Мемлекет бақылайтын акционерлік қоғамдар мен жауапкершілігі шектеулі серіктестіктердің, мемлекеттік кәсіпорындардың даму жоспарларын әзірлеу, бекіту, олардың іске асырылуын мониторингілеу және бағалау, сондай-ақ олардың орындалуы жөніндегі есептерді әзірлеу және ұсыну қағидаларын бекіту туралы

      РҚАО-ның ескертпесі!
      Осы бұйрықтың қолданысқа енгізілу тәртібін 6 т. қараңыз

      "Мемлекеттік мүлік туралы" Қазақстан Республикасы Заңының 13-бабының 4-1) және 4-2) тармақшаларына сәйкес БҰЙЫРАМЫН:

      1. Қоса беріліп отырған Мемлекет бақылайтын акционерлік қоғамдар мен жауапкершілігі шектеулі серіктестіктердің, мемлекеттік кәсіпорындардың даму жоспарларын әзірлеу, бекіту, олардың іске асырылуын мониторингілеу және бағалау, сондай-ақ олардың орындалуы жөніндегі есептерді әзірлеу және ұсыну қағидалары (бұдан әрі – Қағидалар) осы бұйрыққа қосымшаға сәйкес бекітілсін.

      2. Осы бұйрыққа қосымшаға сәйкес Қазақстан Республикасының Ұлттық экономика министрлігі кейбір бұйрықтардың күші жойылды деп танылсын.

      3. Орталық және жергілікті атқарушы органдарға осы бұйрық қолданысқа енгізілген күннен бастап бір ай ішінде осы Қағидаларға 1-25-қосымшалардағы нысандарға, көрсеткіштер мен құрылымға сәйкес ведомстволық бағынысты ұйымдардың қолданыстағы бесжылдық даму жоспарлары мен олардың орындалуы жөніндегі есептерін мемлекеттік мүлік тізіліміне енгізуді қамтамасыз ету ұсынылсын.

      4. Мемлекеттік активтерді басқару саясаты департаменті заңнамада белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді;

      2) осы бұйрық Қазақстан Республикасының Әділет министрлігінде мемлекеттік тіркелген күннен бастап күнтізбелік он күн ішінде оны қазақ және орыс тілдерінде ресми жариялауға мерзімді баспасөз басылымдарына, сондай-ақ ресми жариялау және Қазақстан Республикасы нормативтік құқықтық актілерінің эталондық бақылау банкіне қосу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберуді;

      3) осы бұйрықты Қазақстан Республикасы Ұлттық экономика министрлігінің интернет-ресурсында орналастыруды;

      4) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Ұлттық экономика министрлігінің Заң департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін.

      5. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.

      6. Осы бұйрық алғашқы ресми жарияланған күнінен кейін алты ай өткен соң қолданысқа енгізіледі.

      "КЕЛІСІЛГЕН"

      Қазақстан Республикасының

      Қаржы министрлігі

Мемлекет бақылайтын акционерлік қоғамдар мен жауапкершілігі шектеулі серіктестіктердің, мемлекеттік кәсіпорындардың даму жоспарларын әзірлеу, бекіту, олардың іске асырылуын мониторингілеу және бағалау, сондай-ақ олардың орындалуы жөніндегі есептерді әзірлеу және ұсыну қағидалары

1-тарау. Жалпы ережелер

      1. Осы Мемлекет бақылайтын акционерлік қоғамдар мен жауапкершілігі шектеулі серіктестіктердің, мемлекеттік кәсіпорындардың даму жоспарларын әзірлеу, бекіту, олардың іске асырылуын мониторингілеу және бағалау, сондай-ақ олардың орындалуы жөніндегі есептерді әзірлеу және ұсыну қағидалары (бұдан әрі – Қағидалар) "Мемлекеттік мүлік туралы" Қазақстан Республикасы Заңының (бұдан әрі – Заң) 13-бабының 4-1) және 4-2) тармақшаларына сәйкес әзірленді және Қазақстан Республикасының Ұлттық Банкі акционері (қатысушысы, сенімгерлік басқарушысы) болып табылатын ұлттық басқарушы холдингтерді, ұлттық холдингтерді, ұлттық компаниялар мен акционерлік қоғамдарды, жауапкершілігі шектеулі серіктестіктерді және олар құрған мемлекеттік кәсіпорындарды қоспағанда, мемлекет бақылайтын акционерлік қоғамдардың (бұдан әрі – АҚ), жауапкершілігі шектеулі серіктестіктердің (бұдан әрі – ЖШС) және мемлекеттік кәсіпорындардың (бұдан әрі – МК) даму жоспарларын, олардың орындалуы жөніндегі есептерді әзірлеу, бекіту, сондай-ақ даму жоспарларының іске асырылуын монитроингілеу және бағалау тәртібін айқындайды.

      2. Осы Қағидаларда пайдаланылатын негізгі ұғымдар:

      1) басқару органы – Заңға сәйкес АҚ (ЖШС) акцияларының бақылау пакетін (жарғылық капиталға қатысу үлестерін) иелену және пайдалану құқығын жүзеге асыратын тиісті саланың уәкілетті органы немесе жергілікті атқарушы орган (жергілікті бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты және (немесе) мемлекеттік кәсіпорындарды басқару;

      2) бекіту органы – Заң мен осы Қағидаларға сәйкес ұйымдардың даму жоспарларын және олардың орындалуы жөніндегі есептерін бекіту өкілеттіктері берілген АҚ директорлар кеңесі, ЖШС байқау кеңесі, байқау кеңесі жоқ ЖШС және МК бойынша – тиісті саланың уәкілетті органы немесе жергілікті атқарушы орган (жергілікті бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты.

      3) біртекті тауарлар, жұмыстар, қызметтер – бірдей болмаса да, ұқсас сипаттамалары бар және сол функцияларды орындауға мүмкіндік беретін ұқсас компоненттерден тұратын тауарлар, жұмыстар, қызметтер;

      4) даму жоспары – ұйымның бес жылдық кезеңге арналған қызметінің негізгі бағыттары мен қаржы-шаруашылық қызметінің көрсеткіштерін айқындайтын құжат;

      5) жергілікті атқарушы орган (әкімдік) – тиісті аймақта өз құзыреті шегінде жергілікті мемлекеттік басқаруды және өзін-өзі басқаруды жүзеге асыратын облыс әкімі (республикалық маңызы бар қаланың және астананың), аудан (облыстық маңызы бар қаланың) әкімі басқаратын алқалы атқарушы орган;

      6) жергілікті бюджеттен қаржыландырылатын атқарушы орган – жергілікті мемлекеттік басқарудың және өзін-өзі басқарудың жекелеген функцияларын жүзеге асыруға әкімдік уәкілеттік берген, тиісті жергілікті бюджеттерден қаржыландырылатын мемлекеттік мекеме;

      7) корпоративтік құрылымдарға кіретін ұйымдар – жүйе құрушы элементтер ретінде бас (иегер) ұйым болатын құрылымның ұйымдары, сондай-ақ акция пакеттерін (қатысу үлесін) иеленуіне қарай оның бақылауындағы ұйымдар, еншілес және/немесе тәуелді заңды тұлғалар және олармен үлестес басқа да заңды тұлғалар, ондағы акциялар (қатысу үлесі) бас (иегер) ұйымға осы заңды тұлғалар қабылдайтын шешімдерді айқындау құқығын береді;

