Ескерту. Бұйрықтың күші жойылды – ҚР Ұлттық экономика министрінің 14.02.2019 № 14 (алғашқы ресми жарияланған күнінен кейін алты ай өткен соң қолданысқа енгізіледі) бұйрығымен.
      Ескерту. Бұйрықтың тақырыбы жаңа редакцияда – ҚР Ұлттық экономика министрінің м.а. 23.02.2018 № 73 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      "Мемлекеттік мүлік туралы" 2011 жылғы 1 наурыздағы Қазақстан Республикасы Заңының 13-бабының 4-1) тармақшасына сәйкес БҰЙЫРАМЫН:

      1. Қоса беріліп отырған Мемлекет бақылайтын акционерлік қоғамдар мен жауапкершілігі шектеулі серіктестіктердің, мемлекеттік кәсіпорындардың даму жоспарларын әзірлеу, бекіту, сондай-ақ олардың іске асырылуын мониторингтеу және бағалау қағидалары бекітілсін.

      2. Қазақстан Республикасы Ұлттық экономика министрлігінің Мемлекеттік активтерді басқару саясаты департаменті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін оның мемлекеттік кәсіпорындарды басқаруды, акционерлік қоғамдардың мемлекеттік акциялар пакетіне және жауапкершілігі шектеулі серіктестіктердің жарғылық капиталдарына мемлекеттік қатысу үлестеріне иелік ету және оны пайдалану құқығын жүзеге асыратын мемлекеттік органдардың, жергілікті атқарушы органдардың назарына жеткізілуін;

      3) осы бұйрықтың Қазақстан Республикасы Ұлттық экономика министрлігінің интернет-ресурсында орналастырылуын;

      4) осы бұйрық мемлекеттік тіркелгеннен кейін он күнтізбелік күн ішінде оның мерзімді баспасөз басылымдарында және "Әділет" ақпараттық-құқықтық жүйесінде ресми жариялауға жіберілуін қамтамасыз етсін.

      3. Осы бұйрықтың орындалуын бақылау жетекшілік ететін Қазақстан Республикасы Ұлттық экономика вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Қаржы министрі

      __________ Б. Сұлтанов

      2015 жылғы 1 сәуір

Мемлекет бақылайтын акционерлік қоғамдар мен жауапкершілігі шектеулі серіктестіктердің, мемлекеттік кәсіпорындардың даму жоспарларын әзірлеу, бекіту, сондай-ақ олардың іске асырылуын мониторингтеу және бағалау қағидалары

      Ескерту. Қағиданың тақырыбы жаңа редакцияда – ҚР Ұлттық экономика министрінің м.а. 23.02.2018 № 73 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.
      Ескерту. Қағида жаңа редакцияда – ҚР Ұлттық экономика министрінің 15.09.2017 № 330 (халық саны екі мың адамнан көп аудандық маңызы бар қалалар, ауылдар, кенттер, ауылдық округтер үшін – 01.01.2018 бастап және халық саны екі мың адам және одан аз аудандық маңызы бар қалалар, ауылдар, кенттер, ауылдық округтер үшін 01.01.2020 бастап қолданысқа енгізіледі) бұйрығымен.

1-тарау. Жалпы ережелер

      1. Осы Мемлекет бақылайтын акционерлік қоғамдар мен жауапкершілігі шектеулі серіктестіктердің, мемлекеттік кәсіпорындардың даму жоспарларын әзірлеу, бекіту, сондай-ақ олардың іске асырылуын мониторингтеу және бағалау қағидалары (бұдан әрі - Қағидалар) "Мемлекеттік мүлік туралы" Қазақстан Республикасының 2011 жылғы 1 наурыздағы Заңының 13-бабының 4-1) тармақшасына сәйкес әзірленген және ұлттық басқарушы холдингтерді, ұлттық холдингтер мен ұлттық компанияларды қоспағанда, мемлекет бақылайтын акционерлік қоғамдардың (бұдан әрі – АҚ), жауапкершілігі шектеулі серіктестіктердің (бұдан әрі – ЖШС) және мемлекеттік кәсіпорындардың (бұдан әрі – МК) даму жоспарларын әзірлеу, бекіту, сондай-ақ олардың іске асырылуын мониторингтеу және бағалау тәртібін айқындайды.

      2. Осы Қағидаларда пайдаланылатын негізгі ұғымдар:

      1) атқарушы орган – атауы ұйымның жарғысымен айқындалатын атқарушы органның функцияларын жеке-дара жүзеге асыратын алқалы орган немесе тұлға;

      2) даму жоспары (бұдан әрі – даму жоспары) – МК, АҚ және мемлекетке тиесілі акцияларының бақылау пакеті (жарғылық капиталға қатысу үлесі) ЖШС қызметінің негізгі бағыттары мен қаржы-шаруашылық қызметінің көрсеткіштерін айқындайтын құжат;

