Тұрғын үй құрылысы мақсаттары үшін жеке кәсіпкерлік субъектілеріне екінші деңгейдегі банктер беретін кредиттер бойынша сыйақы мөлшерлемерін субсидиялау қағидаларын бекіту туралы

      2015 жылғы 29 қазандағы Қазақстан Республикасы Кәсіпкерлік Кодексінің 94-бабы 1-тармағының 5-1) тармақшасына сәйкес БҰЙЫРАМЫН:

      1. Қоса беріліп отырған Тұрғын үй құрылысы мақсаттары үшін жеке кәсіпкерлік субъектілеріне екінші деңгейдегі банктер беретін кредиттер бойынша сыйақы мөлшерлемелерін субсидиялау қағидалары бекітілсін.

      2. Қазақстан Республикасы Ұлттық экономика министрлігінің Құрылыс және тұрғын үй-коммуналдық шаруашылық істері комитеті заңнамада белгіленген тәртіппен:

      1) осы бұйрықты Қазақстан Республикасының Әділет министрлігінде мемлекеттік тіркеуді; 

      2) осы бұйрық Қазақстан Республикасының Әділет министрлігінде мемлекеттік тіркелген күннен бастап күнтізбелік он күн ішінде оның көшірмесін баспа және электронды түрде мерзімді баспа басылымдарында ресми жариялауға, сондай-ақ Қазақстан Республикасы нормативтiк құқықтық актiлерiнiң эталондық бақылау банкiне енгізу үшін Республикалық құқықтық ақпарат орталығына жіберуді;

      3) осы бұйрықты Қазақстан Республикасының Ұлттық экономика министрлігінің интернет-ресурсында орналастыруды;

      4) осы бұйрық Қазақстан Республикасының Әділет министрлігінде мемлекеттік тіркелгеннен кейін он жұмыс күні ішінде Қазақстан Республикасы Ұлттық экономика министрлігінің Заң департаментіне осы тармақтың 1), 2) және 3) тармақшаларында көзделген іс-шаралардың орындалуы туралы мәліметтерді ұсынуды қамтамасыз етсін. 

      3. Осы бұйрықтың орындалуын бақылау жетекшілік ететін Қазақстан Республикасының Ұлттық экономика вице-министріне жүктелсін.

      4. Осы бұйрық алғашқы ресми жарияланған күнінен кейін күнтізбелік он күн өткен соң қолданысқа енгiзiледi.

      "КЕЛІСІЛДІ"

      Қазақстан Республикасының

      Қаржы министрі

      __________ Б. Сұлтанов

      2017 жылғы 3 ақпан

Тұрғын үй құрылысы мақсаттары үшін жеке кәсіпкерлік субъектілеріне екінші деңгейдегі банктер беретін кредиттер бойынша сыйақы мөлшерлемесін субсидиялау қағидалары

1-тарау. Жалпы ережелер

      1. Осы Тұрғын үй құрылысы мақсаттары үшін жеке кәсіпкерлік субъектілеріне екінші деңгейдегі банктер беретін кредиттер бойынша сыйақы мөлшерлемесін субсидиялау қағидалары (бұдан әрі – Қағидалар) 2008 жылғы 4 желтоқсандағы Қазақстан Республикасының Бюджет кодексіне, 2015 жылғы 29 қазандағы Қазақстан Республикасы Кәсіпкерлік кодексінің 92, 94 және 95-баптарына сәйкес әзірленді және тұрғын үй құрылысы мақсаттары үшін жеке кәсіпкерлік субъектілеріне екінші деңгейдегі банктер беретін кредиттер бойынша сыйақы мөлшерлемесін субсидиялау тәртібін айқындайды. 

      2. Тұрғын үй құрылысы мақсаттары үшін жеке кәсіпкерлік субъектілеріне екінші деңгейдегі банктер беретін кредиттер бойынша сыйақы мөлшерлемесін субсидиялау Қазақстан Республикасы Үкіметінің 2016 жылғы 31 желтоқсандағы № 922 қаулысымен бекітілген "Нұрлы жер" тұрғын үй құрылысы бағдарламасының (бұдан әрі – Бағдарлама) мынадай бағыттарын іске асыру шеңберіңде жүзеге асырылады:

      1) жеке құрылыс салушыларды тұрғын үй салуға ынталандыру;

      2) жеке тұрғын үй құрылысын дамыту.

      3. Осы Қағидаларда мынадай анықтамалар пайдаланылады:

      1) екінші деңгейдегі банктер – банк қызметін жүзеге асыру құқығына тиісті лицензиясы бар және Бағдарламаға қатысатын Қазақстан Республикасының банктері (бұдан әрі – ЕДБ);

      2) төлемдер кестесі – негізгі борышты, сыйақы сомасын, оның ішінде банктік қарыз шартының ажырамас бөлігі болып табылатын субсидияланатын сыйақы сомасын өтеу бойынша төлемдер кестесі;

      3) субсидиялау шарты – "Бәйтерек" ұлттық басқарушы холдингі" акционерлік қоғамы (бүдан әрі – "Бәйтерек" ҰБХ" АҚ) бекіткен нысан бойынша қаржы агенті, ЕДБ және қарыз алушы арасында жасалатын үшжақты жазбаша келісім, оның шарттары бойынша қаржы агенті қарыз алушының кредиті бойынша сыйақы мөлшерлемесінің бөлігін өтеу үшін субсидияны кезең-кезеңмен төлеуді жүзеге асырады;

      4) банктік қарыз шарты – ЕДБ мен қарыз алушының арасында жасалатын жазбаша келісім, оның шарттары бойынша қарыз алушыға кредит беріледі;

      5) қарыз алушы – субсидияланатын кредит қаражаты есебінен жобаны іске асыратын жеке кәсіпкерлік субъектісі (жеке құрылыс салушы);

      7) кредит – мерзімділік, ақылылық, қайтарымдылық, қамтамасыз етілу және мақсатты пайдаланылуы шарттарында жобаны іске асыру үшін қарыз алушыға банктік қарыз шартының негізінде ЕДБ беретін ақшалай қаражаттың сомасы;

      9) өңірлік үйлестіруші – облыс (астана, республикалық маңызы бар қала) әкімі айқындайтын облыстық (астана, республикалық маңызы бар қала деңгейінде) деңгейдегі жергілікті атқарушы органдардың құрылымдық бөлімшесі;

