Үкіметтік емес ұйымдарға арналған сыйлықақыларды беру қағидаларын бекіту туралы

      "Қазақстан Республикасындағы мемлекеттік әлеуметтік тапсырыс, үкіметтік емес ұйымдарға арналған гранттар және сыйлықақылар туралы" 2015 жылғы 12 сәуірдегі Қазақстан Республикасының Заңы 4-1-бабының 2-2) тармақшасына сәйкес БҰЙЫРАМЫН:

      1. Қоса беріліп отырған Үкіметтік емес ұйымдарға арналған сыйлықақыларды беру қағидалары бекітілсін.

      2. Мыналардың күші жойылды деп танылсын:

      1) "Үкіметтік емес ұйымдарға арналған сыйлықақыларды беру қағидаларын бекіту туралы" Қазақстан Республикасы Мәдениет және спорт министрінің 2015 жылғы 22 желтоқсандағы № 407 бұйрығы (Нормативтік құқықтық актілерді мемлекеттік тіркеу тізілімінде № 12664 болып тіркелген, "Әділет" ақпараттық-құқықтық жүйесінде 2016 жылғы 12 қаңтарда жарияланған);

      2) "Үкіметтік емес ұйымдарға арналған сыйлықақыларды беру қағидаларын бекіту туралы" Қазақстан Республикасы Мәдениет және спорт министрінің 2015 жылғы 22 желтоқсандағы № 407 бұйрығына өзгеріс енгізу туралы Қазақстан Республикасы Дін істері және азаматтық қоғам министрінің 2017 жылғы 15 маусымдағы № 92 бұйрығы (Нормативтік құқықтық актілерді мемлекеттік тіркеу тізілімінде № 15350 болып тіркелген, Қазақстан Республикасы нормативтік құқықтық актілерінің эталондық бақылау банкінде 2017 жылғы 27 шілдеде жарияланған).

      3. Қазақстан Республикасы Дін істері және азаматтық қоғам министрлігінің Азаматтық қоғам істері комитеті Қазақстан Республикасының заңнамасында белгіленген тәртіпте:

      1) осы бұйрықты Қазақстан Республикасы Әділет министрлігінде мемлекеттік тіркеуді;

      2) осы бұйрықты мемлекеттік тіркелген күннен бастап күнтізбелік он күн ішінде оның көшірмесін баспа және электронды түрде қазақ және орыс тілдерінде Қазақстан Республикасы нормативтік құқықтық актілерінің эталондық бақылау банкіне ресми жариялау және енгізу үшін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына жіберілуін;

      3) осы бұйрық мемлекеттік тіркелгеннен кейін күнтізбелік он күн ішінде оның көшірмелерін мерзімді баспа басылымдарында ресми жариялауға жіберуді;

      4) осы бұйрықты ресми жариялағаннан кейін Қазақстан Республикасы Дін істері және азаматтық қоғам министрлігінің интернет-ресурсына орналастыруды;

      5) осы бұйрық Қазақстан Республикасы Әділет министрлігінде мемлекеттік тіркелгеннен кейін он жұмыс күні ішінде осы тармақтың 1), 2), 3) және 4) тармақшаларымен көзделген іс-шаралардың орындалуы туралы мәліметтерді Қазақстан Республикасы Дін істері және азаматтық қоғам министрлігінің Заң департаментіне ұсынуды қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасы Дін істері және азаматтық қоғам вице-министріне жүктелсін.

      5. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Қаржы министрі

      _______________ Б. Сұлтанов

      2018 жылғы "___" _________

Үкіметтік емес ұйымдарға арналған сыйлықақыларды беру қағидалары

1-тарау. Жалпы ережелер

      1. "Қазақстан Республикасындағы мемлекеттік әлеуметтік тапсырыс, үкіметтік емес ұйымдарға арналған гранттар және сыйлықақылар туралы" 2005 жылғы 12 сәуірдегі Қазақстан Республикасының Заңы (бұдан әрі – Заң) 4-1-бабының 2-2-тармақшасына сәйкес әзірленген осы Үкіметтік емес ұйымдарға арналған сыйлықақыларды беру қағидалары (бұдан әрі – Қағидалар) үкіметтік емес ұйымдар үшін сыйлықақы беру тәртібін айқындайды.