      3) жергілікті атқарушы орган (әкімдік) – облыстың (республикалық маңызы бар қаланың және астананың), ауданның (облыстық маңызы бар қаланың) әкімі басқаратын, өз құзыреті шегінде тиісті аумақта жергілікті мемлекеттік басқаруды және өзін-өзі басқаруды жүзеге асыратын алқалы атқарушы орган;

      4) жергілікті бюджеттен қаржыландырылатын атқарушы органдар – акционерлік қоғамдардың мемлекеттік акциялар пакетін және жауапкершілігі шектеулі серіктестіктердегі қатысу үлестерін, мемлекеттік заңды тұлғалар құқығының субъектілерін иелену және пайдалану құқығын жүзеге асыруға, оның ішінде шешімдер қабылдауға өкілеттіктер берілген басқармалар (бөлімдер);

      5) мемлекеттік мүлікті есепке алу саласындағы бірыңғай оператор (бұдан әрі – бірыңғай оператор) – Қазақстан Республикасы Үкіметінің шешімімен айқындалған, мемлекеттік мүлікті ұйымдастыру мен есепке алу саласында бірыңғай техникалық саясатты іске асыру бойынша міндеттер жүктелген заңды тұлға;

      6) тиісті саланың уәкілетті органы – Қазақстан Республикасының Үкіметі айқындаған, мемлекеттік басқарудың тиісті саласында (аясында) басшылықты жүзеге асыратын және "Мемлекеттік мүлік туралы" Қазақстан Республикасының Заңы мен Қазақстан Республикасының өзге де заңдарында көзделген шарттарда республикалық мүлікке қатысты құқықтарды иеленетін орталық атқарушы орган;

      7) ұйымдар – мемлекет бақылайтын АҚ және ЖШС, МК, оның ішінде сенімгерлік басқаруға берілген кәсіпорындар.

2-тарау. Даму жоспарларын әзірлеу және бекіту тәртібі

      3. Даму жоспары бесжылдық кезеңге бір рет әзірленеді және Қазақстан Республикасының стратегиялық және бағдарламалық құжаттарында және мемлекеттік органның стратегиялық жоспарында, аумақтарды дамыту бағдарламасында баяндалған мақсаттар мен міндеттерге сәйкестігі тұрғысынан тиісті саланың уәкілетті органымен немесе жергілікті атқарушы органмен (жергілікті бюджеттен қаржыландырылатын атқарушы органмен) не аудандық маңызы бар қала, ауыл, кент, ауылдық округ әкімінің аппаратымен келісіледі.

      4. Даму жоспарын әзірлеу осы Қағидаларға 1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 28-1, 29, 30-қосымшаларға сәйкес нысандар бойынша құрылымға, нысандарға, көрсеткіштер тізбесіне сәйкес жүзеге асырылады.

      5. Ұйымның даму жоспары мақсаттарды, міндеттерді, нәтижелер көрсеткіштерін және инвестицияларды қоса алғанда, қаржы-шаруашылық қызметтің негізгі біріктірілген және біріктірілмеген көрсеткіштерін, кірістерді, шығыстарды, қарыздарды, дивидендтерді (таза кірістің бюджетке аударылатын бөлігі), қаржылық тұрақтылық көрсеткіштерін басқа да мәліметтерді қамтиды.

      6. Тиiстi саланың уәкiлеттi органы немесе жергiлiктi атқарушы орган (жергiлiктi бюджеттен қаржыландырылатын атқарушы орган), стратегиялық жоспарларды әзірлемейтін тиiстi салалардың уәкiлеттi органдарын қоспағанда, мыналарды:

      1) мемлекеттiк органның (жергiлiктi атқарушы органның) стратегиялық жоспарында (аумақты дамыту бағдарламасында) көрсетiлген мақсаттарға қол жеткізуге және міндеттерді орындауға алып келетін ұйым қызметінің мақсаттары мен міндеттерін;

      2) мемлекеттiк органның (жергiлiктi атқарушы органның) стратегиялық жоспарында (аумақты дамыту бағдарламасында) көрсетiлген оның мақсаттары мен міндеттерін орындау бойынша ұйымның қызметiн сипаттайтын санмен өлшенетін түйiндi көрсеткiштерді әзiрлейдi және жоспарланатын кезеңнің алдындағы жылдың бiрiншi қыркүйегiне дейiн ұйымға жеткiзедi.

      Түйiндi көрсеткiштер тiкелей нәтижелердi (белгiлi бiр көлемдегі және сападағы өнiмдi (жұмыстарды, көрсетілетін қызметтердi) ұсыну), сол сияқты түпкiлiктi нәтижелердi (оларды алушылар үшiн ұсынылған өнiмнiң (жұмыстардың, көрсетілетін қызметтердiң) тиiмдiлiгi) көрсетеді.

      Түйiндi көрсеткiштер сапа көрсеткiштерін (өнiмнiң (жұмыстардың, көрсетілетін қызметтердiң) оны алушылардың үміттеріне сәйкес келу дәрежесі) және тиімділік көрсеткiштерін (өнiмнiң (жұмыстардың, көрсетілетін қызметтердiң) өндірілетін бірлігіне пайдаланылатын ресурстарды төмендету) заттай немесе құндық мәнінде қамтиды.

