Көрсетілетін төлем қызметтерін маңызды берушілердің тізілімін жүргізу қағидаларын бекіту туралы

      "Қазақстан Республикасының Ұлттық Банкі туралы" Қазақстан Республикасы Заңының 15-бабы екінші бөлігінің 52-6) тармақшасына, "Төлемдер және төлем жүйелері туралы" Қазақстан Республикасы Заңының 4-бабы 1-тармағының 21) тармақшасына сәйкес Қазақстан Республикасы Ұлттық Банкінің Басқармасы ҚАУЛЫ ЕТЕДІ:

      1. Қоса беріліп отырған Көрсетілетін төлем қызметтерін маңызды берушілердің тізілімін жүргізу қағидалары бекітілсін.

      2. Төлем жүйелері департаменті (Ашықбеков Е.Т.) Қазақстан Республикасының заңнамасында белгіленген тәртіппен:

      1) Заң департаментімен (Сәрсенова Н.В.) бірлесіп осы қаулыны Қазақстан Республикасының Әділет министрлігінде мемлекеттік тіркеуді;

      2) осы қаулыны "Қазақстан Республикасы Әділет министрлігінің Республикалық құқықтық ақпарат орталығы" шаруашылық жүргізу құқығындағы республикалық мемлекеттік кәсіпорнына:

      Қазақстан Республикасының Әділет министрлігінде мемлекеттік тіркелгенінен кейін күнтізбелік он күн ішінде "Әділет" ақпараттық-құқықтық жүйесінде ресми жариялауға;

      Қазақстан Республикасының Әділет министрлігінде мемлекеттік тіркелген күннен бастап күнтізбелік он күн ішінде Қазақстан Республикасы нормативтік құқықтық актілерінің мемлекеттік тізіліміне, Қазақстан Республикасы нормативтік құқықтық актілерінің эталондық бақылау банкіне енгізуге жіберуді;

      3) осы қаулы ресми жарияланғаннан кейін оны Қазақстан Республикасы Ұлттық Банкінің ресми интернет-ресурсына орналастыруды қамтамасыз етсін.

      3. Қаржылық қызметтерді тұтынушылардың құқықтарын қорғау және сыртқы коммуникациялар басқармасы (Терентьев А.Л.) осы қаулыны Қазақстан Республикасының Әділет министрлігінде мемлекеттік тіркелгеннен кейін күнтізбелік он күн ішінде мерзімді баспасөз басылымдарында ресми жариялауға жіберуді қамтамасыз етсін.

      4. Осы қаулының орындалуын бақылау Қазақстан Республикасының Ұлттық Банкі Төрағасының орынбасары Ғ.О. Пірматовқа жүктелсін.

      5. Осы қаулы алғашқы ресми жарияланған күнінен кейін күнтізбелік он күн өткен соң қолданысқа енгізіледі.

Көрсетілетін төлем қызметтерін маңызды берушілердің тізілімін жүргізу қағидалары 1-тарау. Жалпы ережелер

      1. Осы Көрсетілетін төлем қызметтерін маңызды берушілердің тізілімін жүргізу қағидалары (бұдан әрі – Қағидалар) "Қазақстан Республикасының Ұлттық Банкі туралы" Қазақстан Республикасы Заңының 15-бабы екінші бөлігінің 52-6) тармақшасына, "Төлемдер және төлем жүйелері туралы" Қазақстан Республикасы Заңының (бұдан әрі – Төлемдер және төлем жүйелері туралы заң) 4-бабы 1-тармағының 21) тармақшасына сәйкес әзірленді және көрсетілетін төлем қызметтерін маңызды берушілердің тізілімін жүргізу тәртібін айқындайды.

      2. Көрсетілетін төлем қызметтерін маңызды берушілердің тізілімінде (бұдан әрі – тізілім) көрсетілетін төлем қызметтерін маңызды берушілер туралы мәліметтер қамтылған.

      Қазақстан Республикасының Ұлттық Банкі (бұдан әрі – Ұлттық Банк) тізілімді көрсетілетін төлем қызметтері нарығын бақылау мақсатында жүргізеді.

      3. Қағидаларда Төлемдер және төлем жүйелері туралы заңда көзделген ұғымдар пайдаланылады. Көрсетілетін төлем қызметтерін маңызды берушілерді айқындаудың өлшемшарттары мен тәсілдері Төлемдер және төлем жүйелері туралы заңның 11-бабында айқындалады.

