Қазақстан Республикасы Қарулы Күштерінің жеке құрамын есепке алу қағидаларын бекіту туралы

      Қазақстан Республикасы Үкіметінің 2001 жылғы 16 тамыздағы № 1074 қаулысымен бекітілген Қазақстан Республикасы Қорғаныс министрлігі туралы ереже 21-тармағының 19-46) тармақшасы негізінде БҰЙЫРАМЫН:

      1. Қоса беріліп отырған Қазақстан Республикасы Қарулы Күштерінің жеке құрамын есепке алу қағидалары бекітілсін.

      2. Қазақстан Республикасы Қарулы Күштері Бас штабының Ұйымдастыру-жұмылдыру жұмыстары департаменті Қазақстан Республикасының заңнамасында белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрықты алғашқы ресми жарияланғанынан кейін Қазақстан Республикасы Қорғаныс министрлігінің интернет-ресурсына орналастыруды;

      3) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде осы тармақтың 1) және 2) тармақшаларында көзделген іс-шаралардың орындалуы туралы мәліметтерді Қазақстан Республикасы Қорғаныс министрлігінің Заң департаментіне ұсынуды қамтамасыз етсін.

      3. Осы бұйрықтың орындалуын бақылау Қазақстан Республикасы Қорғаныс министрінің жетекшілік ететін орынбасарына жүктелсін.

      4. Осы бұйрық лауазымды адамдарға, оларға қатысты бөлігінде жеткізілсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Қазақстан Республикасы Қарулы Күштерінің жеке құрамын есепке алу қағидалары

1-тарау. Жалпы ережелер

      1. Осы Қазақстан Республикасы Қарулы Күштерінің жеке құрамын есепке алу қағидалары (бұдан әрі - Қағидалар) Қазақстан Республикасы Қарулы Күштерінің (бұдан әрі - ҚР ҚК) жеке құрамын есепке алу тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) əскери бөлім - Қазақстан Республикасы Қарулы Күштерінің, басқа да əскерлер мен əскери құралымдардың ұйымдық-дербес бірлігі болып табылатын, шартты жəне (немесе) нақты атау берілетін республикалық мемлекеттік мекеме;

      2) әрекеттегі әскерлер - әскери және жауынгерлік іс-қимылдарға қатысатын ҚР ҚК әскери басқару органдары, құрамалары мен әскери бөлімдері;

      3) әскери басқару органдары - стратегиялық, жедел- стратегиялық, жедел-аумақтық, жедел-тактикалық, тактикалық жəне жергілікті əскери басқару органдары;

      4) жеке құрамды есепке алу - ҚР ҚК әскери басқару органдарында (әскери бөлімдерде) әскери қызметшілердің, азаматтық персонал адамдарының дербес, штаттық-лауазымдық, сандық деректерін құжаттамалық жүргізу және ресімдеу.

      3. Осы Қағидаларда:

      1) бейбіт уақытта ҚР ҚК жеке құрамын есепке алуды жүргізу:

      бөлімшелерде (взвод (авиабуын), рота (батарея, эскадрилья), батальон (дивизион) жеке құрамды есепке алу;

      әскери басқару органында (әскери бөлімде) жеке құрамды есепке алу;

      кейбір әскери бөлімдер мен мекемелерде жеке құрамды есепке алудың ерекшеліктері;

      қызмет бойынша ауыстырылатын әскери қызметшілерді есепке алу;

      қайтыс болған (қаза тапқан) жеке құрамды есепке алу;

      әскери бөлімді өз еркімен тастап кеткен әскери қызметшілерді есепке алу;

      кадр органдарында (персоналмен жұмыс бөлімшелерінде) офицерлер құрамын және ғылыми қызметкерлерді есепке алу;

      офицерлер құрамының әскери қызметшілері мен әскери міндеттілеріне жеке нөмірлер беру;

      жеке құрамның жеке істерін жүргізу;

      әскери билеттерді жүргізу;

      2) соғыс уақытында ҚР ҚК жеке құрамын есепке алуды жүргізу:

      соғыс уақытында жеке құрамды есепке алудың ерекшеліктері;

      жеке құрамның орны толмас шығындарын есепке алу;

      тұтқыннан босатылған әскери қызметшілерді есепке алу;

      3) есепке алу құжаттарын сақтау және жіберу;

      4) ҚР ҚК сержанттар (старшиналар), сарбаздар (матростар) құрамдарының әскери қызметшілерін есепке алу және құжаттарын ресімдеу:

      жас буынды әскерге шақыру кезінде құжаттарды ресімдеу;

      мерзімді әскери қызмет әскери қызметшілерін запасқа шығару кезінде құжаттарды ресімдеу;

      сержанттар (старшиналар), сарбаздар (матростар) құрамдарының келісімшарт бойынша әскери қызметшілерін ауыстыру және тағайындау, шығару, әскери атақ беру және келісімшарт жасасу кезінде құжаттарды ресімдеу;

      5) жеке құрам бойынша бұйрықтарды есепке алу және ресімдеу:

      жеке құрам бойынша бұйрықтарды шығару, есепке алу және тарату;

      жеке құрам бойынша бұйрықтар жасау көзделеді.

      4. Жеке құрамды есепке алуға қойылатын негізгі талаптар:

      1) осы Қағидаларда белгіленген нысандар бойынша және тәртіппен кез келген жауынгерлік жағдайда ұдайы жүргізу;

      2) әскери басқару органдарындағы (әскери бөлімдердегі) жеке құрамның штаттық, тізімдік және қолда бар санын уақтылы, толық және дұрыс көрсету;

      3) есепке алу деректеріне жеке құрам бойынша дербес, сандық және сапалық өзгерістерді уақтылы енгізу болып табылады.

      5. Жеке құрамды есепке алу штаттар, әскери басқару органдары, әскери бөлімдер бойынша бұйрықтар, жеке құрам бойынша бұйрықтар және осы Қағидаларда көзделген құжаттар негізінде ұйымдастырылады және жүргізіледі.

      Қойылған мақсаттар мен міндеттер бойынша жеке құрамды есепке алу дербес (атаулы), штаттық-лауазымдық және сандық (статистикалық) болып бөлінеді.

      Дербес (атаулы) есепке алу әрбір әскери қызметшіге, азаматтық персоналға жеке жүргізіледі және кадрды ауыстыру мен пайдалану кезінде қажет болатын олардың іскерлік, моральдық және басқа да қасиеттерін жан-жақты зерделеуге арналады.

      Штаттық-лауазымдық есепке алу әскери басқару органдарында (әскери бөлімде) жүргізіледі және ол деректер бойынша лауазымдар мен мамандықтар бойынша жеке құраммен жасақталуға талдау жасалады.

      Сандық (статистикалық) есепке алу әскери басқару органдарында (әскери бөлімдерде) жүргізіледі және ол әскери қызметшілер мен азаматтық персоналдың сандық және сапалық құрамын сипаттайтын цифрлық деректерді алуға арналған.

      Статистикалық есепке алу деректері бойынша әскерлерді жеке құраммен жасақтау, оларды материалдық-техникалық қамтамасыз ету, жарақтандыру мен жабдықтау, сондай-ақ кадрды даярлау және оларды қолда бар қажеттілікке сәйкес бөлу жоспарланады.

      6. Жеке құрамның құрамы мен саны туралы мәліметтерді әскери басқару органдарының (әскери бөлімдердің) штабтарында жедел, ұйымдастыру-жұмылдыру және кадр органдарында (персоналмен жұмыс бөлімшесінде) ғана жинақтауға рұқсат етіледі.

      7. Жеке құрамды дербес, штаттық-лауазымдық және сандық есепке алуды жүргізуді бақылауды:

      1) бөлімшелерде - бөлімше командирлері

      2) әскери басқару органдарында (әскери бөлімдерде) - штаб бастықтары;

      3) штатта штаб бастығы лауазымы көзделмеген әскери басқару органдарында (әскери бөлімдерде) - әскери басқару органдарының (әскери бөлімдердің) бастықтары (командирлері) жүзеге асырады.

      Жеке құрамды есепке алуды жүргізуді кадр және ұйымдастыру-жұмылдыру органдары жүзеге асырады, ал штатта көрсетілген бөлімшелер көзделмеген әскери басқару органдарында (әскери бөлімдерде) әскери басқару органы бойынша бұйрықпен негізгі лауазымымен бірге қоса атқаратын есепке алуды жүргізуге жауапты лауазымды адамдар тағайындалады.

      8. ҚР ҚК бойынша жеке құрамды есепке алу мәселелері жөніндегі штабтардың практикалық қызметіне басшылық жасауды:

      1) офицерлер құрамына, сержанттар (старшиналар), сарбаздар (матростар) құрамдарының келісімшарт бойынша әскери қызметшілеріне, азаматтық персоналға қатысты - офицер кадрын, келісімшарт қызметінің сержанттарын, қатардағы жауынгерлерін және азаматтық персоналды іріктеуді және орналастыруды жүзеге асыратын Қазақстан Республикасы Қорғаныс министрлігінің (бұдан әрі - ҚР ҚМ) құрылымдық бөлімшесі (бұдан әрі - ҚР ҚМ кадр органы);

      2) сарбаздар (матростар) құрамдарының мерзімді әскери қызмет әскери қызметшілеріне қатысты - жоспарлауды және ҚР ҚК мерзімді қызметтің әскери қызметшілерімен жасақтауды жүзеге асыратын ҚР ҚК Бас штабының (бұдан әрі - ҚР ҚК БШ) құрылымдық бөлімшесі (бұдан әрі - ҚР ҚК БШ ұйымдастыру-жұмылдыру органы);

      3) әскери оқу орындарында оқитындарға (магистранттар, докторанттар, курсанттар, кадеттер мен ұландар, тыңдаушылар мен адъюнкттер) қатысты -әскери кадр даярлауды ұйымдастыру және қамтамасыз ету жүйесінде басқару функцияларын жүзеге асыратын ҚР ҚМ құрылымдық бөлімшесі (бұдан әрі - ҚР ҚМ әскери білім органы) жүзеге асырады.

      9. Әскери басқару органдарында (әскери бөлімдерде) жеке құрамды есепке алудың жай-күйін жыл сайын:

      1) бірінші тоқсанда - әскери бөлімдерде, әскер тектері мен өңірлік қолбасшылықтарда әскери бөлімдер командирлерінің, әскер тектері мен өңірлік қолбасшылықтар әскерлері қолбасшыларының бұйрықтарымен тағайындалған;

      2) екінші тоқсанда - ҚР ҚМ және ҚР ҚК БШ департаменттерінде, басқармаларында, орталықтарында, ҚР ҚК бас басқармаларында, түрлері басқармаларында, Тыл және қару-жарақ бастығының басқармасында Қорғаныс министрінің бірінші орынбасары - ҚР ҚК БШ бастығының бұйрығымен тағайындалған тиісті комиссиялар тексереді.

      Жеке құрамды есепке алудың жай-күйін тексеру жөніндегі комиссия жұмысының нәтижелері осы Қағидаларға 1-қосымшаға сәйкес нысан бойынша жеке құрамды есепке алудың жай-күйін тексеру актісімен ресімделеді және оны комиссия тағайындаған лауазымды адам бекітеді. Жеке құрамды есепке алудың жай-күйін тексерудің нәтижелері команда бойынша жазбаша түрде баяндалады.

2-тарау. Бейбіт уақытта Қазақстан Республикасы Қарулы Күштерінің жеке құрамын есепке алуды жүргізу

1-параграф. Бөлімшелерде (взвод (авиабуын), рота (батарея, эскадрилья), батальон (дивизион) жеке құрамды есепке алу

      10. Взводта (авиабуында) (бұдан әрі - взвод) жеке құрамды есепке алу осы Қағидаларға 2-қосымшаға сәйкес нысан бойынша жеке құрамның атаулы тізімі бойынша жүргізіледі.

      Жеке құрамды есепке алуды взвод командирі жүргізеді.

      11. Саны 50 адамнан аз батальонда, ротада, батареяда, эскадрильяда және оларға теңестірілгендерде (бұдан әрі - рота) жеке құрамды дербес және штаттық-лауазымдық есепке алу:

      1) осы Қағидаларға 3-қосымшаға сәйкес нысан бойынша жеке құрамды есепке алу кітабында;

      2) Қазақстан Республикасы Президентінің 2007 жылғы 5 шілдедегі № 364 Жарлығымен бекітілген Қазақстан Республикасы Қарулы Күштерінің, басқа да әскерлері мен әскери құралымдарының саптық жарғысына 3-қосымшаға сәйкес нысан бойынша саптық жазбада жүргізіледі.

      Мерзімді әскери қызмет әскери қызметшілерін кешкі тексеруді, оқу-жаттығулар, далалық шығулар, әскери жиындар кезінде барлық жеке құрамды кенеттен тексеруді жүргізу үшін осы Қағидаларға 4-қосымшаға сәйкес нысан бойынша кешкі тексеру үшін жеке құрамның атаулы тізімі жүргізіледі.

      Жеке құрамды есепке алуды рота командирі жүргізеді.

      12. Батальонда, дивизионда, авиациялық эскадрильяда және оларға теңестірілгендерде (бұдан әрі - батальон) штаттық-лауазымдық және сандық есепке алу:

      1) осы Қағидаларға 5-қосымшаға сәйкес нысан бойынша жеке құрамды штаттық-лауазымдық есепке алу кітабында;

      2) батальон басқармасының жеке құрамын есепке алу кітабында;

      3) саптық жазбада;

      4) кешкі тексеру үшін жеке құрамның атаулы тізімінде жүргізіледі.

      13. Батальонда жеке құрамның есебін штаб бастығы жүргізеді.

2-параграф. Әскери басқару органында (әскери бөлімде) жеке құрамды есепке алу

      14. Әскери басқару органында (әскери бөлімде) жеке құрамды дербес, штаттық-лауазымдық және сандық есепке алу:

      1) осы Қағидаларға 6-қосымшаға сәйкес нысан бойынша жеке құрамды әліпбилік ретпен есепке алу кітабында жүргізіледі. Жеке құрамды әліпбилік ретпен есепке алу кітабында:

      мерзімді әскери қызмет әскери қызметшілері;

      ауыспалы құрам;

      әскери жиындарға шақырылған әскери міндеттілер;

      азаматтық персонал адамдары есепке алынады.

      Жеке құрамды әліпбилік ретпен есепке алу кітабы әскери қызметшілердің әрбір санатына және азаматтық персонал адамдарына жеке ашылады.

      2) осы Қағидаларға 7-қосымшаға сәйкес нысан бойынша офицерлерді, сержанттар (старшиналар), сарбаздар (матростар) құрамдарының келісімшарт бойынша әскери қызметшілерін әліпбилік ретпен есепке алу кітабында;

      3) жеке құрамды штаттық-лауазымдық есепке алу кітабында;

      4) саптық жазбада;

      5) осы Қағидаларға 8-қосымшаға сәйкес нысан бойынша орнында уақытша болмаған және уақытша келген жеке құрамды есепке алу кітабында;

      6) осы Қағидаларға 9-қосымшаға сәйкес нысан бойынша есептік-қызметтік карточкаларда;

      7) осы Қағидаларға 10-қосымшаға сәйкес нысан бойынша азаматтық персонал адамдарының жеке карточкаларында және еңбек кітапшаларында;

      8) осы Қағидаларға 11-қосымшаға сәйкес нысан бойынша тәуліктік ведомоста;

      9) офицерлердің, сержанттар (старшиналар), сарбаздар (матростар) құрамдарының келісімшарт бойынша әскери қызметшілерінің жеке істерінде;

      10) осы Қағидаларға 12-қосымшаға сәйкес нысан бойынша жеке құрамды ауыстыруды есепке алу журналында;

      11) осы Қағидаларға 13-қосымшаға сәйкес нысан бойынша сержанттар (старшиналар), сарбаздар (матростар) құрамдарының лауазымдар, әскери-есептік мамандықтар және әскерге шақыру мерзімдері бойынша жасақталу ведомостарында;

      12) осы Қағидаларға 14-қосымшаға сәйкес нысан бойынша сарбаздар (матростар) құрамының келісімшарт бойынша әскери қызметшілерінің сапалық сипаты ведомосында;

      13) осы Қағидаларға 15-қосымшаға сәйкес нысан бойынша сарбаздар (матростар) құрамының шығарылған келісімшарт бойынша әскери қызметшілері туралы мәліметтерде;

      14) осы Қағидаларға 16-қосымшаға сәйкес нысан бойынша сержанттар (старшиналар) құрамының келісімшарт бойынша әскери қызметшілерінің сапалық сипаты мен жасақталу ведомосында;

      15) осы Қағидаларға 17-қосымшаға сәйкес нысан бойынша сержанттар (старшиналар) құрамының әскерге шақырылған, шығарылған және ауыстырылған келісімшарт бойынша әскери қызметшілері туралы мәліметтерде жүргізіледі.

      Жеке құрамды есепке алу жай-күйін бақылау осы Қағидаларға 18-қосымшаға сәйкес нысан бойынша жеке құрамды есепке алу жай-күйін бақылау журналында жүргізіледі.

      Жеке құрамды есепке алуды осы Қағидалардың нысандарында қолданылатын қағазда және электрондық түрде жүргізуге рұқсат етіледі. Жеке құрамды есепке алудың есептілік нысандары бойынша жоғары тұрған штабтарға жеткізілімдер ұсыну электрондық түрде жүргізіледі. Құжатты электрондық түрде жөнелту мүмкін болмаған кезде жеткізілімдерді қағазда ұсынуға рұқсат етіледі.

      15. Осы Қағидаларға 19-қосымшаға сәйкес нысан бойынша азаматтық персонал адамдарының еңбек кітапшаларын есепке алу және оның қозғалысы журналын, жеке құрамды штаттық-лауазымдық есепке алу, орнында уақытша болмаған және уақытша келген жеке құрамды есепке алу кітабын және саптық жазбаны кадр органы (персоналмен жұмыс бөлімшесі) жүргізеді.

      16. Дербес және штаттық-лауазымдық есепке алу деректері негізінде әскери басқару органында (әскери бөлім) жеке құрамды сандық (статистикалық) есепке алу құжаттары жасалады, оларға:

      1) осы Қағидаларға 20-қосымшаға сәйкес нысан бойынша жеке құрамның штаттық және тізімдік саны туралы мәліметтер;

      2) осы Қағидаларға 21-қосымшаға сәйкес нысан бойынша демографиялық белгілері бойынша жеке құрамның нақты саны туралы мәліметтер;

      3) сержанттар (старшиналар), сарбаздар (матростар) құрамдарының лауазымдар, әскери-есептік мамандықтар және әскерге шақыру мерзімдері бойынша жасақталуы ведомосы;

      4) сержанттар (старшиналар) құрамының келісімшарт бойынша әскери қызметшілерінің сапалық сипаты мен жасақталу ведомосы;

      5) сержанттар (старшиналар) құрамының әскерге шақырылған, запасқа шығарылған және ауыстырылған келісімшарт бойынша әскери қызметшілері туралы мәліметтер;

      6) сарбаздар (матростар) құрамының келісімшарт бойынша әскери қызметшілерінің сапалық сипаты ведомосы;

      7) сарбаздар (матростар) құрамының шығарылған келісімшарт бойынша әскери қызметшілері жөніндегі мәліметтер жатады.

      Жеке құрамды сандық (статистикалық) есепке алу құжаттары жеке штатта ұсталатын бағынысты әскери бөлімдерді есепке ала отырып, жалпы әскери басқару органы үшін жасалады.

      Бұл ретте, жеке құрамды сандық (статистикалық) есепке алу жөніндегі мәліметтер бағыныстылығы бойынша жоғары тұрған әскери басқару органына бағынысты әскери бөлімдер бөлігінде ұсынылады.

      ҚР ҚК түрлері, бас басқармалары, ҚР ҚМ және ҚР ҚК БШ департаменттері, басқармалары, орталықтары, орталық бағыныстағы әскери бөлімдері:

      1) ҚР ҚМ кадр органына:

      сержанттар (старшиналар) құрамының келісімшарт бойынша әскери қызметшілерінің сапалық сипаты мен жасақталуы ведомосын - тоқсан сайын тоқсаннан кейінгі айдың 10-ы күні;

      сарбаздар (матростар) құрамының келісімшарт бойынша әскери қызметшілерінің сапалық сипаты ведомосын - тоқсан сайын тоқсаннан кейінгі айдың 10-ы күні;

      сержанттар (старшиналар) құрамының әскерге шақырылған, шығарылған және ауыстырылған келісімшарт бойынша әскери қызметшілері туралы мәліметтерді - ай сайын өткен айдың 10-ы күні;

      сарбаздар (матростар) құрамының шығарылған келісімшарт бойынша әскери қызметшілері туралы мәліметтерді - ай сайын өткен айдың 10-ы күні;

      2) ҚР ҚК БШ ұйымдастыру-жұмылдыру органына:

      жеке құрамның штаттық және тізімдік саны туралы мәліметтерді - ай сайын ағымдағы айдың 1-і күнгі жағдай бойынша 5-і күні;

      демографиялық белгілері бойынша жеке құрамның нақты саны туралы мәліметтерді - жылына 2 рет ағымдағы жылғы 1 қаңтардағы және 1 шілдедегі жағдай бойынша өткен кезеңнің 10-ы күні;

      сержанттар (старшиналар), сарбаздар (матростар) құрамдарының лауазымдар, әскери-есептік мамандықтар және әскерге шақыру мерзімдері бойынша жасақталуы ведомосын - жылына 2 рет ағымдағы жылғы 1 қаңтардағы және 1 шілдедегі жағдайы бойынша өткен кезеңнің 10-ы күні ұсынады.

      17. Жеке құрамды әскери басқару органының (әскери бөлімнің) тізіміне қосу және тізімнен алып тастау, қамтамасыз ету түрлеріне қою және алу, емделуде болу және емдеу мекемесінен оралу, денсаулық жағдайы бойынша қызметтік міндеттерді орындаудан босату, іссапарларға, демалыстарға, оқуға кету және келу, азаматтық персоналды жұмысқа қабылдау және босату, тәуліктік наряд құрамы, сондай-ақ жеке құрамды дербес есепке алу деректерінде болған өзгерістерді (білімін, некеге тұруын, некесін бұзуын, балаларының тууын қоспағанда) дербес есепке алу құжаттарына енгізу осы Қағидаларға 22-қосымшаға сәйкес нысан бойынша әскери басқару органы (әскери бөлім) бастығының (командирінің) саптық бөлім бойынша бұйрығымен жүргізіледі.

      Есепке алу құжаттарына білімі, некеге тұруы, некесін бұзуы, балаларының тууы туралы мәліметтер тиісті органдар берген тиісті құжаттар (аттестаттар, дипломдар, куәліктер және басқа да құжаттар) негізінде енгізіледі.

      Әскери қызметшінің және азаматтық персоналдың тегін, атын, әкесінің атын, туған күнін, ұлтын өзгертуі растау құжаттары негізінде әскери басқару органы (әскери бөлім) бастығының (командирінің) жеке құрам бойынша бұйрығымен жарияланады.

      Бұл ретте, жазбалар есепке алу құжаттарына бұйрыққа қол қойылған күннен бастап үш жұмыс күнінен кешіктірілмей енгізіледі.

      18. Келген жеке құрамды әскери басқару органының (әскери бөлімнің) тізіміне қосу әскери басқару органы (әскери бөлім) бастығының (командирінің) саптық бөлім бойынша бұйрығымен әскери басқару органына келген күні жүргізіледі.

      Бұл ретте, әскери басқару органы (әскери бөлім) жеке құрамының тізіміне:

      бос лауазымдарға тағайындалған әскери қызметшілерді және азаматтық персонал адамдарын;

      әскери басқару органы (әскери бөлім) бастығының (командирінің) өкіміне берілген әскери қызметшілерді;

      бос емес лауазымға уақытша тағайындалған (негізгі жұмыскердің бала үш жасқа толғанға дейін оның күтіміне байланысты жалақы сақталмайтын демалыста болуы кезінде) азаматтық персонал адамдарын қосу жүргізіледі.

      Жеке құрамды әскери басқару органының (әскери бөлімнің) тізіміне қосу туралы бұйрық шығаруға:

      1) келісімшарт бойынша әскери қызметшілер үшін - нұсқама және лауазымға тағайындалғаны туралы (жеке құрам бойынша) бұйрықтан үзінді;

      2) мерзімді қызмет әскери қызметшілері үшін - атаулы тізім және жоғары тұрған әскери басқару органы бастығының бұйрығынан (өкімінен) көшірме;

      3) азаматтық персонал үшін - 2015 жылғы 23 қарашадағы Қазақстан Республикасы Еңбек кодексінің 32-бабына сәйкес (бұдан әрі - ҚР Еңбек кодексі) құжаттарды қоса бере отырып, жұмысқа қабылдау туралы жеке өтініштер негіз болып табылады.

      Әскери басқару органы (әскери бөлім) жеке құрамының тізіміне әскери басқару органы (әскери бөлім) бастығының (командирінің) бұйрығымен басқа әскери бөлімдерден уақытша іссапарға жіберілген, сондай-ақ әскери басқару органына (әскери бөлімге) әртүрлі себептер бойынша уақытша келген адамдар қосылмайды.

      19. Әскери басқару органы (әскери бөлім) жеке құрамының тізімінен алып тастау әскери қызметтен шығарылған, мемлекеттік органдарға ауысуына байланысты басқа әскери бөлімдерде қызмет өткеруге тағайындалған, әскери оқу орындарында оқуға тіркелген адамдар үшін әскери басқару органы (әскери бөлім) бастығының (командирінің) саптық бөлім бойынша бұйрығымен кеткен күні жүргізіледі.

      Бұл ретте, жыл сайын негізгі демалыс берілетін әскери қызметшілер жеке құрам тізімінен демалысы аяқталғаннан кейінгі келесі күннен бастап алынып тасталады.

      Әскери оқу орындарына түскен әскери қызметшілер оқуға қабылданған күннен бастап әскери оқу орнынан оқуға қабылданғаны туралы бұйрықтан үзінді алған кезде әскери басқару органы (әскери бөлім) жеке құрамының тізімінен алынып тасталады. Көрсетілген үзінділер әскери басқару органына (әскери бөлімге) бұйрық шығарылған күннен бастап үш жұмыс күнінен кешіктірілмей жіберіледі.

      Бостандығын шектеуге немесе одан айыруға сотталған, үкім заңды күшіне енген сәтте қамауда болған адамдарды әскери басқару органының (әскери бөлімнің) тізімінен:

      1) сот үкімінде көрсетілген жазаны өтеу басталған күннен;

      2) үкім заңды күшіне енген сәтте бостандықта болған сол адамдар - әскери басқару органының (әскери бөлімнің) үкімнің заңды күшіне енгені туралы хабарлама алған күннен бастап алып тасталады.

      Қайтыс болған және қаза тапқандар әскери басқару органының (әскери бөлімнің) тізімінен "Азаматтық хал актілерінің жазбасы" ақпараттық жүйесінде (бұдан әрі - АХАЖ АЖ) қайтыс болғаны (қаза тапқаны) құжаттамалық расталғаннан кейін келесі күннен бастап алып тасталады.

      20. Әскери басқару органы (әскери бөлім) жеке құрамының тізімінен сот үкімі шығарылғанға дейін басқару органын (әскери бөлімді) өз еркімен тастап кеткен әскери қызметшілер алып тасталмайды және олар орнында уақытша болмаушылар ретінде есепке алынады. Оларды әскери басқару органы (әскери бөлім) жеке құрамының тізімінен алып тастау сот үкімі заңды күшіне енгені туралы хабарлама алынғаннан кейін басқару органы (әскери бөлім) бастығының (командирінің) жеке құрам бойынша бұйрығымен жүргізіледі.

      Әскери қызметшілер және азаматтық персонал адамдары әскери басқару органы (әскери бөлім) жеке құрамының тізімінен:

      1) атқарып отырған лауазымдарынан босатусыз әскери оқу орындарына және оқу бөлімдеріне оқуға жіберілгендер;

      2) емделу мерзіміне қарамастан, емдеу мекемелерінің барлық түрлеріне емделуге жіберілген адамдар;

      3) әртүрлі себептер бойынша әскери басқару органынан (әскери бөлімнен) уақытша кеткен (іссапарға, демалысқа, жиындарға, басқа бөлімдерге немесе мемлекеттік органдарға уақытша іссапарға жіберілген) адамдар;

      4) тергеудегі немесе оларға қатысты сотқа дейінгі тексеру жүргізіліп жатқан адамдар - қылмыстық ісі бойынша соңғы шешім қабылданғанға дейін қылмыстық қудалау органдарының жазбаша хабарламасы бойынша алынып тасталады және олар орнында уақытша болмағандар ретінде есепке алынады.

      21. Әскери басқару органында (әскери бөлімде) жеке құрамды есепке алуда:

      1) құжатсыз келген әскери қызметшілерді әскери басқару органы (әскери бөлім) бастығының (командирінің) бұйрығымен жеке құрамның тізіміне қосуға рұқсат берілмейді. Осы әскери қызметшілерді әскери басқару органының (әскери бөлімнің) тізіміне қосу олардың жеке басын анықтағаннан және осы әскери басқару органына (әскери бөлімге) әскери қызмет өткеру үшін жіберілгенін растайтын құжаттар алынғаннан кейін жүргізіледі. Растау құжаттарын алғанға дейін әскери қызметшілер уақытша іссапарға келушілер ретінде есепке алынады;

      2) әскери басқару органы (әскери бөлім) жеке құрамының тізіміне әскери басқару органы (әскери бөлім) бастығының (командирінің) бұйрығында әр әскери қызметші мен азаматтық персоналды атап көрсетпей, жалпы санмен енгізуге немесе одан алып тастауға;

      3) жеке құрамды әскери басқару органы (әскери бөлім) бастығының (командирінің) бұйрығын шығармай есепке алу құжаттарына қосуға немесе одан алып тастауға;

      4) растау құжаттарысыз, әскери қызметшілердің, азаматтық персонал адамдарының сөздерінен дербес және штаттық-лауазымдық есепке алу құжаттарына өзгерістер мен толықтырулар енгізуге рұқсат етілмейді.

      22. Жедел-стратегиялық әскери басқару органына дейінгі әскери басқару органдарында (әскери бөлімдерде) жеке құрамды есепке алуды:

      1) офицерлер құрамын, сержанттар (старшиналар), сарбаздар (матростар) құрамдарының келісімшарт бойынша әскери қызметшілерін және азаматтық персоналды - кадр органы (персоналмен жұмыс бөлімшесі);

      2) сарбаздар (матростар) құрамының мерзімді әскери қызмет әскери қызметшілерін - ұйымдастыру-жұмылдыру жұмыстарына жауапты құрылымдық бөлімше жүргізеді.

      Штатта көрсетілген құрылымдық бөлімшелер көзделмеген әскери басқару органында (әскери бөлімде) әскери басқару органы (әскери бөлім) бастығының (командирінің) бұйрығымен қоса атқару бойынша жеке құрамды есепке алу үшін жауапты адамдар тағайындалады.

      23. Жедел-стратегиялық әскери басқару органында жеке құрамды есепке алуды:

      1) офицерлер құрамын, сержанттар (старшиналар), сарбаздар (матростар) құрамдарының келісімшарт бойынша әскери қызметшілерін және азаматтық персоналды - кадр жұмысы (персоналмен жұмыс) мәселелеріне жетекшілік ететін құрылымдық бөлімше;

      2) сарбаздар (матростар) құрамының мерзімді әскери қызмет әскери қызметшілерін - ұйымдастыру-жұмылдыру жұмыстары мәселелеріне жетекшілік ететін құрылымдық бөлімше;

      3) оқушыларды (курсанттар мен кадеттерді) (бағынысында әскери оқу орындары бар болған кезде) - әскери білім мәселелеріне жетекшілік ететін құрылымдық бөлімше жүргізеді.

      24. Әскери басқару органында (әскери бөлімде):

      1) жеке құрамды есепке алу осы Қағидалардың талаптарына сәйкес жүргізіледі;

      2) тәуліктік ведомость пен жеке құрам бойынша белгіленген жеткізілімдер уақтылы жасалады және бастыққа қол қоюға ұсынылады;

      3) апта сайын жұмада бөлімшелердің есепке алу деректерін әскери басқару органының (әскери бөлімнің) есепке алу деректерімен салыстырылып тексеру жүргізіледі және тиісті есепке алу құжаттарындағы жазбалар салыстырылып тексеріледі;

      4) тоқсанда бір рет құрылымдық бөлімшелерде жеке құрамды есепке алудың жай-күйі және әскери қызметшілердің әскери билеттері мен жеке куәліктеріндегі жазбалардың нақты есепке алу деректерімен сәйкес келуі тексеріледі. Тексеру нәтижелері бойынша жеке құрамды есепке алу жай-күйін бақылау журналына жазбалар жүргізіледі;

      5) әскери қызметшілер мен азаматтық персонал адамдары лауазымдарын жасақтау бжөніндегі жұмыстар ұдайы жүргізіледі;

      6) әскери қызметшілер мен азаматтық персонал адамдарын есепке алу деректеріндегі өзгерістер туралы жеткізілімдер жоғары тұрған органдарға уақтылы ұсынылады;

      7) тиісті есепке алу құжаттарына жеке құрамның өзгерген деректері туралы жазбалар ұдайы жүргізіледі;

      8) ротациялауға, денсаулық жағдайы бойынша және шекті жасқа толуы бойынша шығарылуға тиісті әскери қызметшілердің тізімі жүргізіледі;

      9) әскери басқару органының (әскери бөлімнің) штаты жүргізіледі, оған жоғары тұрған штабтың бұйрықтары бойынша өзгерістер уақтылы енгізіледі және тиісті командирлер мен бастықтарға жеткізіледі;

      10) ауыстыруға және шығарылуға тиісті әскери қызметшілер мен азаматтық персонал адамдарына арналған материалдар ресімделеді.

      Әскери басқару органының (әскери бөлімнің) штаб бастығы жеке құрамды есепке алу жұмысына тартылатын адамдарды іріктеуді және даярлауды жүзеге асырады.

      Штатта штаб бастығының лауазымы көзделмеген әскери басқару органында (әскери бөлімде) жеке құрамды есепке алу жұмысына тартылатын адамдарды даярлауды әскери басқару органы (әскери бөлім) бастығының (командирінің) шешімі бойынша қоса атқару бойынша оның орынбасарларының бірі жүзеге асырады.

      25. Ұйымдастыру-жұмылдыру органдары әскери басқару органы және бағынысты әскери бөлімдер бойынша жеке құрамның штаттық және тізімдік санын есепке алуды жүргізуді, лауазымдар, әскери-есептік мамандықтар бойынша жеке құраммен жасақталуын есепке алуды, жеке құрамның саны бойынша есеп беруді уақтылы жасауды жүзеге асырады.

      26. Әскери басқару органдарында (әскери бөлімдерде) жедел-стратегиялық әскери басқару органына дейінгіні қоса алғанда офицерлер құрамы, сержанттар (старшиналар), сарбаздар (матростар) құрамдары әскери қызметшілерінің және азаматтық персонал адамдарының жеке істері мен әліпбилік ретпен есепке алу кітаптарын кадр органдары (персоналмен жұмыс бөлімшесі) жүргізеді.

      Бейбіт уақытта қазандық жабдықталым көзделмеген барлық әскери басқару органдарында (әскери бөлімдерде) тәуліктік ведомость жүргізілмейді.

      Қажет болған кезде белгіленген есепке алу нысанында қолданылатын әскери қызметшілерді электрондық есепке алуды жүргізуге рұқсат етіледі.

      27. ҚР ҚМ және ҚР ҚК БШ құрылымдық бөлімшелерінде жеке құрамды есепке алу осы Қағидаларға 23-қосымшаға сәйкес нысан бойынша жеке құрамның шығысы туралы мәліметтерде жүргізіледі. Офицерлер құрамының, сержанттар (старшиналар), сарбаздар (матростар) құрамдарының келісімшарт бойынша әскери қызметшілерінің және азаматтық персонал адамдарының жеке істері мен әліпбилік ретпен есепке алу кітаптары, сондай-ақ басқа да жеке құрамды есепке алу құжаттары ҚР ҚМ кадр жұмысы органында жүргізіледі.

