Агроөнеркәсіптік кешен субъектілерін қаржылық сауықтыру жөніндегі бағыт шеңберінде кредиттік және лизингтік міндеттемелер бойынша пайыздық мөлшерлемені субсидиялау қағидаларын бекіту туралы

      "Агроөнеркәсіптік кешенді және ауылдық аумақтарды дамытуды мемлекеттік реттеу туралы" 2005 жылғы 8 шілдедегі Қазақстан Республикасының Заңы 11-бабының 2-тармағына сәйкес БҰЙЫРАМЫН:

      1. Осы бұйрыққа 1-қосымшаға сәйкес Агроөнеркәсіптік кешен субъектілерін қаржылық сауықтыру жөніндегі бағыт шеңберінде кредиттік және лизингтік міндеттемелер бойынша пайыздық мөлшерлемені субсидиялау қағидалары бекітілсін.

      2. Осы бұйрыққа 2-қосымшаға сәйкес Қазақстан Республикасының Ауыл шаруашылығы министрі бұйрықтарының күші жойылды деп танылсын.

      3. Қазақстан Республикасы Ауыл шаруашылығы министрлігінің Инвестициялық саясат және қаржы құралдары департаменті заңнамада белгіленген тәртіппен:

      1) осы бұйрықтың Қазақстан Республикасы Әділет министрлігінде мемлекеттік тіркелуін;

      2) осы бұйрық Қазақстан Республикасы Әділет министрлігінде мемлекеттік тіркелгеннен кейін күнтізбелік он күн ішінде оның көшірмесінің мерзімді баспа басылымдарына және "Әділет" ақпараттық-құқықтық жүйесіне ресми жариялауға, сондай-ақ бес жұмыс күні ішінде Қазақстан Республикасы нормативтік құқықтық актілерінің эталондық бақылау банкіне орналастыру үшін "Республикалық құқықтық ақпарат орталығы" республикалық мемлекеттік кәсіпорнына жіберілуін;

      3) осы бұйрықтың Қазақстан Республикасы Ауыл шаруашылығы министрлігінің ресми интернет-ресурсында және мемлекеттік органдардың интранет-порталында орналастырылуын қамтамасыз етсін.

      4. Осы бұйрықтың орындалуын бақылау жетекшілік ететін Қазақстан Республикасының Ауыл шаруашылығы вице-министріне жүктелсін.

      5. Осы бұйрық алғашқы ресми жарияланған күнінен кейін қолданысқа енгізіледі.

      "КЕЛІСІЛГЕН"

      Қазақстан Республикасының

      Қаржы министрі

      _____________ Б. Сұлтанов

      2016 жылғы 13 мамыр

      "КЕЛІСІЛГЕН"

      Қазақстан Республикасының

      Ұлттық экономика министрі

      _____________ Қ. Бишімбаев

      2016 жылғы 7 маусым

Агроөнеркәсіптік кешен субъектілерін қаржылық сауықтыру
жөніндегі бағыт шеңберінде кредиттік және лизингтік
міндеттемелер бойынша пайыздық мөлшерлемені субсидиялау
қағидалары
1-тарау. Жалпы ережелер

      1. Осы Агроөнеркәсіптік кешен субъектілерін қаржылық сауықтыру жөніндегі бағыт шеңберінде кредиттік және лизингтік міндеттемелер бойынша пайыздық мөлшерлемені субсидиялау қағидалары (бұдан әрі – Қағидалар) 2013-2015 жылдары қаржылық сауықтыру жөніндегі комиссия мақұлдаған агроөнеркәсіптік кешен (бұдан әрі - АӨК) субъектілерін қаржылық сауықтыру жөніндегі бағыт шеңберінде кредиттік және лизингтік міндеттемелер бойынша пайыздық мөлшерлемені субсидиялау тәртібін айқындайды.

      2. Осы Қағидаларда мынадай ұғымдар пайдаланылады:

      1) кредиттік және лизингтік міндеттемелер – қаржы институты алдында айналым құралдарын толықтыруға, негізгі құралдарды сатып алуға және құрылысқа арналған, сондай-ақ жоғарыда көрсетілген мақсаттарға кредит/лизинг алумен байланысты туындаған берешекті қайта қаржыландыруға арналған кредит/лизинг алуға байланысты туындаған, осы Қағидалардың шеңберінде қаржылық сауықтыру шараларын қолдануға болатын қарыз алушының міндеттемелері;

      2) кредиторлық міндеттемелер – өзге де шаруашылық жүргізуші субъектілер алдында айналым құралдарын толықтыруға, негізгі құралдарды сатып алуға, ауыл шаруашылығы техникасы мен арнайы техниканы, технологиялық жабдықты лизингке алуға байланысты қарыз алушының міндеттемелері, сондай-ақ басқа да кредиторлар алдындағы міндеттемелерді қайта қаржыландыру;

      3) кредиторлар комитеті – әрбір жеке қарыз алушы үшін тиісті салалық қауымдастықтың өкілін қосу мүмкіндігі бар қаржы институттарының – кредиторлардың өкілдерінен қалыптасатын комиссия;

      4) кредиттік және лизингтік міндеттемелерді қайта құрылымдау – қарыз алушыларда бар кредиттік және лизингтік міндеттемелер бойынша қайтару мерзімдерін ұлғайту, төлемдерді өтеудің тәртібі мен кезектілігін өзгерту, сыйақы мөлшерлемесін өзгерту, сондай-ақ өтеу бойынша жеңілдікті кезең ұсыну;

      5) кредиттік/кредиторлық және лизингтік міндеттемелерді қайта қаржыландыру – ұзақ мерзімді қайтару мерзімдерімен, сыйақының төмен пайыздық мөлшерлемесімен және бар берешектерін өтеуге арналған жеңілдікті кезеңмен қосымша келісімдер жасасу жолымен жаңа нысаналы кредиттер беру не бұрын берілген кредиттерін алмастыру;

      6) қаржылық сауықтыру жөніндегі комиссияның шешімі – қарыз алушыға қатысты қаржылық сауықтыруды мақұлдау/мақұлдамау туралы шешім;

      7) қаржылық сауықтыру – сыйақы мөлшерлемесін субсидиялау түрінде мемлекет тарапынан қолдау кезінде айналым құралдарын толықтыруға, негізгі құралдарды сатып алуға және құрылысқа, технологиялық жабдықты, ауыл шаруашылығы техникасын лизингке алуға, сондай-ақ жоғарыда аталған мақсаттарға кредит/лизинг алумен байланысты туындаған берешекті қайта қаржыландыруға пайдаланылған қарыз алушылардың кредиттік/кредиторлық міндеттемелерін қайта құрылымдау, қайта қаржыландыру;

      8) қаржы институттары – екінші деңгейдегі банктер, банк операцияларының жекелеген түрлерін жүзеге асыратын ұйымдар, АӨК саласындағы кредиттік серіктестіктер, микроқаржылық/микрокредиттік ұйымдар, АӨК саласында қызметін жүзеге асыратын лизингтік компаниялар;

      9) қаржы агенті – агроөнеркәсіптік кешен саласында қызметін жүзеге асыратын ұлттық басқарушы холдинг;

      10) қарыз алушы – ауыл шаруашылығы өнімін өңдеуді және өткізуді қоса алғанда, агроөнеркәсіптік кешен саласында қызметін жүзеге асыратын және кредиттік/кредиторлық және лизингтік міндеттемелері бар АӨК субъектісі;

      11) қорландыру қаражаты – қарыз алушылардың кредиттік/кредиторлық және лизингтік міндеттемелерін кейіннен қайта құрылымдау/қайта қаржыландыру үшін қаржы институты беретін қаржы агентінің тартылған қарыз қаражаты;

      12) "Азаматтарға арналған үкімет" мемлекеттік корпорациясы (бұдан әрі – Мемлекеттік корпорация) – Қазақстан Республикасының заңнамасына сәйкес мемлекеттік қызметтер көрсету, "бір терезе" қағидаты бойынша мемлекеттік қызметтер көрсетуге өтініштер қабылдау және көрсетілетін қызметті алушыға олардың нәтижелерін беру жөніндегі жұмыстарды ұйымдастыру үшін, сондай-ақ электрондық нысанда мемлекеттік қызметтер көрсетуді қамтамасыз ету үшін Қазақстан Республикасы Үкіметінің шешімі бойынша құрылған заңды тұлға;

      13) оператор – агроөнеркәсіптік кешен субъектілерін қаржылық сауықтыру жөніндегі бағыт шеңберінде кредиттік және лизингтік міндеттемелер бойынша пайыздық мөлшерлемені субсидиялау бойынша операторлық қызметті жүзеге асыратын ұйым;

      14) пайыздық мөлшерлемені субсидиялау – қарыз алушының кредиттік және/немесе лизингтік міндеттемелері бойынша сыйақы ретінде қаржы институтына төлейтін шығыстарын ішінара өтеу үшін пайдаланылатын АӨК субъектілерін мемлекеттік қолдау нысаны;

      15) технологиялық жабдық – олардың қатысуынсыз толық технологиялық циклдің қамтамасыз етілуі мүмкін болмайтын тікелей және қосалқы мақсаттағы жабдықтардан тұратын ауыл шаруашылығы өнімін өндіру және өңдеу жөніндегі жабдық.

      3. Облыстар, республикалық маңызы бар қалалар және астана әкімдіктерінің ауыл шаруашылығы басқармалары (бұдан әрі – жұмыс органы) облыстың, республикалық маңызы бар қаланың және астана әкімінің шешімімен бекітілетін, құрамында комиссияның төрағасы, төрағаның орынбасары, мүшелері мен хатшысы болатын қаржылық сауықтыру жөніндегі комиссияны құрады. Комиссияның сандық құрамы тақ болуы және кемінде жеті адамнан тұруы қажет. Комиссияның хатшысы оның мүшесі болып табылмайды.