2-тарау. Тізілімді жүргізу

      4. Тізілімді Ұлттық Банк қазақ және орыс тілдерінде Қағидаларға 1-қосымшаға сәйкес нысан бойынша қағаз жеткізгіште және электрондық түрде жүргізеді және Ұлттық Банктің ресми интернет-ресурсында жариялайды.

      5. Ұлттық Банк көрсетілетін төлем қызметтерін берушілерді көрсетілетін төлем қызметтерін маңызды берушілерге:

      1) көрсетілетін төлем қызметтері нарығына жүргізілген талдау қорытындылары бойынша дербес түрде;

      2) көрсетілетін төлем қызметтерін берушінің Қағидаларға 2-қосымшаға сәйкес нысан бойынша жазбаша өтініші (бұдан әрі – жазбаша өтініш) негізінде жатқызады.

      6. Көрсетілетін төлем қызметтерін берушіні Қағидалардың 5-тармағының 2) тармақшасына сәйкес көрсетілетін төлем қызметтерін маңызды берушілерге жатқызу үшін көрсетілетін төлем қызметтерін берушінің Ұлттық Банкке жазбаша өтініш беруіне рұқсат етіледі.

      Жазбаша өтінішке көрсетілетін төлем қызметтерін берушінің Төлемдер және төлем жүйелері туралы заңның 11-бабының 1-тармағында белгіленген өлшемшарттарға сәйкестігін растайтын, көрсетілетін төлем қызметтерін беруші соңғы он екі айда жүзеге асырған төлемдердің және (немесе) ақша аударымдарының көлемі туралы мәліметтер қоса беріледі.

      7. Ұлттық Банк жазбаша өтінішті қарайды және ол Ұлттық Банкке түскен күннен бастап күнтізбелік отыз күннен аспайтын мерзімде ол бойынша шешім қабылдайды.

      8. Ұлттық Банк көрсетілетін төлем қызметтерін берушіні көрсетілетін төлем қызметтерін маңызды берушілерге жатқызу туралы шешімді ол Төлемдер және төлем жүйелері туралы заңның 11-бабының 1-тармағында белгіленген өлшемшарттарға сәйкес келген кезде қабылдайды.

      9. Ұлттық Банк жазбаша өтінішті қарау қорытындысы бойынша көрсетілетін төлем қызметтерін берушіні тізілімге енгізуден бас тарту туралы шешім қабылданған кезде Ұлттық Банк шешім қабылданған күннен бастап бес жұмыс күні ішінде бұл туралы көрсетілетін төлем қызметтерін берушіге себептерін көрсете отырып хабарлайды.

      10. Ұлттық Банк көрсетілетін төлем қызметтерін берушіні көрсетілетін төлем қызметтерін маңызды берушілерге жатқызу туралы шешім қабылданған күннен бастап бес жұмыс күні ішінде:

      1) көрсетілетін төлем қызметтерін берушіні тізілімге енгізеді;

      2) көрсетілетін төлем қызметтерін берушіге тізілімге енгізілгені туралы жазбаша нысанда хабарлайды;

      3) осы ақпаратты өзінің ресми интернет-ресурсында жариялайды.

      11. Көрсетілетін төлем қызметтерін берушісі көрсетілетін төлем қызметтерін маңызды берушілеріне Ұлттық Банк тізілімге көрсетілетін төлем қызметтерін маңызды беруші туралы деректерді енгізілген күннен бастап жатқызылады.

      12. Ұлттық Банк көрсетілетін төлем қызметтерін берушіні тізілімінен:

      1) заңды тұлға көрсетілетін төлем қызметтерін беруші қызметінің тоқтатылғаны туралы мәліметтер Бизнес-сәйкестендiру нөмiрлерiнiң ұлттық тiзiлiмiне енгізілген кезде;

      2) дара кәсіпкер көрсетілетін төлем қызметтерін беруші мемлекеттік кірістер органында дара кәсіпкер ретінде тіркеу есебінен шығарылған кезде;

      3) көрсетілетін төлем қызметтерін беруші көрсетілетін төлем қызметтерін көрсету жөніндегі қызметін тоқтатқан кезде;

      4) көрсетілетін төлем қызметтері нарығына жүргізілген талдау қорытындылары бойынша көрсетілетін төлем қызметтерін берушінің Төлемдер және төлем жүйелері туралы заңның 11-бабының 1-тармағында белгіленген өлшемшарттарға сәйкес келмеуі анықталған кезде шығарады.