      Әкімшілік жұмысына жауапты бөлімшеде орнында уақытша болмайтын және уақытша келген жеке құрамды есепке алу кітабы жүргізіледі.

      Әскери басқару органының тізіміне бұдан әрі әскери қызмет өткеру үшін келген жеке құрамды енгізу, олар келген күні саптық бөлім бойынша бұйрықпен жүргізіледі.

      Бұл ретте, әскери басқару органы жеке құрамының тізіміне:

      бос лауазымдарға тағайындалған әскери қызметшілер мен азаматтық персонал адамдарын;

      әскери басқару органы (әскери бөлім) бастығының (командирінің) өкіміне берілген әскери қызметшілерді;

      бос емес лауазымға уақытша тағайындалған (негізгі жұмыскердің бала үш жасқа толғанға дейін оның күтіміне байланысты жалақы сақталмайтын демалыста болуы кезінде) азаматтық персонал адамдарын қосу жүргізіледі.

      Жеке құрамды әскери басқару органының тізіміне қосу туралы бұйрық шығаруға:

      1) әскери қызметшілер үшін - нұсқама, лауазымға тағайындалғаны туралы (жеке құрам бойынша) бұйрықтан үзінді, істер мен лауазымды қабылдау туралы баянат;

      2) азаматтық персонал адамдары үшін - ҚР Еңбек кодексінің 32-бабына сәйкес құжаттарды қоса бере отырып, жұмысқа қабылдау туралы жеке өтініштері негіз болып табылады.

      Әскери басқару органы жеке құрамының тізімінен алып тастау істер мен лауазымды тапсырғаннан кейін:

      1) әскери басқару органы құрылымдық бөлімшелерінің бастықтары мен бастықтардың орынбасарлары үшін - бір айдан көп емес;

      2) әскери басқару органы құрылымдық бөлімшелерінің қалған әскери қызметшілері үшін - он бес күннен көп емес мерзімде жүргізіледі.

      Әскери басқару органы жеке құрамының тізімінен алып тастау туралы бұйрықты шығаруға істер мен лауазымды тапсыру туралы баянат, жеке құрам бойынша бұйрықтан үзінді, кету парағы негіз болып табылады.

3-параграф. Кейбір әскери бөлімдер мен мекемелерде жеке құрамды есепке алудың ерекшеліктері

      28. Әскери оқу орындарында офицерлер және ауыспалы құрамның, сержанттар (старшиналар), сарбаздар (матростар) құрамдарының келісімшарт бойынша әскери қызметшілерін, мерзімді әскери қызмет әскери қызметшілерін және азаматтық персонал адамдарын есепке алу кадр органында (персоналмен жұмыс бөлімшесінде) жүргізіледі.

      Кадр органында (персоналмен жұмыс бөлімшесінде) сонымен қатар жеке құрамды штаттық-лауазымдық есепке алу кітабы, орнында уақытша болмайтын және уақытша келген жеке құрамды есепке алу кітабы жүргізіледі.

      Саптық жазбаны әскери оқу орны бойынша жедел кезекші (кезекші) жүргізеді.

      29. Офицерлерді есепке алу осы Қағидаларға 24-қосымшаға сәйкес нысан бойынша бейбіт уақытта кадр органында офицерлер құрамын есепке алу схемасына сәйкес:

      1) осы Қағидаларға 25-қосымшаға сәйкес нысан бойынша офицерлер құрамын штаттық-лауазымдық есепке алу кітабы бойынша;

      2) офицерлерді әліпбилік ретпен есепке алу кітабы бойынша;

      3) офицерлердің жеке істері бойынша;

      4) жеке құрамды автоматтандырылған есепке алу жүйесінде жүргізіледі.

      30. Әскери оқу орындарында оқитындар тұрақты құрамнан бөлек әліпбилік ретпен есепке алу кітабы бойынша есепке алынады. Егер оқу орнының штатында саптық есепке алуға сәйкес ауыспалы құрам қатарынан бөлімшелер командирлерін, взводтар сержанттарын (взводтар командирлерінің орынбасарларын) ұстау көзделген жағдайда ауыспалы құрамға арналған штаттық-лауазымдық есепке алу жүргізіледі. Қалған жағдайларда ауыспалы құрамға арналған штаттық-лауазымдық есепке алу жүргізілмейді.

      Әр курсантқа есептік-қызметтік карточканың орнына ҚР ҚМ әскери оқу орындарына түсу кезінде ұсынылған құжаттар мен оларға оқу кезеңінде жасалған құжаттар бар жеке іс жүргізіледі.

      31. Оқу бөлімшелерінде (взводта, ротада, батареяда, эскадрильяда, батальонда, дивизионда, факультетте), оқу процесін қамтамасыз ету бөлімшелерде жеке құрамды есепке алу осы Қағидалардың 10-14-тармақтарына сәйкес жүргізіледі.

      32. Емдеу мекемелерінде ауыспалы құрам осы Қағидаларға 26-қосымшаға сәйкес нысан бойынша стационарлық және амбулаторлық науқастарды есепке алу журналында және осы Қағидаларға 27-қосымшаға сәйкес нысан бойынша науқастардың қозғалысын есепке алу журналы бойынша жүргізіледі. Емдеу мекемелерінде жеке құрамды есепке алу осы Қағидалардың 13-21 тармақтарына сәйкес жүргізіледі.

      Медициналық мекемелер әскери қызметшілерді емделгеннен кейін олардың қызмет өткеру орындары бойынша әскери бөлімдерге жібереді. Медициналық мекемелердің бастықтары оларды шығарар алдында әскери бөлімдердің командирлеріне хабарлайды және қызмет өткеру орындарына уақтылы баруларын бақылауды жүзеге асырады.

      33. Ауыспалы құрамы бар оқу-жаттығу орталықтары мен басқа да әскери бөлімдердің штабтарында:

      1) ауыспалы құрамды (штаттық және бөлімдер есебінен ұсталатын) дербес есепке алу тұрақты жеке құрамнан бөлек әліпбилік ретпен есепке алу кітабы бойынша жүргізіледі. Ауыспалы құрамға штаттық-лауазымдық есепке алу жүргізілмейді;

      2) оқу-жаттығу бөлімдерінің бөлімшелерінде жеке құрамды есепке алу жеке құрамды есепке алу кітабында жүргізіледі.

      34. Жеке құрамның саны 40 адамнан аз және сержанттар (старшиналар), сарбаздар (матростар) құрамдарының келісімшарт бойынша әскери қызметшілермен жасақталған әскери бөлімдерде тәуліктік ведомость жүргізілмейді. Көрсетілген бөлімдердің офицерлер, сержанттар (старшиналар), сарбаздар (матростар) құрамдарын есепке алу әліпбилік ретпен есепке алу кітабында және жеке құрамды штаттық-лауазымдық есепке алу кітабында жүргізіледі. Егер әскери бөлім құрамында мерзімді әскери қызмет әскери қызметшілері болса, онда мерзімді әскери қызмет әскери қызметшілерін әліпбилік ретпен есепке алу кітабы да жүргізіледі.

      35. Ведомстволық күзет және күзет бөлімшелерінде:

      1) жасақтарда, жеке командаларда, топтарда жеке құрам жеке құрамды штаттық-лауазымдық есепке алу кітабында есепке алынады. Есепке алуды жасақтар, жеке командалар, топтар бастықтары жүргізеді;

      2) жеке құрамды әліпбилік ретпен есепке алу кітабы, азаматтық персоналдың жеке карточкалары мен еңбек кітапшалары олар бағынысты әскери басқару органында жүргізіледі.

      36. Жергілікті әскери басқару органында (бұдан әрі - ЖӘБО) жеке құрамды есепке алу кадр жұмысы (персоналмен жұмыс) бөлімшесі жүргізеді:

      1) офицерлерді, сержанттар (старшиналар), сарбаздар (матростар) құрамдарының келісімшарт бойынша әскери қызметшілерін әліпбилік ретпен есепке алу кітабында әскери қызметшілер әліпбилік ретпен есепке алынады. Офицерлерді, сержанттар (старшиналар), сарбаздар (матростар) құрамдарының келісімшарт бойынша әскери қызметшілерін есепке алу әр санат бойынша жеке жүргізіледі;

      2) бейбіт уақытта офицерлерді есепке алу офицерлер құрамын есепке алу схемасына сәйкес кадр органдарында жүргізіледі;

      3) азаматтық персонал адамдары жеке құрамды әліпбилік ретпен есепке алу кітабы бойынша есепке алынады.

      Кадр жұмысы (персоналмен жұмыс) бөлімшесінде:

      1) офицерлердің, сержанттар (старшиналар), сарбаздар (матростар) құрамдары келісімшарт бойынша әскери қызметшілерінің және азаматтық персонал адамдарының жеке істері;

      2) жеке құрамды штаттық-лауазымдық есепке алу кітабы;

      3) орнында уақытша болмайтын және уақытша келген жеке құрамды есепке алу кітабы жүргізіледі.

      Саптық жазбаны ЖӘБО бойынша жедел кезекші (кезекші) жүргізеді.

      Штатта кадр жұмысы бөлімшелері көзделмеген қорғаныс істері жөніндегі басқармаларда (бөлімдерде) мекеме бастығының бұйрығымен жеке құрамды есепке алуды жүргізу үшін қоса атқару бойынша жауапты лауазымды адамдар тағайындалады.

4-параграф. Қызмет бойынша ауыстырылатын әскери қызметшілерді есепке алу

      37. Әскери қызметшілерді жөнелту әскери эшелондар мен командалар құрамында жүргізіледі. Қызмет бойынша бір әскери бөлімнен басқасына дербес ауыстырылатын әскери қызметшілер қызмет орнына жеке жөнелтіледі.

      38. Жеке құрамды бір бөлімнен басқасына команда құрамында жөнелту кезінде мынадай құжаттар:

      1) кететін жеке құрам командаларының атаулы тізімі - команда бастығында (үлкенінде);

      2) әскери билет, қызметтік куәлік, жеке басты куәландыратын құжаттар, әскери тасымалдау құжаттары немесе жүретін жолға ақшалай қаражат - әрбір әскери қызметшіде;

      3) есептік-қызметтік карточка (сержанттар (старшиналар), сарбаздар (матростар) құрамдарының келісімшарт бойынша әскери қызметшілерінен және офицерлерден басқа), қызметтік карточка, қызметтік мінездеме мен медициналық карточка - команда бастығында мөрленген пакетте;

      4) әр әскери қызметшіге арналған азық-түлік, мүлік және ақша аттестаттары - команда бастығында ресімделеді.

      39. Жеке жөнелту кезінде жөнелтілушіге нұсқама, әскери билет, қызметтік куәлік, жеке басты куәландыратын құжат, әскери тасымалдау құжаттары немесе жүретін жолға ақшалай қаражат, азық-түлік, мүлік және ақша аттестаттары мен медициналық кітапша беріледі.

      Әскери бөлімдер штабтары мен кадр органдары әскери қызметшілерді жеке жөнелту кезінде келу мерзімін көрсете отырып, олардың өкіміне әскери қызметшілер жіберілетін командирлерді хабардар етеді. Мерзімді қызметтің әскери қызметшілерін ертіп жүру үшін бастық тағайындалады. Жол жүретін уақытта жеке құрамның келуін бақылау жөнелтуді жүзеге асыратын командирлерге жүктеледі. Әскери қызметші келмеген жағдайда командирлер олардың болмауының себептері мен мән-жайларын анықтау шараларын қабылдайды және оның өкіміне әскери қызметшілер жөнелтілген командирлерді және әскери полиция органдарын хабардар етеді.

      Әскери қызметшілер бөлімге кешігіп келген кезде қызметтік тексеру жүргізе отырып, кешігуінің себебін анықтау оның өкіміне әскери қызметші жөнелтілген командирге жүктеледі.

      40. Жөнелтушінің бір әскери бөлімнен басқасына эшелондармен немесе командалармен жөнелтілетін әскери қызметшілерге атаулы тізім үш данада жасалады. Атаулы тізімнің бірінші және екінші данасы команда бастығына (үлкеніне) тапсырылады, ал үшінші данасы бөлімнің істеріне тігіледі.

      Атаулы тізімге жөнелтуші бөлімнің штаб бастығы қолтаңба қояды және әскери бөлімнің шартты атауы бойынша елтаңбалы мөрімен куәландырылады. Жеке құрамды беру кезінде тізімнің бірінші данасы жас буынды қабылдаушыға беріледі, ал екінші данасына жеке құрамды тапсырушы мен қабылдаушы қолтаңбаларын қояды, жас буынды қабылдайтын әскери бөлімнің елтаңбалы мөрімен куәландырылады, одан кейін қабылдау актісімен бірге жеке құрам келген бөлімге қайтарылады.

      41. Әскери қызметшілерді әскери бөлімдер өкілдеріне беру әскери қызметшілерді қабылдауға құқық беретін сенімхат бойынша жүргізіледі және актімен ресімделеді, онда қабылданған (тапсырылған) әскери қызметшілер саны, олардың санитариялық жай-күйі, қолда бар құжаттары, киім-кешегі және басқа да тиісті мүлкі көрсетіледі.

      Жас буынды қабылдау команда бастығынан алынған атаулы тізім бойынша жүргізіледі. Әскери қызметшілерді атаулы тексерусіз қабылдауға жол берілмейді.

      42. Эшелоннан қалып қойған (түсіріп алынған) адамдар үшін актіде олардың тегі, аты мен әкесінің аты (ол бар болған кезде), оларды қандай ЖӘБО әскерге шақырғаны, эшелоннан қашан және қайда қалып қойғаны немесе түсіріп алынғаны, қашан және кімге хабарланғаны көрсетіледі. Акт екі данада жасалады, оған әскери қызметшілердің атаулы тізімдері, ал эшелоннан түсіріп алынған әскери қызметшілерге түсіріп алу себептері туралы анықтамалар қоса беріледі. Әскери қызметшілерді қабылдаған және тапсырған лауазымды адамдар ол туралы команда бойынша баяндайды.

      Бөлім командирі жеке келген мерзімді қызмет әскери қызметшілері туралы олардың бұрынғы қызмет орны бойынша хабарлайды.

      43. Жас буынды қабылдаған әскери бөлімнің штабында келген әскери қызметшілер бөлімшелер бойынша бөлінеді.

      Келіп түскен әскери қызметшілерге атаулы тізімдер мен нұсқамалар әскери бөлім штабында сақталады. Атаулы тізімдерде әрбір келушінің тегінің қарсысында қызмет өткеру үшін оның қандай бөлімшеге жіберілгені көрсетіледі.

      44. Әскери бөлімдерді бір өңірлік қолбасшылықтан басқа өңірлік қолбасшылық құрамына беру (қайта орналастыру, қайта бағындыру) кезінде әскери бөлімдер командирлері саптық бөлім бойынша бұйрықта жеке құрамның штаттық және тізімдік санын жариялайды бұрынғы және жаңа орналастыру (бағындыру) орны бойынша тиісті штабтарға кеткен (келген) жеке құрамның құрамы туралы жеткізілім, бұрынғы бағыныстағы штабқа - есептік кезең үшін еркін нысанда жасалған жеке құрамның қозғалысы туралы анықтама ұсынады.

5-параграф. Қайтыс болған (қаза тапқан) жеке құрамды есепке алу

      45. Әскери басқару органдарында (әскери бөлімдерде) офицерлер құрамының, сержанттар (старшиналар), сарбаздар (матростар) құрамдарының келісімшарт бойынша әскери қызметшілерінің және азаматтық персонал адамдарының орны толмас шығындарын дербес есепке алу кадр органында (персоналмен жұмыс бөлімшесінде) жүргізіледі.

      46. Әскери бөлім командирі әскери қызметшінің немесе азаматтық персонал адамының қайтыс болғаны немесе қаза тапқаны туралы сол күні жеделхатпен немесе телефон арқылы қайтыс болғанның (қаза тапқанның) жақын туыстары мен қайтыс болғанның (қаза тапқанның) отбасының тұрғылықты жері бойынша ЖӘБО-ға хабарлайды. Жеделхатта немесе телефон арқылы хабарлағанда қайтыс болған (қаза тапқан) әскери қызметшінің, азаматтық персонал адамының қайтыс болған күні мен қайтыс болу себебін, сондай-ақ мәйітін жөнелтетін немесе жерленетін күнін хабарлайды.

      47. Науқастанып қайтыс болған немесе оқиғалар, қайғылы оқиғалар және табиғи зілзалалар нәтижесінде қаза тапқан, сондай-ақ хабарсыз кеткен әскери қызметшілер "Әскери қызмет және әскери қызметшілердің мәртебесі туралы" 2012 жылғы 16 ақпандағы Қазақстан Республикасының Заңына (бұдан әрі - Заң) сәйкес саптық бөлім бойынша бұйрықпен жеке құрам тізімінен алып тасталады.

      Саптық бөлім бойынша бұйрықта әр қаза тапқан (қайтыс болған, хабарсыз кеткен) әскери қызметшінің:

      1) лауазымы;

      2) әскери атағы;

      3) тегі, аты мен әкесінің аты (ол бар болған кезде);

      4) туған жылы мен жері;

      5) әскерге шақырылған күні;

      6) қандай ЖӘБО-да әскерге шақырылған, ҚР ҚК-да қай уақыттан бастап қызмет өткерді, қашан қандай себеп бойынша қайтыс болды (қаза тапты) және қайтыс болғаны әскери қызмет міндеттерін орындаумен байланысты ма;

      7) мәйітті жеткізу тапсырылған бөлім өкілінің лауазымы, әскери атағы, тегі, аты мен әкесінің аты (ол бар болған кезде);

      8) жерлеу үшін мәйітті жөнелтетін жер;

      9) жерлеу үшін мәйітті талап ететін жақын туыстарының немесе басқа адамдардың болмауы немесе жерлеу үшін мәйітті алудан жақын туыстарының бас тартуы кезінде - қайда және қашан жерленді;

      10) хабарсыз кеткенге - қай уақыттан бастап әскери бөлім тізімінен алып тасталды;

      11) жұбайының (әкесінің, анасының немесе басқа жақын туысының) тегі, аты мен әкесінің аты (ол бар болған кезде).

      48. Саптық бөлім бойынша бұйрық әскери қызметшінің, азаматтық персонал адамының қайтыс болуы (қаза табуы) туралы хабарламаны, қайтыс болғанның (қаза тапқанның) жеке заттарын, құндылықтары мен құжаттарын ЖӘБО-ға жіберу үшін, сондай-ақ әскери қызметшінің, азаматтық персонал адамының есептік құжаттарына әскери бөлім тізімдерінен алып тасталған уақыты мен себебі туралы мәліметтер есепке алу құжаттарына енгізу үшін негіз болып табылады.

      49. Әскери қызметшінің қайтыс болуы (қаза табуы) туралы хабарлама осы Қағидаларға 28-қосымшаға сәйкес нысан бойынша үш данада жасалады.

      Әскери бөлімнің өкілі хабарламаның бірінші және екінші даналарын АХАЖ АЖ-дан алынған қайтыс болуы туралы куәлікпен және жеке құрам тізімінен алып тасталғаны туралы саптық бөлім бойынша бұйрықтан үзіндімен бірге әскери қызметшінің отбасының (туыстарының) тұрғылықты жері бойынша ЖӘБО-ға береді. Жерлеу үшін мәйітті талап ететін жақын туыстарының немесе басқа адамдардың болмауы немесе жерлеу үшін мәйітті алудан жақын туыстарының бас тартуы жағдайында көрсетілген құжаттармен бірге жерленгеннен кейін келесі күннен кешіктірмей қайтыс болғанның (қаза тапқанның) жерленген жерінің фотосуреттері ЖӘБО-ға жіберіледі. Хабарламаға бөлім командирі мен штаб бастығы қолтаңба қояды және әскери бөлімнің шартты атауы бойынша елтаңбалы мөрімен куәландырылады. Қайтыс болуы (қаза табуы) туралы хабарламаның үшінші данасы әскери бөлім істерінде сақталады.

      50. Қайтыс болған (қаза тапқан) әскери қызметшілер мен азаматтық персонал адамдарына ЖӘБО-ға хабарлама жібере отырып, бір мезгілде осы Қағидалардың 29-қосымшасына сәйкес нысан бойынша жоғары тұрған штабқа жеке құрамның орны толмас шығындарының атаулы тізімі де жіберіледі.

      Осы Қағидалардың 30-қосымшасына сәйкес нысан бойынша қайтыс болған (қаза тапқан) офицерлерге бұдан басқа команда бойынша қайтыс болуы (қаза табуы) туралы жеткізілім ұсынылады. Хабарсыз кеткен офицерлерге - оларға сот шешімінің көшірмесін қоса бере отырып, ерікті нысанда ҚР ҚК офицерлер құрамының тізімдерінен алып тастау туралы қолдау хат беріледі. Жеткізілім мен қолдау хат екі данада жасалады. Бірінші даналары команда бойынша ұсынылады, ал екіншісі - әскери бөлім істерінде сақталады.

      51. Саптық бөлім бойынша бұйрық негізінде әліпбилік ретпен есепке алу кітабында әскери қызметшінің, азаматтық персонал адамының қайтыс болған (қаза тапқан) күні мен себебі, жерленген жері, жеке құрам тізімдерінен шығарылғаны туралы бұйрық нөмірі, қайтыс болғаны (қаза тапқаны) туралы хабарлама қашан, кімге және қандай шығыс нөмірімен берілгені туралы жазба жүргізіледі. Офицерлерге ҚР ҚК офицерлер құрамының тізімдерінен алып тасталғаны туралы жеке құрам бойынша бұйрықтың нөмірі мен күні жазылады.

      52. Қайтыс болғанның (қаза тапқанның) жеке заттарына, құндылықтары мен құжаттарына осы Қағидаларға 31-қосымшаға сәйкес нысан бойынша қайтыс болғанның (қаза тапқанның) жеке заттарының, құндылықтары мен құжаттарының бар болуы актісі екі данада жасалады. Актіге бөлім бойынша бұйрықпен тағайындалған комиссия қол қояды және әскери бөлім командирі бекітеді. Бірінші данасы қайтыс болғанның (қаза тапқанның) отбасына жіберіледі, ал екінші данасы әскери бөлімде қалады.

      53. Әскери билеттер, қызметтік куәліктер, есептік-қызметтік карточкалары, ақшалай жабдықталым туралы құжаттары және басқа да құжаттары қайтыс болған (қаза тапқан) адам отбасының тұрғылықты жері бойынша ЖӘБО-ға, ал отбасы (туыстары) болмаған кезде - әскерге шақырылған жері бойынша ЖӘБО-ға беріледі. Осы құжаттар жөнелтілер алдында соңғы есепке алу деректері бойынша тексеріледі және олардың бірінші парағында әскери қызметшінің қайтыс болғаны (қаза тапқаны) туралы белгі қойылады.

      Офицерлердің жеке нөмірлері жазылған жетондар жеке істің бірінші данасына бекітіліп қойылады.

      Қайтыс болған (қаза тапқан, хабарсыз кеткен) офицерлердің жеке істерінің бірінші данасы қайтыс болған, қаза тапқан, хабарсыз кеткен офицерлер отбасыларының тұрғылықты жері бойынша ЖӘБО-ға, жеке істердің екінші және кейінгі даналары - ҚР ҚМ Орталық мұрағатына (бұдан әрі - Орталық мұрағат) жіберіледі.

      Офицерлердің қызметтік куәліктері, сержанттар (старшиналар), сарбаздар (матростар) құрамдарының келісімшарт бойынша әскери қызметшілерінің әскери билеттері жойылуға тиіс.

      54. Қайтыс болған (қаза тапқан) адамның отбасына немесе туыстарына берілуге тиісті жеке заттары мен құндылықтары жөнелту алдында актінің бірінші данасы бойынша мұқият тексеріледі, актінің бірінші данасымен бірге буып-түйіледі, әскери бөлімнің шартты атауы бойынша сүргілі мөрмен мөрленеді және актінің екінші данасына қолтаңбасын қойғыза отырып, жұбайына (зайыбына, әкесіне, анасына) немесе қайтыс болған (қаза тапқан) адамның жақын туыстарының біріне беріледі.

      Актінің екінші данасы әскери бөлімде сақталады.

      55. Емдеу мекемелерінде емделуде болғандардың (ауыспалы құрамның) қатарынан қайтыс болған әскери қызметшілерге қатысты емдеу мекемесінің бастығы осы әскери қызметшілер қызмет өткерген әскери бөлімдер командирлеріне дереу хабарлайды. Хабарламаларда қайтыс болған адамның әскери атағы, аты және әкесінің аты (ол бар болған кезде), қайтыс болған күні мен себебі көрсетіледі.

      Қайтыс болған әскери қызметшілер қызмет өткерген әскери бөлімдердің командирлері емдеу мекемелерінде емделуде болған әскери қызметшілердің қайтыс болғаны туралы хабарламаны қайтыс болған адамның мәйітімен және оның жеке заттарымен, құндылықтарымен және жеке құжаттарымен бірге ЖӘБО-ға жөнелтеді.

      56. ЖӘБО-да осы Қағидалардың 32-қосымшасына сәйкес нысан бойынша әскери қызметшілердің орны толмас шығындарын және олардың осы ауданның (қаланың) аумағында тұратын отбасына зейнетақы тағайындауды есепке алатын әліпбилік кітап жүргізіледі. Кітапқа жазба алынған хабарламалар, қайтыс болғаны туралы куәлік және басқа да құжаттар негізінде жүргізіледі.

      57. Қорғаныс істері жөніндегі бөлімнің (басқарманың) бастығы қорғаныс істері жөніндегі департаментке қайтыс болған (қаза тапқан) әскери қызметші туралы мәліметтер ұсынады.

      Туыстары қайтадан хабарлама алуға (бұрын алынған хабарламаны жоғалтып, бүлдіріп алған жағдайда немесе азаматтық, отбасылық және басқа да құқық қатынастарын шешу үшін) өтініш білдірген кезде хабарламаның телнұсқасы (көшірмесі) беріледі.

      Хабарламаның түпнұсқасы және басқа да әскери қызметшінің қайтыс болғаны (қаза тапқаны) туралы құжаттар тігіледі және ЖӘБО-да сақталады.

      58. Қайтыс болған (қаза тапқан) әскери қызметшілер мен азаматтық персонал адамдарын есепке алу жеке құрамның орны толмас шығындарының атаулы тізімдері бойынша:

      1) ЖӘБО-да - ҚР ҚК әскери бөлімдері командирлерінің хабарламасы бойынша қызмет көрсетілетін әкімшілік-аумақтық бірлік үшін;

      2) ҚР ҚК әскери басқару органдарында - әскери басқару органы мен бағынысты әскери бөлімдер үшін;

      3) ҚР ҚК БШ ұйымдастыру-жұмылдыру органында - ҚР ҚК әскери басқару органдары және әскери бөлімдері үшін жүргізіледі.

      59. ҚР ҚК әскери басқару органдарының, қорғаныс істері жөніндегі департаменттердің бастықтары әр айдың 5-і күні ҚР ҚК БШ ұйымдастыру-жұмылдыру органына өткен ай үшін қайтыс болған (қаза тапқан) әскери қызметшілер мен азаматтық персонал адамдары туралы жеке құрамның орны толмас шығындарының атаулы тізімдерін ұсынады.

      Қайтыс болған (қаза тапқан) әскери қызметшілер мен азаматтық персонал адамдарын есепке алу ҚР ҚК БШ ұйымдастыру-жұмылдыру органында бес жыл бойы әскери қызметшілердің әр санаты бойынша жеке жүргізіледі. Бес жыл өткеннен кейін ҚР ҚК БШ ұйымдастыру-жұмылдыру органы жеке құрамның орны толмас шығындарының атаулы тізімдерін Орталық мұрағатқа тапсырады.

6-параграф. Әскери бөлімді өз еркімен тастап кеткен әскери қызметшілерді есепке алу

      60. Әскери бөлімді өз еркімен тастап кеткен әскери қызметшілер әскери бөлімдер штабтарында осы Қағидаларға 33-қосымшаға сәйкес нысан бойынша әскери бөлімді өз еркімен тастап кеткен әскери қызметшілерді есепке алу кітабында есепке алынады. Әскери басқару органдарының штабтарында есепке алу бағынысты бөлімдері үшін, ҚР ҚК Әскери полициясының бас басқармасында ҚР ҚК үшін - әскери бөлімді өз еркімен тастап кеткен әскери қызметшілердің атаулы тізімдерінде жүргізіледі.

      61. Әскери бөлімді өз еркімен (соның ішінде қарумен бірге) тастап кеткен әскери қызметшілер бөлімді өз еркімен тастап кеткені туралы саптық бөлім бойынша бұйрықпен жарияланады және жабдықталымның барлық түрлерінен алып тасталады. Саптық бөлім бойынша бұйрық негізінде жеке құрамды әліпбилік ретпен есепке алу кітабының 6-бөлімінде қарындашпен бөлімді өз еркімен тастап кеткен күні мен тәуліктік бұйрықтың нөмірі туралы жазба жасалады.

      62. Демалыстан, емделуден, оқудан, іссапардан уақтылы қайтып келмеген және кешігу себептері мен мерзімі туралы растау құжаттары болмаған кезде әскери қызметшілер әскери бөлімді өз еркімен тастап кеткен әскери қызметшілер ретінде есепке алынады, ол туралы әскери полиция органдарына хабарланады.

      63. Бөлімді өз еркімен тастап кеткен әскери қызметші қайтып келген кезде немесе оны ауыстыру немесе шығару туралы өкім алған кезде саптық бөлім бойынша бұйрық негізінде әліпбилік ретпен есепке алу кітабының 6-бөлімінде қайтып келген немесе іссапарға жіберілген (шығарылған) күні және саптық бөлім бойынша бұйрықтың нөмірі туралы жазба жасалады.

      64. Әскери бөлімді өз еркімен тастап кетуге жол берген әскери қызметшілердің әскери билетінің 6-бөлімінде және есептік-қызметтік карточкаларының 23-тармағында бөлімді өз еркімен тастап кеткен және қайтып келген күндері және саптық бөлім бойынша бұйрықтардың нөмірлері қойылады. Жазба бөлім штабы бастығының қолтаңбасымен және бөлімнің шартты атауы бойынша елтаңбалық мөрімен куәландырылады.

7-параграф. Кадр органдарында (персоналмен жұмыс бөлімшелерінде) офицерлер құрамын және ғылыми қызметкерлерді есепке алу

      65. Тактикалық әскери басқару органдарында офицерлер құрамы әскери қызметшілерін дербес, штаттық-лауазымдық және сандық есепке алу:

      1) штаттық-лауазымдық есепке алу кітабы бойынша;

      2) әліпбилік ретпен есепке алу кітабы бойынша;

      3) жеке істері бойынша;

      4) жеке құрамды автоматтандырылған есепке алу жүйесінде жүргізіледі.

      66. Жедел-тактикалық және жедел-аумақтық әскери басқару органдарында офицерлер құрамының әскери қызметшілерін дербес, штаттық-лауазымдық және сандық есепке алу:

      1) әскери басқару органы үшін әліпбилік ретпен есепке алу кітабы бойынша;

      2) осы Қағидаларға 34-қосымшаға сәйкес нысан бойынша штаттық-лауазымдық карталары бойынша;

      3) осы Қағидаларға 35-қосымшаға сәйкес нысан бойынша қызметтік карталары бойынша жүргізіледі. Карталар әліпбилік ретпен қызметтік картотекаларға біріктіріледі.

      4) жеке істері бойынша;

      5) жеке құрамды автоматтандырылған есепке алу жүйесінде жүргізіледі.

      67. Жедел-стратегиялық әскери басқару органдарында офицерлер құрамының әскери қызметшілерін дербес, штаттық-лауазымдық және сандық есепке алу:

      1) әскери басқару органы үшін әліпбилік ретпен есепке алу кітабы бойынша;

      2) штаттық-лауазымдық карталары бойынша;

      3) қызметтік карталары бойынша;

      4) жеке істері бойынша;

      5) жеке құрамды автоматтандырылған есепке алу жүйесінде жүргізіледі.

      68. Стратегиялық әскери басқару органдарында офицерлер құрамының әскери қызметшілерін дербес, штаттық-лауазымдық және сандық есепке алу:

      1) штаттық-лауазымдық карталары бойынша;

      2) қызметтік карталары бойынша;

      4) жеке істері бойынша;

      5) жеке құрамды автоматтандырылған есепке алу жүйесінде жүргізіледі.

      Жеке құрам бойынша бұйрық шығармайтын ҚР ҚК бас басқармаларында офицерлер құрамының әскери қызметшілерін штаттық-лауазымдық есепке алу осы Қағидаларға 36-қосымшаға сәйкес нысан бойынша офицерлер құрамының әскери қызметшілерін штаттық-лауазымдық есепке алу кітаптары бойынша жүргізіледі.

      69. Офицер кадрдың сандық және сапалық құрамын сипаттайтын статистикалық деректерді жедел алу мақсатында барлық деңгейдегі кадр органдары (персоналмен жұмыс бөлімшелері) мынадай құжаттар жасайды және оларды ұдайы жүргізеді:

      1) осы Қағидаларға 37-қосымшаға сәйкес нысан бойынша офицерлер құрамы лауазымдарының мамандықтар бойынша жасақталуы туралы мәліметтер;

      2) ведомстволық жедел жеткізілімдер табеліне сәйкес офицер кадрының мамандықтар бойынша саны және құрамы туралы мәліметтер;

      3) ведомстволық жедел жеткізілімдер табеліне сәйкес офицер кадрының ұлттық құрамы туралы мәліметтер;

      4) осы Қағидаларға 38-қосымшаға сәйкес нысан бойынша шектеулі жасқа жететін әскери қызметшілер келісімшарттарының аяқталуын, әскери атақтар берілуін бақылау тізімі;

      5) осы Қағидаларға 39-қосымшаға сәйкес нысан бойынша ұрыс қимылдарына қатысқан, төтенше немесе соғыс жағдайында, сондай-ақ қарулы қақтығыстар жағдайында міндеттерді орындауға, бейбітшілік пен қауіпсіздікті қолдау бойынша бітімгершілік операцияларына, терроризмге қарсы операцияларға қатысқан офицерлердің тізімі;

      6) осы Қағидаларға 40-қосымшаға сәйкес нысан бойынша қаза тапқан және қайтыс болған офицерлердің тізімі;

      7) осы Қағидаларға 41-қосымшаға сәйкес нысан бойынша әскери қызметтен запасқа шығарылған офицерлердің тізімі;

      8) ведомстволық жедел жеткізілімдер табеліне сәйкес оларға қатысты қылмыстық істер қозғалған және жасаған қылмыстық құқық бұзушылықтары үшін сотталған офицерлердің тізімі;

      9) ведомстволық жедел жеткізілімдер табеліне сәйкес офицерлер құрамының лауазымдарына тағайындалған сержанттар (старшиналар), сарбаздар (матростар) құрамдары келісімшарт бойынша әскери қызметшілерінің тізімі.

      70. Офицерлер құрамының әскери қызметшілерін статистикалық (сандық) есепке алу дербес және штаттық-лауазымдық есепке алу деректері негізінде ұйымдастырылады және:

      1) әскери басқару органдарының кадр органдарында (персоналмен жұмыс бөлімшелерінде) - әскери басқару органы және бағынысты әскери бөлімдер бойынша офицерлер құрамына;

      2) ҚР ҚМ кадр жұмысы органында - ҚР ҚК офицерлер құрамының әскери қызметшілеріне жүргізіледі.

      Офицерлер құрамы жөніндегі статистикалық есеп беру түрлері, оларды ұсыну мерзімдері, олар бойынша жасалатын нормалар ведомстволық жедел жеткізілімдер табелімен айқындалады. Қажет болған жағдайда ҚР ҚМ кадр органы есеп беру түрлерін және мерзімдерін өзгертулері мүмкін.

