Қазақстан Республикасының кейбір нормативтік құқықтық актілеріне сақтандыру қызметін реттеу мәселелері бойынша өзгерістер енгізу туралы

      Қазақстан Республикасының нормативтік құқықтық актілерін жетілдіру мақсатында және "Мемлекеттік статистика туралы" 2010 жылғы 19 наурыздағы Қазақстан Республикасы Заңының 16-бабы 3-тармағының 2) тармақшасына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

      1. Осы қаулыға қосымшаға сәйкес Өзгерістер енгізілетін Қазақстан Республикасының сақтандыру қызметін реттеу мәселелері бойынша нормативтік құқықтық актілерінің тізбесі бекітілсін.

      2. Сақтандыруды қадағалау департаменті (Құрманов Ж.Б.) Қазақстан Республикасының заңнамасында белгіленген тәртіппен:

      1) Заң департаментімен (Сәрсенова Н.В.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;

      2) осы қаулы мемлекеттік тіркелген күннен бастап күнтізбелік он күн ішінде оның қазақ және орыс тілдеріндегі қағаздағы және электрондық түрдегі көшірмесін "Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына Қазақстан Республикасы нормативтік құқықтық актілерінің эталондық бақылау банкінде ресми жариялау және оған енгізу үшін жіберуді;

      3) осы қаулы ресми жарияланғаннан кейін оны Қазақстан Республикасы Ұлттық Банкінің ресми интернет-ресурсына орналастыруды қамтамасыз етсін.

      3. Қаржылық қызметтерді тұтынушылардың құқықтарын қорғау және сыртқы коммуникациялар басқармасы (Терентьев А.Л.) осы қаулы мемлекеттік тіркелгеннен кейін күнтізбелік он күн ішінде оның көшірмесін мерзімді баспасөз басылымдарында ресми жариялауға жіберуді қамтамасыз етсін.

      4. Осы қаулының орындалуын бақылау Қазақстан Республикасының Ұлттық Банкі Төрағасының орынбасары О.А. Смоляковқа жүктелсін.

      5. Осы қаулы алғашқы ресми жарияланған күнінен кейін күнтізбелік жиырма бір күн өткен соң қолданысқа енгізіледі.

      "КЕЛІСІЛДІ"

      Қазақстан Республикасының

      Ақпарат және коммуникациялар министрлігі

      Министр _________________

      2017 жылғы 2 мамыр

      "КЕЛІСІЛДІ"

      Қазақстан Республикасының

      Ұлттық экономика министрлігі

      Министр _________________

      2017 жылғы 24 шілде

Өзгерістер енгізілетін Қазақстан Республикасының
сақтандыру қызметін реттеу мәселелері бойынша
нормативтік құқықтық актілерінің тізбесі

      1. "Сақтандыру (қайта сақтандыру) ұйымын (сақтандыру холдингін) ерікті түрде қайта ұйымдастыруға рұқсат беру не аталған рұқсатты беруден бас тарту қағидаларын бекіту туралы" Қазақстан Республикасы Ұлттық Банкі Басқармасының 2012 жылғы 24 ақпандағы № 54 қаулысына (Нормативтік құқықтық актілерді мемлекеттік тіркеу тізілімінде № 7542 тіркелген, 2012 жылғы 30 маусымда "Егемен Қазақстан" газетінде № 360-364 (27438) жарияланған) мынадай өзгерістер енгізілсін:

      тақырыбы мынадай редакцияда жазылсын, орыс тіліндегі мәтіні өзгермейді:

      "Сақтандыру (қайта сақтандыру) ұйымының (сақтандыру холдингінің) өз еркiмен қайта ұйымдастырылуына рұқсат беру не аталған рұқсатты беруден бас тарту қағидаларын бекіту туралы";

      1-тармақ мынадай редакцияда жазылсын, орыс тіліндегі мәтіні өзгермейді:

      "1. Қоса беріліп отырған Сақтандыру (қайта сақтандыру) ұйымының (сақтандыру холдингінің) өз еркiмен қайта ұйымдастырылуына рұқсат беру не аталған рұқсатты беруден бас тарту қағидалары бекітілсін.";

      көрсетілген қаулымен бекітілген Сақтандыру (қайта сақтандыру) ұйымын (сақтандыру холдингін) ерікті түрде қайта ұйымдастыруға рұқсат беру не аталған рұқсатты беруден бас тарту қағидаларында:

      тақырыбы мынадай редакцияда жазылсын, орыс тіліндегі мәтіні өзгермейді:

      "Сақтандыру (қайта сақтандыру) ұйымының (сақтандыру холдингінің) өз еркiмен қайта ұйымдастырылуына рұқсат беру не аталған рұқсатты беруден бас тарту қағидалары";

      кіріспесі мынадай редакцияда жазылсын, орыс тіліндегі мәтіні өзгермейді:

      "Осы Сақтандыру (қайта сақтандыру) ұйымының (сақтандыру холдингінің) өз еркiмен қайта ұйымдастырылуына рұқсат беру не аталған рұқсатты беруден бас тарту қағидалары (бұдан әрі - Қағидалар) "Сақтандыру қызметі туралы" 2000 жылғы 18 желтоқсандағы Қазақстан Республикасының Заңына (бұдан әрі – Заң) сәйкес әзірленді және сақтандыру (қайта сақтандыру) ұйымының (сақтандыру холдингінің) өз еркiмен қайта ұйымдастырылуына рұқсат беру не аталған рұқсатты беруден бас тарту тәртібін айқындайды.";

      1-тармақ мынадай редакцияда жазылсын:

      "1. Сақтандыру ұйымы (сақтандыру холдингі) өз еркiмен қайта ұйымдастырылуына рұқсат алуға арналған өтінішхатты (бұдан әрі – өтінішхат) осы Қағидалардың қосымшасына сәйкес нысан бойынша жасайды және Қазақстан Республикасының Ұлттық Банкіне (бұдан әрі – уәкілетті орган) қағаз тасымалдағышта не "электрондық үкіметтің" веб-порталы арқылы электрондық түрде ұсынады. Қазақстан Республикасының бейрезиденттері сақтандыру холдингтері өтінішхатты қағаз тасымалдағышта ұсынады.";

      4-тармақтың 2) тармақшасының үшінші абзацы мынадай редакцияда жазылсын:

      "қайта ұйымдастырылған сақтандыру (қайта сақтандыру) ұйымының пруденциалдық нормативтерінің болжамды мәндерінің Нормативтік құқықтық актілерді мемлекеттік тіркеу тізілімінде № 14794 тіркелген "Сақтандыру (қайта сақтандыру) ұйымының және сақтандыру тобының пруденциялық нормативтерінің және сақталуға міндетті өзге де нормалар мен лимиттердің нормативтік мәндерін және оларды есептеу әдістемесін, сақтандыру (қайта сақтандыру) ұйымдарының және сақтандыру топтарының пруденциялық нормативтердің орындалуы туралы есептілігінің тізбесін, нысандарын, табыс ету мерзімдерін, Сақтандыру (қайта сақтандыру) ұйымдарының және сақтандыру топтарының пруденциялық нормативтердің орындалуы туралы есептілігін табыс ету қағидаларын, сақтандыру (қайта сақтандыру) ұйымдары, сақтандыру (қайта сақтандыру) ұйымдарының немесе сақтандыру холдингтерінің еншілес ұйымдары сатып алатын заңды тұлғалардың акцияларына (жарғылық капиталдағы қатысу үлестеріне) қойылатын талаптарды, сақтандыру холдингтері сатып алатын халықаралық қаржы ұйымдары облигацияларының тізбесін, сақтандыру холдингтері сатып алатын облигациялар үшін талап етілетін ең төмен рейтингті және рейтингтік агенттіктердің тізбесін, сондай-ақ сақтандыру (қайта сақтандыру) ұйымдары сатып алатын қаржы құралдарының (акциялар мен жарғылық капиталына қатысу үлестерін қоспағанда) тізбесін белгілеу туралы" Қазақстан Республикасы Ұлттық Банкі Басқармасының 2016 жылғы 26 желтоқсандағы № 304 қаулысында белгіленген талаптарға сәйкес келуі;";

      қосымшаға сәйкес нысан бойынша Сақтандыру (қайта сақтандыру) ұйымын (сақтандыру холдингін) ерікті түрде қайта ұйымдастыруға рұқсат алуға арналған өтініш Өзгерістер енгізілетін Қазақстан Республикасының сақтандыру қызметін реттеу мәселелері бойынша нормативтік құқықтық актілерінің тізбесіне (бұдан әрі - Тізбе) 1-қосымшаға сәйкес редакцияда жазылсын, орыс тіліндегі мәтіні өзгермейді.

