"Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасының Заңына сәйкес, Қазақстан Республикасы Ұлттық Банкiнiң Қазақстан Республикасы ұлттық валютасының банкноттары мен монеталарын сату және сатып алу тәртібін жетілдіру мақсатында Қазақстан Республикасы Ұлттық Банкінің Басқармасы ҚАУЛЫ ЕТЕДІ:
1. Қоса беріліп отырған Қазақстан Республикасы Ұлттық Банкiнiң Қазақстан Республикасы ұлттық валютасының банкноттары мен монеталарын сату және сатып алу қағидалары бекітілсін.
2. Мына:
1) "Қазақстан Республикасы ұлттық валютасының банкноттары мен монеталарын Қазақстан Республикасы Ұлттық Банкінің сату және сатып алу қағидаларын бекіту туралы" Қазақстан Республикасы Ұлттық Банкі Басқармасының 2012 жылғы 24 тамыздағы № 255 қаулысының (Нормативтік құқықтық актілерді мемлекеттік тіркеу тізілімінде № 7925 болып тіркелген, 2012 жылғы 24 қазанда "Егемен Қазақстан" газетінде № 696-701 (27773) жарияланған);
2) "Қазақстан Республикасы ұлттық валютасының банкноттары мен монеталарын Қазақстан Республикасы Ұлттық Банкінің сату және сатып алу қағидаларын бекіту туралы" Қазақстан Республикасы Ұлттық Банкі Басқармасының 2012 жылғы 24 тамыздағы № 255 қаулысына өзгерістер мен толықтырулар енгізу туралы" Қазақстан Республикасы Ұлттық Банкі Басқармасының 2015 жылғы 19 желтоқсандағы № 229 қаулысының (Нормативтік құқықтық актілерді мемлекеттік тіркеу тізілімінде № 12950 болып тіркелген, 2016 жылғы 11 ақпанда "Әділет" ақпараттық-құқықтық жүйесінде жарияланған) күші жойылды деп танылсын.
3. Қолма-қол ақшамен жұмыс жүргізу басқармасы (Әбішева Т.Т.) Қазақстан Республикасының заңнамасында белгіленген тәртіппен:
1) Заң департаментімен (Сәрсенова Н.В.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;
2) осы қаулы мемлекеттік тіркелген күннен бастап күнтізбелік он күн ішінде оның қазақ және орыс тілдеріндегі қағаз және электрондық түрдегі көшірмесін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына ресми жариялау және Қазақстан Республикасы нормативтік құқықтық актілерінің эталондық бақылау банкіне енгізу үшін жіберуді;
3) осы қаулыны ресми жарияланғаннан кейін Қазақстан Республикасы Ұлттық Банкінің ресми интернет-ресурсына орналастыруды;
4) осы қаулы мемлекеттік тіркелгеннен кейін он жұмыс күні ішінде Заң департаментіне осы қаулының осы тармағының 2), 3) тармақшаларында және 4-тармағында көзделген іс-шаралардың орындалуы туралы мәліметтерді ұсынуды қамтамасыз етсін.
4. Қаржылық қызметтерді тұтынушылардың құқықтарын қорғау және сыртқы коммуникациялар басқармасы (Терентьев А.Л.) осы қаулы мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялауға жіберуді қамтамасыз етсін.
5. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Д.Т. Ғалиеваға жүктелсін.
6. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.
| Ұлттық Банк Төрағасы | Д. Ақышев |
| Қазақстан Республикасы Ұлттық Банкі Басқармасының 2018 жылғы "27" сәуірдегі № 70 қаулысымен бекітілген |
Қазақстан Республикасы Ұлттық Банкiнiң Қазақстан Республикасы ұлттық валютасының банкноттары мен монеталарын сату және сатып алу қағидалары
1-тарау. Жалпы ережелер
1. Осы Қазақстан Республикасы Ұлттық Банкінің Қазақстан Республикасы ұлттық валютасының банкноттары мен монеталарын сату және сатып алу қағидалары (бұдан әрі – Қағидалар) "Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасының Заңына сәйкес әзірленді және Қазақстан Республикасы Ұлттық Банкiнiң (бұдан әрі – Ұлттық Банк) Қазақстан Республикасы ұлттық валютасының банкноттары мен монеталарын сату және сатып алу тәртібін айқындайды.