      Осы Қағидалардың нысандарына қатысты жеке құрамның есебін электрондық және қағаз түрлерінде жүргізуге рұқсат беріледі. Жоғары тұрған штабтарға жеке құрамды есепке алу есептілігінің нысандары бойынша жеткізілімдерді ұсыну электрондық түрде жүргізіледі. Құжатты электрондық түрде жіберу мүмкін болмаған жағдайда, жеткізілімдерді қағаз түрінде ұсынуға рұқсат беріледі.

      Жеке құрамды сандық (статистикалық) есепке алу құжаттары әскери басқару органы бойынша жеке штатта ұсталатын бағынысты әскери бөлімдерді ескере отырып жасалады.

      71. Кадр органдарында (персоналмен жұмыс бөлімшелерінде) кеткен офицерлерді есепке алу:

      1) тактикалық деңгейдегі әскери басқару органдарының және оларға теңестірілгендердің кадр органдарында (персоналмен жұмыс бөлімшелерінде) - әліпбилік ретпен және штаттық-лауазымдық есепке алу кітаптары бойынша;

      2) жедел-тактикалық деңгейдегі әскери басқару органдарынан бастап оларға теңестірілгендердің стратегиялық деңгейдегілерін қоса алғанда кадр органдарында (персоналмен жұмыс бөлімшелерінде) - қызметтік және штаттық-лауазымдық картотекалары бойынша ұйымдастырылады және жүргізіледі.

      Офицерлер құрамының әскери қызметшілерін электрондық есепке алуды, қызметтік және штаттық-лауазымдық карталарын жүргізуді ҚР ҚМ кадр жұмысы органы айқындайды.

      72. Өңірлік қолбасшылықтың және одан жоғары кадр органдарында (персоналмен жұмыс бөлімшелерінде) жеке құрам бойынша бұйрықтар шығаруға құқығы бар лауазымды адамдардың ведомстволық тізбесіне сәйкес (бұдан әрі - Тізбе) офицерлер құрамы әскери қызметшілері жеке істерінің екінші данасы жүргізіледі.

      Жеке істерді жүргізу (қажетті құжаттармен, аттестаттау және мінездемелік материалдармен, фотокарточкалармен және басқа да есептік материалдармен уақтылы толықтыру), олардағы жазбаларды нақтылау, бірінші даналарымен салыстыру, сондай-ақ жеке істердің уақтылы жөнелтілуіне бақылау жасау кадрды зерделеумен және іріктеумен айналысатын барлық инстанциялардың кадр органдарына (персоналмен жұмыс бөлімшелеріне) жүктеледі.

      Құжаттарды тігу, жеке істерді есепке алу, сақтау және жөнелту, қызметтік картотекаларды жүргізу есепке алумен айналысатын адамдарға жүктеледі.

      73. Офицерлер құрамы әскери қызметшілерін есепке алу деректеріндегі өзгерістер туралы жеткізілімдер жоғары тұрған кадр органдарына (персоналмен жұмыс бөлімшелеріне) жіберіледі, бұл ретте офицерлер құрамының әскери қызметшілерін мемлекеттік органдарға сайлау туралы жеткізілімдер басқа жеткізілімдерден бөлек жіберіледі.

      Офицерлерге әскери аудармашы біліктілігін беру немесе оны растау туралы жеткізілімдерді біліктілік берілген немесе расталған жер бойынша кадр органдары (персоналмен жұмыс бөлімшелері) жасайды және олардың қызмет орны бойынша әскери бөлімдерге және істердің екінші данасы жүргізілетін кадр органдарына (персоналмен жұмыс бөлімшелеріне) жібереді.

      74. Жеке істердің екінші данасын жүргізетін кадр органдарына (персоналмен жұмыс бөлімшелеріне) сыныптық біліктілік беру, растау немесе төмендету туралы бұйрықтардан үзінділер жіберіледі.

      75. Офицерлер құрамының әскери қызметшілері тағайындалуы туралы бұйрық алынған күні кадр органдарында (персоналмен жұмыс бөлімшелерінде) кітаптар немесе қызмет карталары бойынша есепке алынады. Офицерлердің жеке істері мен қызметтік карталары келіп түскенге дейін әскери бөлімдердің кадр органдары (персоналмен жұмыс бөлімшелері) жеке басын куәландыратын құжат, жеке құрам бойынша бұйрықтардан үзінділер және нұсқамалар негізінде әліпбилік ретпен есепке алу кітаптарындағы, ал өңірлік қолбасшылықтар және одан жоғары кадр органдары (персоналмен жұмыс бөлімшелері) - штаттық-лауазымдық және қызмет карталарындағы тиісті бағандарды толтыруды жүргізеді. Жетіспеген деректер әліпбилік кітаптарға, штаттық-лауазымдық және қызмет карталарына жеке істерді алғаннан кейін жазылады.

      76. Әскери бөлімдерде осы Қағидаларға 42-қосымшаға сәйкес нысан бойынша ғылыми қызметкердің есептік карточкасы бойынша ғылыми қызметкерлерді дербес есепке алу жүргізіледі.

      Бас басқармалардың, өңірлік қолбасшылықтардың, әскер түрлері мен тектерінің кадр органдарында (персоналмен жұмыс бөлімшелерінде) ғылыми қызметкерлерді есепке алу әскери басқару органдары және бағынысты әскери бөлімдер үшін бақылау тізімдері бойынша жүргізіледі.

      Есепке алынуға тиісті ғылыми қызметкерлерге атқарып отырған лауазымына және жұмыс сипатына қарамастан:

      1) ғылыми-зерттеу мекемелерінде олардың ғылыми дәрежесінің немесе ғылыми атағының бар болуына қарамастан:

      ғылыми-зерттеу (ғылыми-сынау) мекемелерінің бастықтары және олардың материалдық және материалдық-техникалық қамтамасыз ету жөніндегі орынбасарларынан басқа орынбасарлары;

      бас мамандар (бас инженерлер, бас конструкторлар, бас химиктер);

      ғылыми-зерттеу (ғылыми-сынау) басқармаларының бастықтары және олардың орынбасарлары, есептеу орталықтарының бастықтары және олардың орынбасарлары;

      ғылыми кеңесшілер;

      ғылыми хатшылар;

      ғылыми-зерттеу (ғылыми-сынау) бөлімдерінің, зертханаларының, бөлімшелерінің, секторлары мен топтарының бастықтары;

      ғылыми-зерттеу (ғылыми-сынау) бөлімдері мен зертхана бастықтарының орынбасарлары;

      әскери-техникалық ақпаратты редакциялау-баспаға шығару бөлімдерінің бастықтары;

      ғылыми қызметкерлер лауазымдарын атқарып отырған;

      атқарып отырған лауазымына және олардың ғылыми дәрежесінің немесе ғылыми атағының бар болуына қарамастан ғылыми-зерттеу жұмыстарының бекітілген жоспары бойынша ғылыми-зерттеу жұмыстарын жүйелі жүргізетін барлық адамдар жатады;

      2) әскери оқу орындарында:

      әскери оқу орындарының бастықтары және олардың тыл, материалдық-техникалық қамтамасыз ету, инженерлік-авиациялық қызмет немесе техникалық бөлім жөніндегі орынбасарларынан басқа орынбасарлары;

      оқу, ғылыми-зерттеу, әскери-техникалық ақпарат бөлімдерінің бастықтары және олардың орынбасарлары;

      редакциялау-баспаға шығару және ғылыми-есептеу бөлімдерінің бастықтары;

      факультет бастықтары және олардың орынбасарлары;

      кафедра бастықтары және олардың орынбасарлары;

      ғылыми-зерттеу зертханаларының, бөлімше, топтар бастықтары;

      әскери-ғылыми және ғылыми-зерттеу топтарының бастықтары;

      олардың ғылыми және ғылыми-педагогикалық жұмыс жүргізуіне немесе жүргізбеуіне және ғылыми дәрежесі мен ғылыми атағының болуына қарамастан кафедра меңгерушісі лауазымдарын атқарып отырған барлық адамдар;

      атқарып отырған лауазымына және олардың ғылыми дәрежесінің немесе ғылыми атағының бар болуына қарамастан, әскери оқу орындарының ғылыми-зерттеу бөлімшелері мен кафедраларында бекітілген ғылыми-зерттеу жұмыстары жоспары бойынша ғылыми-зерттеу жұмыстарын жүргізетін барлық адамдар (ғылыми қызметкерлер, инженерлер, дәрігерлер);

      3) әскери басқару органдарында, әскери бөлімдерде (ғылыми-зерттеу мекемелері мен әскери оқу орындарынан басқа) - атқарып отырған лауазымы мен жұмыс сипатына қарамастан, ғылыми дәрежесі мен ғылыми атағы бар ҚР ҚК әскери қызметшілері мен азаматтық персонал адамдары жатады.

      77. Ғылыми қызметкерді есепке алу карточкасын оның жұмыс орны бойынша әр ғылыми қызметкерге кадр органы (персоналмен жұмыс бөлімшесі) толтырады. Ғылыми дәрежесі немесе ғылыми атағы бар қызметкер-офицерлерге есепке алу карточкасы екі данада толтырылады, олардың біреуі он жұмыс күні мерзімінде ҚР ҚМ кадр жұмысы органына жолданады.

      Ғылыми-зерттеу мекемелері мен әскери оқу орындарында ғылыми қызметкерлердің есепке алу карточкалары арнайы картотекада сақталады.

      Орталық әскери басқару органдарында, құрамалар басқармаларында, әскери бөлімдерде (ғылыми-зерттеу мекемелері мен әскери оқу орындарынан басқа) ғылыми дәрежесі немесе ғылыми атағы бар ғылыми қызметкерлердің есепке алу карточкалары:

      1) офицерлерге - олардың жеке істерінің бірінші даналарында;

      2) азаматтық персонал адамдарына - жеке істерінде немесе олардың жеке карточкаларымен бірге сақталады.

      ҚР ҚМ әскери ғылым мәселелеріне жетекшілік ететін құрылымдық бөлімшесінде ғылыми дәрежесі немесе ғылыми атағы бар ғылыми қызметкер-офицерлерді электрондық есепке алу жүргізіледі. Осы Қағидаларға 43-қосымшаға сәйкес нысан бойынша ғылыми қызметкерлердің бақылау тізімдері бойынша деректер толықтығы жыл сайын нақтыланады.

      78. Офицерлер құрамы әскери қызметшілерінің есептік деректеріндегі барлық өзгерістер үш жұмыс күні ішінде кадрларды автоматтандырылған есепке алу жүйесіне енгізіледі. Ұйымдық-штаттық іс-шаралар жүргізу кезінде әскери бөлімдердің штаттық құрылымындағы өзгерістер штат бөлімге келіп түскен күннен бастап 10 жұмыс күні ішінде енгізіледі.

8-параграф. Офицерлер құрамының әскери қызметшілері мен әскери міндеттілеріне жеке нөмірлер беру

      79. Әскери қызметте тұрған офицерлер құрамының әскери қызметшілеріне және запастағы офицерлерге оларда әскери қызметте тұруы және запаста болуының барлық уақытында сақталатын жеке нөмірлер беріледі.

      Офицердің жеке нөмірі сериясын білдіретін латын әліпбиінің бас әрпінен және алты таңбалы саннан тұрады. Жеке нөмір металл жетонда басылып шығарылады.

      80. Әскери қызметшілер мен әскери міндеттілерге жеке нөмір беру жеке құрам бойынша бұйрықпен жүргізіледі.

      Әскери қызметшілерге офицерлер құрамының алғашқы атағын беруді ресімдейтін әскери бөлімнің штабтары тиісті кадр органдарына (персоналмен жұмыс бөлімшелеріне) аттестаттау құжаттарын ұсынады. Осы әскери қызметшілердің жеке нөмірлерін ҚР ҚМ кадр органы айқындайды. Офицер атағы мен жеке нөмір берілгеннен кейін ҚР ҚМ кадр жұмысы органы жеке нөмірді офицерлерге табыс ету үшін жеке нөмір жазылған жетондарды әскери бөлімдерге жолдайды.

      ҚР ҚМ кадр органы Қазақстан Республикасы Қарулы Күштерінің, басқа да әскерлері мен әскери құралымдарының офицерлер құрамына беру үшін жеке нөмірлі жетондардың диапазонын айқындайды.

      Осы Қағидаларға 44-қосымшаға сәйкес нысан бойынша запастағы офицерлерді нөмір бойынша есепке алу карточкалары картотекаларға біріктіріледі және оны ЖӘБО жүргізеді. Нөмір бойынша есепке алу карточкаларын электрондық және қағаз түрінде жүргізуге рұқсат етіледі.

      81. Берілген жеке нөмірлер бөлімдердің штабтарында және кадр органдарында (персоналмен жұмыс бөлімшелерінде) жүргізілетін офицерлерді дербес есепке алудың барлық құжаттарына, қызметтік куәліктеріне, әскери билеттеріне жазылады, сондай-ақ жеке құрам бойынша барлық бұйрықтарда көрсетіледі.

      Жеке нөмірлер запастағы офицерлерді дербес есепке алу құжаттарында, қызметтік куәліктерінде, әскери билеттерінде құжат нысанында көзделген бағанда, ал ондай баған болмаған жағдайда - офицердің әкесінің атынан (ол бар болған кезде) кейін жазылады.

      82. Офицер атағы берілгеннен кейін әскери қызметшілерге қызметтік куәліктер және жеке нөмірлі жетондар беріледі. Офицер атағын алғаннан кейін запасқа шығарылған әскери қызметшілерге жетондар берілмейді.

      Әскери қызметке айқындалған запастағы офицерлерге әскери бөлімдерде жеке нөмірлі жетондар қызметтік куәлігімен бірге беріледі.

      Офицерлерге жеке нөмірлі жетондар беру жеке істің бірінші данасындағы қызметтік тізімнің титул парағының төменгі бөлігінде берілген күні көрсетіле отырып, қолтаңба қою арқылы жүргізіледі. Алынған жетондарды офицерлер өздерінде сақтайды.

      Жетондарды таңдауға және нөмірлерін өзгертуге тыйым салынады.

      83. Әскери қызметтен шығарылған офицерлер нөмірлі жетонын, оны жеке іс түбіртегіне бекітіп қою үшін қызметтік куәлігімен бірге әскери есепке алынған орны бойынша ЖӘБО-ға тапсырады.

      84. Қайтыс болуына немесе офицерлер құрамының әскери атағынан айырылуына байланысты ҚР ҚК офицерлер құрамының тізімдерінен алып тасталған офицерлердің жеке нөмірлі жетондары жеке істерінің екінші данасының түбіртегіне бекітіледі және олармен бірге архивке тапсырылады.

      85. Барлық деңгейдегі командирлер мен бастықтар, кадр органдарының (персоналмен жұмыс бөлімшелерінің) бастықтары офицерлердің жеке нөмірлі жетондарының бар болуын кезең-кезеңімен тексереді. Офицерге берілген жетон жоғалған жағдайда жеке нөмір ауыстырылмайды. Офицер жетонды жоғалтуының мән-жайы туралы баянатпен баяндайды және сол нөмірмен жетонның телнұсқасы жасалады.

      Кадр органдары (персоналмен жұмыс бөлімшелері) мен ЖӘБО жоғалтқан жеке нөмірлі жетондар есептен шығарылуға жатпайды. Жоғалған жетондардың орнына жоғалтуға кінәлі лауазымды адамдардың есебінен олардың телнұсқалары жасалады.

      86. Офицерлерді ҚР ҚК-дан іссапарға жіберу және запастағы офицерлерді басқа да әскерлер мен әскери құралымдарға есепке қосу кезінде, сондай-ақ басқа да әскерлер мен әскери құралымдардың офицерлерін ҚР ҚК-ға қабылдаған және оларды запасқа шығарған кезде олардың бұрынғы қызмет орны немесе запаста болған кезінде есепке алынған орны бойынша берілген жеке нөмірлері сақталады.

      87. Жеке нөмірлі жетондармен қамтамасыз етуді қорғаныс істері жөніндегі департаменттер мен әскери оқу орындарының өтінімдері бойынша ҚР ҚМ кадр органдары орталықтандырылған түрде жүзеге асырады.

      Жабдықталым органдардан жеке нөмірлі жетондар алған кезде кадр органдары (персоналмен жұмыс бөлімшелері), қорғаныс істері жөніндегі департаменттер жетондар санының, серияларының және нөмірлерінің ілеспе хатта көрсетілген деректермен сәйкес келуін салыстырып тексереді. Айырмашылықтар анықталған кезде екі данада акт жасалады. Актінің екінші данасы ҚР ҚМ кадр жұмысы органына жіберіледі.

      88. Әскери оқу орындарының кадр органдарында (персоналмен жұмыс бөлімшелерінде), қорғаныс істері жөніндегі бөлімдерде (басқармаларда), азаматтық жоғарғы оқу орындарының әскери кафедраларында жеке нөмірлі жетондарды есепке алу осы Қағидалардың 45-қосымшасына сәйкес нысан бойынша жеке нөмірлі жетондарды есепке алу кітабы бойынша, ал ҚР ҚМ кадр жұмысы органында және қорғаныс істері жөніндегі департаменттерде - осы Қағидалардың 46-қосымшасына сәйкес нысан бойынша жеке нөмірлі жетондарды алу және беру жеке шоттары кітабы бойынша жүргізіледі.

9-параграф. Жеке құрамның жеке істерін жүргізу

      89. Офицерлер құрамының алғашқы әскери атағы берілген әскери қызметшілердің жеке істерін:

      1) әскери оқу орнын бітірген курсантқа - екі данада әскери оқу орнының кадр органы (персоналмен жұмыс бөлімшесі);

      2) шетел мемлекеттерінің әскери оқу орындарын аяқтаған курсанттарға - офицерлердің қызмет орнына келуі бойынша әскери бөлімдердің кадр органдары (персоналмен жұмыс бөлімшелері) жүргізеді. Жеке істердің екінші даналары офицерлер қызмет орнына келгеннен кейін бір ай мерзімнен кешіктірілмей, оларды кейіннен есепке алу және жүргізу үшін жоғары тұрған штабтың тиісті кадр органдарына (персоналмен жұмыс бөлімшелеріне) жіберіледі.

      90. Запастан шақырылған офицерлердің жеке істерін - екі данада әскери бөлімдердің кадр органдары (персоналмен жұмыс бөлімшелері) жүргізеді.

      91. Келісімшарт бойынша әскери қызметке айқындалған кезде жеке істер:

      1) мерзімді әскери қызмет әскери қызметшілеріне - әскери бөлімде;

      2) әскери міндеттілерге - ЖӘБО-да жасалады.

      Сержанттар (старшиналар), сарбаздар (матростар) құрамдарының келісімшарт бойынша әскери қызметшілерінің жеке істері бір данада, ал офицерлерге екі данада жасалады.

      Әскери қызметшілерге офицерлер құрамының алғашқы әскери атағы берілген кезде олардың жеке істері қызмет орны бойынша әскери бөлімдердің кадр органына (персоналмен жұмыс бөлімшесіне) беріледі. Жоғары тұрған штабтың кадр органына (персоналмен жұмыс бөлімшесіне) оларды есепке алу және жүргізу үшін жеке істердің екінші данасы жолданады.

      Әскери қызметшілерге қызметтік тізім жасау кезінде тек соңғы әскери атағы жазылады.

      Сонымен қатар әскери қызметшілерге офицерлер құрамының алғашқы әскери атағы берілгенде қызметтік картасын жасау кезінде тек соңғы әскери атағы жазылады.

      92. Жедел-стратегиялық әскери басқару органына дейінгіні қоса алғанда әскери басқару органдарында және әскери бөлімдерде офицерлер құрамына, сержанттар (старшиналар), сарбаздар (матростар) құрамдарының келісімшарт бойынша әскери қызметшілеріне, мерзімді әскери қызмет әскери қызметшілеріне және азаматтық персонал адамдарына жеке істер жасалады және оны кадр органы (персоналмен жұмыс бөлімшесі) жүргізеді.

      Штатта көрсетілген құрылымдық бөлімшелер көзделмеген әскери басқару органдарында (әскери бөлімдерде) басқару органдары (әскери бөлімдер) бастығының (командирінің) бұйрығымен жеке істерді жасау және жүргізу үшін қоса атқару бойынша жауапты адамдар тағайындалады.

      93. Жеке іс қызметтік тізімнен, өмірбаяннан, фотокарточкадан (бұдан әрі - фотокарточка), аттестаттау және қосымша материалдардан тұрады.

      Жеке істің негізгі құжаты осы Қағидаларға 47-қосымшаға сәйкес нысан бойынша қызметтік тізім болып табылады.

      94. Қызметтік тізімнің бірінші және одан кейінгі данасы әскери қызметші ұсынған құжаттар түпнұсқасының немесе нотариат растаған көшірмесі мен өз қолымен жазылған өмірбаян негізінде қолмен толтырылады немесе басылады. Қызметтік тізімде жазылған мәліметтердің дұрыстығын және қызметтік тізімнің деректерін барлық жағдайда растауда әскери қызметші бірінші және одан кейінгі даналарда тізімнің соңында соған арнайы көзделген орынға қолтаңбасын қояды. Әскери қызметшіні бір әскери бөлімнен екіншісіне ауыстырған, сондай-ақ запасқа шығарған кезде қызметтік тізімнің соңында әскери қызмет өткергені туралы жазбаларды:

      1) офицерлер құрамына - кадр органының (персоналмен жұмыс бөлімшесінің) бастығы;

      2) сержанттар (старшиналар), сарбаздар (матростар) құрамдарының келісімшарт бойынша әскери қызметшілеріне - штаб бастығы растайды.

      Кейіннен (қызмет бойынша ауысуы туралы мәселелер шешілген кезде, жаңа қызмет орнына кетер, шығаруға ұсыну алдында) жеке істерді жүргізуге жауапты лауазымды адамдар әскери қызметшілермен бірге жеке істердің қызметтік тізіміндегі жазбалардың дұрыстығы мен толықтығын нақтылайды.

      95. Қызметтік тізімдегі мәліметтер жазбалар, оларды толтыру үлгісіне қатысты жүргізіледі:

      1) қызметтік тізімнің 1-тармағында әскери қызметшінің туған күні, айы және жылы көрсетіледі;

      2) қызметтік тізімнің 2-тармағында әскери қызметшінің туған жері көрсетіледі.

      Қызметтік тізімдерді алғаш жасағаннан кейін әкімшілік-аумақтық бөлудің өзгеруіне байланысты туған жері жөніндегі жазбаларды түзету жүргізілмейді;

      3) қызметтік тізімнің 3-тармағында әскери қызметшінің ұлты көрсетіледі;

      4) қызметтік тізімнің 4-тармағында жеке сәйкестендіру нөмірі көрсетіледі;

      5) қызметтік тізімнің 5-тармағында білімі көрсетіледі:

      қызметтік тізімнің 1) тармақшасында - әскери қызметшінің азаматтық білімі (жүйелі тәртіппен - оқу орнының атауы мен оны бітірген жылы, жоғарғы оқу орны факультеттерінің атаулары, білімнің күндізгі немесе сырттай бөлімде алынғаны, білімі аяқталмаған кезде - неше сыныпты немесе курсты қай жылы бітіргені);

      қызметтік тізімнің 2) тармақшасында - әскери (әскери-арнаулы) білімі (жүйелі ретпен - оқу орнының атауы, мамандығы мен әскери-есептік мамандығының нөмірі, ал академияны бітірген офицерлерге - факультеттің атауы мен бітірген жылы).

      Офицерлер құрамының әскери қызметшілерін қайта даярлау немесе білімін жетілдіру курстарын бітірген офицерлерге оқу мекемесінің атауы, курстың атауы және курстарда оқу мерзімі жазылады.

      Әскери қызметшілерге бітірген оқу бөлімшелерінің атауы, оқу мерзімі мен алынған әскери-есептік мамандығының атауы жазылады.

      6) қызметтік тізімнің 6-тармағында шетел тілдерін білуі мен деңгейі көрсетіледі;

      7) қызметтік тізімнің 7-тармағында ғылыми дәрежесі, ғылыми атағы және оның қашан берілгені көрсетіледі;

      8) қызметтік тізімнің 8-тармағында қандай ғылыми еңбектері мен өнер табыстарының бар екені көрсетіледі. Еңбектері мен өнертабыстарының саны көп болған кезде оларды жазуды жалғастыру жеке парақтарда жүргізіледі, ол "Қосымша материалдар" бөлімге тігіледі;

      9) қызметтік тізімнің 9-тармағында хронологиялық ретпен ҚР ҚК қызметіне дейінгі дербес еңбек қызметі көрсетіледі. Осы бағанға әскери қызметке жатпайтын басқа мекемелердегі, министрліктер мен ведомстволардағы жұмысы да жазылады.

      Дербес еңбек қызметіне жалпы білім беретін мектептердегі және оған теңестірілген оқу орындарындағы оқу мерзімі, әскери бөлімдерде тәрбиеленуші ретінде өткізген уақыты жазылмайды.

      10) қызметтік тізімнің 10-тармағында мыналар көрсетіледі:

      әскери қызмет өткеру көзделген Қазақстан Республикасының Қарулы Күштерінде, басқа да әскерлері мен әскери құралымдарында әскери қызмет өткеруі;

      бағанның басында әскери қызметке алғаш түсуі туралы мәліметтер (ҚР ҚК-ға әскерге шақырылған, келісімшарт бойынша әскери қызметке кірген немесе әскери оқу орнына түскен кезде) мен әскери ант қабылдаған күні;

      запастан шақырылған офицерлерге Қазақстан Республикасының заңнамалық актілеріне сілтеме жасай отырып, ЖӘБО әскерге шақырған күні, қандай ЖӘБО шақырғаны және кімнің өкіміне жіберілгені (тағайындалғаны) туралы жазба жасалады;

      келісімшарт және әскерге шақыру бойынша әскери қызметшілермен ауыстыруға жататын лауазымдардағы әскери қызметтер, оның ішінде резервте және өкімде болғаны;

      әскери бөлімнің тізімінен шығара отырып, науқасы, жарақаттануы, контузия алуы мен басқа да жауынгерлік зақымдануы бойынша емдеу мекемелерінде (емдеу мекемесінің атауы мен нөмірін көрсете отырып) болуы;

      Қазақстан Республикасының шегінен тыс жердегі қызметі;

      Әскери басқару органы (әскери бөлім) бастығының (командирінің) өкімінде болуы;

      бітірген оқу орнының атауын және алған мамандығын көрсете отырып, әскери академияда, әскери оқу орнында (оның ішінде емтихандарды экстернмен тапсырғаны туралы), адъюнктурада, офицерлер курстарында оқығаны және бітіргені, сондай-ақ оқу орнынан шығарылуы және шығару себептері туралы мәліметтер;

      жергілікті жердің атауын және келген (кеткен) күндерін көрсете отырып, жеңілдік шарттарында зейнетақыға еңбек сіңірген жылдарын есептеу құқығын беретін жергілікті жерге қызметке келуі (кетуі) (жеке ісінің бірінші данасына);

      бекіндірілген аудандар жөніндегі бұйрықтарға сілтеме жасай отырып, жауынгерлік есептоптар құрамында қорғаныс бекіністері құрылыстарында жауынгерлік кезекшілік өткеретін әскери қызметшілердің бекіндірілген аудандардағы қызметі. Бұл ретте осы жергілікті жерлерде қызмет өткерудің жеңілдік шарттарын белгілейтін тиісті қаулыларға немесе бұйрықтарға, нормативтік құқықтық актілерге және бөлім командирінің бөлімнің тізіміне қосу және одан алып тастау туралы бұйрығына сілтеме жасау қажет, оның ішінде;

      егер лауазымды атқару жеке құрам бойынша бұйрықпен ресімделсе, офицерлердің әскери бөлімдерде (корабльдерде) немесе әскери оқу орындарында тағылымдамадан өтуі;

      сыныптық біліктілікті беру, растау және төмендету. Бұл ретте омырауға тағатын белгінің берілгені және сыныптық біліктіліктің бекітілгені туралы жазбалар жүргізілмейді (омырауға тағатын белгілердің берілген күнін көрсете отырып, әскери оқу орындарының омырауға тағатын белгілері жазбалары жеке істердің тек бірінші данасында ғана жүргізіледі);

      корабльді өздігімен басқаруға рұқсат беру;

      мемлекеттік құпияларға рұқсат беру туралы мәліметтер;

      келісімшарт жасасу;

      әскери қызметтен шығару;

      сержанттар (старшиналар), сарбаздар (матростар) құрамдарының келісімшарт бойынша әскери қызметшілерін әскери бөлімдер жеке құрамының тізімінен, ал офицерлерді ҚР ҚК офицерлер құрамының тізімінен қайтыс болуына (қаза табуына) немесе әскери атағынан айыруға байланысты алып тастау.

      Қызметтік тізімнің 10-тармағындағы барлық жазбалар (әскерге шақырылған және әскери ант қабылдаған күндерінен басқа) әскери басқару органдары (әскери бөлімдер) бастықтарының (командирлерінің) жеке құрам бойынша бұйрықтарының негізінде жүргізіледі.

      Лауазымда "қай уақыттан бастап" және "қай уақытқа дейін" болған (өкімде болған) мәліметтерді жазу кезінде жеке құрам бойынша және саптық бөлім бойынша бұйрықтар шығарылған күн көрсетіледі.

      Бұдан бұрын жасалған қызметтік тізімдерде жеке құрам бойынша бұйрық болмаған жағдайда қызметтің жеке кезеңдері жеке істердің бірінші данасының "Қосымша материалдар" деген бөліміне тігілетін жанама құжаттармен (әскери бөлімдердің аттестаттаулармен, мінездемелермен және архивтік анықтамалармен, әскери билеттермен, куәліктермен, ақшалай және мүліктік аттестаттармен, сенімхаттармен, саптық бөлімдер бойынша бұйрықтармен, нұсқамалармен, ескі қызметтік тізімдермен) расталады.

      Әскери бөлімдердің атаулары қысқартусыз олардың нақты немесе шартты атаулары бойынша, ал сержанттар (старшиналар), сарбаздар (матростар) құрамының келісімшарт бойынша әскери қызметшілері үшін - тек шартты атаулары бойынша жазылады. Бұл ретте, әскери бөлімдерге берілген құрметті атаулар мен олар алған мемлекеттік наградалар жазылмайды.

      Мерзімді әскери қызмет өткеру кезеңіндегі әскери бөлімдердің атаулары шартты атаулар бойынша жазылады. Бұл ретте, әскери бөлімдердің нақты атауларын нақтылау туралы сұрау салулар жолданбайды.

      Келісімшарт бойынша әскери қызметке қайта ресімдеу кезінде қандай ЖӘБО (әскери бөлім) және келісімшарт бойынша әскери қызметке қашан қабылдағаны көрсетіледі.

      Белгіленген қызмет мерзімін өткерген офицерлер мен сержанттар (старшиналар), сарбаздар (матростар) құрамдарының келісімшарт бойынша әскери қызметшілерін Қазақстан Республикасының шегінен тыс жерге іссапарға жіберген кезде олардың ауыстыру бойынша іссапарға жіберілгені көрсетіледі.

      Қызметтік тізімнің 10-тармағында сонымен бірге әскери қызметшілердің ұрыс қимылдарына қатысқан, төтенше немесе соғыс жағдайында, сондай-ақ қарулы қақтығыстар жағдайында тапсырмаларды орындауға, бейбітшілік пен қауіпсіздікті қолдау бойынша бітімгершілік операцияларға, терроризмге қарсы операцияларға қатысқан уақыты туралы жазбалар жүргізіледі.

      Әскери бөлімдер (әскери басқару органдары) қайта орналастырылған (қайта бағындырылған) кезде, нақты атаулары немесе әскери бөлімдер кіретін әскери басқару органдарының нөмірі өзгерген кезде (жеке құрам бойынша бұйрықтарда шартты атаулары бойынша көрсетілетін режимдік әскери бөлімдерді қоспағанда) тиісті бұйрықтарға (директиваларға) сілтеме жасай отырып, әскери бөлімді (әскери басқару органын) қайта орналастыру (қайта бағындыру), нақты атауларын немесе нөмірлерін өзгерту туралы жазбалар жүргізіледі.

      Қызметтік тізімнің 10-тармағында жүргізілген жазбалар әскери бөлім штабы бастығының немесе кадр органы (персоналмен жұмыс бөлімшесі) бастығының қолтаңбасымен және елтаңбалы мөрмен тек мынадай жағдайларда ғана куәландырылады:

      офицерлер және сержанттар (старшиналар), сарбаздар (матростар) құрамдарының келісімшарт бойынша әскери қызметшілерін әскери басқару органдары мен жеке әскери бөлімдерден тыс жерлерге жаңа қызмет орнына тағайындау;

      әскери қызметтен шығарылған кезде және әскери қызметшілерді бөлімнің тізімінен алып тастаған кезде;

      ҚР ҚК офицерлер құрамының тізімінен алып тастаған кезде куәландырылады.

      Қызметтік тізімнің 10-тармағында:

      "Жас ұлан" республикалық мектебінде оқуда болғаны туралы, әскери бөлімдерде тәрбиеленушілер (юнгалар) ретінде болғаны туралы, сондай-ақ қолданыстағы заңнамаға сәйкес ҚР ҚМ тарапынан шығарылған әскери қызметшілерге тағайындалатын зейнетақыға еңбек сіңірген жылдарында есептелмейтін кезеңдер туралы;

      офицерлер құрамы әскери қызметшілерінің атқарып отырған лауазымынан босатусыз қайта даярлау және білімін жетілдіру курстарында оқуда болғаны туралы;

      әскери оқу орындарында оқу кезеңінде бір курстан екіншісіне ауыстырылғаны туралы мәліметтер жазылмауы тиіс.

      Жасалған қызметтік тізімдер әскери қызметшілер әскери қызметінің барлық кезеңі бойы жүргізіледі.

      Қызметтік тізімдерді қайта жасау, тек олар толық жарамсыз болған жағдайда ғана әскери бөлім командирінің рұқсатымен жасалады.

      Қазақстан Республикасының басқа да әскерлері мен әскери құралымдарынан ауыстырылған әскери қызметшілерге осы Қағидаларға сәйкес жаңа жеке істер жасалады. Ескі қызметтік тізімдер жеке істердің бірінші данасының: "Қосымша материалдар" деген бөліміне тігіледі.

      11) қызметтік тізімнің 11-тармағында ұрыс қимылдарына қатысқаны, төтенше немесе соғыс жағдайында, сондай-ақ қарулы қақтығыстар жағдайында тапсырма орындауға, бейбітшілік пен қауіпсіздікті қолдау бойынша бітімгершілік операцияларға, терроризмге қарсы операцияларға қатысқаны туралы, сондай-ақ жеңілдік шарттарында зейнетақыға еңбек сіңірген жылдарын есептеуге құқық беретін әскери қызмет өткеру кезеңдері туралы мәліметтер көрсетіледі.

      Мәліметтер жүйелі түрде хронологиялық тәртіппен құрамында жауынгерлік іс-қимылдарға қатысқан әскери бөлімдерді және ұрыс қимылдарына қатысу кезеңдерін көрсете отырып, толтырылады. Жеке істердің бірінші данасында осы жазбалар тиісті бұйрықтарға (директиваларға) және тізбелерге немесе архивтік анықтамаларға сілтеме жасай отырып, расталады және әскери бөлім штабы бастығының қолтаңбасымен және елтаңбалық мөрмен куәландырылады.

      Жеңілдік шарттарында зейнетақыға еңбек сіңірген жылдарын есептеуге құқық беретін әскери қызмет өткергені туралы мәліметтер жеке істердің бірінші данасында Қазақстан Республикасы Үкіметінің тиісті қаулысына сілтеме жасай отырып, жазылады және әскери бөлім штабы бастығының қолтаңбасымен және елтаңбалық мөрмен куәландырылады. Осы мәліметтер қызметтік тізімнің 10-тармағындағы мәліметтер және ұшу жұмыстарын, жүзу өтілін, парашютпен секірулерді орындауды, сүңгуірдің су астындағы жұмыстарын, жерасты құрылыстарында кезекшілік өткеруді есепке алу парақтары негізінде жазылады.