      8) қызметтің түйінді көрсеткіштері – ұйым қызметінің тікелей және түпкілікті нәтижесінің көрсеткіштері, сондай-ақ сапа көрсеткіштері (болған жағдайда);

      9) мемлекеттік мүлікті есепке алу саласындағы бірыңғай оператор (бұдан әрі – бірыңғай оператор) – "Мемлекеттік мүлікті есепке алу саласындағы бірыңғай операторды айқындау туралы" Қазақстан Республикасы Үкіметінің 2011 жылғы 15 шілдедегі № 802 қаулысында айқындалған заңды тұлға;

      10) мемлекеттік мүлік тізілімі (бұдан әрі – тізілім) – Қазақстан Республикасы арнаулы мемлекеттік органдарының, Қарулы Күштерінің, басқа да әскерлері мен әскери құралымдарының жедел басқаруындағы мүлікті және мемлекеттік материалдық резерві қоспағанда, мемлекеттік мүлікті есепке алудың бірыңғай ақпараттық автоматтандырылған жүйесі;

      11) өнім – ұйымның жарғылық қызметі шеңберінде орындалатын біртектес тауарлар, жұмыстар, көрсетілетін қызметтер;

      12) сапа көрсеткіштері – өнімнің белгіленген талаптар мен сатып алушылардың (алушылардың, пайдаланушылардың) үмітіне сәйкес келу дәрежесін көрсететін көрсеткіштер;

      13) сәйкестендіргіш –ұйымның бизнес сәйкестендіру нөмірін "14" санынан және даму жоспарының бес жылдық кезеңі шеңберіндегі құжаттың реттік нөмірінен тұратын тізілімнің веб-порталы беретін даму жоспарының (бекітілген/нақтыланған) немесе даму жоспарының орындалуы бойынша есептің бірегей нөмірі;

      14) сенімгерлік басқарушы – егер Қазақстан Республикасының заңдарында өзгеше көзделмесе, құрылтайшымен сенімгерлік басқару шартын жасасқан жеке тұлғалар және мемлекеттік емес заңды тұлғалар;

      15) тиісті саланың уәкілетті органы – мемлекеттік басқарудың тиісті саласын (аясын) басқаруды жүзеге асыратын және Заңда көзделген шарттарда республикалық мүлікке қатысты құқықтарды иеленетін, Қазақстан Республикасының Үкіметі айқындаған орталық атқарушы орган;

      16) түпкілікті нәтиже көрсеткіштері – белгілі бір уақыт аралығында қол жеткізілуі тиіс белгілі бір қорытындыларды көрсететін көрсеткіштер және даму жоспарында айқындалған, ұйымдардың алдына қойған мақсаттары мен міндеттерін шешуден болған әсер;

      17) тікелей нәтиже көрсеткіштері – ұйым құрған, өткізілген өнімдер көлемінің сандық сипаттамасын көрсететін көрсеткіштер;

      18) тізілімнің веб-порталы – Интернет желісінде www.e-qazyna.kz мекенжайы бойынша орналасқан, тізілім деректеріне бірыңғай қолжетімділік нүктесін ұсынатын интернет-ресурс;

      19) ұйымдар – Қазақстан Республикасы Ұлттық Банкі акционері (қатысушы, сенімгерлік басқарушысы) болып табылатын ұлттық басқарушы холдингтерді, ұлттық холдингтерді, ұлттық компаниялар мен акционерлік қоғамдарды, шектеулі серіктестіктерді және өзі құрған мемлекеттік кәсіпорындарды қоспағанда, МК және мемлекет бақылайтын, оның ішінде сенімгерлік басқаруға берілген АҚ (ЖШС);

      20) ұйымның атқарушы органы – атауы ұйымның жарғысымен айқындалатын, атқарушы органның функцияларын жеке-дара жүзеге асыратын тұлға немесе алқалы орган.

      3. Тиісті саланың уәкілетті органдары жоспарланған кезеңнің алдындағы бірінші қыркүйекке дейін ұйымдарға мемлекеттік органдардың стратегиялық жоспарларында (стратегиялық жоспар жобасында) және (немесе) мемлекеттік органның операциялық іс-шараларының орындалуында көрсетілген, мемлекеттік органдардың мақсаттарына қол жеткізуге алып келетін ұйым қызметінің мақсаттарын, міндеттері мен түйінді көрсеткіштерін әзірлеп, жібереді.

      Егер АҚ-ның (ЖШС-ның) мемлекет қатысатын акциялардың бақылау пакеті (жарғылық капиталындағы қатысу үлесін) сенімгерлік басқаруға берілген жағдайда, сенімгерлік басқарушылар жоспарланған кезеңге дейінгі жылдың бірінші қыркүйегіне дейін ұйымдарға олардың қызметінің мақсаттарын, міндеттері мен түйінді көрсеткіштерін əзірлеп, жолдайды.

      4. Жергілікті атқарушы органдар (жергілікті бюджеттен қаржыландырылатын атқарушы органдар) жоспарланған кезеңнің алдындағы жылдың бірінші қазанына дейін ұйымдарға аумақтарды дамыту бағдарламаларында (аумақтарды дамытудың бағдарлама жобасында) және (немесе) аумақтарды дамыту бағдарламасын іске асыру жөніндегі іс-шараларда көрсетілген, жергілікті атқарушы органдардың мақсаттарына қол жеткізуге алып келетін ұйым қызметінің мақсаттарын, міндеттері мен түйінді көрсеткіштерін әзірлеп, жібереді.

      5. Стратегиялық жоспарлар әзірлемейтін тиісті салалардың уәкілетті органдары жоспарланатын кезеңнің алдындағы жылдың бірінші қыркүйегіне дейін ұйымдарға:

      1) тиісті саланың уәкілетті органының бюджеттік бағдарламасының мақсаттарына, нәтижелер көрсеткіштері мен міндеттерінің орындалуына алып келетін ұйым қызметінің мақсаттары мен міндеттерін;

      2) қызметтің түйінді көрсеткіштерін әзірлеп, жібереді.

      Егер бюджеттік бағдарламаға өзгерістер және/немесе толықтырулар енгізген не оны қайта бекіткен жағдайда, тиісті саланың уәкілетті органы бюджеттік бағдарламаға өзгерістер мен толықтырулар енгізілген немесе ол қайта бекітілгеннен кейін бір ай ішінде ұйым үшін оның мақсаттары мен міндеттерін, сондай-ақ түйінді көрсеткіштерін нақтылайды.

      6. Егер ұйымдар бюджеттік бағдарламаларды іске асыруға қатыспаған жағдайда, немесе олардың қатысуы стратегиялық жоспарда (аумақты дамыту бағдарламасында) көзделмеген болса, тиісті саланың уәкілетті органы жоспарланатын кезеңнің алдындағы жылдың бірінші қыркүйегіне дейін немесе жергілікті атқарушы орган (жергілікті бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты жоспарланатын кезеңнің алдындағы жылдың бірінші қазанына дейін осы органдар қызметінің стратегиялық бағыттарына байланысты ұйымдар қызметінің мақсаттарын, міндеттері мен түйінді көрсеткіштерін әзірлеп, жібереді.