      10) өңірлік үйлестіру кеңесі (бұдан әрі – ӨҮК) – облыстардың, Астана және Алматы қалаларының әкімдері құратын және басқаратын консультативтік-кеңесші орган, оның құрамына әкімдіктердің құрылыс саласына жетекшілік ететін құрылымдық бөлімшелері және жалпы санының кемінде 50% бизнес-қоғамдастық өкілдері, оның ішінде ҚТҚЖБ кіреді;

      11) субсидиялар – қарыз алушыға ЕДБ беретін кредиттер бойынша сыйақы мөлшерлемесінің бір бөлігін өтеу үшін өтеусіз және қайтарусыз негізде қаржы агенті арқылы жіберілетін республикалық бюджеттен бөлінген қаражат;

      12) субсидиялау – Бағдарламаның шарттарында жобаны іске асыру үшін кредит бойынша сыйақы ретінде ЕДБ қарыз алушыға төлейтін шығыстарды ішінара өтеу үшін пайдаланылатын, қарыз алушыны мемлекеттік қаржылық қолдау нысаны;

      13) жоба – объектінің жалпы алаңының 40 %-нан аспайтын, коммерциялық алаңдардың (бар болған жағдайда) үлесі бар тұрғын үй құрылысының объектісі, пайдалануға берілмеген, Бағдарламада және осы Қағидаларда айқындалған шарттарда субсидияланатын кредит есебінен қарыз алушыға өткізілетін жеке тұрғын үй;

      14) уәкілетті орган – сәулет, қала құрылысы және құрылыс істері жөніндегі орталық мемлекеттік орган;

      15) қаржы агенті – "Даму" кәсіпкерлікті дамыту қоры" акционерлік қоғамы;

      16) экономикалық қызмет түрлерiнiң жалпы жiктеуiшi (бұдан әрі - ЭҚЖЖ) – қолданыстағы тұрғын құрылыстарды реконструкциялауды немесе қалпына келтіруді қоспағанда, Қазақстан Республикасы Статистика Агенттігінің 2008 жылғы 20 мамырдағы № 67 бұйрығымен бекітілген "41.20.1 Тұрғын ғимараттар құрылысы" коды бойынша экономикалық қызмет түрлерінің жалпы жіктеуішіне сәйкес тұрғын үй құрылысы саласындағы экономика секторы;

      17) орган – жобалау-сметалық құжаттаманың сараптамасын жүргізетін орган.

2-тарау. Субсидиялау шарттары

      4. Тиісті Бағдарламаның және осы Қағидалардың шарттарына сай ЕДБ-ден алынған кредиттер есебінен жобаларды іске асыруды жүзеге асыратын қарыз алушылар субсидия алушылар болып табылады.

      5. Құрылтайшылары тікелей немесе жанама түрде ұлттық басқарушы холдингтер, ұлттық компаниялар болып табылатын, мемлекеттік-жекешелік әріптестік туралы шарт шеңберінде құрылған жеке кәсіпкерлік субъектілері (әлеуметтік-кәсіпкерлік корпорацияларды қоспағанда), жеке кәсіпкер, коммерциялық емес ұйымдар, оның ішінде тұрғын үй-құрылыс кооперативтері ретінде тіркелген жеке тұлғалар үшін берілген кредиттер субсидиялауға жатпайды.

      6. Субсидиялау осы Қағидаларға сәйкес ЭҚЖЖ-ге сай өз қызметін жүзеге асыратын қарыз алушылардың кредиттері бойынша беріледі.

      7. ЕДБ субсидиялау туралы шешім қабылданған сәтте қолданыста болған Қазақстан Республикасы Ұлттық Банкінің базалық мөлшерлемесінің деңгейінен 5 %-дан артық емес сыйақының мөлшерлемесі бойынша қарыздар береді.

      8. Қарыз алушының кредиттері бойынша сыйақы мөлшерлемесінің жылдық 7 % субсидиясын ЕДБ-ге мемлекет қаржы агенті арқылы республикалық бюджеттің қаражаты есебінен өтейді.

      9. Қаржы агентінің қызметтері республикалық бюджеттің қаражаты есебінен төленеді.

      10. Кредит бойынша сыйақы мөлшерлемесінің субсидияланбайтын бөлігін қарыз алушы төлейді.

      11. Қарыз алушының қатысуы үшін міндетті шарттар:

      нысаналы мақсаты – тұрғын үй құрылысын қаржыландыруға айналымдағы қаражатты толықтыру және/немесе инвестициялау, тұрғын үй құрылысын қаржыландыру үшін айналым қаражатын толықтыру және/немесе инвестициялау үшін бұрын берілген кредитті қайта қаржыландыру;

      кредит валютасы – теңге;

      субсидиялаудың ең ұзақ мерзімі 36 айға дейін қоса алғанда.

      Егер бір жоба бойынша бірнеше субсидиялау шарты жасалатын болса, онда субсидиялаудың жалпы мерзімі қаржы агенті алғашқы субсидиялау шартына қол қойған күннен бастап белгіленеді.

      Жаңа кредиттерге ӨҮК-ге жобаны енгізгенге дейінгі 18 айдың ішінде бұрын ЕДБ берген қайта қаржыландырылатын кредиттер жатады.

      Осы Қағидалар шеңберінде қаржыландырылатын жобаларға тікелей байланысты емес шығыстарға жол берілмейді.

      14. Осы Қағидалардың 5-тармағының шарттарын ескере отырып, Бағдарламаның "Жеке тұрғын үй құрылысын дамыту" деген міндеті шеңберінде пилоттық жобаларды іске асыруға кредиттерді субсидиялауға рұқсат етіледі.

      15. Мыналарды:

      қарыз алушы бастама жасаған банктік қарыз шартының, субсидиялау шартының, кредиттеу талаптарының өзгеруіне байланысты жағдайларды;

      қарыз алушының қарыз, субсидиялау шарты бойынша міндеттемелерін бұзуына байланысты алынатын комиссиялар, алымдар және (немесе) өзге де төлемдерді;

      кепіл затына (қамтамасыз ету) тәуелсіз бағалау жүргізуге, кепіл затын (қамтамасыз ету) сақтандыруға, кепілдік шартын тіркеуге және ауыртпалықты алуға байланысты жағдайларды қоспағанда, ЕДБ қарыз алуға немесе оған қызмет көрсетуге, субсидиялау шартын жасасуға байланысты қандай да бір комиссияларды, алымдарды және (немесе) өзге төлемдерді алмайды.