2. Қағидалар Ұлттық Банктің банкноттарды және айналыстағы монеталарды ұсақтау, тозған банкноттар мен ақаулы (бүлінген) монеталарды, сондай-ақ заңды төлем құралы ретінде күшін жойған банкноттар мен монеталарды айырбастау бойынша операциялар жүргізуіне байланысты қатынастарға қолданылмайды.
2-тарау. Қағидаларда пайдаланылатын негізгі ұғымдар
3. Қағидаларда мынадай ұғымдар пайдаланылады:
1) айналыстағы монеталар – бағалы емес металдардан жасалған және қолма-қол ақша айналысына арналған монеталар;
2) банкноттар және монеталар – Қазақстан Республикасының ұлттық валютасы – теңгенің Қазақстан Республикасының аумағында заңды төлем құралы болып табылатын ақша белгілері;
3) белгіленген құн – банкноттардың, монеталардың номиналы бойынша құны;
4) инвестициялық монеталар – бағалы металдардан жасалған, инвестициялау және жинақтау объектісі болып табылатын монеталар;
5) коллекциялық монеталар – коллекциялау және жинақтау объектiсi болып табылатын, бағалы металдардан, сол сияқты бағалы емес металдардан жасалған, шектеулi таралыммен дайындалған мерекелiк, естелiк және өзге де арнайы соғылған монеталар;
6) Ұлттық Банктің интернет-дүкені – жеке және заңды тұлғалардың Ұлттық Банк шығаратын инвестициялық және (немесе) коллекциялық монеталарын сатып алуға және (немесе) жеткізуге берілген тапсырыстарын орналастыруға, сатып алынатын инвестициялық және (немесе) коллекциялық монеталарға ақы төлеуді жүзеге асыруға, сондай-ақ инвестициялық және (немесе) коллекциялық монеталарды сатып алу үшін орналастырылған тапсырыстың жай-күйін қарап көруге арналған Ұлттық Банктің интернет-ресурсының бөлімі;
7) Ұлттық Банктің Орталығы – ұлттық валютаның банкноттары мен монеталарын сатуды және сатып алуды жүзеге асыратын Ұлттық Банктің Кассалық операциялар және құндылықтарды сақтау орталығы (филиал);
8) Ұлттық Банктің филиалы – Ұлттық Банктің ұлттық валютаның банкноттары мен монеталарын сатуды және сатып алуды жүзеге асыратын аумақтық филиалы.
3-тарау. Банкноттарды және айналыстағы монеталарды сату және сатып алу
4. Жеке және заңды тұлғаларға банкноттарды және айналыстағы монеталарды сатуды, сондай-ақ оларды жеке және заңды тұлғалардан сатып алуды Ұлттық Банктің филиалдары және Ұлттық Банктің Орталығы жүзеге асырады.
5. Банкноттарды және айналыстағы монеталарды сату, сатып алу олардың белгіленген құны бойынша жүзеге асырылады.
6. Банкноттарды және айналыстағы монеталарды сату және сатып алу кезінде кассалық операцияларды жасау Нормативтік құқықтық актілерді мемлекеттік тіркеу тізілімінде № 10204 болып тіркелген, Қазақстан Республикасы Ұлттық Банкі Басқармасының 2014 жылғы 24 желтоқсандағы № 247 қаулысымен бекітілген Қазақстан Республикасының Ұлттық Банкінде жеке және заңды тұлғалармен кассалық операциялар жүргізу қағидаларына сәйкес жүзеге асырылады.
4-тарау. Инвестициялық және (немесе) коллекциялық монеталарды сату және сатып алу
7. Инвестициялық және коллекциялық монеталарды сатуды және сатып алуды Ұлттық Банктің филиалдары және Ұлттық Банктің Орталығы жүзеге асырады.
Инвестициялық және коллекциялық монеталарды сату Ұлттық Банктің интернет-дүкені арқылы да жүзеге асырылады.
8. Инвестициялық және коллекциялық монеталарды сату бағасы Ұлттық Банктің Директорлар кеңесінің қаулысымен бекітіледі.
Күмістен және бағалы емес металдардан жасалған коллекциялық монеталарды сату бағасы белгіленген болып табылады.
Алтыннан жасалған коллекциялық монеталарды және инвестициялық монеталарды сату бағасы монета дайындалған, бағалы металдың бір трой унциясы үшін Лондон бағалы металдар нарығына қатысушылар қауымдастығы (LBMA) белгілеген таңертеңгі фиксинг (бағаны белгілеу) бойынша және сату күнінің алдындағы жұмыс күні ұлттық валютаның АҚШ долларына қатысты ресми бағамы бойынша айқындалған бағалы металдың құнына байланысты өзгереді.