      Мемлекеттiк органның стратегиялық жоспарына (аумақты дамыту бағдарламасына) өзгерістер немесе толықтырулар енгізілген немесе жаңа редакцияда бекітілген жағдайларда тиiстi саланың уәкiлеттi органы немесе жергiлiктi атқарушы орган (жергiлiктi бюджеттен қаржыландырылатын атқарушы орган) мемлекеттiк органның стратегиялық жоспарында (аумақты дамыту бағдарламасына) өзгерістер немесе толықтырулар енгізілген немесе жаңа редакцияда бекітілгеннен кейін бір айдың ішінде ұйым үшін мақсаттар мен міндеттерді, сондай-ақ түйiндi көрсеткiштерді нақтылайды.

      7. Тиiстi салалардың стратегиялық жоспарлар әзірлемейтін уәкiлеттi органдары, аудандық маңызы бар қала, ауыл, кент, ауылдық округ әкімінің аппараты жоспарланатын кезеңнің алдындағы жылдың бiрiншi қыркүйегiне дейiн:

      1) тиiстi саланың уәкiлеттi органының, аудандық маңызы бар қала, ауыл, кент, ауылдық округ әкімінің аппараты өз бюджеттік бағдарламасында көрсетiлген бюджеттік бағдарламаның мақсаттарына қол жеткізуге және міндеттерді орындауға әкелетін ұйым қызметінің мақсаттары мен міндеттерін;

      2) тиiстi саланың уәкiлеттi органының, аудандық маңызы бар қала, ауыл, кент, ауылдық округ әкімі аппаратының өз бюджеттік бағдарламасында көрсетiлген оның мақсаттары мен міндеттерін орындау бойынша ұйымның қызметiн сипаттайтын санмен өлшенетін түйiндi көрсеткiштерін ұйымға жеткiзедi.

      Түйiндi көрсеткiштер тiкелей нәтижелердi (белгiлi бiр көлемдегi және сападағы өнiмдi (жұмыстарды, көрсетілетін қызметтердi) ұсыну), сондай-ақ түпкiлiктi нәтижелердi (оларды алушылар үшiн өнiмді (жұмыстарды, көрсетілетін қызметтердi) ұсынудан болатын тиiмдiлiк) көрсетеді.

      Түйiндi көрсеткiштер сапа көрсеткiштерін (өнiмнiң (жұмыстардың, көрсетілетін қызметтердiң) оны алушылардың үміттеріне сәйкес келуіне) және тиімділік көрсеткiштерін (өнiмнiң (жұмыстардың, көрсетілетін қызметтердiң) өндірілетін бірлігіне пайдаланылатын ресурстарды төмендету) заттай немесе құндық мәнінде қамтиды.

      Бюджеттік бағдарламаға өзгерістер, толықтырулар енгізілген немесе жаңа редакцияда бекітілген жағдайда тиiстi саланың уәкiлеттi органы, аудандық маңызы бар қала, ауыл, кент, ауылдық округ әкімінің аппараты бюджеттік бағдарламаға өзгерістер мен толықтырулар енгізілгеннен кейін немесе жаңа редакцияда бекітілгеннен кейін бір айдың ішінде ұйым үшін мақсаттар мен міндеттерді, сондай-ақ түйiндi көрсеткiштерді нақтылайды.

      8. Тиiстi жоспарланатын кезеңге арналған даму жоспарын әзiрлеудi, сондай-ақ даму жоспарына өзгерістер мен толықтырулар енгізуді бiрыңғай оператор әзiрлеген бағдарламалық қамтамасыз етудi пайдалана отырып, ұйымның атқарушы органы мынадай тәртіппен жүзеге асырады:

      1) бiрiншi жыл: бiрiншi жоспарланатын жылдың қаржы-шаруашылық қызметiнiң негiзгi көрсеткiштерi таратылып (толық) жазылады, жоспарланатын келесi жылдары жиынтықталған (жинақталған) түрде, енгiзiлетiн түзетулер көрсетіле отырып, жылдар бөлiнiсінде;

      2) екiншi жыл: бiрiншi жылдың бағалануы, екiншi жыл таратылып (толық) жазылып, келесі жылдары жиынтықталған (жинақталған) түрде, енгiзiлетiн түзетулер көрсетіле отырып, жылдар бойынша бөлiністе;

      3) үшiншi жыл: бiрiншi жылдың фактісі мен екiншi жылдың бағалануы, үшiншi жыл таратылып (толық) жазылып, келесi жылдар жиынтықталған (жинақталған) түрде, енгiзiлетiн түзетулер көрсетіле отырып, жылдар бойынша бөлiністе;

      4) төртiншi жыл: бiрiншi, екiншi жылдардың фактісі және үшінші жылдың бағалануы, төртiншi жыл таратылып (толық) жазылып, келесi жылдар жиынтықталған (жинақталған) түрде, енгiзiлетiн түзетулер көрсетіле отырып, жылдар бойынша бөлiністе;