      16. Субсидиялауға бұрын қарыз алушы алған, мемлекеттік қолдау шаралары шеңберінде сыйақы мөлшерлемесі арзандатылған тұрғын үй құрылысына арналған кредиттер жатпайды.

3-тарау. Субсидия беру тәртібі

1-параграф. Қарыз алушыға субсидия беруді қарау тәртібі

      17. Қарыз алушы ЕДБ-ге Бағдарламаға сәйкес келетін шарттармен кредит алуға өтінішпен (ЕДБ ішкі құжаттарымен бекітілген нысан бойынша) жүгінеді.

      18. ЕДБ ішкі құжаттарымен белгіленген рәсімге сәйкес жобаның қаржы-экономикалық тиімділігіне бағалау сараптама жүргізеді және кредит беру туралы оң шешім қабылданған жағдайда қарыз алушыға 3 (үш) жұмыс күні ішінде жобаға кредит беру дайындығы және субсидия алу үшін қарыз алушы ӨҮК-ның мақұлдауын ұсыну қажеттігі туралы жазбаша жауап жібереді.

      19. ЕДБ-ның оң шешімін алған қарыз алушы өңірлік үйлестірушіге осы Қағидаларға 1-қосымшаға сәйкес нысан бойынша субсидия алуға арналған өтініш-сауалнамамен (бұдан әрі – өтініш – сауалнама) жүгінеді, оған мынадай құжаттар қоса беріледі:

      1) заңды тұлғаны мемлекеттік тіркеу (қайта тіркеу) туралы анықтама (мөрмен және қол қоюмен расталған көшірме);

      2) іске асырылатын жобаның (жобаның құрылысына рұқсат беру құжаттамасы, бизнес-жоспар қоса берілген еркін нысанда қалыптастырылады) сипаттамасы;

      3) тиісті өңірдің органынан жобаға кешенді ведомстводан тыс сараптаманың қорытындысы;

      4) объекті бойынша ақпарат (таныстыру, жарнамалық материалдар, пәтерлердің жобалары, пәтерлердің саны мен алаңдары), оның ішінде электрондық тәртіпте;

      5) Бағдарламаға қатысуға мүмкіндік беретін шарттарда жобаны іске асыру үшін кредит беру мүмкіндігі туралы оң шешімі бар ЕДБ хаты;

      6) ҚТҚЖБ-мен жобаның қаралғандығын растайтын құжат.

      21. Өңірлік үйлестіруші құжаттарды алғаннан кейін 5 (бес) жұмыс күні ішінде:

      1) қарыз алушы жобасын Бағдарламаның шарттарына және осы Қағидалардың 2-тарауында көзделген талаптарға сәйкестігі тұрғысынан тексереді;

      2) ӨҮК үшін жоба бойынша ұсынымдар әзірлейді;

      3) құжаттардың толық топтамасын қоса бере отырып, осы Қағидаларға 2-қосымшаға сәйкес нысан бойынша қарыз алушы жобаларының тізімін ӨҮК-тің қарауына енгізеді;

      4) ӨҮК отырысының күн тәртібі мәселесін қалыптастырады, оны өткізу күнін, уақытын және өткізілетін орнын белгілейді, ол туралы ӨҮК-тің барлық мүшелеріне хабарлама береді.

      22. Ұсынылған құжаттар топтамасына ескертулер болған кезде өңірлік үйлестіруші үш күн мерзімде қарыз алушыға пысықтау үшін кемшіліктерді көрсете отырып қайтарады.

      23. ӨҮК отырысы жобалардың қалыптасуына қарай өткізіледі, бірақ айына 2 (екі) реттен жиі емес. ӨҮК мүшелерінің саны он екі адамнан артық болмайды.

      ӨҮК қарыз алушының өтінішін кезектілік тәртібімен қарайды.

      ӨҮК-нің құрамына мүшелердің тақ саны кіреді. ӨҮК отырысы ӨҮК мүшелері санының кемінде үштен екісі қатысқан (кворум болған) жағдайда жүргізіледі. Шешімді отырысқа қатысушылардың жалпы санының кемінде үштен екісі қабылдайды.

      24. Өткізілетін отырыс шеңберінде ӨҮК мынадай:

      1) қарыз алушының және ол іске асыратын жобаның Бағдарламаның және осы Қағидалардың өлшемшарттарына сәйкестігін тексеру;

      2) қарыз алушының жобасын және қоса берілген құжаттарды, оның ішінде қарыз алшының өтініш-сауалнамасында көрсетілген ақпаратты қарау және ӨҮК мүшелерінің арасында талқылау;

      3) қарыз алушының жобасын қарау бойынша іс-шараларды жүзеге асырады, қажет болған жағдайда, жобаны барынша толық талдау және шешім қабылдау үшін қарыз алушыдан қосымша мәліметтер мен құжаттарды сұратады. Мұндай жағдайда қарыз алушының құжаттары өңірлік үйлестірушіге қайтарылады және ӨҮК-тің кезекті отырысында қайта қарауға жатады;

      4) талқылаудың нәтижелері бойынша қарыз алушының кредиті бойынша субсидиялау мүмкіндігі (мүмкін еместігі) туралы шешім қабылдайды, ол осы Қағидаларға 3-қосымшаға сәйкес нысан бойынша ӨҮК отырысын өткізген күннен бастап 3 (үш) жұмыс күні ішінде хаттамамен ресімделеді, бұл ретте кредитті субсидиялаудың мүмкін еместігі туралы шешім қабылданған жағдайда хаттамада міндетті түрде бас тарту себебі көрсетіледі.

      25. Хаттамаға ӨҮК-тің барлық мүшелері қол қойған сәтке дейін ӨҮК хатшысының және төрағасының қолымен ӨҮК хаттамасынан үзінді-көшірмелер беруге рұқсат етіледі.

      26. Өңірлік үйлестіруші ӨҮК мүшелері хаттамаға (хаттамадан үзінді-көшірмелерге) қол қойғаннан кейін 1 (бір) жұмыс күні ішінде хаттаманың көшірмесін (хаттамадан үзінді-көшірмелерді) мәлімет үшін қарыз алушыға, ЕДБ-ге және қаржы агентіне жібереді.

