндік объектілер санының рұқсат етілген деңгейге дейін төмендеуін қамтамасыз етпейтін биологиялық тиімділігінің жеткіліксіздігі фактісінің анықталуы;

      4) пестицидтің уәкілетті мемлекеттік органдар растаған Тізбеге немесе Тіркелімге енгізілуі.

      49. Осы Қағидалардың 48-тармағында көрсетілген жағдайлар анықталған кезде, Ведомство пестицидке арналған тіркеу куәлігінің қолданысын тоқтату туралы шешім қабылдайды, пестицидтер тізіміне және оның толықтырулары тізіміне өзгерістер енгізеді және бұл туралы ақпаратты Министрліктің интернет-ресурсында орналастырады. Шешім қабылдағаннан кейін Ведомство 10 (он) жұмыс күні ішінде тіркелушіге (өтініш берушіге) пестицидке арналған тіркеу куәлігінің қолданысын тоқтату туралы жазбаша нысанда хабарлайды. Тіркелуші (өтініш беруші) жазбаша хабарлама алған сәттен бастап 10 (он) жұмыс күні ішінде Ведомствоға пестицидке арналған тіркеу куәлігін қайтарады.

      50. Рецептурасы мен тіркелген пестицидті өндіру технологиясы сақтала отырып, оны өндіруші ауысқан кезде, тіркелуші (өтінім беруші) бұл туралы Ведомствоны пестицидтің болжанып отырған импортын Қазақстан Республикасының аумағына әкелерден 30 (отыз) жұмыс күнінен кешіктірмей хабардар етеді және бұл ретте мынадай құжаттарды береді:

      1) тіркелуші (өтінім беруші) және пестицидті өндіруші арасында пестицидті өндіруге лицензиялық келісім (салыстырып тексеру үшін түпнұсқасы болмаған жағдайда, нотариалды куәландырылған көшірмесі), сондай-ақ пестицидті жаңа өндірушіге тиісті мемлекеттік уәкілетті органдар берген пестицидті өндіруге лицензия немесе рұқсаты (Қазақстан Республикасының резиденті емес тіркелушілерге (өтінім берушілерге) салыстырып тексеру үшін түпнұсқалары болмаған жағдайда, нотариалды куәландырылған көшірмелері);

      2) пестицидтің және оның әсер етуші затының (оның ішінде әсер етуші заттағы ілеспе қоспалар бойынша) құрамының тіркелген пестицидтің және оның әсер етуші затының құрамымен бірдейлігін растайтын аккредиттелген (сертификатталған) зертханаларда жүргізілген зертханалық талдаулардың деректері;

      3) бұрын берілген пестицидке арналған тіркеу куәлігінің түпнұсқасы.

      Ұсынылған құжаттарды қарағаннан кейін Ведомство пестицидке бұрын берілген тіркеу куәлігін жою және оны пестицидке арналған жаңа тіркеу куәлігімен ауыстыру туралы шешім қабылдайды, онда пестицидтің жаңа өндірушісін қосымша көрсетеді, пестицидтер тiзiмiне және оның толықтыруларының тізіміне өзгерістер енгізеді және бұл туралы ақпаратты Министрліктің интернет-ресурсында орналастырады.

      Бұл ретте мемлекеттік тіркеу мерзімі сақталады, пестицидтің жаңа тіркеу және өндірістік сынақтары жүргізілмейді.

      Тіркелуші (өтінім беруші) ұсынған құжаттарды қарастыруды, шешім қабылдауды, пестицидке жаңа куәлік ресімдеу мен беруді Ведомство оларды ұсынған күнінен бастап 30 (отыз) жұмыс күнінен кешіктірмей жүзеге асырады.

      Тіркелуші (өтінім беруші) осы тармақта көрсетілген құжаттар тізбесін толық ұсынбаған жағдайда, Ведомство 10 (он) жұмыс күні ішінде тіркелушіге (өтінім берушіге) анықталған сәйкессіздік туралы хабарлама жолдайды.

      51. Мерзімі өткенге дейін пестицид ұсақмөлдекті және өндірістік сынақтардан және токсикологиялық бағалаудан қайталап өтпей, қайта тіркелуі тиіс.

      52. Пестицидтердi қайта тiркеу үшін тiркелушi (өтінім беруші) портал арқылы электронды түрде мынадай құжаттарды береді:

      1) осы Қағидаларға 16-қосымшаға сәйкес нысан бойынша пестицидтi қайта тiркеуге электрондық өтiнiм;

      2) пестицидтерге бұрын берiлген тіркеу куәлiгінiң түпнұсқасы;

      3) осы Қағидаларға 11-қосымшаның 8-тармағы 5-17) тармақшасына сәйкес бұрын берiлмеген пестицидтер туралы жаңа құжаттар.

      53. Пестицидті қайта тіркеуге арналған өтінімді және тиісті құжаттарды тіркелуші (өтінім беруші) оның мемлекеттік тіркеу мерзімі өткенге дейін ұсынады.

      Ведомство пестицидті қайта тіркеуге арналған өтінімді қарауды, пестицидті қайта тіркеуді уәкілетті мемлекеттік органдармен келісуді, пестицидке тіркеу куәлігін беруге шешім қабылдауды және рәсімдеуді осы Қағидаларда белгіленген тиісті құжаттармен пестицидттi қайта тiркеуге арналған тіркелуші (өтінім беруші) өтінімді ұсынған күннен бастап 18 (он сегіз) жұмыс күнінен кешіктірмей жүзеге асырады.

      Ведомство қайта тіркеуден өткен пестицидтерді пестицидтер тізіміне және (немесе) оның толықтыруларының тізіміне тиісті бұйрықпен енгізеді, бұл туралы ақпарат Министрліктің интернет-ресурсында орналастырылады.

      Тіркелушінің (өтінім берушінің) пестицидті мемлекеттік тіркеу мерзімі аяқталғаннан кейін берген пестицидті қайта тіркеуге арналған өтінімін және тіркеу дерекнамасын Ведомство қабылдамайды.

      54. Пестицидтер мынадай жағдайларда қайта тіркеуге жатпайды:

      1) уәкілетті мемлекеттік органдар растаған, олардың адамдардың денсаулығына, жануарларға немесе қоршаған ортаға қауіптілігі туралы бұрын белгiсiз жаңа деректердің алынуы;

      2) пестицидтің Қазақстан Республикасы ратификациялаған конвенциялардың тізбесіне енгізілуі;

      3) ресми тиісті актімен ресімделген, оны мемлекеттік тіркеу кезінде ауыл шаруашылығы өндірісінде пайдаланылатын пестицидтің белгіленгеннен нормасынан төмен шығыс нормасының биологиялық тиімділігі туралы деректердің алынуы;

      4) пестицидтiң химиялық құрамы, рецептурасы және өндіру (формуляциялау) технологиясының өзгеруі.

      55. Тiркелушi (өтінім беруші) пестицидтiң химиялық құрамындағы, рецептурасындағы және өндіру (формуляциялау) технологиясындағы барлық өзгерістер, сондай-ақ оның қауiптiлiгi туралы жаңа деректер пайда болғаны туралы ақпарат ұсынады.

      56. Тiркелушi (өтінім беруші) ауысқан немесе тiркелушiнің (өтінім берушiнің) атауы өзгерген кезде тiркелушi (өтінім беруші) Ведомствоға бұл туралы жазбаша хабарлайды және мынадай құжаттарды қоса береді:

      1) тіркелушінің (өтінім берушінің) атынан тіркелушінің ауысқаны немесе тіркелушінің (өтінім берушінің) атауы өзгергені туралы хатты, сондай-ақ пестицидті мемлекеттік тіркеу құқықтарын жаңа тіркелушіге (өтінім берушіге) беруді немесе тіркелушінің (өтінім берушінің) қайта ұйымдастырылуын растайтын құжаттар (салыстырып тексеру үшін түпнұсқалары болмаған жағдайда нотариалды куәландырылған көшірмелері);

      2) жаңа тіркелушінің (өтінім берушінің) атынан пестицидті мемлекеттік тіркеу құқықтарын алғанын және пестицидтің саудалық атауының, әсер етуші затты өндіруші мен пестицидтің препараттық нысанын өндірушінің сақталғанын, пестицидті қолдану (пайдалану) регламенттерін растаған хат;

      3) пестицидке бұрын берілген тіркеу куәлігінің түпнұсқасы;

      4) осы Қағидаларға 11-қосымшаның 8-тармағында көрсетілген, жаңа тіркелушінің (өтінім берушінің) атынан ресімделген құжаттар;

      5) заңды тұлғаны мемлекеттік тіркеу туралы куәлік* немесе анықтама - заңды тұлғалар үшін (Қазақстан Республикасының резиденттері емес тіркелушілер (өтінім берушілер) үшін салыстырып тексеру үшін түпнұсқасы болмаған жағдайда нотариалды куәландырылған көшірмесі).

      Тiркелушiнің (өтінім берушінің) атауы өзгерген кезде тiркелуші (өтінім берушi) Ведомствоға бұл туралы жазбаша хабарлайды және мынадай құжаттарды қоса береді:

      1) пестицидтің саудалық атауын, әсер етуші затты өндірушіні және пестицидтің препараттық нысанын өндірушіні, қолдану (пайдалану) регламенттерін сақтай отырып тіркелушінің (өтінім берушінің) атынан тіркелушінің (өтінім берушiнің) атауы өзгергені туралы хат, сондай-ақ тіркелушінің (өтінім берушінің) атауы өзгергенін растайтын құжаттар (салыстырып тексеру үшін түпнұсқалары болмаған жағдайда, нотариалды куәландырылған көшірмелер);

      2) пестицидке бұрын берілген тіркеу куәлігінің түпнұсқасы;

      3) заңды тұлғаны мемлекеттік тіркеу туралы куәлік* немесе анықтама - заңды тұлғалар үшін (Қазақстан Республикасының резиденттері емес тіркелушілер (өтінім берушілер) үшін салыстырып тексеру үшін түпнұсқасы болмаған жағдайда, нотариалды куәландырылған көшірмесі).