      5) бесiншi жыл: бiрiншi, екінші, үшінші жылдардың фактісі және төртiншi жылдың бағалануы, бесiншi жыл таратылып (толық) жазылып, енгiзiлетiн түзетулер көрсетіле отырып, көрсетiледi;

      Даму жоспарында жиынтықталған көрсеткiштер, оның ішінде мақсаттарға қол жеткізу және мiндеттерді орындау бойынша көрсеткіштер, түйiндi көрсеткiштер көрсетіледі. Даму жоспарына түсіндірме жазба түзетулерді ескере отырып, өткен жылдардың жыл сайынғы бағалануын және жоспарланған кезеңнің соңына дейін алдағы кезеңнің жиынтықталған көрсеткiштерiнің негіздемесін қамтиды. Егер даму жоспарын түзету жиынтықталған көрсеткiштерді қозғамаса, олар бүкіл жоспарланатын кезеңде өзгеріссіз қалады.

      Тиiстi жоспарланатын кезеңге арналған даму жоспарын әзiрлеудi жаңадан құрылған ұйымдар үшін осы ұйым әділет органдарында мемлекеттік тіркеуден өткен күннен бастап бiрыңғай оператор әзiрлеген бағдарламалық қамтамасыз етудi пайдалана отырып, ұйымның атқарушы органы жүзеге асырады.

      9. Атқарушы орган жоспарланатын кезеңнiң алдындағы жылдың бiрiншi қазанына дейiн тиiстi саланың уәкiлеттi органына немесе жергiлiктi атқарушы органға (жергiлiктi бюджеттен қаржыландырылатын атқарушы органға) не аудандық маңызы бар қала, ауыл, кент, ауылдық округ әкімінің аппаратына даму жоспарының жобасын, сондай-ақ қатар жыл сайынғы түзетулерді (даму жоспарының екінші - бесінші жылдары) қарауға және келiсуге жiбередi.

      Байқаушы кеңесі бар шаруашылық жүргiзу құқығындағы мемлекеттiк кәсiпорындарда атқарушы орган даму жоспарының жобасын тиiстi саланың уәкiлеттi органына немесе жергiлiктi атқарушы органға (жергiлiктi бюджеттен қаржыландырылатын атқарушы органға) келiсуге енгiзбестен бұрын оны алдын ала байқаушы кеңеспен келiседi.

      Тиiстi саланың уәкiлеттi органы немесе жергiлiктi атқарушы орган (жергiлiктi бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты даму жоспарының жобасы түскен күннен бастап оны он бес жұмыс күнi iшiнде қарайды.

      Ескертулер болған жағдайда атқарушы орган он жұмыс күні ішінде даму жоспарының жобасын пысықтайды және тиісті саланың уәкілетті органына немесе жергілікті атқарушы органға (жергілікті бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімі аппаратына қайтадан келісуге жібереді.

      Тиiстi саланың уәкiлеттi органы немесе жергiлiктi атқарушы орган (жергiлiктi бюджеттен қаржыландыратын атқарушы орган) не аудандық маңызы бар қала, ауыл, кент, ауылдық округ әкімінің аппараты пысықталған даму жоспарының жобасын он жұмыс күнi iшiнде қарайды.

      10. Атқарушы орган жоспарланатын кезеңнің алдындағы жылдың он бесінші қарашасына дейін келісілген даму жоспарының жобасын акционерлік қоғамның директорлар кеңесінің (жауапкершілігі шектеулі серіктестіктің байқаушы кеңесінің) қарауына енгізеді.

      Акционерлік қоғамның директорлар кеңесі (жауапкершілігі шектеулі серіктестіктің байқаушы кеңесі) даму жоспарының жобасын ол келіп түскен күннен бастап он бес жұмыс күні ішінде қарайды.

      Ескертулер болған жағдайда, атқарушы орган он күнтізбелік күн ішінде даму жоспарының жобасын пысықтайды және оны акционерлік қоғамның директорлар кеңесінің (жауапкершілігі шектеулі серіктестіктің байқаушы кеңесінің) қарауына қайтадан ұсынады.

      Акционерлік қоғамның директорлар кеңесі (жауапкершілігі шектеулі серіктестіктің байқаушы кеңесі) пысықталған даму жоспарының жобасын күнтізбелік он күн ішінде қарайды.

      11. Даму жоспарын, сондай-ақ бекітілген даму жоспарының түзетулерін акционерлiк коғамның директорлар кеңесi, жауапкершiлiгi шектеулi серiктестiктің байқаушы кеңесi, мемлекеттiк кәсiпорындар бойынша тиiстi саланың уәкiлеттiк органы немесе жергiлiктi атқарушы орган (жергiлiктi бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты жоспарланатын кезеңнiң алдындағы жылдың жиырма бесiншi желтоқсанына дейiн бекiтедi.