      27. ӨҮК шешімінің қолданылу мерзімі шешім қабылданған күннен бастап 6 (алты) айдан аспауға тиіс.

      28. ӨҮК-тің шешімі міндетті түрде:

      1) жоба құрылысының түпкілікті мерзімін;

      2) салынған жобаның жоспарланған алаңын қамтиды.

      29. ӨҮК хаттамасының негізінде ЕДБ, қарыз алушы мен қаржы агентінің арасында субсидиялау шарты жасалады.

      31. Субсидиялау шартына:

      1) өңірлік үйлестірушіден хаттама (хаттамадан үзінді-көшірмелер) алған сәттен бастап 10 (он) жұмыс күні ішінде ЕБД мен қарыз алушы;

      2) ЕДБ-ден субсидиялау шартын алғаннан кейін 5 (бес) жұмыс күні ішінде қаржы агенті қол қояды.

      Субсидиялау шартына қосымша келісімдер, сондай-ақ қаржы агенті пысықтауға жіберген субсидиялау шарттары осы тармақта көзделген мерзімдерде жасалады.

      32. Субсидиялау шарты оған қарыз алушы, ЕДБ және қаржы агенті қол қойған күннен бастап күшіне енеді.

      Бұл ретте субсидиялау шартында қаржы агенті субсидиялау шартына қол қойған күнге дейін кемінде 30 (отыз) күнтізбелік күн бұрын, бірақ ӨҮК шешімі шыққан күнге дейін субсидиялау басталған мерзім көрсетіледі.

      33. Қағидалардың 31-тармағының 1) тармақшасында белгіленген мерзімдерде субсидиялау шарты уақтылы жасалмаған жағдайда, ЕДБ 2 (екі) жұмыс күні ішінде қаржы агентіне және өңірлік үйлестірушіге ресми хатпен кешіктіру себептерін түсіндіре отырып хабарлама жібереді.

      34. Қаржы агенті:

      1) субсидиялау шарты бекітілген үлгілік нысанға;

      2) ӨҮК хаттамасы мен банктік қарыз шарты мазмұнының Бағдарламаның шарттары мен осы Қағидалардың талаптарына сәйкес келмеген жағдайда субсидиялау шартына қол қоюдан бас тартады.

      Қаржы агенті аталған сәйкессіздіктердің бар екені туралы ескертулерді жою үшін осы Қағидалардың 31-тармағының 2) тармақшасында көзделген мерзімнен кешіктірмей өңірлік үйлестірушіге және ЕДБ-ге жазбаша нысанда хабарлама жібереді.

      Өңірлік үйлестіруші, ЕДБ қаржы агентінің ескертулерімен келіспеген жағдайда, өңірлік үйлестіруші түпкілікті шешім қабылдау үшін ӨҮК-ге осы мәселені қайта шығарады.

      35. Кредит бойынша сыйақыны төлеу күнін ЕДБ қарыз алушымен келісім бойынша айқындайды. Егер кредит бойынша сыйақы аудару қарыз алушы, ЕДБ субсидиялау шартына қол қойған күннен кейінгі күннен басталатын болса, субсидиялау кезеңіне қарыз алушымен, ЕДБ-мен субсидиялау шартына қол қойылған күн қосылмайды.

      36. Қаржы агенті субсидиялау шартына қол қойылғаннан кейін төлемдер кестесі бойынша субсидияны төлейді. Бұл ретте, субсидия уәкілетті органнан қаражат түскен кезде төленеді.

2-параграф. Субсидияны аудару тәртібі

      37. Қарыз алушыларға ЕБД беретін кредиттер бойынша сыйақы мөлшерлемесін субсидиялауды қаржыландыру республикалық бюджет қаражаты есебінен жүзеге асырылады.

      38. Қаржы агентіне қаражатты аударуды уәкілетті орган қаржыландырудың жеке жоспарына және Қазақстан Республикасының Ұлттық Банкінде ашылған қаржы агентінің арнайы шотындағы шартқа сәйкес жүзеге асырады. Бұл ретте бірінші төлем тиісті қаржы жылына көзделген қаражат сомасынан 50 % мөлшерінде қаржы агентіне аударылады. Кейінгі төлемдер қажеттілігі бойынша қаржы агентінің өтінімдері бойынша жүзеге асырылады.

      39. Судсидиялау үшін Қазақстан Республикасы Ұлттық Банкінің арнайы шотынан түскен қаражат бір траншпен ЕДБ-ның бірінде ашылған қаржы агентінің операторлық арнайы шотына аударылады.

      40. Қаржы агенті субсидияны ЕДБ-де ашылған қаржы агентінің операторлық ағымдағы шотынан тиісті ағымдағы шоттарына аударады. Бұл ретте ЕДБ-ге осы ағымдағы шотты жүргізу (субсидия сомасын есептен шығару, аудару, қайтару, өтеу) үшін комиссия алуға рұқсат етілмейді.

      41. Қаржы агенті қарыз алушылардың төлемдер кестесін ескере отырып, ай сайын аванстық төлемдермен ЕДБ ағымдағы шотына субсидияны аударады, қарыз алушы, өңір атауын, субсидия сомасын және төлем жүзеге асырылған кезеңді көрсетіп, электрондық пошта арқылы қаражаттың аударылғаны туралы өкімнің (бұдан әрі – өкім) көшірмесін жібере отырып, ЕДБ хабардар етеді.

      42. Қаржы агенті ағымдағы шоттан операторлық шотқа субсидиялау тоқтаған және тоқтата тұрған кредиттер бойынша, сондай-ақ субсидияларды қолданыстағы және судсидиялау үшін жаңа мақұлданған жобаларға жіберу үшін олар бойынша кредит толық және мерзімінен бұрын ішінара жүгізілген субсидия қаражатын қайтаруды қамтамасыз етеді.

      43. Қаржы агентінің операторлық ағымдағы шотындағы субсидия қаражатының ағымдағы қаржы жылында пайдаланылмаған қалдығы есепті қаржы жылы үшін қарыз алушыдан қабылданған өтініш бойынша, сондай-ақ қарыз алушының қарауда жатқан өтініштері бойынша келесі қаржы жылында пайдаланылуы мүмкін.

      44. Қаржы агентінің операторлық ағымдағы шотына орналастырылған қаражат бойынша ЕДБ сыйақы аударған жағдайда алынған сыйақыны қаржы агентінің кәсіпкерлікті қаржылық қолдау бойынша өз бағдарламасын іске асыру үшін пайдалануына рұқсат етіледі.