      2. "Банктiң, сақтандыру (қайта сақтандыру) ұйымының уақытша әкiмшiлiгiнiң (уақытша басқарушының) есептер мен өзге (қосымша) ақпаратты беру нысандарын, мерзімдерін және кезеңділігін бекіту туралы" 2014 жылғы 16 шілдедегі № 148 қаулысына (Нормативтік құқықтық актілерді мемлекеттік тіркеу тізілімінде № 9731 тіркелген, 2014 жылғы 9 қазанда "Әділет" ақпараттық-құқықтық жүйесінде жарияланған) мынадай өзгерістер енгізілсін:

      тақырыбы мынадай редакцияда жазылсын, орыс тіліндегі мәтіні өзгермейді:

      "Банктің, сақтандыру (қайта сақтандыру) ұйымының уақытша әкімшілігінің (уақытша әкімшінің) есептерді және өзге (қосымша) ақпаратты ұсыну нысандарын, мерзімдері мен кезеңділігін бекіту туралы";

      кіріспесі мынадай редакцияда жазылсын, орыс тіліндегі мәтіні өзгермейді:

      "Банктің, сақтандыру (қайта сақтандыру) ұйымының уақытша әкімшілігінің (уақытша әкімшінің) (бұдан әрі - уақытша әкімшілік) қызметін реттейтін нормативтік құқықтық актілерді жетілдіру мақсатында Қазақстан Республикасы Ұлттық Банкінің (бұдан әрі - Ұлттық Банк) Басқармасы ҚАУЛЫ ЕТЕДІ:";

      12-қосымшаға сәйкес нысан бойынша Қаржы ұйымының орналастырылған салымдары туралы есеп Тізбеге 2-қосымшаға сәйкес редакцияда жазылсын;

      13-қосымшаға сәйкес нысан бойынша Қаржы ұйымының бағалы қағаздары туралы есеп Тізбеге 3-қосымшаға сәйкес редакцияда жазылсын.

 Сақтандыру (қайта сақтандыру) ұйымының (сақтандыру холдингінің)
өз еркiмен қайта ұйымдастырылуына рұқсат алуға арналған
өтініш
________________________________________________________________________________
________________________________________________________________________________
(өтініш берушінің атауы)

      сақтандыру (қайта сақтандыру) ұйымы (сақтандыру холдингі) акционерлерінің жалпы
      жиналысының _____ жылғы "____" _______________№ __________ шешіміне сәйкес,
      ________________________________________________________________________________
________________________________________________________________________________(өткізілген орны)
      сақтандыру (қайта сақтандыру) ұйымын (сақтандыру холдингін)
      ________________________________________________________________________________
________________________________________________________________________________
      қайта ұйымдастыру нәтижесінде құрылған (заңды тұлғаға (тұлғаларға) (біріктіру, қосу, бөлу, бөлініп шығу, қайта құру) арқылы (керегінің асты сызылсын) сақтандыру (қайта сақтандыру) ұйымының (сақтандыру холдингінің) өз еркiмен қайта ұйымдастырылуына рұқсат беруді сұрайды.
      Сақтандыру (қайта сақтандыру) ұйымы (сақтандыру холдингі) өтінішке қоса берілген құжаттар мен ақпараттың дәйектілігіне, сондай-ақ өтінішті қарауға байланысты сұралатын қосымша ақпараттың және құжаттардың уәкілетті органға уақтылы берілуіне толығымен жауап береді.
      Қоса беріліп отырған құжаттар (жіберілетін құжаттардың атаулы тізбесін, әрқайсысы бойынша дана және парақ санын көрсету керек):
      Сақтандыру (қайта сақтандыру) ұйымы (сақтандыру холдингі) акционерлерінің атынан уәкілетті адам
      _________________________ ____________
      (қолы) мөр

Әкімшілік деректерді жинауға арналған нысан
Қаржы ұйымының орналастырылған салымдары туралы есеп
Есепті кезең: 20 ____ жылғы "__" ________.

      Нысан индексі: Ф12-ВА
      Ақпарат жинау кезеңділігі: уақытша әкімшілігін тағайындаған күннен бастап бірінші ай үшін
      Ақпарат ұсынатын тұлғалар тобы: банктердің, сақтандыру (қайта сақтандыру) ұйымдарының уақытша әкімшіліктері
      Нысан қайда ұсынылады: Қазақстан Республикасының Ұлттық Банкі
      Нысанды ұсыну мерзімі: уақытша әкімшіліктің филиалдары болмаған жағдайда - есептi айдан кейiнгi айдың алтыншы күннен кешіктірмей, филиалдары болған жағдайда - есептi айдан кейiнгi айдың сегізінші күннен кешіктірмейНысан

      (мың теңге)

      кестенің жалғасы

Әкімшілік деректерді жинауға арналған нысанды толтыру бойынша түсіндірме
Қаржы ұйымының орналастырған салымдары туралы есеп
1-тарау. Жалпы ережелер

      1. Осы түсіндірме "Қаржы ұйымының орналастырған салымдары туралы есеп" нысанын (бұдан әрі – Нысан) толтыру жөніндегі бірыңғай талаптарды айқындайды.