      13. Көрсетілетін төлем қызметтерін беруші көрсетілетін төлем қызметтерін көрсету жөніндегі қызметін тоқтатуы туралы шешім қабылдаған күннен бастап үш жұмыс күні ішінде Ұлттық Банкке жазбаша еркін нысанда хабарлама жібереді.

      14. Ұлттық Банк көрсетілетін төлем қызметтерін беруші Қағидалардың 12-тармағының 4) тармақшасында көзделген негіз бойынша тізілімнен шығарылған күннен бастап үш жұмыс күні ішінде бұл туралы көрсетілетін төлем қызметтерін берушіге тізілімнен шығару себептерін көрсете отырып жазбаша нысанда хабарлайды.

      Нысан

Көрсетілетін төлем қызметтерін маңызды берушілердің тізілімі

Көрсетілетін төлем қызметтерін берушінің жазбаша өтініші

      Ескерту. 2-қосымша жаңа редакцияда – ҚР Ұлттық Банкі Басқармасының 19.02.2024 № 10 (алғашқы ресми жарияланған күнінен кейін күнтізбелік он күн өткен соң қолданысқа енгізіледі) қаулысымен.

      ________________________________________________________________

      ____________________________________________________________

      (заңды тұлғалар үшін – көрсетілетін төлем қызметтерін берушінің атауы,

      бизнес-сәйкестендіру нөмірі, дара кәсіпкерлер үшін - тегі, аты, әкесінің аты (ол

      бар болса), жеке сәйкестендіру нөмірі)

      көрсетілетін төлем қызметтерін маңызды берушілердің тізіліміне енгізуді сұрайды.

      1. Көрсетілетін төлем қызметтерін берушінің орналасқан жері:

      _______________________________________________________________

      (индексі, қаласы (облысы), ауданы, көшесі, үйдің (офистің) нөмірі)

      _______________________________________________________________

      (телефоны, факсы, электрондық поштасының мекенжайы, интернет-ресурсы

      (бар болса)

      2. Көрсетілетін төлем қызметтерін берушіні мемлекеттік тіркеу (қайта тіркеу)

      туралы мәліметтер:

      _______________________________________________________________

      (құжаттың атауы, берілген нөмірі және күні, кім берген)

      3. Көрсетілетін төлем қызметтерінің тізбесі:

      ("Төлемдер және төлем жүйелері туралы" Қазақстан Республикасының Заңы

      12-бабының 1-тармағына сәйкес көрсетілетін төлем қызметтері көрсетіледі):

      1) _____________________________________________________________;

      2) _____________________________________________________________.

      4. Көрсетілетін төлем қызметтерін берушінің бірінші басшысы (дара кәсіпкер)

      туралы мәліметтер:

      _______________________________________________________________

      _______________________________________________________________

      (тегі, аты, әкесінің аты (ол бар болса) жеке сәйкестендіру нөмірі)

      Туған күні _______________________________________________________

      Азаматтығы ______________________________________________________

      Жеке басын куәландыратын құжаттың деректері

      _______________________________________________________________

      _______________________________________________________________

      (құжат, нөмірі, сериясы (бар болса) және берілген күні, кім берген)

      Тұрғылықты жері _________________________________________________

      (индексі, қаласы (облысы), ауданы, көшесі, үйдің (офистің) нөмірі)

      _______________________________________________________________

      (телефоны, факсы, электрондық поштасының мекенжайы (ол бар болса)

      5. Көрсетілетін төлем қызметтерін берушіні көрсетілетін төлем қызметтерін маңызды

      берушілердің тізіліміне енгізу қажеттілігінің негіздемесі

      _______________________________________________________________

      Қоса берілген мәліметтердің тексерілгенін, дәйекті және толық болып табылатынын

      растаймын.

      Заңмен қорғалатын құпияны құрайтын, ақпарат жүйелерінде қамтылған мәліметтері

      пайдалануға келісемін. Көрсетілетін төлем қызметтерін берушінің бірінші басшысы не

      дара кәсіпкер немесе қол қоюға уәкілетті адам

      _____________________________________ _________

      тегі, аты, әкесінің аты (ол бар болса)             қолы