      Ескертпе: *"Қазақстан Республикасының кейбір заңнамалық актілеріне заңды тұлғаларды мемлекеттік тіркеу және филиалдар мен өкілдіктерді есептік тіркеу мәселелері бойынша өзгерістер мен толықтырулар енгізу туралы" 2012 жылғы 24 желтоқсандағы Қазақстан Республикасының Заңы қолданысқа енгізілгенге дейін берілген заңды тұлғаны (филиалды, өкілдікті) мемлекеттік (есептік) тіркеу (қайта тіркеу) туралы куәлік заңды тұлғаның қызметі тоқтатылғанға дейін жарамды болып табылады.

      Ведомство тіркелушінің (өтінім берушінің) (Қазақстан Республикасы резидентінің) мемлекеттік қайта тіркелуі туралы мәліметтерді "электрондық үкіметтің" шлюзі арқылы тиісті мемлекеттік ақпараттық жүйелерден алады.

      Ведомство ұсынылған құжаттарды қарастырғаннан кейін пестицидке бұрын берілген тіркеу куәлігінің күшін жою және қолданылу мерзімі мен жаңа тіркелуші (өтінім беруші), пестицидтің саудалық атауы, оның әсер етуші заты, пестицидті қолдану регламенттері туралы ақпаратты, сондай-ақ жаңа тіркеу нөмірі мен жаңа ресімдеу күнін бере отырып пестицидті өндіруші туралы ақпаратты көрсете отырып, оны жаңа тіркеу куәлігімен ауыстыру туралы шешім қабылдайды, пестицидтер тiзiмiне және оның толықтырулары тізіміне өзгерістер енгізеді және бұл туралы ақпаратты Министрліктің интернет-ресурсында орналастырады.

      Осы Қағидалардың 56-тармағында көрсетілген құжаттарды қарастыруды, шешім қабылдауды, пестицидке жаңа тіркеу куәлігін ресімдеуді және беруді Ведомство олар ұсынылған күнінен бастап 30 (отыз) жұмыс күнінен кешіктірмей жүзеге асырады.

      Бұл ретте пестицидті мемлекеттік тіркеу мерзімі сақталады, пестицидтің жаңа ұсақмөлдекті және өндірістік сынақтары жүргізілмейді.

      Тіркелуші (өтінім беруші) осы тармақта көрсетілген құжаттардың толық топтамасын ұсынбаған жағдайда, Ведомство 10 (он) жұмыс күні ішінде тіркелушіге (өтінім берушіге) анықталған сәйкессіздік туралы хабарлама жолдайды.

      57. Пестицидті мемлекеттік тіркеу немесе қайта тіркеу жүргізілгеннен кейін:

      1) пестицидтің саудалық атауын өзгертуге;

      2) тіркелушінің (өтінім берушінің) пестицидтің қалдық мөлшеріне ұсақмөлдекті және өндірістік сынақтарды және токсикологиялық бағалау жүргізбестен сол бір пестицидті бірнеше (әр түрлі) саудалық атаумен қосымша мемлекеттік тіркеуіне немесе қайта тіркеуіне жол берілмейді.

      58. Ведомствоның мемлекеттік қызметтер көрсету мәселелері бойынша шешіміне, әрекетіне (әрекетсіздігіне) шағым Ведомство немесе Министрліктің, мемлекеттік басқару және бақылау және қадағалау функцияларын жүзеге асыратын уәкілетті орган басшысының атына, Қазақстан Республикасының заңнамасына сәйкес мемлекеттік қызметтер көрсету сапасын бағалау және бақылау жөніндегі уәкілетті органға берілуі мүмкін.

      Тікелей мемлекеттік қызмет көрсететін мемлекеттік органның атына келіп түскен тіркелушінің (өтінім берушінің) шағымы мемлекеттік көрсетілетін қызметтер туралы Заңның 25-бабы 2) тармақшасына сәйкес тіркелген күнінен бастап 5 (бес) жұмыс күні ішінде қаралуы тиіс.

      Мемлекеттік қызметтер көрсету сапасын бағалау және бақылау жөніндегі уәкілетті органның атына келіп түскен тіркелушінің (өтінім берушінің) шағымы тіркелген күнінен бастап 15 (он бес) жұмыс күні ішінде қаралуы тиіс.

      Мемлекеттік қызмет көрсету нәтижелерімен келіспеген жағдайда, тіркелуші (өтінім беруші) Қазақстан Республикасының заңнамасында белгіленген тәртіппен сотқа жүгінеді.

Пестицидтерді мемлекеттік тіркеуді есепке алу журналы

      _____________________________ _____________________________________

      (лауазымы, қолы)                  (аты, әкесінің аты (бар болса), тегі)

      Мөрдің орны _______________

      (күні)

Пестицидті тiркеу (ұсақмөлдекті) сынақтарынан өткізуге арналған өтінім

      __________________________________________________________________________

      (тiркелушiнің (өтінім берушiнің) фирмалық бланкілерінде ұсынылады және

      тiркелушiнің (өтінім берушiнің) қолымен және мөрімен куәландырылады)

      Тiркелушi (өтінім берушi)

      __________________________________________________________________________

      (жеке немесе заңды тұлғаның атауы)

      __________________________________________________________________________

      (мемлекет, мекенжайы, телефоны, факсы, е-mail)

Пестицидтердiң мемлекеттiк тiркеуін жүргізу үшін Қазақстан Республикасында тiркеу (ұсақмөлдекті) сынақтарынан өткізу жоспарына қолдану регламентері бар мынадай пестицидтердi қосуды сұраймын (кесте пестицидтің түріне байланысты толтырылады):

      Инсектицидтер, фунгицидтер және гербицицтер үшін

Тұқымдарды, биологиялық препараттарды, родентицидтерді егу алдында өңдеуге арналған препараттар үшін. Ауыл шаруашылығы тауарын өндірушілердің қоймалық үй-жайларында запастардың зиянкестеріне қарсы қолдануға рұқсат етілген препараттар үшін, сондай-ақ нан өнімдері жүйесіндегі кәсіпорындарда запастардың зиянкестеріне қарсы қолдануға рұқсат етілген препараттар үшін

Дефиолианттар және десиканттар, өсімдіктердің өсуін реттеуіштер үшін

      Ақпараттық жүйелерде қамтылған, заңмен қорғалатын құпияны құрайтын мәліметтерді

      пайдалануға келісім/келіспеймін (қажеттісінің астын сызу керек) __________20 _____ жылғы "_____" ______________

      (қолы)

      _________________                  ______________________________

      (лауазымы, қолы)                  (аты, әкесінің аты (бар болса), тегі)

Пестицидке арналған қысқаша дерекнама

      _______________________________________________________________

      (заңды немесе жеке тұлғаның - тiркелушiнің (өтінім берушiнің) атауы,

      ________________________________________________________________

      заңды мекенжайы, нақты мекенжайы, телефоны, факсы, е-mail)

      ________________________________________________________________

      (пестицидтiң атауы)

      1. Негізгі мәліметтер

      1. Пестицидтiң атауы

      2. Өндіруші (атауы, заңды мекенжайы, нақты мекенжайы, телефоны, факсы, е-mail)

      3. Пестицидтiң мақсаты

      4. Әсер етуші зат

      5. Әсер етуші заттың химиялық сыныбы

      6. Әсер етуші заттың концентрациясы (грамм/литрге немесе грамм/ килограммға)

      7. Пестицидтің препараттық нысаны

      8. Пестицидтерге арналған кауіпсіздік паспорты.

      9. Қазақстан Республикасының және Еуразиялық экономикалық одақ мемлекеттерінің аумағында өндірілетін (формуляцияланатын) пестицидке арналған нормативтік және/немесе техникалық құжаттама.

      10. Пестицидтi өндірушінің оны тіркеуге ұсынуға рұқсаты (егер тiркелушi өндірушінің өзі болмаса).

      11. Тiркелушiге пестицид өндірушінің атынан өкілдік етуіне рұқсат (микробиологиялық препараттар үшін)

      12. Пестицидті басқа елдерде тіркеу (тіркеу куәлігінің нөмірі, берілген күні, пестицидті қолдану аясы мен регламенттері).

      2. Пестицидтiң биологиялық тиімділігін, қауіпсіздігін бағалау жөніндегі мәліметтер:

      1. қолдану аясы

      2. пестицидтің қолданылатын саласы:

      1) дақылдар;

      2) зиянды объектілер (латынша атауларымен) немесе мақсаты.

      3. Ұсынылатын қолдану регламенттері:

      1) өңдеулер жүргізу мерзімі;

      2) қорғалатын дақылдардың даму фазасы;

      3) зиянды организмнің даму фазасы (сатысы);

      4) өңдеулер еселігі;

      5) өңдеулер арасындағы аралық.

      4. Пестицидтің ұсынылатын шығыс нормасы және оны қолдану тәсілі.

      5. Ұсынылатын күту мерзімі (өнімді жинағанға дейінгі күндермен).

      6. Зиянды организмдерге әсер ету түрі (тетігі):

      1) жүйелі;

      2) жанаспалы;

      3) өзге.

      7. Қорғау әрекетінің кезеңі

      8. Селективтілігі

      9. Әсер ету жылдамдығы

      10. Басқа препараттармен үйлесімдігі

      11. Биологиялық тиімділігі:

      1) зертханалық және вегетациялық тәжірибелері;

      2) танаптық тәжірибелер.

      12. Қорғалатын дақылдардың фитоуыттылығы, төзімділігі

      13. Резистенттіліктің туындау мүмкіндігі

      14. Дақылдардың ауыспалы егісте ауысу мүмкіндігі

      15. Басқа елдердегі пестицидтің биологиялық тиімділігін және қауіпсіздігін бағалау нәтижелері:

      1) ел;

      2) қорғалатын дақыл;

      3) зиянды организм.

      16. Басқа елдерде пестицидтiң қалдық мөлшерлерін анықтау нәтижелері.

      17. Пестицид препаратының қорғалатын агроценоздың пайдалы энтомофаунасына әсері.