      2. Нысан Қазақстан Республикасы Президентінің 2003 жылғы 31 желтоқсандағы № 1271 Жарлығымен бекітілген Қазақстан Республикасының Ұлттық Банкі туралы ереженің 17-тармағы 57) тармақшасының отыз жетінші абзацына сәйкес әзірленген.

      3. Есепті уақытша әкімшілік ол тағайындалған күннен бастап бірінші айда ғана бере алады.

      4. Есептілікті жасау кезінде қолданылатын өлшем бірлігі теңгемен, шетел валютасының бірліктерімен белгіленеді. Бес жүз теңгеден аз сома нөлге дейін дөңгелектенеді, ал бес жүз теңгеге және одан жоғарыға тең сома мың теңгеге дейін дөңгелектенеді.

      5. Нысанға уақытша әкімшіліктің басшысы, бас бухгалтер және орындаушы қол қояды.

2-тарау. Есептің нысанын толтыру жөніндегі түсіндірме

      6. Күмәнді борыштар бойынша резервтерді шегере отырып, реттік нөмірі 9-шы баған бойынша және реттік нөмірі 12-ші баған бойынша жиынтық сома бухгалтерлік баланстың "Орналастырылған салымдар" бабына сәйкес келуі тиіс.

      7. Реттік нөмірі 4-ші бағанда "Қазақстан қор биржасы" акционерлік қоғамының (бұдан әрі – қор биржасы) ресми тізіміндегі "акциялар" секторларында екінші деңгейдегі банктің акцияларының санаты көрсетіледі.

      8. Реттік нөмірі 6-шы бағанда Нормативтік құқықтық актілерді мемлекеттік тіркеу тізілімінде № 14794 тіркелген Қазақстан Республикасы Ұлттық Банкі Басқармасының 2016 жылғы 26 желтоқсандағы № 304 қаулысымен бекітілген Сақтандыру (қайта сақтандыру) ұйымының және сақтандыру тобының пруденциялық нормативтерінің және сақталуға міндетті өзге де нормалар мен лимиттердің нормативтік мәндерін және оларды есептеу әдістемесінің 10-тармағына сәйкес Ұлттық Банк танитын агенттіктердің рейтингтік бағасы көрсетіледі.

      9. Реттік нөмірі 14-ші бағанда егер салым бойынша ауыртпалық бар болса, онда ауыртпалық бар сома мың теңгемен және ауыртпалық негіздемесі көрсетіледі және (немесе) егер екінші деңгейдегі банк сақтандыру (қайта сақтандыру) ұйымының үлестес тұлғасы болып табылса, "иә" сөзі жазылады.

Әкімшілік деректерді жинауға арналған нысан Қаржы ұйымының бағалы қағаздары туралы есеп Есепті кезең: 20 ___ жылғы "___" _________

      Нысан индексі: Ф13-ВА
      Ақпарат жинау кезеңділігі: уақытша әкімшілігін тағайындаған күннен бастап бірінші ай үшін
      Ақпарат ұсынатын тұлғалар тобы: банктердің, сақтандыру (қайта сақтандыру) ұйымдардың уақытша әкімшіліктері
      Нысан қайда ұсынылады: Қазақстан Республикасының Ұлттық Банкі
      Нысанды ұсыну мерзімі: уақытша әкімшіліктің филиалдары болмаған жағдайда - есептi айдан кейiнгi айдың алтыншы күннен кешіктірмей, филиалдары болған жағдайда - есептi айдан кейiнгi айдың сегізінші күннен кешіктірмей

      Нысан

      кестенің жалғасы

Әкімшілік деректерді жинауға арналған нысанды толтыру бойынша түсіндірме
Қаржы ұйымының бағалы қағаздары туралы есеп
1-тарау. Жалпы ережелер

      1. Осы түсіндірме "Қаржы ұйымының бағалы қағаздары туралы есеп" нысанын (бұдан әрі – Нысан) толтыру бойынша бірыңғай талаптарды айқындайды.

      2. Нысан Қазақстан Республикасы Президентінің 2003 жылғы 31 желтоқсандағы № 1271 Жарлығымен бекітілген Қазақстан Республикасының Ұлттық Банкі туралы ереженің 17-тармағы 57) тармақшасының отыз жетінші абзацына сәйкес әзірленді.

      3. Уақытша әкімшілік ол тағайындалған күннен бастап есепті бірінші ай үшін ғана береді.

