Зеренді ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы

      РҚАО-ның ескертпесі.
      Құжаттың мәтінінде түпнұсқаның пунктуациясы мен орфографиясы сақталған.

      Қазақстан Республикасының 2001 жылғы 23 қаңтардағы "Қазақстан Республикасындағы жергілікті мемлекеттік басқару және өзін-өзі басқару туралы" Заңының 6 бабының 2-3 тармағына, Қазақстан Республикасы Үкіметінің 2013 жылғы 21 мамырдағы № 504 қаулысымен бекітілген Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың Үлгілік қағидаларына сәйкес, Зеренді аудандық мәслихаты ШЕШІМ ҚАБЫЛДАДЫ:

      1. Қоса беріліп отырған Зеренді ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидалары бекітілсін.

      2. Зеренді аудандық мәслихатының келесі шешімдерінің күші жойылған деп танылсын:

      "Зеренді ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы" 2016 жылғы 27 сәуірдегі № 3-22 (Нормативтік құқықтық актілер мемлекеттік тіркеу тізілімінде № 5373 болып тіркелген, 2016 жылғы 3 маусымда "Зерделі–Зеренді", "Зерен" аудандық газеттерінде жарияланған);

      "Зеренді ауданында мәслихаттың 2016 жылғы 27 сәуірдегі № 3-22 "Зеренді ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидаларын бекіту туралы" шешіміне өзгеріс енгізу туралы" 2016 жылғы 24 тамыздағы № 6-45 (Нормативтік құқықтық актілер мемлекеттік тіркеу тізілімінде № 5524 болып тіркелген, 2016 жылғы 23 қыркүйекте "Зерделі–Зеренді", "Зерен" аудандық газеттерінде жарияланған).

      3. Осы шешім Ақмола облысының Әділет департаментінде мемлекеттік тіркелген күннен бастап күшіне енеді және ресми жарияланған күннен бастап қолданысқа енгізіледі.

      "КЕЛІСІЛДІ"

      2017 жылғы "6" ақпан

Зеренді ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидалары

      1. Осы Зеренді ауданында әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың қағидалары (бұдан әрі – Қағидалар) "Қазақстан Республикасындағы жергілікті мемлекеттік басқару және өзін-өзі басқару туралы" 2001 жылғы 23 қаңтардағы Қазақстан Республикасы Заңының 6 бабының 2-3 тармағына және Қазақстан Республикасы Үкіметінің 2013 жылғы 21 мамырдағы № 504 қаулысымен бекітілген Әлеуметтік көмек көрсетудің, оның мөлшерлерін белгілеудің және мұқтаж азаматтардың жекелеген санаттарының тізбесін айқындаудың үлгілік қағидаларына (бұдан әрі – Үлгілік қағидалар) сәйкес әзірленді.

1. Жалпы ережелер

      2. Осы Қағидаларда пайдаланылатын негізгі терминдер мен ұғымдар:

      1) уәкілетті ұйым – "Азаматтарға арналған үкімет" мемлекеттік корпорациясы – Қазақстан Республикасының заңнамасына сәйкес мемлекеттік қызметтер көрсету, "бір терезе" қағидаты бойынша мемлекеттік қызметтер көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмысты ұйымдастыру, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған заңды тұлға;

      2) атаулы күндер – жалпы халықтың тарихи, рухани, мәдени маңызы бар және Қазақстан Республикасы тарихының барысына ықпал еткен оқиғалар;

      3) арнайы комиссия – өмірлік қиын жағдайдың туындауына байланысты әлеуметтік көмек көрсетуге үміткер адамның (отбасының) өтінішін қарау бойынша Зеренді ауданы әкімінің шешімімен құрылатын комиссия;

      4) ең төмен күнкөріс деңгейі – Ақмола облысының статистикалық органдар есептейтін мөлшері бойынша ең төмен тұтыну себетінің құнына тең, бір адамға қажетті ең төмен ақшалай кіріс;

      5) мереке күндері – Қазақстан Республикасының ұлттық және мемлекеттік мереке күндері;

      6) азаматтың (отбасының) жан басына шаққандағы орташа табысы – отбасы жиынтық табысының айына отбасының әрбір мүшесіне келетін үлесі;

      7) өмірлік қиын жағдай – азаматтың тыныс-тіршілігін объективті түрде бұзатын, ол оны өз бетінше еңсере алмайтын ахуал;

      8) уәкілетті орган – "Зеренді ауданының жұмыспен қамту және әлеуметтік бағдарламалар бөлімі" мемлекеттік мекемесі;

      9) учаскелік комиссия – әлеуметтік көмек алуға өтініш білдірген адамдардың (отбасылардың) материалдық жағдайына тексеру жүргізу және қорытындылар дайындау үшін Зеренді ауданының кент, ауыл, ауылдық округтер әкімдерінің шешімімен құрылатын комиссия;

      10) шекті шама – әлеуметтік көмектің бекітілген ең жоғары мөлшері.