      12. Ұйым даму жоспары бекітілген күннен бастап бес жұмыс күні ішінде ұйымның ұлттық куәландырушы орталық берген электронды цифрлық қолтаңбасы қойылған және бағдарламалық қамтамасыз етуді пайдалана отырып электронды түрде даму жоспарын бекіткені туралы есепті (бұдан әрі – есеп) жібереді. Есеп акционерлік қоғамның директорлар кеңесінің (жауапкершілігі шектеулі серіктестіктің байқаушы кеңесінің, тиісті саланың уәкілетті органының немесе жергілікті атқарушы органның (жергілікті бюджеттен қаржыландырылатын атқарушы органның) не аудандық маңызы бар қала, ауыл, кент, ауылдық округ әкімі аппаратының сканерленген шешімін қоса тіркеумен тізілімге қосу үшін бірыңғай операторға жіберіледі.

      13. Бiрыңғай оператор есеп түскен күннен бастап бес жұмыс күні ішінде есепті Мемлекеттік мүлік тiзiлiміне енгізгені туралы не есепті қабылдаудан бас тарту туралы хабарламаны ұйымның электрондық мекенжайына жібереді.

      Мыналар:

      1) есепке тіркелген, осы Қағидалардың 12-тармағында көрсетілген басқару органының даму жоспарын бекіту туралы сканерленген шешімінің болмауы;

      2) есепке ұйымға тиесілі емес электрондық цифрлық қолтаңбаның қойылуы ұйымның есебін қабылдаудан бас тартуға негіздеме болып табылады.

      Бiрыңғай оператор электрондық есепті қабылдаудан бас тартқан жағдайда, ұйым ескертулерді жояды және есепті қабылдаудан бас тарту туралы хабарлама алған күннен бастап, бес жұмыс күні ішінде электрондық есепті қайтадан бiрыңғай операторға жібереді.

      14. Даму жоспарын түзетуге жарты жылда бір рет қана жол берiледi:

      Атқарушы орган жартыжылдық аяқталатын күнге дейін күнтізбелік алпыс күннен кешіктірмей даму жоспарының өзгертілген жобасын тиісті негіздемелерімен қоса, акционерлiк коғамның директорлар кеңесiнің, жауапкершiлiгi шектеулi серiктестіктiң байқаушы кеңесiнің, мемлекеттiк кәсiпорынның тиiстi саласының уәкiлеттi органының (жергiлiктi атқарушы органның немесе жергiлiктi бюджеттен қаржыландырылатын атқарушы органның не аудандық маңызы бар қала, ауыл, кент, ауылдық округ әкімі аппаратының) қарауына енгізеді.

      Ескертулер болған жағдайда, атқарушы орган бес жұмыс күнi iшiнде даму жоспарының түзетiлген жобасын пысықтайды және акционерлiк қоғамның директорлар кеңесiне, жауапкершiлiгi шектеулi серiктестiктiң байқаушы кеңесiне, мемлекеттiк кәсiпорынның тиiстi саласының уәкiлеттi органына (жергiлiктi атқарушы органға немесе жергiлiктi бюджеттен қаржыландырылатын атқарушы органға не аудандық маңызы бар қала, ауыл, кент, ауылдық округ әкімінің аппаратына) қайтадан ұсынады.

      Түзетілген даму жоспарын жартыжылдық аяқталатын күнге дейін күнтізбелік отыз күннен кешіктірмей, акционерлiк қоғамның директорлар кеңесi, жауапкершiлiгi шектеулi серiктестiктiң байқаушы кеңесi, мемлекеттiк кәсiпорынның тиiстi саласының уәкiлеттi органы (жергiлiктi атқарушы орган немесе жергiлiктi бюджеттен қаржыландырылатын атқарушы орган не аудандық маңызы бар қала, ауыл, кент, ауылдық округ әкімінің аппараты) бекітеді.

      Даму жоспарына өзгерістер мен толықтырулар енгізуге:

      1) Қазақстан Республикасы Президентiнiң елдегi жағдай мен iшкi және сыртқы саясаттың негiзгi бағыттары туралы Қазақстан халқына Жолдауына, мемлекеттiк жоспарлау жүйесiнiң құжаттарына енгiзiлетiн өзгерiске, сондай-ақ ұйымның қызметiне елеулі әсерi бар iшкi және сыртқы ортаның өзгеруiне;

      2) ұйым қызметiнiң негiзгi бағыттарының өзгеруiне;

      3) мемлекеттiк органның стратегиялық жоспарында (аумақты дамыту бағдарламасына) өзгерістер мен толықтырулар енгізілуіне немесе көрсетілген құжаттарды жаңа редакцияда қабылдауға, оның ішінде мемлекет бақылайтын акционерлiк қоғамдардың және жауапкершiлiгi шектеулi серiктестiктердiң, мемлекеттiк кәсiпорындардың бюджеттен қаржыландырылуына немесе бюджеттен кредит берілуіне байланысты өзгерістер мен толықтырулар енгізілуіне байланысты жағдайларда жол беріледі.