      Қаржылық сауықтыру жөніндегі комиссия жұмыс органының, қаржы институттары мен мүдделі салалық қоғамдық ұйымдардың өкілдері қатысатын, облыс, республикалық маңызы бар қала және астана әкімдерінің орынбасарлары басқаратын тұрақты жұмыс істейтін алқалы орган болып табылады. Қаржылық сауықтыру жөніндегі комиссияның отырысына мүшелердің кемінде үштен екі бөлігі қатысқан жағдайда, қаржылық сауықтыру жөніндегі комиссияның отырысы заңды болып саналады.

      4. Жұмыс органы мен оператор арасындағы өзара қатынастарды реттеу үшін 10 (он) жұмыс күні ішінде оператордың көрсетілетін қызметтеріне ақы төлеу сомаларын көрсете отырып, оператордың қызметтер көрсетуі тәртібін, талаптарын, сондай-ақ тараптардың жауапкершілігін көздейтін қаржылық сауықтыру үшін АӨК субъектілерінің кредиттік және лизингтік міндеттемелері бойынша пайыздық мөлшерлемелерді субсидиялау бойынша оператор қызметтерін көрсету жөніндегі шарт (бұдан әрі – қызметтер көрсету жөніндегі шарт) жасалады.

      Қызметі көрсету жөніндегі шартты жасасқанға дейін, осы Қағидаларда көзделген оператордың функцияларын жұмыс органы жүзеге асырады.

      Оператордың көрсетілетін қызметтерін жұмыс органы тиісті қаржы жылына арналған қызметтер көрсету жөніндегі шартқа сәйкес тиісті бюджеттік бағдарлама қаражаты есебінен төлейді.

2-тарау. Субсидия алу талаптары
1-параграф. Қаржылық сауықтыру талаптары

      6. Пайыздық мөлшерлемелерді субсидиялау субсидиялауға арналған өтінімдерін қаржылық сауықтыру жөніндегі комиссия мақұлдаған, оның ішінде кейінге қалдыру шартымен мақұлданған қарыз алушыларға қатысты жүзеге асырылады.

      7. Қаржылық сауықтыру 2014 жылғы 1 қантарға дейін пайда болған кредиттік/кредиторлық және лизингтік міндеттемелер бойынша жүзеге асырылады.

      8. Пайыздық мөлшерлемені субсидиялауға басқа мемлекеттік және/немесе үкіметтік бағдарламалар шеңберінде пайыздық мөлшерлемені субсидиялау түрінде қолдау көрсетілетін шарттарды қоспағанда, қарыз алушылардың кредиттік/лизингтік міндеттемелері жөніндегі шарттар жатады.

      9. Республикалық бюджет қаражаты және (немесе) Қазақстан Республикасының Ұлттық қоры қаражаты есебінен қаржыландырылған қарыз алушылардың кредиттік/лизингтік міндеттемелерін қаржылық сауықтыру қаржыландыру көзін ауыстыру жолымен оларды бюджеттік қаражаттан тыс қаражатпен ауыстырған жағдайда жүзеге асырылады.

      10. Қарыз алушылардың қаржылық берешегін қайта құрылымдау жағдайларын, сондай-ақ жеделдетілген оңалту рәсіміндегі немесе оңалту рәсіміндегі қарыз алушыларды қоспағанда, қарыз алушылардың қызметі ұйымдық-құқықтық нысанды өзгерту, тарату немесе банкротқа ұшырау сатысында тұрмауы тиіс. Бұл ретте, қаржылық сауықтыру жөніндегі комиссия субсидиялауды тоқтату туралы шешім қабылдаған қарыз алушылар қайтадан қаржылық сауықтыру рәсіміне қатыспайды.

      11. Қаржылық сауықтыру қаржы институттары есептелген айыппұлдар мен өсімпұлдарды есептен шығарған жағдайда жүзеге асырылады, мерзімі өтіп кеткен сыйақыны негізгі борышқа капиталдандыруға қарыз алушының келісімі болған жағдайларды қоспағанда, есептелген мерзімі өтіп кеткен сыйақы сыйақы мөлшерлемесі жылдық 0,1 %-дан аспайтын жеке кестемен (негізгі борышқа капиталдандырусыз) төлемді бөліп төлеу арқылы жүргізіледі.

      12. Пайыздық мөлшерлемені субсидиялау осы тармақтың 1) және 3) тармақшаларында немесе 2) және 3) тармақшаларында көрсетілген:

      1) қаржы институттарының қарыз алушылардың кредиттік және лизингтік міндеттемелерін қайтару мерзімін 9 (тоғыз) жылдан аспайтын мерзімге ұлғайтуы;

      2) АӨК субъектілерінің өзге шаруашылық жүргізуші субъектілер алдындағы кредиторлық берешегін қаржы институттарының қайтару мерзімі 9 (тоғыз) жылдан аспайтын кредитіне ауыстыра отырып, қайта қаржыландыру не қосымша келісімдер жасау жолымен бұрын берілген кредиттерді алмастыру;

      3) қарыз алушылардың кредиттік/кредиторлық және лизингтік міндеттемелерін қайта қаржыландыру/қайта құрылымдау кезінде осы Қағидалардың 3-тарауында көрсетілген пайыздық мөлшерлемені субсидиялауды беру өлшемшарттарын сақтау, сондай-ақ осы Қағидалардың 13-тармағында көрсетілген қаржылық сауықтыруға тараптардың теңдей қатысуын сақтау талаптары бір уақытта сақталған кезде жүзеге асырылады.

      13. Қарыз алушыларды қаржылық сауықтыруды жүргізген кезде мүдделі тараптар өздеріне мынадай міндеттемелер алады:

      1) қаржы институттары меншікті және қаржы агентінің қатысуынсыз тартылған қаражат есебінен қаржылық сауықтырған жағдайда, осы Қағидалардың 11-тармағына сәйкес қайта құрылымдалатын/қайта қаржыландырылатын кредиттер/лизингтер бойынша айыппұлдар мен өсімпұлдарды есептен шығарады және қайта құрылымдалатын кредит бойынша теңгемен жылдық 14 (он төрт) %-дан аспайтын және шетелдік валютада 10 (он) %-дан аспайтын сыйақы мөлшерлемесін белгілейді; кредитті қайтару мерзімін 9 (тоғыз) жылдан аспайтын мерзімге ұзартады не қайтару мерзімі 9 (тоғыз) жылдан асырылмай, теңгемен жылдық 14 (он төрт) %-дан аспайтын және шетелдік валютада 10 (он) %-дан аспайтын сыйақы мөлшерлемесімен жаңа кредиттер ұсынады не қосымша келісімдер жасасу жолымен бұрын берілген кредиттерді алмастырады. Бұл ретте, егер, қаржы институтының қарызы бойынша сыйақының мөлшерлемесі жылдық 14 %-ға тең немесе одан төмен болса, онда теңгемен 7 %-ын және шетелдік валютада 5 (бес) %-ын мемлекет субсидиялайды, айырмашылықты қарыз алушы төлейді.

      Қаржы институттары қаржы агентінің қатысуымен қорландыру қаражатының есебінен қаржылық сауықтырған жағдайда, осы Қағидалардың 11-тармағына сәйкес қайта құрылымдалатын/қайта қаржыландырылатын кредиттер/лизингтер бойынша айыппұлдар мен өсімпұлдарды есептен шығарады және қайта құрылымдалатын кредит бойынша теңгемен жылдық 7 %-дан (жеті) аспайтын және шетелдік валютада 5 (бес) %-дан аспайтын сыйақы мөлшерлемесін белгілейді; кредитті қайтару мерзімін 9 (тоғыз) жылдан аспайтын мерзімге ұзартады не 9 (тоғыз) жылдан аспайтын қайтару мерзімімен теңгемен жылдық 7 (жеті) %-дан аспайтын және шетелдік валютада 5 (бес) %-дан аспайтын сыйақы мөлшерлемесімен жаңа кредиттер ұсынады, не қосымша келісімдер жасасу жолымен бұрын берілген кредиттерді алмастырады;

      2) қарыз алушылар қайта құрылымдалған/қайта қаржыландырылған кредиттің негізгі борышын және ол бойынша пайыздарды тұрақты төлеу бойынша барлық шараларды қабылдайды, борышты және ол бойынша пайыздарды толық өтегенге дейін таза табыстың бөлінуін болдырмайды;

      3) қарыз алушылардың меншік иелері қарыз алушылар қаржылық сауықтыру талаптарына сәйкес қаржы институттары алдындағы міндеттемелерін толық өтегенге дейін қатысушылар арасында барлық табысты бөлмеу, қосымша капиталдандыру, инвесторлар тарту, қаржылық сауықтыру талаптарын орындау бойынша қаржы институттарына толық жәрдемдесу жолымен және басқа да шаралармен қолдау көрсетеді;

      4) жұмыс органы қарыз алушылардың кредиттік және лизингтік міндеттемелері бойынша пайыздық мөлшерлемені субсидиялауды оны теңгемен жылдық 7 (жеті) %-ға және шетелдік валютада 5 (бес) %-ға төмендету жолымен беруді қамтамасыз етеді.

      14. Субсидиялауды тоқтату қаржылық сауықтыру жөніндегі комиссияның шешімі бойынша:

      1) кредиттік қаражат мақсатсыз пайдаланылған;

      2) қаржылық сауықтыру бағдарламасына қатысу мақұлданғаннан кейін заңды күшіне енген сот шешімі бойынша қарыз алушының шоттары қамаққа алынған;

      3) қарыз алушы қайта құрылымдалған/қайта қаржыландырылған кредиттік/лизингтік шарт бойынша қаржы институты алдындағы міндеттемелерін толығымен өтеген жағдайда. Қарыз алушы қайта құрылымдалған/қайта қаржыландырылған кредиттік/лизингтік шарт бойынша қаржы институты алдындағы міндеттемелерін толығымен орындаған күн пайыздық мөлшерлемелерді субсидиялауды тоқтату күні болып есептеледі;

      4) қарыз алушы субсидиялауды тоқтату туралы бастама көтерген (жазбаша өтінген);

      5) қаржы агенті субсидиялауды тоқтату туралы бастама көтерген;

      6) қарыз алушы 2 (екі) жыл бойы АӨК субъектілерінің қаржылық сауықтыру жоспарын орындамаған жағдайларда жүзеге асырылады.