      Бұл ретте "Қосымша материалдар" деген бөлімге жеңілдік шарттарында зейнетақыға еңбек сіңірген жылдарын есептеудің басталғандығы және оны тоқтату туралы саптық бөлім бойынша бұйрықтардан үзінділер қоса тігіледі.

      12) қызметтік тізімнің 12-тармағында ұрыс қимылдарынан алынған жарақаттар, контузиялар, күйіктер мен уланулар туралы мәліметтер және олардың сипаты көрсетіледі.

      Жарақаттар, контузиялар мен жауынгерлік зақымданулар туралы жазбалар әскери қызметші қызмет өткерген, жараланған және жарақаты, контузиясы мен жауынгерлік зақымдануларына байланысты емдеу курсынан өткен емдеу мекемелері мен әскери бөлімдер берген құжаттар негізінде жүргізіледі. Егер құжаттар жоғалса, онда ҚР ҚМ орталық әскери-медициналық мекемесіне сұрау салынады және берілген анықтама негізінде жазба жүргізіледі.

      Бұл ретте, жаралану және жауынгерлік зақымдануларының сипаттары, оларды қашан және қайда (қандай елді мекендер, жергілікті жерлер үшін болған ұрыстарда) алынғаны көрсетіледі.

      13) қызметтік тізімнің 13-тармағында Қазақстан Республикасының және басқа да мемлекеттердің қандай медальдарымен және ордендерімен наградталғаны, сондай-ақ берілген құрметті атақтары туралы көрсетіледі.

      Мәліметтер жеке істердің барлық даналарына Қазақстан Республикасы Президентінің Жарлықтары және наградтау туралы бұйрықтар негізінде жазылады.

      Соғыс уақытында бұйрықтар туралы, наградтау туралы мәліметтер болмаған жағдайда кадр органының деректері бойынша жасалады.

      14) қызметтік тізімнің 14-тармағында әскери қызмет өткеру кезінде шетелдік іссапарларда болғандығы туралы мәліметтер көрсетіледі;

      15) қызметтік тізімнің 15-тармағында қайда, қашан және қандай сайлау органдары сайлады немесе сайланғаны көрсетіледі;

      16) қызметтік тізімнің 16-тармағында тұтқында болғаны туралы мәлімет көрсетіледі;

      17) қызметтік тізімнің 17-тармағында әскери қызметшінің ата-анасы және олардың тұрғылықты мекенжайы туралы деректер жазылады. Егер ата-анасы қайтыс болса, ал әскери қызметші бойдақ болса, ата-анасы туралы мәліметтерден басқа жақын туысының бірі және оның тұрғылықты мекенжайы жазылады;

      18) қызметтік тізімнің 18-тармағында әскери қызметшінің отбасы жағдайы көрсетіледі ("бойдақ, тұрмыста емес" деген сөздер қарындашпен жазылады, ал одан кейін отбасы мүшелері мен оның асырауындағы адамдар енгізіледі).

      Бұл ретте әскери қызметшінің отбасы мүшелері деп өзімен бірге тұратын:

      жұбайы (зайыбы), ортақ немесе ерлі-зайыптылардың біреуінің баласы (балалары) некеге тұру туралы куәлік және балаларының туу туралы куәліктері негізінде;

      асырап алынған баласы (балалары), асырауындағы жандар, жақын туыстары (ата-анасы, асырап алушылары, бірге туған және бірге тумаған ағалары мен қарындастары, атасы, әжесі, немерелері) - оларды отбасы мүшелері екенін танытатын сот шешімі негізінде танылады.

      Осы тармақта әскери қызметшінің отбасы жағдайының өзгеруі туралы кейінгі жазбаның барлығы растау құжаттары (жеке басты куәландыратын құжаттар, некеге тұру және балаларының туу туралы куәліктері, сот шешімі) негізінде жүргізіледі. Жазбалар жүргізу үшін негіз болып табылатын материалдар көшірмелері "Қосымша материалдар" деген бөлімде тігіледі.

      Қызметтік тізімнің 18-тармағындағы жазбаларды жеке істі жүргізуге жауапты адам жүргізеді.

      19) қызметтік тізімнің 19-тармағында әскери қызметші отбасының мекенжайы жазылады. Үй мекенжайы жеке істің тек бірінші данасына қара қарындашпен жазылады.

      20) қызметтік тізімнің 20-тармағында запаста болған уақытта жиындардан өтуі туралы мәліметтер жазылады.

      Жеке істердің қызметтік тізімдерін толтыру кезінде қызметтік тізім бағандарының өлшеміне сәйкес келетін шағын мөртаңбаларды қолдануға рұқсат етіледі. Бұл ретте мөртаңбаның бедер белгісі анық көрінетін әріппен болуы тиіс. Өте үлкен мөртаңбаларды қолдануға рұқсат етілмейді.

      Офицерлерді қызметтік ауыстыру, әскери атақтар беру, шығару мәселелерін шешу кезінде оларға осы Қағидаларға 48-қосымшаға сәйкес нысан бойынша әскери қызмет өткеруі туралы анықтамалар жасалады.

      Әскери бөлімдер қызметтік тізімінің 18-тармағы негізінде тиісті мекемелер мен ұйымдарға ұсыну үшін әскери қызметшілерге:

      осы Қағидаларға 49-қосымшаға сәйкес нысан бойынша әскери қызметшінің қызмет орнынан анықтама;

      осы Қағидаларға 50-қосымшаға сәйкес нысан бойынша әскери қызметшінің отбасы құрамы туралы анықтама береді.

      Анықтамаларға қызметтік құжаттарға қол қою құқығы берілген әскери бөлім командирі немесе штаб бастығы қолтаңба қояды және елтаңбалы бедерлі мөрмен куәландырылады. Анықтамалар жасау кезінде қызметтік тізімнің 18-тармағына енгізілген барлық отбасы мүшелері көрсетіледі. Анықтамада туыстық дәрежесі, тегі, аты және әкесінің аты (ол бар болған кезде), туған күні көрсетіледі.

      96. Әскери қызметшілер өмірбаянын жеке істердің бірінші данасы үшін хронологиялық жүйелілікпен өз қолымен, анық, еркін үлгі бойынша бір данада жазады және өзі туралы: туған күні мен жері, ұлты, жалпы, арнайы азаматтық және әскери білімі, берілген ғылыми атағы және дәрежелері, еңбек және қоғамдық қызметі, мемлекеттік наградалармен наградталғаны (немен, не үшін және қашан наградталған), отбасы жағдайы, сондай-ақ отбасы мүшелері, өзінің ата-анасы, аға-інілері мен жұбайы (тегі, аты және әкесінің аты (ол бар болған кезде), олардың жеке сәйкестендіру нөмірі мен жеке басын куәландыратын құжаттарында көрсетілген туған жылы мен жері, ұлты, қайда тұрады және немен айналысады) туралы мәліметтерді жазады. Бұдан басқа, әскери қызметшінің және оның жақын туыстарының сотты болғандығы немесе болмағандығы, сондай-ақ қылмыстық жауапкершіліктен босатылғаны туралы мәліметтер көрсетіледі.

      Офицерлер жеке істерінің екінші данасы үшін өмірбаян техникалық құралдармен көбейтіледі.

      Әскери қызметшілердің өз қолымен жазған өмірбаяны лауазымды адамдардың қолтаңбаларымен және елтаңбалы мөрлермен куәландырылмайды. Егер теріліп басылған өмірбаянға қолтаңба қойылмаған болса, олар жеке істерді жүргізуге жауапты лауазымды адамдардың қолтаңбаларымен және елтаңбалы мөрмен куәландырылады.

      Өмірбаян бірінші жазылғаннан кейін келесі қызметтік және қоғамдық қызметтердегі өзгерістер мен толықтырулар, сондай-ақ өмірбаяндағы деректерді осы істерді жүргізетін әскери бөлім мен кадр органы (персоналмен жұмыс бөлімшесі) қызметтік тізімдерде көрсетеді.

      Әскери қызметшілердің өмірбаяндық деректері өзгерген немесе қызметтік тізімдегі деректерге қайшы келетін мәліметтер анықталған жағдайда, бірақ 5 жылдан ерте емес олардан жаңа өмірбаян талап етіледі. Бұл ретте өмірбаянның алдыңғы даналары жеке істерден алынбайды.

      97. Жеке істердің барлық құжаттары (фотокарточкадан және жеке табыс салығы мен мүлік бойынша декларацияны қабылдау туралы құжаттан басқа) бөлімдер бойынша белгіленген үлгідегі көгілдір түсті мұқабаға тігіледі.

      Қызметтік тізім және өмірбаян "Қызметтік тізім, өмірбаян және аттестаттау материалы" деген бөлімнің алдында жеке істің басында тігіледі.

      "Қызметтік тізім, өмірбаян және аттестаттау материалы" деген бөлімде:

      1) аттестаттау парақтары;

      2) жауынгерлік, қызметтік мінездемелері, оның ішінде запаста болған кезеңінде әскери қызметшілерге жасалған мінездемелер;

      3) тағылымдама туралы пікірлер;

      4) әскери қызметшілерді лауазымдарға тағайындауға, лауазымдарында төмендетуге, әскери атақтарынан айыруға және әскери атақтарынан төмендетуге, әскери қызметтен шығаруға ұсынымдардың көшірмелері - жеке істің бірінші данасына;

      5) наградталғаннан кейін, наградтау парақтарының көшірмелері тігіледі.

      Аттестаттау парақтарының, жауынгерлік, қызметтік мінездемелердің және басқа да құжаттардың түпнұсқалары қызмет орындары бойынша жүргізілетін жеке істердің бірінші данасында тігіледі. Осы құжаттардың екінші данасы мен көшірмелері офицерлердің жеке істерінің екінші данасында тігіледі.

      98. Жеке істердің бірінші данасындағы "Қосымша материалдар" деген бөлімде:

      1) егер ол қызмет өткергендігін растайтын құжаттар деп бағаланса, бұрынғы қызметтік тізімдер;

      2) соңғы қызмет (оқу немесе жұмыс) орнынан мінездеме, дене шынықтыру нормативтерін тапсыру нәтижелері, психологиялық тестілеу қорытындысы, медициналық куәландыру материалдары, комиссия хаттамасынан үзінділер, Қазақстан Республикасы Бас прокуратурасы Құқықтық статистика және арнаулы есепке алу комитетінің талабы, қызметі бойынша шектеулер қабылдау туралы міндеттеме және келісімшарт бойынша әскери қызметке түсу кезіндегі арнайы тексеру нәтижелері;

      3) есептік-қызметтік карточкалар (мерзімді әскери қызмет әскери қызметшілері қатарынан әскери оқу орындарына түскен адамдардың);

      4) жауынгерлік іс-қимылы туралы анықтамалар;

      5) жауынгерлік іс-қимылдарға қатысу кезіндегі жарақаты және жараланған немесе ауырған жағдайда емдеу мекемелерінде болуы туралы анықтамалар - жеке істердің тек бірінші данасында тігіледі;

      6) жеке басты куәландыратын құжаттардың, некеге тұру (оны бұзу) туралы куәліктердің, балаларының тууы (асырап алғанын растайтын басқа да құжаттардың) туралы куәліктерінің, орта және жоғарғы әскери және азаматтық оқу орындарын бітіргені туралы, сондай-ақ ғылыми атақ пен дәрежелер беру туралы дипломдар мен аттестаттардың, біліктілікті арттыру курстарынан өткені туралы құжаттардың, еңбек кітапшаларының (бар болған кезде) нотариат растаған көшірмелері;

      7) запастан әскери қызметке шақырылғандарға (келісімшарт бойынша әскери қызметке қабылданғандарға) ЖӘБО берген нұсқамалар;

      8) науқасы туралы куәліктер (анықтамалар);

      9) ұшу жұмыстарынан, сүңгуір қайықтардан тікелей ауыстырылған офицерлер мен мина тралшыларына, сондай-ақ қызмет мүддесінде денсаулық жағдайы немесе жасы бойынша жұмыс көлемі аз лауазымға ауыстырылған офицерлер құрамының әскери қызметшілеріне бұйрықтар көшірмелері немесе үзінділер;

      10) әскери қызмет өткеру туралы келісімшарттар;

      11) ақшалай өтемақы төлеу, келісімшарт жасасу, шығару, бөлімнің тізіміне қосу және одан алып тастау, еңбек сіңірген жылдарын есептеу туралы бұйрықтардан, науқасы туралы куәліктен және әскери-дәрігерлік комиссия қорытындысынан үзінділер;

      12) сот шешімдерінің көшірмелері;

      13) әскери оқу орындары жасайтын және оларды ресімдеу кезінде жеке іске тігілетін курсанттарды оқытуға жұмсалған шығындар есебі (жоғарғы әскери оқу орындарын бітірген адамдар үшін) тігіледі. Шетелде әскери оқу орындарын бітірген курсанттарға оқытуға жұмсалған шығыстар есебін шетелде кадрларды даярлауға жауапты әскери басқару органы жасайды және бітірушілерді бөлген жерлер бойынша таратады.

      Бұдан басқа, жеке істердің бірінші данасының "Қосымша материалдар" деген бөліміне:

      осы Қағидаларға 51-қосымшаға сәйкес нысан бойынша ұшу жұмыстарын есепке алу парағы;

      осы Қағидаларға 52-қосымшаға сәйкес нысан бойынша жүзу өтілін есепке алу парағы;

      осы Қағидаларға 53-қосымшаға сәйкес нысан бойынша парашютпен секірулерді орындауды есепке алу парағы;

      осы Қағидаларға 54-қосымшаға сәйкес нысан бойынша сүңгуірдің су астындағы жұмыстарын есепке алу парағы;

      осы Қағидаларға 55-қосымшаға сәйкес нысан бойынша жер асты құрылыстарында жауынгерлік кезекшілік өткеруді есепке алу парағы тігіледі.

      Парақтар әскери қызметшілерді жаңа қызмет орнына ауыстыру немесе шығару кезінде бөлім штабы бастығының қолтаңбасымен және елтаңбалы мөрмен куәландырылады.

      Әскери қызметке екі жылға шақырылған офицерлердің жеке істеріне шақыруды ресімдеу кезінде жасалған зерделеу парақтары тігіледі.

      Запастан екі жылға әскери қызметке шақырылған офицерлердің жеке істерінде олардың әскери билеттері тігілмеген түрде, ал сержанттар (старшиналар), сарбаздар (матростар) құрамдарының келісімшарт бойынша әскери қызметшілерінің жеке істерінде - есептік-қызметтік карточкалары сақталады.

      Жеке табыс пен мүлік салығы бойынша декларация қабылдау туралы құжаттардың көшірмелері жеке істерге тігілмейді, ол жеке іске өзі бөлек қосылады. Декларацияны қабылдау туралы құжаттың тек соңғы үш жылдағы көшірмелері ғана қоса тіркеледі, көрсетілген мерзімнің өтуі бойынша жойылуы тиіс.

      Әскери қызметші өз жеке ісінің материалдарымен ол алғаш жасалған кезде және одан әрі әрбір төрт жылда бір рет, сондай-ақ ауыстырылған және қызметтен шығарылғанда танысады.

      99. Әр жеке іске әскери қызметшінің ол наградталған (оған берілген) барлық ордендері, медальдары мен басқа да омырауға тағатын айырым белгілері (планкалары) бар әскери киім нысанындағы (бас киімсіз, кительмен) 9х12 өлшемді (кеудесінен, қарсы алдынан) түрлі-түсті фотокарточкасы салынады.

      Фотокарточканың сыртқы бетінде әскери бөлім штабының бастығы немесе кадр органы (персоналмен жұмыс бөлімшесі) бастығының қолтаңбасымен және шартты атауы бар елтаңбалы мөрмен куәландырылған әскери қызметшінің тегі, аты және әкесінің аты (ол бар болған кезде), әскери қызметшінің жеке нөмірі және фотосуретке түскен күні көрсетіледі. Келісімшарт бойынша әскери қызметке қабылданған адамдардың фотосуретке түсулері, олардың әскери киім нысанын алғандарынан кейін ғана жүзеге асырылады. Жеке істерге фотокарточкалар жеке істерді бірінші толтырған кезде салынады. Кейіннен фотокарточкалар міндетті түрде кезекті әр әскери атақ берілгенде - бір ай мерзімде, егер әскери атақ ауыспаған жағдайда - жеті жылдан кейін ауыстырылады. Ауыстырылған фотокарточкалар жеке істерден алынады және жойылады.

      Парадтық киім нысаны өзгерген жағдайда әскери қызметшілердің фотокарточкалары өзгертілмейді.

      Фотокарточкалар "Қосымша материалдар" деген ішкі тізімдемеге жазылады.

      100. Жеке істің әр бөлімінде ішкі тізімдемелер жүргізіледі, онда іске тігілген барлық құжаттардың атауы, нөмірі мен күні және парақтар саны жазылады. Бұл жағдайда құжаттың нөмірі мен күні бұйрықтың, анықтамалар мен басқа да құжаттардың нөмірі мен күні болып табылады. Жеке іске тігілген құжаттардың парақтары нөмірленбейді.

      Жеке істерді салып жіберу кезінде құжаттар тізімдемесі куәландырылмайды.

      101. Жеке істерден жекелеген құжаттарды алу құқық қорғау (арнаулы) органдардың қаулысы негізінде тек әскери бөлім командирінің рұқсатымен жүргізіледі. Ішкі тізімдеменің тиісті бөлімінен алынған құжаттар туралы құжаттың қашан алынғаны, қайда жіберілгені (шығыс нөмірі көрсетіле отырып) немесе алынғаннан кейін қайда тігілетіні туралы жазу жазылады. Егер алынған құжат жойылса, жою туралы актінің нөмірі мен күні көрсетіледі.

      Құжаттарды алу туралы жазба әскери бөлім штабы бастығының немесе кадр органы (персоналмен жұмыс бөлімшесі) бастығының қолтаңбасымен және елтаңбалы мөрмен куәландырылады.

      Жеке істерге тігілген құжаттар қолға берілмейді.

      102. Жеке істердің әр данасында қызметтік тізімнің бірінші бетінің оң жақ жоғарғы бұрышына мөртаңба қойылады немесе дананың нөмірі туралы "1-ші дана", "2-ші дана" деген жазу жазылады.

      Жеке істердің мұқабасына 127х11 мм өлшемді қағаз жолақшалар жапсырылады, онда әскери қызметшінің әскери атағы (Times New Roman әрпімен, әріп өлшемі 20, белгіленген мәтінді жартылай майлы жазуды қолдана отырып бас әріппен) тегі мен инициалдары (ол бар болған кезде) басылады. Жеке істің сыртқы бетінде әскери қызметшінің тегі, аты мен инициалдары көрсетіледі, ол 104х10 мм өлшемді қағаз жолақшаларға басылады. Жолақшалар жеке істің жоғарғы шетінен 60 мм қашықтықта желімденеді.

      Есепке алу кітабы бойынша жеке іс есепке алынған нөмір істің тысына сол жақ жоғарғы бұрышында рамасыз 45х30 мм өлшемді қағаз жапсырмаға қойылады.

      Жеке істе "Құпия" құпиялылық белгісі немесе "Қызмет бабында пайдалану үшін" шектеу белгісі бар құжаттар болған жағдайда, мұқабаның оң жақ жоғары бұрышында "Құпия" немесе "Қызмет бабында пайдалану үшін" мәтіні бар 30х10 мм өлшемді қағаз жапсырма жапсырылады.

      Бір кадр органында (персоналмен жұмыс бөлімшесінде) жеке істің екі данасы да болған жағдайда оларға бір нөмір беріледі, ал есепке алу кітабында осы нөмірмен есепке алынған даналардың саны туралы белгі қойылады.

      103. Есепке алынған деректердің толықтығы мен дұрыстығын өзара тексеру үшін офицерлердің қызмет орны бойынша әскери бөлімдерде жүргізілетін жеке істерді кадр органдарының (персоналмен жұмыс бөлімшелерінің) жеке істерімен салыстырып тексеру жүргізіледі.

      104. Шығарылуға жататын офицерлердің жеке істерінің бірінші данасы олардың зейнетақыға еңбек сіңірген жылдарын есептеуді дайындау үшін кадр органдарына (персоналмен жұмыс бөлімшелеріне) жіберіледі. Қажет болған кезде офицерлердің жеке істері екінші данасымен салыстырып тексеріледі. Жекелеген жағдайларда зейнетақыға еңбек сіңірген жылдарын есептеу үшін кадр органдары (персоналмен жұмыс бөлімшелері) бастықтарының шешімі бойынша офицерлердің жеке істерінің екінші данасын пайдаланылуы мүмкін.

      Сержанттар (старшиналар), сарбаздар (матростар) құрамдары келісімшарт бойынша әскери қызметшілерінің жеке істері жоғары тұрған басқару органы қызмет өткергендігін растағаннан кейін зейнетақыға еңбек сіңірген жылдарын есептеу үшін ҚР ҚМ Зейнетақымен қамсыздандыру орталығына (бұдан әрі - ЗҚО) ұсынылады.

      Жеке істерді жіберер алдында қызметтік тізімнің 10 және 11-бағандарында жеңілдік шарттарында зейнетақыға еңбек сіңірген жылдарын есептеуге құқық беретін көрсетілген әскери қызметтің барлық кезеңдері мұқият тексерілуі және аттестаттау және қосымша құжаттар деректерімен салыстырылуы және бұйрықтармен немесе тиісті құжаттармен расталуы тиіс. Мерзімді әскери қызмет кезеңдері олар тек күмән тудырған жағдайларда бұйрықтармен нақтылануы және расталуы тиіс.

      Әскери қызмет өткеру туралы деректер нақтыланғаннан және расталғаннан кейін қызметтік тізімнің 10 және 11-бағандарындағы жазбаларды:

      офицерлердің жеке істерінде - кадр органының (персоналмен жұмыс бөлімшесінің) бастығы;

      сержанттар (старшиналар), сарбаздар (матростар) құрамдары келісімшарт бойынша әскери қызметшілерінің - бөлім штабының бастығы куәландырады.

      Зейнетақыға еңбек сіңірген жылдарын есептеу жасалғаннан кейін жеке істердің бірінші данасы әскери қызметшілердің қызмет орындары бойынша әскери бөлімдерге қайтарылады.

      Әскери қызметшілерді шығаруға ұсыну алдында олар қызметтік тізімдердегі жазбалармен және зейнетақыға еңбек сіңірген жылдарын есептеумен таныстырылады.

      Шығару туралы бұйрық шыққаннан кейін қызметтік тізімнің 10-бағанында Заң бабының қай тармағы, тармақшасы бойынша әскери қызметші шығарылғаны және шығару туралы бұйрық тармағының тұжырымы, бөлім бойынша бұйрықтың нөмірі мен мерзіміне сүйене отырып, бөлім жеке құрамының тізімінен алып тастау уақыты, сондай-ақ әскери есепке қойылған орны жазылады.

      Осы бағанда әскери қызметшілерді соғыс уақытында қандай лауазымдарда пайдалануға болатыны қарындашпен көрсетіледі. Бұл ретте офицерлердің жеке істерінің екінші данасының қызметтік тізімдерінде оларды запаста мақсатқа сәйкес есепке алатын әскери-есептік мамандықтарының нөмірі де көрсетіледі.

      Зейнетақымен қамтамасыз ету құқығымен шығарылған әскери қызметшілердің жеке істерінің бірінші данасында зейнетақыға еңбек сіңірген жылдарын есептеудің түпнұсқасы, шығару туралы бұйрықтардан үзінділер, бөлімнің тізімінен алып тастау туралы бұйрықтардан үзінділер қоса тіркеледі. Жеке істердің екінші данасына осы құжаттардың көшірмелері қоса тіркеледі.

      105. Әскери басқару органдарының кадр органдары (персоналмен жұмыс бөлімшелері) бастықтарының нұсқаулары бойынша жеке істердің екінші данасын жүргізу үшін әскери бөлімдерден ұшу жұмыстарын, жүзу өтілін, парашютпен секіруді орындауын, сүңгуірдің су астындағы жұмыстарын, жерасты құрылыстарында жауынгерлік кезекшілік өткеруін есепке алу парақтарының көшірмелері және жеке істердің бірінші данасында бар басқа да құжаттардың көшірмелері талап етілуі мүмкін.

      106. Запастағы офицерлерге аттестатталатын әскери міндеттілер мен әскери қызметшілерге, сондай-ақ екі жылға шақыру бойынша әскери қызметке шақырылатын жоғарғы оқу орындарын бітірушілерге жеке істер осы Қағиданың 93-104-тармақтарына сәйкес жүргізіледі, есепке алынады, сақталады және жөнелтіледі.

      107. Әскери қызметтен шығарылатын әскери қызметшілердің жеке істері шығарудан алты ай бұрын жеке құрамды есепке алуды жүзеге асыратын тиісті әскери басқару органында қызмет өткеруін растағаннан кейін әскери бөлімдер ЗҚО-ға жібереді.

      Жеке істерді жіберер алдында қызметтік жазбада көрсетілген әскери қызметтің барлық кезеңдері, сондай-ақ жеңілдік шарттарында зейнетақыға еңбек сіңірген жылдарын есептеуге құқық беретін жазбалар тексеріледі және аттестаттау және қосымша құжаттар деректерімен салыстырылады және бұйрықтармен немесе тиісті құжаттармен расталады.

      Әскери қызметшінің еңбек сіңірген жылдарын есептеу үшін жіберілетін жеке іс мынадай құжаттардан тұрады:

      1) қызметтік тізім (қызмет өткеруін растайтын);

      2) қызмет өткергенін, оның ішінде жеңілдік шарттарында өткергенін растайтын әскери бөлімдер командирлері бұйрықтарынан үзінділер немесе архивтік анықтамалар;

      3) мерзімді әскери қызмет өткергенін растайтын құжат (әскери билеттің түпнұсқасы және/немесе ЖӘБО-дан анықтама);

      4) басқа мемлекеттік органдарда немесе басқа елдердің Қарулы Күштерінде, оның ішінде жеңілдік шарттарында қызмет өткергенін растайтын құжаттар;

      5) еңбек кітапшасының түпнұсқасы және оның көшірмесінен (еңбек өтілі болған кезде), дипломның, білімі туралы аттестаттың және куәліктің, балалардың туу туралы куәліктерінің (әскери қызметші әйелдер үшін) көшірмелері және еңбек қызметін растайтын басқа да құжаттар;

      6) 2016 жылғы 1 қаңтарға дейін әскери қызметшілердің пайдасына бюджет қаражаты есебінен аударылған міндетті зейнетақы жарналарының елу проценті дербес шот есебінен шығарылғаны туралы анықтама-растау;

      7) 1998 жылғы 1 қаңтардан кейін еңбек өтілі бар болса, міндетті зейнетақы жарналары аударымдарын растайтын құжаттарды ұсыну қажет.

      ЗҚО осы тармақта көрсетілген құжаттарды алғаннан кейін бес жұмыс күні ішінде зейнетақыға еңбек сіңірген жылдарын есептеуді жүргізеді.

      Құжаттар көшірмелері "Нотариат туралы" 1997 жылғы 14 шілдедегі Қазақстан Республикасы Заңының 34-бабында белгіленген тәртіппен куәландырылған жағдайлардан басқа ұсынылған түпнұсқалармен салыстырып тексергеннен кейін құжаттар көшірмелерін бөлімшенің лауазымды адамы куәландырады.

10-параграф. Әскери билеттерді жүргізу

      108. Әскери бөлім командирлері мен штабтар бастықтары, әскери қызметшілердің әскери билеттерін дұрыс жүргізуге назар аударуы тиіс. Әскери билет нысаны ҚР ҚМ 2017 жылғы 24 қаңтардағы № 28 бұйрығымен бекітілген Әскери міндеттілер мен әскерге шақырылушыларды әскери есепке алу қағидаларында (нормативтік құқықтық актілерді мемлекеттік тіркеу тізілімінде № 14881 болып тіркелді) бекітілген. Әскери қызметші бөлімге келісімен олардың әскери-есептік құжаттарындағы жазбалар әскери қызметшімен жеке әңгімелесуде мұқият тексеріледі. Әскери қызметшінің қызметі жөніндегі барлық өзгерістер (әскери атақтар беру, лауазымдық жағдайындағы, біліміндегі, отбасы жағдайындағы өзгерістер) міндетті түрде оның құжаттарында көрсетіледі. Әскери билетті дұрыс жүргізуге ерекше назар аударылады. Әскери билеттегі жазбалар мазмұны бойынша қысқа және түсінікті болуы тиіс, анық жазумен, өшірусіз және түзетусіз қара түсті қаламсаппен жүргізіледі. Лауазымды адамдардың қолтаңбалары анық болуы тиіс. Әскери билеттерде жазбаларды басқа түспен және қарындашпен жүргізуге рұқсат етілмейді.

      109. Әскери билетті толтыру кезінде оларға мынадай деректер енгізіледі:

      1) 8-тармақта келісімшарт бойынша әскери қызметке айқындалған күні көрсетіледі. Осы тармаққа әскери бөлім штабының бастығы жазба жасайды;

      2) 10-тармақ әскери қызметшіні бөлім тізіміне қосу және лауазымға тағайындау кезінде толтырылады. Әскери бөлімдер шартты атауы бойынша, ал шартты атаулары жоқ бөлімдер нақты атауы бойынша жазылады. Әскери бөлім атауы әрбір лауазым үшін жазылады.

      Келген жас буын лауазымға тағайындаусыз бөлімнің тізіміне алынған жағдайда, "Лауазымы" деген бағанда "Штаттан тыс" деп көрсетіледі.

      Әскери қызметшіні бір әскери бөлімнен басқасына ауыстыру, сондай-ақ запасқа шығару кезінде әскери қызмет өткергені туралы жазба әскери бөлім штабы бастығының қолтаңбасымен және мөрмен куәландырылады, бұл ретте әскери қызметші бөлімде қызмет өткерген уақытта екінші мамандықты меңгерсе алынған мамандығы туралы жазба жасалады;

      3) 3-бөлімде бекітіліп берілген қару-жарақ пен техникалық мүліктің атауы, саны мен берілген және оны тапсырған күні көрсетіледі;

      4) 11-тармақ әскери қызметші әскери ант қабылдағаннан кейін толтырылады. Жазба әскери бөлім штабы бастығының қолтаңбасымен және мөрмен куәландырылады;

      5) 12-тармақта әскери қызметшінің ұрыс қимылдарына қатысқаны жөніндегі мәліметтер әскери бөлімнің тиісті құжаттары негізінде жазылады. Жазба әскери бөлім штабы бастығының қолтаңбасымен және мөрмен куәландырылады;

      6) 14-тармақта әскери қызметші алған барлық ордендер, медальдар, омырауға тағатын белгілер мен бағалы сыйлықтар және оларды тапсырған күндер жазылады. Жазбалар орден кітапшалары, куәліктер және басқа да растау құжаттары негізінде жүргізіледі;

      7) 15-тармақта әскери қызметшіге берілген әскери атақтар мен мамандығы бойынша сыныптылығы жазылады;

      8) 19-тармақта әскери мамандықтың толық кодтық белгісі толтырылады, онда алғашқы үш сан әскери-есептік мамандықты, кейінгі төрт сан - лауазым кодын белгілейді;

      9) 20-тармақта әскери міндеттінің лауазымдық біліктілігі жазылады, ол әскери-есептік мамандықтың (бұдан әрі - ӘЕМ) толық жеті сандық белгісіне, лауазымның кодына, қызметтің ерекше белгілеріне сәйкес келуі тиіс. Басында әскери міндетті даярланған лауазым, одан кейін оның ӘЕМ-і мен қызметтің ерекше белгілері көрсетіледі.

      110. Соғыс уақытында әскери қызметші емдеу мекемесінде емделуде болған жағдайда 6-бөлімде емдеу мекемесінің атауы, емделуде болу себебі мен уақыты (қай күннен бастап қай күнге дейін) жазылады. Жазба емдеу мекемесі бастығының қолтаңбасымен және мөрмен куәландырылады.

      111. Мерзімді әскери қызмет әскери қызметшілерін шығару кезінде әскери билеттің 9-тармағында және нұсқамада шығару немесе запасқа тарату негізі көрсетіледі. Бұл ретте жазба Заңның 26-бабына сәйкес жүргізіледі. ЖӘБО-да әскери есепке тұру күні қосымша көрсетіледі.

      Әскери билеттің 13-тармағында бөлім қолбасшысының оның әскери дайындығын және әскери-есептік мамандықтың нөмірін көрсете отырып, алған тәжірибесін ескере отырып, запасқа шығарылушының соғыс уақытында анағұрлым мақсатқа сәйкес келуі туралы қорытынды жазылады. Әскери билеттің соңғы тысының ішкі жағына есептік-қызметтік карточка бекітіліп қойылады.

      Әскери-дәрігерлік комиссия куәландырған және науқасы бойынша шығарылған әскери қызметшілер әскери билеттерінің 6-бөлімінде және есептік-қызметтік карточкасының 23-тармағында қашан, қандай комиссия және қандай негізде (науқасы туралы куәлік) олар әскери қызметке жарамсыз немесе шектеулі жарамды деп танылды деген жазба жасалады.

      21-тармақтағы жазба тек әскери есептен шығара отырып, әскери қызметке жарамсыз деп танылған адамдарға ғана жүргізіледі. Жазбалар науқасы туралы куәлік және әскери-дәрігерлік комиссияның қаулысы негізінде жүргізіледі.

      Егер келісімшарт бойынша әскери қызметшінің билеті жоқ болса, онда осындай жазба әскери билетті берген кезде ЖӘБО-да жүргізіледі.

      112. Әскери міндеттілер оқу-жаттығу жиындарынан өткен кезде әскери билеттің 11-тармағы мен есептік-қызметтік карточкасының 18-бағанында бұрын оны қабылдамаған адамдардың әскери ант қабылдағаны туралы жазба жасалады.

      Әскери билеттің 4-бөлімінде әскери міндеттілердің оқу-жаттығу жиындарынан өткені туралы жазба жасалады, әскери бөлім штабы бастығының қолтаңбасымен және мөрмен куәландырылады.

      Әскери билеттің 15-тармағында және есептік-қызметтік карточкасының 19-тармағында оқу бағдарламасын ойдағыдай аяқтаған әскери міндеттілерге әскери атақтар берілгені туралы белгі қойылады. Әскери атақтар берілгені туралы бұйрықтан үзінділер әскери есепте тұратын жері бойынша ЖӘБО-ға жіберіледі.

      Әскери қызмет өткермеген әскери міндеттілерге, сондай-ақ оқу-жаттығу жиындарында ӘЕМ бойынша даярлықтан өткен адамдарға әскери билеттің 13-тармағында оларды соғыс уақытында пайдалану туралы қорытынды жасалады.

      113. Әскери қызметте тұратын әскери қызметшілерге жоғалғанның немесе бүлінгеннің орнына әскери билеттер әскери бөлім орналасқан жері бойынша ЖӘБО-да беріледі. Осы әскери қызметшілерге әскери билеттер беру үшін есептік-қызметтік карточкаларының, бөлім командирінің бұйрықтарынан үзінділер мен жеке басын куәландыратын құжаттың расталған көшірмелерін қоса бере отырып, әскери бөлім командирлерінің өтініштері негіз болып табылады. Әскери қызметшінің жасына сәйкес келетін және қатаң түрде жарық жерде алдынан түсірілген, бет бейнесі фотокарточканың жалпы ауданының шамамен 70%-ін алатындай жасалатын қосымша фотокарточкасы ұсынылады. Көрсетілген материалдар ЖӘБО-да қалады.