      3. Осы Қағидалар Зеренді ауданының аумағында тұрақты тұратын тұлғаларға таралады.

      4. Әлеуметтік көмек ретінде уәкілетті органнан мұқтаж азаматтардың жекелеген санаттарына (бұдан әрі – алушылар) өмірлік қиын жағдай туындаған жағдайда, сондай-ақ атаулы күндер мен мереке күндеріне көрсететін көмек осы Қағидаларының мақсаты болып табылады.

      5. Қазақстан Республикасының 1995 жылғы 28 сәуірдегі "Ұлы Отан соғысының қатысушылары мен мүгедектеріне және соларға теңестірілген адамдарға берілетін жеңілдіктер мен оларды әлеуметтік қорғау туралы" Заңының 20 бабында және Қазақстан Республикасының 2005 жылғы 13 сәуірдегі "Қазақстан Республикасында мүгедектерді әлеуметтік қорғау туралы" Заңының 16 бабында көрсетілген адамдарға әлеуметтік көмек осы Қағидаларда көзделген тәртіппен көрсетіледі.

      6. Әлеуметтік көмек бiр рет және (немесе) мерзiмдi (ай сайын, тоқсан сайын, жартыжылдықта 1 рет) көрсетіледі.

      7. Әлеуметтік көмек көрсету үшін атаулы күндер мен мереке күндердің тізбелері, сондай – ақ әлеуметтік көмек көрсетудің еселігі:

      1) 15 ақпан – Ауғанстаннан әскерлерін шығару күні (бір рет);

      2) 8 наурыз – Халықаралық әйелдер күні (бір рет);

      3) 26 сәуір – Чернобыль атом электростанциясының апаттарын жоюды еске алу күні (бір рет);

      4) 9 мамыр – Жеңіс Күні (бір рет);

      5) 31 мамыр – Саяси қуғын-сүргін және ашаршылық құрбандарын еске алу күні (бір рет);

      7) Мүгедектер күні – қазанның екінші жексенбісі (бір рет);

      8) 1 желтоқсан – Қазақстан Республикасының Тұңғыш Президенті күні (бір рет).

2. Санаттар тізбесі және әлеуметтік көмектің шекті мөлшерлер

      8. Әлеуметтік көмек келесі санаттардағы алушыларға ұсынылады:

      Ұлы Отан соғысының қатысушылары мен мүгедектеріне;

      жеңілдіктер мен кепілдіктер жағынан Ұлы Отан соғысының қатысушыларына мен мүгедектеріне теңестірілген тұлғаларға;

      жеңілдіктер мен кепілдіктер жағынан Ұлы Отан соғысының қатысушыларына теңестірілген басқа санаттардағы тұлғаларға;

      тыл еңбеккерлеріне;

      мүгедектерге, соның ішінде 18 жасқа дейінгі мүгедек баланы тәрбиелеуші тұлғаларға;

      әлеуметтік мәні бар аурулармен ауыратын азаматтарға (онкологиялық аурулармен, туберкулезбен ауыратын, амбулаторлық емделудегі тұлғаларға);

      көп балалы отбасыларына;

      төрт және одан да көп бірге тұратын кәмелетке толмаған балалары бар, оның ішінде жалпы орта білім беру, күндізгі оқу нысанымен жоғары және орта кәсіптік оқу орындарында оқитын олармен кәмелеттік жасқа жетуден кейін оқу орындарын бітіру уақытына дейін (бірақ 23 жасқа толғанға дейін) балалары бар көп балалы отбасыларына;

      "Алтын алқа", "Күміс алқа" алқаларымен, І және ІІ дәрежелі "Ана даңқы" ордендерімен наградталған немесе бұрын "Батыр ана" атағын алған көп балалы аналарға;