      3. Пестицидтiң физикалық-химиялық қасиеттері

      3.1. Пестицидтiң әсер етуші затының физикалық-химиялық қасиеттері:

      1) әсер етуші зат;

      2) құрылымдық формуласы (оптикалық изомерлері көрсетілсін);

      3) эмпириялық формуласы;

      4) молекулалық массасы;

      5) агрегаттық күйі;

      6) түсі, исі;

      7) 200 С және 400 С кезіндегі бу қысымы;

      8) суда ерігіштігі;

      9) органикалық ерітінділерде ерігіштігi;

      10) n-октонол/су бөліну коэффициентi;

      11) балқу температурасы;

      12) қайнау және қату температурасы;

      3) жалындау және тұтану температурасы;

      14) 200 С кезінде су ерітiндiлерінде (рН 5, 7, 9) тұрақтылығы;

      15) тығыздығы (заттың газ күйiнде болған жағдайдағы 00С және 760 сынап бағанасындағы мм. тығыздық көрсетілсін).

      3.2. Техникалық өнімнің физикалық-химиялық қасиеттері:

      1) техникалық өнiмнiң тазалығы, қоспалардың сандық және сапалық құрамы;

      2) агрегаттық күйi;

      3) иiсi, түсi;

      4) балқу температурасы;

      5) жалындау және тұтану температурасы;

      6) тығыздығы (зат газ күйiнде болған жағдайда, 00 С және 760 сынап бағанасындағы мм. тығыздық көрсетілсін);

      7) термо және фототұрақтылығы;

      8) техникалық өнiмнің тазалығын анықтауға арналған, сондай-ақ өнiмнің құрамын, изомерлерді, қоспаларды анықтауға мүмкіндік беретін талдау әдісi.

      3.3. Пестицидтiң препараттық нысанының физикалық-химиялық қасиеттері:

      1) агрегаттық күйi;

      2) иiсi, түсi;

      3) сулы эмульсияның немесе суспензияның тұрақтылығы;

      4) pH;

      5) ылғал құрамы (%);

      6) тұтқырлығы;

      7) шашыраңқылығы;

      8) тығыздығы;

      9) бөлшектер (ұнтақ, түйiршiк және басқалар) мөлшері;

      10) дымқылданғыштығы;

      11) тұтану температурасы;

      12) кристалдану температурасы, аязға төзімділігі;

      13) ұшқырлығы;

      14) нығыздалу туралы деректер;

      15) коррозиялық қасиеттері;

      16) қоспалардың сандық және сапалық құрамы;

      17) сақтау кезіндегі тұрақтылығы.

      3.4. Пестицидтiң құрамы:

      1) әр құрамдық бөлігі үшін химиялық атауы;

      2) препараттық нысанындағы құрамдық бөліктердің функционалдық мәні және олардың құрамы.

      4. Микробиологиялық пестицидтер. Белсенді ингредиент пен препараттық нысанның (микроорганизмдердің тіршілік әрекеті өнімдері негізіндегі бактериялық, саңырауқұлақты, вирустық, микроспороидалық препараттардың) қасиеттері және құрамы туралы мәліметтер.

      4.1. Штамм-продуценттің қасиеттері:

      1) микроорганизмнің түр атауы (латынша атауы);

      2) штамның (изоляттың) нөмірі немесе атауы;

      3) штамды бөлу көзі;

      4) дақылдық-морфологиялық және биохимиялық қасиеттері, идентификациялау тестілері мен өлшемшарттары (сондай-ақ сәйкестендіруді жүргізген ұйым көрсетілсін);

      5) зиянды объектіге қатысты патогенділік немесе антогонизм;

      6) бұл түрдің қолда бар штамдардан (оның ішінде шетелде) айырмашылығы;

      7) микроорганизмдердің сол түрінің басқа штамдары жасушаларын ыдырататын фагтарға қатынасы;

      8) штамды сақтау тәсілі, шарттары және сақтау орталарының құрамы;

      9) микроорганизмдерді көбейту тәсілі, шарттары және көбею ортасының құрамы. Вирустар мен микроспоридиялар үшін өсіруге арналған өзіне тән шикізаттың сипаттамасы көрсетіледі;

      10) қоршаған ортаның микробтық қауымдастықтарында және биоматериалдарда микроорганизмді табу тәсілі;

      11) штаммен синтезделетін өнім (химиялық құрамы, құрылымдық формуласы, тұрақтылығы, қалдықтарды анықтау әдісі);

      12) нысаналы объектіге әсер ету тетігі.

      4.2. Пестицидтің препараттық нысанының сипаттамасы

      1) пестицидтiң құрамы: әсер ете бастаудың (тірі жасушалардың немесе олардың тіршілік әрекеті өнімінің титрі, вирустық түйіршіктердің, қосындылардың титрі), қосалқы заттардың құрамы және олардың мақсаты;

      2) агрегаттық күйі;

      3) дымқылданғыштығы;

      4) ылғал құрамы;

      5) бөгде микрофлораның құрамы;

      6) әсер ете бастауды айқындау әдісі;

      7) сақтау шарттары мен мерзімдері;

      8) жұмыс ерітінділерін әзірлеу тәсілі;

      9) басқа пестицидтермен және агрохимикаттармен үйлесімділігі.

      5. Пестицидтің токсикологиялық-гигиеналық сипаттамасы.

      5.1. Әсер етуші заттың (техникалық өнімнің) токсикологиялық сипаттамасы:

      1) жіті пероральдық уыттылығы (егеуқұйрықтар; егер созылмалы уыттылық жануардың бір түрінде болса - егеуқұйрықта, тышқанда). ҚМ50 (милиграмм/килограмм дене массасына);

      2) жіті терілік уыттылығы. ҚМ50 (миллиграмм/килограмм дене массасына);

      3) жіті ингаляциялық уыттылығы (динамикалық әрекет ету жағдайында). ҚМ50 (миллиграмм/метр 3);

      4) барлық түсу жолдары кезіндегі жіті интоксикацияның клиникалық белгілері (пероральдық, дермальдық, ингаляциялық);

      5) теріге және шырышты қабықтарға тітіркендіру әсері;

      6) тауықтарға баяу нейроуытты әсер (фосфорорганикалық пестицидтер үшін міндетті түрде, басқалар үшін - қажет болса);

      7) жітілеу пероральдық уыттылығы (дене массасына милиграмм/килограмм немесе шоғырлану коэффициенті);

      8) жітілеу тері сыртындағы уыттылығы (қажет болса) (миллиграмм/килограмм дене массасына);

      9) жітілеу ингаляциялық уыттылығы (қажет болса) (миллиграмм/метр3);

      10) сезімталдық әсері, иммуноуыттылығы;

      11) созылмалы уыттылығы (әсер етпейтін деңгей) (дене массасына милограмм/килограмм);

      12) онкогендігі.

      Сыналатын агентті кеміргіштердің екі түріне (тышқандар, егеуқұйрықтар) 24 ай бойы егеуқұйрықтарға және 18 немесе 24 ай бойы тышқандарға енгізу арқылы (енгізу жолы көрсетіледі), өміршеңдігі бойынша (кестелер) материалдар мен мыналарды қамтитын кестелерді (тәжірибелі және бақылау топтары бойынша, еркектері мен ұрғашыларын бөлек) ұсына отырып, айқындалатын онкогендік:

      тиімді сан (барлық эксперименттегі алғашқы ісік табылғанға дейін тірі қалған жануарлар саны). Әртүрлі оқшаулаудағы алғашқы ісіктер табылған жағдайда, көп айырмашылық болса (6 ай немесе одан көп) тиімді сандар ерте және кеш анықталған ісіктерге бөлек беріледі;

      ісіктердің барлық типтері бар жануарлар саны, қатерлі ісіктері бар жануарлар саны, екі және одан көп ісіктері бар жануарлар саны;

      ісіктері метастазданған жануарлар саны;

      ісіктердің түрі мен санын көрсете отырып, жекелеген органдарында ісіктері бар жануарлар саны;

      эксперименталдық және тарихи бақылау жөніндегі деректер;

      онкогендік жөніндегі деректер (милиграмм/килограмм дене массасына);

      13) тератогенділік және эмбриоуыттылық (ене мен ұрық үшін әсер етудің әсер етпейтін деңгейі, мг/кг дене массасына);

      14) "екі ұрпақ" әдісі бойынша репродуктивтік функциясы (ата-аналары (аналары, әкелері) мен ұрпақ үшін әсер етпейтін әсер ету деңгейі, милиграмм/килограмм дене массасына);

      15) мутагенділік:

      Микросоманың Эймс Сальмонелла тесті (гендік мутацияларды есепке алу); хаттамаға мынадай мәліметтер енгізіледі: тестерлік микроорганизмдердің түрі мен штамдары, эксперименттің схемасы, зерттелетін заттар мен позитивті бақылаулар концентрациясы (дозасы), метаболдық белсендіру жүйесі, алынған бастапқы нәтижелер және оларды статистикалық өңдеу.

      Сүтқоректілердің сүйек миы жасушаларындағы цитогенетикалық зерттеулер (инвиво) (хромосомдық аберрацияларды және (немесе) микроядроларды есепке алу): хаттамаға мынадай мәліметтер енгізіледі: жануарлардың түрі, тобы, жынысы, эксперимент схемасы, зерттеліп жатқан заттардың және позитивті бақылаудың дозасы, енгізу жолы, ұзақтығы және еселігі, микроскоптық талдаудың бастапқы алынған нәтижелері және оларды статистикалық өңдеу.

      Дезоксирибонуклеинді қышқылмен (бұдан әрі - ДНҚ) зақымдануын бағалау (кез келген жақсы верификацияланған және жалпы қабылданған тәсілмен): хаттамаға мынадай мәліметтер енгізіледі: зерттеу схемасы, жануарлардың түрі, тобы, жынысы немесе жасушалар немесе ұлпалар дақылдарының штамдары, эксперимент схемасы, бастапқы алынған талдау нәтижелері және оларды статистикалық өңдеу.