      7. Мемлекеттік органның стратегиялық жоспарына, аумақты дамыту бағдарламасына өзгерістер және/немесе толықтырулар енгізілген не оны қайта бекіткен жағдайда, тиісті саланың уәкілетті органы немесе жергілікті атқарушы орган (жергілікті бюджеттен қаржыландырылатын атқарушы орган) өзгерістер және/немесе толықтырулар енгізілгеннен кейін не мемлекеттік органның стратегиялық жоспары немесе аумақты дамыту бағдарламасы қайта бекітілген жағдайда, ұйым үшін оның мақсаттары мен міндеттерін, сондай-ақ қызметінің түйінді көрсеткіштерін бір ай ішінде нақтылайды.

      8. Бірыңғай оператор даму жоспарлары мен олардың орындалуы жөніндегі есептердің, даму жоспарларының іске асырылуын мониторингілеудің нәтижелері туралы есептер мен даму жоспарларының іске асырылуын бағалаудың веб-портал тізілімінде сақталуын қамтамасыз етеді.

      8-1. Төтенше жағдай мен шектеу іс-шаралары, оның ішінде карантин енгізілген кезде осы Қағидаларда көрсетілген талаптарды орындау мерзімі тоқтатыла тұрады және төтенше жағдай мен шектеу іс-шаралары, оның ішінде карантин қолданылу мерзімі тоқтатылғаннан кейін күнтізбелік отыз күн өткен соң қайта басталады.

      Төтенше жағдай мен шектеу іс-шаралары, оның ішінде карантин қолданылу кезеңінде қажет болған жағдайда бекіту органының шешімі негізінде ұйымның даму жоспарын нақтылау жүзеге асырылады, ұйымның атқарушы органының шешімімен даму жоспарына Қаржы-шаруашылық қызмет көрсеткіштерінің есептеріне түзету жүргізіледі.

      Бірыңғай оператор тізілім веб-порталында ұйымдардың нақтыланған жартыжылдық даму жоспарының көрсеткіштеріне және даму жоспарына берілген қаржы-шаруашылық қызмет көрсеткіштерінің есептемелеріне қол жеткізуін қамтамасыз етеді.

2-тарау. Даму жоспарын әзірлеу және бекіту тәртібі

      9. Ұйымның даму жоспарын ұйымның атқарушы органы, сенімгерлік басқарушы мемлекеттік органның стратегиялық жоспарында, аумақты дамыту бағдарламасында баяндалған мақсаттар мен міндеттерге сәйкес бес жылдық кезеңге бір рет әзірлейді.

      10. МК даму жоспарын тиісті саланың уәкілетті органы, жергілікті арқарушы орган (жергілікті бюджеттен қаржыландырылатын атқарушы орган), аудандық маңызы бар қала, ауыл, кент, ауылдық округ әкімінің аппараты бекітеді.

      Байқаушы кеңестері бар шаруашылық жүргізу құқығындағы МК-ның даму жоспарын тиісті саланың уәкілетті органы немесе жергілікті атқарушы орган (жергілікті бюджеттен қаржыландырылатын атқарушы орган) байқау кеңесінің қорытындысын ескере отырып, бекітеді.

      Мемлекет бақылауындағы АҚ мен ЖШС даму жоспарларын мемлекет бақылайтын АҚ мен ЖШС директорлар кеңестері (байқаушы кеңестермен) бекітеді.

      ЖШС-де байқаушы кеңес болмаған жағдайда, даму жоспарын тиісті саланың уәкілетті органы немесе жергілікті атқарушы орган (жергілікті бюджеттен қаржыландырылған атқарушы орган) бекітеді.

      11. Ұйымның даму жоспары осы Қағидаларға 1, 2, 3, 4, 5, 6, 7, 7-1, 7-2, 8, 9, 10, 11, 12 және 13-қосымшаларға сәйкес құрылымға, нысандарға, көрсеткіштерге сәйкес тізілімнің веб-порталы арқылы әзірленеді және мыналарды қамтиды:

      ұйымның даму жоспарының/даму жоспарының орындалуы жөніндегі есептің құрылымын;

      ұйым паспортын;

      корпоративтік құрылымын;

      қызметтің негізгі бағыттарын (мақсаттар, міндеттер мен түйінді көрсеткіштер, іске асыру бағдарламасы);

      қаржы-шаруашылық қызметінің көрсеткіштері (қаржы-шаруашылық қызметінің негізгі көрсеткіштері, кірістер, ақша қаражаты, республикалық бюджет және жергілікті бюджет қаражаты есебінен өнімдерді өткізу, шығыстар, инвестициялар және тауарларды, жұмыстар мен көрсетілетін қызметтерді сатып алу, үлестік құралдарды сатып алуды);

      қосымша көрсеткіштерді (алып отырған алаң және автокөлік, қарыз алу құрылымы, уақытша бос ақшаны орналастыру) қамтиды.

      12. Даму жоспарына түсіндірме жазба жоспарланған бес жылдық кезеңге арналған көрсеткіштер негіздемесін, сондай-ақ даму жоспарының әрбір қосымшасына негіздемелер мен түсіндірмелерді қамтиды.

      13. Даму жоспары бес жылдық кезең шеңберінде, жылдар бойынша бөлінген қаржы-шаруашылық қызметтің негізгі көрсеткіштерін көрсетеді.

      14. Қадағалау кеңесі және МК жоқ ЖШС-нің даму жоспарын әзірлеу және бекіту тізілімнің веб-порталында жүзеге асырылады.

      Байқау кеңесі жоқ ЖШС мен МК-де даму жоспарының орындалуы жөніндегі есепті бекіту веб-портал арқылы жүзеге асырылады.

      15. Ұйымның атқарушы органы қолданыстағы бес жылдық жоспардың соңғы жылының жиырмасыншы қарашасынан кешіктірмей, бекітуші органдарға даму жоспарының жобасын қарап, бекітуге жібереді.

      Ұйымның атқарушы органы бекітуші органдарға даму жоспарының жобасымен бір мезгілде осы Қағидаларға 14, 15, 16, 17, 17-1, 17-2, 18, 19, 20, 21, 22, 23, 24 және 25-қосымшалардағы нысандарға сәйкес қаржы-шаруашылық қызмет көрсеткіштерінің есептемесін (активтер, пассивтер, персонал, тану көздері бойынша кірістер, ақша қаражатының түсуі және шығуы, республикалық бюджет және жергілікті бюджет қаражаты есебінен өнімдерді өткізу, инвестицияларды, тауарларды, жұмыстар мен көрсетілетін қызметтерді сатып алу, негізгі өндіріс жоспары, үстеме шығыстар мен қосымша өндіріске шығыстарды есепке ала отырып негізгі өндіріс шығыстары, көмекші өндіріске шығыстар, үстеме шығыстар, әкімшілік шығыстар, сыйақылар бойынша шығыстар, өзге де шығыстар) ұсынады.