      15. Жыл сайын атқарушы орган акционерлiк қоғамның директорлар кеңесiне, жауапкершiлiгi шектеулi серiктестiктiң байқаушы кеңесiне, мемлекеттiк кәсiпорындар бойынша – тиiстi саланың уәкiлеттi органына немесе жергiлiктi атқарушы органға (жергiлiктi бюджеттен қаржыландырылатын атқарушы органға) не аудандық маңызы бар қала, ауыл, кент, ауылдық округ әкімінің аппаратына тиiстi негiздемелерiмен қоса, даму жоспарының (даму жоспарының екінші-бесінші жылдары) түзетiлген жобасын қарауға ұсынады.

      Даму жоспарының түзетілген жобасы даму жоспарының алдыңғы жылдарда іске асырылуын бағалау жөніндегі ұсыныстарды, жоспарланатын кезең аяқталғанға дейін даму жоспарының жиынтықталған көрсеткiштерiн қамтиды.

      Байқаушы кеңесі бар шаруашылық жүргiзу құқығындағы мемлекеттiк кәсiпорындарда атқарушы орган даму жоспарының түзетiлген жобасын, оны тиiстi саланың уәкiлеттi органымен немесе жергiлiктi атқарушы органмен (жергiлiктi бюджеттен қаржыландырылатын атқарушы органмен) келiсуге енгiзгенге дейiн, байқаушы кеңеспен алдын ала келiседi.

      Акционерлiк қоғамның директорлар кеңесi, жауапкершiлiгi шектеулi серiктестiктің байқаушы кеңесi, мемлекеттiк кәсiпорындар бойынша – тиiстi саланың уәкiлеттi органы немесе жергiлiктi атқарушы орган (жергiлiктi бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты даму жоспарының түзетiлген жобасын тиiстi негiздемелерiмен қоса келiп түскен күнiнен бастап он бес жұмыс күнi iшiнде қарайды.

      Ескертулер болған жағдайда, атқарушы орган бес жұмыс күнi iшiнде даму жоспарының түзетiлген жобасын пысықтайды және оны акционерлiк қоғамның директорлар кеңесiне, жауапкершiлiгi шектеулi серiктестiктiң байқаушы кеңесiне, мемлекеттiк кәсiпорындар бойынша – тиiстi саланың уәкiлеттi органына немесе жергiлiктi атқарушы органға (жергiлiктi бюджеттен қаржыландырылатын атқарушы органға) не аудандық маңызы бар қала, ауыл, кент, ауылдық округ әкімінің аппаратына қайтадан ұсынады.

      Акционерлiк қоғамның директорлар кеңесi, жауапкершiлiгi шектеулi серiктестiктiң байқаушы кеңесi, мемлекеттiк кәсiпорындар бойынша – тиiстi саланың уәкiлеттi органы немесе жергiлiктi атқарушы орган (жергiлiктi бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты даму жоспарының пысықталған жобасын он күн iшiнде қарайды.

      16. Атқарушы орган даму жоспарына түзетулер енгізу туралы шешім қабылдаған күннен бастап бес жұмыс күні ішінде электрондық есепті осы Қағидалардың 12 және 13-тармақтарына сәйкес тізілімге енгізу үшін бірыңғай операторға беруді қамтамасыз етеді.

3-тарау. Даму жоспарының іске асырылуын мониторингілеу және бағалау

      17. Ұйымның даму жоспарының іске асырылуын мониторингілеуді тиісті саланың уәкілетті органы немесе жергiлiктi атқарушы орган (жергiлiктi бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты Қазақстан Республикасының стратегиялық және бағдарламалық құжаттарының (Аумақтарды дамыту бағдарламасының) көрсеткіштерін орындау туралы ақпаратты талдау және жалпылау және қаржы-шаруашылық қызметінің көрсеткіштерін орындау мақсатында жүзеге асырады.

      18. Ұйымның даму жоспарының іске асырылуын мониторингілеу нәтижелері директорлар кеңесі, байқаушы кеңес, мемлекеттiк кәсiпорындар бойынша – тиiстi саланың уәкiлеттi органы немесе жергiлiктi атқарушы орган (жергiлiктi бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты ұйымның даму жоспарын орындау жөніндегі есебін бекіткеннен кейін жыл сайын отыз күнтізбелік күннің ішінде жүргізіледі.

      Ұйымның даму жоспарының іске асырылуын мониторингілеу даму жоспарының және директорлар кеңесi, байқаушы кеңес, тиiстi саланың уәкiлеттi органы немесе жергiлiктi атқарушы орган (жергiлiктi бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты бекіткен ұйымның даму жоспарын орындау жөніндегі есептің негізінде жүргізіледі.