3-параграф. ЕДБ-нің қаржы агентінің ағымдағы шотынан субсидияны есептен шығару шарттары

      45. ЕДБ қаржы агентінен алынған өкімге сәйкес қарыз алушы негізгі борыштың сомасын және сыйақы мөлшерлемесінің субсидияланбайтын бір бөлігін толық өтеген жағдайда қаржы агентінің ағымдағы шотынан әрбір қарыз алушы бойынша субсидияны есептен шығарады.

      46. Қарыз алушының негізгі борышы ішінара не толық мерзімінен бұрын өтелген жағдайда, ЕДБ қаржы агентін 7 (жеті) жұмыс күні ішінде төлемдерді өтеу кестесін өзгертіп, кейін субсидиялау шартына қосымша келісімді және банктік қарыз шартына жасалған қосымша келісімнің көшірмесін қоса бере отырып хабардар етеді.

      47. ЕДБ қарыз алушы негізгі борыштың сомасын және сыйақы мөлшерлемесінің субсидияланбайтын бір бөлігі бойынша берешекті толық өтегенге дейін қаржы агентінің ағымдағы шотынан:

      1) қарыз алушы 30 (отыз) күнтізбелік күн ішінде төлемдер кестесіне сәйкес міндеттемелерді орындамаған;

      2) қарыз алушы 3 (үш) ай қатарынан төлемдер кестесіне сәйкес міндеттемелерді орындамаған;

      3) қарыз алушының міндеттемелерін қайта құрылымдау бойынша рәсімдер жүргізілген жағдайларда субсидияны есептен шығармайды.

      ЕДБ қаржы агентімен ақпарат алмасудың электрондық арнасы болмаған жағдайда 2 (екі) жұмыс күні ішінде қаржы агентіне көрсетілген жағдайлар бойынша жазбаша нысанда хабарлама жібереді.

      48. Осы Қағидалардың 46-тармағының 1) және 3) тармақшаларында көзделген жағдайларда қаржы агенті ЕДБ-тен тиісті хабарлама алғанға дейін кейінгі субсидияны уақытша аудармайды.

      49. ЕДБ қаржы агентіне осы Қағидалардың 46 және 47-тармақтарында көзделген мерзімдерде уақтылы хабарламаған жағдайда, 30 (отыз) күнтізбелік күн өткен соң 100 (жүз) айлық есептік көрсеткіш мөлшерінде айыппұл санкцияларын төлейді.

4-параграф. Банктік қарыз шартына өзгерістер енгізген кезде қарыз алушыны субсидиялау тәртібі

      50. Егер қарыз алушының қолданыстағы банктік қарыз шартының шарттары (сыйақы мөлшерлемесі, жеңілдік кезең, төлемдер төлеу бойынша жеңілдік кезең, мерзімін ұзарту, өтеу күні, қарыз алушының атауын өзгерту, борышты аудару, міндеттемелерді қайта құрылымдау) өзгерген жағдайда, ЕДБ өңірлік үйлестірушіге тиісті құжаттарды қоса бере отырып, тиісті хабарлама жібереді, ол 5 (бес) жұмыс күні ішінде мәселені ӨҮК-нің күн тәртібіне шығарады. Қараудың қорытындысы бойынша қарыз алушының қолданыстағы банктік қарыз шартына өзгерістер енгізу мүмкіндігі (мүмкін еместігі) туралы шешім қабылданады және шешімнің көшірмесі ЕДБ-ге, қаржы агентіне жіберіледі.

      51. Қарыз алушының қолданыстағы банктік қарыз шарты шарттарының өзге де өзгерістері бойынша ЕДБ өңірлік үйлестірушіге хабарлама жібереді, ол 7 (жеті) жұмыс күні ішінде қарыз алушының қолданыстағы банктік қарыз шартына енгізілетін өзгерістерді келіседі немесе келісуден бас тартады және ЕДБ-ге, қаржы агентіне жазбаша нысанда хабарлама жібереді.

      52. Қарыз алушының банктік қарыз шартының (оған қосымша келісімнің) шарттарына сәйкес қаржы агенті ол бойынша ЕДБ сыйақы мөлшерлемесінің субсидияланбайтын бір бөлігін төлеуге және (немесе) негізгі борышты өтеуге жеңілдік кезең берілген (мерзімі ұзартылған) субсидияны аударуды жүзеге асырады. Бұл ретте жеңілдік кезеңнің мерзімі (ұзартылған мерзім) ӨҮК шешімінде көрсетіледі.

5-параграф. Субсидиялауды тоқтата тұру, тоқтату және қайта бастау тәртібі

      53. Мынадай:

      1) субсидиялау жүзеге асырылатын кредит мақсатсыз пайдаланылған;

      2) жоба және (немесе) қарыз алушы Бағдарламаның шарттарына және (немесе) ӨҮК шешіміне сәйкес келмеген;

      3) қарыз алушы төлемдер кестесіне сәйкес ӨҮК алдындағы төлемдерді төлеу жөніндегі міндеттемелерді қатарынан 3 (үш) ай ішінде орындамаған;

      4) қарыз алушының шоттарына тыйым салынған жағдайларда қаржы агенті қарыз алушыны субсидиялауды тоқтата тұрады.

      54. Осы Қағидалардың 53-тармағының 1) тармақшасында көзделген жағдайды анықтау мақсатында ЕДБ жоба іске асырылатын жерге барып, ЕДБ ішкі құжаттарында белгіленген тәртіппен есеп жасай отырып, қарыз алушының кредитті мақсатты пайдалануына мониторинг жүргізеді.

      Құрылыс-монтаждау жұмыстарын жүргізудің қарыз алушы бекіткен жоспарынан 3 (үш) айдан астам артта қалған жағдайда, ЕДБ субсидиялауды тоқтату үшін 3 (үш) жұмыс күні ішінде қаржы агентіне хабарлама жібереді.

      55. Қаржы агенті субсидия төлеуді тоқтата тұру туралы шешім қабылданған сәттен бастап 5 (бес) жұмыс күні ішінде ЕДБ-ні, қарыз алушыны және өңірлік үйлестірушіні субсидиялаудың тоқтатыла тұру себептерін көрсете отырып, жазбаша хабардар етеді.