      балаларға, соның ішінде жетім балаларға, ата-ананың қамқорлығынан қалған балаларға, балалар үйінің түлектеріне, туберкулез жұқтырған балаларға химиялық алдын алу кезінде;

      күнкөрісі төмен азаматтарға (отбасыларына);

      аз қамтылған, халықтың (отбасылардың) әлеуметтік жағынан әлсіз тобына жататын, колледждерде ақылы негізінде күндізгі оқу нысаны бойынша оқитын студенттерге;

      аз қамтылған, халықтың (отбасылардың) әлеуметтік жағынан әлсіз тобына жататын, жоғарғы медициналық оқу мекемелерінде оқитын, студенттерге;

      қуғын-сүргінге ұшыраған азаматтарға;

      табиғи апат немесе өрттің салдарынан зардап шеккен, мүлкіне нұқсан келген азаматқа (отбасына);

      өмірлік қиын жағдайда жан басына шаққандағы орташа табыстағы ең төмен күнкөрістегі азаматқа (отбасына).

      Бұл ретте азаматтарды өмірлік қиын жағдай туындаған кезде, мұқтаждар санатына жатқызу үшін мыналар негіз болады:

      1) Қазақстан Республикасының қолданыстағы заңнамасымен қарастырылған негіздер;

      2) табиғи зілзаланың немесе өрттің салдарынан, азаматқа (отбасына) не оның мүлкіне зиян келу немесе әлеуметтік мәні бар аурулардың болуы;

      3) ең төмен күнкөріс деңгейіне еселік қатынаста белгіленген шектен аспайтын жан басына шаққандағы орташа табыстың бар болуы;

      4) қуғын-сүргінге ұшыраған азаматтарға ("Жаппай саяси қуғын-сүргіндер құрбандарын ақтау туралы" 1993 жылғы 14 сәуірдегі Қазақстан Республикасы Заңының 2 бабына сәйкес).

      9. Әлеуметтік көмек көрсетіледі:

      1) Ауғанстаннан әскерлерін шығару күніне:

      Ауғанстан аумағындағы ұрыс қимылдарына қатысқандардың қатарынан тұлғаларға;

      2) Халықаралық әйелдер күніне:

      "Алтын алқа", "Күміс алқа" алқаларымен, І және ІІ дәрежелі "Ана даңқы" ордендерімен наградталған немесе бұрын "Батыр ана" атағын алған көп балалы аналарға;

      3) Чернобыль атом электростанциясының апаттарын жоюды еске алу күніне:

      1986-1987 жылдары Чернобыль АЭС-iндегi апаттың, сондай-ақ азаматтық немесе әскери мақсаттағы объектiлердегi басқа да радиациялық апаттар мен авариялардың зардаптарын жоюға қатысқан, сондай-ақ ядролық сынақтар мен жаттығуларға тiкелей қатысқан тұлғаларға;

      Чернобыль АЭС-iндегi апаттың, азаматтық немесе әскери мақсаттағы объектiлердегi басқа да радиациялық апаттар мен авариялардың, ядролық қаруды сынаудың салдарынан мүгедек болған тұлғаларға, сондай-ақ ата-анасының бiрiнiң радиациялық сәуле алуы себебiнен генетикалық жағынан мүгедек болып қалған олардың балалары;

      1988-1989 жылдардағы Чернобыль АЭС-iндегi апаттың зардаптарын жоюға қатысқан, оқшаулау аймағынан Қазақстан Республикасына қоныс аудартқан (өз еркiмен көшкен) тұлғаларға қоныс аудартқан күнi анасының құрсағындағы балаларды қоса алғанда;

      4) 9 мамыр – Жеңіс Күніне:

      Ұлы Отан соғысының қатысушылары мен мүгедектеріне;

      жеңілдіктер мен кепілдіктер жағынан Ұлы Отан соғысының қатысушыларына теңестірілген тұлғаларға;

      жеңілдіктер мен кепілдіктер бойынша Ұлы Отан соғысының мүгедектеріне теңестірілген тұлғаларға;

      жеңілдіктер мен кепілдіктер бойынша соғыстың қатысушыларына теңестірілген басқа санаттардағы тұлғаларға;

      тыл еңбеккерлеріне;

      5) Саяси қуғын-сүргін және ашаршылық құрбандарын еске алу күніне:

      қуғын–сүргінге ұшыраған азаматтарға, осы санат бойынша арнайы мемлекеттік жәрдемақы алушыларға;