      19. Ұйымның даму жоспарының іске асырылуын мониторингілеу:

      1) қызметтің жоспарланған және нақты қол жеткізілген түйiндi көрсеткiштері, оларға қол жеткізілмеу себептері туралы ақпаратты;

      2) еркін түрде жазылатын және мынадай мәліметтерді:

      есепті кезеңде даму жоспарын іске асыру қорытындылары туралы қызметтің түйiндi көрсеткiштері, мақсаттары мен міндеттері бөлінісінде, оның ішінде оларға қол жеткізілу дәрежесі туралы тұжырымдарды (нақты нәтижелердің жоспарланғандардан ауытқулары болған жағдайда, түпкілікті нәтижелерге әсер еткен себептер мен факторларды ашып көрсету қажет);

      даму жоспарын іске асыру процесінде туындаған проблемалар, олардың қызметтің мақсаттары мен түйiндi көрсеткiштеріне әсері, сондай-ақ анықталған проблемаларды шешу мен даму жоспарының уақтылы іске асырылуын қамтамасыз ету жөнінде қабылданған шараларды қамтитын талдамалық жазбаны;

      3) ұйымның даму жоспарын іске асыруды жалғастыру, ұйымның даму жоспарына өзгерістер мен толықтырулар енгізу, жауапты орындаушылардың жоспарланған іс-шаралардың уақтылы іске асырылуын қамтамасыз етуі бойынша және тағы басқа ұсынымдарды;

      4) қажет болған жағдайда жекелеген мақсаттарды, міндеттерді, іс-шараларды, ресурстарды қайта бөлуді, тиімсіз болған іс-қимылдарды тоқтатуды қайта қарауды және проблемаларды шешу мен осал жерлерін жөндеуде жаңа тәсілдер әзірлеуді қамтиды.

      20. Тиiстi саланың уәкiлеттi органы немесе жергiлiктi атқарушы орган (жергiлiктi бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты, мемлекет бақылайтын акционерлiк қоғамдардың және жауапкершiлiгi шектеулi серiктестiктердiң директорлар кеңесі (байқаушы кеңесi) ұйымның даму жоспарының мақсаттарына, міндеттеріне, көрсеткіштеріне қол жеткізу мақсатында мониторингілеу нәтижелерін пайдаланады.

      21. Тиiстi саланың уәкiлеттi органы немесе жергiлiктi атқарушы орган (жергiлiктi бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты мониторингілеу нәтижелерін, осы Қағидаларға 29-қосымшаға сәйкес "Есептілікті тапсырудың бірыңғай жүйесі" бағдарламалық қамтамасыз етуді (қол қойылған және мөрмен расталған қағаз түріндегі қорытындының сканерленген көшірмесін қоса бере отырып) пайдалана отырып, электрондық түрде тізілімге қосу үшін жібереді, оларға тиiстi саланың уәкiлеттi органының немесе жергiлiктi атқарушы органның (жергiлiктi бюджеттен қаржыландырылатын атқарушы органның) не аудандық маңызы бар қала, ауыл, кент, ауылдық округ әкімі аппаратының басшысының электрондық цифрлық қолтаңбасы қойылады.

      Бiрыңғай оператор мониторингілеу нәтижелері түскен күннен бастап бес жұмыс күні ішінде тиiстi саланың уәкiлеттi органының немесе жергiлiктi атқарушы органның не аудандық маңызы бар қала, ауыл, кент, ауылдық округ әкімі аппаратының электрондық мекенжайына мониторингілеу нәтижелерінің тiзiлiмге енгізілгені туралы не оны қабылдаудан бас тарту туралы хабарлама жібереді. Тиiстi саланың уәкiлеттi органының немесе жергiлiктi атқарушы органның не аудандық маңызы бар қала, ауыл, кент, ауылдық округ әкімі аппаратының Қағидалардың осы тармағында көрсетілген талаптарды бұзуы бiрыңғай оператордың мониторингілеу нәтижелерін қабылдаудан бас тартуының негізі болып табылады.

      Бiрыңғай оператор мониторингілеу нәтижелерін қабылдаудан бас тартқан жағдайда, тиiстi саланың уәкiлеттi органы немесе жергiлiктi атқарушы орган не аудандық маңызы бар қала, ауыл, кент, ауылдық округ әкімінің аппараты ескертулерді жояды және мониторингілеу нәтижелерін қабылдаудан бас тарту туралы хабарлама алған күннен бастап бес жұмыс күні ішінде мониторингілеу нәтижелерін бiрыңғай операторға қайта енгізеді.

      Ұйымның даму жоспарының іске асырылуын мониторингілеу нәтижелері мемлекеттік мүлікті басқарудың тиімділігін бағалау кезінде пайдаланылады.

      22. Мемлекет бақылайтын АҚ мен ЖШС даму жоспарының іске асырылуын бағалауды аудиттелген қаржылық есептілік бекітілгеннен кейін, олардың директорлар кеңесі, байқаушы кеңесі, мемлекеттік кәсіпорындар – тиісті саласының уәкілетті органы немесе жергілікті атқарушы орган (жергілікті бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты жүзеге асырады.

      23. Ұйымның даму жоспарының іске асырылуын бағалау көрсеткіштерінің тізбесі:

      1) ұйымның даму жоспарының орындалуын елдің бағдарламалық және стратегиялық құжаттарының орындалуына сәйкестігіне;

      2) ұйым қызметінің қаржылық көрсеткіштерінің орындалуын;

      3) инвестициялық (инновациялық) жобалардың іске асырылуын;

      4) корпоративтік басқаруды;

      5) өзге де мақсаттардың, міндеттердің орындалуы және ұйымның бекітілген даму жоспарында көрсетілген қызметтің болжанатын түйінді көрсеткіштеріне қол жеткізуді бағалауды қамтиды.