Алтыннан жасалған коллекциялық монеталарды және инвестициялық монеталарды сату оларды сату күні белгіленген баға бойынша жүзеге асырылады.
Ұлттық Банктің интернет-дүкені арқылы сатылатын коллекциялық және инвестициялық монеталарды сату бағасы оларды жеткізу құнын және коллекциялық және инвестициялық монеталарды жеткізу жөніндегі шартта белгіленген сақтандыру алымының сомасын қосымша қамтиды.
9. Заңды тұлғалардың инвестициялық және (немесе) коллекциялық монеталарды "Төлемдер және төлем жүйелері туралы" 2016 жылғы 26 шілдедегі Қазақстан Республикасы Заңының (бұдан әрі – Төлемдер туралы заң) 25-бабының 9-тармағында белгіленген сомаға сатуға және сатып алуға байланысты операциялары бойынша төлемдері қолма-қол ақшасыз нысанда жүзеге асырылады.
10. Инвестициялық және (немесе) коллекциялық монеталар 2 000 000 (екі миллион) теңгеден асатын сомаға сатылған және сатып алынған жағдайда Ұлттық Банктің филиалы және (немесе) Ұлттық Банктің Орталығы инвестициялық және (немесе) коллекциялық монеталарды сатып алатын немесе сатып алу үшін тапсыратын жеке, заңды тұлғаларды (олардың өкілдерін) идентификаттауды, сондай-ақ "Қылмыстық жолмен алынған кірістерді заңдастыруға (жылыстатуға) және терроризмді қаржыландыруға қарсы іс-қимыл туралы" 2009 жылғы 28 тамыздағы Қазақстан Республикасы Заңының 18-бабының 2-тармағы 1-1) тармақшасының талаптарына сәйкес оларды тексеруді жүзеге асырады.
11. Инвестициялық және (немесе) коллекциялық монеталарды 2 000 000 (екі миллион) теңгеден асатын сомаға сатып алған, сондай-ақ оларды сатқан кезде жеке, заңды тұлғалар (олардың өкілдері):
1) Ұлттық Банктің филиалына және (немесе) Ұлттық Банктің Орталығына жеке басын куәландыратын құжаттың түпнұсқасын немесе нотариат куәландырған көшірмесін не жеке немесе заңды тұлғаның атынан инвестициялық және (немесе) коллекциялық монеталарды сатып алуға немесе сатып алу үшін тапсыруға берілген өкілеттігін растайтын сенімхатты (бұдан әрі – сенімхат) ұсынады;
2) жеке немесе заңды тұлғаның Қағидаларға 1 немесе 2-қосымшаларға сәйкес нысандар бойынша инвестициялық және (немесе) коллекциялық монеталарды сатуға немесе сатып алуға арналған өтінішін (бұдан әрі – Өтініш) 2 (екі) данада толтырады, оның біреуі Ұлттық Банктің филиалында немесе Ұлттық Банктің Орталығында қалады, ал екіншісі жеке, заңды тұлғаларға (олардың өкілдеріне) беріледі.
12. Жеке, заңды тұлғаларды (олардың өкілдерін) идентификаттау Өтініште көрсетілген мәліметтерді жеке басын куәландыратын құжаттардың тұпнұсқаларының немесе нотариат куәландырған көшірмелерінің деректерімен және сенімхатпен салыстырып тексеру арқылы жүзеге асырылады. Сонымен қатар жеке басын куәландыратын құжатта орналасқан фотосуретті құжатты берген адаммен салыстыру жүргізіледі.
Қағидалардың 10 және 11-тармақтарында көзделген талаптар екінші деңгейдегі банктерге, Ұлттық поштаның операторына және банкноттарды, монеталарды және құндылықтарды инкассациялау жөніндегі операцияны жүзеге асыратын ұйымдарға қолданылмайды.
13. Жеке, заңды тұлғалардың (олардың өкілдерінің) Өтініште көрсеткен мәліметтері дәйексіз болған жағдайда, Ұлттық Банктің филиалы және (немесе) Ұлттық Банктің Орталығы инвестициялық және коллекциялық монеталарды сату және сатып алу бойынша кассалық операцияларды жүргізуден бас тартады.