      7) Мүгедектер күніне:

      18 жасқа дейінгі мүгедек балаларға;

      1, 2, 3 топтағы мүгедектерге;

      8) Қазақстан Республикасының Тұңғыш Президенті күніне:

      төрт және одан да көп бірге тұратын кәмелетке толмаған балалары бар, оның ішінде жалпы орта білім беру, күндізгі оқу нысанымен жоғары және орта кәсіптік оқу орындарында оқитын олармен кәмелеттік жасқа жетуден кейін оқу орындарын бітіру уақытына дейін (бірақ 23 жасқа толғанға дейін) балалары бар көп балалы отбасыларына;

      9) әлеуметтік көмек табыстарын есепке алмай келесі азаматтарға (отбасыларына) көрсетіледі:

      табиғи зілзаланың немесе өрттің салдарынан азаматқа (отбасына) не оның мүлкіне зиян келтіру, өмірлік қиын жағдай туындағаннан кейін, үш айдан кешіктірмей "Қазақстан Республикасы Ішкі істер министрлігінің Төтенше жағдайлар комитеті Ақмола облысының Төтенше жағдайлар департаменті Зеренді ауданының Төтенше жағдайлар бөлімі" республикалық мемлекеттік мекемесінің анықтамасы негізінде. Әрбір жекелеген жағдайда көрсетілетін әлеуметтік көмек мөлшерін арнайы комиссия айқындайды және оны әлеуметтік көмек көрсету қажеттілігі туралы қорытындыда көрсетеді. Әлеуметтік көмектің шекті мөлшері 50 айлық есептік көрсеткішке тең және 1, 2, 3 топтағы мүгедектерге, осы санат бойынша арнайы мемлекеттік жәрдемақы алушыларға 100 айлық есептік көрсеткішке тең, бір рет;

      туберкулезбен, адамның имун тапшылығы вирусымен ауыратын азаматтарға бір жыл ішіндегі дәрігерлік консультациялық кеңестің қорытындысы негізінде 15 айлық есептік көрсеткіш мөлшерінде, бір рет;

      туберкулез жұқтырған балаларға туберкулез диспансерінің тізімі бойынша химиялық алдын алу кезеңінде 3 айлық есептік көрсеткіш мөлшерінде, бір рет;

      онкологиялық аурулары бар (онкология және онкогематология), стационар жағдайында арнайы емдеуден өтіп жатқан азаматтарға науқас тарихы үзіндісі негізінде жылдың ішінде 15 айлық есептік көрсеткіш мөлшерінде, бір жолғы;

      Ұлы Отан соғысының қатысушылары мен мүгедектеріне және жеңілдіктер мен кепілдіктер бойынша оларға теңестірілгендерді, 18 жасқа дейінгі балалары бар көпбалалы отбасыларын, жан басына шаққандағы орташа табысы күнкөріс деңгейінен төмен аз қамтылған отбасыларын "Телерадио хабарларын тарату туралы" 2012 жылдың 18 қаңтардағы Қазақстан Республикасының Заңының 42 бабының 9 тармағына сәйкес теледидар абоненттік жабдықпен қамтамасыздандыру үшін жабдықтың тұратын құны мөлшерінде, бір рет;

      халықтың (отбасыларының) аз қамтылған, әлеуметтік жағынан әлсіз топтарының күндізгі оқу нысаны бойынша оқитын колледж студенттеріне, Зеренді ауданында жұмыс істеулерін ескере отырып, шығындарды жүз пайыз өтеумен, төлемдер "Зеренді ауданының жұмыспен қамту және әлеуметтік бағдарламалар бөлімі" мемлекеттік мекемесі, жұмыс беруші мен студент арасындағы жұмысқа орналастыру туралы үш жақты шарт негізінде жүргізілсін. Жоғары оқу орнында оқуын жалғастырған жағдайда, үш жақты шарт, оқуды аяқтағаннан кейін беріледі. Үш жақты шартты оқуға жаңадан түскен студенттер ұсынады;

      жоғарғы медициналық оқу мекемелерінде оқитын аз қамтылған, халықтың (отбасылардың) әлеуметтік жағынан әлсіз тобына жататын студенттерге оқуды аяқтағаннан кейін Зеренді ауданында жұмыспен өтеуді ескере отырып оқу шығындарын жүз пайызға өтеу, төлем білім беру мекемесімен жасасқан келісім шарттың көшірмесі, аудан әкімі, Зеренді аудандық орталық аурухананың бас дәрігері және студент арасында жасалған үш жақты келісім шарты, оқу орнынан берілген анықтама, кент, ауыл, ауылдық округ әкімінің қолдаухаты негізінде көрсетіледі;