      4. Есептілік жасау кезінде пайдаланылатын өлшем бірлігі мың теңгемен белгіленеді. Бес жүз теңгеден аз сома нөлге дейін дөңгелектенеді, ал бес жүз теңгеге тең және одан жоғары сома мың теңгеге дейін дөңгелектенеді.

      5. Нысанға уақытша әкімшілік басшысы, бас бухгалтер және орындаушы қол қояды.

2-тарау. Есеп нысанын толтыру бойынша түсіндірме

      6. Реттік нөмірі 9, 11 және 13-бағаналары бойынша жиынтық сомасы күмәнді борыштар бойынша резервтерді шегергенде "Өзгерістері пайда немесе шығын құрамында көрсетілетін әділ құны бойынша бағаланатын бағалы қағаздары", "Сатуға арналған қолда бар бағалы қағаздар" және "Өтеуге дейін ұсталып тұратын бағалы қағаздар" бухгалтерлік балансы баптарының сомасына сәйкес болу тиіс.

      7. Реттік нөмірі 4-бағанда бағалы қағаздардың түрі көрсетіледі.

      Мысалы:

      мемлекеттік бағалы қағаздар бойынша: МЕККАМ, МЕОКАМ, МЕУКАМ, МОИКАМ, МУИКАМ, МЕУЖКАМ, еуроноттар, Қазақстан Республикасы Ұлттық Банкінің ноттары;

      мемлекеттік емес бағалы қағаздар бойынша: акциялар, облигациялар, ипотекалық облигациялар, депозитарлық қолхаттар.

      8. Реттік нөмірі 8-бағанада бағалы қағаз номиналы валютасының коды (мысалы: KZT, USD).

      9. Реттік нөмірі 10, 12 және 14-бағаналарда есепті кезең аяғында бағалы қағаздар бойынша есептелген сыйақының жалпы сомасы көрсетіледі.

      10. Реттік нөмірі 16-бағанада тікелей сатып алуға байланысты шығындар қосылатын, сатып алушы сатушыға төлеген пайыз (осындай ақы болған кезде) шамасына азайған бағалы қағаздың жиынтық сатып алу құны, оның ішінде агенттерге, консультанттарға, брокер-дилерлерге төленген сыйақылар мен комиссиялық төлемдер, қор биржаларының алымдары, сондай-ақ қаражат аудару бойынша банктік қызметтер көрсетіледі.

      11. Реттік нөмірі 17-бағанада баланстық құны және бағалы қағаздың жиынтық сатып алу құнының арасындағы айырмашылығы көрсетіледі.

      12. Реттік нөмірі 18-бағанада эмитенттің жарғылық капиталында сақтандыру (қайта сақтандыру) ұйымының қатысу үлесі көрсетіледі: эмитенттің орналастырылған акциялардың жалпы санына акциялардың санына арақатынасы.

      13. Реттік нөмірі 19-бағанада акциялар эмитенті сәйкес келетін "Сақтандыру қызметі туралы" 200 жылғы 18 желтоқсандағы Қазақстан Республикасы Заңының 48-бабының 1-тармағына сәйкес ақпарат көрсетіледі.

      14. Реттік нөмірі 22-бағанда қор биржасының ресми тізіміне енгізілген бағалы қағаздың санаты көрсетіледі.

      15. Реттік нөмірі 23-бағанада Нормативтік құқықтық актілерді мемлекеттік тіркеу тізілімінде №14794 тіркелген, Қазақстан Республикасы Ұлттық Банкі Басқармасының 2016 жылғы 26 желтоқсандағы № 304 қаулысымен бекітілген Сақтандыру (қайта сақтандыру) ұйымының және сақтандыру тобының пруденциялық нормативтерінің және сақталуға міндетті өзге де нормалар мен лимиттердің нормативтік мәндерін және оларды есептеу әдістемесінің 10-тармағына сәйкес Ұлттық Банкі танылатын агенттіктердің рейтингілік бағасы көрсетіледі.

      16. Реттік нөмірі 25-бағанада егер бағалы қағаздар бойынша ауыртпалығы бар болса (бағалы қағаз кепіл шарты бойынша қамтамасыз ету болып табылады, "РЕПО" мәміленің объектісі болып табылады), онда ауыртпалық сомасы мың теңгеде және ауыртпалық негіздемесі көрсетіледі және (немесе) егер бағалы қағаздың эмитенті сақтандыру (қайта сақтандыру) ұйымының үлестес тұлғасы, заңды тұлға болып табылса "иә" деген сөзі жазылады.

      Ескерту. Күші жойылды – ҚР Ұлттық Банкі Басқармасының 22.12.2017 № 245 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.