Егер жеке, заңды тұлғалар (олардың өкілдері) терроризмды және экстремизмді қаржыландырумен байланысты ұйымдар мен тұлғалардың тізбесінде болса, Ұлттық Банктің филиалы және (немесе) Ұлттық Банктің Орталығы инвестициялық және коллекциялық монеталарды сату және сатып алу бойынша кассалық операцияларды жүргізуді тоқтата тұру және бас тарту бойынша шаралар қабылдайды.
14. Бағалы металдан жасалған инвестициялық және (немесе) коллекциялық монетаны қабылдайтын Ұлттық Банк филиалының немесе Ұлттық Банк Орталығының қызметкері Қағидаларға 3-қосымшаға сәйкес нысан бойынша сатып алу үшін монеталарды қабылдау-өткізу актісін 2 (екі) данада жасайды, олардың біреуі Ұлттық Банктің филиалында немесе Ұлттық Банктің Орталығында қалады, ал екіншісі жеке тұлғаға немесе заңды тұлғаға (олардың өкілдеріне) беріледі.
15. Бағалы емес металдардан коллекциялық монеталарды сатып алу олардың белгіленген құны бойынша жүргізіледі.
Бағалы емес металдардан коллекциялық монеталарды сатып алу кезінде Ұлттық Банк филиалының немесе Ұлттық Банк Орталығының қызметкері Нормативтік құқықтық актілерді мемлекеттік тіркеу тізілімінде № 16120 болып тіркелген, Қазақстан Республикасы Ұлттық Банкі Басқармасының 2017 жылғы 29 қарашадағы № 230 қаулысымен бекітілген Қазақстан Республикасы ұлттық валютасының банкноттары мен монеталарының төлемділігін айқындау қағидаларында белгіленген тәртіпте монеталардың төлемділігін айқындайды.
5-тарау. Бағалы металдардан жасалған инвестициялық және (немесе) коллекциялық монеталарды сатып алған кездегі сараптама, олардың сомасын есептеу және оны төлеу мерзімі
16. Сатып алу үшін қабылданған бағалы металдан жасалған инвестициялық және (немесе) коллекциялық монеталарға монетаның жасалған металын, металдың сынамын және монетадағы бағалы металдың таза химиялық салмағын граммен анықтау үшін сараптама жүргізіледі.
17. Ұлттық Банктің филиалы және (немесе) Ұлттық Банктің Орталығы сатып алу үшін қабылданған бағалы металдан жасалған инвестициялық және (немесе) коллекциялық монеталардың сараптамасын осындай сараптаманы жүргізуге арналған жабдықта жүргізеді.
Ұлттық Банктің филиалы сараптаманы жүргізуге арналған жабдықтың болмауы немесе істен шығуы салдарынан сатып алу үшін қабылдаған бағалы металдан жасалған инвестициялық және (немесе) коллекциялық монеталарға сараптама жүргізе алмаған жағдайда, сараптаманы Ұлттық Банктің Орталығы жүргізеді.
18. Сатып алу үшін қабылданған бағалы металдан жасалған инвестициялық және (немесе) коллекциялық монетаның сараптамасы Қағидаларға 4-қосымшаға сәйкес нысан бойынша жасалады.
19. Қағидаларға 5-қосымшаға сәйкес нысан бойынша сараптаманың қорытындысы негізінде бағалы металдан жасалған инвестициялық және (немесе) коллекциялық монеталардың сатып алу сомасын есептеу жүргізіледі.
Бағалы металдың химиялық таза бір трой унциясы үшін Лондон бағалы металдар нарығына қатысушылар қауымдастығы (LBMA) АҚШ долларымен белгілеген таңертеңгі фиксинг (бағаны белгілеу) инвестициялық немесе коллекциялық монетаны сатып алу үшін тапсырған күннің алдындағы Қазақстан Республикасындағы соңғы жұмыс күні айқындалады.
Ұлттық валютаның АҚШ долларына қатысты ресми бағамы инвестициялық немесе коллекциялық монетаны сатып алу үшін тапсырған күннің алдындағы соңғы жұмыс күні айқындалады.
Теңгемен тұтас белгіге дейін дөңгелектенген инвестициялық және (немесе) коллекциялық монеталарды сатып алу сомасы инвестициялық немесе коллекциялық монетаның дизайнында пайдаланылған, салынған теңбілдер, қондырмалар, жалатулар және басқа да декоративтік бөлшектер құнын қоспағанда, монетадағы бағалы металдың граммен химиялық таза салмағының құнына тең болады.