      14-1. Қаржы институты 2017 жылғы бірінші жартыжылдықта осы Қағидаларға 1-1-қосымшаға сәйкес нысан бойынша жасалған АӨК субъектілерін қаржылық сауықтыру жоспарларын жаңартады және жұмыс органына жолдайды.

      Жұмыс органы бір ай ішінде қаржылық сауықтыру жөніндегі комиссияның отырысына жаңартылған АӨК субъектілерін қаржылық сауықтыру жоспарларын шығарады.

2-параграф. Қаржы агентінің қатысуынсыз субсидия алу талаптары

      15. Алып тасталды – ҚР Премьер-Министрінің орынбасары – ҚР Ауыл шаруашылығы министрінің 01.02.2017 № 49 (алғашқы ресми жарияланған күнінен кейін қолданысқа енгізіледі) бұйрығымен.

3-параграф. Қаржы агентінің қатысуымен субсидия алу талаптары

      16. Алып тасталды – ҚР Премьер-Министрінің орынбасары – ҚР Ауыл шаруашылығы министрінің 01.02.2017 № 49 (алғашқы ресми жарияланған күнінен кейін қолданысқа енгізіледі) бұйрығымен.

      17. Қорландыру қаражатын орналастыру жөніндегі сыйақы мөлшерлемесі қорландыру қаражатын қаржы агентінің кейіннен қаржы институттарында орналастыруы үшін, қаржылық сауықтыру жөніндегі комиссияның шешімі негізінде теңгемен 7 (жеті) %-ын мемлекет субсидиялайтын жылдық 10 (он) %-дан асырылмай және шетелдік валютада 5 (бес) %-ын мемлекет субсидиялайтын жылдық 6 (алты) %-дан асырылмай белгіленеді.

      18. Қаржы агенті қорландыру қаражатын сыйақының теңгемен жылдық 3 (үш) %-дан және шетелдік валютада жылдық 1 (бір) %-дан аспайтын сыйақы мөлшерлемесімен қаржы институттарында орналастырады.

3-тарау. Субсидияларды есептеу тәртібі

      19. Осы Қағидалардың 25-тармағына сәйкес жасалған субсидиялау шарттары бойынша субсидиялар көлемі "2016-2018 жылдарға арналған республикалық бюджет туралы" Қазақстан Республикасының Заңын іске асыру туралы" Қазақстан Республикасы Үкіметінің 2015 жылғы 8 желтоқсандағы № 972 қаулысының (бұдан әрі – Қаулы) 11-1-тармағына сәйкес бұзылған шарттар бойынша субсидиялауды бермеу басталған бірінші күннен бастап есептеледі.

      20. Қаржы агентінің қатысуынсыз пайыздық мөлшерлемені субсидиялау оны қарыз алушылардың кредиттік және лизингтік міндеттемелері бойынша теңгемен жылдық 7 (жеті) %-ға және шетелдік валютада 5 (бес) %-ға төмендету арқылы жүзеге асырылады.

      21. Пайыздық мөлшерлемені субсидиялау қарыз алушының валюталық кредиттік/кредиторлық және лизингтік міндеттемелері бойынша, сондай-ақ шетел валютасына байланысты міндеттемелер бойынша жүзеге асырылуы мүмкін. Бұл ретте, субсидиялар сомасы Қазақстан Республикасының Ұлттық Банкі субсидиялар сомасын аудару күніне белгілеген бағам бойынша теңгемен төленеді. Оң бағамдық айырмашылық пайда болған жағдайда, оны келешек субсидиялар шотына есептейді, ал теріс бағамдық айырмашылық жағдайында оны қарыз алушы төлейді.

      22. Қайта құрылымдалған/қайта қаржыландырылған кредиттік және лизингтік шарттар бойынша талаптарды (сыйақы мөлшерлемесі, төлеу мерзімі, негізгі борышты және/немесе сыйақыны төлеу бойынша мерзімді ұзартуды беру) қаржылық сауықтыру жөніндегі комиссия шешімі бойынша жылына бір рет қана өзгертуге болады. Бұл ретте, қайта құрылымданған/қайта қаржыландандырылған кредиттік және лизингтік шарттардың мерзімдері өзгертілген (ұзартылған) жағдайда субсидиялар мерзімдері ұзартылмайды, сондай-ақ сыйақыны негізгі борышқа капиталдандыруға жол берілмейді.

      23. Қаржы агентінің қатысуымен субсидиялау жағдайында субсидиялар сомасы қаржы институттарында орналастырылған қорландыру қаражаты жалпы сомасының теңгемен 7 (жеті) %-ы және шетел валютасында орналасқан соманың жылдық 5 (бес) %-ы мөлшерінде қаржы агентіне беріледі. Бұл ретте субсидия мөлшері қаржы институттарының жыл сайын қорландыру қаражатын қайтаруы ескеріле отырып анықталады.

      24. Қаржы агентінің қатысуымен субсидиялау жағдайында қорландыру қаражатының көлемі және оларды қайтару мерзімдері негізгі борыш сомасынан және қаржы институттары қайта құрылымдайтын/қайта қаржыландыратын қарыз алушылардың кредиттік және лизингтік міндеттемелерінің қолданылуы мерзімдерінен аспауы тиіс.

4-тарау. Субсидия төлеу тәртібі
1-параграф. Жалпы ережелер

      25. Жұмыс органы Қаулының 11-1-тармағының 1) және 2) тармақшаларына және 11-2-тармағына сәйкес, бұдан бұрын 2013-2015 жылдары жасалған субсидиялау шарттарында көзделген талаптар мен міндеттемелерде, сондай-ақ комиссияның тиісті шарттар, оның ішінде субсидиялауға арналған өтінімдерін қаржылық сауықтыру жөніндегі комиссия кейінге қалдыру шартымен мақұлдаған қарыз алушылар бойынша тиісті шарттар жасалмаған шешімдеріне сәйкес субсидиялау шарттарын жасасады. Бұл ретте, көрсетілген субсидиялау шарттары осы Қағидаларға сәйкес құрылған қаржылық сауықтыру жөніндегі комиссияның қарауынсыз жасалады.

      27. Кредиттік және лизингтік міндеттемелер бойынша пайыздық мөлшерлемелерді субсидиялау қаражатын аудару қарыз алушы мен қаржы институты қол қоятын қайта құрылымдау/қайта қаржыландыру міндеттемелері туралы шарт жасалған күннен басталады. Субсидиялау қаражатын төлеу субсидиялау шарты жасалған сәттен бастап тиісті бюджеттік бағдарлама бойынша көзделген қаражат есебінен және шегінде оның қолданылу мерзімінің соңына дейін жүзеге асырылады. Бұл ретте субсидиялауға арналған қаражатты бөлу бұрын жасалған субсидиялау шарттарын есепке ала отырып жүзеге асырылады.

      29. Қаржылық сауықтыру жөніндегі комиссияның отырысын шақыру туралы хабарламаға негізгі қарыздың өтеу графигінің жаңартылған есебінің және қолданыстағы қайта құрылымдалған/қайта қаржыландырылған кредиттік/лизингтік шарт талаптары өзгерген жағдайда, сыйақының дұрыстығы туралы оператордың қорытындысы, қаржылық сауықтыру жөніндегі комиссияның хаттамалық шешімінің жобасы электрондық жеткізгіште қоса беріледі. Оператордың қорытындысы ұсыным сипатында болады.

      30. Қолданыстағы қайта құрылымдалған/қайта қаржыландырылған кредиттік/лизингтік шарт талаптарының өзгеруін мақұлдау/мақұлдамау туралы шешімді қаржылық сауықтыру жөніндегі комиссия оның мүшелерінің көпшілік дауысымен хаттамалық шешім түрінде қабылдайды.

      Бұл ретте қаржылық сауықтыру жөніндегі комиссия қолданыстағы құрылымдалған/қайта қаржыландырылған кредиттік/лизингтік шарт талаптарының өзгеруін мақұлдау/мақұлдамау туралы шешімді осы Қағидалардың 29-тармағында көрсетілген құжаттарды ескере отырып қабылдайды.

      Қаржы институты қайта құрылымдалған/қайта қаржыландырылған кредиттік және лизингтік шарттар бойынша талаптар өзгерген жағдайда қарыз алушыдан ақпараттық жүйелерде қамтылған, заңмен қорғалатын құпияны құрайтын мәліметтерді пайдалануға келісімін алады.

      32. Оператор 5 (бес) жұмыс күні ішінде қаржылық сауықтыру жөніндегі комиссия мүшелерінің қолдарын жинайды және қол қойылғаннан кейін бір күн мерзімінде қаржылық сауықтыру жөніндегі комиссия отырысы хаттамасынан үзінді-көшірмені электрондық почта арқылы қаржы институттарына және қаржы агентіне жолдайды.

      Оператор үзінді-көшірменің хатшының қолы қойылған, мөрмен расталған түпнұсқасын жұмыс органына береді, оны әрі қарай қаржы институтына және қаржы агентіне беру үшін мемлекеттік корпорацияға тапсырады.

      33. Қаржы институттары қаржылық сауықтыру жөніндегі комиссия отырысының хаттамасынан үзінді-көшірмені алғаннан кейін күнтізбелік 20 (жиырма) күннен аспайтын мерзімде қарыз алушыларға қаржылық сауықтыру шараларын қабылдайды.

      34. Қаржы институттары қарыз алушылар бастамашылық ететін кредит беру/лизинг беру шарттарын өзгертуге байланысты комиссияларды, алымдарды және/немесе өзге де төлемдерді қоспағанда, қарыз алушылардан қаржылық сауықтыруға қатысуға байланысты комиссияларды, алымдарды және/немесе өзге де төлемдерді алмайды.