      Адамның перифериялық қаны лимфоциттеріндегі (хромосомдық аберрацияларды есепке алу) цитогенетикалық зерттеулер инвитро: хаттамаға мынадай мәліметтер енгізіледі: зерттеу схемасы, зерттелетін заттар мен позитивті бақылаулар концентрациясы (дозасы), метаболдық белсендіру жүйесі, микроскоптық талдаудың бастапқы алынған нәтижелері және оларды статистикалық өңдеу.

      Индукцияны кешенді бағалауға зерттелетін препаратпен гендік, хромосомдық мутацияларды және стандартты халықаралық хаттамаларға сәйкес келетін ДНҚ өзге де әдістерді (тестілерді) енгізуге жол беріледі.

      16) сүтқоректілер оргазизміндегі метаболизм, негізгі метаболиттер, олардың уыттылығы, токсикокинетика және қажет болса, токсикодинамика. Азықтық дақылдарда және мал шаруашылығында пайданылатын препараттар үшін емізетін жануарлардағы экреция бойынша деректер ( ішкі мүшелер мен бұлшық еттерде жинау, шығару жолы, сүтпен шығу мүмкіндігі, негізгі метаболиттер көрсетілсін);

      17) қоршаған орта объектілеріндегі, оның ішінде ауыл шаруашылығы өсімдіктеріндегі тұрақтылығы және метаболизмі (Т50 және Т50);

      18) зиянды әсерді шектеуші көрсеткіш;

      19) жол берілетін тәуліктік доза (бұдан әрі - ЖТД);

      20) тамақ өнімдері мен қоршаған орта объектілеріндегі гигиеналық нормативтер немесе нормалау орынсыздығының ғылыми негіздемесі (негіздеме бойынша материалдар ұсыну):

      пестицидтің тамақ өнімдері мен ауыл шаруашылығы шикізатында ең жоғары жол берілген деңгейі (бұдан әрі - ЖЖД);

      Су айдындары суларындағы ШкЖК.

      Су айдындарының суларына гигиеналық норматив әзірлеу кезінде бірыңғай әдістемелік тәсілдерді пайдалана отырып, жүргізген жағдайда, пестицидтiң балық шаруашылығы бағалауын жүргізетін ғылыми-зерттеу мекемелерінен алынған пестицидтің судың химиялық құрамына және су ортасының өзін-өзі тазалау процестеріне әсер етуін бағалау жөніндегі деректер қабылданады;

      атмосфералық ауадағы ШкЖК (Қазақстан Республикасының және Еуразиялық экономикалық одақ елдерінің аумағында өндірілетін (формуляцияланатын) пестицид үшін);

      пестицидтiң атмосфералық ауадағы шамаланған қауіпсіз әсер ету деңгейі (бұдан әрі - ШҚӘД) (қажет болса);

      жұмыс аймағындағы ауадағы ШкЖК (Қазақстан Республикасының және Еуразиялық экономикалық одақ елдерінің аумағында өндірілетін (формуляцияланатын) пестицидтер үшін және айқын ингаляциялық қаупі бар импортталатын пестицидтер үшін);

      жұмыс аймағындағы ауадағы ШҚӘД (қалған пестицидтер үшін);

      топырақ үшін ШкЖК (шектес орталарға жылыстауға айқын қабілеттілігі бар тұрақты пестицидтер үшін);

      топырақтағы қалған пестицидтер үшін шамаланған жол берілген концентрация (бұдан әрі - ШмЖК).

      Топырақ үшін гигиеналық норматив әзірлеу кезінде бірыңғай әдістемелік тәсілдемелерді пайдалана отырып, жүргізген жағдайда пестицидтерді экологиялық бағалауды жүргізетін ғылыми-зерттеу мекемесінен алынған топырақтағы беталысын зерттеу жөніндегі деректер қабылдана алады.

      21) тамақ өнімдерінде, ауыл шаруашылығы өнімдерінде, қоршаған орта объектілерінде және биологиялық ортада пестицидтердiң қалдық мөлшерін (қажет болса метаболиттерді) анықтау жөніндегі әдістемелік нұсқаулар:

      ауыл шаруашылығы өніміндегі (оны өңдеу өнімдерінде) және басқа өсімдік объектілеріндегі пестицидтердiң (қажет болса метаболиттердің) қалдық мөлшерін анықтау жөніндегі әдістемелік нұсқаулар;

      топырақтағы пестицидтердiң (қажет болса метаболиттердің) қалдық мөлшерін анықтау жөніндегі әдістемелік нұсқаулар;

      судағы пестицидтердiң (қажет болса метаболиттердің) қалдық мөлшерін анықтау жөніндегі әдістемелік нұсқаулар;

      ауадағы пестицидтердiң (қажет болса метаболиттердің) концентрациясын анықтау жөніндегі әдістемелік нұсқаулар;

      биологиялық орталардағы пестицидтердiң (қажет болса метаболиттердің) қалдық мөлшерін анықтау жөніндегі әдістемелік нұсқаулар.

      22) пестицидтiң қауіптілігін бағалау - Біріккен Ұлттар Ұйымының Азық-түлік және ауыл шаруашылығы ұйымының, Дүниежүзілік денсаулық сақтау ұйымының, Еуропалық одақтың сарапшылар тобының отырысында қаралатын деректер.

      5.2. Пестицидтің препараттық нысанының токсикологиялық сипаттамасы:

      1) жіті пероральдық уыттылығы (егеуқұйрықтар). ҚМ50 (милиграмм/килограмм дене массасына);

      2) жіті терілік уыттылығы. ҚМ50 (милиграмм/килограмм дене массасына);

      3) жіті ингаляциялық уыттылығы (егеуқұйрықтар). ҚМ50 (миллиграмм/метр3);

      4) барлық түсу жолдары кезіндегі күшті интоксикацияның клиникалық белгілері (пероральдық, дермальдық, ингаляциялық);

      5) теріге және шырышты қабықтарға түршіктендіру әсері;

      6) Қазақстан Республикасының және Кеден одағы елдерінің аумағында өндірілетін (формуляцияланатын) пестицидтер үшін жітілеу пероральдық уыттылық (шоғырлану қасиеттері, шоғырлану коэффициенті);

      7) сезімталдық әсері;

      8) препаративтiк нысан компоненттерінің (толықтырғыштар, эмульгаторлар, тұрақтандырғыштар, ерiткiштер) токсикологиялық сипаттамасы.

      Пестицидтің құрамында әсер етуші затқа қарағанда улы әсерін едәуір күшейтуге қабілетті уыттылығы күшті заттар болған жағдайда, пестицидтің препаративтік нысанын токсикологиялық бағалау жөніндегі деректер әсер етуші заттың және препаративтiк нысан компоненттерінің қасиеттерін, сондай-ақ метаболизмді ескере отырып, кеңейтілуі мүмкін.

      6. Пестицидтi өндіру мен қолдануды гигиеналық бағалау

      6.1. Пестицидтің халыққа әсерінің нақты қаупін (қатерін) гигиеналық бағалау:

      1) пестицидтi қолдану кезінде алынған тамақ өнімдерінің халыққа қауіптілігін бағалау:

      зерттелетін объектілердегі пестицидтiң әсер етуші затының қалдық мөлшерінің болуы ұсынылатын шығыс нормалары мен өңдеулер еселігі ең жоғары шамада болғанда зерттеледі;

      тұқымды себу алдында өңдеу үшін, себуге дейін, сеуіп болғаннан кейін дереу, гүлденуге (жеміс-жидек дақылының) дейін, өсіп-өніп жатқан өсімдіктерде (егер соңғы өңдеу егін жинауға дейін 60 күн бұрын жүргізілсе) қолданылатын пестицидтер үшін пестицидтердiң әсер етуші заттарының қалдық мөлшерлері дақыл өнімінің элементерінде ғана анықталады;

      азықтық дақылдарда немесе көк шөбі тікелей мал азығына пайдаланылуы мүмкін дақылдарда, ашық және жабық (маусымда бірнеше рет жиналатын) топырақтағы көкөніс және жасыл дақылдарда қолдануға ұсынылған пестицидтер үшін күту мерзімін анықтау мақсатында соңғы өңдеу мерзіміне қарай әсер етуші заттардың ыдырау динамикасы міндетті түрде зерттеледі;

      аналықтарда, тұқымдықтарда, көшеттіктерде, шикізаты жекелеген заттарды алуға жұмсалатын дәрілік, эфирмайлы дақылдарда, өңдеу аяқталған соң бір жылдан кейін жиналатын дәрілік, эфирмайлы дақылдарда, сәндік дақылдарда қолданылатын пестицидтер үшін әсер етуші заттардың қалдық мөлшерін зерттеу қажет етілмейді;

      ауыл шаруашылығына пайдаланылмайтын жерлерде (орман шаруашылығында, темір және тас жолдардың қарауына алынған жерлерде және тағы сол сияқты) қолданылатын пестицидтер үшін өңделген алқаптарға халықтың қауіпсіз шығу мерзімдерін негіздеу мақсатында жабайы өсімдіктер өнімінде (саңырауқұлақтар, жидектер және т.с.с) әсер етуші заттардың қалдық мөлшерін зерттеу қажет;

      пестицидтерді қолданып өсірілген өсімдік тектес ауыл шаруашылығы өнімінің органолептикалық қасиеттері мен тағамдық құндылығын анықтау жөніндегі зерттеулер ең көп пестицидтік жүктемесі (шығыс нормасы, өңдеу еселігі) бар және тікелей тамаққа пайдаланылатын өнімдер тобы өкілінің біреуі бойынша (жемістер, жидектер, жүзімдер, бақша дақылдары, картоп) жүзеге асырылады. Өңделетін өнімдерде (өсімдік майы, шырындар) аталған зерттеулер пестицидтердiң әсер етуші заттарының қалдық мөлшері өңделіп жатқан шикізатта (тұқым, жеміс, жидек) болғанда жүргізіледі;

      2) пестицидтің сумен түскен кездегі қаупін (қатерін) бағалау.