Егер бағалы металдардан жасалған бір инвестициялық және (немесе) коллекциялық монетаны сатып алу сомасы бағалы металдан жасалған инвестициялық немесе коллекциялық монетаның номиналынан кем болса, онда сатып алу сомасы бағалы металдан жасалған инвестициялық немесе коллекциялық монетаның белгіленген құнына тең болады.
20. Ұлттық Банктің филиалы және (немесе) Ұлттық Банктің Орталығы инвестициялық және (немесе) коллекциялық монеталарды қабылдаған күннен бастап күнтізбелік 10 (он) күннен кешіктірмейтін мерзімде оларды сатып алу үшін тапсырған жеке, заңды тұлғаларға (олардың өкілдеріне) сараптаманың қорытындысын жібереді және бағалы металдан жасалған инвестициялық және (немесе) коллекциялық монетаны сатып алу сомасын төлейді.
21. Орталық Қағидалардың 17-тармағының екінші бөлігінде көзделген жағдайларда сараптама жүргізген кезде Ұлттық Банктің филиалы инвестициялық және (немесе) коллекциялық монеталарды қабылдаған күннен бастап күнтізбелік 30 (отыз) күннен кешіктірмейтін мерзімде оларды сатып алуға тапсырған жеке, заңды тұлғаларға (олардың өкілдеріне) Ұлттық Банктің Орталығы дайындаған сараптаманың қорытындысын жібереді және бағалы металдан жасалған инвестициялық және (немесе) коллекциялық монетаны сатып алу сомасын төлейді.
22. Жеке тұлғалар үшін – 10000000 (он миллионнан) теңге, заңды тұлғалар үшін Төлемдер туралы заңның 25-бабының 9-тармағында белгіленген сомадан асатын сатып алу сомасы Өтініште көрсетілген шотқа ақшаны аударғаны үшін алынатын комиссия сомасын шегергенде қолма-қол ақшасыз нысанда төленеді.
23. Қолдан жасалу белгісі бар монета ретінде бағалы металдың Ұлттық Банк органының "Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасының Заңы 15-бабының үшінші бөлігіне сәйкес қабылданған шешімдерінде айқындалған мазмұны мен сынамасына сәйкес келмейтін түпнұсқа монетаның сыртқы түрін көрсететін монета танылады.
Сараптаманың нәтижелері бойынша анықталған қолдан жасалған белгілері бар монеталар оларды сатып алуға тапсырған жеке, заңды тұлғаларға (олардың өкілдеріне) қайтарылмайды және Ұлттық Банктің филиалы және (немесе) Ұлттық Банктің Орталығы оларды құқық қорғау органдарына береді. Қолдан жасалған белгілері бар монеталардың сатып алу сомасы есептелмейді және төленбейді.
| Қазақстан Республикасы Ұлттық Банкiнiң Қазақстан Республикасы ұлттық валютасының банкноттары мен монеталарын сату және сатып алу қағидаларына 1-қосымша |
|
| Нысан |
Жеке тұлғаның инвестициялық және (немесе) коллекциялық монеталарды сатуға немесе сатып алуға арналған өтініштері
______________ қаласы 20___ жылғы "___" ___________
Мен,_____________________________________________________________________,
(жеке тұлғаның не оның сенімхат бойынша өкілінің тегі, аты, әкесінің аты (ол бар болса)
өз атымнан (сенімгердің атынан) және өз есебімнен (сенімгердің есебінен)
мәміле жасайтынымды растаймын және ______________________________________
(Ұлттық Банктің филиалының немесе
Орталығының атауы)
осы өтініштің 1-кестесінде көрсетілген деректер бойынша
__________________________________________________________________________
(монетаны (монеталарды) сатуды
_____________________________________________________ сұраймын, сондай-ақ:
немесе сатып алуға қабылдауды жүзеге асыруды)
1) бұзу әдісімен сараптама жүргізуге;
2) менің дербес деректерімді (сенімгердің дербес деректерін) "Дербес деректер және оларды қорғау туралы" 2013 жылғы 21 мамырдағы Қазақстан Республикасының Заңына сәйкес жинауға, өңдеуге және таратуға;
3) егер монетада химиялық таза бағалы металл салмағының құны үшін төлеу сомасы ақша аудару үшін комиссия сомасын шегере отырып 10000000 (он миллион) теңгеден асқан жағдайда, ақша қаражатын қолма-қол ақшасыз нысанда алуға және ақша қаражатын осы өтініштің 2-кестесінде көрсетілген шотқа аударуға өз келісімімді беремін.