2-параграф. Қаржы агентінің
қатысуынсыз субсидия төлеу тәртібі

      35. Қаржы институты пайыздық мөлшерлеменің субсидияланатын бөлігін алу үшін операторға:

      1) қарыз алушылардың қайта құрылымдалған/қайта қаржыландырылған кредиттік/лизингтік шарттарының қаржы институты растаған көшірмелерін;

      2) қаржы институтын мемлекеттік тіркеу/қайта тіркеу туралы анықтаманың немесе куәліктің көшірмесін;

      3) арнайы банктік шотты ашу туралы анықтаманы жолдайды.

      36. Оператор 3 (үш) жұмыс күні ішінде қайта құрылымдалған/қайта қаржыландырылған кредиттік/лизингтік шарттары бойынша өтінім сомасының қарыз алушылардың міндеттемелерін өтеу кестелеріне сәйкестігін, сондай-ақ субсидиялау шартына сәйкес қарыз алушылардың қайта құрылымдалған/қайта қаржыландырылған кредиттік/лизингтік шарттары бойынша сыйақы мөлшерлемесінің субсидияланатын бөлігін есептен шығаруға арналған қаражатты пайдалану туралы есепті (бірінші өтінімді берген кезде есеп ұсыну талап етілмейді) тексеруді жүзеге асырады және жұмыс органына субсидиялау үшін кезекті ақша траншын аудару туралы ұсыныс енгізеді.

      37. Қаржы институты жұмыс органының субсидиялар сомаларын аударуы үшін арнайы жеке банктік шот ашады, ал мұндай мүмкіндік болмаған жағдайда, қызмет көрсететін банкте арнайы шот ашады.

      38. Жұмыс органы қарыз алушы мен қаржы институты қол қоятын міндеттемелерді қайта құрылымдау/қайта қаржыландыру туралы шарт жасалған күннен бастап есептелетін субсидияларды қаржы институтына тиісті бюджеттік бағдарламада көзделген төлемдер бойынша жеке қаржыландыру жоспарына сәйкес алдыңғы тоқсанның соңғы айында арнайы банктік шотқа тоқсан сайын аванстық төлеммен аударуды жүзеге асырады. Бұл үшін жұмыс органы оператордың өтінімі негізінде 3 (үш) жұмыс күні ішінде тиісті төлем шоттарын қазынашылық органдарына жолдайды.

      39. Қаржы институты арнайы банктік шотты және онда орналасқан ақшалай қаражатты осы Қағидаларда көзделмеген өзге мақсаттарға пайдалана алмайды.

      40. Қаржы институты қарыз алушыдан пайыздық мөлшерлеменің субсидияланбайтын бөлігін алған кезде арнайы банктік шоттан қайта құрылымдалған/қайта қаржыландырылған кредиттік/лизингтік шартқа өтеу кестесіне сәйкес пайыздық мөлшерлеменің субсидияланатын бөлігін есептен шығаруды жүзеге асырады.

      41. Арнайы шотта пайдаланылмаған қаражат қалдығы пайда болған жағдайда:

      1) қарыз алушы бағдарламадан шығарылған жағдайда, қаржылық сауықтыру жөніндегі комиссия шешімі қабылданғаннан кейін бір ай ішінде қаржы институты оларды қайтаруды қамтамасыз етеді;

      2) қолданыстағы қайта құрылымдалған/қайта қаржыландырылған кредиттік/лизингтік шарт талаптары өзгерген жағдайда, қаржы институты тоқсан сайынғы есептілікті бергеннен кейін 5 (бес) жұмыс күні ішінде оларды қайтаруды жүзеге асырады.

      Бұл ретте, ағымдағы қаржы жылында жүргізілген төлемдерді қайтару Жұмыс органының кассалық шығыстарын орындалмаған міндеттемелердің сомасын ұлғайту және тиісті бюджеттік классификациялық шығыстар коды бойынша кассалық шығыстарды азайту жолдарымен қалпына келтіру арқылы жүзеге асырылады. Өткен жылдардың төлемдері қайтарылған жағдайда, қайтарым сомасы төлем жүргізілген тиісті бюджет кірісіне аударылады.

      42. Қайта құрылымдалған/қайта қаржыландырылған кредиттік/лизингтік шарт бойынша төлем күні келіп жеткен және қаржы институтының арнайы банктік шотында пайыздық мөлшерлеменің субсидияланатын бөлігін төлеу үшін қаражат болмаған жағдайда, қарыз алушы толық пайыздық мөлшерлемені өз қаражаты есебінен төлеуді жүзеге асырады. Пайыздық мөлшерлеменің субсидияланатын бөлігін жұмыс органы қаржы институтының арнайы банктік шотына қаражат аудару жолымен өтейді. Мұндай жағдайда қаржы институты қарыз алушыға бұрын төленген пайыздық мөлшерлеменің субсидияланатын бөлігін қарыз алушының есеп шотына пайыздық мөлшерлеменің субсидияланатын бөлігін аудару жолымен өтеуді жүргізеді.

      43. Қаржы агентінің қатысуынсыз Қарыз алушылардың қайта құрылымдалған/қайта қаржыландырылған кредиттік/лизингтік/кредиторлық міндеттемелері бойынша пайыздық мөлшерлемелерді субсидиялау үшін қаражат ұсыну жұмыс органы, оператор және қаржы институттары арасындағы үшжақты шарт (бұдан әрі – қаржы агентінің қатысуынсыз субсидиялау шарты) бойынша жүзеге асырылады.

      44. Қаржы институты қолданыстағы қайта құрылымдалған/қайта қаржыландырылған кредиттік/лизингтік шарттың талаптарын (пайыздық мөлшерлеме, сыйақыны төлеу мерзімі, негізгі борышты және/немесе сыйақыны төлеу бойынша кейінге шегеруді ұсыну) өзгерткен жағдайда, ол күнтізбелік 10 (он) күн ішінде мемлекеттік корпорацияға оларды жұмыс органына беру үшін қаржыландыру шарттарын өзгерту жөнінде қабылданған шешімнің көшірмесін, негізгі борышты және сыйақыны өтеудің жаңартылған кестесін қамтитын құжаттар топтамасымен қоса өтінімді тапсырады. Жұмыс органы көрсетілген құжаттарды алғаннан кейін оларды операторға жолдайды.

      45. Оператор жұмыс органынан құжаттар топтамасын алғаннан кейін, негізгі борышты және сыйақыны өтеудің жаңартылған кестесін есептеу дұрыстығын тексеруді жүзеге асырады және күнтізбелік 14 (он төрт) күннен кешіктірілмейтін мерзімде қорытынды жасайды және құжаттарды қаржылық сауықтыру жөніндегі комиссияның кезекті отырысында қарау үшін жолдайды.

      46. Қаржылық сауықтыру жөніндегі комиссия теріс шешім қабылдаған жағдайда, қолданыстағы қайта құрылымдалған/қайта қаржыландырылған кредиттік/лизингтік шарт талаптары өзгеріссіз қалады.

      Қарыз алушы қайта құрылымдалған/қайта қаржыландырылған кредиттік шарт бойынша негізгі борышты ішінара мерзімінен бұрын өтеген жағдайда, қаржы институты есептелген сыйақы фактісі бойынша есептелген субсидияларды есепке қосуды жүргізеді.

      Комиссия оң шешім қабылдаған жағдайда, жұмыс органы 10 (он) жұмыс күні ішінде осы Қағидалардың 22-тармағының талаптарын сақтай отырып, қаржы агентінің қатысуынсыз субсидиялау шартына тиісті өзгерістер енгізеді.

      47. Қаржы агентінің қатысуынсыз субсидиялау шарты қаржылық сауықтыру жөніндегі комиссия шешімінің негізінде жасалады және қаржы институтына қаражат аударудың тәртібі мен талаптарын, қарыз алушының пайыздық мөлшерлемесінің субсидияланатын бөлігін қаржы институтының есептен шығаруы процесін оператордың мониторингтеуі шарттарын, тараптардың жауапкершілігін көздейді.

      48. Қаржы агентінің қатысуынсыз субсидиялау шартына қол қою тәртібі:

      1) қарыз алушы және қаржы институты қол қойған міндеттемелерді қайта құрылымдау/қайта қаржыландыру туралы шарт жасалған күннен бастап 5 (бес) жұмыс күніне дейінгі мерзімде оператор мен қаржы институты арасында;

      2) жұмыс органымен – оператордан қаржы агентінің қатысуынсыз субсидиялау шартын алған күннен бастап 3 (үш) жұмыс күні ішінде.

3-параграф. Қаржы агентінің қатысуымен субсидия төлеу тәртібі

      49. Қаржы агенті субсидия алу үшін операторға:

      1) әрбір қаржы институты бойынша қорландыру қаражатының аударылғанын растайтын құжаттар қоса ұсынылған өтінімді;

      2) қаржы институттарының қорландыру қаражатын пайдалануы жөніндегі есепті;

      3) қарыз алушылардың қайта құрылымдалған/қайта қаржыландырылған кредиттік/лизингтік шарттарының қаржы институттары растаған көшірмелерін жолдайды.

      50. Қарыз алушылардың қайта құрылымдалған/қайта қаржыландырылған кредиттік/лизингтік міндеттемелері бойынша пайыздық мөлшерлемені субсидиялау үшін қаражатты ұсыну осы Қағидаларға 4-қосымшаға сәйкес нысан бойынша жасалатын қаржы агентінің қатысуымен қаржылық сауықтыру үшін агроөнеркәсіптік кешен субъектілерінің кредиттік және лизингтік міндеттемелері бойынша сыйақы мөлшерлемелерін субсидиялау үшжақты шарты (бұдан әрі – қаржы агентін субсидиялау шарты) бойынша жүзеге асырылады.

      52. Қаржы агенті қаржылық сауықтыру жөніндегі комиссия отырысының хаттамасынан үзінді көшірме алғаннан кейін 10 (он) жұмыс күнінен аспайтын мерзімде қаржы институттарымен қаржы агентінің қорландыру қаражатын аудару және оларды қайтару тәртібі мен талаптарын, сондай-ақ қаржылық сауықтыру мониторингінің талаптарын, тараптардың жауапкершілігін көздейтін қарыз туралы негіздемелік келісім/нысаналы жедел банктік салым шартын жасайды.