      Осы Қағидаларға 14, 15, 16, 17, 17-1, 17-2, 18, 19, 20, 21, 22, 23, 24 және 25-қосымшаларға сәйкес нысандарда көрсетілген қаржы-шаруашылық қызмет көрсеткіштерінің есептемесі тек ақпараттық сипатта болады және бекіту нысанасы болып табылмайды.

      Атқарушы орган даму жоспарында бекітілген жиынтық көрсеткіштер шеңберінде, осы Қағидалардағы 14, 15, 16, 17, 17-1, 17-2, 18, 19, 20, 21, 22, 23, 24 және 25-қосымшаларға сәйкес нысандарда көрсетілген қаржы-шаруашылық қызмет көрсеткіштерінің есептемесіне түзетулерді дербес енгізеді.

      Қаржы-шаруашылық қызмет көрсеткіштерінің есептемелерін түзету тізілімнің веб-порталында жүзеге асырылады және оған атқарушы органның шешімі негізінде ұйымның электрондық цифрлық қолтаңбасымен қол қойылады.

      16. Байқаушы кеңесі бар шаруашылық жүргізу құқығындағы МК-на ұйымның атқарушы органы байқаушы кеңестің қарауына қолданыстағы бес жылдық жоспардың соңғы жылының бірінші қазанына дейін даму жоспарының жобасын жібереді.

      Шаруашылық жүргізу құқығындағы МК байқаушы кеңесі қолданыстағы бес жылдық жоспардың соңғы жылының жиырма бесінші қазанына дейін тиісті саланың уәкілетті органына немесе жергілікті атқарушы органға (жергілікті бюджеттен қаржыландыратын атқарушы органға) даму жоспары жобасының қорытындысын ұсынады.

      17. Бекітуші орган ұйымның даму жоспарының жобасын ол түскен күннен бастап он жұмыс күні ішінде қарайды.

      Бекітуші органның ескертулері болған жағдайда, атқарушы орган ескертулер алған күннен бастап бес жұмыс күні ішінде даму жоспарының жобасын пысықтап, оны бекітуші органға бекітуге қайта ұсынады, бекітуші орган пысықталған даму жоспарының жобасын бес жұмыс күні ішінде қарайды.

      18. Даму жоспарын бекітуші орган жоспарланатын кезеннің алдындағы жылдың жиырма бесінші желтоқсанына дейін бекітеді.

      18-1. Бес жылдық кезеңге арналған даму жоспарын бекіту кезеңінде даму жоспарын жыл сайынғы нақтылауды әзірлеу талап етілмейді.

      19. Ұйым құрылған жағдайда, тиісті саланың уәкілетті органы немесе жергілікті атқарушы орган (жергілікті бюджеттен қаржыландыратын атқарушы орган) не аудандық маңызы бар қала, ауыл, кент, ауылдық округ әкімінің аппараты ұйым әділет органында мемлекеттік тіркелген күннен бастап он жұмыс күні ішінде осы органдар қызметінің стратегиялық бағыттарына байланысты ұйым қызметінің мақсаты, міндеттері мен негізгі көрсеткіштерін әзірлеп, жаңадан құрылған ұйымға жібереді.

      20. Жаңадан құрылған ұйымның атқарушы органы ұйым әділет органында мемлекеттік тіркелген күннен бастап жиырма жұмыс күні ішінде бес жылдық кезеңге даму жоспарын әзірлеп, оны бекітуші органның қарауына жібереді.

      Бекітуші орган жаңадан құрылған ұйымның даму жоспарының жобасын түскен күнінен бастап он жұмыс күні ішінде қарайды.

      Бекітуші органның ескертулері болған жағдайда, ұйымның атқарушы органы ескертулер алған күннен бастап бес жұмыс күні ішінде даму жоспарының жобасын пысықтап, оны бекітуші органға бекітуге қайта ұсынады, бекітуші орган пысықталған даму жоспарының жобасын бес жұмыс күні ішінде қарайды.

      21. Ұйым даму жоспары бекітілген күннен бастап бес жұмыс күні ішінде оған ұйымның электрондық цифрлық қолтаңбасымен қол қойып, сәйкестендіргішін көрсете отырып, бекітуші органның PDF форматында сканерленген шешімін тіркеп, тізілімнің веб-порталы арқылы тізілімге қосу үшін бірыңғай операторға жібереді.

      22. Бірыңғай оператор даму жоспары түскен күннен бастап бес жұмыс күні ішінде ұйымның электрондық мекенжайына даму жоспарының тізілімге қабылданғаны туралы хабарлама, не оны қабылдаудан бас тартылғаны туралы хабарлама жібереді.

      Мыналар:

      1) бекітуші органның даму жоспарының бекітілгені туралы қоса сканерленіп, тіркелген шешімінің болмауы;

      2) ұйымға тиесілі емес электрондық цифрлық қолтаңбамен қол қойылуы даму жоспарын қабылдаудан бас тарту үшін негіз болып табылады.

      Бірыңғай оператор даму жоспарын қабылдаудан бас тартқан жағдайда, ұйым ескертулерді жойып, даму жоспарының қабылдаудан бас тартылғаны туралы хабарламаны алған күннен бастап бес жұмыс күні ішінде бірыңғай операторға даму жоспарын қайта енгізеді.

1-параграф. Даму жоспарын жыл сайынғы нақтылау

      23. Бекіту органы бекітілген Даму жоспарының екінші жылынан бастап Даму жоспарын жыл сайын нақтылауды жүзеге асырады. Атқарушы орган екінші жартыжылдықта жартыжылдық нақтылау жарияланған күннен бастап жыл сайынғы даму жоспарын нақтылау жобасын әзірлейді.

      24. Ұйымның даму жоспарын жыл сайынғы нақтылау тізілімнің веб-порталында осы Қағидаларға 1, 2, 3, 4, 5, 6, 7, 7-1, 7-2, 8, 9, 10, 11, 12 және 13-қосымшалардағы құрылымға, нысандарға, көрсеткіштерге сәйкес жүзеге асырылады және:

      ұйымның даму жоспарының/даму жоспарының орындалуы жөніндегі есептің құрылымын;

      ұйым паспортын;

      корпоративтік құрылымын;

      қызметтің негізгі бағыттарын (мақсаттар, міндеттер мен түйінді көрсеткіштер, іске асыру бағдарламасы);

      қаржы-шаруашылық қызметінің көрсеткіштері (қаржы-шаруашылық қызметінің негізгі көрсеткіштері, кірістер, ақша қаражаты, республикалық бюджет және жергілікті бюджет қаражаты есебінен өнімдерді өткізу, шығыстар, инвестициялар және тауарларды, жұмыстар мен көрсетілетін қызметтерді сатып алу, үлестік құралдарды сатып алуды);

      қосымша көрсеткіштерді (алып отырған алаң және автокөлік, қарыз алу құрылымы, уақытша бос ақшаны орналастыру) қамтиды.