      2. Осы Қағидаларда мынадай негізгі ұғымдар пайдаланылады:

      1) өтінім – осы Қағидалардың талаптарына сәйкес қажетті құжаттар қоса берілген өтініш;

      2) сыйлықақыға үміткер – сыйлықақыны алу үшін дербес және (немесе) үкіметтік емес ұйымдар және (немесе) мемлекеттік органдар ұсынған үкіметтік емес ұйым;

      3) Уәкілетті орган жанындағы үкіметтік емес ұйымдармен өзара іс-қимыл жасау жөніндегі үйлестіру кеңесі (бұдан әрі – Үйлестіру кеңесі) – Заңның 1-бабының 6-1) тармақшасына сәйкес құрылған үкiметтiк емес ұйымдармен өзара іс-қимылды жетілдіру жөнінде ұсыныстар әзірлеу үшін уәкілетті орган құратын консультациялық-кеңесшi орган;

      4) Үкіметтік емес ұйымдардың дерекқоры – үкіметтік емес ұйымдар қызметінің ашықтығын қамтамасыз ету және жұртшылыққа олар туралы ақпарат беру мақсатында, сондай-ақ мемлекеттік әлеуметтік тапсырысты орналастыру шеңберінде пайдалану, гранттар ұсыну және сыйлықақылар беру үшін қалыптастырылатын ақпараттық дерекқор;

      5) үкіметтік емес ұйымдарға арналған сыйлықақы (бұдан әрі – Сыйлықақы) – республикалық, салалық және өңірлік деңгейлердегі әлеуметтік міндеттерді шешуге қосқан үлесі үшін үкіметтік емес ұйымдарға бюджет қаражаты есебінен берілетін ақшалай сыйақы;

      6) үкіметтік емес ұйымдармен өзара іс-қимыл саласындағы уәкілетті орган (бұдан әрі – Уәкілетті орган) – мемлекеттік әлеуметтік тапсырысты қалыптастыру мен іске асыру, сыйлықақылар беру, гранттар ұсыну және олардың іске асырылуына мониторинг жүргізу жөніндегі қызметке басшылықты және салааралық үйлестіруді жүзеге асыратын мемлекеттік орган.

2-тарау. Үкіметтік емес ұйымдарға арналған сыйлықақыларды беру тәртібі

      3. Уәкілетті орган бюджет қаражаты есебiнен жыл сайын Сыйлықақылар беруді жүзегі асырады.

      4. Үкіметтік емес ұйымдарды Сыйлықақы алуға ұсынуды үкіметтік емес ұйымдар және мемлекеттік органдар жүзеге асырады.

      5. Сыйлықақылар Қазақстан Республикасының заңнамасында айқындалатын тәртіппен Үкіметтік емес ұйымдардың дерекқорына мәліметтер ұсынған үкіметтік емес ұйымдарға беріледі.

      6. Сыйлықақыны алуға сол бір ғана үкіметтік емес ұйымдарды қатарынан үш жыл ішінде қайта ұсынуға жол берілмейді. Сол бір ғана үкіметтік емес ұйым Сыйлықақыны алуға бір номинациядан артық номинация бойынша ұсыныла алмайды.

      7. Бір номинация бойынша Сыйлықақы бір немесе бір мезгілде бірнеше ізденушіге берілуі мүмкін. Бұл жағдайда Сыйлықақы олардың арасында тең бөлінеді.

      8. Сыйлықақы алуға конкурсқа қатысу үшін өтінімдерді қабылдау туралы хабарландыруды Уәкілетті орган жыл сайын 1 шілдеден кешіктірілмей интернет-ресурсқа орналастырады. Хабарландыру конкурсқа қатысуға қажетті құжаттар тізбесін қамтиды.

      9. Сыйлықақыны алу үшін үкіметтік емес ұйымдарды ұсыну туралы өтінімдерді үкіметтік емес ұйымдар және мемлекеттік органдар Уәкілетті органға жыл сайын 1 қыркүйекке дейін:

      1) пошта арқылы немесе қолма-қол қағаз және электрондық тасығыштарда (DOC, DOCX, PDF форматында СD-дискілерде немесе USB-флеш-жинақтағыштарында);

      2) веб-портал арқылы электрондық түрде береді.