      53. Оператор 3 (үш) жұмыс күні ішінде өтінім сомасының қаржы институттарында орналастырылған қорландыру қаражаттарына сәйкестігін, сондай-ақ қаржы агентінің субсидиялау шартына сәйкес қорландыру қаражатын пайдалану туралы есепті тексеруді жүзеге асырады және жұмыс органына субсидиялау үшін кезекті ақша траншын аудару туралы ұсыныс енгізеді.

      54. Қаржы институттарына жасалған негіздемелік келісімдер шеңберінде қарыздарды ұсыну транштарды ұсыну жолымен жүзеге асырылады.

      Әрбір қаржы институты үшін қорландыру қаражатының көлемі қаржы агентінің ішкі нормативтік құжаттарына сәйкес дербес айқындалады.

      55. Қаржы институттары қорландыру қаражатын қарыз алушылардың кредиттік/кредиторлық және лизингтік міндеттемелерін қайта құрылымдау/қайта қаржыландыру мақсатында пайдаланады.

      56. Қаржы институты қолданыстағы қайта құрылымдалған/қайта қаржыландырылған кредиттік/лизингтік шарттың талаптарын өзгертуді жоспарлаған жағдайда (негізгі борыштың барлық сомасын немесе оның бір бөлігін төлеу бойынша мерзімді ұзарту), ол 5 (бес) жұмыс күні ішінде бұл туралы қаржы агентіне жазбаша хабарлайды.

      Қаржы агенті хабарламаны алған күннен бастап 5 (бес) жұмыс күні ішінде қаржы институтына негізгі борышты немесе оның бір бөлігін өтеу кестесін өзгертуге келісім беру немесе келісім бермеу туралы хат жолдайды.

      Қаржы институты қаржы агенті хатының негізінде келесі іс-шаралардың бірін өткізеді:

      1) қаржы агенті негізгі борыштың барлық сомасын немесе оның бір бөлігін өтеу кестесін өзгертуге келісім берген жағдайда, мемлекеттік корпорацияға оларды жұмыс органына беру үшін қаржыландырудың талаптарын өзгерту жөнінде қабылданған шешімнің көшірмесін, негізгі борышты өтеудің жаңартылған кестесін және қаржы агентінің хатын қамтитын құжаттар топтамасымен хатты тапсырады. Жұмыс органы көрсетілген құжаттарды алғаннан кейін оларды операторға жолдайды;

      2) қаржы агенті негізгі борышты немесе оның бір бөлігін өтеу кестесін өзгертуге келісім бермеген жағдайда, қарыз алушыға қорландыру қаражатын қатыстырмай қаржылық сауықтыру шараларын әрі қарай қолдану мүмкіндігін қарастыру туралы құжаттар топтамасымен қоса мемлекеттік корпорацияға оларды жұмыс органына беру үшін хат тапсырады. Жұмыс органы көрсетілген құжаттарды алғаннан кейін оларды операторға жолдайды.

      57. Оператор осы Қағидалардың 56-тармағында көрсетілген құжаттарды жұмыс органынан алғаннан кейін, негізгі борышты өтеудің жаңартылған кестесін есептеу дұрыстығын тексеруді жүзеге асырады және 10 (он) жұмыс күнінен кешіктірілмейтін мерзімде қорытынды жасайды және құжаттарды қаржылық сауықтыру жөніндегі комиссияның кезекті отырысына қарау үшін жолдайды.

      Қаржы агентінің келісім беру туралы хаты болған және комиссия оң шешім қабылдаған жағдайда, жұмыс органы 10 (он) жұмыс күні ішінде осы Қағидалардың 22-тармағының талаптарын сақтай отырып, қаржы агентін субсидиялау шартына тиісті өзгерістер енгізеді.

      Қаржы агентінің келісім беру туралы хаты болмаған және комиссия оң шешім қабылдамаған жағдайда, жұмыс органы 15 (он бес) жұмыс күні ішінде қаржы агентінің субсидиялау шартын бұзады және осы Қағидалардың 13 және 22-тармақтарының талаптарын сақтай отырып, қаржы агентінің қатысуынсыз субсидиялау шартын жасасады.

      58. Қаржы институты субсидиялау шартына қол қойылғаннан кейін 10 (он) жұмыс күні ішінде қаржы агентіне қорландыру қаражатын қайтарады.

      Пайдаланылмаған қаражат қалдығын қаржы агенті осы Қағидалардың 41-тармағына сәйкес қайтарады.

      59. Қаржы агентінің субсидиялау шарты қаржылық сауықтыру жөніндегі комиссия шешімінің негізінде жасалады және қаржы институтына қаражат аударудың тәртібі мен шарттарын, қарыз алушының пайыздық мөлшерлемесінің субсидияланатын бөлігін қаржы институтының есептен шығару процесіне оператордың мониторинг жүргізу шарттарын, тараптардың жауапкершілігін және өзге де шарттарды көздейді.

      60. Қаржы агентін субсидиялау шартына қол қою тәртібі:

      1) қарыз алушы және қаржы институты қол қойған міндеттемелерді қайта құрылымдау/қайта қаржыландыру туралы шарт жасалған күннен бастап 5 (бес) жұмыс күніне дейінгі мерзімде оператор мен қаржы институты арасында;

      2) жұмыс органымен – оператордан субсидиялау шартын алған күннен бастап 5 (бес) жұмыс күні ішінде.

      61. Жұмыс органы субсидияны қаржы агентіне қаржы институтына қорландыру қаражаты ұсынылған күннен бастап есептелетін аванстық төлеммен тоқсан сайын, алдыңғы тоқсанның соңғы айында жеке қаржыландыру жоспарына сәйкес тиісті бюджеттік бағдарламада көзделген төлемдер бойынша аударуды жүзеге асырады.

      62. Қаржы институттары қарызды берген күннен бастап 45 (қырық бес) жұмыс күні ішінде ұсынылған қорландыру қаражаты есебінен қарыз алушылардың кредиттік/кредиторлық/лизингтік міндеттемелерін қайта құрылымдауды/қайта қаржыландыруды жүргізбеген жағдайда, аталған қаражат жоғарыда көрсетілген мерзім аяқталған күннен бастап 5 (бес) жұмыс күні ішінде қаржы агентіне қайтарылуы тиіс.

5-тарау. Субсидиялауды тоқтату тәртібі

      63. Қарыз алушы негізгі борыштың жоспарлы төлемін және/немесе сыйақының субсидияланбайтын бөлігін өтеу бойынша міндеттемелерін қатарынан 3 (үш) ай бойы орындамаған жағдайда, қаржы институты/қаржы агенті аталған факті анықталған сәттен бастап 2 (екі) жұмыс күні ішінде бұл туралы жұмыс органын жазбаша хабардар етеді.

      Жұмыс органы көрсетілген ақпаратты алғаннан бастап 2 (екі) жұмыс күні ішінде қарыз алушыны субсидиялауды тоқтату туралы қаржы институтын және операторды хабардар етеді.

      Қаржы институты субсидиялауды тоқтату туралы ақпаратты алғаннан кейін 1 (бір) жұмыс күні ішінде қарыз алушыны хабардар етеді.

      64. Оператор қаржы институты/қаржы агенті ұсынған ақпараттың негізінде қарыз алушының кредиттік/кредиторлық/лизингтік міндеттемелері бойынша пайыздық мөлшерлемелерді субсидиялауды тоқтату туралы мәселені қаржылық сауықтыру жөніндегі комиссияның кезекті отырысының қарауына шығарады.

      65. Оператор қаржылық сауықтыру жөніндегі комиссия субсидиялауды тоқтату туралы шешім қабылдаған сәттен бастап 5 (бес) жұмыс күні ішінде қабылданған шешімнің себептерін көрсете отырып, осы Қағидалардың 14-тармағында көрсетілген талаптар негізінде қаржы институтын/қаржы агентін және қарыз алушыны хатпен хабардар етеді.

6-тарау. Қаржылық сауықтырудың есептілігі және мониторингі

      66. Қаржы институты/қаржы агенті тоқсан сайын, есепті кезеңнен кейінгі айдың 15-іне дейін және жылдың аяғында 10 желтоқсанға дейін (1 желтоқсандағы жағдай бойынша ақпарат) операторға есептілік ұсынады.

      66-1. Қаржы институты жыл сайын 10 желтоқсанға дейін (1 желтоқсандағы жағдай бойынша) жұмыс органына АӨК субектісінің қаржы-экономикалық ахуалы бөлігінде қаржылық сауықтыру жоспарын орындау туралы қорытындыны ұсынады.

      67. Оператор қаржы институтынан осы Қағидаларға 5-қосымшаға сәйкес нысан бойынша субсидиялардың нақты пайдаланылуы туралы есепті алғаннан кейін оған сыйақы мөлшерлемесінің субсидияланатын бөлігінің төленген қаражатының осы Қағидалардың талаптарына сәйкестігі тұрғысынан талдау жасайды және тоқсан сайын, есепті кезеңнен кейінгі айдың 30-ына дейін және жылдың аяғында 20 желтоқсанға дейін (1 желтоқсандағы жағдай бойынша ақпарат) оны жұмыс органына жолдайды.

      68. Оператор тоқсан сайын, есепті кезеңнен кейінгі айдың 30-ына дейін жұмыс органына қарыз алушыларды қаржылық сауықтыру бойынша орындалған жұмыс туралы есепті ұсынады.

      69. Қаржылық сауықтыруды іске асыру мониторингін оператор жүзеге асырады, оның функцияларына:

      2) қаржы институты ұсынатын құжаттар негізінде қарыз алушының негізгі борыштың бір бөлігін және ол бойынша пайыздарды уақтылы өтеуінің тоқсан сайынғы мониторингі;

      3) қаржы институты ұсынатын құжаттар негізінде қарыз алушының субсидияланатын кредитті/лизингті мерзімінен бұрын өтеуінің тоқсан сайынғы мониторингі;

      4) қаржы агенті ұсынатын мәліметтер негізінде қарыз алушының қайта құрылымдалған/қайта қаржыландырылған кредиттік/лизингтік шарт бойынша қаржы институтының алдындағы міндеттемелерін толық мерзімінен бұрын өтеуінің тоқсан сайынғы мониторингі;

      5) қаржылық сауықтыру жоспарларын орындаудың жыл сайынғы мониторингі;

      6) субсидияланған кредиттік және лизингтік шарттардың жыл сайынғы мониторингі;

      7) бұрын жасалған субсидиялау шарттарын ескере отырып, тиісті қаржы жылына арналған субсидияларды бөлудің жыл сайынғы мониторингі жатады.