      25. Ұйымның атқарушы органы жоспарланған кезеңнің алдындағы жылдың жиырмасыншы қарашасынан кешіктірмей, осы Қағидалардың 14-тармағының ережелерін ескере отырып, ұйымның даму жоспарын жыл сайынғы нақтылау жобасын бекіту органына қарауға жібереді.

      Ұйымның атқарушы органы бекітуші органдарға даму жоспарын жыл сайынғы нақтылаудың жобасымен бір мезгілде осы Қағидаларға 14, 15, 16, 17, 17-1, 17-2, 18, 19, 20, 21, 22, 23, 24 және 25-қосымшалардағы нысандарға сәйкес қаржы-шаруашылық қызмет көрсеткіштерінің есептемесін (активтер, пассивтер, персонал, тану көздері бойынша кірістер, ақша қаражатының түсуі мен шығуы, республикалық бюджет және жергілікті бюджет қаражаты есебінен өнімдерді өткізу, инвестицияларды, тауарларды, жұмыстар мен көрсетілетін қызметтерді сатып алу, негізгі өндіріс жоспары, үстеме шығыстар мен қосымша өндіріске шығыстарды есепке ала отырып негізгі өндірістің шығыстары, көмекші өндіріске шығыстар, үстеме шығыстар, әкімшілік шығыстар, сыйақылар бойынша шығыстар, өзге де шығыстар) ұсынады.

      Атқарушы орган даму жоспарында бекітілген жиынтық көрсеткіштер шеңберінде, осы Қағидалардағы 14, 15, 16, 17, 17-1, 17-2, 18, 19, 20, 21, 22, 23, 24 және 25-қосымшаларға сәйкес нысандарда көрсетілген қаржы-шаруашылық қызмет көрсеткіштерінің есептеріне түзетулерді дербес енгізеді.

      Қаржы-шаруашылық қызмет көрсеткіштерінің есептемесін түзету тізілімнің веб-порталында жүзеге асырылады және атқарушы органның шешімі негізінде ұйымның электрондық цифрлық қолтаңбасымен қол қойылады.

      26. Байқаушы кеңесі бар шаруашылық жүргізу құқығындағы МК-ға ұйымның атқарушы органы жоспарланған кезеңнің алдындағы жылдың бірінші қазанына дейін даму жоспарын жыл сайынғы нақтылаудың жобасын байқаушы кеңеске қарауға және келісуге жібереді.

      Шаруашылық жүргізу құқығындағы мемлекеттік кәсіпорынның байқаушы кеңесі жоспарланған кезеңнің алдындағы жылдың жиырмасыншы қазанына дейін тиісті саланың уәкілетті органына немесе жергілікті атқарушы органға (жергілікті бюджетпен қаржыландыратын атқарушы органға) даму жоспарын жыл сайынғы нақтылаудың жобасына қорытынды ұсынады.

      27. Бекітуші орган ұйымның даму жоспарын жыл сайынғы нақтылаудың жобасын келіп түскен күнінен бастап он жұмыс күні ішінде қарайды.

      Бекітуші органның ескертулері болған жағдайда, ұйымның атқарушы органы ескертулер алған күннен бастап бес жұмыс күні ішінде даму жоспарын жыл сайынғы нақтылаудың жобасын пысықтап, оны бекітуші органға бекітуге қайта ұсынады, бекітуші орган пысықталған даму жоспарын жыл сайынғы нақтылаудың жобасын бес жұмыс күні ішінде қарайды.

      28. Даму жоспарын жыл сайынғы нақтылауды бекіту органы осы Қағидалардың 14-тармағының ережелерін ескере отырып, жоспарланатын кезеңнің алдындағы жылдың жиырма бесінші желтоқсанына дейін бекітеді.

      29. Ұйым даму жоспарын жыл сайынғы нақтылау бекітілген күннен бастап бес жұмыс күні ішінде оған ұйымның электрондық цифрлық қолтаңбасымен қол қояды және сәйкестендіргішін көрсете отырып, PDF форматында бекітуші органның сканерленген шешімін тіркеп, тізілімнің веб-порталы арқылы тізілімге қосу үшін бірыңғай операторға жібереді.

      30. Бірыңғай оператор нақтыланған даму жоспары түскен күннен бастап бес жұмыс күні ішінде ұйымның электрондық мекенжайына нақтыланған даму жоспарының тізілімге қабылданғаны туралы хабарламаны не оны қабылдаудан бас тартылғаны туралы хабарламаны жолдайды.

      Мыналар:

      1) бекітуші органның даму жоспарын жыл сайынғы нақтылауды бекіту туралы сканерленіп, тіркелген шешімінің болмауы;

      2) ұйымға тиесілі емес электрондық цифрлық қолтаңбамен қол қойылуы нақтыланған даму жоспарын қабылдаудан бас тарту үшін негіз болып табылады.

      Бірыңғай оператор нақтыланған даму жоспарын қабылдаудан бас тартқан жағдайда, ұйым ескертулерді жойып, бірыңғай операторға нақтыланған даму жоспарының қабылдаудан бас тартылғаны туралы хабарламаны алған күннен бастап бес жұмыс күні ішінде нақтыланған даму жоспарын қайта енгізеді.

2-параграф. Даму жоспарын жартыжылдық нақтылау

      31. Даму жоспарын жартыжылдық нақтылау ұйымның бастамашылығы бойынша:

      1) Қазақстан Республикасы Президентінің елдегі жағдай мен ішкі және сыртқы саясаттың негізгі бағыттары туралы халыққа жолдауына, мемлекеттік жоспарлау жүйесіндегі стратегиялық және бағдарламалық құжаттарға енгізілетін өзгерістерге;

      2) ұйым қызметінің негізгі бағыттарының өзгеруіне;

      3) мемлекеттік органның стратегиялық жоспарына (аумақты дамыту бағдарламасына) өзгерістер және/немесе толықтырулар енгізілген немесе ол қайта бекітілген;

      4) бюджеттен қаражат бөлуге немесе қысқартуға немесе ұйымдарды бюджеттік кредиттеуге;

      5) даму жоспарының көрсеткіштеріне әсер ететін бекітуші органдар мен ұйымдардың құқықтық актілері мен өзге де құжаттарын қабылдауға немесе өзгертуге байланысты жағдайларда рұқсат етіледі.

      32. Ағымдағы қаржы жылы ішінде жартыжылдықта екі реттен асырмай даму жоспарын жартыжылдық нақтылауға жол беріледі.

      33. Даму жоспарын жартыжылдық нақтылау тізілімнің веб-порталында осы Қағидаларға 1, 2, 3, 4, 5, 6, 7, 7-1, 7-2, 8, 9, 10, 11, 12 және 13-қосымшалардағы құрылымға, нысандарға, көрсеткіштер тізіліміне сәйкес жүзеге асырылады және:

      ұйымның даму жоспарының/даму жоспарының орындалуы жөніндегі есептің құрылымын;

      ұйым паспортын;

      корпоративтік құрылымын;

      қызметтің негізгі бағыттарын (мақсаттар, міндеттер мен түйінді көрсеткіштер, іске асыру бағдарламасы);

      қаржы-шаруашылық қызмет көрсеткіштерін (қаржы-шаруашылық қызметтің негізгі көрсеткіштері, кірістер, ақша қаражаты, республикалық бюджет және жергілікті бюджет қаражаты есебінен өнімдерді өткізу, шығыстар, инвестициялар және тауарларды, жұмыстар мен көрсетілетін қызметтерді сатып алу, үлестік құралдарды сатып алуды);

      қосымша көрсеткіштерді (алып отырған алаң және автокөлік, қарыз алу құрылымы, уақытша бос ақшаны орналастыру) қамтиды.