      10. Сыйлықақыға үміткерлер сыйлықақы алу конкурсына қатысу үшін келесі құжаттарды ұсынады:

      1) өтініш (осы Қағидаларға 1-қосымшаға сәйкес нысан бойынша бірінші басшы немесе оның міндетін атқаратын адам қол қойған үкіметтік емес ұйымның, мемлекеттік органның ресми бланкісінде);

      2) осы Қағидаларға 2-қосымшаға сәйкес сыйлықақыға үміткердің сауалнамасы;

      3) осы Қағидаларға 3-қосымшаға сәйкес сыйлықақыға үміткердің қызметі туралы сипаттама (растайтын материалдармен бірге);

      4) соңғы 3 (үш) жыл ішінде ұсынылған бағыт бойынша іске асырылған жобаларды және бірлескен жұмыс барысында қол жеткізілген нәтижелерді растау мақсатында байланыс деректері көрсетілген, қоғамдастық (үкіметтік емес ұйымдар) және (немесе) мемлекеттік органдар өкілдерінің ұсынымдары (екіден кем емес);

      5) үкіметтік емес ұйымдарды мемлекеттік тіркеу (қайта тіркеу) туралы құрылтай құжаттарының және куәлiгiнің (анықтаманың) көшірмелері;

      6) банк шотының болуы туралы анықтама (түпнұсқа).

      11. Осы Қағидалардың 10-тармағында көрсетілген құжаттар топтамасы толық ұсынылмаған жағдайда Уәкілетті орган 5 (бес) жұмыс күні ішінде сыйлықақыға үміткерге конкурсқа қатысуға арналған өтінімді қараудан бас тарту туралы жазбаша дәлелді жауап жібереді.

      12. Уәкілетті орган өтінімдерді қабылдау аяқталғаннан кейін 10 (он) жұмыс күні ішінде өзінің интернет-ресурсында сыйлықақыға үміткерлердің тізбесін орналастырады.

      13. Сыйлықақыға үміткерлердің өтінімдері екі кезеңде қаралады.

      14. Бірінші кезеңде Уәкілетті орган өтінімдерді қабылдау аяқталған күннен бастап 10 (он) жұмыс күні ішінде сыйлықақыға үміткерлердің өтінімдерін бағалау үшін жұмыс тобының құрамын қалыптастырады және бекітеді.

      Жұмыс тобы мүдделі мемлекеттік органдар, үкіметтік емес ұйымдар, бұқаралық ақпарат құралдар өкілдерінен, қоғам қайраткерлерінен, Сыйлықақылар берудің тиісті бағыттары жөніндегі сарапшылардан құрылады.

      15. Сыйлықақыға үміткерлердің өтінімдерін жан-жақты зерделеу және бағалау мақсатында жұмыс тобы шеңберінде Заңның 5-бабының 1) тармағында көрсетілген бағыттарға сәйкес 15 секция құрылады.

      16. Әр секциядағы жұмыс тобы мүшелерінің саны кемінде 2 (екі) адамды құрайды.

      17. Жұмыс тобының құрамы Уәкілетті органның бұйрығымен бекітіледі.

      18. Уәкілетті орган жұмыс тобының құрамы бекітілген күннен бастап жұмыс тобы мүшелеріне электрондық пошта және (немесе) веб-портал арқылы сыйлықақыға үміткерлердің өтінімдерін және бағалау парақтарды жолдайды.

      19. Жұмыс тобының мүшелері Уәкілетті органнан сыйлықақыға үміткерлердің өтінімдерін алған күннен бастап күнтізбелік 15 (он бес) күн ішінде сыйлықақыға үміткерлердің өтінімдерін зерделейді және осы Қағидаларға 4-қосымшаға сәйкес төмендегі өлшемшарттар бойынша 0-ден бастап 5 балға дейін бағалайды:

      1) республикалық, салалық және өңірлік деңгейлердегі әлеуметтік міндеттерді шешуге қосқан үлесі;

      2) ұсынып отырған бағыт бойынша жұмыс тәжірибесі;

      3) қызметтегі инновация.

      Балдар әрбір өлшемшарт бойынша жинақталады және жалпы балл қойылады.

      20. Жұмыс тобының мүшелері қажет болған жағдайда іске асырылған жобалар шеңберінде мәліметтерді нақтылау үшін сыйлықақы алуға ұсыным берген үкіметтік емес ұйымдар және мемлекеттік органдар өкілдерімен байланыса алады.

      21. Уәкілетті орган электрондық пошта және (немесе) веб-портал арқылы жолданған жұмыс тобы мүшелерінің бағалау парақтарын алған күннен бастап 10 (он) жұмыс күні ішінде бағалау парақтарын тексереді және әр секция бойынша жеке бағалаудың жалпы қорытындысын шығарады.