1-кесте
№ | Монетаның атауы | Монетаның түрі (инвестициялық немесе коллекциялық) | Номиналы теңгемен (цифрмен және жазумен) | Саны, дана (цифрмен және жазумен) | Монетада көрсетілген металдың түрі | Монетада граммен (унция-мен) көрсетіл-ген салмағы |
1 | 2 | 3 | 4 | 5 | 6 | 7 |
1 | ||||||
2 | ||||||
3 | ||||||
Барлығы | х | х | х |
2-кесте
№ | Талап етілетін мәліметтер | мәміле жасайтын жеке тұлға туралы | жеке тұлғаның сенімхат бойынша өкілі |
1 | Тегі, аты, әкесінің аты (ол бар болса) | ||
2 | Туған күні мен жері | ||
3 | Азаматтығы | ||
4 | Жеке идентификаттау нөмірі (ол бар болса) | ||
5 | Жеке басын куәландыратын құжаттың түрі, нөмірі, сериясы (ол бар болса) кім және қашан берген, қолданылу мерзімі | ||
6 | Тұрғылықты жері. Тіркелген жері немесе келген жері (мемлекет, облыс, аудан, елді мекен (қала, кент, ауыл), көшенің, даңғылдың, шағын ауданның атауы, үйдің нөмірі, пәтердің нөмірі (олар бар болса) | ||
7 | Байланыс телефон нөмірі | ||
8 | Электрондық пошта адресі (олар бар болса) | ||
9 | Шоттың нөмірі, банктің толық атауы | х |
Жеке тұлғаның (оның өкілінің)
тегі, аты, әкесінің аты (ол бар болса)
_______________________________ _____________
(қолы)
| Қазақстан Республикасы Ұлттық Банкiнiң Қазақстан Республикасы ұлттық валютасының банкноттары мен монеталарын сату және сатып алу қағидаларына 2-қосымша |
|
| Нысан |
Заңды тұлғаның инвестициялық және (немесе) коллекциялық монеталарды сатуға немесе сатып алуға арналған өтініштері
______________ қаласы 20___ жылғы "___" ___________
_________________________________, ___________________________________
(заңды тұлғаның атауы) (заңды тұлға өкілінің тегі, аты,
әкесінің аты (ол бар болса)
негізінде іс-қимыл жасайтын ____________________________________ арқылы
________________________________ осы өтініштің 1-кестесінде көрсетілген
(Ұлттық Банк филиалының немесе
Орталығының атауы)
осы өтініштің 1-кестесінде көрсетілген деректер бойынша
_______________________________________________________________________
(монетаны (монеталарды) сатуды немесе сатып алуға қабылдауды жүзеге асыруды)
сұрайды, сондай-ақ:
1) бұзу әдісімен сараптама жүргізуге;
2) заңды тұлғаның өкілі _______________ дербес деректерін "Дербес деректер және оларды қорғау туралы" 2013 жылғы 21 мамырдағы Қазақстан Республикасының Заңына сәйкес жинауға, өңдеуге және таратуға;
1-кесте
№ | Монетаның атауы | Монетаның түрі (инвестициялық немесе коллекциялық) | Номиналы теңгемен (цифрмен және жазумен) | Саны, дана (цифрмен және жазумен) | Монетада көрсетілген металдың түрі | Монетада граммен (унция-мен) көрсетіл-ген салмағы |
1 | 2 | 3 | 4 | 5 | 6 | 7 |
1 | ||||||
2 | ||||||
3 | ||||||
Барлығы | х | х | х |
2-кесте
№ | Заңды тұлға туралы мәліметтер | |
1 | Толық, қысқарған атауы (ол бар болса), ұйымдық-құқықтық нысаны | |
2 | Бизнес-идентификаттау нөмірі (ол бар болса) | |
3 | Заңды тұлғаны тіркеу (қайта тіркеу) туралы анықтама берілген күні, тіркеуші органның атауы. | |
4 | Орналасқан жері. Заңды мекенжайы және нақты мекенжайы (мемлекет, облыс, аудан, елді мекен (қала, кент, ауыл), көшенің, даңғылдың, шағын ауданның атауы, үйдің нөмірі, пәтердің нөмірі, кеңсе нөмірі (ол бар болса)) көрсетіледі | |
5 | Байланыс телефон нөмірі | |
6 | Электрондық пошта адресі (ол бар болса) | |
7 | Шоттың атауы, банктің толық атауы | |
8 | Құрылтайшылар туралы деректер (егер құрылтайшы (қатысушы) жеке тұлға немесе дара кәсіпкер болып табылса құрылтайшының (қатысушының) атауы көрсетіледі, онда тегі, аты, әкесінің аты (ол бар болса) көрсетіледі) | |
3-кесте
№ | Заңды тұлғаның өкілі туралы мәліметтер | |
1 | Тегі, аты, әкесінің аты (ол бар болса) | |
2 | Туған күні мен жері | |
3 | Азаматтығы | |
4 | Жеке идентификаттау нөмірі (ол бар болса) | |
5 | Жеке басын куәландыратын құжаттың түрі, нөмірі, сериясы (ол бар болса) кім және қашан берген, қолданылу мерзімі | |