      70. Жұмыс органы тоқсан сайын, оператордан төлемдер мониторингін алғаннан кейін 10 (он) жұмыс күні ішінде және жылдың соңында 30 желтоқсанға дейін (1 желтоқсандағы жағдай бойынша ақпарат) Қазақстан Республикасы Ауыл шаруашылығы министрлігіне осы Қағидаларға 6-қосымшаға сәйкес нысан бойынша облыс, республикалық маңызы бар қала, және астана әкімінің орынбасары келіскен қарыз алушыларды қаржылық сауықтыру бағдарламасын іске асыру туралы мәліметтерді ұсынады.

      71. Қазақстан Республикасы Ауыл шаруашылығы министрлігі 2008 жылғы 4 желтоқсандағы Қазақстан Республикасының Бюджеттік кодексі 112-бабының 4-тармағына сәйкес бюджеттік бағдарламаның іске асырылуын мониторингтеу нәтижелері туралы есептерді Қазақстан Республикасы Қаржы министрлігіне ұсынады.

      Нысан

Агроөнеркәсіптік кешен субъектілерін қаржылық сауықтыру кезінде
пайыздық мөлшерлемені субсидиялауға арналған өтінім

      20___ жылғы "____" ______________

      Кімге:

      _____________________________________________________________________

      (оператордың атауы)

      Кімнен: _____________________________________________________________

      (қаржы институтының атауы, почталық заңды мекенжайы, байланыс

      телефондары, БСН, банктік деректемелері)

      Осымен:

      1) қарыз алушының кредиттік және лизингтік шарттары бойынша басқа мемлекеттік және/немесе бюджеттік бағдарламалар бойынша сыйақы мөлшерлемесін субсидиялау түрінде қолдау, сондай-ақ республикалық бюджеттің және Қазақстан Республикасы Ұлттық қорының қаражаты есебінен мемлекеттік қолдау көрсетілмейтіні;

      2) қарыз алушылардың қаржылық берешегін қайта құрылымдау жағдайларын, сондай-ақ жеделдетілген оңалту рәсіміндегі немесе оңалту рәсіміндегі қарыз алушыларды қоспағанда, қарыз алушының қызметі ұйымдық-құқықтық нысанын өзгерту, тарату, оңалту немесе банкротқа ұшырау сатысында тұрмағаны, сондай-ақ оның қызметі Қазақстан Республикасының қолданыстағы заңнамасына сәйкес уақытша тоқтатылмағаны расталады.

       Қаржы институтының бірінші басшысының тегі, аты, әкесінің аты (бар болған жағдайда) және қолы ______________________

       Мөр орны (бар болса)

      Өтінім беру күні 20___жылғы "__" ______________

      Өтінімді қабылдау күні 20___жылғы "__" ______________

      Өтінімді қабылдаған адамның тегі, аты, әкесінің аты (бар болған жағдайда) және телефон нөмірі _______________________________________

      -------------------------------Кесу сызығы---------------------------

      Талон

      №_________________ Агроөнеркәсіптік кешен субъектілерін қаржылық сауықтыру кезінде пайыздық мөлшерлемені субсидиялауға арналған өтінім 20__ жылы "__" ______ ___ сағат ____ минутта қарауға қабылданды.

      ______ ______________________________________________________________

      (қолы) (өтінімді қабылдаған жауапты адамның тегі, аты, әкесінің аты

      (бар болған жағдайда))

Агроөнеркәсіптік кешен субъектілерін қаржылық сауықтыру жоспары

      Ескерту. Қағида 1-1-қосымшамен толықтырылды – ҚР Премьер-Министрінің орынбасары – ҚР Ауыл шаруашылығы министрінің 01.02.2017 № 49 (алғашқы ресми жарияланған күнінен кейін қолданысқа енгізіледі) бұйрығымен.

      "__________________________"

                               (агроөнеркәсіптік кешен субъектісінің атауы)

      1. Қаржылық сауықтыру үшін міндеттеме (лер) бойынша жоспарланатын талаптар:

      2. Қарыз алушы жөніндегі ақпарат:

      3. Бизнестің тарихы:

      (кәсіпорын тарихын толық сипаттау)

      4. Қызметінің сипаттамасы:

      (кәсіпорын қызметін, өндіретін азық-түлік тауарларын, өндіріс әдістерін, бәсекелестерін, өнім берушілерін (қызмет көрсетушілерін), өткізу нарықтарын (сатып алушыларын) және т. б. толық сипаттау)

      5. Түсім бойынша мәліметтер:

      (әрбір дақыл бойынша бөлінген және әр жыл бөлінісіндегі жиналған түсім бойынша мәліметтер)

      1. Жерлердің құрылымы:

      2. Материалдық-техникалық базасы:

      3. Кәсіпорынның техникалық паркі:

      4. Ағымдағы қаржылық жай-күйі:

      (агроөнеркәсіптік кешен субъектісінің ағымдағы күнге және соңғы есеп беру кезеңіне қаржылық есептілігі (бухгалтерлік теңгерім, пайда және шығындар туралы есеп, қаражат қозғалысы туралы есеп))

      5. Қаржылық есептіліктің болжамдық көрсеткіштері:

      (субсидиялауды есепке алғанда және алмағанда қаржылық есептер болжамы (болжамдық бухгалтерлік теңгерім, пайда мен шығындар туралы есеп, ақша ағымының болжамы))

      6. Қаржы институтының қорытындысы:

      (Қаржы институты дайындаған осы қорытындыда заттай және қаржылық мәнде қаржылық сауықтырудан күтілетін әсердің сипаттамасы қамтылуы керек)

      ______қосымша

      (қосымшалардың бірінде Қарыз алушының өтеудің жоспарланған кестесінен басқа, төменде келтірілген нысан бойынша әр жылдың әр тоқсаны бөлінісінде сыйақыны, субсидияларды және негізгі борышты бөлуді көрсету қажет)

      Қаржы институтының басшысы ____________________________________________________

      (тегі, аты, әкесінің аты (бар болған жағдайда), қолы)

      Мөр орны

      Қарыз алушы ____________________________________________________________________

      (тегі, аты, әкесінің аты (бар болған жағдайда), қолы)

      Мөр орны (бар болса)

Агроөнеркәсіптік кешен субъектілерін қаржылық сауықтыру жоспары
"__________________________"

      (агроөнеркәсіптік кешен субъектісінің атауы)

      1. Қаржылық сауықтыру үшін міндеттеме(лер) бойынша жоспарланатын талаптар:

      2. Қарыз алушы жөніндегі ақпарат:

      3. Бизнестің тарихы:

      (кәсіпорын тарихын толық сипаттау)

      4. Қызметінің сипаттамасы:

      (кәсіпорын қызметін, өндіретін азық-түлік тауарларын, өндіріс әдістерін, бәсекелестерін, өнім берушілерін (қызмет көрсетушілерін), өткізу нарықтарын (сатып алушыларын) және т. б. толық сипаттау)

      5. Түсім бойынша мәліметтер:

      (әрбір дақыл бойынша бөлінген және әр жыл бөлінісіндегі жиналған түсім бойынша мәліметтер)

      1. Жерлерді ң құрылымы:

      2. Материалды қ-техникалық базасы:

      3. Кәсіпорынның техникалық паркі:

      4. Ағымдағы қаржылық жай-күйі:

      (агроөнеркәсіптік кешен субъектісінің ағымдағы күнге және соңғы есеп беру кезеңіне қаржылық есептілігі (бухгалтерлік теңгерім, пайда және шығындар туралы есеп, қаражат қозғалысы туралы есеп))

      5. Қаржылық есептіліктің болжамдық көрсеткіштері:

      (субсидиялауды есепке алғанда және алмағанда қаржылық есептер болжамы (болжамдық бухгалтерлік теңгерім, пайда мен шығындар туралы есеп, ақша ағымының болжамы))

      6. Қаржы институтының қорытындысы:

      (Қаржы институты дайындаған осы қорытындыда заттай және қаржылық мәнде қаржылық сауықтырудан күтілетін әсердің сипаттамасы қамтылуы керек)

      ______қосымша

      (қосымшалардың бірінде Қарыз алушының өтеудің жоспарланған кестесінен басқа, төменде келтірілген нысан бойынша әр жылдың әр тоқсаны бөлінісінде сыйақыны, субсидияларды және негізгі борышты бөлуді көрсету қажет)

      Қаржы институтының басшысы __________________________________________

       (тегі, аты, әкесінің аты (бар болған жағдайда), қолы)

      Мөр орны

      Қарыз алушы _________________________________________________________

(тегі, аты, әкесінің аты (бар болған жағдайда), қолы)
Мөр орны (бар болса)
Агроөнеркәсіптік кешен
субъектілерін қаржылық
сауықтыру жөніндегі бағыт
шеңберінде кредиттік және
лизингтік міндеттемелер
бойынша пайыздық
мөлшерлемені
субсидиялау қағидаларына
3-қосымшаpardАгроөнеркәсіптік кешенді дамытудың басым бағыттары

      Нысан

Қаржы агентінің қатысуымен қаржылық сауықтыру үшін
агроөнеркәсіптік кешен субъектілерінің кредиттік және лизингтік
міндеттемелері бойынша сыйақы мөлшерлемелерін субсидиялаудың
№_____ шарты

      _______________________ 20__ жылғы "___"__________

      (шарт жасасу орны)

      Бұдан әрі "Жұмыс органы" деп аталатын _______________ облысының Ауыл шаруашылығы басқармасы атынан 20__ жылғы ___ __________ №______ сенімхат негізінде әрекет ететін __________ облысы әкімінің жетекшілік ететін орынбасары ________________________ бір тараптан, бұдан әрі "Оператор" деп аталатын ______________________________ атынан 20__ жылғы___ ______ ________ №______________________ негізінде әрекет ететін _________________________ екінші тараптан, бұдан әрі "Қаржы агенті" деп аталатын ___________________ атынан ________________________негізінде әрекет ететін ____________________ үшінші тараптан, бұдан әрі бірлесіп "Тараптар", ал жекелей "Тарап" не жоғарыда көрсетілгендей аталатындар, төмендегілер туралы осы Қаржы агентінің қатысуымен қаржылық сауықтыру үшін агроөнеркәсіптік кешен субъектілерінің кредиттік және лизингтік міндеттемелері бойынша сыйақы мөлшерлемелерін субсидиялау шартын (бұдан әрі – Шарт) жасасты.