      Егер жоғалған әскери билеттер жаңа құжаттар берілгенге дейін табылған жағдайда олар әскери қызметшілерге қайтарылады. Бұл ретте оларға жаңа әскери билеттер берілмейді, жою үшін әскери билет толтырылған ЖӘБО-ға қайтарылады. Егер жоғалған құжаттар әскери бөлімдерге жаңа әскери билеттер берілгеннен кейін келіп түссе, онда табылған құжаттар жойылады.

      Бас бостандығынан айыруға сотталған адамдардың әскери билеттері үкім заңды күшіне енгеннен кейін әскерге шақырылған орны бойынша ЖӘБО-ға жіберіледі.

      114. Қазақстан Республикасының азаматтары қатарынан әскери оқу орындарына қабылданған курсанттарға әскери билеттер оқуға қабылданғаннан кейін әскери оқу орындары бастықтарының өтінімдері бойынша әскери оқу орындары орналасқан жер бойынша ЖӘБО-да ресімделеді.

      Курсанттарға алғашқы офицер атағы берілгеннен кейін әскери оқу орындарында оларға қызметтік куәлік беріледі. Әскери билеттері алынады және жою үшін ЖӘБО-ға жолданады.

3-тарау. Соғыс уақытында Қазақстан Республикасы Қарулы Күштерінің жеке құрамын есепке алуды жүргізу

1-параграф. Соғыс уақытында жеке құрамды есепке алудың ерекшеліктері

      115. Соғыс уақытында жеке құрамды есепке алу осы тарауда жазылған ерекшеліктерді ескере отырып жүргізіледі.

      116. Соғыс уақытында жеке құрамды есепке алу үшін:

      1) ҚР ҚК кадрындағы жеке құрамға - бейбіт уақытта оған жүргізілген есепке алу құжаттары;

      2) жұмылдыру бойынша запастан әскерге шақырылған жеке құрамға:

      офицерлерге - ЖӘБО-дан алынған жеке істер мен қызметтік карталар қолданылады;

      сержанттар мен сарбаздарға - әскери билеттер деректері бойынша есептік-қызметтік карточкалар ресімделеді.

      ҚР ҚМ кадр органында запастан әскерге шақырылған офицерлер мен жұмылдыру кезеңінде басқа лауазымға ауыстырылған офицерлерді есепке алу үшін осы Қағидаларға 56-қосымшаға сәйкес нысан бойынша бақылау карточкалары қолданылады.

      117. Жұмылдыру бойынша келген жеке құрам келген күні әскери бөлімнің тізіміне қосылады. Әскери қызметшілерді тағайындау (ауыстыру) осы бөлімдердің командирлері таратуды аяқтағаннан кейін бейбіт уақыт бойынша белгіленген номенклатураға қарамастан, жұмылдыра тағайындауға сәйкес әскери бөлім бойынша бұйрықпен жүргізіледі. Бұйрықтар әскери қызметшілердің лауызымдық жағдайларын айқындау үшін негіз болып табылады, тағайындау туралы жазбалар барлық есепке алу құжаттарына енгізіледі.

      118. Жұмылдыру бойынша шақырылған әскери міндеттілер әскери бөлімге жіберу үшін ЖӘБО-ға келген күннен бастап әскери қызметте тұр деп есептеледі.

      Жұмылдыру бойынша әскерге шақырылған жеке құрамның әскери билеттерінде, офицерлердің жеке істері мен қызмет карталарында жұмылдыру бойынша шақырылған және қызмет орнына жіберілген күні туралы жазба жасалады, ол ЖӘБО бастығының қолтаңбасымен және елтаңбалы мөрмен куәландырылады. Жұмылдыру бойынша әскери бөлімге тікелей келген адамдардың немесе осы кезеңде оқу-жаттығу жиындарында болғандардың әскери билеттеріне олардың шақырылған уақыты туралы белгіні әскери бөлім штабының бастығы қояды. Запастан әскерге шақырылған офицерлер қызметтік куәлік алғанға дейін олардың әскери билеттеріне лауазымға тағайындалғаны туралы және қызмет жағдайындағы кейінгі өзгерістер туралы жазба енгізіледі.

      Қызметтік куәлікті беру кезінде запастан әскерге шақырылған офицерлердің әскери билеттері алынады және олардың жеке істерінде сақталады.

      119. Қазақстан Республикасының әрекеттегі әскерлерінің құрамына кірмейтін әскери бөлімдерде жұмылдыру кезеңінде жаңа қызмет орнына ауыстырылған офицердің қолына нұсқамамен бірге мөрленген пакетте жеке ісі беріледі. Жеке істердің екінші данасы, ал Қазақстан Республикасының шегінен тыс кеткендердің қызмет карталары офицерлер кеткен әскери бөлімдердің кадр органдарына (персоналмен жұмыс бөлімшелеріне) жіберіледі.

      120. Офицерлерді әрекеттегі әскерлерге іссапарға жіберу кезінде офицерлердің жеке істерінің бірінші данасы Орталық мұрағатқа тапсырылады (жіберіледі).

      Офицерлердің жеке істерінің екінші данасы және запастан екі жылға әскерге шақырылған офицерлердің жеке істері немесе қысқартылған жеке істері офицерлердің қолына мөрленген пакетте беріледі немесе офицерлер кеткен әскери бөлімдердің (жедел қолбасшылықтың) кадр органдарына (персоналмен жұмыс бөлімшелеріне) қызмет картасымен бірге жіберіледі. Егер офицерлер команда құрамында әрекеттегі әскерлерге кетсе, онда жеке істері немесе қысқартылған жеке істері команда басшысының қол қоюымен мөрленген пакетте беріледі.

      Офицерлерге жеке істері бар пакеттер берілуі туралы нұсқамаларға белгі қойылады.

      121. ЖӘБО жұмылдыру бойынша әскерге шақырылған офицерлерге, олардың жеке істерін офицерлер жіберілген орын бойынша тікелей әскери бөлімдерге жібереді. Әскери бөлімдердің штабтары жеке істерді алған кезде олардан жеке нөмірлі жетондарды алып тастайды және оларды офицерлерге табыс етеді.

      122. Құралатын жедел (жедел-стратегиялық) қолбасшылықтардың кадр органдарында (персоналмен жұмыс бөлімшелерінде) офицерлерді дербес және штаттық-лауазымдық есепке алу жедел (жедел-стратегиялық) қолбасшылықтардың құрамына келген құрамалардан және жеке әскери бөлімдерден алынған есепке алу құжаттары бойынша жүргізіледі. Құрамалардан жедел (жедел-стратегиялық) қолбасшылықтарға дейінгіні қоса алғанда кадр органдарында (персоналмен жұмыс бөлімшелерінде) кадр органдары (персоналмен жұмыс бөлімшелері) жасайды.

      Бұдан бұрын әскери қызмет өткерген және жұмылдыру бойынша запастан әскерге шақырылған офицерлерге қажет болған кезде жеке істердің екінші данасы тиісті ЖӘБО-дан сұралады.

      123. ҚР ҚК түрлерінің, әскер тектері мен жедел қолбасшылықтарының кадр органдарында (персоналмен жұмыс бөлімшелерінде) жұмылдыру бойынша запастан әскерге шақырылған офицерлерді дербес есепке алуды ұйымдастыру үшін осы кадр органдарының (персоналмен жұмыс бөлімшелерінің) анықтама картотекаларында сақталатын қызмет карталары пайдаланылады. Егер офицерлердің қызмет карталары болмаса, оларға әскерлерден алынған бұйрықтар негізінде қысқартылған қызмет карталары жазылады. ҚР ҚК түрлерінің, әскер тектері мен жедел қолбасшылықтарының кадр органдарына (персоналмен жұмыс бөлімшелеріне) қысқартылған қызмет карталарын толыққа ауыстыру қажет болған кезде ҚР ҚМ кадр органында жүргізілген қызмет карталарының көшірмелерін өзі үшін түсіріп алады немесе оларды тиісті архивтерден сұрайды.

      124. Әрекеттегі әскерлердің бөлімшелерінде, әскери бөлімдерінде, құрамалары мен әскери басқару органдарында жеке құрамды есепке алу мынадай ерекшеліктерді сақтай отырып жүргізіледі:

      1) әрекеттегі әскерлер әскери бөлімдерінің штабтарында офицерлерге, сержанттар (старшиналар), сарбаздар (матростар) құрамдарының әскери қызметшілеріне жеке істер жүргізілмейді. Әскери бөлім әрекеттегі әскерлер құрамына кеткен кезде офицерлердің, сержанттар (старшиналар), сарбаздар (матростар) құрамы әскери қызметшілерінің жеке істерін Орталық мұрағатқа немесе Қорғаныс министрінің бірінші орынбасары - ҚР ҚК БШ бастығының нұсқауы бойынша Орталық мұрағатқа тапсыру үшін бөлімдердің орналасу орны бойынша тиісті ЖӘБО-ға беріледі. Офицерлердің жеке істерінің екінші данасы, запастан екі жылға әскерге шақырылған офицерлердің жеке істері немесе қысқартылған жеке істері, сондай-ақ жұмылдыру бойынша шақырылған офицерлердің жеке істері (оның ішінде әскери бөлім командирінің тағайындау номенклатурасы офицерлерінің жеке істері де) соғыс уақытында офицерлер құрамын тағайындау номенклатурасына сәйкес әскери бөлімдердің (жедел қолбасшылықтардың) кадр органдарына (персоналмен жұмыс бөлімшелеріне) бағыныстылығы бойынша беріледі (жіберіледі);

      2) жұмылдыру бойынша шақырылған офицерлердің қызмет карталары қызмет картотекасы бойынша офицерлерді есепке алуды жүргізетін тиісті кадр органдарына (персоналмен жұмыс бөлімшелеріне) беріледі (жіберіледі). Сержанттар (старшиналар), сарбаздар (матростар) құрамдары әскери қызметшілерінің жеке істерінен есептік-қызметтік карточкалары алынады және олар жалпы картотекаға қосылады.

      Жедел-стратегиялық қолбасшылық құрамына кіретін әскери бөлімдер жеке істерді:

      офицерлерге, сержанттар (старшиналар), сарбаздар (матростар) құрамдарының әскери қызметшілеріне - жедел қолбасшылықтың кадр органына (персоналмен жұмыс бөлімшесіне);

      жедел-стратегиялық қолбасшылықтың тікелей бағынысындағы әскери бөлімдер - Орталық мұрағатқа тапсырады.

      Ұрыс қимылдары басталысымен желілік батальондар (дивизиондар) штабтарында екі данада тәуліктік ведомость жасалады, оның бірінші данасы әскери бөлім штабына ұсынылады.

      Барлық әскери бөлімдерде (емдеу мекемелерінен басқа) және желілік батальондарда (дивизиондарда) тәуліктік ведмосының "4. Адамдардан тұрады" деген бөлімі "4. Өткен тәулік ішіндегі шығындар:

      1) қаза тапты және қайтыс болды;

      2) хабарсыз кетті;

      3) тұтқынға түсті;

      4) жарақаты, жауынгерлік зақымдануы және науқасы бойынша эвакуацияланды;

      5) өзге де шығындар;

      шығындардың жиыны" бөлімімен ауыстырылады.

      Емдеу мекемелеріндегі тәуліктік ведомостың "4. Адамдардан тұрады" деген бөлімі "4. Тәулік ішінде кеткені:

      1) шығарылды және саптық қызметке жарамдылары әскерге жіберілді;

      2) шығарылды және саптық емес қызметке жарамдылары әскерлерге жіберілді;

      3) шығарылды және жазылғандары бөлімдерге жіберілді;

      4) демалысқа шықты;

      5) 6-12 айдан кейін қайта куәландырумен запасқа шығарылды;

      6) есептен алып тастай отырып шығарылды;

      7) жарақаттардан және аурудан қайтыс болды;

      8) басқа емдеу мекемелеріне эвакуацияланды;

      9) тұрақты құрамнан іссапарға жіберілді;

      кеткендердің жиыны" бөлімімен ауыстырылады.

      125. Жауынгерлік тапсырмалар орындау үшін қарсыластың тылына жіберілген бөлімшелерде, әскери бөлімдер мен құрамаларда жеке құрамды есепке алу:

      ротада, батальонда және оларға теңестірілгендерде - жеке құрамды есепке алу кітабында;

      әскери бөлім штабында және құрама басқармасында - жеке құрамды әліпбилік ретпен есепке алу кітабында жүргізіледі.

      Бөлімшелер мен бөлімдер қарсыластың тылында болған кезеңде басқа есепке алу құжаттары жүргізілмейді. Жіберу алдында олар әскери бөлім, құрама штабы бастығының нұсқауы бойынша штабқа және кадр органдарына уақытша сақталуға тапсырылады;

      Құрама штабының жасақтау органдарында осы Қағидаларға 57-қосымшаға сәйкес нысан бойынша келген жас буынды (оның ішінде жалғыз) есепке алу журналы жүргізіледі:

      1) келіп түскен күні, қайдан келді, құрамы бойынша саны (офицерлердің, сержанттардың, сарбаздардың);

      2) қандай әскери бөлімдерге және жеке құрамның қанша саны берілді;

      3) жас буынға атаулы тізімдер (нұсқамалар) қай іске тігілді.

      Жеке құрамды ұшақтармен, тікұшақтармен, корабльдермен және кемелермен тасымалдау кезінде тасымалдайтын бөлімдердің (құрамалардың, емдеу мекемелерінің) штабтары тасымалдануға тиісті барлық әскери қызметшілерге әрбір ұшаққа, тікұшаққа, корабльге, кемеге осы Қағидаларға 58-қосымшаға сәйкес нысан бойынша әуе (теңіз) көлігімен тасымалданатын жеке құрамның атаулы тізімін екі данада жасайды.

      Атаулы тізімнің бірінші данасы отырғызу пунктінің комендантына тапсырылады, ол оны жоғары тұрған штабқа жібереді. Екінші данасы әскери бөлімнің (құраманың) штабында қалады;

      Жедел қолбасшылықтың әскери басқару органында апта сайын жұмада тәуліктік ведомость жасалады.

      126. Құрамалардың және әскери бөлімдердің командирлеріне:

      1) жас буын ретінде келген, бірақ әлі әскери бөлім бөлімшелері мен штабының есепке алу құжаттарына қосылмаған жеке құрамды жауынгерлік тапсырмалар орындауға жіберуге;

      2) басқа әскери бөлімдердің (жорық, марш жасау, қайта орналасу кезінде, сондай-ақ ұрыс уақытында қалып қойған) әскери қызметшілерді әскери бөлім тізіміне өз еркімен қосуға рұқсат етілмейді. Өз бөлімдерінен қалып қойған әскери қызметшілер олардың қызмет орындарына немесе бірлестіктің жинау-жөнелту пунктіне жіберіледі.

      127. Бөлімшелердің, взводтардың, роталардың, батареялардың, эскадрильялардың және оларға теңестірілген бөлімшелердің комадирлері, сондай-ақ барлық деңгейдегі бөлімшелер мен қызметтердің командирлері:

      1) жеке құрамды марш басталар алдында, аялдау уақытында және жорық аяқталғаннан кейін, ұрыс қимылдары басталар алдында, жауынгерлік іс-қимылдар барысында және одан кейін тексереді;

      2) соғыс жағдайының кез келген жағдайларында қатардан шыққан әрбір әскери қызметшіні және оның кету себептерін білулері тиіс;

      3) күн сайын және әрбір ұрыстан кейін өзінің тікелей бастығына жеке құрамда болған шығындар туралы баяндайды.

      128. Офицерлерді есепке алу осы Қағидаларға 59-қосымшаға сәйкес нысан бойынша соғыс уақытында әрекеттегі әскерлердің офицерлерін есепке алу схемасы бойынша жүргізіледі. Бұл ретте жедел қолбасшылықтан және одан жоғары кадр органдарында (персоналмен жұмыс бөлімшелерінде) штаттық-лауазымдық есепке алу кітабы әрбір құрама (жеке бөлім) бойынша, тиісті командирлер (қолбасшылар) мен жоғары тұрған инстанциялардың жеке құрам бойынша бұйрығымен тағайындалған номенклатураға кіретін лауазымдар бойынша жеке жүргізіледі.

      Әрекеттегі әскерлер бірлестігінің кадр органдарында (персоналмен жұмыс бөлімшелерінде) офицерлер құрамына штаттық-лауазымдық картотека жүргізілмейді.

      129. Қаза табу (қайтыс болу), жаралану, жауынгерлік зақымданулар, ауру салдарынан және басқа да себептермен қатардан шыққан жеке құрамды дербес есепке алу әскери бөлімнің бөлімшелерінде жүргізіледі:

      1) бөлімшеде және взводта - бөлімшелер мен взводтардың командирлері қатардан шыққан барлық әскери қызметшілер туралы ұрыс барысында және ұрыстан кейін жеке құрамның барын тексергеннен кейін өзінің тікелей бастығына баяндайды;

      2) ротада (батареяда) - қатардан шыққан барлық әскери қызметшілерге осы Қағидаларға 60-қосымшаға сәйкес нысан бойынша қатардан шыққан әскери қызметшілердің атаулы тізімі жасалады. Қатардан шыққан әскери қызметшілер бар болған кезде атаулы тізім күн сайын батальон (дивизион, әскери бөлім штабы) командиріне ұсынылады;

      3) батальонда (дивизионда) - батальонның (дивизионның) медициналық пункттерінің деректерімен салыстырылған жеке құрамның шығыны туралы роталар (батареялар) мен арнайы бөлімшелердің атаулы тізімдерінің деректері негізінде әскери бөлімнің штабына күн сайын тәуліктік ведомоспен бірге ұсынылатын рота үшін белгіленген нысан бойынша батальонның (дивизионның) қатардан шыққан жеке құрамына жалпы атаулы тізім жасалады.

      130. Әскери бөлім штабында бөлімше командирлері ұсынған қатардан шыққан барлық әскери қызметшілердің атаулы тізімдері әскери бөлімнің медициналық пунктінің есепке алу деректерімен салыстырылып тексеріледі. Тізімдерде жараланғандар мен науқастардың қайсысы медициналық пункт арқылы өтті және кім медициналық пунктен өтпей жарақаты, жауынгерлік зақымдануы және басқа да себептер бойынша бөлім құрамынан шыққанына белгі қойылады. Көрсетілген тізімдер, сондай-ақ қайтыс болғандарды жерлеуді ұйымдастыру бойынша команда бастығына ұсынылатын осы Қағидаларға 61-қосымшаға сәйкес нысан бойынша әскери зиратта (бауырластар зиратында) жерленген жеке құрамның атаулы тізімі негізінде саптық бөлім бойынша бұйрық шығарылады, онда ұрыста өлтірілген, тұтқынға түскен, жарақаттардан қайтыс болған, науқасы, жарақаты, жауынгерлік зақымданулары салдарынан және басқа да себептермен эвакуацияланған барлық әскери қызметшілер мен қызметкерлер бөлімнің тізімдерінен алып тасталады. Бөлімнің жеке құрамын әліпбилік ретпен есепке алу кітабында тиісті жазба жасалады.

      131. Қаза тапқан, қайтыс болған және хабарсыз кеткен және құрамалар шегінен тыс емделуге эвакуацияланған жеке құрам ҚР ҚК тізімінен жеке құрам бойынша бұйрықпен алынып тасталады. Жеке құрамды есепке алуды ұйымдастыру үшін оларды тізімнен алып тастау туралы бұйрықтар жедел қолбасшылықтың әскери басқару органдарына таратылады.

      132. Әскери бөлім тізімінен алып тасталатын жеке құрам (қаза тапқан, қайтыс болған, хабарсыз кеткен, тұтқынға түскен және құрама шегінен тыс емдеуге эвакуацияланған) бұйрықта жеке параграфпен топтарға бөлінеді: офицерлер, сержанттар, сарбаздар және азаматтық персонал адамдары.

      133. Әскери бөлімнен кеткен жеке құрам мынадай мерзімдерде тізімдерден алып тасталады:

      1) қаза тапқандар (қайтыс болғандар), тұтқынға түскендер, ҚР ҚК қатарынан шығарылғандар, сондай-ақ басқа әскери бөлімге ауыстырылғандар немесе әскери оқу орнына оқуға жіберілгендер - кеткен күні;

      2) әскери бөлім шегінен тыс жаралану, жауынгерлік зақымдану және науқастану салдарынан емдеу мекемелеріне эвакуцияланғандар - эвакуациялау күні;

      3) хабарсыз кеткендер және іссапардан, демалыстан немесе емдеу мекемелерінен белгіленген мерзімде оралмағандар, сондай-ақ әскерден қашқандар - оларды іздестіргеннен және әскерден қашу немесе бөлімге оралмау жағдайларын тексергеннен кейін;

      4) қамау орындарында немесе тәртіптік бөлімдерде жазасын өтеуге сотпен сотталғандар - сот үкімінің көшірмесін алғаннан кейін.

      134. Мыналар әскери бөлім тізімінен алып тасталмайды және орнында уақытша болмағандар болып есептеледі:

      1) бөлімнің медициналық пунктінде емделіп жатқан жеке құрам;

      2) құраманың жеке медициналық батальонында (ротасында) емделуде жатқан офицерлер. Әскерлердің құрамы және саны туралы жеткізілімге олар бөлімнен кеткен күннен бастап енгізілмейді;

      3) іссапарда, демалыста, мектепте оқуда, курстарда, жиындарда болған және басқа бөлімге іссапарға жіберілген жеке құрам.

      135. Бөлімнің медициналық пунктінен жаралану, науқасы салдарынан және басқа да себептер бойынша тылдық емдеу мекемелеріне эвакуациялануға жататын сержанттар мен сарбаздарға әскери бөлім штабы бөлімнің медициналық пункттері арқылы емдеу мекемелеріне олардың есептік-қызметтік картасы беріледі. Егер сержанттар мен сарбаздар бөлімнің медициналық пунктінен өтпей тылдық емдеу мекемелеріне эвакуацияланған жағдайда оларға қызмет карталарынан есептік-қызметтік карточкалары алынады және бір жыл бойы әскери бөлім штабында жеке сақталады. Осы мерзім өткеннен кейін, егер оларды тиісті емдеу мекемелеріне салып жіберу туралы сұраныс келіп түспесе, олар белгіленген тәртіппен жойылады.

      Емдеу мекемелеріне эвакуацияланған кезде жараланған (науқас) офицерлердің жеке істері жедел қолбасшылықтың кадр органына (персоналмен жұмыс бөлімшесіне) жіберіледі.

      Жедел-стратегиялық қолбасшылықтың кадр органдары (персоналмен жұмыс бөлімшелері) тылдық емдеу мекемелеріне кеткен офицерлердің жеке істерін және қызметтік карталарын тек тиісті кадр органдары (персоналмен жұмыс бөлімшелері) мен ЖӘБО-ның сұрауы бойынша жібереді.

      136. Соғыс уақытында әскер түрлері, әскер тектері мен өңірлік қолбасшылықтардың кадр органдарында (персоналмен жұмыс бөлімшелерінде) әрекеттегі армиядан кеткеннен кейін мекенжайлары майдандардың кадр органдарына (персоналмен жұмыс бөлімшелеріне) белгісіз офицерлердің жеке істері мен қызметтік карталарын жинақтау үшін жиын пункттері құрылады.

      Жиын пункттеріне сондай-ақ үш ай ішінде кадр органдарынан (персоналмен жұмыс бөлімшелерінен) немесе ЖӘБО-дан есепке алу құжаттарын салып жіберу туралы сұрау салу келіп түспеген, жедел-стратегиялық қолбасшылықтың шегінен тыс кеткен жараланған және науқас офицерлердің жеке істері мен қызмет карталары жіберіледі.

      137. Емдеу мекемелерінде емделіп жатқан әскери қызметшілер стационарлық және амбулаторлық науқастарды есепке алу журналында және науқастардың қозғалысын есепке алу журналында есепке алынады. Емделгеннен кейін медициналық мекемелер әскери қызметшілерді олардың қызмет орны бойынша әскери бөлімдерге жібереді. Оларды шығарар алдында медициналық мекемелердің бастықтары әскери бөлімдердің қомандирлеріне хабарлайды.

      Сержанттар мен сарбаздарға келіп түскен есептік-қызметтік карточкалар олардың жеке басын куәландыратын құжаттарға немесе әскери билеттеріне салынады және емделгеннен (шыққаннан) кейін әскери қызметшілердің қолына беріледі.

      138. Кадр органдары (персоналмен жұмыс бөлімшелері) емдеу мекемелерінде емделіп жатқан офицерлерді есепке алуды:

      1) құрамада - әліпбилік ретпен және штаттық-лауазымдық есепке алу кітабына жарақаты (науқасы) туралы мәліметті және офицерлер емделуге жіберілген емдеу мекемесінің атауын жазу жолымен;

      2) жедел қолбасшылық пен жедел-стратегиялық қолбасшылықта - жараланғандар (науқастар) туралы мәліметтер мен оларға офицерлер емделуге жіберілген емдеу мекемесінің атауын қызмет картотекасынан жеке анықтама картотекасына қайта қойылған жараланғандарды (науқастарды) есепке алу қызмет карталарына жазу жолымен жүргізеді.

      139. Жедел, жедел-стратегиялық қолбасшылықтардың емдеу мекемелеріне тікелей келіп түскен, ұрыс алаңынан жиналған немесе бастапқы медициналық карточкаларынсыз жеке өзі келген барлық әскери қызметшілер туралы емдеу мекемесінің бастығы ол келіп түскен күннің келесі күнінен кешіктірмей тиісті әскери бөлімдердің командирлеріне олардың емделуге келгендігі туралы поштамен немесе басқа да байланыс құралдарымен хабарлайды.

      140. Емдеу мекемелерінен есептік-қызметтік карточкаларынсыз келген сержанттар мен сарбаздарға жеке басын куәландыратын құжаттарының, әскери билеттері мен емдеу мекемелері құжаттарының деректері негізінде есептік-қызметтік карточкаларының телнұсқасы жазылады.

      Емделуден кейін жедел қолбасшылықтар кадр органдарының (персоналмен жұмыс бөлімшелерінің) өкіміне келген офицерлер уақытша есепке қысқартылған қызмет карталары бойынша алынады.

      Одан әрі қызмет өткеру үшін басқа да жедел-стратегиялық қолбасшылықтарда, ҚР ҚК түрлеріне, әскер тектеріне іссапарға жіберілген офицерлерге қысқартылған қызмет карталары офицерлердің қайда және қашан іссапарға жіберілгендігі туралы белгімен анықтамалық картотекаларда сақталу үшін ұсынылады. Офицерлерді іссапарларға жіберу жеке құрам бойынша бұйрықпен ресімделеді. Офицерлерге нұсқамаларда жедел-стратегиялық қолбасшылық құрамында жауынгерлік іс-қимыл барысында алынған жарақатынан (сырқатынан) кейін емделуде болғандығы туралы жазба жасалады. Көрсетілген офицерлердің есепке алу құжаттарын одан әрі қызмет өткеру үшін офицерлер келетін сол жедел-стратегиялық қолбасшылықтың, жедел қолбасшылықтың, ҚР ҚК түрлері мен әскер тектерінің кадр органдары (персоналмен жұмыс бөлімшелері) сұрайды.

      141. Әрекеттегі әскерлердің құрамына кірмейтін құрамалар мен бірлестіктердің кадр органдарында (персоналмен жұмыс бөлімшелерінде) госпитальдардан немесе әрекеттегі әскерлерден келген офицерлерді есепке алу, сондай-ақ алғашқы офицер атағы соғыс уақытында берілген офицерлерді есепке алу жеке құрам бойынша бұйрықтармен офицерлер құрамын тағайындау номенклатурасына сәйкес жеке істері бойынша, әліпбилік ретпен есепке алу кітабы немесе қызметтік картотека бойынша жүргізіледі. Бөлімдерде бұл офицерлер тек әліпбилік ретпен және штаттық-лауазымдық есепке алу кітабы бойынша есепке алынады.

      142. Офицерлер құрамының алғашқы әскери атағын беруге ұсынылған әскери қызметшілерге әскери оқу орындары мен әскери бөлімдер бір мезгілде оларға ұсынымды даярлаумен бірге:

      1) тағайындау номенклатурасына офицермен ауыстыруға жататын лауазым кіретін инстанциялардың кадр органы (персоналмен жұмыс бөлімшесі) үшін - қысқартылған жеке істің бір данасын;

      2) қызметтік картасының үш данасын;

      3) ҚР ҚМ кадр жұмысы органы үшін - офицерлер құрамын нөмірлеп есепке алу карточкасының бір данасын дайындайды.

      143. Оқуға жіберілген офицерлерге жеке істер тиісті әскери оқу орындарының кадр органдарында (персоналмен жұмыс бөлімшелерінде) жүргізіледі.

      144. Құрамалардың кадр органдары (персоналмен жұмыс бөлімшелері) сотталған офицерлердің жеке істерін жедел қолбасшылықтардың кадр органдарына (персоналмен жұмыс бөлімшелеріне) жібереді, олар осы жеке істерді:

      1) үш ай сақтау мерзімінен кейін - Орталық мұрағатқа;

      2) әскери атағы қалпына келтірілген адамдарға - қызмет орны бойынша тиісті кадр органдарына (персоналмен жұмыс бөлімшелеріне) жібереді.

      145. Құрамалар мен әскери бөлімдердің әрекеттегі әскерлерге кетуі немесе әрекеттегі әскерлерден шығуы кезінде, сондай-ақ бір жедел қолбасшылықтан басқасына қайта бағынуы кезінде осы бөлімдер мен құрамалар офицерлерінің жеке істері, қызметтік карталары мен штаттық-лауазымдық есепке алу кітабы әскери бөлімдер мен құрамалардың жаңа бағыныстылығы бойынша кадр органдарына (персоналмен жұмыс бөлімшелеріне) жіберіледі. Бұл ретте есепке алу құжаттары берілетін офицерлердің атаулы тізімдері екі данада - құрамалар мен бөлімдердің ескі және жаңа бағыныстылығының орны бойынша кадр органдары (персоналмен жұмыс бөлімшелері) үшін жасалады.

      146. Жеке құрамды дербес есепке алу құжаттары жоғалған кезде құрамалар мен әскери бөлімдердің кадр органдары (персоналмен жұмыс бөлімшелері) жоғалған құжаттарға жаңа құжаттар жасауға дереу шара қолданады, бұл ретте жоғалған істердің орнына офицерлердің қысқартылған жеке істері жасалады. Жаппай қаза тапқан немесе есепке алу құжаттары жоғалған кезде кадр органдары (персоналмен жұмыс бөлімшелері) дереу құжаттарды қалпына келтіруге кіріседі:

      1) құрамалардың кадр органдары (персоналмен жұмыс бөлімшелері) әскери бөлімдерден офицерлерді, сержанттар (старшиналар), сарбаздар (матростар) құрамдарының әскери қызметшілерін әліпбилік ретпен есепке алу кітабына сәйкес әскери қызметшілердің атаулы тізімін сұратады;

      2) әскери бөлімдердің штабтары бөлімшелерден офицерлерді, сержанттар (старшиналар), сарбаздар (матростар) құрамдарының келісімшарт бойынша әскери қызметшілерін әліпбилік ретпен есепке алу кітабына және мерзімді әскери қызмет әскери қызметшілерін, ауыспалы құрамды және азаматтық персонал адамдарын әліпбилік ретпен есепке алу кітабына сәйкес барлық жеке құрамның атаулы тізімін сұратады.

      Әскери бөлімдер мен құрамаларда алынған атаулы тізімдер негізінде жоғалған құжаттарды қалпына келтіру жүргізіледі. Жоғалған құжаттарды қалпына келтірудің нақты мерзімін жоғары тұрған штаб немесе кадр органының (персоналмен жұмыс бөлімшесінің) бастығы айқындайды.

      Қарсыластың жаппай қырып-жою қаруын қолдануы нәтижесінде әскери бөлім жеке құрамының жаппай қаза табуы жағдайында құрамалар мен әскери басқару органдарының штабтары мен кадр органдары (персоналмен жұмыс бөлімшелері) қаза тапқан әскери қызметшілердің санын айқындауға және тегін, атын, әкесінің атын (ол бар болған кезде) және әскери атағын белгілеу мүмкін болатын барлық шараларды қолданады (тірі қалғандардан сұрау, аман қалған құжаттарды және құрамалар мен жедел қолбасшылықтардың штабтары мен кадр органдарында (персоналмен жұмыс бөлімшелерінде) әскери қызметшілерге жүргізілген құжаттарды іздестіру).

2-параграф. Жеке құрамның орны толмас шығындарын есепке алу

      147. Қаза табуы (қайтыс болуы), тұтқында болуы, хабарсыз кетуі салдарынан ҚР ҚК-дан шығарылған әскери қызметшілер мен азаматтық персонал адамдары жеке құрамның орны толмас шығынын құрайды. Олар жауынгерлік және жауынгерлік емес болып бөлінеді.

      148. Жауынгерлік орны толмас шығындарға:

      1) ұрыс алаңында қаза тапқандар;

      2) қайтыс болған орнына қарамастан, қарсыластың жаппай қырып-жою құралдарынан және басқа да қару түрлерінен қаза тапқандар;

      3) жауынгерлік іс-қимылдарға қатысу кезінде де, тылда да алған мертігуден (жараланудан, жарақаттан, контузиядан) қайтыс болғандар;

      4) хабарсыз кеткендер;

      5) тұтқынға түскендер;

      6) ұрыс қимылдарында, сондай-ақ тылда қолбасшылық тапсырмаларын орындауға байланысты оқиғалар мен оқыс оқиғалар (ұшақ, автомашиналар мен басқа да жауынгерлік техникалар аварияларынан, эшелондардың апатқа ұшырауы, миналардың жарылуы, құтқару жұмыстарын орындау) нәтижесінде қаза тапқандар (қайтыс болғандар) жатады.

      149. Жауынгерлік емес орны толмас шығындарға:

      1) ұрыс қимылдарына қатысуға байланысты емес аурудың барлық түрлері мен басқа да себептермен емдеу мекемелерінде қайтыс болғандар;

      2) өзіне-өзі қол салғандар;

      3) жауынгерлік тапсырманы орындауға байланысты емес қаруды абайсыз қолданудан, авариялардан, апаттардан және басқа да жағдайлардан қайтыс болғандар жатады.

      150. Жеке құрамды есепке алуды жүргізетін әскери бөлімдер штабтарында, корабльдер мен қамтамасыз ету кемелері құрамаларының басқармаларында соғыс уақытында әскери қызметшілер мен азаматтық персонал адамдарының орны толмас шығындарын дербес есепке алу жеке құрамның орны толмас шығындарының атаулы тізімдері бойынша жүргізіледі.

      Атаулы тізімдер саптық бөлім бойынша бұйрық негізінде:

      1) офицерлер құрамына;

      2) сержанттар (старшиналар), сарбаздар (матростар) құрамдарына;

      3) азаматтық персонал адамдарына жеке жасалады.

      Әрбір топта атаулы тізім жауынгерлік және жауынгерлік емес шығынға жеке құрамның әрбір санаты бойынша орны толмас шығындарды бөле отырып, әліпбилік ретпен үш данада жасалады. Атаулы тізімдер шығындарды сандық есепке алу деректерімен салыстырылады және екі данада жоғары тұрған штабқа ұсынылады. Атаулы тізімдердің көшірмелері әскери бөлімнің арнайы шығындарды есепке алу кітабына тігіледі.

      Орны толмас шығындардың атаулы тізіміне қосылған әскери қызметшінің қайтып келгендігі немесе оның емделуде жатқандығы анықталған жағдайда бұл туралы сол күні саптық бөлім бойынша бұйрықта жарияланады және белгіленген тәртіппен жоғары тұрған штабқа жеткізіледі, сондай-ақ хабарлама жіберілген ЖӘБО-ға хабарланады.

      151. Құрама басқармасында басқармалардың, қамтамасыз ету және қызмет көрсету бөлімшелерінің, сондай-ақ бағынысты әскери бөлімдердің офицерлер құрамының, сержанттар (старшиналар), сарбаздар (матростар) құрамдары әскери қызметшілерінің және азаматтық персонал адамдарының орны толмас шығындарын дербес есепке алу кадр органында (персоналмен жұмыс бөлімшесінде) жүргізіледі.