      56. Өңірлік үйлестіруші қаржы агентінен қарыз алушыны субсидиялауды тоқтата тұру туралы хатты алғаннан кейін 5 (бес) жұмыс күні ішінде күн тәртібін әзірлейді және қалыптастырады, ӨҮК отырысы өткізілетін күнді, уақытты және орынды айқындайды, бұл туралы барлық мүшелерді хабардар етеді.

      57. ӨҮК өткізілетін отырыс шеңберінде қарыз алушының кредиті бойынша субсидиялауды тоқтату не қайта бастау туралы мәселені қарайды және шешім қабылдайды.

      ӨҮК хаттамасында қаржы агентінің субсидиялауды тоқтата тұрған (қайта бастаған) күні және субсидиялауды тоқтатудың (қайта бастаудың) негіздемесі көрсетіледі.

      58. Қарыз алушы субсидиялауды тоқтата тұруға негіз болған себептерді ӨҮК отырысына дейін жойған жағдайда, ӨҮК субсидиялауды қайта бастау туралы оң шешім қабылдайды.

      59. ӨҮК қабылданған шешім туралы хаттамасы (хаттамадан үзінді-көшірме) ӨҮК отырысы өткізілген күннен бастап 2 (екі) жұмыс күні ішінде ресімделеді. Өңірлік үйлестіруші ӨҮК хаттамасы (хаттамадан үзінді-көшірме) ресімделгеннен кейін 1 (бір) жұмыс күні ішінде хаттаманың (хаттамадан үзінді-көшірменің) көшірмесін, қаржы агентіне, ЕДБ-ге және қарыз алушыға жібереді.

      60. Қарыз алушының кредиті бойынша субсидиялауды қайта бастауға осы Қағидалардың 53-тармағының 2), 3) және 4) тармақшаларында көзделген жағдайлар бойынша субсидиялауды тоқтату себептері жойылған кезде жол беріледі.

      Қарыз алушының кредиттік қаражатты мақсатсыз пайдалану фактілері анықталған жағдайда, ЕДБ сот тәртібінде осы Қағидалар шеңберінде жасалған субсидиялау шарты бойынша Қарыз алушы төлеген субсидияны қайтару бойынша шаралар қабылдайды.

      Субсидияның өндірілген сомасы қаржы агентінің операторлық шотына қайтарылуға жатады.

      61. Қаржы агенті субсидиялауды қайта бастау туралы ӨҮК қабылдаған шешім бойынша тоқтатылған кезеңде төленбеген субсидияларды төлеуді жүргізеді.

      Осы Қағидалардың 53-тармағының 3) тармақшасында көрсетілген негіз бойынша субсидиялау тоқтатылған жағдайда, субсидия төлеуді қайта жалғастыру кредит бойынша мерзімі өткен күнінен бастап жүзеге асырылады.

      Қарыз алушыны субсидиялауды тоқтату туралы ӨҮК шешімі бар кредиттер қайта беруге жатпайды.

      62. ӨҮК қарыз алушыны субсидиялауды толық тоқтату туралы шешім қабылдаған кезде қаржы агенті біржақты тәртіппен қарыз алушыны субсидиялау шартын бұзу туралы хабардар етіп, Қазақстан Республикасының қолданыстағы заңнамасына және шарттың талаптарына сәйкес субсидиялау шартын бұзады.

      63. Субсидиялауды тоқтату үшін мыналар негіз болып табылады:

      1) қарыз алушының банктік қарыз шарты бойынша қарыз алушы кредитті толық өтеуі. Бұл ретте, қарыз өтелген күн субсидиялау тоқтатылған күн болып саналады;

      2) ӨҮК субсидиялауды тоқтату туралы шешім қабылдануы;

      3) субсидиялау шартының қарыз алушының бастамасы бойынша бұзылуы.

4-тарау. Қаржы агентінің судсидиялауды және мониторингті жүзеге асыру тәртібі

      64. Қаржы агенті:

      1) ЕДБ ұсынатын деректер негізінде қарыз алушының төлем тәртібін ай сайын мониторингтеуді;

      2) алынған және төлем жасалған субсидиялар бойынша жүйелі түрде есеп жүргізуді;

      3) қарыз алушының кредитті мақсатты пайдалануын мониторингтеуді;

      4) қарыз алушының Бағдарлама шарттарына және (немесе) ӨҮК шешіміне сәйкестігін мониторингтеуді;

      5) осы тармақтың 1 – 4) тармақшаларында көзделген жағдайларда мониторинг тәртібін, мерзімін, есептілік нысанын белгілеуді жүзеге асырады.

      65. Қаржы агенті ай сайын есепті кезеңнен кейінгі айдың 10-күніне дейін қаржы агентіне осы Қағидаларға 4-қосымшаға сәйкес нысан бойынша субсидиялау туралы есеп жібереді. Қаржы агенті сыйақының есептелуін және ЕДБ төлеген қаражатты тексеруді жүзеге асырады.

      66. Қаржы агенті уәкілетті органға ай сайын:

      1) есепті айдан кейінгі айдың 25 (жиырма бесі) күніне дейін осы Қағидаларға 5-қосымшаға сәйкес нысан бойынша субсидиялау туралы есепті;

      2) есепті айдан кейінгі айдың 15-і (он бесі) күніне дейін осы Қағидаларға 6-қосымшаға сәйкес нысан бойынша өңірлер бөлінісінде іске асырылатын жобалар туралы жиынтық мәліметтерді жібереді.

      67. Қаржы агенті ай сайын уәкілетті органға және өңірлік үйлестірушіге осы Қағидаларға 7-қосымшаға сәйкес нысан бойынша субсидиялау үшін қабылданған міндеттемелер және қаражаттың болжамды қалдығы бойынша есеп жібереді. Бұл ретте өңірлік үйлестіруші осы ақпаратты ӨҮК-тің назарына жеткізеді.

      68. Қаржы агенті ай сайын есепті айдан кейінгі айдың 15-і (он бесі) күніне ӨҮК деректерінің негізінде уәкілетті органға және ҚТҚЖБ-ға осы Қағидаларға 8-қосымшаға сәйкес нысан бойынша қарыз алушылар бөлінісінде іске асырылатын жобалар туралы мәліметтер ұсынады. ҚТҚЖБ қаржы агенті ұсынған ақпараттың негізінде ҚТҚЖБ салымшыларына кейін тұрғын үйді өткізу мақсатында, құрылыс салушылармен ынтымақтастық туралы тиісті келісім жасауды жүзеге асырады.