      22. Уәкілетті орган бағалау парақтарын тексеру және бағалаудың жалпы қорытындысын шығару рәсімдері аяқталғаннан кейін екінші кезеңде, бағалаудың жалпы қорытындысын және сыйлықақыға үміткерлер бойынша еркін нысандағы ұсынысын ұсынымдар әзірлеу үшін Үйлестіру кеңесінің қарауына ұсынады.

      23. Үйлестіру кеңесі Уәкілетті органнан бағалаудың жалпы қорытындысы және сыйлықақыға үміткерлер бойынша еркін нысандағы ұсыныс түскен күннен бастап 10 (он) жұмыс күні ішінде ұсынымдарды Уәкілетті органға жолдайды.

      24. Уәкілетті орган ұсынымдарды алған күннен бастап 10 (он) жұмыс күнінен аспайтын мерзімде Үйлестіру кеңесінің ұсынымдарына сәйкес Сыйлықақыны беру туралы шешім қабылдайды. Сыйлықақыны беру туралы Уәкілетті органның шешімі Уәкілетті органның интернет-ресурсында жыл сайын 1 желтоқсаннан кешіктірілмей жарияланады.

      25. Уәкілетті орган жеңімпаздарға осы Қағидаларға 5-қосымшаға сәйкес нысан бойынша дипломды табыстайды және банк шоты бар екендігі туралы анықтамада көрсетілген үкіметтік емес ұйымның банк шотына сәйкес жылдың 20 желтоқсанынан кешіктірмей Сыйлықақыны аударады.

Өтініш

      ____________________________________________________________________

      (сыйлықақыны алуға үкіметтік емес ұйымды ұсынған үкіметтік емес ұйымның және

      (немесе) мемлекеттік органның атауы)

      ____________________________________________________________________

      (сыйлықақыны алуға ұсынылған үкіметтік емес ұйымның толық атауы)

      "___________________________________________________" бағыты бойынша

      ("Қазақстан Республикасындағы мемлекеттік әлеуметтік тапсырыс,

      үкіметтік емес ұйымдарға арналған гранттар және сыйлықақылар

      туралы" 2005 жылғы 12 сәуірдегі № 36 Қазақстан Республикасы Заңының

      5-бабына сәйкес бағытты көрсету)

      сыйлықақыны беру үшін ұсынады.

      Толтыру күні: 20___ жылғы "___" __________.

      ____________________________________________________________________

      Лауазымы (қолы) Т.А.Ә. (болған жағдайда)

      Мөр орны

Сыйлықақыға үміткердің сауалнамасы

      Толтыру күні: 20___ жылғы "___" __________.

      ____________________________________________________________________

      Лауазымы (қолы) Т.А.Ә. (болған жағдайда)

      Мөр орны

Сыйлықақыға үміткердің қызметі туралы сипаттама ______________________________________________________ (үкіметтік емес ұйымның толық атауын көрсету)

      1. Республикалық, салалық және өңірлік деңгейлердегі әлеуметтік міндеттерді шешуге

      қосқан үлесін сипаттап беріңіз.

      __________________________________________________________________________

      __________________________________________________________________________

      2. "____________________________________________________________"

      бағыты бойынша

      (ұсынып отырған бағыттың толық атауын көрсету)

      жұмыс тәжірибесі.

      * Ағымдағы жобаларды қоса отырып, үкіметтік емес ұйымдар беретін ұсынып отырған

      бағыттың тақырыбына сәйкес соңғы 3 (үш) жылда іске асырылған әлеуметтік жобалар

      көрсетіледі (ұйымның мамандары жеке негізде өздігінен өткізген немесе басқа

      ұйымдар арқылы жүзеге асырған жобалар мен көрсетілетін қызметтер ұйымның өзінің

      тиісті тәжірибесі болып саналмайды).

      3. Жоғарыда көрсетілген әлеуметтік жобаларды іске асыру кезінде Сіздің

      ұйымыңыздың тарапынан қандай қызмет инновациялары қолданылды, сипаттап

      беріңіз.

      __________________________________________________________________________

      __________________________________________________________________________

      Толтыру күні: 20___ жылғы "___" __________.

      ____________________________________________________________________

      Лауазымы (қолы) Т.А.Ә. (болған жағдайда)

      Мөр орны

Бағалау парағы