      Шығыс нормасы мен өңдеу еселігі ең жоғары шамада болған кезде (қолданыстағы әдістемелік құжаттарға сәйкес) табиғи жағдайда жерүсті және жерасты су көздері суының ластану деңгейін зерделеу немесе бұл зерттеулерді жүргізу орынсыздығын негіздеу;

      3) атмосфералық ауа ластануының халық үшін қауіптілігін бағалау әдеттегідей ең жоғары шығыс нормаларын ескере отырып, пестицидтерді қолдану кезінде еңбек шарттарын гигиеналық бағалау жөнінде зерттеулер жүргізумен бір мезгілде жүзеге асырылады. Бұл ретте пестицидтердің әсер етуші заттарын санитариялық-қорғау аймақтары мен санитариялық ажырату аймақтарының сыртына көшіру өлшемдері белгіленеді;

      4) нақты қауіпті (тәуекелді) бағалау - пестицидтердiң өніммен, ауамен және сумен жалпы түсуін есептеу жолымен пестицидтердiң халыққа кешенді әсерін бағалау.

      Қауіптілігі 1, 2-сыныпты пестицидтер үшін олардың қоршаған орта объектілеріндегі мәніне мониторингтік зерттеулер жүргізілуі мүмкін.

      6.2. Пестицидтерді қолдану кезінде жұмыскерлердің еңбек шарттарын гигиеналық бағалау

      Зерттеулер пестицидтердi ең жоғары шығыс нормалары кезіндегі қолдану технологиясын ескере отырып, қолданыстағы әдістемелік құжаттарға сәйкес жүргізіледі және операторлар үшін тәуекелді бағалауды, қолмен және механикаландырылған жұмыстарды жүргізуге арналған өңделген алқаптарға қауіпсіз шығу мерзімдерін негіздеуді қамтиды:

      1) танаптық дақылдарды қарнақты бүрку кезінде;

      2) бақ дақылдарын вентиляторлық бүрку кезінде;

      3) дақылдарды авиа әдіспен өңдеу кезінде;

      4) дақылдарды жабық топырақ жағдайында өңдеу кезінде;

      5) дәрілеу зауыттарында және дәрілеу пункттерінде тұқымды егу алдында өңдеу кезінде;

      6) пестицидтермен өңделген тұқымды себу кезінде (препараттың қауіптілік сыныбы, топырақта тұрақтылығы, қолдану саласы ескерілген көрсеткіштері бойынша);

      7) фумигациялау кезінде;

      8) пестицидтерді басқа технологияларды пайдалана отырып, қолдану кезінде.

      Қажет болған жағдайда, көрсетілген зерттеулерді жүргізудің орынсыздығына негіздеме келтіріледі.

      Еңбек шарттарын гигиеналық бағалау белгіленген тәртіппен гигиеналық бағалаудан өткен техника мен жабдықтарды пайдалану кезінде ғана жүргізіледі.

      6.3. Қазақстан Республикасының аумағында пестицидтер өндірісін (формуляциясын) гигиеналық бағалау техникалық құжаттаманы (ұйым стандарты (техникалық шарттар), техникалық регламенттер) талдауға негізделеді және:

      1) барлық технологиялық операцияларда жұмыс орындарын аттестаттай отырып, өндірістік ортаны бағалау жөнінде зертханалық зерттеулер жүргізу;

      2) ластағыштарды идентификациялау, жұмыскерлерге кешенді әсер ету қатерін бағалау;

      3) жабдықты, материалдарды, аспирация жүйелерін гигиеналық бағалау;

      4) жалпы шығарындылар мен жердің бетіндегі концентрацияларды есептеу;

      5) өндірістік сарқынды суларды, өндіріс қалдықтарын, ыдыстарды және тағы басқаларды зарарсыздандыру және кәдеге жарату тәсілдерін бағалау арқылы жүзеге асырылады.

      6.4. Микробиологиялық пестицидтің препараттық нысанын токсикологиялық бағалау

      1) жіті пероральды уыттылығы (тышқандар, егеуқұйрықтар) - ҚМ50;

      2) жіті ингаляциялық уыттылығы - ҚМ50;

      3) теріге және шырышты қабықтарға тітіркену және сіңіру (қажет болса) әсері;

      4) сезіну әсері;

      5) шоғырлану қасиеттері (пестицидтер үшін микроорганизмдердің тіршілік әрекетінің өнімдері негізінде);

      6) дисбактериотиялық әсері;

      7) контаминанттық микрофлораның (вирусты және микроспородиалдық пестицидтер үшін) құрамы және жылықандылар үшін патогендігі жөніндегі деректер;

      8) кейіннен болатын әрекеттер (токсиндері бар препараттар үшін): мутагендігі (Эймс тесті), тератогендігі.

      6.5. Микробиологиялық пестицидтердi пайдалану мен өндірудің гигиеналық регламенттерін белгілеу:

      1) гигиеналық нормалау қажет болған жағдайда, пестицидтiң қалдық мөлшерінің серпінін зерделеу;

      2) пестицидтi ең жоғары шығыс нормалары мен әртүрлі технологияларды ескере отырып, қолдану кезінде еңбек шарттарын гигиеналық бағалау;

      3) жабық топырақта еңбек шарттарын зерделеу (ашық топыраққа қарамастан жүргізіледі).

      4) қажеттілігін негіздеу және пестицидтi өндіру мен қолдану кезінде халықтың және жұмыс істейтіндердің қауіпсіздігін қамтамасыз ететін гигиеналық нормативтерді әзірлеу (қажет болса):

      тамақ өнімдерінде МЖД;

      су айдындары суларындағы ШкЖК;

      жұмыс аймағындағы ауадағы ШкЖК (Қазақстан Республикасының және Кеден одағы елдерінің аумағында өндірілетін (формуляцияланатын) пестицидтер үшін);

      атмосфералық ауадағы ШҚӘД және ШкЖК (Қазақстан Республикасының және Еуразиялық экономикалық одағы елдерінің аумағында өндірілетін (формуляцияланатын) пестицидтер үшін);

      жұмыс аймағындағы ауадағы ШҚӘД (шетел пестицидтері үшін);

      топырақ үшін ШкЖК (өсімдіктерде транслокациялануға және басқа жүйелерге жылыстауға қабілетті орнықты пестицидтер үшін);

      қалған пестицидтер үшін топырақтағы ШмЖК.

      6.6. Микроорганизмді (бактериялар, саңырауқұлақтар) токсикологиялық бағалау

      1) бактериялардың, саңырауқұлақтардың патогендігi (вируленттілігі, уыттылығы, уыттектілігі, таралуы) екi түрлi зертханалық жануарда бiр рет құрсаққа, асқазанға енгізу кезінде, жоғарғы тыныс жолдары мен көздің шырышты қабығы арқылы түскен кезде зерттеледi;

      2) жоғарғы тыныс жолдары арқылы түскен кезде микроорганизмдердiң бiр ай ішінде иммундық жүйеге әсері (түршiктіру, аллергендiк, иммуноуыттылық, иммуномодульдеулік).

      6.7. Микробтық синтез өнiмдерін токсикологиялық бағалау:

      1) жіті пероральдық уыттылығы (тышқандар, егеуқұйрықтар) - ҚМ50, күшті әсер ету шегi (Қазақстан Республикасының және Кеден одағы елдерінің аумағында өндірілетін (формуляцияланатын) пестицидтер үшін);

      2) жіті терiлік уыттылығы - ҚМ50;

      3) жіті ингаляциялық уыттылығы - ҚМ50. Күшті әсер ету шегi (Қазақстан Республикасының және Кеден одағы елдерінің аумағында өндірілетін (формуляцияланатын) пестицидтер үшін);

      4) жіті уланудың клиникалық көріністері;

      5) терi мен шырышты қабықтарға тітіркену әсері;

      6) жіті пероральдық уыттылығы (шоғырлану қасиеттерi), шоғырлану коэффициентi (Ресей аумағында өндірілетін препараттар үшін);

      7) жіті терiлік уыттылығы;

      8) түршiктіру әрекеті, иммуноуыттылығы;

      9) созылмалы уыттылығы (шекті және тиiмсіз мөлшерлер);

      10) онкогендiгі (бастапқы жалпылама материалдар - тәжiрибе жүргізілетін жануарларда абсолюттi өлшемде және тиімді санға қарағанда iсiктер жиілігі, бiр жануарға шаққанда iсiктер саны, барлық оқшаулаулардағы гистологиялық iсiк түрлерiнiң саны мен жиілігі, метастаздануы, жануарлардың өмiршеңдiгi, онкогендiк қатер коэффициенті, алғашқы iсiктi анықтау мерзімі, эксперименттiк жануарларды эксперименталды және тарихи бақылау мәлiметтерi және тағы сол сияқты);

      11) тератогендігі және эмбриоуыттылығы - жемiстегi ауытқушылықтарды және жеміс үшін уыттылығын анықтауға мүмкіндік беретін әдiстемелік қатынастарды пайдалана отырып;

      12) екi ұрпақ әдісі бойынша репродуктивті уыттылығы және гонадоуыттылығы;

      13) мутагендiгі:

      микросомалдық белсендіру мен белсендірусіз гендiк мутацияларға Эймс тестi;

      хромосомдық аберрациялар (зертханалық жануарлардағы инвиво);

      адамның шеткі қаны лимфоциттеріндегі инвитро, Эймс тестін қоса алғанда үштен кем емес өзге тесттерге жол берiледi;

      14) сүтқоректiлер организміндегі метаболизм, негiзгi метоболиттер, олардың уыттылығы, токсикокинетикасы және қажет болса токсикодинамикасы;

      15) уыттылықтың шектеушi көрсеткiшi;

      16) ЖТД миллиграмм/килограмм адам денесiнің салмағы;

      17) қосымша ақпарат.