      69. Субсидиялау тоқтатылған жағдайда, қарыз алушының кредиті бойынша негізгі борыш мерзімінен бұрын ішінара немесе толық өтелген, қарыз алушының міндеттемелерін қайта құрылымдау рәсімдері жүргізілген жағдайда, ЕДБ 7 (жеті) жұмыс күні ішінде қаржы агентіне өзара есеп айырысулардың салыстырып тексеру актісін береді.

      Бұл ретте ЕДБ салыстырып тексеру актісінде іс жүзінде есептен шығарылған субсидиялардың сомасы мен күндерін көрсетеді, ал қаржы агенті субсидиялардың аударылған сомасы мен күнін көрсетеді.

      Өзара есеп айырысулардың салыстырып тексеру актісіне қол қойылғаннан кейін қаржы агенті мен ЕДБ оны орындау бойынша іс-әрекет жасайды.

      70. Қаржы агенті ЕДБ-ден (қажет болған кезде қарыз алушыдан) қажетті құжаттарды және мониторингтің мәніне жататын, оның ішінде банктік және салықтық құпияны құрайтын ақпаратты сұратады, бұл ретте ЕДБ қаржы агенті сұратқан ақпаратты ұсынуға міндетті.

      71. Қарыз алушының кредитті мақсатты пайдалануына мониторинг ЕДБ мен қарыз алушы ұсынатын деректердің негізінде және жоба іске асырылатын жерге барып жүзеге асырылады, жергілікті жерге барудың нәтижелері бойынша мониторинг туралы есеп қалыптастырылады, оған ЕДБ, қарыз алушы мен қаржы агенті бұрыштама қояды, бұл ретте мониторингтің тәртібін, мерзімділігі мен мерзімін, сондай-ақ есептіліктің нысандарын қаржы агенті белгілейді. Жоба іске асырылатын жерге баруды ұйымдастыру қарыз алушы есебінен іске асырылады.

      72. Мониторинг жүргізілген күні өтелген не ӨҮК шешімінің негізінде олар бойынша субсидиялау тоқтаған кредиттер мониторингтеуге жатпайды.

      73. Қарыз алушылардың құрылыс, құқық белгілейтін құжаттарды ресімдеу, жобаны іске қосу және өзге де объективті себептері сатысында тұрған жобалары бойынша қаржы агенті қарыз алушы жобасының ерекшеліктерін негізге ала отырып, ескертулерді жою үшін қосымша мерзім береді. Жоба бойынша едәуір ауытқу болған жағдайда қаржы агенті осындай жобаларды одан әрі субсидиялаудың орындылығы тұрғысынан шешім қабылдау үшін ӨҮК қарауына жібереді.

      74. Қаржы агенті қарыз алушының Бағдарлама шарттарын бұзғаны және (немесе) кредитті мақсатты пайдаланбағаны анықталған жағдайлар бойынша қарыз алушының жобасы бойынша субсидиялауды тоқтата тұрады, мұндай жобалар бойынша материалдар ӨҮК қарауына жіберіледі, ол осы Қағидалардың 3-тарауының 5-параграфына сәйкес субсидиялауды тоқтатады.

      75. Қызмет көрсету үшін қаржы агентіне комиссия төлеу уәкілетті орган мен қаржы агентінің арасында жасалған қызметтер көрсетуге арналған шарттың негізінде жүзеге асырылады.

      Қайда: __________ әкімдігіне

      кімнен ___________________________

Субсидия алуға арналған № ____
ӨТІНІШ-САУАЛНАМА

      Ескерту. 1-қосымша жаңа редакцияда – ҚР Инвестициялар және даму министрінің 31.01.2018 № 64 (алғашқы ресми жарияланған күнiнен кейін күнтiзбелiк он күн өткен соң қолданысқа енгiзiледi) бұйрығымен.

      "Нұрлы жер" тұрғын үй құрылысы бағдарламасына сәйкес Сізден ____________ кредит бойынша сыйақы мөлшерлемесін субсидиялау туралы мәселені Өңірлік үйлестіру кеңесінің қарауына төменде көрсетілгендерге сәйкес шығаруға бастамашылық етуіңізді сұраймын:

1. Қатысушы туралы мәліметтер

2. Басшылық

      Бірінші басшы

      Бас бухгалтер (бар болған жағдайда)

      Байланыс жасаушы тұлға

3. Меншік иелері

      (құрылтайшы, қатысушылар, жауапкершілігі шектеулі серіктестік үшін - акциялардың 1 % және одан көп пайызына иелік ететін ортақ құрылтайшылар)

4. Ағымдағы қызметі туралы ақпарат

5. Банктік есепшоттар туралы ақпарат

      Банктік деректемелері (барлық қызмет көрсетілетін банктердегі барлық ағымдағы және жинақ шоттарын көрсету):________________________________________

6. Тарихы

      ЖКС-ның жұмыс процесінде пайдаланылған барлық қарыздар, өтелген, сол сияқты қазіргі уақытта өтелмеген қарыздар да көрсетіледі.

7. Қолданыстағы кредиттер туралы ақпарат

      Күні және валюта бағамы: ___/___

8. Басқа мемлекеттік бағдарламаларға қатысуы және ЖКС-ге қатысты қолданылатын мемлекеттік қолдау шаралары туралы ақпарат

9. Кепілдіктер және келісімдер

      ЖКС өңірлік үйлестірушіге мыналарды мәлімдейді және мынадай кепілдіктер береді:

      1. Осы өтінішпен бірге не өңірлік үйлестірушінің сұрау салуы бойынша өңірлік үйлестірушіге тапсырылған (ұсынылған) немесе ұсынылатын барлық деректер, ақпарат және құжаттама анық болып табылады және төменде көрсетілген күндегі шындыққа толығымен сәйкес келеді, көрсетілген деректер өзгертілген жағдайда, өңірлік үйлестірушіні дереу хабардар етуге міндеттенемін.

      2. Осы өтінішті қарау шеңберінде талап етілген, банктік және коммерциялық құпияны қамтитын кез келген ақпаратты және құжаттарды өңірлік үйлестірушінің алғашқы талап етуі бойынша беруге және ашуға міндеттенеді.