      халықтың әлеуметтік жағынан әлсіз тобына жататын кәмелетке толмай қайтыс болған балаларды жерлеуге, қайтыс болу анықтамасы негізінде 15 айлық есептік көрсеткіш мөлшерінде, бір рет;

      әлеуметтік көмек Ұлы Отан соғысына қатысушылары мен мүгедектеріне коммуналдық қызмет төлем жасау шығындары бойынша көрсетіледі, оның ішінде ай сайын облыстық бюджеттен бөлінетін ағымдағы мақсатты трансферттер есебінен 100 пайыз мөлшерінде:

      -коммуналдық қызмет шығындарын өтеу үшін коммуналдық қызмет жасау шығындары мөлшерінде;

      - от жағу маусымына отын алуға 50 айлық есептік көрсеткіш мөлшерінде;

      - байланыс қызметіне абоненттік төлем мөлшерінде;

      - газбен қамтамасыздандыру, ай сайын өтеу күні ауданда қалыптасқан орташа статистикалық бағалар бойынша айына бір баллонның құны мөлшерінде.

      Коммуналдық қызмет жасау шығындарын өтеу үшін әлеуметтік көмек алушының өтініші бойынша алушының жеке шоттарына:

      концлагерлердің жасы кәмелетке толмаған бұрынғы тұтқындарына 2 айлық есептік көрсеткіш мөлшерінде ай сайын көрсетіледі;

      арнайы әлеуметтік мемлекеттік жәрдемақы алушылар санатына жататын Ұлы Отан соғыс қатысушыларының жесірлеріне, қайтыс болған Ұлы Отан соғыс мүгедектерінің және қатысушыларының әйелдеріне 2 айлық есептік көрсеткіш мөлшерінде ай сайын көрсетіледі.

      Әлеуметтік көмек коммуналдық қызмет жасау шығындарын өтеу үшін уәкілетті ұйымның ұсынған тізімдері негізінде көрсетіледі.

      10) әлеуметтік көмек халықтың әлеуметтік жағынан әлсіз тобына жататындарға табыстарын ескере отырып:

      өмірлік қиын жағдай туындаған кезде ұсынылған санаттардағы азаматтарға жылына бір рет көрсетіледі. Көрсетілетін әлеуметтік көмек мөлшерін әрбір жеке жағдайда арнайы комиссия айқындайды және оны әлеуметтік көмек көрсету қажеттілігі туралы қорытындыда көрсетеді. Әлеуметтік көмектің шекті мөлшері 15 айлық есептік көрсеткіш мөлшеріне тең, бір рет көрсетіледі;

      бірге тұратын 3 және одан да көп мектеп жасындағы балалары бар ең төмен күнкөріс деңгейі халықтың әлеуметтік жағынан әлсіз тобына жататындарға 1 қыркүйекке мектепке дайындау үшін, әр балаға 3 айлық есептік көрсеткіш мөлшерінде бір рет көрсетіледі;

      жан басына шаққандағы орташа табысы 20 айлық есептік көрсеткіштен аспайтын азаматтарға, жедел түрде ем (ота) алуына байланысты медициналық мекемеден сырқаты туралы кітапшасынан алынған көшірмесі негізінде 22 айлық есептік көрсеткіш мөлшерінде бір рет көрсетіледі;

      "Тегін медициналық көмектің кепілдік берілген көлемі шеңберінде, оның ішінде белгілі бір аурулары (жай-күйлері) бар азаматтардың жекелеген санаттарын амбулаториялық деңгейде тегін және (немесе) жеңілдікпен берілетін дәрілік заттармен және мамандандырылған емдік өнімдермен қамтамасыз етуге арналған дәрілік заттардың және медициналық мақсаттағы бұйымдардың тізбесін бекіту туралы" Қазақстан Республикасы Денсаулық сақтау министрінің 2017 жылғы 29 тамыздағы № 666 бұйрығымен бекітілген (Нормативтік құқықтық актілерді мемлекеттік тіркеу тізілімінде № 15724 тіркелген) тізілімге енгізілмеген дәрі-дәрмектерді сатып алғандары үшін дәрігерлік-кеңестік комиссиясының қорытындысы бойынша 15 айлық есептік көрсеткіш мөлшерінде бір рет көрсетіледі.