      1. Осы Шартта Агро өнеркәсіптік кешен субъектілерін қаржылық сауықтыру жөніндегі бағыт шеңберінде кредиттік және лизингтік міндеттемелер бойынша пайыздық мөлшерлемені субсидиялау қағидаларының (бұдан әрі – Қағидалар) 2-тармағында көрсетілген ұғымдар пайдаланылады.

1. Шарт нысанасы

      2. Осы Шарт субсидияларды Қаржы агентіне аудару тәртібі мен талаптарын, Оператордың субсидиялау процесіне мониторинг жүргізуі, Қарыз алушының сыйақы мөлшерлемесінің бір бөлігін сауықтыру талаптарын, Тараптардың жауапкершіліктерін және өзге де талаптарды көздейді.

2. Шарт талаптары

      3. Осы Шарт бойынша Жұмыс органы Шартта айқындалатын талаптарда осы Шартқа 1-қосымшаға сәйкес тиісті бюджеттік бағдарлама бойынша бөлінген ақша сомасы шегінде субсидиялауды жүзеге асыруға міндеттенеді.

      4. Осы Шарт бойынша сома Қарыз алушы осы Шартқа 1-қосымшада Субсидиялауға жататын қаржы институттатрының міндеттемелерді өтеу кестесінде көрсетілген міндеттемелерін ішінара немесе толығымен мерзімінен бұрын өтеген жағдайда немесе Қағидаларда көзделген өзге жағдайларда түзетілуі мүмкін.

      5. Қаржы агенті сыйақы мөлшерлемесінің субсидияланатын бөлігін алу үшін Операторға осы Шартқа 2-қосымшаға сәйкес нысан бойынша сыйақы мөлшерлемесін субсидиялауға қаражат аударуға арналған өтінімді осы Шартқа Қорландыру қаражатын аудару есебін 3-қосымшаға сәйкес және Субсидиялардың нақты пайдаланылуы туралы есепті 4-қосымшаға сәйкес нысандар бойынша қоса бере отырып, өтінім жолдайды.

      6. Оператор 3 (үш) жұмыс күні ішінде өтінім сомасының осы Шартқа Субсидиялауға жататын қаржы институттатрының міндеттемелерді өтеу кестесі 1-қосымшаға сәйкестігін тексеруді жүзеге асырады және Жұмыс органына субсидиялауға арналған қаражаттың кезекті траншын аудару туралы ұсыныс енгізеді.

      7. Субсидиялар сомасы жыл сайын Қаржы агентіне қаржы институттарында орналастырылған қорландыру қаражатының жалпы сомасының теңгемен 7 (жеті) %-ы мөлшерінде беріледі. Бұл ретте субсидия мөлшерін қаржы институттарының жыл сайын қорландыру қаражатын қайтаруын есепке ала отырып, айқындалады.

      8. Жасалған субсидиялау шартына сәйкес Жұмыс органы Қаржы агентінің арнайы шотына жеке қаржыландыру жоспарына сәйкес тиісті бюджеттік бағдарламада көзделген төлемдер бойынша тоқсан сайын, алдыңғы тоқсанның соңғы айында аванстық төлемдермен субсидиялар сомасын аударады.

      9. Қорландыру қаражатын орналастыру бойынша сыйақы мөлшерлемесі қорландыру қаражатын Қаржы агентінің кейіннен қаржы институттарында орналастыруы үшін қаржылық сауықтыру жөніндегі комиссияның шешімі негізінде теңгемен 7 (жеті) %-ын мемлекет субсидиялайтын жылдық 10 (он) %-дан аспайтын шетелдік валютада 5 (бес) %-ын мемлекет субсидиялайтын жылдық 6 (алты) %-дан аспайтын мөлшерде белгіленеді.

      10. Қорландыру қаражатын Қаржы агенті теңгемен жылдық 3 (үш) %-дан және шетелдік валютада жылдық 1 (бір) %-дан аспайтын сыйақы мөлшерлемесімен қаржы институттарында орналастырады.

      11. Қаржы агенті қаржылық сауықтыру жөніндегі комиссия отырысының хаттамасынан үзінді-көшірме алғаннан кейін 10 (он) жұмыс күнінен аспайтын мерзімде қаржы институттарымен қорландыру қаражатын аударудың және оларды қайтарудың тәртібі мен талаптарын, сондай-ақ қаржылық сауықтыру мониторингі талаптарын, Тараптардың жауапкершілігін және өзге де талаптарды көздейтін қарыз туралы негіздемелік келісім жасасады.

3. Тараптардың құқықтары мен міндеттері

      12. Жұмыс органы:

      1) осы Шартта белгіленген, Тараптар үшін көзделген міндеттемелерді орындау мерзімдерінің сақталуын бақылауды жүзеге асыруға және олардың уақтылы орындалуын талап етуге;

      2) Қаржы агентінен қаржы институттарында қорландыру қаражаттарын орналастыру жөніндегі құжаттар мен ақпаратты сұратуға құқылы;

      3) Қағидаларға сәйкес өзге де құқықтар.

      13. Жұмыс органы:

      1) Шартта көзделген мерзімдерде Қаржы агентінің арнайы шотына субсидиялар сомасын аударуға;

      2) республикалық бюджетте қаражат болмаған жағдайда, Қаржы агентін субсидия аударудың мүмкін еместігі туралы хабардар етуге міндеттенеді.

      14. Оператор:

      1) өзінің құқықтарын және өзіне жүктелген міндеттерді іске асыру үшін Қаржы агентінен қажетті ақпаратты, оның ішінде коммерциялық және банк құпиясы қамтылған мәліметтерді, субсидиялау рәсіміне қатысатын Қарыз алушы туралы құжаттар мен ақпаратты сұратуға және оларды алуға құқылы;

      2) Қағидаларға сәйкес өзге де құқықтар.

      15. Оператор:

      1) 3 (үш) жұмыс күні ішінде өтінім сомасының және осы Шартқа Субсидиялауға жататын қаржы институттатрының міндеттемелерді өтеу кестесі 1-қосымшасына сәйкестігін тексеруді жүзеге асыруға міндетті. Өтінім деректері сәйкес келмеген жағдайда осы факті туралы Қаржы агентін хабардар етуге;

      2) есептерді сыйақы мөлшерлемесінің субсидияланатын бөлігін есептен шығару үшін қаражаттың нақты пайдаланылу тұрғысынан тексеруді жүзеге асыруға;

      3) Шартта белгіленген мерзімдерде өтінім сомасының және осы Шартқа 1-қосымшаның сәйкестігін тексеру негізінде сыйақы мөлшерлемесін субсидиялау үшін ақша қаражаттарының кезекті траншын аудару туралы Жұмыс органына тиісті ұсыныстар енгізуге;

      4) тоқсан сайын есепті айдан кейінгі айдың 30 (отызыншы) күніне дейін Жұмыс органына осы Шартқа 4-қосымшаға сәйкес нысан бойынша субсидияның нақты пайдаланылуы туралы есепті жолдауға;

      5) қаржылық сауықтыру жөніндегі комиссия субсидиялауды тоқтату туралы шешім қабылдаған сәттен бастап 5 (бес) жұмыс күні ішінде қабылданған шешімнің себебін көрсете отырып, Қаржы агентін хатпен хабардар етуге;

      6) осы Шарт талаптарын өзгерту, Қарыз алушының сыйақы мөлшерлемесін субсидиялауды тоқтату туралы мәселені Қаржылық сауықтыру жөніндегі комиссияның қарауына енгізуге;

      7) Қарыз алушының кредитті мақсатты пайдалануына, Қарыз алушының негізгі борыш бөлігі мен сыйақыны уақтылы өтеуіне, Қаржы институты ұсынған құжаттардың негізінде субсидияланатын кредит шартын Қарыз алушының мерзімінен бұрын өтеуіне мониторингті жүзеге асыруға міндетті.

      16. Қаржы агенті:

      1) Қарыз алушыны субсидиялауды тоқтату жағдайын қоспағанда, Жұмыс органынан осы Шарттың шеңберінде көзделген сыйақы мөлшерлемесінің субсидияланатын бөлігін уақтылы аударуды талап етуге;

      2) Жұмыс органын қаржы институттарын субсидиялауға арналған қаражаттың жеткіліксіздігі туралы хабардар етуге;

      3) құжаттардың толық топтамасын ұсынбаған не белгіленген нысандарға сәйкес келмейтін құжаттарды ұсынған немесе өтінімдер сомасы сәйкес келмеген жағдайда, құжаттарды алған күннен бастап 10 (он) жұмыс күні ішінде осы Шарттың 6-тармағында көрсетілген құжаттарды Қаржы институтына пысықтауға қайтаруға құқылы;

      4) Қағидаларға сәйкес өзге де құқықтар.