      Есепке алу құрама құрамына кіретін бөлімдер ұсынатын орны толмас шығындардың атаулы тізімдері мен қамтамасыз ету және қызмет көрсету басқармалары, бөлімшелері үшін атаулы тізімдер бойынша жүргізіледі. Атаулы тізімдерді тексергеннен кейін осы тізімдердің бірінші даналары ҚР ҚМ кадр органына және ҚР ҚК БШ ұйымдастыру-жұмылдыру органына жіберіледі.

      Атаулы тізімдердің екінші даналары қаза тапқандарды (қайтыс болғандарды) жеке құрамның тізімінен алып тастау туралы бұйрық шыққаннан кейін құрамалар шығындарының арнайы істеріне тігіледі.

      152. Әскери басқару органдарында орны толмас шығындарды дербес есепке алу әскери басқару органдары және бағынысты әскери бөлімдер үшін жүргізіледі.

      153. Көрсетілген құрамаларда қаза тапқан (қайтыс болған) сержанттар мен сарбаздарды есепке алу қолданыстағы жалпы есепке алу картотекасынан алынатын осы Қағидаларға 62-қосымшаға сәйкес нысан бойынша әскери қызметшінің әліпбилік карточкасынан (бұдан әрі - әліпбилік карточка) тұратын шығындар картотекасы бойынша, ал офицерлер құрамының орны толмас шығындарын есепке алу қызмет картотекасынан алынған қызмет картасы бойынша жасалады.

      Қаза тапқан (қайтыс болған) әскери қызметшілерге алынған қызметтік карталарға және әліпбилік карточкаларға қашан, қайда және қандай жағдайларда қаза тапты немесе қайтыс болды, жерленген уақыты мен орны жазылады. Осы деректер қысқартылған қызмет картасында "Қызмет өткеру" бөлімінде, әліпбилік карточкада - 11-бағанда жазылады.

      154. Госпитальда, жеке медициналық-санитариялық батальондарда (роталарда) және басқа да емдеу және емдеу-эвакуациялау мекемелерінде (әскери-санитариялық пойыздарда, жылжымалы жедел жасақтарда, санитариялық-көлік және госпитальдық кемелерде) әскери қызметшілердің және азаматтық персонал адамдарының орны толмас шығындарын есепке алу:

      1) ауыспалы құрамға - медициналық бөлімде (бөлімшеде);

      2) тұрақты құрамға - емдеу мекемесінің персоналмен жұмыс бөлімшесінде атаулы тізімдер бойынша жүргізіледі.

      Штатында медициналық бөлім (бөлімше) және персоналмен жұмыс бөлімшесі көзделмеген емдеу мекемелерінде орны толмас шығындарды есепке алу емдеу мекемесі бастығының бұйрығымен тағайындалған адамдарға жүктеледі.

      155. Емдеу мекемесінде қайтыс болған әскери қызметшілер мен азаматтық персонал адамдары қайтыс болған күні саптық бөлім бойынша бұйрықпен емдеу мекемесінің ауыспалы құрамының тізімінен алынып тасталады. Емдеу мекемесінің бұйрығы негізінде орны толмас шығындардың атаулы тізімдері жасалады, ал ЖӘБО қайтыс болғандардың отбасыларының (туысқандарының) тұрғылықты мекенжайы бойынша хабарлама жібереді.

      Орны толмас шығындардың атаулы тізімдері инстанция бойынша екі данада жоғары тұрған штабтарға (ҚР ҚМ кадр органына және ҚР ҚК БШ ұйымдастыру-жұмылдыру органына) жіберіледі.

      156. ЖӘБО осы бөлім (басқарма) әскерге шақырған қаза тапқан (қайтыс болған) әскери қызметшілерді, сондай-ақ отбасылары осы аудандардың аумағында тұратын қаза тапқан (қайтыс болған) әскери қызметшілерді жеке есепке алынады. Есепке алу әскери бөлімдер мен емдеу мекемелерінен келіп түскен қайтыс болғаны (қаза тапқаны) туралы хабарлама және осы Қағидаларға 63-қосымшаға сәйкес нысан бойынша әскери қызметшінің қайтыс болғаны (қаза тапқаны) туралы ЖӘБО хабарламалары негізінде жүргізіледі.

      Сұрау салулар (хаттар) бойынша анықтамалық жұмыстарды жүргізу және қаза тапқан және қайтыс болған әскери қызметшілердің отбасыларына қаза табуы (қайтыс болуы) туралы хабарламаны тапсыруды бақылау үшін ЖӘБО офицерлер құрамына бөлек, сержанттар (старшиналар) мен сарбаздар (матростар) құрамдарына бөлек әскери қызметшілердің орны толмас шығындарын есепке алу және олардың отбасыларына зейнетақы тағайындаудың әліпбилік кітабы жүргізіледі.

      157. Марштық бөлімше (команда) құрамында жол жүруде қаза тапқан (қайтыс болған) әскери қызметшілерге екі данада акті жасалады, оған марштық бөлімшенің (команданың) командирі, эшелон (команда) бойынша кезекші мен дәрігер (фельдшер) қол қояды.

      Актіде әрбір қайтыс болғанға қатысты:

      1) тегі, аты және әкесінің аты (ол бар болған кезде) (офицерлерге жеке нөмірі көрсетіледі);

      2) әскери атағы;

      3) лауазымы;

      4) туған жылы мен жері, ұлты;

      5) қашан, қандай ЖӘБО және қай облыстан әскерге шақырылғаны;

      6) қайтыс болу себебі, қашан және қайда қаза тапқаны (қайтыс болғаны);

      7) қашан және қайда жерленгені немесе жерлеу үшін қаза тапқанның мәйіті кімге берілгені;

      8) қайтыс болғанның жеке заттары, құндылықтары мен құжаттары;

      9) жұбайының, әкесінің, анасының немесе басқа да туысының тегі, аты және әкесінің аты (ол бар болған кезде) және олардың мекенжайы көрсетіледі.

      Актінің екінші данасы әскери госпитальдың бастығына, теміржол учаскесінің (станцияның, порттың, айлақтың) әскери комендантына немесе азаматтық емдеу мекемесіне жерлеу үшін қаза тапқанның мәйіті кімге берілгендігіне байланысты беріледі. Емдеу мекемесінің немесе әскери комендатураның лауазымды адамдары қаза тапқандардың мәйітін беруді осы мекемелердің мөрімен куәландырылған актінің бірінші данасына қолтаңба қоюмен жүргізеді.

      Жол жүруде қаза тапқан (қайтыс болған) әскери қызметшінің мәйітін қабылдап алған әскери коменданттар мен емдеу мекемелерінің бастықтары оның жерленген орны туралы қаза тапқанның (қайтыс болғанның) отбасының тұрғылықты мекенжайы бойынша ЖӘБО-ға хабарлайды.

      Актінің бірінші данасы марштық бөлімше (команда) әскери қызметшілерінің жалпы атаулы тізімімен бірге марштық бөлімше (команда) келген құраманың (әскери бөлімнің) штабына беріледі.

      158. Марштық бөлімшелерді қабылдаған құраманың (әскери бөлімнің) штабы қайтыс болуы туралы актінің негізінде жол жүруде қаза тапқан (қайтыс болған) әскери қызметшілерді жеке құрам бойынша бұйрықпен жеке құрам тізімінен алып тастайды және орны толмас шығындар тізіміне қосады, ал қаза тапқандардың (қайтыс болғандардың) отбасыларының (туыстарының) тұрғылықты жері бойынша ЖӘБО қаза тапқаны (қайтыс болғаны) туралы хабарлама жібереді.

      159. Теңіз және әуе көлігі корабльдерімен және кемелерімен тасымалданатын әскери бөлімдер мен құрамалардың қаза тапқан әскери қызметшілері әскери бөлімдер (құрамалар) тізімінен алып тасталады және корабльдің (кеменің) белгіленген пунктке келуі бойынша орны толмас шығындардың кезекті атаулы тізіміне енгізіледі.

      Тасымалданатын әскери бөлімнің (құраманың) штабы болған корабль (кеме) апатқа ұшыраған жағдайда жедел-стратегиялық қолбасшылық штабының бастығы апатқа ұшыраған корабльде (кемеде) болған әскери қызметшілердің атаулы тізімін құрамына тасымалданатын әскери бөлім кіретін жедел қолбасшылықтың немесе жедел-стратегиялық қолбасшылықтың штабына дереу жібереді. Ілеспе хатта корабльдің (кеменің) апатқа ұшырауының нақты орны, уақыты мен себебі, қаза болған әскери қызметшілер және құтқарылған әскери қызметшілер көрсетіледі. Барлық қаза тапқан әскери қызметшілерді жедел қолбасшылық, жедел-стратегиялық қолбасшылық штабы орны толмас шығындардың атаулы тізіміне енгізеді.

      160. Жедел (жедел-стратегиялық) қолбасшылық басқармасында әскери басқару органдарының, әскери бөлім және құрамалардың офицерлер құрамының, сержанттар (старшиналар), сарбаздар (матростар) құрамдарының және азаматтық персонал адамдарының орны толмас шығындарын дербес есепке алу кадр органында (персоналмен жұмыс бөлімшесінде) және штабтың ұйымдастыру-жұмылдыру органында (шығындарды дербес есепке алу бөлімінде) жүргізіледі.

      Кадр органында (персоналмен жұмыс бөлімшесінде) қайтпай кеткен офицерлерге қызмет картатекасынан алынатын қызметтік (қысқартылған қызмет) карталарынан жасалатын шығындар картотекасы жүргізіледі. Есепке алу тікелей бағыныстағы әскери бөлімдер ұсынған шығындардың атаулы тізімдерінің негізінде, сондай-ақ қаза тапқан (қайтыс болған) офицерлерді тізімдерден алып тастау туралы жеке құрам бойынша бұйрық негізінде жүргізіледі. Штабтың ұйымдастыру-жұмылдыру органында (шығындарды дербес есепке алу бөлімінде) қайтпай кеткен әскери қызметшілерді есепке алу бөлімдерден алынған атаулы тізімдер бойынша жүргізіледі.

      161. Әскер түрлері мен тектерінің кадр органдарында (персоналмен жұмыс бөлімшелерінде) офицерлер құрамы әскери қызметшілерінің орны толмас шығынын дербес есепке алу бұйрықтар немесе жеке құрам бойынша бұйрықтардан үзінділер негізінде қаза тапқан (қайтыс болған) офицерлердің қызметтік картотекалардан алынатын қызметтік карталары бойынша жүргізіледі.

      162. ҚР ҚМ-да әскери қызметшілердің орны толмас шығындарын жалпы есепке алуды ҚР ҚМ кадр органы және ҚР ҚК БШ ұйымдастыру-жұмылдыру органы:

      1) офицерлер құрамын - қаза тапқан (қайтыс болған) генералдар мен офицерлердің қызметтік картотекаларынан алынатын қызметтік карталары бойынша және орны толмас шығындардың атаулы тізімі негізінде жасалатын шығындарды есепке алу карточкалары бойынша;

      2) сержантар (старшиналар), сарбаздар (матростар) құрамдарын және азаматтық персонал адамдарын - шығындарды есепке алу карточкалары бойынша жүзеге асырады.

      ҚР ҚМ кадр органына:

      1) офицерлер құрамының, сержанттар (старшиналар), сарбаздар (матростар) құрамдарының және азаматтық персонал адамдарының орны толмас шығындарын дербес және сандық есепке алуды жүргізу;

      2) кадр органдарында (персоналмен жұмыс бөлімшелерінде) және ЖӘБО-да офицерлер құрамының, сержантар (старшиналар), сарбаздар (матростар) құрамдарының және азаматтық персонал адамдарының орны толмас шығындарын дербес есепке алудың жай-күйін бақылау;

      3) қаза тапқан (қайтыс болған) офицерлерді, сержанттарды, сарбаздарды және азаматтық персонал адамдарын жеке құрамның тізімінен алып тастау туралы жеке құрам бойынша бұйрықтарды, орны толмас шығындардың атаулы тізімдерін уақтылы ұсынуды, офицерлердің қаза тапқаны (қайтыс болғаны) туралы отбасыларын (туысқандарын) хабардар етуді бақылау;

      4) ҚР ҚК-дан қайтпасқа кеткен генералдар, офицерлер, сержанттар, сарбаздар және азаматтық персонал адамдары бойынша анықтама жұмыстарын жүргізу жүктеледі.

      ҚР ҚК БШ ұйымдастыру-жұмылдыру органына:

      1) ҚР ҚК офицерлерінің, сержанттары мен сарбаздарының, сондай-ақ азаматтық персонал адамдарының орны толмас шығындарын дербес есепке алуды жүргізу;

      2) әскери бөлімдер, құрамалар штабтарының, бөлімдердің (бөлімшелердің) орны толмас шығындарды дербес есепке алудың офицерлердің, сержанттардың, сарбаздардың және азаматтық персонал адамдарының орны толмас шығындарын дербес есепке бойынша атаулы тізімдерін уақтылы ұсынуын және ЖӘБО-ның офицерлердің, сержанттардың, сарбаздардың және азаматтық персонал адамдарының қаза табуы (қайтыс болуы) туралы отбасыларына (туыстарына) хабарлауын бақылау;

      3) офицерлер құрамы, сержантар (старшиналар), сарбаздар (матростар) құрамдары әскери қызметшілерінің және азаматтық персонал адамдарының орны толмас шығындары бойынша анықтама жұмыстарын жүргізу жүктеледі.

      163. Жерлеуді ұйымдастыру үшін бөлінген лауазымды адам қаза тапқандардан табылған жеке басын куәландыратын құжаттар, жеке нөмірлі жетондары, қызметтік куәлігі, әскери билеттері мен өзге де жеке құжаттары негізінде әскери зиратта (бауырластар зиратында) жерленген жеке құрамның атаулы тізімін жасайды және жерлеу аяқталғаннан кейін оны әскери бөлімнің штабына тапсырады. Егер қаза тапқан (қайтыс болған) азаматтық персонал адамдарын жерлеу әскери қызметшілерді жерлеумен бір уақытта жүргізілсе, онда жерленген барлық азаматтық персонал адамдары әскери қызметшілерден кейін атаулы тізімге қосылады. Атаулы тізімге зираттар орналасқан жердің схемасы және оның қысқаша сипаттамасы қоса беріледі. Көрсетілген тізімдер негізінде әскери бөлімдердің штабтарында бағынысты бөлімшелердің командирлері ұсынған орны толмас шығындар атаулы тізімдерінің дұрыстығын тексеру жүргізіледі, сондай-ақ тиісті есепке алу құжаттарында қаза тапқандар (қайтыс болғандар) туралы деректер жазылады. Әскери зиратта (бауырластар зиратында) жерленген жеке құрамның атаулы тізімдері арнайы іске тігіледі.

      164. Әскери зираттар, азаматтық зираттардың әскери учаскелері, қаза тапқандардың бауырластар және жеке қабірлері әскери зиратта (бауырластар зиратында) жерленген жеке құрамның әскери бөлім штабында атаулы тізімімен бірге сақталатын ірі ауқымдағы топографиялық картаға енгізіледі.

      Генералдар мен полковниктердің зираттарының орындары, одан басқа жеке топографиялық картаға енгізіледі, ол қаза табуы (қайтыс болуы) туралы хабарламамен бірге қаза тапқанның (қайтыс болғанның) отбасының (туыстарының) тұрғылықты мекенжайы бойынша ЖӘБО-ға жолданады.

      165. Егер жерлеуді жүргізген лауазымды адам ұсынған жерленгендердің атаулы тізімінде басқа әскери бөлімдердің әскери қызметшілері бар болса, әскери бөлім командирі сол күні ол туралы олар жайында қолда бар мәліметтерді, сондай-ақ жерленген орны мен уақытын көрсете отырып, тиісті әскери бөлімдердің командирлеріне хабарлайды.

      166. Танылмаған әскери қызметшілер зираттарының орындары әскери бөлім штабында ірі ауқымдағы жалпы топографиялық картаға енгізіледі. Бұл ретте картада зират белгісінің сол жағына "Б" әрпі (белгісіз) жазылады. Егер зиратта бірнеше белгісіз әскери қызметші жерленген болса, онда "Б" әрпінің қасына санмен жерленгендердің саны көрсетіледі, мысалы: "Б"/2 (екі белгісіз әскери қызметші).

      Зират басындағы ескерткіштің (обелискінің) бетіне әскери атағын, тегін, атын және әкесінің атын (ол бар болған кезде), туған жылы мен қаза тапқан (қайтыс болған) күнін көрсете отырып, әрбір жерленген адам туралы жазу жазылады.

      Белгісіз әскери қызметшілердің және әскери бөлімдер азаматтық персонал адамдарының жерленген орындары туралы мәліметтер ҚР ҚМ кадр органына және ҚР ҚК БШ ұйымдастыру-жұмылдыру органына жіберіледі.

      167. Ресімделген зираттар мен қабірлер акт бойынша жергілікті билік органдарына немесе әскери комендантқа беріледі.

      Актіде жерленген әрбір әскери қызметшінің әскери атағы, тегі, аты және әкесінің аты (ол бар болған кезде), туған жылы мен қаза тапқан (қайтыс болған) күні және әрбір зират пен қабірдің жағдайы көрсетіледі. Акт үш данада жасалады, оның біріншісі жерленгендердің атаулы тізімімен бірге бөлім штабында сақталады, екіншісі зират пен қабірді қабылдаған жергілікті билік органдарының өкілдеріне немесе әскери комендантқа беріледі және үшіншісі зират немесе қабір орналасқан жер бойынша ЖӘБО-ға жолданады.

      168. Саптық бөлім бойынша бұйрық негізінде әскери бөлімнің әр қаза тапқан (қайтыс болған) әскери қызметшісіне, азаматтық персонал адамдарына хабарлама жазылады және отбасының мекенжайы бойынша ЖӘБО-ға жіберіледі.

      Хабарламаны қаза тапқандардың (қайтыс болғандардың) отбасына немесе туыстарына тікелей жіберу жүргізілмейді.

      169. Қаза тапқанның (қайтыс болғанның) отбасының мекенжайы белгісіз немесе қаза тапқан (қайтыс болған) әскери қызметшілердің отбасы мен жақын туыстары болмаған жағдайларда хабарлама қаза тапқан (қайтыс болған) әскери қызметші шақырылған орын бойынша ЖӘБО-ға жіберіледі. Қаза тапқанның (қайтыс болғанның) отбасы тұратын немесе ол ҚР ҚК қатарына әскерге шақырылған аумақты қарсылас уақытша басып алу кезінде генералдарға, адмиралдарға, офицерлерге, сержанттарға (старшиналарға) және сарбаздарға (матростарға) хабарлама оларды осы органдарға жіберу себебі туралы белгімен ҚР ҚМ кадр жұмысы органына және ҚР ҚК БШ ұйымдастыру-жұмылдыру органына жіберіледі.

      Аумақты қарсыластың уақытша басып алуынан босатуға қарай осы органдар хабарламаны тиісті ЖӘБО-ға қайта жібереді. Хабарлама қаза тапқан (қайтыс болған) әскери қызметшіні, азаматтық персонал адамдарын бөлімнің тізімінен шығарған күні жіберіледі.

      Офицерлердің қаза тапқаны (қайтыс болғаны) туралы жеткізілім соғыс уақытында жіберілмейді.

      170. ЖӘБО әскери бөлімдерден алынған хабарлама негізінде жеті күнтізбелік күн мерзімінен кешіктірмей қаза тапқан (қайтыс болған) әскери қызметшілер мен азаматтық персонал адамдарының отбасына осы Қағидалардың 64-қосымшасына сәйкес нысан бойынша қайтыс болу (қаза табу) туралы хабарламаны табыс етеді.

      Хабарламаны ЖӘБО-ның жауапты адамы немесе қаза тапқан (қайтыс болған) әскери қызметшінің, азаматтық персонал адамдарының отбасының (туыстарының) мекенжайы бойынша жергілікті билік органының өкілі табыс етеді.

      Егер ЖӘБО әскери бөлімдерден алынған әскери қызметшінің қайтыс болуы (қаза табуы) туралы хабарламаның дұрыстығына күмәнданса, онда ЖӘБО алынған хабарламаның барлық деректерін толық нақтылауға шара қолдануға міндетті және тек оның дұрыстығын растаған кезде ғана хабарлама жазады және қаза тапқанның (қайтыс болғанның) отбасына немесе оның туыстарына табыс етеді. Хабарламаның дұрыс еместігі расталған жағдайда ол дереу орны толмас шығындарды дербес есепке алу жөніндегі тиісті орталық органға жіберіледі. Бұл туралы бір уақытта хабарлама келген әскери бөлімнің командиріне, құрама штабының бастығына немесе емдеу мекемесінің бастығына хабарланады.

      171. Қаза тапқан (қайтыс болған) әскери қызметшінің, азаматтық персонал адамдарының отбасы (туыстары) өздері тұратын ауданнан кетіп қалған жағдайда әскери бөлімнен келіп түскен әскери қызметшінің қайтыс болуы (қаза табуы) туралы хабарламасы қаза тапқанның (қайтыс болғанның) отбасының (туыстарының) жаңа мекенжайы бойынша ЖӘБО-ға қайта жіберіледі. Егер ЖӘБО-ға қаза тапқанның (қайтыс болғанның) отбасының (туыстарының) жаңа мекенжайы белгісіз болса және қолданған шаралар нәтижесінде олардың мекенжайы белгілі болмаса, хабарламаны қайта жіберу себебі туралы белгімен орны толмас шығындарды дербес есепке алу жөніндегі тиісті орталық органға жіберіледі.

      172. ЖӘБО-ға бұдан бұрын алынған хабарламаға қандай да бір өзгеріс келіп түскен кезде ЖӘБО бастығы есепке алу құжаттарына өзгеріс енгізеді, қаза тапқанның (қайтыс болғанның) отбасына (туыстарына) бұл туралы хабарлайды, ал егер бұл өзгерістер зейнетақы төлеуге және белгіленген жәрдемақы алуға әкеп соқтырса, онда бұл туралы бір уақытта тиісті органдарға хабарлайды.

      ЖӘБО-ға басқа ЖӘБО запастан жұмылдыру бойынша шақырған әскери қызметшілердің қаза тапқаны (қайтыс болғаны) туралы хабарлама түскен кезде ЖӘБО бастығы хабарламаның түсуі бойынша күнтізбелік бес күннен кешіктірмей әскери қызметшінің қаза тапқаны (қайтыс болғаны) туралы жеткізілім жібереді.

3-параграф. Тұтқыннан босатылған әскери қызметшілерді есепке алу

      173. Тұтқыннан босатылған барлық әскери қызметшілер, сондай-ақ жеке қоршаудан шыққандар жедел (жедел-стратегиялық) қолбасшылықтың жинау-жөнелту пункттеріне жіберіледі.

      174. Жинау-жөнелту пунктінде тұтқыннан босаған немесе қоршаудан шыққан әскери қызметшілердің әрбір тобына осы Қағидаларға 65-қосымшаға сәйкес нысан бойынша екі данада офицерлерге жеке, сержанттар (старшиналар), сарбаздар (матростар) құрамдарының әскери қызметшілеріне жеке тұтқыннан босатылған (қоршаудан шыққан) әскери қызметшілердің атаулы тізімі жасалады.

      Атаулы тізімнің бірінші данасы ҚР ҚМ кадр жұмысы органына ұсынылады. Қоршаудан шыққан әскери қызметшілердің атаулы тізімдерінің көшірмелері олардың қызмет орны бойынша әскери бөлімдер штабтарына жіберіледі.

      Тұтқыннан босатылған немесе қоршаудан шыққан әскери қызметшілер жинау-жөнелту пунктіне бара жатқан жолда немесе пунктте болу уақытында қайтыс болған жағдайда осындай нысан бойынша бағандар (қайтыс болу уақыты, себебі мен орны, қашан және қайда жерленді) қоса отырып оларға жеке атаулы тізім жасалады.

      175. Жинау-жөнелту пункттерінің тұтқыннан босатылған немесе қоршаудан шыққан әскери қызметшілердің атаулы тізімдерін уақтылы және дұрыс ұсынуларын бақылауды жедел-стратегиялық (жедел) қолбасшылықтардың шығындарды дербес есепке алу бөлімдерінің (бөлімшелерінің) бастықтары жүзеге асырады.

      176. Шығындарды орталық дербес есепке алудың органдары тұтқыннан босатылған (қоршаудан шыққан) әскери қызметшілердің атаулы тізімін алысымен күнтізбелік бес күннен кешіктірмей осы әскери қызметшілердің отбасының (туыстарының) тұрғылықты мекенжайы бойынша ЖӘБО-ға олардың босатылғаны немесе қоршаудан шыққаны туралы хабарлайды.

      Хабарламада:

      1) әскери қызметшінің тегі, аты және әкесінің аты (ол бар болған кезде);

      2) тұтқындауға (қоршаудан шыққанға) дейінгі әскери атағы;

      3) тұтқындауға (қоршауға) алынғанға дейін атқарған лауазымы;

      4) туған жылы;

      5) қай ЖӘБО және қашан шақырылғаны (жұмылдырылғаны);

      6) тұтқыннан (қоршаудан шыққан) қашан және қайда босатылғаны;

      7) орналасқан жері;

      8) анықтамалар үшін қайда өтініш жасайтын мекенжайы көрсетіледі.

      177. ЖӘБО орталық шығынды дербес есепке алу органынан әскери қызметшілердің тұтқыннан босатылғандығы (қоршаудан шыққандығы) туралы хабарлама алысымен есепке алу құжаттарына қажетті өзгерістерді енгізеді және үш жұмыс күнінен кешіктірмей ауызша немесе жазбаша түрде бұл туралы тұтқыннан босатылған (қоршаудан шыққан) әскери қызметшінің отбасына (туыстарына) хабарлайды және бір мезгілде бұдан бұрын берілген хабарламаны жояды.

      Әкімшілік-аумақтық бірлікке жататын өзге де ЖӘБО шақырған (жұмылдырған) әскери қызметшілерге тұтқыннан босатылғандығы (қоршаудан шыққандығы) туралы хабарлама алған кезде бес жұмыс күнінен кешіктірмей ол туралы осы әскери қызметшілер шақырылған (жұмылдырылған) орын бойынша тиісті ЖӘБО-ға хабарлайды.

4-тарау. Есепке алу құжаттарын сақтау және жіберу

      178. Жеке істер есепке алынатын жеке істер санына байланысты жалпы нөмірлеу немесе әліпби бойынша жеке істерді есепке алу кітаптарында есепке алынады. Жеке істерді әліпби бойынша есепке алу кезінде жеке іс есепке алынған нөмірге әліпби әрпі қосылады. Кітаптағы жазба жеке істі қабылдаған, жасаған немесе таратқан күні жүргізіледі.

      Жеке істер офицерлер құрамының әскери қызметшілері мен сержанттар (старшиналар), сарбаздар (матростар) құрамдарының әскери қызметшілеріне жеке сақталады.

      Кадр органдарында (персоналмен жұмыс бөлімшелерінде) жеке істер кітап бойынша олар есепке алынған нөмірлер ретімен немесе әліпбилік ретпен сақталады. Нөмірі бойынша сақтау кезінде жеке істерді есепке алу осы Қағидаларға 66-қосымшаға сәйкес нысан бойынша жеке істерді есепке алудың әліпбилік карточкаларынан жасалатын қосалқы картотека жүргізіледі. Есептен шыққан әскери қызметшілердің әліпбилік карточкаларында қашан, кімге және қандай нөмірмен жеке ісі жіберілгендігі жазылады, одан кейін карточка анықтама картотекасына ауыстырылады.

      179. Есепке алу кітаптары әскери бөлімдердің нақты, сондай-ақ шартты атаулары бойынша да жүргізілуі мүмкін. Кітаптарға құпиялылық белгісі, олардың мазмұндары негізінде құпияландырылуға жататын мәліметтердің ведомстволық тізбесіне сәйкес беріледі.

      180. Кеткен әскери қызметшілерге қызметтік карталары жіберілмейді және жойылмайды, мұрағаттық картотекаға ауыстырылады.

      Анықтамалық картотекада қызметтік карталарды сақтаудың белгіленген мерзімі аяқталған немесе кадр органдары (персоналмен жұмыс бөлімшелері) таратылған кезде бұл карталар бұдан әрі сақтау үшін Орталық мұрағатқа беріледі.

      181. Штаттық-лауазымдық карталар әскери бөлімдердің нақты және шартты атаулары бойынша жүргізіледі. Бұл ретте, мемлекеттік құпияларды құрайтын мәліметтерді құрайтын штаттық-лауазымдық карталар құпия іс жүргізудің көбейтуді есепке алу журналында алдын ала тіркелуі тиіс емес.

      Штаттық-лауазымдық карталар осы Қағидаларға 67-қосымшаға сәйкес нысан бойынша штаттық-лауазымдық карталарды есепке алу кітабында үдемелі ретпен есепке алынады.

      Барлық штаттық-лауазымдық карталар, оларды шектеулі дәрежесіне қарамастан бір есепке алу кітабында есепке алынады. Реттік нөмір штаттық-лауазымдық картаның есепке алынған нөмірі болып табылады, ол жүргізілетін реттік нөмірі мен әскери бөлімнің нөмірінен тұрады. Алынып тасталған лауазымдар бойынша карталардың нөмірлері жаңадан жазылған карталарға пайдаланылмайды.

      "Құпия" құпиялылық белгісі бар штаттық-лауазымдық карталар бар болған кезде кітап құпия іс жүргізу номенклатурасында есепке алынады.

      182. Есепке алу кітаптарына әскери қызметшілерге алынған немесе жаңа жасалған есепке алу құжаттары туралы жазбалар, сондай-ақ оларды жіберу немесе жою туралы белгілер құжаттарды алған, жасаған, жіберген немесе жойған күні жүргізіледі.

      183. Әскери қызметшілерді дербес есепке алу құжаттары (жеке істері):

      1) өкімге іссапарға жіберу кезінде - өкіміне офицерлер, сержанттар (старшиналар), сарбаздар (матростар) қосылған инстанциялардың кадр органдарына (персоналмен жұмыс бөлімшелеріне);

      2) лауазымға тағайындау кезінде жеке істердің бірінші даналары - жаңа қызмет орны бойынша әскери бөлімдердің штабтарына, екінші даналары (офицерлерге) - Тізбеге сәйкес кадр органдарына (персоналмен жұмыс бөлімшелеріне);

      3) атқарып отырған лауазымынан босатыла отырып, оқуға кету кезінде - тиісті әскери оқу орындарына;

      4) әскери оқу орнын аяқтағаннан соң жеке істер мен қызметтік карталар - офицерлерді, сержанттар (старшиналар), сарбаздар (матростар) құрамдарының келісімшарт бойынша әскери қызметшілерін тағайындау орнына (өкіміне қабылдауға) байланысты әскери басқару органдарының кадр органдарына (персоналмен жұмыс бөлімшелеріне);

      5) Қазақстан Республикасының басқа да әскерлері мен әскери құрылымдарына іссапарға жіберген кезде жеке істердің бірінші және екінші даналары - олардың кадр органдарына (персоналмен жұмыс бөлімшелеріне);

      6) мемлекеттік органдарға іссапарға жіберген кезде:

      жеке істердің бірінші даналары - ҚР ҚМ кадр органының нұсқауы бойынша тиісті ұйымдарға;

      жеке істердің екінші даналары - ҚР ҚМ кадр жұмысы органына;

      7) офицерлерді әскери кеңесшілер мен мамандар ретінде шетелге жіберу кезінде:

      жеке істердің бірінші данасы, медициналық және ұшу кітапшалары ҚР ҚМ кадр жұмысы органына жіберіледі;

      жеке істердің екінші данасы офицерлер бұдан бұрын есепте тұрған әскери басқару органдарының кадр органдарында (персоналмен жұмыс бөлімшелерінде) сақталады.

      184. Дербес есепке алу құжаттарын жіберу тек жіберудің себебі көрсетілген ілеспе хат арқылы мынадай мерзімдерде жүргізіледі:

      1) әскери бөлімдерден ауыстырылған, босатылған және тізімнен алып тасталған әскери қызметшілерге - жеке құрамның тізімінен алып тасталғаны туралы бұйрықтан үзінді алынғаннан кейін үш жұмыс күнінен кешіктірмей;

      2) кадрлар органдарынан (персоналмен жұмыс бөлімшелерінен) - жаңадан тағайындалуы туралы жеке құрам бойынша бұйрықтан үзінді алынғаннан кейін жеті жұмыс күнінен кешіктірмей.

      185. Әскери қызметтен теріс себептер бойынша шығарылған әскери қызметшілерге әскери бөлімнің тізімінен алып тасталғаннан кейін үш жұмыс күнінен кешіктірмей кадр органдары (персоналмен жұмыс бөлімшелері) Қазақстан Республикасы Бас прокуратурасының Құқықтық статистика және арнаулы есепке алу комитетінің басқармасына Қазақстан Республикасы Бас прокурорының 2001 жылғы 29 сәуірдегі № 39 бұйрығымен бекітілген Мемлекеттік қызметтен жағымсыз себептермен босатылған адамдарды есепке алу ісін жүргізу және пайдалану қағидаларына 1-қосымшаға сәйкес 1-ЖС нысаны бойынша (нормативтік құқықтық актілерді мемлекеттік тіркеу тізілімінде № 6986 болып тіркелді) мемлекеттік қызметтен босатылған адамдардың карточкаларын жолдайды.

      186. Әскери қызметтен босатылған әскери қызметшілердің нұсқамаларында олардың жеке істері қашан және қандай ЖӘБО-ға жіберілгені немесе олардың қайда жіберілетіні көрсетіледі.

      187. Алғашқы офицер атағын бере отырып, әскери оқу орындарын бітірген әскери қызметшілердің есепке алу құжаттары:

      1) жеке істері (екі данасы да) - бітірушілер әскери қызмет өткеру үшін жіберілген басқару органдары мен әскери бөлімдерге;

      2) қызметтік карталары: бірінші данасы - ҚР ҚМ кадр жұмысы органына, екінші данасы - офицер-бітірушілердің тағайындалуы бойынша әскери басқару органдарына жіберіледі.

      188. Офицерлер құрамының, сержанттар (старшиналар), сарбаздар (матростар) құрамдарының әскери қызметшілері запасқа немесе отставкаға шығарылған кезде олардың жеке істерінің бірінші және екінші даналары әскери қызметшіні әскери есепке қою жері бойынша ЖӘБО-ға жіберіледі.

      Жеке істерде ҚР ҚК қызмет өткергендігін растау туралы, оның ішінде зейнетақы тағайындау үшін еңбек сіңірген жылдарын жеңілдікпен есептеуге құқық беретін қызмет өткергендігі туралы мөртаңба, сондай-ақ еңбек сіңірген жылдарына жүргізілген есептеулер туралы әскери бөлімдер штабтарының және кадр органдарының (персоналмен жұмыс бөлімшелерінің) мөртаңбалары қойылады.

      Әскери қызметшілер шығару туралы бұйрықта көрсетілген басқа да ЖӘБО-ға есепке тұруға кеткен жағдайларда жеке істері әскери қызметшілер нақты кеткен ЖӘБО-ға жіберіледі. Бұл ретте, жеке істердің екінші данасын дұрыс жіберу үшін әскери бөлімдердің штабтары мен кадр органдары (персоналмен жұмыс бөлімшелері) команда бойынша немесе жеке істердің екінші данасын жүргізетін тиісті кадр органдарына (персоналмен жұмыс бөлімшелеріне) нақты әскери есепке қою орны туралы дереу хабарлауға міндетті.

      Офицерлер құрамының әскери қызметшілері әскери есепке тұру үшін жақын шетелдердің әскери басқару органдарына жіберілуі тиіс болған жағдайларда олардың жеке істерінің бірінші және келесі даналарын көрсетілген басқару органына ҚР ҚМ кадр органы жібереді.