      3. Өңірлік үйлестіруші көрсетілген куәландырулар мен кепілдемелердің дұрыстығын тексеруге міндетті емес.

      4. ЖКС-ға жалған, толық емес және (немесе) анық емес мәліметтерді бергені үшін Қазақстан Республикасының заңнамасында көзделген жауапкершілігі туралы ескертілген.

      5. ЖКС-ның жарғылық құзыреттілігінің осы өтінішті осы өтінішке қол қоятын тұлғаға беруге мүмкіндік беретіндігін ЖКС растайды.

      6. Көрсетілген деректер мен ақпараттың анық еместігі анықталған жағдайда, көрсетілген деректердің анық еместігін растайтын мәліметтер анықталатын кез келген кезеңде осы өтініштің қабылданбайтындығымен келісемін.

      ЖКС өңірлік үйлестірушіге төмендегілер бойынша өз келісімін береді:

      1. Өңірлік үйлестіруші осы өтініште көрсетілген мәліметтерді, ақпаратты және ЖКС ұсынған құжаттарды тексеру және қарау мақсатында мемлекеттік органдарға (қаржы агентіне) ұсынады.

      2. Осы өтініште қамтылған барлық мәліметтер, сондай-ақ өңірлік үйлестіруші талап еткен барлық құжаттар Бағдарлама шеңберінде субсидиялау үшін ғана ұсынылған.

      3. Өңірлік үйлестіруші ЖКС хабарлаған өзі туралы кез келген ақпаратты тексеру құқығын өзіне қалдырады, ал ЖКС ұсынған құжаттар мен өтініштің түпнұсқасы субсидиялау берілмесе де, өңірлік үйлестірушіде сақталатын болады.

      4. Өңірлік үйлестірушінің осы өтінішті қарау үшін қабылдауы, сондай-ақ ЖКС-ның ықтимал шығыстары (субсидиялауды алу үшін қажетті құжаттарды ресімдеу шығыстары және басқа да шығыстар) өңірлік үйлестірушінің субсидиялауды беру немесе ЖКС көтерген шығасыларды өтеу міндеттемесі болып табылмайды.

      5. Субсидиялау туралы мәселені қарау тәртібімен танысқанымды және келісетінімді растаймын, кейін өңірлік үйлестірушіге наразылық білдірмеймін.

10. Қосымшалар

      Тегі, аты, әкесінің аты (бар болған жағдайда)_______________________

      (қолы) Күні

      (өңірлік үйлестіруші толтырады)

ЖОБАЛАР ТІЗІМІ

      Ескерту. 2-қосымша жаңа редакцияда – ҚР Инвестициялар және даму министрінің 31.01.2018 № 64 (алғашқы ресми жарияланған күнiнен кейін күнтiзбелiк он күн өткен соң қолданысқа енгiзiледi) бұйрығымен.

      ЖКС қарауы үшін ________________________________ бойынша Өңірлік үйлестіру кеңесі

      Қосымшалар: (ЖКС ӨҮ-ге берген өтініш және құжаттар топтамасы)

      1)._____________________________________________________________

      2)._____________________________________________________________

      Лауазымды тұлға ________________________________________________

      (Тегі, аты, әкесінің аты (бар болған жағдайда) (қолы)

      Мөр орны (бар болған жағдайда)

      Жауапты қызметкер_____________________________________________

      (Тегі, аты, әкесінің аты (бар болған жағдайда)

Өңірлік үйлестіру кеңесі отырысының _______________жөніндегі
№ ____ ХАТТАМАСЫ

      Ескерту. 3-қосымша жаңа редакцияда – ҚР Инвестициялар және даму министрінің 31.01.2018 № 64 (алғашқы ресми жарияланған күнiнен кейін күнтiзбелiк он күн өткен соң қолданысқа енгiзiледi) бұйрығымен.

      Күн тәртібі

      Кеңес қарады:

      Кеңес ШЕШТІ:

      1. Мыналарға:

      1) "Нұрлы жер" тұрғын үй құрылысы бағдарламасының өлшемшарттарына сәйкес келуіне;

      2) ЖКС жобаларының төменде аталған тізіміне сәйкес мемлекеттік даму институттары арқылы басқа да қолдау шараларын қолданбауына байланысты субсидиялау нысанында мемлекеттік қолдау нысандарын қолдану мүмкіндігі мақұлдансын:

      2. Субсидиялау шарттарын жасасу үшін мақұлданған жобалар тізімі "Даму" кәсіпкерлікті дамыту қоры" АҚ-ға және көрсетілген ЕДБ-ге жіберілсін.

      3. Мыналарға:

      1) "Нұрлы жер" тұрғын үй құрылысы бағдарламасының өлшемшарттарына сәйкес келмеуіне;

      2) мемлекеттік даму институттары арқылы басқа мемлекеттік қолдау шараларының қолданылуына байланысты субсидиялау нысанында мемлекеттік қолдау нысандарын қолдануды мақұлдаудан бас тартылсын:

      Кеңес мүшелерінің қолдары

      Кеңес хатшысы ____________________________________________

      (Тегі, аты, әкесінің аты (бар болған жағдайда)

      Ескертпе:

      *Егер кеңес мүшесі "қарсы" дауыс берген болса, "түсініктемелер" бағанында қабылданған шешімнің себебі көрсетілуге тиіс.

      ___________________________
(ЕДБ толық атауы)

_____________ - ________________ аралығындағы кезең үшін
субсидиялау туралы есеп

      Лауазымды тұлға ______________________________________________

                        (Тегі, аты, әкесінің аты (бар болса) (қолы)

      М.О.

      Жауапты жұмыскер ________________________________________

                        (Тегі, аты, әкесінің аты (бар болса)

      Ескертпе: * - ЕДБ-нің банктік жүйесінен туындайтын субсидиялау шартын сәйкестендірудің бірегей коды.

______________ - ________________ аралығындағы кезең үшін
уәкілетті органға субсидиялау туралы есеп

________жылғы "_____"__________ өңірлер бөлінісінде іске асырылатын жобалар
туралы жиынтық мәліметтер

________жылғы "_____"__________ субсидиялау үшін қабылданған міндеттемелер және
қаражаттың болжамды қалдығы бойынша есеп

      теңге

_____ жылғы "_____"__________ қарыз алушылар бөлінісінде іске асырылатын жобалар туралы мәліметтер