      34. Ұйымның атқарушы органы осы Қағидалардың 31-тармағында көрсетілген жағдайларда даму жоспарының әрбір қосымшасына енгізілген нақтылаулардың негіздемелері мен түсіндірмесін қамтитын түсіндірме жазбасы бар нақтыланған даму жоспарының жобасын бекіту органының қарауына енгізеді.

      Ұйымның атқарушы органы даму жоспарын жартыжылдық нақтылау жобасымен бір мезгілде бекіту органына осы Қағидаларға 14, 15, 16, 17, 17-1, 17-2, 18, 19, 20, 21, 22, 23, 24 және 25-қосымшаларға сай нысандарға сәйкес қаржы-шаруашылық қызмет көрсеткіштерінің есептемелерін (активтер, пассивтер, персонал, тану көздері бойынша кірістер, ақша қаражатының түсуі мен шығуы, республикалық бюджет және жергілікті бюджет қаражаты есебінен өнімдерді өткізу, инвестицияларды, тауарларды, жұмыстар мен көрсетілетін қызметтерді сатып алу, негізгі өндіріс жоспары, үстеме шығыстар мен қосалқы өндіріс шығыстары есепке алынған негізгі өндірістің шығыстары, қосалқы өндіріс шығыстары, үстеме шығыстар, әкімшілік шығыстар, сыйақылар бойынша шығыстар, өзге де шығыстар) ұсынады.

      Атқарушы орган даму жоспарында бекітілген жиынтық көрсеткіштер шеңберінде осы Қағидаларға 14, 15, 16, 17, 17-1, 17-2, 18, 19, 20, 21, 22, 23, 24 және 25-қосымшаларға сәйкес нысандарда көрсетілген қаржы-шаруашылық қызмет көрсеткіштерінің есептемелеріне түзетулерді дербес енгізеді.

      Қаржы-шаруашылық қызмет көрсеткіштерінің есептемелерін түзету тізілімнің веб-порталында жүзеге асырылады және атқарушы органның шешімі негізінде ұйымның электрондық цифрлық қолтаңбасы қойылады.

      Бекіту органы нақтыланған даму жоспарының жобасын келіп түскен күнінен бастап он жұмыс күні ішінде қарайды.

      Ескертулер болса, ұйымның атқарушы органы ескертулер алған күннен бастап бес жұмыс күні ішінде нақтыланған даму жоспарының жобасын пысықтап, оны бекіту органының қарауына қайта ұсынады.

      Атқарушы орган нақтыланған даму жоспарын қарауға енгізген күннен бастап бекіту органы оны жиырма жұмыс күні ішінде, бірақ осы Қағидалардың 14-тармағының ережелерін ескере отырып, ағымдағы жылдың бірінші жартыжылдығында жиырма бесінші маусымнан және ағымдағы жылдың екінші жартыжылдығында жиырма бесінші желтоқсаннан кешіктірмей бекітеді.

      35. Ұйым даму жоспарын жыл сайынғы нақтылау бекітілген күннен бастап бес жұмыс күні ішінде оған ұйымның электрондық цифрлық қолтаңбасымен қол қояды және сәйкестендіргішін көрсете отырып, PDF форматында бекітуші органның сканерленген шешімін тіркеп, бірыңғай операторға тізілімнің веб-порталы арқылы тізілімге қосу үшін жібереді.

      36. Бірыңғай оператор нақтыланған даму жоспары түскен күннен бастап бес жұмыс күні ішінде ұйымның электрондық мекенжайына нақтыланған даму жоспарының тізілімге қабылданғаны туралы хабарлама, не оны қабылдаудан бас тартылғаны туралы хабарлама жолдайды.

      Мыналар:

      1) бекітуші органның даму жоспарын жыл сайынғы нақтылауды бекіту туралы сканерленіп, тіркелген шешімінің болмауы;

      2) ұйымға тиесілі емес электрондық цифрлық қолтаңбамен қол қойылуы нақтыланған даму жоспарын қабылдаудан бас тарту үшін негіз болып табылады.

      Бірыңғай оператор нақтыланған даму жоспарын қабылдаудан бас тартқан жағдайда, ұйым ескертулерді жойып, нақтыланған даму жоспарының қабылдаудан бас тартылғаны туралы хабарламаны алған күннен бастап бес жұмыс күні ішінде даму жоспарын бірыңғай операторға қайта енгізеді.

3-тарау. Даму жоспарының орындалуы жөніндегі есепті әзірлеу және ұсыну тәртібі

      37. Даму жоспарының орындалуы жөніндегі есепті ұйымның атқарушы органы бес жылдық кезеннің әр қаржы жылының қорытындылары бойынша веб-портал арқылы әзірлейді.

      38. Даму жоспарының орындалуы жөніндегі есепті әзірлеу осы Қағидаларға 1, 2, 3, 4, 5, 6, 7, 7-1, 7-2, 8, 9, 10, 11, 12 және 13-қосымшалардағы құрылымға, нысандарға, көрсеткіштерге сәйкес жүзеге асырылады және:

      ұйымның даму жоспарының/даму жоспарының орындалуы жөніндегі есептің құрылымын;

      ұйым паспортын;

      корпоративтік құрылымын;

      қызметтің негізгі бағыттарын (мақсаттар, міндеттер мен түйінді көрсеткіштер, іске асыру бағдарламасы);

      қаржы-шаруашылық қызмет көрсеткіштерін (қаржы-шаруашылық қызметтің негізгі көрсеткіштері, кірістер, ақша қаражаты, республикалық бюджет және жергілікті бюджет қаражаты есебінен өнімдерді өткізу, шығыстар, инвестициялар және тауарларды, жұмыстар мен көрсетілетін қызметтерді сатып алу, үлестік құралдарды сатып алуды);

      қосымша көрсеткіштерді (алып отырған алаң және автокөлік, қарыз алу құрылымы, уақытша бос ақшаны орналастыру) қамтиды).

      39. Даму жоспарының орындалуы жөніндегі есептің жобасы бекіту органының қарауына осы Қағидалардың 14-тармағының ережелерін ескере отырып енгізіледі:

      қаржылық есептіліктің міндетті немесе бастамашылық аудитін жүргізбейтін ұйымның атқарушы органы – есепті жылдан кейінгі жылдың он бесінші сәуірінен кешіктірмей;

      қаржылық есептіліктің міндетті немесе бастамашылық аудитін жүргізетін ұйымның атқарушы органы аудиттелген қаржылық есептілік бекітілгеннен кейін – он бес жұмыс күні ішінде, бірақ, есепті жылдан кейінгі жылдың бірінші қыркүйегінен кешіктірмей енгізеді.