      17. Қаржы агенті:

      1) есепті тоқсаннан кейінгі айдың 15-іне дейін Операторға осы Шартқа Субсидиялардың нақты пайдаланылуы туралы есепті 4-қосымшаға сәйкес нысан бойынша субсидияның нақты пайдаланылуы туралы есепті беруге;

      2) Қаржы институты қолданыстағы кредиттік шарт талаптарына жоспарланатын өзгеріс туралы (негізгі қарыздың барлық сомасын немесе оның бір бөлігін төлеуді кейінге қалдыру) жүгінген жағдайда, Қаржы агенті өтініш келіп түскен күннен бастап 5 (бес) жұмыс күні ішінде Қаржы институтын қабылданған шешім туралы жазбаша түрде хабардар етеді.

      3) Операторға осы Шартқа Қорландыру қаражатын аудару есебін 3-қосымшаға сәйкес және Субсидялардың нақты пайдаланылуы туралы есепті 4-қосымшаға сәйкес нысандар бойынша есептер қоса берілген өтінімді беруге міндетті.

4. Тараптардың жауапкершілігі

      18. Тараптар осы Шарт бойынша осы Шарттан туындайтын міндеттемелерді орындамаған және/немесе тиісінше орындамағаны үшін осы Шартқа және Қазақстан Республикасының заңнамасына сәйкес жауапты болады.

5. Форс-мажорлық мән-жайлар

      19. Егер орындаудың мүмкін болмауы форс-мажорлық мән-жайлардың салдары болып табылса, Тараптар осы Шарт бойынша міндеттемелерін орындамағаны не тиісінше орындамағаны үшін жауапкершіліктен босатылады.

      20. Форс-мажорлық мән-жайлар басталған кезде, осы Шарт бойынша өз міндеттемелерін орындау мүмкін болмаған Тарап олар туындаған сәттен бастап 10 (он) жұмыс күні ішінде осындай мән-жайлар туралы екінші Тарапты уақтылы хабардар етуі тиіс. Бұл ретте форс-мажорлық мән-жайлардың сипаты, әрекет ету кезеңі, басталу фактісі уәкілетті мемлекеттік органдардың тиісті құжаттарымен расталуға тиіс.

      21. Уақтылы хабарланбаған кезде Тарап екінші Тарапқа хабарламаудан немесе уақтылы хабарламаудан келтірілген зиянды өтеуге міндетті.

      22. Форс-мажорлық мән-жайлардың басталуы осы Шарттың орындалу мерзімін олардың әрекет ету кезеңіне ұзартуға әкеп соқтырады.

      23. Егер мұндай мән-жайлар қатарынан үш айдан артық жалғасатын болса, онда Тараптардың кез келгені осы Шарт бойынша міндеттемелерін одан әрі орындаудан бас тартуға құқылы.

6. Қорытынды ережелер

      24. Хат-хабар тиісті түрде ресімделген (хат-хабар бланкте ұсынылған немесе мөрмен бекітілген, басшы қол қойған және тіркеу нөмірі, күні болған кезде тиісті түрде ресімделген болып саналады), жеке өзіне тапсырылған, почта арқылы (хабарламасы бар тапсырыс хатпен) немесе қатысушы Тараптың мекенжайына курьерлік байланыспен жеткізілген кезде тиісті түрде берілген немесе жіберілген болып саналады.

      25. Осы Шарт талаптарының, оның ішінде осы Шарттың әрекет ету мерзімінің кез келген өзгертілуі, тоқтатылуы, егер осы Шартта өзгеше көзделмесе, Тараптардың уәкілетті өкілдерінің қолдары қойылған Тараптардың қосымша келісімімен ресімделеді.

      26. Осы Шарт бойынша туындайтын барлық наразылықтар Қазақстан Республикасының заңнамасына және осы Шартқа сәйкес қойылуға тиіс. Бұл ретте Тараптар дауларды, наразылықтарды міндетті түрде сотқа дейінгі тәртіппен шешу туралы уағдаласты. Қазақстан Республикасының заңнамасы барлық жағдайларда қолданылатын заңнама болып табылады.

      27. Осы Шарт барлық Тараптардың уәкілетті өкілдері қол қойған күннен бастап күшіне енеді және Тараптар барлық міндеттемелерді толық орындағанға дейін қолданыста болады.

      28. Осы Шартта реттелмеген мәселелер Қазақстан Республикасының заңнамасымен реттеледі.

      29. Осы Шарт заңдық күші бірдей мемлекеттік және орыс тілдерінде 6 (алты) данада, Тараптардың әрқайсысы үшін мемлекеттік және орыс тілдерінде бір-бірден екі данада жасалды. Осы Шарттың мемлекеттік және орыс тілдеріндегі мәтіндері арасында келіспеушіліктер туындаған жағдайда, Тараптар Шарттың орыс тіліндегі мәтінін басшылыққа алады.

      Осы Шартқа 1, 2, 3 және 4-қосымшалар оның ажырамас бөлігі болып табылады.

8. Тараптардың мекенжайлары, банктік деректемелері, қолтаңбалары

      Нысан

Субсидиялауға жататын қаржы институттатрының міндеттемелерді өтеу кестесі

       кестенің жалғасы

       кестенің жалғасы

      Жұмыс органы __________________________________________________

       (тегі, аты, әкесінің аты. (бар болған жағдайда) қолы)

      Мөр орны (бар болса)

      Қаржы агенті __________________________________________________

       (тегі, аты, әкесінің аты. (бар болған жағдайда) қолы)

      Мөр орны (бар болса)

      Оператор _________________________________________________

       (тегі, аты, әкесінің аты. (бар болған жағдайда қолы)

      Мөр орны (бар болса)

      Нысан

Сыйақы мөлшерлемелерін субсидиялауға қаражат аударуға арналған өтінім

      Күні: 20__ жылғы " " ___________

      ________________________Қаржы агенті ________________________________

      _____________________________________________________________________

      _____________________________________________________________________

      ______________________________________________ бюджеттік бағдарламасы

      шеңберінде________________________________ облысының (республикалық

      маңызы бар қаланың, астананың) Ауыл шаруашылығы басқармасынан 20___

      жылғы ____ __________ № _____ субсидиялауға арналған шартына сәйкес

      республикалық бюджеттен Қаржы агентінің

      №_________________________________________________шотына

      ___________________________кезеңі үшін _____________________теңге

      сомасында қаражат аударуды сұрайды.

      Қаржы агентінің

      басшысы ____________________________________________________________

       (тегі, аты, әкесінің аты (бар болған жағдайда) қолы)

      Мөр орны (бар болса)

      Нысан

Қорландыру қаражатын аудару есебі

      Қаржы агенті ________________________________________________________

       (тегі, аты, әкесінің аты (бар болған жағдайда) қолы)

      Мөр орны

      Нысан

Субсидиялардың нақты пайдаланылуы туралы есеп

      Қаржы агентінің басшысы _____________________________________________

       (тегі, аты, әкесінің аты (бар болған жағдайда) қолы)

      Мөр орны (бар болса)

      Нысан

20___жылғы ____ тоқсан үшін субсидиялардың нақты пайдаланылуы туралы есеп

      Қаржы институтының басшысы __________________________________________

       (тегі, аты, әкесінің аты (бар болған жағдайда) қолы)

      Мөр орны (бар болса)

      Нысан

      "Келісілген"

      __________ облысы, республикалық маңызы бар қала,

      және астана әкімінің орынбасары,

      _____________ (қолы, тегі, аты, әкесінің аты (бар болған

      жағдайда))

      20__ жылғы "___" ______________

20___жылғы ____ тоқсан үшін қарыз алушыларды
қаржылық сауықтыру бағдарламасын іске асыру туралы мәліметтер

      Мемлекеттік органның атауы

      _____________________________________________________________________

      Жоғары тұрған бюджеттен алынған қаражат сомасы

      _____________________________________________________________________

      Жергілікті бюджеттен қаражат

      _____________________________________________________________________

      (бюджеттік бағдарламаның атауы) бюджеттік бағдарламаның (кіші бағдарламаның) коды

      кестенің жалғасы

      Жұмыс органы ___________________________________________________

       (тегі, аты, әкесінің аты (бар болған жағдайда) қолы)

      Мөр орны (бар болса)

Қазақстан Республикасы Ауыл шаруашылығы министрінің күші
жойылған бұйрықтарының тізбесі

      1. "Агро өнеркәсіптік кешен субъектілерін қаржылық сауықтыру жөніндегі бағыт шеңберінде кредиттік және лизингтік міндеттемелер бойынша пайыздық мөлшерлемені субсидиялау қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 9 сәуірдегі № 9-1/320 бұйрығы (Нормативтік құқықтық актілерді мемлекеттік тіркеу тізілімінде № 10763 болып тіркелген, "Әділет" ақпараттық-құқықтық жүйесінде 2015 жылғы 8 мамырда жарияланған).

      2. "Агро өнеркәсіптік кешен субъектілерін қаржылық сауықтыру жөніндегі бағыт шеңберінде кредиттік және лизингтік міндеттемелер бойынша пайыздық мөлшерлемені субсидиялау қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 9 сәуірдегі № 9-1/320 бұйрығына өзгерістер мен толықтыру енгізу туралы" Қазақстан Республикасы Ауыл шаруашылығы министрінің 2015 жылғы 24 тамыздағы № 9-1/760 бұйрығы (Нормативтік құқықтық актілерді мемлекеттік тіркеу тізілімінде № 12301 болып тіркелген, "Әділет" ақпараттық-құқықтық жүйесінде 2015 жылғы 24 қарашада жарияланған).

      3. "Агроөнеркәсіптік кешен субъектілерін қаржылық сауықтыру жөніндегі бағыт шеңберінде кредиттік және лизингтік міндеттемелер бойынша пайыздық мөлшерлемені субсидиялау қағидаларын бекіту туралы" Қазақстан Республикасы Ауыл шаруашылығы министрінің 2015 жылғы 9 сәуірдегі № 9-1/320 бұйрығына өзгерістер енгізу туралы" Қазақстан Республикасы Ауыл шаруашылығы министрінің 2015 жылғы 18 желтоқсандағы № 9-1/1099 бұйрығы (Нормативтік құқықтық актілерді мемлекеттік тіркеу тізілімінде № 12451 болып тіркелген, "Әділет" ақпараттық-құқықтық жүйесінде 2015 жылғы 22 желтоқсанда жарияланған).