      7. Пестицидтiң экологиялық сипаттамасы

      1) пестицидтiң әсер етуші затының экологиялық сипаттамасы (химиялық заттар):

      қоршаған ортадағы әрекеті:

      топырақтағы әрекеті;

      топырақтағы ыдырау жолдары мен жылдамдығы;

      топырақтағы аэробты, анаэробты ыдырауы;

      зертханалық зерттеулер: аэробты, анаэробты ыдырауы;

      танаптық зерттеулер: жоғалу серпіні, қалдық мөлшерлері, топырақта шоғырлануы;

      адсорбция және десорбция;

      топырақтағы қозғалғыштығы;

      зертханалық бағаналық тәжірибелер;

      ескірген қалдықтармен зертханалық бағаналық тәжірибелер;

      пестицидтердің жылыстауы бойынша лизиметриялық зерттеулер немесе танаптық тәжірибелер;

      судағы және ауадағы әрекеті;

      суда ыдырау жолдары мен жылдамдығы;

      гидролитикалық ыдырауы;

      фотохимиялық ыдырауы;

      биологиялық ыдырауы;

      ауада ыдырау жолдары мен жылдамдығы;

      топырақтағы, судағы және ауадағы қалдық мөлшерлерін анықтау әдістемесі.

      Экотоксикология:

      құстар:

      жіті оральды уыттылығы;

      тамақтандыру кезіндегі уыттылығы;

      репродуктивтілікке әсер етуі.

      Су организмдері:

      балықтар:

      жіті уыттылығы;

      созылмалы уыттылығы;

      репродуктивтілікке әрекет етуі және даму жылдамдығы;

      биошоғырлануы.

      Зоопланктон (Дафния магна):

      жіті уыттылығы;

      репродуктивтілікке әсер етуі және даму жылдамдығы.

      Балдырлар, өсуге әсер етуі.

      Бал аралары (басқа пайдалы жәндіктер):

      жіті және созылмалы жанаспалы уыттылығы (жеке немесе топтап әсер еткен кезде);

      жіті және созылмалы оральдық уыттылық (жеке және топтап тамақтандыру кезінде).

      Жаңбыр құрттары:

      жіті уыттылығы;

      өлімге жақын әсерлер.

      Топырақ микроорганизмдері:

      көміртектің минералдану процестеріне әсер етуі;

      азоттың түрлену процестеріне әсер етуі;

      Флора мен фаунаның басқа мақсатсыз организмдері.

      Суды тазартудың биологиялық әдістеріне әсер етуі.

      2) Пестицидтiң әсер етуші затының экологиялық сипаттамасы (микроорганизмдер мен вирустар):

      қоршаған ортадағы әрекеті:

      топырақта, суда, ауада таралуы, орнықтылығы, қозғалыштығы және көбеюі;

      қорек тізбегіндегі ықтимал әрекеті туралы деректер.

      Экотоксикология:

      құстар:

      жіті оралдық уыттылығы, патогендігі, инфективтігі.

      Су организмдері:

      жіті уыттылығы, патогендігі, инфективтігі.

      Бал аралары (басқа пайдалы жәндіктер):

      жіті жанаспалы уыттылығы, патогендігі, инфективтігі;

      жіті оралдық уыттылығы, патогендігі, инфективтігі.

      Жаңбыр құрттары (басқа мақсатсыз топырақ макроорганизмдері):

      жіті уыттылығы, патогендігі, инфективтігі.

      Топырақ микроорганизмдері.

      3) Пестицидтiң препараттық нысанының экологиялық сипаттамасы (химиялық заттар):

      қоршаған ортадағы әрекеті;

      топырақтағы әрекеті;

      әсер етуші заттың концентрация деңгейін және оның топырақта жылыстауын бағалау;

      танаптық тәжірибелер: әсер етуші заттың жоғалу динамикасы, оның қалдық мөлшерлері, топырақта жинақталуы;

      жылыстауы жөнінде танаптық тәжірибелер немесе лизиметриялық зерттеулер;

      судағы әрекеті:

      жерасты суларында әсер етуші заттың концентрациясы деңгейін бағалау, қосымша танаптық сынақтар;

      жерүсті суларында әсер етуші заттың концентрациясы деңгейін бағалау, қосымша танаптық сынақтар.

      Ауадағы әрекеті.

      Экотоксикология:

      құстар:

      жіті оральдық уыттылығы;

      тордағы және танаптағы тәжірибелер;

      құстар үшін тұзақтардың, түйіршіктердің және өңделген тұқымның қауіптілігі;

      жанама улану әрекеттері.

      Су организмдері:

      балықтар үшін жіті уыттылығы;

      зоопланктон (Дафния магна) үшін күшті уыттылығы;

      жерүсті су айдындарын абайсызда өңдеу (бұзу) кезіндегі қатерді бағалау;

      балықтардың басқа түрлерімен арнайы зерттеулер.

      Бал аралары (басқа пайдалы жәндіктер):

      жіті және созылмалы жанаспалы уыттылығы (жеке және топтап әрекет еткен кезде);

      жіті және созылмалы оральдық уыттылығы (жеке және топтап тамақтандыру кезінде);

      фумиганттық уыттылығы;

      репелленттік белсенділігі;

      қалдық әрекетінің ұзақтығы;

      танаптық жағдайдағы уыттылығы мен қауіптілігі.

      Жаңбыр құрттары (басқа да мақсатсыз топырақ макроорганизмдері):

      жіті уыттылық;

      өлімге жақын әсерлері;

      танаптық жағдайлардағы уыттылығы.

      Топырақтағы микроорганизмдер:

      көміртектің минералдану процестеріне әрекеті;

      азоттың түрлену процестеріне әрекеті;

      қосымша тестілер.

      4) Пестицидтiң препараттық нысанының экологиялық сипаттамасы (микроорганизмдер мен вирустар)

      Қоршаған ортадағы әрекеті.

      Экотоксикология:

      су организмдері;

      бал аралары (басқа пайдалы жәндіктер);

      жаңбыр құрттары (басқа мақсатсыз топырақ макроорганизмдері);

      топырақ микроорганизмдері;

      қосымша зерттеулер.

      ________ ___________________________________________________

      (қолы)            (заңды тұлға басшысының/жеке тұлғаның-тiркелушiнің

      (өтінім берушiнің) аты, әкесінің аты (бар болса), тегі)

Дақылдарды өңдеп-өсіретін негізгі топырақтық-климаттық аймақтар

      Ескертпе: жаздық дәндi дақылдарға сынақтар кем дегенде екі аймақта, басқа дақылдарға - бір аймақта жүргізіледі.

      Құпия

Пестицидтiң биологиялық және шаруашылық тиiмдiлiгiн бағалау жөніндегі ұсақмөлдекті сынақтарының нәтижелері туралы есеп

      1. Пестицид (саудалық атауы), препараттық нысаны, тiркелушi (өтінім беруші) мемлекет, әсер етуші заты, мақсаты (фитосанитариялық).

      2. Пестицидті сынақтардан өткізу орны.

      3. Дақыл, сорт, екпелердің жасы, отырғызу схемасы.

      4. Топырақ (типі, механикалық құрамы, қарашiрiндінің құрамы, рН).

      5. Агротехника (алдыңғы дақыл, топырақты өңдеу, себу мерзiмдерi, себу нормасы, қатараралық енi, егiстiктi күту жөніндегі іс-шаралар).

      6. Зиянды организмдер (оған қарсы препарат сыналатын нақты зиянды объектiлерді көрсету).

      7. Тәжiрибе нұсқалары.

      8. Тәжірибе түрi (танаптық -тіркеу (ұсақмөлдекті), тәжiрибелі танаптар алаңы, қайталану саны.

      9. Препаратты қолдану мерзiмдерi (ауыл шаруашылығы дақылдары мен зиянды организмдердiң даму фазасы) мен тәсiлдерi (жаппай өңдеулер, тосқауылды өңдеулер, аз көлемді, ультра аз көлемді бүрку, уландырылған еліктіргіштер түрінде қолдану, қойма үй-жайларын фумигациялау және тағы сол сияқты).

      10. Бүрiккiш түрi, жұмыс сұйықтықтарының шығыс нормасы.

      11. Вегетациялық кезеңнің ауа-райы ерекшелiктерi (жауын-шашын көлемі, ауа температурасы мен ылғалдылығы) (орташа көпжылдық көрсеткiштермен салыстыра отырып келтіру).

      12. Зиянды организмдердiң есебін жүргізу әдiстемесi.

      13. Өнiмнің есебін жүргізу әдiстемесi.

      14. Биологиялық және шаруашылық тиiмдiлiгi (кестелер түрiнде келтiру).

      15. Пестицидтiң бақыланатын жанама әсері, оның iшiнде мақсатты емес объектiлерге (түрлерiн көрсету) бақыланатын жанама әсері, препаратпен жұмыс iстейтiндердiң терiсіне, тыныс жолдарына әсерiн, өзге де кері факторларды (байқалса) көрсету.

      16. Сыналатын пестицидтiң өсімдік шаруашылығы өнімі мен қоршаған орта объектiлерiндегі қалдық мөлшерлерінің құрамы (зерделенген болса).

      17. Сыналатын пестицидтiң биологиялық және шаруашылық тиiмдiлiгi туралы нақты қорытындылар.

      18. Сыналатын пестицидті өндірістік сынақтардан өткізу жоспарына енгізу туралы немесе зиянды организмдердің болмауын немесе олардың санын және зиян келтірудің экономикалық шегінен төмен даму дәрежесін ескере отырып, оларды нақтылау мақсатында 1 вегетациялық маусымға пестицидті ұсақмөлдекті сынауды жалғастыру туралы ұсыныстар.

      19. Препараттың сыналған шығыс нормалары мен жұмыс сұйықтығының шығыс нормаларында пестицидтi мемлекеттік тіркеу орындылығы немесе оларды нақтылау мақсатында, сондай-ақ тiркеуге ұсынылған препаратты қолдану регламенттерi бойынша ұсақмөлдекті немесе өндiрiстiк сынақтарды жалғастыру туралы ұсыныстар.