6 | Тұрғылықты жері. Тіркелген жері немесе келген жері (мемлекет, облыс, аудан, елді мекен (қала, кент, ауыл), көшенің, даңғылдың, шағын ауданның атауы, үйдің нөмірі, пәтердің нөмірі (олар бар болса) көрсетіледі | |
7 | Байланыс телефон нөмірі | |
8 | Электрондық почта адресі (ол бар болса) | |
Жеке тұлғаның (оның өкілінің)
тегі, аты, әкесінің аты (ол бар болса)
_______________________________ _____________
(қолы)
| Қазақстан Республикасы Ұлттық Банкiнiң Қазақстан Республикасы ұлттық валютасының банкноттары мен монеталарын сату және сатып алу қағидаларына 3-қосымша |
|
| Нысан |
Сатып алу үшін монеталарды қабылдау-өткізу актісі
______________ қаласы 20___ жылғы "___" ___________
Осы акт қызметкер
_________________________________________________________________________
(Ұлттық Банк филиалының немесе Ұлттық Банк Орталығының атауы)
_________________________________________________________________________
(қызметкердің лауазымы және тегі, аты, әкесінің атын (ол бар болса)
_____________________________________________ мына монетаны (монеталарды)
(жеке тұлғаның (оның өкілінің) тегі, аты, әкесінің аты
(ол бар болса) не заңды тұлғаның атауы және оның өкілінің тегі,
аты, әкесінің аты (ол бар болса)
қабылдағаны туралы жазылады:
№ | Монетаның атауы | Монетаның түрі (инвестициялық немесе коллекциялық) | Номиналы теңгемен (цифрмен және жазумен) | Саны, дана (цифрмен және жазумен) | Монетада көрсетілген металдың түрі | Монетада граммен (унциямен) көрсетіл-ген салмағы |
1 | 2 | 3 | 4 | 5 | 6 | 7 |
1 | ||||||
2 | ||||||
Барлығы | х | х | х |
Қабылдаған:
______________________________________ _______________
(Ұлттық Банктің филиалы немесе (қолы)
Ұлттық Банк Орталығы қызметкерінің лауазымы
және тегі, аты, әкесінің аты (ол бар болса)
Өткізген:
______________________________________ _______________
(жеке тұлғаның тегі, аты, әкесінің аты (ол (қолы)
бар болса) не заңды тұлғаның атауы
және оның өкілінің тегі, аты, әкесінің аты
(ол бар болса)
| Қазақстан Республикасы Ұлттық Банкiнiң Қазақстан Республикасы ұлттық валютасының банкноттары мен монеталарын сату және сатып алу қағидаларына 4-қосымша |
|
| Нысан |
№ ___
Сатып алу үшін қабылданған бағалы металдардан жасалған инвестициялық және (немесе) коллекциялық монеталарды сараптау қорытындысы
____________ қаласы 20___ жылғы "__" ________
__________________________________________________________________
(бағалы металдан жасалған инвестициялық және (немесе)
коллекциялық монеталарға сараптама жүргізген Ұлттық Банк
филиалының немесе Орталығының атауы)
Жеке тұлғаның немесе заңды тұлға өкілінің тегі, аты, әкесінің аты (ол бар болса) | |
Заңды тұлғаның атауы | |
Монетаны алу күні | |
Сараптама жүргізу күні | |
Монетаның сипаттамасы | |
Монетаның атауы | |
Номиналы (теңге) | |
Монетаның нақты салмағы (грамм) | |
Тұтастығы (иә/жоқ) | |
Монетаның салмағы (грамм) | |
Бағалы металдың түрі | |
Негізгі бағалы металдың сынамы | |
Химиялық таза бағалы металдың салмағы (грамм) | |
Қорытынды | |
Сатып алынатын монетаға сараптама
жүзеге асырған Ұлттық Банктің
филиалы немесе Ұлттық Банктің
Орталығы қызметкерінің лауазымы
_________________________________ _____________ _______________________
_________________________________ (қолы) тегі, аты, әкесінің аты
(ол бар болса)
Сатып алынатын монетаға сараптама
жүзеге асырған Ұлттық Банктің
филиалы немесе Ұлттық Банктің
Орталығы қызметкерінің лауазымы
_________________________________ _____________ _______________________
_________________________________ (қолы) тегі, аты, әкесінің аты
(ол бар болса)
Ескертпе: "Монетаның атауы" және "Монетаның салмағы" жолдарында инвестициялық және (немесе) коллекциялық монетаның Ұлттық Банк органының "Қазақстан Республикасының Ұлттық Банкі туралы" 1995 жылғы 30 наурыздағы Қазақстан Республикасының Заңы 15-бабының үшінші бөлігіне сәйкес қабылданған шешімдерінде айқындалған ақпаратқа сәйкес келетін атауы және салмағы көрсетіледі.