3. Әлеуметтік көмек көрсету тәртібі

      10. Атаулы күндер мен мереке күндеріне әлеуметтік көмек алушылардан өтініштер талап етілмей уәкілетті ұйымның не өзге де ұйымдардың ұсынымы бойынша Зеренді ауданының әкімдігі бекіткен тізім бойынша көрсетіледі.

      11. Өмірлік қиын жағдай туындаған кезде әлеуметтік көмек алу үшін азаматтарға (отбасыларына) жан басына шаққандағы орташа табысы ең төменгі күнкөріс деңгейінен төмен өтініш беруші өзінің немесе отбасының атынан уәкілетті органға немесе кент, ауыл, ауылдық округтың әкіміне өтінішке қоса мынадай құжаттарды:

      1) жеке басын куәландыратын құжатты;

      2) тұрақты тұрғылықты жері бойынша тіркелгенін растайтын құжатты;

      3) Үлгілік қағидалардың 1-қосымшаға сәйкес адамның (отбасының) құрамы туралы мәліметтерді;

      4) адамның (отбасы мүшелерінің) табыстары туралы мәліметтерді;

      5) өмірлік қиын жағдайдың туындағанын растайтын актіні және/немесе құжатты ұсынады.

      12. Аз қамтылған, халықтың (отбасылардың) әлеуметтік жағынан әлсіз тобына жататын студенттер әлеуметтік көмек алу үшін келесі құжаттарды ұсынады:

      колледждерде оқитындар:

      1) білім беру мекемесімен жасасқан келісім шарттың көшірмесін;

      2) оқу орнынан берілген анықтаманы;

      3) кент, ауыл, ауылдық округ әкімінің қолдаухатты;

      4) өмірлік қиын жағдайдың туындағанын растайтын актіні және/немесе

      құжатты;

      5) төлеу квитанцияларды;

      жоғарғы медициналық оқу мекемелерінде оқитындар:

      1) білім беру мекемесімен жасасқан келісім шарттың көшірмесін;

      2) аудан әкімі, Зеренді орталық аудандық ауруханасының бас дәрігерімен және студент арасында жасалған үш жақты келісім шартты;

      3) оқу орнынан берілген анықтаманы;

      4) кент, ауыл, ауылдық округ әкімінің қолдаухатты;

      6) "Зеренді ауданының жұмыспен қамту және әлеуметтік бағдарламалар бөлімі" мемлекеттік мекемесі, жұмыс беруші мен студент арасындағы үш жақты шарт.

      14. Әлеуметтік көмек алу үшін азаматтарға (отбасыларына) табыстарын есепке алмай өтініш беруші өзінен немесе отбасы атынан уәкілетті органға өтінішке қоса мынадай құжаттарды:

      1) жеке басын куәландыратын құжатты;

      2) тұрақты тұрғылықты жері бойынша тіркелгенін растайтын құжатты ұсынады.

      15. Құжаттар салыстырып тексеру үшін түпнұсқаларда және көшірмелерде ұсынылады, содан кейін құжаттардың түпнұсқалары өтініш берушіге қайтарылады.

      16. Өмірлік қиын жағдай туындаған кезде әлеуметтік көмек көрсетуге өтініш келіп түскен кезде уәкілетті орган немесе кент, ауыл, ауылдық округтің әкімі бір жұмыс күні ішінде өтініш берушінің құжаттарын адамның (отбасының) материалдық жағдайына тексеру жүргізу үшін учаскелік комиссияға жібереді.

      17. Учаскелік комиссия құжаттарды алған күннен бастап екі жұмыс күні ішінде өтініш берушіге тексеру жүргізеді, оның нәтижелері бойынша Үлгілік қағидаларының 2, 3-қосымшаларына сәйкес нысандар бойынша адамның (отбасының) материалдық жағдайы туралы акті жасайды, адамның (отбасының) әлеуметтік көмекке мұқтаждығы туралы қорытынды дайындайды және оларды уәкілетті органға немесе кент, ауыл, ауылдық округ әкіміне жібереді.

      Кент, ауыл, ауылдық округ әкімі учаскелік комиссияның актісі мен қорытындысын алған күннен бастап екі жұмыс күні ішінде оларды қоса берілген құжаттармен уәкілетті органға жібереді.