      Жұмысты орындаушылар:

      _______________________________________

      (аты, әкесінің аты (бар болса), тегі)

      _______________________________________

      (лауазымы)

      __________________________________                        ________

      (ғылыми дәрежесі, ғылыми атағы)                              (қолы)

      Мөр орны _____________________

      (күні)

Өсімдік шаруашылығы өнімінде және қоршаған орта объектілерінде пестицидтiң қалдық мөлшерінің құрамын анықтау жөнінде жұмыстар жүргізу нәтижелері туралы есеп

      1. Жалпы ереже.

      2. Тәжірибенің мақсаты мен міндеттерінің қысқаша негіздемесі.

      3. Пестицидтің қысқаша сипаттамасы:

      1) өтінім беруші, өндіруші;

      2) саудалық атауы;

      3) әсер етуші заты;

      4) препараттық нысаны;

      5) молекулалық массасы;

      6) эмпириялық формуласы.

      4. Тәжірибенің жалпы сипаттамасы:

      1) салу орны;

      2) жүргізу мерзімі;

      3) дақыл;

      4) тәжірибе түрі;

      5) агротехника;

      6) күту жөніндегі іс-шаралар.

      5. Топырақ пен метеорологиялық жағдайлардың сипаттамасы.

      6. Зерттелетін пестицидті пайдалану ерекшеліктері:

      1) өңдеу мерзімдері мен еселілігі;

      2) пайдалану тәсілі;

      3) жұмыс сұйықтығының шығысы;

      4) препарат бойынша шығыс нормасы.

      7. Сынамаларды іріктеу әдістемесі және сынамаларды сақтау жағдайлары, талдау үшін сынамаларды іріктеу актісі.

      8. Пестицидтiң қалдық мөлшерлерін анықтау әдісі.

      9. Аспап маркасы, табу шегі, шығару толықтығы және гигиеналық нормативтер.

      10. Хроматограммалар қоса берілген пестицидтiң қалдық мөлшерлерінің құрамы жөніндегі деректер.

      11. Эксперимент нәтижелері бойынша тұжырымдар мен қорытындылар.

      Орындаушы: ___________________ ____________________________

      (қолы) аты, әкесінің аты (бар болса), тегі)

      Мөр орны ____________________

      (күні)

Пестицидтi тіркеу (өндірістік) сынақтарынан өткізуге арналған өтінім

      (тiркелушiнің (өтінім берушiнің) фирмалық бланкілерінде ұсынылады және тiркелушiнің (өтінім берушiнің) қолымен және мөрімен куәландырылады)

      Тiркелушi (өтінім берушi)

      (жеке немесе заңды тұлғаның атауы)

      ____________________________________________________________________

      (мемлекет, мекенжайы, телефоны, факсы, е-mail)

      Пестицидтердi мемлекеттiк тiркеуді жүргізу үшін Қазақстан Республикасында тiркеу (өндірістік) сынақтарын жүргiзу жоспарына қолдану регламентерімен мынадай пестицидтердi қосуды сұраймын (кесте пестицидтің түріне байланысты толтырылады):

Инсектицидтер, фунгицидтер және гербицицтер үшін

Тұқымдарды, биологиялық препараттарды, родентицидтерді егу алдында өңдеуге арналған препараттар үшін Ауыл шаруашылығы өнімдерін өндірушілердің қоймалық үй-жайларындағы запастардың зиянкестеріне қарсы қолдануға рұқсат етілген препараттар үшін Нан өнімдері жүйесінде кәсіпорындардағы запастардың зиянкестеріне қарсы қолдануға рұқсат етілген препараттар үшін

Дефиолианттар және десиканттар, өсімдіктердің өсуін реттеушілер үшін

      Ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісемін/келіспеймін (қажеттісінің астын сызу керек) __________20 _____ жылғы "______"___________ (қолы)

      _____________________________ ______________________________________

      (лауазымы, қолы)                        (аты, әкесінің аты (бар болса), тегі)

Пестицидтiң биологиялық және шаруашылық тиiмдiлiгiн бағалау жөніндегі өндірістік сынақтардың нәтижелері туралы есеп

      1. Пестицид (саудалық атауы), препараттық нысаны, тiркелушi (өтінім беруші) мемлекет, әсер етуші заты, мақсаты (фитосанитариялық).

      2. Пестицидті сынақтардан өткізу орны.

      3. Дақыл, сорт, екпелердің жасы, отырғызу схемасы.

      4. Топырақ (түрi, механикалық құрамы, қарашiрiндінің құрамы, рН).

      5. Агротехника (алғы дақыл, топырақты өңдеу, себу мерзiмдерi, себу нормасы, қатараралық енi, егiстiктi күту жөніндегі шаралар).

      6. Зиянды организмдер (оған қарсы препарат сыналатын нақты зиянды объектiлерді көрсету).

      7. Тәжiрибе нұсқалары.

      8. Сынақ түрi (танаптық-тіркеу (өндірістік), тәжiрибелі танаптар алаңы, қайталану саны.

      9. Препаратты қолдану мерзiмдерi (ауыл шаруашылығы дақылдары мен зиянды организмдердiң даму фазасы) мен тәсiлдерi (жаппай өңдеулер, тосқауылды өңдеулер, аз көлемді, ультра аз көлемді бүрку, уландырылған еліктіргіштер түрінде қолдану, қойма үй-жайларын фумигациялау және тағы басқалар).

      10. Бүрiккiш түрi, жұмыс сұйықтықтарының шығыс нормасы.

      11. Вегетациялық кезеңнің ауа райы ерекшелiктерi (жауын-шашын көлемі, ауа температурасы мен ылғалдылығы) (орташа көпжылдық көрсеткiштермен салыстыра отырып келтіру).

      12. Зиянды организмдердi есепке алуды жүргізу әдiстемесi.

      13. Өнiмді есепке алуды жүргізу әдiстемесi.

      14. Биологиялық және шаруашылық тиiмдiлiгi (кестелер түрiнде келтiру).

      15. Пестицидтiң, оның iшiнде мақсатты емес объектiлерге (түрлерiн көрсету) бақыланатын жанама әсері, препаратпен жұмыс iстейтiндердiң терiсіне, тыныс жолдарына әсерiн, өзге де кері әсерлерді (байқалса) көрсету.

      16. Сыналатын пестицидтiң ауыл шаруашылығы өнімі мен қоршаған орта объектiлерiндегі қалдықты мөлшерінің құрамы (зерттелсе).

      17. Сыналатын пестицидтiң биологиялық және шаруашылық тиiмдiлiгi туралы нақты қорытындылар.

      18. Препараттың сыналған шығыс нормалары мен жұмыс сұйықтығының шығыс нормаларында пестицидтi мемлекеттік тіркеудің орындылығы немесе оларды нақтылау мақсатында, сондай-ақ тiркеуге ұсынылған препаратты қолдану регламенттерi бойынша ұсақмөлдекті немесе өндiрiстiк сынақтарды жалғастыру туралы ұсыныстар.

      Жұмысты орындаушылар:

      ________________________________________

      (аты, әкесінің аты (бар болса), тегі)

      ________________________________________

      (лауазымы)

      ________________________________________                  ________

      (ғылыми дәрежесі, ғылыми атағы)                              (қолы)

Пестицидтiң өндiрiстiк сынақтарын бағалау актісі

      _________________________________________________________қарсы

      (зиянды организмдер)

      ____________________________________________________ фирмасының

      (әсер етуші зат) _________________________________________________

      _________________________пестицидінің өндiрiстiк сынағы

      Бiз, ____________________________________________________________

      (Ведомствоның облыстық аумақтық инспекциясының атауы) өсiмдiктер карантині

      және оларды қорғау бөлiмiнiң басшысы

      ______________________________________________________________,

      (аты, әкесінің аты (бар болса), тегі)

      _______________________________________________________________

      (Ведомствоның аудандық аумақтық инспекциясының атауы) өсiмдiктер карантині

      және оларды қорғау бөлiмiнiң басшысы

      ______________________________________________________________,

      (аты, әкесінің аты (бар болса), тегі)

      шаруашылық басшысы (немесе ауылдық округ әкiмi) _________________

      _______________________________________________________________,

      (аты, әкесінің аты (бар болса), тегі), ұйымның атауы)

      жауапты орындаушы____________________________________________,

      (аты, әкесінің аты (бар болса), тегі), ұйымның атауы)

      _________________________ облысы________________________ ауданы

      _____________________________________________________жерлерiнде

      (шаруашылық немесе ауылдық округ атауы)

      _______________егiстерінде (немесе ауыл шаруашылығы емес жерлерде)

      __________________________________________________________қарсы

      (зиянды организмдер)

      ___________________________________________________ фирмасының

      _____________________ пестицидінің өндiрiстiк сынақтан өткізілгені

      туралы осы актiнi жасадық.

      Пайдаланатын аппаратура________________________________________

      Тәжiрибелі танаптар алаңы _____ гектар

      Өңдеу еселiгi ____________________

      (өңдеу саны)

      _______ пестицидтің өндірістік сынақтарының нәтижелері бойынша

      _____________ егiстерінде (немесе ауыл шаруашылығы емес жерлерде)

      _________________________________________________________ қарсы

      (зиянды организмдер)

      ______________ (литр/тоннаға, килограмм/гектарға) шығыс нормасында

      ________________________________________________________ әдіспен

      мемлекеттік тіркеуге ұсынылады.

      тексеру нәтижелері бойынша есеп ______ бетте қоса берiліп отыр.