| Қазақстан Республикасы Ұлттық Банкiнiң Қазақстан Республикасы ұлттық валютасының банкноттары мен монеталарын сату және сатып алу қағидаларына 5-қосымша |
|
| Нысан |
20___ жылғы "___" ___________*
20 ____ жылғы "___" ____________ Бағалы металдардан жасалған инвестициялық және (немесе) коллекциялық монеталарды сатып алу сомасының есебі
____________________________________________________________________
(Ұлттық Банктің филиалының немесе Орталығының атауы)
____________________________________________________________________
(инвестициялық немесе коллекциялық монетаны тапсырған жеке
тұлғаның тегі, аты, әкесінің аты не заңды тұлғаның атауы және
оның өкілінің тегі, аты, әкесінің аты (ол бар болса))
№ | Бағалы металдың түрі | Монетаның атауы (инвестициялық, коллекциялық) | Номиналы |
Химиялық таза бағалы металдың граммен салмағы (сараптама жасауға |
1 (бір) грамм үшін монетаның бағасы |
1 | 2 | 3 | 4 | 5 | 6 |
7*8/31,1034768 | |||||
Жиынтығы: | |||||
Барлығы: |
кестенің жалғасы:
Бір трой унциясы үшін Лондон бағалы металдар нарығына қатысушыларының қауымдастығы (LBMA) белгілеген бағалы металдардың химиялық таза бағалы металдардың таңғы фиксингі (баға белгілеу) | Ұлттық валютаның АҚШ долларына ресми бағамы | Бір монета үшін сатып алу бағасы (теңгемен тұтас белгіге дейін дөңгелектеу) | Дана саны (сатып алынғаны) | Сатып алудың жалпы сомасы |
7 | 8 | 9 | 10 | 11 |
5*6 | 9*10 | |||
Сатып алынатын монетаның құнын
есептеуді жүзеге асырған Ұлттық Банк
филиалы немесе Ұлттық Банк Орталығы
қызметкерінің лауазымы
___________________________________ ___________ ___________________
____________________________________ (қолы) тегі, аты, әкесінің аты
(ол бар болса)
Сатып алынатын монетаға сараптама
жүргізуге бақылауды жүзеге асырған
Ұлттық Банк филиалы немесе Ұлттық
Банк Орталығы қызметкерінің лауазымы
____________________________________ ___________ _______________________
____________________________________ (қолы) тегі, аты, әкесінің аты
(ол бар болса)
Сатып алынатын монетаға сараптаманы
жүзеге асырған Ұлттық Банк филиалы
немесе Ұлттық Банк Орталығы
қызметкерінің лауазымы
_______________________________ ___________ ____________________
____________________________________ (қолы) тегі, аты, әкесінің аты
(ол бар болса)
*Ескертпе: Ұлттық Банктің Орталығы монеталарды сатып алуға қабылдаған Ұлттық Банктің филиалына монеталарды сатып алу сомасын аударған күні (сатып алынған монетаға Ұлттық Банктің Орталығы сараптама жүргізген жағдайда), немесе Ұлттық Банктің филиалы монетаны сатып алу сомасын жеке немесе заңды тұлғаға берген күні (сатып алынған монетаға Ұлттық Банктің филиалы сараптама жүргізген жағдайда) көрсетіледі.