      189. Әскери қызметшілерді есепке алу құжаттары:

      1) қайтыс болғандардың (қаза тапқандардың), хабарсыз кеткендердің жеке істерінің бірінші даналары - қайтыс болғандардың (қаза тапқандардың), хабарсыз кеткендердің отбасыларының тұрғылықты мекенжайы бойынша ЖӘБО-ға, жеке істерінің екінші даналары - Орталық мұрағатқа;

      2) бостандығынан айыруға сотталған әскери қызметшілердің жеке істерінің барлық даналары Орталық мұрағатқа;

      3) әскери атақтарынан айырылған әскери қызметшілердің жеке істерінің барлық даналары әскери есепке қою орны бойынша ЖӘБО-ға жіберіледі.

      190. Бір әскери бөлімнен басқасына ауыстырылған кезде әскери қызметшілердің жеке істері жаңа қызмет орны бойынша әскери бөлімге тікелей жіберіледі.

      191. Әскери басқару органдары (әскери бөлімдер) штабтарының бастықтары, кадр органдарының (персоналмен жұмыс бөлімшелерінің) бастықтары кеткен әскери қызметшілердің есепке алу құжаттарының уақтылы жіберілуін және дұрыс ресімделуін ұдайы бақылауды жүзеге асырады және келген әскери қызметшілердің есепке алу құжаттарын уақтылы алуға шаралар қолданады.

5-тарау. Қазақстан Республикасы Қарулы Күштері сержанттар (старшиналар), сарбаздар (матростар) құрамдарының әскери қызметшілерін есепке алу және құжаттарын ресімдеу

1-параграф. Жас буынды әскерге шақыру кезінде құжаттарды ресімдеу

      192. ҚР ҚК-ны жас буынмен жасақтау әскери басқару органдары ҚР ҚК БШ ұйымдастыру-жұмылдыру органына ұсынатын жеке құрамның саны туралы есептер негізінде жүргізіледі.

      193. ҚР ҚК БШ ұйымдастыру-жұмылдыру органы жыл сайын қаңтарда және шілдеде осы Қағидалардың 68-қосымшасына сәйкес нысан бойынша ҚР ҚК жас буынның қажеттілік есебін жасайды, жас буынды әскерге шақыруға қорғаныс істері жөніндегі департаменттерге алдын ала нарядтар жібереді.

      194. Қорғаныс істері жөніндегі департаменттер алынған нарядтар негізінде шақырылушыларды алдын ала іріктеуді жүргізеді және ағымдағы жылғы 25 ақпанда және 25 тамызда ҚР ҚК БШ ұйымдастыру-жұмылдыру органына іріктелген әскерге шақырылушылардың саны туралы есеп ұсынады.

      195. Әскери басқару органдары (әскери бөлімдер) жас буынды әскери бөлімдер мен бөлімшелер бойынша бөлу есебін жасайды және ағымдағы жылғы 25 ақпанда және 25 тамызда ҚР ҚК БШ ұйымдастыру-жұмылдыру жұмыстары органына есеп және жас буынға өтінім ұсынады.

      196. ҚР ҚК БШ ұйымдастыру-жұмылдыру органы алынған өтінімдер, есептер және әскери басқару органдары (әскери бөлімдер) және қорғаныс істері жөніндегі департаменттер ұсынған есептер негізінде наурызда және қыркүйекте:

      1) осы Қағидалардың 69-қосымшасына сәйкес нысан бойынша ҚР ҚК-ны кіші мамандармен және жас буынмен жасақтау жоспарын;

      2) осы Қағидалардың 70-қосымшасына сәйкес нысан бойынша азаматтарды Қазақстан Республикасының Қарулы Күштеріне, басқа да әскерлері мен әскери құралымдарына мерзімді әскери қызметке әскерге шақыру жоспарын;

      3) осы Қағидалардың 71-қосымшасына сәйкес нысан бойынша ҚР ҚК оқу-жаттығу орталықтарының (бөлімшелерінің) кіші мамандарын бөлу есебін;

      4) осы Қағидалардың 72-қосымшасына сәйкес нысан бойынша ҚР ҚК оқу-жаттығу орталықтарының (бөлімшелерінің) кіші мамандарын даярлау есебін;

      5) осы Қағидалардың 73-қосымшасына сәйкес нысан бойынша ҚР ҚК-ға әскерге шақырылатын жас буынды тасымалдау жоспарын жасайды.

      ҚР ҚК кіші мамандармен және жас буынмен жасақтау жоспары Қорғаныс министрінің жетекшілік ететін орынбасарымен немесе Бас штаб бастығының жетекшілік ететін орынбасарымен келісіледі және оны Қорғаныс министрінің бірінші орынбасары - ҚР ҚК БШ бастығы бекітеді.

      Кіші мамандарды бөлу есебі мен кіші мамандарды даярлау есебін ҚР ҚК БШ ұйымдастыру-жұмылдыру органының бастығы бекітеді.

      Жас буынды тасымалдау жоспарын Қорғаныс министрінің әскери тасымалдау мәселелеріне жетекшілік ететін орынбасары бекітеді.

      Осы құжаттардан үзінділер әскери басқару органдарына (әскери бөлімдерге) жеткізіледі.

      197. Әскери басқару органдары (әскери бөлімдер) алынған жоспарлардан үзінділер мен есептер негізінде:

      1) кіші мамандарды бөлу есебін;

      2) жас буын мен кіші мамандарға командалардың жетекшілерін жіберу есебін жасайды.

      198. Жас буынды қабылдау және ертіп жүру үшін жас буынды тасымалдау кезінде ұйымшылдық пен тәртіпті қамтамасыз ететін әскери қызметшілер мынадай есептен тағайындалады:

      20-ға дейінгі әскерге шақырылушыға - офицерлер құрамының 1 әскери қызметшісі;

      20-дан 50-ге дейінгі әскерге шақырылушыға - офицерлер құрамының 1 әскери қызметшісі, сержанттар (старшиналар), сарбаздар (матростар) құрамдарының 1 келісімшарт бойынша әскери қызметшісі;

      50-ден астам әскерге шақырылушыға - офицерлер құрамының 2 әскери қызметшісі, сержанттар (старшиналар), сарбаздар (матростар) құрамдарының 1 келісімшарт бойынша әскери қызметшісі.

      Жас буынды қабылдауға және оларды ертіп жүруге тағайындалған жеке құрам облыстық жиын пункттеріне олардың келу есебінен командаларды жібергенге дейін үш тәулік бұрын жіберіледі.

      Командалардың басшыларында өздерімен бірге:

      1) жеке басын куәландыратын құжаттар;

      2) іссапар куәліктері;

      3) әскери бөлімнен жас буынды қабылдауға әскери бөлім командирі қол қойған сенімхат;

      4) алынатын командаға медициналық кітапшалар бланкілері;

      5) әскери команданы тасымалдауға бағдар парағы болуы қажет.

      199. Келген жас буынды қабылдау үшін әскери бөлімдер командирлерінің бұйрықтарымен келген жас буынды қабылдауды, орналастыруды және оны материалдық-тұрмыстық жағдайлармен қамтамасыз ететін жас буын жиынының әкімшілігі құрылады.

      Жас буын жиыны әкімшілігінің жұмысын ұйымдастыру үшін әскери бөлімдер командирлерінің бұйрығымен:

      1) жас буын жиыны әкімшілігінің бастығы;

      2) тәрбие және идеологиялық жұмыстар жөніндегі орынбасары;

      3) бөлімше командирлері, сондай-ақ олардың қызметтік міндеттерін айқындай отырып, медицина персоналының қажетті саны тағайындалады.

      Жиын әкімшілігінің жеке құрамына:

      1) келген жас буынды күтіп алу және орналастыру;

      2) материалдық-тұрмыстық және медициналық қамтамасыз ету;

      3) санитариялық өңдеуді және медициналық тексеруді жүргізу;

      4) киім-кешек беру және дәлдеп пішу;

      5) тәрбие және идеологиялық жұмыстар, жауынгерлік және мемлекеттік-құқықтық даярлық бойынша сабақтар мен мәдени-бұқаралық іс-шаралар өткізу;

      6) әлеуметтік-психологиялық, моральдық және кәсіби қасиеттерін зерделеу;

      7) жарғылық тәртіпті және әскери тәртіпті ұстау жүктеледі.

      200. Медициналық қамтамасыз ету жөніндегі іс-шаралар ҚР ҚМ 2015 жылғы 2 шілдедегі № 373 бұйрығымен бекітілген Қазақстан Республикасының Қарулы Күштерінде әскери-дәрігерлік сараптаманы жүргізу қағидасына және әскери-дәрігерлік сараптама органдары туралы ережесіне (нормативтік құқықтық актілерді мемлекеттік тіркеу тізілімінде № 11846 болып тіркелді) сәйкес жүргізіледі.

      201. Жас буынды әскери бөлімдер мен бөлімшелер бойынша бөлу әскерге шақырылушылар алған мамандықтар туралы есептік-қызметтік карточкаларында бар белгілерге сәйкес әр әскери бөлімдердің немесе бөлімшелердің қажеттілік есебін ескере отырып, бөлу есептерінің негізінде жүзеге асырылады.

      Көлік құралдарын жүргізу құқығы берілген куәліктері бар адамдар олардың машиналар маркалары, типтері бойынша даярлығы мен практикалық жүргізу өтілін ескере отырып бөлінеді.

      202. Мерзімді әскери қызмет өткеретін әскери қызметшілерді ауыстыру:

      ҚР ҚК түрлері ішінде - әскер түрі бас қолбасшысының өкімімен;

      ҚР ҚК түрлері, бас басқармалары, ҚР ҚМ және ҚР ҚК БШ орталық бағыныстағы бөлімдері арасында - ҚР ҚК БШ ұйымдастыру-жұмылдыру органы бастығының өкімімен;

      Қазақстан Республикасының басқа да әскерлері мен әскери құралымдарына - мемлекеттік органдар бірінші басшыларының келісімі бойынша ҚР ҚМ өкімімен жүргізіледі.

2-параграф. Мерзімді әскери қызмет әскери қызметшілерін запасқа шығару кезінде құжаттарды ресімдеу

      203. Заңмен белгіленген мерзімді өткерген мерзімді әскери қызмет әскери қызметшілерін запасқа шығаруды әскери бөлім командирі жыл сайынғы Әскери қызметтің белгіленген мерзімін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын мерзімді әскери қызметке кезекті шақыру туралы Қазақстан Республикасы Президентінің Жарлығының және ҚР ҚМ бұйрығы негізінде жүргізеді. Запасқа шығару Қорғаныс министрінің бірінші орынбасары - ҚР ҚК БШ бастығының бұйрығында айқындалады.

      204. Қорғаныс министрінің бірінші орынбасары - ҚР ҚК БШ бастығының кезекті шығаруды жүргізу туралы бұйрығын алысымен әскери басқару органдары мен әскери бөлімдер әскери қызметшілерді запасқа шығару жоспарларын жасайды, онда:

      1) запасқа шығарылуға тиісті әскери қызметшілердің саны;

      2) босатуды жүргізу және запасқа шығарылатын әскери қызметшілерді ауыстыратын жас буынның келу кезеңінде әскери бөлімдердің жауынгерлік әзірлігін қамтамасыз етуді ескере отырып, шығару мерзімдері;

      3) запасқа шығарылған әскери қызметшілерді ұйымдасқан түрде жіберуді қамтамасыз ету жөніндегі іс-шаралар;

      4) запасқа шығарылатын мерзімді әскери қызмет әскери қызметшілері арасында оларды келісімшарт бойынша әскери қызметке айқындау жөнінде үгіттеу жұмыстарын жүргізу айқындалады.

      205. Запасқа шығарылатын мерзімді әскери қызмет әскери қызметшілері тұрғылықты жері бойынша ЖӘБО-ға жіберіледі.

      Запасқа шығарылған адамдарды басқа пункттерге жіберу олардың отбасының тұрғылықты жерінің өзгергені құжаттамалық расталған жағдайда ғана рұқсат етіледі.

      Шығарылғандарға жол жүруде әскери тәртіпті қатаң сақтау қажеттігі түсіндіріледі. Шығарылғандар тұрғылықты жеріне келгеннен кейін тұрақты (уақытша тұру) орны бойынша ЖӘБО-ға әскери есепке қою үшін жеті жұмыс күні ішінде Мемлекеттік корпорацияға барулары тиіс.

      206. Запасқа шығарылатындардың қолына мынадай құжаттар беріледі:

      1) әскери билет;

      2) есептік-қызметтік карточкасы;

      3) нұсқама;

      4) қызметтік мінездеме;

      5) барлық қызмет кезеңіндегі негізгі аурулардың ағымы сипатталған медициналық мінездеме, әскери-дәрігерлік комиссияның куәландырулары, дене дамуының өзгеруі және динамикалық бақылау нәтижелері, медициналық есепке алу бойынша медициналық сипаттағы нұсқаулар немесе тұрақты тұрғылықты жеріне келуі бойынша емдеу іс-шараларын ұйымдастыру жазылады;

      6) әскери-тасымалдау құжаттары;

      7) азық-түлік үлесі.

      207. Әскери бөлімдер штабтарының бастықтары шығарылуға дейінгі 10 күнтізбелік күннен кешіктірмей запасқа шығарылатын әскери қызметшілердің құжаттарының бар болуын және олардың дұрыс толтырылуын өзі тексереді.

      Запасқа шығарар алдында әскери қызметшілерге олар үшін қолданыстағы заңнамамен көзделген жеңілдіктер мен артықшылықтар түсіндіріледі.

      208. Мерзімді әскери қызмет әскери қызметшісін денсаулық жағдайы бойынша запасқа мерзімінен бұрын шығаруды ҚР ҚМ Орталық әскери-дәрігерлік комиссиясы бекіткен әскери-дәрігерлік комиссия қорытындысы негізінде әскери бөлімдердің командирлері жүргізеді. Бұл ретте, ҚР ҚМ Орталық әскери-дәрігерлік комиссиясының бастығы бекіткен сырқаты туралы куәлік әскери бөлімге жіберіледі.

      209. Мерзімді әскери қызмет әскери қызметшісін отбасы жағдайы бойынша запасқа мерзімінен бұрын босату ЖӘБО жүргізген әскери қызметші отбасының отбасылық-мүліктік жағдайын тексеру актілерінің негізінде ҚР ҚМ бұйрықтарына сәйкес жүргізіледі.

      210. Отбасы жағдайы бойынша әскери қызметшіні запасқа мерзімінен бұрын босату туралы туыстарынан өтініш келіп түскен кезде ЖӘБО бастығы құрамында ЖӘБО, аудандық (қалалық) әкімдік пен қоғамдық өкілдері бар комиссия құруға міндетті, ол 10 жұмыс күні ішінде әскери қызметшінің отбасы жағдайын мұқият тексеруге және отбасы-мүліктік жағдайын тексеру актілерін жасауға міндетті.

      Акт 2 данада жасалады және барлық комиссия мүшелері қол қояды. Актінің бірінші данасы ЖӘБО бастығының қорытындысымен және растайтын құжаттармен қорғаныс істері жөніндегі департаменттің бастығына қарауға, ал екінші данасы қорғаныс істері жөніндегі бөлімде (басқармада) қалады.

      Қорғаныс істері жөніндегі департаменттің бастығы келіп түскен әскери қызметшіні запасқа мерзімінен бұрын шығару туралы материалды үш жұмыс күні ішінде қарауға міндетті және заңды негіздер бар болған кезде отбасы жағдайы бойынша әскери қызметшіні запасқа мерзімінен бұрын шығару қажеттігі туралы өзінің қорытындысын ҚР ҚК БШ ұйымдастыру-жұмылдыру органына жіберуге міндетті.

      Әскери қызметшіні отбасы жағдайы бойынша запасқа мерзімінен бұрын шығару туралы ҚР ҚМ бұйрығынан алынған үзінді негізінде әскери бөлімнің командирі өз бұйрығымен әскери қызметшіні бөлім тізімінен алып тастайды және әскери есепке алу үшін ЖӘБО-ға жібереді.

      Әскери қызметшіні отбасы жағдайы бойынша запасқа мерзімінен бұрын шығару туралы негіз жоқ болған кезде қорғаныс істері жөніндегі департаменттің бастығы өтініш берушіге әскери қызметшіні запасқа мерзімінен бұрын шығарудан бас тартудың себептерін хабарлауға міндетті, сондай-ақ ол туралы әскери бөлімнің командирін және әскери қызметшінің отбасы жағдайына тексеру жүргізген ЖӘБО бастығын хабардар етуі тиіс.

      Әскери бөлім командирі 3 жұмыс күні ішінде қорғаныс істері жөніндегі департаменттің бастығынан келіп түскен материалдарды қарап, олармен әскери қызметшіні таныстырады. Әскери қызметші қол қойған, командирдің қолымен және әскери бөлімнің мөртаңбасымен куәландырылған әскери қызметшінің отбасының отбасылық-мүліктік жағдайын тексеру актісіне белгі жасайды. Содан кейін акт отбасы жағдайын тексеруді жүргізген қорғаныс істері жөніндегі департаментке жіберіледі.

3-параграф. Сержанттар (старшиналар), сарбаздар (матростар) құрамдарының келісімшарт бойынша әскери қызметшілерін ауыстыру және тағайындау, шығару, әскери атақ беру және келісімшарт жасасу кезінде құжаттарды ресімдеу

      211. Ауыстыру және тағайындау, шығару, әскери атақ беру және келісімшарт жасасу Қазақстан Республикасы Президентінің 2006 жылғы 25 мамырдағы № 124 Жарлығымен бекітілген Қазақстан Республикасының Қарулы Күштерінде, басқа да әскерлері мен әскери құралымдарында әскери қызмет өткеру қағидаларына сәйкес Тізбеге сәйкес командирлердің (бастықтардың) бұйрықтары негізінде жүзеге асырылады.

      Ауыстыру және тағайындау кезінде мынадай құжаттар ұсынылады:

      1) әскери қызметші өз қолымен жазған және өзі қойған лауазымы көрсетілген баянат (түпнұсқа), әскери қызметшінің төмен лауазымға ауысуы жағдайында баянатта оның келіскені немесе келіспегені жазылуы тиіс;

      2) ұсыным;

      3) әскери қызмет өткеруі туралы анықтама (әскери бөлім командирінің мөртаңбасымен куәландырылған);

      4) соттылығының бар болуы (болмауы) немесе әкімшілік құқық бұзушылықтар, қылмыстық жауапкершіліктен босатылғаны туралы анықтама;

      5) денешынықтыру дайындығы бойынша нормативтерді тапсыруды бағалау ведомосы (әскери бөлім командирінің мөртаңбасымен куәландырылған);

      6) қаржы қызметінен алынатын көтерме жәрдемақысының төлемі үшін жоспарланған ақша қаражаты туралы анықтама;

      7) уәкілетті органның бірінші басшысының шешімі бойынша үш жылда бір рет өткізілетін аттестаттау комиссиясының шешімі;

      8) қызметтік карточкасынан үзінді (әскери бөлім командирінің мөртаңбасымен куәландырылған көтермелеулердің және алынбаған жазалардың саны көрсетілген);

      9) әскери бөлім командирінің штат бойынша лауазымы, штаттық-лауазымдық санаты көрсетілген, егер лауазымда мемлекеттік құпияларға рұқсаттама қарастырылған болса рұқсаттама нысаны көрсетілген әскери қызметшіні қабылдау туралы қолдаухаты (түпнұсқа);

      10) қызметтік мінездеме (әскери бөлім командирінің (мекеме бастығының) мөртаңбасымен куәландырылған).

      Қосымша ұсынылады:

      1) денсаулық жағдайы бойынша - әскери-дәрігерлік комиссияның қорытындысы;

      2) отбасы жағдайы бойынша:

      отбасылық-мүліктік жағдайын тексеру актісі;

      қызмет орнына зайыбының (жұбайының) ауысуы жағдайында - неке қию туралы куәліктің көшірмесі (нотариат куәландырған), зайыбын (жұбайын) лауазымға тағайындау туралы бұйрықтан үзінді;

      3) әскери қызметшіні Десанттық-шабуылдау әскерлеріне және арнайы мақсаттағы бөлімдерге ауыстырған кезде әскери-дәрігерлік комиссияның қорытындысы.

      Шығару кезінде мынадай құжаттар ұсынылады:

      1) әскери қызметші өз қолымен жазған және өзі қолын қойған баянат (түпнұсқа), теріс себептер бойынша және арнайы тексеруді жүргізуден бас тарту бойынша босатылу жағдайларын есепке алмағанда;

      2) ұсыным;

      3) аттестаттау комиссиясының шешімі;

      4) қызметтік карточкасының көшірмесі (әскери бөлім командирінің мөртаңбасымен куәландырылған);

      5) сұхбаттасу парақтары.

      Қосымша ұсынылады:

      1) денсаулық жағдайы бойынша - әскери-дәрігерлік комиссияның қорытындысы;

      2) теріс себептер бойынша - қызметтік тексеру материалдары;

      3) басқа мемлекеттік органдарға ауысуына байланысты - мемлекеттік қызметшінің лауазымы көрсетілген мемлекеттік қызметке әскери қызметшіні қабылдау туралы мемлекеттік органның (мекеменің) жазбаша хабарландыруы.

      Кезекті әскери атақ беру кезінде:

      1) ұсыным;

      2) қызметтік карточкасының көшірмесі;

      3) әскери атақты мерзімінен бұрын беру кезінде - аттестаттау комиссиясының шешімі.

      Әскери қызметті өткеру туралы келісімшарт жасасу кезінде:

      1) әскери қызметші өз қолымен жазған және өзі қолын қойған баянат (түпнұсқа);

      2) ұсыным;

      3) аттестаттау комиссиясының шешімі;

      4) қызметтік карточкасының көшірмесі (әскери бөлім командирінің мөртаңбасымен куәландырылған).

      Әскери қызметте болудың шекті жасына жеткен әскери қызметшілермен келісімшарт жасасу кезінде қосымша:

      1) әскери-дәрігерлік комиссияның қорытындысы;

      2) қызметтік мінездеме ұсынылады.

      Жеке деректер (тегі, аты, әкесінің аты (ол бар болған кезде), ұлты, туған күні) өзгерген жағдайда:

      1) әскери қызметші өз қолымен жазған және өзі қолын қойған баянат (түпнұсқа);

      2) растайтын құжаттың көшірмесі ұсынылады.

6-тарау. Жеке құрам бойынша бұйрықтарды есепке алу және ресімдеу

1-параграф. Жеке құрам бойынша бұйрықтарды шығару, есепке алу және тарату

      212. Жеке құрам бойынша бұйрықтар офицерлер құрамы, сержанттар (старшиналар), сарбаздар (матростар) құрамдары әскери қызметшілерінің қызметтік жағдайын айқындайтын негізгі құжаттар болып табылады. Олар уәкілетті органның бірінші басшысы бекіткен Тізбеге сәйкес шығарылады. Жеке құрам бойынша бұйрықтар әр санат бойынша бөлек шығарылады және жеке нөмірі болады.

      213. Жеке құрам бойынша бұйрықтарда әскери қызметшілердің қызметтік жағдайларындағы мынадай өзгерістер ресімделеді:

      1) әскери атақтар беру және одан айыру, әскери атақтарын төмендету және қалпына келтіру;

      2) штаттық лауазымдарға тағайындау (оның ішінде лауазымдар атауының, әскери-есептік мамандығының, штаттық-лауазымдық санатының өзгеруі), қызмет бойынша ауыстырулар, сондай-ақ лауазымдардан босата отырып (резерв) өкіміне қабылдау, офицерлер құрамының лауазымдарына офицерлер құрамының әскери атақтары жоқ сержанттар (старшиналар), сарбаздар (матростар) құрамдарының әскери қызметшілерінің уақытша тағайындалуы.

      3) әскери қызмет өткеру туралы келісімшарт жасасу;

      4) әскери оқу орындарына магистранттар, докторанттар мен адъюнктер ретінде қабылдау, әскери оқу орындары мен адъюнктураны аяқтау;

      5) запастан әскери қызметке айқындау;

      6) әскерге шақыру бойынша әскери қызметшілерді келісімшарт бойынша әскери қызметке айқындау;

      7) әскери қызметтен шығару;

      8) әскери қызметте қалдыра отырып, мемлекеттік органдар мен ұйымдарға іссапарға жіберу;

      9) Қазақстан Республикасының басқа да әскерлері мен әскери құралымдарында әскери қызметін одан әрі өткеру үшін ҚР ҚК іссапарға жіберу және Қазақстан Республикасының басқа да әскерлері мен әскери құралымдарынан ҚР ҚК-ға қосу;

      10) әртүрлі себептер бойынша (қайтыс болу, қаза табу, әскери атақтан айыру, әскери қызметтен босату) ҚР ҚК офицерлер, сержанттар және сарбаздар құрамдарының тізімінен алып тастау;

      11) әскери бөлімінің нақты атауының өзгеруіне байланысты лауазымдық жағдайы;

      12) шартты атауларын өзгерту кезінде офицерлер лауазымдарға шартты атаулар бойынша тағайындалатын режимдік бөлімдер бойынша жеке құрам бойынша бұйрықпен тек әскери басқару органы басқармасы офицерлерінің лауазымдық жағдайы хабарланады;

      13) әскери қызметшілер тегінің, атының әкесінің атының (ол бар болған кезде), туған күнінің және ұлтының өзгеруі.

      214. Ұйымдық-штаттық іс-шараларды жүргізу барысында штаттық лауазымның атауы (штаттық-лауазымдық санаты, әскери-есептік мамандығы өзгертілмей) өзгерген кезде әскери қызметшілерді, азаматтық персонал адамдарын тағайындау Тізбеге қарамастан, командирлердің (бастықтардың) жеке құрам бойынша бұйрықтарымен жүзеге асырылады.

      Әскери бөлім нақты атауының нөмірін өзгертпей әскери бөлімнің шартты атауы өзгерген жағдайда немесе әскери бөлімнің нақты атауына өзгерістер енгізілген кезде жеке құрам бойынша бұйрықтарды шығармай әскери қызметшілерді дербес және штаттық-лауазымдық есепке алу құжаттарына жазба жасау жолымен тиісті өзгертулер енгізіледі.

      215. Әскери оқу орындарын бітірушілерге офицерлер құрамының алғашқы әскери атағын беру туралы, запастағы офицерлерді екі жылға шақыру туралы, келісімшарт бойынша әскери қызметке қабылдау туралы ҚР ҚМ бұйрықтары шыққаннан кейін осы офицерлерді әскери бөлімдер командирлерінің өкіміне қабылдау туралы кейінгі бұйрықтар шығарылмайды. Оларды офицерлер лауазымдарына тағайындау Тізбеге сәйкес жүргізіледі.

      216. Жеке құрам бойынша емес бұйрықтармен офицерлерді атқарып отырған лауазымдарынан шеттету немесе олардың әскери атақтарын төмендету жағдайларында бұйрықтардан үзінділер есепке алу құжаттарына жазу үшін бұйрықтарда көрсетілген әскери қызметшілерді дербес есепке алуды жүргізетін тиісті органдарға жіберіледі.

      Бұл ретте, лауазымынан шеттетілген әскери қызметшілер жеке құрам бойынша бұйрықтармен тиісті командирлер мен бастықтардың өкіміне қосылады.

      Жеке құрам бойынша емес бұйрықтарда әскери қызметшілердің шығарылуы туралы көрсетілетін жағдайларда оларды іске асыру қажетті құжаттар ұсынылғаннан соң кейіннен жеке құрам бойынша бұйрықтармен жүргізіледі.

      Кезекті әскери атақ беру, әскери атағын төмендету жеке құрам бойынша бұйрықтармен қайталанбайды.

      217. Бейбіт уақытта хабарсыз кеткен (жоғалған) әскери қызметшілерді ҚР ҚК офицерлер, сержанттар және қатардағы жауынгерлер құрамдарының тізімінен алып тастау тиісті командирлер мен бастықтардың қолдаухаты негізінде:

      1) Тізбеге сәйкес - ҚР ҚМ;

      2) офицерлер, сержанттар және қатардағы жауынгерлер құрамдарының барлық қалған адамдарын - Қорғаныс министрінің бірінші орынбасары - ҚР ҚК БШ бастығының жеке құрам бойынша бұйрықтарымен жүргізіледі.

      Қолдаухаттар мен жеке құрам бойынша бұйрықтарда әскери қызметшінің әскери атағы, тегі, аты және әкесінің аты (ол бар болған кезде), атқаратын лауазымы, туған жылы және орны, әскери қызметшінің хабарсыз кетуінің себептері мен жағдайлары, отбасы құрамы және мекенжайы, әскери қызметшінің асырауындағылар, әскери қызметшіні хабарсыз кеткен деп тану туралы соттың шешімі көрсетіледі.

      Қайтыс болуына (қаза табуына) байланысты ҚР ҚК офицерлер, сержанттар және сарбаздар құрамдарының тізімінен алып тастау әскери қызметшінің қайтыс болуы (қаза табуы) туралы жеткізілім мен куәлік негізінде жеке құрам бойынша бұйрықтар шығаруға құқығы бар лауазымды адамдардың ведомстволық тізбесіне сәйкес жеке құрам бойынша бұйрықтармен жүзеге асырылады.

      218. Жеке құрам бойынша бұйрықтардың бірінші даналарына енгізілетін түзетулерді олардың қолтаңбалары бар кезде бұйрықтарға қол қойылған адамдар куәландырады. Бұл ретте, бұйрықтар тармақтарының нөмірлеріне түзетулер енгізілмейді. Бұйрықтардың қалған даналарындағы осы түзетулерді кадр органдары (персоналмен жұмыс бөлімшелерінің) бастықтарының қолтаңбасымен және елтаңбалы мөрмен куәландырылады.

      Қол қойылған бұйрықтардың кіріспе бөлімдері мен тармақтарының мазмұндарына өзгерістер, бұйрық тармақтарына түсіндірмелердегі қайтыс болғаны, сотталғаны, әскери атағынан айыру, зейнетақы тағайындау үшін еңбек сіңірген жылдарын немесе еңбек өтілін қысқарту туралы деректерге қатысты қателерді жөндеу, сондай-ақ бұдан бұрын шығарылған бұйрықтардың тармақтарының күшін жою жеке құрам бойынша жаңа бұйрықтармен жүзеге асырылады, ол туралы тиісті белгі тармақтардың күші жойылған немесе өзгерістер енгізілген бұйрықтардың барлық даналарына қойылады.

      Түсіндірмелерде жіберілген басқа қателер бұйрық шығарусыз түзетіледі және тек бірінші данасында ғана бұйрықты ресімдеген құрылымдық бөлімшенің бастығы куәландырады.

      219. Әр тағайындайтын инстанциялардың құрам бойынша бұйрықтарында басқа мазмұндағы бұрықтардан бөлек бірыңғай дербес реттік нөмірі болады (нөмірлердің реті бұзылмайды) және олар иісті құрылымдық бөлімшелерде есепке алынады.

      Құпия емес бұйрықтар "Құпия" құпиялық белгісі бар бұйрықтардан бөлек нөмірленеді.

      Бұйрықтарды есепке алуды кадр органы (персоналмен жұмыс бөлімшесі), олар болмаған жағдайда құпия немесе құпия емес іс жүргізу бөлімшесі жүзеге асырады.

      Әскери басқару органының нөмірі немесе атауы өзгерген кезде әскери басқару органының жаңа атауымен (нөмірімен) жеке құрам бойынша бұйрықтары тек командирдің жаңа атау (нөмір) бойынша лауазымға тағайындалуынан (бекітілуінен) кейін ғана шығарылады. Осы бұйрықтарды нөмірлеу бұрын шығарылған бұйрықтардан бөлек, бірінші нөмірден басталады.

      220. Жеке құрам бойынша бұйрықтардың түпнұсқа (бірінші) даналары осы бұйрықтарды шығарған инстанцияларда сақталады.

      Бұйрықтардың кейінгі даналары немесе олардан үзінділер бұйрықтарда аталған дербес штаттық-лауазымдық есепке алуды жүргізетін органдарға және олардың қызмет орындары бойынша әскери бөлімдерге жіберіледі. Бұл ретте бұйрық шығарған инстанциялр бұйрықтың тиісті даналарын немесе бұйрықтың тармақтарына түсіндірмелермен олардан үзінділерді бағынысты органдарға (бір саты төмен) және тікелей жасақталатын әскери бөлімдерге жібереді.

      Барлық жеке құрам бойынша бұйрықтардың екінші даналары ҚР ҚМ кадр жұмысы органына жіберіледі. Бұйрықтарды жіберу оларға қол қойылғаннан кейін үш жұмыс күнінен кешіктірілмей жүргізіледі.

      221. Басқа мемлекеттік органдарға жіберілетін бұйрықтардан үзінділерде әскери бөлімдердің нақты атаулары көрсетілмейді.

      222. Жеке құрам бойынша бұйрықтардан үзінділерді тарату бұйрыққа қол қойылғаннан кейін жеті жұмыс күнінен кешіктірілмей жүргізіледі.

      Жеке құрам бойынша бұйрықтардан үзінділерді тарату есебі тек бірінші даналарда жасалады.

      223. Тиісті әскери басқару органы шығарған жеке құрам бойынша бұйрықтарды есепке алу осы Қағидаларға 74-қосымшаға сәйкес нысан бойынша жеке құрам бойынша бұйрықтарды есепке алу кітабында жүргізіледі.

2-параграф. Жеке құрам бойынша бұйрықтар жасау

      224. Жеке құрам бойынша бұйрықтарға Тізбеге сәйкес лауазымды адам және кадр органының (персоналмен жұмыс бөлімшенің) бастығы қол қояды.

      225. Бұйрықтар командирлер мен бастықтардың атынан мемлекеттік және орыс тілдерінде әзірленеді және қабылданады.

      Бұйрыққа бір немесе бірнеше кіріспе бөлім енгізіледі.

      Бұйрықта бірнеше кіріспе бөлім болған жағдайда, олар жеке тармақпен енгізіледі.

      Тармақтар бірдей мағынадағы тармақшаларға бөлінуі мүмкін.

      Бұл ретте, бұйрықтың тармағында (кіріспе бөлімінде) және тармақшасында бірдей мәтін қайталанбауы қажет.

      Бұйрықтың барлық тармақшаларын нөмірлеу реті тармақтар (кіріспе бөлім) санына қарамастан бірыңғай болуы және әскери қызметшілердің тектері әліпбилік ретпен орналасуы тиіс.

      226. Офицерлер құрамының әскери қызметшілеріне арналған жеке құрам бойынша бұйрықтарда әскери бөлімдер гвардиялық атауларын қоса отырып (ол бар болған кезде) олардың нақты атаулары, сержанттар (старшиналар), сарбаздар (матростар) құрамдарының келісімшарт бойынша әскери қызметшілеріне шартты атаулары көрсетіледі. Жеке құрам бойынша бұйрықтарда әскери бөлімдер мен құрамаларға берілген құрмет атаулары, олар алған мемлекеттік наградалары, әскери қызметшілерге берілген құрмет және ғылыми атақтар, сондай-ақ гвардиялық әскери атақтары көрсетілмейді.

      227. Әскери қызметшілерді жабық әскери бөлімдерге тағайындаған кезде осы бөлімдер тек шартты атауы бойынша, ал офицерлердің лауазымдары штатта көрсетілген қысқартылған атаулары бойынша көрсетіледі. Бұл ретте әскери бөлімдер кіретін әскери басқару органдарының шартты атаулары жеке құрам бойынша бұйрықтардың тармақтарында көрсетілмейді.

      Әскери қызметшілерді штаттарында бөлімшелердің шартты нөмірлері, ал олардың штаттық атаулары жақшаларда белгіленген әскери бөлімге тағайындаған кезде осы бөлімшелер тек шартты нөмірлері бойынша көрсетіледі.