      Ведомствоның _________________ облыстық аумақтық инспекциясының

      өсiмдiктердi қорғау және өсімдіктер карантині бөлiмiнiң басшысы

      _______________________________________________________________

      (аты, әкесінің аты (бар болса), тегі), қолы)

      Ведомствоның __________________________ облысы аудандық аумақтық

      инспекциясының өсiмдiктердi қорғау және өсімдіктер карантині бөлiмiнiң басшысы

      _______________________________________________________________

      (аты, әкесінің аты (бар болса), тегі), қолы) шаруашылық басшысы (немесе ауылдық округ әкiмi)

      _______________________________________________________________

      (аты, әкесінің аты (бар болса), тегі), қолы)

      Жауапты орындаушы _____________________________________________

      (аты, әкесінің аты (бар болса), тегі), ұйымның атауы)

      20___ жылғы "____"___________________

      Пестицидтi мемлекеттік тiркеуге арналған өтінім

      Тiркелушi (өтінім беруші)

      _______________________________________________________________

      (жеке немесе заңды тұлға,

      _______________________________________________________________

      (мемлекет, мекенжайы, телефон, факс)

      Қолдану регламенттері бар мынадай пестицидтердiң Қазақстан Республикасында мемлекеттік тiркелуін жүргізуді өтінемін (кесте пестицидтің түріне байланысты толтырылады):

Инсектицидтер, фунгицидтер және гербицицтер үшін

Тұқымдарды, биологиялық препараттарды, родентицидтерді егу алдында өңдеуге арналған препараттар үшін Ауыл шаруашылығы өнімдерін өндірушілердің қоймалық үй-жайларында қорлардың зиянкестеріне қарсы қолдануға рұқсат етілген препараттар үшін, сондай-ақ нан өнімдері жүйесінде кәсіпорындарда қордардың зиянкестеріне қарсы қолдануға рұқсат етілген препараттар үшін

Дефиолианттар және десиканттар, өсімдіктердің өсуін реттеушілер үшін

      Тіркелуші (өтінім беруші) 20__ жылғы "__" ________ сағат 00:00 қол қойып, жіберді :

      ЭЦҚ -дан алынған деректер

      ЭЦҚ қою күні және уақыты

      Өтініштің қабылданғаны туралы хабарлама:

      Ведомство 20__ жылғы "__" _________ сағат 00:00-де қабылдады.

      ЭЦҚ-дан алынған деректер

      ЭЦҚ қою күні және уақыты

"Пестицидтерді мемлекеттік тіркеу" мемлекеттік көрсетілетін қызмет стандарты (бұдан әрі - Стандарт)

Пестицидті тасымалдау, сақтау, қолдану және зарарсыздандыру жөніндегі ұсыныстар

      1. Пестицидтiң ерекшелейтін аты, тіркелуші (өтінім беруші) фирма.

      2. Әсер етуші зат немесе микроорганизмнің түрлік аты, штамның немесе изоляттың аты.

      3. Концентрациясы (грамм/литрға немесе гектар/килограммға) (тiрi жасушалардың немесе олардың тіршілік әрекеті өнімінің титрi, вирустық түйіршіктер, қоспалар титрі).

      4. Пестицидтiң препараттық нысаны.

      5. Пестицидтiң және жұмыс сұйықтығының мақсаты, қолдану технологиясы, шығыс нормасы.

      6. Өзге пестицидтермен үйлесімділігі.

      7. Пестицидтiң фитоуыттылығы.

      8. Резистенттiк туындау мүмкiндiгi.

      9. Флора мен фаунаның пайдалы объектiлерін қорғау жөніндегі ұсыныстар.

      10. Пестицидпен жұмыс кезiндегі қауіпсіздік шаралары.

      11. Уланған кездегі алғашқы көмек.

      12. Пестицидті тасымалдау, сақтау және қолдану кезіндегі сақтық шаралары.

      13. Төгiлген немесе шашылған пестицидті зарарсыздандыру, препаратты және оның ыдысын кәдеге жарату тәсiлдерi.

Ыдыс заттаңбасы

      Қолданар алдында мұқият оқу қажет!

      Фирма өндiрiсi мен орамы (нақты көрсетiледi),

      сондай-ақ почталық мекенжайы

      1. Пестицидтiң ерекшелейтін аты, тіркелуші (өтінім беруші) фирма.

      2. Әсер етуші зат немесе микроорганизмнің түрлік аты, штамның немесе изоляттың аты.

      3. Әсер етуші заттың құрамы грамм/литр немесе гектар/килограмм (тiрi жасушалардың немесе олардың тіршілік әрекеті өнімінің титрi).

      4. Пестицидтiң препараттық нысаны.

      5. Пестицидтiң және жұмыс сұйықтығының мақсаты, қолданылу технологиясы, шығыс нормасы.

      6. Әр дақыл үшін күту мерзiмi.

      7. Шектеулер.

      8. Пестицидтiң уыттылығы (қауiптiлiк сыныбы көрсетіледі).

      9. Пестицидті тасымалдау, сақтау және қолдану кезіндегі сақтық шаралары.

      10. Төгiлген немесе шашылған пестицидтi зарарсыздандыру тәсiлдерi.

      11. Пестицидтiң дайындалған күні.

      12. Пестицидтiң жарамдылық мерзімі.

      Пестицидтiң ыдыс заттаңбасында барлық тармақтар бойынша ақпараттың болуы қамтамасыз етіледі. Дизайны регламенттелмейді. Егер техникалық мүмкiндiктері бір орамға жазуға мүмкіндік берсе, ыдыс заттаңбасы мен ұсынымдарды бiр құжатқа біріктіруге болады.

      № ________

Пестицидке арналған тіркеу куәлігі Регистрационное удостоверение на пестицид

      Осы куәлік ________________________________________________________________

      Настоящее удостоверение выдано

      ____________________________________________________________________ берілді

      (заңды немесе жеке тұлғаның атауы/ наименование юридического или физического лица)

      себебі Қазақстан Республикасы Ауыл шаруашылығы министрінің 20____ жылғы "____" ________________№_____ бұйрығымен бекітілген Пестицидтерді тiркеу (ұсақмөлдекті және өндірістік) сынақтарынан өткізу және мемлекеттiк тiркеу қағидаларына сәйкес в том, что в соответствии с Правилами проведения регистрационных (мелкоделяночных и производственных) испытаний и государственной регистрации пестицидов, утвержденными приказом Министра сельского хозяйства Республики Казахстан

      "_____" ____________20____ года №______________________________,

      __________________________________________________________________________

      (пестицидтің саудалық атауы/ торговое название

      пестицида)

      __________________________________________________________________________

      (препаративтік нысаны/препаративная форма)

      __________________________________________________________________________

      пестцидті өндіруші/производитель пестицида

      20___ жылғы "____" ____________дейін __________мерзімге №_______

      мемлекеттік тіркеуден өтті және мынадай регламенттермен Қазақстан

      Республикасының аумағына пестицидтерді әкелуге, өндіруге, сақтауға, тасымалдауға, өткізуге және қолдануға рұқсат беріледі:

      __________________________________________________________________________

      получил государственную регистрацию за №____________ сроком на

      ___________ до "____" _________20 года и разрешается к ввозу, производству (формуляции), хранению, транспортировке, реализации и применению на территории Республики Казахстан со следующими регламентами:

      __________________________________________________________________________

      __________________________________________________________________________

      Комитет төрағасы

      _________________________ __________________

      (Ведомство басшысы, лауазымы (ЭЦҚ/ЭЦП)

Пестицидтi қайта тiркеуге арналған өтінім

      Тiркелушi (өтінім беруші)

      ________________________________________________________________

      (жеке немесе заңды тұлға,

      ________________________________________________________________

      мемлекет, мекенжайы, телефон, факс)

      Қолдану регламенттері бар пестицидтердiң Қазақстан Республикасында мемлекеттік қайта тiркелуін жүргізуді өтінемін (кесте пестицидтің түріне байланысты толтырылады):

Инсектицидтер, фунгицидтер және гербицицтер үшін

Родентицидтер, биологиялық препараттар, тұқымдарды егу алдында өңдеуге арналған препараттар үшін Ауыл шаруашылығы өнімдерін өндірушілердің қоймалық үй-жайларында қорлардың зиянкестеріне қарсы қолдануға рұқсат етілген препараттар үшін, сондай-ақ нан өнімдері жүйесінде кәсіпорындарда қордардың зиянкестеріне қарсы қолдануға рұқсат етілген препараттар үшін

Дефиолианттар және десиканттар, өсімдіктердің өсуін реттеушілер үшін

      Пестицид туралы жаңа мәліметтердің бар-жоғы ________________ (иә/жоқ көрсету)

      Жаңа мәліметтер бар болса өтінімге қоса ұсынылады.

      Тіркелуші (өтінім беруші) 20__ жылғы "__" _________ сағат 00:00-де қол қойып, жіберді :

      ЭЦҚ -дан алынған деректер

      ЭЦҚ қою күні және уақыты

      Өтініштің қабылданғаны туралы хабарлама:

      Ведомство 20__ жылғы "__" _________ сағат 00:00-де қабылдады.

      ЭЦҚ-дан алынған деректер

      ЭЦҚ қою күні және уақыты.

Пестицидтi уақытша тiркеуге арналған өтінім

      Тiркелушi (өтінім беруші)

      _______________________________________________________________

      (жеке немесе заңды тұлға,

      ______________________________________________________________

      мемлекет, мекенжайы, телефон, факс)

      Қолдану регламенттері бар пестицидтердiң Қазақстан Республикасында уақытша тiркелуін жүргізуді өтінемін (кесте пестицидтің түріне байланысты толтырылады):

Инсектицидтер, фунгицидтер және гербицицтер үшін

Родентицидтер, биологиялық препараттар, тұқымдарды егу алдында өңдеуге арналған препараттар үшін Ауыл шаруашылығы өнімдерін өндірушілердің қоймалық үй-жайларында қорлардың зиянкестеріне қарсы қолдануға рұқсат етілген препараттар үшін, сондай-ақ нан өнімдері жүйесінде кәсіпорындарда қордардың зиянкестеріне қарсы қолдануға рұқсат етілген препараттар үшін

Дефиолианттар және десиканттар, өсімдіктердің өсуін реттеушілер үшін

      Тіркелуші (өтінім беруші) 20__ жылғы "__" _________ сағат 00:00-де қол қойып, жіберді :

      ЭЦҚ-дан алынған деректер

      ЭЦҚ қою күні және уақыты

      Өтініштің қабылданғаны туралы хабарлама:

      Ведомство 20__ жылғы "__" _________ сағат 00:00-де қабылдады.

      ЭЦҚ-дан алынған деректер

      ЭЦҚ қою күні және уақыты.