      18. Әлеуметтік көмек көрсету үшін құжаттар жетіспеген жағдайда уәкілетті орган әлеуметтік көмек көрсетуге ұсынылған құжаттарды қарау үшін қажетті мәліметтерді тиісті органдардан сұратады.

      19. Өтініш берушінің қажетті құжаттарды олардың бүлінуіне, жоғалуына байланысты ұсынуға мүмкіндігі болмаған жағдайда уәкілетті орган тиісті мәліметтерді қамтитын өзге уәкілетті органдар мен ұйымдардың деректері негізінде әлеуметтік көмек тағайындау туралы шешім қабылдайды.

      20. Уәкілетті орган учаскелік комиссиядан немесе кент, ауыл, ауылдық округ әкімінен құжаттар келіп түскен күннен бастап бір жұмыс күні ішінде Қазақстан Республикасының заңнамасына сәйкес адамның (отбасының) жан басына шаққандағы орташа табысын есептеуді жүргізеді және құжаттардың толық пакетін арнайы комиссияның қарауына ұсынады.

      21. Арнайы комиссия құжаттар келіп түскен күннен бастап екі жұмыс күні ішінде әлеуметтік көмек көрсету қажеттілігі туралы қорытынды шығарады, оң қорытынды болған кезде әлеуметтік көмектің мөлшерін көрсетеді.

      22. Уәкілетті орган өтініш берушінің әлеуметтік көмек алуға қажетті құжаттарын тіркеген күннен бастап сегіз жұмыс күні ішінде қабылданған құжаттар мен арнайы комиссияның әлеуметтік көмек көрсету қажеттілігі туралы қорытындысының негізінде әлеуметтік көмек көрсету не көрсетуден бас тарту туралы шешім қабылдайды.

      Осы Қағидаларының 18 және 19 тармақтарында көрсетілген жағдайларда уәкілетті орган өтініш берушіден немесе кент, ауыл, ауылдық округ әкімінен құжаттарды қабылдаған күннен бастап жиырма жұмыс күні ішінде әлеуметтік көмек көрсету не көрсетуден бас тарту туралы шешім қабылдайды.

      23. Уәкілетті орган шешім қабылдаған күннен бастап үш жұмыс күні ішінде қабылданған шешім туралы (бас тартқан жағдайда – негіздемесін көрсете отырып) өтініш берушіні жазбаша хабардар етеді.

      24. Әлеуметтік көмек көрсетуден бас тарту:

      1) өтініш беруші ұсынған мәліметтердің дәйексіздігі анықталған;

      2) өтініш беруші адамның (отбасының) материалдық жағдайына тексеру жүргізуден бас тартқан, жалтарған;

      3) адамның (отбасының) жан басына шаққандағы орташа табысы әлеуметтік көмек көрсету үшін жергілікті өкілді органдар белгілеген шектен артқан жағдайларда жүзеге асырылады.

      25. Әлеуметтік көмек Зеренді ауданның бюджетінде көзделген ағымдағы қаржы жылына арналған қаражат шегінде жүзеге асырылады.

      26. Әлеуметтік көмек ақшалай түрде, банктік операциялар жүргізуге лицензиясы бар екінші деңгейлі банктер немесе ұйымдар арқылы, алушының есеп шотына аудару жолымен көрсетіледі.

4. Көрсетілетін әлеуметтік көмекті тоқтату және қайтару үшін негіздемелер

      27. Әлеуметтік көмек:

      1) алушы қайтыс болған;

      2) алушы Зеренді ауданының шегінен тыс тұрақты тұруға кеткен;

      3) алушыны мемлекеттік медициналық-әлеуметтік мекемелерге тұруға жіберген;

      4) алушы ұсынған мәліметтердің дәйексіздігі анықталған жағдайларда тоқтатылады.

      Әлеуметтік көмекті төлеу көрсетілген жағдайлар туындаған айдан бастап тоқтатылады.

      28. Артық төленген сомалар ерікті немесе Қазақстан Республикасының заңнамасында белгіленген өзгеше тәртіппен қайтаруға жатады.

5. Қорытынды ереже

      29. Әлеуметтік көмек көрсету мониторингі мен есепке алудыуәкілетті орган "Е-собес" автоматтандырылған ақпараттық жүйесінің дерекқорын пайдалана отырып жүргізеді.