      24. Ұйымның даму жоспарын іске асыруды бағалау нәтижелерін атқарушы орган бірыңғай операторға даму жоспарының іске асырылуын бағалау бекітілгеннен кейін бес күн ішінде акционерлік қоғамның директорлар кеңесі, жауапкершілігі шектеулі серіктестіктің байқаушы кеңесі, тиісті саланың уәкілетті органы немесе жергілікті атқарушы орган (жергілікті бюджеттен қаржыландырылатын атқарушы орган) не аудандық маңызы бар қала, ауыл, кент, ауылдық округ әкімінің аппараты шешімінің сканерленген көшірмесімен қоса ұсынады.

      25. Қарыздар тартылған жағдайда, ұйымдар осы Қағидаларға 30-қосымшаға сәйкес ұйымның атқарушы органының электрондық цифрлық қолтаңбасы қойылған "Есептілікті тапсырудың бірыңғай жүйесі" бағдарламалық қамтамасыз етуін пайдалана отырып, тізілімге қосу үшін қарыздар мен уақытша бос ақша қаражаты бойынша ақпаратты электрондық түрде жолдайды.

      Қарыздар тартқан кезде саясатын акционерлiк қоғамдар үшін директорлар кеңесi, жауапкершiлiгi шектеулi серiктестiктер үшін байқаушы кеңес, мемлекеттiк кәсiпорындар үшін мемлекеттік басқару органы бекітетін тәуекелдерді басқару ұйымдар әзірлейді.

Дамыту жоспарының құрылымы

      Ескерту. 1-қосымша жаңа редакцияда – ҚР Ұлттық экономика министрінің м.а. 23.02.2018 № 73 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Ескертпе: Дамыту жоспары, егер мұндай толықтыру Ұйымның мақсаттарын, міндеттерін, түйінді көрсеткіштерін, қаржылық-шаруашылық қызметі көрсеткіштерін және басқа да мәліметтерді ашуға мұндай толықтыру орынды болған кезде, басқа бөлімдермен, тараулармен, параграфтармен және қосымшалармен толықтырылуы мүмкін.

      Дамыту жоспары бөлімдермен, бөлімдер тараулармен, ал тараулар параграфтармен толықтырылған жағдайда, әрбір қосымша ұсынылатын бөлімнің және (немесе) тараудың және (немесе) параграфтың тиісті белгісі ("бөлім", "тарау", "параграф"), сондай-ақ атауы болуы тиіс.

Паспорт

      ___________________________________            ________      ____________________

      Атқарушы орган басшысының лауазымы            Қолы            Аты-жөні және тегі

      Ұйымның мөрінің орны

Корпоративтік құрылым

Ұйым қалыптастыратын квазимемлекеттік сектор субъектілерінің саны

      ___________________________________            ________      ____________________

      Атқарушы орган басшысының лауазымы            Қолы            Аты-жөні және тегі

      Даму жоспары бекітілген құжаттың атауы

Ұйымның мөрін қою орны

"Даму көрсеткіштері" бөлімі "Мақсаттар, міндеттер және басты көрсеткіштер" тарауы

      ___________________________________            ________      ____________________

      Атқарушы орган басшысының лауазымы            Қолы            Аты-жөні және тегі

      Ұйымның мөрінің орны

      Даму жоспары бекітілген құжаттың атауы

Ұйымның мөрін қою орны

"Даму көрсеткіштері" бөлімі "Іске асыру бағдарламасы" тарауы

      ___________________________________            ________      ____________________

      Атқарушы орган басшысының лауазымы            Қолы            Аты-жөні және тегі

      Ұйымның мөрінің орны

      Ескертпе: * - сату бағасы пайызбен берілсе, мысалы, несиелерді ұсыну, бағандарда

      "* бағасы, мың теңге" тапсыру бағасы жүздеген белгіге дейін бөлшектей отырып "%" белгісін қою

      Ескерту. 6-қосымша жаңа редакцияда – ҚР Ұлттық экономика министрінің м.а. 23.02.2018 № 73 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) бұйрығымен.

      Бекітілген:

"Агрегирленген көрсеткіштер" бөлімі "Қаржылық-шаруашылық қызметтің негізгі көрсеткіштері" тарауы

      __________________________________       _________      ________________________________
      Атқарушы орган басшысының лауазымы       Қолы             Тегі, аты және әкесінің аты (болған
                                                                                                                  жағдайда)

      Даму жоспары бекітілген құжаттың атауы

Ұйымның мөрін қою орны

"Агрегирленген көрсеткіштер" бөлімі "Шығыстар" тарауы

      ___________________________________            ________      ____________________

      Атқарушы орган басшысының лауазымы            Қолы            Аты-жөні және тегі

      Даму жоспары бекітілген құжаттың атауы

Ұйымның мөрін қою орны

"Агрегирленген көрсеткіштер" бөлімі "Инвестициялық (инновациялық) жоспар" тарауы