      Ұйымның атқарушы органы даму жоспарының орындалуы жөніндегі есептің жобасымен бір мезгілде бекітуші органдарға осы Қағидаларға 14, 15, 16, 17, 17-1, 17-2, 18, 19, 20, 21, 22, 23, 24 және 25-қосымшалардағы нысандарға сәйкес қаржы-шаруашылық қызмет көрсеткіштерінің есептемесін (активтер, пассивтер, персонал, тану көздері бойынша кірістер, ақша қаражатының түсуі мен шығуы, республикалық бюджет және жергілікті бюджет қаражаты есебінен өнімдерді өткізу, инвестицияларды, тауарларды, жұмыстар мен көрсетілетін қызметтерді сатып алу, негізгі өндіріс жоспары, үстеме шығыстар мен қосымша өндіріске шығыстарды есепке ала отырып негізгі өндірістің шығыстары, көмекші өндіріске шығыстар, үстеме шығыстар, әкімшілік шығыстар, сыйақылар бойынша шығыстар, өзге де шығыстар) ұсынады.

      40. Бекітуші орган даму жоспарының орындалуы жөніндегі есептің жобасын келіп түскен күнінен бастап он жұмыс күні ішінде қарайды.

      41. Бекітуші органның ескертулері болған жағдайда, ұйымның атқарушы органы ескертулер алған күннен бастап бес жұмыс күн ішінде даму жоспарының орындалуы жөніндегі есептің жобасын пысықтап, оны бекітуші органның қарауына қайта ұсынады, бекітуші орган даму жоспарының орындалуы жөніндегі есептің пысықталған жобасын бес жұмыс күні ішінде қарайды.

      42. Есепті бекіту органы осы Қағидалардың 14-тармағының ережелерін ескере отырып бекітеді:

      қаржылық есептіліктің міндетті немесе бастамашылық аудитін жүргізбейтін ұйымдарға – есепті кезеңнен кейінгі жылдың бірінші маусымынан кешіктірмей;

      қаржылық есептіліктің міндетті немесе бастамашылық аудитін жүргізетін ұйымдарға – ұйымның атқарушы органының қарауына енгізілген күнінен бастап жиырма жұмыс күні ішінде тізілімнің веб-порталы арқылы бекітеді.

      43. Ұйым даму жоспарының орындалуы жөніндегі есепті бекітілген күннен бастап бес жұмыс күні ішінде оған ұйымның электрондық цифрлық қолтаңбасымен қол қояды және сәйкестендіргішін көрсете отырып, PDF форматында бекітуші органның сканерленген шешімін тіркеп, бірыңғай операторға тізілімнің веб-порталы арқылы тізілімге қосу үшін жібереді.

      44. Бірыңғай оператор даму жоспарының орындалуы жөніндегі есеп түскен күннен бастап бес жұмыс күні ішінде ұйымның электрондық мекенжайына даму жоспарының орындалуы жөніндегі есептің тізілімге қабылданғаны туралы хабарлама, не оны қабылдаудан бас тартылғаны туралы хабарлама жолдайды.

      Мыналар:

      1) бекітуші органның даму жоспарының орындалуы жөніндегі есепті бекіту туралы сканерленіп, тіркелген шешімінің болмауы;

      2) ұйымға тиесілі емес электрондық цифрлық қолтаңбамен қол қойылуы даму жоспарының орындалуы жөніндегі есепті қабылдаудан бас тарту үшін негіз болып табылады.

      Бірыңғай оператор даму жоспарының орындалуы жөніндегі есепті қабылдаудан бас тартқан жағдайда, ұйым ескертулерді жойып, бірыңғай операторға даму жоспарының орындалуы жөніндегі есептің қабылдаудан бас тартылғаны туралы хабарламаны алған күннен бастап бес жұмыс күні ішінде даму жоспарының орындалуы жөніндегі есепті қайта енгізеді.

      45. Уақытша бос ақша қаражатын қаржы құралдарына орналастырған және қарыздарды тартқан жағдайда, ұйымдар есепті тоқсаннан кейінгі айдың онына дейін, тоқсан сайын ұйымның электрондық цифрлық қолтаңбасымен қол қойылатын, осы Қағидаларға 26 және 27-қосымшаларға сәйкес, тізілімге қосу үшін қарыз алу құрылымы және уақытша бос ақшаның орналастырылғаны туралы есепті ақпаратты жолдайды.

4-тарау. Даму жоспарының іске асырылуына мониторинг жүргізудің тәртібі

      46. Мемлекеттік органның стратегиялық жоспарында, аумақтарды дамыту бағдарламасында көзделген, ұйымның қаржы-шаруашылық қызметінің көрсеткіштері мен өзге де көрсеткіштердің орындалуы туралы ақпаратты талдау және қорыту даму жоспарларының іске асырылуының мониторингі болып табылады.

      47. Басқарушы орган жыл сайын есепті жылдың алдындағы жылдың оныншы қазанынан кешіктірмей, ұйымдардың бекітілген даму жоспарларының және олардың орындалуы жөніндегі есептердің негізінде ұйымдардың даму жоспарларының іске асырылуын мониторингілеуді жүзеге асырады.

      48. Мониторинг жүргізу үшін басқарушы орган тізілімнің веб-порталында ұйымның қызметі туралы ақпаратты (қызметтің мақсаттары мен міндеттеріне, түйінді көрсеткіштеріне қол жеткізу, ұйымдардың қаржы-шаруашылық қызметінің нәтижесі) осы Қағидаларға 28-қосымшаға сәйкес қалыптастырады.

      49. Осы тармақта көрсетілген, төменде келтірілген ақпаратты талдау негізінде басқарушы орган даму жоспарларын іске асырылуын мониторингілеудің нәтижелері туралы есепті қалыптастырады, олар мынадай:

      1) даму жоспарларына өзгерістер енгізудің, даму жоспарларына өзгерістер енгізу рәсімдері мен мерзімдері бойынша талаптарды сақтаудың негізділігі туралы;

      2) қызметтің жоспарланған және нақты қол жеткізілген түйінді көрсеткіштері, оларға қол жеткізбеудің себептері туралы;

      3) бюджетке аударылуға тиіс дивиденттер, қатысу үлесіне кіріс, МК таза кірісінің бір бөлігі туралы;

      4) персоналдың жағдайы мен еңбекақы төлеу қоры туралы;

      5) ұйымдардың қаржылық тұрақтылығы туралы;

      6) ұйымдардың кірістері мен шығыстары туралы;

      7) ұйымдардың инвестициялары туралы;

      8) даму жоспарының есепті кезең ішіндегі қызметтің түйінді көрсеткіштері, мақсаттары мен міндеттері, оның ішінде оларға қол жеткізу дәрежелері (нақты нәтижелердің жоспарланғаннан ауытқулары болған жағдайда, түпкілікті нәтижелерге әсер еткен себептер мен факторларды ашып көрсеткен жөн) бөлінісінде іске асырылу нәтижелері туралы;

      9) даму жоспарын іске асыру процесінде туындаған мәселелер, олардың қызметтің мақсаттары мен түйінді көрсеткіштеріне әсері, сондай-ақ анықталған мәселелерді шешу бойынша қабылданған шаралар мен даму жоспарының уақтылы іске асырылуын уақтылы қамтамасыз ету туралы;

      10) ұйымдардың даму жоспарын іске асыру, ұйымдардың даму жоспарларына өзгерістер немесе толықтырулар енгізу бойынша ұсынымдар туралы ақпаратты қамтиды.