      228. Әскери қызметшілерді жоғары әскери оқу орындарының тыңдаушыларына қабылдау туралы бұйрықтардың кіріспе бөлімдерінде олардың түсу емтихандарын тапсырғаны туралы көрсетіледі. ҚР ҚМ әскери оқу орындарына қабылданған немесе бітірген Қазақстан Республикасының басқа әскерлері мен әскери құралымдарында әскери қызмет өткеріп жүрген офицерлер бұйрыққа жеке тармақпен енгізіледі.

      Әскери оқу орнын бітіру жөніндегі бұйрық жеке шығарылуы мүмкін.

      229. Жеке құрам бойынша бұйрықтардың тармақтары бұйыру түрінде жазылады. Оларда жүйелі ретпен қысқартусыз әскери қызметшілердің әскери атақтары, тектері, аттары мен әкесінің аттары, бұйрық шығарылып жатқан кездегі лауазымы, әскери бөлімдер кіретін әскери бөлімдер мен құрамалардың атаулары көрсетіледі.

      Тармақтар бұйрыққа мынадай жүйелілікпен қосылады:

      ұйымдық-штаттық іс-шаралар бойынша тағайындау;

      босату және тағайындау;

      өкімнен тағайындау;

      келісімшарт бойынша әскери қызметке қабылдау;

      екі жылға әскерге шақыру бойынша әскери қызметке қабылдау;

      әскери қызмет өткеру туралы келісімшарт жасасу;

      өкімге қосу;

      іссапарға жіберу;

      әскери қызметтен шығару;

      қайтыс болуына байланысты офицерлер, сержанттар және қатардағы жауынгерлер құрамдарының тізімінен алып тастау;

      есептік деректерді өзгерту;

      бұйрықтың тармағын жою.

      Тағайындау туралы бұйрықтарда, бұдан басқа офицерлер тағайындалатын лауазымдар мен тағайындалу жүргізілетін лауазымдар бойынша ӘЕМ нөмірлері көрсетіледі.

      230. Кезекті әскери атақтар, офицерлер құрамының алғашқы әскери атағын беру, әскери атақты төмендету, айыру, қалпына келтіру туралы бұйрықтар жеке шығарылады.

      Әскери атақтар бойынша бұйрықтарда тармақтар мынадай жүйелілікпен жазылады:

      әскери оқу орындарын бітірушілерге әскери атақтар беру;

      кезекті әскери атақтар беру;

      сержанттар (старшиналар), сарбаздар (матростар) құрамдарының келісімшарт бойынша әскери қызметшілеріне офицерлер құрамының алғашқы әскери атағын беру;

      әскери атағын қалпына келтіру;

      әскери атағын төмендету;

      әскери атақтан айыру.

      Бұл ретте, бұйрықтың тармақтары бірізділік тәртіппен анағұрлым жоғары әскери атақтан анағұрлым төменге жасалады.

      231. Бұйрықтың тармақтарына түсіндірмелер бұйрықтың тиісті тармақтарының астына орналастырылады. Оларда бұйрық сипаттамасына байланысты:

      1) тағайындау туралы бұйрықтарда:

      туған жылы, ұлты, білімі, ҚР ҚК-да қай уақыттан екені, келісімшарт қай уақытқа дейін және қандай мезгілге жасалғаны, жеке нөмірі, әскери қызметшінің қандай лауазымға тағайындалатыны (қызмет бойынша жоғарылату тәртібімен жоғарыға, қызметті анағұрлым мақсатты пайдалану үшін бірдейге, отбасылық жағдайы бойынша бірдей немесе төменге, әскери қызметшінің жеке баянаты бойынша немесе аттестаттау тәртібімен төменге, сондай-ақ ол кімнің орнына тағайындалатыны) құжаттың түскен күні мен нөмірі көрсетіледі, ұйымдық-штаттық іс-шаралар бойынша тағайындау кезінде жеке нөмірі, қандай лауазымға тағайындалатыны, құжаттың түскен күні мен нөмірі;

      2) келісімшарт бойынша әскери қызметке қабылдау туралы бұйрықтарда:

      туған жылы, ұлты, білімі, ҚР ҚК-да қай уақыттан екендігі, жеке нөмірі, қандай ЖӘБО-да есепте тұрғандығы, түскен құжаттың нөмірі мен күні;

      3) екі жылға әскерге шақыру туралы бұйрықтарда:

      туған жылы, ұлты, білімі, ҚР ҚК-дан қай уақыттан екендігі, алынған әскери-есептік мамандығының нөмірі, жеке нөмірі, қандай ЖӘБО-да есепте тұрғандығы, түскен құжаттың күні мен нөмірі көрсетіледі;

      4) келісімшарт жасасу туралы бұйрықтарда:

      туған жылы, ұлты, жеке нөмірі, түскен құжаттың күні мен нөмірі көрсетіледі;

      5) басқа әскерлер мен әскери құралымдарға іссапарға жіберу және басқа әскерлер мен әскери құралымдардан қабылдау жөніндегі бұйрықтарда:

      туған жылы, ұлты, білімі, жеке нөмірі, іссапарға жіберу (қабылдау) үшін негіз, түскен құжаттың күні мен нөмірі көрсетіледі;

      6) өкімге қосу, ҚР ҚК офицерлері, сержанттары және қатардағы жауынгерлері құрамдарының тізімінде қалдырыла отырып, басқа министрліктер мен ведомстволарға іссапарға жіберу туралы бұйрықтарда:

      туған жылы, ұлты, білімі, ҚР ҚК-да қай уақыттан екендігі, келісімшарт қандай мерзімге жасалғаны және қай мезгілге дейін, жеке нөмірі, іссапарға жіберу негізі, түскен құжаттың күні мен нөмірі көрсетіледі, әскери оқу орындарының бітірушілерін өкімге қабылдау (тағайындау) кезінде тек жеке нөмір;

      7) әскери оқу орындарының тыңдаушысы, магистранттары, докторанттары мен адъюнкттары болып қабылданғаны туралы және оларды аяқтағаны туралы бұйрықтарда:

      туған күні және жеке нөмірі;

      8) кезекті әскери атақтар беру туралы, сондай-ақ атқаратын әскери лауазымымен көзделген әскери атақтан бір саты жоғары әскери атақ беру туралы бұйрықтарда:

      туған күні, ұлты, білімі, әскери атақта еңбек сіңірген мерзімі (толық қанша жыл және ай), жеке нөмірі, түскен құжаттың нөмірі мен күні, әскери атақты мезгілінен бұрын беру кезінде әскери атаққа еңбек сіңірген мерзімінің орнына кезекті әскери атақты қанша толық жыл мен айға мерзімінен бұрын беру жүргізілгені;

      9) әскери атағын бір сатыға төмендету туралы бұйрықтарда:

      туған күні, білімі, атағын төмендету үшін себептер мен негіздеме, жеке нөмірі, түскен құжаттың нөмірі мен күні;

      10) әскери атақты қалпына келтіру туралы бұйрықтарда:

      туған күні, білімі, қандай бұйрықпен және не үшін атағы төмендетілген, жеке нөмірі, түскен құжаттың нөмірі мен күні;

      11) әскери атақтан айыру туралы бұйрықтарда:

      туған күні, білімі, әскери атағынан айыру үшін себептер мен негіздеме, жеке нөмірі, түскен құжаттың нөмірі мен күні;

      12) Заңның 26-бабы 1-тармағының 1), 2), 3), 4), 5), 6), 7), 8), 9), 10), 11), 12), 13) тармақшалары, 3-тармағы бойынша қызметтен босату туралы бұйрықтарда:

      туған жылы, ұлты, білімі, ҚР ҚК-да қай уақыттан екендігі, еңбек сіңірген жылдары (күнтізбелік, жеңілдікпен санағанда, еңбек өтілін есепке ала отырып жалпы еңбек сіңірген жылдары), жеке нөмірі, әскери есепке тұру үшін қандай ЖӘБО-ға жіберілуі тиіс, келіп түскен құжаттың нөмірі мен күні көрсетіледі. Түсініктемеге еңбек сіңірген жылдары жөніндегі жазба еңбек сіңірген жылдары зейнетақымен қамтамасыз етуге құқық берген жағдайда ғана жүргізіледі, бұл ретте еңбек сіңірген толық жылдары мен айлары көрсетіледі;

      13) соттың айыптау (оның ішінде шартты түрде) үкімінің заңды күшіне енуіне, қылмыстық жауаптылықтан босатылуына байланысты теріс себептер бойынша қызметтен босату туралы бұйрықтарда:

      туған күні, ұлты, білімі, ҚР ҚК-да қай уақыттан екендігі, жеке нөмірі, қашан, қандай сотпен, қандай бап бойынша, не үшін және жазаның қандай түрімен сотталғаны, үкім қашан заңды күшіне енді, немесе қашан және қандай бап бойынша тартылған, Қазақстан Республикасы Қылмыстық-процестік кодексінің қандай тармақтары негізінде қылмыстық жауаптылықтан босатылғаны, әскери есепке тұру үшін қандай ЖӘБО-ға жолдануға жатады, келіп түскен құжаттың нөмірі мен күні көрсетіледі. Әскери қызметшіге жаза бас бостандығынан айыру түрінде тағайындалғаны жөніндегі сот үкімі заңды күшіне енуі бойынша қызметтен шығарылғандар үшін әскери есепке қою орны көрсетілмейді;

      14) әскери атағынан айыруға байланысты теріс себептер бойынша қызметтен шығару туралы бұйрықтарда:

      туған күні, ұлты, білімі, ҚР ҚК-да қай уақыттан екендігі, жеке нөмірі, қызметтен шығаруға негіздеме (сот шешімі және әскери атағынан айыру себептері), әскери есепке тұру үшін қандай ЖӘБО-ға жолдануға жатады, келіп түскен құжаттың нөмірі мен күні;

      15) Заңның 26-бабы 1-тармағының 14) тармақшасы бойынша қызметтен шығару туралы бұйрықтарда:

      туған күні, ұлты, білімі, ҚР ҚК-да қай уақыттан екендігі, жеке нөмірі, әскери есепке тұру үшін қандай ЖӘБО-ға жолдануға жатады, келіп түскен құжаттың нөмірі мен күні;

      16) Заңның 26-бабы 1-тармағының 15) тармақшасы бойынша қызметтен шығару туралы бұйрықтарда:

      туған күні, ұлты, білімі, жеке нөмірі, әскери есепке тұру үшін қандай ЖӘБО-ға жолдануға жатады, келіп түскен құжаттың нөмірі мен күні;

      17) қайтыс болуына (қаза табуына) байланысты офицерлер, сержанттар және қатардағы жауынгерлер құрамдарының тізімінен алынуы туралы бұйрықтарда:

      туған күні, ұлты, білімі, ҚР ҚК қай кезден бастап, жеке нөмірі, қайтыс болған күні мен себебі, әскери қызметші қайтыс болған науқастың атауы, қайтыс болуы әскери қызмет міндеттерін атқарумен байланысты болды ма, қайтыс болғандығы туралы куәліктің күні мен нөмірі, жерленген жері, әйелі (күйеуі) мен балаларының немесе қайтыс болған (қаза тапқан) үшін зейнетақы алуға құқылы туыстарының тегі, аты, әкесінің аты, туған жылы мен мекенжайы, түскен құжаттың нөмірі мен күні;

      18) тегін, атын, әкесінің атын, туған күнін немесе ұлтын өзгерту туралы бұйрықтарда:

      жеке нөмірі, өзгерту үшін негіздеме (құжаттың атауы, нөмірі, құжаттың берілген күні және кім бергені), түскен құжаттың нөмірі мен күні көрсетіледі.

      Білімі туралы мәліметтер жазылған кезде деңгейі бойынша жоғарғы әскери немесе арнайы білім берілген оқу орнының атауы көрсетіледі. Деңгейі бойынша жоғары тұрған білімі бар болған кезде әскери білімі де көрсетіледі.

      ҚР ҚК қызметінде үзіліс бар болған кезде бұрын қай кезден бастап қай кезге дейін ҚР ҚК-да тұрғаны көрсетіледі. Келісімшарт бойынша әскери қызметке алғаш белгіленген, сондай-ақ әскерге шақыру бойынша екі жылға әскери қызметке шақырылған және бұрын ҚР ҚК-да қызмет өткермегендер үшін ҚР ҚК-да қызмет өткермегендігі көрсетіледі.

      232. Заңның 26-бабы 1-тармағының 13) тармақшалары бойынша қызметтен теріс себептер бойынша шығару кезінде мынадай тұжырымдар пайдаланылады:

      қылмыстық жазалауды тағайындау туралы сот үкімінің заңды күшіне енуіне байланысты теріс себептер бойынша;

      қылмыс жасағаны үшін әскери қызметшіге соттың шартты түрде айыптау үкімінің заңды күшіне енуіне байланысты теріс себептер бойынша;

      қылмыс жасағаны үшін қылмыстық жауаптылықтан 2014 жылғы 4 шілдедегі Қазақстан Республикасы Қылмыстық-процестік кодексінің 35-бабы бірінші бөлігі 3), 4), 9), 10) және 12) тармақшаларының немесе 36-бабының негізінде шығарылуына байланысты теріс себептер бойынша;

      әскери атағынан айыруға байланысты теріс себептер бойынша;

      əскери қызмет міндеттерін атқару кезінде алкоголь, есірткі ішіп келу немесе өзге де масаң күйде болуына байланысты теріс себептер бойынша;

      мамандандырылған медициналық мекемелерде (наркологиялық диспансерлерде) алкоголь, есірткі немесе өзге де масаңдық күй туғызатын заттарды тұтыну тұрғысынан медициналық куəландырудан өтуден бас тарту немесе жалтаруына байланысты теріс себептер бойынша;

      әскери қызметшінің келісімшарттың талаптарын жүйелі түрде бұзуына байланысты теріс себептер бойынша;

      педагогтік, ғылыми және өзге де шығармашылық қызметтен басқа, кез келген ақылы қызмет түрлерімен айналысуына байланысты теріс себептер бойынша;

      мемлекеттік құпияларды құрайтын мәліметтерді, оларды тасығыштарды жария етуге немесе жоғалтуға әкеп соқтырған құпиялылық режимін қамтамасыз ету жөніндегі белгіленген талаптарды бұзуына байланысты теріс себептер бойынша;

      коммерциялық ұйымдардың жарғылық капиталындағы меншік құқығымен тиесілі үлестерді, акцияларды (акцияны) жəне пайдаланылуы кіріс алуға əкелетін өзге де мүлікті сенім басқармасына бермеуіне байланысты теріс себептер бойынша;

      "Әскери қызмет және әскери қызметшілердің мәртебесі туралы" 2012 жылғы 16 ақпандағы Қазақстан Республикасы Заңы 38-бабының 2-тармағында көрсетілген мəліметтерді ұсынбау немесе бұрмалауына байланысты теріс себептер бойынша;

      "Сыбайлас жемқорлыққа қарсы іс-қимыл туралы" 2015 жылғы 18 қарашадағы Қазақстан Республикасының Заңында айқындалған жағдайларға байланысты теріс себептер бойынша.

      Жеке құрам бойынша бұйрықтардың тармақтары осы Қағидаларға 75-қосымшаға сәйкес нысан бойынша жасалады.

____________________________________________ (әскери бөлім атауы) жеке құрамды есепке алудың жай-күйін тексеру актісі

      ҚР ҚК жеке құрамын есепке алу қағидалары 8-тармағының талаптарына сәйкес мынадай құрамдағы комиссия комиссия төрағасы: _____________________________________________

      _______________________________________________________________________________,

      (лауазымы, әскери атағы, тегі және инициалдары)

      комиссия мүшелері: ______________________________________________________________

      (лауазымы, әскери атағы, тегі және инициалдары)

      __________________________________________________________ жеке құрамды есепке алу

      (әскери бөлім атауы)

      жай-күйін тексерді.

      Жұмыс барысында жеке құрамды есепке алу жай-күйі мен дербес және статистикалық есепке алуды жүргізу, есепке алу құжаттары мен есеп беру нысандарын толық және сапалы әзірлеу мәселелері тексерілді.

      1. Жеке құраммен жасақталуы:

      2. Жеке құрамды есепке алу, әскери қызметті өткеру мәселелеріне және азаматтық персоналдарға қатысты жетекші құжаттардың болуы.

      3. Жеке құрамды есепке алу кітаптары мен журналдарының бар болуы мен оларды жүргізу.

      Мынадай құжаттар тексерілді:

      1) бөлімшелерде жеке құрамды есепке алу кітаптары;

      2) кешкі тексерулерді жүргізу үшін атаулы тізім;

      3) мерзімді қызмет әскери қызметшілері мен азаматтық персонал адамдарын әліпбилік ретпен есепке алу кітаптары;

      4) офицерлерді, сержанттар (старшиналар) және сарбаздар (матростар) құрамдарының келісімшарт бойынша әскери қызметшілерін әліпбилік ретпен есепке алу кітаптары;

      5) жеке құрамды штаттық-лауазымдық есепке алу кітабы;

      6) уақытша болмайтын және бөлімге уақытша келген жеке құрамды есепке алу кітабы;

      7) тәуліктік ведомость

      8) мерзімді әскери қызмет әскери қызметшілерін қызметтік есепке алу карточкалары;

      9) келісімшарт бойынша әскери қызметшілер мен азаматтық персонал адамдарының жеке істері;

      10) азаматтық персонал адамдарының жеке карточкалары мен еңбек кітапшалары;

      11) бөлімді өз еркімен тастап кеткен әскери қызметшілерді есепке алу кітабы;

      12) жеке құрамды есепке алудың жай-күйін бақылау журналы;

      13) әскери бөлімнің жеке құрамын ауыстыру журналы;

      14) азаматтық персонал адамдарының еңбек кітапшаларын және олардың қозғалысын есепке алу журналы.

      4. Кемшіліктер.

      5. Қорытынды.

      6. Ұсыныстар.

      Комиссияның төрағасы: ___________________________________________________________

      (әскери атағы, қолы, тегі және инициалдары)

      Комиссия мүшелері: ______________________________________________________________

      (әскери атағы, қолы, тегі және инициалдары)

      Актімен таныстым:

      Ескертпе:

      Құпиялылық белгісі немесе шектеу белгісі, оның мазмұны негізінде құпияландыруға жататын мәліметтердің ведомстволық тізіміне және шектеулі таралымдағы мәліметтер тізіміне сәйкес беріледі.

_____________________________ жеке құрамының атаулы тізімі (бөлімшенің атауы)

____________________________________________________________ (бөлімшенің атауы) жеке құрамды есепке алу кітабы

      1-кіші бөлім. Жеке құрамның саны туралы қысқаша мәлімет

      20__ж. "__" _________________

      2-кіші бөлім. Штаттық-лауазымдық есеп

      3-кіші бөлім. Жеке құрамның тізімі

      Ескертпе: құпиялылық белгісі немесе шектеу белгісі, оның мазмұны негізінде құпияландыруға жататын мәліметтердің ведомстволық тізіміне және шектеулі таралымдағы мәліметтер тізіміне сәйкес беріледі.

Кешкі тексеру үшін_____________________жеке құрамының атаулы тізімі (бөлімшенің атауы)

      Кестенің жалғасы

      Рота (батарея) командирі __________________________________________________________

      (әскери атағы, қолы, тегі және инициалдары)

______________________________________________________________________ (бөлімше, әскери бөлім атауы) жеке құрамын штаттық-лауазымдық есепке алу кітабы

      1-кіші бөлім. Жеке құрамның саны туралы жалпы мәліметтер

      1) құрылымдық бөлімшелер бойынша жеке құрамның штатық және тізімдік саны туралы мәліметтер

      2) жеке құраммен жасақталу

      3) жеке құрамның бар болуы туралы және әртүрлі себептер бойынша болмағандардың саны туралы мәліметтер

      2-кіші бөлім. Жеке құрамның штаттық-лауазымдық тізімі

      Ескертпе: құпиялылық белгісі немесе шектеу белгісі, оның мазмұны негізінде құпияландыруға жататын мәліметтердің ведомстволық тізіміне және шектеулі таралымдағы мәліметтер тізіміне сәйкес беріледі.

______________________________________________________________________ (әскери бөлімнің атауы) жеке құрамын әліпбилік ретпен есепке алу кітабы

      Ескертпе: әскери бөлімдердің тек шартты атауы бойынша жүргізіледі.

______________________________________________________________________ (әскери бөлімнің атауы) офицерлерін, сержанттар (старшиналар), сарбаздар (матростар) құрамдарының келісімшарт бойынша әскери қызметшілерін әліпбилік ретпен есепке алу кітабы

      Ескертпе: әскери бөлімдердің тек шартты атауы бойынша жүргізіледі.

______________________________________________________________________ (әскери бөлімнің атауы) орнында уақытша болмаған және уақытша келген жеке құрамды есепке алу кітабы

      _________________________ сериялы әскери билетке

есептік-қызметтік карточка

      1. Жалпы мәліметтер

      5. Туған күні және жері: _____________________________________________________

      6. Ұлты: __________________________________________________________________

      7. Білімі: __________________________________________________________________

      8. Азаматтық мамандығы: ___________________________________________________

      9. Жұмыс орны: ____________________________________________________________

      10. Қазақстан Республикасы Қорғаныс министрлігінң әскери-техникалық мектебінде

      мына мамандық бойынша дайындалды: ________________________________________

      11. Отбасы жағдайы: ________________. Отбасы құрамы:

      Отбасының мекенжайы: ___________________________________________________________

      12.Шақыру комиссиясының шешімі: ________________________________________________

      13.Әскерге ___________________________________________________________ шақырылды

      Бөлімге жіберу үшін ___________________________ қорғаныс істері жөніндегі бөлімге (басқармаға) келді

      Қорғаныс істері жөніндегі

      бөлім (басқарма) бастығы __________________________________________________________

      (әскери атағы, қолы, тегі және инициалдары)

      14.20__ж. "____" ____________ __________________облысы _________________ қорғаныс

      істері жөніндегі бөліммен (басқармамен) әскерге шақырылды

      Мөр орны                              Қорғаныс істері жөніндегі

      департамент бастығы__________________________

      (әскери атағы, қолы, тегі және инициалдары)

      15.20__ ж. "____" ___________ № _____ бұйрығымен __________________________ флотына

      "матрос" әскери атағын берумен тізімге енгізілді және ___________ ә/б _______ жыл қызмет

      мерзімімен тағайындалды.

      Әскери қызмет өткеру

      16. Қызметі бойынша тағайындау және орын ауыстыру:

      ____________________ бұйрықпен қызмет мерзімінің аяқталуы бойынша запасқа шығарылды.

      (бұйрық датасы мен нөмірі)

      Штаб бастығы ___________________________________________________________________

      (әскери атағы, қолы, тегі және инициалдары)

      17. Ұрыстарға және жауынгерлік жорықтарға қатысуы

      ________________________________________________________________________________

      ________________________________________________________________________________

      18. Әскери антты _______________________________________________________ қабылдады

      19. Әскери атақтар мен мамандығы бойынша сыныптылықтың берілуі:

      ҚР ҚМ 20 ___ ж. "___" ____________ № ____ бұйрығымен "запастағы лейтенант" әскери атағы берілді

      немесе "запастағы лейтенант" әскери атағын беруге аттестатталды.

      20. Мемлекеттік наградалары және кеуде белгілерімен наградталуы

      ________________________________________________________________________________

      ________________________________________________________________________________

      21. Жауынгерлік жарақаты, контузия алуы, мертігуі

      ________________________________________________________________________________

      ________________________________________________________________________________

      22. Әскери даярлығы:

      23. Қосымша мәліметтер _____________________________________________________

      ________________________________________________________________________________

      ________________________________________________________________________________

      Босатылған күні мен себебі __________________________________________________

      _____________________________

      (әскери бөлім)

Азаматтық персонал адамдарының №_____ жеке карточкасы

      1-кіші бөлім. Жалпы мәліметтер

      2-кіші бөлім. Әскери есепте тұруы туралы мәліметтер

      Қосымша мәліметтер

      ________________________________________________________________________________

      ________________________________________________________________________________

      ________________________________________________________________________________

      Босатылған күні мен себебі ________________________________________________________

____________________________________________________________ (әскери бөлімнің атауы) тәуліктік ведомосы 20__ ж. "____" __________

      1. Бөлімшелер бойынша үлесте тұрғандар:

      2. Азаматтық персонал адамдары: штат бойынша___адам; тізім бойынша ___адам.

      Штаб бастығы ___________________________________________________________________

      (әскери атағы, қолы, тегі және инициалдары)

      Ескертпе: құпиялылық белгісі немесе шектеу белгісі, оның мазмұны негізінде құпияландыруға жататын мәліметтердің ведомстволық тізіміне және шектеулі таралымдағы мәліметтер тізіміне сәйкес беріледі.

___________________________________ жеке құрамды ауыстыруды есепке алу журналы (әскери бөлімнің атауы)

      Ескертпе: әскери бөлімдердің тек шартты атауы бойынша жүргізіледі.

____________________________________________________________ (әскери бөлімнің атауы) сержанттар (старшиналар), сарбаздар (матростар) құрамдарының лауазымдар, әскери-есептік мамандықтар және әскерге шақыру мерзімдері бойынша жасақталу ведомосы

      Кестенің жалғасы

      ____________________________________________ командирі (бастығы)

      (әскери бөлімнің атауы)

      ________________________________________________

      (әскери атағы, қолы, тегі және инициалдары)

____________________________________________________________ (әскери бөлімнің атауы) сарбаздар (матростар) құрамының келісімшарт бойынша әскери қызметшілерінің сапалық сипаты ведомосы

      Кестенің жалғасы

      Кестенің жалғасы

      ____________________________________________ командирі (бастығы)

      (әскери бөлімнің атауы)

      ________________________________________________

      (әскери атағы, қолы, тегі және инициалдары)

      Ескертпе: әскери бөлімдердің тек шартты атауы бойынша жүргізіледі.

___________________________________________________________ (әскери бөлімнің атауы) сарбаздар (матростар) құрамының шығарылған келісімшарт бойынша әскери қызметшілері туралы мәліметтер

      Кестенің жалғасы

      ____________________________________________ командирі (бастығы)

      (әскери бөлімнің атауы)

      ________________________________________________

      (әскери атағы, қолы, тегі және инициалдары)

      Ескертпе: әскери бөлімдердің тек шартты атауы бойынша жүргізіледі.

___________________________________________________________ (әскери бөлімнің атауы) сержанттар (старшиналар) құрамының келісімшарт бойынша әскери қызметшілерінің сапалық сипаты мен жасақталу ведомосы

      1-кіші бөлім. Жас санаттары мен келісімшарт жасасу мерзімдері жөніндегі мәліметтер

      Кестенің жалғасы

      Кестенің жалғасы

      2-кіші бөлім. Еңбек сіңірген жылдары және білім деңгейі туралы мәліметтер

      Кестенің жалғасы

      ____________________________________________ командирі (бастығы)

      (әскери бөлімнің атауы)

      ________________________________________________

      (әскери атағы, қолы, тегі және инициалдары)

___________________________________________________________ (әскери бөлімнің атауы) сержантар (старшиналар) құрамының әскерге шақырылған, шығарылған және ауыстырылған келісімшарт бойынша әскери қызметшілері туралы мәліметтер

      1-кіші бөлім. 20__ жылғы _________ айында сержантар (старшиналар) құрамының, басқа құрамның лауазымдарына, сондай-ақ басқа мемлекеттік органдарға ауыстырылған келісімшарт бойынша әскери қызметшілер туралы мәліметтер

      2-кіші бөлім. 20__ жылғы _________ айында сержантар (старшиналар) құрамының ҚР ҚК-нен босатылған келісімшарт бойынша әскери қызметшілері туралы мәліметтер

      3-кіші бөлім. 20__ жылғы _________ айында сержантар (старшиналар) құрамындағы сержанттар құрамы лауазымдарына тағайындалған келісімшарт бойынша әскери қызметшілер туралы мәліметтер

      ____________________________________________ командирі (бастығы)

      (әскери бөлімнің атауы)

      ________________________________________________

      (әскери атағы, қолы, тегі және инициалдары)

      Ескертпе: әскери бөлімдердің тек шартты атауы бойынша жүргізіледі.

________________________________________________________ (әскери бөлімнің атауы) жеке құрамды есепке алу жай-күйін бақылау журналы

________________________________________________________________________________ (әскери бөлімнің атауы) азаматтық персонал адамдарының еңбек кітапшаларын есепке алу және оның қозғалысы журналы

20__ жылғы "___" ____________ жағдайы бойынша _____________________________________________ жеке құрамның штаттық және тізімдік саны туралы мәліметтер (әскери бөлімнің атауы)

      ____________________________________________ командирі (бастығы)

      (әскери бөлімнің атауы)

      ________________________________________________

      (әскери атағы, қолы, тегі және инициалдары)

      Ескертпе: құпиялылық белгісі немесе шектеу белгісі, оның мазмұны негізінде құпияландыруға жататын мәліметтердің ведомстволық тізіміне және шектеулі таралымдағы мәліметтер тізіміне сәйкес беріледі.

20__ жылғы "___" ____________ жағдай бойынша _____________________________________________ (әскери бөлімнің атауы) демографиялық белгілері бойынша жеке құрамның нақты саны туралы мәліметтер

      Кестенің жалғасы

      Кестенің жалғасы

      ____________________________________________ командирі (бастығы)

      (әскери бөлімнің атауы)

      ________________________________________________

      (әскери атағы, қолы, тегі және инициалдары)

      (саптық бөлім бойынша)

      Әскери бөлім жеке құрамының тізіміне қосу туралы:

      ________________________________________________________________________________

      (әскери атағы, тегі, аты мен әкесінің аты (ол бар болған кезде)

      ________________________________________________________________________________

      (тағайындау туралы бұйрықтың күні мен нөмірі және лауазымның атауы)

      ________________________________________________________________________________

      (жеке құрам тізіміне, үлестің барлық түрлеріне қосу күні,

      ________________________________________________________________________________

      істер мен лауазымды қабылдау, қызметтік міндеттерді орындау жөнінде мәліметтер)

      ________________________________________________________________________________

      (лауазымдық жалақыны белгілеу)

      Негіздеме: ______________________________________________________________________

      (нұсқаманың, баянаттың нөмірі мен күні)

      Әскери бөлім жеке құрамының тізімінен шығару туралы:

      ________________________________________________________________________________

      (әскери атағы, тегі, аты мен әкесінің аты (ол бар болған кезде)

      ________________________________________________________________________________

      (тағайындау туралы бұйрықтың күні мен нөмірі және лауазымның атауы)

      ________________________________________________________________________________

      (істер мен лауазымды тапсыру, жаңа қызмет орнына кету,

      ________________________________________________________________________________

      жеке құрам тізімінен және үлес түрлерінен алу жөнінде мәліметтер)

      ________________________________________________________________________________

      (ағымдағы жылғы демалысты пайдалану жөнінде мәліметтер)

      ________________________________________________________________________________

      (әскери тасымалдау құжаттарын беру жөнінде мәліметтер)

      Негіздеме: ______________________________________________________________________

      (бұйрықтың, баянаттың, кету парағының нөмірі мен күні)

      Қызметтік іссапарға кетуі туралы:

      ________________________________________________________________________________

      (кететін әскери қызметшілерді атай отырып

      ________________________________________________________________________________

      қызметтік іссапардың кезеңі мен мақсаты)

      ________________________________________________________________________________

      (әскери атағы, тегі және инициалдары, лауазымы)

      ________________________________________________________________________________

      (әскери атағы, тегі және инициалдары, лауазымы)

      ________________________________________________________________________________

      (қазандық үлестен алу, әскери тасымалдау құжаттарын және

      ________________________________________________________________________________

      жүру жолға азық-түлік үлесін беру жөнінде мәліметтер)

      Негіздеме: ______________________________________________________________________

      (бұйрықтың, жеделхаттың, өкімнің нөмірі мен күні)

      Кезекті демалысқа кетуі туралы:

      1)______________________________________________________________________________

      (әскери атағы, тегі және инициалдары, лауазымы)

      ________________________________________________________________________________

      (демалысты өткізу орнын көрсете отырып,

      ________________________________________________________________________________

      демалыс күні мен кезеңі жөнінде мәліметтер)

      ________________________________________________________________________________

      (сауығуға төленетін жәрдемақы жөнінде мәліметтер)

      Негіздеме: ______________________________________________________________________

      (баянаттың, демалыс билетінің нөмірі мен күні және демалыстар кестесі)

      2)______________________________________________________________________________

      (әскери атағы, тегі және инициалдары, лауазымы)

      ________________________________________________________________________________

      (демалысты өткізу орнын көрсете отырып,

      ________________________________________________________________________________

      демалыс күні мен кезеңі жөнінде мәліметтер)

      ________________________________________________________________________________

      (сауығуға төленетін жәрдемақы жөнінде мәліметтер)

      Негіздеме: ______________________________________________________________________

      (баянаттың, демалыс билетінің нөмірі мен күні және демалыстар кестесі)

      Курстық дайындыққа кетуі туралы:

      ________________________________________________________________________________

      (әскери атағы, тегі және инициалдары, лауазымы)

      ________________________________________________________________________________

      (курстық дайындықтың мерзімі мен орны көрсетіле отырып

      ________________________________________________________________________________

      кететін күні)

      Негіздеме: ______________________________________________________________________

      (жеделхаттың, баянаттың нөмірі мен күні)

      Еңбек шартын бұзу туралы:

      ________________________________________________________________________________

      (тегі, аты мен әкесінің аты (ол бар болған кезде), лауазымы)

      ________________________________________________________________________________

      (еңбек шартын бұзу күні және еңбек шартын

      ________________________________________________________________________________

      бұзу үшін негіздеме)

      Бұйрықпен таныстым _____________________

      (қолы)

      Негіздеме: ______________________________________________________________________

      (арыздың нөмірі мен күні, жеке карточкасы)

      Еңбек шартын жасау туралы:

      ________________________________________________________________________________

      (тегі, аты мен әкесінің аты (ол бар болған кезде)

      ________________________________________________________________________________

      (еңбек шартын жасасу үшін негіздеме,

      ________________________________________________________________________________

      еңбек шартын жасасу күні және лауазымдық жалақыны белгілеу)

      Бұйрықпен таныстым ________________________

      (қолы)

      Негіздеме: ______________________________________________________________________

      (арыздың, еңбек шартының нөмірі мен күні)

      Сырқаттануына байланысты қызметтік міндеттерін орындаудан босату туралы:

      ________________________________________________________________________________

      (әскери атағы, тегі және инициалдары,

      ________________________________________________________________________________

      лауазымы) ______________________________________________________________________

      (қызметтік міндеттерді орындаудан босату кезеңі)

      Негіздеме: ______________________________________________________________________

      (баянаттың, анықтаманың нөмірі мен күні)

      Стационарлық түрде емделуге кетуі туралы:

      ________________________________________________________________________________

      (әскери атағы, тегі және инициалдары,

      ________________________________________________________________________________

      лауазымы) ______________________________________________________________________

      (кету күні мен стационарлық емделуді өткізу орны)

      Негіздеме: ______________________________________________________________________

      (баянаттың, жолдаманың нөмірі мен күні)

      Стационарлық емделуден келуі туралы:

      ________________________________________________________________________________

      (әскери атағы, тегі және инициалдары,

      ________________________________________________________________________________

      лауазымы) ______________________________________________________________________

      (стационарлық емделуден келу жөнінде мәліметтер және күні)

      Негіздеме: ______________________________________________________________________

      (медициналық картадан үзінділер)

      Тәуліктік наряд құрамы туралы:

      ________________________________________________________________________________

      (тәуліктік нарядқа түсу үшін негіздеме,

      ________________________________________________________________________________

      тәуліктік нарядқа түсу кезеңі және қазандық үлеске қою)

      ________________________________________________________________________________

      (тәуліктік наряд құрамы (әскери атағы, тегі, аты мен әкесінің аты (ол бар болған кезде)

      Негіздеме: ______________________________________________________________________

      (баянаттың нөмірі мен күні)

__________________________________________ (бөлімшенің атауы) 20___ жылғы "___" _________ жеке құрамның шығысы туралы мәліметтер