      50. Даму жоспарының іске асырылу мониторингісінің нәтижелері туралы есепке басқарушы органның электрондық цифрлық қолтаңбасымен есепті кезеңнен кейінгі жылдың жиырма бесінші қазанынан кешіктірмей қол қойылып, бірыңғай операторға тізілімнің веб-порталы арқылы жіберіледі.

      Бірыңғай оператор даму жоспарының іске асырылуын мониторингілеудің нәтижелері туралы есеп түскен күннен бастап үш жұмыс күні ішінде басқарушы органның электрондық мекенжайына даму жоспарының іске асырылуын мониторингілеудің нәтижелері туралы есептің тізілімге қабылданғаны туралы хабарлама, не оны қабылдаудан бас тартылғаны туралы хабарлама жолдайды.

      Басқарушы органға тиесілі емес электрондық цифрлық қолтаңбамен қол қойылуы даму жоспарының іске асырылуын мониторингілеудің нәтижелері туралы есепті қабылдаудан бас тарту үшін негіз болып табылады.

      Бірыңғай оператор даму жоспарының іске асырылуын мониторингілеу нәтижелері туралы есепті қабылдаудан бас тартқан жағдайда, басқарушы орган ескертулерді жойып, даму жоспарының іске асырылуын мониторингілеу нәтижелері туралы есептің қабылдаудан бас тартылғаны туралы хабарлама алған күннен бастап бес жұмыс күні ішінде бірыңғай операторға оны қайта жібереді.

      51. Басқарушы орган есепті кезеңнен кейінгі жылдың жиырма бесінші қазанынан кешіктірмей, ұйымдарға даму жоспарларының іске асырылуын мониторингілеудің нәтижелері туралы есепті жібереді.

      51-1. Мемлекет бақылайтын акционерлік қоғамдар мен жауапкершілігі шектеулі серіктестіктердің даму жоспарларын іске асырудың нәтижелілігі мен тиімділігін, сондай-ақ олардың орындалуы туралы есептің уақтылы ұсынылуына Қазақстан Республикасының заңдарына сәйкес мемлекет бақылайтын акционерлік қоғамдар мен жауапкершілігі шектеулі серіктестіктердің атқарушы органдары қамтамасыз етеді.

5-тарау. Даму жоспарының іске асырылуына бағалау жүргізудің тәртібі

      52. Даму жоспарында көрсетілген ұйым қызметінің нәтижелер көрсеткіштеріне қол жеткізуді кешенді бағалау даму жоспарының іске асырылуын бағалау болып табылады.

      Мемлекет бақылайтын АҚ мен ЖШС даму жоспарының іске асырылуын бағалауды олардың директорлар кеңестері, байқау кеңестері бекітілген даму жоспарларының, олардың орындалуы жөніндегі есептер мен даму жоспарларының іске асыруын мониторингілеу нәтижелері туралы есептердің негізінде жүзеге асырады.

      ЖШС-де байқау кеңесі болмаған жағдайда, даму жоспарының іске асырылуын бағалау тиісті саланың уәкілетті органы немесе жергілікті атқарушы орган (жергілікті бюджеттен қаржыландырылатын атқарушы орган) жүзеге асырады.

      МК дамыту жоспарының орындалуын бағалау даму жоспарының іске асылуын мониторингілеу нәтижелері туралы есепте көрсетіледі.

      53. Даму жоспарының іске асырылуын бағалау есепті жылдан кейінгі жылдың бірінші желтоқсанынан кешіктірілмей, даму жоспарының орындалуы жөніндегі есептің және даму жоспарының іске асырылуын мониторингілеудің негізінде жүзеге асырылады.

      54. АҚ және ЖШС даму жоспарының іске асырылуын бағалау мыналарды:

      1) даму жоспарында көрсетілген қызметтің болжанатын негізгі көрсеткіштеріне қол жеткізуді бағалауды;

      2) ұйым қызметінің қаржылық көрсеткіштерінің орындалуын талдауды қамтиды.

Ұйымның даму жоспарының/даму жоспарының орындалуы жөніндегі есептің құрылымы

Ұйым паспорты

Корпоративтік құрылым

      Басқарушы орган ______________________________________

      Ұйымның атауы _______________________________________

      Құжаттың түрі (даму жоспары: бекітілген/жыл сайынғы нақтылау/жартыжылдық нақтылау/даму жоспарының орындалуы жөніндегі есеп)

      Бес жылдық кезең _________________________________________

      Жоспарланатын/есепті кезең___________________________

      күн ________________№_____________

      кестенің жалғасы

Ұйымның корпоративтік құрылымына кіретін квазимемлекеттік сектор субъектілерінің саны

      кестенің жалғасы

Ұйымның корпоративтік құрылымына кіретін квазимемлекеттік сектор субъектілерінің саны

      кестенің жалғасы

Ұйымның корпоративтік құрылымына кіретін квазимемлекеттік сектор субъектілерінің саны

      кестенің жалғасы

Ұйымның корпоративтік құрылымына кіретін квазимемлекеттік сектор субъектілерінің саны

      кестенің жалғасы

Ұйымның корпоративтік құрылымына кіретін квазимемлекеттік сектор субъектілерінің саны

      Басқарушы орган ______________________________________

      Ұйымның атауы _______________________________________

      Құжаттың түрі (даму жоспары: бекітілген/жыл сайынғы нақтылау/жартыжылдық нақтылау/даму жоспарының орындалуы жөніндегі есеп)

      Бес жылдық кезең _________________________________________

      Жоспарланатын/есепті кезең___________________________

      күн ________________№_____________

Қызметтің негізгі бағыттары Мақсаттары, міндеттері мен түйінді көрсеткіштері

      кестенің жалғасы

      кестенің жалғасы

      Басқарушы орган ______________________________________

      Ұйымның атауы _______________________________________

      Құжаттың түрі (даму жоспары: бекітілген/жыл сайынғы нақтылау/жартыжылдық нақтылау/даму жоспарының орындалуы жөніндегі есеп)

      Бес жылдық кезең _________________________________________

      Жоспарланатын/есепті кезең___________________________

      күн ________________№_____________

Қызметтің негізгі бағыттары Іске асыру бағдарламасы

      кестенің жалғасы

      кестенің жалғасы

      кестенің жалғасы

      Басқарушы орган ______________________________________

      Ұйымның атауы _______________________________________

      Құжаттың түрі (даму жоспары: бекітілген/жыл сайынғы нақтылау/жартыжылдық нақтылау/даму жоспарының орындалуы жөніндегі есеп)

      Бес жылдық кезең _________________________________________

      Жоспарланатын/есепті кезең___________________________

      күн ________________№_____________

Қаржы-шаруашылық қызмет көрсеткіштері Қаржы-шаруашылық қызметтің негізгі көрсеткіштері